الشاعرة المله ام علي الإماره
31 October 2026 15:11
خادمات الحسين أسألكم الدعاء لي بالشفاء 🤲🏻
Читать полностью…
الشاعرة المله ام علي الإماره
31 October 2026 08:20
• والـقـلـب المـتـعـب يستنـجـد بـالزهــراء«؏ـليها السلام» ..
"إذا إشتدت بَڪم المِحن ، تَوسلوا بِفاطمة الزهراء "؏ليها السلام" فتضـ؏ الزهراء في القلب ورداً مڪان ڪل جَرح فيبرأ و يَضمد.
" يـاوجـيـهـة عـنـد الـلـه"
Читать полностью…
الشاعرة المله ام علي الإماره
30 October 2026 08:45
سيدي برغم ذنوبي و تقصيري اريد البقاء
في خدمتك ..
اريد السير في طريقك .. اريد الموت بقربك
دلني ڪيف السبيل ! 💔
ياحسين 😭
Читать полностью…
الشاعرة المله ام علي الإماره
29 October 2026 20:19
الى اين يا وطني ؟؟؟!!!!💔
Читать полностью…
الشاعرة المله ام علي الإماره
29 October 2026 12:37
قصيدة بين السيدة زينب والزهراء ع
لها عدة اطوار كتبتُها للمله ام مرتضى التميمي لمجلسهم الخاص في حسينية العقيلة زينب بالبصرة
{ مستهل القصيدة }
يازينب يازينب .. هذا اخر يوم وياچ يازينب
يازينب يازينب .. يمه انطيني يمناچ يازينب
•───✧◐◐◐✧───•
كعدت زينب يمها وضلت تحچي وياها
لزمت چفها ونحبت والمدمع غطاها
يايمه الدنيه اخلافچ لا ما نهواها
كعداتي اوياچ مااكدر يمه اتخطاها
لاترحين .. لاترحين .. غيابچ عالبزر يصعب لاترحين
•───✧◐◐◐✧───•
ترد اعليها الزهره وتكلها سمعيني
عندي وياچ اوصيه وحفظيها ياعيني
من بعدي تشوفين الهم يايمه ذكريني
وكعداتچ كلها تروح يازينب عن عيني
يايمه .. يايمه .. راح تشوفين الأغرب يايمه
•───✧◐◐◐✧───•
راح تشوفين بالطف كلشي الماشايفته
وراح ايمر بيچ موقف يبنيتي انه اطلبته
تشمين حسين بصدره وتحبي بركبته
ادري الموقف ياذيچ الأخ ايودع اخته
نفذيها .. نفذيها .. وصيه وامرچ يتطلب نفذيها
•───✧◐◐◐✧───•
حسين يطيح بكاعة وادوس اعليه خيل
مهره يردلچ خالي فازعلچ بالويل
تهجم خيل اعليكم وتصيحون الويل
تحتارين أبأمرچ ومايبقالچ حيل
والخيمه .. والخيمه .. بيها النيران تلهب والخيمه
•───✧◐◐◐✧───•
وحيدچ راح اتضلين اومايمچ والي
مطشر بالحومه تشوفينه احسينچ غالي
وخنصر من ايده الضايع يمرد دلالي
وانتي بذيچ الساعه دمعچ من دم هالي
يبنيتي .. يبنيتي ..محد مثلچ يتعذب يبنيتي
•───✧◐◐◐✧───•
وهاي اعباتي اخذيها للطف يمه اوياچ
هناك يحركون الخيمه وهاي تصير اغطاچ
اوداعچ كاسر كلبي يريد يضل احذاچ
يبنيتي بالعاشر ادعي الله اليرعاچ
محروسه .. محروسه .. يازينب من الرب محروسه
•───✧◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
/channel/um_ali313
Читать полностью…
الشاعرة المله ام علي الإماره
29 October 2026 07:28
⚫ أُمّنا ماتت من شدة الضرب!..
• قال: ضَربها عَلى رَأسِها أوَ ذِراعِها أوَ كِتفها، أوَ عُضدها وَبقي أثرُ السَّوط في عُضدها مِثل الدُملج، و لَكَزها بِنعل السَّيف، وَأنّ الضَرب الصادر مِنه كان السَبَب في إسقاط جَنينها أوَ كان اقوى سَبب في ذلكَ..💔
📚 الهجوم على بيت السيدة فاطمة «ع»/ص123.
Читать полностью…
الشاعرة المله ام علي الإماره
28 October 2026 13:07
قصيدة لفاتحة للزهراء
حال أهل المجالس لفاطمة
من ديوان #مواجع_الزهراء_جزء_الثاني
{ مستهل القصيدة }
اليوم فراش فاتحتج يلمونـه
يالمالچ كبــر حتـه يزورونــه
•───✧◐◐◐✧───•
فاتحتچ كضت يابنت الهيابه
يلمالـچ كبـر ونـروح لـعتـابـه
عليچ نهل دموع العين سچابه
وابنچ يالزچيه حالته اشلونــه
•───✧◐◐◐✧───•
يعلويه عليچ الروح تعبانــه
بعد للدار ماترجع السلطانـه
وزينب يالزچيه تنوح حيرانـه
حسين اعليچ يلزهره عمه عيونه
•───✧◐◐◐✧───•
نلم فراش فاتحتچ بالدمــوع
وثالث يوم نعلك لجلچ شموع
وتبچي عليچ ظلت هاي الجموع
وبيتچ يم حسن بعدچ يسدونه
•───✧◐◐◐✧───•
ثالث يوم صـار وما الچ جيـه
وتبچي عليچ ظلت هاي البنيه
تون وتريد كعداتچ العصريـه
تنوح اعليچ بنتچ ها يمحزونـه
•───✧◐◐◐✧───•
خلصنه العزه والفاتحه خلصت
والزهره بعـد للدار مارجعت
وزينب من حزنها ونوحها تعبت
تكول امي العزيزه شلون مدفونه
•───✧◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
/channel/um_ali313
Читать полностью…
الشاعرة المله ام علي الإماره
27 October 2026 13:39
انا لله وانا اليه راجعون
كل نفس ذائقة الموت
انتقل الى رحمة الله السيد فائز الياسري صاحب الكلمة الطيبة والكرم الطيب اعزي اخواتي بفقده والد ازواجهن وجد اولادهن
اللهم ينطيهم الصبر على فقده
رحم الله من قرأ سورة الفاتحة على روحه وارواح امواتكم جميعا مسبوقة بالصلاة على محمد وال محمد
اختكم الشاعرة ام علي الإماره
Читать полностью…
الشاعرة المله ام علي الإماره
27 October 2026 10:25
توسلوا بها حين تُثقل الحياة على ڪتفڪم،
وإن مالت روحڪُم وإعوجّت قل :
"إلهيَِّ بفَاطِمَة" حتماً تستقيم🤲🏻
Читать полностью…
الشاعرة المله ام علي الإماره
27 October 2026 06:48
رسالة الى النساء الفاطميات
لا تجعلن نشر صوركنّ على مواقع التواصل الاجتماعي أمراً عادياً(لا واضحة ولا مغبّشة) لا بالنقاب ولا بغيره كُنَّ حريصاتٍ على خيالكنّ حتى في العالم الافتراضي وصُنَّ ملامحكنّ عن كثرة الظهور.
ابتعدن عن التعليق على حسابات الرجال بلا حاجة ولا تستسهلن الحديث معهم فالرجل ليس بحاجة إلى تعليقكنّ ولا إلى إطرائه بعبارات مثل (بوركت ووُفّقت) ولا إلى عبارات العزاء والمواساة منكنّ لا تتجاوزن حدود الإستثناء (وما أندر الإستثناء) واكتفين باللايك إن كان لا بدّ منه فهو أضعف الإيمان.
تجنّبن الهزل والسخف والترف والبذخ اللفظي وكلّ ما يُضعف وقاركنّ ويُذهب عنكنّ سمت العفاف فليس كلُّ تفاعل بريئاً في أثره.
لا تجعلْن اعتياد النّاس على هذه الأمور سبباً في استسهالها أقول هذا للمؤمنات المواسيات لسيّدة نساء العالمين أمّنا الزّهراء (عليها السّلام) ولي قبل أن يكون لكنّ فإنّنا أحوجُ ما نكون إلى مراجعة أنفسنا ومحاسبتها واستعادة ما سلبته منّا كثرةُ الظهور واعتيادُ ما لا يليق بمقام المؤمنة.
Читать полностью…
الشاعرة المله ام علي الإماره
26 October 2026 09:49
قصيدة جنوبية للزهرااء ع
من ديوان #مواجع_الزهراء_الجزء_الأول
القصيدة التي قطعت نياط قلبي عندما كتبتها وعندما قرأتها بمآتم الزهراء 💔
بحيث اجتني رسائل كثيرة عليها من الخادمات يقولون لي بماذا احسستي عند كتابة القصيدة
{ بدايتها نعي }
دفع باب الزچيه وحيل اذاها
وكال اخذ الثار من النبي طاها
عصرها وطاحت الزهره اعله مكفاها
{ مستهل القصيدة }
شال ايده - عله الزهره وسطرها
وحمره العين صارت من اثرهــا
•───✧◐◐✧───•
شال ايده وتعدت من وره الباب
بعين الزاچيـه صايــر يـالصواب
ماصاحت علي ولا صاحت اجناب
{{ صاحت يافضه - لحكيني }}
•───✧◐◐✧───•
لحكينـي تكلها واعتني ليه
يافضه نبت بسمارهم بيه
اعوج صاير وحيل اثر عليه
{{ ياكون بساع - تطلعينه }}
•───✧◐◐✧───•
براضه طلعي البسمار من ضلعي
ياذينـي مـچانـه وماسكن روعي
كوه اخذ نفس حيل اعصر بدمعي
{{ كلما اجر نفسي - ياذيني }}
•───✧◐◐✧───•
فضه بساع اجتها وساعدتها
شالتها وعله الحجره خذتها
على افراش المنيه وسدتها
{{ توصي بفضه - تحاچيها }}
•───✧◐◐✧───•
وصتها على زينب والأولاد
تكـلها مـابقالي حيل ينعاد
ماظل بالعمر شي حته ينراد
{{ الموت اريحلي - من اللوعه }}
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
/channel/um_ali313
Читать полностью…
الشاعرة المله ام علي الإماره
26 October 2026 05:26
المطالبة بفدك
طالبت الصديقة الزهراء (ع) بفدك، لكن لماذا؟
هل كانت المطالبة من باب الحرص على الدنيا وزينتها؟
لا يمكن أن يكون هذا هو السبب، لأنها حوراء إنسية معصومة، تخدمها الملائكة، وبعلها أمير المؤمنين (ع) غني عن التعريف، يقول: «بلى كانت في أيدينا فدك من كل ما أظلته السماء، فشحت عليها نفوس قوم وسخت عنها نفوس آخرين، ونعم الحكم الله، وما أصنع بفدك وغير فدك والنفس مظانها في غد جدث، تنقطع في ظلمته آثارها وتغيب أخبارها».
فهم أهل الزهد ومَن يعلمون الناس الزهد في الدنيا الفانية.
نعم، هناك هدف أكثر أهمية وأكثر عمقاً، وهو كشف زيف الحكومة الجديدة التي يفترض ـ باعتبارها خلافة النبوة ـ أن تتّسم بالعدل ولا تسمح لأحد بالتعدّي على حقوق الرعية، وإذا برجالها يتعدّون على تلك الحقوق، بل قاموا بتزوير حديث ونسبته إلى النبي (ص) من أجل الحصول على شرعيّة في ذلك التعدّي.
/channel/alqazi_altabatabaei
Читать полностью…
الشاعرة المله ام علي الإماره
25 October 2026 16:05
إلى أين وصلنا؟!
- مسيرة شور للنساء!
- مسيرة نسائية بين الرجال إحياء لمصيبة السيدة الزهراء!
- مسيرة نسائية يشرف عليها الرجال ويقفون بينهن!
ولذا قلنا إن قضية
👈🏻الـنسوية_مغلفة_بالدين قضية خطيرة ولها آثار وخيمة يمكن أن تعصف بفكر بناتنا المتدينات! بل عصفت به فعلا في غير واحد من المجالات، كما أوضحناه في تلك المنشورات تحت العنوان المذكور!
لابد أن يكون للمؤمنين والمؤمنات خصوصاً الشباب منهم دور في توضيح هذه الجوانب المهمة لأنها بدأت تغيب تماماً عن أذهان النساء فصار بعضهن تستعرض نفسها لإحياء ذكرى سيدة العفاف!
«أمن العدل يا ابن الطلقاء، تخديرك حرائرك وإماءك، وسوقك بنات رسول الله سبايا، قد هتكت ستورهن، وأبديت وجوههن، تحدو بهن الأعداء من بلد إلى بلد، ويستشرفهن أهل المناهل والمعاقل، ويتصفح وجوههن القريب والبعيد، والدني والشريف».
✍🏻الشيخ مرتجي الدجيلي
Читать полностью…
الشاعرة المله ام علي الإماره
25 October 2026 11:04
ماهو تكليفنا في الليالي الفاطمية
Читать полностью…
الشاعرة المله ام علي الإماره
25 October 2026 09:04
المسيرة الفاطميّة
حشود المؤمنين تحيي ذكرى شهادة مولاتنا فاطمة الزهراء عليها السلام في محافظة النجف الاشرف
Читать полностью…
16182