733
الشاعر ابو حيدر الصبيحاوي.
ياطف اشهد طاحت ساده
****
طاحت هاي كـل ناس النشامه
بطف حسين ضلت بس يتامه
وزينب شافت الوعــه وملامه
نار البيها ليهسه توج
****
عــملة كـربلاء عليــهم ثچـيله
جنين من العطش بيـدو حيله
الرضيع بـيا ذنب نحـره يميله
طاح گماطه يحسين الحگ
****
وطب للحومـه جسام الشفيه
عده من الحسن شايل وصيه
وبچت لمصابه كلها الغاضريه
عزب روحه ديوان الطف
****
شسولف الاكـبر الــقدم حياته
شبيه المصطفى جده بصفاته
وعليه يــانــاس دارت نايباته
هذه الهيبه ماخذهم كف
****
ال البيــت كلــها دمــها سـايل
الوكت بيهم يوادم حيل مايل
الكلف وزين ياهل ناس شايل
خلو بينه اهات شگد
****
الگمر عباس طايح بل شريعه
يمه چفوفه ابـوفاضل گطيعه
وعليه تنوح مهظومه الوديعه
طاحت رايه عباس اگعد
****
طاح حسين وحده بين ظلام
ومــن عد الشمر مولانه ينلام
وحسين بمنيته مــحزم حزام
حرگو خيمه والطف دخن
****
ابوحيدر الصبيحاوي
ونيني اعليك يــامولاي ياذيني
وحلف مــاتضل دمـعاتي بعيني
*****
النهار اظــلم علــيه وبيه حسره
وگلبي مــاطفه يــانــاس جمره
الــعايفــكم بعــد شيـفيد عـمره
بس ذكراك ظلت هم تواسيني
****
تعال امسح دمعتي وگلي ردينه
وبطل لــوعــت الــدلال وونيـنه
خلافك فــاهيه ظلت مـحاچينه
وبس الشوغه والحسره تباريني
****
احـسب بلــوكت بلــكت يــردون
خاف من البواچي اعمي العيون
بگلبي چــم جــرح يلچم يخلون
وتمنــيت المــشه منـي يلاگيني
****
مــن يوم الرحت دمـعاتي هماله
مــثل الطاح بــي راكـت الخياله
نعجن مــن روكهن يـاناس دلاله
حال الموت بينك يلولي وبيني
****
يماي اعيونه وكــل ون السنين
وبعــد عيناك طبينه الــدواوين
كلنه بحرگـه أه نصيح يحسين
وشدو يــلولــي بحـبال چفيني
****
كلـنه نصـيح بــاسمك رد يوالي
شلــون بحــالهــا الفـارگها غالي
وتظـل بعيونهــا الــدمعـه تلالي
اصيح عليك فدوه وياك خليني
****
ابوحيدر الصبيحاوي
انــي الدوهناني البين وهسه رحت مسبيه
ويــاي اليتامــه اهــواي وانـودن بيه مابيه
*
العلويــات بــيه تــلوذ وعــثرت بيه علويه
اباوع غورگن العيون مـن جبت انه طاريه
يعت بيــه الــوكت ادريه هذه الوكت تاليه
واني بت علي الكرار چنت بـزوده محميه
****
ابالي عاشن حچايات وظلن بس محاچيه
اغمض عيني والــگاء ضـوه تلـمس معانيه
غمض عينه ابوالسجاد ونايـم فـوگ ذاريه
جثه اصبح عزيز الروح فوگ الظيم عاريه
****
وعلئ التله انــاديــله وشفته جثه مچفيه
طلعت ياخلگ روحي وبـادت چنها رجليه
حيلي راح من عندي وجسمي ناحل شبيه
ضلت بس بگايه الروح ومن انفاسي شويه
****
وتعنه الوكت لحسين الوكت حضر بلاويه
گدامي الذبح يانـاس ودمــه فاض جاريه
الدنيه بهل عمل ضلت دوم الـدهر محنيه
من گد ماتصب ادموع دنيه اصبحة معميه
****
دهري والزمان ينوح وگمت اسمع بناعيه
يجرحني القدر ادريه وگولن هيه مگضيه
وشافوني اجر بلروح وگالو هيه مـو هيه
گمت اسمع زماني ينوح وسمع هم بواچيه
****
روحي معلعله ياناس بين اظلوعي مرميه
وهسه ابين گوم اجنـاب مـحد ينشد عليه
زينب اني ياوادم وهـسه اصبحت منسيه
شد ارحاله ابوالسجاد رايــح صوب باريه
****
ابوحيدر الصبيحاوي
الاكبر من اجه حير الخياله
*****
عوج بيهم السيف بطگة ايمينه
وخله الجيش كله تعرگ جبينه
تجدح بلشرار من الغضب عينه
على روس الاعادي تبختر بكيفه
****
دار الحومه بيده وطشر الضده
الاكبر هــذ يشبه بلـوصف جده
ولــو صاعد المهره ياهو اليرده
الــدنـيه دار بيده وعدل الميله
****
نــار البي تسعر تحــرگ الحومه
كسر ظهر اليضده ومحد يلومه
خله ارجالهم مــن صال مثلومه
شبل حسين هذه تارس البيده
****
هـز الطف يمينه تصورو محشر
طاحو من غضب وبصارمه اشر
جيش اعداء كله بصولته اطشر
هذه ابن الزچيه بانت افعاله
****
حط بيهم وجــع مــن زود بتاره
شبيه المصطفى هلذاعة اسراره
وخــله الگابلوه جيوش محتاره
من طب وئجاهم ضاعو بئيده
****
طب وخــاطهم چنـه الگمر عمه
گلبه مــن غضــب يتشايط بهمه
على عــمه نعرفــه مـحترگ دمه
شهم والغيره بيده كل يهابونه
****
ابوحيدر الصبيحاوي
كلها تريد منه الماي صاحن كافلي وينه
****
گالن يـــابعــد ئيده الگمر ياوادم نريده
شاط وينبض وريده جدحت للوفه عينه
كلها تريد منه الماي صاحن كافلي وينه
****
الماي تصيح يلعباس تولونه يغالي الناس
ظاگة ياولينه انفاس تنادي عليه ميادينه
كلها تريد منه الماي صاحن كافلي وينه
****
تعال واعدل الميله هـد المشرعه اليله
لبس اعدانه الشيله وندم مــن يعادينه
كلها تريد منه الماي صاحن كافلي وينه
****
يلعباس گوم الهم موت وظيم چملهم
وللبرزخ دحـولهم جيب وياك شاطينه
كلها تريد منه الماي صاحن كافلي وينه
****
هز السيف وتبختر خلي الجيش يتحير
ناعور ويظل يفتر من يشوف حادينه
كلها تريد منه الماي صاحن كافلي وينه
****
جيب الماي ياهيبه يلعاگـب علي طيبه
كض العلمي وجيبه عطاشه كلنه تدرينه
كلها تريد منه الماي صاحن كافلي وينه
****
ابوحيدر
الصبيحاوي
عباس المي كفه وجابه
كـل العسكر لا مــيهابــه
****
طب وبريد جـنود الشريعه
لمـن حشمت بــــي الوديعه
امرچ گاك ياخويه واطيعه
يارب الطف طب الحادي
****
طب وجالهم كـافــل خواته
حط بلعلگمي روس الشماته
الوسعه ظاگة وحارو عداته
جال الحومه اوباد الشر
****
حط بچفوفه الموت وتعنه
وكل اعداء حسراتـه چونه
خله الجيش بــــدم يتحنه
مالت بيهم الطف كلها
****
خيال المنيه صـايح بصوت
شريعه والنهر سواها تابوت
وفگره الگابله يتلـگه الموت
تايه رايه كلمن يگرب
****
يحادي ضعون اولاد الزچيه
عمي تصيح عطشانــه رقيه
ساگي الماي رادت مـنه ميه
جابه بجوده الشط كله
****
سبع ومخيف صطاره بيمينه
طــب بصــولتــه يشبه علينه
گمر وموصه ومحشمه ولينه
گال افنيها عباس احتر
****
ابوحيدر الصبيحاوي
بحسين كلنه نصيح وفايه
ليليه بــاسمه نعلگ الـرايه
****
صيحو يشيعه رددو نطيعه
كلــنه الــك يحسين ودايــه
كــل عام احنه وياك مولانه
ننصب عـزاك ودمعه جرايه
****
مــاعدنــه غيره بهاي دنيانه
وحسين النــه يــاخــلگ ايه
صبت عيونـي عليك تدريها
تحزمة عيني هاي وي هايه
****
غلطان كلـمن عـايف ادروبه
والـعاف نهــجه تحير ابرايه
مــاعفنه دربـك والنهح هذه
بحبك صفينه حسين جنايه
****
طاريك بينه ثـابت انشوفه
دگينه باسمك سيدي الثايه
ثـوبنه دمــع العين تــدرينه
النضر لجلك يرخص ومايه
****
نـاحت اعليك الگـاع والينه
وسمه مطرت دمـعه چوايه
ننصب عزاك ويبدي ناعينه
وللباري كلنه انــوح شچايه
****
مايهده گلبي ولوعت البينه
مــن نذكر الطف كله رمايه
كــربلـه عليك ادور مبهوته
والگاع منك صارت ادمايه
****
ابوحيدر الصبيحاوي
عــباس عــباس ســبع الگنطره
معروف معروف يوم الزمجره
*****
مهيوب ابن حامي الحمه
شــلال ســـوه مـــن دمـه
لــــو دخــــن تغـيم السمه
عباس دومه عالي
هـذه عباس يهل ناس عــزيز وغالي
رفعة الراس ينوماس عضيد الوالي
كله احساس مـينقاس شــهم ميبالي
عباس عباس كله مفخره
*****
لـــــو جال بـيهم مايرد
چـن جيش مـاچنه فرد
ليهم اجــه ساگي الورد
خله الدمه يجاره
بيهــم يـــجول بلــفلــــول بخــت بـتاره
بسيفه الحلول اجه يگول حچه اسراره
بيــده يــنول عرض طول يـــهز فقــاره
عباس عباس شلال وجره
*****
جرفين جاب مــن النهر
گمره حياتــه بــس سهر
بچفوفه حط ثايه الگمر
الاگوه كل ودايه
زوده مشــهود والزنود تدگ الثايه
صاحب الجود يموعود تحزم رايه
راسم احـدود على جنود تخير مايه
عباس عباس درب الاخره
*****
مـن صال حلــوه اعلومه
وچــنه علي بنص حومه
عـداء بــي كــل ملچومه
هذه الگمر يدرونه
زلزل الــگاع حلو اطباع جدح بعيونه
حامي ذراع خـــبر ذاع چثيره افنونه
بيده الشراع بخت طاع وفـــه يلگونه
عباس عباس وگفهم سره
*****
طب شايل الرايــه الكلف
بصولاتــه بيهم ظـل يلف
لو غضب ماضن ينوصف
چن حيدر بصولاته
ليـــل ونهـار گمر نــــار تشب خطواته
الگابله حتار تره اختار تـــرك صولاته
صارو حجار هل اشرار بصده چلماته
عباس عباس درت حيدره
*****
ابوحيدر الصبيحاوي
كون بكل خميس مگابل الحضره
گلبي بــفرگتك يحسين شيصبره
*****
شيصبره الـگلب لــو يبتــعد عنك
وانه الماهيد ساعه لو رحت منك
الدنيه فتحت مـن فتحت جفنك
وكلنه نصيح منــك نئمل النظره
*****
نضره نــريــد منك ونتـه مـولانه
يــل عايش اسنين اسنيـن ويانه
الكل مخلص احسك انته عنوانه
وبگلب اليحبك فــرگتــك جمره
*****
جمره بگلب كلـمن حـبك ويهواك
على طول العمر صدگنه ماننساك
وهنياله الگضاها اسنينه ابطرواك
حتى الحچي بيكم يختلف عطره
*****
عــطر البيــك ابــد مــاينـشبع منه
اليستورح هواء چن ريحت الجنه
علــيه ابـــلا شــعور حسين يــدنه
ندري حسين گلب الحبه ميكسره
*****
كل نبضاتي احسن دگن احروفك
اول عاشگ الحــبك گبــل شوفك
اموتن الـف موتــه وابد ماعوفك
عشت انه بظلام وشفتك الگمره
*****
يگمره بليل هندس واليالي هواي
صحره الروح ضلت دوريتك ماي
عشت بسدك اني وانته ليه افياي
روحي الحضرتك مـولاي متوزره
*****
متوزرين كلنه وكلــنه الــك خدام
گمنه نريد شوفك حتى بل احلام
بس حبك صدگ والباقي كله اوهام
هــواك النــهر كلــه الاخــر الگطره
*****
ابوحيدر الصبيحاوي
ياليلة العاشر ليلة حسين
بيها الموت بين جايب البين
****
عليه التمت اصحاب الظلاله
ومنهم مــاسلم حتى خيالــه
زمانـه شبيه ياناس وشجاله
وبطيحت ولينه مـحد يعين
****
دارت دورت الــدنيه عليـهم
وحافر خيلهم جـال ابوليهم
نولو ياناس وشطايح بديهم
عليهم هدت انصار الشياطين
****
فــوگ التــله زينــبنه الحنينه
صــدت رگبــته نـحرو ولـينه
صاحت صوت ونبره حـزينه
شال اليله المسكت الدواوين
****
تــروش اعليه يـاوادم عداته
خافو ينهـض بنـص نــايـباته
حسين الطـاح ودعـها حياته
وعليه ملتمه عباد الصلاطين
****
تگنطر بيـنهم وتخـيل المـوت
صاحو بلخيم حرگوهن بصوت
كل الطف الك يحسين تابوت
وتلطم للولي كـــــل الموالين
****
العاشر يوم بي تشيب الزغار
حــط بگلوبــنه يــاوادم النار
هايه كربله شگد تحمل اسرار
صارت للارض روح وشراين
****
ابوحيدر
الصبيحاوي
حادي الضعن جاب الضعن تدرونه
هــذه الــگـمر لالــــه النــهر بعيونه
راعي الشريعه راعي الشريعه
****
يمشن بــزود المرتضئ ولــن الگمـر حاميهن
وحسين ويــاهن مشه بـكــل الفخــر واليهن
بعيون عباس اصبحن بيده الــوفي مخليهن
هـودج ذراري فـاطمه ويحوم ظـــل اعليهن
يحــوم الشهم بيهم يــلم احبـابه
بهــذه الـوكت دار الوكت دولابه
يصد الوديعه راعي الشريعه
****
بعيونه نضرات الصگر صاحب كرامه وهيبه
ودلالــه ابلون الثلچ وابيض تره مـن الشيبه
حاديهم مكلفه الولي ولــوگله مــوت يجيبه
معروف سبع الگنطره بچفوفـه شمرت نيبه
يـومه كلف واحــد بلف حادينه
شمرت علي چــنه الولي والينه
يزهي ربيعه راعي الشريعه
****
مايگرب الضعنه الهوه خاف الكفيل يخنگه
لونسمه من عده ازلفت اتموت هيه بشهگه
مفطوم بلغيره الگمر والغـيره بــي متعلگه
واليگرب الضعن الحرم بلنار هــوه يحرگه
شايل وفــه چـن عاصفه بكتاره
جمره بعثگ يحرگ حرگ ابناره
روحه مطيعه راعي الشريعه
****
يتحده كلشي بهيبته بيـده الضعن والرايه
عبـاس مــن الله نــزل قــرءان يحــمل ايه
بچفوفه تئويــل وبخت وللغيره دگ الثايه
والضعن كلــه برايته وصايـر الناسه مرايه
يطوي الارض طول بعرض بفعاله
لــمن يـــهد مـــاي الـــورد شــلالـه
بلون الطبيعه راعي الشريعه
****
كفال راعي الموزمــه كــافــل ضعن مولانه
بي الشهامه موصفه شحده الوصل ميدانه
منــه المنــيه محيره موت وغضب عنوانه
يعزب بــروس العــده بسيف الكرم ديوانه
بهودج هله الطف كربله يباريهم
هــوه الامل صار البطل حاديهم
سمعو يشيعه راعي الشريعه
****
ابوحيدر
الصبيحاوي
وصيه وعني اكتبوها وللخــدام ودوهـا
كــون اليخدم حسين اخلاقه يدرسوها
****
لاتغــتر يـبعـد اهــــلي وعوف المغريات وياك
بــر امــك وابـوك بطيب وذكــر طـيبت الرباك
وزرع بيــن كــل النــاس حب وابغض العاداك
وسامـح لــو زعلت بيوم وفـتح للخلگ يمناك
كــونــك تظل للدوم خـادم وهيبه
وبين الطوايف هاي ينعرف طيبه
وصير امرايه للوادم وتواضع يهل خادم
والعنك حچه نــادم يلخدام گولوها
*****
لاتترك صلاتك يـوم حسين بنص حرب صله
وعامل جارك بكل ود وقدره اعله النجم عله
صير القدوه يلخادم بشـخصك كلشي يتجله
ولتغرك حچايه الناس ومــو كل مله هم مله
عــوف الغــرور البيك بالك يغالي
اسمعها الحچايات بس الله عالي
هنياله اليوزع ماي ودمعاته تصب بهداي
ومسجل تره وداي يم حسين يدروها
*****
لتصد كامرات وناس وعيــش الطف معاناته
عيش احساس ابوالسجاد مـن طشن ابنياته
وتصيد كلام الزين وشعر تــوجــع احچاياته
الخادم بل اصل صلطان بيضه وترف راياته
حــط رايــة العباس وشتم هواها
وبچي بچي الحيران من فارگاها
حسين يعين الخدام يتخير المـعه بجام
مايختاره بل ارحام بلذر ويسجلوها
*****
عوف الانتماء البيك يخصك هذه ميخصني
اريدك تصفه يم حسين وتگلي صفه حصني
وكــون الشافك يگلك مريض ورايد تكضني
احشمك يصرت خادم صب دمعاتك بحضني
خل ناسك يعرفون شعدك اماني
الخدمه الها شروط حب وتفاني
اسمع موعضه تفيدك ربي يحفض وليدك
الله يــاخـذ ابئيدك وبلخدمه يعلوها
*****
الغايب خل يظل ويـاك وبالك تلچم جروحه
ولتــكثر مــصاب البيه خـاف يــكثر بنــوحه
بروحك عايش وتدريه ونـتـه عايش بروحه
ادعيله بثنايه حسين يظهر حامـل اطروحه
المهدي يعرف زيــن كل النوايه
ويسجل من الناس البي هدايه
ظل بخدمتك لحسين حتى لو اجاك البين
بموتك تكحل العين والروحك يباروها
*****
ابوحيدر الصبيحاوي
بلخرابه بنص غرب ماكو ابوهن
هناك علويات گعدن من سبوهن
يونن بصوت الخفي الشمس ماضن تنطفي
بلخرابه بلخرابه
****
مـن گعدن بــذاك الوكت ابحرگه عمه صاحن
وزينب تـصد بيهن گلــب بنـيات يمها طاحن
تگول عمـه بهيده بــس بلشوغه كلـهن ناحن
الچان يمـنه هــل رحــل ورواح اهـلنه راحن
مجبور عايفنه الولي بظــلم بلــوه مبتلي
روس اهالينه على الهزل خذوهن
بلخرابه بلخرابه
****
صاير سگفهن من شمس والفي بعد ماشافن
لا ابـــو يمــهن لا اخــو بكربله احيود العافن
يــم نعش الحسين الولي بلدمــع هنه طافن
حگهن لون جـــار الوكت بنيات هــم يخافن
مسبيه وي مسبيه صــاحـن يعـمه شبيه
صرنه يتامه بنص غرب ضلموهن
بلخرابه بلخرابه
****
الشام لچمــه بكــل گلب بنيات شـافن لوعه
الوكت بـس ويانه ظل مختلف حتى بنوعه
دنيانه عل صار وجره كلهه صفت مفجوعه
والقدر صد النه ونعه وصبت علينه دموعه
حطو ملح بجروحي توجعني گامت روحي
مدلله رواح وهسه هم ئذوهن
بلخرابه بلخرابه
****
كل وحده متحزمه بصبر وبيها اليالي عالت
الدنيه مدري ليش احس ويـه العزيزه مالت
العده وي اهـل الوفه حطت الروس وشالت
ودموع بينه من الحزن يادنيه سكته سالت
عشنه بخرابه نلچم واحدنه بگليبه ثلـم
ولو يبچن بجور الظلم اجوهن
بلخرابه بلخرابه
****
من بعد عزهن ياخلگ شافن حزن والحسره
وماظل بعد بيهن بچي ولاعين تحمل گطره
ذيچه اثر صوط بمتن والاخره بلخد صطره
الدنيه ظلمه چـن صفت مايوم عدهن گمره
تاذيهن عيون الناس مخنوگه بيهن انفاس
كل ساع يزجرهن بغي يشتموهن
بلخرابه بلخرابه
****
ابوحيدر
الصبيحاوي
حسين احبك من زمان وبيك احسن بل امان
انه من غيرك اضيع شجره وتاني الربيع
من زمان من زمان
*****
عمري مــن دونك سراب دنيه ماتسوه احس
تغير بعيني المدار مــن طفـت عــين الشمس
بروحي اسمع ياحسين براضه اسمعها بهمس
وگمت اشـوفــنك ضــوه بــس ابــد ماتنلمس
انته وي روحي بقيت غيرك انــــي ماهويت
بحضرتك الگه الجنان وبيك احسن بل امان
من زمان من زمان
*******
مــن اشــم عطرك اهيــم روحي تفرفح تجيك
انته كل عمري وحياتي رهـن صارن بين اديك
مثــل مــاحــبك تحــبني وعلـمتني هــم عليك
انه من صوره هويتك شحال لو سامع حچيك
كل خميس بگلبي لهفه وگلبي حسيته يتحفه
بذكرك يسبح السان وبيك احسن بل امان
من زمان من زمان
*******
عــاشت ابـالي الملامح وگمت اشـوفنك ضوه
اني اموت بلاء وجودك شلون اعـوفك ياهوه
انتــه وصــفه الكــل فقــير وانـته للوادم دوه
گلــبي بــس حــبك يريده وحبك الگلبي حوه
ضامي كل عمري الك يــل عفــت لجـلي هلك
صرت كل معنى الحنان وبيك احسن بل امان
من زمان من زمان
******
كــل نفس بــي يــحن غــروب سوانــي الدهر
صــرت سعفه مــن هواك وعلمتني اعله السهر
مــن حنيني ادموعي تجري دمعي سوالك نهر
طـــفك اليهـــسه بـــيه وشــابــع اگلـيبي قــهر
كلشي بيه يحن تره وگلبي كــاسر خــاطره
بگلبي الك اكبر مچان وبيك احسن بل امان
من زمان من زمان
******
حطني تربه يـم ضــريحك كون ابوس الزارك
لــو على اعتابك اضلن وعمري اگضي ابدارك
ارضه لــــو تحسبني انـــته حتى لــو خطارك
الــباري شــايلك مــكانــه شگد عـظم اسرارك
انته بيك الحب حلال اصفه من ماي الزلال
يــــاصلاة وهــم اذان وبيك احسن بل امان
*****
ابوحيدر
الصبيحاوي
هاذ اخر اوداع اوياه
اليوم انودع المسموم
*********
عله الجواد تجري العين
ويتيم اخلافه صار الدين
بلسم حظروله البين
وظلت شيعتة تنعاه
******
اليلة الغالي منه يشيل
وعليه الدمع ظل يسيل
گابلنه وينوح اليل
عله اليسوه الونين اواه
******
عله تاسع گمر بلكون
اليوم ابجي وطيح اعيون
وعلي شماتي خل يحجون
تصب اعيوني ابطرواه
******
نسوي نايحه بكل دار
وتبچي ازغار تبچي اكبار
اونحط من الاطم اثار
عل ماينحمل فرگاه
*******
باب الله وتعرفه الناس
والجواد رفعت راس
اليوم انفارك النوماس
ويبقه ويانه ما ننساه
********
مصابه حسره بلدلال
وبينه ماتت الامال
يمنه يعوف كون اخيال
مانرهم تره ابلياه
*******
راح اوخله ناسه تنوح
وزادت بلدليل اجروح
راح اليسوه حته الروح
راح اومابعد الگاه
*******
ابو حيدر الصبيحاوي
مات الولي مات مات الولي مات
*
نيــران شــاعلــها بــدليــلي
مــسوي نهــاري چنــه ليلي
بيــومــك تــراهو بـاد حيلي
وروحي تون هـايه العفيفه
****
طــاحت نجــوم عـله الثنيه
ظلــيت اون وصـفگ بـديـه
الــدنيـه وقــدر دارو عــلـيه
والــولــي گــالــن مــا نعيفه
****
طــاح وتگنطر بيـن الفلول
وتحزمــة للـدوس الخيول
گامت عليه تصول وتجول
ومـــابطــل الغــالــي نـزيفه
****
ظلت الــديــر بــدون والي
وسوده اصبحت كل اليالي
الــيله رايـــح مـــنه غــالي
وگلبي علـيه زايــد رفيفه
****
يــمه السـمه صـبت دماها
والگاع نــاحت هـم وراها
والكون روحه مـــاحواها
والموت هــل بين خريفه
****
طايح تـــره بيـن الاعادي
وعليـه ظــل ينــز فـؤادي
لا اهــــل ظلنه ولا حـادي
والــراح مــامر بيه طيفه
****
مــات وترك روحي رهينه
وگلبي فــلاء بطــل ونينه
بهمومــه بــس الله يعينه
والروح طلعها على كيفه
****
ابوحيدر الصبيحاوي
بلطف لگيت شگد قصص وحچايات
شفــت العــزيــز حسين بين الشمات
بلطف لگيت بلطف لگيت
******
صبيت يــانــاس الدمع شفت الجــره بعيوني
شفت الضحايه مجزره ومن احچي يلوموني
ونكسر دلالي بــوكــت راحــو هلــي وخـلوني
والطف تحير بلدمــه بفيض الــدمــه لچموني
والكل تماده بطيحت الساده
وتلچمني ظلت ياخلگ بس اهات
شفت العزيز حسين بيـن الشمات
****
برجالنه الطف انترس واحــدهم يعادل گوم
والگلب علطاحو يظل ملچــوم ينعه ملچوم
اقمار بارينه هــوت الكـوكب ابئــسره مثلوم
بسهام قرءان انطعن وتصايحت بــي اعلوم
يوم المنيه ماتو سويه
تچوين احسن من جفوني الحسرات
شفــت الـعزيــز حسين بيـن الشمات
****
زينب وسولف بلجره وتخنگ انفاسي العبره
شفت الرضيع بموتــته وبلسهم حــزو نحره
وحسيت دلال الــولــي زايــد لهـيبه وجمره
علصار طفنه يـاخلگ بحسرات خلص عمره
يلچم هواء اظلم ضواء
والطف نگع مــن الدمه والدمعات
شفت العزيز حسين بيـن الشمات
****
يبرالي ظل بس الموت توادعة ويه احبابي
واگظيها بــالله ويــاك وبلدمـع صار اعتابي
منين اجاني يــاناس والتــف علـيه مصابي
والدنيه دارت بلعكس وفتــر شـفت دولابي
نار الخيم خلـت الــم
مـن نارهم رجلينه كلـهن چويات
شفت العزيز حسين بين الشمات
****
وتحضرت كــل الهزل وجـابو احبال وناگه
وگلوبنه احنه بــياحال نار اصبحت حراگه
ضــلت يــتامــه وتلوع كلها تـــون مشتاگه
وگلبي عليهم ياناس طاحت جميع اوراگه
هذه الجره وترسو ثره
خلصنه ممشانه بحزن بس عثرات
شفت العزيــز حسين بين الشمات
****
ابوحيدر
الصبيحاوي
بويه حسين يابويه بويه حسين يابويه
******
دلالـــي كـــثر همــــــه بي صارت الف لچمه
خاف من البچي اعمه گلــبي مــحترگ دمه
بويه حسين يابويه
****
صــارت بلگلــب عله ودربــك بعــد مندله
يجرح سنيني شيشله عمــر وبــدنوك نمله
بويه حسين يابويه
****
حيرني الزمان وياك اظل للموت ماانساك
يلچمني احس طرواك اريدن يــلولي ملگاك
بويه حسين يابويه
****
ادورك والدمع همال يلبيــك شكثر امــال
بخلافك ترده الحال وبطــل نبضه الدلال
بويه حسين يابويه
****
تاذيني الملامه حيل يجالت بصدرك خيل
بجفاك الـرعيع يعيل يانجمه وهـواها اليل
بويه حسين يابويه
****
اشكيلك مصاب البين مــاخــله دمــع بلعين
خلاني بوصط نارين يتيمه اصفگ الچفين
بويه حسين يابويه
****
ابوحيدر الصبيحاوي
زينب يم اخوها الحيد تبچي عليه ليليه
****
ابد ماتسكت الونه شافت صدره محنه
الحوافر تدري باذنه وظاعة كل محاچيه
زينب يم اخوها الحيد تبچي عليه ليليه
****
ياهو اليمسح الدمعه اون دلالــها يسـمعه
ذابت تشبه الشمعه وكــتها لــــم بلاويه
زينب يم اخوها الحيد تبچي عليه ليليه
****
نار الگلب تچويها الحسره حيل تاذيها
تگله الدنيه گاظيها وزمــاني هـــذ تاليه
زينب يم اخوها الحيد تبچي عليه ليليه
****
مشتاگه واجت يمه تگله من البچي اعمه
الدنيه بروحتك ظلمه وكتي اسمع نـعاويه
زينب يم اخوها الحيد تبچي عليه ليليه
****
تگول بگلبي وناته تهد الحـيل شوغاته
بعدني اسمه حچاياته ابــالــي دوم طاريه
زينب يم اخوها الحيد تبچي عليه ليليه
****
زينب والدمع ينهال خويه راحت الامال
بواچينه صفت شلال انــوحــن بيه مابيه
زينب يم اخوها الحيد تبچي عليه ليليه
****
ابوحيدر
الصبيحاوي
تاذيني زينب غريبه تاذيني زينب غريبه
**********
بــوحشة اليل ودمعتي محيره
واني بهمومي الثجيله وصابره
الكــون بمصابــي يـوادمنه دره
عفت كومه اجـساد ظلن علثره
وگلبي مايبرد لهيبه تاذيني زينب غريبه
*****
نـــار بـــيه مـــثل نـيران الخيم
وبيتـنه يــانــاس حسيته نهجم
عايش اوياي الجره شفت الالم
والطفوف تحولت من عدنه دم
والگلب زايد نحيبه تاذيني زينب غريبه
****
ليــلي خلصــته بــدمـوع ولوعه
وخلصت كــــل العمــر مفجوعه
گلــبي لــــو ون ونــته مسموعه
والــوجــه يــانــاس غــير نوعه
وعشت ايام المصيبه تاذيني زينب غريبه
****
گام يجرحني الــدمع وحساسي
وتيهــت يــانــاس عينت نــاسي
منــي راح حــسين وي عــباسي
وهذه مو راسه برمح چن راسي
هاي ساعاتي عصيبه تاذيني زينب غريبه
****
شـــفت ايــتام ونــسه مــحتاره
وشفت طــف مــدخن وبي ناره
الكـــون لمــلم يـــاخلـگ اشراره
وكلمن اتعـنه واجـــه خـــذ ثاره
بليله يــاوادم رهيبه تاذيني زينب غريبه
****
وحضروها النوگ وحبال وسبي
وعين ظالمنه تـصد كومت عبي
الــيله مهظومـين كـــل ال النبي
مگــيده الاطــفال والممشه دبي
والــگمر منيـن اجيبه تاذيني زينب غريبه
*****
ابوحيدر الصبيحاوي
الدنيه من دونك غريبه
برمشي بين بويه شيبه
بويه بويه
****
بــويــه دورتك وتاني وگلبي مشتاگ وهوه
بويه ظلام الاجونه وخالي بعيونـي الضوه
حــرگو اعلينه خيمنه بــويــه ونــدور سوه
بــويـه يحسين نهظمنه وطيحو حتى الوه
عشنه يــابــويه بمتاها بدنيه مابيها نفاها
گلبي مــايحمل لهيبه برمشي بين بويه شيبه
بويه بويه
****
عيني اتلالي بدمعها ودورت مــاكو حمه
دخن الطف ابزماني وظلمة حتى السمه
سكتو دگــات گلبــي وجمــدو بيه الدمه
وكتي ياوادمنه ظالم مفتش ويمي نعمه
تحيرينه بيوم هوله منين مدري منين ذوله
والمصيبه تجر مصيبه برمشي بين بويه شيبه
بويه بويه
****
كلنه مرعوبين نركض نـسمع اصياح العده
الموت شفناء يتگرب وعــالــم الـثاني بده
هــدت عليــنه الاعادي ولملمو اهــل الرده
بويه ماينحچي البينه ولاعلى واحد سده
طاحت نجوم الثريه وانه بس افرك بديه
الدنيه يابويه عجيبه برمشي بين بويه شيبه
بويه بويه
****
الحوافـر بينه جالت وخــذت ويــاها مره
والدمع مانشف لحضه لهسه بــاقــي اثره
وكــربله مــاكو مثلها بيـها اعــظم مجزره
گطعو التاريخ راسه ورد غشيم الخنصره
والقدر كاتب وصيه وينعه اولاد الزچيه
والوكت اسمع نحيبه برمشي بين بويه شيبه
بويه بويه
****
وكــلنه ظلينه يتامه زغـار وكــبار التــلوع
خيلهم قرءان داست مــرد الحافــر ظلوع
بهندس الدنيه لفونه ولملمو كـــل الجموع
گمت احسن بلمنيه فاضت عيوني بدموع
بويه مامتعلمه اعوفك صارت امنيتي اشوفك
اني الزغيره الحبيبه برمشي بين بويه شيبه
بويه بويه
****
ابوحيدر الصبيحاوي
جسام زوده الــــه
جسام طب كربله
****
كـــل هــابـت يمينه طـب والله اليعينه
الجيش اعلن ونينه بيهم گصـه جسام
****
من طب بيده رايه فــرهـا اعـله البرايه
بدمهم خـط روايه ابن الحسن جسام
****
حط روحه بشليله يــــم عــــمه وخليله
الطف بـيده يميله لمن غضب جسام
****
هز جيش وكتايب شاب ومـاهو شايب
هم سوه العجايب يوم النوه جسام
****
بي ريحت امـامه حــط بلطـف علامه
چـن حيدر كلامه نوره ضوه جسام
****
جـــر بيده المنيه هــذه ابــن الــزچيه
وجيش ابن الدعيه هدهم سوه جسام
****
بعداء خـله خوفه مـــــن يگرب چفوفه
كل طفهم يطوفه شايل وفه جسام
****
شد حيله المنيته بـــــدم كاتب وصيته
طلــگ حتى بيته موته عتنه جسام
****
ابوحيدر
الصبيحاوي
للعليله العين مــــاخلت دمـع
اليوم گلبي كل ونينه ينسمع
****
عيوني هايه مــااخلي مــايها
ودمعتي ياناس شلي بــرايها
الحزن بين للـعزيـزه وجــايها
ودمــع بعيوني سويــته طبع
****
اليوم وحدها العليله بهل فله
بعينها شافـت جــزتها القافله
نــوو والنيه الــرحيل الكربله
والعليله ذايــبه مــثل الشمع
****
ذابت من الفرگه من عافوها
بهــم حــزنها يـاخلگ خلوها
الراحو ابعيد وبعد مــاجوها
وصل جيتهم يوسفه ينگطع
****
نگطع بيها حايره ابلايـه ولي
والـعزيــزه اليـله بلــوه تبـتلي
صاحت بحرگه وتنادي ياهلي
هــم تــرد ايامنه وهم ننجمع
****
بيوت اهلها خاليـه مـن الاهل
والگلب ملـچوم اهــات وعلل
سكته والمدمـع يغافلها ونـزل
بچت اعليها يوادمنه والشرع
****
يادموع العين صبي بحرگتچ
وياحروف اليله گولي چلمتچ
حتى لو كل الخلگ هم لامتچ
ودنيتچ مايبقه من عدها ربع
****
ابوحيدر
الصبيحاوي
يحسين يحسين
******
بحسين روحـي معــلگه مــن الزغــر يدريني
مــن چنت اتخيله ضوه وتلمسه چنت بعيني
عمري نــذرتـه الحضرته ونطيته كل اسنيني
عاهدت صدري ولطمته تلطم تــظل چفيني
يحسين يحسين
****
ســر امنيـــته بـرگبـته خلـيته بــينه وبـيني
گتله من اذكرك سيدي كــله الدمع يچويني
خليتك بـروحي جرح شما ينــزف داويني
وين الگه مثلك بلخلگ ومـن مثلك يباريني
يحسين يحسين
****
لــــو عنـك تزل الجدم غيرك مــنو يهديني
بس انــته تحمل زلتي وجفي اولا تجفيني
مــرات اســرح بلفـكر للطف مشه يوديني
اتمــنه اعيشن حالتك بنـص الخيم خليني
يحسين يحسين
****
تچويني نــيران العده وكون الحرگ ياذيني
وتمنــه زينــب سـالمه ولا تعتــني اطفيــني
خليني في من الشمس بلكت اجــازي ديــني
وسهام اصد بكل امل وربــي العلي يعليني
يحسين يحسين
****
بگد كربله هموم العلي چن طيفك يحاچيني
اسمع صداها رويحتي حسين اسمع يناديني
الگاك اظل وي صفنتي بكل مجلس تلاگيني
ميت بدونك يل ولي وبس ذكرك اليحيني
يحسين يحسين
*****
بس المجالس والطم وظل دمـعي اليسليني
بيوم الحشر رته ذخر حسين الكـلف يحميني
يم الصراط الگه علي بدمعي الجره يجازيني
ويگلي تــانيت شكثر بچلمة هــلا يــواسيني
يحسين يحسين
*****
ابوحيدر
الصبيحاوي
خالي المهد خليته يبني شنو السويته
خالي المهد خالي المهد
****
اتمنه اشوف عيونك مني الخلگ يردونك
بيش العده يطلبونك ابــوك بدمه واسيته
****
زغيرون سهمك ذباح وعليك دلالـي نــاح
بگماطك ومــا مرتاح موتك اجـه ولاگيته
****
ياذيني مهدك خالي يبني مــــــرد دلالي
بظيم اخبـرك حالي حتى المهد حاچيته
****
امسح دمعتي بيدك والمس نبض وريدك
ياريت ربي يعيدك ويحــن علي ياريته
****
خليني اسمع صوتك بگلبي احس تابوتك
تاذيني فكرت موتك كــــل الــدمع بديته
****
بــديته دمــع البيه وعيني ابچي معميه
گلبي خــذو راعيه وعلــه الحزن دليته
****
ينشدني مهدك وينه شو مــايجي غالينه
ويدري الـــه حنينه ليش اليحب جافيته
****
تچويني نار افراگه روحي شكثر مشتاگه
يمه شوكت نتلاگه گلبي بقــهر جــازيته
****
ابوحيدر
الصبيحاوي
نيران كــل الخـيم محـترگه
نيران اطفال ونسه مختنگه
كلمن يلوذ بروحه طشة الكلها ملوحه
****
مثـل طيره وبـلاء جنحان ومــن النار مذعوره
هــايــه حالة اهـل البيت حطها ابــالك الصوره
حرم تركض وبيها النار التركض حگها معذوره
دخان وظلم الطف ابطوله
دخان والـحقد بيهم سوله
الموت كلشي يلوحه طشة الكلها ملوحه
****
طاحو مثل طيح الورد خوف وعطش والحيره
هــدت وجت كــل الخلگ غــربـه اليتامه بديره
مــن بعــد كفــال الضعن شــحت يـناس الغيره
احزان لتمت علينه بلارحم
احزان متعايش ويانه الالم
كلمن يغطي جروحه طشة الكلها ملوحه
****
اسهام مطرو مــن حقــد وتخيلو هــاي الـحاله
وحسين كــله اصبح جرح والسـمه دمـعه لاله
وراكت على صـدر الولي خــيل العده وخياله
انسان مــاسوه فعلة هلعده
انسان مايرضه بفعال الرده
حسين وهله مذبوحه طشة الكلها ملوحه
****
تاهت يتامه مــن الرعب خوف ودمه ونياحه
والطاح مــن عدهم تره بلطف يـدوي صياحه
البي اثر شوغه وحــرگ بروحه تزيد اجراحه
حيران الماتــو اگبالــه هله
حيران خله العيون مهدله
مايكف لحظه نوحه طشة الكلها ملوحه
****
تالي متالي بنص غــرب وجـابو حبل والناگه
وكلمن لبــو يحن صفه وروح التحن مشتاگه
صار السبي والهم كثـر وحسين صعب فراگه
دفــان مــاصح بعد للغالي
دفــان وكتي صفه يبرالي
خير البشر مطروحه طشة الكلها ملوحه
****
ابوحيدر
الصبيحاوي
شعلو الشمع شعلو وحــنو الولد حــنو
هذه جسام هذه جسام
****
من عيني كلشي طاح وتبــده شـفته
وبنــي الازامـــط بــي بلغــبره عفــــته
بدلالي يــا هــل نـاس تــوجــع فرگته
تچويني احس كل سـاع ظلت جمرته
ابني وريد اوياه كل عمري مانساه
شيعو الترف شيعو حنو الولد حنو
هذه جسام
****
بگــد دنيــتي جــسام حبــه وحــنانـه
مــثل الــهوه يــانــاس وصبح هـوانه
بگلبي واحسه بعيــد وعــرف مـچانه
چــنه الگــمر وبلــيل گمــره وضـوانه
هذه ابني يامحلاه دگ گلبي بطرواه
جيبو الي جيبو حنو الولد حنو
هذه جسام
****
ابنــي وخــاف اعليه وبروحي اضمه
حــگي بــدليلي الــنار غــير انــه امه
كــل ساعــه يــاهل ناس اتمنه اشمه
مــثل الــورد تــدرون لــو طـاح المه
غالي بغلات الروح خله بدليلي اجروح
واسو الگلب واسو حنو الولد حنو
هذه جسام
****
مــاي والــك احتاج وعطش وجيلك
وگلــبي ســمع دگـــات نبضت دليلك
الفراگ هجم ابيوت جـيت اشتكيلك
يمه من اصيح بصوت اصبح عليلك
يتبده دمع العين وبعيني اشوف البين
صبو الدمع صبو حنو الولد حنو
هذه جسام
****
كلشي نتهئ بدنياي طفوها الشموع
ولــو يــرد بلــدمعات ماخلي ادموع
ون اوبچي وصياح بـدلالي مسموع
وصط الگلب اهــــات يايمه مفجوع
درت نجف ادريك وسبحانه المسويك
ودعو الترف ودعو حنو الولد حنو
هذه جسام
****
ابوحيدر
الصبيحاوي
هاي خدام شدت احزام
*****
مــوكــب الخــدام هــاي اليله
على حسين الدمع ظل يسيله
وكلهه خــدام ابــدمـع تبچيله
نعــزي غـايبنه بحزن نشكيله
هاي خدام هاي خدام
****
التمت الشبان خدامــك تــره
اگلوبهه لجـل الذبيح مجمره
تگول احنا ابــــــد لا منغيره
اليله للوادم نسولـف مجزره
هاي خدام هاي خدام
****
هــاي خــــدام تظــل محزمه
تعــزي الكــرار حمــاي الحمه
على ال البيت والماتــو ضمه
مانوافي قطره من ذاك الدمه
هاي خدام هاي خدام
****
تـوكلينه والـدمــع شلال صار
وحنه واحدنـه دليله كــله نار
الـغاضريــه بينه امخليه مرار
كلنه خدامه وخذنه هـل قرار
هاي خدام هاي خدام
****
مــوكــب تهيه وحـضر دمعته
وجاب للخدمه اليوالي بخلته
اخذ مــن حسين عزه وهيبته
وبين كل الناس تصدح چلمته
هاي خدام هاي خدام
****
بداعت الشيبات وي ذاك النحر
نقسم انــوافيـك بچفوف الگمر
بلنــفوس مصيــبتك خلــت اثر
بيــنه طــفك يـاامـامي هل كبر
هاي خدام هاي خدام
****
ابوحيدر
الصبيحاوي
سيدي ها يلجواد سيدي ها يلجواد
*****
اليــل انصــارك تــون امحيره
كل محب اليله كسرو خاطره
اوسوت الـرايــات للوادم ذره
نوصل الشباچ وانول المراد
****
جبنه ماي اعيونه انطشه الك
طيب الانساب محــد يجهلك
سـاده معروفين ذولاكـه هلك
شيعتك مولاي نصبولك حداد
****
جينه للمسموم ننصب مجلسه
الماعرف تاريخه احنه اندرسه
صار بــين الـناس اكبر مدرسه
والدليل الشوفته مولانه راد
****
جينه الـك بهموم يبن الطاهره
كل موالي اليوم كسرو خاطره
گلوب هاي الشيعه كلها عامره
ياسديد الراي يل كلك رشاد
****
اليــل ينــعاك ويصيحك يـانفل
مــن ونيني اعليك گلبي مايمل
عل طريق ادموع عيني تنشتل
وعلمصاب اليله مفجوع الفؤاد
****
رايـــت المشايه رفــت بلسمه
كل لطمهم صار عدهم اوسمه
هــاي انصارك اجــت امحزمه
كل موالي بليلتك لابس سواد
****
ابوحيدر
الصبيحاوي
مجــلس اليلـله نصـبنه بــكل مكـان
الــيله نبچــي انعزي صاحب ازمان
*****
يلله يـــاشيعـة عــلي علنـو الحداد
وخــلو فــوگ الغيم يتـعاله السواد
اليلله سوده وننعه مــولانه الجواد
وگــام ينـعه امصـابنه حتى الاذان
****
للجواد ادمــوع عيـني الكل تسيل
عمة عيني مصابه يفجعلي الدليل
الكون مــدري شـبي حسيته يميل
بطيحت الـغالي بعــد مـاظل امان
****
عمـره بلعشرين بـس اتعده نوح
چـان بلذر عايش ومخلوق روح
شگد حمل اهات بلدنيه وجروح
چان مخلوق ابوفه ومن الحنان
****
حـضــرو ســم المنيه مـن اجوه
جبــل مــن الصـبر مـولانه لگوه
سلهم اعيونه ابئلم مــن مـوتوه
وسكت كلشي بي ماحرك لسان
****
هــاي ليـلله مـحيره وكلـهه ونين
وكــل مـوالي بليلته صبح حزين
ساعه وحده طشرت كل السنين
جــابــو الموت والــه طلقو عنان
****
الورد عمره ندري يـاوادم گـصير
عطر يطي اولون والمعـنى چبير
العنه سولف ادري بوصافه يحير
ياهو يگدر يوصف اشكال الجنان
****
ابوحيدر
الصبيحاوي