733
الشاعر ابو حيدر الصبيحاوي.
يادر الهواشم واسمه عباس
ابوالغيره عزيز ورافع الراس
شال الرايه وهتز اطف
****
بخيــت ورايتـه رايــة خـليله
لحسين الـشهم رخــص دليله
وســوه العــاشر اليـله طويله
الطف منه بايد حيله
****
رفــرف رايته فــوگ الشريعه
باسمه الموت متحول يطيعه
ســوه المشرعــه بيهم نگيعه
دگ الثايه بنحور ودم
****
طلع مهيوب وتهابــه الشماته
عزيز حسين ومنومس خواته
گمر والهيبه وحده من صفاته
شلال وصب صاحب غيره
****
ترسها الغاضريه مـــن زلمهم
يطشهم ساعه وساعه يلمهم
من الخوف ومتيهين اسمهم
جال الحومه وحتار البر
****
غضب والسيف محتر بيمينه
وخــله الجيش يتـعالـه ونينه
وسوه مــوتهــم عــده سنينه
جاب البيده والچف كبر
****
جاب الماي مچتوف بــرهاوه
وخــله جيوشهم گاع اتـساوه
وطبرت سيفه مـاضن اتداوه
يشبه حيدر بيوم الطگ
*****
ابوحيدر الصبيحاوي
هوسات
******
يــوم حسين بچــه الــدنيه كلهه
مثل طــف كربله مــاصح مثلهه
الــدنيه بحيره ظــلت وي اهلهه
يومك هــــذ للوادم مصيبه
بلغــبره نمـت لــيله رهــيبه
عليك الوكت مابطل نحيبه
اباهاته محتاره الدنيه
*****
عليه اجيوش كــل اهــل الرذيله
كــلهه تــروح بــس بــاقـي عليله
طش ضعن الولي بطيحت كفيله
وحيد حسين متوصط عداته
طاح احــزام ظهره ويــاغلاته
وعلــيه اتــگابلو كــل الشماته
ابچلماته الكون اهتز
*****
گضت يــاحيف كل اهل الموده
مــثل مـــاي وعلى الـرمله تبده
گــلي الــراح فــدوه شلون ارده
احس اهات مــرهـونه بونينه
الـكل دلالــه هــم الله يعــينه
مشه ياناس ابو روح الحنينه
مالومه بحسين اجروحي
*****
شفت عبـدالله بيدك من خذيته
اصـــد اعلـيه بــس مــا ودعيته
گلت اتمـنه بــي يــرجــع ياريته
بــمهد شفــنا عبدالله ومنيته
يملك الموت وشمالك خذيته
روحه يـاخلگ كتبت وصيته
ياذونه حسين بكتلك
*****
على التــله شفــت كلشي عجيبه
واحــس وي ذبحتك انــي غريبه
بعــد شلگـه مــثل هــاي المصيبه
اگبالي حسين گطعوله وريده
واصدن خنصره ماشفته بيده
استعجل موته ماعطل بريده
يذبحونه گدامي الحيد
*****
ابوحيدر
الصبيحاوي
عباس راعي المرجله عباس رجف كربله
عباس ايـــة زلــزلـــه
عباس عباس عباس عباس
****
ياباشط الراي يــاشيخ للماي
الگابلك وداي ندريه ندريه
بقــدومـك يلين طــف المعادين
ياجرح الحسين والبيه والبيه
بحماك خليت الجمع بحماك نشفت الدمع
بحماك خصمك ينوجع
عباس عباس عباس عباس
من طب الگمر رجف الخياله
****
ياصاحب الزود يمبريد جنود
يلمنطي وعــود وفاي وفاي
كفكفهم بــساع وتخافه الگاع
وبصيته الشــاع سگاي سگاي
معروف سبع الگنطره معروف بخته شمكبره
معروف يوم الزمجره
عباس عباس عباس عباس
ابن حامي الحمه نظراته چتاله
****
مـاتــوگف گباله التسمه خــياله
يــرعبهم خياله كفال كفال
محتاره عدوان السيف عنوانه
معروف صيوانه شلال شلال
وبلنهر حط اچفوفه وبلنهر ســوه خــوفه
وبلنــهر مــاي يطـوفه
عباس عباس عباس عباس
گله مراد اخذني الماي ينعاله
****
بچفوفه تمتاز رايات العزاز
الوصف ينحاز وياه وياه
تروج الميادين يكحل العين
بــزنـوده البين خلاه خلاه
مهيوب تربات الفحل مهيوب والزينب كفل
مهيوب والجوده حمل
عباس عباس عباس عباس
صفه معزب منيه فارت ادلاله
****
صولاته تنهاب هجماته دولاب
يحسبوله حساب يصول يصول
محــير الناس معروف عباس
ورافـع الراس يجول يجول
طباها كفال الضعن طباها والعسكر حزن
طباها صايود الزمن
عباس عباس عباس عباس
من طبهم گمرنه ظلو وشاله
****
ابوحيدر الصبيحاوي
يحسين باسمك دمعاتي يحسين كثرن اهاتي
عمري اريده وياك عايش على طرواك
*
عشت احزاني تدريني بدليلي چن الف حسره
بعزائك كـل دمع عيني اوشله ومــاتظل گطره
ومن يـمر علي طرواك امــيز بلحــچي عـطره
بدليلي صياح اسمعنه نعاوي بگلبي والونه
گمت ابروحي اشيعنه وعمري فدوه العمره
يحسين يلچمني مصابك
يحسين مــاعــوفـن بابك
خليني اظل انعاك عايش على طرواك
*
تظل طول العمر يحسين جمرة حــبك بروحي
ومــن اذكـــرك مــــولاي احسن زادن اجروحي
كــل عمري صفه عاشور وابـد مافارگت نوحي
سويت الاطم تعويد اونــن والونين يزيد
گلبي لاهــده وليهيد دمعي فايض ويوحي
يحسين بطــفك خليني
يحسين سهامك تاذيني
وعدانه همه اعداك عايش على طرواك
*
بــس انــته الي بدنياي وهواي مــن الزغر انته
وعلئ حبك يبوالسجاد گلبــي هــواي عــودتـه
ولــو مــو انتــه بگليبي ســبيل العــمر وزعــته
واه يحسين عشناها مصيبة طف حملناها
لطمنه وهــم نعيناها وگلبنه يــوجع بونته
يحسين توجـع همساتي
يحسين نــاحت عـبراتي
بدموعي گمت الگاك عايش على طرواك
*
عايش طفكم بروحي وعشت لحظات ملچومه
وخيالي سارح وياكم وشــفت اجسـاد مثلومه
وشفت العاشر ودخان واســود بلــظلم يــومه
طاحت بشريعه چفوف لمينه البقايه سيوف
بلدم نگعوها اطفوف حسين مسلبه هدومه
يحسين نــادينــه بلـوعه
يحسين ناسك مفجوعه
الكون كله بحماك عايش على طرواك
**
ابوحيدر الصبيحاوي
الخيل غارت للحرب عباس كض اعنانها
****
من طب ترفرف رايته ترعب گمرنه صولته
بلسيف حدد چلمته والدنيه فـر ميزانها
*****
يحصدهم الخيل وزلم ويطشر عــداء ويلم
ليخزره وحده ينلچم والـدنيه ظاع امانها
****
الحومه خلاها تون بمزامط الحيل ولسن
ماغمض العين وجفن صار الحرب صلطانها
****
مهيوب سبع الگنطره الاگــاه ظـــل محيره
خله الجيوش امرمره وحط بلعده نيشانها
****
سالوفه صارو للحرب اوصافهم مثل العذب
اثار عــافــو بلگلب عتــره ونظل خلانها
****
الميدان بيده داره خلـه العــده محتاره
تزهي گمرنه اخباره الحرب حط عنوانها
****
بچفوفه مال الميمنه جيوش خله مدوهنه
بطبراته السيف نحنه والگوم هــز ميدانها
****
ابوحيدر الصبيحاوي
عاشور اجانه والهــم لــفانـه
كثرت احزانه شايل مصايب
*****
عــم السواد اعله الخلگ والـهــم تلـــملم
وكربله مـن ذاك الــوكت منـگعه بــــــدم
بلـطف ولا واحــد تـــره بــلموت يــسلم
وحسين ظل اعله الثره بصدره المهشم
تلچمنه الاه نردد وويلاه
للموت ننعاه والگلب ذايب
****
عاشور اجه وجـاب الحزن وعلگنه رايــه
وحضرنه كلشي وي الدمع وحسين غايه
والــهم تلـملم كلـــه اجـــه جــاب الرزايه
وخلاني اظل انحب واون صبح ومسيه
حضرنه الدموع وبگلب مفجوع
واحدنـــه ايلوع من النوايب
****
طـش السواد بكــل كــتر عشــنه اليــالي
ونعــد مـــثل زينـب نظل طيحت غوالي
مـــن اول ايــامـه التجي دمــعي يــلالي
وسالفتي تبقه بس حـزن وبظيم حـــالي
احضر مجالس بسود الملابس
وتسمه عــابس بنص الكتايب
****
العاشر علـينه مـــن يــمر تطــيح الـمناير
ويبچي الحجر من الجره وتبچي الشعائر
وكـت الضهر مـــن ينذبح تموت الخناجر
ويموت كلـشي وي الولي ومــايرد بـاچر
يموت الاحساس ابگطع الانفاس
ونصيح يـــاناس وكت العجايب
****
ليهسه ظــل دمـك يــصب مــاگطع تدري
كـــل مـايمر بيــنه الـوكت ينــعاك عمري
ابــكل محــرم مــن يـجي يــزيـد جمري
منين اجيب الروحي اظل ياناس صبري
وتعاند الروح ويكـثر النوح
تتفتح جروح والمن اعاتب
****
ابوحيدر الصبيحاوي
مــر يهــلال بينـه الكل ينشدونه
حسين بهل شهر غمضهن عيونه
*
مــر بينه وتـعال وشوف حالتنه
وبــيامــك هذني امصاب خلتنه
بيــدك كـون تمسح انته دمعتنه
وگلبي وي محرم زادت اضنونه
*
غرگن بلبواچي وفاضـن جفوني
وبهلالك احس شمــات لچموني
يشهر الــنايبه شيسكت اعيوني
محرم نوح كـــل ناسي يسمونه
****
تعال وجيب دمعه واه والحسره
يل ماخذ دمعتي ومابگت گطره
خليت ابگلـبنه الــوعــه والجمره
وبــيك شگد خلگ يهلال لامونه
****
شفتك لابس اسود تمسح ادمعه
بيك الوعه والحسره توج شمعه
تــون لحسين يهلال وتون ربعه
وگلبك عل بواچي الك يعينونه
****
جيب وياك من حسرات مولانه
النــاس بجيـتك منكوبه حزنانه
وكلمن عل وجـه دمعاته نيشانه
وصرتنـه درس والكل يدرسونه
****
يهلال النوايـب بيـنه هــم لوعه
بينه اهات وي لوعات مجموعه
نون اعله العزيز الداسو ظلوعه
عزيز الزهره وكل ناسه يعرفونه
****
صحة يهلال بينه اچـم اثر عفته
امامي نذبح ونته بعينك الشفته
طويت ابئيدك انته كلـها سالفته
وشــفت ابعينك العدوان يولونه
****
ابوحيدر الصبيحاوي
الـيله اصــبن دمــعــات عيني علـيه محتاره
من شفته بلحومه وحــيد دلالي تلــهب ناره
****
ترسو الحومه ياناس اهلي وجميع اخواني
نگعان طـفنه تــاليــه بـدمنه واحسه يعاني
كل شي متغير وياي حتى اسمي وعنواني
دوم الدهر مــاانساه الــطف بلــگلب اثاره
****
ماشوفه زين من بعيد للـتله اجت اجدامي
تمنيت امـوتــن وياه وتنذبح حتى احلامي
چاشنهي ظلتي بدنياي سوده صفت ايامي
ظالم اشوفن فــوگاه والموت شاع اخباره
****
اثنعش طبره صــابــاه فــوگ النـحر خلاها
متعلي ابـصدرحسين يحز رگبته من گفاها
وروحه العزيزه ياناس للباري هـــــم علاها
دم النحر لمن سال عل خلگ طش اسراره
****
الشمر من شال الراس عيني تصد وتشوفه
روحي علي كلها تهوم طلعت وچن اطوفه
گدامي هوس بلراس وخله الجـره سالوفه
رجفت الگاع من صار والوكت بان اشراره
****
بسيوف وسهام ارماح حتى بحجر ماذينه
بحافر الخيل يدوسون صدر الشهم والينه
نطبگ صدره وي گفاه فـوگ الثره مخلينه
والسمه السابــع ينــعاه دم الــولي يتجاره
****
وبخيامنه شــبو نـــار وحيرو كــل اطفالي
بهدومهم چــن دخان وكلمن عيونــه تلالي
طشت يتامه مـولاي ويــاحــال اني حالي
والطف علينه ينــدار هـوه وهله وحجاره
****
ابوحيدر الصبيحاوي
ام عبدالله
************
دللـول بــدليلي اسمع اصياح
مــانــام الــولـد لاهوه مـرتاح
يلچمني ونيــن بگــلبي انياح
يمه الحيل باد وهيست طاح
يمـه الــوالــده تحــن الابـنها
ويحن ويــاهــا يــايمه لـبنها
المنيه ومــوت تتمنه خـذنها
بلحد ويــاه وتغـمض جفـنها
سهمك بنحر وتبدت اچفوف
شفتك بلمهد يوليدي ملفوف
يزغير وابد مارحمته طفوف
عبدالله كلف مايعرف الخوف
يمـه لـــو صحت يـنطر دليلي
دمعي يترس عيوني وشليلي
ابــاوع للمـهد ونــدب واويلي
راح الـــچان يـــاوادم خلـيلي
ابوذيه
*****
التــريــد تصيح يايمه لبنها
يــنز يشــتاگ ويـاهــا لبنها
تگول الدمعه ماضمها لبنها /لبينها
وسوي نايحه ولطم بديه
****
ابوحيدر
الصبيحاوي
ام الاكبر
***********
ربـيتك وتــانــي اربــاي وياك
وماحسبت يمه بدمعي انعاك
بغفله يلولـد ذبحولك اضواك
وظلـيت بحــلم اتمــنه الگاك
روحي محيره والهم ولاني
وعليه نـــدار دوراته زماني
يهل واحد بعد ماعدي ثاني
البين منين مــر بيه وجاني
يلاكبر رتــك العــازاتـي كلها
تمسح دمعتي لو ردت اهلها
غــريــبه الـروح ودور اهلها
العشره وياك ماخلو وصلها
علي يبني تعال الروح خطار
انــه بلياگ يمــه مــوگد ونار
فــراگــك ســوه بلــدلال اثار
گلبي بروحتك ليهسه محتار
ابوذيه
*****
بــدمعي الفاض سويته مردها /مرد ماي
وروحي الموت بغيابك مردها
الموت الدنگ الروحك ماردها
خذاها وخله دمعاتي نديه
****
ابوحيدر
الصبيحاوي
زينب تنعى الحسين
*********
گــدامــي وهــلي كلــهم مچــاتـيل
وشيسكت البچي لـــو چلچل اليل
ابـــاوع والمــباوع يـــاخذ الحــيل
وشوف الولي بصدره راكت الخيل
حسين بــلاء ولي ضلت نساوين
وخبرنــك دمــع مـــاخـلت العين
مسرفن مــن اجانـه محزم البين
وكلنه نصيح گمنه طايح حسين
راحت كــل هــلي والهم اجاني
بعملاته الوكت طگني وخواني
يريت البين مــــن گرب عماني
ولاشوف الجره ولا ضل اعاني
خويه حسين سمونـه الغرايب
ولا ضـلت اهـــــــل ولا گرايب
گلبي من الحزن ياخويه ذايب
وعليه التمت اهموم ونــوايب
ابوذيه
*****
بس شوفتك يبن امي شفتنه
لچــن اغـراب ياخويه شفتنه
دمعنــه تفــطر وفـطر شفتنه
وبچينه اعليك ياروح الزچيه
****
ابوحيدر
الصبيحاوي
صاحو هــا يازينب مات الحسين
اليــله يــنوح يــمه ويثـغب البين
*****
اليله الكون بــي صــارت مــناحه
ونزل جبريــل ظــل يلطم جناحه
يصد اعـله الــولي تنــزف جراحه
على الغمض عيونــه صبت العين
****
طاح وصــب دمـــه يـــم الشماته
وعلــيه تنـــوح دنيـــه وي خواته
يهــدن حـــيل لــــو صـاحن بناته
ويــل رايــح عفـتنه وين ما وين
****
عليــه دارت اشـــرار النـاس كلها
وبيـن كـــل حقــدهـــا وي جهلها
تطــلبه بــي هـــاي اعــداء شلـها
وبي استفردو لــن مـاكـو المعين
****
حـــزو راسـه هـــل گطعو وريده
وروحه اعليچ صارت هـم بعيده
طــاح الحيد ابـــن ذاك الصميده
وخــله املاك ربنه اعليه نــاعين
****
عله صدره الخيل راكت علموها
وزينب فـوگ تلــه تــصد لخوها
نطحن صدر الولي ومـا وگفوها
طبگن صدره وي ظهره وشراين
****
شسوه حسين هيچ بحقد عابوه
وعاري اعــله الذره ياناس خلوه
الخنصر ماسلم من عـده گطعوه
مات وهم عليه كثرت سچاچين
****
عليه يـنوح ظــل دهــره وزمانه
الــوكــت ياناس بي هل دولبانه
وهـــذه البـــي كـــل لاذ ابئمانــه
وعلــيه للموت مـــابطلنه الونين
****
ابوحيدر الصبيحاوي
ياجسام ياجسام
*******
بــطلاتــه بصولاتـه چنــه عـــباس
يــدرونـه بعــيونـه نضرة احساس
بخطواته بلفــتاتـه شــاغــل الناس
هذه راعي الحومه فارس ومن يومه
تزهي كــل اعلومه شبل مقدام ياجسام
ياموت اگبل جاك الهيبه
****
بطــفوفـــه مــئلوفـــه بـــي شمرات
شال سيفه اجه بكيفه حط جراحات
وبــحروفه ســـالــوفه كلـــها اهـــات
شال سيفه ابئيده طب وخذ اليريده
ونتگ همه وريده رافع اعلام ياجسام
فر الحومه ماهمه الشر
****
بمـيدانه عــنوانـه يعين الحسين
بــغاراته بهجماته يكــحل العـين
گــولوله وحچوله صفــن البــــين
هــذه شبـل الغالي راسـه بلحق عالي
اجه يحمي الوالي بقه يلام ياجسام
خله البيده متروسه اوذر
****
يشوفونه بفنونـــه رجف الخيل
يفـــنيهم يـاذيـــهم بهمه وبحيل
ذلاهــــم خلاهـــم دورو ليـــــل
مثل ابــوه ديوانه الكرم نـص شريانه
الحگ صفه ميزانه بين ظلام ياجسام
طر ميدانه وهتز عسكر
****
بطبراته وضرباته حارت اعداء
بزنـوده مشهوده البــاري وياء
وامــاله تبــرالــــه وربــــه علاء
جيوش هد بسيفه الموت صار بكيفه
اخــذ منـهم حيفه يمنته صمصام ياجسام
من جولاته جيش اتئثر
****
ابوحيدر الصبيحاوي
عده انصار كلها اسرار
بين الناس معروفه
****
حبيب تريس اعليهم وابو السجاد واليهم
لاگوها المـنيه بــزود يــرد الروح طاريهم
يرد الروح طاريم
عشاگ المنيه اهناء كلها سيوف وبيمناء
ماهزهم صهيل الخيل ليوث وماتهم بل اه
ليوث وماتهم بل اه
صوت اعصار بيهم صار
هذه حسين منعوفه
****
انصار وكلــها خياله وكلمن مــوته يبراله
كلها تحولت قـربان هــاي ارجــال عـياله
هــاي ارجال عيــاله
عوجو بنحور اسيوف حطو بلمنايه خوف
هاي انصار ابوالسجاد غيره معلگه بچفوف
غيره معلگه بچفوف
دمهم حـار شعلة نـــار
كلمن حزم چـفوفه
****
حارت بيهم اعداهم جابـو مــوت وياهم
حيود وسرفنو الذراع وتورط مـن تلگاهم
وتورط مــن تلگاهم
صالو ونچفه الميدان من احرورت الشجعان
واحدهم يلوح الغيم ويسمع بلعرش اذان
ويسمع بلعرش اذان
يحمي اطهار كلها ابرار
وصارو بينه سالوفه
****
طبــو طـبت القاده گــالــو نفدي الساده
نطحنهم لحد الموت وكلمن جبنه ميعاده
وكلمن جبنه ميعاده
وفايه واهل نوماس وبيهم غيرت العباس
انصار العقيده ذول بطاريهم نعلي الراس
بطاريـهم نعلي الراس
هاي اخبار بيها اثار
من حسين وطفوفه
****
خلو كــربلــه لليوم تاريخ وصبح مرسوم
هــاي انصار مولانه وبـدم نصرو المظلوم
وبدم نصرو المظلوم
غربلهم هواك حسين ومــاهـابو منيه وبين
بدمهم حنو الميدان وطشو للولـي اسنين
وطشو للولــي اسنين
بكل اعمار چن خطار
كلمن مــوته يشوفه
****
ابوحيدر الصبيحاوي
مسلم كتب لــوحة شرف عنوانه
وبيه الخلگ كل اصبحت حيرانه
هذه مسلم هذه مسلم
*****
بنهج الولي كل خطوته اليخطيها
مرسال اجــه مــن البـخت واليها
نجمة صبح كـــل الخلگ ضاويها
اليــوجــع دليله انحس تره اذانه
****
يــوم الاجــه شال ابيمينه الرايه
مثــل الگــمر طبعه وهـله وفـايه
مسلم بخت مــن الصبط والغايه
الــهم تعـنه وحسب كـــل خـلانه
****
صوته صـدع بـين الخلگ بفعاله
شمرت علي وهذه البخت يبراله
نـــور ابــوچــه من العلي ضواله
يمــثل الولي يمهم فــتح ديوانه
****
لـــم خلته وكلمـن يحــب حريته
صاح بجمع حسين الاجه بذريته
وبــدمــي گـال اني وهلي واليته
للكوفه طب غصبن على عدوانه
****
كل عافته تالي وصفت مسحوبه
علنو حـرب ضده الخلـگ مگلوبه
مــن بيعــته كلــها تصيـح التوبه
الــديــره خلت كلمن يسد بيبانه
****
بمسـلم تــره دار الــفله يـاطـوعه
منــه مشت كـل خلته المجموعه
مزهيه چانت هسه صفره ربوعه
كل دنيته المـسلم صـفت حزنانه
****
ابوحيدر الصبيحاوي
نعي/للحسين دارمي
*********
تلچمني عيني عليك وتذب دمعها
كل دمعه بيها صياح محد سمعها
البس سوادي عليك واعلـن حدادي
بحرگه اصيح حسين باسمك انادي
علــتله ابـــاوع بيــك والــدم تبده
السمه السابع ليش من وحده نده
خويه الدمع حسيت يجوي مكانه
وروحي العفتها اهناء عندك امانه
عايفني نص اعداك توجعني حسره
ومن بعد راعي الماي ماشفت گمره
بگـــد الخـــيم نيــران بيـــه وقليله
مـــن شفت ابوالسجاد صابـو دليله
خويه اصيح بصوت امحمل اوداع
ظاگ الهوه حسيت وختنگت الگاع
ريت العمه وماشوف هــاي المسيه
وابــن امــي عل تربان طايح رميه
من التله اباوع ليه موليته الاسهام
وعلــه المنيه حسين اتــوسد ونـام
راس الــولــي ياناس شــالو بديهم
وفوگ القهر ضليت اسـمع حچيهم
مــن هــوسو بــلراس نـاحت يتامه
كلشي بچالــه ونــاح حتى الحمامه
غمض عيونه وطاح راعــي الكلافه
يصفگ عليه البين وسـفه وحسافه
تراب ودمه غاطيك وتلوب اشوفك
لابيـــه اظــل اهــناء لابيــه اعوفك
حــاچيني خل ارتاح بــيدت حيلي
ستعجل وجاك الموت ونطر دليلي
******
ابوحيدر الصبيحاوي
هوسات
***
طب والسيف حگه يريد منهم
دويه صارت وهــل عـله ونهم
درو بلمـوت بچفوفــه وطنهم
يميل الگـاع عباس ابيمينه
خله الجيش محتارابونينه
تهز اجبال لو غضبت ادينه
ايهابونه عباس الحيد
*
نهــر عباس ظـل ساگي اليتامه
بطل مهيوب بلطف حط علامه
خله اعداه تون حسره وملامه
كلف عـباس خـيال المنيه
خله اعداء بلحومــه رميه
يجيب الماي لولاد الزچيه
بميدانه يحتار الشافه
*
بخت مهيوب بي غيره واصاله
بيوم الطگ يــهد يـمنه وشماله
ترس مــن النــهر جـوده بزلاله
بخيت الماي لامسهن چفوفه
ظــل العلگمي يمــه ويطوفه
كــــل اعداء صدتله وتشوفه
يشوفونه تجادح عينه
*
كتب بوجوهم كلمه بده الموت
مـن طبهم وجه يتعاله الصوت
ســوه الطف عليهم كـله تابوت
گـمر وغتاض مـايـبرد دليله
من حيدر علي مـولاي حيله
يجيب الموت لعداء ابشليله
ابتاره يحتار الموت
*
بروس اعداء ظل يحصد لفاهه
زلــم مـن فوگ صهوتهه چفاهه
وطب للمشرعه ابـزوده خذاهه
تهابه الگوم لـــو طب للثنيه
بيده اتلــوذ جــايبهه المـنيه
بسيفه الحيد جايبهم سويه
بطبراته مرعوبه اعداء
*
ابوحيدر
الصبيحاوي
القرءان واضح بلدلالات وصور
طوعه چانت مــاخذه كل العبر
صارت المسلم وفه تحلت اباجمل صفه
الوفيه الوفيه
****
بــعد مــابــاعــوه كــلهم وبقه خالي من الامان
ندارت الدنيه على مسلم وختلف حتى الزمان
مــالـگه بلـــديـــره كلـــها دور ومــاصح مـكان
السرجو الخيل عله موده هسه ماعدهم لسان
وطــوعــه تتلـگاه وتگله تعال
نور عدك گمت اشوفه بلخيال
الكون من عده كتفه تحلت اباجمل صفه
****
شــاف بيــها الغـيره منــبع ويـمها دگ الــثايـه
هــذه مسلم ويــه طـوعه صــارو الـــنه ايــــه
الــه وگــفت مــو مثــلهم مثــل وگفــت رايــه
طــوعــه بلتاريــخ اسمها كتــب احـله حچايه
وطوعه وگفت وگفت الخياله
وگــال مسلم اسحگ الــرجاله
وســوه اكبــر سالفه تحلت اباجمل صفه
****
چان كل السلف بيده وهسه بس طـوعه اله
الدنيه مدري شبيها ضده تجيب وتكـوم بلـه
مــن وره البـاب وتسمعه حـچي الباري يرتله
مــسلم ابيــــتچ يحــــره وعنده اكبر معضله
قــصه ظلــت للسنين وللـعمر
مــره والعــنوان عفتـها وخدر
جــمر بيــها ماطفه تحلت اباجمل صفه
****
مــره بــس وگفــت الــه وگفت رجال معدلين
وكــاتــب الــتاريـخ اسمها ويه انصار الحسين
الطــبو الــذيــچ المــعارك بــلاء درع ومهدلين
لاوو الــدنيــه واهــلها وخــاوو ويــاهـم البين
طوعــه كتبت سطرت ميدانها
وچــان واضح للخلگ عنوانها
نورها مضن خفه تحلت اباجمل صفه
****
ابوحيدر الصبيحاوي
تانينه بصبر عاشور وبينه الدمعه هماله
نذكر بلظلوع ادوس تروح وتــرد خياله
عاش الطف تره بينه وياهو المابچت عينه
صبغنه هدومنه الجيته وعليه كثرت نعاوينه
****
نــعد ايــام بيــنه تـمر محـرم گــربـت ايامه
گلبنه تفطر من الظيم يطـگ ويشبه الجامه
چم حيد الوگع بلگاع وچم مصيوب بلهامه
دگ عاشور كـل حيله وكلــها اتــانـي دمامه
تعال وخل ننوح وياك گظينه اعمارنه ننعاك
دمعتي توزرت وتصيح اظل للموت ماانساك
****
تعال وخل ننوح وياك وبالك تمسح دموعي
گابلني عله هذه الصار وبيدك الطم ضلوعي
بيك شگد شفت اهات بظلمه طـفو شموعي
يلچمني مـن اعد ايام بجيتك يختلف نوعي
وصبتله بواچي العين اتاني ومايرد حسين
بشهر النوح والالام يفتر ظل عليه البين
****
يشهر النايبه بـكل عام بيك تمرنه ذكراهم
نــون لمـن يــهد الحيل وكلنه نــريد وياهم
شما مــرت علينه سنين ابــد مايوم ننساهم
هلالك شفنه بي دمعات منگب چـنه ينعاهم
هلال مغنتب علصار شاف الفاجعه وحتار
يگول الدنيه ماترحم وخلت بلطفوف اثـار
****
ابوحيدر الصبيحاوي
يحسين الطف ماعت روحه
****
يومك صار چــن يــوم القيامه
الكــون عليـك خلصها بنــدامه
يــون اعلــيك ونــات الحمامه
يحسين اسمك هــيبه ورايه
****
عليك نــدارت الدنيــه وهواها
شمس انته يبو اليمه وضواها
عليك اليـوم هــل ذبــت بلاها
يومك بينه ليهسه يظل
****
بيك حتارت الــدنيه واهاليها
تــون اعليك حــزنانه يواليها
بعدك دنيتي كل طعم مابيها
زايد نوحي والهم التم
****
ظاگت هاي بعيوني الوسيعه
طــاح اليــله حـماي الشريعه
نــوحو عليه وبچوله يشيعه
هذه حسيني ميزان الطف
****
نــذبـح قرئانه بذيچ البراري
مـن يومه بعد ماطفت ناري
اظلــم ليــش حسيته نهاري
دمع البينه ليهسه يصب
****
عليه الــدنيـه مفـتره بظلمها
شياطيـن الانس جابت تلمها
كلها عله الولي شدت حزمها
ذايع صيته بلطف كله
****
جـالت خيلهم صعدت ثناياه
عله صدر الولي راكت بلاياه
وكلــها الــموت تتمـناه ويـاه
طاح الهيبه نيشان الحگ
****
ابوحيدر الصبيحاوي
مــرت علي ايــــام لـو تدري بيها
بديرت هلي ياناس ونحب عليها
****
بعيوني ماظلي دمع راحو هـلي وظليت
ومــن دنيتي ياخلگ يــوم المـشو مليت
حسراتي چنهن كبرن من دمعي توضيت
وياريت من سافرو ويـاهم رحت ياريت
خليت عيني مناطره وگلبي بعد شيصبره
مــثل اليتيمه بــدار تفـرك بديها
****
يــاليــل هــودنــه ودكف كف من ونينك
ياگلبي بفـراگ الاهــل حــن كــل حنينك
مشتاگه يــابــويــه الك گلي انــته وينك
تمنيتك ودمعي جره مـــن تلفني ادينك
بويه اصيحن ونتحب الدمع يلچمني ويصب
الروحي ضلت سلوتي نوحي وبچيها
****
ليليه دمــعي يطيح ملــن بچــي عيوني
حسراتي لچمه تصير مــن تكثر اضنوني
ال اه حشمة وتجيب حزني وگلب لوني
محد نشدني الحال وكــل نــاسي ملوني
عافوني احباب الگلب مللت بعيوني الدرب
الاهات ماتنفع بعد محد يجيها
****
تـانيــت ردتهــم علي كـل لحــضه بيـام
وفراگهم مر وصعب چــن صارن اعوام
انشدمن يردلي خـبر گمت انــطر احلام
معقوله تاليتي اظل كــل عمــري اوهام
تانيت مرسال وخبر ولاهــدهـد يرد ابئثر
بدنياي شلي بظلتي عگبك وليها
****
تمنيت وياكم اظل كــل عـمري يـحبابي
ظليت مهظومه واون ومللت هــم بابي
الروح بجفاكم تهم ودمعي صفه اعتابي
مــاچـنت افكر بلبعد بس عكس دولابي
ردولي يلچمني الهوه شوفتكم الروحي دوه
بلروح ونات شكثر اسنع نعيها
****
ابوحيدر الصبيحاوي
يــاليــل لاتگضي بـــعد مــاحب الوداع
خليني اظلن وي هــلي لاتخلص بساع
***
خليني اشوفــنه الــولــي وتهــيد ناري
كلمن مچوچي بــديــرتـه واني بمراري
يــالـيل طول وحشه من دونه البراري
كلشي يروح بروحتك ويطيح الشراع
****
لاتخلص وخليني اظـل ويــه الاودهم
لــو غــربــو يـاليل احس دلالي عدهم
اتمنه گمت الموت انه لـو طش شملهم
اتبـده عمري عله المشو ياوادم وضاع
****
مــاريــد يلفــيني الفــجر ويـطر غيابه
گلــبي شيـسكت ونتــه ويبــدي عذابه
الله اليعــينه الــفارگـــوه اهـله وگرابه
ودلاله مـــن كثر الحزن يتفصل ارباع
****
تذبحني لحظات الوكت ويــه الثواني
ودري الصبح بي ياخلگ موت الاماني
ونيــران احــسن بلـــدمع بلخد چواني
وتلتم علي من كل كتر ياوادم اوجاع
****
كون الزمن يوگف بعد مايمشي ساعه
والصبح مــاريــده يجي يگرب وداعه
يــالــيل بهمومــك احس عندي قناعه
بعيوني ظاگت دنيتي وزغـرت الگاع
****
اتمنه بعيونـه اصــد مــاتـرمش العين
ولو دار عني ناظره بــي الهج حسين
ياليل ظل الخاطري باچــر اظل وين
لو طاح گدامي الشهم مــاحرك ذراع
****
يــالــيل حضرلـي وعــد جيب المنيه
مــاريــد اصــدن للــولـي وفرك بديه
ويــاه اريــدن مـوتتي نغمض سويه
خلي خبر بين الخلگ ياموتي ينذاع
****
ابوحيدر الصبيحاوي
بنات الحسين
************
ركضن كل بناته بدمعه هماله
وشــافــنه العـزيز بظيم حاله
يدورن بلولي ومـاصح خياله
بــويـه حسين صاحن يادلاله
بــويــه عليــك ونتنه وبچينه
وهــاي ارواحـنه تندب حزينه
گلـبنه علــيك مــاهــود ونينه
بموتك چم گلب ملـچوم بينه
گــومــنه اجــينه اعلــيك نلتم
لگيناك علشاطي وروجك الدم
نحــلم بيــك ونــته بينه تحلم
لا انــته البقــيت ولا بقــه عم
تــعال النــاس جـارت ونولينه
ودمعنه عليك مــابطل مسيله
وــصارت موتك عدهم سنينه
ونسوك حسين للوادم وسيله
ابوذيه
*****
ســور اهموم چـن وكتي بناتاه
الوكت بحسين كـل ضنه بنا تاه
شفت ركضن على بوهن بناتاه
وسون نايحه بنص غاضريه
*****
ابوحيدر الصبيحاوي
ام القاسم
************
يــمه اشعــلك شمــع وبخور
تــرف يــوليـــدي يلــمع نـور
گلبــي مـــن يـــون مــــعذور
عفته بروحتك يايمه مكسور
ابـــاوع تكـبر بعيني اشوفنك
ابــاري بلــزرع قـداح اعرفنك
شگولن للخلگ يـــايمــه عنك
يلمغمض العيون الحسن چنك
تعـــال اســـمع حچـي الشمات
يبــني ونشــف اعيــوني
حرگن ثــوبــي احس حسرات
وكثــرن يلــولـي ضنوني
عيوني وشلن ماظلن الدمعات
وفــوگ الهــم يلـــوموني
بگلبي مو نبض وسمعهن اهات
بلاهات احسنهم يلچموني
ابوذيه
*****
دم منــه جــره ياناس يوماي
طــاح ولا حــچه لابيه يوماي
وگبله انه اريده يصير يوماي
ولا شوفه بدمه ذيچ المسيه
****
ابوحيدر
الصبيحاوي
زينب يم العباس
************
ظلمه الــيل بــعدك يــاگمرنه
الك ياخوي مــايطفه جمرنه
نــظل انوحلك بــاقي عمرنه
يحادي ضعونــه كلك محنه
تعال وشوفــها سكنه ورقيه
خلافــك يلگمر شافــن اذيه
شگـلك بلــجره وصــار بــيه
صفت بگيود مشدوده اديه
خويه لو گلت يلچمني الفراگ
وبگد السنين الراحـت اشتاگ
الكون بروحتك ياكافلي ظاگ
شدوها ادينه وجــابــو انياگ
خويه الشوفتك عيني حزينه
وگلبي الفــارگك اسمع ونينه
بعد لو صيح مــاظنن تجينه
تــهد الحيل دمعتنه وبچينه
ابوذيه
*****
گمر وتعوديـت اعليك بس ماي
نخيتك كون مره تصيح بسماي
ماگتلك اريــد اچفوف بس ماي
جبت اچفوفك وروحك اليه
****
ابوحيدر
الصبيحاوي
جال الخيل هد الحيل طفه اليل بعداء
حز الروس حط ادروس للناموس ويــاء
******
هـــذه الدمـه حامي كل حياته
مـــن حيدر علي مـاخذ صفاته
اليله يدوس فوگ اعله الشماته
مـــال الـــدنيه بيده هذه ابن الصميده
غضب وحتر وريده وماهمه مماته
باد صفوف خله الخوف بين اطفوف بلواء
****
طــب خيال طــر كــل الميادين
عدل معروف بي لاذت عناوين
حــط بعداء مـــن چفه نياشين
كلــف معروف زوده ثبت بلطف وجوده
منو اليگرب حدوده حامي الحسين
صاحت ناس ها عباس عالي الراس بضواء
****
البخت وياء بـي محـزم احزام
وترعب يمنته لن بيها صمصام
صخر وعداء كلها صايره جـام
يصعد علمنيه راد صايود بزلمهم صاد
سيفه بلعدو ماهاد وبضرباته يلام
بيهم صال كلمن عال چن شلال ملگاء
****
كــف الطف تخير ويــن الاكبار
گمر معروف گلبه وصارمه حار
سبع الگنطره بميدانه هــل غار
كف الطف يمينه اجه وعالي جبينه
ابــن حيدر ولينه والاگاه محتار
نار ونور قلعه وسور كله يفور بدماء
****
لــم بيده الشريعه وجايب الماي
جاب الجرفه كله وجايب افياي
گال العلگمي ومــن تطب بهداي
الماي بچفه جابه گــمر والكل تهابه
ونزل بيهم عذابه صاحب الراي
حامي ضعون بي يدرون اليلومون بگفاء
****
ابوحيدر الصبيحاوي
تعال اوعود كافي كسرة الخاطر
تعال الشوفتك كل ناسك تناطر
****
مكانك خالي ذاكــه يلرحت منه
وعفت بينه الحـزن والاه والونه
بس شوفت اعيونك گمنه نتمنه
يل ماشي ودليلي بروحتك كاسر
****
اصيح بصــوت كـون يــرد علينه
واخبره بگلبي ظـــل عـالي ونينه
نتانـي بطيف بلــكي يــمر يجينه
نحط اظلوع الـــه ونصبح گناطر
****
بويــه البيت اظلم مــن جفيتونه
وحشه بيوتنه مـن رحتو عفتونه
طارش ودو النــه خــل يجيبونه
مــو گلتو نـودي مــن يجي باچر
****
بــويه اليل گــام يجيب طرواكم
وچانت امنيه كون امشي وياكم
چــا هسه عـزيزه وانــي بحماكم
طيــر اتــمنه انــي ويمكم يهاجر
****
تعال الگلب حــن ورايــد اعزازه
وبي شوغات مـثل المشو جنازه
رچيچه الروح ودري بيها تتوازه
تمنيتك يبويه بهـل وكت حاضر
****
نـــار افــراگ گلـبي حيـل حراگه
روحي عل جفوها دوم مشـتاگه
اعاين عــل درب مــاوجد الناگه
ودهري وياي صبح ياخلگ عاثر
*****
ابوحيدر الصبيحاوي
هذه الضعن بانــت اثر خطواته
الحادي گــمر كافل اجه بخواته
*****
طــر بيدته هذه الضعن يدرونه
حسين الولي الهم تصد اعيونه
بــي بنـي هاشم كلهم يـعرفونه
وحسين بي در يـاخلگ چلماته
****
ضعن العزيز اليله طــب الديره
وعليه كــل النــاس تبقه بحيره
محمل ضعنهم حملو بس غيره
والشيخ بيهم كـل درت حملاته
****
سير ضعنهم هــم فتــح ديوانه
بــاب الكرم معروفه كــل بيبانه
حسين اجـه بنصاره وي خوانه
جاب النسه وعبدالله هم مافاته
****
يبرالــه رب الكون جاب احبابه
مصلح اجــه ويـذود عـن كتابه
وعليه وكتنـه نــدار بـي دولابه
لتمت عليه يانـاس كــل شماته
****
ضعن الولي املاك اجـت تبراله
كل واحـد البــيهم يــرد خـياله
البيهم عــزيز وظل يحـن دلاله
ويــاهــم گمر نور الله ابلـفتاته
****
طب كربله والموت شـافه بعينه
يون الضعن اهات ظـل لحسينه
افراگ يدري ومــوت بينه وبينه
الوكت ظـل يلچم تره بحسراته
****
ابوحيدر الصبيحاوي
ام البنــــين ومــن يـــواسيها
ربــت الغـــيره بكــل معانيها
****
صبت دمـعها ومــابقـة دمعه
ودلالـــها مــن الهـــظم يـنعه
بلــروح تحـرگ تشبه الشمعه
والخلگ سمعت كل بواچيها
****
لحسين ونت ونــه مهظومه
ومـــن العزيز اليله محرومه
يـــاريت گالت اسمع اعلومه
وتبچي الحنينه تـريد واليها
****
نـاحــت عليـهم ونــت بغيره
ياناس وحشه وظلمه الديره
تانت ضعنها وحـايره بحيره
تشكي صـفت ضلت الباريها
****
صاحت حسين اليله ماجانه
وظلـيت اون علــيه حيرانه
اگظي العمــر علراح حزنانه
تهــد الصخر ضـلت نعاويها
****
تجرحــها ضــلت اه حـراگه
لحسين هــيه دوم مشتاگه
گلبچ يحـره تــكتل اشواگه
الناس كلها صــاحت شبيها
****
ضلمه عليها الرايح ضواها
والروح بيها ضــاع منواها
راح الگمر وحــدهـا خلاها
والــوكت بلـوه هـوه باليها
****
ابوحيدر الصبيحاوي
يلچمني احـسنه النــحر مــن اذكــر يــحزونه
وتوجعني نضرات الولي لــمن يصـد بعــيونه
*****
علــتله رجلــي تخيطت لــمن شــفت ذبــاحه
نيــران بگليبي احــس واعداء احس مرتاحه
اسمع صريخ بحضرته مــو مــنه مــن ذباحه
من اگرب النحر الولي اشوف الولي يلچمونه
*****
الولي بايد حيله احس مابيه يحچي حچايه
والگاع غــرگانه شفت وجروحه كلــها دمايه
ابــدمــه حريــه كتــب وعــنوان صـار وايــه
ولتــمت اعليه الخلگ مــن كــل كـتر ياذونه
*****
خويه مــن اگولن ينگلب ومـابي يفتح عينه
بعيوني اشوفنـه جــرح وكــل العــده والينه
بسيوف ورماح نطعن حتى الحـجر حاوينه
والخيل صعدت علصدر رادو وذر يگــضونه
*****
حز راسه وشاله برمح وطشة يتامه بحومه
والنار بذيــال الركض وكلـمن يطفي هدومه
نيران والموت ودمــه وطايح چبــير بگومه
وفوگ التراب تعمدو بــدمــه الولي يخلونه
*****
ولتــمت افــات البــشر كلــمن يــدور الـراده
علمحبس نگص خنصره هــذه الظلم وبعاده
علراس الطمو مصيبته عذراً صحت ياساده
طاح الامام بكــربله وكــل خلــته يشوفونه
*****
اضلم الكون بــلاء ضوه مــن نـذبح قرءاني
والتمت اهمومي علي وكـثرت علي احزاني
عفيه ودليلي ماسكت ولامات ويــه خواني
وناديتهم مــحد يــرد بــس ادري يسمعونه
*****
يــاعمه كلــها صيحت يــاهــو الاصـبر حاله
وحــبال والنوگ الاجـت ويمـنه اجت خياله
وعيون كل طفله وطفل تجري وتظل هماله
شيردون من عدنه الخلگ وين انوو يودونه
*****
ابوحيدر الصبيحاوي