6111
خدامه اظل لحسين حد المنيه ... بس كون ابو السجاد يرضه عليه ...
ندبه للامام الصادق ع..
ننخه اليوم واندبك يصادقنه
انريد اليوم تكضي كل حوايجنه
=========
محتارين اجينه اليوم ننخاك
ندريها كريمه تفيض يمناك
نلعن كل لعين اليوم سماك
كريم وابد ما تعتذر من عدنه
==========
اجيت انخه واكلفك آه يمسموم
عليه زايده مولاي الهموم
اريدن فرحتي مولاي هاليوم
اظل انعه المصابك دوم وانعاك
==========
انخاك او كفو تكضي الحاجات
اجيت انخاك وابعيني الدمعات
ما ترد النخاك ابيوم هيهات
انخاك///ودمعاتي ابعيني
هوسات...
يالصادق نخيتك لا تفشلني
ابيومك هذا اريدنك تفرحني
تكضي حاجتي انه وكلمن تحبني
وتكضيها///انخاك اتحلها
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
❌لاإجيـــز حــذف الأســم❌
★★--------------★★----------★★
/channel/tteef
مولاي يالصادق...
يالبالعلم ناطق...
يا وسفه مسموم... يا وسفة مسموم
📖📖📖📖📖📖📖
اشهالمصيبة الما جرت... وشهالقضية
مسموم ابن سيد الرسل... سودة علية
شنهو الذنب شلي جره... ليش الاذية
ما رحموا ابآل النبي... گوم الدعية
صادقنه ما رحموه
ليش ابغدر سموه
يا وسفه مسموم.... يا وسفة مسموم
📖📖📖📖📖📖
مظلوم أمام الرافضة.... صادقنه مظلوم
ابن البتول الطاهرة.... يا وسفة مسموم
ابن البطون الزاكية.... هذا ابن العلوم
حتى الگبر لا ما سلم... يا ناس مهدوم
شنهو الذنب يا ناس
قصة تشيب الراس
يا وسفه مسموم.... يا وسفة مسموم
📖📖📖📖📖📖
النار مارحمت ابد... حالك يمولاي...
أمن الطف شرارة سيدي.... أو وصلتك هاي...
فرن بناتك كل كتر.... تصرخ يبلواي
منظر بگه من كربله... نار وبلا ماي
نار شيطفيها....
ابناتك امروعيها....
يا وسفه مسموم.... يا وسفة مسموم
📖📖📖📖📖📖
ابالك بگت من كربله... ذكره أليمه
احبال وأسر جوع وعطش... أو نار خيمه
تشاهد خواتك بالفله... والله هضيمة
احا يقصة كربله... والله عظيمة
ابالك الذكره
مره شكثر مره
يا وسفه مسموم.... يا وسفة مسموم
📖📖📖📖📖📖
النار عادتلك واجت... واحتركت الدار
وشفت البنات ابكل كتر... صار الها طشار
تذكار من طف كربله.. واشلون تذكار
عدوان ما رحموا نسلكم.... يبن الاطهار
ظلموا نسل البدور
المسموم والمنحور
يا وسفه مسموم..... يا وسفة مسموم
¢¢¢¢¢¢¢¢¢¢¢¢¢¢
✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★
/channel/tteef
#من_ديوان_دمعه_فاطمية_الجزء_الاول_الشاعرة_دمع_الفواطم
فزاعيه جنوبيه مع رباط هوسه ...لدخول زينب ع لمجلس الطاغي يزيد لعنة الله عليه .....
بالله اشلون ....طبيتي الدواوين
وانتي امخدرة واهلج سلاطين
(( اطبينه////كلفه الديوان ))
():():():():():():():()
بالله اشلون زينب من دخلتي
ابديوان النذل بالله شكلتي
عفيه عليج يا زينب حملتي
وانتي الهاشميه اربات ابو احسين
(( الوهامه /// آه لو يدرون ))
():():():():():():():()
بالديوان مايدرون خوانج
وانتي ام الخدر والخدر عنوانج
مكسورة كلب تتخاطف الوانج
غدار وابد ما يرحم البين
(( وافعاله /// احا يالبين ))
():():():():():():():()
صعبه طبت الديوان ما تنراد
وانتي امخدرة بت سيد العباد
هظم ايزيد ويلي بالكلب مرّاد
يتنشّد على العباس واحسين
((اهل النيبه///ايكلج وين ))
():():():():():():():()
ابد ما تنحمل طبت الديوان
زحمه من تطبه ابيوم نسوان
جا وين الحيادة وذيج الاخوان
هايه مو الج يخت الميامين
((اهل الغيرة ///جا وين اليوم))
():():():():():():():()
يكلب كونها عباس لو يدري
لو صحتي يخويه ابشاربك خدري
الحك يبو فاضل مو خلص صبري
يكول اشبيدي خويه ابغير جفين
((اتعذريني///الجف مكطوع))
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
#دمع_الفواطم
❌لاإجيـــز حــذف الأســم❌
★★--------------★★----------★★
/channel/tteef
قصائد محرم
متوفره الان
سارعو بالحجز والشراء
#الطلب_والاستفسار⭕👇👇👇⭕
@ABRAR5325
قناة مكتبة عاشوراء 👇👇👇
/channel/AiDoiwwn19878
كروب اجهزة ملايات👇👇
/channel/+n-BgqsOHygw5OWNh
//////////هوسات//////////
زينب طالعه دور تنشد وين طاح حسين
تعثر بالمشي وتكوم طرت كوم الملاعين
تصايح عليها الناس يخت حسين شدورين
(((وعلكناه /راس بن امج وعلكناه)))
$$$$$$$$$$$
بطلي من الدواره وايسي منه
ومن جيته يزينب كطعي الضنه
ودينه عليه خيول داسنه
(((((صاحت يحسيني //من سمعت صاحت يحسيني))))
***
✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★
/channel/tteef
السلام عليكم...
اختي الكريمة...عندج فاتحة وتردين كتاب تقرين بيه..
تعالي..سويتلج كتاب للاب..كولشي بيه
فزاعيه
ثكيلة
نعي
هوسات
محاضرة
دعاء
مو بس هاي لا..خليتلج بيه قصائد حسينية ختمة مجلس..بعد شتردين..
ديوان تراب الاحباب الجزء الثاني للشاعرة دمع الفواطم..
اصدار جديد
الجزء الثاني
(( تراب الاحباب ))
خاص للفواتح للاب مع قصائد حسينية
يوجد توصيل لكافة المحافظات
لطلب والحجز المراسله على الخاص👇
@ABRAR5325
قناة للبيع دواوين الملايات الاشتراك بالقناة👇
/channel/AiDoiwwn19878
#من_ديوان_تراب_الاحباب_الجزء_الثاني_خاص_لللاب_الشاعرة_دمع_الفواطم
لشيوخ العشائر ....للزلم المعدلة
يهل الضيف ..يهل ابيوت الكبار
نمشي ابجالكم من غير تسيار
((انتم هيبه //يسباع الحد))
()()$$()()$$()()
هيبتنه وعلينه ما تهونون
يرجال المراجل وين تردون
انشيل الراس بيكم من تمرون
يوم اغيابكم يا كون ما صار
((عيالة انتم //واهل النيبة))
()()$$()()$$()()
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
دمع الفواطم
❌لاإجيـــز حــذف الأســم❌
★★--------------★★----------★★
/channel/tteef
فزاعيه جنوبيه...للعباس ع
يا عباس ....يبن الباش باشات
عمامك بالحرب دكوا الغارات
@@@@@@@@@@
الك مشهود يالكافل الحربية
الك تاريخ بالطك والنمارية
احجي ابزود الك واحجي ابعدالية
ابوك البالمعارك داك غارات
@@@@@@@@@@
تاريخك يبو فاضل يذكرونه
ميهاب الزلم يالبارعه اعيونه
لو هد وغضب لا ما يكحمونه
يهديب ويهد هدات هدات
@@@@@@@@@@
يهد اعله الزلم لا ما رجف كلبه
خيرهم يظل امتيه الدربه
ريشاته اعلى راسه نازل الحربه
عيب ايهاب يا عباس هيهات
@@@@@@@@@@
عيب ايهاب اخو زينب الجيدومه
يشهدله الحرب لا ما نسوا يومه
ابن باشات هذا الشايعه اعلومه
حد الموت ما دنك الهامات
@@@@@@@@@@
ما دنك الهامه ولا نزل راس
حط بكلوبهم يا ناس وهواس
هذا بالمعاره ايجيس منجاس
لعباس هوسي وشيلي رايات
اعلى الكافل //// اتلوك الهوسه
اطب المجلس العباس ...اهوس شايله الرايه
الك هوسات ابو فاضل....الك يا حامي الثايه
اهوس للبطل عباس ....وكومي هوسي ويايه
ها
ها
ها
شيليله الرايه
يا حامي الثايه
كومي ويايه
هوسيله ////// وشيلي البيرغ
@@@@@@@@@@
الك صولات يا عباس.. تشهد بيها كل الناس
اتسحك عالزلم وتفوت ..اهديب وابد ما تنجاس
دك دمامها وصاحوا ... ادخيل ادخيل اجه عباس
ها
ها
ها
الكافل طب بيها
الموت يراويها
هو امخاويها
هذا انه ////// هوس بالملعب
#من_ديوان_تراب_الاحباب_الجزء_الثاني_خاص_لللاب_الشاعرة_دمع_الفواطم
نعي للاهل والاحباب ايام العيد ..
شعندك جاينه يا عيد شتريد
انعايدمن بعد خلوانه البيوت
شلون افرح واعيد والبس جديد
واعزاز الكلب ماخذهم الموت
تمنيتك تمر مو انصب افراح
تمنيتك تجي وجايبلي تابوت
انوحن بالنزل جاوين الاحباب
شيردهم علي ما ينفع الصوت
اشلون افرح واعيد بعد… عيدي
يدنيه الراح بالله علي… عيدي
حزن اصبح يناس اليوم… عيدي
شلي بالعيد واهلي بالوطيه
#الشاعرة_دمع_الفواطم
بتاريخ 17 //4 //2023
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
دمع الفواطم
❌لاإجيـــز حــذف الأســم❌
★★--------------★★----------★★
/channel/tteef
#من_ديوان_تراب_الاحباب_الجزء_الثاني_خاص_لللاب_الشاعرة_دمع_الفواطم
فزاعية جنوبية ..برباط هوسه ...للاب ولشيوخ العشائر ولرجال الزينة
وين اهل الكرم .....واهل العزوبية
وين اهل المضايف والخيورية
🗳️🗳️🗳️🗳️🗳️🗳️🗳️🗳️
اليوم اهل المروة وين منواها
عمت عين التراب شلون ضماها
يهد الحيل ما ينحمل فركاها
اريد الطم عليهم حيل مابيه
(( العيالة //// ناموا بالطين ))
🗳️🗳️🗳️🗳️🗳️🗳️🗳️🗳️
وين البالمراجل علكوا نيشان
ناموا بالتراب وعافوا الديوان
مهضومة العشيرة والسلف حزنان
تبجي اعيونه الهم ومعمية
(( يا عيالة //// الونة الكم ))
🗳🗳🗳🗳🗳🗳🗳🗳
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
دمع الفواطم
❌لاإجيـــز حــذف الأســم❌
★★--------------★★----------★★
/channel/tteef
#القصيدة_في_ديوان_دمعه_فاطميه_الجزء_الرابع...
#للشاعرة_دمع_الفواطم..
صاحبة ديوان كف الخيرات لقضاء الحاجات...
خاص...بالامام علي ع
نعي.....لذكرى استشهاد الامام علي ع...
مريت بالدار وابجيت
محتامة لبوي واسيريت
لكيت منه خالي البيت
غير الهظم ما حصليت
()()()()()))((()()()()()
ناشدت وين ابوي وينه
ذليله تراني اخلاف عينه
شايل يبو روح الحنينه
()()()()()))((()()()()()
شلهم عليك واصوبوك
او مطروح بالمحراب خلوك
جاروا عليك او حاربوك
()()()()()))((()()()()()
جاروا عليك اهل الرديه
صابوك وادمومك جريه
يومك يوالي اثر عليه
()()()()()))((()()()()()
نكروا وصيت النبي العدنان
اوياك ما نصفوا العدوان
اشمال الزمان اوياك خوان
()()()()()))((()()()()()
العدوان شلها حاربتنه
جارت علينه او طشرتنه
اويانه شو خاين وكتنه
()()()()()))((()()()()()
اعاين السجادت صلاته
لو كام صله وشحلاته
اليوم ضيعنه بناته
()()()()()))((()()()()()
يبجن او يردنه البنات
شال الابو او ظلن محزنات
هنه عليه معلمات
()()()()()))((()()()()()
يبجن عليه واتهل العيون
امن الموت يرجع هاي مضنون
شايل يقلاع الحصون
()()()()()))((()()()()()
شايل يقالع باب خيبر
وكلبي على افراكه تمرمر
زينب واصيح الله اكبر
/channel/tteef
#القصيدة_في_ديوان_دمعه_فاطميه_الجزء_الرابع...
#للشاعرة_دمع_الفواطم..
صاحبة ديوان كف الخيرات لقضاء الحاجات...
خاص...بالامام علي ع
لطمية مربعة او فزاعية.....للامام علي ع...
الف يا حيف...حيدر حمل وشال
وزينب لاطمه والدمع همال
====()()()====
زينب لاطمه واعليه محزونه
شلهم يالعده او بيمن يطلبونه
ابوي اليوم شال وغمض اعيونه
ياهو اللي يرد البينه لو عال
الف يا حيف..
====()()()====
زينب لاطمه واتصيح يا حيف
شايل يا سبع المخاوي السيف
يمربي اليتامه او كارم الضيف
جاياهو اليشيل الحمل لو مال
الف يا حيف..
====()()()====
شال اليوم حيدرنه الكرار
لو اغضب على العدوان صب نار
يومك يا علي مثله فلا صار
يومك يا علي يوجع الدلال
الف يا حيف..
====()()()====
شال او عافنه هاليوم ابو احسين
عليه امكدره وتبجي الدواوين
عليه اليوم يبجي او محزن الدين
شايل يالولي واكطعت الامال
الف يا حيف…
====()()()====
عليك الحيف يا راعي الكلفات
عيوني اعليك ما نامت مسهرات
الك بالروح يا صنديد ونات
بعلمك يا سبع هدمت الجبال..
الف يا حيف...
#الشاعرة_دمع_الفواطم
بتاريخ 2 //4 //2023
#من_ديوان_تراب_الاحباب_الجزء_الاول_خاص_للام_والجدة_الشاعرة_دمع_الفواطم
للوالدة .....للنسوان المعدله ...
كحيله وسولفت ....بيج الدواوين
وانتي اعدال ابو كهوة وفناجين
°°••°°••《□》••°°••°°
هاي امعدله وتحجي ابمثاقيل
الف يا حيف عنه شالت ابليل
اليعرفها عليها ايصيح يا ويل
شديتي احزامج وين تردين
°°••°°••《□》••°°••°°
هاي ام الهلا وام العزوبيه
وسع الباب خل تدخل الصينيه
يم ملكه الحلو والروح حنيه
بطلي النيه يمه ولا تشيلين
°°••°°••《□》••°°••°°
يم ملكه الحلو وترحب الضيف
عزوبيه وكرم ملكه على الكيف
امحمله وشايله وسفه والف حيف
معدوله وحجيها بالميازين
°°••°°••《□》••°°••°°
الوالي اعليج يمه شاد انكاب
وجرح البالكلب خزن ولا طاب
هاي الغاليه ويا اغلى الاحباب
بطلي الونه يمه ولا تونين
°°••°°••《□》••°°••°°
كل الناس مثلج ما يصيرون
هنا يالوالدة يا نور العيون
عليج السلف كله اليوم محزون
اخوانج والاهل كلهم محزنين
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
❌لاإجيـــز حــذف الأســم❌
★★--------------★★----------★★
/channel/tteef
في ميلاد الامام المهدي ع....
اشارك بالحفل متعني او فرحان 🎉
بهايه ليلت اخمسطعش من شعبان 🎉
ملتمه الاحباب او فرحت الخلان 🎉
هااا
هااا
هااا
افرح واتهنه ..
ابجيتك قائمنه..
بارك لمتنه..
بارك لمتنه///ابهالليله
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
❌لاإجيـــز حــذف الأســم❌
★★--------------★★----------★★
/channel/tteef
لطمية مربعة او فزاعية..للصادق ع...
اريد الطم وادك للصادق الليله
شيخ الجعفريه هدموا حيله
::::::::::■::::::::::
الطمله وادك وانه الممنونه
سموه الاعادي وشيطلبونه
سمه سره ابجسمه وسلهم اعيونه
دك اعليه يشيعي والدمع سيله
::::::::::■::::::::::
ابجوا للامام ابحركه وابعبره
من ضيم الاعادي وشعظم صبره
اليوم اعلى الامام ادموعنه تجره
ويل الحاربك يا سيدي ويله
::::::::::■::::::::::
سماه اللعين ولا رحم حاله
الدنيه سيدي وياك مياله
عليه اعيونه هاليوم هماله
مسموم وايلوج ولا غمض ليله
::::::::::■::::::::::
اندك امتونه وانعلي الونه
شال من المدينه اليوم صادقنه
ننصبله عزه ونهل مدامعنه
انهل ادموعنه واجب او نبجيله
::::::::::■::::::::::
اليوم امنشره الرايات مرفوعه
واكلوب الاحباب اليوم مفجوعه
نبجيله ابلطم وابنوح وابلوعه
مأتم للعزه واجب نسويله
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
❌لاإجيـــز حــذف الأســم❌
★★--------------★★----------★★
/channel/tteef
للصادق اگوم اجلال.... واعظام
واگله أكبر مصاب احسين... وأعظم
مارضولك اضلوعك.... والعظام
ولا ظليت مرمي اعله الوطية
بقلمي المتواضع... الحاجة طيف الساعدي
¢¢¢¢¢¢¢¢¢¢¢¢¢¢
✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★
/channel/tteef
#من_ديوان_دمعه_فاطمية_الجزء_الاول_الشاعرة_دمع_الفواطم
فزاعية او مربعة ....عن حال زينب ع بالسبي
احاه يالغربت ....وي راس واليها
مهضومه وتون وامضيعه اهاليها
><□><□><□><□><
راس احسين وياها
طول الدرب يبراها
تصدله وتهل عيناها
تهد الحيل ونتها وبواجيها
><□><□><□><□><
تهد الحيل حالتها
تبجي وتجر ونتها
فوك ارماح خوتها
بس الروس وياها وتباريها
><□><□><□><□><
راسك يالولي هدني
هدني وحيل عذبني
انظرنه ويناظرني
خوية احسين كلي اشلون تاليها
><□><□><□><□><
عذبني الرمح والراس
راس احسين والعباس
قصتي ما جرت عالناس
طحت ابناس صلفة وما رحم بيها
><□><□><□><□><
شالوا راسك اكبالي
طول الدرب يبرالي
مارحموا ابد حالي
روحي اتلوعت وحيل ما بيها
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
#دمع_الفواطم
❌لاإجيـــز حــذف الأســم❌
★★--------------★★----------★★
/channel/tteef
#القصيدة_في_ديوان_دمعه_فاطمية_الجزء_السادس_خاص_للحسين_ع_للشاعرة_دمع_الفواطم
لطمية مربعة او فزاعية...عن حال زينب ع بعد مقتل الحسين ع
انه ام الخدر زينب العلويه
يشتمني النذل وايصيح مسبيه
🖇🖇🖇🖇🖇🖇
انه ام الخدر والخدر عنواني
اليوم اميسره والشمر سبّاني
مشوني بيسر من يخبر اخواني
انخه بالغربب ايكول شعليه ..
انه ام الخدر...
🖇🖇🖇🖇🖇🖇
علويه ونجيبه وعيب شافوني
اليوم اميسره والعده ايضربوني
من ضيم العليه تهمل اعيوني
نار البالكلب تلهب وسعريه....
انه ام الخدر.....
🖇🖇🖇🖇🖇🖇
محد شاف طولي وشايف اخيالي
اليوم اميسره والعدو يبرالي
من عكب الدلال امشي بلا والي
الطم عالوجه والعين معميه..
انه ام الخدر....
🖇🖇🖇🖇🖇🖇
عنواني الخدر والشرف والعفه
وامشي ويه العدو صعبة علي كلفه
جنت امخدرة واميسره وسفه
محجوبت علي محد نظر ليه...
انه ام الخدر....
🖇🖇🖇🖇🖇🖇
زينب بت علي معروفه بحجابي
صعبة من الغرب توكف على اعتابي
لحسين العتب ما يسمع اعتابي
ما يدري ابحالي والجره اعليه...
انه ام الخدر....
🖇🖇🖇🖇🖇🖇
انه امخدرة واربات الفحوله
اخلاف اهل الحميه اليوم مذلوله
خبرولي ابن حيدر روحوا كلوله
زينب تنتحب يبن الافاعيه....
انه ام الخدر.....
🖇🖇🖇🖇🖇🖇
تتفرج عليه الزلم بالحومه
وابن امي صريع وتنزف ادمومه
خل ايكوم هذا مو وكت نومه
انه امخدره وعالضيم ما بيه....
انه ام الخدر.....
🖇🖇🖇🖇🖇🖇
يضربني النذل يا خويه ويسبني
شد احبال بيدي وكام يشتمني
تصعب حالتي اكعد يخال ابني
ياريت الطفوف انهجم واديّه....
انه ام الخدر
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
❌لاإجيـــز حــذف الأســم❌
★★--------------★★----------★★
/channel/tteef
#القصيدة_في_ديوان_دمعه_فاطمية_الجزء_السادس_خاص_للحسين_ع_للشاعرة_دمع_الفواطم
لطمية ثكيله عن حال زينب ع في رحلة الاسر ....
يالماشيه ابلا والي ....يالماشية ابلا والي
وين الدلال العالي ....وين الدلال العالي
يم المهابة والخدر ..
اشلون حالج باليسر ..
زينب يزينب ...زينب يزينب
¤¤▪︎¤¤▪︎¤¤▪︎¤¤▪︎¤¤
اشلون حالج باليسر واشلون تمشين
ولو مال مره محملج المن تحشمين
عباس لا يمج بعد لا يمج احسين
عالناكة يا هو يصعدج يخت الميامين
محد لمح خيالج ....محد لمح خيالج
اشلون هسه حالج ....اشلون هسه حالج
ادروبج خطر وابعيده ..
ويصعب يمشي البيده ..
زينب يزينب .... زينب يزينب
¤¤▪︎¤¤▪︎¤¤▪︎¤¤
ياهو اليثنيلج بعد ويدك ركبته
وايكول هاي ام الخدر ويصعد اخته
عباس اخييج بالدرب حلوة رفجته
باليسر رحتي وعالترب ظلت يمنته
عباس طيب السيرة ....عباس طيب السيرة
كله شهامه وغيره .... كله شهامه وغيره
يانجمة الثريه ..
صعبه مشت مسبيه ..
زينب يزينب ....زينب يزينب
¤¤▪︎¤¤▪︎¤¤▪︎¤¤
حالج شعب كلبي ومرد دلالي
يمخدرة يم الدلال العالي
اتكولين انه المحد لمحلي اخيالي
هاليوم عدوان وغرب تبرالي
حرمة وغريبه ابهالحال ....حرمه وغريبه ابهالحال
وامكلفة ابجمع اعيال ....وامكلفه ابجمع اعيال
تبجي وتنوح الايتام ..
وابعيد يا درب الشام ..
زينب يزينب ....زينب يزينب
¤¤▪︎¤¤▪︎¤¤▪︎¤¤
لا والي يبره للضعن لا رايه رفت
اشلون لو نوك الهزل بالدرب عثرت
ياهو الينشفلج دمع لو عين صبت
وجثة عزيزج بو علي عالكاع ظلت
اموذرة ومسلوبه ....اموذرة ومسلوبه
واعلى الوجه مكلوبه ....واعلى الوجه مكلوبه
اشلون من شفتيها ..
واعله الثره عفتيها ..
زينب يزينب ....زينب يزينب
¤¤▪︎¤¤▪︎¤¤▪︎¤¤
اشلون عفيتيه عالثره وجروحه تشخب
الله يعينج عالجره الله يزينب
اشصار كلبج بت علي والحال يصعب
من عكبه رحتي اميسره بالشتم والسب
ممشاج بالله اشلونه .... ممشاج بالله اشلونه
والوالي ظل ابكونه .... والوالي ظل ابكونه
امرافكه جتاله ..
تصعب يهاي الحاله ..
زينب يزينب ....زينب يزينب
¢¢¢¢¢¢¢¢¢¢¢¢¢¢
✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★
/channel/tteef
اصدار جديد
الجزء الثاني
(( تراب الاحباب ))
خاص للفواتح للاب مع قصائد حسينية
يوجد توصيل لكافة المحافظات
لطلب والحجز المراسله على الخاص👇
@ABRAR5325
قناة للبيع دواوين الملايات الاشتراك بالقناة👇
/channel/AiDoiwwn19878
#من_ديوان_تراب_الاحباب_الجزء_الثاني_خاص_لللاب_الشاعرة_دمع_الفواطم
فزاعيه ...لشيوخ العشائر
دك التيل ....خل يوصل للعمارة
شال الما رضه ابعطوه وتسيارة
()():::::::::::::::()()
دك التيل خل اهله يحضرونه
ابهوسات وتفك خلهم يشيعونه
بحر الطيب يالكلهم يعرفونه
هذا الما طلع زعلان خطارة
()()::::::::::::::::()()
خل تحضر عمامه شايل الهيبه
يا جف الكرم والخير والطيبه
شال ازماط اخوته وبعد شيجيبه
شال وكل عمامه اليوم محتارة
()()::::::::::::::::()()
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
دمع الفواطم
❌لاإجيـــز حــذف الأســم❌
★★--------------★★----------★★
/channel/tteef
فزاعية للعباس ع...
دگ دمامها.... عباس طب بيها
وعيون الزلم كلها امبجيها
✍✍✍✍✍✍
دك دمامها من دخل للحومه
عباس الشجاع اتخوف اهدومه
تسلم يمنته فارس الجيدومه
طشار الزلم طكها ولعب بيها
✍✍✍✍✍✍
هوس وارتجز من دخل ميدانه
عباس الشجاع ايكول هذا انه
تتشارد غدت من عده عدوانه
زامطهم وكال اليوم افنيها
✍✍✍✍✍✍
شايل رايته وايهوس ابسيفه
عباس البطل منهم اخذ حيفه
تشهدله المعارة يلعب ابكيفه
يبس ريجها وتعضعض ايديها
✍✍✍✍✍✍
كلمن كابلاه اييبس ارياكه
ذبه سيفه وشرد وياه متلاكه
ايهز بالسيف ظل والرايه خفاكه
تسلم يمنته محد يلاويها
✍✍✍✍✍✍
تسلم يمنتك عباس ابو الرايه
زينب هوست للبيه الكفايه
لاواها الزلم طب وترس مايه
عطشانه الحرم ويريد يرويها
اويه الرايه /////// يشهدله السيف
#من_ديوان_تراب_الاحباب_الجزء_الثاني_خاص_لللاب_الشاعرة_دمع_الفواطم
لطمية فزاعية جنوبية مع رباط هوسه....للاب....
وين تريد....يبن الباش باشات
تموت اضلوع كلمن كالي مات
((شال الماضي///الدنيه اتون ))
☆☆☆☆《●》☆☆☆☆
ايون الماو الكم آه يدهريه
يرجال المراجل والنماريه
كالولي رحل ماتن يرجليه
وسفه اعليك شيال الكلافات
((يالباشا///ريض لا ترحل ))
☆☆☆☆《●》☆☆☆☆
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
دمع الفواطم
❌لاإجيـــز حــذف الأســم❌
★★--------------★★----------★★
/channel/tteef
#القصيدة_في_ديوان_دمعه_فاطميه_الجزء_الرابع...
#للشاعرة_دمع_الفواطم..
صاحبة ديوان كف الخيرات لقضاء الحاجات...
خاص...بالامام علي ع
فزاعية جنوبية......للامام علي ع
التهابه الزلم.....طايح ابمحرابه
السيفه اعلى العده مانام بكرابه
°°••°°••°°••°°••°°••°°••°°
وين الجان يرهب من يلاكونه
ابو الحسنين هذا اللاعبه افنونه
بساحات الحرب كلهم يعرفونه
اله شاهد ابخيبر من شلع بابه
°°••°°••°°••°°••°°••°°••°°
يالراضع النيبة امن اول اصياره
اتظل اهل الوصف بأوصافه محتاره
ايحامي للدخل وايحامي الجاره
يومه ما يهون واتنحب احبابه
°°••°°••°°••°°••°°••°°••°°
بالمحراب طايح وسفه يالهيبه
امنين انجيب مثله المثله شيجيبه
امغذيته الشجاعة او راضع النيبه
ناره بالكلب تسعر او لهابه
°°••°°••°°••°°••°°••°°••°°
محرابه صبح غركان بدمومه
اله ونه ابكلب ما ينحمل يومه
وسفه اعليك يمعدل يجيدومه
زينب لاطمه واتصيح يا يابه
°°••°°••°°••°°••°°••°°••°°
وين الهايبته اسباع الرجال
ترف اعلام اله بالحومه لو صال
عليه اليوم وسفه حمل وشال
تون اهل العلم ما تحمل اغيابه
/channel/tteef
#القصيدة_في_ديوان_دمعه_فاطميه_الجزء_الرابع...
#للشاعرة_دمع_الفواطم..
صاحبة ديوان كف الخيرات لقضاء الحاجات...
خاص...بالامام علي ع
لطمية او فزاعية....للامام علي ع....
حزنانة عليك اليوم...اسلاف العرب كلها
======(())======
حزنانه يوالي اليوم
تنحب والدموع ادموم
شايل وين يا جيدوم
رايح روحتك شلها
======(())======
تبجي اعليك تتناحب
مالوم الدمع لو صب
شايل وين وامغرب
افراكك يا علي ايسلها
======(())======
حلال المشاكل وين
شايل يا عمود الدين
اليوم الخلك حزنانين
انت المشكلة حلها
======(())======
حزنانه او تون اعليك
اليوم احبابك امضيعيك
رايح وين بعد الكيك
يا روحي الصبر ملها
======(())======
اليوم امكدرة الاسلام
تبجي اعليك يا ضرغام
بينه زادت الالآم
روحي الضيم حاصلها
/channel/tteef
/channel/mm55mm55j
قناة بيتي جنتي..للتسوق اون لاين
#القصيدة_في_ديوان_دمعه_فاطميه_الجزء_الرابع...
#للشاعرة_دمع_الفواطم..
صاحبة ديوان كف الخيرات لقضاء الحاجات...
خاص...بالامام علي ع
فزاعية للإمام علي ع
وسفة ياعلي.... طاحت العمامة
==========
وسفة اعمامتك طاحت
زينب ونت وصاحت
منها الروح هالراحت
وظل الكلب بألامه
=======
من الكاع شيلوها
خوية لا تخلوها
فوك النعش حطوها
احا يالدهر واسهامه
==========
راسك يالولي مكشوف
وبسيف النذل مخسوف
شلون انظر اشلون اشوف
يون احسين بعد الضيم كدامه
=========
شال اعمامتك ينحب
من العين دمعه صب
يكول الوالي اتخضب
ابدمه حيف واندامه
==========
يا وسفة والف ياحيف
سبع الكون ها يمخيف
بهونك يا دهر عالكيف
والينه ابدمه خربت هندامه
السلام عليكم ورحمة الله وبركاته..
قريبا ان شاءالله...سيصدر الجزء الثاني من ديواني المتواضع(( تراب الاحباب ))
خاص للفواتح للاب مع قصائد حسينية
هوسات في ميلاد الامام الحجة المنتظر ع
احضر بالولادة جيت واتعنيت
جكليت وتهاني بالحفل طشيت
دام سعودهم عامر يهذا البيت
هاا
هاا
هاا
فرحه او هلهوله..
خل نلعب جوله..
مولد سوله..
مولد سووله///اليوم المهدي
¢¢¢¢¢¢¢¢¢¢¢¢¢¢
✍🏻 #الحاجه_ ام علي الساعدي
❌لاإجيـــز حــذف الأســم❌
★★--------------★★----------★★
/channel/tteef