TIKVAH-ETHIOPIA

24 December 2024 19:21

🌟 ቴሌብር ሐዋላ ከዕለታዊ ምንዛሬ ላይ 8% ጨምሮ በምቾትና በቅልጥፍና ያስረክባል!!

ከውጭ አገራት የተላከልዎን ሐዋላ በቴሌብር ሲቀበሉ

🟡 በቴሌብር ሬሚትና በቪዛ የተላከልዎን ሐዋላ በአቢሲኒያ ባንክ ዕለታዊ ተመን
🟣 በዌስተር ዩኒየን (Western Union)፣ ኦንአፍሪክ (onafriq) እንዲሁም ቱንስ (Thunes) የተላከልዎን ደግሞ በኢትዮጵያ ንግድ ባንክ ዕለታዊ የምንዛሬ ተመን

👉 ከተጨማሪ 8% የገንዘብ ስጦታ ጋር ይደርስዎታል።

🗓 እስከ ታህሳስ 22/2017 ዓ.ም


ቴሌብር - እጅግ ቀላል፣ ፈጣን፣ ምቹ እና አስተማማኝ!

#Ethiotelecom #telebirr #telebirrSupperApp #DigitalEthiopia #DigitalAfrica #RealizingDigitalEthiopia

TIKVAH-ETHIOPIA

24 December 2024 16:40

#Ethiopia #Somalia #Egypt

የሶማሊያ ናሽናል ኢንተለጀንስ ኤንድ ሴኪዩሪቲ ኤጀንሲ ዳይሬክተር አብዱላሂ ሞሐመድ ዓሊ ኢትዮጵያ ይገኛሉ።

አብዱላሂ ከብሔራዊ መረጃና ደህንነት አገልግሎት ዳይሬክተር አምባሳደር ሬድዋን ሁሴን ጋር መክረዋል።

ውይይቱ የአንካራውን ስምምነት ተግባራዊ ከማድረግ ጋር በተያያዘ ከሁለቱ ሀገራት አቻ ተቋማት የሚጠበቁ የትብብርና የአጋርነት መስኮች ላይ ትኩረት ያደረገ ነበር።

በውይይቱ የኢትዮጵያና ሶማሊያ የደኅንነትና የጸጥታ ተቋማት ስምምነቱ ተግባራዊ እንዳይሆን እንቅፋት የሚፈጥሩ አካላትን ለመከላከል የሚጠበቅባቸውን ሚና ለመወጣት የጋራ መግባባት እና ስምምነት ላይ መድረሳቸው ተነግሯል።

በሌላ በኩል ፥ የሶማሊያ የውጭ ጉዳይ እና ዓለም አቀፍ ትብብር ሚኒስትር ዴኤታ አሊ ሞሃመድ ኦማር ኢትዮጽያ ይገኛሉ።

በውይይታቸው ሁለቱ ወገኖች የሁለትዮሽ ግንኙነታቸውን ማሻሻል እና በቀጣናው ሰላምና መረጋጋት ማስጠበቅ ላይ ያላቸውን ትብብር ማጠናከር በሚቻልበት ሁኔታ ላይ መምከራቸውን ኤፍ ኤም ሲ ዘግቧል።

ይህ በእንዲህ እንዳለ ግን ሶማሊያ የውጭ ጉዳይ ሚኒስትር ዴኤታዋን ወደ ኢትዮጵያ በላከችበት በዚህ ወቅት የውጭ ጉዳይ ሚኒስትሯን ግብፅ ካይሮ ልካለች።

ሚኒስትሯ አሕመድ ፊቂ ከግብጹ ውጭ ጉዳይ ሚንስትር ባድር አብደላቲ ጋር ከመከሩ በኃላ የጋራ መግለጫ ሰጥተው ነበር።

በዚሁ መግለጫ ፤ የግብፁ ሚኒስትር " የቀይ ባሕርን ዳርቻ መጠቀም የሚችሉት ከባሕሩ ጋር የሚዋሰኑ አገራት ብቻ መሆን ይገባል ፤ የቀይ ባሕር ዳርቻ አዋሳኝ ላልሆኑ ሀገሮች ክፍት ሊሆን አይችልም " በማለት መናገራቸውን " ኢጂፕት ዴይሊ " ዘግቧል።

ግብፅ ይህን አስተያየት የሰጠችው ኢትዮጵያ እና ሶማሊያ በአንካራ ኢትዮጵያ የባህር በርን ልታገኝ የምትችልበትን ስምምነት ፈርመው ፊርማ ሳይደርቅ ነው። በቀጣይ ወር ደግሞ ለዚሁ ጉዳይ ንግግር እንደሚጀመር ይታወቃል።

ከዚህ ባለፈ የግብፁ ሚኒስትር ፤ " የሱማሊያ ፌደራል መንግሥት መላው የሀገሪቱን ግዛቶች ሙሉ እንዲቆጣጠር " በሚችልበት አግባብ ላይ መምክራቸውን ተናግረዋል።

ከዚህ ባለፈ ግብፅ የአፍሪካ ህብረት በሶማሊያ በሚያደረገው ተልዕኮ " ወታደሮቼን አወጣላሁ " ብላለች።

የሶማሊያው ሚኒስትር በሰጡት አስተያየት " ግንኙነታቸን ወደ ስትራቴጂካዊ አጋርነት ለማሸጋገር ተስማምተናል " ሲሉ መናገራቸውን ኢጂይፕት ዴይሊ አስነብቧል።

#Ethiopia #Somalia #Egypt

@tikvahethiopia

TIKVAH-ETHIOPIA

24 December 2024 16:05

🔈#ኮሬ

“ ሰሞኑን በጎርካ ወረዳ ቆሬ ቀበሌ ንጹሐን ዜጎች በታጣቂዎች ተገድለዋል ” - የዞኑ አካል

🔴 “ እስካሁን ድረስ ነዋሪዎቹ በየቀኑ ይገደላሉ። የአንዳንዱ ግድያ ይገለጻል ፤ የአንዳንዱ አይገለጽም ሰው ተሰላችቶ ” - በሕዝብ እንደራሴዎች ም/ቤት የዞኑ ህዝብ ተወካይ

በደቡብ ኢትዮጵያ ክልል፣ ኮሬ ዞን የንጹሐን በታጣቂዎች ግድያ ባለመቆሙ ዞኑ እና በህዝብ እንደራሴዎች ምክር ቤት የዞኑ ተወካይና በቲክቫህ ኢትዮጵያ በኩል ዛሬም ፍትህ ጠይቀዋል።

ስማቸው እንዳይገለጽ የፈለጉ በኃላፊነት ላይ የሚገኙ አንድ የዞኑ አካል፣ እሁድ ታኀሳስ 13 ቀን 2017 ዓ/ም 11 ሰዓት ተኩል ገደማ ታጣቂዎች ባደረሱት ጥቃት ንጹሐን ዜጎች መገደላቸው ለቲክቫህ ኢትዮጵያ ተናግረዋል።

እኝሁ አካል በሰጡት ቃል፣ “ ምዕራብ ጉጂ ዞን ሱሮ ባርጉዳ ወረዳ የሚንቀሳቀሱ ታጣቂዎች ወደ ዞኑ ጎርካ ወረዳ ቆሬ ቀበሌ ገብተው ባደረሱት ጥቃት ሁለት አርሶ አደሮች ተገድለዋል ” ነው ያሉት።

ታጣቂዎቹ ከፈቱት ባሉት ተኩስ ዩኑሱ ኡሱማን ኃይሌ የተባለ ወጣት ወዲያው፣ ወጣት ቡቹቴ ማስረሻ ደግሞ ወደ ኬሌ መጀመሪያ ደረጃ ሆስፒታል ከደረሰ በኋላ ህይወታቸው ማለፉን ከቤተሰቦቻቸው እንዳረጋገጡ ገልጸዋል። 

በተለይ በዞኑ የተለያዩ ወረዳዎች የሚገኙ ነዋሪዎች ነቅተው ከፍተኛ ጥንቃቄ እንዲያደርጉ ዞኑ በአጽንኦት አሳስቧል።

ቲክቫህ ኢትዮጵያ፣ መንግስት በዞኑ የሚፈጸመውን ጥቃት እንዲያስቆም ከዚህ ቀደም ስለቀረቡት ጥያቄ ምን አዲስ ነገር አለ ? ሲል በህዝብ ተወካዮች ምክር ቤት የኮሬ ዞን ህዝብ ተወካይ አወቀ አምዛዬ (ዶ/ር)ን ጠይቋል።

በፓርላማ የህዝብ ተወካዩ ምን ምላሽ ሰጡ ?

“ በፓርላማ ባለፈው እኔ ለጠቅላይ ሚኒስትር አቢይ አሕመድ (ዶ/ር) ኬዙን አንስቼ ነበር።  ሽማግሌዎችም በተደጋጋሚ እዛ ርዕሰ መስተዳድር ሄደው ነበር።

እስካሁን ድረስ ነዋሪዎቹ በየቀኑ ይገደላሉ። የአንዳንዱ ግድያ ይገለጻል፤ የአንዳንዱ አይገለጽም ሰው ተሰላችቶ። የተለዬ ምንም መፍትሄም የለም።

መንግስት ትኩረት ቢሰጥ ኖሮ ያ አካባቢ ይህን ያህል የሚያስቸግር አይደለም፣ ጠባብ ቦታ ነው ገላና ሸለቆና ነጭ ሳር ፓርክ የሚባለው እነዚህ ሽፍቶች የሚንቀሳቀሱበት። 

በቀላሉ ኦፕሬሽን አድርጎ ችግሩን መፍታት ይችላል በሚል በተደጋጋሚ እናቀርባለን፤ ከዛም የመንግስት ሰራዊት ይሄዳል። ትንሽ ቆይቶ በሌሎች አካባቢዎች የጸጥታው ችግር ሲብስ የሚመለስበት ሁኔታ ነው ያለው።

የተለዬ የተሰጠ ትኩረትም የለም። የተለዬ መፍትሄም የለም ” ብለዋል።

በየጊዜው ጥቃት እንደሚፈጸም ቢገልጹም ጥቃቱ እስካሁን አለመቆሙን እየተገለጸ ነው፤ ችግሩ እንዲቆም ምን መደረግ አለበት ? እንደ ህዝብ ተወካይነትዎ ያለዎት መልዕክት ምንድን ነው? የሚል ጥያቄም አቅርበናል።

አወቀ አምዛዬ (ዶ/ር) ምን መለሱ?

“ የምናስተላልፈው መልዕክት መንግስት ልዩ ትኩረት እንዲሰጥ ነው። በተጨማሪም ህዝቡን ራሱን መጠበቅ መቻል አለበት።

የደቡብ ኢትዮጵያ ክልል በተቻለው ጥረት እያደረገ ነው። በዬአካባቢዎቸለ የሚነሱ ግጭቶችን ኢንፍሎንስ ያደርጋል ኃይል በመላክና ትኩረት እንሰጥ በማድረግ። 

የፓሊስ አባላት፣ ሚሊሻም በደንብ ተመልምሎ ለህዝቡ ጥበቃ እንዲያደርጉ መንግስት ከሌላው አካባቢ በተለዬ ሁኔታ ይህን ያመቻች የሚል ጥያቄ ተነስቶ ነበር ለክልሉም፤  አሁንም ይህ ጥበቃ ቢደረግ ነው የተሻለ የሚሆነው።

በዘላቂነት ግን ከአገራዊ ሁኔታው ጋር በተያያዘ ጀነራል ኦፕሬሽን ሰርቶ ብቻ ነው ችግሩን ማቃለል የሚቻለውና ለዛ ትኩረት ይሰጥ።"

በኮሬ ዞን የተለያዩ ወረዳዎች የሚገኙ ነዋሪዎች ከ2009 ዓ/ም ጀምሮ ከጉጂ በሚነሱ ታጣቂዎች ዘርፈ ብዙ ጥቃት እንደሚያርሱባቸው በተደጋጋሚ ለቲክቫህ ኢትዮጵያ ጭምር መግለጻቸው የሚታወስ ሲሆን፣ አሁንም ጥቃቱ ባለመቆሙ የመንግስትን ትኩረት እየተማጸኑ ይገኛሉ።

#TikvahEthiopiaFamilyAA

@tikvahethiopia

TIKVAH-ETHIOPIA

23 December 2024 21:53

#Update

በዓለም አቀፍ ደረጃ የሚከሰቱ የመሬት መንቀጥቀጥ ክስተቶችን የሚከታተለው የአሜሪካ ጂኦሎጂካል ሰርቬይ ድረገጽ ምሽት 4:41 ላይ ከመተሐራ 13 ኪሎ ሜትር ርቀት የመሬት መንቀጥቀጥ ተከስቶ እንደነበር አመልክቷል።

መሬት መንቀጥቀጡ በሬክተር ስኬል 4.9 የተመዘገበ መሆኑን አመልክቷል።

ንዝረቱ አዲስ አበባ ድረስ ነው የተሰማው።

@tikvahethiopia

TIKVAH-ETHIOPIA

23 December 2024 20:04

" ወላጆች የልጆቻችሁን ውሎና ሁኔታ እንድትከታተሉ አደራ እንላለን " - የትግራይ ክልል ፍትሕ ቢሮ

ህፃናትን የደፈረው ወንጀለኛ በ16 ዓመት ፅኑ እስራት ተቀጣ። 

ወንጀለኛው የደፈራቸው ሁለት ሴት ህፃናት በማጣባቂያ ማስትሺና በጨርቅ በማፈን እንደሆነ ተሰምቷል።

ወንጀሉ መቼ እና እንዴት ተፈፀመ ? 

ወንጀሉ የተፈጸመው መጋቢት 2016 ዓ.ም ሲሆን ቦታው ደግሞ በትግራይ ሰሜናዊ ምዕራብ ዞን እንዳስላሰ ከተማ ቀበሌ 04 ነው። 

የድርጊቱ ፈፃሚ ወንጀለኛ የ28 ዓመቱ ክብሮም ኣብርሃ ኪዳነማርያም ሲሆን ፤ ነውረኛ ድርጊቱን የተፈፀመው  የ11 እና 12 ዕድሜ ባላቸው እንስት ህፃናት ላይ መሆኑ የጥፋተኛው የክስ የውሳኔ ማስረጃ ያስረዳል።

ወንጀለኛው እድሜያቸው ከላይ የተጠቀሰውን ለአቅመ ሄዋን ያልደረሱ፣ ክፉ ደጉን እንኳን የማይለዩ ሁለት ህፃናትን በተለያዩ ጊዚያት የተለያዩ መደለያዎች በመስጠት #እንዲቀርቡትና #እንዲለምዱት ካደረገ በኋላ ፤ ቀን መርጦ በጨርቅ እና በማጣበቂያ ማስትሺ ተጠቅሞ ድምፅ እንዳያሰሙ በማፈን አስገድዶ የመድፈር ተግባር ፈፅሞባቸዋል።

ይህ እጅግ ለመስማት የሚቀፍ አፀያፊ ደርጊት ለወራት ሲያጣራ የቆየው የፓሊስና የፍትህ አካል በመቀበል የግራና ቀኝ ምስክሮች ያዳመጠው የሰሜናዊ ምዕራብ ዞን ማእከላዊ ፍርድ ቤት ታህሳስ 11/2017 ዓ.ም ባዋለው ችሎት ግለሰቡ ክብሮም ኣብርሃ ኪዳነማርያም ወንጀለኛ ሆኖ በመገኘቱ በ16 ዓመት ፅኑ አስራት እንዲቀጣ ወስኖበታል። 

ጉዳይ በማስመልከት ለሚድያ መገለጫ የላከው የትግራይ ፍትህ ቢሮ ፤ ወላጆች በህፃናት ላይ ይህንን መሰል አፀያፊ ተግባር የሚፈፅሙትን እንዲያጋልጡና የልጆቻቸው ውሎና ሁኔታ እንዲከታተሉ አደራ ብሏል።

በሀገራችን ሴቶች ላይ ለሚፈጸሙ ዘግናኝ የአስገድዶ መድፈር ወንጀሎች የሚሰጠው ፍርድ ምንም የማያስተምር ፤ ይልቅም ወንጀልን የሚያበረታታ እንደሆነ በተደጋጋሚ የሚነሳ ከፍተኛ ቅሬታ ነው።

በተለይ ህጻናትን የሚደፍሩ ወንጀለኞች ላይ የሚተላለፉ ፍርዶች ብዙ ጊዜ ዜጎችን የሚያስቆጡ እንደሆኑ በተደጋጋሚ የተስተዋለ ጉዳይ ነው።

መረጃውን አዘጋጅቶ የላከው የመቐለው የቲክቫህ ኢትዮጵያ ቤተሰብ አባል ነው።

@tikvahethiopia            

TIKVAH-ETHIOPIA

23 December 2024 11:06

" ቲክቶክ የሰፈር ወሮበላ ነው " - ጠ/ሚ ኤዲ ራማ

ከሳምንታት በፊት አልባንያ ውስጥ አንድ የ14 ዓመት ታዳጊ በስለት ተወግቶ መገደሉን ተከትሎ አልባንያ ቲክቶክን ለማገድ ልታስብ እንደምትችል መረጃ መለዋወጣችን ይታወሳል።

አሁን ደግሞ የሀገሪቱ ጠቅላይ ሚኒስትር ኤዲ ራማ ሀገራቸው ለ1 ዓመት ቲክቶክን እንደምታግድ ተናግረዋል።

ባለፈው ወር የ14 ዓመቱ ታዳጊ ከተገደለ በኋላ ማኅበራዊ ሚዲያ ልጆች ላይ የሚያሳድረው ጫና ስጋት ፈጥሯል።

ይህን ተከትሎ ነው ጠቅላይ ሚኒስት ኤዲ ራማ ቲክቶክ እንደሚታገድ ያሳወቁት።

በአልባንያ መዲና ቲራና መምህራን፣ ወላጆችና የሥነ ልቦና ባለሙያዎች በተገኙበት ውይይት ጠቅላይ ሚኒስትሩ " ቲክቶክ የሰፈር ወሮበላ ነው " ብለዋል።

" ለአንድ ዓመት ቲክቶክ እናግዳለን። ወላጆች የልጆቻቸውን የትምህርት ዕድገት የሚከታተሉበት አሠራር እንዘረጋለን " ሲሉ አክለዋል።

ጠቅላይ ሚኒስትሩ " በቻይና ቲክቶክ የሚያገለግለው ለልጆች ትምህርት፣ ለተፈጥሮ ጥበቃና ባህልን ለመጠበቅ ነው። ከቻይና ውጭ ያለው ቲክቶክ ግን ርካሽና አሳሳች ነው። ይሄን ለምን እንፈልጋለን ታዲያ? " ብለዋል።

መምህራን ፣ ወላጆችና የሥነ ልቦና ባለሙያዎች ስለማኅበራዊ ሚዲያው ውይይት እያደረጉ ናቸው።

ባለፈው በደቡባዊ ቲራና ትምህርት ቤት በተነሳ ድብድብ አንድ የ14 ዓመት ታዳጊ ሲገደል ሌላ ታዳጊ ደግሞ ተጎድቷል።

ይህ ፀብ የተጀመረው ማኅበራዊ ሚዲያ ላይ ነው ተብሏል።

ቲክቶክ ከአልባንያ በአፋጣኝ ማብራሪያ እፈልጋለሁ ብሏል።

ቲክቶክ ለቢቢሲ በሰጠው ቃል ፥ " የ14 ዓመቱን ታዳጊ የገደለው ሰውም ይሁን ታዳጊው ቲክቶክ እንዳላቸው ማረጋገጫ አላገኘሁም "  ሲል ገልጿል።

ይህ መረጃ ባለቤትነቱ የቢቢሲ ነው።

@tikvahethiopia

TIKVAH-ETHIOPIA

23 December 2024 10:58

#AddisAbaba

የስምና ንብረት ዝውውር ታገደባቸው ክ/ከተሞች የትኞቹ ናቸው ?

በአዲስ አበባ ከተማ ለመሬት ይዞታ ማረጋገጥ ሥራ ሲባል ለቀጣይ 5 ወራት በ6 ክ/ከተሞች በተመረጡ ወረዳዎች የስምና ንብረት ዝውውር ታገደ።

የከተማዋ መሬት ይዞታ ምዝገባና መረጃ ኤጄንሲ ለኤፍ ኤም ሲ በሰጠው ቃል ፤ " ከመሬት ይዞታ ጋር ተያይዞ የሚስተዋሉ ችግሮችን ለመፍታት እየሰራው ነው " ብሏል።

" ለዚህም ዘመናዊ ሁለገብ ካዳስተር ግንባታ ስርዓት ሙሉ በሙሉ ተግባራዊ ለማድረግ ሥራ ተጀምሯል ፤ አሁን ላይ ከአዲስ አበባ ጠቅላላ የቆዳ ስፋት ውስጥ 54 በመቶ ለሚሆነው የመሬት ይዞታ ማረጋገጥ ሥራ ተሰርቷል " ብሏል።

በተያዘው በጀት ዓመት ለመጨረሻ ጊዜ በ136 ቀጠናዎች የሚገኙ ይዞታዎችን አረጋግጦ ለመመዝገብ እንደሚሰራ ፤ የይዞታ ማረጋገጥ ስራው በተመረጡ 6 ክ/ከተሞች በቀጣይ 5 ወራት ውስጥ እንደሚከናወን
ጠቅሷል።

ክፍለ ከተሞቹ ፦
- የካ፣
- ለሚ ኩራ፣
- አቃቂ ቃሊቲ፣
- ንፋስ ስልክ ላፍቶ ፣
- ቦሌ እና ኮልፌ ቀራኒዮ እንደሆኑ አሳውቋል።

ለመሬት ይዞታ ማረጋገጥ ሥራው ሲባልም ምዝባ በሚካሄድባቸው የክፍለ ከተሞቹ ወረዳዎች እስከ ቀጣዩ ሚያዝያ ወር መጨረሻ አካባቢ ድረስ የስምና ንብረት ዝውውር መታገዱን ገልጿል።

ባለይዞታዎች ከታሕሣሥ 20/2017 ዓ.ም ጀምሮ ባሉት ተከታታይ 10 ቀናት የይዞታ ይረጋገጥልኝ ማመልከቻ እንዲያቀርቡ ጥሪ ቀርቧል።

ይህ መረጃ ባለቤትነቱ የፋና ሚዲያ ኮርፖሬሽን ነው።

@tikvahethiopia

TIKVAH-ETHIOPIA

23 December 2024 10:58

#ብርሃን_ባንክ
መልካም ዜና ለብርሃን ቤተሰቦች

በባንካችን ለሚከፈቱ ዕቁቦች ሁሉ የተሻለ ወለድ እና ለአባላት የሚሆኑ የብድር አማራጮችን የሚያስገኝ ብርሃን ዕቁብ ቀርቦሎታል፡፡
በአቅራቢያዎ ወደሚገኝ ቅርንጫፍ ጎራ ብለው ወይም በ8292 የደንበኞች አገልግሎት ቁጥር ደውለው ዝርዝር መረጃዎችን ማግኘት ይችላሉ፤
እንደ ስማችን ብርሃን ነው ስራችን!
#YeBerhanequb #digitalfinancialservice #berhanbank #bank #Stressfreebanking #bankinethiopia #finance

ከታች የሚገኙትን ሊንኮች በመጫን የማህበራዊ ድህረ-ገጾቻችንን ይቀላቀሉ!
➡️ Facebook
➡️ Telegram
➡️ Instagram
➡️ Twitter
➡️ LinkedIn
➡️ YouTube

TIKVAH-ETHIOPIA

22 December 2024 18:13

" የሂጅራ ባንክ አጠቅላይ ሀብት 8.1 ቢሊዮን ብር ደርሷል " - የሂጅራ ባንክ የዳይሬክተሮች ቦርድ ሰብሳቢ አቶ አብዱሰላም ከማል

ሂጅራ ባንክ አ.ማ የባለአክስዮኖች 4ኛ መደበኛ ጠቅላላ ጉባኤውን ታህሳስ 13 ቀን 2017 በአዲስ አበባ ሚሊኒየም አዳራሽ በተሳካ ሁኔታ አካሂዷል፡፡

በጉባኤው ላይ የሂጅራ ባንክ የዳይሬክተሮች ቦርድ ሰብሳቢ አቶ አብዱሰላም ከማል የ2023/2024 የበጀት ዓመት ዓመታዊ ሪፖርት ለባለ አክሲዮኖች ያቀረቡ ሲሆን ባንኩ በተጠናቀቀው በጀት ዓመት ከታክስ በፊት 100 ሚሊዮን ብር በላይ ትርፍ በማስመዝገብ ማጠናቀቁን ያበሰሩ ሲሆን፤ ይህም ካለፈው ዓመት ጋር ሲነጻጸር የ334.78%  ብልጫ ማሳየቱን ገልጸዋል፡፡

ባንኩ ከምን ጊዜውም በላይ የአገልግሎት ተደራሽነቱን በማስፋት በሁሉም የሀገሪቱ ክፍሎች ቅርንጫፎችን በመክፈት አጠቃላይ የቅርንጫፍ ብዛቱን ወደ 100+ ከፍ ማድረጉን ገልጸው ይህም 40% እድገት ማሳየቱን አብራርተዋል።

ባንኩ በተጠናቀቀው የበጀት ዓመት የደንበኞች ብዛቱን በማሳደግ ከ700,000 በላይ ደንበኞችን ማፍራቱንም ገልጸዋል።

በዚሁ ረገድ ባንኩ ስኬታማ አፈፃፀም በማስመዝገብ በተጠናቀቀው የበጀት ዓመት የባንኩ አጠቃላይ ሀብት 8.1 ቢሊዮን ብር መድረሱን ለባንኩ ባለአክሲዮኖች አብስረዋል።

ባንኩ ከፋይናንሺያል አፈፃፀም በተጨማሪ  የማህበረሳችንን እሴቶች ማእከል ያደረጉ ምርትና አገልግሎቶች በማስተዋወቅ በደንበኞቹ ዘንድ ተመራጭ እና ተወዳዳሪ ባንክ የመሆን ራዕዩን አጠናክሮ መቀጠሉን አብራርተዋል::

#ሂጅራባንክ

TIKVAH-ETHIOPIA

22 December 2024 15:02

#Ethiopia

አትሌት መሠረት ደፋር የኢትዮጵያ አትሌቲክስ ፌዴሬሽን ስራ አስፈጻሚ አባል ሆና ተመርጣለች።

አዳዲሶቹ የፌዴሬሽኑ ስራ አስፈጻሚዎች እነማን ናቸው ?

1. አትሌት ስለሺ ስህን -ፕሬዚዳንት
2. አትሌት መሠረት ደፋር -ስራ አስፈጻሚ አባል
3. ወይዘሮ ሳራ ሐሰን- ስራ አስፈጻሚ አባል
4. ወይዘሮ አበባ የሱፍ -ስራ አስፈጻሚ አባል
5. ዶክተር ኤፍረህ መሀመድ -ስራ አስፈጻሚ አባል
6. አቶ ጌቱ ገረመው -ስራ አስፈጻሚ አባል
7. አቶ አድማሱ ሳጂ -ስራ አስፈጻሚ አባል
8. አቶ ቢኒያም ምሩጽ -ስራ አስፈጻሚ አባል እንዲሁም
9. ትዕዛዙ ሞሴ (ዶ/ር) ለመጪዎቹ 4 ዓመታት ብሄራዊ ፌዴሬሽኑን እንዲመሩ ተመርጠዋል።

ስራ አስፈጻሚ አባላቱ ምክትል ፕሬዝዳንት፣ ተቀዳሚ ምክትል ፕሬዝዳንትና አቃቤ ንዋይ ይመርጣሉ።

#AMN

@tikvahethiopia

TIKVAH-ETHIOPIA

22 December 2024 12:51

#Ethiopia

የኢትዮጵያ አትሌቲክስ ፌዴሬሽን 28ኛ መደበኛ ጠቅላላ ጉባኤውን ትላንት እና ዛሬ በስካይ ላይት ሆቴል አካሄዷል።

በዚህም የኢትዮጵያ አትሌቲክስ ፌዴሬሽን ፕሬዝዳንት ምርጫ ታካሂዷል።

ኮማንደር አትሌት ስለሺ ስህን በአብላጫ ድምፅ ማሸነፉ ተነግሯል።

በምርጫው ከተሰጠ 26 ድምጽ 11 ድምፆችን አግኝቷል የተባለው ስለሺ ስህን ፤ ረዳት ኮሚሽነር ደራርቱ ቱሉን በመተካት በሚቀጥሉት 4 አመታት ፌዴሬሽኑን በፕሬዝዳንትነት የሚመራ ይሆናል።

የምርጫው ውጤት ምን ይመስላል ?

🇪🇹 አትሌት ስለሺ ስህን 👉 11 ድምጽ (ከኦሮሚያ ክልል)
🇪🇹 አትሌት ገ/እግዚአብሔር ገ/ማርያም 👉 9 ድምጽ (ከትግራይ ክልል)
🇪🇹 ያየህ አዲስ 👉 4 ድምጽ (ከአማራ ክልል)
🇪🇹 ሪሳል ኦፒዮ 👉 1 ድምጽ (ከጋምቤላ ክልል)
🇪🇹 ኮማንደር ግርማ ዳባ 👉 1 ድምጽ (ከደቡብ ኢትዮጵያ ክልል)
🇪🇹 አቶ ዱቤ ጂሎ 👉 0 ድምጽ (ከአዲስ አበባ)

Via @Tikvahethsport   

TIKVAH-ETHIOPIA

22 December 2024 09:58

" በወረዳው የሚገኙ 23 ትምህርት ቤቶች አሁንም በኤርትራ መንግስት ወታደሮች ቁጥጥር ስር ናቸው " - የኢሮብ ወረዳ ትምህርት ፅ/ቤት

በትግራይ ፤ በምስራቃዊ ዞን የኢሮብ ወረዳ ትምህርት ፅሕፈት ቤት ከሰሞኑን ከተሰጠው የ8ኛ ክፍል ክልላዊ ፈተና ጋር በተያያዘ ለትግራይ ቴሌቪዥን ቃሉን ሰጥቶ ነበር።

ፅ/ ቤቱ ፤ በወረዳው በሦስት ቀበሌዎች በሚገኙ ሦስት ትምህርት ቤቶቸ 118 ተማሪዎች ብቻ ፈተናውን እንደተፈተኑ ገልጿል።

በወረዳው ከሚገኙ 47 ትምህርት ቤቶች 23 ሙሉ በሙሉ በኤርትራ ወታደሮች ቁጥጥር ስር እንደሚገኙ ገልጿል።

22 አንደኛ ደረጃ አንድ ደግሞ ሁለተኛ ደረጃ ናቸው።

በ23 ትምህርት ሲማሩ የነበሩት 7300 ተማሪዎች ላለፉት አራት ዓመታት በምን አይነት ሁኔታ እንደሚገኙ ለማወቅ አልተቻለም።

ፅ/ቤቱ " በአንዳንድ በኤርትራ ወታደሮች ቁጥጥር ስር በሚገኙ ትምህርት ቤቶች በኤርትራ ስርዓተ ትምህርት (curriculum ) እየተማሩ እንደሆነ መረጃው ደርሶናል " ብሏል።

" የኢሮብ ብሄረሰብ እንደ ብሄረሰብ የመጥፋት አደጋ ተጋርጦቦታል ስለሆነም የክልሉ ጊዚያዊ አስተደደርና የፌደራል መንግስት በአስቸኳይ ሊታደጉት ይገባል " በማለት ጠንካራ ጥሪም አቅርቧል

@tikvahethiopia            

TIKVAH-ETHIOPIA

22 December 2024 09:57

#DStvEthiopia

ደማቁ እንግሊዝ ፕሪሚየር ሊግ ጨዋታዎች ወደ ሜዳ ተመልሰዋል💥
ቶተንሃም ከሊቨርፑል በ ቶተንሀም ስታዲየም የሚያደርጉተን ደመቅ ጨዋታ በቀጥታ በSS Premier League Ch 223 በሜዳ ፓኬጅ በቀጥታ ይከታተሉ!
👉እነዚህን ድንቅ ፍልሚያዎች ጨምሮ ሌሎች የእንግሊዝ ፕሪሚየር ሊግ ጨዋታዎችን በቀጥታ በዲኤስቲቪ ሱፐርስፖርት ይመልከቱ።

ዲኤስቲቪ ያስገቡ ፣ ደንበኝነትዎን ያራዝሙ!
👇
https://bit.ly/3RFtEvh

ደንብና ሁኔታዎች ተፈፀሚነት አላቸው! ለበለጠ መረጃ
👇
www.dstv.com/en-et
#PremierLeagueallonDStv #ሁሉምያለውእኛጋርነው

TIKVAH-ETHIOPIA

21 December 2024 20:06

#MPESASafaricom
የመብራት ክፍያችንን በM-PESA በመክፈል 10% ተመላሽ ገንዘባችንን አሁኑኑ እናግኝ ፤ መብራታችንም እንደበራ ይቆየን!

የM-PESA ሳፋሪኮም መተግበሪያን በዚህ ሊንክ እናውርድ ፡ https://play.google.com/store/apps/details... የቴሌግራም ቻናላችንን እዚህ እንቀላቀል 👉/channel/Safaricom_Ethiopia_PLC

ስለ አገልግሎታችን ማንኛውንም ጥያቄ ወይም መረጃ  በቴሌግራም   ቻናላችን /channel/Safaricom_Ethiopia_PLC 24/7 ማግኘት ይቻላል!

#FurtherAheadTogether

TIKVAH-ETHIOPIA

21 December 2024 16:38

ፎቶ፦ ጠ/ሚ ዐቢይ አህመድ (ዶ/ር) ለሁለተኛ ጊዜ ወደ ኢትዮጵያ የመጡትን የፈረንሳይ ፕሬዜዳንት ኢማኑኤል ማክሮንን ተቀብለዋል።

ጠቅላይ ሚኒስትሩ ማክሮንን " ወንድሜ እና የኢትዮጵያ የልብ ወዳጅ " ሲሉ ገልጸዋቸዋል።

" በሁለቱ ሀገሮች መካከል ያለው ግንኙነት የበለጠ በመጠናከር ላይ ይገኛል " ያሉት ጠ/ሚ ዐቢይ (ዶ/ር) ፕሬዚዳንቱ በኢትዮጵያ በሚኖራቸው ቆይታ ፍሬያማ ውይይት እንደሚኖር እምነታቸውን ገልጸዋል።

የማክሮንን ወደ ኢትዮጵያ መምጣት ተከትሎ ዋና ዋና የአዲስ አበባ መንገዶች ላይ የተተከሉ የማስታወቂያ ስክሪኖች " ፕሬዜዳንት ማክሮን እንኳን ወደ ኢትዮጵያ በሰላም መጡ " የሚሉ መልዕክቶች እየተላለፈባቸው ነው።

ማክሮን ፤ ጠ/ሚ ዐቢይ አህመድ (ዶ/ር) ወደ ስልጣን ከመጡ ወዲህ ኢትዮጵያ ለስራ ጉብኝት ሲመጡ በ6 ዓመታት ይህ ሁለተኛቸው ነው።

Photo Credit - PM Office & Oliver Liu

@tikvahethiopia

TIKVAH-ETHIOPIA

24 December 2024 16:50

" ያለማቋረጥ እየመዘገብን ነው እስካሁን 4.9 ነው የተመዘገበው አሁንም ያለው ነገር ስናየው የሚቆም አይመስልም " - ፕ/ር አታላይ አየለ

በስምጥ ሸለቆ ውስጥ የሚገኙ የሃገሪቱ አካባቢዎች ላይ ከቅርብ ጊዜ ወዲህ በተደጋጋሚ እየተሰማ ያለው ከዝቅተኛ መጠን እስከ መካከለኛ መጠን ያለው የመሬት መንቀጥቀጥ በመሬት ውስጥ ያለው የማግማ እንቅስቃሴ ፈጣን (Active) በመሆኑ ምክንያት የተከሰተ እንደሆነ ሲነገር ቆይቷል።

ይህ ፈጣን እንቅስቃሴ በመቀነሱ ምክንያት የመሬት መንቀጥቀጡ ረገብ ብሎ የነበረ ቢሆንም ካለፉት 6 ቀናት ወዲህ ይህ እንቅስቃሴ በድጋሚ መታየት መጀመሩን በአዲስ አበባ ዩኒቨርሲቲ የጂኦ ፊዚክስ ህዋ ሳይንስና አስትሮኖሚ ተቋም፤ የሴስሞሎጂ ትምህርት ክፍል ኃላፊ እንዲሁም በዩኒቨርሲቲው የመሬት መንቀጥቀጥ ሳይንስ መምህርና ተመራማሪ የሆኑት ፕ/ር አታላይ አየለ ለቲክቫህ ኢትዮጵያ ተናግረዋል።

" መስከረም እና ጥቅምት ላይ ይታይ የነበረው እና ረግቦ የነበረው እንቅስቃሴ ከ6 ቀን በፊት ጀምሮ በድጋሚ መታየት ጀምሯል ያለማቋረጥ እየመዘገብን ነው እስካሁን 4.9 ነው የተመዘገበው አሁንም ያለው ነገር ስናየው የሚቆም አይመስልም " ብለዋል።

ትላንት ማታ 4:41 ላይ ከተመዘገበው እና ንዝረቱ እስከ አዲስ አበባ ከተሰማው የመሬት መንቀጥቀጥ ሌላ ትንንሽ እንቅስቃሴዎች አሁንም በመኖራቸው ያለማቋረጥ የመመዝገብ ስራ እየተሰራ መሆኑን ተናግረዋል።

መንቀጥቀጡ እስካሁን ከመነሻው ቦታው አዋሽ ፈንታሌ ያደረገው ለውጥ እንደሌለ የተናገሩት ፕሮፌሰሩ ሌሎች አካባቢ እየተሰማ ያለው ድንጋይ ውሃ ውስጥ ስንወረውረው እንደሚፈጥረው አይነት ሞገድ መሆኑን ጠቁመዋል።

" አሁን ባለው ሁኔታ የከፋ ነገር ሊያስከትል ይችላል የሚል ስጋት የለም " ያሉ ሲሆን በዚሁ የሚቀጥል ከሆነ ግን ሁለት አይነት መላምቶችን ሊታዩ እንደሚችሉ አስቀምጠዋል።

" አንደኛው ልክ እንደዚህ ቀደሙ ውስጥ ያለው ሃይል ሲጨርስ አስተንፍሶ ይቆማል ያ ካልሆነ ግን ሁለተኛው ምናልባት ገፍቶ የቅንጣሎች ፍሰት ሊያስከትል ይችል ይሆናል ምናልባትም ሃይል ያለው እና እንደጎርፍም ሊፈስ የሚችል ይሆናል " ነው ያሉት።

እንደዚህ አይነት ነገር የሚመጣ ከሆነ ቅድመ ሁኔታዎች የማስቀመጥ እና የማሸሽ ስራ የሚሰራ በመሆኑ በተዋረድ ያሉ የመንግስት አመራሮች ይህንን ሁኔታ ነቅተው መጠበቅ እንዳለባቸው ለቲክቫህ ኢትዮጵያ በሰጡት ቃል አሳስበዋል።

#TikvahEthiopiaFamilyAA

@tikvahethiopia

TIKVAH-ETHIOPIA

24 December 2024 16:35

#ኢትዮጵያ

" በቀጣናው ሁልጊዜም ሰላም እንዳይኖር የሚሰሩ የሶስተኛ ወገን አካላት ተግባር ነው " - ኢትዮጵያ

ትላንት የሶማሊያ ውጭ ጉዳይ ሚኒስቴር ባወጣው መግለጫ ዶሎ በተባለ የጁባላንድ ከተማ " በፌዴራሉ የሶማሊያ ጦር ላይ ጥቃት ፈፅመዋል ፤ በዚህ የሰው ሞት፣ ቁስለት ደርሷል " የሚል ክስ አሰምቷል።

ይህ መግለጫ እና በተፈጠረው ክስተት የኢትዮጵያ ኃይሎችን መክሰሱ ኢትዮጵያ አስቆጥቷል።

ክሱ ሀሰተኛ እንደሆነ የኢትዮጵያ ውጭ ጉዳይ ሚኒስቴር አስታውቋል።

ሚኒስቴሩ " ሀሰተኛ ውንጀላው በኢትዮጵያ እና በሶማሊያ መካከል ያለውን ግንኙነት ለማስተካከል የተጀመረውን ጥረት ለማስተጓጎል የታለመ ነው " ብሏል።

" ይህ የአፍሪካ ቀንድን ሰላም ለመበጥበጥ የሚፈልጉ እና በቀጣናው ሁልጊዜም ሰላም እንዳይኖር የሚሰሩ የሶስተኛ ወገን አካላት ተግባር ነው " ሲል ገልጿል።

" በአንካራው ስምምነት ላይ እንደተገለጸው ሁለቱ ሀገራት ለሰላም የሚያደርጉት ቁርጠኝነት እንዳይደናቀፍ ክፍተት መፍጠር የለባቸውም " ሲል አመልክቷል።

የኢትዮጵያ መንግስት ተመሳሳይ አደጋዎችን ለመከላከል ከሶማሊያ ፌዴራል መንግስት የሚመለከታቸው አካላት ጋር በትብብር መስራት እንደሚቀጥልም አሳውዋል።

ኢትዮጵያ በአንካራ ስምምነት መሰረት የሁለቱን ሀገራት ግንኙነት ለማደስ እና ለማጠናከር ያላትን ቁርጠኝነት አጠናክራ ትቀጥላለች ብሏል።

@tikvahethiopia

TIKVAH-ETHIOPIA

24 December 2024 16:04

#BankofAbyssinia #የሁሉም_ምርጫ

እነዚህን መስፈርቶች ካሟሉ ከአፖሎ እሰከ መቶ ሺህ ብር ድረስ መበደር ይችላሉ።
አሁኑኑ መተግበሪያውን በማውረድ ይጠቀሙ።

ለአንድሮይድ ስልኮች https://play.google.com/store/apps/details?id=com.boa.apollo&hl=en&gl=US

ለአፕል ስልኮች https://apps.apple.com/us/app/apollo-digital/id1601224628
#Apollodigitalbank #Apollodigitalproduct #Abyssiniabank #poweredbybankofabyssinia #BankofAbyssinia #የሁሉም_ምርጫ #The_Choice_For_all

TIKVAH-ETHIOPIA

23 December 2024 21:20

#Earthquake

ዛሬ ምሽት 4:42 አካባቢ ላይ የመሬት መንቀጥቀጥ ንዝረት እንደሰሙ በተለያዩ የአዲስ አበባ አካባቢዎች የሚኖሩ የቲክቫህ ኢትዮጵያ ቤተሰብ አባላት ጠቁመዋል።

አብዛኞቹ መልዕክታቸውን የላኩት የጋራ መኖሪያ ቤቶች (ኮንዶሚኒየም) ካለባቸው አካባቢዎች ነው።

አንድ የቤተሰባችን አባል ፥ " አራብሳ ኮንዶሚኒየም እንደሚኖሩና ከ10 እስከ 15 ሰከንድ ያህል ንዝረቱን እንደሰተማቸው " ገልጸዋል።

ሌላው የቤተሰባችን አባል ገላን ኮንዶሚኒየም አከባቢ 10:44 ላይ የመሬት መንቀጥቀጥ ንዝረት እንደሰማ አመልክቷል።

በተጨማሪም አንዲት የቤተሰባችን አባል " ከሰሞኑን የዛሬው ጠንክሮ ነው የተሰማኝ ያስፈራ ነበር " ስትል ገልጻለች።

ሌሎች በክልል ከተሞች በተለይ አዋሽ ፈንታሌ አካባቢ የመሬት መንቀጥቀጥ ስሜት እንደተሰማቸውን ተናግረዋል።

እንደአዲስ አበባ ዩኒቨርሲቲ ጂኦፊዚክስ፣ሕዋ ሳይንስና አስትሮኖሚ ኢንስቲትዩት መረጃ ፤ በአዋሽ ፋንታሌ ወረዳ እና አካባቢው ከታሕሣሥ 10 ቀን 2017 ዓ.ም ጀምሮ የተለያየ መጠን ያለው የመሬት መንቀጥቀጥ እየተከሰተ ይገኛል።

ዛሬ ቀን 9 ሰዓት አካባቢ ሰሞኑን ከተከሰቱት ከፍተኛው እና በሬክተር ስኬል 4 ነጥብ 6 የሆነ የመሬት መንቀጥቀጥ ተከስቶ ነበር።

የመሬት መንቀጥቀጡን ተከትሎ ተራራው የመሰንጠቅ እና የመደርመስ ምልክት አሳይቷል።

በተጨማሪ የፍንዳታ ድምጽ እና ጭስም ታይቶ ነበር።

@tikvahethiopia

TIKVAH-ETHIOPIA

23 December 2024 18:56

" የመሬት መንቀጥቀጡን ተከትሎ ተራራው የመሰንጠቅ እና የመደርመስ ምልክት አሳይቷል " - አታላይ አየለ (ፕ/ር)

🚨" የመሬት መንቀጥቀጡ የፍንዳታ ድምጽ ያስከተለ እና ጭስ የታየበት ነው " - አቶ አብዶ አሊ

በአዋሽ ፈንታሌ ተራራ በሬክተር ስኬል 4 ነጥብ 6 የሆነ የመሬት መንቀጥቀጥ መከሰቱን የአዲስ አበባ ዩኒቨርሲቲ የጂኦፊዚክስ፣ ሕዋ ሳይንስና አስትሮኖሚ ኢንስቲትዩት አስታውቋል።

የጂኦ ፊዚክስ ሕዋ ሣይንስና አስትሮኖሚ ተቋም የሴስሞሎጂ ትምህርት ክፍል ኃላፊ፣ የመሬት መንቀጥቀጥ ሣይንስ መምህርና ተመራማሪ አታላይ አየለ (ፕ/ር) ምን አሉ ?

" በአዋሽ ፋንታሌ ወረዳና አካባቢው ከታሕሣሥ 10 ቀን 2017 ዓ.ም ጀምሮ የተለያየ መጠን ያለው የመሬት መንቀጥቀጥ እየተከሰተ ነው፡፡

በዛሬው ዕለትም ከቀኑ 9 ሰዓት አካባቢ ሰሞኑን ከተከሰቱት ከፍተኛውና በሬክተር ስኬል 4 ነጥብ 6 የሆነ የመሬት መንቀጥቀጥ ተከስቷል።

የመሬት መንቀጥቀጡን ተከትሎ ተራራው የመሰንጠቅ እና የመደርመስ ምልክት አሳይቷል።

በአካባቢው የሚስተዋለው የመሬት መንቀጥቀጥ ከቀን ቀን እየጨመረ ነው የመጣው።

ነዋሪዎች ላይ ችግር እንዳያስከትል የቅርብ ክትትል ማድረግ ያስፈልጋል " ብለዋል።

በአፋር ክልል የዞን 3 ዋና አስተዳዳሪ አቶ አብዶ አሊ አቡበከር ፤ " ዛሬ ከሰዓት በአዋሽ ፈንታሌ ተራራ የተከሰተው የመሬት መንቀጥቀጥ የፍንዳታ ድምጽ ያስከተለ እና ጭስ የታየበት ነው " ብለዋል፡፡

በመሬት መንቀጥቀጡ የፍንዳታ ድምጽ መሰማቱ እና ጭስ መታየቱም በአካባቢው ነዋሪዎች ዘንድ ድንጋጤ መፈጠሩን አብራርተዋል፡፡

ይህ መረጃ ባለቤትነቱ የፋና ሚዲያ ኮርፖሬሽን ነው።

@tikvahethiopia

TIKVAH-ETHIOPIA

23 December 2024 11:01

🔈 #የሹፌሮችድምጽ

" ከታህሳስ 2 እስከ ታህሳስ 5 ቀን 2017 ዓ/ም ብቻ 6 ሹፌሮች ከነረዳታቸው በታጣቂዎች ተገድለዋል " - ጣና የከባድ መኪና አሽከርካሪዎች ማኅበር

🚨 " ሹፌርን ማገት የስራ ዘርፍ ሆኖ እየተኖረበት ነው !! "

የከባድ መኪና ሹፌሮች በሃገር አቋራጭ እና ከተማ አቋራጭ ጉዞዎቻቸው ወቅት በታጣቂዎች የሚደርስባቸው እገታ እና ግድያ ተባብሶ መቀጠሉን ጣና የከባድ መኪና አሽከርካሪዎች ማኅበር ለቲክቫህ ኢትዮጵያ አስታውቋል።

ባለፉት 5 አመታት በተለያዩ የኢትዮጵያ አካባቢዎች የተገደሉ ሹፌሮች ቁጥርም 230 መሻገሩን ስሜ አይጠቀስ ያሉ የማህበሩ አመራር ለቲክቫህ ኢትዮጵያ ተናግረዋል።

ከታህሳስ 2 እስከ 5 ቀን 2017 ዓ/ም ብቻ ስድስት ሹፌሮች ከነረዳታቸው በታጣቂዎች ተገድለዋል ብለዋል።

አራቱ ሹፌሬች የተገደሉት በመተማ ጎንደር መንገድ ጭልጋ አካባቢ ሲሆን ሁለቱ ደግሞ ከጎንደር ሳንጃ መንገድ ፈረስ መግሪያ አካባቢ ነው።

ፈረስ መግሪያ አካባቢ የተገደሉት ሹፌርና ረዳት ሲሆኑ ከታህሳስ 2 ጀምሮ አግተው ገንዘብ እንዲሰጣቸው ሲደራደሩ ቆይተው ታህሳስ 5/2017 ዓ/ም 120 ሺ ብር ከተቀበሉ በኋላ ገድለው እንደጧላቸው ሃላፊው አስረድተዋል።

የችግሩን ክብደት ሲያስረዱም " አንዳንድ ቦታዎች ላይ መኪና ሲበላሽ የመጀመሪያ ስራ ወርዶ ዝቅ ብሎ ማየት አልሆነም የመጀመሪያ ስራ ወርዶ መሮጥ ነው ምክንያቱም እንደቆምክ አንድ ታጣቂ መጥቶ ሊያግትህ ወይም ሊገድልህ ይችላል ምን ተበላሸ ብለህ የምታየው አንድ ሚሊሻ ይዘህ ተመልሰህ መጥተህ ነው " ብለዋክ።

ማዕከላዊ ጎንደር ታች አርማጭሆ ከሶረቃ እስከ ሳንጃ፣ ፈረስ መግሪያ ፣ ' ኢትዮጵያ ካርታ ' የሚባለው አካባቢ ድረስ ለሹፌሮች አስቸጋሪ ሆኖ መቀጠሉን ገልጸው ሳንጃ እና አሽሬ ባለው የመንገድ ክፍል ከህዳር 25 እስከ አሁን ድረስ 5 ሹፌሬች እንደታገቱ ተናግረዋል።

ሃላፊው ፤  " ሰው የሹፌሮችን እገታ እና ግድያ አሁን በክልሉ ከሚታየው የጸጥታ ችግር ጋር ያያይዘዋል ነገር ግን እገታ በጠቀስናቸው አካባቢዎች 7 እና 8 ዓመት አልፎታል ሹፌርን ማገት የስራ ዘርፍ ሆኖ እየተኖረበት ነው " ሲሉ አማረዋል።

" በብዛት የሹፌሮች እገታ ያለበት አካባቢ ግጭት ያለበት አካባቢ አይደለም " ያሉት አመራሩ " ታገትን ተገደልን ብለን ስንናገር : ግጭት ወዳለበት አካባቢ እያሽከረከራቹ በመሆኑ ነው ' እየተባለ ይደበሰበሳል እንባላለንም ነገር ግን ይህ ለወንበዴ ሽፋን መስጠት ነው " ብለዋል።

በመተማ እና ጎንደር መሃል ቦና ፣ መቃ እና ግንታ አካባቢ አንድ ሹፌር እስከ 40 እና 50 ሺ ብር እንዲከፍል እንደሚገደድ አንስተው በ05/04/17 ሳይከፍሉ ያለፉ ሹፌር እና ረዳት በዚሁ አካባቢ መገደላቸውን አስታውሰዋል።

ለምንድነው የምትሰበስቡት ? ስንልም " ከምናግታቹ ብለን ነው " የሚል መልስ ይሰጠናል ብለዋል።

እገታ የሚፈጸምባቸው አካባቢዎች የፀጥታ ኃይል ካምፕ ያለበት ቢሆንም ለሹፌር ጥበቃ የሚያደርግ ሆነ ወንበዴዎችን የሚያጸዳ ሃይል እንደሌለ ተናግረዋል።

በዚህ ምክንያት በሳንጃ ሶረቃ መንገድ 2 ሺህ ብር በመክፈል በአጃቢ ሚሊሻ ለመንቀሳቀስ መገደዳቸውን ጠቅሰዋል።

በዚህ ጉዳይ ላይ የአካባቢውን የጸጥታ አመራሮች ምላሽ እንዳገኘን የምናካትት ይሆናል።

#TikvahEthiopiaFamilyAA

@tikvahethiopia

TIKVAH-ETHIOPIA

23 December 2024 10:58

#SafaricomEthiopia

ሌላ የምስራች! 🥳 ⚡️ ፈጣኑን 4G ኔትወርካችንን ወደ ጋምቤላ ፣ መቱ እና በደሌ ይዘን ገብተናል!

በተፈጥሮአዊ መስህብ ፣ በያዮ ደን ፣ በባለ ግርማው የሶር ፉፏቴ እና በአሳ ፣ ቡና ፣ በሻይ እና በማር ምርት የሚታወቁትን እነዚህን ቦታዎች እናንተስ በምን ታስታውሷችኋላችሁ?

አሁንም ፈጣኑን ኔትወርክ ማዳረሳችንን እንቀጥላለን! 🙌🏼 አስተማማኙን ኔትወርክ ዛሬውኑ እንቀላቀል!
የቴሌግራም ቦታችንን /channel/official_safaricomet_bot በመጠቀም የአየር ሰዓት ወይንም ልዩ ልዩ ጥቅሎችን እንግዛ!

#MPESASafaricom #1Wedefit
#Furtheraheadtogether

TIKVAH-ETHIOPIA

22 December 2024 18:15

🔈 #የጤናባለሙያዎችድምጽ

🚨“ የሐምሌ 2016 ዓ/ም ደመወዝና፣ የ23 ወራት የዱቲ ክፍያ ስላልተከፈለን የዱቲ ሥራ ለማቆም ተገደናል” - የሀላለ ሆስፒታል ጤና ባለሞያዎች

🔴 “ የ23 ወራት ባይሆንም የ20 ወራት የዱቲ ክፍያ አልተከፈላቸውም ” - ሆስፒታሉ

🔵 “ የአንድ ወይም ሁለት ወራት እንጂ የዚህን ያክል የተወዘፈ ክፍያ የለም ” - የወላይታ ዞን ጤና መምሪያ

በወላይታ ዞን ኪንዶ ዲዳዬ ወረዳ ሀላለ ሆስፒታል የሚገኙ 78 ጤና ባለሞያዎችና ሌሎች ሠራተኞች የአንድ ወር ደመወዝና የ3 ዓመት የዱቲ ክፍያ ስላልተከፈላቸው የትርፍ ሰዓቱን ሥራ ለማቆም መገደዳቸውን ለቲክቫህ ኢትዮጵያ ተናገሩ።

ጤና ባለሞያዎቹ በሰጡን ቃል ምን አሉ?

“መንግስት ከሚመድበው በጀት ክፈሉ ብለን በደብዳቤ ብንጠይቅም ‘እንከፍላለን አሁን ግን የካሽ እጥረት አለብን’ አሉን። ከዚህ ባለፈ ማስፈራሪያ፣ እስራት፣ ድብደባ ይደርስብናል።

የመጀመሪያ የስምነት ወራት የዱቲ ክፍያ በተመለከተ ተካስሰን ፍርድ ቤት እንዲከፈለን ውሳኔ ቢሰጠንም በፖለቲካ ሰዎች ጣልቃ ገብነት ውሳኔ ባለመከበሩ አልተከፈለንም።
 
ከዚያ ወዲህ የሰራነውን የ15 ወራት የትርፍ ሰዓት ክፍያንም ቢሆን ባለመክፈላቸው፣ ለመክፈልም ፍላጎት የሌላቸው በመሆኑ ከሆስፒታሉ ሠራተኞች ኃላፊ ውጪ በአጠቃላይ ተፈራሪመን የትርፍ ሰዓት ሥራ ለማቆም ተገደናል።

በደላችንን፣ ድምፃችንን ለህዝብ እና ለመንግስት አሰሙልን። ጤና ሚንስቴር በህይወት ካለ መብታችንን ያስከብርልን” ሲሉ አሳስበዋል።

ቲክቫህ ኢትዮጵያ፣ የአንድ ወር ደመወዝና የ23 ወራት ወራት የትርፍ ሰዓት ክፍያ ያልተፈጸመበት ምክንያት ምንድን ነው? ሲል ለሆስፒታሉ ጥያቄ አቅርቧል።

የሆስፒታሉ ሥራ አስኪያጅ አቶ በረከት ሌራ ምን ምላሽ ሰጡ?

“የኛ ተቋም የሚያስተዳድረው ገንዘብ የለም ስራዎች ከተሰሩ በኋላ ለወረዳ ፋይናንስ ሪፓርት ቀርቦ ያንን መሠረት በማድረግ ነው ክፍያ የሚፈጸመው። 

የ2016 ዓ/ም የሐምሌ ደመወዝ 13% ብቻ ነው የሚቀረው 87% ተከፍሏል። የ23 ወራት ባይሆንም የ20 ወራት የትርፍ ሰዓት ክፍያ አልተከፈላቸውም። ሰፊ ነው ችግሩ። የካሽ እጥረት በሚል ብዙ ነገር እየተባለ ነበር።

የዱቲ ክፍያ በተመለከተ ፍርድ ቤት ክፍያ እንዲፈጸም የሚል ውሳኔ ሰጥቷል። የወረዳው መንግስት ከክስ ሂደቱ በኋላ መክፈል ከጀመረ በኋላ ነው የቆመው።

‘በንግግር ችግሮችን እየፈታን እንመጣለን’ በሚል ቃል ከተገባልን በኋላ ነው በመካከል ክፍያው የቆመው።  የሚያዚያ ወር በከፊል መከፈል ከተጀመረ በኋላ ነው ቆመ” ብለዋል።

የዱቲ ሥራ በመቆሙ በማታ የሚመጡ ወላድ እናቶችን ብቻቸውን እያከሙ መሆኑን የገለጹት ሥራ አስኪያጁ፣ የሚመለከታቸው አካላት ትኩረት እንዲሰጡ አሳስበዋል።

ባለሙያዎቹ የ23 ወራት የዱቲ ክፍያ እንዳልተፈጸመላቸው ቅሬታ አቅርበዋል፣ ሆስፒታሉም የ20 ወራት የዱቲ፣ የሐምሌ ደመወዝ 13 በመቶ ክፍያ አለመፈጸሙን ገልጿል፣ ይህ ለምን ሆነ? ጉዳዩን ተመልክታችሁት ነበር? ስንል ለወላይታ ዞን ጤና መምሪያ ጥያቄ አቅርበናል።

የወላይታ ዞን ጤና መምሪያ ምን አለ?

የዞኑ ጤና መምሪያ ኃላፊ አቶ ፀጋዬ ኤካ፣ “የ23 ወራት እንዳልተከፈለ መረጃው የለኝም። ተከፍሎ ነው እየተሰራ ያለው። ትክክል ነው ለማለት እቸገራለሁ” ሲሉ ለቲክቫህ ኢትዮጵያ ምላሽ ሰጥተዋል።

የ20 ወራት የዱቲ ክፍያ እንዳልተከፈላቸው ሆስፒታሉም እንዳረጋገጠ ስንገልጽላቸውም፣ “20 ወራት አይደርስም እኔ እንደማውቀው። ማጣራት ይጠይቃል” ነው ያሉት።

“የአንድ ወይም ሁለት ወራት እንጂ የዚህን ያክል የተወዘፈ ክፍያ የለም” ያሉት ኃላፊው፣ ጉዳዩን አጣርተው ተጨማሪ ማብራሪያ ለመስጠት ቃል ገብተዋል።

ሆስፒታሉ ያልተከፈላችሁ የ20 ወራት የዱቲ ክፍያ መሆኑን ገልጿል፣ እናንተ ደግሞ ያልተከፈላችሁ የ23 ወራት እንደሆነ ገልጻችኋል ፣ የትኛው ነው ትክክል ? ስንል የጠየቅናቸው ቅሬታ አቅራቢዎቹ ተከታዩን ምላሽ ሰጥተዋል።

“ ከ23 ወራት የዱቲ የ3 ወሯን ለተወሰኑ ሰዎች ነበር የከፈሉት። በትምህርት፣ በዝውዝውር፣ ሥራ በመልቀቅ ሄዱት ሳይከፊሉ ነው ‘ከፍለናል’ የሚሉት ነገር ግን እነዚህ ባለሙያዎች ደከመን ሰለቸን ሳይሉ ህብረተሰቡን እንዳገለገሉ መረሳት አልነበረበትም ” ነው ያሉት።

#TikvahEthiopiaFamilyAA

@tikvahethiopia

TIKVAH-ETHIOPIA

22 December 2024 18:12

ዮናታን ቢቲ ፈርኒቸር !

በዓሉን ምክንያት በማድረግ ልዩ ቅናሽ የተደረገባቸውን ውብ እና ምቹ የመመገቢያ ጠረጴዛዎቻችንን አሰናድተን ሞቅ ካለ መስተንግዶ ጋር እይጠበቅንዎ እንገኛለን! 🎁

🌐 የማህበራዊ ገጾቻችንን ይቀላቀሉ
Telegramyonatanbtfurniture?is_from_webapp=1&sender_device=pc">👉 Telegram/yonatanbtfurniture
Facebook👉 Facebook/yonatanbtfurniture
Insagram👉 Instagram/yonatanbtfurniture
TikTok 👉 yonatanbtfurniture?is_from_webapp=1&sender_device=pc">TikTok/yonatanbtfurniture

የውበት፣ የጥራት እና የምቾት ዳር ድንበር
ዮናታን ቢቲ ፈርኒቸር !

📍አድራሻችን
1.ፒያሳ እሪ በከንቱ ቢቲ ታወር (ከኢቲዮ ሴራሚክ ዝቅ ብሎ)
2.ከዊንጌት አደባባይ አለፍ ብሎ ከአቢሲኒያ ባንክ ፊትለፊት
3.ከሲኤምሲ አደባባይ ወደ አያት መንገድ መሪ ሳይደርስ (ዘመን ባንክ አጠገብ)

ስልክ ፦ +251957868686/ +251995272727/ +251993828282

TIKVAH-ETHIOPIA

22 December 2024 14:57

" የወከለኝ አዲስ አበባ ከተማ እንኳን እንዴት አንድ ድምፅ ይነፍገኛል ? ድምጽ ካልሰጠኝ ታዲያ ለምን ወከለኝ ? " -  አቶ ዱቤ ጁሎ

ለኢትዮጵያ አትሌቲክስ ፌዴሬሽን ፕሬዝዳንትነት ምርጫ ከአዲስ አበባ ከተማ አስተዳደር ተወክለው በእጩነት የተወዳደሩት የተከበሩ አቶ ዱቤ ጁሎ " ምርጫው ፍትሀዊ አይደለም " አሉ።

" ' ምርጫው አልቋል አትሂድ ' ተብዬ ተነግሮኝ ነበር " ያሉት አቶ ዱቤ " በጉባኤው ያጋጠመኝም ይሄው ነው " ብለዋል።

አቶ ዱቤ " የወከለኝ አዲስ አበባ ከተማ እንኳን እንዴት አንድ ድምፅ ይነፍገኛል ? " ያሉ ሲሆን " ድምፅ ካልሰጠኝ ታዲያ ለምን ወከለኝ ? " ሲሉ ጠይቀዋል።

" በሀገር ላይ ደባ እየተሠራ ነው ፤ ምርጫው ፍትሃዊ ነው ብዬ ለመቀበል ይቸግረኛል የቡድንተኝነት ስራ ነው የተሰራው " ሲሉ ሁኔታውን ገልጸዋል።

ለተመረጡት ሀላፊዎች መልካም እድል እንደሚመኙ የገለፁት አቶ ዱቤ ጁሎ እንደዚህ አይነት ነገሮች መኖራቸው ለወደፊት ለስፖርቱ " አደገኛ ነው " ብለዋል።

የአዲስ አበባ ከተማ አስተዳደር አትሌቲክስ ፌዴሬሽን ወክሏቸው ለፕሬዝዳንትነት የተወዳደሩት የተከበሩ አቶ ዱቤ ጁሎ በምርጫው ምንም ድምፅ አላገኙም።

ይህ መረጃ ባለቤትነቱ የጋዜጠኛ ይስሀቅ በላይ ነው።

Via @Tikvahethsport   

TIKVAH-ETHIOPIA

22 December 2024 09:59

🇪🇹" ኢትዮጵያ የቀይ ባህርን አክሰስ የማድረግ ፍላጎቷን በዝርዝር ተወያይተናል " - ጠ/ሚ ዐቢይ አሕመድ (ዶ/ር)

🇫🇷" የባህር በር መኖር አስፈላጊነት ፤ ለወደፊት ያሉትን ነገሮች ማመቻቸት መቻል ትክክለኛ ጥያቄ ነው " - ፕሬዜዳንት ማክሮን

የፈረንሳዩ ፕሬዝዳንት በኢትዮጵያ የነበራቸውን ጉብኝት አጠናቀው ሄደዋል።

ትላንት አዲስ አበባ ከገቡ በኃላ ከጠ/ሚ ዐቢይ አሕመድ (ዶ/ር) ጋር የሁለትዮሽ ውይይት አድርገዋል።

በውይይቱ የቀይ ባህር ጉዳይ ተነስቷል።

ኢትዮጵያ የባህር በር ተጠቃሚ የመሆን ፍላጎቷ ላይ ዝርዝር ውይይት ተደርጓል።

ውይይቱን ተከትሎ መሪዎቹ የጋራ መግለጫ የሰጡ ሲሆን ጠ/ሚ ዐቢይ አሕመው (ዶ/ር) ፤ " ኢትዮጵያ የቀይ ባህርን አክሰስ የማድረግ ፍላጎቷን በዝርዝር ተወያይተናል " ብለዋል።

" ከዚህ ቀደም በተደጋጋሚ እንዳነሳነው 130 ሚሊዮን ህዝብ ያላት ሀገር ፣ ኢኮኖሚዋ በፍጥነት እያደገ ያለ ሀገር ፣ ተጨማሪ የባህር በር አክስሰ የሚያስፈልጋት ሀገር በዓለም ህግ በሰላማዊ መንገድ ፣ በዴፕሎማሲያዊ መንገድ እንደ ፈረንሳይ ያሉ ወዳጅ ሀገራትን ተጠቅመን የምናገኝበት (የባህር ባር አክሰስ) መንገድ ላይ የእሳቸው ጠንካራ ድጋፍ እንዳይለየን የቀረበላቸውን ጥያቄ እሳቸውም በአክብሮት ተቀብለዋል " ሲሉ ተናግረዋል።

ጠቅላይ ሚኒስትሩ ፤ ፕሬዜዳንቱ የቀረበላቸውን ጥያቄ በመቀበላቸው ምስጋና ያቀረቡ ሲሆን መላው የኢትዮጵያ ህዝብ እና መንግሥት ከፈረንሳይ እና ከፕሬዜዳንት ማክሮን የሚጨበጥ ውጤት እንደሚጠበቅ ገልጸዋል።

ከዚህ በተጨማሪም ጠ/ሚ ዐቢይ አሕመድ (ዶ/ር) ፦

➡️ በቅርቡ ኢትዮጵያ ያካሄደችውን ኢኮኖሚክ ሪፎርም ፈረንሳይ እና ቻይና ኮቼኤር የሚያደርጉት እንደሆነ ፕሮግራሙ እንዲሳካ ማክሮን ከፍተኛ ድጋፍ ለኢትዮጵያና ለሪፎርሙ እንዳዳረጉ ፤ የፈረንሳይ መንግሥት በቀጥታ ከሚያደርገው ድጋፍ በተጨማሪ በEU እና IMF አይተኬ ድጋፍ እንዳደረገ ገልጸዋል።

➡️ ፈረንሳይ በኢትዮጵያ አንከር ኢንቬስተር ሆና ሌሎች የአውሮፓ ሀገራትን በማስተባበር በወሳኝ ጉዳዮች ላይ አብሮ ለመስራት መግባባት ላይ መደረሱን አሳውቀዋል።

➡️ " ማክሮን የሚገቡትን ቃል በመፈጸም የሚታወቁ ናቸው ፤ በኢንቨስትመንት ረገድም አብሮ ለመስራት መግባባት ላይ ተደርሷል " ብለዋል።

ፕሬዜዳንት ማክሮን ምን አሉ ?

ለኢትዮጵያ የባህር በር አክሰስ መኖር ላይ የተነሳው ጥያቄ ትክክለኛ እንደሆነ ማክሮን ገልጸዋል።

" ክቡር ጠቅላይ ሚኒስትር የገለጹት የባህር በር መኖር አስፈላጊነት ፤ ለወደፊት ያሉትን ነገሮች ማመቻቸት መቻል ትክክለኛ ጥያቄ ነው " ያሉት ማክሮን " በዚህ ላይ ፈረንሳይ ባላት አቅም ልትጫወት የምትችለውን ሚና መወጣት ትፈልጋለች። ይሄ በምን አይነት መንገድ መሆን አለበት የሚለው በንግግር፣ በውይይት፣ ዓለም አቀፍ ህጎችን ባከበረ መልኩና ጎረቤት ሀገሮችን ባከበረ መልኩ መሰራት የሚችልበትን መንገድ ለኢትዮጵያና ለቀጠናው መሳካት እንዲችል ሚናችንን እንወጣለን " ሲሉ ተናግረዋል።

ከዚህ በተጨማሪ ፕሬዜዳንት ማክሮን ፦

👉 " ከክቡር ጠቅላይ ሚኒስትር ጋር የፕሪቶሪያ የሰላም ስምምነት ላይ ተነጋግረናል ፤ በሰሜን ኢትዮጵያ ሰላም ማስፈን ይቻል ዘንድ ትልቅ እርምጃ መሆኑንና ለማሳካትም እየተሞከረ መሆኑን እንገነዘባለን ፈረንሳይ ከዚህ ጋር በተያያዘ ያሉ ነገሮችን ለመደገፍ ትፈልጋለች ፤ እርሻን ማበረታታ፣ የተጎዱ ሆስፒታሎችን መልሶ ማቋቋም ፤ ከሽግግር ፍትህ ጋር በተያያዘ ደግሞ የሚሰራውን ስራ የህግ የበላይነት የሚከበርበትን መንገድ ማየት እንፈልጋለን ለዚህ እናተ በምትጠይቁን መሰረት ከጎናችሁ ሆነን ሁል ጊዜ እንቀጥላለን  " ብለዋል።

👉 " ክቡር ጠቅላይ ሚኒስትሩን ያመሰገንጉበት ጉዳይ በቱርክ ከሶማሊያው ፕሬዜዳንት ጋር የሰላም ንግግር መደረግ መቻሉን ነው ይሄ የሚደገፍ ነገር ነው። የሁሉንም ሉዓላዊነት ማክበር ጋር የሚያያዝ ነው። ከዛ በኃላ ግን ስለ ባህር በር መኖር አስፈላጊነት ጠቅላይ ሚኒስትር የገለጹ ትክክለኛ ጥያቄ ነው ፤ ፈረንሳይ ባላት አቅም ልትጫወት የምትችለውን ሚና ታመቻቻለች። በንግግር ፣ በውይይት ፣ ዓለም አቀፍ ህግ ባከበረና ጎረቤት ሀገሮች ባከበረ መልኩ " ሲሉ ገልጸዋል።

👉 " ከኢኮኖሚ ጋር በተያያዘ ተነጋግረናል። በ2019 በመጣሁበት ጊዜ ያንን ታላቅ የኢኮኖሚ ሪፎርም ከመንግሥቶት ጋር በተያያዘ 100 ሚሊዮን ዩሮ በAFD አማካኝነት እንዲሁም የተለያዩ ቴክኒካል ድጋፎችንም መጨመር ችለናል።  በአሁን ጊዜ ደግሞ ያለንን ሁሉ ነገር እንደምናደስ ለዚህም በ25 ሚሊዮን ዩሮ በጀት ድጋፍ ለማድረግ ነው። " ሲሉ ተናግረዋል።

👉 " ከኤሌክትሪክ ኔትዎርክ ጋር በተያያዘ የፈረንሳይ ድርጅቶች መግባት የሚችሉበት አጋጣሚ ይኖራል በዚህ ከአውሮፓ ህብረት ፈንድ ጋር እንዲሁም አውሮፓ ካሉ ባንኮች ጋር በመሆን 80 ሚሊዮን ዩሮ ይቀርባል " ብለዋል።

👉 " ከዕዳ ጋር በተያያዘ ከG20 ጋር የሚያያዘውን ከቻይና ጋር የሚሰራ ስራ ይኖራል። ይህ ለተለያዩ የአፍሪካ ሀገራት የሚቀርብ ነው። ባለፈው ፓሪስ ባዘጋጀነው ዝግጅት ተጨባጭ ነገር ተገኝቷል። ይህም እርሶ እያደረጉት ባሉት የሪፎርም ስራ ሲሆን 3 ቢሊዮን ዩሮ የምናመቻች ይሆናል እናተንም በሙሉ መደገፍ እንፈልጋለን ፤ መመቻቸት ስላሉባቸው ጉዳዮች ከIMF ጋር እንነጋገራለን  " ብለዋል።

👉 " የፈረንሳይ ድርጅቶች ይበልጥ ተሳታፊ እንዲሆኑ (በኢንቨስትመንት) ፍላጎት አለን " ሲሉ ገልጸዋል።

ማክሮን በኢትዮጵያ ቆይታቸው ሀገራቸው ትልቁን ድጋፍ አድርጋበታለች የተባለውን የብሔራዊ ቤተመንግሥት እድሳት ስራን ተመልክተዋል።

ፈረንሳይ የላሊበላ ውቅር አብያተ ክርስቲያናት እድሳት ስራዎችን በግንባር ቀደምትነት በፋይናንስና ቴክኒክ ረገድ እየደገፈች ሲሆን ስራው 50% መሰራት እንደተቻለ ተነገሯል።

የኢትዮጵያ ጠ/ሚ ዐቢይ አሕመድ ለፈረንሳይ ድጋፍ ምስጋና አቅርበዋል።

#TikvahEthiopia

@tikvahethiopia

TIKVAH-ETHIOPIA

22 December 2024 09:57

🔈#የነዋሪዎችድምጽ

“ ባለስልጣናቱ  ህገ ወጥ ስራ ሲሰራ ለማስቆም ምንም አይነት ፍላጎት የላቸውም ” - ነዋሪዎች

በአቃቂ ቃሊቲ ክፍለ ከተማ ወረዳ አምስት ልዩ ስሙ ‘ሰፈረ ገነት’ በተባለ ቦታ የሚገኙ ነዋሪዎች ካሳና ምትክ ቦታ ሳይሰጣቸው የመስሪያ ቦታቸው ለባለሃብት ተላልፎ በመሰጠቱ በቲክቫህ ኢትዮጵያ በኩል ቅሬታ አሰሙ።

ቦታቸው ጋራዥ፣ ላቢያጆ የመሳሰሉት ስራዎች የሚሰሩበትና በቤተሰብ ደረጃ ወደ 100 የሚጠጉ ሰዎች የሚተዳደሩበት 12 ሺሕ ካሬ መሆኑን ገልጸው፣ ቦታው ከህግ ባፈነገጠ አሰራር ለአንድ ባለሃብት ስለተሰጠባቸው መብታቸው ተከብሮ መፍትሄ እንዲሰጣቸው ጠይቀዋል።

ቅሬታ አቅራቢዎቹ በዝርዝር ምን አሉ ?

“ መጀመሪያ ወረዳው ጠራንና ‘ቦታችሁ ለባለሃብት ተሰጥቷል። የተወሰነው በካቤኔ ነው’ አለን። ከዛ ክፍለ ከተማ ሄደን የካቢኔው ውሳኔ ነው ወይ? አሳዩን አልናቸው። 
‘ይህንን የመጠየቅ መብት የላችሁም። ጥቅማችሁን ነው ፕሮሰስ ማድረግ ያለባችሁ እንጂ ይሄ የኛ ጉዳይ ነው’ አለን። እሺ ብለን የሚያስፈልጉ ዶክሜንቶችን አቅርበን ፕሮሰስ ማድረግ ጀመሩ ክፍለ ከተማውና ወረዳው።

በመካከል የወረዳው ሥራ አስፈጻሚና የመሬት ልማት ማኔጅመንትን ሰብስበውን ‘የምትለቁ ከሆነ በፍጥነት ልቀቁ አለበለዚያ ልክ እንደ ህገ ወጥ ግንባታ በጫጭቄ እጥለዋለሁ’ አለ።

በዚህም ምትክ ቦታ ሳይሰጥ፣ የካሳ ክፍያ ሳይኖረው በሚል ሰው ተደናገጠ። ክፍለ ከተማ ሄደን ስናናግር ‘ማን ሰብስብ አለው?’ የሚል ጥያቄ አዘል ምላሽ ነው የሰጠን።

ከንቲባ ጽህፈት ቤትም ሄደን ቅሬታ አቀረብን ዓባይነህ ለሚባል ሰው፣ የካቢኔው ውሳኔ መሆኑን ማረጋገጥ እንፈልጋለን ስንለው ጌታቸው ለሚባል መራን። ጌታቸውን ስናናግራቸው ‘አረጋግጨ ይነገራችኋል እሱ የኛ ጉዳይ ነው’ አሉን።

በዚሁ ሁኔታ ቀጥለን በኋላ ስንጠይቅ ‘የካቢኔ ውሳኔ የተሰጠው ባለሃብቱ ወረዳ 10 ነው እንጂ ወረዳ አምስት ላይ አይደለም’ ተባልን።

በኋላም የወረዳ ዘጠኝ እንደሆነ ቀሪ ወረቀት ላይ አገኘን። ሄደን ቀጥታ ዓባይነህን ስናናግራቸው ለአቃቂ ቃሊቲ ክፍለ ከተማ ደውለው ሲያናግሩ ‘በካቢኔ ውሳኔ ነው  ፕሮሰስ የተደረገው ገንዘብ እየገባላቸው ነው’ አላቸው።

ከዛ ወረቀቱን ለዓባይነህ ስናቀርብ ለክፍለ ከተማው ‘አይ የካቢኔ ውሳኔ አይደለም፣ ከኛ መዝገብ ቤት ያለውንና ይሄንን አያይዤ እልክልሃለሁ ቼክ አድርገው’ አሉት። ከዚያ በኋላ ግን ማንም ምላሽ የሚሰጠን የለም። ባለሃብቱ የኛን ቦታ ሙሉ ለሙሉ አጥሮታል።

የኛ ቅሬታ ውሳኔው የካቢኔ ውሳኔ አይደለም ባለን ማስረጃ። ሲቀጥል የካቢኔው ውሳኔ ቢሆን እንኳ መጀመሪያ ካሳና ምትክ ቦታ ሊሰጠን ይገባል።

ባለስልጣናቱ ‘ይሄኮ ያስጠይቀናል። የእናንተ ጉዳይ እንዲፋጠን 22 ነው ግፊት ማድረግ ያለባችሁ’ የሚል አስተያዬት ነው የሚሰጧቸው እንጂ ህገ ወጥ ስራ ሲሰራ ለማስቆም ፍላጎት የላቸውም። ፍ/ቤት ሂደን እግድ ስናወጣ መደናገጥ ጀመሩ”  ብለዋል።

NB. " 22 " ተብሎ የተገለጸው እዛ ያለውዥ የመሬት አስተዳደር ጉዳዩን እንደያዘ ለመግለጽ ሲሆን እነርሱ ባለወቁት መልኩ እዛ እንዲታይ መደረጉ አሻጥር እንደሆነ ገልጸዋል።

ለቅሬታው ምላሽ ለማግኘት ወደ አቃቂ ቃሊቲ ክፍለ ከተማ ሙከራ ያደረግን ሲሆን፣ ለጊዜው የስልክም ሆነ የፅሑፍ ምላሽ አልሰጡም።

ከከንቲባ ጽህፈት ቤት ጉዳዩ እንደሚመለከታቸው በቅሬታ አቅራቢዎቹ የተነገረላቸው አቶ ግታቸው የተባሉ አካል፣ በስልክ ማብራሪያ እንደማይሰጡ ለቲክቫህ ገልጸዋል። በአካል ምላሽ ከሰጡ በቀጣይ ይቀርባል።

(ነዋሪዎች ህዝቡ ይወቅልን ብለው አጠቃላይ ቦታውን የተመለከተ ዶክመንት ለቲክቫህ ኢትዮጵያ በላኩት መሰረት ከላይ ተያይዟል)

#TikvahEthiopiaFamilyAA

@tikvahethiopia

TIKVAH-ETHIOPIA

21 December 2024 20:06

#Update

“ 11 ሰዎች አሁንም ያሉበት አልታወቀም። አንድ ሰው መገደሉ ተረጋግጧል ” -የሽርካ ወረዳ ቤተ ክኀነት

በአርሲ ዞን፤ ሽርካ ወረዳ በታጣቂዎች ታገቱ የተባሉ በርካታ ነዋሪዎች ያሉበት እንደማይታወቅ የወረዳው ቤተ ክኀነትና ነዋሪዎች ለቲክቫህ ኢትዮጵያ ገልጸዋል።

የአካቢው ነዋሪዎች፣ “ ታጣቂዎቹ እገታውን የፈጸሙት ታኃሳስ 5 እና 6 ቀን 2017 ዓ/ም ነው። ከ20 በላይ ሰዎች ናቸው በታጣቂዎች የተወሰዱት ” ብለዋል።

የታገቱት የወረዳው ቤተ ክኀነት ስራ አስኪያጅ ጭምር መሆኑን ተናግረው፣ ሥራ አስኪያጁን ጨምሮ ዘጠኝ ሰዎች ገንዘብ ከፍለው እንደተለለቁም ሰሞኑን ገልጸውልን ነበር።

ቁጥራቸው በትክክል ባይታወቅም ከታጋቾቹ ውስጥ የተገደሉ ሳይኖሩ እንዳልቀረ፣ ቀሪዎቹ ታጋቾች ከእገታ እንዳልተመለሱ፣ ጭራሹንም ያሉበት እንደማይታወቅ ነዋሪዎቹ አስረድተዋል።

“ እንዲህ አይነት ድርጊት ሲፈጸም ይህ የመጀመሪያው አይደለም። በየጊዜው የሸኔ ታጣቂዎች በሚፈጽሙት እገታ ብዙ ሰዎች ተገድለዋል፣ እድለኛ የሆኑት በ100 ሺዎች ገንዘብ እየከፈሉ የተለቀቁ አሉ ” ሲሉ አስታውሰዋል።

“ እስከመቼ ድረስ ነው ህዝቡ በተወለደበት አገር በእንዲህ አይነት ሰቀቀን የሚኖረው ? የፍርድ ቀን እስኪመጣ ጮኸታችንን አሰሙልን ” ሲሉ ተማጽነዋል።

ስለጉዳዩ ማብራሪያ እንዲሰጡን የጠየቅናቸው የወረዳው ቤተ ክኀነት ሥራ አስኪያጅ ከቀናት በፊት በሰጡን ቃል፣ “ አሁን እቤቴ ገባሁ። ከእኔ ጋር ተይዘው የነበሩ ስምንት ሰዎች ጋር በአጠቃላይ ዘጠኝ ሰዎች ተለቀዋል ” ብለዋል።

የወረዳው ቤተ ክኀነት በዛሬው ዕለት ለቲክቫህ ኢትዮጵያ በሰጠው ቃል ደግሞ፣ “ 11 ሰዎች ያሉበት አይታወቅም። አንድ ሰው መሞቱ ተረጋግጧል ” ብሎ የሁነቱን አሳሳቢት አስረድቷል።

የተለቀቁት ሰዎች ምን ያህል ገንዘብ በመክፈል እንደተለቀቁ ላቀረብነው ጥያቄ ሥራ አስኪያጁ በሰጡት ማብራሪያ፣ የገንዘቡ ጉዳይ ለመናገር እንኳ የሚመር መሆኑን ገልጸው፣ ብቻ የተለቀቁት ገንዘብ ከፍለው መሆኑ እንዲታወቅ ገልጸዋል።

“ የተወሰድንበት አቅጣጫው ስለሚለያይ፣ እኔም ሰሞኑን ችግር ላይ ስለከረምኩ መረጃውን ገና በደንብ ሰብስቤ ተጨማሪ ማብሪራያ እሰጣለሁ ” ሲሉ ጠቁመዋል።

#TikvahEthiopiaFamilyAA

@tikvahethiopia

TIKVAH-ETHIOPIA

21 December 2024 16:57

#Ethiopia #USA #Starbucks

የአሜሪካው ' ስታርባክስ / Starbucks ' ኤክስኪዩቲቭ ቫይስ ፕሬዝዳንት ሚሼል በርን ኢትዮጵያ፣ አዲስ አበባ ይገኛሉ።

በኢትዮጵያ የአሜሪካ አምባሳደር ማሲንጋ እና የUSAID ዳይሬክተር ሆክላንደር ለበርን አቀባበል አድርገውላቸዋል።

አሜሪካ በኤምባሲዋ በኩል የስታርባክስን አመራር " እንኳን ወደ ኢትዮጵያ፤ ወደ ቡና መገኛዋ ሀገር በደህና መጡ " ብላለች።

የስታር ባክስ አመራር ሚሼል በርን በኢትዮጵያ ቆይታቸው በኢንዱስትሪው ውስጥ ስላለው አስደናቂ እድገት፣ በምርታማነት ላይ ስላሉ ኢንቨስትመንቶች ይመክራሉ ተብሏል።

በተጨማሪም በኢትዮጵያ ላሉ የተለያዩ የማህበረሰብ ክፍሎች የንፁህ ውሃ አቅርቦትን ማሳደግ በተመለከተ ይወያያሉ።

ስታር ባክስ (starbukcs) በቡና አቅርቦቱ በመላው ዓለም የሚታወቅ ከፍተኛ ሃብት ያለው ኩባንያ ነው።

@tikvahethiopia

TIKVAH-ETHIOPIA

21 December 2024 15:32

#Ethiopia #France

የፈረንሳዩ ፕሬዝዳንት ኢትዮጵያ ገቡ።

የፈረንሳዩ ፕሬዝዳንት ኢማኑኤል ማክሮን ከደቂቃዎች በፊት ኢትዮጵያ አዲስ አበባ ገብተዋል።

ፕሬዝዳንቱ ለይፋዊ የስራ ጉብኝት ነው አዲስ አበባ የገቡት።

ቦሌ ዓለም አቀፍ ኤርፖርት ሲደርሱ የኢፌዴሪ ጠ/ሚ ዐቢይ አሕመድ (ዶ/ር) ተቀብለዋቸዋል።

ማክሮን አዲስ አበባ ከመምጣታቸው በፊት በጎረቤት ሀገር ጅቡቲ የስራ ጉብኝት አድርገዋል።

ቪድዮ ፦ ቢኤፍኤም ቲቪ

@tikvahethiopia