TIKVAH-ETHIOPIA

23 July 2025 10:19

#MillenniumHall

ሚሊኒየም አዳራሽ ፈርሶ በአዲስ መልኩ ሊገነባ ነው።

በሚድሮክ ኢንቨስትመንት ግሩፕ ስር የሚገኘው ሚሊኒየም አዳራሽ በመባል የሚታወቀው አዲስ ፓርክ እና ማኔጅመንት ከታህሳስ 2018 ጀምሮ ሙሉ በሙሉ ፈርሶ በአዲስ መልኩ እንደሚገነባ መገለጹን ካፒታል ጋዜጣ ዘግቧል።

በ2000 ዓ.ም. አገልግሎት መስጠት የጀመረው ይህ ግዙፍ አዳራሽ በኢትዮጵያ ውስጥ ከሚገኙ ታላላቅ አዳራሾች ግንባር ቀደሙ ነው።

አዲሱ ግንባታ የአዳራሹን አቅም እና ዘመናዊነት ይበልጥ ያሳድጋል የተባለ ሲሆን ለግንባታው የሚወጣው ኢንቨስትመንት መጠን እና የስራ ተቋራጩ ማንነት በቀጣይ ይፋ ይደረጋል ተብሏል።

ሚሊኒየም አዳራሽ በ20 ሺህ ስኩዌር ሜትር ስፋት ላይ ያረፈ ሲሆን በአንድ ጊዜ እስከ 25,000 ሰዎችን የማስተናገድ አቅም አለው።

ይህ አዳራሽ ከትልልቅ ብሔራዊ ፕሮግራሞች፣ ዓለም አቀፍ ስብሰባዎች፣ ኤግዚቢሽኖች፣ ኃይማኖታዊ ፕሮግራሞች፣ የምርቃት ስነስርዓቶች በተጨማሪ፣ ታላላቅ ሰዎች ህይወታቸው ሲያልፍ ለሽኝት ስነስርዓቶች ጭምር ሚናውን ሲጫወት ቆይቷል።

በሰኔ ወር 2017 ምሽት ላይ ሚሊኒየም አዳራሽ የተለመደውን አገልግሎት እየሰጠ በነበረበት ወቅት ድንገተኛ የእሳት አደጋ እንደገጠመው ታውቋል። የዚህ ችግር ምንጭ ለጊዜው በሚመለከተው አካል እየተጣራ በመሆኑ ጊዜው ሲደርስ ይፋ እንደሚደረግ ተገልጿል።

ይህ በእንዲህ እንዳለ፣ ከ17 ዓመታት በኃላ አዳራሹ ሙሉ በሙሉ ፈርሶ በአዲስ መልኩ መገንባት ለወደፊቱ ለተለያዩ ዝግጅቶች የተሻለ እና ዘመናዊ የመስተንግዶ አማራጭ እንደሚሰጥ ይጠበቃል ተብሏል።

#CAPITAL

@tikvahethiopia

TIKVAH-ETHIOPIA

23 July 2025 09:16

" ትላንት በማሽን የታገዘ ቁፋሮ ስናደርግ ብንውልም አንድም አስክሬን ማግኘት አልቻልንም " - የደቡብ አሪ ወረዳ ዋና አስተዳዳሪ

የደቡብ አሪ ዞን ዋና አስተዳዳሪ አቶ ግዛዉ ሃይሌ ለቲክቫህ ኢትዮጵያ እንደገለፁት ሀምሌ 13 ቀን 2017 ዓ/ም ምሽት 2:30 ገደማ በተከሰተው  የመሬት መንሸራተት አደጋ ከናዳው ስር የሚገኝ የአንድ ቤተሰብ አባላት የሆኑ አምስት ሰዎች አስክሬን ለማግኘት ትላንት ለሁለተኛ ቀን ሙከራ ሲደረግ መዋሉን ተናግረዋል።

ሙከራው በማሽን የታገዘ እንደነበር ጠቁመዋል።

" ከትላንት በስቲያ በሰዉ ሃይል ቀኑን ሙሉ ፍለጋ ቢደረግም ድካም ብቻ ነበር " ያሉት ዋና አስተዳዳሪዉ " ትላንት በስካቫቴር ታገዘን አስከሬኑ አለ ተብሎ በሚታሰብበት አከባቢ የደረስን ቢሆንም በመምሸቱ ፍለጋዉን አቋርጠን ለመወጣት ተገደናል " ሲሉ ተናግረዋል።

ለተፈናቃዮች በቀይ መስቀልና በደቡብ ኢትዮጵያ ክልል ሕብረተሰብ ጤና ኢንስቲትዩት መጠነኛ የዕለት ደራሽ እርዳታ የቀረበ ቢሆንም ከተፈናቀሉት ነዋሪዎች እና ከአደጋው ስፋት አንፃር በቂ አለመሆኑን ገልፀዉ ለክልሉ መንግስት ይህንኑ ማድረሳቸውን ገልፀዋል።

ቲክቫህ ኢትዮጵያ
ሀዋሳ
#TikvahEthiopiaFamliyAA

@tikvahethiopia

TIKVAH-ETHIOPIA

23 July 2025 09:15

ንብተራ ኦንላይ

ነባሩን የንብ ሞባይል ባንኪንግ መተግበሪያ አሁኑኑ "update/upgrade" በማድረግ የአዲሱ የንብተራ ኦንላይን ተጠቃሚ ይሁኑ፡፡

***
ይሠሯል ከልብ፣ እንደ ንብ!

@nibinternationalbanksc

#Nib #nibmobilebanking #NibQR #nib #nibtera #nibbank

Facebook  / Instagram / linkedin / nibinternationalbank6204">X / nibinternationalbank6204">Youtube / nibinternationalbank">Tiktok / Website

TIKVAH-ETHIOPIA

22 July 2025 20:41

" እስካሁን ድረስ በሰዎች የደረሰ ጉዳት የለም፤ ፍንዳታው ግን አለ " - ከኤርታሌ በቅርበት የምትገኘው ቀበሌ

ከሐምሌ 8/2017 ዓ/ም ጀምሮ የተከሰተው የአፋር ክልሉ የኤርታሌ እሳተ ገሞራ ፍንዳታ እስካሁን እንዳልቆ፣ መሬት መንቀጥቀጥ እየተከሰተ መሆኑን የኩስራዋድ ወረዳና ሰመራ ዩኒቨርሲቲ ለቲክቫህ ኢትዮጵያ ገልጸዋል፡፡

ከኤርታሌ 25 ኪሎ ሜትር የምትገኘው የኩስራዋድ ቀበሌ ሊቀመንበር አቶ ሐጂ አሊ፣ " የእሳተ ገሞራ ፍንዳታው አልቆመም፡፡ አንዳንዴም ይንቀጠቀጣል፤ ጭስም አለው፡፡ እስካሁን በሰዎች የደረሰ ጉዳት የለም፤ ፍንዳታው ግን አለ " ሲሉ ነግረውናል፡፡

ከፍተኛ የፍንዳታ ድምጽ እንደሚሰማ፣ መሬቱ እየተናደ ወደ ውስጥ መግባቱም እንደቀጠለ መሆኑን አስረድተው፣ " አንድ ቀን ይቆማል፣ ሁለት ቀን ይፈነዳል መሬቱ እየሰጠመ እየጨመረ ሂዷል " ሲሉ ክስተቱ ያለበትን ሁኔታ ገልጸዋል፡፡

የፍንዳታው ቦታ ከመኖሪያ ቦታ ርቀት ቢኖረውም በቅርብ ርቀት ያሉ ነዋሪዎች ንብረታቸውን ትተው መሄድም ፈተና ስለሆነባቸው እንጂ በፍንዳታው ስጋት እንዳደረባቸው ሊቀመንበሩ አስረድተዋል፡፡

የሰመራ ዩኒቨርሲቲ የጂኦሎጂ መምህርና ተመራማሪ ኖራ ያኒሚኦ በበኩላቸው፣ አደጋው ባለመቆሙ አሁንም ብናኝ እየወጣ፣ የመሬት መንቀጥቀጡም እየተከሰተ ስለመሆኑ ከአካባቢው ባለስጣናት መረዳታቸውን ለቲክቫህ ኢትዮጵያ ተናግረዋል።

ሰሞኑን በቦታው ተገኝተው በነበረበት ወቅትም ከፍተኛ የአመድ ብናኝ እነወጣ እንደነበር ገልጸው፣ " ብናኞቹ መጀመሪያ ቀይና ጥቁር ሆነው ነው የሚወጡት፤ እየቆየ በሄደ ቁጥር ደግሞ ወደ ነጭ እየተቀየረ ነበር። ከስር ተራራውን እየበላው ሲያልቅ ከላይ ያለው እንዳለ ኮላብስ ነው የሚያደርገው " ብለዋል።

በፍንዳታው የሚወጣው ብናኝ አንዳንዴ የተወሰነ ደቂቃ፤ አንዳንዴ ደግሞ ለረጅም ሰዓት እንደሚቆይ ገልጸው፣ በቦታው በነበርሩበት ወቅት አንድ ቀን " ከቀኑ 11 ሰዓት እስከ 2 ሰዓት ድረስ ሳያቋረጥ በጣም ከፍተኛ የሆነ ጭስ ነው ሲወጣ የነበረው " ሲሉ አስታውሰዋል።

" ፍንዳታው በዚህ የሚቀጥል ከሆነ የአስጊነቱን ደረጃ ከፍ ሊያደርገው ይችላል " ያሉት ተመራማሪው፣ " ከኤርታሌ የወጣው አሽ እስከ አፍዴራ 'ይሸት ነበር' ሲሉ የነገሩን ሰዎች አሉ " ነው ያሉት ተመራማሪው።

እሳተ ገሞራ ፍንዳታ ሲፈጠር ከአደጋው ባሻገር ይዞት የሚመጣ በረከት አለ ይባላል ? ይህ ከምን አንፃር ነው ? ለሚለው ጥያቄም፣ " ትክክል ነው፤ እሳተ ገምራ ወደ ላይ ሲወጣ የተለያዩ ማዕድናትን ይዞ ሊወጣ ይችላል። ስለዚህ አንዳንዴ በረከትም ይሆናል " ብለዋል።

ቲክቫህ ኢትዮጵያ
አዲስ አበባ
TikvahEthiopiaFamilyAA

ፎቶ፦ ፋይል

@tikvahethiopia

TIKVAH-ETHIOPIA

22 July 2025 20:06

" የፍርድ ውሳኔውን ተከትሎ እንደ አዲስ ለቅሶ ተቀምጠናል " - የአለልኝ አዘነ ቤተሰቦች

➡" ' እራሱን አጠፋ ' ከተባለበት ጉዳዩን መርምሮ ለዚህ ዉሳኔ ማብቃት ትልቅ ውጤት ነው ፤ ይግባኙን በተመለከተ የዐቃቤ ሕግ ቡድኑ በፖናል የሚወስነው ይሆናል" - ፍትሕ መምሪያ

የጋሞ ዞን ከፍተኛ ፍርድ ቤት የኢትዮጵያ ብሔራዊ ቡድንና የባሕር ዳር ከተማ ተጫዋች በነበረው አለልኝ አዘነ ግድያ የዞኑ ከፍተኛ ዐቃቤ ሕግ ልዩ ልዩ ወንጀሎች ቡድን በባለቤቱ አበይ ጌታቸውና የባለቤቱ እህት ባል ሉንጎ ሉቃስ ላይ በመሰረተው ክስ የፍርድ ዉሳኔ ማስተላለፉ ይታወቃል።

ውሳኔዉን ተከትሎ የአለልኝ ቤተሰቦች ፣ ጓደኞችና ፍትህ ተጓድሏል ያሉ ወጣቶች ቅሬታቸዉን በቲክቫህ ኢትዮጵያ በኩል አሰምተዋል።

የፍርድ ሂደቱን ከመነሻው ጀምሮ ሲከታተል የነበረ የአለልኝ አዘነ የቅርብ ጓደኛ የሆነ እግር ኳስ ተጫዋች ቃሉን ለቲክቫህ ኢትዮጵያ ሰጥቷል።

ከፍርድ ሂደቱና በፍርድ ቤት ሲነበብ በሰማው ግድያው እንዴት ሊፈጸም እንደቻለ በአጭሩ አስረድቷል።

" አሌ ብቻውን ቤት ውስጥ ነበር ፤ ከዛም ስልኩን ተቀበሉት ማንም እንዳይረዳው ፤ በአጥር ዘሎ ቢወጣም ማንቁርቱ ላይ በቦክስ ተመቶ አጥንቱ ወደ ውስጥ ይሰነቀራል ፤ ከዛም የስልክ እንጨት ፖል ላይ አራት ወይም አምስት ጊዜ በማንጠልጠል በአንገቱ  ሽቦ በመጠቅለል ራሱን አንቆ እንደገደለ ለማስመሰል ተሞክሯል " ሲል በፍርድ ሂደቱ የተነበበውን ገልጿል።

" አንደኛ ተከሳሽ የአለለኝ አዘነ ባለቤት አይዳ ጌታቸው ሁለተኛ ተከሳሽ የሆነውን የእህቷን ባል  ሉንጎ ሉቃስን ደውላ በመጥራት ነው የግድያ ወንጀሉ እንዲፈጸም በዋናነት ያቀናበረችው " የሚለውን ከፍርድ ሂደቱ መስማቱን አስረድቷል።

ግድያውን የተፈጸመሙት ሆን በለውና አቅደው አለልኝ ማንም ሰው እንዳይረዳው ሆኖ ከምሽቱ 5:30 እስከ ለሊት 8:00 ባለው ጊዜ እንደሆነ መስማቱንም ጠቁሟል።

" ሂደቱ ቀጥሎ ፍርድ ቤቱ አለልኝ በሰው እጅ መገደሉን በማረጋገጥ ዛሬ የፍርድ ሰጥቷል። እሷ ላይ 16 ዓመት ፤ የእህቷ ባል ላይ 15 ዓመት ፅኑ እስራት ፈርዷል " ብሏል።

" ፍርዱ እኛ ጓደኞቹን ጨምሮ ቤተሰቦቹን እጅግ አሳዝኗል ፤ አስከፍቷል። የአለልኝ እናት በውሳኔው እጅግ የመረረ ሀዘን ተሰምቷቸው ብቻቸውን በሀዘን ነው ከፍርድ ቤት የወጡት " ሲል ገልጿል።

" በተጨማሪ በውሳኔው ደስ ያልተሰኙ ነዋሪዎች ተቃውሞ አሰምተዋል " ሲል አክሏል።

ቲክቫህ ኢትዮጵያ ከአለልኝ ቤተሰቦች ጋርም ቆይታ አድርጓል።

አንድ የአለልኝ ቤተሰብ አባል " አለልኝን እነሱ ያኔ ገደሉት ፍርድ ቤቱ ደግሞ ዛሬ ገደለው " ሲሉ በሃዘን ሃሳባቸውን ገልጸዋል።

" ዛሬ እንደ አዲስ ቤታችን ለለቅሶ ቁጭ ብለናል ሰዎችም ለቅሶ እየደረሱ ነው " ብሏል።

" ሚስቱ የወንጀል ድርጊቱን በመምራት በተባባሪዋ የእህቷ ባል አማካኝነት ካስገደለችው በኋላ የስልክ ገመድ በአንገቱ ላይ በማስገባት ' አለልኝ እራሱን አጠፋ ' በማለት ፍትሐት እንዳያገኝ አድርጋለች " ሲል ገልጿል።

" የጀመሩትን የጭካኔ ተግባር የሃይማኖት አባቶችን ጭምር በማሳሳት ' ሚስቱ ነፍሰጡር ነች ' እያሉ በማስወራት የሕዝቡን ልብ ካራሩ በኋላ ፖሊስና ዐቃቤ ሕግ ባደረጉት ጠንካራ ምርመራ አለልኝ እራሱን አለማጥፋቱና እነሱ መግደላቸዉን ፍርድ ቤቱ አረጋግጦና ያቀረቡትን የቅጣት ማቅለያም ወድቅ አድርጎ ሲያበቃ ፍርድ ቤቱ ያስተላለፈው ያልተጠበቀ ውሳኔ ቤተሰቡን አሳዝኗል " ብሏል።

" የስርቆትና አንድ ማንኛውንም ወንጀል በፈፀመ ወንጀለኛ ላይ የሚተላለፍ የፍርድ ውሳኔ ለሀገር ብዙ ያደርግ ለነበረ ተስፈኛ ወጣት ግድያ ወንጀል መሰጠቱ አሳዝኖናል " ሲል አክሏል።

" አለልኝ ላይ በተቀነባበረ መልኩ የግድያ ወንጀል ፈፅመዉ፣ ሕግን ህዝብንና ሃይማኖትን ለማታለል በሞከሩ ጨካኞች ላይ ፍርድ ቤቱ ያስተላለፈው ድሳኔ በጣም የሚያሳዝን ነው " ሲልም ቅሬታቸዉን አሰምተዋል።

ቃላቸውን ለቲክቫህ ኢትዮጵያ የሰጡ ነዋሪዎችም " ፍርድ ቤቱ ሚስቱና የእህቷ ባል አለልኝን መግደላቸውን አረጋግጦ ጥፋተኛ ካለ በኃላ የወሰነው ውሳኔ እጅግ አሳዛኝ ነው " ብለዋል።

ቲክቫህ ኢትዮጵያ ከጉዱዩ ጋር በተያያዘ የጋሞ ዞን ዐቃቤ ሕግ መምሪያ ኃላፊ አቶ ጤናሁን ጨርቆስን አነጋግሯል።

" ' የአለልኝ ጉዳይ እራሱን አጠፋ ተብሎ ተስፋ ተቆርጦ ከተተወበት የፍትህ መዋቅሩ ከፖሊስ ጋር በመሆን ጉዳዩን ከምንም አንስተው ለዚህ በማድረስ ተጠርጣሪዎችን ጥፋተኛ ማስባል በራሱ ትልቅ እርምጃ ነው " ብለዋል።

ይግባኝን በተመለከተ ቲክቫህ ኢትዮጵያ ላነሳላቸዉ ጥያቄ " የከፍተኛ ዐቃቤ ህግ ቡድኑ በፖናል ተነጋግሮ የሚወስነድ ይሆናል " ሲሉ ገልጸዋል።

የቲክክቫህ ኢትዮጵያ ቤተሰብ በስፍራው ተገኝቶ እንደተመለከተው ከፍርድ ዉሳኔዉ በኋላ የአለልኝ ቤተሰቦች ወዳጅ ዘመዶችና የአከባቢው ነዋሪዎች እንደ አዲስ ለቅሶ ተቀምጠዋል።

በሌላ በኩል በአርባ ምንጭ ከተማ ሲካሄድ የነበረው የኑርሁሴን መታሰቢያ የክረምት እግር ኳስ ውድድር ዛሬ የነበረው መርሃግብር ተሰርዟል።

በርካታ የአርባ ምንጭ ከተማ ወጣቶችም የፍርድ ውሳኔን የሚቃወሙ ፅሑፎችን በመያዝ ቅሬታቸውን አሰምተዋል።

ቲክቫህ ኢትዮጵያ
አርባ ምንጭ
#TikvahEthiopiaFamliyArbaminch

@tikvahethiopia

TIKVAH-ETHIOPIA

22 July 2025 19:45

#Ethiopia🇪🇹
#GERD💪

" ውሃውን እና አፈሩን በብቸኝነት ለመጠቀም የማያደርጉት ነገር የለም " - አረጋዊ በርሄ (ዶ/ር)

የታላቁ ህዳሴ ግድብ ማስተባበሪያ ፕሮጀክት ጽሕፈት ቤት ዋና ሥራ አስፈጻሚ አረጋዊ በርሄ (ዶ/ር) ፥ በግድቡ ጉዳይ ኢትዮጵያን ከየአቅጣጫው የሚጎነትላት እንዳልጠፋ ገልጸዋል።

" የግብፆች ግፊት በየአቅጣጫው እንዳለ የታወቀ ነው። ከድሮ ጀምሮ ውሃውን ለብቻቸው ለመጠቀም ጦርነት ጭምር የከፈቱበት ወቅቶች ነበሩ፣ ከ640 ዓ.ም ጀምሮ በአዶሊስ ድረስ መጥተው ነበር " ሲሉ ተደምጠዋል።

" ስለዚህ በተለያየ አቅጣጫ ኢትዮጵያን ነፃ ከሆነ የልማት ጉዞዋ ለማደናቀፍ ውሃውን እና አፈሩን ደግሞ በብቸኝነት ለመጠቀም የማያደርጉት ነገር የለም። ከውስጥም ለመቦርቦር ይሞክራሉ ከውጭም እንደዛው " ሲሉ ገልጸዋል።

" ከወደ ትራምፕ በኩል የሚመጣው የተዛቡ ንግግሮች ከዚህ ማዕዘን ማየት አስፈላጊ ነው " ያሉት አረጋዊ (ዶ/ር)፣ " በአጭሩ ይሄ ግድብ በመንግስት ጥሩ ጥረት እና በህዝብ ቆራጥ ተሳትፎ ነው ተጠናቆ ለምረቃ እየተንደረደረ ያለው " ብለዋል።

ቲክቫህ ኢትዮጵያ
አዲስ አበባ
#TikvahEthiopiaFamilyAA

@tikvahethiopia

TIKVAH-ETHIOPIA

22 July 2025 14:50

✨🎁 በቴሌብር ሱፐርአፕ ይሙሉ፤ በየቀኑ 30% ተጨማሪ ስጦታ ያግኙ!

በቴሌብር ሱፐርአፕ https://bit.ly/telebirr_SuperApp የ100 ብር ካርድ ሲሞሉ ተጨማሪ የ30 ብር የአየር ሰዓት ስጦታ እናበረክትልዎታለን፡፡

👉 በዕለቱ በድጋሚ ካርድ ከሞሉ 25% ተጨማሪ ስጦታ ያገኛሉ!

💥 የአየር ሰዓትዎን በቴሌብር ሱፐርአፕ ይሙሉ፤ በየዕለቱ ተጨማሪ ስጦታ ያግኙ!

🗓 እስከ ጳጉሜ 05 ቀን 2017 ዓ.ም


ቴሌብር - እጅግ ቀላል፣ ፈጣን፣ ምቹ እና አስተማማኝ!

#Ethiotelecom #telebirr #telebirrSuperApp #DigitalEthiopia #DigitalAfrica #RealizingDigitalEthiopia

TIKVAH-ETHIOPIA

22 July 2025 13:53

" 10 ሰዎች ተገድለዋል፤ ከ10 በላይ ሰዎች ቆስለዋል " - የቤሩ ወረዳ አስተዳዳሪ

በጋምቤላ እና ደቡብ ምዕራብ ኢትዮጵያ ክልል አዋሳኝ ዲማ እና ቤሩ አከባቢዎች በተነሳ ግጭት የሰዎች ህይወት ማለፉን የአካባቢው ባለስልጣናት ለቲክቫህ ኢትዮጵያ ገለፁ።

በጋምቤላ ክልል የአኙዋሃ ብሔረሰብ ዞን ዲማ ወረዳ እና በደቡብ ምዕራብ ኢትዮጵያ ክልል የምዕራብ ኦሞ ዞን ቤሩ ወረዳ አዋሳኝ አከባቢዎች በወርቅ ቁፋሮ ቦታ ምክንያት በተነሳ ግጭት ከ10 ሰዎች በላይ መሞታቸውን ባለስልጣናት ለቲክቫህ ኢትዮጵያ አረጋግጠዋል።

የጋምቤላ ክልል ፖሊስ ኮሚሽን ኮሚሽነር ኦጉላ ኡጁሉ ለቲክቫህ ኢትዮጵያ እንደተናገሩት በዲማ ወረዳ የወርቅ ማምረት ስራ ላይ ፈቃድ ወስደዉ የተሰማሩ ባለሃብቶችንና በሳይት ጥበቃ ላይ የነበሩ ሚሊሻዎችን የደቡብ ምዕራብ ኢትዮጵያ ክልል ምዕራብ ኦሞ ዞን በኩል አስረዉ መወሰዳቸውን ተከትሎ ግጭቱ መከሰቱን አስታውቀዋል።

" በግጭቱ ምክንያት ሁለቱም በኩል የሰዉ ሕይወት ጠፍቷል " ሲሉ ገልፀዋል።

" የሟቾችን ቁጥር እስካሁን አልለየንም " ያሉት ኮሚሽነሩ መረጃዉ ተጣርቶ ሲደርስ እንደሚያሳዉቁም ገልፀዋል።

በደቡብ ምዕራብ ኢትዮጵያ ክልል ምዕራብ ኦሞ ዞን የቤሩ ወረዳ ዋና አስተዳዳሪ አቶ ገመዳ ከይዳዴ በበኩላቸው " ድንበር አልፈዉ የወርቅ ቁፋሮ ሲያካሂዱ የነበሩ 11 ግለሰቦችንና 1 የጦር መሳሪያ በቁጥጥር ስር አዉለን ተገቢውን ማጣራት እያደረግን ባለንበት ወቅት ከጋምቤላ ክልል በኩል ተኩስ ተከፍቶ 2 የአድማ ብተና አባላት፣ 1 መደበኛ ፖሊስ እና ሴቶች ጨምሮ 7 በወርቅ ቁፋሮ ስራ ላይ የነበሩ ንፁሃን ዜጎች በድምሩ 10 ሰዎች ተገድለዋል፤ ከ10 በላይ ሰዎች ቆስለዋል " ሲሉ ለቲክቫህ ኢትዮጵያ ተናግረዋል።

በግጭቱ ምክንያት ከ20 ሺህ ነዋሪዎች ተፈናቅለዉ እንደነበር የገለፁት ዋና አስተዳዳሪዉ ከማምሻ ጀምሮ የፌዴራል ፖሊስ እና የሀገር መከላከያ ሠራዊት አከባቢውን በመቆጣጠሩ ተፈናቃዮችን ወደ ቦታቸዉ የመመለስ ስራ እየተከናወነ መሆኑን ተናግረዋል።

በአሁኑ ሰዓት በአካባቢው ግጭት መቆሙንና የሀገር መከላከያ ሰራዊት፣ የፌዴራል ፖሊስና የሁለቱም ክልል ባለስልጣናት ሕዝቡን የማረጋጋት ስራ እየሰሩ ስለመሆኑ ከሁለቱም ክልሎች በኩል ቲክቫህ ኢትዮጵያ ማረጋገጥ ችሏል።

ቲክቫህ ኢትዮጵያ
#TikvahEthiopiaFamily

@tikvahethiopia

TIKVAH-ETHIOPIA

22 July 2025 09:31

#አለልኝ_አዘነ

ከአለልኝ አዘነ ግድያ ጋር በተያያዘ በባለቤቱ አደይ ጌታቸው እና በባለቤቱ እህት ባል ሉንጎ ሉቃስ ላይ የተላለፈው የፍርድ ውሳኔ " አንሷል " ሲሉ የተጫዋቹ ቤተሰቦች እና የቅርብ ጓደኞች ቅሬታቸውን አሰምተዋል።

የጋሞ ዞን ከፍተኛ ፍርድ ቤት በአለልኝ አዘነ ጉዳይ የመጨረሻ ፍርድ ዛሬ የሰጠ ሲሆን በተከሳሽ የአለልኝ ባለቤት አደይ ጌታቸዉና በእህቷ ባል ሉንጎ ሉቃስ ላይ የ16 እና 15 ዓመት ፅኑ እስራት ፈርዶባቸዋል።

የፍርድ ጊዜዉም ከዛሬ ጀምሮ የሚቆጠር እንደሆነ የፍርድ ቤቱ ትዕዛዝ ያመላክታል።

የተጫዋቹ ቤተሰቦችና የቅርብ ጓደኞች " የፍርድ ዉሳኔዉ አንሷል " በሚል ቅሬታቸዉን እያሰሙ እንደሚገኝ የፍርድ ሂደቱን የተከታተለው የቲክቫህ ኢትዮጵያ ቤተሰብ አባል ገልጿል።

አለልኝ አዘነ ጋብቻውን በፈጸመ በጥቂት ቀናት ውስጥ ነው በባለቤቱና በባለቤቱ እህት ባል በተቀነባበረ ሁኔታ የተገደለው።

በወቅቱም " ራሱን አጠፋ " ነበር የተባለው።

ነገር ግን ባለቤቱ (አደይ ጌታቸው) እና የባለቤቱ እህት ባል (ሉንጎ ሉቃስ) በአለልኝ ግድያ ተጠርጥረው በቁጥጥር ስር ከዋሉና ክስም ከተመሰረተ በኃላ የጋሞ ዞን ከፍተኛው ፍ/ቤት ጉዳዩን ሲከታተለው ቆይቶ ዛሬ በተከሳሾቹ ላይ የ16 እና 15 ዓመት ፅኑ እስራት ፈርዶባቸዋል።

ቤተሰቦች እና የተጫዋቹ የቅርብ ጓደኞች ግን የፍርድ ውሳኔው አላስደሰታቸውም። ከተፈፀመው የግፍ ተግባር አንጻር የፍርድ ውሳኔው " አንሷል " የሚል ቅሬታ አላቸው።

ቲክቫህ ኢትዮጵያ
አርባ ምንጭ
#TikvahEthiopiaFamilyArbaminch

@tikvahethiopia

TIKVAH-ETHIOPIA

22 July 2025 08:51

#Tigray

በትግራይ ክልል ደቡባዊ ዞን የጊዚያዊ አስተዳደሩ ትእዛዝ በሰጠው አድማ በታኝ ፓሊስ የተደገፈ የስልጣን ሹምሽር እየተካሄደ መሆኑ ተሰምቷል።

ከትናንት ሀምሌ 14/2017 ዓ.ም ጀምሮ ነው ከመቐለ ወደ ማይጨው ከተማ በተላከ የአድማ ብተና ፓሊስ ጥብቅ ቁጥጥር ስር የስልጣን ሹምሽር እየተካሄደ ያለው።

የትግራይ ጊዜያዊ አስተዳደር ፕሬዜዳንት ታደሰ ወረደ (ሌ/ጄ) የስልጠን ሹም ሽሩ " ሰላማዊ ነው " ቢሉም የቀድሞ ፕሬዜዳንት ጌታቸው ረዳ ጨምሮ በርካቶች ድርጊቱ " በሀይል የሚደረግ ግጭት ቀሰቃሽ የስልጣን ንጥቂያ  " ብለውታል።

የዞኑ አስተዳደር አቶ ጌታቸው ረዳ በወርሃ መጋቢት 2017 ዓ.ም ከትግራይ ከወጡበት ጀምሮ የአመራር ለውጥ ያልተደረገበት አከባቢ ሆኖ ቆይቷል።

የዞኑ አስተዳደር አመራሮች ባለፉት ወራት ህወሓት እንደማይወክላቸው የሚገልፅ ሰፋፊ ህዝባዊ ህዝባዊ ሰልፎች ማካሄዳቸው መዘገባችን ይታወሳል።

ፕሬዜዳንት ታደሰ ወረደ (ሌ/ጀነራል) በደቡባዊ ዞን እየተደረገ ነው ስላሉት የስልጣን ሹምሽር ዛሬ ሀምሌ 15/2017  ዓ.ም ለሚድያ በሰጡት መግለጫ ምን አሉ ?

- ከዞኑ የአመራር ቦታ የሚነሱ ሀላፊዎች በክልል የሃላፊነት ቦታ ተዘጋጅቶላቸዋል።

- የስልጣን ሽምሹሩ እንዲተገበር የሚያሳልጥ ፓሊስ ወደ አከባቢው ተልኳል።

- በዞኑ የለውጥ አመራር ለማድረግ ያስፈለገበት ምክንያት ቀጣይ አደጋዎች ለማስቀረትና  የክልሉ የፀጥታ ችግር ለመፍታት በማለም ነው።

- መንግስት በዞኑ በግድ ማድረግ ያለበት ነው እያደረገ ያለው ስለሆነም ሂደቱ ማደናቀፍ አይቻልም።

- የአከባቢው ህዝብ ፣ ወጣቶች ፣ ሚልሻና ሌሎች ለውሳኔው ውጤታማነት ተባባሪ መሆን አለባቸው።

ሲሉ ተናግረዋል።

በትግራይ ደብባዊ ዞን እየተከናወነ ያለውን ጉዳይ" በዞኑ ህዝብ ላይ የተጫነ አስገዳጅ የስልጣን ንጥቂያ ነው " በማለት ብርቱ ትችት አዘል ፅሁፍ ካጋሩት በርካቶች አንዱ አቶ ጌታቸው ረዳ ናቸው።

አቶ ጌታቸው " ' ኃላቀር ቡድን ' ሲሉ የገለፁት የህወሓት አመራር በክልሉ ደቡብና ደብባዊ ዞኖች ወታደራዊ ዘመቻ በማካሄድ ሌላ ቀውስ እንዲፈጠር እየሰራ ነው " ሲሉ ከሰዋል።

በዚህ ምክንያት ለሚፈጠር ማንኛውም ጥፋት ' ኃላቀር ቡድን ' ሲሉ የገለፁት የህወሓት አመራር ፣ ከፍተኛ ወታደራዊ አመራሮችና በተለይ ፕሬዜዳንቱና የጊዚያዊ አስተዳደሩ ከፍተኛ አመራሮች ተጠያቂ መሆናቸውን አስጠንቅቀዋል።

ቲክቫህ ኢትዮጵያ
መቐለ
#TikvahEthiopiaFamliyMekelle

@tikvahethiopia

TIKVAH-ETHIOPIA

22 July 2025 08:51

🎓 በወጋገን ኢ-ስኩል የመማር ማስተማር ስራን ወደላቀ ውጤታማነት ያሸጋግሩ!!

ወላጆች ካሉበት ቦታ ሆነው የልጆችዎን የትምህርት ክፍያ በወጋገን ባንክ የዲጂታል አማሪጮች እና ወኪሎችን በመጠቀም በቀላሉ ይፈፅሙ!

🎒 በተጨማሪም ከመዋዕለ ህፃናት እስከ ዩኒቨርሲቲ ላሉ የትምህርት ተቋማት:-

•የትምህርት ቤት ክፍያዎችን ዝርዝር መግለጫ በቀላሉ ማግኘት፣
•ደህንነቱ እና ምስጢራዊነቱ የተጠበቀ የተማሪዎች መረጃ አያያዝ ስርዓት መተግበር፣
•አውቶሜትድ በሆነ መልኩ የተማሪዎችን መታወቂያ ማዘጋጀት፣
•የተማሪዎችን ውጤት መሙላትና ሪፖርት ማዘጋጀት እንዲሁም ሰርተፊኬት ማተም
•በተደራጀ መልኩ የተማሪዎችን አቴንዳንስ መከታተል እና የተረጋገጠ የክፍያ ደረሰኝ ማግኘት
• ለተማሪዎች ልዩ ድጋፍ በማድረግ የመማር ማስተማር ስራን ማቀላጠፍ ይችላሉ!

ለበለጠ መረጃ በ866 ነፃ የስልክ መስመር ወደ ደንበኞች ግንኙነት ማዕከል ይደውሉ፣ ይስተናገዱ

📲 ሊንኩን በመጫን የማህበራዊ ሚዲያዎቻችንን ይቀላቀሉ
╰➤ https://linktr.ee/WegagenBank

TIKVAH-ETHIOPIA

21 July 2025 19:41

#Alert🚨

" በጥቆማው መሰረት መድኃኒቱ ችግር ያለበት መሆኑን በመታወቁ ከሁሉም ተቋማት እንዲወገድ ተደርጓል " - የምግብ እና መድኃኒት ባለሥልጣን

የኢትዮጵያን ምግብ እና መድኃኒት ባለሥልጣን " NURATION (10mg Thiamine monohydrate+3mg Pyridoxine Hydrochloride+15mcg Cyanocobalamin) sugar coated tablet supplement " የተሰኘ መድኃኒት ከደረጃ በታች ሆኖ በመገኘቱ ማህበረሰቡ እንዳይጠቀመው አሳስቧል።

ይህ ከደረጃ በታች የሆነ ፕሮዳክት የ ሦስት (ቢ 1 ፣ቢ 6 እና ቢ 12 የተሰኙ) ቫይታሚኖች ስብጥር ሲሆን የቫይታሚን እጥረት እና የነርቭ ችግር ላለባቸው ሰዎች የሚታዘዝ መድኃኒት መሆኑን ባለሥልጣኑ ለቲክቫህ ኢትዮጵያ አሳውቋል።

ባለሥልጣኑ " በህጋዊ መንገድ የተመዘገበው መድኃኒት ገበያ ላይ አለ ነገር ግን በማመሳሰል የተሰራው እና ማህበረሰቡ እንዲያውቀው ያልነው መድኃኒት ከህጋዊው መድኃኒት ጋር በይዘት (Content) በማመሳሰል ገበያ ላይ የወጣውን ነው "  ብሏል።

ሃሰተኛው መድኃኒት ማሸጊያ ላይ " Zhejiang Medicine and Health care product " የሚል ጽሁፍ ስለመኖሩም አሳውቋል።

በኢትዮጵያ የምግብ እና መድኃኒት ባለሥልጣን የመድኃኒት ደህንነት እና ማርኬቲንግ ሰርቬላንስ ዴስክ ሃላፊ አቶ ተሽታ ሹቴ ለቲክቫህ ኢትዮጵያ በሰጡት ቃል ምን አሉ ?

" ይህ ቫይታሚን ከፍተኛ የሆኑ የ ይዘት (Content) ችግር አለበት።

የተቀመጡት ቫይታሚኖች መጠንም :-

° ' ቫይታሚን ቢ 1 ' 100 mg መሆን ሲገባው የያዘው 10 mg ነው።

° ' ቫይታሚን ቢ 6 ' 200 mg መሆን ሲገባው የያዘው 3 mg ነው።

° ' ቫይታሚን ቢ 12 ' 1000 micro gram መሆን ሲገባው የያዘው 15 micro gram ብቻ ነው።

ይህ ከፍተኛ የሆነ የይዘት ልዩነት ከመኖሩም በላይ መድኃኒት ነው ብለን መጥራትም አንችልም።

እስካልተመዘገበ እና ፈዋሽነቱም እስካልተረጋገጠ ድረስ በአናሳ ሚሊ ግራምም ቢሆን መድኃኒት ነው ብለን የምንቀበልበት ምክንያት የለም።

ህብረተሰቡ መድኃኒት ነው ብሎ እንዳይጠቀም፣ ጤና ባለሞያዎችም እንዳያዙ፣ የክልል ተቆጣጣሪዎችም የራሳቸውን እርምጃ እንዲወስዱ በሚል አሳውቀናል።

ይህንን ያሰራጨው አቅራቢ የብቃት ማረጋገጫው ተሰርዞበታል በህጋዊ መንገድም ፍርድ ቤት ይቀርባል።

ራስ ደስታ ሆስፒታል በጨረታ ከአቅራቢው እነዚህን መድኃኒቶች ወስዶ እየተጠቀመው ነበር።

መድኃኒቱ በ ጴጥሮስ ሆስፒታል ላይ እጥረት ባጋጠመበት ወቅት በመንግስት ሆስፒታሎች መካከል የመድኃኒቶች የውስጥ ዝውውር ስለሚፈቀድ ከራስ ደስታ ሆስፒታል የተጠቀሰው መድኃኒት ወደ ጴጥሮስ ሆስፒታል በሄደበት ወቅት ከጴጥሮስ ሆስፒታል ለ ባለሥልጣን መስሪያ ቤቱ መድኃኒቱ ችግር ያለበት ስለመሆኑ ጥቆማ ደርሷል።

በጥቆማው መሰረት መድኃኒቱ ችግር ያለበት መሆኑን በመታወቁ ከሁሉም ተቋማት እንዲወገድ ተደርጓል።

በአቅርቦት ሰንሰለቱ ውስጥ ሌላ ቦታ የተጠቀሰው ፕሮዳክት አለ ወይ የሚል ማጣራት ተደርጓል ባጣራነው መሰረትም መድኃኒቱን አላገኘንም በሁለቱ ሆስፒታሎች የነበረውም እንዲወገድ ተደርጓል።

አቅራቢውም በፍርድ ቤት ለመጠየቅ እየተንቀሳቀስን ነው " ብለዋል።

NB. ህጋዊው እና ህገወጥ መድኃኒቱ ስላላቸው ልዩነት ከተያያዘው ምስል ላይ ይመልከቱ።

ቲክቫህ ኢትዮጵያ
አዲስ አበባ
#TikvahEthiopiaFamliyAA

@tikvahethiopia

TIKVAH-ETHIOPIA

21 July 2025 19:31

#Update

" በመካከል የ12ኛ ክፍል ፈተና ስንጀምር ወደ አርካይቭ መቀየር ነበረብን ወደ አርካይቭ ስናስገባው ፕላትፎርሙ ተዘጋና ማየት አልቻሉም፤ እኛም ማየት አልቻልንም፤ በቅርብ ይለቀቃል " - ትምህርት ሚኒስቴር

የመውጫ ፈተና ውጤት " ሁሉም ተፈታኞች አላዩም " በሚል እየቀረበ ላለው ቅሬታ ሰሞኑን ምላሽ የጠየቅነው የግል ከፍተኛ ተቋማት ማኀበር ትምህርት ሚኒስቴርንና ክፍያ ያልከፈሉ ተቋማትን ተጠያቂ አድርጓል።

ቲክቫህ ኢትዮጵያ፣ ተማሪዎቹ ውጤታቸውን ማየት ያልቻሉት ምን ተፈጥሮ ነው ? ሲል ዛሬ የጠየቀው የትምህርት ሚኒስቴር፣ " ከ12ኛ ክፍል ፈተና በፊት ነው ውጤት የተቀቀው፤ ተቋሙም እንዲያይ ተማሪዎቹም እንዲያዩ አድርገናል " ብሏል።

" ነገር ግን መካከል ላይ የ12 ክፍል ፈተና ስንጀምር ወደ አርካይቭ መቀየር ስለነበረብን ወደ አርካይቭ ስናስገባው ፕላትፎርሙ ተዘጋና ማየት አልቻሉም ሰዎች፤ እኛም ማየት አልቻልንም ለጊዜው። በቅርብ ይለቀቃል፤ እየተነጋገርን ነው " ሲሉ አንድ የተቋሙ አመራር ተናግረዋል።

ለግል ከፍተኛ ትምህርት ተቋማት ውጤት እንደላኩ አስታውሰው፣ “" አንዳንድ ያላኩላቸውም ክፍያ ላይ የዘገዩ ተቋማት ስለነበሩ እነርሱም አላዩም እንለቀዋለን። ግን 'አላየንም' የሚለው የሚያስኬድ አይደለም ልጆችም ተቋማትም በጊዜ ገብተው ማየት ይችሉ ነበር፤ ያን ማድረግ ስላልቻሉ ነው አሁንም ይለቀቃል " ብለዋል።

ብዙዎች ተቋማት ክፍያ እያጠናቀቁ መሆኑን አስረድተው፣ " በተቀመጠላቸው ጊዜ የኤግዚት ተፈታኝ ስለማይከፍሉ ነው ብዙዎቹ የሚዘገይባቸው። ሁለት፣ ሦስት ተቋማት ናቸው አሁን የቀሩት። ከዛ ውጪ ያሉት ግን ፕላትፎርሙ አክቲቭ ሲሆን ማየት ይችላሉ፤ ያኔም ያላዩት ስለዘገዩ ነው " ሲሉ ተናግረዋል።

ለፈተና ከመቀመጣቸው በፊት አይደለም እንዴ ክፍያ መጠናቀቅ የነበረበት ? ለሚለው የቲክቫህ ኢትዮጵያ ጥያቄም በምላሻቸው፣ ቅድሚያ መክፈል እንደነበረባቸው አምነው፣ " ግን አይከፍሉም። እኛ ፈተና ከመጀመሩ በፊት ሳይሆን ከዛ በፊት ነው ደብዳቤ የሰጠናቸው፤ ግን ብዙ ከፍተኛ ተቋማት ፈተና ሳይቀመጡ ተማሪዎቹ ከፍለው እንዲጨርሱ ብናሳስባቸውም አያደርጉም " ነው ያሉት።

" እኛም ደግሞ ተማሪዎቹ ለፈተና ተዘጋጅተው ተቋሙ አልከፈለምና አትፈተኑም ማለት አልፈለግንም። ከተፈተኑ በኋላ ተቋማቱ ቢያንስ ከፍለው ውጤቱ እንዲያዩ ነው የምናደርገው፤ ተማሪዎቹም ማገድ አስቸጋሪ ነው " ሲሉ መልሰዋል።

እንዲህ አይነት ኬዝ ያለበት ውጤትስ ታዲያ መቼ ይለቀቃል ? ለሚለው ጥያቄም '' የመንግስት የግል የሚባል ነገር የለም። አሁን ፕላትፎርሙ አይሰራም " ብለው፣ " ቢበዛ ነገ የሁሉም ይለቀቃል፤ ተነጋግረናል " ሲሉ ለቲክቫህ ኢትዮጵያ ተናግረዋል።

ቲክቫህ ኢትዮጵያ 
አዲስ አበባ
#TikvqhEthiopiaFamilyAA

@tikvahethiopia

TIKVAH-ETHIOPIA

21 July 2025 19:29

#SafaricomEthiopia

⚡️ በሳምንታዊ የዳታ ጥቅሎች ዘና ፈታ እንበል! 🥳

በልዩ ልዩ አማራጮች የቀረበልንን የሳፋሪኮም የኢንተርኔት ጥቅል አሁኑኑ እንግዛ! በፈጣን ዳታ እንንበሽበሽ!

#1wedefit
#Furtheraheadtogether

TIKVAH-ETHIOPIA

21 July 2025 14:35

" በአደጋው የአንድ ቤተሰብ ሙሉ አባላት ህይወት ነው ያለፈው " - አሪ ወረዳ

በደቡብ አሪ ወረዳ በኮመር ቀበሌ ሞልሽር ልማት ቡድን ትላንት እሁድ 10:00 አከባቢ በጣለው ከባድ ዝናብ ምክንያት ከምሽቱ 2:30 ላይ በተከሰተእ ናዳ የ5 ሰዎች ህይወት አልፏል።

በተከሰተው ናዳ ምክንያት የአንድ ቤተሰብ ሙሉ አባላት ህይወት እንዳለፈ ወረዳው ገልጿል።

አቶ ተረቱ ካይቲ የተባሉ አባት ከ2 ወንድ ልጆች ፣ 1 ሴት ልጅ  እና ከልጆቻቸው እናት ጋር ህይወታቸው ህይወታቸው አልፏል።
 
ሶስት ቤቶች ሁለት ቆርቆሮ ቤት እና አንድ ሳር ቤት ከቤት እንስሳት እና አትክልት ጋር በናዳው ጉዳት ደርሶባቸዋል።

200 ሰዎችም ተፈናቅለዋል።

@tikvahethiopia

TIKVAH-ETHIOPIA

23 July 2025 09:17

#MinistryOfHealth

የብቃት ምዘና ፈተና የሚወስዱ የጤና ባለሙያዎች የኦንላይን ምዝገባ ከሐምሌ 15 እስከ ሐምሌ 24 ቀን 2017 ዓ/ም እንደሚከናወን ጤና ሚኒስቴር ገልጿል።

አመልካቾች በኦንላይን ሲስተሙ ለመመዝገብ ኮምፒውተር መጠቀም እንደሚኖርባቸው ተመላክቷል። በሞባይል ስልክ ለመመዝገብ መሞከር ምዝገባውን ያልተሟላ ሊያደርገው ይችላል ተብሏል።

ተመዛኞች መደበኛ የEmail አድራሻም ሊኖራችሁ እንደሚገባ ተገልጿል።

ተመዛኞች የብቃት ምዘና ፈተናውን መውሰድ የሚፈልጉበትን የፈተና ጣቢያ ከተዘረዘሩት አማራጮች ውስጥ መምረጥ እንዳለባቸው ፤ እያንዳንዱ የፈተና ጣቢያ ማስተናገድ በሚችለው ከፍተኛ የተመዛኝ ቁጥር ልክ ገደብ ስለተቀመጠለት ተመዛኞች ምዝገባውን ቀድሞ በማጠናቀቅ ተጠቃሚ መሆን ይችላሉ።

ከፍተኛው የተመዛኝ ቁጥር በደረሰበት የፈተና ጣቢያ ላይ ተጨማሪ ምዝገባ ማከናወን የማይቻል መሆኑን ሚኒስቴሩ አሳስቧል።

ተመዛኞች ምዝገባቸውን ካጠናቀቁ በኋላ ሲስተሙ የሚሰጣቸውን የፈተና መለያ ቁጥር (Registration ID) ፕሪንት አድርገር መያዝ አለባቸው።

ምዝገባቸውን ጀምረው ሳይጨርሱ ያቋረጡ አመልካቾች ዋናው ገጽ ላይ System Login የሚለውን ሊንክ በመጫን Email እና Password አስገብተው ምዝገባቸውን ማጠናቀቅ ይኖርባችኋል ተብሏል።

http://hple.moh.gov.et/hple ላይ በመግባትና Registration የሚለውን በመጫን ዝርዝር የፈተናውን መመሪያ ይመልከቱ/ከላይ ያንብቡ።

ይመዝገቡ : http://hple.moh.gov.et/hple

Via @tikvahuniversity

TIKVAH-ETHIOPIA

23 July 2025 09:15

#ጥቆማ
#ለሚመለከታችሁ_አካላት

አዲስ አበባ አስኮ አዲስ ሰፈር ወደ መድኃኔዓለም ቤተክርስቲያን መንገድ ላይ የእንጨት ኤሌክትሪክ ፖል ተንጋዶ ለመውደቅ እጅጉን መቃረቡን የአካባቢው ነዋሪዎች ጠቁመዋል።

" ሰፈሩ የነዋሪዎች መግቢያ መውጫ፣ ህጻናትም ያሉበት ፣ መኪኖች የሚመላለሱበት ስለሆነ ወድቆ አደጋ ከመድረሱ በፊት መፍትሄ ይሰጠው " ብለዋል።

ወቅቱ ክረምት በመሆኑ ከፍተኛ ዝናብና ንፋስ ስላለ ፈጣን መፍትሄ እንዲሰጥ ተጠይቋል።

#TikvahEthiopiaFamliyAA

@tikvahethiopi

TIKVAH-ETHIOPIA

23 July 2025 09:15

#SafaricomEthiopia

የSMS ጥቅሎች እየገዛን ከምንወዳቸው ጋር እንደልብ መልዕክት እንለዋወጥ! 💬

#1wedefit
#Furtheraheadtogether

TIKVAH-ETHIOPIA

22 July 2025 20:23

ፎቶ ፦ ሰመራ ዩኒቨርሲቲ የአፋር፣ አፍዴራ አካባቢ ተከታታይ የተፈጥሮ አደጋዎች እየተፈራረቀበት እንደሆነ አመልክቷል።

ዩኒቨርሲቲው ዛሬ ጠዋት 4:00 ሰዓት አካባቢ አፍዴራ የመሬት መንቀጥቀጥ ተከስቶ እንደነበር ጠቁሟል። በዚህም አፍዴራ አቅራቢያ የመሬት መሰንጠቆች እንዲሁም ጉድጓዶች መፈጠራቸው ገልጿል።

ይኸው ክስተት ባለፈው ሳምንት የተከሰተውን የኤርታሌ እሳተ ገሞራ ፍንዳታን ተከትሎ የመጣ እንደሆነ አመልክቷል።

ዩኒቨርሲቲው አሁንም ስጋቶች እንዳሉ ጠቁሟል።

ሰሞኑን ከተማዋን የመታው ከባድ ንፋስ በመቶዎች የሚቆጠሩ ቤቶችን በማውደም በርካታ ነዋሪዎች ቤት አልባ እንዲሆኑ ማድረጉን አስታውሷል።

ሰመራ ዩኒቨርሲቲ፣ ሀገር አቀፍ እና ዓለም አቀፍ የጂኦሳይንሳዊ ባለሙያዎች ያለውን አጠቃላይ ሁኔታ ለመገምገም እንዲሁም ለመከላከል የሚያስችሉ ጥረቶችን ለመደገፍ በአስቸኳይ በመስክ ምርምርና ክትትል ላይ እንዲተባበሩ ጥሪ አቅርቧል።

#SamaraUniversity

@tikvahethiopia

TIKVAH-ETHIOPIA

22 July 2025 19:49

" ከሰዓት በኋላ 10 ሰዓት አካባቢ ከማረሚያ ቤት ወጥቷል " - የዶክተር ዳንኤል ቤተሰብ

የጤና ባለሙያዎች የተለያዩ የመብት ጥያቄዎችን በማንሳት እያደረጉት ባለው እንቅስቃሴ ሳቢያ ባለፈው ወር ታስሮ የነበረው በባሕር ዳር ፈለገ ግዮን ሆስፒታል የማህጸን ፅንስና ስፔሻሊቲ ዶክተር ዳንኤል ፈንታነህ ከእስር መፈታቱን ቤተሰቦቹና ጤና ባለሙያዎች ለቲክቫህ ኢትዮጵያ አረጋግጠዋል።

ቤተሰቦቹና ጤና ባለሙያዎች በሰጡን ማረጣገጫ፣ ዶክተር ዳንኤል " በ15 ሺሕ ብር ዋስ ዛሬ ተፈቷል " ብለዋል።

አንድ የቅርብ ቤተሰቡ ፣ " ዋስትና ነው የተፈቀደው፤ ጠዋት ዋስትና ፍርድ ቤት ወስኖ ስለነበር ከሰዓት በኋላ 10 ሰዓት አካባቢ ከማረሚያ ቤት ወጥቷል " ሲሉ ገልጸውልናል።

ጤና ባለሙያዎችና የታሳሪው የሥራ ባልደረቦችም ዶክተር ዳንኤል ከእስር መፈታቱን ገልጸው፣ ከእንቅስቃሴው ጋር በተያያዘ የታሰሩ " ሁሉም ጤና ባለሙያዎች በሚባል ደረጃ " ከእስር እንደተፈቱ፣ ከመንግስት በኩል " እየሰራችሁ ጠይቁ " በተባሉት መሠረት እየሰሩ የጥያቄያቸውን ምላሽ እስከ መስከረም እየጠበቁ እንደሆነ ለቲክቫህ ኢትዮጵያ ተናግረዋል።

ከእንቅስቃሴው ጋር በተያያዘ ታስረው ከነበሩ ባለሙያዎች መካከል፣ ዶክተር ዳንኤል " ህዝብ አሳምፃችኋል " በሚል በደኅንነቶች ተይዞ ታሰረ መባሉ ይታወሳል።

ቲክቫህ ኢትዮጵያ
አዲስ አበባ
#TikvahEthiopiaFamilyAA

@tikvahethiopia

TIKVAH-ETHIOPIA

22 July 2025 14:51

#Ethiopia🇪🇹
#GERD💪

" አሜርካን ጨምሮ ሌሎች አገሮች በግድቡ ዙሪያ ለሚሰነዝሯቸው የሀሰት መረጃዎች ሁሉም እየተነሳ መግለጫ መስጠት የለበትም " - የግድቡ ማስተባበሪያ ፕሮጀክት ጽህፈት ቤት

የኢትዮጵያ ህዳሴ ግድብ ማስተባበሪያ ፕሮጀክት ጽህፈት ቤት የግድቡ ግንባታ ከተጀመረበት ጊዜ ጀምሮ ባለፉት 14 አመታት ከ84.4 ቢሊዮን ብር በላይ የሚገመት የጉልበትና የተፋሰስ ስራዎች መሰራታቸውን እና ግንባታው የተጠናቀቀው በራሷ አቅም ብቻ መሆኑን ገልጿል።

የጽህፈት ቤቱ ምክትል ሥራ አስፈፃሚ ወይዘሮ ፍቅርተ ታዕምር በተያዘው በጀት አመት እስከ ሰኔ 30/2017 ዓ.ም ከቦንድ ግዥና ስጦታ፣ ከዲያስፖራው ማህበረሰብ፣ ከ8100A ሰብስክራይበር  እና ከህብረተሰቡ ከ4.1 ቢሊዮን ብር በላይ ገንዘብ መሰብሰቡን ተናግረዋል።

የጽህፈት ቤቱ ምክትል ሥራ አስፈፃሚ ወይዘሮ ፍቅርተ ስለ ዶናልድ ትራምፕ ንግግር ምን አሉ ?

" የኢትዮጵያ ህዳሴ ግድብ በመንግስት እና በህዝብ ድጋፍ የተሰራ ነው። ማንም አካል እየተነሳ እኔ ነኝ የሰራሁት ቢሊ ያለምንም ማስረጃ ምንም ማድረግ አይችልም። ግድቡ ከተጀመረ ጀምሮ ምንም አይነት ከውጭ አገሮች የተገኘ እርዳታ የለም።

የአሜርካው ፕሬዝዳንት ከሰሞኑ ኢትዮጵያ ግድቡን የገነባችው በአብዛኛው በአሜርካ ገንዘብ ነው ሲሉ እየተናገሩት ላለው ነገር መንግስት በአርቆ አሳቢነት፣ በጥልቅ ዲፕሎማሲያዊ አሰራር ነው መልስ መስጠት ያለበት። ማንኛውም ሰው እየተነሳ ስለሀገር ጉዳይ የእራሱን እና የግል አስተያየቱን መስጠት አይችልም። እንደመንግስት ግልፅ እና የተብራራ መረጃ ወደ ፊት መሰጠት አለበት።

እኛ መያዝ ያለብን ግን ዶናልድ ትራምፕን ጨምሮ ሌሎች ሰዎች የፈለጉትን ስላሉ ሳይሆን ይህን አፍራሽ መልዕክት የሚመክት እውነታ ብቻ ነው የምንናገረው። እውነታ እና እውነታው ደግሞ በኢትዮጵያ ህዝብ እና መንግስት ብቻ ነው የተሰራው። ማለትም የሚገባንን ይሄን ነው፣ የፍርሀትም ሆነ የመሽቆጥቆጥ አይደለም።

ዲፕሎማሲ የመንግስት አሰራር አለው፣ መንግስት በራሱ ጊዜና በሚፈልገው አይነት መልስ ይሰጣል። እኛ ግን የህዝብ ተሳትፎን አስተባባሪ እንደመሆናችን መጠን ግድቡ የተሰራው በህዝባችን ላብ እና ደም ፈሶ ነው። ማንም ስላላ የእኛን ስራ የሚያፈርስበት ሁኔታ  አለመኖሩን ሁሉም ሊገነዘበው ይገባል።

በግድቡ ላይ ሀሳብ የሚሰነዝሩ አካላቶች ማስረጃ አለኝ የሚሉና ከሆነ የትኛውም አካል ማስረጃውን ያቅርብ፣ በወሬ አይደለም።

በቅርቡ ጠቅላይ ሚኒስትሩ አንድ ግንባታ ሲጠናቀቅ እንቅፋቶች ሊገጥሙ ይችላሉ ሲሉ የተናገሩትን ንግግር በተሳሳተ መንገድ በመገንዘብ የሰላም ችግር ያለ በማስመሰል የሚያናፍሱ አካላቶች አሉ። የጠቅላይ ሚኒስትሩ ንግግር እሳቤ ነው። እንጂ የሰላም ችግር ወይም እጦት አለ አላሉም።

አንጃ የሚነዙ ሰዎች ይኖራሉ። ነገር ግን በመጭው አመት መጀመሪያ ወር ላይ ዝናቡ ጋብ ሲል መንግስት እና ህዝብ ሪቫኑን ይቆርጣሉ። ከዚህ የሚያስቀረን አንዳችም ነገር የለም።

ግድቡ ቢጠናቀቅም ተጨማሪ ድጋፎች እየተሰበሰቡ ነው። ህዝቡ የግንባታው ምርቃት አንድ ቀን እስኪቀረው ድረስ የትኛውንም አይነት ድጋፍ የሚያደርጉበት ፕላትፎርም አለን። ይህ የሀብት አሰባሰብ በአዋጅና በደንብ የተቋቋመ ስለሆነ በአዋጁ እና በደንቡ ቆሟል ሲባል እናቆማለን። ምክንያቱም ሌላ ግድብ መስራት ያስፈልጋል። አሁንም በውጭም ሀገርም ሆነ በሀገር ውስጥ ከፍተኛ ቦንድ እየተሸጠ ነው። " ብለዋል።

የኢትዮጵያ ህዳሴ ግድብ ጽህፈት ቤት ዋና ዳይሬክተር የሆኑት አረጋዊ በርሄ (ዶ/ር) በበኩላቸው " የግብፆች ግፊት በየአቅጣጫው እንዳለ ግልፅ ነው " ብለዋል።

" ከ600 ዓ.ም ጀምሮ ጦርነት ሁሉ የከፈቱበት ወቅት ነበር። ስለዚህ ኢትዮጵያን ለማደናቀፍ የማያደርጉት ነገር የለም። ከአሜርካው ፕሬዝዳንት ዶናልድ ትራምፕ የሚመጡ አንዳንድ የተዛቡ ንግግሮች ከዚህ መዐዘን ማየት አስፈላጊ ነው " ሲሉ ጠቁመዋል።

ቲክቫህ ኢትዮጵያ
አዲስ አበባ
#TikvahEthiopiaFamliyAA

@tikvahethiopia

TIKVAH-ETHIOPIA

22 July 2025 14:50

Calling all #Ethiopian Innovators!

The second round of the Immunisation Innovation Accelerator is now open - offering up to $100,000 in grants to solutions that improve #vaccine access.

📅 Application deadline: July 27
🔗 https://www.stc-accelerator.org/

#ChildHealth #InnovationInAction #HealthInnovation #Ethiopia

TIKVAH-ETHIOPIA

22 July 2025 13:22

#Update

" ወታደር ስላሰማራህ አስተዳድረሀል ማለት አይደለም " - የትግራይ ደቡባዊ ዞን ዋና አስተዳዳሪ ሃፍቱ ኪሮስ 

" እኔን የወከለ አስተዳዳሪ የለም ፤ ህጋዊ የዞኑ አስተዳዳሪ እኔ ነኝ ፤ አላስፈላጊ ግጭትና ደም መፋሰስ ለማስቀረት በማሰብ ፅህፈት ቤቴን ለቅቄ ወጥቻለሁ " አሉ የትግራይ ደቡባዊ ዞን ዋና አስተዳዳሪ ሃፍቱ ኪሮስ።

ዋና አስተዳዳሪው በጊዚያዊ አስተዳደሩ ፕሬዚዳንት ታደሰ ወረደ (ሌ/ጀነራል) እውቀና ትእዛዝ ከትናንት ሀምሌ 14/2017 ዓ.ም " ሰላማዊ ሹምሽር ነው " የተባለው በዞኑ እየተከናወነ ያለው የአመራር ለውጥ ተቃውመዋል።

" በዞኑ የሚደረግ ወታደራዊ እንቅስቃሴ ቀይ መስመር ነው ፤ ወታደር ስለአሰማራህ አስተዳድረሀል ማለት አይደለም " በማለት ገልፀዋል።

ዋና አስተዳዳሪው ዛሬ በሰጡት ቃል ፥ ከትናንት ሀምሌ 14 ከምሽቱ 3፡30 ጀምሮ የአድማ ብተና ፖሊስና ታጣቂ ሰራዊት ወደ ዞኑ መሰማራቱ አረጋግጠዋል።

" ለረጅም ጊዚያት እቅድና ዝግጅት ሲደረግበት የቆየ የዞኑ አስተዳደር የማፍረስ ተግባር እየተፈፀመ ነው " ያሉት ዋና አስተዳዳሪው ፕሬዜዳንት ጀነራል ታደሰ የሰጡት ቃለመጠይቅ " እርስበራሱ የሚጋጭ አዲስ ቀውሰ አዋላጅ " በማለት አብጠልጥለውታል።

ጊዚያዊ አስተዳደሩ " ኃላቀርና ቆሞ ቀር " ሲሉ የገለፁት የህወሓት አመራር ቡድን መሳሪያ ሆኗል ሲሉም ከሰዋል።

ባለፈው የሚያዝያ ወር  2017 ዓ.ም  የደብረፅዮን ገ/ሚካኤል (ዶ/ር) ህወሓት ወደ የአከባቢውን አስተዳደር በራሱ ሰዎች ለመተካት መወሰኑን ተከትሎ ማይጨውና አላማጣ ጨምሮ በመላ የዞኑ ከተሞች የተቃውሞ ህዝባዊ ሰልፍ መካሄዱ አይዘነጋም።

ቲክቫህ ኢትዮጵያ
መቐለ
#TikvahEthiopiaFamliyMekelle

@tikvahethiopia

TIKVAH-ETHIOPIA

22 July 2025 08:55

#Update

የእግር ኳስ ተጫዋች በነበረው አለልኝ አዘነ ግድያ የተከሰሱት ባለቤቱና የባለቤቱ እህት ባል የ16 እና 15  ዓመት ፅኑ እስራት ተፈረደባቸው።

በአለልኝ አዘነ ጉዳይ የመጨረሻ ፍርድ ለመስጠት ዛሬ የተሰየመዉ የጋሞ ዞን ከፍተኛ ፍርድ ቤት በተከሳሽ የአለልኝ ባለቤት አደይ ጌታቸዉና በእህቷ ባል ላይ የ16 እና 15 ዓመት ፅኑ እስራት ፈርዶባቸዋል።

ፍርድ ቤቱ ይህንን ዉሳኔ ያስተላለፈው መጋቢት 17/2016 ዓ/ም በተጋቡ በ15ኛ ቀን አለልኝ አዘነን ባለቤቱና የባለቤቱ እህት ባል መግደላቸውን በሰዉና በሰነድ ማስረጃዎች ካረጋገጠ በኋላ መሆኑን የቲክቫህ ኢትዮጵያ ቤተሰብ አባል መረጃውን ከአርባ ምንጭ ልኳል።

ቲክቫህ ኢትዮጵያ
አርባ ምንጭ
#TikvahEthiopiaFamliyArbaminch

@tikvahethiopia

TIKVAH-ETHIOPIA

22 July 2025 08:51

#Hawassa

" ጉማሬዉ አስከሬኑን አልለቅ ብሎ በጥይት ተኩስ ነዉ አስክሬኑን ማውጣት የተቻለው " - የዐይን እማኞች

በሀዋሳ ሀይቅ ላይ አንድ አሳ አጥማጅን ጉማሬ ባደረሰበት ጥቃት ሕይወቱ ማለፉን የዐይን እማኞች ለቲክቫህ ኢትዮጵያ ገልጸዋል።

በሀዋሳ ሀይቅ ዙሪያ ኑሯቸዉን ያደረጉ ነዋሪዎች ለቲክቫህ ኢትዮጵያ እንደገለፁት ከትላንት በስቲያ በሀይቁ ላይ በአነስተኛ መንሳፈፊያ አሳ በማጥመድ ላይ የነበረ ወጣት በድንገት ጉማሬ ባደረሰበት ጥቃት ሕይወቱ ማለፉን ተናግረዋል።

ጉማሬ በሀዋሳ ሀይቅ በብዛት ባይኖርም ባለባቸዉ ጥቂት ቦታዎችም ቢሆን ከዚህ ቀደም እንደዚህ አይነት ጥቃት አድርሶ አያዉቅም ያሉት አስተያየት ሰጪዎቹ " ባልተለመደ መልኩ ልጁ አሳ ከሚያጠምድበት ገልብጦት እላዩ ቁጭ በማለት ሕይወቱ እንዲያልፍ ማድረጉን ጩኸት ተነስቶ በሄድንበት አጋጣሚ ተመልክተናል " ብለዋል።

በሀዋሳ ሀይቅ ከአሞራ ገደል በቅርብ ርቀት ይህ ክስተት መፈጠሩን የነገሩን ነዋሪዎቹ ጉማሬዉ ልጁን መልቀቅ ባለመቻሉ መሳሪያ ተተኩሶበት አስከሬኑ መውጣቱን አስረድተዋል።

ቲክቫህ ኢትዮጵያ ከሀዋሳ ከተማ ፖሊስ በጉዳዩ ላይ መረጃ ለማግኘት ያደረገው ሙከራ አልተሳካም።

ቲክቫህ ኢትዮጵያ
ሀዋሳ
#TikvahEthiopiaFamliyAA

@tikvahethiopia

TIKVAH-ETHIOPIA

21 July 2025 21:02

#witholding_tax

የገቢዎች ሚኒስቴር በአዲሱ የገቢ ግብር አዋጅ መሰረት በእቃዎች እና አገልግሎት ግዢ ላይ ተግባራዊ የሚሆነው 3 በመቶ የቅድመ ግብር (withholding) ክፍያ ከነሐሴ 1 ጀምሮ ተግባራዊ እንደሚሆን አሳውቋል።

በገቢዎች ሚኒስቴር የመካከለኛ ቁጥር 1 ግብር ከፋዮች ቅርንጫፍ ጽ/ቤት የታክስ ኦፕሬሽን ዘርፍ ም/ሥራ አስኪያጅ አቶ አቶ ሄኖክ በላይ ተፈርሞ የወጣው ደብዳቤ ከነሐሴ 1 ጀምሮ ተግባራዊ በሚሆነው አሰራር ለአላስፈላጊ ወጪ እንዳትዳረጉ ሲል አሳስቧል።

ደብዳቤው አዲሱ የገቢ ግብር አዋጅ ቁጥር 1395/2017 ከሐምሌ 1 ቀን 2017 ጀምሮ ስራ ላይ እንዲውል በተወካዮች ምክር ቤት መጽደቁን አስታውሶ በአዲሱ አዋጅ መሰረት ለውጥ ከተደረገባቸው መካከል የቀደመ ግብር (witholding tax) ይገኝበታል ብሏል።

በአዋጅ መሰረት ፡-

1. በእቃዎች ግዥ ላይ ከ 20,000 በላይ ሲከፈል 3% ቅደመ ግብር መያዝ እንዳለበት

2. በአገልግሎት ግዥ ላይ ከ 10,000 ብር በላይ ሲከፈል 3% ቅደመ ግብር መሰብሰብ እንዳለበት የተደነገገ በመሆኑ

ይኸውም " ተግባራዊ የሚደረገው ከ ነሀሴ 1 ቀን ጀምሮ በመሆኑ ላልተፈለገ ወጪ እንዳትዳረጉ ከተጠቀሰው ቀን ጀምሮ ተግባራዊ እንድታደርጉ አሳስባለሁ " ብሏል።

ቲክቫህ ኢትዮጵያ
አዲስ አበባ
#TikvahEthiopiaFamliyAA

@tikvahethiopia

TIKVAH-ETHIOPIA

21 July 2025 19:38

#Update

" እስካሁን አስክሬኖቹን ማግኘት አልተቻለም፤ ፍለጋው እንደቀጠለ ነዉ " - የደቡብ አሪ ወረዳ አስተዳደር

በደቡብ ኢትዮጵያ ክልል አሪ ዞን ደቡብ አሪ ወረዳ ከመር ቀበሌ በደረሰዉ የመሬት ናዳ የአንድ ቤተሰብ አባላት የሆኑ አምስት ሰዎች ከመሬት በታች ናዳዉ ተጭኖባቸዉ ለማዉጣት ዛሬ
ቀኑን ሙሉ ቢሞከርም እስካሁን አለመቻሉን የወረዳው ዋና አስተዳዳሪ አቶ ግዛዉ ሃይሉ ለቲክቫህ ኢትዮጵያ ተናግረዋል።

" የአስክሬን ፍለጋዉ ሂደት በሰው ሃይል መሆኑ ፍለጋዉን ከባድ አድርጎታል " ያሉት ዋና አስተዳዳሪው " ከክልሉ መንግስትና ከኢትዮጵያ መንገዶች ባለሥልጣን የማሽን ድጋፍ ብንጠይቅም እስካሁን አልደረሰልንም " ሲሉ አስረድተዋል።

የመሬት ናዳዉ ከ3 ሄክታር በላይ በሆነ ቦታ መከሰቱን አንስተው በናዳዉ እስካሁን የተለዩ አራት ቤቶች ሙሉ በሙሉ መዋጣቸዉን ገልፀዋል።

በመቶዎች የሚቆጠሩ ነዋሪዎች መፈናቀላቸዉንና በሺዎች የሚቆጠሩ ደግሞ አደጋ ዉስጥ ናቸዉ ብለዋል።

" የፍለጋዉ ሂደት እንደ ጎፋዉ አከባቢ ሌላ ናዳ እንዳያስከትል ሕብረተሰቡን ብናስጠነቅቅም ከአቅማችን በላይ ሆኗል " ያሉት አስተዳዳሪዉ " እስከ ምሽት ድረስ የአስክሬን ፍለጋዉ ሂደት በሰዉ ሃይል እየተካሄደ ነው " ሲሉ ገልፀዋል።

ቲክቫህ ኢትዮጵያ በጉዳዩ ላይ ተጨማሪ መረጃ ለማግኘት ወደ ደቡብ ኢትዮጵያ ክልል አደጋ ስራትና ስራ አመራር ኮሚሽን ኮሚሽነር አቶ ጋንታ ጋምኣ ደዉሎ የነበረ ሲሆን ፈቃደኛ ባለመሆናቸው መረጃ ማግኘት ሳይቻል ቀርቷል።

ቲክቫህ ኢትዮጵያ
ሀዋሳ
#TikvahEthiopiaFamliyHawassa

@tikvahethiopia

TIKVAH-ETHIOPIA

21 July 2025 19:30

#Tigray የትግራይ ክልል የኦሮቶዶክስ ተዋህዶ ቤተክርስቲያን ጳጳሳት ከኢፌዴሪ ጠቅላይ ሚንስትር አብይ አህመድ (ዶ/ር) ለመወያየት ወደ አዲስ አበባ መጥተዋል።

ጳጳሳቱ ባለፈው ሳምንት ከጠቅላይ ሚንስትሩ ጋር ለመወያየት ጥያቄ አቅርበው ነበር።

ለጥያቄ አወንታዊ ምላሽ በማግኘታቸው ዛሬ ወደ አዲስ አበባ ሊጓዙ እንደቻሉ ተነግሯል።

ጳጳሳቱ ነገ ማክሰኞ ሀምሌ 15 ቀን 2017 ዓ.ም ከጠቅላይ ሚንስትሩ ተገናኝተው ይወያያሉ ተብሎ ይጠበቃል።

ከቀናት በፊት ጠቅላይ ሚኒስትር ዐቢይ አሕመድ (ዶ/ር) የትግራይ የሃይማኖት አባቶችና የአገር ሸማግሌዎች ተቀብለው ስለ መምከራቸው ይታወሳል።

ቲክቫህ ኢትዮጵያ
መቐለ
#TikvahEthiopiaFamliyMekelle

ፎቶ፦ ድምጺ ወያነ

@tikvahethiopia

TIKVAH-ETHIOPIA

21 July 2025 14:37

#ETHIOPIA🇪🇹
#GERD

" ግብፅ ግድቡን ታፈነዳዋለች " ሲሉ የነበሩት የአሜሪካው ፕሬዚዳንት አሁን ግድቡ ሊመረቅ ሲቃረብ  " ግድቡ የተሰራው  በኛ ገንዘብ ነው " ማለት ጀምረዋል።

ከዚህ ቀደም በነበራቸው የመጀመሪያው  የአሜሪካ ፕሬዚዳንትነት የስልጣን ዘመን ኢትዮጵያውያንን " ውሃ ወደ ናይል ወንዝ እንዳይፈስ የሚያቆም ግድብ ገነቡ (ታላቁ የሕዳሴ ግድብን ማለታቸው ነው) ፤ ግብጽ በዚህ ብትበሳጭ መኮነን የለባትም። ግብጽ ግድቡን ታፈነዳዋለች " በሚለው ንግግራቸው የሚታወቁት ዶናልድ ትራምፕ አሁን ደግሞ " ግድቡን በአብዛኛው የገነባነው እኛ ነን " እያሉ ደጋግመው እየተናገሩ ናቸው።

ዶናልድ ትራምፕ በዋይት ሐውስ ለሪፐብሊካን ሴናተሮች የእራት ፕሮግራም ባደረጉበት ምሽት የታላቁ ሕዳሴ ግድብን የሚመለከት ነገር ተናግረዋል።

በዓለም ላይ ያሉ ጦርነቶችን ሰላማዊ እልባት ለመስጠት አሜሪካ እያደረገችው ስላለው ጥረት ተናግረው " ግብፅ እና ኢትዮጵያ በሕዳሴ ግድብ እየተጣሉ መሆኑን ታውቃላችሁ " ብለዋል።

" ኢትዮጵያ ግድቡን የገነባችው በአሜሪካ ገንዘብ ነው፤ በአብዛኛው " ሲሉ ተደምጠዋል።

ትራምፕ አገራቸው መቼ ገንዘቡን እንደሰጠች ወይም በምን መልኩ እንደሆነ ምንም አልተናገሩም።

ፕሬዝደንቱ ዳግም ተመርጠው ስልጣን ላይ ከወጡ በኃላ በተደጋጋሚ አገራቸው ለሕዳሴ ግድብ የገንዘብ ድጋፍ መስጠቷን ሲናገሩ ነበር። በቅርብ ጊዜ ውስጥ እንኳን ሁለት ጊዜ ተናግረዋል፤ የአሁኑ ሶስተኛቸው ነው።

ኢትዮጵያ እስካሁን ለፕሬዚዳንቱ ንግግር ይፋዊ ምላሽ አልሰጠቻቸውም።

ትራምፕ በመጀመሪያው የስልጣን ዘመናቸው " ውሃ ወደ ናይል ወንዝ እንዳይፈስ የሚያቆም ግድብ ገነቡ ፤ ግብጽ በዚህ ብትበሳጭ መኮነን የለባትም። ግብጽ ግድቡን ታፈነዳዋለች፤ ግብጽ እና ኢትዮጵያ ስምምነት ላይ እንዲደርሱ አድርጌ ነበር ኢትዮጵያ ግን ጥላ ወጣች  " ብለው ነበር።

ኢትዮጵያ አስገዳጅ ስምምነቱን ጥላ በመውጣቷ ብዙ ድጋፎች እንደተቋረጠባትም ገልጸው ነበር።

ፕሬዜዳንቱ አሁን ዳግም ወደ ስልጣን ከመጡ ወዲህ በግልጽ ለግብጽ ወገንተኛ የሆኑ አስተያየቶችን ከመስጠት ባለፈ ከ " ታፈነዳዋለች " አስተያየት " እኛ ነን የገነባነው " ወደማለት መጥተዋል።

#TikvahEthiopiaFamliyAA

@tikvahethiopia

TIKVAH-ETHIOPIA

21 July 2025 14:35

ንብተራ ኦንላይን
ሁሉንም በአንድ ጥላ ሥር የሚያገኙበት!

ምቹ፣ ቀላል እና አስተማማኝ መተግበሪያ፡፡

***
ይሠሯል ከልብ እንደ ንብ!

#Nib #nibmobilebanking #NibQR #nib #nibtera #nibbank

Facebook  / Instagram / linkedin / nibinternationalbank6204">X / nibinternationalbank6204">Youtube / nibinternationalbank">Tiktok / Website