15631
هنا كل جديد من أخبار التكنولوجيا في كل المجالات 📱💻🖨️📞🖱️💾📷🤖
شوف من يجي شهر كدا
طلعت فضيحة اتعرفت باسم SignalGate
اتقال فيها ان مستشار الأمن القومي الأمريكي مايك والتز
ضاف "بالغلط" لجروب شات على سيجنال
رئيس تحرير جريدة ف أمريكا
والجروب ده كان عليه علية القوم في ادارة ترامب
وبيتكلموا فيها على معلومات سرية جدا
عن اسلحة وهجمات طيران ومواعيدها لضرب امريكا للحوثيين في اليمن..!!
اركن ده هنا،
وتعالى معايا للجديد..
صحيفة نيويورك تايمز قالت النهارده إن وزير الدفاع الأمريكي "بيت هيجسيث" شارك معلومات حساسة بخصوص ضربات جوية أمريكية مرتقبة في اليمن، في جروب خاص على تطبيق "سيغنال"، واللي كان فيه المرة دي مراته وأخوّه ومحاميه الشخصي! الموضوع عمل جدل كبير حوالين مدى التزام الوزير بالبروتوكولات الأمنية.
وبحسب ٤ مصادر مطلعة، هيغسيث كشف في الجروب – اللي هو بنفسه اللي عامله تحت اسم Defense | Team Huddle – عن مواعيد طلعات الطيارات اللي هتنفذ الهجمات ضد الحوثيين. والمعلومة دي هي نفسها اللي كانت اتسربت قبل كده في الجروب التاني ..
الجروب ده (اللي فيه مراته) اتعمل في يناير، قبل ما الوزير يستلم منصبه رسمي، وكان بيضم ناس من دايرته القريبة، زي مراته "جينيفر" (اللي كانت منتجة في فوكس نيوز)، وأخوّه "فيل"، والمحامي بتاعه "تيم بارلاتور". ورغم إن بعضهم بيشتغل في البنتاغون، مكنش واضح ليه المفروض يطلعوا على معلومات عملياتية بالحساسية دي..؟؟!!
الغريب إن مستشارين لهيغسيث كانوا بالفعل حذّروه قبل الضربة بيومين من إنه يشارك معلومات حساسة على تطبيقات مش مؤمنة رسمي، لكنه تجاهل التحذيرات دي، على حسب ما نقلته الصحيفة..!
----
فاكر الجروب الاولاني ؟؟
قالت التحقيقات اللي عملها البيت الأبيض ان اللوم في إضافة رقم الصحفي بالغلط يترمي على خوارزمية موبايلات آيفون اللي بتصنعها شركة "أبل".
لإن السبب الرئيسي ورا إضافة مستشار الأمن القومي مايك والتز، للصحافي جيفري جولدبرج، رئيس تحرير مجلة "ذي أتلانتك"، بالغلط، لمجموعة النقاش الخاصة بالضربات على اليمن، هو "اقتراح جاي من خوارزمية برمجية بتستخدمها أبل على موبايلات آيفون".
بس يا ترى الخوارزمية دي بتشتغل إزاي تحديداً؟
أبل زودت موبايلات آيفون من أول iOS 13 بميزة اسمها Siri Suggestions، واللي بتسمح لمساعد أبل الذكي إنه يقترح على المستخدم يعمل إيه بعد كده، زي إنه ينضم لاجتماع أو يأكد معاد، وده بناءً على روتين المستخدم وطريقة استخدامه للتطبيقات، وده بحسب موقع الشركة الرسمي.
يعني مثلاً، لما المستخدم يبص على شاشة القفل أو يبدأ يبحث، سيري بتقدم له اقتراحات مناسبة في الوقت المناسب. ولما يبدأ يكتب بريد إلكتروني أو يحدد معاد في التقويم، ممكن سيري تقترح عليه أشخاص اتواصل معاهم قبل كده. ولو جاله مكالمة من رقم مش مسجل، ممكن تقول له مين المتصل بناءً على أرقام موجودة في بريده الإلكتروني.
والتحديث ده كمان ضاف ميزة اسمها Contact Suggested Update، واللي بتخلي نظام تشغيل آيفون يقترح على المستخدم يضيف تفاصيل لجهة اتصال عنده.
اللي مثير للاهتمام إن الميزة دي بتشتغل في سيناريوهين اتنين ملهمش تالت:
الأول، إن المستخدم يكون بيتراسل مع جهة اتصال مسجلة عنده على iMessage، والجهة دي ضافت بيانات جديدة لحسابها على الخدمة، زي تعديل الاسم أو الصورة، وساعتها الميزة بتقترح عليه يحدث البيانات، وده في شكل إشعار بيظهر فوق نافذة المحادثة.
أما السيناريو التاني، فهو لما المستخدم يراسل رقم تليفون على iMessage، بس من غير ما يكون الرقم ده مسجل عنده، وساعتها الخدمة بتقترح عليه يسجل الرقم ده، يا إما كجهة اتصال جديدة، يا إما يضيفه لجهة اتصال موجودة فعلاً عنده.
رواية تحقيقات البيت الأبيض
وبحسب تحقيقات البيت الأبيض، الحملة الانتخابية للرئيس دونالد ترمب كانت استلمت في أكتوبر اللي فات، إيميل من جولدبرج، بيتكلم عن موضوع بينتقد فيه موقف ترمب من الجنود اللي ماتوا في تفجير "أبي جيت" بمطار كابول في أفغانستان.
وللرد على اللي اتقال في التقرير الصحفي، الحملة استعانت بـ والتز باعتباره ممثلها في قضايا الأمن القومي، ووقتها برايان هيوز، المتحدث باسم الحملة، بعت نسخة من الرسالة دي لـ والتز، واللي كانت متضمنة توقيع ايميل جولدبرج اللي فيه رقمه. وده خلّى والتز يسجل الرقم ضمن بيانات الاتصال الخاصة بـ هيوز.
بس هل ده ممكن فعلا؟🤔
بحسب طريقة شغل آيفون، موبايل والتز كان هيقترح عليه يضيف رقم رئيس تحرير "ذا أتلانتك" في حالتين:
الأولى، إن الرقم يكون مسجل باسم هيوز، وبيستخدمه على iMessage، وبما إن فيه تواصل مستمر بين والتز وهيوز على الخدمة، يبقى الاقتراح طبيعي، بس ده احتمال مستبعد.
تعرف انك وانت ع ابلكيشن اليوتيوب
تقدر ترفع من اول شاشة البلاير من فوق swipe up هوووب..
تلاقيك قلبت شاشة Full Screen من غير ما تقعد
تدور ع العلامة اللي ف زاوية البلاير دي😅
مساءو
جبت ورقة كتبت عليها سطر
وانا خطي أصلا وحش
وكرمشت الورقة وقلبتها
ودخلتها لـChatGPT
وقلتله (ايه المكتوب في الورقة؟)
شات راح حلل الصورة
ففهم ان الورقة مقلوبة
فقلبها ١٨٠ درجة افقي فلقاها مش مفهومة
فراح قالبها تاني وقاصصها
مفهمش برضو وتاه المكتوب
فقرر يقلبها تاني ويعملها ف شبكة Grid
وحدد بظبط مكان التكست ولفها تاني وقام قاصص crop
وفهم انا كاتب ايه.. بس مع شوية ترويش وتطبيل لنفسه😅
🔴 اللي حصل ده بسبب ان OpenAI
نزلت نماذج تفكير جديدة بيفهموا ويفكروا بالصور
اسمهم o3 وo4 high ومعاهم o4 mini
دول بيقدروا يفهموا الصور كويس اوي ويفصصوها ويقصوها ويعلوا الكواليتي ويلفوها وكمان مع كل ده
يقدروا يسرشوا اونلاين ف الويب ويكتبوا اكواد بايثون ويتعاملوا بالتكست كمان..
فبيعملوا شغل خرافي خصوصا لو هتخليهم ينجزوا مهام معقدة ومركبة كذا حاجة ف بعض!,
دلوقتي متاحين ف ChatGPT
للمشتركين ChatGPT Pro وبلس وتيمز
و o4 mini متاح للنسخة المجانية!
على مدار المواسم الستة اللي فاتوا من مسلسل بلاك ميرور، كان دايمًا في تكنولوجيا جديدة بكون سمعت عنها قبل كده، وببدأ أشوفها على أرض الواقع جوه المسلسل فعلًا.
الموسم السابع نزل من كام أسبوع، وقلت أتفرج عليه، وشُفت فعلًا أول كابوس في حلقة Common People!
فكرة الحلقة قايمة على راجل وست متجوزين ما عندهمش أطفال، بيحاولوا إنهم ينجبوا، لكن مشكلتهم الرئيسية ما كانتش هنا. المشكلة حصلت لما الزوجة اللي كانت بتشتغل مدرسة علوم، أُغمى عليها في حصة من الحصص في المدرسة، ساعتها اكتشف الزوجين إن الست عندها مشكلة في المخ، وفي ورم لازم يتم استئصاله، وده هيفقدها جزء مهم في مخها، كفيل إنها تموت بعد فترة قصيرة جدًا، وكمان كانت هتفضل في غيبوبة مش هتقدر تفوق منها أبدًا.
وهما في المستشفى، جالهم مندوبة من شركة ستارت أب Revermind، بتشتغل على تكنولوجيا جديدة بتستهدف بشكل رئيسي إنها تستأصل الخلايا الدماغية الميتة وتخزنها، وفي الجزء الدماغي اللي تم استئصاله ده بيتم زرع خلايا مصطنعة، وبيبقى واصل بالكلاود طول الوقت، علشان الداتا اللي كانت متخزنة في الجزء ده تفضل متوفرة لليوزر وتخليه يعيش حياته بشكل طبيعي.
الكلام طبعًا كويس جدًا، بس المشكلة الأساسية كانت إن مراكز البيانات ما بتغطيش كل أمريكا، وبالتالي المستخدمين لازم طول الوقت يفضلوا في نطاق جغرافي معين، علشان تفضل الأجزاء اللي في دماغهم واصلة بالكلاود ويقدروا يعيشوا بشكل طبيعي، لأنهم لو خرجوا من "النظافة الوراثية" اللي فيها الشبكات ومراكز البيانات، هيحصل لهم إغماء فوري، وبالضبط كأنك خرّجت الموبايل في منطقة ما فيهاش شبكة، هتقطع تمامًا.
وده اللي حصل فعلًا خلال أحداث الحلقة!!
في الأول، سعر الخدمة دي كان 300 دولار شهريًا، وعمليّة الزراعة والاستئصال كانت ببلاش، وتكلفة الجزء المزروع أصلًا كانت قليلة جدًا. بس الزوجين اكتشفوا إن الموضوع كله كان مجرد "لجار رجل الزبون"!
في الأول، الزوجة كانت بتنام تقريبًا ساعة أو ساعتين زيادة عن معدلها الطبيعي، وده لتخفيف الأحمال عن السيرفرات، بس بمرور الوقت، بدأ الزوجين يتفاجئوا إنها بتنام زيادة عن اللزوم، وبتصحى كمان تعبانة. ولما راحوا سألوا، اتقال لهم إن المشكلة الأساسية إن الست وهي نايمة، الشركة أصلًا بتستخدم دماغها هي وكل العملاء كامتداد لمراكز البيانات بتاعتها، علشان تقوي قدرات الشركة على معالجة الداتا. أصلًا الداتا سنتر بتقوي أدمغة البشر وهما صاحيين، والعكس هو اللي بيحصل وهما نايمين!
في يوم من الأيام، الست اتفاجئت إن تلميذ عندها في الفصل بيكلمها في موضوع معين ليه علاقة بانفصال باباه ومامته، فجأة لقت نفسها بتقول إعلان عن خدمة للإرشاد الأسري الديني! وكان في بنت عندها في الفصل الكوتشي بتاعها قديم شوية، فلقيتها بتقول لها إعلان عن تخفيضات لبراند أحذية! طبعًا إنت توقعت اللي حصل!
الشركة اللي بتقدم التكنولوجيا الدماغية بدأت تنزل إعلانات جوه أدمغة العملاء، على حسب المواقف اللي هم بيعيشوها في يومهم، علشان تقدر تكسب.
ولو العميل عايز ما يشوفش إعلانات وهو صاحي ولا نايم، محتاج إنه يشترك في باقة أعلى، وهي باقة Revermind+، ودي طبعًا بتدي لهم تغطية أكبر ومافيش إعلانات لون طبيعي!
الراجل فعلًا اشترك في الباقة الأعلى، ودفع 500 دولار في الشهر.
طبعًا الراجل "اطحن" من أول الموضوع، لأنه بدأ ياخد شِفتات إضافية علشان يقدر يدفع ويكفي.
ولما حصل التحديث في الباقة الأعلى، بقى لازم عليه، واضطر إنه يعمل فيديوهات على موقع الجمهور بتاعه بيدفع، علشان هو يعمل تحديات معينة هم بيطلبوها منه. تقدر تقول عليه زي التيك توك كده بالضبط!
شوية، والشركة عملت تحديث لباقاتها، وبقت الباقة البلس هي الباقة العادية اللي بيسموها باقة العامة Common People، ونزلت باقة أعلى وهي Revermind Lux، ودي بـ1000 دولار في الشهر، بتخلي اليوزر يقدر يستفيد من تغطية واسعة على مستوى الولايات المتحدة كلها، ويقدر يستفيد كمان من المهارات والخبرات بتاعة المستخدمين التانيين اللي مشتركين في الباقات الأقل منه. زي مثلًا يقدر يتعلم لعبة التنس ويعلي مستواه فيها حرفيًا من جوه أبلكيشن على موبايله، كأنك بالضبط كده بتعلي الباور بتاع لاعب في الفيفا!!
وأكيد لا في نوم زيادة عن اللزوم، ولا خمول، ولا أي حاجة!
آخر المسلسل كان مأساوي جدًا، الراجل اشترى لمراته بآخر فلوس معاه، بعد ما اتطرد من شغله بسبب الفيديوهات اللي بيعملها على الموقع الشمال، اشترى لها نص ساعة في الباقة العالية جدًا، وخلّاها تعلي إحساسها بالراحة والطمأنينة من جوه أبلكيشن موبايلها، ساعتها بس هي قالت له: "أعتقد إن هو ده الوقت المناسب.."
جوجل من ساعة بظبط
نزلت Veo 2 بالعربي!!
يعني ايه Veo؟ 🤔
ده ياسيدي منافس من جوجل
قصاد ناس كتيرة ف سوق انشاء الفيديوهات بالAI
أهمهم طبعا Sora من OpenAI وعتاولة صينيين كتير بنسى أساميهم والله😅
دلوقتي Veo 2 متاح لكل العالم
ومنهم طبعا الشرق الأوسط وشمال أفريقيا
مصر والإمارات والسعودية
طبعا ف الصدارة 🇪🇬🇸🇦🇦🇪
دلوقتي متاح بالعربي والانجليزي
للمشتركين في جيميناي أدفانسد
في قلب جيميناي 🔥
وكمان متاحة مجانا جوا منصة Google AI Studio 🤖
🔴 بالمناسبة، فيديو الفرخة من تصميمي في AI Studio وتعبت أوي فيه، خد البرومبت:
صمم فيديو لفرخة على سفح الهرم.
آه أصلا هعقدها ليه 😅
🧨 أولى جلسات المحاكمة اللي ممكن تغيّر شكل السوشيال ميديا تمامًا بدأت 🔥
الـ FTC اللي هي هيئة التجارة الفيدرالية دخلت المحكمة في واشنطن علشان تواجه شركة Meta باتهامات احتكار سوق خدمات التواصل الاجتماعي، وركزت تحديدًا على استحواذها على Instagram سنة 2012 وWhatsApp في 2014.
🎙 أول شاهد؟ مارك زوكربيرج بنفسه!
لكن بدل ما نشوف بداية نارية... المحكمة مشيت رحلة عبر الزمن🙄! الـ FTC بدأت تسأل زوكربيرج عن بدايات فيسبوك في 2004 وتحولها الصعب لعالم الموبايل مع اقتراب الطرح في البورصة. لحد آخر اليوم، بدأوا يدخلوا في الجد ويتكلموا عن صفقة إنستجرام. أما واتساب؟ لسه ما دخلش في النقاش.
🧠 ومن ضمن الأدلة اللي استعرضتها الـ FTC:
رسالة من مارك في فبراير 2012 بيقول فيها:
“لو ما قتلناش التطبيقات دي، الناس مش هتكرهنا، وكمان مش هنسيب فراغ في السوق يدخل فيه حد تاني.”
يعني بمعنى أوضح: خلونا نشتري إنستجرام ونسيبه شغال علشان ما يطلعش لنا منافسين!
📸 اللي زاد الطين بلة؟ إن اللي كانوا بيطوّروا أبلكيشن Facebook Camera – اللي كان المفروض ينافس إنستجرام – كانوا متدربين! زوكربيرج اشتكى وقتها إن التطوير بطيء، وطلع السبب إن المشروع في إيد ناس مش خبيرة كفاية.
📊 وبالنسبة لدفاع Meta؟ فبيقولوا إن الحكومة عاملة تعريف محدود وضيق لسوق السوشيال ميديا، وإنها متجاهلة منافسين زي TikTok اللي مجرد ما اختفى يومين من السوق الأمريكي، ارتفع استخدام فيسبوك بنسبة 20% وإنستجرام 17%.
⚖ محامي ميتا هاجم القضية وقال إنها “حقيبة نظريات” متضاربة، وإن القانون نفسه مش مع تعريف الـ FTC للسوق. ورفض فكرة إن المستخدمين "بيدفعوا" باستخدامهم للتطبيقات من خلال مشاهدة الإعلانات، وقال إن الناس تقدر بكل بساطة "تعدي الإعلانات دي".
📌 خلاصة اليوم الأول:
زوكربيرج قال إن فكرة شراء إنستجرام كانت قبل الطرح في البورصة، لأن وقتها كان لسه ماعندهمش تمويل لصفقات ضخمة.
الـ FTC عرضت إيميلات قديمة بتبين إن هدف فيسبوك من شراء إنستجرام وواتساب كان القضاء على أي تهديد لموقعهم.
👀 اللي بيحصل ورا الخفا
1- ميتا دافعة كتير جدا في عمليات الحشد في واشنطن جماعات الضغط في دوائر القرار تضغط على ترامب يتدخل ويوصل بالدعوى القضائية لمحطة التسوية والقصة تخلص
2- زوكربرج بنفسه زار ترامب كتير في البيت الأبيض خلال الأسابيع اللي فاتت
3- يوم التلات اللي فات - من أسبوع بظبط -
رئيس لجنة التجارة الفيدرالية أندرو فيرجسون
وجايل سلاتر
مساعدة المدعي العام والمسؤولة عن تنفيذ قوانين مكافحة الاحتكار في وزارة العدل الأمريكية.
الاتنين راحوا يزوروا ترامب عشان يدعموا موقفهم قصاد زوكربرج ويضمنوا انه فص صفهم قصاد بتاع ميتا
🗣️ رأيي الشخصي المتواضع
المعركة فعلا صعبة جدا على كل الأطراف
أولهم طبعا مارك
وقت صعب أوي وعصيب، منافسة شرسة في كل الأسواق
السوشيال ميديا والنضارات والذكاء الاصطناعي والشات
لو خسر القضية هيخسر ضلعين مهمين اوي في امبراطوريته أم 1.4 تريليون دولار
واتساب عباية العفة اللي لابساها ميتا ساترة بيها نفسها
وبتتغنى بيها وبالتشفير الطرفي اللي فيها وانها مثال على احترامها للخصوصية
وطبعا انستجرام الفرس الوحيد الكسبان في رهانات ميتا آخر 10 سنين وطبعا الفرخة اللي بتبيض دهب واللي لما فكر يعمل سوشيال ميديا جديدة ثريدز ربطها بيها
ده غير أصلا انه هيخسر اللي دفعه ف الاتنين
سواء في الاستحواذ توتال 20 مليار دولار أو كمان البحث والتطوير
برضو الموقف صعب أوي لترامب وحكومته قدام الشعب الأمريكي
لو وصلت الأمور لطريق مسدود مع أزمة تيك توك وملقوش مشتري أمريكي توافق عليه الصين واتقفل في أمريكا كدا مش هيبقى فيه بديل قوي لو حصل فصل لانستجرام وواتساب عن ميتا في شركات مستقلة واداراتهم الجديدة مكنتش قوية كفاية
وبرضو ترامب أنا متأكد عايز ينتقم من زوكربرج بسبب حركة قفل حساباته بعد أحداث يناير 2021 في اقتحام الكابيتول
رغم ان زوكربرج بالفعل دفع مليون دولار للجنة تنظيم حفل تنصيب ترامب ده غير 25 مليون دولار تسوية في القضية اللي ترامب نفسه كان رافعها ضده بسبب قفل الاكونتات!
بس ده ميمنعش انه عايز القضية تشعلل عشان ننبسط وده مش هيحصل إلا بليستة استدعاء شهود مثيرة كدا زي
كيفن سيستروم ومايك كريجر
المؤسسين الأصليين لانستجرام واللي استقالوا تباعا السنين اللي فاتت
برايان أكتون وجان كوم
المؤسسين الأصليين لواتساب واللي استقالوا برضو تباعا وواحد منهم ناشد الناس على إكس - لما كان تويتر - انهم يمسحوا فيسبوك من موبايلاتهم في عز أزمة كامبريدج أناليتكا لو فاكرها
الأربعة دول فعليا كفيلين يخسروا مارك القضية ويشيلوهاله حرفيا
لإنهم كلهم فعلا خارجين من ميتا - لما كانت فيسبوك - جايبين آخرهم من تعسفات مارك وسياساته هو ورجالته!
مشكلة كبيرة جدا بتواجهها الناس
اللي بتشوبينج أونلاين، كارثة وسحل
رايح جاي بين المواقع هنا وهناك
وتجمع اوردر وتروح تدفع وتكتب بيانات
وتعمل اكونت على كل منصة حاجة صعبة اوي..
المهم جه الجهبز ألبرت سانيجل
عشان يحل المعضلة دي في 2018
وعمل ابلكيشن اسمه Nate
بتبقى واقف جوا أي ستور اونلاين
هوووب تروح تعمل شير للينك بتاع المنتج
وفي ثواني عادي جدا يروح الAI في قلب NATE
يمشي كل الخطوات الطويلة بتاعت عملية الدفع Checkout
وكمان يفنش الاوردر، وانت يادوب عليك تستلم على عنوانك!
سانيجل راح وجه على مستثمرين
وجمع 50,000,000 مليون دولار
فكرة جهنمية طبعا
بس بقى ياسيدي وكدا اتحلت مشكلة الشوبينج الحمدلله،
بس عارف كان فيه مشكلة أكبر،
ان بعد ما البني آدم يshare لينك منتج مع Nate
هووووب
كمية بشر قاعدين ف الفلبين ورومانيا
هم اللي بقى بيعدوا بخطوات تقفيل الاوردر
والدفع وكل الكلام التحفة ده وطلع لا فيه AI ولا حاجة
وسانيجل طلع بينخع اصلا
والحمدلله وزارة العدل الأمريكية بتدور عليه
عشان يلبس 40 سنة سجن على قفاه🤣💸🤖
واتساب نزل كمية مزايا جديدة 🔥
📍 عرض عدد الأعضاء الأونلاين تحت اسم جروب الشات، عشان لو حابب تفجّر مفاجأة ولا تهبدهم خبر 😅
📍 كمان تقدر تريح مخك من كتر النوتفكيشنز بتاعت الجروب شات، فدلوقتي تقدر تختار نوتفكيشنز معينة توصلك من جروب شات، زي لو اتعملو منشن أو جتله ردود على مسجات باعتها ف الجروب أو حد من الكونتاكتس عنده ف الجروب بعت حاجة!
📍 دلوقتي بقى فيه إمكانية تعمل events مش بس ف الجروبات لا كمان ف المحادثات الثنائية..
تقدر كمان تضيف رد ع الايفنتات انك احتمال تيجي Maybe و انك تعزم مرافق، وتحديد تاريخ ووقت الانتهاء للفعاليات الطويلة، مع امكانية انك تعمل للايفنت pin ف الشات
📍 بقى ممكن تدوس ع الريأكشن بتاعت الباقي ف الشات على رسالة معينة، وتختار تبعت نفس الريأكشن بتاعهم..
📍 فيه للآيفون مزايا جديدة، زي انك تعمل Scan لاي ورق ومستندات زي CamScanner بظبط، ضيف كمان إمكانية انك تخلي واتساب هو الابلكيشن الافتراضي للمكالمات والرسايل على آيفون!
📍 واتساب كمان زودت كواليتي واستقرار مكالمات الفيديو، كمان هيحصل تحديث الكواليتي إلى HD حسب سرعة الانترنت العالية والثابتة
كمان ممكن تعمل زووم ف مكالمات الفيديو، وممكن كمان تصيف ناس تانية للمكالمات من قلب الشات
📍واتساب برصو نزل مزايا جديدة للتشانلز، زي ان المشرفين يقدروا ينشروا مقاطع فيديو قصيرة لحد 60 ثانية و ميزة تحويل الفويس نوتس لنصوص مكتوبة
وبرضو بقى سهل تعمل شير للتشانلز وتدخلها من خلال اكواد QR
🗣️ في رأيي الشخصي المتواضع أعتقد إن ترامب كان حاسب الحسبة بدماغه وهو بيفكر إزاي يحط أسواق العالم كله بشركاته واقتصادياته على طرف لسانه، كلمة واحدة منه ترفعه سابع سما، وبعدها بثانية بكلمة تانية يخسف بيه الأرض. الموضوع مقصود، ترامب كان في عرض استعراض للقوة عشان يقول للكل من أول اليابان للصين لروسيا لأوروبا للخليج: أنا مش بايدن، وأمريكا راجعة تأثر في الكل، وشغل ميزان القوة يتحقق بمزاجي!
وهو عمل ده على حساب الجميع مقابل إنه يرضي الأنا جواه، يمكن عشان لما قال لك "أكيد هينفذوه وهيوافقوا على المخطط بتاعي"، وكلامه كله طلع في شنك، فقال لك خلاص: أشتغل على اللعبة اللي كل خيوطها في إيدي تقريباً، وهي الناحية الاقتصادية، ونجح بصراحة!
اللي جاي بعد 90 يوم لما يبدأ يطبق الجمارك الجديدة، هيبقى سوء اقتصادي مختلف تماماً، لأن ده يتضمن مرور الـ75 يوم مهلة بتوع بيع تيك توك في أمريكا، كل ده هيخلي فعلاً شكل اقتصاد العالم مختلف، مع الأخذ في الاعتبار إن فكرة عالم بدون دولار ممكن تتحقق، وأعتقد البديل هيكون رقمي!
صباحو
راجل صيني اسمه Qaioben
بيعشق لعبة صينية اسمها Three Kingdoms Kill Online
المهم هو شاطر جدا فيها
وبيكسب تقريبا كل الماتشات
المشكلة ان اللي بيخسر
بيقدر ينفس عن غضبه بانه يرمي
على أفاتار الكسبان شباشب وبيض وبلاوي 😅
الراجل الصيني ده بقى اتدايق أوي
ورفع قضية! 🤯
اه والله 😂
رفع قضية على مطورة اللعبة
وقال انه اتهان جامد ف اللعبة
لدرحة انه استحمل الضرب بالشباشب والبيض
بتاع 4800 مرة ف 6 شهور🤣
الموضوع جد جدا لدرجة ان الشركة المطورة
في 31 يناير قررت تحط حدود للموضوع بس مقالتش هتعمل ايه بظبط 😁
سعر الآيفون 16 برو ماكس الواحد تيرابايت
احتمال يطير من 1900 دولار يوصل 2300 دولار!!
لان متوقع ان اسعار الآيفون في أمريكا تزيد بنسبة 43%...!!
السبب؟ 🤔
تعرف ان 54% هي نسبة الضريبة
اللي فرضها ترامب على أي منتجات جاية من الصين
وأبل من أكتر الشركات التقنية في العالم اللي بتصنع منتجاتها في الصين من زمان الزمان، ومؤخرا اتجهت للتصنيع بشكل أكبر للايفون والايربودز والايباد في الماك في الهند وفيتنام ومؤخرا في البرازيل!
واحد من المهندسين البارزين في جوجل هو "بن ليمونشيك"، مهندس برامج كبير بيشتغل على تطوير منافس "ChatGPT" لجوجل، المسمى "Gemini". قبل جوجل، كان شغال على الذكاء الصناعي في "Palantir". صحيح إنه مش كاتب الوحدة 8200 في ملفه، لكنه بيعمل إعجابات لمنشورات بتروج لروايات إسرائيلية مثيرة للجدل.
ميتا
في "ميتا"، في مدريد، فيه واحد اسمه "دورون فاينروب"، مهندس بيانات كبير بيركز على أنظمة الذكاء الصناعي. وبيقول إنه خلال خدمته في الوحدة 8200 لمدة 3 سنين تقريبًا، صمم وطور حل للبيانات الكبيرة (Big Data) بيقلل الوقت اللازم لاتخاذ القرارات البشرية من أيام لساعات قليلة. نفس الفكرة دي متوافقة مع نظام "Lavender" اللي استخدمته إسرائيل لتنفيذ الإبادة في غزة.
"نداف بندك"، باحث في الذكاء الصناعي وتعلم الآلة في ميتا بأمريكا، خدم 4 سنين في الوحدة من 1999 لحد 2003. وكمان "أوشري حليمي"، اللي بتشتغل في Meta Reality Labs بسان فرانسيسكو، قضت سنتين في الوحدة، واشتغلت قبلها في جوجل وآي بي إم.
وفي كاليفورنيا، "أوريل سينجر"، باحث في الذكاء الصناعي في ميتا، خدم أكتر من 7 سنين في الوحدة. وكمان "شيلي شينين"، اللي قضت سنتين في الوحدة، شغالة دلوقتي كباحثة في ميتا. "أوري باتيش"، اللي خدم 4 سنين في الوحدة، اشتغل كمان 7 سنين في البنتاجون، ودلوقتي شغال في ميتا.
كمان "مايا بيشلر-سبايشر"، باحثة في الذكاء الصناعي، خدت سنتين في الوحدة في بدايات الألفينات. وهي واحدة من اللي عملوا إعجابات بمنشورات بتدعم الجيش الإسرائيلي.
آبل
"جوناثان لاسيرسون"، باحث في التعلم العميق في آبل ومقره إسرائيل، كتب إنه مفيش حدود لعدد الفلسطينيين الأبرياء اللي ممكن إسرائيل تقتلهم عشان تهزم حماس.
"أفيتال كليمان"، مهندسة خوارزميات تعلم الآلة، اشتغلت أكتر من 6 سنين في الوحدة 8200 قبل ما تسيبها وتروح آبل في 2021.
"مايكل سيهايك"، اللي قضى 3 سنين في الوحدة، كان بيركز على أتمتة المهام عشان يوفر ساعات عمل، ودلوقتي شغال في آبل.
مايكروسوفت
"بن سابيرستين"، متخصص في تعلم الآلة في مايكروسوفت، قضى أكتر من 5 سنين في الوحدة، وكان بيركز على اللغويات. وفي شغل سابق ليه، اشتغل على تقنيات بتحاكي تشوهات العظام.
"إيراد دور"، شريك في صندوق استثمارات رأس المال لمايكروسوفت "M12"، معروف إنه مستثمر إسرائيلي في الذكاء الصناعي، وكان في الوحدة 8200 في التسعينات.
شركة Nvidia
انفيديا بقت أكبر شركة متخصصة في الذكاء الصناعي وأكبر شركة على مستوى العالم في 2024، بقيمة وصلت لـ 3.5 تريليون دولار. الشركة متخصصة في تصنيع رقائق الذكاء الصناعي، وبتوظف عدد كبير من خريجي الوحدة 8200، سواء في إسرائيل أو أمريكا. الإعلام الإسرائيلي قال إن "طريق نجاح Nvidia بيعدي من إسرائيل". لو بحثت عن "unit 8200 and Nvidia" على LinkedIn، هتلاقي أكتر من 150 نتيجة.
"درور أهاروني"، مدير تصميم الرقائق في Nvidia، اشتغل في الوحدة 8200 لمدة 5 سنين ونص من 1999 لـ 2004. "رونين دار"، قائد أنظمة البرمجيات في الشركة، خدم حوالي 4 سنين في الوحدة، وبعدين اشتغل في شركة ذكاء صناعي شارك في تأسيسها مع عضو آخر من الوحدة، "أومري جيلر". الشركة دي اشترتها Nvidia السنة اللي فاتت. "جيلر" كان في الوحدة لمدة أكتر من 7 سنين (2010-2017)، لكن هو مش بيذكرها بشكل مباشر في ملفه الشخصي، وبيقول إنه كان في "وحدة تكنولوجية متخصصة"، وهو ده الوصف اللي الوحدة 8200 بتستخدمه عن نفسها.
"Nvidia"، من خلال جيلر ودار، كمان قدمت وجبات للجيش الإسرائيلي كجزء من الأعمال التطوعية.
كمان "إيلاد جو"، اللي كان جاسوس في وحدتين مختلفتين في الجيش الإسرائيلي (الوحدة 8200 ووحدة 81)، بيشتغل كباحث في التعلم العميق في Nvidia. قضى أكتر من 7 سنين في الجيش بين الوحدتين.
وأخيرًا، "نجيب نبواني"، اللي بيتكلم عربي، هو باحث كبير في التعلم العميق في Nvidia. كان لسه في الوحدة 8200 لحد 2022، وركز في شغله على أنظمة الذكاء الصناعي للغات.
أمازون
في أمازون، فيه "أوفير زيجلمن"، مدير كبير في فريق الذكاء الصناعي في نيويورك. هو كمان نائب رئيس نادي هارفارد في إسرائيل، وعالم زائر في جامعة كامبريدج في إنجلترا. من 2006 لـ 2011 اشتغل مع بنيامين نتنياهو مباشرة، وقبلها كان خدم 4 سنين في الوحدة 8200، وخرج منها في 2006.
OpenAI
لما جيت أبحث عن أعضاء الوحدة 8200 اللي شغالين في OpenAI (الشركة اللي بتعمل ChatGPT)، كان صعب ألاقى معلومات كتير، لكن لقيت "راز جون"، باحث في الذكاء الصناعي في بوسطن، وخدم 3 سنين في الوحدة.
أشخاص بارزين في المجال
"زاك ديفي-أهرون"، اللي تم تصنيفه من ضمن أكتر 100 شخص تأثيرًا في مجال الذكاء الصناعي حسب مجلة Time. هو مدير تنفيذي لشركة ناشئة متخصصة في الرعاية الصحية في نيويورك، لكنه كمان صهيوني داعم للإبادة.
من اسبوع كدا
المشتركين في خدمة بووت البرمجة الذكية Cursor
اتفاجئوا ان أكونتاتهم بتسجل خروج log out لوحدها
فكتير راحوا يكلموا الكوول سنتر عشان يفهموا فين المشكلة..
موظف خدمة العملا Sam قالهم "كلهم"
ان تسجيل الخروج المفاجئ حاجة طبيعية
في ظل تحديث جديد لسياسات استخدام الخدمة
والتحديث ان الاشتراك الواحد بيسمح باستخدام الخدمة على جهاز واحد بس!
كمية مطورين بدأوا يكنسلوا اشتراكاتهم ف الخدمة!!!
بعدها بشوية، أحد مؤسسين Anysphere واسمه مايكل تروويل طلع وقال:
"ياجماعة مفيش الكلام ده،
ولا تحديث ولا حاجة،
وعادي تقدروا تستخدموا الخدمة على اي عدد من الاجهزة براحتكو..
وآسفين طبعا، لان Sam ده مش بشر.. ده روبوت🤖👀"
صباحو
دلوقتي جيميناي بقت راسه براس ChatGPT!
جيميناي بقى يشوف العالم عن طريق ميزتين
الأولى Live with Camera
ودي بتخليك لما تشغل ميزة جيميناي لايف من قلب جيميناي
وتبقوا بتتكلموا، تقدر تخليه يشوف اللي انت شايفه قدامك بإنك تدوس زرار الكاميرا (زي اللي في الصورة كدا)
فتقدر يساعدك في أي حاجة بايظة
ويديلك معلومات عن أي حاجة مميزة قدامك
التانية Share Screen
وزي ما اسمها بيقول،
تقدر تشارك محتوى الشاشة بتاعت موبايلك مع جيميناي
فتقدر تعرف معلومات عنه
زي صورة أو موقع أو أي حاجة تانية على شاشة موبايلك
عبقري في مقارنات المنتجات وأسعارها ومزاياها في مواقع مختلفة
المزايا نزلت من 10 أيام مدفوعة على جيميناي أدفانسد
بس من كام ساعة بقت مجانا على جيميناي للجميع!
مساءو
أخذها وكتب نَفَسها. المفارقة بقى الساخرة جدًا، إن وهو بيكتب نَفَسها، الست كانت طبعًا على الباقة العادية تمامًا، وبدأت تقول إعلانات عن خدمات بتساعد الناس اللي حاسين باكتئاب والمقبلين على الانتحار... وبعد ما خلّص عليها، راح هو كمان أوضته ومعاه الموس، وإنت عارف الباقي!
مساءو
في اليوم التاني من قضية الاحتكار المرفوعة من لجنة التجارة الفيدرالية ضد ميتا بتتهمها فيها انها على مدار سنين طويلة بتحتكر سوق السوشيال ميديا..
اتكشفت شوية إيميلات داخلية مارك زوكربيرج باعتها للمديرين تكشفلك أد ايه شركات التقنية دي ف الجلاش:
1- واحد من الإيميلات بيتكلم فيه زوكربيرج عن قعدته مع إيفان شبيجل – مدير ومؤسس سناب شات – في 2013 عشان يستحوذ عليه، بعد ما رفع العرض من 50 مليون في 2012 إلى 3 مليار دولار في أول 2013 ، ووصل 6 مليار دولار بعدها بشهور في نفس السنة!
اللطيف ان مارك في الايميل كان بيقول للمديرين "لازم نستعد لأي دعاية سلبية تواجه الشركة عندنا، لو شبيجل قرر يسرب اننا عرضنا الاستحواذ عليهم"..!
زوركبيرج قال في المحكمة ان العرض كان جاي من زاوية انه شايف ان سناب شات فعلا منافس قوي وان ميتا – ساعتها كان اسمها فيسبوك – لو أنجزت صفقة الاستحواذ كانت هتسرع نمو سناب شات وتزود عدد مستخدميه يبقوا مليارات دلوقتي!
2- في واحد من الايميلات اللي اتكشفت في الجلسة، كان إحصائيات جاية في ايميل من الايميلات المتبادلة بين زوكربيرج ومديرين ميتا عن نسبة الاستخدام الأسبوعي للتطبيقات على آيفون، فكان iMessage بالع أكتر من 88% من معدل الوقت على الآيفون، وانستجرام يادوب 48% وماسنجر 37.5% في حين واتساب 36.7%..
طبعا النسب دي كانت مصلحة عشان ميتا تثبت بيها ان فيه منافسة في التواصل الاجتماعي على آيفون وان iMessage بالعة الدنيا أصلا هناك..
3- إيميل تاني بقى يبينلك بجد اد ايه مارك مجنون!!
في 2022، التفاعل على فيسبوك مكنش أحسن حاجة خالص وفي تراجع مستمر، فزوكربيرج في واحد من الايميلات اقترح انه يتم مسح كل قوايم الأصدقاء من حسابات المستخدمين، ويخليهم كلهم يبدأوا من جديد!!!
والهدف من الفكرة الجهنمية دي انه يخلي في تفاعل أكتر على المنصة وارتباط أكبر بيها..
بس الحمدلله توم أليسون – مدير المنتجات بفيسبوك – اعترض على المقترح وكان شايف انه فكرة استخدام الطريقة دي هيهدد أصلا فيسبوك أكتر ما يفيده خصوصا ان انستجرام نفسه قايم على فكرة ليستة الأصدقاء على فيسبوك!
قام زوكربيرج رادد عليه وقايله: "تعرف أصلا هنحتاج اد ايه شغل عشان نحول طريقة التواصل بين البروفايلات من الFriend Request طلبات الصداقة إلى المتابعات Follow؟"
مارك في الجلسة قال انه فيسبوك مشتغلتش بالفكرة بتاعته دي أبدا..
بالمناسبة مارك قال انه فيسبوك مبقاش أصلا بيركز على فكرة التواصل بين الصحاب (رغم انه بيحاول دلوقتي يرجعلها تاني من خلال نموذج قال عليه مارك أول السنة اسمه OG Facebook أو يعني الأوريجينال فيسبوك أو فيسبوك الأصلي) وبقى التركيز كله في النيوزفيد على المحتوى الترفيهي والمنشورات المقترحة!
4- الإيميل الجاي ده بقى أثبتلي فعلا ان مارك عنده رؤية وبُعد نظر..!
مارك في 2018 بعت لمديرين في ميتا انه بدأ يفكر في انه لازم انستجرام يستقل بنفسه كشركة قايمة بذاتها بعيد عن فيسبوك لأسباب كتيرة، منها ان مارك كان شايف انه خلال مدة 5 لـ 10 سنين الشركة كلها هتتفتت لشركات صغيرة (وده اللي بيحصل دلوقتي) بسبب دعوات الاحتكار وانها تضخمت بشكل زايد، وكمان ان نمو انستجرام السريع بدأ يضر فيسبوك، وده خلى مارك يوجه بإنه يوقفوا فكرة عرض إعلانات انستجرام في فيسبوك وكمان يوقفوا ميزة إظهار كلمة "Instagram" تحت اسم اليوزر على فيسبوك لما تعمل crossposting أو نشر عبر المنصات اللي هو انت بتنشر على انستجرام وينزل أوتوماتيك على فيسبوك عشان يحافظ على الترافيك على فيسبوك شغال.. كمان مارك في الايميل قال انه مش لازم خالص يحصل الدمج بين تطبيقات فيسبوك وانستجرام وواتساب وماسنجر (اللي كان بيحلم بيه في 2018 فعلا) والاتجاه أكتر يبقى ناحية ان كل منصة تخدّم على نفسها وتكبر بنفسها أفضل!
🗣️ رأيي الشخصي المتواضع ان ميتا ومارك فعلا عندهم حق يقولوا انهم مش وضع احتكار وFTC غلطانة انها مستثنية يوتيوب وiMessage وتيك توك من دايرة السوشيال ميديا وشايفاهم أبلكيشنز بعيدة عن نطاق المنافسة قدام منتجات ميتا..
القضية دي في الغالب هتتسيس ومارك هيحاسب ع المشاريب وميتا هتبقى كبش فدا وع الأقل انستجرام هيتفصل عن ميتا، إنما واتساب أعتقد فرصته ضعيفة شوية.. فهنشوف!
صباحو
الخامس بقى إيفان شبيجل مؤسس سناب
لان ده كان هيبقى الخامس بجد لو وافق على عرض مارك في ديسمبر 2012 لما عرض 60 مليون دولار عشلن يشتري شناب شات أو لما اترفع الاوفر في 2013 الى 3 مليار دولار!
كمان سناب شات من اوائل اللس اتلسعوا من كربونة فيسبوك انه ينقل بالمللي مزايا المنافسين طبعا اول ما اخد فكرة الستوريز ورماها ف كل مكان!
🔴 بالمناسبة اللي على تي شيرت مارك ده كلمة "أنا آسف" باللاتيني🤣 "لو متابع هتفهم فكرتها وليه باللاتيني 😉"
صباحو
🔴 شركة OpenAI نزلت إصدار جديد من نماذج الذكاء الصناعي تحت اسم GPT-4.1، واللي بيعتبر بالنسبالهم أقوى نموذج طلعوه في تاريخهم لحد دلوقتي!
النموذج ده نزل منه 3 نسخ: واحدة أساسية، واحدة مصغرة، ونسخة Nano خفيفة وسريعة جدًا، وكلهم متاحين دلوقتي فقط للمطورين من خلال الـ API.
🔴 النموذج ده طالع يفترس كل الإصدارات اللي قبله حرفيًا 😎
سواء في البرمجة، أو فهم التعليمات، أو حتى تحليل الصور والفيديوهات… كله اتعدل وبقى أسرع وأدق!
💡 يعني مثلًا: لو طلبت منه يعدل كود برمجي جوه مشروع على GitHub، هيحلل المشكلة ويظبط الكود من غير ما يرجّعلك الملف كله من أول وجديد زي ما كان بيحصل قبل كده. لا، هيعدّل بس السطور المطلوبة ويوفرلك وقت ومجهود!
🔴 كمان في الاختبارات الخاصة بالبرمجة زي SWE-bench Verified، النموذج جاب دقة 54.6% مقابل 33.2% بس للإصدار القديم GPT-4o… فرق شاسع!
💡 ولو إديته تعليمات معقدة زي "اعمللي جدول وجبات نباتي فيه بروتين عالي ومينفعش فيه فول صويا"، النموذج هيمشي حرفيًا ورا الكلام ويطلع جدول محترم، مش زي زمان لما كان بيطنّش شرط ولا اتنين 😅
🔴 مش بس كده، النموذج الجديد يقدر يقرأ ويحلل نصوص بطول يوصل لمليون رمز!
يعني ممكن تحطله كتاب قانوني كامل أو عقود شركة وهو يطلعلك البنود المتضاربة أو اللي محتاجة مراجعة… كله بضغطة واحدة 💻
💡 في التعليم؟ تقدر ترفعله صورة فيها مسألة أو رسمة معقدة، وهيشرحها بالتفصيل ويحولهالك لنصوص مفهومة وقابلة للبحث.
🔴 طب بالنسبة للفيديوهات؟ GPT-4.1 جاب دقة 72% في اختبار Video-MME… يعني يقدر يتفرج على فيديو طويل ويستوعب محتواه من غير حتى ترجمات!
🔴 كمان تقدر تستخدم كل ده من خلال Batch API وتاخد خصم إضافي 50%… حلاوة كده على بعض 👌
🔴 وابتداءً من 14 يوليو 2025، OpenAI هتبدأ توقف الدعم لنموذج GPT-4.5 Preview وتطلب من الناس يجهزوا للانتقال الرسمي لـ GPT-4.1.
في خطوة كده ممكن تعتبرها بتحول الذكاء الاصطناعي لكمين ع الدائري..
شركة OpenAI قررت إن بعض النماذج الذكية اللي هتنزلها في المستقبل هتحتاج من المؤسسات والمطورين إنهم يبعتوا بطاقات الهوية الحكومية بتاعتهم، اللي هي لا مؤاخذة بطاقة الرقم القومي بتاعتنا 😁
ساعتها الشركة تاخدها تكشف عليها، ولو لقت إنك من القلة القليلة اللي هي قالت عليهم بيستغلوا نماذجها الذكية في أفعال وممارسات مخالفة لسياساتها، هتتحرم من النماذج دي!
أما لو كنت من الماضي عليهم والدنيا معاك تمام وماشي في السليم، فهتاخد أكسس زي الفل..
الشركة قالت إن عملية توثيق الهوية دي متاحة في تقريبًا حوالي 200 دولة حول العالم اللي متوفر فيهم شات جي بي تي، قالت برضه إن بعض الدول ممكن ما يبقاش ده متوفر فيها، والحل الوحيد إنك تعرف توثيق الهوية ده متوفر عندك ولا لأ إنك تدخل على اللينك اللي في أول كومنت..
طبعًا ده كلام موجه للشركات والمطورين بس، إنما إنت يا يوزر يا عادي كمل سكرولنج عادي! 🤷🏻♂️
مساءو
"احنا بنخطط ان قريب
لما حد يكتب أمر prompt معين
هيبقى بيتعدى على حقوق ملكية فنان
ساعتها الفنان هياخد تعويض مالي فوري أوتوماتيكي"🤯
🗣️ سام ألتمان - مؤسس ومدير OpenAI
مساءو
قالهم بالنص: "ليه نجيب موظفين جداد، طالما ممكن يعملها الAI؟!"🤯
Читать полностью…
لو موبايلك:
جلاكسي S20
جلاكسي S20 بلس
جلاكسي S20 الترا
جلاكسي A32
جلاكسي A52 5G
جلاكسي A72
اعمل باي باي التحديثات البرمجية،
عشان سامسونج مش هتبعتهالك تاني! 🤷🏻♂️
انهاردة الساعة 12 بليل
هيبدأ تطبيق قانون الرسوم الجمركية
على الموبايلات، وأي موبايل متهرب أو
متدفعش الضرايب المستحقة عليه
لو كان دخل مصر بعد تاريخ تفعيل القانون
اللي هو 1 يناير 2025
هيتوقف بالكامل خدمات شبكات الموبايل عليه
فلا هيقدر يعمل أو يستقبل مكالمات
ولا هيقدر يبعت أو يستقبل رسائل SMS
ولا هيقدر يتصل بالإنترنت عن طريق الموبايل إنترنت
الحاجة الوحيد اللي هتبقى شغالة عليه
هي الواي فاي ودي الطريقة الوحيدة اللي
يقدر يوصل بيها إنترنت!
🤔 طيب نيجي للأسئلة المهمة:
⁉️أعمل إيه لو موبايلي قطع شبكة؟ اتوقف عليه خدمات الموبايل بعد انهاردة 12 بليل 7 أبريل 2025؟
1. روح اعمل حساب على منصة مصر الرقمية
2. عادي جدا داونلود أبلكيشن تليفوني Telephony وسجل دخول بحسابك بتاع منصة مصر الرقمية
3. دخل ارقام الIMEI بتاعت الموبايل
(تقدر توصلها بانك تطلب كود *#06# النجمة الأول)
4. هتشوف قيمة الرسوم اللي على موبايلك وتدفعها بالفيزا على طول
5. هيتم استعادة وتفعيل خدمات الموبايل خلال 24 ساعة من الدفع
🔴 ده طبعا لو كان موبايلك متهرب أو شاريه من تاجر نص كُم أو انت اشتريته من برا ودخلت بيه مصر بعد 1 يناير وفي كل الحالات دي متدفعش الرسوم الجمركية اللي عليه
⁉️ طيب أنا موبايلي قديم ومعايا من سنين ومفروض معليهوش أي رسوم جمركية أصلا.. بس خدمات الموبايل برضو قطعت ووقفت عليه.. اعمل ايه؟ 🤨
1. المفروض أنت أصلا سامع عن حوار تطبيق تليفوني وكل القصة بتاعت الرسوم الجمركية على الموبايلات من اول السنة دي وتحون حربت وأمنت نفسك ولو لقيت على موبايلك حاجة تمون قدمت شكوى أصلا.. بس تمام عادي مش عيب تعالى 👇🏻
2. عادي جدا هتكلم 15380، دي خدمة عملا ابلكيشن تليفوني وتقدم شكوى
3. هتستنى 5 أيام عمل عشان يتم فحص الشكوى وحلها ان شاء الله، ومش هتدفع حاجة لا تقلق
الليل جه؟
عشاق الوضع الليلي Dark Mode هيحبوا البوست ده..
من حوالي سنة ونص باين،
كنت بدور ازاي اقلل سطوع الشاشة Brightness أقل من أقل مستوى للابتوب، فلقيت هذا الكنز!
أبلكيشن اسمه Dimmer
بيخليك تقدر تعمل كدا وانت سايب ايدك خالص 😁
ولو موصل أكتر من شاشة سوا،
تقدر تتحكم في إضاءتهم كلهم عادي 😎☝🏻
إنجوي وإدعيلي ❤️
داونلود
https://bit.ly/4j80rUM
مساءو
في ملفه الشخصي، مكتوب إنه كان مهندس برمجيات في الجيش الإسرائيلي، وده غالبًا معناه إنه كان في الوحدة 8200 أو الوحدة 81. في LinkedIn، بيعمل إعجابات لمنشورات بتحتفل بالدمار في غزة، وبيقول تصريحات متطرفة جدًا عن الفلسطينيين.
"جيلا كامي"، مسؤولة الذكاء الصناعي في Intel، اختيرت كأول اسم في قائمة "أفضل 10 مسؤولي ذكاء صناعي" من مجلة AI في 2023. على الرغم إنها مش كاتبة الوحدة 8200 في ملفها، لكنها معروفة بتوجهاتها الصهيونية المتطرفة، وبتعمل إعجابات لمنشورات بتشيد بالجيش الإسرائيلي.
"أورا ليفيت"، اللي بتقود النمو الأساسي لخدمات LinkedIn المدفوعة، كانت برضه في الوحدة 8200. هي مش في دور متعلق بالذكاء الصناعي، بس وجودها بيوضح إن معظم منصات التكنولوجيا الكبيرة ليها تأثير من الوحدة 8200.
"مايير كلاين"، اللي خدم في الوحدة 8200 لمدة 20 سنة وكان أحد أبرز الشخصيات فيها. هو خبير في الذكاء الصناعي والبيانات الضخمة، وشغال في شركة ناشئة اسمها JFrog في كاليفورنيا. في ملفه الشخصي، بيشرح إنه بنى بنية تحتية ضخمة لمعالجة البيانات في الوحدة، واشتغل في مشاريع مشتركة مع شركات تكنولوجيا مدنية.
نظرة عامة
التحقيق ده بيبين إن الجواسيس الإسرائيليين السابقين اللي ساعدوا في بناء أنظمة الإبادة والاحتلال، دلوقتي بقوا جزء أساسي في أكبر شركات التكنولوجيا في العالم. بعد ما بنوا أنظمة بتنظم القتل الجماعي، دلوقتي بيبنوا البنية التحتية للذكاء الصناعي اللي هتشكل مستقبلنا.
وجود العدد الكبير ده من الناس في الأدوار المهمة دي لازم يخلينا نسأل أسئلة أخلاقية جدية. لأن إحنا قدام أنظمة ذكاء صناعي ممكن تعيد هيكلة العالم كله، واللي بيبنوها هم نفس الأشخاص اللي بنوا أنظمة للقتل والتدمير!
🔴 التقرير من موقع DontPanic
مساءو
بمناسبة اللي داير من امبارح
على حوار ان مايكروسوفت بتساعد الكيان وكدا..
كان فيه تقرير مخدش حقه ف يناير اللي فات
وكان جايب سيرة ان تقريبا وحدة 8200 المعروفة
في جيش الكيان تقريبا ناشرة رجالتها وحريمها في
كل شبر من الشركات التقنية العملاقة
جوجل مايكروسوفت ميتا أمازون أبل إنفيديا..
لا كلهم بجد! 🫣
عشرات من الأعضاء السابقين في الوحدة 8200، وهي وحدة سرية خاصة بالحرب الإلكترونية في إسرائيل، واللي اتُهمت ببناء أنظمة ذكاء صناعي ساهمت في تنفيذ إبادة جماعية في غزة، بيشتغلوا دلوقتي على أنظمة ذكاء صناعي في أكبر شركات التكنولوجيا والذكاء الصناعي في العالم.
الأعضاء السابقين للوحدة 8200، اللي متخصصين في الذكاء الصناعي، وتعلم الآلة، والبيانات الضخمة، دلوقتي شغالين في فرق الذكاء الصناعي في شركات زي: "ميتا"، "جوجل"، "آبل"، "أمازون"، "مايكروسوفت"، "أوبن إيه آي"، و"Nvidia" اللي بتعتبر أكبر شركة متخصصة في الذكاء الصناعي في العالم.
الموضوع مش محدود بمكان معين، فيه أفراد من الوحدة دي شغالين في أماكن مختلفة حول العالم: سان فرانسيسكو، نيويورك، أسبانيا، سويسرا، لندن، والقدس.
كمان، لقيت إن قادة بارزين في مجال الذكاء الصناعي، سواء شغالين في شركات ناشئة أو معترَف بيهم في الإعلام كجيل جديد في المجال، هم كمان كانوا في الوحدة 8200.
والأكتر من كده، كتير من الناس دول اللي عرفتهم أعلنوا دعمهم لإبادة غزة. في المقابل، دورت على مئات البروفايلات دي وملاقيتش حد واحد منهم أعرب عن رفضه للي حصل، أو حتى أظهر تعاطفه مع الفلسطينيين اللي في غزة.
التحقيق ده اعتمد على البحث في بروفايلات LinkedIn، باستخدام حساب خلاني أشوف كل تفاصيل البروفايلات دي عشان كان فيه درجة قرابة لكتير من الشخصيات الأساسية.
الأسماء اللي ذكرتها هنا مجرد قمة جبل التلج. فيه مئات من أعضاء الوحدة 8200 السابقين شغالين في شركات التكنولوجيا العالمية، بس ركزت على اللي متخصصين في الذكاء الصناعي وتعلم الآلة لأن إسرائيل استخدمت الذكاء الصناعي لتوليد قوائم القتل اللي استهدفت عشرات الآلاف من الفلسطينيين.
مجموعات حقوقية قالت كمان إن الذكاء الصناعي وتعلم الآلة جزء رئيسي من بنية الاحتلال والفصل العنصري اللي كانت موجودة قبل إبادة غزة، زي استخدام تكنولوجيا التعرف على الوجوه، أسلحة موجهة بالذكاء الصناعي عند الحواجز، وتطبيقات تجسس زي "الذئب الأزرق" و"الذئب الأحمر". الوحدة 8200 كمان جمعت معلومات مالية وجنسية وغيرها عن الفلسطينيين، وده اللي خلا شوية أعضاء سابقين يتكلموا عنها باعتبارها ممارسات غير أخلاقية من أكتر من عشر سنين.
جوجل
نبدأ بجوجل، في "ماونتن فيو" كاليفورنيا، "إيلاي سولودوكو"، جاسوس إسرائيلي سابق، شغال في قيادة تطوير الذكاء الصناعي التوليدي ضمن فريق Google Labs. مش بس كان في الوحدة 8200، ده كمان اشتغل في شركة "Palantir" بتاعت بيتر ثيل، وقبلها كان بيشتغل مع بنيامين نتنياهو مباشرة. في ملفه الشخصي، سولودوكو بيقول إن شغله في "Palantir" كان بيركز على "مساعدة الحكومات الغربية وشركات Fortune 500 في إنجاز أهم أعمالهم".
كمان رئيس أبحاث جوجل على مستوى العالم، اللي متخصص في تعلم الآلة والخوارزميات والذكاء الصناعي، هو "يوسي ماتيس"، طيار سابق في القوات الجوية الإسرائيلية. ابنه "مايكل ماتيس"، اللي قضى 5 سنين في الوحدة 8200، أسس فرق لتطوير تعلم الآلة والتعلم العميق، وهو دلوقتي المدير التنفيذي لشركة ناشئة في الأمن السيبراني والذكاء الصناعي اسمها "Clarity" ومقرها كاليفورنيا.
"عومر ليفي"، باحث في Google DeepMind في كاليفورنيا، قضى 4 سنين في الوحدة 8200 في بدايات الألفينات، واشتغل قبل كده في مايكروسوفت وميتا. "إيدان شينفيلد"، اللي اشتغل حوالي 4 سنين ونص في الوحدة، شغال دلوقتي في DeepMind ببوستن، وكان قبلها متخصص في تعلم الآلة في جنرال موتورز وسامسونج.
في سياتل، "ليئور بيلينكي"، مهندس أبحاث في DeepMind، كان في الوحدة 8200 لمدة 6 سنين لحد 2013. وفي القدس، "يؤيل زيلدس"، مهندس أبحاث في نفس المجال، قضى أكتر من 6 سنين في الوحدة.
أما "درور أيالون"، مدير منتجات مجموعة في نيويورك، فبيقول إنه شغلته في جوجل هي تحويل أبحاث الذكاء الصناعي لمنتجات عملية، وكان خدم في الوحدة 8200 لمدة 3 سنين. كمان، "أساف نمر"، اللي بيقود أمان الذكاء الصناعي في Google Cloud، اشتغل في الوحدة في التسعينات.
في سويسرا، "كارين فيلينكو"، مهندسة برمجيات في DeepMind، كانت في الوحدة 8200 من 2012 لحد 2014. وفي إسرائيل، "ديفيد كادوش"، قائد منتج الذكاء الصناعي في جوجل، اللي بيقول إنه "بيحل المشاكل لمصلحة الإنسانية"، خدم في الوحدة 8200 في التسعينات.
Microsoft has also been providing software, cloud services, and consulting services to the Israeli military and government, totaling millions in profit. War Criminal Benjamin Netanyahu has explicitly mentioned his strong ties to Microsoft. A list of these contracts with the Israeli military and government can be found here: An Introduction to Microsoft’s Complicity in Apartheid and Genocide
In fact, Microsoft is so deeply connected to the Israeli military that it was just yesterday designated one of the priority boycott targets of the BDS (Boycott, Divest, Sanctions) campaign.
Regardless of your political stances, is this the legacy we want to leave behind? Is working on deadly AI weapons something you can tell your children about? Do we want to be on the wrong side of history?
Even though your work could be unrelated to the cloud that the military uses, your work benefits the company and allows it to take on the contract. Regardless of your team, you serve a company that is arming the Israeli occupation. It is undeniable that part of your compensation, no matter how small, is being paid by genocide.
Whether you work on AI or not, you will be complicit if you do nothing. It is now OUR job to take a vocal stand against Microsoft AI’s involvement in crimes against humanity.
This is why I decided to speak up today, and why I signed this important petition to demand Microsoft cut ties with genocide. And I urge you all to do the same.
Call to Action
Silence is complicity. But action always has a reaction, no matter how big or small. As workers for this company, we must make our voices heard, and demand that Microsoft does the right thing: stop selling technology to the Israeli military.
If you are also concerned about this news, and you also want your work to be used ethically, I urge you to take action:
Sign the No Azure for Apartheid petition: We will not write code that kills. And join the campaign to add your voice to the growing number of concerned Microsoft employees.
Join me in showing our discontent in this thread. If you also feel tricked into deploying weapons which target children and civilians, urge leadership (CC’ed) to drop these contracts.
Don’t stop speaking up. Urge SLT to drop these contracts at every opportunity.
Start conversations with your co-workers about the points above - so many employees may not know!
Microsoft’s human rights statement prohibits retaliation against anyone who raises a human rights-related concern: Human rights statement | Microsoft CSR
Our company has precedents in supporting human rights, including divestment from apartheid South Africa and dropping contracts with AnyVision (Israeli facial recognition startup), after Microsoft employee and community protests. My hope is that our collective voices will motivate our AI leaders to do the same, and correct Microsoft’s actions regarding these human rights violations, to avoid a stained legacy. Microsoft Cloud and AI should stop being the bombs and bullets of the 21st century.
Sincerely,
A concerned Microsoft employee