15631
هنا كل جديد من أخبار التكنولوجيا في كل المجالات 📱💻🖨️📞🖱️💾📷🤖
دلوقت تقدر تعمل الصور على كيفك ببلاش مع ChatGPT
بحد أقصى 3 صور يوميًا!
جيبلي جيلبي كمان جيبلي جيلبي 🤦🤣
من بكرة 1 أبريل،
كل خدمات جوجل AdSense for YouTube, Adsense, AdMob, Ad Manager
هتبدأ تدفع للناس في مصر بالجنيه المصري بدل الدولار!
🔴 لو حسابك فيه ٢٥ دولار او اكتر هتاخدهم دولار.. لو اقل من ٢٥ دولار هتاخدهم جنيه..
ارباح أبريل "تنزل اول مايو" كدا كدا بالجنيه ع البنك
يعني لازم تعمل حساب بنكي بالجنيه عشان تقدر تسحب ارباحك..
مساءو
دوس وأنت تعرف! 👀 🌙
https://www.instagram.com/p/DHy7cbpsgml/?igsh=MTNzY3UxZ2djcHhsYQ==
عارف ليه ما عرفش يكتب كلمة "ميدان التحرير" صح من أول مرة؟
لأن شات جي بي تي متدرب كويس قوي في الميزة الجديدة بتاعة تصميم الصور على إنه يعمل النصوص بأي لغات لاتينية زي الإنجليزي، الفرنساوي، وغيره من اللغات اللي بتتكتب من الشمال لليمين. أما لو لغة شرقية زي العربي وبتتكتب من اليمين للشمال، فهو ما بيقدرش. الميزة الجديدة متدربة على إنها تقدر تصمّم الصور في الاتجاهين: من فوق لتحت، ومن الشمال لليمين. وكمان OpenAI نفسها قالت واعترفت إن الميزة الجديدة لسه مش شاطرة قوي في فهم وتصميم الصور اللي فيها تكست بلغات غير لاتينية.
وأيوة، هو المجمع أنت صح😅
في الوقت اللي ترمب ونجوم الأمن القومي في إدارته كانوا ضايفين "بالغلط" رئيس تحرير موقع The Atlantic لجروب شات على سيجنال، بيتكلموا فيه على خططهم لضربات اليمن قبل ساعتين من بدء الهجمات الحقيقية، واتقال في الجروب كل حاجة بالتفصيل الممل من اسلحة لساعة الصفر لشكل الهجمات وحتى الأهداف اللي هتضرب..
اتضح ان من شهر، في فبراير اللي فات،
وكالة NSA الأمن القومي الأمريكية كانت مطلعة نشرة رسمية داخلية
بتحذر فيها من وجود ثغرة في ميزة ربط الأجهزة Linked Devices على سيجنال
الوكالة رصدت مجموعة هاكرز روسية بتستغل الميزة دي
وبتبدأ تزرع أكواد QR مزيفة في صفحات ويب وبتنشر لينكات الصفحات دي
أونلاين وفي جروبات الشات على سيجنال بشكل ما..
بحيث لما يدوس الزبون على اللينك، ويظهرلك QR عشان يعمله مسح Scan
فبدل ما يربط اللابتوب بتاعه بأكونته على موبايل.. لا بيربط كمان جهاز الهاكر
واللي بيبقى شايف مسجاته لحظة بلحظة كإنه باصص في شاشة الزبون!
الحلو ايه بقى!
ان التحذير ده نازل من شهر.. تمام؟
فيحصل اللي يحصل من نجوم إدارة ترمب،
هووووب، يقوم البنتاجون منزل بيان خلي بالكو ده فيه ثغرة :D
معرفتكش انا كدا صح؟ 😅
اللذيذ؟ 🤔
ان مايك والتز - مستشار الأمن القومي بتاع ترمب - بنفسه كان في الجروب الكارثة بتاع سيجنال.. وهو اللي ضايف الصحفي بنفسه بالغلط! 🤣
الـ FBI تقولك إياك تروح زي الباشا تحول أي ملف
من وورد إلى PDF أو MP4 إلى MP3
على مواقع مجهولة لأنهم اكتشفوا
مواقع بتحول فعلا الملف الي ترفعهولها
بعدها هووووب ترفعك أنت شخصيا
بإنها تذلك فيروس مستخبي مع الملفات اللي حولتهالك
ماهو مفيش حاجة ببلاش برضو ياحاج!
شرطة نيويورك واحدة من أكتر الأجهزة الشرطية في العالم اللي مؤخرا بقت بتستخدم تكنولوجيا جديدة.. وأهمها الدرونز!
الموضوع بدأ في 2021 باختبارات أولية خفيفة
الدرونز بقت تطير كدوريات أمنية جوية عشان تحفظ الأمن ف الخفيف منه
بعد كدا الدنيا عليت شوية
وبقت تعمل دوريات أمنية برضو بس عشان تتابع أي بلاغات طوارئ
بعدها الموضوع زاد في 2023
واتطورت عشان تبقى قادرة تستخدم الAI وأنظمة التعرف على الوجوه
ودي للأسف تم استخدامها في التعرف على 239 بني آدم والقبض عليهم
لما شاركو في أكتوبر 2023 في الاحتجاجات على اللي كان بيحصل في غزة
كل دول في أسبوع واحد!!
مساءو
دايما هواوي بتبص للموضوع من زاوية مختلفة
كل الشركات بتلعب ف حتت ثابتة شوية
بس هواوي دايما عندها من المرونة اللي يخليك تنبسط وتصقف، وتفكر انك تشتري فعلا!
موبايل جديد من هواوي نزل من ساعتين اسمه Pura X
موبايل قابل للطي عادي..
الجديد هنا هي أبعاد الموبايل انه مش 16:9 زي المعتاد
لأ، بقى 16:10
ده اداله مساحة أكبر على الشاشة الداخلية في العرض
وكمان خلى مسكة الموبايل مريحة اكتر، تقدر تستخدم الموبايل أفقي ورأسي
ده غير انه فيه AI طبعا
سواء بنماذج Pangu بتاعت هواوي نفسها
أو كمان DeepSeek 🔥
الاتنين بيستخدمهم الموبايل في ان المستخدم يتحكم في الموبايل بصوته
أو كمان وأنت بتقرا أو بتتصفح تقدر تتحكم وتقلب صفحات الكتاب أو تعمل Scroll بحركة عينيك!
صباحو
طبعًا ما أعتقدش إنك سمعت عن إنفيديا النهارده عاملة مؤتمرها السنوي للمطورين GTC 2025 لأن على غير العادة ما فيش حاجة كانت ترند قوي، بس ده ما يمنعش إن المؤتمر كان مهم جدًا!
النهارده إنفيديا حطت حجر الأساس لعصر الروبوتات والوكلاء الرقميين AI Agents اللي إحنا بالفعل بدأنا نعيشه خلال الشهور اللي فاتت..
مبدئيًا كده، إنفيديا النهارده عرَّفت العالم إن كلمة "روبوتات" مش بس بتعبر عن الجسم الحديدي اللي عنده إيدين ورجلين، إنما كمان ده بيشمل العربيات الذكية، الدرونز ذاتية التحكم، الروبوتات اللي في المصانع، وحاجات تانية كتير جدًا.
في السكة دي، إنفيديا نزلت مجموعة أدوات ومنصات ونماذج ذكية بتساعد المطورين وشركات تصنيع الروبوتات إنها تخلي روبوتاتها تقدر تفهم العالم بشكل أفضل وتتفاعل معاه بشكل أذكى وأكثر طبيعية وأمان!
عندك مثلًا مجموعة كبيرة من نماذج كوزموس Cosmos، أولها الجيل الجديد من النماذج التأسيسية Cosmos WFM، أو يعني World Foundation Models، بمعنى أبسط نماذج ذكية لإدراك العالم الحقيقي، واللي بتخلي الروبوتات تتعامل بشكل أفضل مع كل السيناريوهات في أي مكان تبقى موجودة فيه.
كمان عندك Cosmos Transfer، وده نموذج ذكي مهمته إنه بتدخله الداتا اللي بتلقطها سينسورز الروبوتات والسيارات الذكية وأي خرائط أو وصف لطرق وأي داتا جغرافية، فيقدر من كل ده ينتج محتوى فيديو اصطناعي بالمواصفات المطلوبة يتم استخدامها لتدريب الروبوتات ونماذجها الذكية!
برضو عندك Cosmos Predict وده نموذج فكرته قائمة على إنه بيقدر ينتج عالم رقمي كامل من خلال وصف نصي أو شوية صور وفيديوهات، أو حتى صورة لأول طريق معين وصورة لآخره، وهو يقدر يعمل الطريق كله من خياله بنفس البداية والنهاية!!
الأخير هو Cosmos Reason وده ممكن تعتبره نموذج بيخلي الروبوت يقدر إلى حد ما يفكر إزاي يتعامل مع مشكلة معينة أو موقف مفاجئ، بنفس فكرة سلسلة الأفكار Chain of Thought، "اللي بتخليك تقدر تشوف حاجة زي ديب سيك أو شات جي بي تي بيفكر في إيه وازاي قبل ما يرد عليك"، زي إن عربية ذاتية القيادة تتفادى شخص يظهر لها فجأة بيعدي الشارع، أو روبوت يقدر يتعامل مع صندوق أو كوباية بتقع، فيلحقها أو يتفاداها أو يحمي شخص من إنها تقع عليه!!
إنفيديا برضو كشفت عن قاعدة بيانات جامدة اسمها NVIDIA Physical AI Dataset، ودي إنفيديا بتتوقع إنها تبقى أكبر قاعدة بيانات متاحة لتدريب الروبوتات والسيارات الذكية على داتا حقيقية فعلًا لمواقف وأماكن متصورة بكاميرات في أرض الواقع، سواء كانت كاميرات في الروبوتات أو في العربيات الذكية أو حتى كاميرات متحركة بشكل عام في الحياة أو فيديوهات مصطنعة بالذكاء الاصطناعي بشكل محترف ومتقن عشان تقدر الروبوتات والسيارات الذكية وأي حاجة مستقبلًا تقدر تتحرك لوحدها تفهم العالم وكل جوانبه وبيئاته المختلفة وأبعاده عشان تقدر تتحرك وتتفاعل معاه بشكل آمن. ده هيوفر فلوس كتير جدًا على الشركات والجامعات والباحثين اللي بيحاولوا إنهم يطوروا النوع ده من الأجهزة، سواء الروبوتات أو السيارات الذكية أو أي حاجة تانية، لأن إنفيديا هتسمح للجميع يستخدموا قاعدة البيانات دي ببلاش لأنها مفتوحة المصدر!
إنفيديا كمان نزلت أول نموذج ذكاء اصطناعي موجه بشكل خاص للروبوتات، وممكن تعتبره أول مخ حقيقي للروبوتات!
النموذج هو GR00T N1 وده مكون من نظامين System 1 وSystem 2..
ودول شغالين زي دماغ البني آدم بالضبط، سيستم 1 ده يا سيدي هو المسؤول عن التنفيذ والحركة السريعة، أما سيستم 2 فده بقى بتاع التفكير على الهادي والمخمخة والتخطيط..
عشان كده السيستم الثاني، واللي هو عبارة عن نموذج رؤية لغوي Vision Language Model، هو اللي بيبدأ يحلل الموقف والعناصر اللي قدامه ويفكر إزاي ممكن يتعامل معاها، وساعتها بيدي الأوامر للسيستم الأول واللي بيكون مهمته التنفيذ على طول.
أحب أقول لك إن أعتى الأسماء في سوق الروبوتات بتتعاون مع إنفيديا عشان تستخدم كل أدواتها اللي فاتت دي زي 1X وSkild AI وبوسطن ديناميكس وAgility Robotics وNeuro Robotics وغيرهم..
طيب نطلع بقى من الروبوتات ونروح على الذكاء الاصطناعي في عالم العربيات..
إنفيديا اتعاونت مع جنرال موتورز عشان تطور نماذج ذكاء اصطناعي، موظفين جنرال موتورز نفسهم يشتغلوا بيها جوه الشركة وكمان نماذج ذكية تضبط بها إنتاج عربياتها في المصانع وتخلي العملية أذكى وأكثر كفاءة، ده غير نماذج ذكية مخصوص تشتغل جوه عربياتها!
ضيف على كده إنفيديا كمان نزلت حاجة اسمها Nvidia Halos، وده تقدر تعتبره منصة متكاملة لتحقيق الأمان جوه المركبات الذكية على الطريق، جواه كمية مكونات رهيبة بتدرب أنظمة القيادة الذكية على السواقة بشكل احترافي بطريقة قائمة على فكرة المدرس والتلميذ اللي جاي يتعلم السواقة، المدرس ذكاء اصطناعي والتلميذ برضه ذكاء اصطناعي، بس هنا المدرس بيتصرف على الطريق بشكل معين وبيسوق بشكل معين وبيتعامل مع المواقف بشكل
شركة Teleperformance العالمية لخدمات الكوول سنتر بدأت تستخدم الـAI عشان تحسن من لهجات موظفي خدمة العملاء الهنود عندها في لحظة ما بيتكلموا مع العملا real time !!
الميزة اسمها accent translation، أو بمعنى تاني هتاخد النطق الهندي للإنجليزي، و ((تترجمه)) إلى نطق إنجليزي واضح أكتر، بس بنفس أسلوب ونبرة صوت موظف الخدمة!
أعتقد ده مستوى جديد تماما في دخول الذكاء الاصطناعي مع المحتوى الصوتي!
صباحو
"أنا هشتري عربية تسلا..
عارف إيلون ماسك هيعملي خصم،
بس لأ، أنا رئيس أمريكا وهدفع سعرها كامل"
ده اللي قاله الرئيس الأميركي دونالد ترامب قدام الملايين من كاميرات الميديا العالمية لما كانوا بيصوروه في البيت الأبيض..
وهو بيركب عربية تسلا، بعد ما ماسك فتحله بابها!
من شهر تقريبا بدأت حالة عالمية من الغضب
ضد تسلا بعربياتها وزباينها وحتى جمهورها
اللي معندهمش تسلا..
حملة واسعة على العلامة التجارية أو زي ما بيتقال عليها Brand Attack على مستوى دولي..
طبعا السبب في كل ده القرب المبالغ فيه وغير المفهوم لإيلون ماسك من دونالد ترامب من وقت ما مسك رئيس، وطبعا لإن ماسك لوّش كتير في في سياسات أمريكا الداخلية أصلا مع الأمريكيين وكمان الخارجية مع القريب والغريب وحتى الحبيب!
كل أشكال التخريب اتعملت مع تسلا
علامات نازية اترسمت بسبراي على معرض تسلا في لاهاي
اتعرضت كلمة "Heil" وصورة ماسك بتحية هتلر ببروجيكتور على مصنع تسلا ف ألمانيا
ده غير كمية التخريب والتشويه والتدمير
اللي قابلتها سيارات تسلا وأصحابهم في أمريكا
الموضوع بدأ يتطور لمظاهرات مرعبة
وتهديدات لموظفين الشركة وكمان تخريب وتدمير متعمد لمعارض ومصانع ومقرات تسلا
الموضوع متشعب لدرجة انه فيه شكوك
ان في قلب تسلا نفسها في ناس شاركت
فمثلا على واحد من متاجر الشركة
ظهرت يافطة مكتوبة "We Hate Him Too"!!
بس الموضوع عدى الحدود يوم 10 مارس
زادت جدا موجة التخريب وحدة المظاهرات
في نيويورك الشرطة قفلت الدنيا
كاردونات أمنية اتعملت حوالين فروع تسلا
حملات اعتقال اتعملت في صفوف الأمريكيين
طبعا ف وسط كل الدوشة دي
حصل انخفاض قياسي في أسهم تسلا
سعر عربيات تسلا المستعملة انخفضت جدا
وحصل تراجع 70% في مبيعات تسلا في أستراليا في 2024 مقارنة بـ 2023، ده غير ان دي أقل مبيعات حصلت من 2022 في سيارات تسلا في السوق الأسترالي!
في عز كل التدمير والانهيار اللي تسلا فيه،
ماسك وقف بكل ثبات قدام الكاميرات وقال:
"دعما لسياسات ترامب وأمريكا الاقتصادية،
تسلا هتضاعف معدل تصنيع عربياتها محليا في أمريكا"..
وهنا ترامب رزعه ضربة على كتفه بلسان حاله "عفارم عليك يا أبو X Æ A-12" (أيوة هو اسم ابنه اللي جمبه كدا)😅
ماسك مبيستسلمش!
ليانج وينفينج - مؤسس DeepSeek -
قعد الشهر اللي فات مع شي جين بينج رئيس الصين
اتطلب ف اجتماعات مع عتاولة زي بايدو وعلي بابا وTencent
موانيء صينية وشركات عربيات وسكوتروكهربا وابلكيشنز كتيرة ومؤسسات حكومية شغالة رسمي بـDeep Seek دلوقتي
ده غير كم مستثمرين بيتسابقوا عشان يدخلوا بفلوس في DeepSeek
بس وينفينج رفض تماما فكرة الاستثمارات وكمان مش حابب حاليا يتشغل بطرح منتجات تجارية تحت ديب سيك للسوق
ولما اتسأل عن السبب قال:
"احنا مش عايزين نتشتت، أهم حاجة دلوقتي اننا نركز في الأبحاث والتطوير، لإن احنا عينينا على الوصول إلى مرحلة الذكاء الاصطناعي المطلق AGI..
في أقرب وقت"..!
🔴 الحكومة الصينية حاسة بقيمة DeepSeek جدا، لدرحة ان تقرير نشره موقع ذا انفورميشن بيأكد ان الشركة حاليا بيتم إدارتها تحت عين الحكومة بشكل مباشر وبعض الموظفين ممنوعين من السفر خوفا من سرقة أسرار علمية وتجارية منهم، الموضوع واصل لحد انه الافراد دول مسحوب منهم باسبوراتهم بشكل كامل!
فعليا العالم ف حالة حرب بسبب الـAI!
صباحو
واحد كان بیستخدم منصة Cursor Al الذكية
عشان تكتب له كود برمجي..
بس المنصة وقفت فجأة، فطلب منها تكمل،
بس رفضت وقالتله " روح اتعلم برمجة أفيد لك" 🤣
طول عمر HP بقت معروفة بإنها
قافلة على مستخدمي برنتراتها بقفل
من برا ولازم عشان تستخدم أي حبّارة
لازم تبقى HP وإلا متطبعش أبدا ميحصلش لا يوومكن
بس الحديد ان الحلوة نزلت أبديت 4 مارس
هوووووب قفل صباعها وخلى آلات الطباعة
متطبعش.. حتى لو الحبّارة HP 🤣
إتش بي جايبة طفّاشة بتحاول تطفش القفل بتاعها! 😅
صباحو
شركة إيلون ماسك xAI بتاعت الذكاء الاصطناعي و جروك
اشترت شبكة إكس الاجتماعية بتاعت ايلون ماسك برضو
بسعر 45 مليار دولار ..
وبكدا ماسك عنده الفخفخينا التمام
و بلسانه قالها:
" كدا بقی عندنا الداتا و النماذج الذكية وقوة معالجة الداتا و الكوادر و الانتشار كمان في مكان واحد"!! 🚀🤖
بعد الصفقة قيمتها بقت مليار دولار
وده بالمناسبة ضعف قيمتها من كام أسبوع لما اتقدرت ب 40 مليار!
🤔 ليه حصلت الصفقة دي؟
لان كدا xAI هتستفيد أكتر بالداتا بتاعت منشورات الناس على إكس في تدريب منصتها جروك منافسة ChatGPT
وكمان إكس هتستفيد جدا بكمسة السيرفرات بتاعت الAI
اللي عند xAI وتطور مزايا أكتر لجروك في قلبها وطبعا
ده هيتترجم لفلوس من خلال ان المزايا دي تنزل جزء كبير منها بفلوس في اشتراكات اكس بريميوم..
وفوق كل ده ماسك هيريح مخه من كتر الشركات
ويرفع قيمة xAI الضعف، فيشجع المستثمرين يحطوا فلوسهم عنده! 💸
بين يوم وليلة OpenAI قلبت الدنيا
لما نزلت ميزة تصميم وإنشاء الصور
في قلب ChatGPT من خلال نموذجها GPT-4o!
العظمة إن الميزة الجديدة:
1- بتديلك إمكانية انك تغير تصميمات الصور بسهولة جدا
يعني ترفع الصورة، وتقوله عايزها بستايل رسم/تصوير/شخبطة/نحت فلان الفلاني أو اسم الأسلوب وشكرا كدا خلاص هتتحولك!
2- الأروع كمان إنك تقدر تصمم صور فيها نصوص مكتوبة بدقة عالية جدا واضحة مقروءة أحسن مليار مرة من قبل كدا وده هيخليها الميزة المفضلة للمصممين وبتوع الانفوجرافيكس وعشاق البيانات الجرافيكية والرسوم البيانية المبتكرة وبتوع الكوميكس!!
3- كما بقى العظمة الحقيقية في ثبات الشخصيات وانت بتعمل تصميم وعايز تطلع أكتر من صورة لنفس الشخصية بنفس ملامحها ولبسها تقاطيع وشها مع تغيير كامل في المشاعر اللي ظاهرة على الوش وتعبيراته وحركات الجسم بالكامل!
أكتر نوعية صور انتشرت جدا هتلاقيها بأسلوب اسمه Ghibli Studio وده أسلوب تصميم عتيق مميز جدا للكرتون الياباني..!
🔥التحديث وصل لكل المشتركين في باقات ChatGPT الPro وPlus وTeams وكان مفروض يوصل كمان معاهم للنسخة المجانية بس للأسف الإقبال الضخم من المشتركين في الباقات المدفوعة هيأخر وصول الميزة للنسخة المجانية!
صباحو
دلوقتي انستاباي هياخد نسبة ع التحويلات
وكمان هياخد فلوس على استعلام الرصيد!
بداية من 1 أبريل:
1. انستاباي هتاخد نسبة ع التحويلات
بحد أدنى 0.1% من كل تحويل
تبدأ من 50 قرش وتوصل أعلى حاجة لحد 20 جنيه
2. المستخدم يقدر يعمل 10 عمليات استعلام عن الرصيد مجانا أو يطلب كشف حساب مختصر واحد كل شهر..
وأي عملية استعلام تانية بعد العشرة استعلامات أو الكشف المختصر هتبقى بـ 50 قرش
مساءو
آه، ده روبوت حقيقي..
اسمه: Neo Gamma من تصنيع النرويجية 1X
مصمم بنظام حركة متطور جدا عشان يديله حرية حركة وانسيابية
خامة تصميمه الخارجية قريبة أوي من التريكو عشان تبقى مرنة وكمان لو حصل تواصل مع البشر يبقى سطح الجسم مريح والضرر يكون قليل لو خبط البني آدم بغير قصد (أو بقصد 😈)
هيتجرب السنة دي في آلاف البيوت في أمريكا!
مارك زوكربيرج في مؤتمر لميتا في أكتوبر كان لابس تي شيرت أسود مكتوب عليه باللاتيني Aut Zuck aut nihil و دي تحريف كدا لعبارة لاتينية Aut Caesar aut nihil معناها " يا القيصر يا مفيش"..
تقوم جاي جرابر المديرة التنفيذية لشبكة بلوسكاي الاجتماعية
لبست التي شيرت ده في مؤتمر SXSW 2025 من أسبوعين
مكتوب عليه: "Mundus sine caesaribus" يعني " عالم بدون قياصرة" 😅
اللطيف بقى،
ان بلوسكاي نزلت التي شيرت ب 40 دولار
وكسبوا منه في يوم واحد أكثر من اللي كسبوه من بيع الدومينز الخاصة للسيرفرات على الشبكة في سنتين 🤣
معين، بعد كده التلميذ بيبدأ يحاول أكثر من مرة افتراضيًا جوه نسخة رقمية من العالم الحقيقي والطرق الحقيقية اللي المدرس الذكي ساق العربية فيها، بحيث التلميذ يبدأ يمشي في نفس الطرق في النسخة الرقمية من العالم الحقيقي، ويبدأ يجرب مرة واتنين وألف لحد ما يبقى بريمو.. ساعتها يبقى النظام اتعلم صح!
لما نيجي بقى على مستوى الوكلاء الأذكياء AI Agents هنلاقي إن إنفيديا نزلت كمية أدوات تحت اسمين هم AI-Q وAgentIQ Toolkit، الأولاني ده تقدر تعتبره كده دليل ضخم بيوضح للشركات إزاي يقدروا يعملوا AI Agents ويستفيدوا منها في شغلهم، بس أكيد طبعًا التطبيق هيبقى باستخدام أدوات إنفيديا 😅🤷🏻♂️
ده غير نماذج إدراك Reasoning Models جديدة نزلتها إنفيديا مفتوحة المصدر عشان الشركات تستخدمها عشان تعمل وكلاء رقميين أو تعتبرهم يعني موظفين أذكياء، ودول بقى اسمهم نماذج Llama Nemotron، وأيوة مبنيين على نماذج ميتا لاما، ولكن مع تاتش إنفيديا اللي بيخليهم 20% دقة أعلى من لاما بتاعت ميتا!
🔴 في رأيي الشخصي المتواضع، كالعادة، إنفيديا السنة دي كمان بتحاول تحشر نفسها في قلب الترند اللي جاي، وهو الروبوتات والسيارات الذكية وكل حاجة من أجهزة تقدر تتحرك حوالينا وتمشي لوحدها وتفهم وتنفذ أوامرنا بشكل تلقائي، سواء روبوتات حقيقية هنشوفها حوالينا أو روبوتات برمجية هتنتشر أونلاين أو على الكمبيوترات والأجهزة بتاعتنا قريب قوي!
شركة إنتاج ناشئة اسمها Staircase Studios AI
قررت انها السنة دي هتنزل 30 نوع محتوى بالAI
ما بين ألعاب ومسلسلات وأفلام..
العظيم انهم متعاقدين مع صناع محتوى و ممثلين ومؤيدين صوتيين، ده غير فنانيين اصلا لتصميم شخصيات المحتوى ده كلو بالAI بالكامل..
بس أكتر حاجة أبهرتني حتة انهم عاملين تتبع دقيق جدا لملامح تعبيرات وجه الممثلين وبيعملوها بشتايلات مختلفة كتيرة وبدقة خرافية جدا..
تقدر تشوف اول 5 دقايق من فيلمهم الاول The Woman with Red Hair من هنا https://bit.ly/3XUa7u0
صباحو
لو أنت صانع محتوى/انفلونسر
تقدر تكسب فلوس من الستوريز
اللي بتنزلها..
ولا مفيش عدد مشاهدات معينة
لازم تحققها عشان تبدأ تكسب،
المعيار هنا معتمد على أداء الستوريز
بتاعتك وانتشارها، وده معتمد على جودة الستوريز وفكرتها طبعا!
مش كل الناس جالها الميزة،
بس تقدر تسجل في برنامج المكافآت ده دلوقتي
من اللينك https://bit.ly/4kVJJtu!
بقالي يومين مش عارف احط ايموجيز
بسبب أبديت لعين غير مكان زرار المسح
في النسخة العربي من كيبورد جوجل ع الأندرويد! 🫠😵💫
كارل لوندیسترم
واحد من أقدم ممولي حوت التورنت Pirate Bay
مات امبارح في حادث طيارة!
ارقد بسلام كنت منغنغ العالم من الحرام! 😅
هاي
شركة OpenAI استثمرت 13 مليار دولار في شركة السيرفرات CoreWeave ..
وهتبلع ف الصفقة دي أسهم بقيمة 350 مليون دولا في الشركة..
كدا الحالة اتقلبت..
بعد ما مايكروسوفت كانت حاطة أكتر من 14 مليار دولار في OpenAI مقابل ان الأخيرة تشغل نماذجهازحصريا على خوادم Microsoft Azure ويبقى لمايكروسوفت أولوية في استخدام نماذج OpenAI .. دلوقتي مطورة ChatGPT هي اللي بتستثمر في شركة ناشئة في سوق السيرفرات وبتملك أسهم فيها..
وده يقولك ان الكلمتين اللي قولتهم هنا من يومين كانوا ف محلهم🤷🏻♂️
باي
بعد 14 مليار دولار دفعتهم في OpenAI،
مايكروسوفت قررت تنافسها!!
🔍 إيه اللي بيحصل؟
حسب تقرير جديد من The Information، مايكروسوفت شغالة على سلسلة نماذج ذكاء اصطناعي اسمها MAI، ونتايج الاختبارات بتقول إنها بتنافس أحدث إصدارات OpenAI وAnthropic. والهدف منها تشغيل مزايا أكتر في مساعد Copilot اللي مايكروسوفت عايزة تعتمده بشكل أساسي في برامجها.
مش بس كده، مايكروسوفت كمان بتطور نماذج التفكير المنطقي (Reasoning Models)، اللي بتتعامل مع الأسئلة الصعبة بطريقة أقرب لتفكير البشر. نفس السباق اللي داخلاه OpenAI وAnthropic وGoogle (ألفابيت)، وكلهم بيتنافسوا عشان يخلوا الذكاء الاصطناعي أقوى وأذكى!
🚨 السنة اللي فاتت بدأت المشكلة،
في اجتماع السنة اللي فاتت بين الشركتين، مصطفى سليمان، رئيس وحدة الذكاء الاصطناعي في مايكروسوفت، طلب من فريق OpenAI يشرحوا طريقة تدريب نموذج o1، لكنهم رفضوا! 🤨
ودا خلى سليمان يعترض ويعتبر إن OpenAI بتحاول تخبي معلومات حيوية عن شريكتها الأساسية!
عشان كدا في يناير، مايكروسوفت سمحت لـ OpenAI إنها تخرج من العقد اللي كان بيجبرها تستخدم خدمات Azure، عشان كدا وفي نفس الشهر OpenAI أعلنت عن انها جزء مشروع بنية تحتية جديد اسمه Stargate، بشراكة مع Oracle وSoftBank، وده برعاية ترمب!
🛠 مايكروسوفت بتلعبها بذكاء!
في مواجهة الموقف، الشركة بدأت تختبر نماذج تانية من Anthropic وDeepSeek وMeta، وحتى xAI بتاعة إيلون ماسك، ودا معناه إن الشركة بتدوّر على بديل حقيقي لـ OpenAI، بل وبتخطط إنها تبيع نماذجها للغير! 💰
المتحدث الرسمي باسم مايكروسوفت قال: "إحنا بنعتمد على مزيج من النماذج، بين شراكتنا مع OpenAI، ونماذج مايكروسوفت الخاصة، والنماذج الاوبن سورس"!
📅 مستقبل العلاقة بين العملاقين؟
الاتفاقية بين مايكروسوفت وOpenAI هتستمر لحد 2030، بس واضح إن العلاقة بينهم بقت مش مستقرة، وكل طرف بيحاول يستقل بتقنياته!
صباحو