15631
هنا كل جديد من أخبار التكنولوجيا في كل المجالات 📱💻🖨️📞🖱️💾📷🤖
"مانوس".. الذكاء الاصطناعي اللي ممكن يقلب الدنيا في عالم التكنولوجيا!
تخيل إنك بتخطط لرحلة لليابان لمدة سبعة أيام، مكان عمرك ما شفته، ولا زرته، ولا تعرف عنه حاجة. عايز ترتب جدول الرحلة، تختار أماكن الزيارة، تدور على مطاعم مناسبة، وتحدد المزارات السياحية اللي تستحق التجربة. ولو عندك أطفال، أكيد هتبقى عايز أماكن ألعاب تناسب سنهم. ويا سيدي لو انت دقيق جدًا وبتحب تهتم بتفاصيل الفندق، زي شكل الأوضة، الإطلالة، والراحة، فالموضوع هيحتاج منك وقت طويل علشان تجهز كل ده.
تقريبًا هتاخد لك يومين أو تلاتة علشان تحط الخطة دي!
عارف وإنت بتقرأ السطور اللي فاتت، Manus AI كان خلّص الخطة بالكامل.. لا وكمان زودها لتسعة أيام بدل أسبوع بس!
---
🧠🤖 إيه هو "مانوس"؟
"مانوس" مش مجرد شات بوت زي ChatGPT، لكنه وكيل ذكاء اصطناعي متكامل (AI Agent) يقدر ينفذ مهام عملية بالكامل، مش بس يرد عليك بالكلام. يعني مثلًا:
✅ تصميم مواقع إلكترونية من الألف للياء، يختار القالب، يعدل التصميم، ويضيف المحتوى تلقائيًا.
✅ تخطيط رحلات السفر، يشوف أرخص الطيران، يختار لك فندق مناسب، ويقترح لك أماكن تروحها ومطاعم تجربها.
✅ تحليل أسهم الشركات زي Tesla، يقارنها بأسهم شركات تانية، ويطلع لك تقرير مفصل بتوقعات السوق.
✅ تصميم دورات تدريبية للمدرسين، يصنع المحتوى، يضيف اختبارات تفاعلية، ويتابع مستوى الطلاب.
✅ المساعدة في التوظيف، يفرز السير الذاتية، ويحدد أنسب المرشحين للشغل.
✅ مقارنة وثائق التأمين وتحليلها لاختيار أفضل عرض مناسب ليك.
"مانوس" بيقولوا عليه إنه أقوى حتى من Deep Research بتاع OpenAI، وده بفضل تفوقه في اختبارات GAIA Benchmark، اللي بتقيس كفاءة وكلاء الذكاء الاصطناعي العام.
---
🤔 ليه "مانوس" بقى تريند؟
من أول ما ظهر "مانوس" في 5 مارس الحالي، الإنترنت في الصين انفجر! الناس بقت بتدور على أكواد الدعوة، والهاشتاجات عنه بقت تريند على منصات التواصل الاجتماعي. أكواد الدعوة بقت بتتباع بأسعار بتوصل لـ 100 ألف يوان صيني (يعني حوالي 14 ألف دولار أمريكي!)
مثلًا:
هاشتاج "#لماذا_مانوس_أصبح_ظاهرة_بين_ليلة_وضحاها" جاب 8.15 مليون مشاهدة على منصة Rednote، ودخل قائمة المواضيع الأكثر تداولًا.
هاشتاج "#مؤسس_مانوس_هو_شاب_صيني_من_مواليد_التسعينات" وصل لـ 26.72 مليون مشاهدة على Weibo، واحتل المركز الرابع في البحث الساخن.
---
👤 مين اللي وراء "مانوس"⁉️
العبقري اللي وراء "مانوس" هو شياو هونغ (Xiao Hong)، شاب صيني عنده 33 سنة وخريج جامعة هواجونغ للعلوم والتكنولوجيا. بدأ حياته في التكنولوجيا بتأسيس شركة Nightingale Technology، وطور أدوات ذكية خلت أكتر من 2 مليون شخص يستخدموها. بعد كده، أسس Monica، اللي كانت بتقدم مساعد AI عالمي، لكنه قرر يركز كل مجهوده في "مانوس"، اللي دلوقتي بقى حديث العالم.
---
🚀 إزاي "مانوس" ممكن يغير المستقبل؟
من أول ما تم الإعلان عنه، أسهم شركات الذكاء الاصطناعي في الصين ارتفعت بشكل جنوني، وبدأت الشركات الكبيرة تفكر إزاي تدمجه في خدماتها.
المحللين شايفين إن "مانوس" ممكن يكون ثورة في عالم التكنولوجيا، خصوصًا في:
🔹 التمويل والاستثمار، لأنه ممكن يحلل السوق بشكل أعمق من البشر.
🔹 التعليم، لأنه ممكن يصمم مناهج تعليمية تفاعلية ويعلم الطلاب بطريقة ذكية.
🔹 التجارة الإلكترونية، لأنه ممكن يساعد المتاجر في توصية المنتجات حسب سلوك العملاء.
🔹 التوظيف، لأنه ممكن يغير طريقة اختيار الموظفين وفرز السير الذاتية بذكاء خارق.
---
⚡ المستقبل بقى مع "مانوس".. لكن السؤال؟
هل "مانوس" مجرد تريند هيختفي بعد فترة، ولا هو فعلاً خطوة نحو الذكاء الاصطناعي العام (AGI)، اللي هيغير طريقة تعامل البشر مع التكنولوجيا للأبد؟
الناس متحمسة، الشركات بتراقب، والعالم كله بيقول بصوت واحد:
"أمريكا، نمتي؟" 🤣
وهنا بقى، انت بتتكلم عن كمية تطبيقات المستخدمين بيتفاعلوا معاها يوميًا على موبايلاتهم، هتخلي "بيكسي" ده يقدر يقدم تجربة خرافية! لأنه بالظبط زي ما بيتقال على سيري، هيقدر ينفذ أوامر جوه التطبيقات نفسها، ده غير إنه هيبقى قادر يستفيد من استخدام المستخدمين لكل تطبيقات جوجل على موبايلاتهم.. حتى لو كان ده على موبايلات بيكسل في الأول، بس أنا متأكد إنها هتنزل لكل موبايلات أندرويد بمرور الوقت - والوقت اللي أقصده هنا اللي هو ٦ شهور.. سنة بالكتير!
فوق كل ده، من يومين جوجل نزلت تجربة البحث بالذكاء الاصطناعي جوه جوجل سيرش اللي اسمها "AI Overview" - واللي بتخليك تقدر تشوف إجابة على استفسارك أو الحاجة اللي بتسيرش عليها في صورة "بلوك تكست" فوق نتائج البحث التقليدية اللي هي عبارة عن شوية لينكات مترتبة ورا بعض.. عشان تبقى متاحة في أكثر من ١٠٠ دولة حول العالم بعد ما كانت متاحة لعدد محدود جدًا من المستخدمين في شوية دول قليلة تتعد على صوابع الإيد الواحدة، منهم أمريكا.
القاضية بقى بالنسبة لي.. وضع البحث الجديد "AI Mode"، واللي جوجل بتجربه دلوقتي، في صورة تاب كده جنب (All - News - Images) وغيرهم..
ودي بقى أنا شايف إنها هتنقل السيرش في حتة تانية خالص! وده اللي دايمًا كنت بتكلم عنه، إن جوجل عندها ترسانة من الخدمات والأدوات، اللي تخليها لما تاخد خطوة واحدة، حرفيًا تسبق الكل وهي مغمضة!
إنما أبل.. أعتقد عندها فرصة ضعيفة شوية بس موجودة الفرصة! لأن فيه كاش وفيه ناس:
1. ممكن أبل تشتري شركة زي Anthropic وتبقى على مستوى السوق على أكتاف تقنياتها..
2. ممكن أبل تتفق مع جوجل - واه تعملها عادي، مصالحهم سوا تسمح - إنها متنزلش "بيكسي" ده إلا في ٢٠٢٦ لما سيري تجهز.. وهتعمل نفس القصة مع أمازون لان بينهم كوم مصالح برضو
بس لو بعد سنتين مطلعتش حاجة أو مش قد المستوى اللي السوق فيه وقتها، ساعتها غالبًا هنقولها باي باي!
لو حابب تبعت حاجة في نفسك لإيلون ماسك
على إيميله الرسمي تبع البيت الأبيض،
أو عايزه يتوسطلك عند أبو حنان،
فأنا حابب اقولك إن ده الإيميل بتاعه:
erm71@who.eop.gov
وهنا تلاقي في الاول أول حروف من اسمه ثلاثي وسنة میلاده وبعدها اختصار White House Office وبعدها المدير التنفيذي للرئيس Executive officer of the President
اهم حاجة تبدأ ايميلك ب Dear Mr.Elon..
سهلة اهي 🤷😅
فيه كلام إن OpenAI بتفكر تنزل 3 باقات جديدة
💰 2000 دولار
ودي هيبقى فيها إمكانية انك جوا ChatGPT يبقى فيه موظف رقمي بيساعدك في شغلك اليومي ( بيسموة Knowledge Worker )
💰 10000 دولار
وده بقى اشتراك هيبقى جواه مساعد برمجة محترف للمبرمجين
💰 20000 دولار
ده بقى هيبقى معاه باحث محترف بدرجة دكتوراه! 🤯
امتى و هل هتنزل الباقات دي رسمي ولالأ، محدش عارف
بس بنسبة كبيرة هتنزل لسببين:
1. شركة SoftBank- من أتقل المستثمرين حاليا في OpenAl مخططة تستثمر 3 مليار دولار السنة دي في الشركة في حتة تطوير النماذج الذكية عشان تقدم وكلاء رقمیین Al Agents عشان يساعدوا الناس ينجزوا في حياتهم أكتر.. وطبعا مفيش حاجة بلاش🤷
2. شركة OpenAl خسرانة مليارات في تكاليف التدريب وبتحاول تلم عوايد توازن وتغطي التكلفة، ده غير إن سام ألتمان- مدير OpenAl وأحد مؤسسيها- أول السنة قال إن أغلى باقة الي هي ChatGPT Pro أم 200 دولار بتخسر الشركة جامد لأن الناس بتستخدم المزايا بتاعتها بشكل عدى توقعات الشركة بكتييير 😅
وأنت ماشي في مؤتمر برشلونة للموبايل MWC 2025 هتلاقي شركة واقفة بشوية أجهزة عجيبة قالبة على تلاجات صغيرة كدا بشاشة زي اللي في الصورة كدا بظبط..
بس ف الحقيقة هتتصدم اما تعرف
ان دي كمبيوترات في قلبها خلايا عصبية..حية
من دماغ بني آدمين!!
الشركة هي Cortical Labs شركة ناشئة أسترالية
نزلت أول كمبيوتر بيولوجي تجاري في العالم،
يعني ينفع تشتريه أيوة.. يادوب بـ 35 ألف دولار بس.
بيستخدم خلايا مخ بشرية مزروعة على شريحة إلكترونية، وكل الخلايا واصلة ببعض..
الفريق اللي شغال على الابتكار ده شايف إن الكمبيوتر ده ممكن يكون نوع من الذكاء الاصطناعي البيولوجي، ويقدر بمرور الوقت يعدي الذكاء الاصطناعي الحالي بكتييييير..
لانه مبدئيا بيستهلك طاقة أقل كتيييير
من سيرفرات الAI اللي بيستخدمها عتاولة
جوجل مايكروسوفت ميتا OpenAI وغيرهم
كمان أصلا الخلايا الدماغية البشرية مع التدريب
على بيانات متعالجة بشكل معين عندها القدرة أصلادانها توصل لمستوى الذكاء الاصطناعي العام
الفطري أو اللي هو ال Artificial General Intelligence او AGI
اللي هو اصلا المستوى اللي بتحاول كل الشركات
دلوقتي انها توصل نماذجها للمستوى ده اساسا
الكمبيوتر البيولوجي ده اسمه CL1
والشركة الأسترالية حاليا أعلنت
خدمة عجيبة اسمها "Wetware-as-a-Service"
ودي خدمة تخلي الشركات تقدر تستخدم
قدرات الحواسيب البيولوجية دي عن بعد
بنفس فكرة الكلاود كدا بظبط..
الكمبيوتر البيولوجي الواحد
جواه فيه حوالي 800 ألف خلية دماغية بشرية
وظروف البيئة حواه بتقدر تحافظ على الخلايا حية
لحد 6 شهور!
المستقبل الجاي.. غريب.. جدا🧠👀
حبايب قلبي في فودافون عاملين حملة تسويقية
كدا بمناسبة رمضان وجو لطيف اسمها "تيجي نعيش"..
المهم، امبارح بفتح أبلكيشن أنا فودافون
فطلعلي حاجة زي مسابقة اسمها "لحظة بالدنيا".. قولت طب ما اجرب
لقيت انك لازم تنزل فيديو وانت بتقول جملة معينة من اغنية الحملة التسويقية بيكتبهالك ف الاول..
كل ده عادي وشغل تسويق وف اللذيذ مش عيب..
العيب بقى انك لما تيجي تبص على الشروط والأحكام بتاعت الخدمة تلاقي كلام هايل جدا بيقول التالي:
1. حضرتك بتوافق بكل رضا (ولا كأنك مضيت على عقد بيع كُليتينك) إن فودافون تحتفظ بكل صورك اللي أخدتها عن طريق الخدمة، وتستخدمها لأي غرض له علاقة بالخدمة… ربنا يستر!
2. فودافون كمان ليها الحق تشارك صورك مع أي حد من شركاءها من بتوع الكرف التالت او ف قول اخر ال Third-Parties ، وده كله عشان "تحسين جودة الخدمة"… طبعًا الخدمة لازم تبقى بالجودة المطلوبة، حتى لو ده معناه إن صورك تبقى تريند!
3. مش بس كده، فودافون ليها حق كامل في تعديل، تغيير، نشر، عرض، ولطش صورك في أي مكان، سواء للإعلانات أو التسويق، أو حتى لو حبينا نحطها هووم بيدج على موقعهم الرسمي او يافطة اعلانات ع الدائري، كل ده من غير ما نسألك أو نقولك "إيه رأيك؟".
4. آه، لو عاوز تحذف صورك؟ لا للأسف مش من حقك، لا خلال مدة الخدمة ولا بعدها حتى!!
5. لو حصل أي حاجة غلط بخصوص صورك، فودافون مش مسئولة عن أي مشاكل، يعني لو لقيت صورتك فجأة على اي موقع اونلاين حتى لو لامؤاخذة.. طالما مش موقع تبع فودافون!!
6. فودافون ليها الحق إنها تعدّل أو تغير الشروط دي في أي وقت تحب، من غير لا تنبيه ولا إيميل محترم، ولو مش عاجبك، فالحل الوحيد.. لا مفيش للاسف، عشان كدا لازم تقرا الشروط دي الللدي مستحيل تكون قريتها قبل دلوقتي!!
7. ممكن يكون فيه شروط وأحكام تانية لجوائز أو مفاجآت (آه، المفاجآت الجميلة دي)، بس طبعًا هتكون مكتوبة بخط صغير محدش بيقراه!
ايه العظمة دي! 🤣
عشان تنقل إنترنت من السنترال
لأي بيت من بيوتنا،
طبعا بيستخدموا حاجة من اتنين
إما كابلات نحاس،
أو ربما يفتح عليك وتبقى فايبر..
بس من 7 سنين، جوجل قررت تضيف بديل تالتدجديد لانج..
وهي منصة اسمها Taara Lightbridge
ودي عبارة عن جهازين بيستخدم كل واحد منهم
سنسورز ومرايات عشان يبدأ يوجه موجات ضوئية
بتردد معين مش متشاف لعين البشر..
بس مشكلته انه كان بيعتمد على أجزاء ميكانيكية
كتيرة جوا كل جهاز من الاتنين وده كان بيخلي
الموضوع داخل فيه تحكم بشري وشغل يدوي
فالدقة كانت ف الضياع..
ولو حصل تغيرات جوية الدقة بتبوظ والموضوع بيحتاج تدخل بشري لإعادة الضبط تاني..
امبارح جوجل قلبت الدنيا وكشفت عن
الجيل التاني من مشروعها Project Taara
وهي شريحة تارا Taara Chip..
وده حول المنصة بشكل كامل..
فبعد ما كان الجيل الاول حجمه أد إشارة المرور
الجيل التاني شريحة يادوب أد ضفر صوباعك!!
والتحول الحقيقي كان في آلية تمرير الموجات الضوئية فبدل ما كان الموضوع معتمد على مرايات وسينسورز، بقى الموضوع بالكامل قايم على نظام توجيه برمجي أوتوماتيكي بالكامل، عشان يظبط قط الشعاع بحيث يطلع من حهاز الارسال للاستقبال بدقة عالية جدا!
جوجل الجيل الأول جربته ف كينيا
الجيل التاني تمت تجربته برضو هناك
وقدروا ينقلوا بيه سرعة انترنت
20 جيجابت لمسافة وصلت 20 كيلومتر!!
شريحة Taara هتنزل رسمي السوق
للحكومات والشركات على 2026!
مساءو
لكن مع وصول "بانوس باناي" (الرئيس السابق لأجهزة Surface في مايكروسوفت)، الشركة دخلت اللعبة بقوة! 🎮
دلوقتي، أمازون مش بس بتراهن على الذكاء الاصطناعي، لكنها بتدمجه مباشرة في أجهزتها الذكية، علشان تكون أليكسا بلس أكتر من مجرد مساعد شخصي.. "وكيل رقمي AI Agent" متكامل!
أخيرررررااااااا🔥🚀
انهاردة OpenAI نزلت اصدار جديد
من ميزة التفاعل الصوتي Advanced Voice Mode
معتمد على نموذج GPT-4o mini الصغير ف الحجم
للمستخدمين على النسخة المجانية من ChatGPT
وطبعا ده هيبقى فيه حد أقصى للاستخدام يوميا..
برضو هيبقى متاح انك تقدر تشارك لايف ستريم من الشاشة وكمان تفتح الكاميرا وتتكلم مع شات جي بي تي عن اللي الكاميرا شايفاه عادي..
بس هيفضل مستخدمين المشتركين في النسخة البلس عندهم متاح رصيد 5 أضعاف الاستخدام المجاني، وطبعا النسخة بتاعت الفويس موود متطورة اكتر من المجاني، لان النسخة المدفوعة قايمة على نموذج GPT-4o الاكبر من الميني!
بس خجوة هايلة، وكالعادة، الميزة بتنزل للمدفوع الاول وتقعد فترة طوييييييييلة، بعدها تنزل للمجاني، وده معناه انه في ميزة تانية اجحد واعلى جاية ف الطريق.. يقال الGPT-4.5 هينزل الاسبوع ده او الجاي، وGPT-5 جاي ف ابريل! 👽
صباحو
جوجل أعلنت انها خلاص
من هنا ورايح لما تفتح أكونت جيميل
من جهاز جديد لأول مرة وتكتب ايميلك والباسورد
مش هتبعتلك كود على موبايلك في رسالة sms
لان دي طريقة قديمة ومش أمان..
اانما هتظهرلك كود QR على شاشة الكمبيوتر
عشان تعمله مسح Scan بكاميرا موبايلك "اللي مفتوح عليه ايميلك الجيميل أصلا"
وساعتها تتأكد ان انت اللي بتحاول تفتح الاكونت!
مساءو
شوفو أنا من أول ما ترامب مسك أمريكا
وأنا قولت مش هدخل في الهري بتاع إيلون ماسك
عشان والله كنت عارف انه هيدغدغ الدنيا في الحكومة
بسبب حوارات وزارة DOGE بتاعت ترشيد النفقات دي لإنه
سفاح في تنفيذها - بسبب متابعتي طريقة تعامله مع موظفينه
سواء في تسلا أو في تويتر لما اشتراه - فقولت عشان أركز في باقي السوق
بس طفح الكيل بقى :D
امبارح بليل إيلون ماسك بعت إيميل لعدد كبير من موظفين وعملاء الـFBI وقالهم ابعتولي في إيميل كل واحد بيعمل ايه بظبط - بالكتير في 5 نقط - وبحد أقصى يوم الاتنين يوصلني رد منكم.. واللي مش هيبعت هيترفد!
قام كاش باتيل - مدير الـFBI - معلّي وباعت للكل متردوش إلا لما أقولكم!
صباحو
صحيت الصبح على نوتفكيشن جديدة لانج عليا..
بتقوللي ان فيه حد نجم طلب كود تأكيدي عشان
يستخدم الواتساب بتاعي..!
فطبعا كود مين يا عم الواتس، انا كنت نايم😅
المهم ولا جالي كود ولا اي حاجة..
بعدين من شوية دلوقتي افتكرت اني مسجل
الميل بتاعي على واتساب (عندي حوالي ٢٠ ايميل بستخدمهم كلهم فمتحاولش 😁)
فدخلت لقيت حاجة عجيبة،
ان جالي فعلا كود، بس من واتساب بيزنس! 👽
فخمنت انه اما حد دخل رقمه غلط ومتشابه مع رقمي
وهو بيعمل اكونت على واتساب بيزنس..
يا اما حد "عسلية" حب يعمل اكونت بيزنس برقمي.. ومش قادر افهم دماغه ف كدا بصراحة 🤔
بس عموما.. بس يابابا عايزين ننام..🤫
انهاردة الساعة 6 الصبح
شركة xAI، اللي أسسها إيلون ماسك، أعلنت عن إطلاق أحدث إصدار من نموذج الذكاء الاصطناعي بتاعها، Grok 3، مع تحديثات جديدة لتطبيق Grok على iOS والويب. وGrok 3 بقى منافس قوي لأنظمة GPT-4o من OpenAI وGemini من Google.
تطورات جديدة في Grok 3
الشركة استخدمت مركز بيانات ضخم في ممفيس، فيه 200 ألف GPU، علشان تدرب النموذج الجديد. ووفقًا لماسك، Grok 3 تم تطويره باستخدام قوة حسابية 10 أضعاف أكتر من Grok 2، وكمان تدرب على بيانات جديدة، منها مستندات محاكم!
جروك 3 مش مجرد نموذج واحد، لكنه عيلة كاملة! فيه نسخة أسرع اسمها Grok 3 mini، لكنها بتضحي شوية بالدقة علشان السرعة. وكمان فيه إصدارات مخصصة للتحليل العميق زي Grok 3 Reasoning وGrok 3 mini Reasoning، اللي بتقدر تحل مسائل رياضية وعلمية وتساعد في البرمجة بدقة أكبر.
حسب الاختبارات اللي عملتها xAI، Grok 3 بيتفوق على GPT-4o في اختبارات زي AIME (اللي بيختبر الذكاء الاصطناعي في الرياضيات) وGPQA (اللي بيقيم قدرته على حل مسائل معقدة في الفيزياء والكيمياء). وكمان حقق مركز متقدم في Chatbot Arena، وهي منصة بتقارن بين نماذج الذكاء الاصطناعي من خلال تصويت المستخدمين.
شركة xAI كمان أطلقت خدمة جديدة اسمها DeepSearch، ودي ميزة بتخليك تقدر تعمل بحث متعمق على الإنترنت وعلى X (تويتر سابقًا)، علشان تلاقي معلومات دقيقة ومرتبة في شكل ملخصات تحليلية.. ودي طبعا نفس فكرة DeepSearch في GPT وجيميناي
خدمات مدفوعة لمزايا أكبر💸
المستخدمين اللي عندهم اشتراك X Premium+ هما أول ناس هيجربوا Grok 3، لكن كمان xAI وفرت اشتراك جديد اسمه SuperGrok، بسعر 30 دولار شهريًا أو 300 دولار سنويًا، واللي بيوفر ميزات إضافية زي استفسارات غير محدودة عبر DeepSearch، بالإضافة إلى إنشاء الصور بالذكاء الاصطناعي.
أخيرا.. Grok 3 هيقدر يتكلم!
إيلون ماسك أعلن إن تطبيق Grok هيحصل على ميزة النطق الصوتي خلال أسبوع واحد بس، وده معناه إنك هتقدر تتفاعل مع الذكاء الاصطناعي باستخدام صوتك. وبعدها بشوية، نماذج Grok 3 هتتوفر ضمن واجهة برمجة التطبيقات (API) الخاصة بالمؤسسات، علشان الشركات تقدر تستفيد من إمكانياته المتطورة.
ماسك قال إنهم ناويين يخلو Grok 2 مفتوح المصدر بمجرد ما Grok 3 يكون مستقر تمامًا، وعلق:
"لما Grok 3 يبقى ناضج ومستقر، هنفتح Grok 2 كمصدر مفتوح للجميع."
هل بقى Grok محايد سياسيًا؟
النسخ اللي فاتت من Grok كانت متهمة إنها بتتحيز سياسيًا ناحية اليسار في قضايا زي حقوق المتحولين جنسيًا وبرامج التنوع والمساواة. ماسك قال إن ده بسبب البيانات اللي اتدرب عليها، لكنه وعد إنهم هيحاولوا يخلوه أكتر حيادية. لكن هل نجحوا في ده فعلًا؟ لسه مش واضح!
صباحو
تعرف انك تقدر تفتح هوت سبوت
من موبايلك لأي موبايل تاني
لو أنت واصل بالواي فاي..
ايوة الهوت سبوت مش بيشتغل بس بالداتا😅
مريت بأكتر من موقف
والناس مكنتش واخدة بالها منها
فقولت أنزلها يمكن حد يستفيد🙋🏻♂️
🔴 تحديث: جرب على موبايلك لان مش كلهم بيقبلو
صباحو
من سنتين كنت بقول
اني شايف ال Widgets
هي مستقبل تصميم ال UI
أو يعني واجهات الاستخدام للأجهزة المختلفة..
والحمدلله توقعي طلع في محله..
✅من يومين جوجل قالت انها هتبدأ
تخصص جزء معين في البلاي ستور
لعرض الأبلكيشنز اللي بتسمح بميزة
الويدجيتس على موبايلات المستخدمين!
✅ النسخة التجريبية من أندرويد 16 نازلة
رسمي إن شاء الله في يونيو الجاي وهتبقى
بتركز بشكل كبير على الويدجيتس على قفل الشاشة
✅ أمازون لما كشفت عن أليكسا بلس
عرضت ان واجهة الاستخدام بتاعتها
على أجهزة إيكو للمساعدة المنزلية
هتركز بشكل كبير ومباشر على تقسيمتها
في صورة مريحة للعين قايمة بالكامل على الويدجيتس..
🗣️ رأيي المتواضع ،
ان الويدجيتس عنصر مريح جدا للعين
وعملي جدا انك تقدم أهم معلومة بشكل سريع
للمستخدم من غير ما تشتت انتباهه بداتا كتيرة
ملهاش لزمة وتخليه يدور ع اللي محتاجه فيها..
الويدجيتس هتزيد أهميتها مع النضارات الذكية
وكمان لما ندخل عصر الأجهزة هتصغر وتبقى أخف
كل مللي متر من الشاشة بتاعت الأجهزة هيبقى بيفرق
والويدجيتس ساعتها هتبقى أحسن حل لتصميمها
بشكل عملي ومريح ومناسب لااستخدام وقتها!
امبارح شركة أبل أعلنت إنها هتضطر تأجل نزول الإصدار الجديد المطور من مساعدها الشخصي "سيري" على الآيفون لحد 2026 بعد ما كان مفروض إنه ينزل في مايو الجاي، والسبب إن الموضوع طلع كبير!!
أبل قالت في بيانها الرسمي إنها كانت متوقعة الوقت اللي يحتاجه المطورين عندها في الشركة يكون أقل بكتير عشان يقدروا يخلوا سيري تتكلم مع المستخدمين بشكل تفاعلي وطبيعي وتنفذ أوامرهم المختلفة، ولكن في الحقيقة اتصدمت إن الموضوع هياخد وقت أطول بكتير!
لو إنت ما تعرفش، كان بقالى فترة بتكلم عن تحديث منتظر من قبل وهو iOS 18.4 اللي كان المفروض ينزل الشهر الجاي "إبريل" ويجيب معاه ميزتين كانوا هيغيروا شكل التفاعل تمامًا على موبايلات الآيفون مع سيري.
الميزة الأولى هي Personal Context، واللي مفروض كانت هتخلي سيري تقدر تجمع وتحلل تفاعل المستخدم مع موبايله طول الوقت، توقيتات الاستخدام، طبيعة التطبيقات المفضلة عنده، بياناته الشخصية المتخزنة على الموبايل، كل الكونتاكتس اللي بيكلمها، مواعيده المهمة، وعاداته الشخصية، كل حاجة كل حاجة حرفيًا، عشان لما يطلب أي حاجة من سيري، الردود تبقى مخصصة ليه هو مش ردود عامة وخلاص.
الميزة الثانية الأهم بقى هي حاجة اسمها App Intents، ودي زي ما الاسم بيقول كده "نوايا التطبيق"، أو بمعنى تاني المستخدم يقصد إيه بالضبط وهو بيدي أمر معين لسيري، وازاي هي تقدر تنفذه باستخدام كل التطبيقات اللي موجودة على موبايله واتصالها بالإنترنت طبعًا. ودي كانت هتخلي سيري تبقى فعليًا خارقة، لأنها هتبقى قادرة تنفذ أوامر جوه كل التطبيقات اللي على الموبايل، سواء تطبيقات أبل أو مطورين تانيين، وده كان هينقل التجربة لمكان تاني خالص! لأن بالشكل ده، كان هيبقى سهل جدًا على اليوزر إنه يطلب من سيري تعمل Event في الكالندر بتاعه بخصوص عيد ميلاد ابنه، وتروح تبعت دعوات بالإيميل لقائمة المدعوين اللي هو هيطلب إنها تعملها، وبعدها يروح يحجز مكان عن طريق تطبيق تاني، ويطلب كيكة عيد الميلاد توصله على المكان ده، غير كمان يطلب أوبر عشان يروح العيد ميلاد في الوقت المحدد، وكل ده هيحصل من غير ما يحتاج يمسك موبايله أصلًا!
الوضع اللي أبل فيه دلوقتي لا تُحسد عليه، لأن تقريبًا السوق كله سابقها، بلغة الأرقام وعلى أرض الواقع متأخرة على الأقل ٣ سنين!
المفروض إن أبل كانت من الناس اللي بدأت من زمان في الذكاء الاصطناعي، وعندها حوت جوجل السابق "جون جيان أندريه"، اللي كان ماسك أصلا قطاع الذكاء الاصطناعي عند جوجل وانضم لأبل في 2018، فالمفروض انت أصلًا جايبه من بدري! بس في الغالب، أبل "سحلته" هو وفريقه في مشاريع كتير، زي مشروع سيارتها الذكية "Project Titan" اللي ما كملش وحرقوا فيه تقريبًا 10 مليار دولار، ده غير تشتيت الفريق في تطوير نظارة Apple Vision Pro اللي سعرها ٣٥٠٠ دولار، واللي كانت المثال الحالي لـ"دخان من غير كفتة"! إنما نركز بقى على الذكاء الاصطناعي في حد ذاته، الراجل كان جاب آخره!
في تقرير جديد نشره مارك جورمان المحرر التقني في بلومبرج، قال إن سرعة تطور السوق في الذكاء الاصطناعي كانت واحدة من العقبات اللي واقفة قدام خروج سيري للنور، لأن فريق أبل كل ما يخلص تطوير تقنية ويوصل بسيري لمستوى معين من التطور ويبقى خلاص هينزلها رسمي، يلاقي نفسه متأخر عن السوق بشوية حلوين!
توقيت التأجيل قاتل بالنسبة لأبل! لأن من كم يوم، أمازون نزلت الإصدار الجديد من مساعدها الشخصي Alexa Plus، واللي نازل باشتراك ٢٠ دولار..
وهو بالظبط بيعمل اللي المفروض سيري كانت تعمله على موبايلات الآيفون، ولكن هيتعمل على أجهزة أمازون إيكو للمساعدة المنزلية الذكية بحيث المستخدمين يقدروا يتحكموا فيه..
ويمكن أليكسا بلس لسه ما نزلتش رسمي على أجهزة المستخدمين، ولكن على الأقل أمازون أعلنت بالفعل إنه هينزل السنة دي، فالموضوع "منتهي.. خلصان"!
ضيف لكده كمان إن جوجل وصلت Gemini لمستوى يعتبر منافس لعتاولة السوق دلوقتي، زي ChatGPT من OpenAI وClaude من Anthropic وDeepSeek..
بل بالعكس، جوجل عندها حتة زيادة! - اللي متابعني هيبقى عارف فعلًا إني متفائل جدًا بجيميني والخطوات اللي بيحققها حتى لو كانت بطيئة - وهي خدمات جوجل، عيلة كاملة من الخدمات عندها كمية داتا عن المستخدمين وتفاعلهم معاها على مدار ٢٠ سنة، فإنت بتتكلم على مستوى تاني خالص من التجربة المخصصة لكل مستخدم حسب طريقة استخدامه وتفاعله مع الخدمات دي بشكل يومي!
هتقول لي "بس جيميني مش هيبقى عامل زي أليكسا بلس ولا الإصدار اللي جاي من سيري"، هقول لك: لا يا حبيبي، جوجل أكدت في ١٢ تقرير مؤخرًا إنها بالفعل شغالة على حاجة زيهم، اسمها Pixie أو Pixel Sense، وهتنزل مع موبايل جوجل بيكسل 10 السنة دي، وكان مفروض بالمناسبة تنزل في بيكسل 9، بس الدنيا ممشيتش حسب المتوقع!
أبل طول الفترة اللي فاتت
مكنتش نزلت ذكاءها الاصطناعي
Apple Intelligence
في قلب الصين، لان دي خطوة تقيلة
بتحتاج موافقات حكومية في الصين
وعشان ده يحصل لازم يبقى فيه شراكة
بين أبل وبين شركة صينية تبقى هي المسؤولة
عن معالجة بيانات الصينيين لما يتفاعلوا
مع مزايا أبل الذكية..
طول الفترة دي أبل اتهلكت مفاوضات
مع شركات صينية عتاولة زي
بايدو
تينسنت
بايت دانس
وحتى DeepSeek
بس ف الآخر خلاص رسيت على Alibaba ! 🔥
علي بابا هتبقى مسؤولة عن إدارة السيرفرات
المحلية ف قلب الصين اللي هتتعالج عليها
كل داتا الصينيين لما يستخدموا Apple Intelligence
على أجهزة الآيفون والايباد وماك..
ده غير انه ممكن جدا تستخدم نماذج علي بابا..
بس الشراكة دي مش هتمنع أبل تتعاون مع
شركات صينية تانية في الصين،
وبالمناسبة، أبل بتتعاون مع بايدو وDeepSeek
عشان تستخدم نماذجهم الذكية في مزايا للصينيين
هتنزل خلال الفترة الجاية!
مساءو
توقعات بتقول إن أول آيفون قابل للطي سعره
هيبقى بين ال2000و 2500 دولار..
وهيكون فولد يعني طي أفقي زي الكتاب كدا!
🔴 سعر موبايل سامسونج جلاكسي زد فولد 6
بيبدأ من 1900 دولار.
مساءو
تكنو سبارك Slim.. أرفع موبايل في العالم!!
سُمك: 5.75 مللي
اللي جمبه ده الآيفون 16 برو ماكس: 8.25 مللي
بطارية 5200 مللي امبير
شاشة 6.75 بوصة أموليد
كانيراين 50 ميجابيكسل
سيلفي 13 ميجابيكسل
الموبايل تجريبي لسا.. بس ايه الجمال ده!
أبل وسامسونج جوجل هواوي أونور وملهم..
اتعلموا الله يكرمكم، كفاية كُتل حديد! 🤷🏻♂️☝🏻
نظرة عن قرب.. أوي مع نضارة سامسونج الجاية Project Moohan 🔍🕶️
Читать полностью…
انفينيكس نزلت موبايل ثلاثي الطي Zero Mini Tri-Fold في مؤتمر برشلونة للموبايل MWC 2025!
بص الموبايل مختلف تماما عن اي جهاز انت شوفته قبل كدا لانه صغير كدا ف نفسه حبتين واخد أبعاد مربعة واعتقد هيكون مريح في الاستخدام للايديهم زي حالاتي بتتعب من مسكة الموبايلات الكبيرة شويتين..
تصميم الأكورديون ده عاجبني اوي
لانه لو بتحب تصور فانت وانت بتصور سيلفي
هنشكح ان قدامك شاشة عشان تشوف نفسك فيهوانت بتصور بكاميرا امكانياتها عالية لانها اصلا
كاميرا خلفية أساسية!
كمان من الصور الي نشرتها الشركة
فالنوبايل ممكن يتثبت على جادون عجلة
او ف هدومك لو انت من هواة رحلات تسلق الجبال وكدا..
كمان هايل لو عايز تشتغل على شاشتين..
بس الحاجة اللي متكلمتش عنها انفينيكس اوي
هي ان ليه استخدم شاشة لما تتفرد بالكامل
هتبقى واخدة تصميم مستطيل كبير بالطول؟! 👀
غريييب شوية بس مختلف.. والحمدلله انه نموذج تحريبي مش نازل السوق لسا! ☝🏻😅
مساءو
بعد طول انتظار، أمازون أخيرًا قررت تاخد Alexa لمستوى جديد تمامًا! 😲
الشركة كشفت عن "أليكسا بلس - Alexa Plus"، الإصدار المطوّر من مساعدها الذكي، واللي بيدمج الذكاء الاصطناعي التوليدي علشان يقدم تجربة أسرع، أذكى، وأكثر تخصيصًا لمستخدمي أجهزة Echo.
🤖 أليكسا بلس.. المساعد الرقمي اللي هيفهمك أكتر!
مش بس هتقدر تسألها عن الطقس أو تطلب منها تشغّيل أغنية، لكن دلوقتي "أليكسا بلس" هتفهمك بشكل أعمق، وهتعرف احتياجاتك وتفضيلاتك من خلال تفاعلك اليومي معاها. يعني مثلًا:
تقدر تطلب منها تعمل طلب شراء لحاجاتك من أمازون بكلمة واحدة.
تبعث دعوات لأصحابك لحفلة أو مناسبة خاصة من غير ما تفتح الموبايل.
تحجز طاولة في مطعمك المفضل بطريقة مباشرة.
تنظم جدولك وتذكّرك بالمواعيد المهمة، حتى من غير ما تطلب منها صراحةً!
تكتب لك رسالة نصية وترسلها من غير ما تلمس الموبايل!
📲والأهم من ده كله، "أليكسا بلس" هتتعلم منك مع الوقت، وتبدأ تفهم أسلوب حياتك وتفضيلاتك الشخصية، علشان تقدم لك تجربة موجهة ومتوافقة مع احتياجاتك.
💰 السعر والتوافر: اشتراك شهري أو مجانًا لمستخدمي برايم
حاليًا، الإصدار الجديد متاح في الولايات المتحدة فقط، بسعر 20 دولار شهريًا. لكن المفاجأة إن لو عندك اشتراك في Amazon Prime (واللي سعره 15 دولار شهريًا)، تقدر تستخدم "أليكسا بلس" بالمجان!
أمازون كمان أكدت إن أليكسا بلس هتشتغل على معظم أجهزة Echo Show، ومنها:
✅ Echo Show 8, 10, 15, 21
✅ موقع ويب جديد لاستخدام أليكسا أونلاين
✅ تطبيقات جديدة للهواتف الذكية قريبًا
🚀 "قدرات بلس": الجيل الجديد من أليكسا بيعمل إيه؟
أمازون زوّدت "أليكسا بلس" بإمكانيات جديدة كليًا، ودي أهم الحاجات اللي تقدر تعملها:
🎤 1️⃣ استجابة أسرع وأوامر صوتية أكثر دقة
أليكسا بلس بتسمعك بشكل أفضل وبترد عليك أسرع، حتى لو كان فيه ضوضاء في الخلفية.
مش بس كده، بتفهم الأوامر باللهجة الطبيعية، وده معناه إنك مش مضطر تتكلم بطريقة "روبوتية" علشان تفهمك!
📸 2️⃣ رؤية وتحليل الصور بالكاميرا
الجديد في "أليكسا بلس" إنها بقت تقدر تشوف!
لو عندك جهاز Echo بكاميرا، تقدر تستخدمه في التقاط الصور وتحليلها، وكمان تسألها عن المحتوى اللي قدامها.
مثلًا، ممكن تصور ملصق على الحيطة وتسألها إيه المكتوب عليه، وهترد عليك فورًا!
🎟️ 3️⃣ حجز الحفلات والمطاعم وترتيب رحلاتك
تقدر تقول لها: "احجزي لي تذكرتين لحفلة إد شيران"، وهتعمل الحجز على طول!
أو مثلًا: "عاوز أحجز طاولة في مطعم إيطالي بكرة الساعة 8"، وهتلاقي لك مكان مناسب بدون ما تتعب نفسك!
📅 4️⃣ إنشاء أحداث وتذكيرات في التقويم بتاعك
تقدر تقول لها: "ضيف لي تذكير بماتش ابني في الكورة يوم السبت الساعة 5"، وهتسجله تلقائيًا في الكاليندر بتاعك!
أو مثلًا، تطلب منها تعمل فعالية لعيد ميلاد صاحبي يوم الجمعة الساعة 8، وهتبعث دعوات لكل اللي معاك في الكونتاكتس!
🏠 5️⃣ التحكم الذكي في المنزل
مش بس هتشغّل لمبات البيت أو التكييف، لكن كمان هتقدر تعمل "روتين يومي" للأجهزة الذكية في بيتك، بحيث يشتغلوا تلقائيًا حسب مواعيدك.
مثلًا، ممكن تقول لها: "عاوز النور يفتح الساعة 7 الصبح، والقهوة تتعمل لوحدها".. ودي هتكون حاجة طبيعية جدًا!
🎵 6️⃣ قوائم تشغيل موسيقية بناءً على مودك
مش هتحتاج تختار الأغاني بنفسك.. كل اللي عليك إنك تقول:
"عاوز Playlist فيها أغاني هادية للاسترخاء"، وهتبدأ تشغيلها فورًا!
أو حتى لو كنت بتتفرج على فيلم، تقدر تقول لها: "رجّعني للمشهد اللي فات" وهتوصلك ليه مباشرة!
🎥 أليكسا بلس بتراقب البيت؟!
في خلال المؤتمر الصحفي، "بانوس باناي" (مدير قطاع الأجهزة في أمازون)، قرر يجرب ميزة جديدة في أليكسا بلس وقال:
"يا أليكسا، حد خرج يتمشى مع الكلب؟"
وفجأة، أليكسا راجعت نظام الكاميرات الذكية في البيت، وبعدها ردت عليه:
"نعم، فلان خرج مع الكلب من 20 دقيقة"! 😲
وده معناه إن أليكسا مش بس بتسمعك، لكنها بتفهم المشهد اللي حواليها، وبتقدر تربط المعلومات ببعضها!
📄 كتابة الرسائل النصية وإرسالها من غير ما تلمس الموبايل!
دلوقتي ممكن تقول لـ أليكسا بلس:
"اكتبي رسالة لـ أحمد وقولي له هتغدى معاه النهاردة الساعة 2".
هتكتب الرسالة فورًا، وتعرضها عليك علشان توافق عليها، وبعدين تبعتها تلقائيًا من غير ما تحتاج تفتح الموبايل أصلاً!
🔄 تصميم جديد بالكامل لواجهة أليكسا
أمازون عملت إعادة تصميم كاملة لواجهة أجهزة Echo Show، بحيث يكون فيها Widgets متحركة.
تقدر تنقل الأدوات دي في أي مكان على الشاشة علشان توصلك أسرع.
وأمازون كمان أضافت شريط أزرق بيتحرك ويتفاعل معك بمجرد ما تستدعي أليكسا!
⚔️ أمازون أخيرًا بتدخل سباق الذكاء الاصطناعي؟!
أمازون كانت بعيدة شوية عن سباق الذكاء الاصطناعي التوليدي، خصوصًا بعد ما OpenAI فجّرت السوق بـ ChatGPT في 2022.
شاومي في مؤتمر الموبايل السنوي في برشلونة MWC 2025 ناوية تقلب الدنيا وتخلي العالم ألترا!
مبدئيًا كده هتنزل موبايلها الجديد شاومي 15 ألترا
📷 الكاميرات:
الكاميرا الرئيسية: 50 ميجابكسل، مستشعر سوني LYT900، حجم 1 بوصة، فتحة عدسة F1.63، مثبت بصري OIS.
الكاميرا الواسعة جدًا: 50 ميجابكسل، مستشعر سامسونج ISOCELL JN5، عدسة 14 مم.
كاميرا التيليفوتو: 50 ميجابكسل، مستشعر سوني IMX858، زوم بصري 3x، فتحة عدسة F1.8، مثبت بصري OIS.
الكاميرا السوبر تيليفوتو: 200 ميجابكسل، مستشعر سامسونج ISOCELL HP9، زوم بصري 4.3x، فتحة عدسة F2.5، مثبت بصري OIS.
الكاميرا الأمامية: 32 ميجابكسل.
📱 الشاشة:
النوع: OLED
الحجم: 6.73 بوصة
معدل التحديث: متغير بين 1Hz-120Hz
السطوع الأقصى: 3200 شمعة
⚡ المعالج والأداء:
المعالج: سناب دراجون 8 إيليت
الذاكرة العشوائية (RAM): تصل إلى 16 جيجابايت
التخزين الداخلي: يصل إلى 1 تيرابايت
🔋 البطارية والشحن:
السعة: 5410 مللي أمبير (النسخة الصينية تحتوي على 6000 مللي أمبير)
الشحن السلكي: 90 واط
الشحن اللاسلكي: 80 واط
🔊 الصوت والمستشعرات:
سماعات ستيريو
مستشعر بصمة بالموجات فوق الصوتية
🌊 مقاومة الماء والغبار:
التصنيف: IP68 + IP69
📡 الاتصالات والتوصيلات:
Wi-Fi 7
بلوتوث 5.4
NFC
GPS
منفذ USB 3.2 Type-C
📆 موعد الإطلاق:
الإعلان الرسمي: 27 فبراير 2025
العرض في مؤتمر MWC 2025 (برشلونة): 2 مارس 2025
أحلى حاجة في الموبايل ده تصميمه، الموبايل بالكامل واخد شكل الكاميرات الفينتج القديمة المميزة جدًا بتاعة شركة لايكا، واللي هي شخصيًا مشاركة في تصميم الموبايل مع شاومي، وكمان داخلة في تطوير نظام معالجة الصور عشان تطلع بجودة عالية جدًا!
الموبايل جاي بالألوان الأبيض والأسود، وكمان التصميم المميز بتاع كاميرات لايكا اللي بيبقى لونين في ظهر الموبايل بينهم خط فاصل، عشان لما تمسك الموبايل بالعرض كأنك ماسك كاميرا بالضبط، وطبعًا تصميم الكاميرا الخلفية خرافي!
على حساب مؤسسها لي جون على إكس، إنها برضه هتنزل عربية جديدة SU7 Ultra، واللي هتبقى الإصدار الجديد من عربيتها بتاعة السنة اللي فاتت، واللي حققت مبيعات خرافية بالنسبة لعربية جديدة في أول سنة ليها في السوق!
كمان شاومي نوهت إلى أنها هتنزل نظام تشغيل جديد تمامًا هيبقى مخصوص للعربيات والأجهزة الذكية، وكمان للبني آدم، وطبعًا هيبقى في قلبه ذكاء اصطناعي!
في البداية، الموضوع كان بسيط جدًا، ادفع مبلغ صغير، شوف شوية فيديوهات، واستنى الأرباح الأسبوعية . وصفة سحرية للثراء السريع، قدمتها منصة FBC بخبرة مخادع محترف، أقنعت آلاف المصريين إن دي فرصتهم لتحويل الشاشة اللي في إيديهم لماكينة فلوس . بس اللي محدش كان عارفه، إن الورطة دي هتكلفهم مليارات الجنيهات ، وهتسيبهم في صدمة، بيقولوا فيها نفس الجملة: "إزاي ده حصل؟!"
وليد، شاب مكافح، كان عايز يصلح الموتوسيكل بتاعه، فاتدين 11 ألف جنيه ، وبدل ما يصرفهم على التصليح، قال: "ما أجرب حظي وأدخل عالم الاستثمار!" ، سمع عن منصة FBC، والناس اللي بقت مليونيرات منها، وحط كل اللي معاه في الحساب، مستني الفلوس تتضاعف.
وفي يوم، وهو ماسك موبايله، اكتشف الكارثة: المنصة اختفت! الحساب اختفى! الأرباح تبخرت!
"وليد" مش لوحده، آلاف الناس اتحولوا في لحظة من مستثمرين واعدين.. لضحية عملية نصب القرن . صفحات الفيسبوك اتملت بالاستغاثات، البلاغات انهالت على الشرطة، وكل واحد كان عنده نفس السؤال: فين فلوسنا؟
قبل ما تختفي المنصة بأيام، وصلت دعوات سرية لبعض "العملاء المميزين"، حفل عشاء فاخر على كورنيش إمبابة، كأنهم رجال أعمال ناجحين جايين يحتفلوا بأرباحهم .
في القاعة، وقف المحتال الكبير ، راجل أنيق، واثق من نفسه، وقال بابتسامة عريضة: "القادم أعظم.. هنضاعف الأرباح قريب جدًا!"
كل اللي حضروا صدقوا الكلام، وضخوا فلوس أكتر، وحفزوا أصدقائهم يستثمروا، لكنهم ماكانوش يعرفوا إن العشاء ده كان حاجة شبه كدا لعبة خفة اليد.. الساحر واقف والكل مبحلق في عينه ومش شايف إيده هتحط ورقة الفلوس فين تخبيها!
تاني يوم ، حاول وليد وألاف غيره يدخلوا على حساباتهم، لكن الرد كان صادم:
"الموقع غير متاح.. تأكد من اتصالك بالإنترنت" .
مجموعات تليجرام اللي كانت مليانة فرحة بالأرباح، اتحولت لساحة نحيب ولعنات على المحتالين، والناس بدأت تفهم إن الفخ اتقفل عليهم تمامًا.
وفي وسط كل ده، كان الساحر اللي نصب عليهم بيختفي بهدوء، شايل معاه المليارات اللي قدر يسرقها في الشهور اللي فاتت.
الفلوس مش بس اللي ضاعت، كان فيه خسائر بشرية كمان!
في قرية بالدقهلية، كانت الحاجة صباح ، ست كبيرة باعت "تحويشة عمرها" وحطتها في المنصة بعد ما حفيدها أقنعها إنها "فرصة العمر".
لكن لما اكتشفت الحقيقة، قلبها ما استحملش، وماتت في اليوم التالي حزنًا على اللي راح !
مش بس الفلوس اللي ضاعت.. فيه ناس دفعت حياتها تمن الحلم الكداب ده!
الشرطة ما وقفتش تتفرج، وبدأت تلاحق المتهمين، وطلعت النتيجة بسرعة:
"ح.ع"، العقل المدبر، واللي كان بيحرك الشبكة في كل المحافظات، خاصة في الدلتا!"
اتقبض على جزء من العصابة، ولسه فيه مطاريد من المحتالين بيتحايلوا يهربوا بالغنيمة!
لكن السؤال دلوقتي: هل الفلوس هترجع؟ ولا خلاص راحت مع الريح؟
في الوقت اللي كل الناس والسلطات بيحاولوا يوصلوا للفلوس ويحطوا إيدهم على الكلب اللي عمل ده،
على جروب فيسبوك اسمه "المتضررين وضحايا FBC" فيه شخص بريء داخل بكل هدوء وسلطنة بيسأل
"حد يعرف حاجة عن منصة SQTAI؟ لسه شغالة؟ ولا نصابين زيهم؟"
يُتبع... لأ ما هو أكيد القصة ليها كمالة وناس تانية هتحط فلوس وتكبّس وتدوس وتتفرج على فيديوهات يمكن تكسب فلوس.. ودوخيني يا لمونة!
مساءو
إن شاء الله انهاردة هكون ضيف بودكاست Beyond Tech مع الزميل المحترف وسام أبو سعيد، هنروح فيها ف رحلة كدا مختلفة شوية، الميكس هيكون عالي ما بين ذكاء اصطناعي وAR وVR.. وماخفي كان أعظم😅
الساعة 9 مساءا بتوقيت القاهرة..وربنا يوفقنا و نقدم ما يفيد🙏🏻
استنوني: https://m.youtube.com/watch?v=9A3vOCjz-5M 😎
📱من حوالي أربع ساعات، شركة أبل نزلت موبايل جديد اسمه آيفون 16e..
واللي في رأيي الشخصي هو تمهيد للمفروض هيحصل في سوق الموبايلات خلال السنة دي، واللي هيغير تقريبًا تجربة البشر مع الموبايلات، على الأقل لحد خمس سنين قدام..
قبل النهارده أبل عملت خطوتين مهمتين جدًا:
🔹 الخطوة الأولى: الذكاء الاصطناعي للجميع!
الأولى هي أنها خلت موبايل بـ 600 دولار يقدر يشغل الذكاء الاصطناعي اللي كانت بتشغله موبايلاتها اللي بادئة من 800 دولار وانت طالع..
وبكده أبل بقى عندها في السوق موبايلات تشغل خدمات Apple Intelligence الذكية كثيرة جدًا، بداية من:
✅ آيفون 15 برو ماكس
✅ آيفون 16
✅ آيفون 16 برو
✅ آيفون 16 برو ماكس
✅ آيفون 16 بلس
✅ وأخيرًا.. آيفون 16e
كده بقى في خيارات سعرية مختلفة، وكمان إمكانيات جوه الموبايلات دي تناسب كل الاحتياجات بتاعة المستخدمين!
🔹 الخطوة الثانية: تغيير تجربة المستخدم جذريًا
أبل غيرت تجربة المستخدم مع موبايلاتها منخفضة السعر، فبدل ما كان اللي بيشتري آيفون SE مضطر يستحمل تصميم قديم جدًا ومختلف عن موبايلات أبل الرائدة، ويبقى لسه عايش في القرن الماضي مع سنسور البصمة اللي في زرار الهوم والشاشة الصغيرة، دلوقتي الوضع اتغير تمامًا!
📱 دلوقتي معاك شاشة ماليا واجهة الموبايل بالكامل، مفيش زرار هوم، والاعتماد الكلي على بصمة الوجه لتأمين الجهاز وفتح قفل الشاشة، وكمان لتأكيد أي عملية بتحصل زي تحميل التطبيقات، الدفع بالموبايل، أو أي حاجة تانية محتاجة تأكيد الهوية!
🔹 زر الاختصارات Action Button 🚀
برده ضمن فكرة تغيير التجربة، أبل نزلت في الموبايل الجديد زرار الاختصارات Action Button، اللي بيخليك تقدر تحدد مهمة معينة وتنفذها بضغطة زر، بدل ما تدخل في خطوات كتير!
🔹 خطوة عبقرية من أبل: دمج الوظائف في مكونات أقل!
الحركة الصايعة جدًا اللي أبل عملتها في الموبايل ده هي أنها دمجت أكثر من مهمة في عدد أقل من المكونات!
📌 يعني مثلًا، زرار Action مش بس بيعمل الاختصارات التقليدية اللي كانت موجودة في موبايلات آيفون 15 برو و16 برو، لكن أبل في آيفون 16e دمجت زرارين في زر واحد!
🎯 أول زرار هو زرار Action العادي، ودمجت جواه الوظيفة اللي بيعملها زرار Camera Control اللي نزل بشكل حصري مع موبايلات آيفون 16!
🔍 بكده، بقى تقدر تعمل سيرش بالكاميرا على أي حاجة قدامك، سواء صورة، عنصر معين، مكان مشهور، نبات، حيوان، أو حتى نص مكتوب على لافتة في الشارع وعايز تترجمه.. كل ده بيتم بالذكاء الاصطناعي عن طريق تعاون أبل مع Google Lens وChatGPT!!
✨ يعني بدل ما كانت أبل تزود زرار جديد في الموبايل، خليت زر واحد بس بيعمل المهمتين مع بعض.. الاختصارات + البحث البصري الذكي!
🔹 كاميرا ثورية بعدسة واحدة فقط!
الحركة الصايعة التانية اللي أبل عملتها، إنها خلت الموبايل ده ييجي بكاميرا خلفية قائمة على عدسة واحدة بس!
📷 عدسة رئيسية بدقة 48 ميجابكسل، بتقدم ألوان هايلة وجودة تصوير رهيبة!
🔍 وكمان فيها مستويات تكبير بصري Optical Zoom، فبتاخد دقة التصوير العالية، وكمان ميزة التكبير بتصميم رايق ومكونات أقل!
---
🔹 معالج A18 + مودم C1 + الأقمار الصناعية = مستقبل جديد!
لما تيجي تفكر في كل ده إنه متوفر في جهاز صغير، بشاشة OLED مقاس 6.1 بوصة، وشغال بمعالج A18، وجاي بأول شريحة مودم C1 من تصنيع أبل (بااااااي كوالكوم 🤤)، وفوق كل ده بيدعم كل خدمات الأقمار الصناعية بتاعت أبل!
📡 يعني تقدر تعمل مكالمات، تبعت رسائل، وتلاقي جهازك لو ضاع عن طريق القمر الصناعي!
بصراحة، ده مش مجرد تحديث جديد.. ده بجد دخول في عصر جديد تمامًا للموبايلات! 🚀
---
🗣️ هل ده بداية ترند جديد؟!
من أول السنة، والله وأنا عايز أتكلم عن ترند جديد شايفه هيبدأ يحصل في 2025، وهو فكرة الموبايلات الصغيرة "زي كبعا سامسونج جلاكسي S25 Edge اللي هينزل مفروض في أبريل.. وأبل متوقع تنزل iPhone 17 Air في سبتمبر" اللي فيها مكونات هاردوير أقل، لكنها تعتبر "سوبر موبايل"، بتقدم لك إمكانيات الفلاج شيب ولكن بأقل قطع ممكنة!
📱 يعني بيديك مزايا خرافية، في موبايل خفيف، عملي، وبعمر بطارية أطول!
الايفون 16e أعلى بـ 12 ساعة من أي موبايل آيفون SE فات، وأكتر بـ 6 ساعات من آيفون 11!!
الفرنساوي ميسترال يضرب ولا يبالي 🔥🔥🔥
الشركة الفرنسية نزلت نمذج جديد مخصوص العربي واسمه Mistral Saba واللي يعتبر من النماذج ااصغيرة مسبيا بمعمارية حوالي ٢٤ مليار متغير وده هيخليه وسريع وكويس جدا في المهام باللغة العربية واستهلاك طاقة اقل بكتير!
النموذج الجديد موجه بالكامل للشرق الاوسط والعالم العربي وبينفع يشتغل محليا على خوادم موجودة في أي مكان جوا دولة او شركة وبكدا مش هتحتاج يبقى المودل واصل بالإنترنت ولا يسلم الداتا بتاعت المستخدمين للكلاود بتاعت ميسترال اصلا!
النموذج الجديد ده متاح دلوقتي للديفيلوبرز عن طريق
الAPI بتاع الشركة!
👀 الخطوة طبعا جاية ف توقيت عبقري لان فيه فلوس استثمارات ضخمة ف المنطقة رايحة للذكاء الاصطناعي وكلو عايز يلحق نصيبه..
كمان جاي بعد يومين بالظبط من اعلان شركة Widebot عن إتاحة نموذجها عقل AQL المتخصص بقى ومحترف العربي باكتر من ٣٠ لهجة عربية، في قلب السعودية.. وكل ده محليا locally على سيرفرات في قلب المملكة بالتعاون مع جوجل كلاود!