🔶🔶🔸🔸🔸🔶🔶
✅ @tapuynusrawe
#وەرگێڕان
ــــــــــــــــــــــــــــــــــــــــــــ
لە شەوی بچووکی مندا،
مەخابن "با" لەگەڵ گەڵای دارەکان ژوانی هەیە
لە شەوی بچووکی مندا
دڵەڕاوکێی خاپووربوون هەیە
گوێ ڕاگرە!
هاتنی تاریکی دەبیستی؟
من غەریبانە چاو لەو بەختەوەرییە دەکەم
من بە نائومێدی خۆم گیرۆدە بووم
گوێ ڕاگرە!
هاتنی تاریکی دەبیستی؟
هەنووکە لە شەودا شتێک تێپەڕ دەبێت
مانگ سوور و شڵەژاوە و
لەسەر ئەم بانە کە هەر سات ترسی داڕمانی لێیە
هەورەکان، هاوشێوەی شینگێڕەکان گوایێ چاوەڕوانیی ساتی بارینن
ساتێک و لە دوای ئەوە،
هیچ...
لەودیوی ئەم پەنجەرەیە هەنووکە شەو دەلەرزێت و
زەوی خەریکە دەوەستێتەوە
لە پشتەوەی ئەم پەنجەرە شتێکی نادیار
نیگەرانی من و تۆیە
ئەی سەر تا پێت کەسک
دەستەکانت وەکوو بیرەوەرییەکی سووتێنەر،
لەنێو دەستانی ئەوینداری من بنێ و لێوەکانت وەکوو هەستێکی گەرم لە بوون
بە لاواندنەوەی لێوی ئەڤینداری من بسپێرە
"با" ئێمە لەگەڵ خۆی دەبات
"با" ئێمە لەگەڵ خۆی دەبات...!
ـــــــــــــــــــــــــــــــــــــــــــــ
✍ #فروغ_فەڕوخزاد
و. #پەخشان
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
#جوانترین_ڕستەی_کتێب
کاتێ شتێکت گەرەکە، تەواوی گەردوون لە بەدەستهێنانیا یارمەتیت دەدات.
ــــــــــــــــــــ
📘 #کیمیاگەر
✍ #پاولۆ_کۆیلۆ
✅ @tapuynusrawe
🔶🔶🔸
🔶🔶🔸🔸🔸🔶🔶
✅ @tapuynusrawe
#شیعر
ـــــــــــــــــــ
هەروەک تۆ
بە گریان ئاشنا نییە
ژان وەکوو تۆ
بە ناخی هیچ برینێکدا ڕۆنەچووە!
هیچ بێشەیەک
لە خەزانی تەمەنیدا
نیو هێندی تۆ
گەڵا و لک و پۆی ئازاری نەوەریوە!
تۆ چەند بارێکی قورسی
بە سەر لاشانی غەمەوە!
چەمۆڵەیەکی چەند مۆنی
بە نێو چاوانی تەمەوە!
ــــــــــــــــــــــــــــــــــــــــــــ
#مارف_ئاغایی
#کاناڵی_تاپوی_نووسراوە
✅ @tapuynusrawe
🔶🔶🔸🔸🔸🔶🔶
بیستم
بەهاری دادێ دێیتەوە؟
لەبەر چاومە
سروشت ، پێدەشت وەک پەڕۆیەکی سەوز
لە کەمەری چیا دەبەستێ و
سەما دەکا !
#تهلعهت_تاهیر
@tapuynusrawe
ئهو کهسهی خۆشم دهوێ
پێی گوتووم پێویستی پێمه
لهبهر ئهمهش
من ئاگاداری خۆمم و چاوکراوهشم
به ڕێگادا دهڕۆم و
نیگهرانم له ههر دڵۆپه بارانێک
نهوهک به لێدانێک وێرانم بکا.
#بێرتۆلت_برێشت 📚
#ڕۆژباش_هاوڕێیان
🗓ئەمڕۆ شەممە
☀️۲۹ی ڕێبەندانی۲۷۲۲ی کوردی
بە چاوی تۆ دڵی ژار و گرفتار
بە دڵ مەرگی دەوێ ڕۆژێ هەزار جار
لە ڕێی ئەم جوانییەت تۆزێک بەزەت بێ
هەژاری تۆم لە مردن مەمکە ڕزگار
#هەژار📚
🔶🔸
🔶🔶🔸🔸🔸🔶🔶
✅ @tapuynusrawe
#شیعر
ـــــــــــــــــــــــــــ
هەر کات بتەوێت چارۆکە ئەپێچیتەوە و
هەر سات مەیلت بوو ئاوڕێکی ڕووناک
لە حوجرەی تاریکم ئەدەیتەوە!
لەوە دڵنیایت قفڵێک شک نابم
هیچ دەروازەیەکی پێ داخەم
پشت ڕاستیت لەوەی
ماڵەکەمت لێ ون نابێت،
بە ڕێچکەی مێروولەکانی هاوڕێما ئەمدۆزیتەوە
بە گڵۆپە شکاوەکەی بەر دەرگاکەما ئەمناسیتەوە...
ــــــــــــــــــــــــــــــــ
#بەرزان_هەستیار
#تاپوی_نووسراوە 📚
✅ @tapunusrawe
🔶🔶🔸🔸🔸🔶🔶
🔶🔶🔸🔸🔸🔶🔶
✅ @tapuynusrawe
#شیعری_فۆلکلۆر
ــــــــــــــــــــــــــــــــــــــــــــــــــــــــــــــــــــــ
کەرە ئا بانە، تەماشات کەرو
نەوا مەیلەکەت، قیامەت بەرو
ـــــــــــــــــــــ
هەر وەختێ کریۆم، تاسەو باڵاو تۆ
ملو ماروونە، بەرزەڵنگ جە کۆ
ـــــــــــــــــــــــــــــــ
شاهۆ بە سەوزی چنوور و لۆوە
مدران بە پێشواز باڵاکەو تۆوە
ــــــــــــــــــــ
غەریب ئانە نییەن، گێڵۆ کۆ بە کۆ
غەریب منەنا، دوور کەوتەم جە تۆ
ــــــــــــــــــــــــــــــ
لیمۆ بە گولانەی، وێم گەورەم کەردەن
باخەوانشەنا، تا وە ڕۆی مەردەن
ــــــــــــــــــــ
مەلی پەی هانەی، هەنگامێ وردی
قەزای تۆ گنۆ، ئا تایفە گردی
ــــــــــــــــــــــــــــــــــــــــــــــــــــــــــــــــــــــ
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
♨️ @tapuynusrawe
🔶🔶🔸🔸
💫ڕۆژباش هاوڕێیان
🗓 ئەمڕۆ پێنج شەممە
☀️ ۲۷ی ڕێبەندانی۲۷۲۲ی کوردی
بەڵاﻡ ﺑﺎ تێبگا ﺋﻪﻭ ﺩﻭﮊﻣﻨﻪﯼ ﭘﻪﺳـــﺖ
ڕﻩﻭﻩﺯ ﻭﺭﺩ ﻧﺎﻛﺮێ ﻫﻪﺭﮔﯿﺰ ﺑﻪ ﺩﺍﺭﺩﻩﺳﺖ
ﺩﻩبێ ﻛﻮﻧﺪ ﻫﻪﺭ ﺑﻪﺭﻩﻭ ﻭێرﺍﻧﻪ بفـڕێ
هەڵۆ ﻟﻪﻭ کێوﻩ ﺳﻪﺭﺑﻪﺭﺯﺍﻧﻪ نەبــڕێ...
ـــــــــــــــــــــــــــــــــ
مامۆستا: #هێمن
#تاپوی_نووسراوە
✅ @tapuynusrawe
🔶🔶🔸🔸
🔶🔶🔸🔸🔸🔶🔶
✅ @tapuynusrawe
#کورتە_ڕۆمان
📚 کورتەیەک لە ڕۆمان
ـــــــــــــــــــــــــــــــــــــــــــــــــــــــــــــــــــــــــــــ
پرسیار لە جۆرج دەکــەم:
ـ کە دەبێ بە تەقە، بیر لە چ شتێ دەکەیتــەوە؟
ـ تەنیا لە کوشتن و لەوەی کە نەکوژرێم. هەمیشە لە کاتی هێرشدا ترسێکی سەیر هەموو گیانم دادەگرێ، یەکەم جار کە بۆ هێرش دەرچووم، کاغەزێکی ژنەکەم پێ گەیشت. نووسیبووی دووگیانە. ئەوەندە دەترسام، هەر وەخت بوو ڕۆحم دەربچــێ.
(پۆپ)ی برادەرم لە تەنیشتم بوو. بەیەکەوە هاتبووینە ڤێتنام و هەمیشە هەر بەیەکەوەش بووین، وەکوو دوو دۆستی لێک دانەبــڕاو.
... کاتێ کە تۆپەکەیان پێوە ناین، من چاوم لێ بوو، بەڵام هیچم بە (پۆپ) نەگوت. خۆم بەسەر زەویدا دا، بەڵام (پۆپ)م ئاگادار نەکردەوە.
دەزانی؟! تەنیا بیرم لە خۆم دەکردەوە،
لەو کاتەدا کە تەنیا بیرم لە خۆم دەکردەوە،
بینیم، بینیم (پۆپ) تەقییەوە و مـــرد...
ـــــــــــــــــــــــــــــــــــــــــــ
📔 ژیان و جەنگ و هیچی تر
✍🏻 #ئۆریانا_فالاچی
وەرگێڕانی لە فارسییەوە: عەزیز گەردی
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
#وتەی_ناوداران
ــــ
کتێب خوێندنەوەیش وەک هەمووشتێک لەم مەملەکەتەدا قۆڕ و بێمانا بووە.
ــــ
#سادق_هیدایەت
#تاپوی_نووسراوە 📚
✅ @tapuynusrawe
🔶🔶🔸
🔶.🔸.🔶.🔸.🔶.🔸.🔶.🔸.🔶
@tapuynusrawe
" #مێژووی_ڤالنتایـــن "
ڕۆژی(14/2)ی هەر ساڵێکی زایینی بەرانبەر بە (25)ی ڕێبەندانی ساڵی کوردی یادی خۆشەویستییە لە تەواوی جیهاندا، مێژووهکەشی دهگەڕێتهوه بۆ سەردهمی ڕۆم(700ساڵ پ.ز) لە کاتی قەیسەری ڕۆمهکاندا بووه کە خۆشەویستی بە هەموو جۆرێک قەدهغە دهکرێت،
🔸 چونکە خۆشەویستی وا لە مرۆڤ دهکات، شەڕ نەکات و نەرم و نیان بێت.
🔸ڕێز لە هەموو کەسێک بگرێت،
🔸دان بە بوونی هەموو کەسێک دابنێت!
بەڵام قەیسەر ویستوویەتی هەموو دنیا داگیر بکات،
لە بەر ئەمە، یاسایەکیان دهرکردووه کە خۆشەویستی قەدهغە بێت و هەر کەس ئاشق بێت،ئەکوژرێت.
بەڵام لەو کاتەدا قەشەیەک هەبووه بە ناوی
"سان ڤالانتاین"کە بە دزیەوه هەموو کوڕ و کچە ئاشقەکانی لێک ماره دهکرد.
ڕۆژێک پادشای ڕۆم بەمە دهزانێ و فەرمان دهدا کە بیگرن، بەو جۆره ڤالانتاین دهگیرێ و لەو رۆژهدا دهکوژرێ و لە تەواوی جیهاندا ئەو ڕۆژه بە ڕۆژی خۆشەویستی دیاری دهکرێ.
@tapuynusrawe
🔹بەڵام ئـەی کوردینـــە!
باش بزانن و تێبگەن و فریوی داب و نەریتی
ئەم و ئەو مەخۆن، هەرکەس شتێک بڵی، ئێمە نابێ زوو بیقەبڵێنین،
با لەسەر شتەکانی خۆمان سوور بین و ڕاوەستین!
فەرهەنگ و کەلتووری کورد بەو دهوڵەمەندییەوه،
با تۆزێک لێی بڕوانین و بە خۆماندا بێینەوه و با ڕۆژی لە دایک بوون یان مردن و یا پێکگەیشتنی مرۆڤە گهورهکانی خۆمان وهک:
🔸مـەم و زین
🔸خەج و سیامەند
🔸شیرین و فەرهاد و...
بکەینە بەردی بناغەی خۆشەویستی بۆ نەتەوهکەمان.
لە کۆتاییدا دەبێ بڵێین:
خۆشەویستی جۆرێکە لە گەڕانی خود بە دوای هاوتای ڕۆحدا و ساتی دۆزینەوهی خۆشەویستی، ساتی گەڕانەوهی ڕۆحە و ئارام گرتنەوهیەتی لە لەشدا...!
🎗کاناڵی تاپـوی نـووسـراوە🎗
❣❣❣
https://telegram.me/joinchat/BRd9Rjws1NxX8VUTYMkomA
🔶.🔸.🔶.🔸.🔶.🔸.🔶.🔸.🔶
.
🔶🔶🔸🔸🔸🔶🔶
✅ @tapuynusrawe
#وەرگێڕان
ــــــــــــــــــــــــــــــــــــــــــــــــــــ
سەرخۆش بە!
دەبێ دایم سەرخۆش بیت. ئەوە تەنیا شتە بیکەیت- تەنیا ڕێگەیە تاکو هەست بە باری قورسی زەمەن نەکەیت کە وا خەریکە پشتت دەشکێنێ و چۆکت پێ دەنێتە عەرز، دەبێ بەردەوام سەرخۆش بیت.
بەڵام بە چی؟ شەراب، شیعر یان تەقوا، بە دڵی خۆت. بەڵام سەرخۆش بە!
ئەگەریش جاروبار، لەسەر قادرمەکانی کۆشکێ یان لەسەر گیای سەوزی چاڵ و کەندێ، لە تەنیاییی پەست و غەمگینی ژوورەکەت، هەمیسان بەخەبەر دێیتەوە، سەرخۆشییەکەت نەماوە و چووە، لە با، شەپۆل، ئەستێرە، باڵندە، سەعات، هەرشتێ کە دەفڕێ، هەرشتێ کە دەناڵێنێ، هەرشتێ کە خل دەبێتەوە، هەرشتێ کە گۆرانی دەڵێ، هەر شتێ کە قسە دەکا بپرسە... بپرسە سەعات چەندە و با، شەپۆل، ئەستێرە، باڵندە، سەعات وەڵام دەدەنەوە: ''سەعات سەرخۆشییە! تاکو نەبیتە کۆیلە شەهیدەکانی زەمەن، سەرخۆش بە، دایم و دەرهەم سەرخۆش بە! بە شەراب، بە شیعر یان بە تەقوا
بە دڵی خۆت.''
ـــــــــــــــــــــــــــــــــــــــــــــــــ
#شاڕڵ_بودلێر
#تاپوی_نووسراوه 📚
✅ @tapuynusrawe
🔶🔶🔸🔸🔸🔶🔶
💫 #ڕۆژباش_ھاوڕێیان
🗓 ئەمڕۆ یەکشەممە
☀️ ۲۳ی ڕێبەندانی ۲۷۲۲ی کوردی
پـڕ عـەنبـەر و ڕێحـان و سـەمـەن سونبولی گـوڵـنــار
قـوربـانی قـەدت بـم کـە دەڵـێـی سـەروە بـەڕەفـتار!
#ئەدیب
✅ @tapuynusrawe
🔶🔸
من باوەڕم بە ڕێگا و بیرەکانم هەیە و تا کۆتایی ژیانم درێژەدەری بیر و ڕێگا و ئامانجەکەمم.
گەرچێ دوژمن وا دەزانێ من بەدیلی لاڵ دەبم
باش بزانێ کونجی زیندانم قوتابی خانەیە
بیری ئازادیم لەزیندنا فراوان تر دەبێ
قوڕ بەسەر ئەو دوژمنەی هیوای بە بەندیخانە.!
#بەرخۆدانت_پیرۆز_زارای_نیشتمان
#تاپوی_نووسراوە 📚
✅ @tapuynusrawe
🔶🔶🔸
دڵی شێتم وەها گرتی گڕوو پێت
لە تاوان پێی دەتاوان بەردی بەر پێت
چ ژین سەختم چ دڵ سەختی گوڵی من
کزەی دڵ وەک کزەی با دێتە بەر گوێت...
ـــ
#هەژار
#تاپوی_نووسراوە 📚
✅ @tapuynusrawe
🔶🔶🔸
🔶🔶🔸🔸🔸🔶🔶
✅ @tapuynusrawe
#کورتە_چیرۆک
📚کورتەیەک لە چیرۆک
ـــــــــــــــــــــــــــــــــــــــــــــــــــــ
خەزاڵ دەڵێ:
لاسە! ئەو پەرچەمانەم بۆ توو پەروەردە کردوون هەروەک ئاوریشمی دووکانێ
ئەمن ئەو هەنیەم بۆ توو نیگاداشتی کردووە، هەزار و حەوسەد مەلایکەتی جڵەوکێشە، وەک مانگی مونەوەر وایە شەوقی داوەتە عەرز و ئاسمانێ.
ئەو برۆیانەم بۆ توو پەروەردە کردوون، دەبێ شاری هیندی بۆ بدەی بە دەرمان، دەستی بکەی بە وسمە کێشانێ.
ئەم چاوانەم بۆ توو پەروەردە کردوون، دەڵێی ئەستێرەی گەلاوێژە، لە هەوشار و عەجەمان هەڵدێ، هەر ئاشقێکی بیبینێ گوناهی نامێنێ ڕۆژی ئاخرزەمانێ.
ئەو کوڵمانەم بۆ توو پەروەردە کردوون، دەڵێی فانۆسە لە دیوانی سوڵتانی ئەستەمبووڵێ؛ میرزای قابیل لەبەر شەبەقی قەڵەمی باوێتە سەر قاقەزی بۆ هەر چوار دەوڵەتان بنێرێ پۆستە و فەرمانێ.
ئەم کەپۆیەم بۆ توو پەروەردە کردوون، مەگەر هەر هەیاسی دانا مەعنای بزانێ.
ئەو لێوانەم بۆ توو پەروەردە کردوون، پیاوی تاجر مەگەر کلووری ببێ دەنا قیمەتی نازانێ.
ئەو ددانانەم بۆ توو پەروەردە کردوون. هەر ددانێکم گەوهەرێکە، هەر گەوهەرێکم قیمەتی تەواو نابێ بە شاری کشمیرد و ئێرانی.
ئەو چەنەی ڕەنگ شاخی زێڕینی بۆ تۆم پەروەردە کرد. دڵم نایە دە مست وەستای ناشی نێم، وەستایەکی باش وەستا ببێ، سەبر سەبر، نەرم نەرم، زەحمەتی نەدا لە مسقاڵ کێشانێ.
ئەو گەردنەم بۆ توو پەروەردە کردووە، دەڵێی شووشەی گوڵاوێیە چەند خۆشە لاس و خەزاڵ لێکدی بپڕژێنن، لاس بڵێ: یای خەزاڵ ئەو شووشە گوڵاوێم بۆ لەسەر دەلاقە دانێ.
ئەو کەشەفەم بۆ توو پەروەردە کردووە، جووتێک لیمۆی کاڵی لەسەرن خاوڕیسی دارای لێ بووە بە پەردە کلیلی بۆتە دەرزی هەشتەر خانێ.
هێندێک خاڵ لە نێوانی سینگ و مەمکانم ئەو خاڵانە بەبێ مامۆستا و موستەعید دەخوێنمەوە: ئەلفن، میمن، خەتی قورعانێ.
ئەو بەژنەم بۆ توو پەروەردە کردووە. دەڵێی ڕێحانەی یەکساڵەیە، بەنیئادەمان شەواویان لێ ناوە خوناوەکی پەڕیوەتە سەر پەلکان دەگەڵ زەردی ڕۆژی هەوەڵی سبحەیانێ.
ئەو شلکەی ڕانانەم بۆ توو پەروەردە کردووە، خۆی بۆ شۆڕ بکەوە، سەری خۆتی لەسەر ڕۆنێ لە ماچکردن و گەوزلێدانێ.
لاسە شۆڕ! عەمرم! وەرە ماچانت دەمێ هیچ کەس نەزانێ.
گوێزینگی سەر پێیانم سێوی سەر لکانە بەئەمانەتی بە باغەوانی داون لە ئێوارەوە کێشکی لێ بکێشێ هەتاوەکو هەوەڵی سبحەیانێ.
لە سبحەینێوە کێشکی لێ بکێشێ تا عەسرێکی درەنگ مەلا دەڵێ: "ئەڵڵاهو ئەکبەر"؛ سۆفی دێننەوە شادەت و ئیمانێ.
لاس وەرە دوو ماچانت بدەمێ، یەک لەباتی زەکاتێ، ئیدیکە لەباتی کەلیمەی شادەت وئیمانێ.
ـــــــــــــــــــــــــــــــــــــــــــــــــــ
📙توحفەی موزەفەرییە (لاس و خەزاڵ/ ل.۲۳۸-۲۳۹)
ئامادەکردن: #هێمن_موکریانی
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
#وەرگێڕان
ـــــــــــــــــــــــــــــــــــــــــــــــــــــــ
هەر نەتهێشت ماچت کەم هەتا ماچیشیان قەدەغە کرد .
ئێستا هەناسە بڕکێمان پێکەوتووە وەکوو ئەشقی سەردەمانی پەتای کۆلێرا .
نەفرەت لە تۆ ، نەفرەت لە من ، نەفرەت لە هەموومان لەمەڕ ئەو ماچانەی وا لێکمان درێخ دەکرد !
ئەگەر تۆ بە ساخ دەرچووی لە لایەن منەوە بە هەموو خەڵکی جیهان بڵێ هەتا بۆیان ئەکرێ یەکدی ماچ کەن .
نەسڵی ئێمە لە ناوچوون لە چاخی سەهۆڵبەندانا ! لە سەردەمێکدا کە ڕامووستن حوکمی خواردنەوەی جامی شەوکەران و کێشانەوە ماشەی تفەنگی بەرەو ناودەمی خۆتی هەبوو .
بە هەموو دونیا بڵێن ؛ کە ئەوە دڵڕەقی و نامێهرەبانی بوو ئێمەی قڕکرد و کوشت ، نەک شەڕی سەلیبی و تاعوون و سیل و سەرەتان ....
خۆشەویستیی لە سەردەمی کۆلێرادا .
✍#گابڕەیەل_گاڕسیا_مارکێز
ــــــــــــــــــــــــــــــــــــــــــــــــــــــــ
و : #زاهید_بابامیری
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
💫 #ڕۆژباش_ھاوڕێیان
🗓 ئەمڕۆ یەکشەممە
☀️ ۳۰ی ڕێبەندانی ۲۷۲۲ی کوردی
من ڕێبواری مێژووی تاڵی
دڵی خۆمم
هەر ئەڕۆم و هەر ئەڕۆم و هەر جێماوم
#جەلال_مەلەکشا
✅ @tapuynusrawe
🔶🔸
✅ @tapuynusrawe
🔶🔶🔸🔸🔸🔶🔶
#کەرکوک
سێدارەکەی '' مەهاباد '' م کرد بە فڵچەو
گۆلی '' وان '' بە ڕەنگ و
'' کۆبانێ '' بە چوارچێوە.
لەسەر لادیوارێکی قەڵای کەرکووکا
کێشام؛
تابلۆی شەهید.
#قوباد_جەلیزادە
#تاپوی_نووسراوە
✅ @tapuynusrawe
🔶🔶🔸🔸🔸🔶🔶
🔶🔶🔸🔸🔸🔶🔶
✅ @tapuynusrawe
#شیعر: مامۆستا #گۆران
#گۆرانی: بە دەنگی
خاتوو #مەرزیە_فەریقی
ــــــــــــــــــــــــــــــ
"هیوا مەگری"
هیوا مەگری، هەنسکی نیوەشەو بەس هەڵ دە، بەس بگری
لە چاوی بێقەرارم بۆچی دەرمانی وەنەوز ئەبڕی؟
کوڕی خۆم! کۆرپەڵەم! میوانی دونیای تازە خوڵقاوم
ئەدا گریەت، بە زەربەی چز، لە ڕۆحی پڕگلاراوم
چییە ئەم گریە بێغایە، کڕووزەی نیوەشەو، خورپێن؟
چییە ئەم قەترە وردانەی لە چاوت بێمەئال ئەڕژێن؟
لەگەڵ ئەو غونچە ساوایەی لەسەر خەڵفی بەهار ئەڕوێ
چییە فەرقت؟ لەبەر چی ئەو هەتاکوو سیس ئەبێ ئەنوێ؟
وەکوو ئەو بەرخە بچکۆڵەی کە هەر ئێستا لە دایک بوو
لەبەر چی نەشئەیی یاری، هەڵت ناداتە سەر پاشوو؟
ئەڵێی ئەو زەڕنەقووتەی پەپکەمارە، فەڕشی هێلانەی
چ ئێشێکە، کوڕم؟ بۆچی لەسەر ئەم هەڵکڕووزانەی؟
چییە توخوا؟ چ سیڕڕێکە وەها مەحکوومی گریانی؟
کە تۆ هێشتا لە خەم ناگەی؟ لە مەعنای گریە نازانی؟
ئەگەر وەک باوکە حەسرەت دیدەکەت، زەهرت بچێژایە
زەمان گەردی ئەمەلتی گشت، بە دەم باوە بپێژایە
لە ناو کڵپە و بڵێسەی نائومێدی و حەسرەتا یەکسەر بسووتایە
بەهاری عومری جوانیت، هەم گوڵ و هەم بەر
بەڵێ ڕۆڵەم، ئەگەر وەک من کەمێک بەدبەختی ئیدراکیش
لە تۆشی ڕەش بکردایە
نە وەک شەو، ڕۆژی ڕووناکیش
حەقت بوو عەرش بلەرزێنی، بە ناڵەی ڕۆحی پڕ ئێشت
لە ئەستێرەی سەما بپژێنی فرمێسکی دڵی ڕێشت
حەقت بوو ئەم هەموو گریانی نامەفهووم و بێمەعنا
زمانی بەست و تەقریری شکاتت بێ، لە دەست دونیا
حەقت بوو بێوچان بگری، بە سەر تاوانی باوکیما
بەحر پڕکەی لە تف، بیدەی بە ناوچاوانی باوکیما
بەڵام ڕۆڵەم، کە تۆ هێشتا لە فەجری زیندەگانیتای
لە بەر دەرگای تەلیسمی بەختی مەجهوول و نیهانیتای
بە چی مەعلووم بە شوێنی هی منا ئەڕژێ، چەمی عومرت؟
سەراسەر پێ پێکەنین و خوڕڕەمی نابێ، خەمی عومرت؟
بەڵێ بەرخم! ئەگەرچی هەر وەکوو یەک ژینی گشت لایە
لە بەینی بێشکە و قەبرا، بڕینی عەینی ڕێگایە
هەموو هەر قافڵەی بێئیختیاری سەر زەمینێکین
هەموو دێین و دەڕۆین تاکوو ئەگەین، یەعنی ئیتر ئەمرین
وەلێ کۆچی ژیان، کۆچێکی پڕ سێحر و پڕ ئەفسوونە
لە یەک سەرچاوە دوو قەترە، یەکێ لێڵە و یەکێ ڕوونە!
هەیە وەک من بەسەر دڕکا ئەنێ هەنگاوی ئاوارە
هەیە هی واش کە فەڕشی ژێری پێی، ئاوریشمی گوڵزارە
ئەوەندەی ڕۆحی مەئیووس و مەلوول تاری ئەکا دونیا
ئەوەندەش نوور لە ڕۆحی شادەوە، ئەڕژێ بەسەر سەریا
کوڕم! هەر وەک لە ئوعجووبەی ژیانا بەختی بەد ئەگری
شتێکیش بەختیاری، پێکەنین، گرتوویە چوار دەوری
بە خۆڕایی مەترسە، خەم مەخۆ، مەگری، لە ئێستاوە
بە چی مەعلووم کەچی لەو تەختی ناوچاوانە نووسراوە؟
ــــــــــــــــــــــــــــــ
#تاپوی_نووسراوه
✅ @tapuynusrawe
🔶🔶🔸🔸🔸🔶🔶
✅ @tapuynusrawe
🔶🔶🔸🔸🔸🔶🔶
"دوا وتەی کەسایەتییە بەناوبانگەکان پێش مردنیان"
ئەلبێرت ئەنیشتاین:
من هەموو کارەکانم لێرە بە کۆتا گەیاند.
چالز 'پاشای بەریتانیا':
مەرگی من درێژەی کێشا، هیوادارم من ببەخشن.
مۆسۆلینی:
گوللـەیەک بنێ بە سنگمەوە.
بیتهۆڤن:
کۆمیدیا تەواو بوو.
چارلی چاپلین:
لە وەڵامی ئەوەی پێیان وت، خودا ڕۆحت شاد بکات، وتی: بۆ نایکات، هەر چی بێت ڕۆحم هی ئەوە.
چیخۆف:
زۆر دەمێک بوو شامپانیام نەخواردبوەوە.
گۆتە:
کەمێک ڕووناکیی زیاترم ئەوێت.
ڤیکتۆر هۆگۆ:
ڕووناکییەکی تاریک ئەبینم.
نیکۆلای گۆگۆڵ:
یەک پەیژە، پەیژەیەکی دارم بۆ بێنن.
#تاپوی_نووسراوە
✅ @tapuynusrawe
🔶🔶🔸🔸🔸🔶🔶
🔶🔶🔸🔸🔸🔶🔶
✅ @tapuynusrawe
#وتەی_ناوداران
ــــــــــــــــــــــــــــ
بە یەک چرکە دەتوانی کەسێ بڕووخێنی،
لە یەک کاتژمێریشدا دەتوانی کەسێکت خۆش بوێت،
لە یەک ڕۆژیشدا دەتوانی عاشق بیت.
بەڵام تەمەنێکی دوور و درێژی دەوێ تاکو بتەوێ کەسێک لە بیری خۆت بەریتەوە!
ـــــــــــــــــــــــــــــــــــــــــ
#گابرێل_گارسیا_مارکێز
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
💫 #ڕۆژباش_هاوڕێیان
🗓ئەمڕۆ چوارشەممە
☀️ ۲٦ی ڕێبەندان ۲۷۲۲ی کوردی
چ خۆش ڕووی دادەھێنا زولفی ئەفشان کرد بە دڵداریم
ئیلاھی قەت نەکەی ڕۆژ بێ شەوی قەدر و بەراتی من
ـــ
#وەفایی📚
✅ @tapuynusrawe
🔶🔸
یار له ههنار ئهچێ
یان دڵی نییه
یان سهد دڵی ههیه...!
#ئاری_عەبدولەتیف 📚
✅ @tapuynusrawe
🔶🔸
🔶🔶🔸🔸🔸🔶🔶
✅ @tapuynusrawe
#شیعر
ــــــــــــــــــــــــــــــ
"ئەمشەو بێدهنگی دهمکوژێ"
کێیە ئەمشەو
لە دهرگای ژوورهکەم ئەدا؟
ڕهنگە با بێ
لەو دوورهوه ملی بۆ ئەم ناوه نابێ
دهبێ ئێستا
دووکەڵی ئاهی چەند دڵی
لە قووڵایی دهروونا بێ
ئەمشەو بێدهنگی دهمکوژێ
نە با بە هاناما دهگا
نە ئەو ئەستێره کزبووهی
لە پهنجەرهوه دهبینم
ئەم دیواره شێ گرتووهش
هاکا .. بە سەرما .. داڕما
ئەمشەو بێدهنگی دهمکوژێ
کێ بێ لەگەڵ سۆزی گەرما
دهستی ناز بێنێ بە سەرما؟
بێ تۆ پایزێکی وشکم
ڕۆژهکانم ڕهق ههڵاتوون
ــــــــــــــــــــــــــــــ
#فەرەیدون_عەبدول_بەرزنجی
#تاپوی_نووسراوە
✅ @tapuynusrawe
🔶🔶🔸🔸🔸🔶🔶
#ڕۆژباش_هاوڕێیان
🗓ئەمڕۆ سێشەممە
☀️۲٥ی ڕێبەندانی۲۷۲۲ی کوردی
ئەوەن دەشکێنی بۆ ماچێ دڵی من
هەناسەم دەتگرێ جارێ گوڵی من
کەرەم کە بێتە سەر کوڵمی گەشی تۆ
سمێڵی نیوەبۆزی هەژگەڵی من
#ڕاوچی📚
@tapuynusrawe
🔶🔶🔸🔸🔸🔶🔶
✅ @tapuynusrawe
#شیعر
ــــــــــــــــــــــــــــــــــــــــــــــــــــ
"ئامانجی قەڵەم"
ئامانجی وایە پێنووسی دەستم
وەهایە هیوای شێعر و هەڵبەستم
تاقەی مرواری هەر چەندە جوانە
بووکی بەنرخی نێو گەوهەرانە
بەڵام ئەو کاتەی کۆ بکرێتەوە
لەسەر شریتێ بهۆنرێتەوە
ئەو ساتە جوانە و جوانتر دەنوێنێ
تاکوو بە تەنیا لە لای بمێنێ
زمانی کوردیش ئەو گەوهەرەیە
کە دیاری بەرزی مێژووی ئێمەیە
وشەی جوان جوانی نێو کوردەواری
جوانتر لە زێڕ و لەعل و مرواری
کاتێ بە شێوەی جوانی هۆنراوە
کرایە بەستە و شێعر و هۆنراوە
چاکتر دەنوێنێ و هەر لەبەر چاوە
هەرگیز ون نابێ و ناخرێتە لاوە
ئامانجی وایە پێنووسی دەستم
وەهایە هیوای شێعر و هەڵبەستم
ــــــــــــــــــــــــــــــــــــــــــــــــــــ
مامۆستا #شەریف
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶
ڕوو بدە...
ئەم ڕۆژانه
لە جارانم پتر پێویست بەم پێشهاتەیە...
ـــ
#کامران_ڕەسووڵ_زادە
#تاپوی_نووسراوە 📚
✅ @tapuynusrawe
🔶🔶🔸
🔶🔶🔸🔸🔸🔶🔶
✅ @tapuynusrawe
#وتەی_ناوداران
ـــ
گەورەترین لاوازی لە ئافرەتدا ئەوەیە داوا لە پیاو دەکات مافەکانی بۆ دەستەبەربکات، لەوەش لاوازتر ئەوەیە کە پێی وابێت پیاو هەوڵ بۆ مافەکانی دەدات و ماف و ئازادییەکانی بۆ بەدەست دەهێنێت.
ـــ
#ئۆریانا_فالاچی
#تاپوی_نووسراوە 📚
✅ @tapuynusrawe
🔶🔶🔸🔸🔸🔶🔶