تاپوی نووسراوە

14 May 2024 16:39

‍ 🔶🔶🔸🔸🔸🔶🔶
✅ @tapuynusrawe

🎵 #گۆرانی : "زوون لە وەر"
هۆنراوەی: #عەلی_ئولفەتی
🎻بە دەنگی:
هونەرمەند #حسەین_سەفامەنش
ــــــــــــــــــــــــــــــــــــــــــــــــــــــــــــــــــــــــــــ

(زوون له‌وه‌ر، خڕخاڵ له‌ ده‌س، گوڵێ ھابانْ سه‌روه‌نی)۲
(ماشته‌ی له‌ مه‌خمه‌ڵ کرده‌وه‌ر خوه‌زیه‌ وه‌ ھاڵْ خاوه‌نی)

(سقانم میل سورمه‌دان، چه‌وم وه‌ سرمه‌ی قه‌ی چه‌وی
مانی نه‌قاشی کردیە‌ گوڵه‌یلْ نه‌خشْ داوه‌نی)۲

(برام بوودە وه‌ نه‌زر ئه‌و مانگه‌شه‌وه‌یلْ سوخمه‌یه‌
باخی وە لیموو هاورد (پڕیە لە زەردە بەیە)۲

(ئی بوو شەماڵه‌ چ خوه‌شه‌، بوو کام خودا لایق دییەس‌؟!
ھه‌م کام په‌ریخانه ئەی خودا!، له‌سه‌ر پسا له‌چگ که‌نی)۲

(سه‌راو ڕێیه‌گه‌ی لیم گردییە‌ و پا ناسه ‌ناو کانی سه‌راو
نازار زۊ پایلد بشوور وه‌خته‌ مْ بمرم له‌ تیه‌نی)۲

(برام بوودە وه‌ نه‌زر ئه‌و مانگه‌شه‌وه‌یلْ سوخمه‌یه‌
باخی وە لیموو هاورد (پڕیە لە زەردە بەیە)۲

(سۆفی له ‌دین ده‌رچی منم پیته‌خه‌نه‌ی خاس و گه‌نم
به‌و لاروله‌نجه‌ دی به‌سه‌، دی که‌م بکه‌ بزگه‌خه‌نی)۲

(سه‌راو ڕێیه‌گه‌ی لیم گردێیە‌ و پا ناسه ‌ناو کانی سه‌راو
نازار زۊ پایلد بشوور وه‌خته‌ مْ بمرم له‌ تیه‌نی)۲

برام بوودە وه‌ نه‌زر ئه‌و مانگه‌شه‌وه‌یلْ سوخمه‌یه‌
باخی وە لیموو هاورد (پڕیە لە زەردە بەیە)٤

ــــــــــــــــــــــــ
📙فەرهەنگۆک

زوون: سەڵته
ماشتە: جۆرێ چارشێو
سەروەنی: سەروێن
پسا: لە کاتی
تیەنی: تینوویی
پیتەخەنه: پێکەنینی تاڵ و بە تیتاڵییەوە
بزگەخەنی: پێکەنینی تاڵ و بە تیتاڵییەوە
ــــــــــــــــــــــــــــــــــــــــــــــــــــــــــــــــــــــــــــ

#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

14 May 2024 12:38

#وتەی_ناوداران

کاتێک مرۆڤ ڕاهات چلۆن لەگەڵ ئازارەکانی بەتەنیا بمێنێتەوە،
ئەو کاتەیە کە ئیدی شتانێکی زۆر نەماوە کە فێریان نەبووبێت.
ـــــــــــــ
#ئالبێر_کامۆ
#تاپوی_نووسراوە 📚
✅ @tapuynusrawe
🔶🔶🔸

تاپوی نووسراوە

14 May 2024 09:21

‍ ✅ @tapuynusrawe
🔶🔶🔸🔸🔶🔶

#ڕۆژی_زمانی_کوردی

📆ئەمڕۆ 25ی گوڵان وەک ڕۆژی زمانی کوردی دیاری کراوە و دەناسرێت.

💫بەو بۆنەوە جوانترین پیرۆز باییەکان ئاراستەی ھەموو کورد و ئێوەی خۆشەویست دەکەین.💫

📜هۆکاری دیاری کردنی ئەمڕۆ وەک ڕۆژی زمانی کوردی :

💢لە ڕۆژی "۱۵ی ئایار"ی ساڵی ١٩٣٢دا یەکەمین ژمارەی گۆڤاری "ھاوار"بە دەستی "جەلادەت عالی بەدرخان" لە شاری دیمەشق لە وڵاتی سوریا دەرکرا.

💢ھەروەھا لە ساڵی ١٩٥٤ یەکەمین ژمارەی گۆڤاری "ھەتاو" لە شاری ھەولێر لەم ڕۆژە دەرکرا

💢 لە ساڵی ١٩٦٣یش گۆڤاری "ڕۆژا نوێ" لە شاری ئەستەمبوڵ یەکەمین ژمارەی دەرکرد.
ـــــــــــــــــــــــــــــــــــــــــــــــ

🌸جوانترین دیاری لەم ڕۆژەدا پێشکەش کردنی کتێب بە زمانی کوردییە بە هاوڕێیانتان.


❤️کوردی بخوێنینەوە
❤️کوردی بنووسین
❤️تاکوو کوردانە بیرکەینەوە!

#تاپوی_نووسراوە

✅ @tapuynusrawe
🔶🔶🔸🔸🔶🔶

تاپوی نووسراوە

14 May 2024 06:35

💫 #ڕۆژباش_ھاوڕێیان
🗓 ئەمڕۆ سێ شەممە
☀️ ۲٥ی بانەمەڕی ۲۷۲٤ی کوردی

لەبەردا چین بە چین ھاتو بچین چینی لەسەر چین دا
چین بچین چین تا بە پا گێسویی چین چینت؟

#کوردی

✅ @tapuynusrawe
🔶🔸

تاپوی نووسراوە

13 May 2024 17:20

‍ 🔶🔶🔸🔸🔸🔶🔶
✅ @tapuynusrawe

🎵 #گۆرانی: "کوردستانەکەم"
هۆنراوەی: #ڕەزا_حەمە
🎻بە دەنگی:
هونەرمەند #کاوە_حەمە_ساڵح
ــــــــــــــــــــــــــــــــــــــــــــــــــــــــــــــــــــــــــــ

ئەگەر وتیان
هەواری کاروانی ئێوە
بۆچی دوورە...
ئەگەر وتیان دار و بەردی
وڵاتەکەی لەمەڕ ئێوە بۆچی سوورە..

هەموو هاوارکەن بە جارێ
بڵێن چونکه‌
لە ئاسمانی مەڵبەندەکەی
لەمەڕ ئێمە
لەجێی باران خوێن ئەبارێ
خوێن ئەبارێ..
خوێن ئەبارێ
ئای ئای کوردستانەکەم!
ـــــــــــــــــــــــــــــــــــــــــــــــــــــــــــــــــــــــــــــــــــــ

#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

13 May 2024 13:19

#وتەی_ناوداران

"ئه‌خلاق"
به‌پێی كات و شوێن
ده‌گۆڕدرێت!
ـــــــــــــ
#كافكا
#تاپوی_نووسراوە 📚
✅ @tapuynusrawe
🔶🔶🔸

تاپوی نووسراوە

13 May 2024 09:17

🔶🔶🔸🔸🔸🔶🔶
✅ @tapuynusrawe

#شیعر
ـــــــــــــــــــــــــــــ

دوور یانی کەوتن
لە حافزەی گەڕۆڵی پارک وەک گەڵا

کەس نەیزانی کەوتن خەسڵەتی خاک بوو یان شعووری ئوتووبان

من ئەوەتا نغرۆی هەڵوەدایی و ئێرەیی بردنم
بە گمەگمی ‌بەیانییەکانی قوتابی و مەدرەسە
بە نیوەڕۆی تەمەڵی دەوام
بە ئێوارەی پیاسەیەکی ئارام
ئێرەیی ئەبەم بە تای تەنیاییی شەوانەت
بە تایەک کە دەستت ئەگرێ
جووتت ئەکا بێ من

لەوانەیە ئیرەیی بەم بە گڵۆپی نووستنی ژوورەکەت
بە کزەی ساردی درزی پەنجەرە
بە مەلافە و بە چۆلەکەکانی بەیانی
کە هێشتا بێ من چۆلەکەن!
ــــــــــــــــــــــــــــــ
#کەماڵ_ئەمینی
(بەشێک لە شیعری هەڵوەدا)

#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

12 May 2024 19:43

🔶🔶🔸🔸🔸🔶🔶
✅ @tapuynusrawe

#کورتە_ڕۆمان

📚کورتەیەک لە ڕۆمان
ــــــــــــــــــــــــــــــ

دوای بیرکردنه‌وه‌یه‌کی درێژ بڕیاری دا بۆ خۆی و بۆ هه‌مووانی بسه‌لمێنێت که‌ به‌ڕاستی تاعونێکی کوشنده‌ بڵاو بۆته‌وه‌!
میلله‌تێک پێکڕا جگه‌ له‌ کتێبی قوتابخانه‌ هیچ کتێبێکی تر به‌ جدی ناخوێنێته‌وه‌، هیچ هه‌واڵێک نایجووڵێنێت...

سه‌لام له‌ دڵی خۆیدا وتی: تاکه‌ خولیای ئه‌م خه‌ڵکه‌ بووه‌ به‌وه‌ی خۆیان ده‌رخه‌ن، سه‌رده‌مێکه‌ مرۆڤ خۆی خستۆته‌ بازاڕێکی گه‌وره‌وه‌، تا ته‌نیا پڕوپاگه‌نده‌ی پووچ بۆ خۆی بکات...!

ـــــــــــــــــــــــــــــ
لە ڕۆمانی: #کەشتی_فریشتەکان
#بەختیار_عەلی

#تاپوی_نووسراوە📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

12 May 2024 14:41

#وتەی_ناوداران

بە شێوەیەکی گشتی
ئەو کەسانەی کە زۆر دەزانن،
کەم قسەن و
کەسانێکش کە کەم دەزانن،
زۆر بڵەن..!
ــــــــ
#ژان_ژاک_ڕۆسۆ
#تاپوی_نووسراوە

✅ @tapuynusrawe
🔶🔸🔸

تاپوی نووسراوە

12 May 2024 10:39

✅ @tapuynusrawe
🔶🔶🔸🔸🔸🔶🔶

#وەرگێڕان
ـــــــــــــــــــــــــــــــــــــــــــــ

لە ژیاندا لە زۆر شت دەترسام و پەرۆشیان بووم،
تا ئەوەی کە هەموویانم تاقی کردەوە و ئێستا هیچ ترس و هەراسێکم لەوانە نییە!

لە "تەنیایی" دەترسام،
فێر بووم خۆمم خۆش بوێت…

لە "دۆڕان" دەترسام،
فێر بووم دۆڕان واتا هەوڵ نەدان…

لە "نەڤیانی خەڵک" دەترسام،
فێر بووم "لە هەرحاڵ هەرکەس بۆ خۆی ڕایەکی هەیە"

لە "ئێش" دەترسام،
فێر بووم ئێش کێشان بۆ "گەشەی ڕۆح" گرنگە.

لە "چارەنووس" دەترسام،
فێر بووم "من هێزی گۆڕاندنیم هەیە"

لە "داهاتوو" دەترسام،
فێر بووم "دەتوانم داهاتوویەکی باشتر دروست بکەم"

لە "ڕابوردوو" دەترسام،
فێر بووم "ڕابوردوو هێزی خەسار گەیاندنی نییە " و لە کۆتاییدا؛
لە "گۆڕاندن" دەترسام
هەتا فێر بووم،
تەنانەت جوانترین پەپوولەکانیش پێش لە هەڵفڕین تەتڵە بوون و "گۆڕین" جوانیانی کردووە...

ــــــــــــــــــــــــــــــــــــــــ
وەرگێڕ: #سامرەند
#تاپوی_نووسراوە
✅ @tapuynusrawe
🔶🔶🔸🔸🔸🔶🔶

تاپوی نووسراوە

12 May 2024 06:23

💫 #ڕۆژباش_هاوڕێیان
🗓ئەمڕۆ یەکشەممە
☀️۲۳ی بانەمەڕی٢٧٢٤ی کوردی

سونبولی زوڵف و گوڵی ڕوخسار و سەروی قامەتی
مانگی نیسان و گوڵان نەیدی لەنێو باخ و ڕەزی

#حاجی_قادری_کۆیی 📚
✅ @tapuynusrawe
   🔶🔸🔸

تاپوی نووسراوە

11 May 2024 17:21

‍ 🔶🔶🔸🔸🔸🔶🔶
✅ @tapuynusrawe

🎵 #گۆرانی: "ئامان هەی ئامان"
هۆنراوەی: #فۆلکلۆر
🎻بە دەنگی:
هونەرمەند #سەدیق_تەعریف
ــــــــــــــــــــــــــــــــــــــــــــــــــــــــــــــــــــــــــــ

هەی داد هەی بێداد کەس دیار نییە کەس لە دەردی کەس ئاگادار نییە
هەی داد هەی بێداد لەم گەورە شارە
نە دەنگی دۆست دێ، نە یار دیارە

ئامان هەی ئامان ئامان هەی ئامان ئامان هەی ئامان
چەرخی چاوەیلت، چەرخی چاوەیلت سەریان لێم شێوان
ئازیزم سەریان لێم شێوان

من دوور و تۆ دوور وەدووریت قەسەم
هەر وەختە بەربێ ئاگر لە جەستەم
لە دووری باڵات خەمم خەڵاتە
ڕۆحم ئێشکچی دەوری باڵاتە

شەوان نەخەفتم بە تاسەتەوە
بۆنم دا بە بۆی هەناسەتەوە
شەوان شەوناڵین ڕۆژان ڕۆڕۆمە گشتی پەژارەی دووریەکەی تۆمە
ـــــــــــــــــــــــــــــــــــــــــــــــــــــــــــــــــــــــــــــــــــــ

#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

11 May 2024 13:20

گوتم خۆ کەعبه کەج نابێ به ماچێ

گــوتی زیــاتر لەوه پـێ هــەڵمەهێنە!
ــــ
#وەفایی
#تاپوی_نووسراوه 📚
✅ @tapuynusrawe
🔶🔶🔸

تاپوی نووسراوە

11 May 2024 09:18

🔶🔶🔸🔸🔸🔶🔶
✅ @tapuynusrawe

#شیعر
ـــــــــــــــــــــــــــــ

تا بڵێی جوانی زۆر بێ ئەندازەی
بۆنی کاغەزی کتێبی تازەی

شێعرێک لە بۆنی وەنەوشە و سمڵ
وەک "خۆشم ئەوێیت" هەڵقوڵاو لە دڵ

ئاساییترین ڕستەی ئەوینی
تەعبیری تازەی داهاتووی ژینی

ـــــــــــــــــــــــــــــ

#ئەفشین_موحەمەدی
#تاپوی_نووسراوە

✅ @tapuynusrawe
🔶🔶🔸🔸🔸🔶🔶

تاپوی نووسراوە

10 May 2024 20:09

🔶🔶🔸🔸🔸🔶🔶
✅ @tapuynusrawe

#کورتە_ڕۆمان

📚 کورتەیەک لە ڕۆمان
ــــــــــــــــــــــــــــــــــــــــــــــــــ

زۆربا: تۆ تێدەگەیت، ئەرێ، تۆ باش تێدەگەیت، هەر ئەم تێگەیشتنەیشە کە نابوودت دەکات، ئەگەر تۆ تێنەگەیشتوو بوویتایە بەختەوەر دەبوویت، بۆ تۆ لە چیت کەمە سەرۆک؟

گەنجیت، هوشیاریت، پارەداریت، تەندروستیت و مرۆڤی چاکیت، ئیدی چی، کەموکەسرت نییە، تەنیا یەک شتت نییە ئەویش "شێتیەتی"یە، مرۆڤیش کە ئەمەی نەبوو، سەرۆک...
سەرە زلەکەی لەقاند و بێدەنگ بوو...
ــــــــــــــــــــــــــــــــــــــــــــــــــ

📙 #زۆربای_یۆنانی /ل. ۴۰۰
✍ #نیکۆس_کازانتزاکیس
و. ل. ف: #ڕەئووف_بێگەرد
#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

14 May 2024 14:38

ئەڤین،
وەنەنەی ئەنگووستەکانە و
لێوی بەستراوی نوقم لە پرسیار...!
لە نێوان خەمەکانم
تۆم خۆش دەوێ
ئەی ڕوومەتی دوورەدەس
ــــــــــــــــــــ
#نزار_قەبانی
و. #وڵاتی_بێناو 📚
✅ @tapuynusrawe
🔶🔶🔸

تاپوی نووسراوە

14 May 2024 10:37

🔶🔶🔸🔸🔸🔶🔶
✅ @tapuynusrawe

#وەرگێڕان
ـــــــــــــــــــــــــــ

قەت لە ژیانمدا
ئەو مرۆڤە نەبووم
پارچە شکاوەکانی قاپێک
پێکەوە بلکێنمەوە و خۆیشم
بخڵەتێنم کە ئەم قاپە شکاوە
هەمان قاپەکەیە وا پێشتر
هەمبوو. ئەوەی شکا،
شکاوە و (چاک نابێتەوە)

وام پێ باشە
لە بیرەوەریی خۆمدا هەروەکوو
یەکەم ڕۆژ تۆماری کەم و
هەڵیگرم تا ئەوەی کە
پارچەکانی پێکەوە بلکێنمەوە و
تا ئەمرم قاپێکی شکاو بکەمە
لکی بەرچاوی خۆم.

ـــــــــــــــــــــــــــــــــــــ
✍ #مارگارێت_میچێل
لە کتێبی #بر_باد_رفتە

و: #زاهێد_بابامیری
#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

14 May 2024 08:36

🔶🔶🔸🔸🔸🔶🔶
✅ @tapuynusawe

#شیعر
ـــــــــــــــــــــــــــــــــــــــــــــــ

          "چ"

چاوەڕێم کە،
لە قەراغی ڕووبارەکان
وەختێ ڕووبار شەپۆل دێنێ و لێوەکانی تێر ماچ ناکەن لێوی ڕووبار و ... دەمرن.

چاوەڕێم کە،
لەژێر سێبەری درەختەکان
وەختێ درەخت چڵ دەردەکا و لقەکانی تێر بۆن ناکەن
سەوزیی بەهار و ... دەمرن.

تۆ لێواری.
چاوەڕێم کە،
لە قەراغی ڕووبارەکان!
تۆ بەهاری.
چاوەڕێم کە،
لەژێر سێبەری درەختەکان!

شەپۆلی ڕووبار
دووبارە من دەهێنێتەوە!
چڵوپۆپی دار
دووبارە من دەژیەنێتەوە!

ــــــــــــــــــــــــــــــــــــــــــــــــــ
#فەرهاد_پیرباڵ
(ئۆکتۆبەری 1986)

#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

13 May 2024 20:20

🔶🔶🔸🔸🔸🔶🔶
✅ @tapuynusrawe

#کورتە_ڕۆمان 

📚 کورتەیەک لە ڕۆمان
ــــــــــــــــــــــــــــــ
مەسیحیانی شۆڕشگێڕ نەوە دوای نەوە بە دەستی پاشایان بەم چنارەدا هەڵواسرابوون، هاوین و زستان پەتی سێدارە بە شالقەکانی ئەم دارەوە گرێ د‌رابوو تا پێشوەختە حازر بێ. میگلس پاڵەوان نیگایەکی تووڕەی پیرەدرەختەکەی کرد و ڕێک وەکوو ئەوەی قسە لەگەڵ تورکێکدا بکا لەبەر خۆیەوە گوتی: "بە دیانەتم کە دیانەتی مەسیحییە شەوێ هەڵدەستم و تەورێ لەگەڵ خۆدا دێنم و لە بنەوە دەتبڕمەوە ئەی پیرەچناری نەحلەتی!"

ــــــــــــــــــــــــــــــ

📚 لە ڕۆمانی: #ئازادی_یا_مەرگ
نووسەر: #نیکۆس_کازانتزاکیس
وەرگێڕان لە فارسییەوە: #حەمە_کەریم_عارف
ژمارەی لاپەڕە: ۳۳
#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

13 May 2024 15:19

شیرین دەم وە دەم ناسکە دەم دەمن
ئاخۆم دەم دەمین دەم بدا وەمن؟
عەجەو، ڕیش چەرموو، شیرین گفتوگۆ
نەخێر دەم دەمین دەم نادا وە تۆ
ـــــــــ
#مەولەوی
#تاپوی_نووسراوە  📚
✅ @tapuynusrawe
🔶🔶🔸🔸🔸🔶🔶

تاپوی نووسراوە

13 May 2024 11:18

🔶🔶🔸🔸
✅ @tapuynusrawe

#وەرگێڕان
ــــــــــــــــــــــ

گەر کەسێک بیەوێت بە تەنهایی بچێت بۆ بەهەشت، ئینسانێکی چاک و بێ ئازارە.

بەڵام عەزیەت و ئازاری مرۆڤ لەو کاتەوەی دەست پێدەکات کە هەندێ کەس دەیانهەوێت جگە لە خۆیان، کەسانێکی دیکەش ببەن بۆ بەهەشت.
ـــــــــــــــــــ
#گاندی
و. #هەژار
#تاپوی_نووسراوە

✅ @tapuynusrawe
🔶🔶🔸🔸

تاپوی نووسراوە

13 May 2024 07:16

💫 #ڕۆژباش_ھاوڕێیان
🗓 ئەمڕۆ دووشەممە
☀️ ۲٤ی بانەمەڕی ۲۷۲٤ی کوردی

خۆشم ئەوێی دە جار
هەشتیان بەبێ هۆکار و..
نۆیەمیان لەبەر پێکەنینەکەت و..
دەیەمیان لەبەر دەنگت..
جوانییەکەشت بەمن وەسف ناکرێت...

#ڕێبوار_سیوەیلی📚

✅ @tapuynusrawe
🔶🔶

تاپوی نووسراوە

12 May 2024 16:42

‍ 🔶🔶🔸🔸🔸🔶🔶
✅ @tapuynusrawe

🎵 #گۆرانی: "کوردستانەکەم"
هۆنراوەی: #ڕەزا_حەمە
🎻بە دەنگی:
هونەرمەند #کاوە_حەمە_ساڵح
ــــــــــــــــــــــــــــــــــــــــــــــــــــــــــــــــــــــــــــ

ئەگەر وتیان
هەواری کاروانی ئێوە
بۆچی دوورە...
ئەگەر وتیان دار و بەردی
وڵاتەکەی لەمەڕ ئێوە بۆچی سوورە..

هەموو هاوارکەن بە جارێ
بڵێن چونکه‌
لە ئاسمانی مەڵبەندەکەی
لەمەڕ ئێمە
لەجێی باران خوێن ئەبارێ
خوێن ئەبارێ..
خوێن ئەبارێ
ئای ئای کوردستانەکەم!
ـــــــــــــــــــــــــــــــــــــــــــــــــــــــــــــــــــــــــــــــــــــ

#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

12 May 2024 12:40

قەزات لە ماڵم نیم لیرە لە مل
لە سەر  بانەوە تەشی ئایتە پل
کاشکای من بوایام تەشیەکەی دەست
پلم خواردایە بۆ دیدەی مەست
تاڵەموویەک بوایام بە تەشیتەوە
پلم بخواردای بە خوەشیتەوە

✅ @tapuynusrawe
🔶🔶🔸

تاپوی نووسراوە

12 May 2024 08:39

🔶🔶🔸🔸🔸🔶🔶
✅ @tapuynusrawe

#شیعر
ـــــــــــــــــــــــــــــــــــــــــــ

‍ هەوری ڕووتاڵ و هەوای حاڵ و زمستانێکی خۆش
تەیری دڵ دێنێتە سەرحاڵ ودنەی شێعری بەجۆش

جومعە بێ و یارانی یەگڕەنگت لەگەڵ بێ وبادەزۆر
زوهرە چەنگی لێدەدات ومشتەری ئاهەنگی نۆش

دیارە ئەم ژینە هەتا نۆشێکی بێ، سەد نێشی هەن
کوا بەئاهەنگی غەمین، تەیری دڵان دێتە خرۆش؟

پێنج و دوو ڕۆژێکە ژین، شادی نەبێ، غەم دەتخوات
چوویە گوڵزار، گوڵ وەکۆ کە، پڕ بە گیرفان و بە کۆش

گەر سیڕاتی موستەقیمیان پێ نیشاندای، پیا بڕۆ
چش لەوەی لێت تێک بنێن بارگە و بنە و چاو و برۆش

تۆ لەگەڵ خۆت پاک بە، قەت باوەڕ مەکە گەر بنکەوی
کوردی وێژبەو، کوردی نۆش بەو، کوردی زان وکوردی پۆش

دەردی عیسانی هەمووی یەکدردە
فەرقی بۆ نییە
گوێچکە ڕامەگرە لەبۆ خۆهەڵمسان و هەم درۆش

گوار وگوارچەنگ وخڕەی بازنەت ئەگەر کوو هاتە گوێ
قەت قسەی سووکی دژی مەردانەگی نەگری لە گۆش

بێژە #ئاســۆ تۆ ئەگەر دەروێشی سەعدی وحافزی
یان قسەی زانستیانەی حەق بفەرموو یان خەمۆش،

ــــــــــــــــــــــــــــــــــــــــــــــــــــــ
مامۆستا #ئاسۆ
#تاپوی_نووسراوە 📚

✅ @tapuynusrawe
🆔 @Aso_Najjari
🔶🔶🔸🔸🔸🔶🔶

تاپوی نووسراوە

11 May 2024 20:22

🔶🔶🔸🔸🔸🔶🔶
✅ @tapuynusrawe

#کورتە_ڕۆمان 

📚 کورتەیەک لە ڕۆمان
ــــــــــــــــــــــــــــــ
خوێندنی چی ڕۆڵە، خوێندن کاری گەوجانە، ئەمانە دەیانەوێ بتکەم بە بابایەکی گەپ چاڕ یان موعەلیم! ئەدی "تیڤروس"ی مامت نابینی لە سۆنگەی خوێندنەوە ڕۆژی بە چ ڕۆژێ گەییوە؟ نابینی چۆن شاگردەکانی سەر دەخەنە سەری و پێی ڕادەبوێرن؟ نەگبەت ئەگەر تۆ بخوێنی چاوەکانت کز دەبن و ناچار دەبی عەینەک لە چاو بکەی، کەواتە لە دوکانەکەی مندا بمێنەوە هەرکاتێ تۆزێ گەورە بوویت و ئەقڵت پەیدا کرد من دەست مایەیەکت دەدەمێ و دوکانێکت بۆ دەکەمەوەو بۆ خۆت پێی دەبی بە پیاوی ناو پیاوان.

ــــــــــــــــــــــــــــــ
📚 لە ڕۆمانی: #ئازادی_یا_مەرگ
نووسەر: #نیکۆس_کازانتزاکیس
وەرگێڕان لە فارسییەوە: #حەمە_کەریم_عارف
ژمارەی لاپەڕە:٤۰
#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

11 May 2024 15:21

#وتەی_ناوداران

با ناوی "عەشق "
لەو شتە نەنێین
کە هۆگری هەندێک کەسمان دەکات!
ـــــــــــ
#ئالبێر_کامۆ
#تاپوی_نووسراوه 📚
✅ @tapuynusrawe
🔶🔸

تاپوی نووسراوە

11 May 2024 11:08

🔶🔶🔸🔸🔸🔶🔶
✅ @tapuynusrawe

#وەرگێڕان
ـــــــــــــــــــــــ

مێرووەکان لەگەڵ یەک قسان ناکەن
بەڵام هەموو پێکەوە بژێوی ژیانیان کۆ دەکەنەوە.

زەرگەتەکان لەگەڵ یەک قسان ناکەن،
بەڵام هەموو پێکەوە ماڵ دروست دەکەن.

پەڕەسێلکەکان لەگەڵ یەک قسان ناکەن،
بەڵام هەموو پێکەوە کۆچ دەکەن.

بەڵام مرۆڤەکان سەرەڕای قسە باشەکانیان لەگەڵ یەک،
هەر بەتەنیا،
بژێوی ژیانیان کۆ دەکەنەوە!
تەنیا ماڵ دروست دەکەن!
تەنیا کۆچ دەکەن..!

بەڕاستی کە مرۆڤ
تەنیاترین بوونەوەری
سەر ڕووی زەوییە!
ــــــــــــــــــــــــــــــــــ

#ژان_پۆل_سارتێر
#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

11 May 2024 06:16

💫 #ڕۆژباش_هاوڕێیان
🗓ئەمڕۆ شەممە
☀️۲۲ی بانەمەڕی  ۲۷۲٤ی کوردی

بۆ یادی وەتەن غوربەتی جام پڕ کە لە تاڵاو
من ناخی دڵم زووخە لە تاڵاوی ژیانی


#ڕەحیم_لوقمانی

✅ @tapuynusrawe
🔶🔶🔶🔸🔸🔸

تاپوی نووسراوە

10 May 2024 17:08

‍ ‍ ‍ 🔶🔶🔸🔸🔸🔶🔶
✅ @tapuynusrawe
@abdulla_pashew

🎵 #گۆرانی: هەڵچوون
هۆنراوەی: #عەبدوڵڵا_پەشێو
🎻بە دەنگی:
هونەرمەند #ناسر_کەریمی
ــــــــــــــــــــــــــــــــــــــــــــــــــــــــــــــــــــــــــــ

ساردیت دەمکووژێ، دنیا پاییزە و
بەدەنی منیش ڕووتترین خـاکە

هاوینی تینوو لە ناخـــم دایـە
نمەی خوناوکە لێــوم تەڕ ناکا

دە بتریشقێنە، هەوری شاقەلشۆڕ!
دە ببرووسکێنە... ببارە... داکـە.

هێڵی سنووری نێوان من و تـۆ
تراویلکەیە، وەهـــمی تریاکــە

گـوارە و گــەردانە فڕێدە لاوە،
بسکت بەردەوە، کەزیت ڕەهـا کە

ئەوەی گرێیە بیـکەرەوە بــــۆم
بە دوڕگەی ئەودیو تەمم ئاشنا کە

سنگت بەندەن و دەشتی مەفتەنە،
ڕێی ڕەوەئاسکی پەنجەم واڵا کـە.

لەشێک دەمـــاری گڕی تیا نەبێ
کۆتەرەدارە... داوەڵە.... لاکــە

گەمـارۆم ناوێ، پەلامارم دە!
سەنگەر و قەڵام تەفروتونا کــــە

ڕنۆکت گیر کە، لە شان و باسـکم،
ئێسقان و پێستم هەلاهەلا کــە.

لێوم کافــــرە، خوێــنی حەڵاڵە
گۆی مەمک و لێوت فێری غەزا کـە

لە ئاسوودەییی بەهەشت تۆقیوم
هەناسەت گڕ دە، دۆزەخ ئاوا کـە

بێدەنگی بەزمی گـــۆڕنشینانە
دنیا پڕ نرکە و زیــــڕە و زەنا کـە

هەڵبە، گڕ بگرە، نێڵە و لرفەت بێ
تەزوو بچێنە، شۆڕش بەرپا کـە.

گیا بە، بشنێوە، دەریا بە پێل دە،
چاو لە بوولەرزە، لە ڕەشەبا کـە.

پاییزی لەشە و هاویــنی ڕووحە،
لە ترسی خەزان دڵـــم خەمناکە.

دابارە سەرم! هەوری شاقەلشۆڕ،
نمەی خــوناوکە لێوم تەڕ ناکا!

#عەبدوڵڵا_پەشێو
٢٠٠٠/١/٨-هێلسنکی
ـــــــــــــــــــــــــــــــــــــــــــــــــــــــــــــــــــــــــــــــــــــ

#تاپوی_نووسراوە 📚

✅ @tapuynusrawe
🆔 @abdulla_pashew
🔶🔶🔸🔸🔸🔶🔶