تاپوی نووسراوە

19 January 2018 08:23

🔶🔶🔸🔸
✅ @tapuynusrawe

#شیعر
ــــــــــــــــــــــــــــ

له‌ پێناو تۆدا
بێداری به‌ ته‌نافی چاومه‌وه‌ هه‌ڵده‌خه‌م
تكا له‌ مانگ ئه‌كه‌م بێته‌ دیده‌نیت
شه‌و زووتر داوه‌تی شار ئه‌كه‌م
له‌ پێناو ئه‌ودا
سه‌حه‌ر به‌ شه‌كری شیعر هه‌ڵده‌ستێنم
داوا له‌ خۆر ئه‌كه‌م ژووره‌كه‌ى بكا به‌ باخی یاقووت
ڕۆژ له‌ ڕۆژژمێردا ئه‌وه‌ستێنم

ــــــــــــــــــــــــــــــ

#ئاری_عەبدولەتیف
#تاپوی_نووسراوە 📚

✅ @tapuynusrawe
🔶🔶🔸🔸

تاپوی نووسراوە

17 January 2018 22:09

‍ ✅ @tapuynusrawe
🔶🔶🔸🔸🔸🔶🔶
#دەنگی_کتێب 📚
‎ـــــــــــــــــــــــــــــــــــــــــ
‎ناوی کتێب:
#کچەی_پرتەقاڵ

‎نووسین:
#یوستاین_گاردەر

‎بابەت:
#ڕۆمان

‎ وەرگێڕان:
#بەھرۆز_حەسەن

‎بەشی: #چواردەیەم

#تاپوی_نووسراوە 📚
✅ @tapuynusrawe
⏸▶️👇👇👇▶️⏸

تاپوی نووسراوە

17 January 2018 13:30

مەجنوون هەمیشە پیاو نییە!
هەندێک جار کچێکی تەنیایە
کە سەردەمانێک لەیلای کەسێک بووە...
ـــــــ
#بەهارە_باقری
#تاپوی_نووسراوە 📚
✅ @tapuynusrawe
🔶🔶🔸

تاپوی نووسراوە

17 January 2018 08:14

🔶🔶🔸🔸
✅ @tapuynusrawe

#شیعر
ــــــــــــــــــــــــــــ

بەبێ تۆ؛
ناوم مغدیدە
تەمەن پەنجا و چوار ساڵە
سێزدە ساڵە ئاوارەی کەرکووکم
مامۆستای ماتماتیکم لە گوندی (قۆڕیتان)ی نزیک هەولێر
سێ ژنم هێناوە و پێنج منداڵم هەیە
دوو هەفتە جارێک ڕیشم دەتاشم
ڕقی دنیام لە عەترە.

لەگەڵ تۆ؛
ناوم دەبێتە (کامەران)
تەمەنم دەبێتە نۆزدە ساڵ
حەزدەکەم بچمە لای سەهۆڵەکە چاوەڕێی تۆ بکەم تێبپەڕیت
لە ڕێکخراوی NDP کاردەکەم و مانگانە پانزە گەڵا وەردەگرم

بەهاری داهاتوو بەتەمای گواستنەوەی تۆم و
بۆ مانگی هەنگووینی دەچینە ئەستەنبۆڵ
هەموو ڕۆژێک کە دەچمە دەرەوە
ڕیشم پاک پاک دەتراشم و
عەتری (سکۆخیپۆن) نەبێ لە خۆمی نادەم.

لەگەڵ تۆ: خەونەکانم دەبنە ڕاستەقینەیەک
لەگەڵ تۆ: پڕ دەبم لە شۆڕ و شەوق و شادی
لەگەڵ تۆ بەناوەڕاستی زەوق و چێژ و بەختەوەری و گۆرانییەکاندا تێپەڕ دەبم
لەگەڵ تۆ: عاشقترین عاشقم، کامەرانترین گەنجی دنیام

لەگەڵ تۆ ناویشم دەبێتە (کامەران)
بەبێ تۆ؛
ناوم مەغدیدە
تەمەنم پەنجا و چوار ساڵە
سێ ژنم هێناوە و پێنج منداڵم هەیە

ــــــــــــــــــــــــــــــ

#فەرهاد_پیرباڵ
#تاپوی_نووسراوە

✅ @tapuynusrawe
🔶🔶🔸🔸

تاپوی نووسراوە

16 January 2018 20:53

‍ ✅ @tapuynusrawe
🔶🔶🔸🔸🔸🔶🔶
#دەنگی_کتێب 📚
‎ـــــــــــــــــــــــــــــــــــــــــ
‎ناوی کتێب:
#کچەی_پرتەقاڵ

‎نووسین:
#یوستاین_گاردەر

‎بابەت:
#ڕۆمان

‎ وەرگێڕان:
#بەھرۆز_حەسەن

‎بەشی: #سیانزەیەم

#تاپوی_نووسراوە 📚
✅ @tapuynusrawe
⏸▶️👇👇👇▶️⏸

تاپوی نووسراوە

16 January 2018 13:33

‌گەر دەنووسم شیعری زەرد و
ڕەنگی ئاڵ
یان کە سێو چنرا بەدەست
ئەوهامی کاڵ

داری بێگانە لە خاکم
گیانی گرد
بۆیه شیعرم هەڵدەنۆشێ
خوێنی تاڵ
ـــــــــــ
#کەماڵ_میرەکی 📚
✅ @tapuynusrawe
🔶🔸

تاپوی نووسراوە

16 January 2018 08:40

‍ ✅ @tapuynusrawe
🔶🔶🔸🔸🔸🔶🔶
#تفەنگ

تفەنگ؛ گەڵاکانی ئاشتی هەڵوەرین و تۆ هەر بە سەوزی مایتەوە.
تفەنگ؛ جوانی چۆکی دادا و تۆش هەر کەحێلێکی خۆشڕەوی.
تفەنگ؛ عیشق ددانەکانی کەوتن و تۆش هەر تۆڵازێکی خوێنگەرمی.
تفەنگ؛ چرا کوێرایی داهات و تۆش هەر چاوە شینەکانی یەمامەی.

میژووت ئەی تفەنگ؛
ڕەشترە لە گۆنای گوناهـ و ئایندەت تاڵترە لە ژەکی ژەهر.

#قوباد_جەلیزادە
#تاپوی_نووسراوە

✅ @tapuynusrawe
🔶🔶🔸🔸🔸🔶🔶

تاپوی نووسراوە

15 January 2018 20:06

‍ ✅ @tapuynusrawe
🔶🔶🔸🔸🔸🔶🔶
#دەنگی_کتێب 📚
‎ـــــــــــــــــــــــــــــــــــــــــ
‎ناوی کتێب:
#کچەی_پرتەقاڵ

‎نووسین:
#یوستاین_گاردەر

‎بابەت:
#ڕۆمان

‎ وەرگێڕان:
#بەھرۆز_حەسەن

‎بەشی: #دوانزەیەم

#تاپوی_نووسراوە 📚
✅ @tapuynusrawe
⏸▶️👇👇👇▶️⏸

تاپوی نووسراوە

15 January 2018 15:20

‍ ‍ ‍ ‍ 🔶🔶🔸🔸🔸🔶🔶
✅ @tapuynusrawe

🎵 #گۆرانی: "گلەیی"
🎼بە دەنگی:
#لەیلا_فەریقی
ــــــــــــــــــــــــــــــــــــــــــــــــــــــــــــــــ

گلەییم هەیە لێت
گلەییم هەیە لێت
بۆ بە گریان ناڵەیێت
هێندە گەروو نەگرێت

دڵم تەمێ بکا
هێندە ناسک نەبێت
گەر نازی بکێشی
چی ئەبێ ببێت؟!

(گلەییم هەیە لێت
ئەم دڵەم چەند ئەژێت
گوناهێکی هەیەبێ لەوەی
دایم بۆت ئەسووتێت)۲

گلەییم هەیە لێت
گلەییم هەیە لێت
بۆ بە گریان ناڵەیێت
هێندە گەروو نەگرێت

گلەییم هەیە لێت
نەرم نیت لەگەڵ ژێت
ئەترسم ئاهی من بتگرێت

گلەییم هەیە لێت
گەر نازم بکێشی
چی ئەبێ چی؟!
ئەزانی چاوم
تەنها تۆ ئەبینێت

گلەییم هەیە لێت
گلەییم هەیە لێت
بۆ بە گریان ناڵەیێت
هێندە گەروو نەگرێت

دڵم تەمێ بکا
هێندە ناسک نەبێت
گەر نازی بکێشی
چی ئەبێ ببێت؟!

ــــــــــــــــــــــــــــــــــــــــــــــــــــــــــــــــ

#تاپوی_نووسراوە 📚
💿: Echoes of the past
📆 2017


✅ @tapuynusrawe
🔶🔶🔸🔸🔸🔶🔶

تاپوی نووسراوە

15 January 2018 10:20

ئێمە ئەوینداری ژیانین.
بەڵام نەک بۆ ئەوەی خوومان پێگرتووە، بەڵکوو لەبەر ئەوەی عادەت پێدراوی عیشقین.
ــــــــــــــــــــــــ
#نیچێ
لە کتێبی‌: وەهای گوت زەردەشت
#تاپوی_نووسراوە 📚
✅ @tapuynusrawe
🔶🔸

تاپوی نووسراوە

15 January 2018 04:58

💫 #ڕۆژباش_هاوڕێیان
🗓ئەمڕۆ دووشەممە
☀️25ی بەفرانباری2717ی کوردی

وەرە پێکەوە بناڵین، بولبول
بەیانی تا شەو شەو تا بەیانی
من بۆ کوڵمی یار تۆ شەونمی گوڵ
با ئاشکرای کەین ڕازی نیھانی

#ئەخۆل
@tapuynusrawe

تاپوی نووسراوە

14 January 2018 16:37

🔶🔶🔸🔸🔸🔶🔶
✅ @tapuynusrawe

#کورتە_ڕۆمان

📚 کورتەیەک لە ڕۆمان
ــــــــــــــــــــــــــــــ

پێش ئەوەی بمرم داوام لە خۆم کرد، دوا ئارەزووت لە ژیاندا چییە؟ بیڵێ تا بۆت جێبەجێ بکەم.
لە قووڵاییی ناخمەوە هاوارێک هەستا، ژیان ژیان بە خۆمم وت واز لەو داواکارییەت بێنە بۆ دواجار پێت دەڵێم: دوایین داواکاریت چییە؟

چونکە هەمیشە ئەوانەی حوکمی لە سێدارەدانیان بە سەردا دەسەپێنن ئەو پرسیارەیان لێ دەکەن. ئەگەر داواکارییەکی ئاساییت هەیە، فەرموو داوای کە.
دیسان لە ناخێکی قووڵتر هاوارێکی بەرزتر، ژیان، ژیان...
ــــــــــــــــــــــــــــــ

📚 لە ڕۆمانی: #کەری_تۆپیو
نووسەر: #عەزیز_نەسین
وەرگێڕان:#عەلی_حەمەدی_برایم
ژمارەی لاپەڕە:۷
#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

14 January 2018 11:09

🔶🔶🔸🔸
✅ @tapuynusrawe

#وەرگێڕان
ــــــــــــــــــــــــــ

خراپترین نەخوێندەوار، نەخوێنەواری سیاسییە!

ئەو کوێر و کەڕە و هیچ تێگەیشتنێکی سەبارەت بە ڕامیاری نییە و نازانێ هۆرتەوبەرەکانی ژیان وەکوو نرخی ماڵ، دەرمان و دەوا هەموویان بە تەما سیاسییەکانەوە گرێ دراون.
ئەو تەنانەت شانازی بە گەمژەیی سیاسی خۆی دەکات و دەبێژێ:
"ڕقی لە سیاسەتە."
کەسێکی ئاوەها هش سڤک تێناگات سەرنج نەدانی سیاسەتە، ژنانی سۆزانی و منداڵانی سەرشەقام چێ دەکات، قەتڵ و تاڵان زۆرتر دەکات و لە هەمووی گەنتر ئەوەیکە گەندەڵی دەسەڵاتداران زێدەتر دەکات...

ــــــــــــــــــــــــــ

✍🏻 #بێرتۆلت_برێشت
و. #وڵاتی_بێناو
#تاپوی_نووسراوە 📚

✅ @tapuynusrawe
🔶🔶🔸🔸

تاپوی نووسراوە

14 January 2018 05:45

💫 #ڕۆژباش_هاوڕێیان
🗓ئەمڕۆ یەکشەممە
☀️24ی بەفرانباری 2717ی کوردی

ھەر بە ئوممێدم لە سوبحا پێکەنینی خونچە بێ
بولبولێکم عاشق و شەیدایی گوڵزاری وەتەن
ــــــــــ
#موفتی_پێنجوێنی 📚
✅ @tapuynusrawe
🔶🔶🔸

تاپوی نووسراوە

13 January 2018 17:15

🔶🔶🔸🔸🔸🔶🔶
✅ @tapuynusrawe

#جوانترین_ڕستەی_کتێب
ـــــــــــــــــــــــــــــــــــــــــــــــــــ

ئەو، لە پەنجەرەکەوە، تەماشای دەرەوەی دەکرد؛ لە چاوەکانی ئەودا ڕووناکییەک هەبوو کە تەنیا لە هی منداڵێکدا بەدی دەکرێت کاتێ دەگاتە شوێنێکی تازە، یان لە چاوەکانی گەنجێکدا کە هێشتا کاریگەرە، کە هێشتا حەزێکی زانینی بەرامبەر بە جیهان هەیە چونکە تا ئێستا ژیان برینداری نەکردووە.
ـــــــــــــــــــــــــــــــــــــــــــــــــــــــ

📕 مۆزەخانەی پاکیزەیی
#ئۆرهان_پاموک
#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

19 January 2018 05:40

💫 #ڕۆژباش_هاوڕێیان
🗓ئەمڕۆ هەینی
☀️29ی بەفرانباری 2717ی کوردی

وەرە با خۆش و سەرمەست ڕابوێرین
بە مەی وەرزی دڵی قاقڕ بدێرین
تەمەن تەنگی ئەوا لێ هەڵچنیوین
وەرە با دوو پیاڵەی تر بگێڕین

#جەلال_مەلەکشا

تاپوی نووسراوە

17 January 2018 16:24

🔶🔶🔸🔸🔸🔶🔶
✅ @tapuynusrawe

#کورتە_کتێب

📚 کورتەیەک لە کتێب
ــــــــــــــــــــــــــــــ

بە باوەڕی کامۆ، بینینی دونیا وەک خۆی، بێ مکیاژی دین و ئایدۆلۆژیا و ئەخلاقی باڵادەست، مرۆڤ تووشی نائومێدییەکی گەورە دەکات، چونکە ئەم بینینە هەستکردنی مرۆڤ بە ناماقووڵی و دونیا بەهێزتر و قووڵتر دەکاتەوە،

مرۆڤیش ڕووبەڕووی پووچگەرایییەکی قووڵ و فراوان دەکاتەوە و دەزانێت لە دونیایەکدا دەژی، کە تێکەڵێکی گەورە لە پووچگەرایی و ناماقووڵییە، ئەمانەش شتگەلێکن، مرۆڤ نایەوێت ڕووبەڕوویان بێتەوە، نایەوێت بیانبینێت و ببن بە بەشێک لە ژیانی. بۆیە بەرهەمهێنانی وەهم، پیشەسازییەکی بەبرەوە و جۆرێکیشە لە ناچاری دەروونی و ڕۆحی، میکانیزمێکە بۆ هەڵاتن لە ڕووبەڕووبونەوەی ژیان لە ڕووتێتیی خۆیدا، ژیان بە هەموو ماقووڵ و ناماقووڵەکان و بە هەموو برین و نابرینەکانییەوە.

ــــــــــــــــــــــــــــــ

📚 لە کتێبی: #دڵڕەقی_و_بێمانایی
نووسەر: #مەریوان_وریا_قانع
#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

17 January 2018 10:22

بوێرن ڕاست و حەقیقی بن،
بوێرن ناحەز بن،
خۆتان هەر بەو شێوازەی کە هەن پیشان بدەن
ئەم سووراوە قیزەونەی دووڕوویی‌یە لە ڕوومەتی ڕۆحتان بسڕنەوە و
بە ئاوێکی زۆر بیشۆن

#ڕۆمەن_ڕۆلان📚
✅ @tapuynusrawe
🔶🔶🔸

تاپوی نووسراوە

17 January 2018 05:56

💫 #ڕۆژباش_هاوڕێیان
🗓ئەمڕۆ چوارشەممە
☀️27ی بەفرانباری 2717ی کوردی

مەیگێڕ وەرە قۆڵ ھەڵکە گڵێنەت بێنە!
خەم چڵکی دڵە، بە مەی بشۆرین باشە
ــــــــــــــــــــ
#خەییام_هەژار📚
✅ @tapuynusrawe
🔶🔶🔸

تاپوی نووسراوە

16 January 2018 16:40

🔶🔶🔸🔸🔸🔶🔶
✅ @tapuynusrawe

"ئاوەز و ئەوین"

ئەگەر ئاوەز بەتەنیایی ببێتە فەرمانڕەواتان، بۆتان دەبێتە زەنجیر و بەندیخانە. ئەر ئەوینیش بێ چاودێریی ئاوەز، زاڵ بێ بەسەرتانا، دەبێتە بڵێسەیەکی بەتەوژم و ئاور لە ئێوە بەردەدا و بۆ خۆشی دەبێتە مشکی٭.

دە بێڵن با گیانتان سواری پشتی کەحێلی ئاوەز بێ و بڕوا و بڕوا تا دەگاتە دوندی ئەوین. ئەوسا لەوێ بە سۆزەوە بنبزێوی٭ شادی بچڕێ. بهێڵن با ئاوەز چرا و ڕێشاندەری ئەوینتان بێ. با بشزانن، ئەوین هەموو ڕۆژێ پەسڵانێکی٭ هەیە و وەکوو قەقنەس بەیانان خۆی دەسووتێنێ و ئەوسا لەنێو بووڵەکەیا دەژیتەوە و دیسان دەدا لە شەقەی باڵ.
- -- - -- - -- - -- - -- - --

٭ مشکی: خۆڵەمێش، بووڵەکەوە
٭ بنبزێو: گۆرانیی کورت و خۆش کە گوێگر بێنێتە سەما و بیخاتە جووڵە.
٭ پەسڵان: سەڵا، قیامەت
ــــــــــــــــــــــــــــــــــــــــــــــــــــ

📕 #ڕاسپاردە/ ل. ۴۸
✍ #جوبران_خەلیل_جوبران
و. #موحەممەد_هادی_مورادی
#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

16 January 2018 09:58

#جوانترین_ڕستەی_کتێب

ئەگەر هێشتت کەسێک ماڵیت بکا، خۆشت دەخەیتە بەر مەترسیی ئەوەوە کە ڕۆژێک لە ڕۆژان فرمێسک هەڵڕێژیت.
ــــــــــــ
📘 #شازادە_چکۆل
✍🏻 #ئانتوان_دۆسانت_ئێگزۆپێری
✅ @tapuynusrawe
🔶🔶🔸

تاپوی نووسراوە

16 January 2018 05:08

💫 #ڕۆژباش_هاوڕێیان
🗓ئەمڕۆ سێشەممە
☀️26ی بەفرانباری 2717ی کوردی

چت لە دڵ داوە عەزیزم وەرە نێو دیدەیی من
دڵ ھەموو ئاورە، چاو مەنزەرەیی دوودەرییە
ــــــــــــــــــــ
#وەفایی📚
✅ @tapuynusrawe
🔶🔶🔸

تاپوی نووسراوە

15 January 2018 17:05

🔶🔶🔸🔸🔸🔶🔶
✅ @tapuynusrawe

#کورتە_چیرۆک

📚 کورتەیەک لە چیرۆک
ــــــــــــــــــــــــــــــ

من لەمڕۆوە ئاسوودەم.. من لە فیتنەی ئەو جاڵجاڵۆکانە تێدەگەم کە بە بیانووی پیاسەوە لە تەونەکەمان نزیک دەبنەوە... ئیدی تۆ مەچۆڕە دەرێ... تۆ هی خۆمی.. من ڕۆژانە مێشی جوانت بۆ ڕاو دەکەم.. پەپوولەی تازە باڵکردوو.
جۆرەها زیندەوەری بەلەزەت... قەت نامەوێ ماندوو بیت.. ئەی جوانترین زیندانی لەنێو بەندیخانەی عیشقی من..
دەمەوێت تا ماویت خزمەتت بکەم..
ــــــــــــــــــــــــــــــ

📚 لە چیرۆکی: #خەونی_جاڵجاڵۆکەکان_و_ژنێکی_منگن
نووسەر: #شێرزاد_حەسەن
ژمارەی لاپەڕە: 44
#تاپوی_نووسراوە 📚

✅ @tapuynusrawe
🔶🔶🔸🔸🔸🔶🔶

تاپوی نووسراوە

15 January 2018 13:30

نەک هەنار
تازە ئەگەر بەردیش گوڵ بگرێت
نە ئەو دێتەوە
نە من دەبمەوە بە خۆم

#هیوا_قادر
#تاپوی_نووسراوە 📚

✅ @tapuynusrawe
🔸🔸

تاپوی نووسراوە

15 January 2018 08:30

🔶🔶🔸🔸
✅ @tapuynusrawe

#شیعر
ــــــــــــــــــــــــــــــ

‍ من دەڵێم سەردارى ئێمه
چەته و مافيا و گەلفرۆشن!
دەڵێن نـا نـا، ئەوان ماندوون
بۆ نانى گەل تێدەکۆشن!
من دەڵێم لەبرى شەراب
ئەوان خوێنى گەل دەنۆشن!

لێم پەست دەبن کۆيله و دەربار
ئەوانەى دايمه له کۆشن!
ده تێبگەن هەتا ئێوه
مەڕن، کەڕن، کەلـلە بۆشن!
ئەوان چاکتر دەستيان ڕادێ
چاکتر ئەو گەله دەدۆشن!

ــــــــــــــــــــــــــــــ

#عەبدوڵڵا_پەشێو
#تاپوی_نووسراوە 📚

✅ @tapuynusrawe
🔶🔶🔸🔸

تاپوی نووسراوە

14 January 2018 19:40

‍ ✅ @tapuynusrawe
🔶🔶🔸🔸🔸🔶🔶
#دەنگی_کتێب 📚
‎ـــــــــــــــــــــــــــــــــــــــــ
‎ناوی کتێب:
#کچەی_پرتەقاڵ

‎نووسین:
#یوستاین_گاردەر

‎بابەت:
#ڕۆمان

‎ وەرگێڕان:
#بەھرۆز_حەسەن

‎بەشی: #یانزەیەم

#تاپوی_نووسراوە 📚
✅ @tapuynusrawe
⏸▶️👇👇👇▶️⏸

تاپوی نووسراوە

14 January 2018 13:43

ئەگەر ڕێگە نادەی ناو دڵت نیشتیمانم بێت،
لێگەرێ با بۆ هەمیشە تێیدا پەنابەرێکی بێ جواب بم...

#تەنیا_محەممەد
#تاپوی_نووسراوە 📚

✅ @tapuynusrawe
🔶🔶🔸🔸

تاپوی نووسراوە

14 January 2018 08:43

🔶🔶🔸🔸
✅ @tapuynusrawe

#شیعر
ــــــــــــــــــــــــــــــ

هه‌موو شه‌وێ به‌ نییه‌تی تۆ سه‌ر ده‌خه‌مه‌ سه‌ر سینه‌ی نیشتمان
به ‌نییه‌تی هاتنی تۆ ده‌خه‌وم.
لێره‌وه‌ هه‌موو خه‌ونێ بوو به‌ مه‌حاڵ و
هه‌موو گه‌ردێ بوو به‌ هه‌ساره‌ و
هه‌موو كه‌وتنێ بوو به ‌جێژوانی
هه‌ڵسانه‌وه.
وه‌سفی مه‌حاڵ به ‌زمان ناكرێ
ژنێ وای له‌سه‌ر كه‌لاوه‌كانی جێژوان نووسیبوو

ــــــــــــــــــــــــــــــ

#هاوار_تەیب
#تاپوی_نووسراوە 📚

✅ @tapuynusrawe
🔶🔶🔸🔸

تاپوی نووسراوە

13 January 2018 19:23

‍ ✅ @tapuynusrawe
🔶🔶🔸🔸🔸🔶🔶
#دەنگی_کتێب 📚
‎ـــــــــــــــــــــــــــــــــــــــــ
‎ناوی کتێب:
#کچەی_پرتەقاڵ

‎نووسین:
#یوستاین_گاردەر

‎بابەت:
#ڕۆمان

‎ وەرگێڕان:
#بەھرۆز_حەسەن

‎بەشی: #دەیەم

#تاپوی_نووسراوە 📚
✅ @tapuynusrawe
⏸▶️👇👇👇▶️⏸

تاپوی نووسراوە

13 January 2018 15:39

‍ 🔹🔶🔹🔶🔹🔶
🆔 @abdulla_pashew
✅ @tapuynusrawe
🔶🔶🔸🔸🔸🔶🔶
🎵 #گۆرانی: "لێت ڕاهاتووم:
🎼به دەنگی #عادڵ_نادری
ـــــــــــــــــــــــــــــــــــــــــ

لێت ڕاهاتووم
وەکوو مناڵ لە گۆپکەی مەم.
وەکوو ماسی لە زەریا و چەم.
وەکوو شاعیر لە شێتیی خۆی.
وەکوو شێت لە سوژێتی خۆی.

لێت ڕاهاتووم
لێت ڕاهاتووم
لێت ڕاهاتووم
لێت ڕاهاتووم

ئەگەر ڕۆژێک لێت تووڕە بووم
ئەگەر ڕۆژێک بڕیارم دا جێت بهێڵم،
دڵتەنگ مەبە
خەمت نەبێ
کۆتایی دێ
ڕێگام لە باوەشی تۆ ڕا دەسپێدەکا و
لەبەر دەرگە کۆتایی دێ!

لێت ڕاهاتووم
وەک خەنجەر لە کالانی خۆی.
قەرەج لە ئاگردانی خۆی.
وەک کیژی لادێی کوردستان
لە کلچووک و کلدانی خۆی!

لێت ڕاهاتووم
لێت ڕاهاتووم
لێت ڕاهاتووم
لێت ڕاهاتووم

ئەگەر ڕۆژێک لێت تووڕە بووم
ئەگەر ڕۆژێک بڕیارم دا جێت بهێڵم،
دڵتەنگ مەبە
خەمت نەبێ
کۆتایی دێ
ڕێگام لە باوەشی تۆ ڕا دەسپێدەکا و
لەبەر دەرگە کۆتایی دێ!

لێت ڕاهاتووم
وەکوو مناڵ لە گۆپکەی مەم.
وەکوو ماسی لە زەریا و چەم.
وەکوو شاعیر لە شێتیی خۆی.
وەکوو شێت لە سوژێتی خۆی.

لێت ڕاهاتووم
لێت ڕاهاتووم
لێت ڕاهاتووم
لێت ڕاهاتووم
لێت ڕا هاتووم

ـــــــــــــــــــــــــــــــــــــــــ

هۆنەر: #عەبدوڵڵا_پەشێو
#تاپوی_نووسراوە 📚

🆔 @abdulla_pashew
🔹🔶🔹🔶🔹🔶
✅ @tapuynusrawe
🔶🔶🔸🔸🔸🔶🔶