5869
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لسان حال رسول الله في عمه الحمزة عليه السلام ...
طريق الحج كل همّك أمانه
من الأسباع وفيّت الأمانه
نذر ياعمي يالحمزه وأمانه
على الحجاج تمشي لك وفيّه
علي الأحسائي
◼️ذكرى شهادة عّم رسول الله (صلى الله عليه وآله) الحمزة عليه السلام ...
◾️إسمه ونسبه:
حمزة بن عبد المطلب بن هاشم بن عبد مناف.
◾️ولادته:
ولد حمزة قبل ولادة النبي (ص) بسنتين وقيل: بأربع سنوات
◾️إسلامه:
أسلم في السنة الثانية من البعثة وقيل بأربع سنين.
◾️سيرته وجهاده:
روي أن حمزة بن عبد المطلب كان أخاً لرسول الله (ص) من الرضاعة، وبعد أن أعلن حمزة إسلامه هاجر مع النبي (ص) إلى المدينة المنورة وكان الرسول (ص) قد آخى بينه وبين زيد بن حارثة.
🕊وروي أن أول لواء عقده الرسول (ص) في المدينة كان لحمزة إذ بعثه في سريَّة من ثلاثين راكباً لإعتراض قافلة قريش التي كانت قادمة في ثلاثمِائة راكب من الشام بقيادة أبي جهل ولم يقع قتال بين الطرفين فعادت سريَّة حمزة إلى المدينة.
🚩وكذلك حمل حمزة في السنة الأولى من الهجرة لواء رسول الله (ص) في غزوة بواط والأبواء وبني قينقاع.
🔹وبالغ حمزة في نصرة النبي (ص) في معركة بدر الكبرى وأبلى فيها بلاءًا حسناً وقَتَل فيها سبعة من صناديد قريش.
◾️قصة شهادته:
شهد حمزة بن عبد المطلب معركة أُحُد وله فيها صولات مشهودة ولأنه – كما أشرنا – قَتَل في بدر صناديد العرب فقد ترك اللوعة والأسى في قلوب مشركي مكة فأضمروا له الكيد وأخذوا ينتهزون الفُرَص للانتقام منه.!!
🔺وكانت هند بنت عتبة قد بعثت إلى وحشي بن حرب قبل معركة أُحُد وكان عبداً من أهل الحبشة فأغرته بالأموال إن هو قتل حمزة وذلك طلباً لثأر أبيها وأخيها اللذان قُتلا ببدر.
🏹وكان وحشي مشهوراً برمي الحربة ولم تكن العرب آنذاك تعرف هذا السلاح الذي كان خاصاً بأهل الحبشة
👺فقال وحشي وهو في أرض أُحُد:
إني والله لأنظر إلى حمزة وهو يهذ الناس بسيفه ما يلقى شيئاً يمر به إلا قتله فهززتُ حربتي ودفعتها عليه فوقعت في ثنته [أسفل بطنه] فخرَّ صريعاً ثم تنحَّيت عن العسكر.
💥بعد أن بلغ هند مقتل حمزة (ع) جاءت فَبَقَرَتْ كبدَهُ فَلاكَتْه فلم تستطع أن تَسِيغَه فَلَفِظَتْه!!
⚔ولما انتهت المعركة وُجد حمزة (عليه السلام) ببطن الوادي من الجبل وقد مُثِّل به.
💔وعندما رآه النبي (صلى الله عليه وآله) بكى ثم قال:
لن أُصاب بمثلك ما وقفتُ موقفاً قَطّ أَغْيَظُ عَليَّ من هذا الموقف.
📆وكانت شهادته (عليه السلام) في السنة الثالثة للهجرة النبوية المشرِّفة وقد رثاه النبي (صلى الله عليه وآله) بكلمات مؤثرة نذكر منها:
💔يا عمَّ رسولِ الله وأسدَ الله وأسدَ رسولِ الله يا حمزةَ يا فاعل الخيراتِ يا حمزة يا كاشف الكُرُبَاتِ يا حمزة يا ذابّاً يا مَانِعاً عن وجه رسول الله (صلى الله عليه وآله) ..
🏴أعظم الله أجورنا وأجوركم
استشهاد سيدنا الحمزة بن عبد المطلب عليه السلام
١٥ شوال
دمــع الحـــزن بـادي … مــن مقلـة الهــادي
يشكــي همــه … ينعــه عمــــه
ليـــث الغـــــاب
كل شخص يفگــد والده ــ يعايــن لرسمه ــ إمَثَّــل ابعمـــه
گلبــه مثــل گلـب الأبــو ــ عاطفته رحمه ــ واحضانه نعمه
حمزه احتضن طه النبي ــ وشــال المهمه ــ ولصدره ضمـه
ضم النبــي لصدره … الحمزه اشعظم گدره
مــا تِوانـــه … بهـالأمانــه
ليـــث الغــــاب
ما فارگ الهادي ودفع ــ عنـّـه المخاطــر ــ نعمه المناصر
مثل النهر يجري وفه ــ وطيب المشاعر ــ بالعــزه زاخـر
بالشــدد طه ايحشمه ــ الأول يــبـــادر ــ وايگلــه تـامـر
سور النبي وسدّه … محد وصل حدّه
بكل ظروفه … مـا يعوفـــه
ليـــث الغــــاب
هادينـــه قــرر دعوِتــه ــ يعلــن هدفهــا ــ ورايتهــا رفهـا
هبَّت قريش ابكل حقد ــ شرهــا جرفهـا ــ الحمزه كشفها
وبمكــه يشهــد صارمه ــ الزمره وحِلِفها ــ بسيفه شگفهـا
يعرف سرايرهم … باعو ضمايرهم
وابيقينـــه … حامـه دينــه
ليـــث الغــــاب
بوقعــت بــدر حاز النصر ــ وحقــق منالـه ــ ابنشر العدالـه
بالحومه صال اعله الكفر ــ وابكـل بسـالـه ــ هذي خصالـه
بوگفــاتــه سَر گلب النبي ــ ابنصر الرساله ــ ابقوله وفعاله
أهل الوثــن ذَلهــا … وطَشّر جحافلها
بالكتــايب … سيفـه لاهــب
ليـــث الغــــاب
لَمّن بدت وقعت اُحـد ــ ناعي النوايب ــ بالحــزن واثــب
حمزه برز وابكل عزم ــ ذل الكتــايـب ــ بسوح الحرايـب
لَــن ابمگيــده امدبره ــ ابچتله تطالب ــ هنــده وتــراقب
واتحشم ابوحشي … خلفه ابحذر إمشي
اتگـلّـه إحـذر … هـذا قَســوَر
ليـــث الغـــــاب
للحمزه هالوحشي اعتنه ــ من وصل عنده ــ للرمح مـدّه
سدده لصدره وصوَّبَـه ــ ولَن حان وعده ــ واصوابه هدّه
مَيت لچـن ما تكتفـي ــ الفاجره هنده ــ استخرجت چبده
وابحقــد تلتهمـــه … من عنــده منتقمه
بهــذا دمـــه … اتخلــد اسمــه
ليــــث الغـــــاب
كلمات عمار الراشدي
#شهادة_الحمزة
#(١٥)_شهر_شوال
#احزام_ظهرك
#نعي
#مفضل_حبيب
-------------
*جـبريل نادى بالســما يالهـــــادي مأجـــــور*
*الحمزه انچتل بس راسه سالم ما هو منحور*
-------
(١)
مأجــور يا طــه ابفگـد احــزام ظهـــرك
و أهل السما قبل الارض نزلت تصبرك
يالمصطفـى راح الأسد الكان ينصــرك
*و كنت بعرينه ما يمسك ظلم أو جـور*
------
(٢)
يالمصطفى الحمزه ارتدى تاج البطوله
و أصـبح أسـد الله و أسـد طه رســوله
واليوم ينعاه الشــرع فرعـــه وأصـــوله
*و تنصب مآتم بالسما الولدان والحور*
------
(٣)
معذور يا طــه عليه لو تبچــي من دم
لمصيبــة الحمــزه العرش قبلك تألـــم
لكن أخبرك يالنبــي بالما هــو أعظــم
*الأعظم مصيبة كربلا اتفت لصخور*
------
(٤)
معــــذور يا طــــه لون اتنـــــوح بعــــــده
اگــبال عينك شاهـدت مگطـــوعه چـــبده
واشلون لو شفت الحسين عالرمضا خده
*او خنصر ايده يالنبي يـ وسفه مبتـور*
-------
(٥)
الحمزه أمــلاك الســما نزلت تشـيعه
وانته خلف اجنازته تمشـــي تودعـــه
لكن احســـينك ينذبح ما يلقــى فزعه
*ويبقى عاري اعلى الثرى لا غسل و كافور*
------
(٦)
للحمزه باچر يالنبي تنصـب عزيه
وتواسي ابهذا الجرح اخته صفيه
مو مثل زينب تنسبي اعلى المطيـه
*و تنصب مآتم على اخوتها وسط لبرور*
رباعي - فائزي
عبد مُحمد وآل مٌحمد / #مُفضل_حبيب
يازائراً حمزةَ بالله
خُذني الى المضلومِ أنعاه
آهن على عَمِ النبي آه
...
السلم عليه امن البعد..عند الله زاير ينحسب
صيت الاسلام وحرمته ..هذا ابن عبد المطلب
وياك اخذني التربته..خليني اسجد واقترب
هذا الهوه يخنگ تره..بس يمهم انشم العذب
فالليلةُ ليلةُ ذكراه
خُذني الى المضلومِ أنعاه
آهن على عَمِ النبي آه
...
وديني يلزاير وَلو..شمعه بهذيچ المگبره
للحمزه اروح ابدمعتي..وبيوم أُحد اتذكره
من وحشي سدد رميته.. وطاحت الچبده اموذره
والشيعه صاحت ياهند..الله يلعنچ يامره
وآ حرَ قلبي كيفَ أنساه
خُذني الى المضلومِ أنعاه
آهن على عَمِ النبي آه
...
مات وكسر ضهر النبي.. احزامه وگع بالمعركه
مملكة الاسلام إنحنت.. راح اليقود المملكه
هذا السطر خد الجهل.. لمن محمدنه اشتكه
إنْ إستطعت رِدها.. كلمه اشكثر مباركه
لا ينتهي شوقي لٌلقياه
خُذني الى المضلومِ أنعاه
آهن على عَمِ النبي آه
...
مؤمن موحّد ماكفر..هوه وأبوه چانو ضوه
ذوله رجالات النبي..ذوله للاسلام الهوه
حته ابوطالب وآمنه.. عند الله نفس المستوه
لاكن بني ميه اجو..هدمو مگابرهم سوه
ياراحلاً لقبرٌ مولاه
خُذني الى المضلومٌ أنعاه
آهن على عَمِ النبي آه
...
لله ورسوله چان اسد.. وجهه يشع مثل القمر
الحمزه وضميره من ذهب..والشيب الِبوجهه درر
جمّار گلبه اوي النبي.. وايمانه للموت استقر
وابدّر واگف كالجبل..عباس چنه اعله النهر
فوارسٌ بالحربِ تَخشاه
خُذني الى المضلومِ أنعاه
آهن على عَمِ النبي آه
...
اذكر صرخته اعله الكفر.. هذا الغيور الهاشمي
من گال مااعبد هُبل.. التوحيد هوه ملهمي
إني على دين النبي.. والغيره لا ماانتمي
مُحمدي اوحيدري.. آنه وحسيني او وفاطمي
معَ مُحمد كانَ مسراه
خُذني الى المضلومِ أنعاه
آهن على عَمِ النبي آه
...
كلمات محمد الجماسي
الشاعر موسى البديري بصوت حسين عدنان الكوبعي
Читать полностью…
الشاعره ام زين العابدين اللامي بصوت حسين عدنان الكوبعي
Читать полностью…
بدون حسين ضعنه
بس هوه الجمعنه
تهنه ويوم عاشور دلانه ابدربنه
*
أنذبح عبد الله بيده وماتت انفاسه
مسح دم الرضيع بدمعته وباسه
الحسين انطانه كلشي انطانه عباسه
لجل نعرف الخوه ونفهم احساسه
وصل حد العطش لخيامه وسكينه
مات من الضمه وكل همه يروينه
والطف كله غايه
المناحر والسبايه
حتى تعود كل عام ترف للدين رايه
رحنه بعيد رحنه
بس هوه الجمعنه
**
توزع علأرض ما لمته الهيمه
الشمس تحرگ بجسمه وفيا للغيمه
السهم نابت ابگلبه وعينه للخيمه
شكبر صبر الصبرته تحملت ضيمه
طلع ثلثين گلبك وانته ما هميت
المهم يوم الشفاعه وبالنحر ضحيت
يلتحچي بسكوٌتك
نحر بس عالي صوتك
ذبحت الذله والخوف انته المات موتك
وهم من دونك احنه
بس هوه الجمعنه
----------
مشن نوگ السبايا من الجرح للشام
ورمح شايل وطن مرفوع ليگدام
زينب آه يزينب هيه والايتام
رمله اعله الهزل بس عينهه لجسام
ظلت علرمل چم جثه مدميه
وضعن رايح دمع وعيون مسبيه
مشو دين وعقيده
سبي وقصه جديده
دخلو رعب للشام قصرهم ضم يزيده
بمواقفهم كبرنه
بس هوه الجمعنه
----------
تودينه الحياه ابعيد مدري لوين
وننسى هواي ننسى بحجة متيهين
تعيش شهور صلفه بلا بواچي العين
اليرجعنه بشر بس الدمع لحسين
شهر چن رحمة الله وتنزل بدمعة
الزهره تنوح اله ! چا أحنه ما ننعه ؟
العمر كله محرم
انتصار السيف علدم
تصمت كل النحور بس انته أتكلم
جرح داوى جرحنه
بس هوه الجمعنه
---------
يمر بينه محرم والمحنه اتزود
شما تاخذنه دنيا بحاسد ومحسود
تفرقنه السياسه أواضح المقصود
يرد يجمعنه مجلس والمحبه اتعود
الما عنده انتماء الكربله وعاشر
دنيا وآخره وشما ربح خاسر
السبط واضح طريقه
هاي اكبر حقيقه
ثوابك يصبح سنين اذا تخدم دقيقه
نحبكم والله صحنه
بس هوه الجمعنه
للخادم رعد الفريجي
🏴 ذكرى استشهاد الإمام جعفر بن محمد الصادق ع مسموماً في ال25 من شوال 148هـ على يد اللعين المنصور العباسي المعروف بالدوانيقي وعامله على المدينة اللعين محمد بن سليمان ..
إنا لله وإنا إليه راجعون ..
⬛️🔳القصيدة-1-◼️⬛️
يا جعفر ٌ يا سادسَ الأمنـآءِ
يا حافظاً للشرعةِ السمحاء ِ
لهفي عليكَ فكم رأيتَ مظالماً
من جَورِ طاغيةٍ ومن إيذاء ِ
لم يكفِهِ المنصورَ حرقُ بيوتِكُمْ
وجرائماً يبغي وسفكَ دماء ِ
وبقصرِهِ المشؤومِ نالكَ شتمُهُ
ومُعنفاً إياكَ دونَ حيـآء ِ
مُـتربصاً فيكَ الدوائرَ سوءَها
حتى أذاقَكَ مكرَهُ بدهاء ِ
وإليكَ سُماً دسَهُ في غيلةٍ
فَسرى بجسمِكَ داخلَ الأحشاء ِ
لكَ أسوةٌ بأبيـكَ أو آباءِهِ
قتلاً وسُماً من يد ِ اللعناء ِ
ياسيدي جارَ الزمانُ عليكمُ ُ
وأرتكُم ُ الدنيا عظيمَ بلاء ِ
إن متَ مسموماً فليسَ بهيٌنٍ
ونَعدُهُ رُزءاً من الأرزآء ِ
لكنٌَ محنتَكَ الأليمةَ تنحني
لمصابِ جدِكَ سيدِ الشهداء ِ
إذ إنهُ يقضي ويُقطعُ نحرُه ُ
أسفاً ولم يهنأ بشُربِ الماء ِ
ولصدرِهِ سحقَت خيولُ أميةٍ
وعليهِ تسفي الريحُ بالبيداء ِ
وعيالُهُ تُسبى وليسَ لها حمىً
من كربلاءَ لأرذلِ الطلقاء ِ
#سمير_الصالحي
#البصرة_الفيحاء
⬛🔳القصيدة-3-🔳⬛
كنزُ العلومِ بهِ المعارفُ تفخرُ
الصادقُ القولَ المُطَهّرُ جعفرُ
بلَغَ المعالي والفضائلَ حازَها
وبذكرهِ ِ كلُ المحافلِ تزخرُ
هوشيخُ مدرسةِ الإمامةِ منهلٌ
من فيضهٍ تلكَ َالمعالمُ تُنشرُ
روحُ الشريعةِ للتشّيعِ جوهرٌ
وأصالةُ الإسلامِ فيهِ تُبلوَرُ
ومذاهبُ شَهِدَت بعُظمِ جلالهِ
ولهُ بنو العباسِ حقداً أظهروا
كم جُرّعَ الويلاتِ والتوهينَ مِن
شتمٍ وإيذآءٍ عليهِ تجاسروا
قد أحرقَ الطاغي عليهِ ديارَهُ
مُتشفياً والظُلمُ منهُ يُكرَرُ
لم يستطعْ كسراً لهيبتهِ ولم
يزلِ الإمامُ بحكمةٍ يتصَبرُ
حتى سقاهُ السُمَ في العِنبِ الذي
أرداهُ في الأسقامِ وهو مُدثَرُ
يشكوُ الى اللهِ العليِ بلوعةٍ
وعيالُهُ مِن حَولهِ تتحَسرُ
وإليهِمُ يُوصي بطاعةِ ربهِ
والحزنُ حلّ َ وسآءَ ذاكَ المنظرُ
ومضى شهيداً والأسىٰ لفراقهِ
وعليهِ ناحُوا والدموعُ تُفَجّرُ
#سمير_الصالحي
#البصرة_الفيحآء
🌑 نعي -- نصاري
عله الصادق نسيل دموع من دم
إمام وينغدر ياوسف بالسم
تاليهه بعنب چبده تخذم
يحگله النوح والعبره والونين
افزعت تلطم الشيعة عليه وتنوح
وظل يبچي عليه القلم واللوح
يبو الكاظم يبعد العگل والروح
عله افراگك تهدم ركن للدين
عگب موته غده ينحب الكاظم
يجر حسرات وتساعده الوادم
بس زين العباد بيوم عازم
عله وداع الحسين ولاله معين
#سمير_الصالحي
#النجف_الأشرف
حبست إدموع عيني إعليك للشام
خوفي إتشوفني إعيون الشماته
واخنگ عبرتي وادفن بالآلآم
حرام انچان ساعه الليل اباته
على أظهور الهزل دارتنه الأيام
ومشونه ابدرب ما ماشياته
يتفرج علينه الخاص والعام
واحنه اخيالنه ماشايفاته
تدگ اطبولها ويضرب الدمام
وسمعونه الحجي الما سامعاته
مرامي اعيونهم امضه من السهام
واصبح خارجي حسين و خواته
من بلد البلد والروس جـدام
وراسك عمه اعيون امدللاته
@@@@
كل خطوه ابجرح ماشيت الاجناب
و كل نظره ابسهم ترميني العيون
وكل يوم اليسر عديته بمصاب
ومابيه جرح بمصيبتي ايهون
ريت ابدال راسك راسي ينشال
گد ما بالحجر چانوا يرامون
هلاهـلهـم طـرب وإتـگول نشاب
علينه واستحي اشـچانو يـگولون
ردنه الگوم بينه ابليل يحدون
دولبنه الزمان اشلون دولاب
ضعنه بـالـخلگ مثل اليضيعون
@@@@
طلعت امن الوطن وياك
عاين لي اشصفى ابحالي
انوب أمن اطلع ويالگوم
من هيبتي اش يصفالي
آنه ام الخدر زينب
ال محد شاهد إخيالي
اطب ال مجلس إبن إزياد
وعين الغرب تبرالي
ركبت الحرم كلها
وعيني إعليك يالوالي
منهو الي يرچبني
الناگه ارچابها عالي
حرمه وگطع بيه الحيل
وأريد الحيل يبگالي
ياخويه الطريج ابعيد
گلي اشلون بالتالي
حسين حسين ... حسين حسين
#عزیز_الفيصلي
[[نهج وعقائد]]حوار بين المهدي والصادق ع
______
تاج المذاهب طول السنين.....جدي وعلي بشخصيتك
يالهيبتك من جدي الحسين......رايه وعلم خليتك
ليل .....من حسرتي واهاتي
ليل .....ماتت هضم چلماتي
********
لا وين عاينت السهر
تنهي الفلاسف والدهر
........... ... .....ناظرنه العقول
بحر العلم منك رسى
ياجدي اعظم مدرسه
.............. ...والجامعه تگول
حارت جميع اهل الكتب
يمك يجدي تنشطب
.................من الله مرسول
والفلسفه بنهجك بدت
بسيرة حديثك رتلت
................بيها انت مشغول
مصدرنه واضح كله برهان..حاججنه
كلمن ظالم
اسلوب البلاغه وهذا عنوان....يهوه ويطيح الحاكم
احزان .....تبچي بدمع اياتي
ليل......ماتت هضم چلماتي
*********
تدريني نهجي حيدري
يالمهدي مذهب جعفري.
.....................وضحنه للناس
مذهب عقيدة ومعرفه
حوزتنه صارت مشرفه
............... ....وبچفي مقياس
يالمهدي تدري بغايتي
جابر اخذ من قصتي.
..................بدموع الاحساس
إيمان للعالم درس
وضحنه عن طيب النفس
................ .....علمنه عباس
وافانه والله بدمعة العين..صار الوفه
حد مقياس
ثابت عهد وي طف الحسين ....قوة واراده ونوماس
جروح..... خطت جميع ابياتي
ليل .......ماتت هضم چلماتي
********
نهج العقيده مصدرك
شيخ المذاهب مفخرك
.......................لشيعه عنوان
اصل التشيع والفكر
ياجدي نبراس الذكر
........................منهجنه قرأن
ايات كلش واضحه
نصت علينه وشارحه
...................من رب الاكوان
منطقنه واضح معتلي
يكفينه من حيدر علي
................... بالحشر ميزان
شرح العقيده ننطي تبيان ..... درس الوحي وأسراره
جعفر الصادق علمه برهان ....يرسم مناره افكاره
صار.....مرسه السفينه الأتي
ليل .....ماتت هضم چلماتي
*********
إكمال دين الله ابتده
يالمهدي صوتك ردده
.....................من نحر الحسين
الاسلام بينه مستقم
يرسملك ابيات ونظم
................ ........رتم العناوين
يالمهدي عندك سيرتي
النعمان اخذ من حوزتي
.......................درس المحبين
استلهم دورس المعرفه
فقه الرسول المصطفى
....................... نهج الموالين
لشيعه واضح نحچي عنوان ...ابدم العقيده اطفوفه
باهلنه والله بكلشي نجران...شكد الله حب ايشوفه
اه......من حسرتي ودمعاتي
ليل .....ماتت هضم چلماتي
*********
درس العقائد منطقك
واضح حديثك موثقك
......................من طه معلوم
نتفاخر احنه عله العرب
عترة بني طه ذهب
.................. بالعرشي مختوم
اختارنه الله بقدرته
بنشر العداله غايته.
........................لدنيا مفهوم
ياجدي شوصار العكس
وياك مخنوگه الشمس.
....................تاليهه مسموم
ماخلص عمري ونايبه البين...مانشف
دمع اعيوني
واليل ياخذ صوت الاونين .. شيبت حسره اجفوني
نار.....لسه الخيم حسباتي
ليل....ماتت هضم چلماتي
**●●●●●●*
##تمت بعون الله تعالى
#خادكم.....يوسف الفتلاوي
⬛️◼️القصيدة-2-◼️⬛️
عـمّآهُ صبراً فالمُصابُ جليلُ
فلقد دنىٰ يا عم ُ منك َ رحيل ُ
يا ناصراً دين َ الإلٓـٰه ِ وشِرعتي
عن نُصرِتي والحق ِ لستَ تميل ُ
أَسَدُ تُـهاب ُوفي الوغىٰ مُستبسِلٌ
لكَ قلَّ ما بينَ الصِحاب ِمثيل ُ
كم كنتَ لي سنَداً وكنتَ مُضَحّياً
يا حمزتآ واليوم َ أنت َ قتيل ُ
مُستشهداً تمضي وبعدَكَ في أَسىً
صـِرنا ودمعي للفراق ِ يسيل ُ
والمسلمونَ بِحُرقة ٍ ومَناحَـة ٍ
يـعلوُ لهُم مٍـما دهاك َ عويل ُ
قد هَدَّني هَولُ المُـصيبة ِوالجوىٰ
من بعدِ فقدِكَ مؤلِمٌ وطويل ُ
#سمير_الصالحي
#النجف_الأشرف
#ليلة_الجمعة_4_5_2023م
#13_شوال_المعظم_1444هـ
🏴نعي بحر طويل
مصيبة سيدنا حمزة(رض)
ياعمي انهدم حيلي
ومصابك هيج الآلام
وظهري انكسر لفراگك
وعليك الگلب ظل محتام
ودين الله ينوح اعليك
شهيد تروح يا ضرغام
ردتك عون ياوسفه
لحد ماينتصر ديني
================
أسد عمي يسمونك
وتهاب الخلگ صيحاتك
شريف وبطل مازليت
وتشهد إلك وگفاتك
ابدر انت الرفعت الراس
ابحملاتك اوصولاتك
بعجل ترحل يبو الكلفات
اووحدي هنا تخليني
================
أنه بحاجِتك ياحمزه
يحيد بوسط كل ميدان
يضربونك غدر ياحيف
علّي چتلك أبد ماهان
وساعة طيحتك تدري
بفرح تتشمت العدوان
وبعدك حزني ما يخلص
لنوحك واسمع اونيني
=================
#سمير_الصالحي
#النجف_الأشرف
لحن (الفاگدله)
بصوت
ملا حسين باهض الحلفي
بصره
٢٥ // شوال شهادة الامام جعفر الصادق عليه الصلاة والسلام
فزاعيّة
💔🏴
يمته للبقيع ارّوح مشّايه
ولجعفر الصادق ننصب اقرايه
🏴🏴
يمته ارّوح مشّايه ليمّتنه
مصيبة جعفر الصادق الهدمتنه
حگنه امنلقهر والحسره لو متنه
مانتعنّه بالرايات عزّايه
ولجعفر الصادق ننصب اقرايه
🏴🏴
ياشوّال شهر الفاجعه الكبره
بالصادق ابنهه انفجعت الزهره
مصيبه اعظم بعد من هدّمو گبره
مدري ذيچ اشد مدري اشد هايه
ولجعفر الصادق ننصب اقرايه
🏴🏴
المنصور الدوانيقي سعی بموته
فضحهم ماسكت يحچي بعلو صوته
منّه ماينام الليل طاغوته
يزلزلهم الصادق لو حچه احچايه
ولجعفر الصادق ننصب اقرايه
🏴🏴
دسّوله سموم الحقد عدوانه
وفجعو شيعته المنصور واعوانه
عله الصادق الزهره تريد عوّانه
لطّامه تريد اتريد نَعّايه
ولجعفر الصادق ننصب اقرايه
🏴🏴
عميد المذهب الشيعي لطم يسوه
ونشگ الجيوب ال عِظم هل بلوه
حگّه يميل ركن الدين خل يهوه
چم سوره عليه اتنوح چم آيه
ولجعفر الصادق ننصب اقرايه
🏴🏴
لاحول ولاقوة الا بالله العلي العظيم
عظم الله لنا ولكم الاجر
واحسَنَ العزاء
ام محمد الحجاج
اين قبر الزهراء عليها السلام ؟؟؟؟
ابو ذيه
🏴
تهيد جروحي واحزاني صحنهه
ولا دويات منعوته صحنهه
متی ينبي للزهره صحنهه ؟
يالله اطّيب شنهي جروح بيّه
🏴
العمر حسره باثر حسرات يبناه
جبنه هضم جبنه جروح يبنآه
ابن الحسن گبر ام حسن يبناه
مؤكّد . لاكن اتطوول عليّه
😭😭
الي يوم ويجيني الاجل لفنه ( الفناء .الموت )
ويمروني بعلي وللغري لِفنه ( افترّينه للمقبرة)
يمهدي برايتك مولاي لِفنه
اشوفك قبل لتحين المنيّه
😭😭
ام محمد الحجاج
🕋🕌📖
عظم الله لكم الاجر بمصابنا بسيدنا الحمزه عم رسول الله (ص) المصادف ١٥ شوال
✋🏻✋🏻✋🏻
زيارة الحمزة عليه الصلاة والسلام
[ اَلسَّلامُ عَلَيْكَ يا عَمَّ رَسُولِ اللهِ صَلَّى اللهُ عَلَيْهِ وَآلِهِ . اَلسَّلامُ عَلَيْكَ يا خَيْرَ الشُّهَدَاءِ . اَلسَّلامُ عَلَيْكَ يَا أَسَدَ اللهِ وَأَسَدَ رَسُولِهِ . أَشْهَدُ أَنَّكَ قَدْ جَاهَدْتَ فِي اللهِ عَزَّ وَجَلَّ ، وَجُدْتَ بِنَفْسِكَ ، وَنَصَحْتَ رَسُولَ اللهِ صَلَّى اللهُ عَلَيْهِ وَآلِهِ ، وَكُنْتَ فِيـمَا عِنْدَ اللهِ سُبْحَانَهُ رَاغِباً ، بِأَبِي أَنْتَ وَأُمِّي أَتَيْتُكَ مُتَقَرِّباً إِلى رَسُولِ اللهِ صَلَّى اللهُ عَلَيْهِ وَآلِهِ بِذلِكَ ، رَاغِباً إِلَيْكِ فِي الشَّفَاعَةِ ، أَبْتَغِي بِزِيارَتِكَ خَلاصَ نَفْسِي ، مُتَعَوِّذاً بِكَ مِنْ نارٍ اسْتَحَقَّهَا مِثْلِي ، بِمَا جَنَيْتُ عَلى نَفْسِي ، هَارِباً مِنْ ذُنُوبِيَ الَّتي احْتَطَبْتُها عَلى ظَهْرِي ، فَزِعاً إِلَيْكَ رَجَاءَ رَحْمَةِ رَبِّي ، أَتَيْتُكَ مِنْ شُقَّةٍ بَعِيدَةٍ ، طَالِباً فَكَاكَ رَقَبَتي مِنَ النَّارِ ، وَقَدْ أَوْقَرَتْ ظَهْرِي ذُنُوبي ، وَأَتَيْتُ مَا أَسْخَطَ رَبِّي ، وَلَمْ أَجِدْ أَحَدًا أَفْزَعُ إِلَيْهِ خَيْراً لي مِنْكُمْ أَهْلَ بَيْتِ الرَّحْمَةِ ، فَكُنْ لي شَفِيعاً يَوْمَ فَقْرِي وَحَاجَتي ، فَقَدْ سِرْتُ إِلَيْكَ مَحْزُوناً ، وَأَتَيْتُكَ مَكْرُوباً ، وَسَكَبْتُ عَبْرَتي عِنْدَكَ بَاكِياً ، وَصِرْتُ إِلَيْكَ مُفْرَداً ، وَأَنْتَ مِمَّنْ أَمَرَنِي اللهُ بِصِلَتِهِ ، وَحَثَّني عَلى بِرِّهِ ، وَدَلَّنِي عَلى فَضْلِهِ ، وَهَدَاني لِحُبِّهِ ، وَرَغَّبَني فِي الوِفادَةِ إِلَيْهِ ، وَأَلْهَمَني طَلَبَ الحَوائِجِ عِنْدَهُ ، أَنْتُمْ أَهْلُ بَيْتٍ لا يَشْقَى مَنْ تَوَلاَّكُمْ ، وَلا يَخِيبُ مَنْ أَتَاكُمْ ، وَلا يَخْسَرُ مَنْ يَهْوَاكُمْ وَلا يَسْعَدُ مَنْ عَاداكُمْ ] .
نسألكم الدعاء و الزيارة
🚩🏴🏳
استشهاد حمزة بن عبد المطلب ع ( ١٥ شوال )
ناصر المختار ــ فارس ومغوار
حمزه سيف المصطفه
ناصر المختار
أسد باري الكون ــ وأســد هادينـه
حمزه ليــل انهار ــ سيفــه بيمينـه
حارس المختــار ــ ما غفـت عينـه
حمـزه للإســـلام ــ ضحى بسنينه
سيفه يلهب نار ــ حارب الكفــــار
اعليه يبچي مرهفه
ناصر المختار
بالحرب لو فـات ــ بهيبــه يتبختــر
فَـنّـــه ليلاويـــه ــ يــا بطــل يگـدر
چَنّه ملك الموت ــ عالكـفر لــو كــر
يخطـف الأرواح ــ بصوته من يزٲر
ايزلزل الميدان ــ وتشرد الفرسان
غيض گلبه عاصفه
ناصر المختار
حمـــزه للميـــدان ــ يگلب اترابـه
سيفه سيف البين ــ طلّـگ اگرابه
خل نمير العيــن ــ يجري لمصابه
والنبــي مهموم ــ والحــزن صابه
ابمنتصف شوّال ــ نالتــه الآجــال
حمزه عنوان الوفه
ناصر المختار
هنــــده للثــارات ــ قدِّمــت كلشــي
عالرمح والسيف ــ درّبـــت وحشـي
اتگله عن الثــــار ــ ما غمض رمشي
حان ثاري وهاك ــ رمحك او امشي
اتخفّه عن عيناه ــ غدره لا تتنـــاه
ارميه رميه خاطفه
ناصر المختار
وحشي هالملعون ــ من وصــل عنده
واعله صدر الليث ــ للرمـــــح هـــدّه
حمزه لَـمّـن طــاح ــ گصدتـــه هنــده
بخنجر الأضغـان ــ استخرجت چبده
مضغته ابأحقاد ــ آكلة أكبــــاد
دموم چبـــده نازفه
ناصر المختار
وصلـــت الأخبار ــ الوالـــد الزهـــره
حمزه عمك مات ــ حالـــه لتنـظـــره
بلا چبد مطروح ــ جسمـــه عالغبـره
من وگف فوگاه ــ خنــگتـــه العبــره
عمي يالمظلوم ــ يومك افجع يوم
بــدر دنيانـــه اختفـــه
ناصر المختار
شالــو المغـــــوار ــ ويلـــي أحبابــه
والنبي ابهالحــال ــ للگبــــر جابــــه
وسّـــده وينعـــاه ــ بدمعــه سچابه
حمزه داره اليوم ــ وحشــه بغيابـه
حزنت الأكوان ــ والإنس والجان
غَمّض اعيونه وغفه
ناصر المختار
كلمات عمــار الراشـدي
قصيده لذكرى استشهاد الحمزه عم النبي
الك نرفع تعازينه وهظمنه
على عمّك الحمزه كل المنه
الحزن ضل لابس اسود .... يبو الزهره محمد
ــــــــــــــ
الك هذا الجرح ما يشفه من راح
جرح عمك الحمزه امزيد الاجراح
الك ناصر ودمه بالحرب ساح
طاح الحيل منك ساعت ا لطاح
الفرح بيبانه تنسد .... يبو الزهره محمد
ــــــــــــــ
المصايب من تجي ماترحم اهواي
ونار الماي صعبه تخمد ابماي
يمن صحت ابغيابك ظلمه دنياي
هاي الفاجعه الكسرت ظهر هاي
كل يلي تفرهد .... يبو الزهره محمد
ــــــــــــــ
غدر صابوه عمك وسفه هل يوم
ومن اسمه تره تتراجف الكَوم
مظلوم ابمصابه الحمزه مظلوم
قليل الي يذكره ويجرع هموم
المجالس ريت تُعقد .... يبو الزهره محمد
ــــــــــــــ
الاكل جبده يضل للحشر ملعون
وعلى الحمز تضل دمعات العيون
الظليمه وياه وهو ابكَبره مدفون
يمنعون الذي رادوا يزورون
فلا للحمزه مرقد .... يبو الزهره محمد
ــــــــــــــ
يجي يوم ونزوره ونبني كَبره
ونبنيه مرقد الفاطمه الزهره
ونبنيه البقيع ونبني حضره
ومجلس عام المهدي يحضره
المن الله مؤيد .... يبو الزهره محمد
الشاعر محمد حسن ضيغم
مشتاك اوصل لبابك
مولاي واشتم ترابك
روحي كلش توازت
توصل هيه لعتابك
بيه لعشك مولاي
كلبي يدك مولاي
كلي صدك. . مولاي
بصحنك هوى كلبي رتوى
هيه بيك الروح هامت ارد اجي
كل العمر. واني انتضر
انحني يم بابك بشوك وبجي
.................................
حلمي انه لزياره
كلبي يسعر بناره
ذنبي كلش هوايه
يمك كلبي وسراره
من الزغر مولاي
حد الكبر مولاي
انته العطر مولاي
بشوك ودمع انه انفجع
يمك اوصل يلرضا منيتي تره
بشوكي احس انته النفس
يارئوف الروح دربك مفخره
.............................
رايد امشي مشايه
بيدي وارفع الرايه
همي انه اوصلك
كلبي حبك هوايه
حبك رزق مولاي
انته العشق مولاي
بسمك نطق مولاي
حلمي اصيح واسط الضريح
خادم تخليني وخدم انه اريد
ها يلرئوف يمك اطوف
يا قريب على الكلب ماهو بعيد
............................
بسمك ينطق الساني
صاير انته سلطاني
راحت نفسي وحلامي
اشتم عطرك متناني
ها يلرضى مولاي
كلبي فضى مولاي
بشوكك حضى مولاي
امشي لدرب حلمي اطب
لحضرتك مشتاك كلش انه اجيك
ذنبي كثر كلبي نكسر
ليك اوصل يلرضا وروحي بديك
...............................
خادم ابقه خليني
لحسين انه بسنيني
مولاي ولطلب يمك
رايد نضره تحيني
انه لفده مولاي
بسمك بده مولاي
منك نده. مولاي
خادم اصير بسمك جبير
انه كل حلمي ودعائي ليك ازور
يمك اضل هام العكل.
اسمك السلطان بيه ضل يدور
.............................
وداد البخاتري
لسان حال رسول الله صل الله عليه واله في مصيبة عمه الحمزة عليه السلام...
عيوني بالدمع يازهره غطيّت
وفي نوحي اعله عمي الحمزه غطيت
شفت أوصاله ورحت جثته غطيت
لا اخته تنْظره العمه صفيه
ياعمّه احزانج ابهالدنيا عمّي
وكشفي من أحد كل خافي عمَي
غزوتها اذبحت لي الحمزه عمّي
وهند كبده كلت عمّه صفيّه
لسان حال السيدة زينب ليلة الحادي عليها السلام..
قفي ياظلمة الحادي وستري
وغطّي بالفلا احبابي وستري
عگب سلب العدو اخماري وستري
صفيتي انتي العبا بالغاضريه
علي الأحسائي
موشح الى سيدي ومولاي علي الاكبر عليه السلام
بالدمـوع أتـــــودع اصبــي عينـــها
الله بــاچــــــر عالـــــوداع أيعيـنــها
****
الليله ليلى أتــــودع الأكبـــــر علــي
تگله يا روحــي وحياتــي وكل هلـي
باچــــر الدمعــه تظــل بعــدك ألـــي
باچــر الفـــرحه علـــي امــودعينها
*
باچـــر الفــرحه أودعــها أبــدمــــوع
باچــر يمــوت الگلــب بـين الضلـوع
باچر تموت ابوسط عينـــي الشمـوع
الشمعه بــاچــر يــا علــــي امطفينها
*
تطفه باچــر شمعتـي فــوگ التــراب
وعالــرمـل يوليدي اشــوفنك خضـاب
گبل يومك راسي احس يوليدي شاب
الله للتفگـــد ولـــدهـــــــــا يعينـــــها
*
الله يبنــي يعيــن المضيعــه الحيـاة
بيها كــل سـاعه تمر شــوغــة ممـات
مــن تـــروح انتــه تجينــي النايبات
ومــا تبطـل أمــــــك مــــن اونينــها
*
يبنــي ونتــها التفـــارگ مــــا تهيـد
وهيــه تدريـه الــولـــد عنــها بعيـد
باچر اخـر شوفه يمه أعلى الصعيد
وباچــر أمـــك عالهـــزل ســابينها
*
باچـــر أمــك كــون يلفيها الاجــــل
گبل لحظــت موتـك يــموت الأمــل
أهلي انتــه وباچـــر تـــروح الأهل
بالسيــوف أبكـــربله. امگطعينـــها
*
الشاعر
موسى البديري
#محرم_١٤٤٥_هـ
#للرجوع_الى_المدينه
رجعت للمـــدينه ابلايه خوان
ابطرگ ايتامها والگلب ذبلان
¢¢¢¢¢¢
محــمد گـــــوم والزينب تلگاها
من كربله ردت بس علي اوياها
حادي اضـــعونها بالغربه خلاها
وغيرها الدهر والجســـم نحلان
¢¢¢¢¢¢
ردت راسها امشـيب امن البلوه
عنها العـــز رحل ويامها الحلوه
فوگ النهـــر عافت بيرغ الخوه
وشيب راسها مـن كثر الاحزان
¢¢¢¢¢¢
مورمه چفوها البل حبل مجتوفه
المحد چان طرف اخيالها ايشوفه
حيل اتمرمرت مـــن طبت الكوفه
اوكافلها صبح للخـــــــــيل ميدان
¢¢¢¢¢¢
لفت بس محد اليــــبره الضعينتها
لاكــو اشـبول هـاشم لااكو اخوتها
متغيــــــره العقيله اهواي شوفتها
وبيها امن المخـــــــيم ريح دخان
¢¢¢¢¢¢¢
اجـت نيرانها بنص الگلب تســري
وتصرخ راح بيرغ شدتي وعسري
بين بالظــــــــهر بعد الاهل كسري
عسى بالطف اوياهم عمري خلصان
¢¢¢¢¢¢¢¢¢
تم بعون الله تعالي
✍️بقلم ام زين العابدين اللامي
من يود يقرا القصيده يذكر هذا
الاسم (زين العابدين الزبيدي)
والله ولي التوفيق
اسـالـكم الـدعاء لي والـديه
#الفاتحه_الى_روح_والدي ووالدتي 💔 💔
أمنيتي بالطف مو طفل فارس كون
امنيتي عبد الله الكفيل يگولون
بچفوفي رايه اترفرف
وارفع السيف واهتف امنيتي بالطف
***
كاروك ما اريد وهلي بنص الموت
مو انه اليهزونه لو يهدا بصوت
الفنجان من ينهز رجعته تأذيه
ثابت من الميدان حد التابوت
يمه الحسين يريد فزعه
وگماطي راح اليوم اگطعه
يا سهم والله بچفي اشلعه
ما اريد حرمه ويمي تنعه
انه الفدائي الكله غيره وعنوان
خليني اموت وسوي زفة عرسان
ابنچ وعد ما يخلف
وارفع السيف واهتف امنيتي بالطف
**
ما بينه واحد مو كفو كلنه كبار
اولاد هاشم صرنه نار اعله النار
احنه الجبال العظمى والوادم گاع
من المهد للشيبه طبع الفقار
يمه ابنچ لهلساعه وكته
طف كربله ماي وعبرته
النه الحچي والهم السكته
يمه الحسين لوحده شفته
مو انه اليفزعوني سيفي اطلابه
گبل الهلا وحيهم غدت عطابه
يلزهره سجلي الموقف
وارفع السيف واهتف امنيتي بالطف
***
طلعولي فارس كدي انه ابن حسين
ست اشهر اتشوفوني چذابه العين
تذكرون چفي اوطولي مركم لو لا ؟
وي حيدر آنه بنهروان وصفين
بخيبر انه جنت بيمينه
لمن قلع باب المدينه
يا كربله التصعب علينه
طفهم زغير وكلفه ادينه
جدي الطبر عمر ابن ود الفارس
تدرون آنه شلون عدمن دارس
عند الشجاع الينصف
وارفع السيف واهتف امنيتي بالطف
****
يا نهر هذا وزينب تحير بهاي
يم عون هسه وياي اجيبنه وياي
الزعل سكينه يعتذر لو اخليه
جرف بجرف والماي يردم بالماي
اخذ جربتي وبيهه أبديه
والزاد منه فياي أسويه
لخيمه رقيه يروح اوديه
يعتذر منهه هواي اخليه
ما اعوفه الا يصير عبد سكينه
ومن يدخل الخيمات يشلع عينه
يعرفنه قطعآ يعرف
وارفع السيف واهتف امنيتي بالطف
***
امنيتي ادخل للحرب وي عباس
امنيتي اگول ألعمي يا تاج الراس
تبقى الاماني هواي بس صدر حسين
امنيتي يسلم ما يطيح وينداس
احلم خيام ويمهه ناطور
احلم نرد لبيوتنه طيور
احلم يمر كل يوم عاشور
لا دمعه بيه ولا عبي اتدور
أمنيتي عمتي تروح ما مسبيه
امنيتي بالطف تامن العلويه
بس الطفوف شتحذف ؟
وارفع السيف واهتف امنيتي بالطف
كلمات الخادم/ رعد الفريجي
قصيدة للعليلة (؏) على طور ( مرت سنه ونص وانه بونيني) لـ باسم الكربلائي
حمل ضعنهم وانـه عافوني
ناديته بويه وياكم اخذوني
يحسين بويه لا تخليني *
معلوله اظلن زايد اونيني* ٢
..........................................
انحب .. واندب .. يابويه وتهل دمعة عيوني
يجرح .. يذبح .. بُعد الاهل و بوني عافوني
بنته .. وصِحته.. عفتوني بويه لو نسيتوني
ناده .. اولاده .. وانه بقيت ابحسره خلوني
حمل خواتي وعمتي وياهن *
ما خله وحده خلــه ذكراهن *
خلاني وحدي ايهل دمع عيني
مـعــلولـه اظــلـن زايـد اونيني
حمل ضعنهم.....
..............................................
وحدي .. بخدي .. ظلت دمعتي بويه تتجاره
ريتــــه .. ابـيته .. ظل ويه بنته گاعد ابداره
جــمره .. حـمره .. تسـعر تــأذي بالگـــلب ناره
حيــره .. اچبيره .. ظليت اهمن وآنه محتاره
محتاره اهم بالغالي واعضيده *
ادري العـده دم منـحره تريـده *
محتاره حيل وگلبي ياذيني
معــلوله اظـلن زايد اونيـني
حمل ضعنهم.....
..........................................
بغربه .. وصعبه .. وحدي انه وظليت محتاره
انضر .. وافرر .. كلساع اصيحن هلا بهلجاره
انعي .. بدمعي .. يواسيني عن الحمل آباره
حزنن .. وابجن .. عيوني المشو ماظن بعد ماره
ابجـي واريـد الوالـد الــغالي *
غير الدمع كلشي ولا اصفالي *
غير الولي محد يحاجيني
معلوله اظلن زايد اونيني
حمل ضعنهم.........
.........................................
ابجي .. وارجي .. واتـنـخه بـيـهم مـا يـعوفـوني
دمــعي .. دمـي .. خبطن سوه صارن نفس لوني
اعتابي .. اكتابي.. وديــته عتبـي للي انـسوني
اتلـوع .. اتـجزع.. من البجي راحن تره عيوني
عن الولي دم عيني اجريها *
دم ودمـع لون انخبـط بيها *
هذا الدهر گايم يجـازيني
معلوله اظلن زايد اونيني
حمل ضعنهم........
...................... 🏴....................
تمت بأقلام خادمات أهل البيت ع
#الشاعره هاجر الزينبية
#الشاعره رقيه المحـمداويه
والله ولي التوفيق 🙏🏻
https://youtu.be/PrG1zJrTvR0?si=Mrx1kPO5f2vSi2kC
Читать полностью…
رايتنه باچر تعتلي ....فوك المناره
نسمع تأذن ياعلي....فرض الزياره
راية علي فوك الصحن
ونصلي يم گبر الحسن
.................فرض الزياره
*******
باچر تجيلك كربله .
.قائد الحمله بهالفله ..
...............عباس شايل رايته
ارض البقيع اتشب وطن
تلكه الصحن جنة عدن .
..............يترس الدنيا بهيبته
معزب مضيفك بالكرم
يم بابه تلكه شكد خدم
..........موجوده تهتف شيعته
ما ينطفي بيت الحسن
شمعه وتظل طول الزمن
..........باب الله شاهد حضرته
باچر يبو محمد نجي ......حكك علينه
ويانه تمشي كربله.....وحامي الضعينه
سيره ونهج تبقى السنن
ونصلي يم گبر الحسن
*******
السجاد بدموعه يون
جمره ويظل بس حزن
.............بالدمعه صارت قصته
راسم بقيعك بالكلب
بس صعبه بديار الغرب
.............وحشه اليالي حضرته
من كربله اتشوف الجرح
بالحسره عمرك ينذبح
.............تچوي النواظر دمعته
بيا وكت ليلك ينجلي
ويطر صباحك معتلي
.............ونشوف گبرك طلته
هاي الروافض تعتلي....تشوف المناير
گبرك يضاهي للسمه.....انقيم الشعاير
والدمعه صارتلك شجن
ونصلي يم گبر الحسن
********
يم باقر العتره دمع
ونضوي گبرك بالشمع
.................وتشع مناره لسمه
رغما عله أحقاد الظلم
گبرك عرش ما ينهدم
...............بانيته امك فاطمه
اترابك صبح مثل الذهب
غصبا عليهم هل قبب
...........يحرسهه حماي الحمه
والزاير يطوف بشغف
يحتار بعيونه الوصف
.........يجري المدامع من دمه
اتفضل يزاير عاينت......شفت المواكب
والخدمه معروفه وعلي..بأعلى المراتب
والكربله گبرك يحن
ونصلي يم كبر الحسن
*******
باچر بقيعك ينبني
كل شيعي يمك ينحني
...........ونشوفه بعتابك سجد
تلكه العلم والمعرفه
حوزة الصادق مشرفه
.............عنوانهه باب المجد
هاي قبب تنزف دمه
انشاهدهن بعين السمه
..............باچر منايرهن ترد
الغرقد تشوفه معتلي
الاذان شيعي ياعلي
..............ونكول لله الحمد
نتعنه لصادق مشي .....شوف الغياره
عد عينك وداعت علي... رهن الاشاره
تلكانه بالسر والعلن
ونصلي يم كبر الحسن
.*******
انعلي المناره لسمه
تبنيهه باجر فاطمه
..............والمهدي يمهه ورايته
قنبر يجي شايل جرح
يأذن علي بوجه صبح
..............معروفه حيدر نبرته
العباس يترس جربته
اتفضل يزاير دمعته
..............مقبوله صاح زيارته
وحسين عازم كربله
متعني جاب العايله
..........بالونه صارت حسرته
تخضر مواكب بالدرب........اهلا يزاير
ونوزع امراد الحسن......بالعتبه باچر
كلشي الك يصبح وطن
ونصلي يم كبر الحسن
*******
تمت بعون الله تعالى
خادمكم ....يوسف الفتلاوي
ما عودتني حسين تجفيني
اتخليني انوح و تنعمي عيني
و الوادم الذبحتك تسبيني
و اتهطرت من جيتك اهواية
گوة امشي و ايدية اعلة مگفاية
جيتك يخوية حسين شچاية
كونك تحبني حسين رد اوياي لخيامي
ما بية اروحلك و ارد متعيني اجدامي
اتعنيتك اركض و الخيم محترگة بايتامي
گوم يا خوية انهبنة
گوم و اعيونك تعبنة
گوم مو وصلت حوافرهم حرمنة
ليش ساكت وآنه احشم
و سكتتك بية تهدّم
گوم مو ركض الفلة اهواية هظمنة
حسين خوية...حسين خوية
♕♕♕♕♕♕♕♕♕♕♕♕♕♕♕♕
عطشان خوية و غايرة اعيونك
بس گوم، واگف خل يشوفونك
شيرجعة حيلك من يسحگونك
يبن امي گوم و آنه اتچيلك
الخاطر خواتك خوية شد حيلك
ادخيلك يحامي اضعونة ادخيلك
لحگ يخوية اعلة الحرم لا توصل الوادم
لا تبقى عالگاع و تون لتظل يخي نايم
ترضاهة تركب عالهزل؟ خوية بخت هاشم
ليش هيچ حسين رحتوا
ليش كلكم ليش طحتوا
و آنه وحدي و دورت وين اليحامي
گوم خوية و لا اتغمض
آآخ بية التعب يركض
و شيبت يا خوية من حرگوا خيامي
حسين خوية...حسين خوية
♕♕♕♕♕♕♕♕♕♕♕♕♕♕♕♕
يا خوية گوم الناس فرحانة
شافونة نبچي و محد اويانة
و شيصبرة ليذبحون وليانة
حاچيني يا رجواي حاچيني
تيهتة دربي حسين دليني
خوية اعلة بختك لا اتبچيني
يا خوية شو چنك متت يبن امي و اتنازع
واختك غريبة ابنص غرب والوادم اتباوع
بس گوم احلفك بالضعن خوية الضعن ضايع
گوم رد الخيل و ارجع
گوم ترضى الحرم تطلع
بالبراري حسيــــــــن و الوادم تعاين
اجدامي فوگ الجمر تسحگ
من اجيت و خايفة انطگ
گلبي شيب يامن ابگلبي انتة ساكن
حسين خوية...حسين خوية
♕♕♕♕♕♕♕♕♕♕♕♕♕♕♕♕
تفزعلي لو أيس يرجواية
و صبّر دليلي حسين بحچاية
بس احچي اجتني الخيل عناية
عالهزلة اروح حسين ترضاهة؟
تمشي اختك و بس غربة وياهة
ابروحي اشبقة امنين اتِّلگاهة
هاهية راح امشي ابدرب ما بي و لا واحد
من بيت ابو طالب و انة و نسوانك اناشد
و ويانة بس راسك يظل و الدم عليه جامد
گوم راح انروح لحگ
گوم خوية الشام يخنگ
و الزلم من هسة حضروهة الهلاهل
وين اروح و ماكو مگصد
و ليش وحدي اوياية محد
و ليش ميرد و آنه اصيّح يابو فاضل
حسين خوية...حسين خوية
♕♕♕♕♕♕♕♕♕♕♕♕♕♕♕♕
حسين علي الزهيري
((الفاگدله))
الفــــاگدله بشر ما يگدر يگوم
بس شلون اذا فاگدله معصوم
العمر خلص مواعيد
روحي الشوفته تريد ...
"""""""""""""""""""""""""""""""""""''''''''''
راح اسكت و دمعي الي يحاچيك
عــلى خدودي كتبلك راح اتانيك
خــــايف خـــاف من تضهر نأذيك
وانته اعـــــله السبايه حيل مابيك
يالمــهدي انتظر مولاي شتگول
بدربك گلبي راح يصير مشتول
يجي و يروح چم عيد
العمر خــلص مواعيد ...
"""""""""""""""""""""""""""""""""""''''''''''
صــــرت شگــــــد أَبذر عاليمرون
على المايسوه وشل شوف العيون
اشوفن بس خـيالك والله ممنون
عشگك خَله منـي انسان مجنون
بطــــــــاريك صرت مولاي طماع
عليها يدوس جدمك احسد الگاع
حـتى الگـاع متــهيد
العمر خلص مواعيد ...
"""""""""""""""""""""""""""""""""""''''''''''
عني يگـــوم ظل اليگعد أحذاي
هلي گطعو درب مجلسكم وياي
الغيرك ما شكيت وليـك شكواي
المجلس مـــاي وآنه بعازةّ الماي
الغايب منه واحد يدري الغياب
المافاگد عَليهَ يگــــــول چذاب
تبچي هــواي شتريد
العمر خلص مواعيد ...
"""""""""""""""""""""""""""""""""""''''''''''
انه دم و لحم و احساس و اشواگ
يضحكون من اگولن حيل مشتاگ
بنيـــــته و كــــــمليته بيت الفراگ
تعال الجيتك حــتى النفس ضاگ
بعدني عله العهد بهدومي السود
يالمصعدني رتبه و صـرت رادود
دين الخـدمه تسديد
العمر خلص مواعيد ...
"""""""""""""""""""""""""""""""""""''''''''''
الفتن سبعين الف بس احنه سبعين
الشمر مــــوجود بس الغايب حسين
ارجع يبن فـــــــــاطم لا تجي الحين
هـــــــــاي حچـــايةّ الما صانو الدين
درو لو طلع نورك تعمي الابصار
وتَكَشف اسرار ويطلعــــون كفار
واحدهم غـــده بعيد
العمر خلص مواعيد ...
عبد زينب
محمد الأبراهيمي
جيت ادگ بابك وانشدك يالحبيب
بحظرتك مرتاح لو بعدك غريب
يا مگصد الاحرار
واتفرحك الزوار..لو بعدك غريب
☆☆☆
من تشاهد هالجمع
بحضرتك تجري الدمع
هم تبتشر..هم تبتشر
..
من ينادونك سوه
ياحسين انته الهوه
هم تبتشر..هم تبتشر
وانه اتمنه اصيرنلك مناصر
وكبل صدرك تسحك بصدري الحوافر
كون هسه ابكبرك اتبده مشاعر
بلكت الدمعه تطيبلك خواطر
الشوك من يكبر يجرني الكربلاء
واقره يمك قل اعوذ أمن الرياء
متعوب لومرتاح
وراسك غفه اعله ارماح.. لو بعدك غريب
☆☆☆☆
يلي ماذيك العطش
حتى ماصحلك نعش
يالمنسلب ٠٠ يالمنسلب
آى يمكسور الضلع
عيني اخذها والدمع
يالمنسلب ٠٠ يالمسلب
بخيمتك گلبي تعلگ كل هيامه
كون اطوف بحضرتك مثل الحمامه
انه بس يمك ضگت طعم السلامه
الما عرف هذا العشگ يشبع ملامه
سنيني بس لوياك والباقي عدم
الما عشتها بحظرتك راحن وهم
گلي يضي عيناي
حزنك خلص مولاي ٠٠ لو بعدك غريب
☆☆☆☆
يالغريب ابدنيتك
ماكو مثل مصيبتك
يابو علي ٠٠ يابو علي
هم يفز بيك الجرح
من يمر طاري الذبح
يابو علي ٠٠ يابو علي
بعده حزنك عالجرالك من محرم
لسه جسمك يبو اليمه فايض بدم
جروحك هواي ومصابك بينه خيم
بشوفت احبابك يريت الجرح يلتم
اعذرني يامولاي هيجّت الجروح
انه بعتابك اجيت اكعد ونوح
من تنظر الاحباب
بعده الجرح ماطاب ٠٠ لو بعدك غريب
☆☆☆☆
بالصحن ماضل شبر
فارغ ومنه أمر
بزيارتك ٠٠ بزيارتك
ناسك اتسد الشمس
رايه ابد ما تنتكس
بزيارتك ٠٠ بزيارتك
هم بعد عايش بغربه يبو الأكبر
وليلة الجمعه ضريحك نوره يزهر
وتنظر الزوار يمك كلها تحظر
شموع چنهم وبضريحك احلى منظر
مابرد گلبك وكفيت الدمع
وانت تنظر بالصحن هذا الجمع
يالخذت مني الروح
بعدك تون وتنوح ٠٠ لو بعدك غريب
☆☆☆☆
ألٱ من ناصر ردت
وسفه باعدني الوكت
عن نصرتك ٠٠ عن نصرتك
لو يرد بيه الزمن
ماأقصر والحسن
عن نصرتك ٠٠ نصرتك
حيله مابيدي وبقه دمعي يتجاره
بعيني مرسومه الك گبه ومناره
من گلب ولسان اردد هالعباره
كون باقي سنيني تخلص بالزياره
ريت بالحضره اطشر سنيني
وانه كل عمري فده تدريني
يامالك الأنفاس
مستانس بهل ناس .. لو بعدك غريب
☆☆☆☆
تذكر خدود الورد
والحزن تالي يرد
يدمي الگلب ٠٠ يدمي الگلب
ياغصنها شگد ترف
غيّره وسفه النزف
يدمي الگلب ۰۰ يدمي الگلب
طفله من تسمع تزورك فد مسيه
روحك تحن مانست قصة رقيه
زغيره لاچن شبعت جروح او أذيه
حضنت عيونك لچن جتها المنيه
مانسيت همومك الصارت ضعن
اولا اضن ساعه النوايب هوًدن
يلي فگدت الحيل
عينك تنام اليل.. لو بعدك غريب
☆☆☆☆
شكثر ماخذني الخجل
ومرتكب سوء العمل
وارجو العذر ٠٠ وارجو العذر
نوحي يمك يعتلي
سيدي يابو علي
وارجو العذر ٠٠ وارجو العذر
ادري جرحك سيدي يلچمه الذنب
أشكد عليك الصافي گلبه يقترب
ياحسين اللي بخِدمتك ينحسب
كون يحذر للذنب مايرتكب
رحمة الله صحنك وگلبك چبير
يا ملاذ الناس بسمك استجير
يارحمة الرحمان
ماهودن الاحزان .. لو بعدك غريب
☆☆☆☆
حيدر بشار الدراجي
((الفاگدله))
الفــــاگدله بشر ما يگدر يگوم
بس شلون اذا فاگدله معصوم
العمر خلص مواعيد
روحي الشوفته تريد ...
"""""""""""""""""""""""""""""""""""''''''''''
راح اسكت و دمعي الي يحاچيك
عــلى خدودي كتبلك راح اتانيك
خــــايف خـــاف من تضهر نأذيك
وانته اعـــــله السبايه حيل مابيك
يالمــهدي انتظر مولاي شتگول
بدربك گلبي راح يصير مشتول
يجي و يروح چم عيد
العمر خــلص مواعيد ...
"""""""""""""""""""""""""""""""""""''''''''''
صــــرت شگــــــد أَبذر عاليمرون
على المايسوه وشل شوف العيون
اشوفن بس خـيالك والله ممنون
عشگك خَله منـي انسان مجنون
بطــــــــاريك صرت مولاي طماع
عليها يدوس جدمك احسد الگاع
حـتى الگـاع متــهيد
العمر خلص مواعيد ...
"""""""""""""""""""""""""""""""""""''''''''''
عني يگـــوم ظل اليگعد أحذاي
هلي گطعو درب مجلسكم وياي
الغيرك ما شكيت وليـك شكواي
المجلس مـــاي وآنه بعازةّ الماي
الغايب منه واحد يدري الغياب
المافاگد عَليهَ يگــــــول چذاب
تبچي هــواي شتريد
العمر خلص مواعيد ...
"""""""""""""""""""""""""""""""""""''''''''''
انه دم و لحم و احساس و اشواگ
يضحكون من اگولن حيل مشتاگ
بنيـــــته و كــــــمليته بيت الفراگ
تعال الجيتك حــتى النفس ضاگ
بعدني عله العهد بهدومي السود
يالمصعدني رتبه و صـرت رادود
دين الخـدمه تسديد
العمر خلص مواعيد ...
"""""""""""""""""""""""""""""""""""''''''''''
الفتن سبعين الف بس احنه سبعين
الشمر مــــوجود بس الغايب حسين
ارجع يبن فـــــــــاطم لا تجي الحين
هـــــــــاي حچـــايةّ الما صانو الدين
درو لو طلع نورك تعمي الابصار
وتَكَشف اسرار ويطلعــــون كفار
واحدهم غـــده بعيد
العمر خلص مواعيد ...
عبد زينب
محمد الأبراهيمي