8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيدة ( الوضوء ) كان الإمام يتذكر مصارع أهل بيته في كل وقت وكأنه اذا قام الامام علي بن الحسين للوضوء يتذكر عطش أبيه
تـــرد عـليــه نـايبـاتــي
بالـوضوء لكــل صلاتــي
ينرســم طف كــربلاء
وتنزل أدمـوع العـزاء
بالــوضوء لكل صــلاتي
*---------------*-------------*
أبكل وضـوء الطـف جمــر يصعد لهيبه
ومـن جديــد تــرد علـيّ ذيـچ المصيبه
أبدمعـه اذكــر والـــدي وجثتـه السليبه
هــذا مـــاي وشيبتــه ظلــت خضـيبـه
بالرزيه......
الماي لــو أشوف بوضوئي بالرزيه
والعزيه.....
تردلي كل فرض أبصلاتي والعزيه
بالوضــوء يمرني ذكره
اشعـــر أبـدلاله جمــره
تلتهب صبح ومساء
تنزل أدمــوع العزاء
*---------------*-------------*
مـن أشيــل المـــاي انــه أبيــن أديـه
بكــل وضوء أتشـب خيام الهاشميه
وجهي لو اغسله تهل دمعـه جـريه
عالبقه خده تــريب أعلى الـــوطيه
دامي خـده......
بالوضوء اذكـر أبويه دامي خده
ضامي بعده.....
من أشوف الماي اذكر ضامي بعده
بالوضوء يمـــر مصـــابه
اذكر أهمــومه وعـــذابـه
حگي أموت من البكاء
تنزل أدمــوع العـــزاء
*---------------*-------------*
مــن اغسل اچـفوفي تمـر بيـه الفجيعه
اذكــر العبــاس وچــفــوفــه الــگطيعــه
مــاي يجــري ومــا شرب من الشريعـه
ضامي يـدري حسين بالخيمه ورضيعه
ظل ينطره.....
يدري گلب حسين حاير ظل ينطره
گلبه جمره.....
من گصد صوب الشريعه گلبه جمره
عمي اذكره ودمعي يجري
بس طفوف حسين عمري
اذكـر اچفوف ولـواء
تنزل أدموع العــزاء
*---------------*-------------*
امسح أبراسي وتموت أبصدري عبـــره
وتهمل أدمــوع النوظر گطــره گطـــره
اذكــر حسين الغــريب الــدامي نحــره
عالرمح راسه وخضيبه الشيبه حمـره
شيبه دامي.....
. من نَزِف دمه حسافه شيبه دامي
بعده ضامي.....
من أشوف اشفافه ادري بعده ضامي
ظامي ظل ابن الـــزچيه
بكل وضوء انصب عـزيه
عالخذو منـه الـرداء
تنــزل أدمـوع العزاء
*---------------*-------------*
امسح اجدامي الدمـع من عيني ساچب
تجـري بفكاري وتـمــر ذيــچ المصايــب
عمتــي اذكــر حايـــره أبيــن الأجــانـب
كل وضوئي يصير بس لوعــه ونــوايب
يا مصابي.....
ابكل فرض تجري المدامع يا مصابي
يا عذابي....
عمري بالـدمعات ضايع يا عذابي
بكل فرض عمتي سبيه
بالوضوء انصب عزيه
وسفه بت خير النساء
تنزل أدمــوع العـــزاء
*---------------*-------------*
الشاعر
موسى البديري
لاستشهاد الامام علي بن الحسين زين العابدين عليه السلام
الرادود سيد حسن البو حمد الموسوي
الشاعر حسن لعيبي الحريشاوي
ابدي ابعذاب احزاني
اجروح الگلب عنواني
ما تخلص الحسره وياي
كلمة...جرح صار الماي
*******
عايش واعد الموتتي....وايامي امست غربه
والليل يسمع ونتي........عالماي ظلت جربه
ابدي واسولف بالمحن.....ياليل كلش صعبه
والجايبه اخيول الظلع....حدر الحوافر گلبه
حسره اشكثر بعيوني
يا بويه چن ذبحوني
يادنيا شو خذتي اهواي
كلمة... جرح صار الماي
*******
ياروحي ما ريد العمر.......رؤؤس الاهل گدامي
والعايش الطف بس دمع.....وناتي جرح آلامي
چم موقف اگبالي شفت..والحسره چبد الضامي
كلهن عشتهن حسرتي.....مذبوحه ليش ايامي
شفت المصيبه اگبالي
چم غالي عندي وغالي
يم الابو كون افياي
كلمة...جرح صار الماي
******
ما ريده ليلي لو يجن......والونه تذبح بيه
اتوچه من كثر الهضم......عمري صبح لطميه
والمحني ظهره باليسر.....شمات تنظر اليه
بس انه ما سامع گبل....تمشي بيسر علويه
طاري السبي لچماتي
حسره بهضم عماتي
صعبه بضعنه الحداي
كلمة...جرح صار الماي
*******
شفت السبي ومر آلم......حادي الحده بضعونه
وحسين ينظر عالحرم.....حسره ويدير اعيونه
كل هذا عشته ابدمعتي......ذبلانه حيل اجفونه
وصعب بعد منظر شفت..متكسره ليش اسنونه
باب المناحه احچيلي
كل دمعه يشهد ليلي
ماتت حزن بس اعضاي
كلمة.....جرح صار الماي
*******
بالشام چانت لوعتي.....واهل الشماته اگبالي
والنوگ مالت بالضعن....يصعب جرح دلالي
بالسوگ مرت عليتي....ذبحوها روحي وحالي
لو طبت المجلس جرح.....ناشدني وين الغالي
صار الرجس يتشافه
يضرب ابوي اشفافه
چم ونه صارت ابهداي
كلمة...جرح صار الماي
*******
طبينه ديوان الهضم.......صارت نهاية عمري
والساگ مرضوض اشكثر...وانه الاعاتب دهري
ياريت بالطف ساعتي....ياموتي حدب ظهري
مثل الغريب ابكربله.....تحت الحوافر صدري
ماتت عذاب اسنيني
شام المصيبه اونيني
ما ظل بعد كل رواي
كلمة..جرح صار الماي
*******
تمت بعون الله تعالى الشاعر_يوسف_الفتلاوي
(لسان حال اهل المواكب)
قصيدة(#هلا_بيكم)
هــــلا بـيـكـم زوار هـالـكــلــمــه يـا مـحـلاهــه
هــــلا بـيـكـم زوار نــخــدمــكــم ونــتــبــاهــه
*---------------*---------------*
هــلا مــن صــدر الـبـحـر حــد الـنـحـر
انـتـم اطيور الـسـعـد واحـنـه الـشـجـر
يـا هــلا ومـيّـت هــلا ابـتـاج الـفــخــر
خـدمـتـكـم اتشيل الـراس عونه العرف معناهه
*---------------*---------------*
بـكـل ســنــه انـحـيـكـم وألـكـم خَـدم
ونـدعـي الـلـه ايـزيـدهـه هـاي الـنـعـم
ابـگـد مـشـيـكـم بـالـدرب وبـكـل جـدم
هاي الخِدامه احلى أوسام فوگ الصدر شلناهه
*---------------*---------------*
عــهــد لـلـمـوت ويـظـل هــذا الـعــهــد
اي وحــق كــرارهــه ولــيــث الــشــدد
مـدد كـلـنــه انـصـيـح يـا حـيـدر مــدد
يـشـتـد عـزمـنـه ونـصـيـح الرايه لو شـفـنـاهـه
*---------------*---------------*
نـحـسـب ايـام ونــتــانـي بــهــالــدرب
يـمـتـه يـا مـشــاي لـلـمــوكـب تـطـب
هلا ابـشـوف اعـيـونّـه ونبض الـگـلـب
ثـابـت عـهـدنـه وللموت الـخـدمـه هـاي اوياهه
*---------------*---------------*
الـلــه لا يـحـرمـنـه مــن هــذا الـشـرف
بيكـم الـخـادم عِـلـه وصـيـتـه انـعِـرف
إلـكـم اصدور الـمـجـد وإلـنــه الـطـرف
الـكـلـمـه بـس ألـكـم هاي يهل المجد گـلـنـاهـه
*---------------*---------------*
✍خادم زوّار الحسين
الشاعر رعد الجريخي
قصيدة (#روجة #المشايه)
. انتباه روجـه روجـه امـنـل بـحـر
انتباه اتـوجـهـت صــوب الـنـحـر
إلـهـه رفّـت رايـه ** روجت الـمشـايـه
*---------------*---------------*
الـزحـف مـليـونـي لـلـغـالـي ابـتـده
اربــعـيـن احـسـيــن ثــوره خـالـده
انـجـدده الــيــوم الــوفـاء انـجـدده
مانعوف نـمـشـي لــو دربـه جمر
مانعوف خـدمـه مـنـذور الـعـمـر
الـجـحـافـل هـايـه
*---------------*---------------*
هـايـه خـدام الحُـسيـن وشـيّـعــتـه
روجـت الـمـشـايـه گـصـدت قـبـتّـه
وعــد عـدهـه والـوعــد مـاعـافـتــه
للحبيب اعـتـنـت كــل الـخــدم
للحبيب تـهـتـف وراعي الـعَـلـم
عـالـعـهـد وفّـايـه
*---------------*---------------*
ياحسيـن الـصـوت هـالـيـوم اعـتـلـه
والـقـوافـل هــاي تـمـشـي الـكـربـلـه
يـا هـلـه الــخــدام تــهــتـف يـاهـلــه
الجميع الــخـدم لـزمـت ســره
الجميع فزعه شـيـعـة حـيـدره
اعـتـنـتـلـه اعـنّـايـه
*---------------*---------------*
عــهــد لـلـمـوت وتـوّقّـــع بـالـدمــه
اتـعـنـت الـعِـشّـاگ كـلـهـه امـحزمـه
رفّـت الــــرايــات بـعـيـون الـسـمــه
ياحسين صرخه مـا تـبـرد أبـد
ياحسين عـهـد منعوف الـعـهـد
الـوعـود احـچـايـه
*---------------*---------------*
✍خادم زوار الحسين ع
الشاعر رعد الجريخي
*(2) راس الامام الحسين (ع) قرآن الله الناطق* (مشهد تصويري رأس الامام الحسين ع رأى كل مأساة كربلاء يروي للزهراء ع) لحن الجفيري♪
لو شفتي يمه كم مصاب
بعيوني شاهدت العذاب
طفل ويتيم على التراب
تسحقهن خيول العده
〰〰〰〰〰〰
بعيوني عاينت الخيم
شبّت بنيران الظلم
وطلعن. بناتي والحرم
وتتبعهن سياط العده
〰〰〰〰〰〰
شفت الحرم من تنسلب
وسياط اميّه والضرب
وشافت مشاهد هالرعب
اطفالي يمه ويالعده
〰〰〰〰〰〰
واصعب مشاهد كربله
سبي وضرب هالعايله
واطفالي كلها معوله
والسيي قرّب موعده
〰〰〰〰〰〰
واليكسر الخاطر بعد
عبدالله شفته بلا مهد
واگبالي مذبوح الولد
وداست جسد طفلي العده
〰〰〰〰〰〰
خادمة آل محمد✍
#وازينباه
*زينب ع في مجلس الطاغي لعنه ورأس اخيها الحسين ع*
راسك خويه حين الشفته
تلعب عصا يزيد بشفته
گلبي تفطّر ودمعي ذْرَفْته
رسالت دمعة عيني سكته
خويه خويه خويه خويه²
〰〰〰〰〰〰
نخيتك يا راس خويه الغالي
فتّح عينك وانظر حالي
حرمه وحدي عزي فْگَدتِه
بوسط الديوان من غير والي
خويه خويه خويه خويه²
〰〰〰〰〰〰
الظالم ينشد يا هي زينب
قيود بإيدي وحالي يصعب
يضرب راسك ويشمت بيّه
وسوطه بگلبه سهم وصوّب
خويه خويه خويه خويه
خادمة آل محمد✍🏻
https://youtu.be/CejRG5FhkTg
*وارقيتاه ~ لحن. الجفيري قلب امك يبني مفتت~*
رقية اقتربت من الراس مدت يديها الصغيرتين وضمته اليها وصاحت حسين`~
گعدت يمه تجذب ونّه
تجري العبره فوق الوجنه
تعاين نحره بدمه محنه
تگله بويه فتّح عينك
〰️〰️〰️〰️〰️
صاحت راسك هذا اقبالي
جسمك وينه آيالوالي
يا بعد الروح انت الغالي
نور الباري بوسط،جبينك
〰️〰️〰️〰️〰️
نوبه تحبه ونوبه تضمه
ونوبه براسه راح تشمه
تگله محلا بويه اللّمه
لكن مذبوح الله يعينك
〰️〰️〰️〰️〰️
اخذني وياك يا روح الروح
ما ٱگدر انظر نحرك مذبوح
بوجهك طعن وآثار جروح
كنّي اسمع صوت ونينك
〰️〰️〰️〰️〰️
شفافك ذبلت وجهك اصفر
انظر دامي بويه المنحر
من يتّمني يابو الأكبر
ذِبحك ظامي من وتينك
خادمة آل محمد ✍🏻
https://youtu.be/CejRG5FhkTg
*زينب ورأس الامام الحسين ع*
وهذا مشهد بكت له زينب واحترق قلبها وتجددت احزانها ولوعتها لمحنة اخيها الحسين ع فساعد الله قلبها حين رات الظالم يضرب راس الحسين ع صح ونادي واحسيناه~~~ لحن الخضيب
راس الولي لا تضربه بسوطك يهالظالم
تشوف العيون مذبّله كنّه الولي نايم
هذا سبط طه النبي وسيد بني هاشم
أثر الجراح بجبهته وشفافه ذبلانه
واحسينا واحسينا واحسينا آه
〰〰〰〰〰〰〰
كل ضربة في قلبي سهم تصوبنيِ بروحي
الظالم بسوطه يضربك وجروحك جروحي
يألمها روحي من انظرك ولاجلك بعد نوحي
شيحمل بعد گلب الأخت آلامه واحزانه
خادمة آل محمد✍🏻
*موقف مؤلم لما المغسلة ارادت ان تغسل رقية ورات جسدها والمتون زرقاء متورمة واويلاه ~* لحن الجفيري
واويلي مسوّدة المتون
يبكوها بدموع العيون
واثر السياط من السجون
واثر السياط من الضرب
〰️〰️〰️〰️〰️
حطوها فوق المغتسل
ومغسله جابو بعجل
ومن يمها حطوها الاهل
موقف أليم شگد صعب
〰️〰️〰️〰️〰️
ومن جرّدتها من الثياب
وحطتها من فوق التراب
شافت اثر ضرب ومصاب
مذهوله وتنادي العجب
〰️〰️〰️〰️〰️
وزينب تنوحن معوله
ودمعتها عالخد سايله
شافت وضع المغسله
محتاره ما تدري السبب
〰️〰️〰️〰️〰️
نامت وِمغْمضّه الجفن
وبيها أثر سود المتن
جيبو اليها هالكفن
ومحروقة ايديها بيا سبب
خادمة آل محمد✍🏻
*وارقيتاه~* يا زهراء مدد
*موقف في خرابة الشام زينب وحرائر الرسالة يندبن ويبكين مصاب اليتيمة وقد احاطن بالجنازة بعد ان حفروا قبرها الصغير بالدموع والأنين ولوعات الوداع ولسان حال زينب ع*
لحن الجفيري~
رقية يا غصن الورد
بعدچ صغيره عاللحد
دمعتنا ما تنشف أبد
هالدفنة صعبه بالترب
〰️〰️〰️〰️
منهو يفصّل هالكفن
يشيل الجنازة للدفن
غدّاره يا شام الزمن
نعوفنّچ بأرض الغرب
〰️〰️〰️〰️〰️
تسيل المدامع عالگبر
وتنادي يا ربي الصبر
يالماخذه وياچ العمر
ميته رقيه بيا سبب
〰️〰️〰️〰️〰️
لحن الفراق~
يا رقية ~ محنتك صعبه عليّه
يا رقية ~ علينا جددتي الرزيه
يا رقية ~ واللقا يم الزچيه
*الليلة اللقاء مع فاطمة الزهراء ع*
خبّريها ~ عن مدامع هالجفن
خبّريها ~ عالخرابه والمحن
خبّريها ~ وراري ليها هالمتن
شبيها رقية ؟؟؟؟
زرگه المتون
وحمره العيون
اشتاگت للحسين
وخذها هالحنون
مغمّضه العين
بحضن الحسين
الليله نامت
واجاها هالبين
وارقية وارقية~وارقية وارقية~
خادمة آل محمد✍🏻
تدوي وياه الاصفاد صوت الثوره السجاد
داعي الحكَ ايضل خالد البصعب احوال يجاهد
ويهز عرش الجلاد صوت الثوره السجاد
1 ------------
هل آية من حسين عظمى وكُبرى
وآيات ابو السجاد بالطف كثره
من بعد ما يروي بدماه الفكره
ينشرها للعالم لسان الثوره
وكل ثوره تريد السان ولابد مو ياهو الجان
حسين السوّه اعظم نهضه ذاخر بعده الهلحضه
الينشرها بكل ابلاد صوت الثوره السجاد
2 -----------------
حسين ابو اليمه بثورته الراد الها
تضل صرخه لعروش البغي تزلزلها
ذاخر السجّاد الذي يحملها
بلسانه للاجيال و يوصّلها
اجيال وبعد اجيال يدوّي بصوته الزلزال
من حسين وبسمه يخاطب للحكَ بالعدل يطالب
يعرّفها حسين شراد صوت الثوره السجاد
3 ---------------------
يتحمل الثاير لاجل غاياته
من اعداه آلام بصبر من ذاته
وهذا علي السجاد وي خطواته
البيسر صارت مدرسه حجاياته
شمصعب هالحال وآه مجتف بقيود اعداه
ينزف من قَيد البيده والطوكَ يحز بجيده
وشفنه اتحدى بن ازياد صوت الثوره السجاد
4 -----------------
عاين لبو الباقر سليل الانوار
وي زينب الحرة بدرب كلّه اخطار
بأدوارهم تمّ النصر للثوار
وتم المراد الراده سبط المختار
رغم الهم والشوغات وبالدلّال الاهات
رفعوا لحسين الرايه شأعظم من هاي الغايه
حيث الاسلام انشاد صوت الثوره السجاد
5 ---------------------
حيا الله صوتك من رقيت المنبر
يكشف ضلال ودجل حكام الشر
بانوار طه النبي ومنطق حيدر
بكل حرف كَلته الكون حيّا وكبّر
تفضح بسم الله الجور وتكشف زيف المغرور
هزيت الطاغي بقصره تسلم ياصوت الثوره
تهتفلك هالاعواد صوت الثوره السجاد
6 -----------------
آ يا مصاب المَر عليك وشفته
لو جبل لا ميحمله وتحمّلته
ياعُظم صبرك والدليل الشلته
هوه الاله اختارك وجيف انته
تصبر رغم الالآم تشوف انحور وايتام
وتنظر لعيالك فرت ونيران خيامك سعرت
ومجتوف بايد اوغاد صوت الثوره السجاد
7 -----------------
يل ليك امر اكوانهه ودنياهه
شلون العمر منك كَضه ابلواهه
والحزن ما فاركَته يابن طه
وذيج المآسي شلون عشت وياهه
ماجفت منك عين تجري علمصاب حسين
ويّه الماي من تغرفه دمعك بالحسره تذرفه
علرضّت صدره جياد صوت الثوره السجاد
-----------------------------------------------
الموشح
آه يبن الهادي ياسجّادها = وياك فضّتها اميه احقادها
-------------------
وياك فضتها شتظن منها يَرد غير جاسات الحتف زرع الحقد
والتدك كَلوبها بشر ماتجد غير بس كره وحسد لسيادها
------------------------
تكره وتحسدكم وحيث العُله الكم بطه النبي وعقد الوِله
ومو خفيه احقادها ابين المَله منهد هاشم والتكرهه اجدادها
--------------------------
والجره عليها ابدر ما ينسه يشب لهيب النار مصباح ومسه
وزاد بيه الغيض دلال القسه ولا ترجه اللين من أُفادها
------------------------
مايلين اُفّاد بالغيض النبَض وزاد بيه الشرك علّات ومرض
ذاك منكوس الكَلب حبكم رفض كَّصّد يهدمها المحمد شادها
----------------------
كصدت الدين النبي بنية هدم من ولاها السيف جنحت للسلم
واسلمت حيله لاجل ما تنتقم اوسفه نالت بالطفوف مرادها
---------------------
بالطفوف الصار ما مثله سده ولاانس لاجن ابد تشاهده
والاشدهه عليك لمن هالعده سحكَت بصدر السبط بجيادها
---------------------
يساعدك رب السمه وانت العليل يصك سمعك للحرم نوح وعويل
حين هجت بالفلا وضاع الدليل بحرك المخيم اهمومك زادها
------------------------
والعمر بهموم يوم الطف كَضه عشت باحزان بوسع مد الفضه
مخاوي دمعك ياحفيد المرتضه وهاي روحك كَرب استشهادها
------------------------
تدري بيها ماتعف عن جتلتك جن ولا كفاها دم الي انسفك
بكربله من حسين عودك واخوتك وبيك ابن مروان شو جن عادها
-----------------------
شخلف الممسوخ وزغه وخلفته غير ممسوخ المعايب طينته
حتم ما طاهر فرد من ترثته رجس مامثله بجميع ابلادها
------------------------
ردّت عليك الاعادي بالغدر ودست السم الشعل اقدس صدر
عليك يبقى للابد يبن الطهر يصب مدمعنه يزين اعبادها
---------------------------
قاسم ال واعي الرميثي
قصيده نزله في الامام زين العابدين( ع)
آه يبو الباقر آه يبو الباقر
..................................................
عالجت بالروح من سم الغدر
خلصت بس آه واهموم العمر
صبر زينب صبرك وأعظم صبر
على حسين ابكَلبك ايعيش الجمر
والحزن حاظر آه يبو الباقر
..................................................
ابن عبدالملك حارب نهضتك
جانت الدمعه ابدعائك ثورتك
حزنك اعله حسين جان ابمهجتك
والعدو من هاي سمم جبدتك
رادك اتهاجر آه يبو الباقر
..................................................
ذكرياتك جانت ابطف كربله
وابمنيتك صرت للطف تكمله
اشما شربت الماي تبدي ابسمله
ودمعتك جن آيه عالخد هامله
ابكَلبك العاشر آه يبو الباقر
..................................................
الك هالاحقاد نصبت هالعده
من فعلهم عمرك ابحزنك حده
نحل جسمك والالم بالدم بده
طحت عالكَاع وأديك امدده
سمك الكافر آه يبو الباقر
..................................................
على الفقره منهو يكَصد لو رحت
بيك حسو يا علي يوم المتت
حته من ايام عمرك وزعت
يوم جبدك سيدي طاح ابطشت
روحك اتسافر آه يبو الباقر
الشاعر ياسر العارضي
شوط كربلائي في الامام السجاد ع
مسموم الجبد محروم طريح افراشه بالآمه
علي زين العباد ابيوم اخير وخلصت ايامه
تجرع سم عدو حاقد
وابنه الباقر ايشاهد
النفس عد والده المضلوم اخير وخلصت ايامه
................
بعد ما عاش ابو الباقر مصايب اهله واصحابه
وكرم يشبع بطن جوعان كل الناس واحبابه
اليكَصده ما يضل حاير الكرم للساجد اجوابه
ياخذ من كرم جوده ابمظيفه وتنتهي اسبابه
تالي ابسم فرو جبده امام اترف من الورده
طاح البالعمر زاهد
وابنه الباقر ايشاهد
النفس عد والده المضلوم اخير وخلصت ايامه
................
انحرم من اهله كل عمره ماعاش ابوجود الأب
عايش للحزن والاه لفراك الابو اتعذب
عجيب اشكد حمل لوعات العجب من صبره يتعجب
محزون وخلص مضلوم عدوه ابموته يتسبب
سمو جبده عدوانه وهوه العايش احزانه
حزن اكثر بعد رايد
وابنه الباقر ايشاهد
النفس عد والده المضلوم اخير وخلصت ايامه
................
تلون وجهه واسمر صار من شدة وقوع السم
يتلوه ويلوج وطاح وولا من هالبشر مهتم
بس اهله التعيش امصاب فكَده ويمه تتألم
اتذكر من هوه اعله الكَاع وراسه الكافل اتهشم
ابعمد يم النهر عمه تهشم راسه ابو الهمه
هوه ابداره علي العابد
وابنه الباقر ايشاهد
النفس عد والده المضلوم اخير وخلصت ايامه
................
يعالج وبأخير انفاس ذبلت وجنته ويقره
ابكتاب الله العزيز وجان بالدم شفته حمره
يحط ايده اعله خاصرته الالم من شدته ايعصره
لمح عينه لاله الكون يدعي وسالت العبره
الهي ارزقني هالحرقه على حسين وغصُب حقه
بروحه الكربله كَاصد
وابنه الباقر ايشاهد
النفس عد والده المضلوم اخير وخلصت ايامه
................
فاضت روحه شبل حسين بعد ما عانه من ناسه
شهيد وبالقيامه اهناك باجر ينثر احساسه
انحرم واتسمم ومن راح حسين باخر انفاسه
لا ناسي الحسين ابموت وابد ماناسي عباسه
نعاهم من حظر موته وايون حته تابوته
وعله الهادي النقي وارد
وابنه الباقر ايشاهد
النفس عد والده المضلوم اخير وخلصت ايامه
الشاعر ياسر العارضي
ياجرح الاكثر ماذيك
جرح الشام اجروح البيك
ياخامس سلطان النوح
شنهو اصعب شي مر اعليك
......1.....
يالخلصت ... عمرك قهر ... موكافي
حزنك فلا ... واحد وصل ... موكافي
يالمارحم بيك الدهر لا رحم حالك
منك اخذ كلشي التحب كلشي الحلالك
صبِّحت ماعندك اهل والهم صفالك
وكل التحبهم عالترب ماتو اكبالك
يالعمرك خلصته آهات
ما ظلت عندك دمعات
من كد ما تبجي اعله حسين
مت اوياه ساعت ما مات
....2....
جرحك اشد ... من كل جرح .... يالوالي
طول الرمح ... نازف دمه ... يالوالي
مرت عليك اجم سنه والفرح عايف
وبركبتك باقي اثر جم جرح نازف
امن الكَيد ودروب اليسر ما جنت خايف
خايف جنت لا راس ابوك ايكون شايف
حالك وانته ابلايه اخوان ..
واعليك اتنوح النسوان
كل همك جان المذبوح
هذا الشاغل فكرك جان
....3..
دمعك نهر ... جاري بقه ... حد موتك
شيبك كثر ... جسمك نحل ... حد موتك
حقك تموت امن القهر يابو المواجع
جم واحد ابواحد شفت عالغبره واكع
عمرك خلص باللوعه والهم والمدامع
ما راحه شفت ابهل العمر خلصته ضايع
من زغرك ما شفت افراح
ما يوم المّرك مرتاح
جبت سنينك ضيم بضيم
وحسينك من ايدك راح
...4...
زينب جرح ... ما ينحمل ... طاريه
ما ينسي ... ذاك الحبل ... طاريه
صوره ابخيالك خلَّتك عايش تكابر
ركض اليتامه يا علي وركض الحراير
وذبحت ابوك وسحكته بذيج الحوافر
من كربله شفت العجب مصباح عاشر
حركَ اخيام وحركَ ايتام
اومسبيات ابدرب الشام
وطبت السوكَ اويه الشمات
ما خلالك عين اتنام
...5...
سهم الغدر ... ما صوبك ... هالليله
صوب كَلب ... طه النبي ... هالليله
مو هسه ميت صار الك ميت اهوايه
من شفت اهل بيتك يدورون اعله مايه
من شفت زينب تنسبي بيد البغايه
من شفت جفين الكمر فكَدت الرايه
ميت من شفت المحبوب
ساحكَته الخيل ومكَلوب
الشافت عينك يعمي الكون
مسلوب اسنينك مسلوب
.........
✍️ كلمات موسى الخادم
في مدح الامام زين العابدين عليه السلام
هذا الي تعرف الگاع ممشاه
عظيم الشان عند الباري مولاه
هذا الي يعرفه الحرم والبيت
علي السجاد رب الكون علَّاه
هذا البلعلم والدين معروف
وبطيب وكرم للناس ملگاه
هذا ابن النجابه ونسل عدنان
من بيت الشرف والصيت والجاه
هذا ابن الصميده علي الكرار
الناس الدوم كلها اتلوذ بحماه
هذا ابن الصنع للناس ثورات
وخله الطاغي حيره اتصير دنياه
هذا الهز يزيد بمجلس الشام
ذليل الراي بين الناس خَلَّاه
هذا الحمل زاده ابهدوة الليل
على دار اليتيم ابليل مسعاه
هذا الماينام وبشر محتاج
ماتدري يساره شتنطي يمناه
علي السجاد هذا الحَيِّر اعقول
ياچلمة وصف توصل المعناه
الشاعر حسن لعيبي الحريشاوي
لاستشهاد الامام السجاد عليه السلام
يامناجاة الصحيفه حروف من نور الجنان
نوحي علچان بدعاءه تنملي الدنيا امان
على الصابر بالمحن يبچي لغيابه الزمن
★★★★★
فارس الكلمه البليغة للعلم چانت نداء
بارز گلوب الضلاله جيوش صبره من السماء
وبهمس صوت القياده هزم كل الادعياء
مابقت للشر بقيه لودعه يمسهم بلاء
هذا ابوحمزه الثمالي عَلَّمَه سحر البيان
للعرش يوصل دعاءه وعلارض يرجع امان
الشوفته جنة عدن يبچي لغيابه الزمن
★★★★★
اعلن السجاد حربه واعتزم حرب الطغاة
ماترك الهم وسيله ولامنافذ امنيات
صورة حسين بكيانه المارووه من الفرات
ذلهم بقوله ودعاءه ذوله اعداء الحياة
أسهام سددها بدعاءه اليرفض اهداف الضلال
املاك للباري تحضره عن يمين وعن شمال
هزم صبره اهل الفتن يبچي لغيابه الزمن
★★★★★
شطب قانون الضلاله مثل ابوه بكربلاء
بيده خط اعظم رساله للحقوق وللوفاء
بنى مثل حسين ثوره وجان مركزها الدعاء
ومثل صبره على الرزايا من يحل وكت البلاء
هيبته خافوا اثرها من دنه الكعبة يطوف
تنحني الدنيا بوجوده وتنفرج عنه الالوف
الجده هدم كل وثن يبچي لغيابه الزمن
★★★★★
يبچي محرابه وصلاته والزمن اعلن حداد
وناح کلمن عرف تالي أگبال بيته يحطله زاد
ابسواد الليل يفتر بالكرم زين العباد
السمه تعزي ارضها انصبغت بلون السواد
هذا ابن مكه الشريفه وأبن زمزم والحطيم
هذا ابن ليث المدينه والصراط المستقيم
يوم لفوه ابچفن يبچي لغيابه الزمن
★★★★★
ناحت عليه الصحيفه الي كتبها بالدموع
ناجى ربه علجراله وانحنت منه الظلو ع
اجتمعوا اصحاب السقيفه التمت اشرار الجموع
خططوا بالسم نهايه للسجود وللركوع
ياامان اهل المدينه ضيعوا حيف الامان
باعوا الخير الاجاهم واشتروا ذل الهوان
وإلي مسموم اندفن يبچي لغيابه الزمن
الشاعر حسن لعيبي الحريشاوي
عودة الحوراء
محمد باقر أحمد جابر
السيدة زينب تشكو لأمها ما جرى على الحسين في كربلاء
***
اللازمة
ويلي على طه النبي
يبكي مُصابَ الطيّبِ
زينبُ في رَكبِ السّبي
تبكي على السبط الغريب
آه وا ويلاه.. آه وا ويلاه
***
عادتْ.. وقد طالَ السَّفر
عادتْ.. بها القلبُ انكسر
عادتْ متى انْشَقَّ القمر
عادتْ بلا رأسِ الغريبْ
*
عادتْ بلا زوجِ الربابْ
تشكو لفاطمةَ العذابْ
جسمُ الحسينِ على الترابْ
والرأسُ مقطوعٌ تريبْ
*
رأسٌ على رُمحٍ علا
آياتِ نَصرٍ قد تلا
أمّاهُ في كربِ البلا
مولاي مذبوحٌ خضيبْ
*
أمّاهُ ما أقسى الحياةْ
قدْ مِتُّ حينَ حسينُ ماتْ
ويلاهُ قد منعوا الفراتْ
عن سيِّدِ الخلقِ المهيبْ
*
أمّاهُ قومي وانْدُبي
قد رضرضوا صدرَ النبي
سبطُ الهُدى لم يَشرَبِ
في الطفِّ مقتولٌ سليبْ
***
(بالأربعين)
مـشـايـه عالـعـهـد *** مـشـايـه والـوعـد
بـالأربـعـيـن *** بـالأربـعـيـن
*---------------*---------------*
مـلـتـقـانـه ابكـربـلـه مـابـيـهـه رجـعـه
ماننصي الـصـوت والـعـالـم يـسـمـعـه
الـعـقـيـده والـخـدامـه اتـريــد فَـزعـه
فـزعـوهـه هالخدم *** وتـعـنـو عـالـجِـدم
*---------------*---------------*
احـنــه اصـحـاب الـمـبـادئ والـدرايـه
نمشي ونواسي الـعـقيـلـه والـسـبـايـه
هالدرب مـاشـيـن مـتـهـمنـه الـمـنـايـه
انواسي هـالـدرب *** لليمشن بالـغـرب
*---------------*---------------*
نعتني ولـلـمـوت منـعـوف الـعـقـيـده
والموالـي ابـدمـعـتـه يـرفـع نـشـيـده
مـايـهــم الـتـعـب ودرّوب الـبـعـيـده
مـتهـمـه ياشمس *** وبـحـرهـه مايحّس
*---------------*---------------*
الاربـعـيـن احسين ما تطـفـه الـحـراره
لـلـمـمـات اتـعـيـش بگـلـوب الـغـيّـاره
الخـطوه والـدمـعـات للخادم تـجـاره
لليمشي الـكـربلـه *** ودمـوعـه هاملـه
*---------------*---------------*
الـعـمـر لحسين نـگـضـيـه ابـخـدامـه
يـا حلات الـخـادم الـشـايـل وسّـامـه
اليعتنيله ابشوگه ويـتـرجـم هـيـامـه
هـنيـالـه الينكتب *** والـخـادم ينحسب
*---------------*---------------*
✍خادم زوار الحسين ع
الشاعر رعد الجريخي
☘قصيده للسيده زينب☘
خويه دولبتني صعدة لناكه
ولسجاد خويه يابسه رياكه
😭😭😭😭
جابو نوكهم يحسين شوه هزله
وصعدتهن تشيب خويه موسهله
وياضيم لشفت يحسين ياعلّه
ودموعي نزلن عل لوجه حراكه
✍ام روكان الشمري
😭😭😭😭
ظلت دمعتي يحسين تجري
من بعد الدلال وذاك خدري
تالي ميسرة و الشمر يحدي.
ومشيت وي الغرب والكوم.رفاكه
✍زهراء الجابري ناصرية
😭😭😭😭
الناكه هزله وانه بايد حيلي.
هواي صعبه شلون خويه احجيلي.
والله تعبانه و ذاب ادليلي.
اه نار وداعكم حراكه....
✍ام فراس الساعدي☘
😭😭😭😭😭
بالغصب عالناگه من ركبوني.
امشيت والكم شابحه بعيوني.
ردت اظل والعده ماخلوني.
للعفتهم عالثره مشتاگه
✍ ام منذر الحجار
😭😭😭😭😭
.
امشي شلون ياخويه ونظر عيني .
وبهذا الدرب منهو اليباريني.
وصعدت الناكه حيل تاذيني
رافكني الحزن وعليه دك بابه.
✍ام حسين العباد التميمي
😭😭😭😭😭😭
مشتاگه لگعدتك والكلب ولهان
تدريها شحلاها گعدة الخوان
مغصوبه يوالي رفگة العدوان.
عاالناگه اودعك وين نتلاگه.
✍ام حسين المحمداويه بصره
😭😭😭😭😭😭
تمت بقلم ناعيات الطفوف.
*(3) راس الامام الحسين (ع) قرآن الله الناطق* (مشهد تصويري رأس الامام الحسين ع رأى كل مأساة كربلاء يروي للزهراء ع
لحن جاوبني يا علي~ للملا محمد بوجبارة
بعيني شفت صور
ومشاهد الأسر
من هجموا عالخيم
سلب وضرب وزجر
شفت طفلة تطيح
وطفل بعد جريح
تركض على الجمر
وتناديِ وتصيح
شفت عثر طفل
واجا شمر بعجل
بسوطه يضربه
ويعنّفه النذل
وبناتي عالتراب
مسلوبة الحجاب
يدفعهن اللعين
يعفرهن بتراب
خادمة آل محمد
قال الإمام زين العابدين عليهالسلام : «والله ، ما نظرت إلى عمّاتي وأخواتي إلاّ وخنقتني العبرة ، وتذكّرت فرارهن يوم الطفّ من خيمة إلى خيمة ، ومن خباء إلى خباء ، ومنادي القوم ينادي : أحرقوا بيوت الظالمين»
دمعة عيني ما جفّت وجلبابي الحزن والنوح
صورة كربله بعيني
وخدر عماتي والمذبوح
هدم حيلي مصاب الطف
الأبو شفته بعد مطروح
ثلاث تيام عالغبره
ودفنته بيديِ بلا راس
〰️〰️〰️〰️〰️〰️
وبالطف خاتمة الاحزان
اگبالي بسوط ضربوها (اه يا زينب)
حرگوا بالطف خْيمها والأطفال سلبوها
وعيني تعاين النسوان من خيمتها طلْعُوها
وعالرمضا تگوم تطيح وتصيح بصوت يا عباس~
خادمة آل محمد ✍🏻
هذا ما كان يتردد على مسامع امامنا زين العابدين ع وهو داخل الخيمة والنار تشتعل بالمخيم وصراخ الاطفال والنساء يفرون من خيمة الى خيمة (فقط اريد ان تتخيل هذا المشهد وتسمع صراخ الاطفال المرعوبة من زعقات الخيول واصوات الرجال ولهيب النار…) ففررن بنات رسول الله من خيمة إلى خيمة ، ومن خباء إلى خباء… لحن الخضيب♪
زين العباد بحسرته يعاين على الخدّر
نار وخيم ضيعة حرم وقلب الطفل فطّر
من خيمة عد خيمة تفر بثوب الخدر تعثر
طفله تطيح على الترب وعدها القلب مرعوب
آيزينب آيزينب آيزينب آه
مشهّد يألم هالقلب ونار الخيم تلهب
فرّت يتامى من الضرب ومن الألم تنحب
ما عند حيل بعلّتي وانظر الى زينب
شبت عبايتها وخدر كل الحرم مسلوب
آه يا زينب آه يا زينب آه يا زينب آه
خادمة آل محمد ✍🏻
*الرأس الشريف* / *خدمة العبرة المقدسة* 🩸
*رأس الإمام الحسين ع المنصوب بأعلى الرمح وشيبه الخضيب بدم نحره واويلاه واحسيناه والآثار من رشق السهام وضرب الحجارة بجبينه وحلقه وشفتاه المشققتين من العطش واويلاه واحسيناه واعطشاناه*
شفت الراس ومذبّله عيونه~
راس الولي براس الرمح يِشيلونه~
بناته بهالحال الله شلون يشوفونه~
من وريده دمه ينزف من منحره~~
سمع ونّين زينب وجذبت الونّات
فتح عيونه شافت وتعالت الصيحات
صاحت گلبي فطرته وسالت العبرات
وتنحنح الراس وزينب تلطم بحسرات
فتح عيونك يا بدر فوق الرمح انبرا
خادمة آل محمد✍🏻
#وارقيتاه / لحن اسمع عتابي~
لهاي اليتيمه ~ المحنه عظيمه
مدفونه بالشام ~ غربة وأليمه
جابو إليها ~ راس الـ وليها
بالطشت حطوه ~ ما بين ايديها
يم راسه ناحت ~ مفجوعه صاحت
تخضب وجهها ~ بدمومه راحت
تگله يغالي ~ عزي ودلالي
راسك اشوفه ~ ودمعي يلالي
اخذ روحي وياك ~ ما ٱگدر عا فرگاك
بويه وحبيبي ~ حسين الله وياك
شهگت على الراس ~ وخمدت الأنفاس
مصاب اليتمة~ يگطع الاحساس
خادمة آل محمد✍🏻
https://youtu.be/RsYn1i6972g
*وارقيتاه~ يا زهراء مدد*
موقف تصويري مؤلم~
رقية تخاطب حامل الطشت ~ تگله
يلي جبت لي راس الولي جسمه تركته وين~
ما تدري آنه رقيته وهذا أبويه حسين~
بيديها اويلي حضنته وتصرخ ينور العين~
اجاني الأبو بلا يا جسد چاوينه گلّي الراس
〰️〰️〰️〰️〰️
شفته بحلم اجاني الأبو وماخذنيِ بالأحضان
وبيده مسح راس اليتم وناديته يالعطشان
خلصني من درب السبي والخربه والسجّان
ما حسّبت راسه انظره ويتگطع الإحساس
〰️〰️〰️〰️〰️〰️
واتمددت جنب الرأس وتگله حاچيني
بنتك انا المدلـلّه وانتظرك اتجيني
انت وعدتني يالأبو لا ما تخليني
بهاي الخرابه والسبي وبالغربه بين الناس
خادمة آل محمد✍🏻
نار بكل صواويني معناهه مشه حسيني
يسجّاد
وامرنه ياعلي يمّك يعين الله اشكبر همّك
يسجّاد يسجّاد يسجاد
-------------------
اخبرك ياعلي يبني خيمنه تلاهبت كَوم
نطرنه حسين ما عوّد واظن اتولته الكًوم
صريع الحين بالحومه ذبيح الظامي مظلوم
لون بعده عدل تعجز يمنه اخيولها تحوم
علامة طيحته الغاره تشب صيوانّه بناره
هالارجاس
نِهِج مسموح من حكَنه لو نبقه و تحرّكَنه
هالارجاس والاوغاد يسجّاد
----------------
عليل وعلّته صعبه وصفها ايحير الراد
سالت بالدمع عينه بهضيمه زين العباد
عديمه غيره هالوادم وشرف عدها فلا عاد
تسنده زينب اتنهضه ونظر للحومه سجّاد
شمس باعلى الرمح يشهد وظلام الكون يتمدد
عله البيد
بوجهكم كَلها ياعمّه كَالت يالله و بهمّه
على البيد علوهاد يسجاد
-----------------
ركضوا والدمع هامل يتامه انرعبت بنار
واهي اتجّي لبو الباقر تبعده بخطوته اشبار
بقت بس خيمه متطرفه جمع نسوان وزغار
وبقية عيلته هجّت صفت هاليوم طشّار
شتجمع بت علي الليله وغدت طشّار هالعيله
شيلمها
بيسر باجر مصيبتها اجسام مكَطّعه اخوتها
شيلمها الالم زاد يسجّاد
--------------------
مشى والتجوه من عمته وبيهم حاطوا انذال
بدخان الخيم شافوا شبه ما شافو ارجال
لجتل بن النبي رادوا ولزينب جابوا احبال
تحامي عن علي وكًفت وصبرها ايهز الجبال
شتحمل ياكَلب زينب بهاليوم اليضل اصعب
بالايام
مصباح اليسر باجر تمر ويشوفها الكافر
بالايام بالبلاد يسجّاد
-------------------
يوصيها الصبر عمّه اذا مرّينه بحسين
سلمي اوّدّعي بن امج واصبري ولا تنزلين
تكَله ياصبر يبني يجي لزينب يجي منين
شلون احمل صبر ونظر اخوتي وتعمه هالعين
إذه من الناكًه ياعمتي شيركبج كونج انزلتي
هالقيود
تحز بمتوني وبجيدي شتناديني وانه بايدي
هالقيود والاصفاد يسجّاد
---------------------
تكَله خبّر الحادي يمر بيّه عللخوّان
اشوف حسين والكافل بعتب صامت عللسان
امر بيهم حضر موتي اذا ما مُرّن الان
اعاتب والعتب جمره والم دلالي نيران
ادري من أمر بيهم اموت بحسرتي عليهم
اذا شوف
تعْمه عيوني من أنظر جسد علغبره متوذَر
اذا شوف هالاجساد يسجّاد
--------------------
قاسم آل واعي الرميثي
قصيدة اساسيه زنجيل للامام السجاد (ع)
فاضت روحك دمعه ابعينك كَبل الموت
عمرك بس آه اعله حسينك كَبل الموت
يالسجاد يالسجاد
.......................................................
عايش وانفاسك مذبوحه وعطشان الشوف الاحباب
دمعه وعمره الفاكَد يخلص أيامه ابدمعه السجاب
وانتَ امفاركَ غالي ابروحك ضامي وطاح ابلا اسباب
والنار ابكل خيمه اكَبالك واهلك واخوانك غياب
مذبوحين وطاحو كلهم يم الماي
حَر البيداء امعذبهم يم الماي
والهم زاد يالسجاد
.......................................................
كل أيامك يوم العاشر وكت اغروب وعمرك نوح
مذبوحه البسمه اعله شفافك وي عمرك ذاك المذبوح
كل ما تذكر جرحه الغالي مجروح وتبجي المجروح
كَد ما تبجي ادموعك من دَم جا جفنك دامي ومقروح
ابلطمة صدرك ضلعك يهتز يالوفاي
تذكر نحر حسين المنحز يالوفاي
حزنك حاد يالسجاد
.......................................................
جانت دعواتك ممزوجه بالمظلوميه اعله حسين
حته الوادم تفهم قصدك من ترفع يمهه الجفين
جن اتكَول ابكل دعواتك يا رب ذوله الضالمين
ذبحو سبط الأمه الغالي لا ترحمهم يوم الدين
وابكل دعوه اتبين موقف للمذبوح
نهر الدمعه ابعينك ميجف للمذبوح
والوَن شاد يالسجاد
.......................................................
شافو كل اوقاتك تدعي وتبين جور الضلام
قرّر اِبن الملك موتك يفجع بيك اكَلوب ايتام
دسلك سم وفتت جبدك واتثلم منهه الاسلام
أيامك جن راية موكب تطويهه وتمشي الايام
واهتز الكون اعله امصابك يالمسموم
حضرت للتشييع احبابك يالمسموم
زين اعباد يالسجاد
.......................................................
نهجك وآثارك للشيعه منهج وابكل عام ايعود
ماننسه حسين وعاشوره منعوفه لا والمعبود
بينه الما فاركَ هالمبدأ عنده بأخر شهكَه ايجود
والباجي اعله حسين الكَبره مايوصل وشحده الدود
يابو الباقر وانتَ الشاهد ماننساه
احنه اعله الحق نبقه انعاهد ماننساه
بالاجساد يالسجاد
(( الشاعر ياسر العارضي ))
قصيدة كعديه للامام السجاد ع
عاش ابحياته السجاد يجرع حسراته
لحسينه ايهل فوك الماي دمعه واهاته
ماينقاس بأي مقياس
كلما يعطش بين الناس
لحسين ايهل فوك الماي دمعه واهاته
..........................
عايش ايام الفجيعه ومانسه حسين ومصابه
علي جان اشما تذكر ذبح ابو اليمه وغيابه
يبجي وايبّجي اليجونه ومن يسألونه جوابه
شلون انسه حسين واني عشت بعده بالخرابه
والخرابه الهه ألم
بيهه اتذكر سهم
صاب الحسين ابجبدته
وبعد مارد للخيم
عايش ذكريات الموت واكثر لوعاته
من يشرب ماي وعطشات تلهب جمراته
ومخنوكَه اتضل الانفاس
كلما يعطش بين الناس
لحسين ايهل فوك الماي دمعه واهاته
..........................
شاف الحسين اعله رمله والخيول اتدوس صدره
وجان لون الدنيه صاير من عجاج الخيل صفره
يرتفع دمه المطهر بحافر اخيول وينظره
اشما ترض صدره اعوجيه تكَلبه من يمنه اعله يسره
وعلي السجاد ابوضع
يحجي بس ماينسمع
هم مريض ومخفي صوته
وهم عِله صوت الضلع
وماينسه صوت الاضلاع من ايكسروهه
بعشر اخيول اعوجيه هجمو طحنوهه
ويذكر جثه ابدون الراس
كلما يعطش بين الناس
لحسين ايهل فوك الماي دمعه واهاته
..........................
عايش ايامه ابفجيعه وسلطة الظالم تشوفه
علي السجاد ابوجوده تنسمع كلهن حروفه
نصبو عدائه وشتتو كلهم احبابه وضيوفه
لارعو حق الامامه ولارعو كلهن ظروفه
بالغربه وابنص وطن
عايش احزانه بمحن
لا يواسونه ابمصابه
ولا عله روحه ائتمن
يدريهه ابياليله ويوم تخلص حياته
والحاكم عاده السجاد قرر مماته
متحمل ضلم الارجاس
كلما يعطش بين الناس
لحسين ايهل فوك الماي دمعه واهاته
..........................
علي الماينسد مظيفه من الحسن عمه طِباعه
جن سفينه من المكارم عالي ماينهد شراعه
مايسد باب ابمظيفه امعّرفه كلهه أوضاعه
للضيوف السُفره مدهه ابعمره كله مو بساعه
بالكرم كَظه العمر
بالجزع و بالصبر
يجزع اعله مصاب أهله
ويصبر الغدر الكفر
ويتنطر سم الاشرار يكَطع احشائه
تتوقف انفاسه ابموت من سم اعدائه
ويعيش ابموته الاحساس
كلما يعطش بين الناس
لحسين ايهل فوك الماي دمعه واهاته
..........................
ابن عبدالملك صرح يكَطع انفاسه الاخيره
سممه وانهى حياته حاقد وماعنده غيره
ياحسافه الساجد اصبح بالسم ابحاله خطيره
واختنك مسموم ضامي مثل ورده ودم عبيره
فارك اهله وصحبته
وبجت من دم عيلته
افراكَه يصعب عاليحبهم
وصعبه كلش طيحته
واستشهد مسموم وراح للباري ابحزنه
من نعشه الصوت اعله حسين مسموعه الونه
واعله النعش عود الياس
كلما يعطش بين الناس
لحسين ايهل فوك الماي دمعه واهاته
الشاعر ياسر العارضي
عزاء استشهاد الامام زين العابدين( ع)
بدروب الشام يابويه بدروب الشام
كبل السم راحت روحي
والعاشت بس جروحي
بدروب الشام يابويه بدروب الشام
..................
حانت منيتي والسم فتت جبدي
وانه الغريب العشت حزني بوحدي
اليومك يابويه لوعتي اتضل عهدي
وغير الجزع لمصابك اشضل عندي
هاي الايام يابويه هاي الايام
عايشهه ابهمي ونوحي
والعاشت بس جروحي
بدروب الشام يابويه بدروب الشام
..................
متسمم واذكر مصابك بالروح
واتذكرك من ضامي طايح مذبوح
بسهم الاعادي جبدك وسفه مجروح
مطروح ابسم واعله غبره انت مطروح
مو بالاحلام يابويه مو بالاحلام
حزني تصير ومذبوحي
والعاشت بس جروحي
بدروب الشام يابويه بدروب الشام
..................
ماعايش انه من وكت ما ذبحوك
وابخيل اميه الاعوجيه داسوك
مو بس كسر ضلعك يابويه طحنوك
واتطشرت اشلائك ومارحموك
بحسره وآلام يابويه بحسره وآلام
مكتوبه الحسره ابلوحي
والعاشت بس جروحي
بدروب الشام يابويه بدروب الشام
..................
اجرع اسموم العده واصبر مولاي
بس يومك الما تكَدر اتجرعه احشاي
شنسه واشوفك سيدي تطلب ماي
الطفل الرضيع وذبحته اعداء الراي
كل الاعوام يابويه كل الاعوام
دمعي السر حزنك بوحي
والعاشت بس جروحي
بدروب الشام يابويه بدروب الشام
..................
وبعد الذبح شفت البعد اكثر هم
متيسرين وحيدره يتشتم
من ايد الاطفال الحبل يكطر دم
وراسك على رمح الطويل اتقدم
وراس الضرغام يابويه وراس الضرغام
عمي والزينب يوحي
والعاشت بس جروحي
بدروب الشام يابويه بدروب الشام
الشاعر ياسر العارضي
#الامام_السجاد
في استشهاد الامام زين العابدين عليه السلام
طور :صلى الله عليك فاطمه
الحاج مهدي رسولي
رابط الطور
https://youtu.be/YvY3dzRPZrQ?si=So4je___0v58c50Z
زين العباد
عمره خلص هالليله راعي النوح
عنه رحل واگليبه ظل مجروح
ينعه ويون يَوالدي المذبوح
الله اكبر واتكبْر الدموع
الله اكبر مطفيه الشموع
الله اكبر مكسور الظلوع
مذبوح فوگ ارماح راسه يعتلي
صلى الله عليك ياحسين
صلى الله عليك يا حسين
صلى الله عليك ياحسين
صلى الله عليك ياحسين
———
بويه العطشان
ينوح ودليله منفطر ياناس
ادفنته غريب ابْ باريه ابلاراس
عطشان والله من گطع لنفاس
الله اكبر ما ذاگ الشراب
الله اكبر ظامي گلبه ذاب
الله اكبر عاري عالتراب
جثته ثلث تيام ظلت بالخلي
صلى الله عليك ياحسين
صلى الله عليك يا حسين
صلى الله عليك ياحسين
صلى الله عليك يا حسين
———
وشلون انساه
ابلحظة وفاته والگلب نيران
ينادي وايصيح الله يا العطشان
وامگطعه احبابك على التربان
الله اكبر مذبوحه البنين
الله اكبر وي عمي الحنين
الله اكبر يتْعالى الأنين
شفته تدوسه الخيل جدي ياعلي
صلى الله عليك ياحسين
صلى الله عليك يا حسين
صلى الله عليك ياحسين
صلى الله عليك يا حسين
———
جرح القلوب
من ياحزن ابدي او تشلّه الآه
عن منحره لو جثته لو اضماه
لو عن حريمه الرافجت لعداه
الله اكبر وايغمض العيون
الله اكبر دنيانه سجون
الله اكبر ما مثله يكون
ما ظنتي بالموت حزنه ينجلي
صلى الله عليك ياحسين
صلى الله عليك يا حسين
صلى الله عليك ياحسين
صلى الله عليك يا حسين
———
——-
من المغيب
يمتى تگوم وتطلبه للثار
بعده رضيعك مهجته كالنار
وقلب العقيله ابغربته محتار
الله اكبر واتصيح النحور
الله اكبر عجل للظهور
الله اكبر خليها تدور
ونسمع يصيح الصوت جاكم الولي
صلى الله عليك ياحسين
صلى الله عليك يا حسين
صلى الله عليك ياحسين
صلى الله عليك يا حسين
———
#بنت_الشمري