8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
*(3) راس الامام الحسين (ع) قرآن الله الناطق* (مشهد تصويري رأس الامام الحسين ع رأى كل مأساة كربلاء يروي للزهراء ع
لحن جاوبني يا علي~ للملا محمد بوجبارة
بعيني شفت صور
ومشاهد الأسر
من هجموا عالخيم
سلب وضرب وزجر
شفت طفلة تطيح
وطفل بعد جريح
تركض على الجمر
وتناديِ وتصيح
شفت عثر طفل
واجا شمر بعجل
بسوطه يضربه
ويعنّفه النذل
وبناتي عالتراب
مسلوبة الحجاب
يدفعهن اللعين
يعفرهن بتراب
خادمة آل محمد
الى اعداء المذهب والشعائر...
أجدادك ماتو وما مات الحسين
وإنت تموت وتظــل المواليــن
كُفر لمَــن نقيس ابيـن الثنِين
*****
شلون نقيس بين الذهب والماس
ياهو البَبــو اليمـه حسين ينقـاس
قـاذورات ربعك ذولــه مو نــاس؟
علمود العترة ضحه بروحه عباس
يتفاخــر ابيــش الربعــه عـــارات
ماتت كلهــا بس حسين ما مـــات
أقــل زيــارة تدخلــه ملايين
*****
أكــو منهم يصلي وهــو شيطـان
وأكــو إنسان بـس بكلشي قًــران
اِلأوادم لا تقــارنهــا بِالــوثـــان
ماتــو والحســـين يعيــش لِلآن
القـــرآن كَطعــو حتــى نحـــره
والخيالــه داســت فــوكَ صدره
هذا الينطــي كلما عنــده للديـن
*****
اكَلــك؟ بُمــك وأم الخليفـــــــة؟
البالتـــاريخ لســاه منها جيفــة
حمزة الكلت ݘبده تظــن نظيفة؟
إبنهــا اللسه يذبــح بينــه سيفه
هســــه لــو يـرد حتــــى محمد
يقتلونــه أحتمــال بتُهمـة ارتـد
بفتـوهَ من السقيفة والملاعيــن
*****
شجـاب أجدادك لهـاي الكواكب
اِل الله اختصــهم بكــل المنــاقب
أبد مـا تطهــر عقــول النواصب
تلعــن بيــهم تظــل المواكـــــب
الله يلـــعن السَــــــن الجريمــــة
الفجـــعو ݘــم يتيــم ݘـم يتيمــة
المنهم تشمئــز حتـى الشياطين
*****
انت ابن الذَبِــح والقتــل والـدم
وآني ابن الوهب روحه بمحرم
أنت ابـن الحركَله شݘــم مُخيــم
وآنــه ابن العلــى اعيــالك تألــم
أمس لمــن ولينه صرنه رحمة
وانتم من وليتــو صرتـو نقمـة
بنص ساعة تقتلون ألــف ألفين
*****
الجريمة والحقد يســري بدماكم
الذِبح عبدالله يــوم الطف أبــاكم
قَبِلكم وأبــد ما صرنـــه وراكـــم
اصبـرو شويــة أبو صالح إجاكم
الله يســهل أمـــرة ويطلعلــــها
وِيسَلمـَـه شـؤؤن الكـون كلهـــا
من المهدي كَلولــي المفر ويـن
*****
لــو نفرض قتلتو النـاس كلهـا
وهيمنتو على الدنيــا ودولهـــا
ينجـــــر لازم الأفتـــه بقتلــهـا
المهدي خشومكم باݘـــر يذلها
بقت عن الظهور شكـم علامــة
حتـــى السيف ليــله ما ينــامه
تنتَظره الليالـي وتبݘــي السنين
*****
كَبــر حسين شافو صــار جنه
نمــل اعمارنه وما نمـــل منـه
يوميـــة بضريحه يلـــم شملنه
راسه انسحكَه اليعيـــل بوطنـه
بهــاي نحورنه نحمــي المراقد
يحاول خــل الي يجربنه رايـــد
احسبو حسابكم من هسه ميتين
*****
رسالة الكل بطـل شيعي مُناضل
بدينك ذولـــة يردونــك تجـــامل
ينقهرون اذا شافـــوك عاقـــــل
وعن الوطــن والمذهب تقــــاتل
لا تنطــي آل أُميــة بيــوم فُرصة
أي شــارب تماده اعليـــك كَصه
تِصــور يكَدرلنــه؟وحيــل هينين
*****
حيدر حسين الكَرعاوي
جايينك عا كربله؟؟؟؟؟؟؟؟؟؟؟؟؟؟؟؟؟ فـــــدوة راح الكــــربلــه
الكَــال جَــي (عــا كـربله)
********
بالمباشـــر الله أنطــــاه الدليـــــل
شلون موته موتته موتت ذليـل
عُوه اعليه الكَال مو أُمت عَويـل
وطــاح حظـــــه وحــظ هلـــــــه
********
إنتِقــم مِنــه الله أحچي لِلَذيــن؟
ابليس خلاهم يكرهون الحُسين
الله كَـال أنتقـم من المجرميـــن
وأبـــد مــــا خلاهــــــــه ألـــــه
********
عالمراقد عدنه ݘم منحر نزف
يجي عا كربله الما عنده شــرف؟
تسوه كل هاي الدول عدنه النجف
اندوس راســـــه اليوصــــــــله
********
غير كلمــن عنده ديــن ومُعتــقد
البــاع عرضه صاير اعليه أسـد؟
هيچ إخذ عقلية ما تطـــهر ابـــــد
هـــاي نطفــــــــة حرملـــــــــــه
********
أيســو ما يوكَع وطنــه ولا نذل
إحنه مثل حسين عادتنه القتــل
لا تظن الذيلـــه أعـــوج ينعــدل
تبقــــــه تمشـــي القـــــافلـــــة
********
وين توصل غير راسك ينحصد
عالحرب عدنه يموتون الحشـد
عدل منكم والله مـا وآحـد يــرد
شلــــون راح أنَبهـــــــــــذِلــه
********
بعد داعش خاف طـالت ركَبـته
الطلقة صار شكَد تتانــي كًصـته
بالقنـــــادر مزكًوهـــه رايتـــه
محــــــد اعلينــــــه عِلـــــــــه
********
جرب وشوف المدافع من تــدكَ
لا يجوز تصيـــر موتتكم خنـــكَ
راح من عدكم نشكَ اشݘـــم حلكَ
ودآئكـــــــــم نستــأصـــــــــــله
********
بس يأشر مرجـع المذهب نثـور
جَهَز جيوش اشكثر لطم الصدور
عن قريب ان شاء الله يوم الظهور
وبالـــنصــــــــــر نستقبــــــــله
********
كَلبــه من أجدادك مخـــــزن ألـم
بالكُـرة الأرضية يهدم كل صنــم
بالبقيع شݘـم كَبــر عنده انهـــدم
يكَلــــه بيـــــــت الله هلــــــــه
********
حيدر حسين الكَرعاوي
*حرائر الرسالة وسبايا العترة / لحن اسمع عتابي*
رووس العشيره ~ اقبال الأميره
من دِخلت الشام~ زينب أسيره
عيون الشماته~ تعاين خواته
راس الولي يلوح~ يبچي بناته
كافلها غايب~ تفگد حبايب
عالشاطي مطروح~ فوق الترايب
حسرة عليها~ تندب وليها
وتعاين الرووس~ وله تشتكيله
*نعم زينب تبث شكوها لأخيها الحسين ع صحيح انها لم تضعف وحاشى ان تظهر بموضع الذلّ والتوهين ولكن قلبها مكسور على الحسين*
من تحت الخمار~ تندب يا كرار
لو عينك تشوف ~ زينب عا الْكوار
خادمة آل محمد✍🏻
نعي السيده رقيه
****
فزت من حلمها تريد ابوها
وجابو راس ابوها وسكتوها
التراجي اتكله عكبك سلبوها
وامتوني يبويه ورموها
شمسويه وديه جتفوها
وضلوعك شفتهم رضرضوها
ردتك يالحنين تشوف حالي
عيني الراسك ودمعي يلالي
غربه الشام كلها وعرف مالي
وانه ميسره وما عندي والي
ما ضلت معزه ولا مهابه
وكعدنه اخلاف عينك عالترابه
عكبك ما لفاني النوم بابا
وابد ما تنحمل ذيج الخرابه
امسح دمك وامسح بالتراب
وشكيلك عذابي ودمعي سجاب
وكلك وين عني كل هالغياب
ما طاب الجرح بجفاك ما طاب
علي السجاد صاح بهل المسيه
عمه اعله الطشت ماتت رقيه
وزينب عمتي شبكت عليه
ومن ذاك الحبل دم تجري اديه
الشاعر
تحسين الخفاجي
لخواني حنيت. وبالروس رديت.
راسك ادفنه ويالجسد. .. ويحسين ماشوفك بعد
*
من الناكه يم كبرك طحت. وتدري اشعلوها الناكه
يحسين مشتاگه الك. وشيصبر المشتاگه
راسك بعد ضيم ويسر. ويالجسد يتلاكه
وجهك الما فاركني ابد يكتلني راح افراگه
يالصدرك انداس. اشلون ادفن الراس
كلبي عله جروحك نشد. ويحسين ماشوفك بعد
****
يمك جبت راس الطفل. ما شايفك تدري هواي
عبدالله من ذاك الذبح. لليوم ما شارب ماي
شميت عطره بحفرتك. ريحت اكماط ابنك هاي
ابجي بقيت اعله النحر. وام الطفل تبجي وياي
نزلته وياك. وجفي انترس هاك
امحدبه الرباب اعله المهد ويحسين ماشوفك بعد
*
وياي خويه امن اليسر. راس المهيل جبته
عباس ما يدري الحبل. ما فارك جفوف اخته
يبن امي تدري بالكلب. يم النهر دافنته
ذاك الدلال بكربله. ويه الكمر ضيعته
جيت ادفن الراس. وينك يعباس
حيل اختك اهواي نضهد ويحسين ماشوفك بعد
**
ضليت احفر بالكبر. واخذ نفس ما اكدر
حانت مراسيم الدفن. وندفن نريد الأكبر
كل احنه طحنه اعله الكبر. ويم حفرتك نتعثر
صدرك شبكناه بالدمع وصدرك يخويه امكسر
وراس ابنك وياي. شلعت كلب هاي
اصعب جرح جرح الولد ويحسين ماشوفك بعد
*
ام جاسم العريس اجت. ادور اعله ابنها تريده
حكه يتيه المكبره. اليفكد يناس اوليده
صاحت علي عمه بحزن راس ابني نزله بهيده
اوليدي انحرم من العرس. والحنه يبست بيده
تعب العمر راح. ضل بخت الرماح
وانه صحت وين السند. ويحسين ماشوفك بعد
***
تمت
تحسين الخفاجي
#الامام_زين_العابدين
#أطوار_مختلفة
#وكأني بالإمام زين العابدين تمنى حضور أبائه واجداده ، تمنى حضور الزهراء ع ليبث لها همومه واحزانه:
انا السّجاد يا يُمّه .. تعالي الساعه حُضْريني
انا من عاشِر محرّم .. انازِعْ خِلْصَتْ اسنيني
عليل وزادت العلّة .. من شِفْتِ الشهيد حسين
ظامي ما شِرَب مايه .. ومنّه منقِطِع الوتين
صدره مرضرض .وقلبه .. طالع بالسهم ثِلثين
شَروِيلِك بعد يُماه .. يريت اهناك إنعمت عيني
شلون أنسى الجرى والصار .. وانا بالمرض حاير
لهيب النّار حْرَق الخيام .. وباذيال العِبي صاير
وشِفت الخيل تِجي وتروح .. وبصدر الولي حافر
وبسوطه الشِّمر طَقها .. لعمِّتي بس يأذيني
ومَرار الما نِسِيته بيوم .. سَبوني وعَمِّتي للشام
وعلى بوّابِة الساعات .. نظرات الشّماته اسهام
والجارِحني في روحي .. حريم حسين وسط ظُلاّم
وعلى زينب تصد العيون .. ويزيد يصيح تحاكيني
🖊️خادمة أبي الفضل
🗓 #محرم_1447هـ
📝 لسان حال إمامنا زين العابدين (عليه السلام)
🎶 #طور_اجه_الليل
أناديك أناديك يبويه اليوم أناديك
أناديك أناديك يبويه اليوم أناديك
ــــــــــــــــ ❖ ❖ ❖ ـــــــــــــــــ
عُمُــر خلّصتــه بالآهــــات
أخــيــــراً راح الاگیـــك
أناديك أناديك يبويه اليوم أناديك
ــــــــــــــــ ❖ ❖ ❖ ـــــــــــــــــ
عـــن بالــي أبــد متغــيب
و لا فــد لحظــة ناسيك
أناديك أناديك يبويه اليوم أناديك
ــــــــــــــــ ❖ ❖ ❖ ـــــــــــــــــ
بويه الساعه جاني الموت
بالســم مــن اعــاديــــــك
أناديك أناديك يبويه اليوم أناديك
ــــــــــــــــ ❖ ❖ ❖ ـــــــــــــــــ
تدري اشگد أنــه مشتــاگ
أشــوفنّــك واشـــم بيــك
أناديك أناديك يبويه اليوم أناديك
ــــــــــــــــ ❖ ❖ ❖ ـــــــــــــــــ
يــا مظلوم يــا مذبــــوح
العطـش بعــده يــأذيــك؟
أناديك أناديك يبويه اليوم أناديك
ــــــــــــــــ ❖ ❖ ❖ ـــــــــــــــــ
يمَن تحضر لكل محبــوب
تحضــر مـن ينــاجيـــك
أناديك أناديك يبويه اليوم أناديك
ــــــــــــــــ ❖ ❖ ❖ ـــــــــــــــــ
بس ابيــا شكــل تظهـــر
لا راســــــك ولا اديــــــك
أناديك أناديك يبويه اليوم أناديك
ــــــــــــــــ ❖ ❖ ❖ ـــــــــــــــــ
📝 يمه انه زينب:
بــويــه خُلص عمــري
أتجــــــــــــرّع الآلام
و اللي كِسَــر ظهـري
هَمكربـله و الشـــام
ــــــــــــــــ ❖ ❖ ❖ ـــــــــــــــــ
دم نحـــرك اليجـــري
شِفتـه ابرمــح جــدّام
وخيـل العِــده تســري
طحنت صـدر لِسلام
ــــــــــــــــ ❖ ❖ ❖ ـــــــــــــــــ
حبل السبي بنحــري
وعيـونــي عــالأيتــام
والحسرة فــي صدري
و بصـدرك انت اسهام
ــــــــــــــــ ❖ ❖ ❖ ـــــــــــــــــ
✍ #زينب_الخفاجي
🤲 #اللهم_صل_على_محمد_وآله
قصيدة للامام السجاد عليه السلام
نزله على لحن تبقى خالد ياحسين
ذاب في يوم الحسين ذاك زين العابدين
*---------------*---------------*---------------*
راح ابو الباقر أمامي. ذاك زين العابدين
عاش يحمل نحر دامي ذاك زين العابدين عاش ضامي ابن ضامي ذاك زين العابدين
صاح عطشان الحسين ذاك زين العابدين
*----------------*--------------*---------------*
رجل الايمان راحل ذاك زين العابدين
انه للحق حامل. ذاك زين العابدين
هو عنوان اليقين ذاك زين العابدين
رحل النور المبين ذاك زين العابدين
*--------------*---------------*----------------*
عاش في يوم البلاء ذاك زين العابدين
حينما قل الولاء. ذاك زين العابدين
لانصيرا لامعين. ذاك زين العابدين
وانبرى اهل الوفاء. ذاك زين العابدين
*---------------*-------------*----------------*
يا اماما ياعليل ذاك زين العابدين
يومها كنت قتيل ذاك زين العابدين
انما أمر الجليل ذاك زين العابدين
تبقى للناس معين. ذاك زين العابدين
*---------------*--------------*----------------*
يسمع صوت الجواد ذاك زين العابدين
درت في كل البلاد. ذاك زين العابدين
جهلو خير العباد. ذاك زين العابدين
صار للقيد رهين ذاك زين العابدين
*-------------*---------------*----------------*
محمد دعبل النوري
زينب من خذوها مابقو خوان لحن ١
محمد النوري
نعي السيده رقيه
****
فزت من حلمها تريد ابوها
وجابو راس ابوها وسكتوها
التراجي اتكله عكبك سلبوها
وامتوني يبويه ورموها
شمسويه وديه جتفوها
وضلوعك شفتهم رضرضوها
ردتك يالحنين تشوف حالي
عيني الراسك ودمعي يلالي
غربه الشام كلها وعرف مالي
وانه ميسره وما عندي والي
ما ضلت معزه ولا مهابه
وكعدنه اخلاف عينك عالترابه
عكبك ما لفاني النوم بابا
وابد ما تنحمل ذيج الخرابه
امسح دمك وامسح بالتراب
وشكيلك عذابي ودمعي سجاب
وكلك وين عني كل هالغياب
ما طاب الجرح بجفاك ما طاب
علي السجاد صاح بهل المسيه
عمه اعله الطشت ماتت رقيه
وزينب عمتي شبكت عليه
ومن ذاك الحبل دم تجري اديه
الشاعر
تحسين الخفاجي
لخواني حنيت. وبالروس رديت.
راسك ادفنه ويالجسد. .. ويحسين ماشوفك بعد
*
من الناكه يم كبرك طحت. وتدري اشعلوها الناكه
يحسين مشتاگه الك. وشيصبر المشتاگه
راسك بعد ضيم ويسر. ويالجسد يتلاكه
وجهك الما فاركني ابد يكتلني راح افراگه
يالصدرك انداس. اشلون ادفن الراس
كلبي عله جروحك نشد. ويحسين ماشوفك بعد
****
يمك جبت راس الطفل. ما شايفك تدري هواي
عبدالله من ذاك الذبح. لليوم ما شارب ماي
شميت عطره بحفرتك. ريحت اكماط ابنك هاي
ابجي بقيت اعله النحر. وام الطفل تبجي وياي
نزلته وياك. وجفي انترس هاك
امحدبه الرباب اعله المهد ويحسين ماشوفك بعد
*
وياي خويه امن اليسر. راس المهيل جبته
عباس ما يدري الحبل. ما فارك جفوف اخته
يبن امي تدري بالكلب. يم النهر دافنته
ذاك الدلال بكربله. ويه الكمر ضيعته
جيت ادفن الراس. وينك يعباس
حيل اختك اهواي نضهد ويحسين ماشوفك بعد
**
ضليت احفر بالكبر. واخذ نفس ما اكدر
حانت مراسيم الدفن. وندفن نريد الأكبر
كل احنه طحنه اعله الكبر. ويم حفرتك نتعثر
صدرك شبكناه بالدمع وصدرك يخويه امكسر
وراس ابنك وياي. شلعت كلب هاي
اصعب جرح جرح الولد ويحسين ماشوفك بعد
*
ام جاسم العريس اجت. ادور اعله ابنها تريده
حكه يتيه المكبره. اليفكد يناس اوليده
صاحت علي عمه بحزن راس ابني نزله بهيده
اوليدي انحرم من العرس. والحنه يبست بيده
تعب العمر راح. ضل بخت الرماح
وانه صحت وين السند. ويحسين ماشوفك بعد
***
تمت
تحسين الخفاجي
من راس البيشه اتعنينه
نمشي وما تتعب رجلينه
والكبرك تدري تحفينه
ما يكطع روج المشايه
لجلك من نمشي اشمحلانه
زاير يم زاير تلكانه
حته اليرضع جاي ويانه
رايه اطخ خلينه برايه
سدينه عين الكاع
والله التعب ما ضاع
للحضره اجينه بساع
معروفه شيمتنه
نادينه يا مولاي
اشرب سبيل الماي
مشاي اخذ مشاي
والكبه نادتنه
هوسه. مشايه وعراقك خضر
***
اتعناك سعودي وبحراني
وكويتي نشوف ولبناني
واوربي تحزم ويراني
كل دوله نشاهد ملهوفه
شفنه السني ويالنصراني
كل شيعي يطوفك وعماني
شفنه افريقي وباكستاني
والايزيدي اتعنه نشوفه
وطبت الاماراتي
رافع شعاراتي
وصاح العشك ذاتي
ماعوفن حسيني
وزاير قطر شفناه
ويمشي ويرف الواه
للحضره خط مسراه
يالثبتت ديني
هوسه. وطبينه كل دوله نزورك طبينه
***
هذا العباس بريشاته
كل زاير يحسب خطواته
جم موكب رفت راياته
وحسين اتباها بخدامه
بالموكب كلنه تخاوينه
حي الله الزاير نادينه
وبكل دوله نرحب جينه
واشلون احنه الليل انامه
حضرنه تدري الزاد
وينه اليريد امراد
زوار ابو السجاد
مرونه مرونه
ميت هله زوار
شرفونه وسط الدار
ناطرنه ليل انهار
ردنه تضيفونه
هوسه. لو جانه نفرح بالزاير لو جانه
****
خدامك كلهم وفايه
ما عافو درب المشايه
منطينك يحسين احجايه
والزاير عالراس نشيله
كل خادم روحه مضحيها
رجلي اليمشي تبرك بيها
والدنيه حسين محليها
وهنياله اليوم اليمشيله
وخدام كحل عيون. ومية هله يصيحون. وبالموكب ايتانون
زواره زواره
مدو سوانيهم. وكل العزم بيهم. وحيدر يحييهم وبشرهم ابشاره
بخدامه والدنيه تروج. بخدامه
***
نمشي ونشتم عطر الغالي
واليكصد ما يرجع خالي
اسمك يحسين بدلالي
وامشي الكبرك لو ذبحوني
يالحبك يسري وينفاسي
انه بزودك ما طخ راسي
لو زردتك ياخذني احساسي
ولجل عيونك فدوه عيوني
وبالاربعين تفج
وكل البقاع تضج
ويمك يصير الحج
والشيعه تتعنه
وبكربله الموعد
ومحد يريد ايرد
يم الحرم نكعد
ونشم هوه الجنه
هوسه. وطبينه من باب القبله
*
امي اعله الخدمه توصيني
للموكب دوم توديني
ماتيه دربك تدريني
ومسجل يمك عنواني
بس كبرك ارتاح ابابه
ويحسين ايشافيني اترابه
ما احمل مولاي اغيابه
وبصحنك هايم تلكاني
يا بلسم جروحي
يالعايش بروحي
ما بطلت نوحي
يالتغفر اذنوبي
ماعيشن بدونك
من فدوه لعيونك
تدريني مجنونك
محبوبي محبوبي
هوسه. اتلاكينه يم باب السدره
**
تمت
تحسين الخفاجي
من بعد فرگه حسين (وزن دارمي ٣ دگات)
من بعد فرگه حسين بنت الزچيه
تتمنه ليل انهار تلفي المنيه
★★★★★
تلفي المنيه اتريد من بعد الحسين
تحط علجرح جرحين چويات السنين
وبعد الشهم عباس شتسوي بالعين
مظلم وكتها اندار صبح ومسيه
★★★★★
مظلم وكتبها وصار ليل ادهى من ليل
كل شوغه تچوي الروح وتهدم الحيل
من داست العدوان فوگ المچاتيل
جسوم الاهل تنعاف فوگ الوطيه
★★★★★
جسوم الاهل ياحيف علغبره تنعاف
صبت عليها اسهام تنعد بالالاف
وبنت النبي بهلحال ياوسفه تنشاف
عگب الدلال البيه صارت سبيه
★★★★★
المن تدير العين وتنادي ياصوب
اخت الكفيل الچان بالحومه مهيوب
ازنوده مگطوعات وبعينه مصيوب
لويرد يفني الگوم بالغاضريه
★★★★★
من بعد اهلها بليل ودوها للشام
المچتول اخوها شلون چا تهده وتنام
حسره ودمع وهموم دورات الايام
هذا الجره ومكتوب علهاشميه
الشاعر حسن لعيبي الحريشاوي
(للسجاد عليه السلام)
عاش بحزن ايامه = من يوم المصاب
زين العباد بصدره = آلامه لاخر عمره
من يوم المصاب
----------------------
ويلاه لبن المصطفى ومصابه = الخلّه نواظرنه عليه سجابه
شحال الي شافه موسد علترابه = تسعر مهجته وللحشر لهّابه
بعينه العليل وشافه = مرمي عله التراب
عل رضّته الخيّاله = عيونه بقت همّاله
من يوم المصاب
----------------------
راح بيسر والجامعه بالمنحر = وكَيود بجدامه وسناسل تنجر
مو لليسر والآمه كَلبه اتفطّر = لاجن لبوه الشافه بافجع منظر
يهل الدمع للظامي = ودلّاله لهّاب
بنار القهر لحسينه = شما نظر ماي بعينه
من يوم المصاب
------------------------
جروح الدليل الما بشر يحصيها = بروح ابو الباقر هو اعلم بيها
احنه بحزن دايم عليه وعليها = ولدمعته المايوم ما يجريها
يشرب الماي بدمعه = وتتراوه اله احباب
خلصو جتل بظماهم = وكل لحظه ما ينساهم
من يوم المصاب
----------------------
يتراوه لعيونه النحر يتلاله = فوك الرمح راس الحبيب كَباله
الله يساعد كَلبه ذيج الحاله = شيشوف وبراسه يصد لوشاله
شموس ويشع اضواهه = من فوك الحراب
نازف دماهه وضيها = وبعينه ذاب اصبيها
من يوم المصاب
------------------------
عاشت وياه اهات ما تتوصف = لمصايب الي مرت عليه بالطف
منظر اعياله على الهزل تتجتف = وكَباله بسياط الحقد تتعنف
ومجتوف راعي الغيره = وبوليه اذناب
نازف دمَه من جيده = وحبال جتفت أيده
من يوم المصاب
-----------------------
تركت اثرها بروحه ما كف دمعه =وبآذانه صوت حسين باقي يسمعه
من استغاث وحيد خلصوا ربعه = وصوت الحرم من هجت ومتروعه
يسمع صريخ ايعاين = ملتهبه الاطناب
لسّا صداهه بروحه = لحد المنيه اجروحه
من يوم المصاب
--------------------------
واليوم ودع دنيته واحزانه = مسموم مظلوم بغدر عدوانه
راح ابو الباقر للنبي باشجانه = يشكي لرب الكون شر دنيانه
ومن ظلم محد عاشه = مثل بن الاطياب
الباقر ينوح لعوده = من شاف اثر لقيوده
من يوم المصاب
----------------------------
ينوح ابو الصادق والدمع يتجاره = وبعيونه اظلم ليل صار انهاره
لحز الحديد بركَبته واثاره = وجويات من صيوان شبّ ابناره
شيكَضي الحزن لمصابه = بدلاله الصواب
لبن الحسين وظلمه = تهمل العين الهظمه
من يوم المصاب
------------------------------
قاسم آل واعي الرميثي
*(2) راس الامام الحسين (ع) قرآن الله الناطق* (مشهد تصويري رأس الامام الحسين ع رأى كل مأساة كربلاء يروي للزهراء ع) لحن الجفيري♪
لو شفتي يمه كم مصاب
بعيوني شاهدت العذاب
طفل ويتيم على التراب
تسحقهن خيول العده
〰〰〰〰〰〰
بعيوني عاينت الخيم
شبّت بنيران الظلم
وطلعن. بناتي والحرم
وتتبعهن سياط العده
〰〰〰〰〰〰
شفت الحرم من تنسلب
وسياط اميّه والضرب
وشافت مشاهد هالرعب
اطفالي يمه ويالعده
〰〰〰〰〰〰
واصعب مشاهد كربله
سبي وضرب هالعايله
واطفالي كلها معوله
والسيي قرّب موعده
〰〰〰〰〰〰
واليكسر الخاطر بعد
عبدالله شفته بلا مهد
واگبالي مذبوح الولد
وداست جسد طفلي العده
〰〰〰〰〰〰
خادمة آل محمد✍
لومـا كربله وحسين أبو اليمه
چا بيت الله كلسا وآحد يهدمه
*
حسين الدين هوه الشيــد أحكامه
يوم الــرادو الله ينمحـي إســلامه
كَطعو منحـــره وانسلـبت أيتـامه
وبعــاشر محـــرم حركَـــو اخيَمه
*
لومـــا كربلــه ما يبقــه أي قرآن
لومـــا كربلـه مـا نسمــــع الآذان
لومــا كربلــه ݘا ما صرت انسان
ويمكن ما عرف وآحدنه ياهي اُمه
*
لومـه حســينه ݘـــا الله ما يُعـــبد
لومــه حســينه كل البشــر ترتـد
لومــه حســينه مو هيـــݘ نتوحد
وݘا كل الوطــن هذا أنســفك دمه
*
لومـــا كربلــه عميــان ماننـــــدل
لومـــا كربلــه حتى الصبح يُقــتل
لومــا كربلــه يوميـــه نتبهـــــذل
أولا واحــد بعد ديـــن الله يحترمه
*
لومــه حســينه يحكمنـــي سفياني
لومــه حســينه ما ادري ياهو آنـي
لومــه حســينه باكَــولـــي قُرآنـــي
وݘان أنتهك عدنـه ستر كل حُـرمه
*
لومــا كربلــه مــا انـــدل القبـــله
لومــا كربلــه عــن ربنـــه نتخـله
لومــا كربلــه الأصنــام بالجُمــله
وعلـى الله؟ صنمــهم لازم انقدمـه
*
لومــه حســينه صار الشـمر حاكم
لومــه حســينه يــوميــه أذِل لازم
لومــه حســينه ما يظـــهر القــائم
وتُجَـــرَم دوليــاً لــو ذكرت إسمــه
*
لومــا كربلـــه هسـه أختي مسبيه
لــومــا كربلـــه ما تبقــــه شيعــية
لومــه كربلــه يذبحـــونه يوميــه
بلايه آل النبي حتــى الشمس ظلمه
*
لومــه حســينه ݘا ݘَم صنم عندي
لومــه حســينه صرت ألـهم مجَدي
لومــه حســينه ما أعــرف المهدي
وأي كافــر يجـي كـون أقبل بحُكمه
*
هذي كربلــه وهذا الحبــيب حسين
بعيوني وبعدهــا تحس بعـيد العين
ملايين التنصرك هسه مو سبــعين
وصارت أغلى من أعمارنه الخِدمة
*
حيدر حسين الكَرعاوي..
احوال السبي وسبايا العترة /لحن يا ناقتي للسيد علي حجازي~
من كربله ~ حُرمه بصف حُرمه مشت
من كربله ~ كنها الجبال وسُيّرت
من كربله~ المخدرة اليوم انسبت
بنت العفاف~ مسبيّة من فوق الهزل
بنت العفاف ~ وايديها مچتوفه بحبل
بنت العفاف ~ تتكفّل بحرمه وطفل
المدلّـلـه~ تسمع شتم تسمع صياح
المدلّـلـه~ طول الدرب ما تستراح
المدلّـلـه~ واگبالها رووس ورماح
حادي الظعن~ شمر الخنا حادي الظعون
حادي الظعن~ وسوط الشمر فوق المتون
حادي الظعن~ والدمعه سكته بالعيون
راح الدلال~ ما من ستر فيَّ الحرم
راح الدلال~ عيون العدا كنها سهم
راح الدلال~ چا وينه شيّال العلم
خادمة آل محمد✍🏻
*التوسل بالعترة الطاهرة* تقرأ بطور الجفيري ~
بالخمسة اصحاب الكساء
بالعترة وانوار السماء
قسم بحسين وكربلاء
بالفجر وايات الكتاب
〰️〰️〰️〰️〰️
أقسم على الله بفاطمه
اجيت بمدامع ساجمه
تنجّيني نار الحاطمه
وتشفعلي في يوم الحساب
〰️〰️〰️〰️〰️
لو مني يتدنّى الأجل
وأنفاسي خلصت بالعجل
بس عندي بالعترة أمل
يسقوني مالكوثر شراب
〰️〰️〰️〰️
لو حانت ايام الرحيل
وزادي على ظهري ثقيل
يحضرني عباس الكفيل
بكفّه يسهّل لي الصِّعاب
〰️〰️〰️〰️〰️
خادم على الكفن انكتب
والدمعة درّة من ذهب
ومن ينثروا عليّه الترب
يحضرني زاير ٱبو تراب
〰️〰️〰️〰️〰️
لو نزّلوني باللحد
اصرخ يا حيدرنا مدد
يحضر إليّه بالشدد
وبٱشارة يرفع كل عذاب
〰️〰️〰️〰️〰️
يشفعلي بالجنة الحسن
من اسكن بجنّة عدن
يسقيني شربة بكل وطن
طوبى وحسن ذاك المآب
〰️〰️〰️〰️〰️
يحضرني لا شك الحسين
يْرِدْ دِيْنَهْ يوم الاربعين
وينطيني صكِّي باليمين
بحضر ونحره دم خضاب
〰️〰️〰️〰️〰️
يحضرني مقطوع النحر
واضمن نجاتي بالقبر
وساعة حسابي بالحشر
ويجزيني بالدمعة الثواب
〰️〰️〰️〰️〰️
يتوّجني تاج لخدمته
والجنة أجر زْيَارِته
يوزّع ثواب بدمعته
وينطيني بيميني الكتاب
خادمة آل محمد ✍🏻
نعي حدي
***
يا ناكه راحو كل هلي. وضهري نكسر عكب اخوتي
بله اعله هونج بالمشي. خليني اون براحتي
مريني يم حادي الضعن. بلجي يشاهد حالتي
يا ناكه انه ام الخدر. وبس الله يدري بحالتي
مهظومه عالتل اوجفت. وتعثرت بعبايتي
اركض وطفي بالخيم. وبكلبي تسعر جمرتي
درب اليسر ما ينحمل. وانه غريبه بدنيتي
يا ناكه اخوتي اتذبحت. ناح الصخر لمصيبتي
وسط الحشى نيران والگلب مرهون
ياحزن بله صحت مافي كفايه
بالك تكدر ناس ما يستحكون
والنوك تشهد لنا. حنا سبايه
****
اتلفت ومامش ولي. واخواني كلهم عالثره
حرمه وغريبه بكربله. بجمع اليتامه حايره
من الصياط اتلوعت. ايشتموني وانه مخدره
مجتوفه يا ناكه بحبل. وفوك الجفن دمعي جره
عافاني اخوي الوحدي. وفكد الاخو يكتل تره
والحادي بيه من حده. عيني اعله سبع الكنطره
انه الحلف بيه الشرف واشلون اروح اميسره
ضيم الحملته بكربله. ما حملته مثلي مره
واعله الرماح العاليه روس النشامه مسطره
لحكت صحت يابه الحسن. ما تدري بحسين اشجره
التفت علي حولين كاسين الكلوب
والجيش مثل الحصى ماله نهايه
سبط النبي انذبح والوجه مگلوب
والدم يسيل ونزف حد المنايه
*
يا ناكه تعبني الدرب. وعيوني ذبلها السهر
للشام اطب بيا وكت. كل ساع اموت امن القهر
تصيح الشماته اعله الدرب. يا زينب ايسي امن الكمر
يا وسفه للديوان اطب.
يا ناكتي ضهري نكسر
هاي الهوادج والضعن. وتونه رجعنه امن السفر
عمه علي صحت بحزن ليضيع الحادي الاثر
خلي يمرنه بكربله. انعاتب نريد اهل الفخر
وكل وحده تكعد يم كبر. وتشكي هظمها امن الدهر
*
الشاعر
تحسين الخفاجي
من راس البيشه اتعنينه
نمشي وما تتعب رجلينه
والكبرك تدري تحفينه
ما يكطع روج المشايه
لجلك من نمشي اشمحلانه
زاير يم زاير تلكانه
حته اليرضع جاي ويانه
رايه اطخ خلينه برايه
سدينه عين الكاع
والله التعب ما ضاع
للحضره اجينه بساع
معروفه شيمتنه
نادينه يا مولاي
اشرب سبيل الماي
مشاي اخذ مشاي
والكبه نادتنه
هوسه. مشايه وعراقك خضر
***
اتعناك سعودي وبحراني
وكويتي نشوف ولبناني
واوربي تحزم ويراني
كل دوله نشاهد ملهوفه
شفنه السني ويالنصراني
كل شيعي يطوفك وعماني
شفنه افريقي وباكستاني
والايزيدي اتعنه نشوفه
وطبت الاماراتي
رافع شعاراتي
وصاح العشك ذاتي
ماعوفن حسيني
وزاير قطر شفناه
ويمشي ويرف الواه
للحضره خط مسراه
يالثبتت ديني
هوسه. وطبينه كل دوله نزورك طبينه
***
هذا العباس بريشاته
كل زاير يحسب خطواته
جم موكب رفت راياته
وحسين اتباها بخدامه
بالموكب كلنه تخاوينه
حي الله الزاير نادينه
وبكل دوله نرحب جينه
واشلون احنه الليل انامه
حضرنه تدري الزاد
وينه اليريد امراد
زوار ابو السجاد
مرونه مرونه
ميت هله زوار
شرفونه وسط الدار
ناطرنه ليل انهار
ردنه تضيفونه
هوسه. لو جانه نفرح بالزاير لو جانه
****
خدامك كلهم وفايه
ما عافو درب المشايه
منطينك يحسين احجايه
والزاير عالراس نشيله
كل خادم روحه مضحيها
رجلي اليمشي تبرك بيها
والدنيه حسين محليها
وهنياله اليوم اليمشيله
وخدام كحل عيون. ومية هله يصيحون. وبالموكب ايتانون
زواره زواره
مدو سوانيهم. وكل العزم بيهم. وحيدر يحييهم وبشرهم ابشاره
بخدامه والدنيه تروج. بخدامه
***
نمشي ونشتم عطر الغالي
واليكصد ما يرجع خالي
اسمك يحسين بدلالي
وامشي الكبرك لو ذبحوني
يالحبك يسري وينفاسي
انه بزودك ما طخ راسي
لو زردتك ياخذني احساسي
ولجل عيونك فدوه عيوني
وبالاربعين تفج
وكل البقاع تضج
ويمك يصير الحج
والشيعه تتعنه
وبكربله الموعد
ومحد يريد ايرد
يم الحرم نكعد
ونشم هوه الجنه
هوسه. وطبينه من باب القبله
*
امي اعله الخدمه توصيني
للموكب دوم توديني
ماتيه دربك تدريني
ومسجل يمك عنواني
بس كبرك ارتاح ابابه
ويحسين ايشافيني اترابه
ما احمل مولاي اغيابه
وبصحنك هايم تلكاني
يا بلسم جروحي
يالعايش بروحي
ما بطلت نوحي
يالتغفر اذنوبي
ماعيشن بدونك
من فدوه لعيونك
تدريني مجنونك
محبوبي محبوبي
هوسه. اتلاكينه يم باب السدره
**
تمت
تحسين الخفاجي
#طور_يم_الولد
#طور_الجفيري
#تصوير جواب الإمام السجاد ع للمنهال
▪︎....إلتقى الامام زين العابدين بالمنهال بن عمر فبادر إليه قائلا : كيف امسيت يا بن رسول اللّه؟
ـ أمسينا كمثل بني إسرائيل في آل فرعون يذبحون ابناءهم ويستحيون نساءهم ، أمست العرب تفتخر على العجم بأن محمدا منها وأمست قريش تفتخر على سائر العرب بأن محمدا منها وأمسينا معشر أهل بيته مقتولين مشردين فانا لله وإن إليه راجعون على ما أمسينا يا منهال "
إسمع يا منهال العَجَب
صرنا أسارى و ننضَرَب
وجدنا الفَخَر خير العَرَب
وأمنا البتولة مخدّره
شحكي عن العاشِر مُصاب
وحسيني طايح ع التُراب
ومنهم شباب ودم خِضاب
ونار الخيام موَجّره
#يروي للمنهال ما جرى يوم الحادي عشر 💔
وأصعبها من صار الصّبح
وزادن جروحي هالجرح
بيّه الشّماته كن ذبح
وَدموعي ويلي محَيّره
خَلوّ بزنودي سِلسِله
وبالجامعة زادوا البله
منهو اليباري العايله
بدرب البعيدة مكَدّره
سار الظعن رايد بعيد
ومرونا من يَم الشهيد
نادتله عًمِّتي يا العميد
تِرضاها أمشي ميَسّره
🖊️خادمة أبي الفضل
زينب من خذوها مابقو خوان لحن ٢
محمد النوري
زينب الاسيرة
زينب من خذوها مابقو خوان
اسيره مربطه داروها بالبلدان
*---------------*---------------*---------------*
ماراحت اسيره ولامشت للشام
ولا عباس منها يروح دامي الهام
ولا قلب الحسين يلوحه سم سهام
لو ما بالسقيفة اتنصب الخوان
*--------------*---------------*----------------*
ها الأمة العجيبه الخانت الديان
لجل المال لجل الشهره والسلطان
انكلبت من بعد رحلة نبي الرحمن
خانوها الانوار وتبعو الشيطان
*---------------*---------------*---------------*
نكثو بالوعود وتركو التشريع
ومن ذاك الوكت فكرو بالتطبيع
ويه اعتى الخلك خططو بالتوزيع
املاك وكراسي انطو لأبو سفيان
*---------------*----------------*--------------*
عدوان الديانه الحاربو الاسلام
الصحابه ملكوهم دولة أهل الشام
بعدها اتاسست دوله بحكم ظلام
ورجعوها الجهاله وذبحت الايمان
*---------------*--------------*----------------*
للسكير تتسلم رقاب الناس
يحكم بالجهالة ويقطع الانفاس
والينتقد حكمه يطير منه الرأس
حاكم أمة جان بنزوة الصبيان
*---------------*--------------*----------------*
محمد دعبل النوري
نعي حدي
***
يا ناكه راحو كل هلي. وضهري نكسر عكب اخوتي
بله اعله هونج بالمشي. خليني اون براحتي
مريني يم حادي الضعن. بلجي يشاهد حالتي
يا ناكه انه ام الخدر. وبس الله يدري بحالتي
مهظومه عالتل اوجفت. وتعثرت بعبايتي
اركض وطفي بالخيم. وبكلبي تسعر جمرتي
درب اليسر ما ينحمل. وانه غريبه بدنيتي
يا ناكه اخوتي اتذبحت. ناح الصخر لمصيبتي
وسط الحشى نيران والگلب مرهون
ياحزن بله صحت مافي كفايه
بالك تكدر ناس ما يستحكون
والنوك تشهد لنا. حنا سبايه
****
اتلفت ومامش ولي. واخواني كلهم عالثره
حرمه وغريبه بكربله. بجمع اليتامه حايره
من الصياط اتلوعت. ايشتموني وانه مخدره
مجتوفه يا ناكه بحبل. وفوك الجفن دمعي جره
عافاني اخوي الوحدي. وفكد الاخو يكتل تره
والحادي بيه من حده. عيني اعله سبع الكنطره
انه الحلف بيه الشرف واشلون اروح اميسره
ضيم الحملته بكربله. ما حملته مثلي مره
واعله الرماح العاليه روس النشامه مسطره
لحكت صحت يابه الحسن. ما تدري بحسين اشجره
التفت علي حولين كاسين الكلوب
والجيش مثل الحصى ماله نهايه
سبط النبي انذبح والوجه مگلوب
والدم يسيل ونزف حد المنايه
*
يا ناكه تعبني الدرب. وعيوني ذبلها السهر
للشام اطب بيا وكت. كل ساع اموت امن القهر
تصيح الشماته اعله الدرب. يا زينب ايسي امن الكمر
يا وسفه للديوان اطب.
يا ناكتي ضهري نكسر
هاي الهوادج والضعن. وتونه رجعنه امن السفر
عمه علي صحت بحزن ليضيع الحادي الاثر
خلي يمرنه بكربله. انعاتب نريد اهل الفخر
وكل وحده تكعد يم كبر. وتشكي هظمها امن الدهر
*
الشاعر
تحسين الخفاجي
شكر من زينب الكم يالخدمتوها
تكلكم هالمجالس لا تعوفوها
**
بس هالليله والموكب تطيحونه
وباجر فارغ الموكب تعوفونه
السود اشلون بيه من تنزلونه
ما قصرتو والخدمه حييتوها
****
احضر للمجالس انه يوميه
وتلكاكم اباب الحسينيه
الطم عالوجه وضلوعي محنيه
غريبه اليوم زينبكم تعرفوها
****
تعبتو والتعب ما اثر اعليكم
باجر بالحشر رايح نجازيكم
حسين بدفتره سجلها اساميكم
رايات المواكب دوم ارفعوها
****
اريد الباري ما يحرمكم الخدمه
مو كل واحد ايحصلها هالنعمه
بخدمتكم نصرتو حسين ابو اليمه
افرح من اشوف الدمعه تجروها
*
كضت جنها وبعد كلمن يرد لهله
وكل خادم بجه وشفته اختلف شكله
غيور وما يريد الموكب ايحله
ودمعته بطارف عيونه يشوفوها
***
بعد راح انتظركم للسنه الجايه
يعني الفركه راح اطول اهوايه
تره الزهره الزجيه تحب القرايه
واسوها ببنها حسين واسوها
****
مشكورين ما قصرتو ويانه
الما خدمة لبو السجاد خسرانه
بس اهل المواكب كلها ربحانه
يلي اعماركم النه نذرتوها
****
تمت
تحسين الخفاجي
لاستشهاد الإمام علي بن الحسين زين العابدين عليه السلام
سيدي ومولاي زين العابدين
كربلا اسوت ابحالك والسنين
صارت عليك الطفوف
اشد من ذبح السيوف
كربلا اسوت ابحالك والسنين
★★★★★
ماشفت مثل الطفوف ولاتشوف
امسلحه على حسين ملتمه الالوف
انذبحت بدور الهواشم بالسيوف
صفوف يوم تعسكروا بعد الصفوف
اشتدت العله على الجسم النحيل
من بقيت ابغربتك . بالطف عليل
الهظم بجروحك يطوف
اشد من ذبح السيوف
كربلا اسوت ابحالك والسنين
★★★★★
خانك الحيل وعجز حيلك تگوم
وحمره ارض الطف دمه وحر وسموم
علخيم هدت عساكرهم تحوم
شمس آل البيت غابت والنجوم
منعتك زينب عليك الشر يحوم
علامامه تخاف واركان العلوم
بين حسره وبين خوف
اشد من ذبح السيوف
كربلا اسوت ابحالك والسنين
★★★★★
حيل ميلات النوايب من تميل
خلت دموعك جمر علخد تسيل
كل مصاب ابوزن نايبتك قليل
يوم مر عليك ابد ماله مثيل
لااخو ظلك ولا عم وقريب
راح ابواليمه انذبح راح الحبيب
فراگ ابو اليمه العطوف
اشد من ذبح السيوف
كربلا اسوت ابحالك والسنين
★★★★★
ظالم بسوط الحقد لمن لفاك
لاحك إچم سوط منهم ماخطاك
وذني مسبيات عماتك وراك
الف رميه القهر والشامت رماك
ماكو بس عدوان ماظلك صديق
ادير وجهك المن بهذا الطريق
عيونها عليك الالوف
اشد من ذبح السيوف
كربلا اسوت ابحالك والسنين
★★★★★
شوكت من جور المصايب تستراح
چم عزيز الماتظنه يروح راح
صدر ابوك تلگته اسهام ورماح
وعمك بصف الشريعه هناكه طاح
الذكريات وياك من همها تنوح
وين منها اتصير لوعنها تروح
وضحكة الشامت تشوف
اشد من ذبح السيوف
كربلا اسوت ابحالك والسنين
الشاعر حسن لعيبي الحريشاوي
هوه الشام..........يخنك انفاسي
و الايـتـام............شـيبوا راسي
••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••
1️⃣
جنت العـقيله الـعالمه الـحره
اليـوم السبيه ودمعتي حمره
واهلي جفوني والگلب جمره
والـحيل اشده ابشيلة الزهره
~~~
والإعلام.........صار مقياسي
والايتام...........شيبوا راسي
•••••••••••••••••••••••••••••••••
2️⃣
ثمانين صـاروا كـلهم ابذمتي
وكثر الـمصايب كثرت همتي
ياروحي غير الضيم ماشفتي
يا ناگه امشي ابوين ما ردتي
~~~
وبالخيام.........لجموا احساسي
والايتام................شيبوا راسي
•••••••••••••••••••••••••••••••••
3️⃣
يا ديـره ضـلت مـا دخـلناها
ويا دمـعه ضلت ما بجيناها
لـيش الـعقـيله ومـحد وياها
بس الرمـح بالـدمعه واساها
~~~
ويظلام.............والدرب قاسي
والايتام...............شيبوا راسي
»»»»»»»»»»»»»»»»»»»»»»
4️⃣
كـلها بأذاني اتـصـيح يا عـمه
ومـتوني من السـوط مـتألمه
راس الكـفـيل المـدمع يـكلمه
وراس الحسين الروح تشتمه
~~~
الگلب هام.......حسيني عباسي
والايـتـام..............شيبوا راسي
»»»»»»»»»»»»»»»»»»»»»»
5️⃣
رغـم الـمصايب دارن اعـليه
بس انه زينب يعني مگضيه
هاي الأرض بحجايه مطويه
اليوم النواصب كلها مـسبيه
~~~
ارتفع هام...........وكبر نوماسي
والايـتـام.............شيبوا راسي
»»»»»»»»»»»»»»»»»»»»»»
6️⃣
ينشد جـرح وگلوب تصـبر
و ربـك الـخالق لـلأمـر دبـر
كل دمعه باجر علزمن تكبر
ابكل مكان من الأرض منبر
~~~
يخـدام........يا هلي وناسي
والايتام..........شيبوا راسي
»»»»»»»»»»»»»»»»»»»»»»»»»»»»»»»»»»»»»»»»»»»»»
محمد خشان ✍️.
»»»»»»»»»»»»»»»»»»»»»»»»»»»»»»»»»»»»»»»»»»»»»
عليمن رأس اخويه رافعينه
ما كفه الذبح يالذابحينه
شلعتو گلبي بل رأس
ارحموني يهل الناس
ما كفه الذبح يالذابحينه
...........................
يشيال الرمح لا تجرح أحساسي
ميته من كبل موتت هلي وناسي
ويه أنفاسهم شحت تره أنفاسي
تمنيته عدل ويشوف عباسي
وأكله يالجبتنه أمن المدينه. نزل الراس خويه وأحدي بينه
أجيبه أمنين عباس
أرحموني يهالناس
ما كفه الذبح يالذابحينه
..........................
ما عندك أمروه وتنضر أطفاله
راسه أعله الرمح ومجتف أعياله
شلعت أكلوبنه. يالغافي بخياله
بسك لا تهز رمحه وتشل حاله
أخوي شما تهزه أيصد عليه ويعاين بالحبل سكنه ورقيه
أخوي أهواي حساس
أرحموني يهالناس
ماكفه الذبح يالذابحينه
...............
نزل الرمح حر الشمس جاويته
ما يكفي الذبح وافياي سويته
عمت عيني أخوي الترب عاميته
شعندك من كلب يالحالي شليته
ما تتعب تهود شنهي وضعك. ما ينكسر كلبك يجري دمعك
يالماعندك أحساس
أرحموني يهالناس
ما كفه الذبح يالذابحينه
.....................
تعبنه أمن المشي جا ليش ماتتعب
يلسويت أخوي أمن السحك ملعب
عفته بلا غسل فوك الثره أمخضب
مثل أهلال. ضهري ألفركته حدب
عشنه وياه كل العمر قبلة. هسه أشلون نمشي هزله هزله
هاي اشلون تنقاس
أرحموني يهالناس
ما كفه الذبح يالذابحينه
.........................
الأرض الشام نمشي أشلون يا هضمه
وراس حسين. سابح من. نزف دمه
نسوان. ونطب. السوك مو زحمه
نزل. راس. أخوي أمن الحجر. ضمه
خافن لو نطب والوادم أتشوفه. وتنشد هالكمر عباس وأجفوفه
ويرد بالحجر ينجاس
أرحموني يهالناس
ما كفه الذبح يالذابحينه
..........................
خادم خدمة الحسين
الشاعر
محمد الموالي