8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
في ذكرى ومدح الامام جعفر الصادق عليه السلام
هذا ميدان المعارف تزهي نور احكامه
بصادق العترة الشريفه نَوَّرَت أيامه
هذا صوت الامامه
هذا صوت الامامه
★★★★★
وين أصحاب المذاهب يحچي كل واحد شكل
بالقياس الحكم مره ومره مويم العقل
اقوالهم بدعه وضلاله اقوال ما الهن أصل
بعيد عن الدين صاروا أبد ما إلهم فضل
المااخذ عنه القيم يلبس اثياب الندم
جعفر الصادق هدايه والمحبه انسامه
هذا صوت الامامه
هذا صوت الامامه
★★★★★
هذا صوت الدين جعفر هذا مفتاح العلم
هذا عنوان المعارف توعيه وحكمه وعزم
بطل ميدان المعارف وينها اگباله الزلم
وينهم اهل المذاهب وينها أصحاب الفِهْم
رَدَّوا ابطاري الفشل محد العلمه وصل
جعفر الصادق امامي دومه عالي الهامه
هذا صوت الامامه
هذا صوت الامامه
★★★★★
قاصد ابهاي المعارف هلبشر يهديها
ونشر أسرار الامامه وماقصد باريها
وثورة حسين وشرفها وكل معاني البيها
وعن امام العصر دنيا بالعدل يمليها
حارب الشر والبدع بيده دين الله انرفع
ابدماهاب النوايب لوصفت گدامه
هذا صوت الامامه
هذا صوت الامامه
الشاعر حسن لعيبي الحريشاوي
لاستشهاد الإمام جعفر الصادق عليه السلام. (گعدية )
تشفي العليل وانته ملچوم.
مظلوم يابوالرحمه مظلوم
بوكت الصدگ حسره على الناس
صادق بقول وفعل وإحساس
مظلوم يابوالرحمه مظلوم
★★★★★★
قَدِّمَت لله حياتك. ماخفت من قدمتها
ولاخفت من لوم لايم. والمناهج ثبتتها
ماتجامل هذا طبعك. أشگد مواقف صادفتها
من الجهاله والخطر
أنقذت مولاي البشر
چن موسى من شگ البحر. الناس بيدك عَبْرَتَّهَا
حُكَّام عصرك گامت اتخاف
آلاف عندك درست آلاف
من مثلك ومن بيك ينقاس
صادق بقول وفعل وإحساس
مظلوم يابوالرحمه مظلوم
★★★★★
مرحله صعبه وخطيره صعبه ذيچ شلون فتره
بلاهدايه الناس تمشي . وحاير الإنسان بامره
جاهدت وبعزم ثابت. واسست بالعلم ثوره
شمختلف صاحب مدرسه
مانكر. ياهو الدرسه
كل الفضل محد نسه. الك ياصادق العتره
تصديت للشر مثل الحسين
ليفوگ رافع هامة الدين
معروف مثل البطل عباس
صادق بقول وفعل وإحساس
مظلوم يابوالرحمه مظلوم
★★★★★
ياامير العلم تدري. وتشهد بهذا المنابر
دون التاريخ علمك. خطت مداد المحابر
والنكَّر فضلك اتحَيَّر تظهر اگباله المصادر
محبوب مهيوب الذكر
فقه وتعاليم وفكر
ونطيت للناس شكثر. يلخذت كل المشاعر
يمعلم التوحيد معناه
ومعنى الاسلام وكل مزاياه
للدين تبقه دوم نبراس.
صادق بقول وفعل وإحساس
مظلوم يابوالرحمه مظلوم
★★★★★
تحت علمه نطوت كلها. وصار للكل مرجعيه
تشهد بفضله المذاهب. حنبليه وشافعيه
اسئلوني گال جعفر. مثل حماي الحميه
ماتظل شده ومعضله
جاوب على كل مسئله
كل العلوم تعود اله. من منابع احمديه
يفصل بشرحه حكم الآيات
وهذا الكتاب شبيه. غايات
معلوم يامن ثبت الساس
صادق بقول وفعل وإحساس
مظلوم يابوالرحمه مظلوم
الشاعر حسن لعيبي الحربشاوي
في ذكرى ومدح الامام جعفر الصادق عليه السلام
هذا ميدان المعارف تزهي نور احكامه
بصادق العترة الشريفه نَوَّرَت أيامه
هذا صوت الامامه
هذا صوت الامامه
★★★★★
وين أصحاب المذاهب يحچي كل واحد شكل
بالقياس الحكم مره ومره مويم العقل
اقوالهم بدعه وضلاله اقوال ما الهن أصل
بعيد عن الدين صاروا أبد ما إلهم فضل
المااخذ عنه القيم يلبس اثياب الندم
جعفر الصادق هدايه والمحبه انسامه
هذا صوت الامامه
هذا صوت الامامه
★★★★★
هذا صوت الدين جعفر هذا مفتاح العلم
هذا عنوان المعارف توعيه وحكمه وعزم
بطل ميدان المعارف وينها اگباله الزلم
وينهم اهل المذاهب وينها أصحاب الفِهْم
رَدَّوا ابطاري الفشل محد العلمه وصل
جعفر الصادق امامي دومه عالي الهامه
هذا صوت الامامه
هذا صوت الامامه
★★★★★
قاصد ابهاي المعارف هلبشر يهديها
ونشر أسرار الامامه وماقصد باريها
وثورة حسين وشرفها وكل معاني البيها
وعن امام العصر دنيا بالعدل يمليها
حارب الشر والبدع بيده دين الله انرفع
ابدماهاب النوايب لوصفت گدامه
هذا صوت الامامه
هذا صوت الامامه
الشاعر حسن لعيبي الحريشاوي
لاستشهاد الإمام جعفر الصادق عليه السلام. (گعدية )
تشفي العليل وانته ملچوم.
مظلوم يابوالرحمه مظلوم
بوكت الصدگ حسره على الناس
صادق بقول وفعل وإحساس
مظلوم يابوالرحمه مظلوم
★★★★★★
قَدِّمَت لله حياتك. ماخفت من قدمتها
ولاخفت من لوم لايم. والمناهج ثبتتها
ماتجامل هذا طبعك. أشگد مواقف صادفتها
من الجهاله والخطر
أنقذت مولاي البشر
چن موسى من شگ البحر. الناس بيدك عَبْرَتَّهَا
حُكَّام عصرك گامت اتخاف
آلاف عندك درست آلاف
من مثلك ومن بيك ينقاس
صادق بقول وفعل وإحساس
مظلوم يابوالرحمه مظلوم
★★★★★
مرحله صعبه وخطيره صعبه ذيچ شلون فتره
بلاهدايه الناس تمشي . وحاير الإنسان بامره
جاهدت وبعزم ثابت. واسست بالعلم ثوره
شمختلف صاحب مدرسه
مانكر. ياهو الدرسه
كل الفضل محد نسه. الك ياصادق العتره
تصديت للشر مثل الحسين
ليفوگ رافع هامة الدين
معروف مثل البطل عباس
صادق بقول وفعل وإحساس
مظلوم يابوالرحمه مظلوم
★★★★★
ياامير العلم تدري. وتشهد بهذا المنابر
دون التاريخ علمك. خطت مداد المحابر
والنكَّر فضلك اتحَيَّر تظهر اگباله المصادر
محبوب مهيوب الذكر
فقه وتعاليم وفكر
ونطيت للناس شكثر. يلخذت كل المشاعر
يمعلم التوحيد معناه
ومعنى الاسلام وكل مزاياه
للدين تبقه دوم نبراس.
صادق بقول وفعل وإحساس
مظلوم يابوالرحمه مظلوم
★★★★★
تحت علمه نطوت كلها. وصار للكل مرجعيه
تشهد بفضله المذاهب. حنبليه وشافعيه
اسئلوني گال جعفر. مثل حماي الحميه
ماتظل شده ومعضله
جاوب على كل مسئله
كل العلوم تعود اله. من منابع احمديه
يفصل بشرحه حكم الآيات
وهذا الكتاب شبيه. غايات
معلوم يامن ثبت الساس
صادق بقول وفعل وإحساس
مظلوم يابوالرحمه مظلوم
الشاعر حسن لعيبي الحربشاوي
▪️قصيدة لطم في استشهاد الإمام الصادق عليه السلام
شيعةً إنَّا خُلِــقْنا في الأزَلْ
نتَــوَلَّى جَعْــفراً خَيْرَ العَمَلْ
ونُعـــادي منْ جـــحَدْ
(قُلْ هُوَ الدِّينُ الأحَدْ)
١/ما لِعيْشي ليسَ يهنا...وكِيَاني قَدْ تَغيَّرْ؟!
رُبَّما عُدْتُ لِأصْلْي...حيْثُ (ذَرٌّ) قَدْ تَوذَّرْ
يَوْمَها أشْهَدْتُ طٰه...وابْنَةَ الطُّهْرِ وحيْدرْ
عنْـدما قالَ إلٰهي...مَنْ تُوَالي؟ قلْتُ جَعْفرْ!
آهِ فالْيَــوْمَ بسُـــمٍّ قَدْ قضـــى
قُمْ وعَزِّ المصطفى والمُرتَضى
لَفَّـــهُمُ ثَـــوْبُ الكَـــمَدْ
(قُلْ هُوَ الدِّينُ الأحَدْ)
٢/كَيْفَ لا نبكي عَلَيْهِ؟!...وهْوَ للإيمانِ شَمْسُ
إنَّهُ نَفْــــسُ علــيٍّ...أَيْ لخَــيْرِ الخلْقِ نَفْــــسُ
(ثامِنٌ) تَحْتَ كِساءٍ...فَهُمُ (تِسْـــعٌ) و(خَمْسُ)
مَنْ يُـــواليهِ فَطُـــهْرٌ...مَنْ يُعــاديِهِ فَــرِجْسُ!!
(هلْ أتى) حُزْناً لَهُ سالتْ دَمَا
وأتتْ فيــــهِ تُـعـزِّي (إنَّـــــما)
روحُـــهَا وَهْوَ الجَسَدْ
(قُلْ هُوَ الدِّينُ الأحَدْ)
٣/عَنْ لسانِ الحَقِّ يُنْبِي...فيهِ قُرآنٌ تجسَّدْ
كمْ علومٍ عَنْهُ تُروى!...وَلَـــهُ الأعداءُ تَشْهَدْ
لَوْ (أذانُ العِلْمِ) يعلُو...لَبِــهِ العِلْمُ تشَهَّدْ
واحدٌ ليسَ سِوَاهُ...جعفَرٌ إبنُ مُحمَّدْ
وَلَـــــهُ الْيَــــوْمَ أذانٌ يرْتَــــفِعْ
قائلاً "حَيَّ على صَبِّ الدَّمِعْ"
بالأسى طاحَ العــمَدْ
(قُلْ هُوَ الدِّينُ الأحَدْ)
٤/خِلْتُهُ قَبْلَ التَّرَاقِي...قَالَ أُوصِيكُمْ وَصِيَّهْ
كُلَّما (شوَّالُ) وافَــى...حامِــلاً جُــرْحَ الرَّزيَّهْ
فاعقِدُوا"عَشْرَ الليالي"...لا بِإسْمِ "الجَعْفرِيَّه"
بل فَسَمُّوها لأجلي...بـ"اللَّيالي الزيْنبيَّهْ"
عاشَ كلَّ العُمْرِ يبكي زينبا
ويرى في عَيْنِهِ نارَ الخِــــبَا
خِدْرُها خِـــدرُ الصَّمْدْ
(قُلْ هُوَ الدِّينُ الأحَدْ)
٥/لَسْتُ أنساهُ يُناجِي...ربَّــهُ والدَّمْعُ سَاجِمْ
ربِّ إرْحمْ ،ربِّ وَفِّقْ...في الورى "أَهْلَ المآتِمْ"
بينَ مَنْ ينعى ويبكي...بَيْنَ رَادُودٍ ولاطِــمْ
كُلُّهُـــمْ نالوا دُعَاهُ...خادِمٌ في إثْرِ خادِمْ!
أَلْفُ طُوبَى للذي نالَ الدُّعا
فَــ(لسانُ اللهِ) فينا قَدْ دَعَا!
وبِـــذا نَيْــــلُ الــرَّغَدْ
(قُلْ هُوَ الدِّينُ الأحَدْ)
٦/أَيُّهَا النَّاصِبُ إعلَمْ...إنَّني إِبـْـنُ المنابِرْ
جعْفرٌ أصْلي وفصْلي...نَهْجهُ نَهْجُ الشَّعائرْ
عشْتُ لا أرضى سواهُ...دونَهُ أفدي المنــاحِرْ
إِنْ يكُـــنْ كُـــفْراً وَلاهُ...إنَّني واللهِ كافرْ!!
وغداً في الحـــشْرِ تعلو العارضَهْ
"مِنْ هُنا الفِرْدَوْسُ دارُ الــرافضهْ"
جعْفـــــريٌّ لــــــلأبدْ
(قُلْ هُوَ الدِّينُ الأحَدْ)
الشاعر علي عسيلي العاملي
#الامام_الصادق
#اللهم_عجل_لوليك_الفرج
قصيدة في إستشهاد الإمام الصادق عليه السلام ..
ــــــــــــــــــــــــــــــــــــــــــــــــــــــــــــــــــــــــــــــــ
حِزِن والام ودَمِع سَجّام
لَبو الكاظم لَبو الكاظم
ــــــــــــــــــــــــــــــــــــــــــــــــــــــــــــ
حِكمَة رَبنا كِل مؤمن
لا بُد يِبتِلي ويِصبِر
ولازم ينطِي ويضَحي
بكِل ما يِملِك ويِقدِر
ويِتحمّل ظُلُم دِنياه
ويِثبِت حَتّى لو تِفتَر
وبَس إيمانه وِخلاصَه
يِنِفعَه سَاعةِ المَحشَر
نَقيّ الثوب وِگع مَصيوب
بغَدُر ظالم لَبو الكاظم
ـــــــــــــــــــــــــــــــــــــــــــــــــــــــــــــــ
يا التسأل شنو الصّاير
ولِيشِ الدّنيا حَزنانه
كِلهه تِرتدي الأسود
ونَحيب الوادم أذّانه
بهَاليَوم ٱنفِجَع طٰه
وتِنعَه فاطمة ٱويانه
على الصادق حِزَن حيدر
ويِصيح بعَظمَة ٱلسانه
عِجيد الگوم ٱنچِتَل مَسموم
الحزن دايم لَبو الكاظم
ـــــــــــــــــــــــــــــــــــــــــــــــــــــــــ
عَاش بفَترَة الطّاغِي
وبِالجّور ٱنعِرَف حُكمَه
وكِل مُبغِض لَهَل طه
حاقِد سانِدَه بظُلمَه
وهاي الحَالة مَعروفة
عَليهَه دِأبَت الأمة
تِحَارِب كِل وَعِي وفكرة
شَرَف ما عِدهَه لا ذِمّة
يرفضونه يغدرونه
الجَهَل حاكم لَبو الكاظم
ـــــــــــــــــــــــــــــــــــــــــــــــــــــــ
الله بعونَه مِن عَاصَر
عَدوّ الله وعَدو دِينَه
حارَب كِل فِكِر فاسِد
وهَدّم كِل مَضامينَه
القِياس وزَندقَة وغَيرَه
وكَشّفهِن مَكامِينَه
گالَوا صادق العِترة
أفشَل كِل مَساعِينَه
العَدو حايِر أمُر صادِر
خَطَر قادم لَبو الكاظم
ـــــــــــــــــــــــــــــــــــــــــــــــــــــــــ
مِثِل ما حارُبوا جَدّه
علي حيدر أبو الحسنين
يِطُلبونه ٱبدُر ثارَات
وصِفّين وأُحُد وِحنين
قاطِع دابر النكثوا
واللي مُرقَوا من الدين
هَسّه ٱنعادَت الكرّة
بِالسّم تِنذبح طيبين
السّمَه ٱنفُطرَت بدَمع مُطرَت
بِچَى العالَم لَبو الكاظم
ـــــــــــــــــــــــــــــــــــــــــــــــــــــــــــ
بعَبرَة ٱجنازته ٱنشالَت
وتشييعه ٱنگلب مأتم
إبن طه انغِدَر يا حيف
ومَوتَه لِلعِدا مَغنَم
صَارت ثلمة بالإسلام
هِتكوا حُرمة المسلم
كِلهه تنادي واويلاه
طاحِ ٱبنِ النبي الأكرم
نَحيب ونوح يِفتّ الروح
الجِفِن هادِم لَبو الكاظم
ــــــــــــــــــــــــــــــــــــــــــــــــــــ
بقلم الأستاذ / ستار عذاب الحچّامي
نعي للامام الصادق
****
طلع نعش الحزن للصادق بهل يوم
والزهره تنادي وليدي يالمسموم
١
من شاهدت نعش الصادق ابدمعه
كعدت بالحزن بالفاجعه تنعه
يالصادق ييمه صوتي متسمعه
عليك بصوت اصيحن والگلب مالوم
٢
نعش الصادق المحمول بالحسره
وتمشي وي النعش بالآه والعبره
بالمدمع تنادي فاطمه الزهره
يوليدي ييمه والدمع مسجوم
٣
نيران النعش بالگلب لهابه
والزهره تصب دموع سچابه
اليوم الصادق ايودعونه احبابه
مهموم ويودع للگبر مهموم
٤
اليحب يمشي ابدمعته وي النعش مأجور
نعش الصادق المسموم والمغدور
نور من العرش هذا النعش بي نور
معروف الأمر للوادم ومعلوم
٥
طلع نعش الحزن هالليله بالمدمع
وبزود الخدم هذا النعش يطلع
هذا النعش هذا بالگبر ينفع
نعش الصادق الگضه العمر مظلوم
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
حال الامام الصادق عليه السلام في اخر لحظات حياته بين السم وذكره لمصيبة جده الحسين عليه السلام
ونه يتْعالى شنهي احواله
مِضْهِدَه السم ومرد دلاله (٢)
——-
الليله ابو الكاظم على افراش المنيه
ايوصي بوْصاياه واعيونه جريه
والله بس سم وصبر ماظل البه
اشحال جدي المنذبح بالغاضريه
ينعه إحسينه وهذَهْ اونينه
مدري جم مره اوصلت آجاله
مضهده السم ومرد دلاله
———
فجر مظلم وابحزن ينبض صباحه
ويّه كل ونه اله نسمع نياحه
ايعد تسمعيه والف جدي جراحه
امن السهام وجسمه قنفذ وي رماحه
امگطعه ابنينه وانظرت عينه
امذبحه الاولاد ويّ ارجاله
مضهده السم ومرد دلاله
——-
دمعته هلت ويتْعالى نحيبه
والله من گلناله ماي ولكْ نجيبه
جدي إسهام العطش رمحه يصيبه
ضا گ بسيوف الضما وشگد مصيبه
ابنينه بضْماها ودمها روّاها
انْذَبحت ابسيف الضما اطفاله
مضهده السم ومرد دلاله
———
باخر الانفاس جعفر جر ونينه
وهذا اخرةِ العمر ويّه سنينه
روحه بين احسين صارت والحنينه
حسين مات وللمخيم تربي عينه
نار شبوها ابقلبي وچّوها
رضّت الخيل الجسد واوصاله
مضهده السم ومرد دلاله
———
فارگ الروح وتوَجّر بينه جمره
حيل ما ظلّه وسمّه نهى عمره
اشحال عماتي يصيح ابيوم عشره
ويّ چتال العزيز ومشن اسره
انهى ونااته ابيسر عماته
وحالهن حمْل ويفوگ احماله
———-
#بنت_الشمري
٢٠٢٥
يون البقيع بهل مسيه ميت چبير الجعفريه
يادمعه سيلي رايح خليلي
****
حزنـانــه كــل الشيعه لجله بحيره
والــيله ظلمه مــن جفاهـــا الديره
وعـــل كــون كلـــه واظح بتئثيره
الصادق شعاع ونور يضوي الغيره
قدم حياته لجل دينه والباري مولانه يعينه
والهم يجيلي رايح خليلي
****
مـــن طـــبو الــداره ولهيب البيها
چــن كربـله مـــر بــلذكر طــاريها
تذكر يــتامـــه وشنهو مـــر عليها
بحرگ الخيم غايب صفه حاديها
اهناء بده كل الحزن والــمايــون هسه يون
دمعي بشليلي رايح خليلي
****
صــاحــو اليله يـروح منـه الهيبه
والناس كلهــا سولفت عــن طيبه
ابيض دليــله چــن بياض الشـيبه
للحگ امامــي مــن يــريد يجيبه
عانه شكثر من الظلم بجــروح دلالــه يلم
يــاعظم لـيلي رايح خليلي
****
اليله كلــشي مــات ويــه الغالي
وسمع ثغيب ونـــوح نص دلالي
وصياح بينه وصوت كلش عالي
واحدنــه لجلك دمـع عينه يلالي
يبدي الرثاء بكل ونينه وتلطملك بحرگه ادينه
لچمه بدليلي رايح خليلي
****
راح احچي عــنك يابخت دنيانه
تمنيت كـــونك هسه انــته ويانه
صبت دمع كـــل نــاسك الحزنانه
بــراضه عليه هيــل الترب دفانه
هذه الوگف لجل الدين مئصل وجده حسين
صيحت ويلي رايح خليلي
****
ابوحيدر الصبيحاوي
قصيدة سريعة
للامام الصادق عليه السلام
نصبوا عزه المسموم ... ذكروا مصابه
نصبوا عـزاه الـيوم .......ذكروا مصابه
حـيل الالم مـاذيـه ....... ذكروا مصابه
مسموم نوح اعليه .......ذكروا مصابه
مامش دوه يداويه .......ذكروا مصابه
جعفر الصادق والعدو ما هابه
المنصور من سماه .......ذكروا مصابه
حيل المـرض اذاه .......ذكروا مصابه
لم ناسـه كلها وياه .......ذكروا مصابه
بفرض الصلاه وصاها كل احبابه
المنبر ينوح عليه ........ذكروا مصابه
والدرس ظل ينعيه .....ذكروا مصابه
لعمامه ظلت بيه .........ذكروا مصابه
ون الكتاب وعلمه وي طلابه
لكاظم اجه الليله .......ذكروا مصابه
يـتولـه تـغسيلـه .......ذكروا مصابه
بدموع يـبچـيله .......ذكروا مصابه
والفقره والايتام صاحت يابه
وني اعله مولانا .......ذكروا مصابه
الصاحب ويانـه .......ذكروا مصابه
يبچي اعله مجانه ....ذكروا مصابه
ويصيح يا المسموم حرگوا بابه
حرگوا عليه الدار .......ذكروا مصابه
شبوا ا بيته النار .......ذكروا مصابه
يلمهدي نطلب ثار .......ذكروا مصابه
ونريد راياتك ترف بهيابه
ثارات للعطشان .......ذكروا مصابه
ظل دامي بالميدان ....ذكروا مصابه
تعلن الشيعه احزان .....ذكروا مصابه
طول الدهر يحسين اه يا مصابه
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف
بالعلم اصبح يبارز ظهرت ابچفه المعاجز
و المعالم عنده تظهر و اخذ من جعفر المصدر
**********
بِسم اله الواحدِ القهار مُظهِر قُدرته
خالقِ السادات الطُهر نور الرسول و عترته
كل واحد ابدوره انوجَد يعرف ابكامِل نهضته
جعفر الصادق بالعلم قُدسي و تجله ابهيبته
و امتلك كل السياده كوكب ايشع بالإراده
جوهري و کل ذاته جوهر و اخذ من جعفر المصدر
******
ثبت قوانين الشرع و الصادق ابعلمه ارتفع
و العصمه بعروگه سرت و ابهامته التاج انوضع
و السمه جرها ابیمنته معجزته ظهرت و اشصنع (۱)
معصوم کلشي ابطاعته و الکون یم شخصه خضع
اسم الأعظم شاله صدره بالمعالم يحوي عمره
عالکفر بعلومه سیطر و اخذ من جعفر المصدر
******
يعرف الطير و منطقه(۲) و الباري کلشي مکنه
جعفر الصادق مزدهر بالمعرفه و البينه
أسس بحوثات اشكثر محَد ابشخصه ايوازنه
و الحاربه ابأسفل درك يسلك و يجرع بالعنه
و الشرك بيده يقلعه ما گدر واحد یمنعه
کل صفاته مثل حیدر و اخذ من جعفر المصدر
******
و الجبل لجله ينحني(۳) ابچفه مفاتیح السمه
كل علِم كانَ و ما يكون رب الجلاله سلمه
جعفر الصادق بالإبه العَلي العالي وَسّمه
اُمه الزچیه فاطمه جده علي حامي الحمه
و الوحي ترجم بیانه بالمجد شامخ کیانه
بسمه جبرائیل کبر و اخذ من جعفر المصدر
******
من عگب ما علمه انتشر واگف جبل ضد الکفر
من بني العباس الهظم یحمل غصص ظل اشکثر
المنصور صار ابكل حقد ما اخذ اثر دور الشمر
ابهل حاله ابوالکاظم بقه ما عنده بس غیر الصبر
و الظُلم صَب انتقامه و انجهل حق الأمامه
ما يهمه الصادق الشر و اخذ من جعفر المصدر
******
لاچن اشد موقف صعب لمن علیه داره احترگ
و الصادق ادموعه جرت و اتساقطن مهوَه الورگ
و اتذکر امه فاطمه و اعلیها الباب انطبگ
و النار خنگت ریتَه ناح و عله الزهره شهگ
و انهدم ركن الشريعه چبدته صارت گطیعه
گلبه من السَم تفطر و اخذ من جعفر المصدر
******
لخادم الحسین علي فلاح الواسطي
۲۲شوال
۱۴۴۶هــ۲٠۲۵مــ
(۱)أبو جعفر محمد بن جرير الطبري: قال: حدّثنا عبد الله
قال: حدثنا عمارة بن زيد قال: حدثنا إبراهيم بن سعد
قال: قلت للصادق - عليه السلام -: أتقدر أنْ تمسك السماء بيدك ؟ فقال: لو شئت لحجبتها عنك! فقلت: إفعل، قال: فرأيته قد جرّها كما يجرّ الدابة بعنانها؛ واسودّت وانكسفت وذلك بعين أهل المدينة كلّهم حتى ردّها
مدینة المعاجز ج ۵ ص ۲۱۶
دلائل الأمامه ص ۱۱۳
(۲)محمد بن الحسن الصفار: عن أحمد بن محمد، عن الحسن بن عليّ بن فضّال، عن ثعلبة، عن سالم مولى أبان بيّاع الزطّي قال:
كُنّا في حائط لأبي عبد الله . عليه السلام - (معه)
ونفرّ معي، قال: فصاحتْ
العصافير فقال: أتدري ما تقول ؟
فقلنا: جعلنا اللّٰه فداك لاندري (والله) ما تقول، قال: تقول: اللّهمّ
إنا خلق من خلقك لابدّ لنا من رزقك فاطعمنا واسقنا
بصائر الدرجات ۴۱۳/ح ۲۰
(۳)ثاقب المناقب: عن عبد الرحمان بن الحجّاج قال: كنت مع أبي عبد الله - علیه السلام- بين مكّة والمدينة وهو على بغلة وأنا على حمار وليس معنا أحد، فقلت: يا سيّدي، ما يجب من عظّم حقّ الإمام
فقال: يا عبد الرحمان، لو قال لهذا الجبل سر لسار، فنظرت
والله إلى الجبل يسير فنظر والله إليه فقال: والله إنّي لم أعنك،
مدینة المعاجز ج ۵ ص ۳۹
شهادة الإمام الصادق ع...
منهجك من علي للفضائل ولي
يا رحمة الخالق ياجعفر الصادق
┈┉━ ❀ ❀ ❥ ❃ ❀ ❃ ❥ ❀ ❀ ━┅┄
قولك القول الفصل،،يمه كل شك ما يصل،،يبن النبوه
ما حچيت ابعاطفه،،،كل كلامك معرفه،واعلوم تروه
يا شبل حامي الحمه،،،والوديعه فاطمه،،للدنيه قدوه
كل بشر بيك اقتدى،،لله سبحانه اهتدى،،والجنه مثوه
منبرك مدرسه ما فرغ مجلسه
دومك جبل شاهق ياجعفر الصادق
┈┉━ ❀ ❀ ❥ ❃ ❀ ❃ ❥ ❀ ❀ ━┅┄
انته كلماتك درر،،كل حديثك معتبر،، منهج رسالي
منهجك خرّج زلم،،منهم ايفيض العلم،،والصيت عالي
املوحه ذكرك للحچي،،والعلى اسمك منتچي،،ابشي ما يبالي
يا امام الرافضه،، البمرضاتك حضه،، عند الله غالي
سيرتك مي عذب لا رياء لا چذب
يا ملهم العاشق يا جعفر الصادق
┈┉━ ❀ ❀ ❥ ❃ ❀ ❃ ❥ ❀ ❀ ━┅┄
انت ابو الگلب السمح،،يالموالاتك ربح،، ما هي خساره
بيك يابو الغانمه،،،التقرّب للسمه،،، نال الصداره
يالتنجّي شيعتك،، بالقيامه امحبتّك،، يبن الغياره
الجعفري الشيعي الإسم،،بالحشر چفه دسم،،والجنه داره
الواله شخصك عبر واليضدك خسر
وامحبتك الفارق يا جعفر الصادق
┈┉━ ❀ ❀ ❥ ❃ ❀ ❃ ❥ ❀ ❀ ━┅┄
علمتنه هالغرظ،،اليريد ابراسه حظ،، يحضر مجالس
اليبچي لحسين السبط،،من الملايك ينغبط،،ماله منافس
حسين تنصب مأتمه،، على كلشي اتقدمه،، الروحك يلامس
تبچي وادموعك تهل،،المجلسه شوگك مثل،،شوگ النوارس
مجلسك ما وگف كل مسا تنعى طف
ابلهفة محب شائق يا جعفر الصادق
┈┉━ ❀ ❀ ❥ ❃ ❀ ❃ ❥ ❀ ❀ ━┅┄
وتالي من دهر المحن،،مثل امك والحسن،،مالك مناره
وسفه ابن طه النبي،،تمتد ايد الناصبي،،وتهدم مزاره
يا ابن اطهر حجج،،يمته للمهدي الفرج،،وايسل فقاره
يگطع اچفوف الظلم،،والبقيع المنحرم،،يعمر دياره
تنتهي غربته وتنبني گبته
يمته السما اتوافق يا جعفر الصادق
┈┉━ ❀ ❀ ❥ ❃ ❀ ❃ ❥ ❀ ❀ ━┅┄
✍️الخادم فراس موحان الساعدي
ونو عل صادق وحضروالفاتحه
وخلو ابكل صوب مجلس نايحه
......................
ونو للشيد الدين وهيبته
خل نشيله وخل نشيع اجنازته
لبست الدنيا حزن من فگدته
واله تنعه بالدموع الجارحه
.......................................
اليوم ركن الدين طاح وينهدم
شال بحر الطيب والعفه وعلم
هذا صادق دينه ونعم الاسم
لولا چفه ولا شريعه الواضحه
.........................
انته ياسادس ايمتنه الحجج
وانته فاز اليمشي وياك ابنهج
موتك املوع الاگلوب ويالمهج
اسوار دين الله ابغيابك طايحه
.............................
رادو ايطفون صوتك والفكر
همه ماتو وانته عايش للحشر
اتشرف ابجسمك يمولاي الگبر
الدنيا خسرت والجنان الرابحه
..............................
حزنت الدنيا وعليك اتهل دموع
وبچه الدين واصله وتنوع الفروع
حسين لمصابك بجه وكض الضلوع
وعين ابو فاضل عليك الشابحه
.............................
اليوم لجلك فاطمه تبجي وتصيح
مره توكف مره الاتكوم وتطيح
للحسين اتعنت الوسط الضريح
اتگول ابني السمه ابد ماسامحه
خادم اهل البيت علي الزرگاني
موشح لسان حال الامام الصادق (ع)
بيدي اطفي النار وتهل دمعتي
تذكرت نار الخيام وعمتي
____
أضرم المنصور نيران الحـقد
بداري،(وابن الثرى) ونسل المجد
تفر من كتر لكتر لعيالي أصد
تذكرت حرگ الخيم يا شيعتي
______
آنه ابن المصطفى وحامي الدخيل
ما تمسني النار و آنه ابن الخليل
مو على داري دمعتي من تسيل
لجل زينب والحراير عبرتي
__
الگوم حين بنارها لداري اعتنت
وصلت ( الدهليز ) وعيالي اصرخت
كل كتر بيَّ الحمية تشرعبت
هاشمي وبصدري تلهب غيرتي
____
آنه بين عيالي بيَّ من انتخت
عيال ابو السجاد بيمن حشمت ؟!
من بعد عزها الحرم تالي انولت
تخليت ركضتهم انا بركضتي
___
يعينها الله ام الخدر يوم الطفوف
مره ، وبين خيول ورماح وسيوف
يا جرح تحتار لو رادت تروف
واعله ونتها دمعتي اونتي
___
شما تمر بينا مصيبة ومعضلة
نذكر شصار اعله اهلنه بكربلة
نبجي للچانت اميره مدللـه
تنسبي عگب الخدر يا حسرتي
__
خادم اهل البيت ع
الشاعر عبد العظيم احمد الابراهيمي
أعمن يل نواظر _ الليله راح الوالد البر الحنيـن
أعمن يل نواظر .. راح الـمعلمنه نبچي للحسين
_______
راح خيمتنه الچبيره يا عيوني ابچي عليه
راح ابونه الچان حتى جبرئيل ايبوس أديه
العلمانه اعله الشعائر . الناعي الماله شبيه
الوالد الطيب العالم الوفي المعصوم الفقيه
لاستاذ الشعاير ..انعي هل ليله نعي فاگد حزين
أعمن يل نواظر .. راح الـمعلمنه نبچي للحسين
_______
شايل الطف اعله گلبك والسبي ونار الخيم
العمر خلص وانت لايج مثل واحد بي سهم
لا تهنه ابنوم جفنك والفرح عندك وهم
زينب ابزينب جبتها اسوالفك كلهن ألم
گلبك دومه فاير .. ما برد ساعه ولا عاف الانين
أعمن يل نواظر .. راح الـمعلمنه نبچي للحسين
_______
الليله كل طاهر ولاده امگابل المنبر يون
اوشيعتك مولاي عگبك جسد ينخر بي حزن
منهو اليطيب جرحها او ياهو اعليها يحن
احسين مو گادر تعوفه ؟ الليله يمه تستچن ؟
بالدمعه تسافر .. ماخذ ابگلبك غصص مالت سنين
أعمن يل نواظر .. راح الـمعلمنه نبچي للحسين
_______
رايح اعله احسين واحنه گلوبنه ضل تحترگ
أهنا يل معلمنه نبچي لبو اليمه من صدگ
يا گلب شايلنه كلنا چن سفينه امن العشگ
ويلي يا جعفر الصادق امسه گلبك مايدگ
داسنه الحوافر .. مدري ذاب اويه العطاشه الحايرين
أعمن يل نواظر .. راح الـمعلمنه نبچي للحسين
_______
سيدي ومولاي عذرا ردت أنشد عن أمر
يا ألم فتت چبدتك وانختم منه العمر
موتك سم الضغينه ؟ لو ألم سبي الخدر
جمر بيتك . لو خيمهن ؟ چوه گلبك ياجمر
ضل دلالي حاير .. وآنه ضن الموتك شمر اللعين
أعمن يل نواظر .. راح الـمعلمنه نبچي للحسين
_______
اعذرنا عن هاذه التساؤل خافن ايهيج الوجع
اوداعة الله يا أمامي نام وانسه هل جزع
وسلم النه اعله بو سكنه گله وشلنه الدمع
ما بقه معصوم ألنه او لا وطن بي ننجمع
كل يوميه عاشر .. لحد ما يضهر ولينه المدري وين
أعمن يل نواظر .. راح الـمعلمنه نبچي للحسين
_______
ابو فاطمة الطائي
نعي لسان حال الامام الكاظم عليه السلام
ينعى ابيه الامام جعفر الصادق عليه السلام
ينوح الكاظم ابوَنَّه خفيه
ويتذكر الايام الزهيه
يبويه يگول هدتني الرزيه
ونوايا البين بعدك گصت بيه
ضاگت دنيتي الوسعه عليه
اجت تنشد عليك الجعفريه
لگوها الدار من شخصك خليه
شگلهم يلرحت مابعد جيه
ولفت ياسلوتي أعليك المنيه
لحد الموت نيراني سريه
وحزن چتال كل صبح ومسيه
الشاعر حسن لعيبي الحريشاوي
لاستشهاد الامام جعفر الصادق عليه السلام
(وزن شيعتي)
يبن خير الانبياء انته مدرسة العطاء
سيدي جعفر الصادق
★★★★★
المنهج الفكري واساسه وكل مضامين العقيده
اتراجعت عنه المذاهب مذهب الطلعه الرشيده
والمناهج خبر صارت عن نهج طه بعيده
وهذا نهجك من محمد ورايد ال الله يريده
والأصل من كربلاء انته مدرسة العطاء
سيدي جعفر الصادق
★★★★★
عجزت اعلام المذاهب تشهد اعليها المواقف
تحچي عن منطق وحكمه ويلحچي غيرك سوالف
أول وماغيرك أول قدت ميدان المعارف
عشت بانفاس أحمديه الك مَيَّالَه العواطف
وللعلم رافع لواء انته مدرسة العطاء
سيدي جعفر الصادق
★★★★★
جعفر الصادق أمامي ياامام الجعفريه
ياغياث الدين انته وحجة الله على البريه
اتحملت زمره لئيمه تريد حكم الجاهليه
رادوا ايزيحون عنهم نور من حامي الحميه
رغم كل هذا العداء انته مدرسة العطاء
سيدي جعفر الصادق
★★★★★
تسع مرات المنافق حاول أيذَبَّل او رودك
من خطر اصبح عليهم يا ابوالكاظم وجودك
غاضهم علمك الزاهر وفكرك وكثرة سجودك
صار اسمك رعب إلهم حيَّر الظالم خلودك
قدمت روحك فداء انته مدرسة العطاء
سيدي جعفر الصادق
★★★★★
مره يتجسس بغفله الظالم أيدَوَّر أخبارك
ومره يرسلك مجادل مافهم حجة اسرارك
ومره يختبرك ابماله وماعرف قوة قرارك
ومره لمن عجز عنك شعل بالنيران دارك
وأبد ماهزك بلاء انته مدرسة العطاء
سيدي جعفر الصادق
الشاعر حسن لعيبي الحريشاوي
نعي لسان حال الامام الكاظم عليه السلام
ينعى ابيه الامام جعفر الصادق عليه السلام
ينوح الكاظم ابوَنَّه خفيه
ويتذكر الايام الزهيه
يبويه يگول هدتني الرزيه
ونوايا البين بعدك گصت بيه
ضاگت دنيتي الوسعه عليه
اجت تنشد عليك الجعفريه
لگوها الدار من شخصك خليه
شگلهم يلرحت مابعد جيه
ولفت ياسلوتي أعليك المنيه
لحد الموت نيراني سريه
وحزن چتال كل صبح ومسيه
الشاعر حسن لعيبي الحريشاوي
لاستشهاد الامام جعفر الصادق عليه السلام
(وزن شيعتي)
يبن خير الانبياء انته مدرسة العطاء
سيدي جعفر الصادق
★★★★★
المنهج الفكري واساسه وكل مضامين العقيده
اتراجعت عنه المذاهب مذهب الطلعه الرشيده
والمناهج خبر صارت عن نهج طه بعيده
وهذا نهجك من محمد ورايد ال الله يريده
والأصل من كربلاء انته مدرسة العطاء
سيدي جعفر الصادق
★★★★★
عجزت اعلام المذاهب تشهد اعليها المواقف
تحچي عن منطق وحكمه ويلحچي غيرك سوالف
أول وماغيرك أول قدت ميدان المعارف
عشت بانفاس أحمديه الك مَيَّالَه العواطف
وللعلم رافع لواء انته مدرسة العطاء
سيدي جعفر الصادق
★★★★★
جعفر الصادق أمامي ياامام الجعفريه
ياغياث الدين انته وحجة الله على البريه
اتحملت زمره لئيمه تريد حكم الجاهليه
رادوا ايزيحون عنهم نور من حامي الحميه
رغم كل هذا العداء انته مدرسة العطاء
سيدي جعفر الصادق
★★★★★
تسع مرات المنافق حاول أيذَبَّل او رودك
من خطر اصبح عليهم يا ابوالكاظم وجودك
غاضهم علمك الزاهر وفكرك وكثرة سجودك
صار اسمك رعب إلهم حيَّر الظالم خلودك
قدمت روحك فداء انته مدرسة العطاء
سيدي جعفر الصادق
★★★★★
مره يتجسس بغفله الظالم أيدَوَّر أخبارك
ومره يرسلك مجادل مافهم حجة اسرارك
ومره يختبرك ابماله وماعرف قوة قرارك
ومره لمن عجز عنك شعل بالنيران دارك
وأبد ماهزك بلاء انته مدرسة العطاء
سيدي جعفر الصادق
الشاعر حسن لعيبي الحريشاوي
قصيدة في استشهاد الإمام الصادق عليه السلام .
ـــــــــــــــــــــــــــــــــــــــــــــــــــــــــــــــ
حِزني گرّب ....... والدّمع حِزني گرّب
مِن تِصَوّب ........ سيدي مِن تِصَوّب
أجري دمعي
وأحني ضلعي
لإمامِ الصادقين
ــــــــــــــــــــــــــــــــــــــــــــــــــــــــــ
هاجت الأحزان بيه وأشعر بگلبي ٱنعصر
ونظر آفاق لسِمانه حمرة وي مَدّ البصر
لا هِي أيام بمحرم لا هِي أيام بصُفر
أنظر الدنيا كئيبة ولبست ثياب الكِدر
يا مصيبة ....... گرّبت يا مصيبة
ويا رتيبة ...... بَيّنت يا رتيبة
مِن جراحه
بالمناحة
گلبي يصرخ بالأنين
أجري دمعي
وأحني ضلعي
لِإمام الصادقين
ــــــــــــــــــــــــــــــــــــــــــــــــــــــــــــ
هذا ابن طه الرسول وهذا كنز المعرفه
هذا تاريخ المفاخر يا صفات اتوصّفه
هذا ابو القامة البهيّة بگعدته يوزّع دِفه
تخَضّر الگاع بمشيته ورابي بحضان الوفه
كل كلامه ........ مُعتَمَد كل كلامه
ببتسامة ......... يبتِدي ببتسامة
بي مهابة
بإنتسابه
للنبي الهادي الأمين
أجري دمعي
وأحني ضلعي
لإمامِ الصادقين
ـــــــــــــــــــــــــــــــــــــــــــــــــــــــــــ
حارَب انواع الضلالة والبِدَع والإنحراف
واجه أصحاب القياس بفِطنته وبإحتراف
وفَنّد أفكار التزندق عالفِتَن سوه التفاف
اجتاز أصحابه بفترته قهرِ السنين العجاف
بالعبادة ........ مِنعُرُف بالعبادة
بالزهادة ....... مِنوصُف بالزهادة
بالأصالة
بي دلالة
من أمير المؤمنين
أجري دمعي
وأحني ضلعي
لإمامِ الصادقين
ــــــــــــــــــــــــــــــــــــــــــــــــــــــــــــ
أقسى لحظات بحياته لَمّن يقيم العزاء
ويذكر حسين ومصابه ومحنته بذاك البلاء
وروحه تطلع لو ذكرهه العيلة فرّت بالعَراء
وينعى بالطور العراقي آ يعملة كربلاء
أبقى أنعه ....... كربله أبقى أنعه
سِم أجرعه ....... بالألم سِم أجرعه
يا إمامي
المات ظامي
آه يا جدي الحسين
أجري دمعي
وأحني ضلعي
لإمامِ الصادقين
ــــــــــــــــــــــــــــــــــــــــــــــــــــــــــــ
ما نطق بس بالحقائق داره مرتع للعلوم
وبالفقه حاز الريادة وعارف بعلم النجوم
گامت أشباح التآمر والخيانة اعليه تحوم
واللي ما يگدر يواجه يلجأ لغدر السموم
واستغلهه ......... فرصته وٱستغلهه
وخططلهه ........ چتلته وخططلهه
مِن تِجرّع
إبن الٱنزع
لِسمومِ الحاقدين
أجري دمعي
وأحني ضلعي
لإمامِ الصادقين
ــــــــــــــــــــــــــــــــــــــــــــ
بقلم الأستاذ /ستار عذاب الحچامي
قصيدة في شهادة الإمام الصادق عليه السلام .
مِن قصائد المُلَمّع
ـــــــــــــــــــــــــــــــــــــــــــــــــــــــــــــــ
أُرجِعَتْ لِلباري نَفسٌ رَاضِيَة
باغَتوها بالسمومِ القاضِيَة
وَالسّمَا حُزناً تَقولْ
ماتَ شِبلٌ لِلرّسولْ
باغَتوها بالسمومِ القاضِيَة
ـــــــــــــــــــــــــــــــــــــــــــــــــــــــــــــــ
بالألَم ناحِ الكِتاب
والگلُب بَحزَانَه ذَاب
والشّمِس تِنزِف دِمَه بذيچ المِسِيّة
الليلة مَفجوعة العِباد
وأعلِنَت يَومِ الحِداد
تنادي وَاوَيلاه كِل هاي البَرِِيّة
بالأسَى الأنهارُ تِبكي والجِبال
أمطَرَتْ بالدّمعِ أفواهُ الثّقَال
لاحَ صَوتٌ في السُّهولْ
ماتَ شِبلٌ للرسولْ
باغَتوها بالسمومِ القاضِيَة
ـــــــــــــــــــــــــــــــــــــــــــــــــــــــــــــــ
هذا مَنجَم لِلعِلِم
والتّواضُع والحِلِم
مَنبَع الطيب ٱعلَى حُب أحمد يِحِبُّوه
هذا عِنوان العَدِل
ناصِع وطاهِر أصِل
بالأمانة والكَرَم صادِق يِلَقبوه
كانَ في الناسِ رَشيداً هادِيَا
في صَلاحِ الشأنِ دَوماً سَاعِيَا
جَدُّهُ فَحلُ الفُحولْ
ماتَ شِبلٌ لِلرّسولْ
باغَتوها بالسمومِ القاضِيَة
ـــــــــــــــــــــــــــــــــــــــــــــــــــــــــــــــ
خَصّه خَلّاق السّماء
بالوَفاء وبالحَياء
وبِيتَه قِبلَة مَعرِفة وديوانه حَوزَة
بوَجهَه سِيماء الخَجَل
وفَنّد أنواع الدّجَل
يِمشي مَمشَه المُصطفى والكِل يِمَيزَه
أقبَلَتْ أنوارُهُ إنْ أقبَلا
وسَنَاهُ لِلشموسِ أخجَلا
كَفُّهُ مأوَى السُّؤول
ماتَ شِبلٌ لِلرّسولْ
باغَتوها بالسمومِ القاضِيَة
ـــــــــــــــــــــــــــــــــــــــــــــــــــــــــــــــ
بالعلوم الناطقة
حارَب أهل الزندقة
وَضّح أخطاء القِياس ونَقّى الٱفكار
عِندَه أعظم مدرسَة
والأصول الأسّسَه
مِن ضَعيف المعرفة ما يِقبل أعذار
حازَعِلماً في أعاجيبِ الفَضاء
كانَ طَوداً وارِثاً للأنبياء
كانَ غَيثاً في المُحولْ
ماتَ شِبلٌ لِلرّسولْ
باغَتوها بالسمومِ القاضِيَة
ـــــــــــــــــــــــــــــــــــــــــــــــــــــــــــــــ
ظَلّت أصحابِ الحِقِد
مِن حُسامَه تِرتعِد
باللّيالي الظلمة تِنحاك الدسائِس
شافَوا الصادق خَطَر
ومِنّه مَيفِيد الحَذَر
والصّخَر ما يِلحَگ الدُّر والنّفائِس
فٱستَقَرَّ الرّأيُ يُسقَى بالسُّموم
فَهَوَى فَوقَ الثّرَى نَجمُ النجوم
فٱعتَرَى الوَردَ الذّبولْ
ماتَ شِبلٌ لِلرّسولْ
باغَتوها بالسمومِ القاضِيَة
ـــــــــــــــــــــــــــــــــــــــــــــــــــــــــــــــ
بچَتلِتَه الدّين ٱنصِدَع
والعَدِل مَال ووگَع
والعقيدة ٱنفِجعَت بهاي المُصيبة
والشّرِع صَاح بألَم
العِلِم رُكنَه ٱنهِدَم
ولِلسماء السابعة يوصَل نَحِيبَه
تِلكَ آياتُ الكِتابِ البَيّناتْ
نادِباتٌ ناعِياتٌ باكِياتْ
بالأسى تَنعَى البَتولْ
ماتَ شِبلٌ لِلرّسولْ
باغَتوها بالسمومِ القاضِيَة
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
لاستشهاد الامام الصادق عليه السلام
الليله جعفر وسدوه اترابه
عازوا امه الطاهره بمْصابه
——-
عازو امه الطاهره عازوها
اجنازة جعفر هلمسا شيعوها
والعزيه شيعته قيموها
مات بسْموم الحقد يَحبابه
———-
الليله الساده عليه متكدرين
تنعه امه الطاهره واتجر ونين
جعفر الليله انذبح يمسلمين
وهو باب الله الوصي وحجابه
————
شيخ هالسادات واروه الثره
تمشي خلف اجنازته امكبره
ابلا عمايم روسها امحسِره
وابجلاله شيّعوه وامهابه
——
شيعوه ابهمه بس جده الذبيح
اخته بين اجناب ماتقدر تصيح
مربطه عالنوگ من تعثر تطيح
احسين ما يبره ابد يَاصوابه
——
بكل عزه امه تنادي املوعه
جِثْتَه فوگ ارمال ليش امگطعه
بالعطش والسيف والسم مصرعه
ماكفاهم سلّبوه اثيابه
——-
#بنت_الشمري
٢٠٢٥
#ثكيل_للأمام_الصادق عليه السلام
حلم..ركعتين الزياره بصحنك العامر
حلم..صحنك بي لشبه لحسين بالعاشر
شما توكف اتطيح المناره
والشيعه محرومه الزياره
يا جعفر الصادق..يا جعفر الصادق..
_
المريض يسافر..لطبيبه ويحصل دوه
ومريضك انه..ولزيارتك كلبي هوه
علك عازلك..بس وين اشده من اجي
واباوع كبرك..وي الترب صاير سوه
ولو زرتك صدك مولاي..خجلان اكعد بكترك
فشله اكبور اهالينه..صارت اعلى من گبرك
حلم..من نفسي اللئيمة اشكي بعتابك
حلم..اخذ صوغه لامي امزوره ابابك
گبور اهلي اعلى شكد جساره
والشيعه محرومه الزياره
__
لنفرض جيتك..وارسملي گبه اعللترب
الهوه يخربهه..اوي ال النبي كلشي حِرب
الزياره اقراهه..يم يا حجر من الكبر
وشدك واستأذن..وكل باب الك ماكو امن اطب
محد قدر النعمه..النعمه بجفنا واتبدت
بوب التوبة تفحلي..بوب الصحنك انهدت
حلم..وحلم ازيارتك سيدي يبجيني
حلم..اصد لمع القباب وتنترس عيني
لبگلبه جمره اتعيشه ناره
والشيعه محرومه الزياره
_
من اطب للمجلس..يالصادق بدمعي انكسر
مكاني شكبره..وما عندك لصحنك كتر
الفضل من عندك..من كمت اجي لمجلس
واشكرك حاير..وكل شكري يحتاج لشكر
بفضلك عندي صاير بيت..وصحنك بالترب صاير
يالمعلمني ازور حسين ..ما يمك ولا زاير
حلم..شلون الناصبي يحرس على حدودك
حلم..وين الجعفرية ووينها جندوك
كلب اليحب وينه قراره
والشيعه محرومه الزياره
__
الوصال يدور..عاشك يضحي بكل وكت
ورقية الشاهد..حبت وماتت عالطشت
ردت دعوتهه..تدعيلي ما اضيع فرص
اذا اوصلك..ما ريد ارد نفس الرحت
فرق ازياره المرتاح..عن ازيارة العاشق
وملهوفه تجي الزهراء..تزور بجعفر الصادق
حلم..قبل لا احلم بسجده على عتابك
حلم..كون احلم شلون ابني أنه ابابك
بنيانكم حلم الغياره
والشيعه محرومة الزياره
_
بوجاهت امك..من الله نطلب هالطلب
البقيع نطبله..عماله ونشيّد الگبب
اذا شاء الله..وصار البناء بحضرتك
العطش من عدنه..ماي امن ابوصالح شرب
طلب لو بينه ذره حب..يصير ومرقدك يشهد
الحب يخلق معاجز كون..ونريد اعجازنه الغرقد
صدك..ما ريد الحلم واقع اريدنه
صدك..ما ضل شي بناء الصحن مطلبنه
والحلم يتحقق مساره
والشيعه محرومه الزياره
مصطفى صادق اللامي
عاش بظلم مولانه الصادق چثيره احزانه
مولانه يامولانه
***
عاش الظلم من الزغر وتحزم ابكـل الصبر
الدينه ناذر هل العمر وخله العده حيرانه
مولانه يامولانه
****
شايل اهموم بلا عدد امخاوي الموت اوعد
بسنينه الغالي زهد وينتگ وفـــه شريانه
مولانه يامولانه
****
من كــل كتر ياذونه كــل هذه ويلومونه
لن من علي يعادونه يرهب صفه عنوانه
مولانه يامولانه
****
عادو مثل جده وهله يدرونه للقمه اعتله
خافو يرد طف كربله ويرد بخت ميدانه
مولانه يامولانه
****
ايامه بس نوح والم دلاله كل ساعه نثلم
العادوه منهم مـاسلم والله قبــل قــربـانه
مولانه يامولانه
****
ناده المنيه من دنت من صاحها يمه نحنت
شافته وبي هم امنت اوصت عليه دفانه
مولانه يامولانه
****
ابوحيدر الصبيحاوي
ما انسه حاشه اهل العطاشه
و ابوادي الطفوف مشهوره السيوف
*****
انه الصادق عشت حسره ابأثر حسره
و الفاگد عشیره یتضح سره
یعیش ابهمه ما ینفع بعد صبره
و ادموعه تفضحه و عبرته ابصدره
و انه المثلي ضحايه اهلي عالغبره
کل واحد اشوفه منگطع نحره
ذیچ العساکر گطعت مناحر
دلالي ملهوف مشهوره السيوف
******
صور طف کربله ترسمها دمعاتي
آه یحسین اقره ابکل بدایاتي
کل طعنات جسمه عایشه ابذاتي
اعله هالحاله تظل تخگني عبراتي
و الخلاني ابچي و تعله وناتي
عله الهزل خذو یا وسفه عماتي
راحن سبایه عگب الحمایه
صفجن بالچفوف مشهوره السیوف
*******
یومیه عُيوني تهمل المدمع
انه الصادق مآسي ابروحي تتطلع
اشوف اجيوش كلها اعله الخيم تفزع
علي الأكبر صريع ابخطة المصرع
جسم جسام بسيوف العده امبضع
عمي اعله الشريعه طايح امگطع
حرگو خیمهم ذبحو زلمهم
و اعلیهم اتطوف مشهوره السیوف
*******
مهد خالي و تناغي بالألم اُمه
عبدالله الطفل ظل سابح ابدمه
راسه اعله الرمح ريح الصبه ايلچمه
شنو ذنبه ابسهم یذبح ضوه النجمه
فوگ الناگه اُمه صورته اترسمه
ميخلوها راسه اتحظنه و اتشمه
أبهاي الفجيعه ذبحو ربيعه
و اعیوني شتشوف مشهوره السیوف
*******
جدي حسين من دمه العده رووه
من كل الجوانب بالحجر صابوه
حته اثياب جسمه بالذبح سلبوه
و ابگلبه الرمح یاویلي من طعنوه
عشر خیاله چانت عالرمل سحگوه
عمت عیني علیه من الگفه ذبحوه
عالغبره طایح ظل دمه سایح
ظل بدره مخسوف مشهوره السیوف
******
انه الصادق عشت کل عمري بس بالهَم
من سَم العده ما راح انه اسلَم
بني العباس ظلمتني و جرعت السَم
أشوف الموت يمي و الأجل خيَم
بعيوني طفح هاذه المسه زمزم
چبدي بالحقد یاحسرتي اتخذم
دمعاتي تجري حفرولي گبري
و ابحزني معروف مشهوره السیوف
*******
لخادم الحسین علي فلاح الواسطي
۲۱شوال
۱۴۴۶هــ۲٠۲۵مــ
قصائد استشهاد الامام الصادق ع..
جعفري،،،،،كاتبها بالمنحر
جعفري،،،،،وبهالاسم أفخر
ـــــــــــــــــ❀•▣•▣•❀ـــــــــــــــــــ
صاحت الانفاس...آنا بين الناس...ما اطخ الراس...جعفري انتسابي
خلهم ايگولون...هالبشر مجنون...جعفري المضمون...وآمن ابحسابي
بالحشر هالناس كلها اتعيش بالحسره
وآنا تاخذ بيدي باجر فاطمه الزهره
وام حسن،،،،،،،تشفعلي بالمحشر
جعفري،،،،،،،،،،وبهالاسم افخر
ـــــــــــــــــ❀•▣•▣•❀ـــــــــــــــــــ
دوم اصيح ابصوت...ما اهاب الموت...بالگلب منحوت...صادقي ولائي
جعفري وما هاب...وابقى ليث الغاب...عندي داحي الباب...يجري وي دمائي
هذا آنا آخر كلامي تزعل اتوافق
لآخر انفاسي امامي جعفر الصادق
كل وكت،،،،،ما اركع الكل شر
جعفري،،،،،،،،،وبهالاسم افخر
ـــــــــــــــــ❀•▣•▣•❀ـــــــــــــــــــ
عندي ثابت راي...انت بس مولاي...وعلى هاي ارباي...من بدء حياتي
ما اعوفك كون...ينگلب هالكون...عندي هالمضمون...ثابت المماتي
حتى لو مجنون گالوا ابقى بجنوني
بيك اذوب وما يهمون اليعادوني
هالاسم،،،،،،،خلاني حيل اكبر
جعفري،،،،،،،،وبهالإسم افخر
ـــــــــــــــــ❀•▣•▣•❀ـــــــــــــــــــ
علمني مولاي...اشما شربت الماي...حسين اذكره ابهاي...والدمع اسيله
اذكر السحگوه...ومنحره گطعوه...من العذب حرموه...واذكر العقيله
علماني انعه الحسين واهمل الدمعه
وتحضر وياي ابعزاءه فاطمه البضعه
وما امل،،،،،،،،،،،من خدمة المنبر
جعفري،،،،،،،،،،،،،وبهالاسم افخر
ـــــــــــــــــ❀•▣•▣•❀ـــــــــــــــــــ
اوصيّة المسموم...كل ما يمر يوم...اذكر المضلوم...واسهر الليالي
ادموعك اعلى حسين...يمي اضمهن دين...بالحشر كل عين...تبچي لا تبالي
يالگظيت ايام عمرك تبجي عالمنحر
احنا الك باجر نجي وانعبرك المحشر
موقفي،،،،،،،ثابت ميتغير
جعفري،،،،،،،وبهالاسم افخر
ـــــــــــــــــ❀•▣•▣•❀ـــــــــــــــــــ
✍️الخادم فراس موحان الساعدي
موشح لسان حال الامام الصادق (ع)
بيدي اطفي النار وتهل دمعتي
تذكرت نار الخيام وعمتي
____
أضرم المنصور نيران الحـقد
بداري،(وابن الثرى) ونسل المجد
تفر من كتر لكتر لعيالي أصد
تذكرت حرگ الخيم يا شيعتي
______
آنه ابن المصطفى وحامي الدخيل
ما تمسني النار و آنه ابن الخليل
مو على داري دمعتي من تسيل
لجل زينب والحراير عبرتي
__
الگوم حين بنارها لداري اعتنت
وصلت ( الدهليز ) وعيالي اصرخت
كل كتر بيَّ الحمية تشرعبت
هاشمي وبصدري تلهب غيرتي
____
آنه بين عيالي بيَّ من انتخت
عيال ابو السجاد بيمن حشمت ؟!
من بعد عزها الحرم تالي انولت
تخليت ركضتهم انا بركضتي
___
يعينها الله ام الخدر يوم الطفوف
مره ، وبين خيول ورماح وسيوف
يا جرح تحتار لو رادت تروف
واعله ونتها دمعتي اونتي
___
شما تمر بينا مصيبة ومعضلة
نذكر شصار اعله اهلنه بكربلة
نبجي للچانت اميره مدللـه
تنسبي عگب الخدر يا حسرتي
__
خادم اهل البيت ع
الشاعر عبد العظيم احمد الابراهيمي
ماسولفنه كل الصار بينه
يموتكم جزع يوم ابو سكينه
ماتحمل العين.. الصاير بالحسين
صعبه
........................
مااقارن حرك بيتي بنار الطفوف
بس اكلكم لسه ضل بعيلتي الخوف
منين ماانضر اشوف بداري دخان
وارد ألم عيال بيتي وگمت ماشوف
الصادق انه وشحالي
ومسافر ابخيالي
هلنار ذكرتني بنار
وصار الحسين كبالي
شفته ولجن من شفته
العطش فاطر شفته
ومحتار ويدير العين
وگلبه اعله زينب اخته
اريد احجيلكم يل تسمعوني
ياخدام بالشافته عيوني
مو جرح وثنين .. الصاير بالحسين
صعبه
...........................
هذا من الصار بالطف يوم عاشور
حسين ضل وحده غريب وضهره مكسور
والفرق هجمت عليه بسيوف وارماح
وبحجر وسهام مرمي منين ميدور
من كثر نزفه طايح
امن العطش حيله رايح
دمه جمد فوك العين
وبخيامه بس نوايح
جاه الشمر للمصرع
واعله الصدر تربع
ايحز نحره اه اويلاه
وزينب ونينه تسمع
طبرات النحر طبره اعله طبره
انسمعن كلهن بخيمت الحره
اتخيل بعد زين .. الصاير بالحسين
صعبه
..........................
شال راس حسين بيده ومفتخر حيل
وهوسوا بي والدمه من منحره يسيل
وجسمه ضل فوك الترب عالغبره مطروح
وعشره خياله اعله صدره تدبج بخيل
ونام التراب بنحره
بكل عظم صارت كسره
ايحير اليريد ايلمه
صدره انطبك وي ضهره
وعمتي بگلبهه الصابر
شافت الدم بالحافر
من رگضوا اعله الخيمات
ايحركوهه يوم العاشر
نداي الكم يضل هذا جوابه
زيدو النوح لحسين ومصابه
مايكفي الونين.. الصاير بالحسين
صعبه
.........................
داري من احترك شفته بعيني وشصار
وبعباتي اركضت ليهه وخمدت النار
وزينب الخيمه عليهه صارت ارماد
وبين خيل وزلم عمتي تلم بالزغار
ماينحمل هل منضر
وزينب جبيره شتكدر
جو وصبح كله تراب
وبالجثث كامت تعثر
صاحوا بسمهه هوايه
ماكو بعد حمّايه
واليهه صارن عالكاع
جفينه ويه الرايه
الشمر جم مره صاحلهه الاسيره
وين الكافلج وانتي الاميره
بعينج تشوفين .. الصاير بالحسين
صعبه
............................
الليل كله جروح بي اسمع بجيهه
شلون زينب حركوا الخيمه عليهه
رگضت اعله التل تنادي خويه عباس
الحك اختك جابو احبال الاديهه
بعد الكمر اخوهه
زينب غرب حدوهه
عالهزله تصعد وتطيح
بحبل اليسر شدوهه
وتشاهد المنيه
من تنضرب رقيه
مدلله بنت الحسين
وسوط الشمر اذيه
كلما بابا صاحت يضربوهه
وتعاين بالوجوه وماكو ابوهه
ماتدري بي وين .. الصاير بالحسين
صعبه
..........................
والله يوم حسين ابد عن بالي ميروح
اني اشتم الهوه بس گلبي مجروح
مجلس انصبله واجيب الناعي ينعاه
وبعزائه اتمنه اني تطلع الروح
ابجي واصب دمعتي
بس بالگلب حسرتي
لحسين جدي المذبوح
طول العمر كسرتي
يالتسمع المصيبه
دمعك العينك جيبه
اذكر حسين العطشان
بدمه تخضب شيبه
يلتبجي وحكك هل دمع دين
صدك مايفيدك غير الحسين
ماتكفي السنين .. الصاير بالحسين
صعبه
محمد هادي العقابي
نار بيتك تلهب واتذكرني بزينب
واويــــــــلاه واويـــــــلاه
ــــــــــــــــــــــــــــــــــــــــــــــــــــــــــــ
نار بيتك ذكـــــــرتني بخيمة حسين
من دوت وحتركت أطفال ونساوين
صح بناتك فـــــــوكهن تتلاهب النار
لجن ماراحـــــن سبايه وتهمل العين
بناتك ماركــــــــــبن انياك الهزل
بناتك ماجتــــــفوهن بلـــ حبل
مامسهن سوط الهم ولا عين اتصب من دم
واويــــــــــلاه واويــــــــــلاه
ــــــــــــــــــــــــــــــــــــــــــــــــــــــــــــ
بنتك ابيــــــــــتك أيا حلو المحاجي
لچن بنت حسين سلـــبوهه التراجي
سيدي يلـــــــــصادق وسمع يكولون
ابنيتك ذبـــــــــلانه من كثر البواجي
حزنها ماينوصـــــف يابو الهله
حزنها يــــــــــشبه رقيه بكربله
دمعتها اتصب حمره وتموت ابكل حسره
واويــــــــــلاه واويــــــــــلاه
ــــــــــــــــــــــــــــــــــــــــــــــــــــــــــــ
أرد اسولفلك لجــــــــــن مولاي حاير
عن مصيبة كــــربله وعن يوم عاشر
انت صـــــدرك سالم ومابيك اي شي
بس الحسين انسحك صدره بحوافر
تفرهد جــــــسم الحسين بلا رحم
تفرهد وضل بس قميصه الكله دم
من الكفه ذبحو وحته اصبعه كطعو
واويــــــــــلاه واويــــــــــلاه
ـــــــــــــــــــــــــــــــــــــــــــــــــــــــــــــ
باب دارك مــــــــن سمعت ابنار تلهب
اتذكــــــرت باب الزجيه بنار من شب
بلا حجاب بخــوف خلف الباب لاذت
والهضيمه فاطــــــمه تنطك وتنسب
هضيمه يالصــــــــــادق الزهرة تره
هضيمه منها الضــــــــلوع مكسره
وحجيلك هل صوره عين امك مسطوره
واويــــــــــلاه واويــــــــــلاه
ــــــــــــــــــــــــــــــــــــــــــــــــــــــــــــ
ســـــــــيدي يلـــــــصادق بهاي الرزيه
حيل متألم تــــــــــره گـــليب الزجيه
هاذه يــــــــوم مصابك و واجب عليه
بالدمع أحــــــــــيي اليالي الصادقيه
عزائك نحي واجــــب بالدمع
عزائك بـ اللطم نكسر ظلع
اليسجب دمعه الليله الصادق يدعيله
واويــــــــــلاه واويــــــــــلاه
ــــــــــــــــــــــــــــــــــــــــــــــــــــــــــــ
حسين عبد الزهرة الدراجي
ابيات ابو ذيه لنعي للامام الصادق عليه السلام
موش ادموع يتجارن .. تره دم
او حتى بالحلم عينه .. ترى دم
گأنه الخيل ينظرها ...... اترادم
اعله صدر احسين يوم الغاضريه...
عليه ما مِل من الدمعات . وسأم
الصدره باللطم لحسين ... وسّم
مات امن القهر والجور ... وسّم
ويتامه الليله عگبه الجعفريه...
وبلسان حاله عليه السلام يقول:
أنا الما وجع دلالي .... ولا ذانِ
غير الركضن العمتي ... ولاذن
وحگ الشرع . والمذهب . والآذان
دمعهن أشد من السم عليه .......
ابو فاطمة الطائي