8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيده للدفنه
××××××××@@
ارد ارش كبورهم ماي الورد
كلي يادفان هم الهم ترد..~
ادفنتهم وحدك ومحد معاك.
ماخذتني شلون كلبك طاوعاك.
ياعزيزي نسيتني كلي شجاك.
وانت تدري الهاي يوم بيوم اعد.
واه حسينا . واحسنا واحسين~
الدفن رايد نحيب ويه نعي.
مطشرين اهلي ويريدلهم سعي.
وانته كل لحظه تغيب من الوعي.
تريد عونه وياك ياعمه ومدد /
واحسينا . واحسينا . واحسين~
كلي سولفلي على جسوم خوتي.
شما ايجون ابالي تكبر علتي.
وصلت اللهم وصيتي وشكوتي
من بعدهم جا عليمن اعتمد/
واحسينا . واحسينا . واه حسين~~
شلون وسدت اليوث على الثره.
شلون لميت الجثث لمطشره.
اه ياجسوم الي كلها موذره.
جا خذتني عون وياك و سند/
واه حسينا . واه حسينا واحسين~~
كلي يامظلوم ياتالي هلي.
هم بجيت هناك ياعمه علي.
وهم جبتلي تراب من كبر الولي.
حتى اصلي عليه للباري الصمد/
واه حسيننا واه حسننا واه حسسين
*ناعية الخيام*
يازينب يازينب يازينب
،،،،،،،،،،،،،،،،،،،،،،،،،،،،،،،،،،،،
روحــــي حاچيهم يعمه
من الركض خل نستراح
كمت اجرن نفسي گــوه
گلبي بين ضلوعي طاح
عمه ماضل حيـــل بيـــه
وي ابوي الحيـــــــل راح
فـــــــوگ مامشلوع گلبي
صوت ماكــو من الصياح
غير كــــــون شويه نگعد
موش كل شويــــــه نبعد
،،،،،،،،،،،،،،،،،،،،،،،،،،،،،،،،،،،،،
الله خلــه اليــل راحــــه
للبشر خاطـــــــــر ينــام
ليش بـــــت حسين بلبر
تركـض بنــص الضـــلام
والهضيمه خيام ماكـــو
حرگــو اعلينـــه الخيام
جيــــب اليفهمك يگلبي
وجيــب اليعرف الحرام
شلون مدري شلون بينه
نمشي وحبــــال بادينه
،،،،،،،،،،،،،،،،،،،،،،،،،،،،،،،،،،،،
حيره يخت حسين حيره
نمشي بس ماندري ويــن
احنه مدري النوگ تاهــت
عمه وحـــــده مـن الثنين
والمصيبه الناس غربـــــه
التحچي مايطوها عيـــن
منين اجيب حسين هسه
وگعد وبســــــد الحسين
وين ابوي يشوف حالي
غالي خدري اعليه غالي
،،،،،،،،،،،،،،،،،،،،،،،،،،،،،،،،،،،،،
ماي ماريــــــــدن يعمه
منهم وماريــــــد كلشي
شويه خل الضعن يگعد
من امس لليــوم نمشي
واحد يذبنه اعله واحـد
حگــه چالوشاب رمشي
ماكو واحـــــد لان گلبه
وگال هاي شبيها تبچي
بلوه ياهـــل ناس بلوه
گوه نمشي اعلينه كوه
،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
السيده رقيه ع
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
يمشي ويايه / ما يرضه نفترگ
عينه مفتوحه / يرفضها تنطبگ
ازغيره بالناگه / كل خوفه انسحگ
اشما عثر جدمي / يتفايض الدمع
ينحني رمحه / والشهگه تنسمع
مرت اعليه / من انكسر ضلع
حاولت كل شوك اسحگه ما اطيحن
الآه اضمها بصدري وآلامي يصيحن
التقي وي طشته واشكيله قريباً
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
دم تصب إذني / واخفيها حاولت
امگيّده واركض / يم عمّتي البدت
لاچن عيونه / لجروحي تلتفت
ما يتيهني/ امراقبني بالسبي
عطري يشتمه / ما عنه يختبي
ارماد المخيم / لساته بالعبي
امتربات وهاي الاحبال ابادينه
حتى لو عن ناظره كلنه اختفينه
يشتم العطاب والدنه ابعبينه
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
اسمي بالسانه/ يتلفظه ابجرح
اشما اصد راسه / يتحرك الرمح
وينجرح اكثر / نحره اللي منذبح
ابطفه يم جسمه / ياريت انه متت
بسهم المثلث / امنيّتي انصبت
چا متت مره / ولا هيچ اتعذبت
حروفي چنها مكسره كل ما لفظهن
الحافر اعظام الوجه يمكن كسرهن
ابخده آثار السحگ وانه احسبتهن
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
مسرع الحادي / وتگرب الاجل
الشام اجيناها / وتشتت الامل
ادخلنه للخربه / واتناثر الزعل
روس اهالينه / دخلوها للقصر
واحنه ظلينه / ما نمتلك ستر
سگف ما عدنه / وشمس الله تستعر
حط يزيد اعلينه حراسه وعبيده
وين ابويه صحت انه يا ناس اريده
ارد اصبن آخر ادموعي ابوريده
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
هاجت اجروحي / ادركني يا علي
من كثر نوحي / جابو طشت الي
اختم اسنيني / عالمنحر الجلي
ابلايه محبوبي / اشيسوالي هالدهر
صح أنه طفله / بس اكره القهر
خاطري وگلبي / بالمذبح انكسر
شاهدت ذبح العمام وذبح اخوتي
فوگ راس الوالد اشمحلاته موتي
يا حسين اصرخ اريد ويخفه صوتي
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
الشاعر اياد الديراوي
قصيده للسيده زينب عليها السلام.. 🩸
شفتك عالترب يحسين مذبوح
وبحر الشمس يابن امي مطروح
🪡🪡🪡♂️🪡🪡🪡
شفتك بالشمس يحسين عريان
وعله صدرك تجول الخيل ميدان
شنو ذنبه انذبح ابن امي عطشان
من. عندي الشهم تاليته ايروح
🪡🪡🪡♂️🪡🪡🪡
شمسوي يخويه وليش ذبحوك
كطرت ماي ماقبلو ا يشربوك
ثلث... تيام عالغبره.. يخلوك
يمصابك يهز. العرش ولوح
🪡🪡🪡♂️🪡🪡🪡
افرشلك.. عباتي وبيها اخليك
ولم.. دموع عيني وماي ارويك
ماينطيني كلبي حسين اخليك
ليلي اكظي بدمعي وااه وبنوح
🪡🪡🪡♂️🪡🪡🪡
اسحك عالجمر خويه وجيتك
عاري وسابح ابد مك ا لكيتك
دمه وتراب امغطي لحيتك
ودلالي عليك ابسهم مجروح
🪡🪡🪡♂️🪡🪡🪡
غشيته ودمعتي طاحت عليه
لكيت الف وتسع ميت جرح بيه
حرت ياجرح اشده وياهو اخليه
كمت اشهك انفاسي بطعلت الروح
🪡🪡🪡♂️🪡🪡🪡
احيرن بيش الم اوصال الحسين
ومن جمر الخيم ظلت نياشين
صحت يمه يزهره انطي لوجه وبن
ونين عليه يشبه.. ونت الدوح
🪡🪡🪡♂️🪡🪡🪡
✍🏻الشاعره مريم العبوديه اسيرة الاحزان ❤
حيرني وكتي اشلون ادفننك
يالتارس الطف بيش المنك
بويه حسين. بويه حسين
.....................
اجيتك والگلب جايبلك احزانه
وابنك يا الذبيح الدمعه عنوانه
فگدكم ياهلي حط بيه نيشانه
دمع رافگنه ماظن لحضه عافانه
هاي الهضيمه من رحت عنك
حيرني وكتي شلون ادفننك
گوه وغصب ماشين
ياحگهه تبجي العين
بويه حسين. بويه حسين
..............
انه الميت ابوه اشحاله واشوضعه
كلشي يروح عنه ماعده الدمعه
ابوي الي لگيته منهشم ضلعه
وسهم مكسور بيه وشنهي اليطلعه
يابويه ادري باليأذنك
حيرني وكتي اشلون ادفننك
وخنصر يمنتك وين
ياحگهه تبجي العين
بويه حسين. بويه حسين
....................
لاتسمع حجينه ولا بواجينه
اشكثر يوم السبي صاحتلك سكينه
رقيه اتصيح مو سلبو تراجينه
اثر جر التراجي اهواي ياذينه
وي المحامل بويه يردنك
حيرني وكتي اشلون ادفننك
شخصك اجيبه منين
ياحگهه تبجي العين
بويه حسين. بويه حسين
..............
شريد احجيلك الما صاير انشوفه
خذونه اعله الهزل يابويه للكوفه
مجتوفه الحرم يحسين مجتوفه
اجيتك وادري جفك يكرم اضيوفه
بالنحر يحسين ارد اشمنك
حيرني وكتي اشلون ادفننك
رد يالخذاك البين
ياحگهه تبجي العين
بويه حسين. بويه حسين
.................
بينه اندارت الدنيا ودلالك راح
بالخيمه واسمعنه الشمر من صاح
احرگوهه الخيم راعيهه هذا الطاح
زينب ياخو زينب تمشي وي ذباح
ابصيح الفواطم مايگعدنك
حيرني وكتي اشلون ادفننك
وعدواني تطلب دين
ياحگهه تبجي العين
بويه حسين. بويه حسين
..................
گضت شمس المحنه وفلت العشره
وانه المطبور گلبي ويه كل طبره
اجيتك وانه همي الشايله شكثره
جنت صبري ودليلي اعليك شيصبره
يالعشت بيه ما اسمعنك
حيرني وكتي اشلون ادفننك
كلكم هلي ميتين
يا حگهه تبجي العين
بويه حسين. بويه حسين
خادم اهل البيت علي الزرگاني
لسان حال السيدة زينب عليها السلام
.
.
جذب من كال شافولي خيالاي
اشلون اطلع وابو فاضل خيالاي
بضلام اهدعش من اكبل خيالاي
تلكيته وطلع حامي الحميه
.
.
حسن صالح العيساوي
محرم 1447ه-2025م
قصائد السبي
طريق احزاني وهمومي مشيته
وبعد اخواني دوري كمّليته
رغم الجروح ومحنتي لكن شلتها هامتي
وبعد اخواني دوري كمّليته ★★★★★★★★★★★★★★★★★؛
انا زينب وبيه جروح لا تنحصى ولا تنعد
يوم العاشر بعاشور كلشي گبالي صار اسود
لمن شفت هيبتنه صريع اعله الثره امدد
بذني اسمع حجي الشمات وين الچان الچ مسند
چنت مهيوبه بالعباس وحسين
وصرت مسلوبه والدمعات بالعين
ابچي وخفيه ونّتي لكن شلتها هامتي
وبعد اخواني دوري كمّليته
؛★★★★★★★★★★★★★★★★★
على الهزّل واشوف الناس كلها تباوع اعلينه
الناگه هواي احن منهم ترى تبچي البواچينه
يسمونه الخوارج ليش واحنه الدين بانينه
وهوه الثبت الاسلام هيه چفوف اهالينه
عافو نهج الله ونهج طه
چفهم صافح الدنيا وشراها
كلها تصد الناگتي لكن شلتها هامتي
وبعد اخواني دوري كمّليته
؛★★★★★★★★★★★★★★★★★
احنه العمّرينه الدين من رادو يدمرونه
واحنه الصحنه لا هيهات للباطل وفرعونه
انطينه حسين لجل الدين حتى يعيش مضمونه
وما ينمحي ذكر حسين شما حاولو يمحونه
شما حاولو اصحاب النفاقِ
ذكرهم منتهي وحسين باقي
باچر تجيهم شيعتي لكن شلتها هامتي
وبعد اخواني دوري كمّليته
؛★★★★★★★★★★★★★★★★★
ما يگدر يزيد بهاي يخفي فعلة العاشر
وما يختفي طاري حسين لا هسه ولا باچر
وين إبن اللعين وشوف ذكر ابن النبي عامر
اليتعدى حدود اللّٰه كافر عاهر وفاجر
هاي الدنيا دواره بطبعها
تعز الباعها وتذل ربعها
تبقى ترفرف رايتي لكن شلتها هامتي
وبعد اخواني دوري كمّليته
؛★★★★★★★★★★★★★★★★★
انا الما اطخ الراس بت حيدر ومعروفه
كلها تحت جدمي تصير جيش الشام والكوفه
لا حسباله هالملعون يهزني لأن مچتوفه
ولا حسباله ترعبني زلمه وخيله وسيوفه
عرشه بكلمه اهدمه من اساسه
وتحت جدمي يصير ايزيد راسه
ابقى عزيزه بهيبتي لكن شلتها هامتي
وبعد اخواني دوري كمّليته ★★★★★★★★★★★★★★★★★★؛
جعفر عطيه البزوني
للتواصل @jaffarsds
#ابو ذيات
مرار العيش من بعدك .. ولا طاب
وجرح متني يخي لسه .. ولا طاب
كلها اتهون يبن امي .. ولا طب
بالديوان انا وبنتك رقيّه
نظرات الشّماته حيل .. مُرات
وعليّ إتأشر العدوان .. مرات
وساع اعلهزل يَمّك .. مريت
تمنِيت برمح راسي علسمهريه
🖊خادمة أبي الفضل
قصيده بين هند والسيده زينب ع
*شالت ايدهه // زينب وصفكتهه*
*ياوسفه وحسافه// هند شافتهه*
ياوسفه وحسافه الخدم شماته
تتفرج علينه اتكول وسفاته
انه امدللت حيدر ابدوراته
*وبعد حسين ياهندو شوفتهه*
×××××××××××××
بعد حسين هذه الخدم تتأمر
وانه بت علي هاليوم اشرب مر
تاريخ وكتب لعبيد صارو حر
*دوراتج يدنيه اشلون دورتهه*
××××××××××××××
جابو كرسي كعدوهن علي التربان
كعدت هند تتسأل علي النسوان
من يابلد حضرتجن وياامكان
*شالت راسهه. زينب وعرفتهه*
×××××××××××××××
سبايا من المدينه اخذي هذاجواب
راس حسين والعباس فوك الباب
كعدونه ابخرايب فوك هذه اتراب
*وانه زينب بت علي الزاد ونتهه*
×××××××××××××××
ونتهه علي العباس وياحسين
لا سون عزا ولا جادر اتنصبين
وبين اديار هل غربه كعدتي وين
*ايالشام ومصابه الي خلتهه*
×××××××××××××
عذريني تكلهه خلني اخدمج
ماجوره يزينب الماعرف قدرج
اريد انصب عزا لحسين وي اهلج
*وجادر فاتحه بالبيت نصبتهه*
×××××××××××××
تـــــمـت والحمـــــدللـــه
✍ *الشــــاعره ام آمـــنه*
واسالکم الدعاء🌹
شرعا"لایجوز حذف اسم خادمةاهل البیت علیـــــــهـم الســــــلامـــ
=======================
[ عزاء ]
🏴|| مصيبة حرق الخيام يوم ١١ محرم
[بطور يازينب وين سويتي عزا حسين ]
••••••••••••••••••••••••••••
ياخويه احسين محروقة الصياوين
••••••••••••••••••••••••••••
زينب تنتحب والـدمعه بالـــعين
ياخويه احسين محروقة الصياوين
……….
ادركني الساعه بابو اليمه يـحسين
ياخويه احسين محروقة الصياوين
……….
بقيت امحيره وماعندي امـــعين
ياخويه احسين محروقة الصياوين
……….
بس أيتام تــــصرخ والــنساوين
ياخويه احسين محروقة الصياوين
……….
عفيـه اشلون قلــبي عاش للحين
ياخويه احسين محروقة الصياوين
……….
وأشاهد رأسك امـــعلى برمحين
ياخويه احسين محروقة الصياوين
……….
جسمك بالثرى من غير تچــــفين
ياخويه احسين محروقة الصياوين
……….
واعظام الصدر مكسوره نــصين
ياخويه احسين محروقة الصياوين
……….
وخيل الأعوجيه اتجــول صوبين
ياخويه احسين محروقة الصياوين
……….
صحت بصوت يابويه غبت وين
ياخويه احسين محروقة الصياوين
……….
لاعباس ظل عندي ولا حـــسين
ياخويه احسين محروقة الصياوين
……….
يضربوني من ابجي وتهمل العين
ياخويه احسين محروقة الصياوين
••••••••••••••••••••••••••••
الطور
https://youtu.be/on7GVLlt5mg?si=08Pw5QGbq-FlWkla
••••••••••••••••••••••••••••
نسألكم الدعاء والفاتحة لروح والديّ
خادمة المعصومة
#ليلى -الطريفي ✍️
شور گعده
كالوا التعبان يتوچة اعلى اخوته
اعليمن اتوچه واخوتي كلها موته
بت علي وصرت انسبي
وبرگبتي شكد عبي
///////////////////////
انه اول مره شافت_
تنذبح رگبة طفل
الموقف الثاني بصلاتي_
بعده مشدود الحبل
حمل طفين اعله متني
سبي الخدر والجتل
المايخاف من الله صار
_بكيفه يحديهه الهزل
التنذبح يمه هله ينذبح صوته
منين حيله التنذبح سلوت چلوته
يحدي بينه الاجنبي
وبرگبتي شگد عبي
///////////////////////////
عيني تنزف دم لخوتي
بدمعتي صورت ضلع
انه امشي لاجن انته-
گلي تبقه بياوضع
علرمح راسك اشوفن
عينك تهل الدمع
راسك ينزله ويصعده
وتعبوه من الرفع
والجسد ذيج الحوافر دايساته
الم جسم حسين حيرة لوبناته
النار بخيام النبي
وبركبتي شكد عبي
////////////////////
ينزل الروس ويسبني
الماكو گطره بگصته
من التنزل والتصعد
وصل رمحه لهامته
هيج عبد الله نشوفه
شلون حال الربته
تمنيت اخوانه كثرة
وتفزع وياه اخوته
منين اجيب اخوان وتشوف المصيبة
دم شرب عبد الله ما ضايك حليبه
عكبه كمت احبي حبي
وبركبتي شكد عبي
////////////////////
منين ماامشي وباوع
عيني بس صورة وذر
بس اغمض عيني لحضه
رمح اتخيل عبر
يعرضن بدربي جروحك
ولتفت راسك عثر
كون طولك يمي واگف
يگحل بعيني النضر
الهوه يضيگ بصدر اليسلبونها
مو ذهبها الماخذينه عيونها
خذوا من عندي الابي
وبركبتي شگد عبي
////////////////////////
تسعه واثلاثين يوم
بروسكم متصابحه
و ابداية ضعني راسك
أخذ دور الفاتحه
ارماحكم ايات جنهن
كل صباح امفتحه
خويه ارد اركض الرمحك
بس يكضني المستحه
صوتك اعله ارماح ضل قران يقره
وانت راسك ع الرمح لينه وتفره
وصحت ياروح. انحبي
وبركبتي شكد عبي
/////////////////
سيد محمد الهاشمي
▪️نشر جديد:
مصيبة السيدة زينب (عليها السلام) في الكوفة
الله أكبرُ يا عليُّ فزينبٌ
منْ كربلا سُبِيتَ إلى كوفانَ
بنتُ المفاخرِ بعدَ عزِّ سجوفها
قدْ أدخلوها للعدى ديوانا
بعد الحسينِ وبعد بدرِ كفيلها
آهٍ ترى لزيادِهمْ شيطانا
حزنى ومدمعُها يسيلُ بخدِّها
والرِّجْسُ يضحكُ شامتاً فرحانا
في الطشتِ رأسُ السبطِ يَنكتُ ثغْرَهُ
حنَقاً فيُدمي عودُهُ الأسنانا
ويقولُ هاجَ الشيبُ فيكَ بسرعةٍ
فتساءلتْ والدمعُ سالَ جُمانا
أحبيبَ قلبي يا ضياءَ نواظري
يا منْ لأهلِ الأرضِ كُنتَ أمانا
أوَشِبتَ من فقدِ الأحبةِ كلِّهمْ
تركوكَ فرداً تجرعُ الأحزانا؟
أمْ حينَ ألفيتَ الكفيلَ مُضرَّجاً
بدمائهِ يتوسَّدُ الكُثْبانا؟
أمْ شِبْتَ حينَ الشِّمرُ نادى جيشَهُ
بحبالهِمْ لِيُربِّطوا النِّسوانا؟
أأُخيَّ عزَّ عليَّ أنْ أُسْبى ولا
أهلاً أرى حوليْ ولا إخوانا
والشمرُ طولَ الدربِ يؤلمُ عاتقي
بالسوطِ يُجري نزْفَهُ غُدرانا..
تمت بعناية الحجة (عجل الله فرجه)
النجف الأشرف
علي عسيلي العاملي
#السيدة_زينب
#اللهم_عجل_لوليك_الفرج
#ماذا_تعني_كربلاء!
كربلاء.. تعني حُزنًا وعَزاء
كربلاء.. تعني سيلًا مِن دِماء
كربلاء.. تعني نعيَ الشّهَداء
🖤🖤🖤
كربلاء.. تعني هَتكًا للحُرَم
كربلاء.. تعني حَرقًا للخِيَم
كربلاء.. تعني فَيضًا مِن ألم
🖤🖤🖤
كربلاء.. تعني جوعًا وظَما
كربلاء.. تعني بذلًا للدِّما
كربلاء.. تعني رُزءًا في السّما
🖤🖤🖤
كربلاء.. تعني سَبيًا وقُيود
كربلاء.. تعني دَمعًا في الخُدود
كربلاء.. تعني صَبرًا وصُمود
🖤🖤🖤
كربلاء.. تعني نَزفًا ودُموع
كربلاء.. تعني كسرًا في الضُّلوع
كربلاء.. تعني نجوًى وخُشوع
🖤🖤🖤
كربلاء.. تعني هَجرًا ورَحيل
كربلاء.. تعني نَوحًا وعَويل
كربلاء.. تعني فُرقانًا طويل
🖤🖤🖤
آهٍ_يا_كربلاء💔😪
زينب الموسوي
#بنت_الزهراء
حيرني وكتي اشلون ادفننك
يالتارس الطف بيش المنك
بويه حسين. بويه حسين
.....................
اجيتك والگلب جايبلك احزانه
وابنك يا الذبيح الدمعه عنوانه
فگدكم ياهلي حط بيه نيشانه
دمع رافگنه ماظن لحضه عافانه
هاي الهضيمه من رحت عنك
حيرني وكتي شلون ادفننك
گوه وغصب ماشين
ياحگهه تبجي العين
بويه حسين. بويه حسين
..............
انه الميت ابوه اشحاله واشوضعه
كلشي يروح عنه ماعده الدمعه
ابوي الي لگيته منهشم ضلعه
وسهم مكسور بيه وشنهي اليطلعه
يابويه ادري باليأذنك
حيرني وكتي اشلون ادفننك
وخنصر يمنتك وين
ياحگهه تبجي العين
بويه حسين. بويه حسين
....................
لاتسمع حجينه ولا بواجينه
اشكثر يوم السبي صاحتلك سكينه
رقيه اتصيح مو سلبو تراجينه
اثر جر التراجي اهواي ياذينه
وي المحامل بويه يردنك
حيرني وكتي اشلون ادفننك
شخصك اجيبه منين
ياحگهه تبجي العين
بويه حسين. بويه حسين
..............
شريد احجيلك الما صاير انشوفه
خذونه اعله الهزل يابويه للكوفه
مجتوفه الحرم يحسين مجتوفه
اجيتك وادري جفك يكرم اضيوفه
بالنحر يحسين ارد اشمنك
حيرني وكتي اشلون ادفننك
رد يالخذاك البين
ياحگهه تبجي العين
بويه حسين. بويه حسين
.................
بينه اندارت الدنيا ودلالك راح
بالخيمه واسمعنه الشمر من صاح
احرگوهه الخيم راعيهه هذا الطاح
زينب ياخو زينب تمشي وي ذباح
ابصيح الفواطم مايگعدنك
حيرني وكتي اشلون ادفننك
وعدواني تطلب دين
ياحگهه تبجي العين
بويه حسين. بويه حسين
..................
گضت شمس المحنه وفلت العشره
وانه المطبور گلبي ويه كل طبره
اجيتك وانه همي الشايله شكثره
جنت صبري ودليلي اعليك شيصبره
يالعشت بيه ما اسمعنك
حيرني وكتي اشلون ادفننك
كلكم هلي ميتين
يا حگهه تبجي العين
بويه حسين. بويه حسين
خادم اهل البيت علي الزرگاني
نعي
على لسان السيده زينب// ع//
غـابـت شمسنه وصـار الـغـروب
وحسين فوگ الـتـرب مـگـلـوب
ما ادري اروحن ومشي ياصوب
ولـلـخـيـل عـيّــه بـكـل الـدروب
ضـلـيـت انـاطـر والـدمـع سال
وبلحظه أفگدت سبعين خيال
زحمه وچبيره شـلـون تـنـگـال
أنـه الـعـقـيـلـه أبـيـن الارجـال
عـاتـبـت الذي يـسـوّن العتاب
يـوم الـعـلـيـه نـظـرت اجـناب
صـار الـحـزن والـنـوح جلباب
بليله وضحاهه والخـدر غـاب
عيـونـي للگمر ضـلـن مشبحـات
ما احمل حچي وجروح شـمـات
التـمَـن عـلــي ويــن الثـكـيــلات
هـيـهـات الـخـدر ينـعــاد هيهات
*-------------------*----------------*
✍ خادم الحسين
الشاعر رعد الجريخي
والله مو گاعي الشام .. عودوني اعله اخيام
اخواني بالطف ياناس .. انذبحو احزام احزام
اليحن اعله حالي .. خذنه الليالي
————————
غريبة ووحيدة واسيرة .. انذبح يمي راس العشيرة
أنه الموتتني الحصيرة .. من لمت حسين
خذوني امن الاخيام للقصور .. أنه الصارن افيايي النحور
عتب من عباتي اعله عاشور .. موتني مرتين
زينب آنه وعباس .. من الناس .. ضماني
وهسه حيطان الشام .. كلها عيون .. واتاني
كلها صاحتلي الناس .. هاي شارب عباس
لو سمع بسمي انگال .. يحترگ رمح الراس
اليميني وشمالي .. خذنة الليالي
————————
تره الطايح ابگاع غريبة .. مصيبة تجره لمصيبة
وبعد ينسة جية حبيبة … لا يلزم الباب
اليطب شام يدفنونة بالشام.. اليجي اويه اخوته ترجعه الايتام
بعيدة الخرابة امن الاخيام .. والحادي سلاب
الناس مو ناسي شلون .. وآنه ام عون .. محشومة
حسين اخوي المسلوب .. يتهادون .. بهدومة
گلبي محروگ اهواي .. دم اخوتي بكل ماي
واليموتونة بشام .. ما يزورة المشاي
توذر دلالي … خذنة الليالي
——————
هلي الينچتف بالمحنة … الحبل هذا شيخلي منة
الحگوا اعله بتكم يهلنة… يالسادة الاحنان
السبي مخلي زينب تعالج .. وترس بال اختكم هوادج
يعباس يباب الحوائج .. محتاجة دفان
الما تدفنه الخوان .. يظل ينزار .. بالگوة
بتراب گبرة يحس خيل .. تسحگ حيل .. عالخوة
آنه كتالي اثنين .. القصر وعيون احسين
عليه باب الساعات .. الشام سواه شامين
تگطع شتالي .. خذنة الليالي
———————-
طحت ويه وادم تذّبح .. بشماتة تمسي وتصبح
شبعد يهلي اكثر اوضح .. دفنوني يمهم
اكتبو فوگ مقامي چلمتين.. يزينب لخوتچ تشيلين
تره الدنيا مالت يعدلين .. ردوا زلمهم
كتبو بگبري بساع .. هاي الگاع .. مو گاعچ
شيلي زينب مناه .. خل نرتاح .. وبساعچ
صحني ما بي زوار .. خيمة وبنص النار
والشمر رد للشام .. زغير ما لاگي اكبار
اليرجع حلالي .. خذنة الليالي
———————-
دلحگو اعله زينب ولوها .. الشريعة عَلَيْ رجعوها
هلي الراية هم طيحوها .. وچف گبتي مگطوع
قصرهم تزورة المسلمين .. وگبر زينب تراب يالحسين
الوجع چنة نبلة بوسط عين .. وخيل اعله الضلوع
الضحك يم گبري اهواي .. ماكو دموع ..زواري
والصحن صحراء وصار .. بس الريح .. خطاري
ماكو موكب يا حيف .. ومن يجي يطردونة الضيف
گبري راس وذبحوه .. الغربة ذبحة بلا سيف
العلم فوگي عالي .. خذنة الليالي
————————
علي هادي الخزعلي
https://youtube.com/watch?v=Gfs8FjqKWGI&si=CotfoCN0atcZ5uin
يا اهل العالم ينادي انا المهدي وعدي حان
انا الموعود لاخذ الثار بيدي راية الرحمان
انا يا ناس جدي حسين بالطف منذبح عطشان
ثلاث تيام على الرمضا عاري بلا دفن خلوه
•••••••••••••••••••••••••
حزن گلبي بهمومه يروي قصة المذبوح
وجفني يسيل بدمومه كل عمري دمع مسفوح
جدي حسين عالرمضا ثلث تيام ظل مطروح
لا تغسل ولا تكفين بحوافر خيلهم داسوه~~
••••••••••••••••••••••••••
انا الگضيت عمري بنوح ابكي لگطعة المنحر
انا لنحب على المذبوح جدي حسين ابو لاكبر
من اذكر چبده الظامي انوحن لاجله واتحسر
الا يا اهل العالم من عذب الروا منعوه
•••••••••••••••••••••••••••
يشيعة گوموا واسوني بالاحزان والعبره
وابكوا وياي جدي حسين هالمذبوح عالغبره
گوموا لكربله نمشي ونشهر رايه يم گبره
الا يا اهل العالم راسه اعلى الرمح رفعوه
••••••••••••••••••••••••
يشيعه لكربله وياي نروح ونطلب الثارات
عبدالله الرضيع هناك يون من السهم ونات
ونحر حسين يناغيله باسمي وينشد اﻵهات
الا يا اهل هالعالم ما ذنب الطفل ذبحوه
•••••••••••••••••••••••••••
الشاعرة الحسينية
✍🏻خادمة آل محمد
قصيده ثكيله للزهراء عليه السلام
تحظر بالمجالس ام الحسين
وين الي حظر. ويهمل العين
🏺🏺🏺🏺🏺🏺
تحظر بالمجالس تبجي وتنوح
تنادي بصوت، يوليدي يمذبوح
وين الي يعزي بكلب مجروح
عله حسين البكه وسط الميادين
🏺🏺🏺🏺🏺🏺
تنادي بصوت عينوني يخدام
اذكروا مصيبته وزينب ولأيتام
واحيوها المجالس البني كل عام
اسجل ادموعكم لبن الميامين
🏺🏺🏺🏺🏺🏺
لا تنسون عبد الله الصغيرون
ورقيه من.. تراجيها يجررون
وكطرت ماي السكينه مينطون
وحرك اخيمهم وذيج الصواوين
🏺🏺🏺🏺🏺🏺
اذكرو ام علي الاكبر ولنشامه
ولعريس جاسم وي عمامه
ولعباس .. يوم افطروا هامه
عينوني بمصابي يامحبين
🏺🏺🏺🏺🏺🏺
وين الي بجت ا لحسين عينه
بكل مجلس اجي وترس ادينه
باجر بالحشر.. يوكف.. ولينه
يسجل اسمائهم كل المعزين
🏺🏺🏺🏺🏺🏺
✍🏻الشاعره مريم العبوديه اسيرة الاحزان 💔
#من_ديوان_مسير_الفواطم_ج٣
*قصيده للدفنه (يا دفان الحسين)*
❥━──➸➽❥❂❥━──➸➽❥❂
يا دفان الحسين لا تلچم الضلعين
گله اخت غريبه وبعدك تهمل العين
❥━──➸➽❥❂❥━──➸➽❥❂
گله اختك غريبه ومهضومه وسبيه
وگله امگابله الراس من ينشد عليه
يادفان بهداي نزله اعله الوطيه
ابو السجاد مذبوح مگطوع الوريدين
❥━──➸➽❥❂❥━──➸➽❥❂
ابو السجاد مذبوح وگطعو منه نحره
لا تنسه يدفان خنصر ايده دوره
وبالك لا تلچمه تره ضلوعه مكسره
واحنه ابين كفار واجناب وملاعين
❥━──➸➽❥❂❥━──➸➽❥❂
احنا ابين كفار ودونه سبايا
عفنه اجساد اهلنه بالحومه ضحايا
بعد ما عدنه وليان عله الله وعالعبايا
ضلو كل أهلنه عالغبره مطاعين
❥━──➸➽❥❂❥━──➸➽❥❂
عالغبره مطاعين ضلو كل اهلنه
بجفاهم سبونه وعگب حسين ضعنه
يادفان گلهم نجر ونه اعله ونه
وسلمنه يدفان عله امگطع الچفين
❥━──➸➽❥❂❥━──➸➽❥❂
سلمنه يدفان عالگطعو چفوفه
گله اختك حزينه ومحتامه ارد اشوفه
ما خلوني يمه ما اريدن اعوفه
مايدري الكفلني طبيت الدواوين
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
*من ديوان مسير الفواطم لارض المظالم ج٣*
*قصيده للسبي (رايحه عنكم)*
❥━──➸➽❥❂❥━──➸➽❥❂
رايحه عنكم يخوتي رايحه
لا لطمت ولا نصبت الفاتحه
لا نصبت الكم عزيه ... حملت عنكم سبيه
والچثث عالغبره ضلت طايحه
❥━──➸➽❥❂❥━──➸➽❥❂
رايحه عنكم يخوتي ميسره
امگابله الروس وجثثكم عالثره
گلبي مايصبر بعد شيصبره
والدمع فايض عله اخدودي وجره
اشهالمصيبه الله واكبر صايحه
❥━──➸➽❥❂❥━──➸➽❥❂
شهالمصيبه الصارت علينه وسدت
عشت بالهم والالم واتمرمرت
يا عذاب ويا هظيمه تحملت
مثل هاي الفاجعه لا ما شفت
روحي منهه بگت تبچي ونايحه
❥━──➸➽❥❂❥━──➸➽❥❂
نايحه روحي عليهم ما تهيد
اعزاز همه ويسري حبهم بالوريد
العيشه والله خلافهم لا ما اريد
شلون افارگهم واطب مجلس يزيد
صعبه نضرات الشماته وجارحه
❥━──➸➽❥❂❥━──➸➽❥❂
صعبه نضرات الشماته وموجعه
روحي تحمل يامصيبه وفاجعه
عفت ابو السجاد مرمي بمصرعه
عفت چفين الكفيل امگطعه
والهضم مصباح گمنه انصابحه
❥━──➸➽❥❂❥━──➸➽❥❂
نصبح ونغفه عله الون والهموم
والفرح يا ناس النه ما يدوم
ضلت العدوان بس يمنه تحوم
خويه ياعباس وينك ماتگوم
عين اخياتك الراسك شابحه
❥━──➸➽❥❂❥━──➸➽❥
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
بطلة كربلاء مابين الاعداء
وين حيدر وينه حامي احماها
يلحك لزينب ترى أبلواها
ضلت لوحدها مابين العدى
والاطفال برعب تركض شارده
زينب بموقفها وتلاوي الردى
تلملم اعيال النبي برداها
تعاني والعدوان مابيهم رحم
والزلم طاحو على الغبره الزلم
زينب بكربلا كاتلها الهظم
بهالوضع يتشمتون اعداها
ثكلت القصه وثكل حيل الحمل
بشده وتحن ليك ياخير العمل
الجبال اتميل من هذا التكل
زينب لوحدها منهو وياها
يهل زينب زينب بلايا أهل
ضلت بنص كوم مابيهم أمل
طابع الشيطان بكلوب الجهل
وزينب تعاني بلا ولياها
وين عن زينب مشيتو ياهلي
اليطيح بضيج يندب ياعلي
وانا ماضل ظيم الا ومر علي
روحي تهتف ياعلي تلفاها
محمد دعبل النوري
محرم 1447ه- 2025م
ليلة 13 محرم (ليلة الدفنه)
راجع بگلبي المدمي ادفن ابوي وعمي
آ يا محنتي ★★★★★★★★★★★★★★★★★؛
يبويه حسين اجيتك ها يمذبوحي
فراگك شيباني يا بعد روحي
من درب السبي رديت بجروحي
ادفننك اجيت بحسرتي ونوحي
ذبيت يمك حسره يا بويه فگدك كسره
آ يا محنتي ★★★★★★★★★★★★★★★★★؛
ثلث تيام باقي ومنگطع نحرك
آثار الحوافر طابعه بصدرك
لگيت چفوف اديك مگطعه بكترك
تمنيت انذبح عمري وسلم عمرك
مكسّر مطبر جسمك شلون التراب يضمك
آ يا محنتي ★★★★★★★★★★★★★★★★★؛
اودعنك يبويه وروحي تتلوه
رايح لبو فاضل صاحب النخوه
ونعم من الكفيل الجابته اللبوه
مثل عباس ما تحصل ابد خوّه
گاصد الراعي الغيره ظلينه بعده بحيره
آ يا محنتي
؛★★★★★★★★★★★★★★★★★
يعمي الغالي اجيتك مختنگ صدري
مدري شلون ادفنك يالگمر مدري
ادفنت قبلك ابوي ومنكسر ظهري
ذبحتوني وراكم يا بعد عمري
سهم الرديه بعينك ومگطعه چفينك
آ يا محنتي ★★★★★★★★★★★★★★★★★؛
اجيت وبالخرابه عايف النسوه
اجيت وروحي بالحسرات تتچوه
يعمي الحگ الزينب طايحه ابّلوه
يالخلصت عمرك بالشدد تچوه
زينب لمن عفتوها فوگ الهزل صَعدوها
آ يا محنتي ★★★★★★★★★★★★★★★★★؛
اودعكم ويذبح روحي فرگاكم
لو بيدي اظلن گاعد احذاكم
احلى ايام عمري چانت وياكم
راح العمر كله ابقى انعاكم
انحب اظل للتالي وتبقون دوم ابّالي
آ يا محنتي ★★★★★★★★★★★★★★★★★؛
جعفر عطيه البزوني
للتواصل @jaffarsds
شغلت مصيبتها المصائب كلها
بنت الزكية زينبٌ بنت علي
بعد الطفوفِ دلالها فوق الثرى
وعلى الشريعة حز نحر الكافل
آه لها في عصر عاشر ضيعت
مابين مقتولٍ وسوط القاتل
داروا بها والقيد مزق كفها
لما سبوها فوق ظهر الهزل
من حلها والكون ضج لحلها
او مثلها بيدي لأيم تبتلي
سبوا ابها ثم سبوا امها
ولعلهم سبوا النبي المرسل
تشكي الى راس الحسين مصابها
والرأس يبكي حالها بالمحمل
فغدت تبث الى الحسين همومها
آه أيا سبط الهدى وابن الولي
لما دمعت السوط مزق اكتفي
واذا سمطت الوجد مزق داخلي
بعد الدلال وعز حامية الهدى
اسبا فيشمت في سبانا عاذل
سلبوا القناع وأبديت اشباحنا
والستر بالكفين يبدي مايلي
أ أساق هونا للدعي هديةً
حتى أُهان وقلب اختك ينصلي
أو ترتضي نمشي الدعي بأمره
قفي هاهنا او شاء قال هنا فانزل
@@@
علي أحمد الحمود
٧-٧-٢٠٢٥
السبي
منصه
نعي الاجساد المطهره
@ـــــــــــــــــــــــــــــــــــــــــــــــ@
وداع العقيله معه جسد الحسين ع..1..
@ـــــــــــــــــــــــــــــــــــــــــــ@
خويه يالضيعتنه اشلونك اليوم
جـــيت ارد اودعـنك يمـهضوم
شبيها الخيول ابصفك اتحوم
وشـــتريد مـنك بعـد هل گوم
خويه لتمينه ونته موش ملموم
............................*
خويه بس ساعت اليل انه وياك اضل بس ساعت اليل
شمسويه الخيل بصدرك يالولي شمسويه الخيل
ماضل بعد حيل السبي حيل ايريدلـه وماضل بعد حيل
والمدمع ايسيل يسيل الحيل الك والمدمع ايسيل
@ــــــــــــــــــــــــــــــــــــــــــــــــ@
وداع العقيله معه جسد العباس ع..2..
@ـــــــــــــــــــــــــــــــــــــــــــــــــــ@
خويه عباس يالـدگيت صدرك
زينب انه جيت اعليك اخبرك
انه ماجيتك اعاتب جيت اعذرك
اخاف احجي الجرالي ويگضي صبرك
ترضــاهـــا الغرب يـولـون خدرك
..........................*
خويه يصعب عليه يصعب عليه يوداعك ترا يصعب عليه
يجتفون اديه يجتفون اديه ترضاها الغرب يجتفون اديه
صرت السبيه صرت السبيه بعد طيحتك صرت السبيه
اشلون بيه اشلون بيه اذا للشام اروح اشلون بيه
@ـــــــــــــــــــــــــــــــــــــــــــ@
وداع سكينه معه جسد ابيها..3..
@ــــــــــــــــــــــــــــــــــــــــــــ@
اگـعد عله ارقيه ولـوهــا
وبصياط صارو يضربوهـا
اتموت البنيه ابلايه ابوهـا
تبجي وقناطرها اسلبوهـا
وعل جمر بويه ركضوهـا
.....................*
بويه جيت احاجيك انه سكينه وجيت احاجيك
انطيك انطيك اذا عطشان ماي اعيوني انطيك
ماخلو اعليك سلبو حته الضلع ماخلو اعليك
بصف گلبي اخليك لون اكدر انه بصف گلبي اخليك
@ــــــــــــــــــــــــــــــــــــــــــــــ@
وداع سكينه معه عمها العباس..4..
@ــــــــــــــــــــــــــــــــــــــــــ@
عـــباس عـمي اصايـر اعلـيك
مـگـطع وذر ومـگطعه ايديك
اتمنه تگعـد حـته احـــاچيك
وبحسين ابوي هواي اوصيك
كــــون الوجع يندارلي البيك
................................*
عثره عله عثره يعمي الدرب عثره عله عثره
معصور عصره گلبي والصدر معصور عصره
تلكوها حمره اعيون التنهضم تلكوها حمره
ينكسر ضهره الفكد ناسه وهله ينكسر ضهره
@ــــــــــــــــــــــــــــــــــــــــــــ@
وداع الرباب ل عبدالله الرضيع..5..
@ـــــــــــــــــــــــــــــــــــــــــــــ@
لي هسه اهز مهدك وناغيك
انه تمنيت تگعد حته الوليك
عبدالله يبني امك تحاجيك
ارد اگمطنك مدلي رجليك
يبني وعلي گلبي انمرد بيك
................................*
يالتفگد اوليد يالتفگد اوليد تعيش ابلا گلب يالتفگد اوليد
چامني شيريد الوكت بأگ التعب چامني شيريد
مايقبل ايهيد الگلب حن للولد مايقبل ايهيد
بويه كل ساعه ايزيد الوجع بالروح احس كل ساعه ايزيد
@ـــــــــــــــــــــــــــــــــــــــــ@
وداع ليلى معه جسد ولدها علي الااكبر..6..
@ــــــــــــــــــــــــــــــــــــــــــ@
كــون الـوجـع ينـدار ليـه
والصار بــيك يـصـير بيـه
يبني يـــالكبر حـن علـيه
وحاچيني لو كلمه اشويه
اتمنيت اجت ليه المنيه
ولاشوفك ابدمك امخضب
................................*
كل حيلي وياه طاح بطيحته كل حيلي وياه
يوميه تنعاه ترا التفگد ولد يوميه تنعاه
اه بضهر اه تخلص العمر اه بضهر اه
وشزين ملكاه الولد لو لاكه.امه اشزين ملكاه
@ـــــــــــــــــــــــــــــــــــــــــــــــ@
وداع رمله معه جسد ولدها القاسم..7..
@ــــــــــــــــــــــــــــــــــــــــــــــــ@
ربيـتك ييمه وشـكثر لـوليت
وكـبرتك وزفـك بيـدي اتمنيت
چنت اتمنه والدك يترسون البيت
تالي اتموت يبني بامك اشسويت
يجسام وشبابك حيل ماخليت
................................*
مالايگ النوم عريس او الك مالايگ النوم
اوحلو الرسوم يبواعيون الوسيعه او حلو الرسوم
چاهلبت ادگوم انه امك يالولد چاهلبت ادگوم
مارحمته الگوم شباب وبالحرب مارحمته الگوم
@ـــــــــــــــــــــــــــــــــــــــــــــــــــــــ@
وداع السيده زينب معه الجميع...8...
@ـــــــــــــــــــــــــــــــــــــــــــــــــــــــ@
وكت زينب صفت بالصوط تنجاس
لا كو حسين يمها ولاكو عباس
اخيتكم غريبه ابين الرجاس
وباجر بالسبي وتتعاين الناس
جنت ويه اخوتي بالگصه انباس
................................*
صارت غريبه صارت غريبه زينب بت علي صارت غريبه
ضايع طبيبه ضايع طبيبه جرح گلبي كبر ضايع طبيبه
تبدي المصيبه تبدي المصيبه من باجر الي تبدي المصيبه
منين اجيبه ومنين اجيبه انه المثل خواني الي امنين اجيبه
@ــــــــــــــــــــــــــــــــــــــــــــــــــــ@
لخادم الحسين
#علي_الحموداوي
🏴|| عزاء مصيبة يوم ١١ محرم
………………………………………
اويـلاه ياكريله .. اويـلاه ياكربله
………………………………………
اخيامي العدا حرقوها
.. اويلاه ياكربله
وسكنه اسف سبّوها
.. اويلاه ياكربله
والايتام ضــربوها
.. اويلاه ياكربله
اليوم صارت زلزله
اويـلاه ياكـــربله
………………………………………
الله الرحيم ابحالي
.. اويلاه ياكربله
مذبوح اخويه الغالي
.. اويلاه ياكربله
مقطوع رأسه اقبالي
.. اويلاه ياكربله
نايم على حر الفله
اويـلاه ياكـــربله
………………………………………
اتنــّكست اعلامي
.. اويلاه ياكربله
ذبحوا أخوي الضامي
.. اويلاه ياكربله
حرقوا العدا لـ اخيامي
.. اويلاه ياكربله
الهموم كل شايله
اويـلاه ياكـــربله
………………………………………
بـخدري أنه معروفه
.. اويلاه ياكربله
وتالي بحبل مچتوفه
.. اويلاه ياكربله
باچر اروح الكوفـه
.. اويلاه ياكربله
بت حيدرا عقد الوله
اويـلاه ياكـــربله
………………………………………
نسألكم الدعاء والفاتحة لروح والديّ
خادمة المعصومة
#ليلى -الطريفي ✍️
حرق الخيام وشكوى زينب لأخيها الحسين وهو مرمي على ترب كربلاء / طور الخضيب♪
هجموا علينا يالولي لمن طحت يا حسين
وحاطتنا خيل الظالمه وين اتجه لـَ وين
سوط الشمر فوق المتن ترضى ينور العين
وعين العدو مثل السهم وسلبونا هالفجّار
〰〰〰〰〰〰
فرّن خواتك بالفلا يا خويه مرعوبات
ودارت علينا هالزلم وسلبتنا هالشمّات
ما عندي خيمة ولا ستر وخيمنا منهوبات
خويه الأميرة بالغرب شيبت خيمها بنار
خادمة آل محمد✍
سمعها وصار يتقلّب شمال ويمين
وناداها اصبري يختي ينور العين
أمر الله هذا وانكتب كلنا فدا هالدين
صبرچ عالمقدّر يا مهجة العباس
〰〰〰〰〰〰
خادمة آل محمدحرق الخيام وشكوى زينب لأخيها الحسين وهو مرمي على ترب كربلاء / طور الخضيب♪
هجموا علينا يالولي لمن طحت يا حسين
وحاطتنا خيل الظالمه وين اتجه لـَ وين
سوط الشمر فوق المتن ترضى ينور العين
وعين العدو مثل السهم وسلبونا هالفجّار
〰〰〰〰〰〰
فرّن خواتك بالفلا يا خويه مرعوبات
ودارت علينا هالزلم وسلبتنا هالشمّات
ما عندي خيمة ولا ستر وخيمنا منهوبات
خويه الأميرة بالغرب شيبت خيمها بنار
خادمة آل محمد✍
سمعها وصار يتقلّب شمال ويمين
وناداها اصبري يختي ينور العين
أمر الله هذا وانكتب كلنا فدا هالدين
صبرچ عالمقدّر يا مهجة العباس
〰〰〰〰〰〰
خادمة آل محمد
#مولانا_العبّاس(ع)
#سلامٌ_على_بدرِنا_الهاشِمي
سلامٌ على بدرِ آلِ التُّقى
إلى روضَةٍ في الجِنانِ ارتقى
سلامٌ على عَينِ أمّي البتول
بِكفَّيهِ كان اللِّوا والسِّقا
سلامٌ على بَدرِنا الهاشِمي
سلامٌ على نورِنا الفاطِمي
💔💔💔💔💔
لخِدرِ العقيلةِ كان الكفيل
لأيتامِ طفٍّ فنِعمَ المُعيل
أيا عَينُ فابكي لخَطبٍ مَهول
لقَطعِ الكُفوفِ..، لرُزءٍ جليل
سلامٌ على بدرِنا الهاشِمي
سلامٌ على نورِنا الفاطِمي
💔💔💔💔💔
لِساقي العَطاشى وحامي الحِمى
تفطَّرَ قلبُ الدُّنى والسّما
وفاطِمُ قامَت تُعزِّي الرّسول
بِمَن قد فدى سِبطَها بالدِّما
سلامٌ على بَدرِنا الهاشِمي
سلامٌ على نورِنا الفاطِمي
💔💔💔💔💔
وفي كربلا قد بكاهُ الثّرى
خضيبَ الجَبينِ، طريحَ العَرا
عليهِ نُواحٌ ودَمعٌ هطول
مِنَ المُرتضى خَيرِ كُلِّ الورى
سلامٌ على بدرِنا الهاشِمي
سلامٌ على نورِنا الفاطِمي
💔💔💔💔💔
بقلبي أنينٌ لطولِ المدى
على مَن أُطيحَ بسَيفِ الرّدى
فحَلَّ ببَدرِ السّماءِ الأُفول
حِدادًا على ذا سَليبِ الرِّدا
سلامٌ على بدرِنا الهاشِمي
سلامٌ على نورِنا الفاطِمي
💔💔💔💔💔
#سلامٌ_على_الكفيل
#سلامٌ_على_العبّاس
زينب الموسوي
#بنت_الزهراء
موسبي راحت سفير يا اميره وبت امير
فخر راحت موهضيمه
تنشر الثوره العضيمه
............
هيه ما اراحت سبيه واجزم بهذا الكلام
ملك ويسولف عرشهه ثورة الحق والظلام
تمشي وي ضعن الفواطم هيج وصاهه الامام
يعني لو هضموهه زينب نقره عالثوره السلام
للضعن كافل تصير يا اميره وبت امير
تحجي عن قصه واليمه
تنشر الثوره العضيمه
...........
الزلمه لو ميتين اخوته يدير الانگاب ويصيح
وزينب الوگفت قضيه سكته دمعتهه التطيح
زينب وحيدر صبرهه ابوكت اليوفي شحيح
مثلت دور العبايه وچان الحسين الذبيح
امهه بالناگه التسير يا اميره وبت امير
مطرت من الصبر غيمه
تنشر الثوره العضيمه
..........
امهه بالناگه ابصبرهه غطت الدنيا بوقار
سولفت خطبه السمعهه گال ردلنه الفقار
يافضل زينب اشبهه ويشبه الفضل النهار
الدنيا لوله ام عون احسهه ضلمه وامتيهه القرار
الصار تحجيه واليصير يا اميره وبت امير
ذلت الگوم اللئيمه تنشر الثوره العضيمه
.............
كعبة الاحزان هيه وهيه منهج للصبر
يامره الميتين اهلهه وتحجي الهم للنحر
چلمة الذله اعله زينب چانت ابدن ماتمر
يا اخت عباس ثوره وانتي ذليتي الاسر
لا تذل ولاتحير. يا اميره وبت امير فيت اعله الدين خيمه تنشر الثوره العضيمه
...........
ابد ماقلت صبرهه وابو الباقر بالضعن
مثل الحسين اعله زينب جفه للحره وطن
صح عليل ولچن دوره مايقدرونه ابثمن
نشف الدمعه الخواته وللفواطم لو بجن
گدهه ابو الصبر الچبير يا اميره وبت امير
للخلگ يشرح جريمه تنشر الثوره العضيمه
خادم اهل البيت علي الزرگاني
زينب ياعلي زينب الخيل من اوصلت حدها
ليك اتوجهت تتنخـاك وتحشــمــك يوالـدها
ـــــ
زينب ياعلي زينب مـــن گـــــوضـــــت ولياها
طلعت والمـــهـــــر عـــــــاري ياحيــدر تلگـاها
صاحت طاح اخوي احسين صاح المهر وياها
يزينب طاح ابو اليمه
يزينب ســابـح ابدمه
يزينب خل نصل يمه
وناخذ ماي ويانه چبدته العطش ماردها
ـــــ
زينب للمهر گـــــالـــت وهي على الهظم جمضه
يمهر حسين اروح وياك اخاف احسين مايرضه
ومنطلع خيالي ايصير لعيــــون الزلم عـــــرضه
اخــوي حسين مايقبل
وخافـن يالمهر يــزعـل
لاچن اوچب على التل
وانده وين أخوي حسين بلچن يسمع الندها
ـــــ
گال المهر يازينب اضنج ما بگالـــــچ راي
ابن امچ وگع ويصيح اريداً يالهوادم ماي
دجيبي الماي يازينب وانه الاخـذچ وياي
ويشرب والـــد سكينه
ومن يشرب يفك عينه
ونجعده ويحـــــاچينه
وبمعصبچ يازينب اجروح التكلف انشدها
ـــــ
زينب للمهــــر گالـــــت يمكــدر مـــــردت چبـدي
تكـــــول حسين يطلب ماي وانه الماي مو عندي
يمهر حسين وحدك روح خبره وانه اضل وحدي
يمهر حسين أضل اتناك
انچــان اتــريـدني وياك
اريد اتريض بمـمــشــاك
يمكدر حيل مابيه المثلي الله يساعدها
ـــــ
مشـت وي المهر زينب يهــد الحـيــل ممشـاها
تبچي والمهـر يبچي يبو الحمله اعلى مبچاها
دلاها اعلى خوها حسين شگول اشلون دلاها
حـرمـه ولفـت واليها
عدها هموم تشچيها
تحاچيه ما يحاچيها
لاچن قسمت اعلى حسين بمها وعودها وجدها
ـــــ
يخويه ابجاه جدي اعليك وجاه امك تحاچيني
يخــوي من عــگــب عيــنــاك لهلـي من يوديني
يخوي اگــعــد وباصــرنـي واعلى الــراي دليني
يخـويه عيالنا هجت
يخويه طفالنا سجت
يخويه خيامنا وجت
يخويه اگعد وطفي النار وخيول العده ردها
ـــــ
فك عينه ابوجه زينب شگول اشلون فك عينه
شـــــاف النــار وي الخيــل بمــوسـط صواوينه
وتهيج صــاحــب الغيـره على هضمت نساوينه
مــا چــــــانت علــى باله
حــي وتنـــــولي اعيــاله
اعلى ابو السجاد هالحاله
امر من العطش والحر وامر من الجتل وادها
ـــــ
التفت لخته يحاجيها يزينب گــالهـا اشجابچ
يختي العيلــتــچ ردي تتيه الحـــــرم بغيـابچ
ردت لاچن أشردت على بن امها الجنه شابچ
والله الفخر الها وبس
بيهــا حــيــل تتنـفس
تــتــجــلــد وتتحمس
تشوف اطفال مذعوره وتشوف الخيل تطردها
ـــــ
زينب ردت من حسين تعال وشوفها بيا حال
تكفكف بيد دمعتها وبـيــد أمــوســره الــدلال
الف عفرن على زينب وعفيه الها جدم ينشال
حــرمـه غـــــدر بيها البين
وافكرها انشده بين اثنين
مابين الــحــرم وحــسـين
شتدبر اوشتعبر وهي حرمه وحرم عدها
ـــــ
لخــوهـــا راحــت وردت وبخيمها تشب النار
رادت من يطفي النار شـافــت ما حصل نغار
صاحت لچن مغتاضه اضخر لا يحامي الجار
شنهي من صبر صــبرك
علي يا والدي اشبصـرك
يبويه بهــاي ما عـــذرك
بناتك صارت ابشده ونت حاظر شدايدها
ـــــ
علي يا والدي منته الحمـه ويوم الشــــدد منــدوب
يبـويــه الصــبـر فصلته ثـــوب وركــد هــذا الثوب
يبويه حسين أخوي اچتل وعزي البالطنب منهوب
وهاي الحرم شيلمها
اوشبـت نـار بخيمها
وراح اللــي تــزمــها
يبويه الليل لو هود ياهو الي يهودها
خادم اهل البيت
الحاج مُعين السباك
عگب اخيام اهلنه بتنه بالسوك
شمر والحبل بيده بتنه بالسوك
ياهو اليرضه تدخل بتنه بالسوك
واحنه مخدرات اهل الحميه
&&&
اجت زينب وصارت ظل عله حسين
ولا تنزاح يا في ظل عله حسين
انكسر بخيول اميه ظلع الحسين
وضلوعه تلمن بيهن رقيه
&&&
يعيني دمع مني صدري للحسين
كاروك لرقيه صدر الحسين
انسحن بين الحوافر صدر الحسين
الصدر عالظهر ونطبگن سويه
&&&
تره لختك بعد ما بقت خي ماء
تره لضيج ما ظل بعد خي ماء
زينب نادتك وتريد خي ماء
مو الها تره لسكنه ورقيه
&&&
علي جبار الكعبي
الفاتحه لوالدي