8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
💠شور 💠
يم جثته گعدتي شسولفيتي
شحچه وياچ زينب وشحچيتي
گلتيله امشي خل نروح
گلچ خويه مذبوح
عيونچ طاحن بگد ما بچيتي
:::::
حيل ما بيه واجيت اركض ركض
گلبي ما ينطيني نايم عالارض
الخيل تسحگ بيك احس طول وعرض
حسين من گد السحگ ما بي نبض
نحره تكلم وحاچاني بهداي
زينب يختي رايد اشرب الماي
دمك شفته مسفوح
::::
شطلعچ باليل ياهو الوصلاج
جاي اشوفنه الشمر يركض وراچ
وين ابو فاضل قبل چان بگفاچ
وين وداچ الزمن المن خذاچ
باچر يختي ما يبقالچ اموتن
عليچ الناس كلها معارك اعيون
كفيلچ يختي مطروح
:::::
ما عرفتك بالشكل تدري انت زين
هو انت حسين ما ظنك حسين
انه شميتك تره مو شوف عين
باچر اختك وين ما تعرفني وين
اشيلن يا كتل يا كتل اخلي
ماكو اي مكان وسهم ما بي
زينب يمك تنوح
::::::
باچر ايدخلونچ بمجلس يزيد
وانتي بچفوفچ سلاسل من حديد
باچر ترگضين زينب من جديد
كلها تنظرلچ صفت حتى العبيد
تره وسط الخرابه انتي تگعدين
اخت عباس هاي واخت الحسين
گلبچ يختي مجروح
:::::
بيش اسكت بنتك وتنظر عليه
گمت امسح بالدمع بچفوف اديه
يالخرابه وجابو براسك هديه
شهگه وحده وماتت براسك رقيه
ما تحمل ضرب ارقيه تنباس
ماتت بنتك ومن حضنت الراس
ما ظل بيها ابد روح
::::::
علي جبار الكعبي
الفاتحه لوالدي
(حديث للدفنه )
(دفن الحسين ع والاجساد الطاهره )
صلى الله عليك ياسيدي ويامولاي يااعبدالله صلى الله عليك ياسيدي ويامولاي ياابن رسول الله ياابن امير المؤمنين وابن فاطمه الزهراء سيدة نساء العالمين يارحمة الله الواسعه ماخاب من تمسك بكم وامن ولجأ اليكم باابي انت وامي باابن رسول الله
هذا حسين بالحديد مقطّع
متخضّب بدمائه مستشهد
عار بلا كفن صريع في الثرى
تحت الحوافر والسنابك مقصد
والطيّبون بنوك قتلى حوله
فوق التراب ذبائح لا تلحد
ويلي الوالي موذر عله تربان
لاواحد حضر لاجابله جفان
وين الفحل داحي البيبان
ويلي بحصيره حسين لموو
وبدال خده النحر عترب خلو
صيحو بني هاشم خلهم يدفنو
عطشان الولي رشوو ميه
بدموع العقيله الهاشميه
مشت عنه ياولي سبيه
الف لاحول ولأ قوةالأبالله العلي العظيم وعوذ باللة من شر شيطان رجِيم وسيعلم الذين ظلموا ال بيت محمدا اي منقلبآ ينقلبون ولعاقبة للمتقين سلام الله على المتقينً
بعد واقعت الطف
بقيت جثّة الإمام الحسين(عليه السلام)، وجثث أهل بيته وأصحابه بعد واقعة الطف مطروحة على أرض كربلاء، ثلاث أيّام بلا دفن، تصهرها حرارة الشمس المحرقة، قال أحد الشعراء حول مصرع الإمام الحسين(عليه السلام):
قبيلة بني أسد
قبيلة تعيش أطراف كربلاء، خرج رجالها يتفحّصون القتلى، ويتتبّعون أنباء الواقعة بعد رحيل جيش عمر بن سعد إلى الكوفة، فلمّا نظروا إلى الأجساد وهي مقطّعة الرؤوس، تحيّروا في دفنها، فبينما هم كذلك جاء الإمام زين العابدين(عليه السلام) بمعجزة طي الأرض إلى أرض كربلاء.
كيفية الدفن
قال السيّد المقرّم(رحمه الله): «ولمّا أقبل السجّاد(عليه السلام) وجد بني أسد مجتمعين عند القتلى متحيّرين لا يدرون ما يصنعون، ولم يهتدوا إلى معرفتهم، وقد فرّق القوم بين رؤوسهم وأبدانهم، وربما يسألون من أهلهم وعشيرتهم! فأخبرهم(عليه السلام) عمّا جاء إليه من مواراة هذه الجسوم الطاهرة، وأوقفهم على أسمائهم، كما عرّفهم بالهاشميين من الأصحاب، فارتفع البكاء والعويل، وسالت الدموع منهم كل مسيل، ونشرت الأسديات الشعور ولطمن الخدود.
ثمّ مشى الإمام زين العابدين(عليه السلام) إلى جسد أبيه واعتنقه وبكى بكاءً عالياً، وأتى إلى موضع القبر ورفع قليلاً من التراب فبان قبر محفور وضريح مشقوق، فبسط كفّيه تحت ظهره وقال: “بسم الله وفي سبيل الله وعلى ملّة رسول الله، صدق الله ورسوله، ما شاء الله لا حوّل ولا قوّة إلاّ بالله العظيم”، وأنزله وحده لم يشاركه بنو أسد فيه، وقال لهم: “إنّ معي من يعينني”، ولمّا أقرّه في لحده وضع خدّه على منحره الشريف قائلاً:
“طوبى لأرض تضمّنت جسدك الطاهر، فإنّ الدنيا بعدك مظلمة، والآخرة بنورك مشرقة، أمّا الليل فمسهّد، والحزن سرمد، أو يختار الله لأهل بيتك دارك التي فيها أنت مقيم، وعليك منّي السلام يا بن رسول الله ورحمة الله وبركاته”.
وكتب على القبر: “هذا قبر الحسين بن علي بن أبي طالب(عليه السلام)، الذي قتلوه عطشاناً غريباً”.
ثمّ مشى إلى عمّه العباس(عليه السلام)، فرآه بتلك الحالة التي أدهشت الملائكة بين أطباق السماء، وأبكت الحور في غرف الجنان، ووقع عليه يلثمّ نحره المقدّس قائلاً: “على الدنيا بعدك العفا يا قمر بني هاشم، وعليك منّي السلام من شهيد محتسب ورحمة الله وبركاته”.
وشق له ضريحاً وأنزله وحده كما فعل بأبيه الشهيد، وقال لبني أسد: «إنّ معي من يعينني»! نعم ترك مساغاً لبني أسد بمشاركته في مواراة الشهداء، وعيّن لهم موضعين وأمرهم أن يحفروا حفرتين، ووضع في الأُولى بني هاشم، وفي الثانية الأصحاب وأمّا الحر الرياحي فأبعدته عشيرته إلى حيث مرقده الآن»(۲).
وبعدما أكمل الإمام(عليه السلام) دفن الأجساد الطاهرة، عاد إلى الكوفة والتحق بركب السبايا.
هنا تلكته زينب عمه علي اين كنت وتراب والغبار عليه
قال عمه زينب كنت ادفن والدي الحسين
(فائزي)
نادته عمه حسين كلي شلون حاله
شلون صار دفنته وكطعه اوصاله
وحيد ياعمه بكه محد اجاله
صاحت يعمه ماي كلي شربيته
ناداها عمه عله ترب بيدي وسديته
وبدال خده حسين النحره خليته
ناده النحر سمعيت وسدلي طفلي
عمه علصدره طفله خليته اخيي
صعبه الوضع ياعمه دمعي يهلي
(نعي الفراق)
سولف يسجاد ..الاخو شلون حاله
سولف يسجاد..مرمي ماواحد بكاله
سولف يسجاد..عرمل محد الشاله
عمه عمه ..الابو موذر لكيته
عمه عمه..بترابه وسديته
عمه عمه…الي تهدمة ثنيته
عمه بيدي..لملمت عظمه بحصيره
عمه بيدي…سكيته بدموعي جثيره
عمه بيدي...صعبه لمه وهاي حيره
يهل راسك عل رماح
گلبي يمته يستراح ؟؟
_____
گلبي يوجعني او علي
والدمع دم ايهلي
وحّدي او محد ألي
ابهيمه مكسورة جناح
_____
گوم جابوها الهزل
انچتف راح ابحبل
يبو فاضل شحتمل
والصبر من عندي راح
_____
نوگ جابوهن هزال
لا هوادج لا ضلال
اهنا يكفالي تعال
اشلون صبّحنه ابصباح
_____
خويه احنه بس نساء
او جيشهم مابي حياء
زلم تكرهها السماء
زودو جرحي جراح
_____
جابو الهزل يحيد
اتريدنه نركب تريد
بالله المن انطي ايد
گلي خليني استراح
_____
يبو فاضل گلبي ذاب
او تعّباني هل مصاب
انت تسمع هل عتاب
او تسمع ابگلبي الصياح
_____
تسمع ابگلبي اشيصير
لضى چن نار السعير
چا انا ابنية الامير
انسبي او ضعني مباح
_____
تالي عمري يا حماي
الشمر يصبح راعي راي
ايگلي روحي . او تعاي
وسوطه فوگ امتوني لاح
_____
ايريدني للكوفه اروح
وانه جثه ابلايه روح
آنه ما معتازه نوح
گوم مو فص عيني طاح
_____
ابو فاطمة الطائي
[[ قصيدة دفن الأجساد ]] بين زينب ع والسجاد ع
>>>>>>>>>>>>>>>>>>>>>>>>>>
يا عمه جرح البين
گلبي يسألك وين.......واصلهم احبابي
مذبوحه شنهو الراي
شربت ابوك الماي....تدريني بمصابي
*******
يعمه من رحت لحسين ..گلي بيا وضع شفته
يذبحني الجرح بالروح.......يعمه شلون جهزته
ما ظل شي بعد بحسين.....هاي الخيل ساحگته
يعمه سولف الاحزان.......اشوف اسهامه شابگته
متگطعه اوصاله
محد حضر شاله
...................نايم عله الغبره
اشمسويه هاي الخيل
وابروحي مات الحيل
................وظلوعه متكسره
*******
يعمه سولف المضمون.......ابوك اشلون وسدته
اشوفنه الچبد نصين .....سهمه بگلبه لو شلته
بحصيره شايل المذبوح.....يعمه صعبه سالفته
اريدك من تدفنه ابهاي.....ماي ابنحره شربته
ميت ولا بي صوت
ما ينحط بتابوت........مطشره اوصاله
محد حضر يمه
ويشوف ابو اليمه .......متغيره احواله
*******
*******
انشدك عمه حاچيني........ابوك اشلون لميته
عجيبه منطبگ صدره.....شفنه ابظهره خليته
كلشي ما سلم منه..........اصبعه اشلون ضميته
وبنحره ونين اسمع.......رضيعه وين واريته
من نحره اسمع هاي
وسد رضيعي وياي....خلي على صدري
ياعمه روحي تروح
من شافت المذبوح........يمه انتهه عمري
*******
[[جاوب السجاد ع]]
>>>>>>>><<<<<<<<>>>>>>>>>>
يعمه اشلون انزلنه.........وبويه راس ماعنده
مصيبه اتحيرت بحسين...اريد عله ترب خده
طحت ياعمه بجروحي......يريت اتمدد ابسده
يعمه شاهدتهه الخيل ......ما خلت تره بچبده
يذبحني تالي البين
لميت ابوي احسين.....وحنيهن اظلوعي
مستمر صوت الاه
يا روحي وا ويلاه....ماتنشف ادموعي
*******
توجهت ابهضم دنياي....ياعمي النعي تسمع
ما اگدر اشوف الجود......گلبي بحسره يتگطع
جايبلك رساله وياي......من زينب ردت تفزع
تقبلهه يبو النوماس.........زينب للسبي تطلع
محتار اوسده اشلون
بعينه السهم مدفون
...................وبگلبي چم حيره
طاحت سمه عله الگاع
والعمر ......بعدك ضاع
..................اندهه يبو الغيره
*******
رجعت بحسرة اونيني.....انظر جاسم بحسره
شفت يمه الزچيه تنوح...حضرت فاطمه الزهره
وانه اتوجهت مهضوم......شفت الاكبر ونحره
طحت عله الارض مرتين.....يمه اتمدد بگتره
رايح....... شبابك راح
حيلي عله طولك طاح
.....................فگد الاخو صعبه
اگضي العمر آهات
تالي بخرابه انبات.
.................واحزاني بس غربه
*******
#تمت بعون الله تعالى
الشاعر___يوسف الفتلاوي
((#عزرائيل_إتنحه_اليوم))
#ملاحظه. (القصيدة حسب الروايات)
…………………………………………………………
رب الكون اصدر مرسوم
عزرائيل إتنحه اليوم
شمعة ديني .. حسين احسيني
انا اقبض روح المظلوم
……………………………………………………………
هاي الروح انا اتولّاها . اشگد شبعت ضيم واهات
يا عزريل ابهالظهريه . مو مره ومات مرات
من سمع صوت ابنه و ركض . عالگاع شافه اموذر
ومو ظهره روحه اتكسرت . من عاف اخوه امگنطر
والثالثه ابحضنه الطفل . و سهم استقر بالمنحر
جا شيظل ابهاي الروح
كل ساعه اتودع مذبوح
و كله ابعيني .. حسين احسيني
انا اقبض روح المظلوم
……………………………………………………………
يا عزريل و لجل حسيني . هل خلقيت انهار ماي
بس اليوم السانه اتفطّر . من گد ما عطشان اهواي
هالروح عذبها العطش . للماي تجذب حسره
من اشفافه خلقيت الورد . وهسه ابعطش متفطره
واهتز يعزريل العرش . من صاح اريدن گطره
ناح اوي الصوت اسرافيل
صاح آه و أحاه جبريل
يمعليني .. حسين حسيني
انا اقبض روح المظلوم
……………………………………………………………
يا عزريل وگلبك ميت . بس ما تتحمل هالروح
حسين وما يتفرزن جسمه . مامش شبر الما مجروح
سبعين الف سهم و رمح . اعليه اصبحت ملتمه
و اسيوف ردت ما لگت . الها مچان ابجسمه
وسهم المثلث مو صدر . من ظهره ينبع دمه
فعلا ما يكدر من شاف
يقبض روح ابهل اوصاف
اشگد منطيني . حسين احسيني
انا اقبض روح المظلوم
……………………………………………………………
شويه وهذا الكون ابكبره . يصبح ظلمه وما بيه نور
من شمر الملعون ايگلبه . بسيف ومن مگفاه منحور
ما يظل راسه اعل الجسد . امعلگ يظل ابرمحه
ايهزون بيه ابلا رحم . والنحر حيل ايجرحه
والوجه ذابل بالذبح . من عنده باگوا صبحه
عالرمح وراس العطشان
ايرتل ايات القران
ما ناسيني .. حسين احسني
انا اقبض روح المظلوم
……………………………………………………………
بعد شويه وغمض اعيونك . احسلك يا عزرائيل
منظر منه الجنه اتظلّم . فوگه اظل تتراكض خيل
ابلا ثوب تصبح جثته . و اعليها حافر يفتر
كلها اشوه سحگات الجسد . بس صعبه سحگ المنحر
اشلائه چن زخة مطر . فوگ الارض تطّشّر
مو عشره ايصير المجموع
خنصرهن يصبح مگطوع
بالكفّيني . حسين احسيني
انا اقبض روح المظلوم
……………………………………………………………
راح اقبض روحها واخذها . يم أمه الـ بالجنه تنوح
بس يا عزرائيل او جسمه . اثلث ايام ايظل مطروح
من فوگه تلسع بي شمس . من حدره گاع اتحرگه
وجروحه مايبگن حُمر . امن الشمس سوده و زرگه
مو حضن أم ولا أخت . أسهام و رماح اتشبگه
ابلا غسل ايدفنه الدفان
و بنحره اتفوت التربان
ابلا تكفيني .. حسين احسيني
انا اقبض روح المظلوم
……………………………………………………………
✍️ ( سيد خضر الزاملي )
من يدفنك يخويه من يدفنك
دامي جسمك يخويه دامي جسمك
شلون أروح بلياك.... أرد أضلن وياك
من يدفنك يخويه من يدفنك
...................................
لاتضن إمشيت عنك انه يمك كاعده
بس جسد للشام أمشي روحي والله مفرهده
ليش متوسد الغبره هذا كلبي إتوسده
إلحكنه ياسباح كلبي دارت اعلينه العده
إنهظ ورد اعداك ....ارد أضلن وياك
....................... من يدفنك.....
زينب آنه وجيت يمك لايذه بسدك تره
وهاي ايتامك يخويه هل سحكها بعسكره
والخيام البيها نكعد نار بيها موجره
كوم رد الجيش عنه كوم يابن حيدره
يابطل من يكواك..... أرد أضلن وياك
............من يدفنك...................
يكلها يازينب أخييج والله حزو منحره
شوفي هاي الجثه يمج يالعزيزه مطبره
الراس فوك الرمح يختي وهاي جثتي موذره
وروحي عندج يالعقيله شلون رحتي ميسره
روحي يم العباس...... سولفيله اعلا الراس
................ من يدفنك.........
كصدت العباس زينب كامت تحاجي الجفوف
مستحي العباس منها شلون ضلت بالطفوف
تصيح ياحامي الضعينه الماهبت يوم السيوف
عنك ويردوني أمشي وانت عيني البيها اشوف
عالنهر تالي الكاك....... أرد أضلن وياك
................. من يدفنك...........
أعتذر منج يزينب والعذر لله العذر
شوفي سهم الصاب عيني الخيل داست عالصدر
والعمود الصاب راسي والله عامود الغدر
ردت أوصل الماي الكم والله ماردت العمر
يابطل عمري فداك ...... ارد أضلن وياك
............ ..من يدفنك........
والله حيرني زماني بين شام وكربله
بين اعوف حسين بيها وبين اعوف العايله
البيها ضل عباس وحده وبيها جسام انوله
والجثث ضلت رميه بين غربان الفله
يالطلعنه بحماك ...... أرد اضلن وياك
................. من يدفنك........
باليتامه حيروني وهل بقيت مدوهنه
شلون درب الشام أمشي وآنه بت حيدر أنه
شلون أطب مجلس أميه بلا كفيل ولا ضنه
شلون من تنشد الوادم وآنه أضل متمحنه
حيرتني يتاماك ..... أرد أضلن وياك
خادم الحسين
عبدالكاظم الجابري
#سَبيُ_الهاشِميّات
#خِدرُ_الحرائِر
فَلتُطفِئوا الأنوارَ.. مرَّت زينب ْ
والقَلبُ بالأَشجانِ جَمرٌ يَلهَب ْ
عن كربلاءَ مضَت لِرحلةِ سَبيِها
وبِسَوطِ شِمرٍ يا عليُّ، ستُضرَب ْ
وحَفيدُكَ السّجّادُ يتبَعُ ظِلَّها
فكَفيلُها عِندَ الفُراتِ مُخَضَّب ْ
قد فاضَتِ العبَراتُ مِن عَينِ السّما
بِكُؤوسِ أحزانِ البرايا تُسكَب ْ
وتُصَبُّ مِدرارًا بقَلبِ مُحمّدٍ
فمُصابُهُ بالآلِ لمّا يَنضَب ْ
هٰذي سُكينةُ،طِفلةٌ تشكو الظّما
مِن قِربَةِ السّقّاءِ لا لم تشرَب ْ
أمّا رُقيّةُ.. حالُها يُرثى لها
فمُتونُها في السّبيِ آهِ تُعَذَّب ْ
مَولايَ يا مهدِيُّ، فانظُر حالَنا
خِدرُ العقيلةِ والحرائِرِ يُندَب ْ
أوَ بِنتُ فاطِمةَ البتولِ وحيدَرٍ
لِيَزيدَ تُسبى!! فالمَنِيّةُ أصعَب ْ
مَولايَ فاكفَل لِلعقيلةِ خِدرَها
كَي لا بِأيدي الجِبتِ غَصبًا يُسلَب ْ
زينب الموسوي
#بنت_الزهراء
#دفن_الاجساد_الطاهره
من بعد ذيج المصايب. راجع لدفن الحبايب
عالثره ضلوا ضحايا من حزنهم گلبي ذايب
......
آنه ياناس العليل جروحي بيّه
ذبحوا اهلي گبال عيني آل اميّه
بلا دفن ظلّوا ضحايه عله الوطيه
اليوم اجيت ادفن جثث اهلي بديه
من خذوني الغالي عفته. والله لو بيدي دفنته
حسين ابوي شلون اعوفه. غصب اخذوني وتركته
...........
من وصلت الغاضرية بدمعة العين
اعثر بجدمي رحت يم والدي حسين
ويلي شفته مگطّع بسوح الميادين
منين اشيلن جسم ابويه حاير منين
جمّعت جسمه بحصيره شلته بدموعي الغزيره
للگبـر نـزّلتـــه بيــــدي ودفنت شيخ العشيره
.............
من گبل ما هيل بيدي تراب گبره
وسّدت عبدالله دامي فوگ صدره
وسهم المثلّث ذبحها اوداج نحره
بياذنب ضامي الرضيع يموت حسره
منظر يهدّ الرواسي. شيّب بهالنظره راسي
والدي وأبنه شفتهم. مذبّحين وبيش اواسي
..............
رحت للأكبر عضيدي وسلوة الروح
اليشبه المختار جدي شفته مذبوح
احفرت گبره بدمعتي وبنار لجروح
نحت يم جسمه وندبته شينفع النوح
يم علي الأكبر عضيدي. نكسر ظهري وطگ وريدي
شلون بية الروح ظلت وبن ابوي ادفنته بيدي
...............
وعاينت عالغبره عرّيس الهواشم
بدم وريده امحنّي چفّه الغالي جاسم
دفنته وي انصار ابوي ودمعي ساجم
ضحّوا لدين الله ثبتوا بالملاحم
بحفره وحده جمّعتهم. يم ابواليمه ادفنتهم
بس حبيب العم فرزته عنهم وما باعدتهم
...............
وعتنيت بدمعتي لصوب الشريعه
للگمر عباس شاهدت الفجيعه
مگطّع الأعضاء وچفوفه گطيعه
احفرت گبره وضاگت بعيني الوسيعه
للگبر بچفوفي شلته. عالنهر واريت جثّته
گتله ياعمي سبوها. زينب الكافلها انته
سيد زيد الفحام
____
لسان حال الامام السجاد عليه السلام عند دفن جسد ابيه الامام الحسين عليه السلام (وزن النصاري)
ياوسفه بديه دفنت ابن الزچيه
تعوفه بگبره وتروح ماظلت بعد روح
دفنت ابن الزچيه
★★★★★
دفنت الروح والدنيا والاحلام
ودفنت السلوه والراحه والايام
دفنت الطيبه والجنه والانسام
شيصبر الروح هاگد تحمل آلآم
محبوبي دفنته وخليته بغربته
تحمل ها كثر نوح ماظلت بعد روح
دفنت ابن الزچيه
★★★★★
انا السجاد اجيت الغاضريه
دفنت حسين وايامه الزهيه
دفنته وطاوعتني شلون اديه
تمنيت وردت گبله المنيه
ياكسري شيجبره بديه حفرت گبره
تشوف حسين مذبوح ماظلت بعد روح
دفنت ابن الزچيه
★★★★★
شنهي المايون لحسين وينوح
دفنت ايام عمري وسلوة الروح
ابوي الماحظه بالماي مذبوح
ثلث تيام فوگ الگاع مطروح
مگطعته البواتر وطاحنته الحوافر
تشوفه شلون مطروح ماظلت بعد روح
دفنت ابن الزچيه
★★★★★
يا نجم السمه الطايح بالتراب
نجم الماخفه وعن بالي ماغاب
هذا الماجره ولامر بالحساب
عليك ادري صعب يابويه العتاب
دنيا الفارگتها تلوعني عفتها
تحمل هظم وجروح ماظلت بعد روح
دفنت ابن الزچيه
★★★★★
يبو اليمه الجره مامر على البال
يطيبة خاطري وياسلوة الحال
عليل الوحدي مچتوف بحبال
بس الحرم ظلت عندي واطفال
ماظلت مدينه مابيها مشينه
تمشي جبال وسفوح ماظلت بعد روح
دفنت ابن الزچيه
الشاعر حسن لعيبي الحريشاوي
الامام السجاد عند دفن ابيه الحسين عليه السلام
يدفن حبيبه ومهجته
تعنه العليل أبلوعته
متعني مكسور الگلب
حد كربله يطوي الدرب
متعني ودموعه تصب
الله يافرگه المحب
والله اتموت فرگته
تعنه العليل بلوعته
متعني مهدود العزم
من الجسم مدري شيلم
كل كتر وصله من الجسم
ماكو معاني ولارسم
وماكو ملامح صورته
تعنه العليل بلوعته
لمن وصل يم الجسد
الطعناته ماالهن عدد
السجاد علرمله گعد
من الأمر ماكو أشد
مطحونه ينظر جثته
تعنه العليل بلوعته
معقوله ابن المرتضى
ظلوعه الشريفه مرضرضه
ونحبه على الغبره گضه
بهلحال لمن لاحظه
مخنوگ ظل بعبرته
تعنه العليل بلوعته
لاظهر ظل ولاصدر
بدوس الحوافر منكسر
بحفره نجمع نور البدر
ويلاه ناده أم الخدر
يبچي ويحشم عمته
تعنه العليل بلوعته
جيش الكدر يمك لفه
امگطع ينور المصطفى
والهم نهب ظعنك صفه
ينادي على الدنيا العفه
بعدك يگلبي وسلوته
تعنه العليل بلوعته
صعبة وأشد من الصبر
حالة گلب مثل الجمر
يدفن سمه بوسط الگبر
والجنه وسنين العمر
للباري يشكي حالته
تعنه العليل بلوعته
الشاعر حسن لعيبي الحريشاوي
🗓 #محرم_1447هـ
🎶 تُقرأ بطور (صدگ يازينب تريدين بس ماي)
لــوَن يــا زينب الگبــرچ مَـزِرنــاچ
لكــن بالمجــالس نحضــر اويـــــاچ
نبچي وندمــي هالعيــن
ونِصيح بصوت يحسين
وانظل عالعهـــد دوم احنه ويــاچ
ــــــــــــــــــ ❁ ❁ ❁ ـــــــــــــــــــ
يابت حيـدره وفــاطمــه الزهــرة
يــا أخــت الــذي للكــــون عَبـــرة
عــلــينــــه لاتعــتبيــــن
نــدري ابغربتــچ زيــن
نـدعي الله اليخلصنــا مــن اْعـداچ
ــــــــــــــــــ ❁ ❁ ❁ ـــــــــــــــــــ
يحــــرة ويـــا عزيزتنــــا وفخرنـــه
يبت طـه وحبيبـــه يــا ذخــرنــه
والله مــــا نسينــــــــاچ
للمــوت اعــله ذكــراچ
ملعــــــون الـــــذي هــانــــچ واذّاچ
ــــــــــــــــــ ❁ ❁ ❁ ـــــــــــــــــــ
مجــالس للعــــزه ننـصب عليــكــم
مشتــــاگ الگلب مــولاتــي ليــكــم
كلــمــا نلطــم اصــــدور
نحــس انــداوي لنحــور
إحسبيـنه بعــزاء احسيــن يمنـاچ
ــــــــــــــــــ ❁ ❁ ❁ ـــــــــــــــــــ
فرض بينه القدر غربة اويـه غربــة
بيــهـــا نقتـــرب للبــــاري قربــــه
بس صـارت غــربتيــن
كتبهـــا اعلينــه هالبيــن
صرنه ابعاد عـن ذاك اللي كفـلاچ
ــــــــــــــــــ ❁ ❁ ❁ ـــــــــــــــــــ
بِعَدنه البين عــن عباس واحسين
بعــد المن تظــل اتشــوف هالعيــن
لعميهـا امــن الــدمــوع
لجل مسحوگ الضلوع
يا نسـل الطهــر نــفديهــا عينـاچ
ــــــــــــــــــ ❁ ❁ ❁ ـــــــــــــــــــ
✍ #زينب_الخفاجي
🤲 #اللهم_صل_على_محمد_وآله
#في_الخدمة_المقدسة
#درب_السبايا
(طور الجفيري)
درب السبي ما أصعبه
كل حُرمه تمشي مُتعبه
كل طفله تبچي ناحبه
وين لأبو وين المُعيلْ
زينب تقودِ القافله
وفگد الأهل تتحمّله
ونار بگلُبها شاعله
وين المحامي والكفيلْ
لْهموم عليها دائره
والدمعه منها ثائره
تتحدى عُصبه جائره
تحمي اليتامى والعليلْ
زينب وحيده وصامده
صرخة ألم متمرده
بالصبر تقهر هالعدا
هذا الأسى تشوفه جميلْ
وراس الأخو فوق الرمح
ماتنسى لحظةِ الذبح
مين لْيداوي هالجرح
هذا المصاب والله ثگيل
رمل الصحاري هم ينوحْ
من داستِ عْليه الجروحْ
ورد الأسى ريحه يفوحْ
تسقيه دْموع لْي تسيلْ
#منال_بجيجي
وأويلاه ياخويه. وأويلاه ياخويه.
@ـــــــــــــــــــــــــــــــــــــــــــــــــــــــــــــ@
ركضـت بالبر الـنسوان گــوم افــزع يوالـيهن
ابشرك طاحن عله الگاع بس ماطاحت عبيهن
خواتك خويه مستورات ستره الله نزل بيهن
يــونن والــبجي بلاصوت ذبــحني بـــواجـيهن
*......................................*
اجيتك فاره ومحتاره يحسين
ترا يم الخيم وصلني ضلعـيـن
اذا ذني الك جــاخويه مـعـذور
ضلوعك فزعت طفي الصواوين
......*.........*
وأويلاه ياخويه. وأويلاه ياخويه
@ــــــــــــــــــــــــــــــــــــــــــــــــــــــــــ@
ينار الـخيمه ماتـطـفين وصـل للـغيـم دخـانج
ماحسبت هيج يـــصير وأرمـاد يصــبح مجانچ
يفـترن بنــــات حـسين بـالـج يـنــجون بــــالـج
الـگوم الأجت كلها تصيح يزينب وين خـــوانج
*......................................*
احرگو خيامها الماعدها خوان
هيج بسمع اذني يـصيـح فلان
اذا عـن الـذبـح للـزلم مـعــروف
بس بيا عرف تنسبــي النسوان
.....*..........*
وأويلاه ياخويه. وأويلاه ياخويه
@ــــــــــــــــــــــــــــــــــــــــــــــــــــــــــــــ@
وينـك يـالگـمر عـباس صــارت ع الـخيم لـمـه
ارماح ونار ناس وخيل هجمو ع الحرم هـجمه
الــــــدنيه وياي مـالت حيل ويه الكـفر متـحزمه
الـمأمشتم عــــــطر دخـان بيـن خـيامي يشتـمه
*......................................*
اجونه مفـرفحين وبـيدهم نـار
ولاكـــفـاهــم الــسووه والـصـار
اخبرك ع الزغار سمعنـي عباس
بسناسل جتفوها جفوف الزغار
.....*..........*
وأويلاه ياخويه. وأويلاه ياخويه.
@ــــــــــــــــــــــــــــــــــــــــــــــــــــــــــــ@
وين انطي الوجه بلـيل حـرت والروح مـالـومـه
زيـنب بت عـلي ياحيف ؤسفه اليـوم مهـضومه
ذاك حـسين اخـوي هــناك يــوادم سلبو هــدومه
ضلوعه طشرت بالخيل وحـوافر بـاگت ارسومه
*......................................*
يسحگونه ويكول بصوت بالريش
يزينب فدوه اموت وسترج يعيش
خواني عيونهم طاحت عل الحجاب
مــاخـــلو عيون اطـيح ع الـــجيش
.....*..........*
وأويلاه ياخويه. وأويلاه ياخويه.
@ــــــــــــــــــــــــــــــــــــــــــــــــــــــــــــ@
ابـاوع والــدرب هـــيمه ولا واحـد يـحـاجـينـي
گلبي ودمعي وحساسي لخوي بدم جرت عينـي
وحـيده وحايره بهل ليـل يأيمه الزهره لحـگيني
تهـت مـابين هـم وفـراگ ونـاس تريد تسـبـيـنـي
*......................................*
اجيـت مدلله ويـخوانـي يـدرون
الهضيمه الغربه بضعوني يحملون
وهضيمه هواي من تفگتلك اعزاز
وتشوف الناس لمصابك يضحكون
.....*..........*
وأويلاه ياخويه. وأويلاه ياخويه.
@ــــــــــــــــــــــــــــــــــــــــــــ@
لخادم الحسين
#علي_الحموداوي
*صاح المنادي يوم الحادي عشر من المحرم ونادى ولسان حاله~* طور اخبركم للشيخ محمد درويش~♪
گومي للسبي يا بت حامي الدخيل
استعدي بالعجل ترى حان الرحيل
ودارت للوجه وتنادي الكفيل
وصوب المشرعه دمعتها ساجمه
〰️〰️〰️〰️〰️〰️
صاحت ابو الفضل بحسره وبعتاب
يا حامي هالظعن يالنايم عالتراب
ترضاني انسبي ما بين الاجناب
وطولي ينكشف وخدري بلا حمه
〰️〰️〰️〰️〰️〰️
نادها العذر يختي ومعذره
يِعِز يختي عليّ تروحي ميسّره
وبزنودچ حبال وكم طفل ومره
يمچ عالهزل والمدمع هِمه
خادمة آل محمد✍🏻
طور شال الشهيد حسين~ مسلم الوائلي~ حال خروج السبايا من كربلاء~
من كربله هاليوم ظعن الخدر شايل~
فوق الهزيله زينب تنادي يا ابو فاضل~
〰️〰️〰️〰️〰️〰️
فوق الهزيله راحت مچتوفه هالحره مسبيه
تعاين عالشهيد. حسين وجنازة رميه
تعاين محزوز الوريد من فوق الوطيه
تودّعه بدمعات العين ومنها الجفن سايل
〰️〰️〰️〰️〰️〰️
تعاين ضحايا نومه والمظلوم مسلّب
شافت محزوز الوريد وبدمّهِ مخضّب
وسحقت حوافر جسمه ومعفّر مترّب
صاحت بوداعة الله ومنها الدمع هامل
الوداع الوداع~
خادمة آل محمد✍🏻
https://youtu.be/5iwhLfU5Kgg?si=W5OPldeUGOsMUiw4
💠لطم شور 💠
من يرغب بالطور يتواصل وياي
.
يا أبا عبد الله .. يا ابا عبد الله
يا أبا عبد الله .. يا ابا عبد الله
.
اليعيش بدنيا ظلمه
يلتمس حتماً ضواه
والتموت بريته شهگه
ينتظر نسمة هواه
العليل ايگضي عمره
ينشد ايدور دواه
وآنه بجروحي أدورك
يالعشت بحزاني آه
.
عنك انشد .. دمعي جبته
بين اديه
ظهري محني.. عندي حاجه .
.هالمسيه
.
يمن أسمك عشگ
بحسـاسي يعتلگ
أذا اللفــظ حرف
أنفاســي تختنگ
.
يا أبا عبد الله .. يا ابا عبد الله
يا أبا عبد الله .. يا ابا عبد الله
ـــــــــــــــــ ❁ ❁ ❁ ـــــــــــــــــ
آنه ربتني المجالس
گلبي ينبض كربله
مقصر أشعر من اذكرك
يلي غطاك الفله
خيمه ما محترگه بيه
ولا چفوفي مسنسله
صدري ماضايگ حوافر
لاسهم من حرمله
.
ولا خواتي …ولا بناتي .
. سلبوهن
ولا دياري… ولا خيامي..
أحرگوهن
ولا شفت الذبح
ولا دم منـسفح
ولا راسـي ارتفع
على سـن الرمح
.
يا أبا عبد الله .. يا ابا عبد الله
يا أبا عبد الله .. يا ابا عبد الله
ـــــــــــــــــ ❁ ❁ ❁ ـــــــــــــــــ
ارد احلفك بغلى دمعه
تركت بفكرك عتاب
من جرت عين العلیله
أنفتح للغربه باب
شمّتك وأغمى عليها
ونكسر ظهر المصاب
فارگتها وتدري بيها
خدها متوسد التراب
.
ظل قميصك .. ذكره عدها..
عطره زاچي
من تشمه .. يرد بصرها …
بالبواچي
.
بالغـــــربه تســـتمع
همس سحگ الضلع
بالشــهگه تختـــنگ
من نحــرك ينگـطع
.
يا أبا عبد الله .. يا ابا عبد الله
يا أبا عبد الله .. يا ابا عبد الله
ـــــــــــــــــ ❁ ❁ ❁ ـــــــــــــــــ
بمحنة الي يفارگ اخته
جيتك وحملي ثگيل
حاجتي يطلبها منك
بعد عباس الكفيل
أمنيت زينب تودعه
تدري عازم عالرحيل
يسمع اصوات اليتامه
والعطش يومه طويل
.
عالشريعه .. ولأعادي .
محاوطينه
موذرينه .. مطشرينه .
. مگطعينه
.
رمق بي ينـتظر
يگـــلك اعـــتذر
يـسرتي ويمنتي
اخـذهن الشــمر
.
يا أبا عبد الله .. يا ابا عبد الله
يا أبا عبد الله .. يا ابا عبد الله
ـــــــــــــــــ ❁ ❁ ❁ ـــــــــــــــــ
شما اعايش كربلائك
گلبي بحزانه يضيع
شما افكر دوم أشاهد
ذبح عبد الله الرضع
ياطفل ظامي تروه
بحظن ابو دامي وصريع
ياطفل گطعو وريده
وراسه بالزان ونجيع
.
شهوره سته .. من دفنته ..
گلبه ملچوم
وصفه أول .. نشمي بيكم ..
گبره مهدوم
رضـــــيعك بالملا
يـرتـــل الــــزلزله
على ترابك كتب
مـــناقب كـــربله
.
يا أبا عبد الله .. يا ابا عبد الله
يا أبا عبد الله .. يا ابا عبد الله
ـــــــــــــــــ ❁ ❁ ❁ ـــــــــــــــــ
ما أمل دگ اعله بابك
وأعرف بگلبك أبي
بالعقيله اليوم احلفك
وبدمع بنت النبي
مرتفع راسك تعاين
على التل الزينبي
صعدت ونادي المنادي
أخذو زينب للسبي
وي سكينه .. وي رقيه
چتفوها
عالهزيله..بلايه محمل..
ركبوها
.
مشت درب الأسر
يسر عدها العسر
ضلعــــها منــحني
وگلــبها منــــتصر
.
يا أبا عبد الله .. يا ابا عبد الله
يا أبا عبد الله .. يا ابا عبد الله
ـــــــــــــــــ ❁ ❁ ❁ ـــــــــــــــــ
حاجتي يابو اليتامه
كون اموتن في عزاك
وآخر أحروفي ترتل
عبرة الناعي النعاك
چفك يغمضلي عيني
يختلط دمعي بدماك
والچفن بيرغ يلفني
وافتخر ضمني لواك
.
.
اسمي يخلد .. بالمناهج
والمدارس
وصفى عاشگ .. للخدامه
. والمجالس
.
يهل دمعي الدمه
وواســـيك بظمى
وانال ابخـــدمتك
رضى أمك فاطمه
.
يا أبا عبد الله .. يا ابا عبد الله
يا أبا عبد الله .. يا ابا عبد الله
.
تمت ولله الحمد
لاتنسوني ووالدي من فضل دعائكم المبارك
.
حسن الموالي الفاطمي
.
.
💠شور 💠 من يرغب بطور القصيدة يراسلني 💠
ليلة الوحشه
اجه الليل اجه الليل يبو اليمه اجه الليل
--------
لا عباس لا انته يحله الليله الونين
اجه الليل ----
وحشه وغربه يا خويه اشتنفع دمعة العين
اجه الليل ----
كل اخيامي محترگه گلي نستچن وين
اجه الليل ----
شمر لمن گطع راسك جابل سوطه متنين
اجه الليل ----
عسن انه اللي ذبحوني شافو طولي ياحيف
اجه الليل ----
گوم وشوف ذباحك يشتم صار بالكيف
اجه الليل ----
خويه بعينه يخزرني ومن نظراته ميعيف
اجه الليل ----
سيفه اب ايده راواني بدمك يگطر السيف
اجه الليل ----
****
اجه الخيل اجه الخيل يبو اليمه اجه الخيل
--------
بذاك الظهر لو تدري من شبوها لخيام
اجه الخيل ----
احامي اليا طفل منهم وانه اشگف بالاسهام
اجه الخيل ----
نركض وين ياخويه مچويه تره اجدام
اجه الخيل ----
گوم وشوف بعيونك حدر الحافر ايتام
اجه الخيل ----
دخنان ورمل حافر بيهن يلعب الريح
اجه الخيل ----
هامت بنتك ارقيه ظلت والدي اتصيح
اجه الخيل ----
من الخوف ياخويه تنهظ مره وتطيح
اجه الخيل ----
انسلبت منها ترچيه وظل دم بنتك ايسيح
اجه الخيل ----
****
منقولة
((قصيدة دفن الأجساد ع))
_____
شفت المنيه
ثالث مسيه .........وبكلبي حيره
يا عمه وضعه
سهمه اشيطلعه......شلته بحصيره
*******
ياعمه تدرين العطش يبس لهاته
ذبلان جسمه وماشرب لحظه وفاته
معقوله من حر الشمس غير صفاته
ونطبك جسمه وي الارض قصة مماته
يا عمه شفته
بس ماعرفته.......متغير اهواي
لميته جسمه
وشلون اضمه........متحير بهاي
*******
ياويلي عاينت اشكثر..وانظرها الاحباب
طحت عله وجهي اتمددت وياه بالتراب
مگطوع چفه شاهدت...والطبره الصواب
اكثر اسولفلج بعد......لو گلبج انصاب
حيره اردا شبگه
بس بيه خنگه.....من نار الخيام
وشلون اوسده
محتار اگعده......ومترس اسهام
*******
حيره من اسولفلج يعمه......حاير الراي
يمه اگعدت انه وصرت..بالدمعه سلواي
اسمع ونينه ايگلي بويه..... ماجبت ماي
نيران گلبي من العطش.. ماتنطفي بهاي
يابويه اجيتك
مجفي لگيتك...... فوك الوطيه
مابيه اعوفك
مشتاگ اشوفك......يبن الزجيه
*******
ينلچم يابويه الگلب من طول سهمه
والصوت جاوبني النحر وشلون اكلمه
وسد رضيعي ياعلي جنبي واشمه
خلي رضيعي عالصدر وبروحي اضمه
رش عله گبره
اشويه گطره...........بالنبله ذبحوك
كلش ترف چان
عبدالله عطشان ...يوليدي حرموك
*******
احزام ظهري ياعلي.......بالشده مقياس
من شفته متگطع وذر..گمت الطم الراس
وبدفنك اني اتحيرت....مخنوك الأنفاس
چان اشحلاته من يجي بالدرع والطاس
ليلى بدمعهه
تشعل شمعهه...........وحشه الليالي
مثل البدر چان
ودموعي عنوان....ظل بيتي خالي
*******
درعك يجاسم والعرس..بالدفنه موجود
وياي حضرت الشمع........جايبلك اورود
ايعينهه الله الفاگده......مثلك يمفگود
ياحيف فارگنه الدهر.......مايرجع اردود
بالكلفه ردتك
جاسم فگدتك.........يااحلى خوه
شاهد خصاله
نوره وجماله .........للدنيا ضوه
*******
اصعب محطات الدفن ...خلتني حيره
اتوجهت محني الظهر........وجهي اديره
صديت درب العلگمي.... البدر العشيرة
ناديت عمي بالهضم..........اختك اسيره
ياعمي وينك
اسمع ونينك..........يم زينب تنوح
واضح نحولك
يصعب نزولك......تدريني مجروح
*******
تمت بعون الله
خادمكم....... يوسف الفتلاوي
قصيدة ( لميته بحصيره ) لدفن الأجساد الطاهره حوار بين الامام السجاد والسيده زينب عليهما السلام
لميته بحصيره جسم الحسين
لو سالم لگيته يا ضــوه العين
نحـر ظــل بعــد الــذبح
راسه ذاك اعلى الرمــح يا عمه الحسين
****
عمّــه سولفلي عظــم هــاي الــــرزيه
من گصدت اليوم لارض الغــــاضريه
شلون شفت حسين ظـل جثه رميــه
شحاله من رضته العشــره الاعوجيه
خَبّرنــي يعمّـه بصـــدره اشصَار
مثل ايتامه جسم حسين طشار
حسين كلّه أصبح جرح
راسه ذاك اعلى الرمــح
****
گلهـا والدمعــه جـرتْ منـه يعمّـه
آه يا جرح الطفوف شكبره همــه
بالحصيــره والــدي ظليــت المّـه
عمه وبلهفت امفارگ گمت اشمه
لميته بديه وشاغت الـــروح
مذبوح ويلمْ بجروح مذبوح
صعب يـا عمّـــه الشرح
راسه ذاك اعلى الرمح
****
عمّــه يا جـرح الـذي گلبك مضهده
گلها والدمعه جـرت من فوگ خده
عمّـه كـون اليندفن راسـه نوســده
بس نحر وبلايا راس شلــون شده
وســدت النحـر وبگلبــي اهــات
مثل حسين عمه ياشخص مات
حسين أبو الوجه السمح
راسه ذاك اعلــى الرمـح
****
تگله انشدك عمه عــن محنة كفيلي
گلها عالشــاطـي تهــدم كلــه حيلي
شفـت چفينه وصحـت يمّه يـويلي
عمّي يـــا عبـاس راح يطـول ليـلي
يــا عمّــه شسولف عنــه محتـار
من كثر الهضم بعده الجسد حار
الـﭽنه ساعــات الصبح
راسه ذاك اعلـى الرمح
****
ارد اســألك مـن بعـد راعي الشريعه
ويـن گلّـي وســدت منحــر رضيعــه
عمه گلها وضاگـت بعينــه الوسيعـه
لصدر ابوه حسين هاي اكبر فجيعه
نحر حسين وي نحر الطفل صار
وسدتــه واحــس گلب الابو نــار
ذبــح صــاير يــم ذبـح
راسه ذاك اعلى الرمح
****
مــن گصدت الأكبــر ودامي نظــرته
ﭽن محمد عالارض مطروحه جثته
ويا جــرح جسام ومصـابه ومحنته
اخ يا خويــه صحـت يمّــه وشبگته
شحــاله ألّي يــوسد بيــده خوان
عليل وبيدي اوسد گلب عطشان
يــا دوه لعلتــي يصح
راسه ذاك اعلى الرمح
****
الشاعر
موسى البديري
يا خواتي •هذا ليل الوحشه صح خوف ونياحه
ياخواتي • ريته دوم ايظل ولا طرة صباحه
ابهل ظلام ولا نهار •• يمنه مجتوفه بيسار
يا خواتي يا خواتي
……………………………………………………………
يا علويات وصح ظلمه . لافرشه ولاخيمه العدنه
كلجن ملتمات اعليه . ننعه ونتباجه لوحدنه
صح تعبانات من الركضه .بس اشوه ولاواحد يمنه
باجر يبنيات الزهره وتشوفن اهوال
مو خيط الصبح اشوفن باجر ضبه احبال
وين المسبيّات آخذهن وينادي الجمّال
اه باجر • كون ملچ الموت گبلك يعتنينه
اه باجر • جيش صوبين بشماته يصد علينه
المستحه ويحرگنه نار •• يمّنه مجتوفه بيسار
يا خواتي ياخواتي
……………………………………………………………
هاي النسوان الويانه . باجر ليهن كوم التشفع
اعمام الهن صاحو يلا . بت عمنه ويانا وخل تطلع
بس احنه انظل نكسر خاطر.مامش وادم لينه التفزع
وحده اتصد الوحده ابدمعه ومجروح الاحساس
ولا واحد رف كلبه اعلينه اشبيها ويانه الناس
باجر كلنه انصيح ابدمعه جا وينك عباس
يا ابو فاضل • يلي عشنه مدللات ابظل حياتك
يا ابو فاضل • هسه ما بين الزلم ظلت خواتك
بسمك اتصيح الزغار •• يمنه مجتوفه بيسار
يا خواتي ياخواتي
…………………………………………………………….
اول ما تكشف دنيانه . يبدي اعليجن طف الثاني
واحبال الخشنه محضريهه . والنه النوگ الهزله اتاني
ابلا هودج هالنوگ اعليها . والسوط ايگلجن هذا اني
ظهر النوگ وكلش عالي شلون انصعده شلون
واحنه امن الظيم البالعاشر ماظل عدنه متون
والتبطي ابصعدتها العسكر بسياط ايضربون
حبل واحد • مني ولعد رمله و سكينه ورقيه
حبل واحد • والي تعثر يعني طيحتنه سويه
يعني باجر انكسار •• يمنه مجتوفه بيسار
يا خواتي يا خواتي
……………………………………………………………
بيا سجه ومدري اليا ديره . باجر مانعرف منوانه
ماكو اهلا كل ديره انطبها . و وجوه مكيفه وشمتانه
و النوگ ولو مالت بينه . راس حسين يميل ويانه
خلّص طف التل والخيمه باجر طف النوگ
اشوه السوط و هاي الهيمه وصيوان المحروك
بعد الشده الكلش صعبه لو طبينه السوگ
بالبدايه • يا بنات الزهره انتن بالبدايه
بالبدايه • الشام لم احجاره يتلكه السبايه
من السطوح وماي حار •• يمنه مجتوفه بيسار
يا خواتي يا خواتي
……………………………………………………………
باجر والجمّال ابعمده . ما بين الموته ايمر بينه
يا رمله اتصدين لجاسم . من دم اوريده امحنينه
يا ليله واخر نظراتج . الاكبر وبدمعه اتودعينه
يا ام عبد الله ابنج باجر بالرمله اتخليه
مذبوح ومامش كاروكه ولا واحد ساگيه
حتى الناكه اتحن الدمعج تبجي وياج اعليه
عالشريعه • كون درب النوگ وانظر للكفلني
عالشريعه • كوم رد اختك يلبزودك جبتني
مني تطلب اعتذار •• يمنه مجتوفه بيسار
ياخواتي ياخواتي
……………………………………………………………
✍️ ( سيد خضر الزاملي )
آنه زينب العقيله. آنه زينب
جيت لحسين أشتكيله. آنه زينب
حسين ياخويه شكلك. عالسده علينه وجره
هجمت جيوش الاعادي. والخيام موجره
أيتام تصرخ من عطشها. ونار تلهب ساعره
والأعادي هل ولونه. إعلينه تفتر دايره
والله صعبه شلون ليله،،،،،،،،،،آنه زينب
رحت للعباس إحشمه. وإله أشكي حالتي
من وصلته إعتذر مني. وكلي شوفي مصيبتي
لاجفوف البقت عندي. شوفي حزو ركبتي
والسهم نابت بعيني. حسين ذوب مهجتي
الأخو يفارك خليله،،،،،،،،،انه زينب
رحت ليهم للمعاره. انده ومحد كعد
صحت ياعباس خويه. وينه ياخويه العهد
رحت يم الراس أكلمه. لنه مظروب بعمد
كتله خويه اطيني إيدك. كلي ماضلتلي يد
والعطش ذوب دليله.،،،،،،،،آنه زينب
شرد أسولف لمن أحجي. بكلبي نار وتشتعل
لليسر آنه خذوني. مصيبتي ماتنحمل
جيت وياكم أميره. يبره ظعني ابو الفضل
وهسه يبرالي خولي. والشمر ذاك النذل
وهاي جانت مستحيله،،،،،،،،،آنه زينب
الشام لمن دخلونه. صعبه جانت حالتي
واكفه بين الأجانب. صرت آنه وعيلتي
وراسك بتاج الأمامه. صار منبر عزتي
من أشوف الراس يمي. جني مابين أخوتي
وراسك بأيدي أشيله،،،،،،،،،،،آنه زينب
والعليل بعيني شفته. مكيد ودمه يصب
بالسلاسل شبكونه. والشتم طول الدرب
لو تجيني تشوف متني. صار جمره من الضرب
وبعد شحجيلك يخويه. ماسلمنه من السلب
واركبت فوك الهزيله،،،،،آنه زينب
،،،،،،،،،خادم الحسين عبدالكاظم الجابري،،
نزله... لسان حال الامام السجاد ع لدفن جسد ابيه الحسين عليه السلام
مو بالگبر بالروح ادفن حبيبي
.........
جيت من درب السبي لازمني صبري
رايد ادفن والدي ودموعي تجري
والله بمصابه متت ونكسر ظهري
گبل گبره ينحفر ياريت گبري
ما يشفه جرحي يسيل. ميت طبيبي
مو بالگبر بالروح ادفن حبيبي
.........
والله كل خطوه اصيحن وا حُسيناه
بيدي لازم ظهري آه تصيح وي آه
ويلي ابوي حسين دامي شلون عفناه
مكسّره ظلوعه يويلي ما دفنّاه
كلما قربت عليـــه يكثر نحيبي
مو بالگبر بالروح ادفن حبيبي
.........
ويلي ويلي من وصلت الغاضريه
شفت ابويه حسين طايح عالوطيه
كسرت ضلوعه خيول الاعوجيه
منين ما شيلنّه يوگع منّ اديه
مو عجبه لو عالراس يغزيني شيبي
مو بالگبر بالروح ادفن حبيبي
.........
شلون الي روح وگلب گبره حفرته
بالحصيره لملمت جسمه وجمعته
انهدم حيلي احس لمّن حملته
جسم ابويه حسين بچفوفي شبگته
مو بس ابو ياناس خِلّ وصحيبي
مو بالگبر بالروح. ادفن حبيبي
.........
نحر ابوي حسين حاچاني سمعته
ادفن وياي الطفل مذبوح عفته
دوّريته بدمعتي ولحسين جبته
ويّه ابويه حسين خلّيته ودفنته
هلت التراب عليـــه عمري ونصيبي
مو بالگبر بالروح ادفن حبيبي
.........
اسمعت صبرا ياعلي من السموات
لن هتف صوت الوحي ابنبرة مواسات
روحي ياناس اطلعت لو باقي لحظات
ينحب اليدفن ابوه يرتاح هيهات
ياربي من دنياي قرّب مغيبي
مو بالگبر بالروح ادفن حبيبي
#سيد_زيد_الفحام
__
قصيدة لدفن الاجساد على طور مر بيه لوطيف
لباسم الكربلائي. حال لسان السجاد عليه السلام
يابويه رديت. من الأسر جيتك
ياشمعة البيت. تعذرني ياريتك
مااحمل احزان. ياگمر عدنان.
★★★★★
عليل بفرگتك والدهر عذبني
ودروب الأسر نيران چوَّني
أريد اوصاف إله ماينوصف حزني
اسمعك من تناديني علي يبني
يابويه چتال. فراگك على روحي
بويه انظر الحال. شگد لوعتي ونوحي
والگلب خلصان. ياگمر عدنان
★★★★★
اجيت الدفنتك حاير يبو اليمه
كون اليندفن ناس وأهل يمه
وسالم كل كتر لوگلبت جسمه
وذر يابويه جسمك لو ردت لَمَّه
لاظلت ارسوم. لاخنصر العندك
عليها العفه دوم. هلدنيا من بعدك
ريت الاجل حان. ياگمر عدنان
★★★★★
يبويه اليوم جيت بروح حيرانه
من كثر القهر. والنوح. خلصانه
من شفت الجسد ورسومه ذبلانه
يمن راسك اسير ابولية اعدانه
يلمثل عباس. كاسرني الف كسره
جسمك بلاراس. ياضنوة الزهره
يلمتت عطشان. ياگمر عدنان
★★★★★
اودعك يلچنت هلروح ترعاها
من اودعك جيت اودع الدنيا. معناها
يدنيا الروح بعدك شنهي دنياها
تبث للباري بعدك روحي شكواها
دمعاتي بالعين. متفارگ اعيوني
لمصاب الحسين. ماتغمض جفوني
وبگلبي نيران ياگمر عدنان
★★★★★
جوه التربان وسفه ادفن الجنه
شگل لأم الخدر لوناشدت عنه
دفت الماكتر سالم بعد منه
اخاف اتموت بعد الحسره والونه
متحير اشلون خوفي على خاطرها
من تسئل شلون. حاير. شخبرها
مابقوا خوان. ياگمر عدنان
الشاعر حسن لعيبي الحريشاوي
لسان حال الامام السجاد عليه السلام عند دفن جسد ابيه الامام الحسين عليه السلام (وزن النصاري)
ياوسفه بديه دفنت ابن الزچيه
تعوفه بگبره وتروح ماظلت بعد روح
دفنت ابن الزچيه
★★★★★
دفنت الروح والدنيا والاحلام
ودفنت السلوه والراحه والايام
دفنت الطيبه والجنه والانسام
شيصبر الروح هاگد تحمل آلآم
محبوبي دفنته وخليته بغربته
تحمل ها كثر نوح ماظلت بعد روح
دفنت ابن الزچيه
★★★★★
انا السجاد اجيت الغاضريه
دفنت حسين وايامه الزهيه
دفنته وطاوعتني شلون اديه
تمنيت وردت گبله المنيه
ياكسري شيجبره بديه حفرت گبره
تشوف حسين مذبوح ماظلت بعد روح
دفنت ابن الزچيه
★★★★★
شنهي المايون لحسين وينوح
دفنت ايام عمري وسلوة الروح
ابوي الماحظه بالماي مذبوح
ثلث تيام فوگ الگاع مطروح
مگطعته البواتر وطاحنته الحوافر
تشوفه شلون مطروح ماظلت بعد روح
دفنت ابن الزچيه
★★★★★
يا نجم السمه الطايح بالتراب
نجم الماخفه وعن بالي ماغاب
هذا الماجره ولامر بالحساب
عليك ادري صعب يابويه العتاب
دنيا الفارگتها تلوعني عفتها
تحمل هظم وجروح ماظلت بعد روح
دفنت ابن الزچيه
★★★★★
يبو اليمه الجره مامر على البال
يطيبة خاطري وياسلوة الحال
عليل الوحدي مچتوف بحبال
بس الحرم ظلت عندي واطفال
ماظلت مدينه مابيها مشينه
تمشي جبال وسفوح ماظلت بعد روح
دفنت ابن الزچيه
الشاعر حسن لعيبي الحريشاوي
ما ينشال ابوي الغالي ما ينلم
اريد ارفع كتر وبچفي يتثلم
خنصر چفه سالم
الباقي تراب ناعم يبويه يبويه
-------------------------------------------
وصلت الطف جنازه امشي
شفته وما شفت كلشي
لون الدم يگلي شگثر مسحوگ
اثر باقي من الاعمامه
رمل متحوله اعضامه
كلشي من الحسين هناك مبيوگ
حجر فوگ الحچر وتراب بتراب
اثر طبرة السيف وفوگهه صواب ؟
ضلوعه اتطشرت محراب محراب
عمت عيني الحسين من السحگ ذاب
اخ موزع اموذر
شيلمه وبعيد البر
من الزهره ابوي الچان شابع شم
اريد ارفع كتر وبچفي يتثلم
خنصر چفه سالم
الباقي تراب ناعم يبويه يبويه
-------------------------------------------
عزيز الروح يا بويه
علي شو منذبح خويه
اريد احد يعين چفوفي ميتات
شلمن يا كتر بيكم ؟
بدمعتي اگعد واحاچيكم
يهلنه ابكربله هناكه الغريبات
وراي ام الخدر بس حالهه شلون
من عاشور ميته امغمضه العيون
بويه حسين من چانو يذبحون
فوگ التله صاحت ذبحو ام عون
وينك صاحت بحرگه
رد يحسين مختنگه
سكتت والدمع ظل وحده يتكلم
اريد ارفع كتر وبچفي يتثلم
خنصر چفه سالم
الباقي تراب ناعم يبويه يبويه
--------------------------------------
هذا انت ؟ الحبيب انته ؟
الما سوينه فاتحته
من ذبح النحر رأسآ للحبال
ما ونينه يم صدرك
يمن ينزف دمى بنحرك
يا بويه الوجع يحسين چتال
اجيتك محني ظهري وميته الاجدام
شكثر فوگك حجر ورماح وسهام
ادورك ما لگيتك يا ثرى شضام
مثل نثر الشلب منثوره الاعظام
هاي الچلمه چتاله
من اتجمع اوصاله
الارض من الحسين هواي شبعت دم
اريد ارفع كتر وبچفي يتثلم
خنصر چفه سالم
الباقي تراب ناعم يبويه يبويه
-------------------------------------
ياهو اليگعد گبالي
اريد انحب على الغالي
يا نومت حبيبي الفوگ تربان
بويه منين احظننك
شحظن وشبقى منك
يبو چلمة هلا شو ماكو ذرعان
هذا حسين ابوي شلون ؟ يا ناس؟
جسد مثل التراب وعلرمح راس
لو هسه عدل ويشوف عباس
چا مات اعله اخيه الكله نوماس
ما يحمل ابد هايه
اه يا صاحب الرايه
لو بعده الكفيل ولا يجينه الهم
اريد ارفع كتر وبچفي يتثلم
خنصر چفه سالم
الباقي تراب ناعم يبويه يبويه
------------------------------------------
مثل ما المن السبحه
الم بحسين وبجرحه
تفرهد كلشي من حسين شبساع
حصيره وجمعت جسمه
ابوي ورايد اشتمه
آخ بدم وريده انترست الكاع
الچبير حسين تالي اتلمه يمناي
اشيلن يا كتر شو ما يجي وياي
الم طول الحنين بچفي بهداي
واصيح حسين بويه الما شرب ماي
هاك اتلگى عبد الله
هم فرض العطش صلى
فك صدرك يبويه بنصه خل ينظم
اريد ارفع كتر وبچفي يتثلم
خنصر چفه سالم
الباقي تراب ناعم يبويه يبويه
رعد الفريجي _ محرم 1447
ثوابها الى روح والدتي
1____اليومَ قلبُ الدِّينِ دِينُ مُحمَّدٍ
للسِّبطِ وَارِثِ أحمدٍ جَزَعًا رَثَا
2____اليومَ للصَّدرِ المُعَظَّمِ يَشتَكي
والشِّمرُ يا للهِ ظُلمًا قد جَثَا
3____من فوقِهِ وأمَامَ زينبَ فارِيًا
نَحرَ الحسينِ أما دَرَى ما أحدثا
4____اليومَ قد ظهرَ النَّبيُّ لقتلِهِ
في عالمِ الملكوتِ أغبَرَ أشعثا
5____وَمَنِ اصطفاهُ اللهُ فوقَ جبينِهِ
في يَومِ مَصرَعِهِ تُرابًا قد حَثا
6____ما حالُ عَرشِ القُدسِ لمَّا أن رَأى
سَهمًا يُقطُّعُ في الفؤادِ مُثَلَّثا
7____وَلثغرِهِ بالخيزرانِ تَشَفِّيًا
يَرميِهِ مَن خانَ العهودَ وأنكثا
10 /محرم / 1447
** جعفر رشيد العاملي
#السيدة_زينب عليها السلام
سلام الله للحورا
تسيرُ بظلمة الصحرا
تناجي ربّها سرًّا
وتعلن صبرها جهرا
فما هانت وما لانت
وكانت شعلةً حَرا
فيمناها كحيدرةٍ
ويسراها كما الزهرا
تضيئ الدربَ حكمتُها
وترفع آيةً كبرى
وتشمخُ رغم غربتها
إذا ما أُدخِلت قصرا
تذلُّ القومَ تُرعبهم
وتُلقي فيهمُ الذُّعرا
تقولُ خطابَها قسمًا
فلا لن تمحوَ الذكرا
ولستَ تُمِيتنا وحيًا
سيبقى وحيُنا دهرا
فهذا جمعكم بدَدٌ
يفرّقُ بينكم تترا
وذي أيامُكم عددٌ
ستفنى! إنّما قهرا
ويبقى اللهُ ناصرُنا
دمانا تعلنُ النصرا
وشيعتُنا ستنصرُنا
ويأتي يوسفُ الزهرا
سيثأرُ منكمُ المهدي
ويأخذُ للدِّما الثَّأرا
ويرفعُ للحسينِ لِوا
وتعلو الرايةُ الصَّفرا
- زينب
يا ليل اهدعش لا تلفي لخيام
انه. الظليت. وحدي ويمي الايتام
يا ليل يا ليل
**
يا ليل اهدعش يمفرگ الاحباب ،، تانيني ارد اكلك
ما شفت الكمر يم النهر ذاب ،، واريد النوب اسالك
عباس الكفيل بيا كتر. طاح ؟
اذاه. السهم ؟. لو. طعن الارماح ؟
گبل ميموت اخوي بيا اسم صاح ؟
اسالك. والسؤال الروحي. ذباح
كفيلي. علوجه بالحومه من نام ؟
انه الظليت وحدي ويمي الايتام
يا ليل يا ليل
***
يا حركت دليلي مثل الاخيام
ترى بطيحت كفيلي
هم ترجع بعد وترد الايام
وهم ارتاح ليلي
بهداي انه انشدك بله بهداي
ما شفت الكفيل لطاح عل ماي ؟
وجثه اعله رمل وجروحه هواي
يا راي البقى مدكلي ياراي
مصيوب الگلب يا ليل بسهام
بقت بس العقيله تباري الايتام
يا ليل يا ليل
***
كتلك لا تمر وتزيد الهموم
احلفك بل يتامه
ما احمل بعد دلالي ملجوم
بعد راعي الشهامه
ردتك ما تچيني بجيتك الموت
انه بشوفتك انشال تابوت
بقيت انه ودمعتي وحرگ البيوت
محد ضل ألي للموت زاتوت
ما ادري الزمان شعنده وشضام
انه الضليت وحدي ويمي الايتام
يا ليل يا ليل
*
انه الراحو اخوتي وسلوتي دموع
سالفتي ثگيله
كل لحضه تمرني كيلبي مشلوع
مهضومه ونحيله
شيخلصه العمر بهموم واعتاب
بقيت الوحدي بنص وادم اجناب
سولفت اشكثر ما اسمع اجواب
راحو وشيردهم ؟ جوه التراب
بقى بس الدمع ما ضلت اجدام
انه الضليت وحدي ويمي الايتام
يا ليل يا ليل
*
احسلهه تموت المالهه اخوان
يا ليل شيخلصه
انه العدله صدك بيدين دفان
خذاله الموت حصه
يا ليل اهدعش شيصبر الروح
شحچيلك بعد وحسين مذبوح
وراسه اعله الرمح والجسد مطروح
بقيت الوحدي ومرافكه النوح
وين انطي الوجه من طبت الشام
انه الضليت وحدي ويمي الأيتام
يا ليل يا ليل
الخادم/ حيدر ناجي الدراجي
محرم الحرام/ 1447 للهجره
*زينب يوم. الحادي عشر لما ودعت اخاها الحسين ع ومروا بالنساء على مصارع الشهداء ع* طور الجزع~
دارت وجهها والدمع عبره~
من على الناقة طاحت تْنِظره~
شافت جسد دامي انذبح نحره~
وصاحت يا حسين
〰️〰️〰️〰️
شافت أثر حافر على جسمه
الطعن فوق الطعن نزف دمّه
سهم صاب الگلب لابو اليمه
وصاحت يا حسين
〰️〰️〰️〰️〰️
تدوّر فوق الترب خنصر ايده
ونوبه تشم الولي من وريده
كل حافر صبغ دمه ومن جيده
وصاحت يا حسين
خادمة آل محمد✍🏻
*مولاتنا زينب تخاطب الليل ليل الحادي عشر من محرم*
زينب ساهرة العيون وتحاچي ظلام الليل
تنحب والگلب محزون جفنها بالدموع سيل
نايم وين أبو اليمه دلّيني يا نجم سهيل
ابن امي انذبح عطشان وارد اسقيه لو گطره
〰〰〰〰〰〰
راحت تمشيِ وتعثر والحومة دربها بعيد
شافت عالترب اقمار واخوها منذبح الوريد
گلبها من الرعب فرفر وتشبك عالضلوع الإيد
تشوف جسوم بِلا يا روس وكلها موسّده الغبره
〰〰〰〰〰〰
طريق التل تندلّه واخوها هناك بالميدان
تشم عطر الذبيح حسين ظامي منذبح عطشان
شافت نور عالغبره بلا يا رس عالتربان
دمه غسله واويلاه وطحنوا هالعدا صدره
حسين حسين واحسيناه
خادمة آل محمد✍