7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يا حسين:
فزاعيه حول وفات ام البنين
تستاهل امك توصل الهه
وتوفي الربه ذاكه يبنهه
صوب المكبره يالولد زتهه
نزله
شيل الوالده. بيدك وامش بيهه
وحك الربتك. يالولد جازيهه
جازيها//امك لو شالت
كحيله امك تعال وروح وياها
واتنومس يبنها ابزود طرواها
يهاي معدله وبيهه انته تتباها
وتستاهل ابرايه تهوس عليهه
وتشيله//البيرغ لامك
حك الربتك تحضر وتاخذهه
صوب المكبره عباس وتزتهه
تدري امك ولا بطلت ونتهه
حد الموت هيه الدمعه تجريهه
حزنانه/اتون عليكم
شيل النعش بيدك تحضر اليله
وحط بيرغ حزن جدام الكحيله
هاي الوالده وتابوتهه اتشيله
والربت وتعبت حك توافيهه
توافي الغربت وتنوح يالغالي
وتكدر عليهه واصرخ بعالي
تستاهل حزن يالولد لتالي
والدمعه عله امك دوم تجريهه
امش بالوالده والحك الدفانه
وعله اجتافك تشيل المشت حزنانه
تره امك بالحزن عباس تعبانه
وبهيبه الوفيه كوم وديهه
لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له
فزاعيه حول ام البنين
جادر كون الج. بالطف ينصبونه
والج بيرغ عراضه. حك يشيلونه
يكون بكربله يحطون تعزيه
وجادر فاتحه لاجلك يبدويه
الج زود انعرف ونحجه بماضيه
ومن صدرج رضع هيبه يعرفونه
حك عليج لو ونو يوفايه
وفوك من الشريعه ترف الج رايه
وزينب بل بواجي اتصير نعايه
وتكلهم عله امنه اليوم محزونه
بل طف كون الج هوسات مريوده
ويرف بيرغ العباس وبزوده
ما مكطوعه اديه وظاله زنوده
ويشيل العلم لاجلج يخاتونه
ازنود ابنج لون موجود راعيهه
جا بل طف فواتح الج يبنيهه
والربت اهنانه حك يجازيهه
جناز ابنعشهه وهلن عيونه
وكت الموت كون الولد وياها
يدفنهه بلحدهه ويكعد احذاها
ليش ام البنين البطل ما اجاها
ونام عله الشريعه وطايحه امتونه
لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له
يا حسين:
هوسات حول ام البنين
وين عينج دايره صوب الدرب
ناطره احبابج ولا ترجع بعد
نامي والله بعون كلبج
لاتظنين المشه صوبج يرد
حيل صعبه الفارك احبابه ومشو
وانتي ضيعتي شكثر من الولد
الناس لو تفكد ولد واحد تموت
وانتي فكديتي اربعه جنهم ورد
اولادج شالو كلهم// ذيج الخياله
اليفكد احبابه تجي يمه وتصبره
ولابد من ااعزازه يبكاله امل
ليش محد ظل الج يا ام الوفه
وليش انتي اخلافهم دمعج يهل
انكسر كلبج والعمر جبتيه عذاب
والحباب افراكها كلش يشل
حيل صعبه حالتج وأكثر بعد
ومثل ظيمج لا ابد محد حمل
اعزاز الراحو//يصعب فركاهه
الله يعين حالج عالجره والصار
اسباع اولاد عدج بس فكدتيهه
وظليتي عليهم بل دمع والاه
ودموعج تصب لا ما كطعتيهه
تانيتي ولد يرجع يظل وياج
ويشيل اجنازتج هيجي الردتيهه
بس محد حضر لا شالو التابوت
وروحج للمنيه سلميتيهه
اعتابج ليهم يوصل//ظنه وكطعيهه
هم شفتي اليموت اعتاب يوصله
وهم شفتي اليغيب وغمضت عينه
يرجع صوب داره وأمه تتلكاه
ويسمع لو يجي انوب وتحاجينه
حلم صار الملاكه ومايرد الراح
وتره الغرب بعد ماظن تشوفينه
ولو يشتاك كلبج والعمر خلصان
كليله المشه لا مايجي لينه
اشلون الميت يرجع//وتشوفه احبابه
لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له
*قصيدة لوفاة أم البنين (طر المكبره)*
*من ديوان📚دموع وعبرة في رثاء العترة ج٣*
❥━──➸➽❥❂❥━──➸➽❥❂
ياعباس طر المكبره بساع
لمك كوم لمك كبل الاوداع
❥━──➸➽❥❂❥━──➸➽❥❂
طر المكبره وامك تعناها
اليوم تطالبك ياحيد برباها
تنخت بيك كوم اسمع لنخواها
كرب موتها وهاجت الاوجاع
❥━──➸➽❥❂❥━──➸➽❥❂
امك يالكمر كربت منيتها
ما تلحك عليها تشوف حالتها
من يوم المتت تجريها دمعتها
وياك اتمنت تنام بفرد كاع
❥━──➸➽❥❂❥━──➸➽❥❂
الموت تمنته وياك يالغالي
دمع العين هذا اليوم ضل هالي
خلاها الزمان بعازة الوالي
كضت كل عمرها تصيح يسباع
❥━──➸➽❥❂❥━──➸➽❥❂
عمرها نذرته لحسين واخوانه
وعباس الذي كطعو ذرعانه
رداته يجي يعاون الدفانه
تكله ردتك بهاليوم فزاع
❥━──➸➽❥❂❥━──➸➽❥❂
رادتك تجيها بساعة الشده
عليها تأخريت وطالت المده
نعشها شالته المتون وتعده
ودفنوها وبعد كل الامل ضاع
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
#نعي
مولاتي ام البنين روحي فداها
حانت منيتي وهذا حدي
وياهو اليوسد بيده خدي
چانو خمس اولاد عنـدي
وهسه وحيده بغـير ولـدي
ريض الدفن ما كفت العـين
لهسه تتاني يلفي الحــسين
يرجعولّي بلكي المضعـنين
الصاير عليهم گلبي نصـين
ياهو اليگلهم امكم تـنوح
والنعش فوگ الگاع مطروح
تنتضر واحد مات مـذبوح
وهيه بنعشها النضر مشبوح
لأربع ولـد ما صـار وني
بس فگد ابو سكينه كتلني
روحي وعزيز الگلب يبني
شمحلاها لو بـيده دفنّـي
سنين الفگد للدلال -- ولمن ( آلمن)
ونوحي واللطم بجفاك -- ولمن
المن عايشه يحسين -- والمن
اشتم هوه وما ترجع عليه
عبد العليلـه
✍حيدر ابو كيان الفاطمي
#اللهم_عجل_لوليك_الفرج
نعي بحق مولاتنا ام البنين عليها السلام لما رجع الناعي للمدينة ينعی الحسين عليه السلام
بلسان الحال
ياناس فدوه ارباي كلهم
الاربعه لحسين . وامهم
متأملته يلتم شملهم
الغالي واخته ومو بملهم
// كان عدهه امل يرجع الحُسين واخته عليهم السلام . ولا همها اولادها الاربعة .
انطر يردّن محاملهم
لو دگو الباب اطلع الهم
نلتم سوه نرد بنزلهم
شسوه البعد بيّه اگلهم
🏴🏴
ام محمد الحجاج
لمولاتي ام البنين عليها السلام
ماتت بخت ديوان هاشم
وفوگاها ما فيت صوارم
محد حضرها بيوم ماتت
غربه بحياة وموت عاشت
الصلت عليها بس فواطم
........................................
الحرمه من يگرب اجلها اعيونها اتصد للضنه
ادير طارف صوب اهلها اتبين الموت الدنه
تعاين اوجوه التحبهم الگلب لكبرهم عنه
لون غمضت عين هيه يصيح يانوم الهنه
الشيلت نعشها انراد تسنيع
مامش ولدها بيوم توديع
غمضت وسفه ام البنين
و بالها عباس و حسين
واختلفت وياها المواظيع
..........................................
من تطب غرفتها جانت تعاين ارسوم وصور
تلگه عالحايط بيارغ بيها چف حنه واثر
اهناك ليغادي المحنه وگلب بالفرگه انكسر
وتلگه ام بلا ولدها وتمشي مكسورة ظهر
مهظومه ماعدها الفه يعين
ومناطره ادروب المحبين
مكسوره خاطر باخر ايام
تشبه رقيه ودفنت الشام
ومگابله اتصد للروازين
............................................
تخلص اشموع التوجها وتبقه سهرانه عشگ
اشتاگت المت حبايب يمها والصوت اختنگ
الذكريات تمر ذهنها وگلب بالسرعه يدگ
تشتعل بالشوگ چنها تصير خيمه وتحترگ
شيطفي نار الفاگدت احباب
ومناطره بلكت تدگ باب
بحسرة خبر والناس اشاعات
تحجي بسوالف كلها اهات
حته الهوه من مرها جذاب
................................................
اتجت بعكازه كوه من عگب متن الولد
الكاسر ابفيه عليها جان واغطه من البرد
سومر الضي بسماها وشح عليها چم ورد
حوشها الفارغ يسولف بيها وتروح وترد
من جفت اعيون المراسيل
دم نزفت اعيون المچاتيل
الشوگ بين بيها واثار
صارت عله البيبان والدار
وانقرت بحلوگ التراتيل
.................................................
احتاجت التشكيله همها يشيل من عدها الحمل
ولاكو واحد سد مجانه والفضل بعده طفل
جانت اتسولفله قصه وعينها اتغورگ تضل
ومن تناغيه وينام بفدوه يايمه الفضل
جانت دللول الولد نام
اسم الله من طواري الاسهام
عبد الله مالحگ يفطموه
ولاشبع من جلمة دللوه
راح امشي عنك هاي الايام
.............................................
وصلت انفاس الاخيره وذكرت العين وسهم
اوصت اليسمع حجيها بزينب اشكلكم ذمم
وچفنوني بالعبايه البيها حرگ من الخيم
وانتها المشوار بيها بشوغه ترجمها الالم
خشبه بوكت تحجي المناشير
النامت بسدها العصافير
ماتت واخذت احله ذكره
وبگلب زينب بقت حسره
وخلصت وياها المشاوير
............................................
الاقل شرفاً
كرار اللامي
قصيدة لمولاتنا ام البنين
يا باب الكرم والوجود كلنه اليوم نمشيلة
نتعنه بحزن وهموم اليدوية هاليلة
نتعنه العزاها ونجذب الونه
هاي ام البطل والحيد المجنه
ماتت من ولدها گاطعه الظنه
خل ننحب عليها المدمع انسيلة
وسفة ماتت ام عباس حيرانه
من اخبار اليسر مهجتها خلصانه
على امصاب الحسين هواي حزنانه
فراگ اولادها ما تگدر اتشيلة
تراهي الفاگدة ما ينگطع ونها
تضل طول العمر ما ينوصف همها
شحال ام البنين الي مشو عنها
فگدت اربعة كلهم فرد ليلة
الله يعينها ماتت ومهظومه
يمصاب الگمر ما ينحمل يومه
ضلت من فرگته حيل ملجومه
كل صبح ومسه العباس تنعيلة
ترى اليوم الولدها حيل معتازة
يشيلون النعش يرحون جنازة
عمت عين الزمان اعليهم اتوازة
بتراب الحد جا ياهو اليهيلة
تمت بحمد الله تعالى نسألكم الدعاء بالتوفيق لخدمة اهل البيت عليهم السلام
الشاعرة ام زهير الفاطمية
بيش اوصف الجابت العباس
ام الوفه وتنشال عل راس
****
عيون الكمر يا زود الحسين
شيمت بل الطف الميادين
تاريخچ يضل طول الاسنين
ام الابطال ونعم تبقين
ربيتي ارجال صلبه وكفو من ربيتي
ضحيتي فدوه الولد لحسين من ضحيتي
انطيتي جفوف الكمر قربان من انطيتي
وصت ولدهه ألاخر انفاس
بيش اوصف الجابت العباس
***
يا باب اليكصده ياخذ مراد
خلفتي ولد يا نعمه لولاد
يا رمز الشجاعه وذيچ الامجاد
لبسنه اليوم الاسود والحزن زاد
حزنانه اليوم اجت هاي الخدم حزنانه
ويانه فاطمه حضرت للعزه ويانه
اخوانه نعزي الكمر عباس وي اخوانه
كلهه محنه ام الحساس
بيش اوصف الجابت العباس
***
طف كربلاء والمشرعه شهود
خليتي ولدچ كلهم جنود
وزود الكمر من عندچ الزود
زلمه اليجيهم والله ميعود
بدويه يا مضرب امثال ونعم بدويه
علويه رجفت حتى المشرعه العلويه
طاريه اسمچ شجاعه من يمر طاريه
كلهه بطوله وكلهه نوماس
بيش اوصف الجابت العباس
***
عل الراس هاي ام الكمر هاي
انطت ولدهه الجانو هواي
ام الوفه وخلفت وفاي
بهداي خلي الدمع بهداي
ادموعنه خل تنزل بحركه وحزن ادموعنه
متعوفنه بيوم القيامه ام الكمر متعوفنه
شموعنه نشعلهه هل ليله حزن شموعنه
تراب الكبر هل ليله ينباس
بيش اوصف الجابت العباس
***
طيحو العگل خل يحزن الكون
لم الوفه خل تعمه العيون
ما قصرت من واست ام عون
كون احنه هسه انطيح الامتون
معروفه باب الحوائج للخلگ معروفه
انطوفه شتاگينه كبرچ يل حنينه انطوفه
انشوفه يومچ جرح ما ينسي انشوفه
ياهو مثلهه بين هل ناس
بيش اوصف الجابت العباس
الخادم/ حيدر ناجي الدراجي
فزاعيه لم البنين ع
ياعباس شيع امك وامش بيها
هيبه والعمايم تنذب عليها
............
وينك ياسبع شيع امك بهيبه
لحك عالوفيه وبيرغك جيبه
هاي الربتك عالزود والنيبه
مكسورة الخاطر لاتخليها
..........
تعنه عله الحنينه واكطع البيده
ربت يبوفاضل والربه تريده
عليك وعله حسين عتابها تزيده
ربيه عيونها عالدرب تدريها
..........
يالراضع وفه ومتروس حنيه
خذوها موحشه جنازت البدويه
عليك عتاب يمصكر الحربيه
كون اليوم بجفوفك توديها
.........
يحيد بيمنتك شيع جنازتها
امك غمضت وتسيل دمعتها
الماعدها ولد ماحلت موتتها
شحلاته من يشيل امه ويجازيها
........
شحلاته من يزتها ويبجن عيونه
يون وجنازت الربت عله متونه
شمحله الاربعه بهيبه يشيلونه
يعباس الجنازه تريد اهاليها
.......
هوسه
(امك هيبه / وتشيل الراس)
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
أبوذيات
في أحزان السيده #ام البنين
معاي ابهالمسا اتمنى وألمكم (اضمكم)
ثجيل وروحي يمردها ولمكم (ألمكم)
اودي اويه الهوا اعتابي ولمكم (ألومكم)
ييمه اجنازتي منكم خليه
———-
تمنيت الموت وياكم وردته (اريده)
ولا مرار االفرگه أضوگنه وورَدْتَّه ( ورد اتى ودخل فيه )
ابٌزَهوْ اسنينكم يمه ووردتَه (الورد والزهور)
تشيلون وذبل قلبي اللي بيه
——-
✍️# #بنت_الشمري
ام البنين ع
بنتظارك بنتظارك يبني عذبني انتظارك
كبّرت واصرخ تعال جرحي اذن مو بلال
****
واگفه ومحنيه يالغالي اعله بابك
اشهدُ انّ الكسر ظهري غيابك
چم شمس طلعت وتاني ايمر سحابك
بس يجيني الليل اشتم بترابك
ما تجيني ما تجيني يمته يالغالي تجيني
شوفتك صارت محال جرحي اذن مو بلال
****
رحمة الله اتجمعت كلها بنظرتك
وانا محتاجه يبو اليمه الرحمتك
بين اموتن بين اناطر يبني جيتك
شوف طبع اخدودي يوليدي بعتبتك
شگد اتاني شگد اتاني موتي خطوه وانا اتاني
دمعة عيوني سؤال جرحي اذن مو بلال
****
مراقبه دروبك وتاني وعلْتي عله
لا نفس لا دمعه هجرك بيه خله
قابض الارواح لا ما ينطي مهله
من يجيني الموت يوليدي اشأگله
هسه يرجع هسه يرجع ابني ما ينساني يرجع
يمه هجرك چنه طال جرحي اذن مو بلال
****
بصيغة الام اعتب اعليك او اكلمك
گبل حيدر الله لختارني امك
يبني اشتاگ وعله الحيطان ارسمك
انتبه والگه الرسم بي فيض دمك
چنه واقع چنه واقع خاف موتك يبني واقع
شنهو حل بيك النزال جرحي اذن مو بلال
****
مستجابه الدعوه مني وحيره امري
گبل لا ادعي تردلي يضيگ صدري
چفوفي من وحدها تلتف اعله نحري
وچني اسمع يمه ابنچ كسر ظهري
ابو فاضل ابو فاضل گطعو چفوف ابو فاضل
ونترس جسمه نبال جرحي اذن مو بلال
****
لا نطرت ولا حسبت اترد بنيني
ما يهموني المهم انته تجيني
ان ما كفوك امحظرتلك كل سنيني
يبني بس ارجع وانه الانطيك عيني
اخذ مني اخذ مني عيني چفي اخذ مني
انا اناطر لا ازال جرحي اذن مو بلال
****
الشاعر اياد الديراوي
هِيَ دُرَّةٌ عصماءُ ما بينَ الدُّررْ
"أمِّي" يناديها الحسينُ وَذَا فَخَرْ
منْ حازَ بعضَ شموخِها بينَ البشرْ؟
أأقولُ (أمَّ الشَّمسِ) أمْ (أمَّ القمرْ)؟!
.
#أم_البنين
#اللهم_عجل_لوليك_الفرج
يا بِشرُ أين الأهلُ والأنصارُ ؟
بصوت الخطيب الشيخ مصطفى التميمي
يا بِشرُ أين الأهلُ والأنصارُ ؟
بصوت الخطيب السيد علي الشخص
يا حسين :
نعي حول ام البنين
وديت طارش صوب الاحباب
يكلهم ابكلبي اشسوه الاغياب
عيني طفت والدمع سجاب
وديت خط اعتاب ليهم
اعزازي واريد انشد عليهم
اشسوه الوكت والدهر بيهم
مرساله مني رايح اليوم
بيه الدمع والكلب ملجوم
كضاني الحزن وچماله الهموم
كتلهم تعالو اتلاحگوني
وكلكم ييمه شيعوني
غير انتم اولادي تاخذوني
صوب الكبر تمشون بيه
ودمعاتكم لأجلي جريه
اريد الولد يلطم عليه
يلطم عليه الولد ردته
ويا محله لو يبجي دمعته
دفان يحضرني طلبته
طلبيته واريد يحضر ابساع
ويشوف حالي بوكت الوداع
واكول التعب بالولد ماضاع
ماضاع تعبي والسهر ذاك
من شلت نعشي فوك يمناك
وابطل العتب يالولد وياك
يوم التجيني وتحضر الموت
وتشيل يبني انته التابوت
وتبجي عليه ابعالي الصوت
وللمكبره بهيبه تزتني
وما تعتذر يا يمه مني
بيدك اتنزلني بكبري
لخامة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له
يا حسين:
نعي حول ام البنين
سويعه الولد ردته يجيني
ويكعد بصفي ويحاجيني
يحضر يغمض بيده عيني
شويه يمر بيه انه ردته
ويشيل تابوتي ابيمنته
محله الولد محله دمعته
يشيل النعش ويروح بيه
ويحضر ابساعات المنيه
شيجيبه بعد ويعود ليه
موتي كرب والولد وينه
ويدري بروح امه حنينه
اتمنت يجي وتشوف عينه
يوصل اليه كون هسه
واسمع ويه الدفان حسه
جدامي الولد شو مات وسفه
وسفه خذاه الموت كبلي
وما ظل ولد يا ناس عدي
شلي بعد بالروح شلي
اموتن ولا واحد حضرني
لا كعد يمي ولا نشدني
وللمكبره محد يزتني
يزتني الولد مريود بيده
وجناز ويه الناس اريده
ويكطع تره دروب البعيده
تانيت محد وصل للباب
ومكطوعه عني اخبار الاحباب
روحي كظت من كثر الاعتاب
اعاتب ولا جنهم يسمعون
وامنه كضت شو ما يكولون
محد حضرني ويه اليدفنون
لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له
قصيده موشح بحق {ام البنين}{عليها السلام}
****
كون عندي حيل وجفوف ونظر
وكون مامكطوع راسي من انحر
****
من جديد انه التقي بام البنين
وينجمع ثاني الحنين ويه الحنين
ننسه انه وهيه كل ذيج السنين
والشمس ترجع تسامر بالكمر
****
ابد مايرجع يفرقنه الزمن
ولا يدك بيبانه ونين المحن
الا اصير الها وطن بس يا وطن
ويايه تنسى ونينها ونوح السهر
****
عيد اصبح الها من بعد الصيام
وضوه يترس ليلها ويجلي الظلام
وانثر عليها فرح كله سلام
وارسم اعلى اشفافها ورده ونهر
****
ابالي مامر يوم اتركها واروح
وعلى فركايه العمر تكضي تنوح
الجسد يبلى من يظل بلايه روح
وجرح المفارك يعوف شجم اثر
****
امي ربتني ذخر للنايبات
مي اصيرلها واصيرلها حياة
موش اليكلها علي وتكله مات
وراسه عالمشرعه بعامود انطبر
****
من يجيها الموت احطن راسها
بحضني وتفاركني كون انفاسها
امي ماكو ابد مثل احساسها
ماردتها تموت مليانه قهر
****
جنت اتمنه اغسلها بدي
واعصر عيوني على شيبتها مي
عليها انوح بكثر ماناحت علي
وعلى فركاها اون طول الدهر
****
على متني النعش اشيله للكبر
ودفن وياها الليالي والعمر
الا أَبجي بنوحي دم عين الصبر
والانس والجان كلهم والحجر
****
كبل راسي ورمشي دلالي يشيب
من البواجي والنوايح والنحيب
الماتت امه يعيش كل عمره غريب
وكلبه مايلكه حنان ومستقر
****
وأبني بجفوفي كبرها بالدموع
واشعل سنين البقت مني شموع
والها شباج انه افصل من الضلوع
ويرجع يخضر غصنها اللي نكسر
****
ومن ذهب كبتها توصل للسمه
ومرقد يضوي اليالي المظلمه
من كبرها الكبر امي فاطمه
غصباً عله الناصبي البيهم كفر
****
وموكب الها انصب ابنص البقيع
موكب الهيمه يحولها ربيع
موكب اسمه بأسم عبد الله الرضيع
انديره انه وابن اخويه المنتظر
****
انه والمهدي نرحب باليجون
وابأدينه نمسح دموع العيون
بشوفة الزوار هالمحنه تهون
اوفياء بصفهم يضيع البحر
****
خادم اهل البيت عليهم السلام
الشاعر السيد {هاشم قاسم سعود الداودي}
*قصيدة لام البنين (ما اجوني)*من ديوان دموع وعبرة في رثاء العترة ج٣
*(لحن قصيدة والله حيره للرادود محمد الدفاعي كلماتي ايضًا)*
❥━──➸➽❥❂❥━──➸➽❥❂
ما اجوني ... أولادي ساعات المنيه
ما اجوني ... وحدي ما عندي بنيه
بگيت اون ونايحه / ياهو ينصب فاتحه
ما اجوني ما اجوني
❥━──➸➽❥❂❥━──➸➽❥❂
وحدي ضليت ما عندي حبايب
گلبي يا هالناس من الهضم شايب
والمغسلات اليغسلني غرايب
يا هضم گلبي وعذابه من المصايب
عندي اولاد أربعه /وهاي أكبر فاجعه
ما اجوني ما اجوني
❥━──➸➽❥❂❥━──➸➽❥❂
اولاد عندي بس وسف محد حضرني
على فراش الموت اون وزاد حزني
لون عباس الگمر يسمع لوني
ارد اگللة المصايب مرمرني
فراگكم هد الگلب / الهجر ما احملة صعب
ما اجوني ما اجوني
❥━──➸➽❥❂❥━──➸➽❥❂
صعب فرگاكم ييمة هدم حيلي
بس افكر وانتحب ما نمت ليلي
فگد ويلادي سهم صوب دليلي
بأخر أنفاسي ردت زينب تجيلي
تغمض عيوني وتون / وتنحب اعليه بحزن
ما اجوني ما اجوني
❥━──➸➽❥❂❥━──➸➽❥❂
ضيعت كل الأودهم يا زماني
وحدي ضليت أناطرهم وأعاني
بصوت اصيحن لو يردولي ثواني
والله من بعدو عليه الهم گضاني
گضت روحي من القهر / بيه حسرة جن الجمر
ما أجوني ما اجوني
❥━──➸➽❥❂❥━──➸➽❥❂
من يموت انسان تحضر يمه الاحباب
يغمضولة عيونة ويهيلون التراب
وانة ذيچ الوالده العدهه اربع اشباب
بس حسافة الدهر ما خلالي الاطياب
مني راحو من وكت / وانه دمعاتي تكت
ما اجوني ما اجوني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
⬛️🔳القصيدة-4-🔳⬛️
عَمِيَت على فقدِ الحسينِ عيوني
وتقَرّحَت بعدَ المُصابِ جفوني
والحُزنُ في قلبي كنارٍ سُعّرت
لا شُغل َ لي إلآ رثآءَ بنيني
ولقد أتىٰ ناعي المصابِ لطيبةٍ
ينعىٰ الحسينَ بعبرة ٍ وأنين ِ
فسألتُهُ يابشرُ أينَ أحبتي!
هل منهُم ُ أحدٌ تُرىٰ يأتيني!
أينَ ابنُ فاطمةٍ حبيبُ محمدٍ
أينَ الشبابُ ! فكلُهُم تركوني
قالَ اندبي سبط َالرسولِ وإخوةً
كانوا لـهُ سنداً حُماةَ الدين ِ
والشهمُ عباسٌ قضىٰ من ضربةٍ
بعمودِ غدرٍ بعدَ قطعِ يمينِ
فبقيتُ من هذا المصابِ بنكبةٍ
وبِلَوعة ٍ حتىٰ انقضآءِ سنيني
عندَ البقيعِ أنوحُهُم في حرقةٍ
والذكرياتُ مع البكا تؤذيني
ومَنيتي حلّت بغيرِ أحبتي
قد هاجَ حينَ الإحتضار ِحنيني
آه ٍ علىٰ فقدِ الكرامِ وهذهِ
نار ُ الأسىٰ بفراقِهِم تكويني
ياليتَهُم عادُوا لطيبةَ كلُهُم
ياليتَ وقتَ منيتي حضروني
#سمير_الصالحي
#النجف_الأشرف
#سمير_الصالحي
#النجف_الأشرف
⚫️ وزن - الحدي-مجرشة
حَسَت منيتهه احضَرت
دموع اعله خدهه تگاطرت
بدفنتهه ويلي تحيرت
لا عمد عدهه ولاتچيه
منوتهه لولاد اتحضَر
أم وگطع بيهه الدهر
بلچن يگصرون السفر
ويلَحِگون اعله الوفيه
يولاد حيدر يازلم
انتو ويَ عباس الشهم
ساعاتي بيكم آنه اهم
وبكل صباح وكل مسيه
بيضتوا وجهي ويه الولي
وهمومي بيكم تنجلي
لفراگكم دمعي يهلي
واليوم حضرتني المنيه
مفجوعه خلّصت العمر
وخلافكم ماظل صبر
سهرانه ليلي وانتظر
عبراتي ودموعي جريه
آه اشكبرهه امصيبتي
أنحب واجر بحسرتي
منهو اليشيل جنازتي
نمتوا عسن نومه هنيه
لمن يوسدوني بلحد
چني أعاين للولد
لا واحد المنكم يرد
والفاتحه يقراهه ليه
#سمير_الصالحي
#النجف_الأشرف
استشهاد باب الحوائج الجليلة السيدة ام البنين عليها السلام
ندبة لقضاء الحوائج وشفاء المرضی وتسهيل الامور
الآهي بإم البنين ياالله
🏴🏴
رفعت چفوفي وانخه التگضي الحاجه
امشّي عليهه ابنهه الگطعو اوداجه
اندب يم الابنين
واهمل دمعة العين
امشّي عليهه ابنهه الگطعو اوداجه
🏴🏴
حضرت المجلس ودمعاتي هماله
تسعر نار گلبي وحالتي حاله
والينخاها ابد ماخابت آماله
كل مكسور خاطر تسر دلّاله
عليهه اقسم بالحسين
واهمل دمعة العين
امشّي عليهه ابنهه الگطعو اوداجه
🏴🏴
لمجلسهه اجيت اندبهه يلحره
اگلهه الدهر كاسر گلبي چم كسره
ام الكرم من عدهه ردت جبره
بجاه الحملوهن عالهزل يسره
والدخلن دواوين
واهمل دمعة العين
امشّي عليهه ابنهه الگطعو اوداجه
🏴🏴
عندي احباب مرضی والدوه مافاد
امن الدكتور اييست والمهم زاد
محرومين حتی امن الشرب والزاد
ام عباس تنطي لليريد امراد
اجيت اويه المساكين
واهمل دمعة العين
امشّي عليهه ابنهه الگطعو اوداجه
🏴🏴
همومي لغيرهه فشله امن اسولفهه
ناس الموش گدهه شلون اكلّفهه
وام الاربعه التشهد مواقفهه
اقره الفاتحه وتفرجهه اعرفهه
وكتي وياي موزين
واهمل دمعة العين
امشّي عليهه ابنهه الگطعو اوداجه
ياام البنين
ياباب الحوائج
نظرة يامولاتي 😭
ام محمد الحجاج
ومطروحه الجنازه .. اتريد وليان
عدها اربع ولد هاي الحنان
وشيعوها. اجنازت امكم
*
اليوم ام البنين اتريد عباس
يوكف عالجنازه وتلتم الناس
واعله ام البنين ايدگ عالراس
ونه اعليها عباس اكعد
*-
هاي شيوخ اهلها وناسها اكبار
ملتم السلف والكون محتار
اليوم ام البنين اتريد الأقمار
ويدفنوها/// يم كبر حسين
****
من دون الفواتح تختلف هاي
بيها حسين يبجي وينحب اهواي
والعباس بيها يوزع الماي
كل الساده بيرغها نفل
*
بهيده ويالجنازه يالتشيعون
اتريد اولادها كلهم يحضرون
يلتمون واعله امهم يلطمون
من شالوها ..والحيل نهد
*
هاي الشالت اليوم امن اهلنه
كون اعله الجنازه نموت كلنه
هاي ام الهله وام المحنه
كومو وياها يربات الحگ
**
تمت
تحسين الخفاجي
ام البنين :
كرب موتي و خفت صوتي
وانا انعى على احسيني
----------
عشره ونتهت وي حزني ولامي
وخلص كلشي چفني صار الي حزامي
ورتاحي بعد يا عيني ونامي
وفرحانه اروح بشوفة الضامي
ما نشفت دموعي للبقه دامي
عشت بالويل - دموع اسيل
بني حسين حاجيني
وانا انعى على حسيني
----------
انا ام البنين وحزني عاش وياي
لوعه وبالكلب جمره بكبر بلواي
على الغالي حسين ولاخلص مبچاي
وذكره لو عطش كلبي ويريد الماي
وكرب مني الاجل ووليدي اريده بهاي
يحفر كبري - ويشوف امري
وبيده. يوسد ايديني
وانا انعى على حسيني
----------
انه ام البنين بحزني اتلوه
عشكت النوح والدمعه الي سلوه
مصاب حسين اخذ حيلي وعلل سوه
و ليل انهار ابجيله وعشت كوه
فرحانه ودنه موتي اموت اشوه
افرح العين - تشوف احسين
واواسيها وتواسيني
وانا انعى على حسيني
----------
اني ام البنين وخلصت اسنيني
وراح الحيل كف مني نضر عيني
ردت عباس من أكبر يـباريني
احبه اهواي ظخر دنياي يدريني
ييمه افرح من اسمع يحاجيني
فكد عباس - يشيب الراس
وكلبي ضل يأذيني
وانا انعى على حسيني
كلمات
احمد السالمي :
----------
هوسات لوفاة ام البنين عليها السلام
ياهو الشال تابوتچ عله امتونه
واهل الزود كلمن نايم بكونه
چا شحچي شگول اعليچ ممنونه
(( وامضيعه حسين وتردينه ))
حسين اليوم يم عباس رايدته
يغطي اجنازتچ ويروح بالزته
والله لو عدل چا ماسكت سكته
(( وحسين يشيلچ بعيونه ))
والله لو عدل چا شالچ بعينه
حنين وماكو احن من گلب ابو سكينه
لاچن سحكته اهل الخيل تدرينه
(( مكسور الحافر بضلوعه ))
چم حافر بحافر طاحن بصدره
ابو السجاد راسه انعزل عن نحره
منچ يعتذر يالطاهره الحره
(( واليوم يريد تعذرينه ))
منچ يالحنينه اليوم يتعذر
مايگدر يشيل النعش مايگدر
ضلوعه امطشرات حسين وموذر
(( سهمين بگلبه امصوبينه ))
توذر بالسهم وانمرد دلاله
هاذه حسين وضعه ومو سهل حاله
عين اتصد عليچ وعين العياله
(( ويفكر بيچ تعرفينه ))
لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
نعي/ام البنين ع
***
سلام الله عليها ودمع سال
ضربت بلوفـه للوادم امثال
للحاجات تطي تعزب اشكال
ويــاهــا زماني محزم وعال
هــاي ام الگمر وراس عالي
مـنها ونـعم جــابـت غوالي
سلاماً علــى دمعتها التلالي
خلت بيتها مــن الزلم خالي
ربت حيد ويـعادل عشيره
عـد الباري مبخوته الاميره
فزعـت بلولد فـزعه چبيره
هـاي ام الوفه لمربيه غيره
لحسين العمر اطت والبنين
بفراگه بچت ماهودت عين
عمرها خلصت اباه يحسين
راح وعــايفلها بــس الونين
عافلها الدمـع وهموم الايام
وتصبر الصبر مجبوره بالام
والرايح تـظل تنطره بحلام
وتحشم الجفن تتمـنه اينام
ويــه الفــاتحه حطو اسمها
ابيض دون خلگ الله علمها
ام عبــاس معـروفــه بهممها
بحسين نعرف يوجع قسمها
تمنت عدها كـون اولاد ميه
چا كلهم فـــــده لبن الزچيه
اوگالت للگمر عـندي وصيه
بــالــك للــولي تــدنه المنيه
اطي چفوفك وعينك يهيبه
وشلال نگلب لجـل الحبيبه
اريدك حيـدر بيوم المصيبه
ويبني الحگ اريدنك تجيبه
گـال الــغايـب ويثني عليها
الرايد طلبته خــل يمر بيها
وضع سره الاهي بين اديها
عزيزه وغاليــه ودر حچيها
هـاي ام البنين يصب دمعها
ولو ناحت تره مـحد سمعها
حزينه بلـحزن دهري جمعها
نحنه ياناس من الهم ظلعها
****
ابوحيدر
الصبيحاوي
-لمولاتي السيدة ام البنين عليها السلام -
- وداع النعش - جُمادى الآخرة- 1446
ياباالفضل "" آخر وداع النعش
————————————
عظم الله الأجر هذا العزاء
ذكريات الطف نِودع بالبكاء
راحت الجانت تِون لكربلاء
هذا نعش الصبر يا عباسها
ياباالفضل "" آخر وداع النعش
————————————
هواي مشتاكه الك ام البنين
روح شيعها يعباس الحنين
يابوفاضل يا ضواها بالسنين
يا كفيل الخيم يا نوماسها
ياباالفضل "" آخر وداع النعش
————————————
للمدينة جاي من طف نينوّه
آخر اللحظات بفراك الضوّه
يابوفاضل بعد متشم الهوّه
الحبيبه هاي اخير انفاسها
ياباالفضل "" آخر وداع النعش
————————————
الوداع اليوم جرحه مو سهل
اعيون تنزف عالنهر جرح النبل
يعينك الله سيدي ياباالفضل
من بعد عاشور شّيب راسها
ياباالفضل "" آخر وداع النعش
————————————
يابوفاضل والجرح كلش ثِكيل
بالمصاب ادموعنه عالخد تِسيل
البقيه في حياتك يالكفيل
صوت الخِدام صوت احساسها
ياباالفضل "" آخر وداع النعش
————————————
الخادم - ابو فدك الشامي ✍🏻
[[💔أم البنين تخاطب الأمام الحجة عج💔]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
أم البنين تنادي بالدار
يالمهدي يمته تاخذ الثار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
هذا بن حذلم فج الصفوف
يبچي وينادي و لونه مخطوف
ذبحو حسين بأرض الطفوف
وإعله مصابه دمعي مدرار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
صاح بحسرته وصوته مبحوح
يهل المدينه حسين مذبوح
والف و تسعميه إله جروح
ومسبيه زينب بيد الأشرار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يالمهدي كونك تسمع الصوت
بأنفاسه تشتم ريحة الموت
لزينب ينادي حرگو بيوت
وحتى العبي وصلتهن النار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
رد بدمعته يصرخ و صاح
وسفه الحسين إعله الرمل طاح
راسه يويلي فوگ الرماح
وجسمه توذر بين الشفار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جسمه رميه فوگ الوهاد
وراسه یویلي شاله میاد
وخيامه ضلت تشتعل غاد
وهامن حريمه بذيچ القفار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ضليت أنادي فدوه البنين
ونطي مثل عباس سبعين
بس كون إليه يرجع حسين
وسالم يرد مهجة المختار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
أنهض هلك خلصو مچاتیل
وشیخ العشيره داسته الخيل
وزينب وحيده و چلچل اللیل
الحگ علي نادت يكرار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يالمهدي يالغالي يرجواي
أدريك كالعباس وفاي
ثار الذبيح الماشرب ماي
عندك أمانه يبن الاطهار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
🏴يهدى ثواب القصيدة الى روح🏴
خادمة أم البنين ع
(أختي أم كرار💔 )
والى أرواح أمواتكم جميعاً
🏴مع الفاتحة والصلوات🏴
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
في ليلة وفاة أم البنين ع(١٢ جمادى الآخره)
٢٠٢٤/١٢/١٤ميلادي
(جهاد البصيراوي]
حَاجات عندي اشكِثر
هَمهِن يشَـيب الراس
وظنُون ﮔَد الرَمل
غطّت ﮔلُب واحسَاس
ونيران بِـيّه اسعِرَت
ولمّن نِخيتـﭺ طُفَت
والحاجه كلهه انـﮔِضَت
مشكورَه يَم عباس
لقمان البدران
يا بِشرُ أين الأهلُ والأنصارُ ؟
بصوت الخطيب الشيخ كاظم المياحي
قصائد مقدمة المجلس
#رقم_319
في رثاء #السيدة_أم_البنين (عليها السلام)
الشاعر حسين يحيى الحاج
1ـ يا بِشرُ أين الأهلُ والأنصارُ ؟
أينَ النّجومُ الغُرُّ والأقمارُ ؟
2ـ لِمْ عادَ بعضُ الرَّاحلينَ وبعضُهُمْ
يأبى الإيابَ فما هيَ الأخبارُ ؟
3ـ يا بِشرُ رِفقاً بالقلوبِ لِمَ البُكا؟
وَلِمَ السُّكوتُ ودمعُكَ المِدرارُ ؟
4ـ أينَ الشَّبابُ وأينَ هُم أهلُ الحِمَى
أينَ الذينَ بهم تَشُّعُ الدَّارُ
5ـ ماذا عسى بِشرٌ يُجيبُ سؤالَها
فالقلبُ يَسعَرُ والجَوَى بَتَّارُ
6ـ يا أمّ عباسٍ فدتكِ نفوسُنا
صَبرًا على ما شَاءَهَ الجَبَّارُ
7ـ كُلُّ الذينَ عن الإيابِ تَخَلَّفُوا
حَصَدَتهُمُ بيمينِها الأقدارُ
8ـ لو تَسألينَ عن البنينَ فإنَّهُمْ
صَرعَى عُطاشى والفُراتُ الجَارُ
9ـ قُتِلَ البنونَ الصِّيدُ يا أمَّ الإِبا
طَلَبُوا الرَّدَى دونَ الحُسينِ وثارُوا
10ـ والليثُ عباسٌ بعامودٍ قَضى
فاستَبشرَتْ برحيلِهِ الأشرارُ
11ـ يا بِشرُ ما عنهُمْ سألتُكَ إنَّما
أينَ الحُسينُ الفارسُ المِغوارُ ؟
12ـ أإلى العِدى قد أسلمَتهُ حُماتُهُ ؟
حاشا فما منهُم فتىً غدّارُ
13ـ فيُجيبُها لهفي عليه تركتُهُ
جَسدًا له نزفُ الجِراحِ دثارُ
14ـ وترضُّ أعظمَهُ العِدى بخيولِها
(والرأسُ منه على القَناةِ يُدارُ)
**
الشعر الدارج لفاطمة علي رزق :
گِضَت كلّ العمر تنعى يمّ اگبور مرسومه
وماتت وبگلبها احزان والأحزان معلومه
من يوم الإجت لاخبار عنّ حسين والصابه
ظلت تسچب العبره چنها حضرت امصابه
چنه گبالها بعاشور طايح والدمه خضابه
وچنه گبالها مذبوح عالتربان بالحومه
خَبْروها ابْسَحِگ صدره ولجله لِطمَتِ بْچَفّين
گالوا مِنْسلِب جسمه ونّت وانسمع لونين
ظلت كل عمرها تنوح وتصرخ يابني آ يحسين
مكسورة گلب ماتت عَلى المظلوم مهمومه
ما همها فگد لاولاد كل همها عزيز الروح
حتى بآخر الأنفاس چانت تنعى عالمذبوح!
ما ملّت بچيها بيوم ولا ملّت عزاء ونوح
گالت إبكو للمظلوم تراها دْموع مرحومه
وللسيد عدنان الحمامي :
عگب شباني هذا العمر مارد
وسهم افراگهم للچبد مارد
ليش حسين ويه الظعن مارد
وكواكب اربعه امقدمه هديه
آنه اشچم عين لمصابي بچتلي
وعيون السمه اوياهن بچتلي
فگد حسين سيف وهم بچتلي
فديته باربعه ومارجع ليه
مراثي الأطهار عليهم السلام