7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
نعي بحق مولاتنا ام البنين عليها السلام لما رجع الناعي للمدينة ينعی الحسين عليه السلام
بلسان الحال
ياناس فدوه ارباي كلهم
الاربعه لحسين . وامهم
متأملته يلتم شملهم
الغالي واخته ومو بملهم
// كان عدهه امل يرجع الحُسين واخته عليهم السلام . ولا همها اولادها الاربعة .
انطر يردّن محاملهم
لو دگو الباب اطلع الهم
نلتم سوه نرد بنزلهم
شسوه البعد بيّه اگلهم
🏴🏴
ام محمد الحجاج
لمولاتي ام البنين عليها السلام
ماتت بخت ديوان هاشم
وفوگاها ما فيت صوارم
محد حضرها بيوم ماتت
غربه بحياة وموت عاشت
الصلت عليها بس فواطم
........................................
الحرمه من يگرب اجلها اعيونها اتصد للضنه
ادير طارف صوب اهلها اتبين الموت الدنه
تعاين اوجوه التحبهم الگلب لكبرهم عنه
لون غمضت عين هيه يصيح يانوم الهنه
الشيلت نعشها انراد تسنيع
مامش ولدها بيوم توديع
غمضت وسفه ام البنين
و بالها عباس و حسين
واختلفت وياها المواظيع
..........................................
من تطب غرفتها جانت تعاين ارسوم وصور
تلگه عالحايط بيارغ بيها چف حنه واثر
اهناك ليغادي المحنه وگلب بالفرگه انكسر
وتلگه ام بلا ولدها وتمشي مكسورة ظهر
مهظومه ماعدها الفه يعين
ومناطره ادروب المحبين
مكسوره خاطر باخر ايام
تشبه رقيه ودفنت الشام
ومگابله اتصد للروازين
............................................
تخلص اشموع التوجها وتبقه سهرانه عشگ
اشتاگت المت حبايب يمها والصوت اختنگ
الذكريات تمر ذهنها وگلب بالسرعه يدگ
تشتعل بالشوگ چنها تصير خيمه وتحترگ
شيطفي نار الفاگدت احباب
ومناطره بلكت تدگ باب
بحسرة خبر والناس اشاعات
تحجي بسوالف كلها اهات
حته الهوه من مرها جذاب
................................................
اتجت بعكازه كوه من عگب متن الولد
الكاسر ابفيه عليها جان واغطه من البرد
سومر الضي بسماها وشح عليها چم ورد
حوشها الفارغ يسولف بيها وتروح وترد
من جفت اعيون المراسيل
دم نزفت اعيون المچاتيل
الشوگ بين بيها واثار
صارت عله البيبان والدار
وانقرت بحلوگ التراتيل
.................................................
احتاجت التشكيله همها يشيل من عدها الحمل
ولاكو واحد سد مجانه والفضل بعده طفل
جانت اتسولفله قصه وعينها اتغورگ تضل
ومن تناغيه وينام بفدوه يايمه الفضل
جانت دللول الولد نام
اسم الله من طواري الاسهام
عبد الله مالحگ يفطموه
ولاشبع من جلمة دللوه
راح امشي عنك هاي الايام
.............................................
وصلت انفاس الاخيره وذكرت العين وسهم
اوصت اليسمع حجيها بزينب اشكلكم ذمم
وچفنوني بالعبايه البيها حرگ من الخيم
وانتها المشوار بيها بشوغه ترجمها الالم
خشبه بوكت تحجي المناشير
النامت بسدها العصافير
ماتت واخذت احله ذكره
وبگلب زينب بقت حسره
وخلصت وياها المشاوير
............................................
الاقل شرفاً
كرار اللامي
قصيدة لمولاتنا ام البنين
يا باب الكرم والوجود كلنه اليوم نمشيلة
نتعنه بحزن وهموم اليدوية هاليلة
نتعنه العزاها ونجذب الونه
هاي ام البطل والحيد المجنه
ماتت من ولدها گاطعه الظنه
خل ننحب عليها المدمع انسيلة
وسفة ماتت ام عباس حيرانه
من اخبار اليسر مهجتها خلصانه
على امصاب الحسين هواي حزنانه
فراگ اولادها ما تگدر اتشيلة
تراهي الفاگدة ما ينگطع ونها
تضل طول العمر ما ينوصف همها
شحال ام البنين الي مشو عنها
فگدت اربعة كلهم فرد ليلة
الله يعينها ماتت ومهظومه
يمصاب الگمر ما ينحمل يومه
ضلت من فرگته حيل ملجومه
كل صبح ومسه العباس تنعيلة
ترى اليوم الولدها حيل معتازة
يشيلون النعش يرحون جنازة
عمت عين الزمان اعليهم اتوازة
بتراب الحد جا ياهو اليهيلة
تمت بحمد الله تعالى نسألكم الدعاء بالتوفيق لخدمة اهل البيت عليهم السلام
الشاعرة ام زهير الفاطمية
بيش اوصف الجابت العباس
ام الوفه وتنشال عل راس
****
عيون الكمر يا زود الحسين
شيمت بل الطف الميادين
تاريخچ يضل طول الاسنين
ام الابطال ونعم تبقين
ربيتي ارجال صلبه وكفو من ربيتي
ضحيتي فدوه الولد لحسين من ضحيتي
انطيتي جفوف الكمر قربان من انطيتي
وصت ولدهه ألاخر انفاس
بيش اوصف الجابت العباس
***
يا باب اليكصده ياخذ مراد
خلفتي ولد يا نعمه لولاد
يا رمز الشجاعه وذيچ الامجاد
لبسنه اليوم الاسود والحزن زاد
حزنانه اليوم اجت هاي الخدم حزنانه
ويانه فاطمه حضرت للعزه ويانه
اخوانه نعزي الكمر عباس وي اخوانه
كلهه محنه ام الحساس
بيش اوصف الجابت العباس
***
طف كربلاء والمشرعه شهود
خليتي ولدچ كلهم جنود
وزود الكمر من عندچ الزود
زلمه اليجيهم والله ميعود
بدويه يا مضرب امثال ونعم بدويه
علويه رجفت حتى المشرعه العلويه
طاريه اسمچ شجاعه من يمر طاريه
كلهه بطوله وكلهه نوماس
بيش اوصف الجابت العباس
***
عل الراس هاي ام الكمر هاي
انطت ولدهه الجانو هواي
ام الوفه وخلفت وفاي
بهداي خلي الدمع بهداي
ادموعنه خل تنزل بحركه وحزن ادموعنه
متعوفنه بيوم القيامه ام الكمر متعوفنه
شموعنه نشعلهه هل ليله حزن شموعنه
تراب الكبر هل ليله ينباس
بيش اوصف الجابت العباس
***
طيحو العگل خل يحزن الكون
لم الوفه خل تعمه العيون
ما قصرت من واست ام عون
كون احنه هسه انطيح الامتون
معروفه باب الحوائج للخلگ معروفه
انطوفه شتاگينه كبرچ يل حنينه انطوفه
انشوفه يومچ جرح ما ينسي انشوفه
ياهو مثلهه بين هل ناس
بيش اوصف الجابت العباس
الخادم/ حيدر ناجي الدراجي
فزاعيه لم البنين ع
ياعباس شيع امك وامش بيها
هيبه والعمايم تنذب عليها
............
وينك ياسبع شيع امك بهيبه
لحك عالوفيه وبيرغك جيبه
هاي الربتك عالزود والنيبه
مكسورة الخاطر لاتخليها
..........
تعنه عله الحنينه واكطع البيده
ربت يبوفاضل والربه تريده
عليك وعله حسين عتابها تزيده
ربيه عيونها عالدرب تدريها
..........
يالراضع وفه ومتروس حنيه
خذوها موحشه جنازت البدويه
عليك عتاب يمصكر الحربيه
كون اليوم بجفوفك توديها
.........
يحيد بيمنتك شيع جنازتها
امك غمضت وتسيل دمعتها
الماعدها ولد ماحلت موتتها
شحلاته من يشيل امه ويجازيها
........
شحلاته من يزتها ويبجن عيونه
يون وجنازت الربت عله متونه
شمحله الاربعه بهيبه يشيلونه
يعباس الجنازه تريد اهاليها
.......
هوسه
(امك هيبه / وتشيل الراس)
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
أبوذيات
في أحزان السيده #ام البنين
معاي ابهالمسا اتمنى وألمكم (اضمكم)
ثجيل وروحي يمردها ولمكم (ألمكم)
اودي اويه الهوا اعتابي ولمكم (ألومكم)
ييمه اجنازتي منكم خليه
———-
تمنيت الموت وياكم وردته (اريده)
ولا مرار االفرگه أضوگنه وورَدْتَّه ( ورد اتى ودخل فيه )
ابٌزَهوْ اسنينكم يمه ووردتَه (الورد والزهور)
تشيلون وذبل قلبي اللي بيه
——-
✍️# #بنت_الشمري
ام البنين ع
بنتظارك بنتظارك يبني عذبني انتظارك
كبّرت واصرخ تعال جرحي اذن مو بلال
****
واگفه ومحنيه يالغالي اعله بابك
اشهدُ انّ الكسر ظهري غيابك
چم شمس طلعت وتاني ايمر سحابك
بس يجيني الليل اشتم بترابك
ما تجيني ما تجيني يمته يالغالي تجيني
شوفتك صارت محال جرحي اذن مو بلال
****
رحمة الله اتجمعت كلها بنظرتك
وانا محتاجه يبو اليمه الرحمتك
بين اموتن بين اناطر يبني جيتك
شوف طبع اخدودي يوليدي بعتبتك
شگد اتاني شگد اتاني موتي خطوه وانا اتاني
دمعة عيوني سؤال جرحي اذن مو بلال
****
مراقبه دروبك وتاني وعلْتي عله
لا نفس لا دمعه هجرك بيه خله
قابض الارواح لا ما ينطي مهله
من يجيني الموت يوليدي اشأگله
هسه يرجع هسه يرجع ابني ما ينساني يرجع
يمه هجرك چنه طال جرحي اذن مو بلال
****
بصيغة الام اعتب اعليك او اكلمك
گبل حيدر الله لختارني امك
يبني اشتاگ وعله الحيطان ارسمك
انتبه والگه الرسم بي فيض دمك
چنه واقع چنه واقع خاف موتك يبني واقع
شنهو حل بيك النزال جرحي اذن مو بلال
****
مستجابه الدعوه مني وحيره امري
گبل لا ادعي تردلي يضيگ صدري
چفوفي من وحدها تلتف اعله نحري
وچني اسمع يمه ابنچ كسر ظهري
ابو فاضل ابو فاضل گطعو چفوف ابو فاضل
ونترس جسمه نبال جرحي اذن مو بلال
****
لا نطرت ولا حسبت اترد بنيني
ما يهموني المهم انته تجيني
ان ما كفوك امحظرتلك كل سنيني
يبني بس ارجع وانه الانطيك عيني
اخذ مني اخذ مني عيني چفي اخذ مني
انا اناطر لا ازال جرحي اذن مو بلال
****
الشاعر اياد الديراوي
هِيَ دُرَّةٌ عصماءُ ما بينَ الدُّررْ
"أمِّي" يناديها الحسينُ وَذَا فَخَرْ
منْ حازَ بعضَ شموخِها بينَ البشرْ؟
أأقولُ (أمَّ الشَّمسِ) أمْ (أمَّ القمرْ)؟!
.
#أم_البنين
#اللهم_عجل_لوليك_الفرج
يا بِشرُ أين الأهلُ والأنصارُ ؟
بصوت الخطيب الشيخ مصطفى التميمي
يا بِشرُ أين الأهلُ والأنصارُ ؟
بصوت الخطيب السيد علي الشخص
قصيده لام البنين عليها السلام
++++++++++
گلت بالموت /زينب تعدل الشيله
+++++++++++
تعدل اوسادتي ابهيده /گلت بالموت
نسولف والحجي انعيده /گلت بالموت
على المذبوح بالبيده /گلت بالموت
واگلها اصياحجن للعطش هدحيله
لوشاف اعياله /السلبوها
*ام ستــ✍️ـار الكعبي*
++++++++++
ابساعات الأجل يمي /گلت بالموت
تون واتگول هايمي /گلت بالموت
شريكه امصابنه اووني /گلت بالموت
واگلها حسين يم راسي وتونيله
بأعلاج الموت/ ابجي اوياها
*ام ستــ✍️ـار الكعبي*
+++++++++++
ردتها ام عون ويايه
تگعد يمي شجايه
اوياها صاحب الرايه
تگعد يمي للعباس تنعيله
امك عباس/اتعناها
*ام منـــ✍️ـذر الحجار*
+++++++++++
عليج الاه والونه /گلت بالموت
يم عباس المجنه /گلت بالموت
نريد حسين يحضرنه/گلت بالموت
بالزهره الزجيه اعليكم ادخيله
(كل شده وضيجه/اتحضرونه)
*ام ستـ✍️ــــار الكعبي*
+++++++++++
ضلت عيني تتربه/گلت بالموت
واتمنيت الحبيبه/گلت بالموت
تعدل راسي واتگلبه /گلت بالموت
تعدل رگبتي وراسي تتجيله
(وتغمض /باديها اعيوني)
*ام منـــ✍️ــذر الحجار*
+++++++++++
تمنيتج ييمه احذاي
يزينب يابعد عيناي
تنگطلي باديج الماي
ذاب الگلب وارتدعت مفاصيله
تنوحيني / لو جاني الموت
*ام منــ✍️ــذر الحجار*
+++++++++++
*تمت بعون الله باقلام شاعرات اهل البيت عليهم السلام*
*ام ستار الكعبي*✍️✍️
*ام منذر الحجار* ✍️✍️
*لانجيز حذف الاسماء ونسألكم الدعاء* 🤲🤲
تقرا نعي او لطميه
ام البنين تودع الحسين وإخوته
ربيتكم ورويحتي تلوع
واتنطر تمسحون الدموع
*---------------------*----------------------*
ربيتكم وأنتظر هاليوم
بوكفتكم لنصرة المظلوم
بجفوفكم زيلوها الهموم
لحسين اخوكم صيرو دروع
*-----------------------*--------------------*
أربع أولاد وياك وديت
همه هيبتي وعمدان للبيت
الك عباس راعي الجود ذخريت
يبني حسين الك أولادي شموع
*---------------------*--------------------*
انا الربيتهم أولادي شجعان
الينهضون لو شافو العدوان
يالبوجودهم تنزال الأحزان
واهم للوالهه يمسحون الدموع
*---------------------*--------------------*
لتقصرون عن زينب واخوها
وبيوم النوايب ساعدوها
عزيزه اشكثر عد أمها وأبوها
خوفي يضل قلبها دومه موجوع
*--------------------*-------------------*
ياغالين عد الله ذكركم
ها يالشايلين وصية أمكم
ترى بحسين يايمه فخركم
وتخلون رأسي دوم مرفوع
*----------------------*--------------------*
محمد دعبل النوري
استشهاد السيدة الطاهرة #أم_البنين عليها السلام
#مجاريد :
اتمنيتكم يُمه تجـــوني
وساعة منيتي اتغمضوني
والگبري يَيُمه اتشيعوني
ووسط التراب اتنزلــوني
يولادي چانت من اظنوني
لو لحظه تنظركم اعيـوني
مو وحدي بعدكم تتركوني
____
#فاطمة_كريم
٢٠٢٤ م
الى ام البنين ع
مو بعيد الموت عني ساعه ويچفنوني
نلتقي يم الزچيه يالعميت عيوني
واحسيناه واحسيناه
****
راح اموت وعيني حمره نعمه هاي امن الإلاه
انه مبخوته وبچيتك يبني هذا اعظم بلاء
الزهره من تسالني عينچ ليش متروسه دماء
بكل فخر اوگف وگلها عمت عيني كربلاء
كون حمره دموعي تبقه وابد ميغسلوني
نلتقي يم الزچيه يالعميت عيوني
واحسيناه واحسيناه
****
بكل وكت يحسين انته حچايتي وموضوعي
اي لطمت اهواي بعدك وما هجعلك روعي
لا تظن لجلك يغالي تشفي صدري دموعي
هوه لو جائز وحگك كسريت اضلوعي
انه من اسنين ميته بس بقه يدفنوني
نلتقي يم الزچيه يالعميت عيوني
واحسيناه واحسيناه
****
يبني ما مر ليل بيه اله وانه اعله الترب
خذت من البيت كلشي چا بعد المن اطب
الديره انته الماهو بيها مايها ما ينشرب
لا هواها اليطب ريه ولا يدگ بيها الگلب
سلني حيل افراگك انته إخفيفه لو شيعوني
نلتقي يم الزچيه يالعميت عيوني
واحسيناه واحسيناه
****
حيل اخاف الباب اسده وابد ما سديته
حتى عطرك من يسبگك ما يتيه بيته
اگبال بابي دموعي كلها وچم اثر خليته
ورمش عيني الشاب كله عالارض طشيته
ايست تاليها وادري خيبيت اضنوني
نلتقي يم الزچيه يالعميت عيوني
واحسيناه واحسيناه
****
اهنانه لو بالجنه يبني ابچي الك متعلمه
كلمن بجرحه يسولف انه وامك فاطمه
انه راح الزم قميصك إلبعده يتگاطر دمه
وامك بچفين تلطم عله ضلوع امهشمه
ذني چفين ابو فاضل ابني بي فجعوني
نلتقي يم الزچيه يالعميت عيوني
واحسيناه واحسيناه
****
للخلگ ماكو خفايه اهناكه كلشي يتضح
نلتقي وادري اشوفك توه چنك منذبح
بالحشر كلشي يغالي بيك حتماً ينجرح
شنهو يبني بصدرك الگه سهم لو نابت رمح
بدالك انته يبو اليمه وسف ما ذبحوني
نلتقي يم الزچيه يالعميت عيوني
واحسيناه واحسيناه
****
الشاعر اياد الديراوي
لوفاة ام البنين. عن لسان حالها طور( يلميمون)
دمعتي بالعين. من اطب ليها
دار ابوالسجاد. وحشه تاليها
★★★★★
راحوا الاطياب وحدي عافوني . منكسر گلبي
لاگمر وابدور. ولاضوه اعيوني بس عيني تربي
ابلوعه وبحسرات راحن اسنيني صبرك ياربي
شظلتي بالدار حسين مابيها
من اطب ليها
★★★★★
يازمن غدار غفله هجماته. غيرت لوني
خدي مثل النار. لاگه دمعاته من فارگوني
ودعيت النوم. عفت ساعاته من ودعوني
موحشه هلدار من يواسيها
من اطب ليها
★★★★★
چن سهم بحشاي الناعي چلماته عذبن حالي
بكربله من گال حسين راياته. علغبره تالي
شلون ياهلناس. عمري ساعاته. عگب الغوالي
شلون اجي للدار. وانظر عليها
من اطب ليها
★★★★★
الناعي باللوعات يسچب العبره بناره السريه
عفته علتربان. المنگطع نحره. اعيون الزچيه
ردت يمه اهناك. اتوسد الغبره. بالغاضريه
شرد اگلها الدار. وعنه احاچيها
من اطب ليها
★★★★★
دنت يلمرسول عني يوم الراح ساعه رحيلي
بعد نور حسين وعطره الفواح. منهدم حيلي
لاصبح لانور بالصبح من لاح. اختلط ليلي
وانحب على الدار. وين اهاليها
من اطب ليها
الشاعر حسن لعيبي الحريشاوي
استشهاد باب الحوائج الجليلة السيدة ام البنين عليها السلام
ندبة لقضاء الحوائج وشفاء المرضی وتسهيل الامور
الآهي بإم البنين ياالله
🏴🏴
رفعت چفوفي وانخه التگضي الحاجه
امشّي عليهه ابنهه الگطعو اوداجه
اندب يم الابنين
واهمل دمعة العين
امشّي عليهه ابنهه الگطعو اوداجه
🏴🏴
حضرت المجلس ودمعاتي هماله
تسعر نار گلبي وحالتي حاله
والينخاها ابد ماخابت آماله
كل مكسور خاطر تسر دلّاله
عليهه اقسم بالحسين
واهمل دمعة العين
امشّي عليهه ابنهه الگطعو اوداجه
🏴🏴
لمجلسهه اجيت اندبهه يلحره
اگلهه الدهر كاسر گلبي چم كسره
ام الكرم من عدهه ردت جبره
بجاه الحملوهن عالهزل يسره
والدخلن دواوين
واهمل دمعة العين
امشّي عليهه ابنهه الگطعو اوداجه
🏴🏴
عندي احباب مرضی والدوه مافاد
امن الدكتور اييست والمهم زاد
محرومين حتی امن الشرب والزاد
ام عباس تنطي لليريد امراد
اجيت اويه المساكين
واهمل دمعة العين
امشّي عليهه ابنهه الگطعو اوداجه
🏴🏴
همومي لغيرهه فشله امن اسولفهه
ناس الموش گدهه شلون اكلّفهه
وام الاربعه التشهد مواقفهه
اقره الفاتحه وتفرجهه اعرفهه
وكتي وياي موزين
واهمل دمعة العين
امشّي عليهه ابنهه الگطعو اوداجه
ياام البنين
ياباب الحوائج
نظرة يامولاتي 😭
ام محمد الحجاج
ومطروحه الجنازه .. اتريد وليان
عدها اربع ولد هاي الحنان
وشيعوها. اجنازت امكم
*
اليوم ام البنين اتريد عباس
يوكف عالجنازه وتلتم الناس
واعله ام البنين ايدگ عالراس
ونه اعليها عباس اكعد
*-
هاي شيوخ اهلها وناسها اكبار
ملتم السلف والكون محتار
اليوم ام البنين اتريد الأقمار
ويدفنوها/// يم كبر حسين
****
من دون الفواتح تختلف هاي
بيها حسين يبجي وينحب اهواي
والعباس بيها يوزع الماي
كل الساده بيرغها نفل
*
بهيده ويالجنازه يالتشيعون
اتريد اولادها كلهم يحضرون
يلتمون واعله امهم يلطمون
من شالوها ..والحيل نهد
*
هاي الشالت اليوم امن اهلنه
كون اعله الجنازه نموت كلنه
هاي ام الهله وام المحنه
كومو وياها يربات الحگ
**
تمت
تحسين الخفاجي
ام البنين :
كرب موتي و خفت صوتي
وانا انعى على احسيني
----------
عشره ونتهت وي حزني ولامي
وخلص كلشي چفني صار الي حزامي
ورتاحي بعد يا عيني ونامي
وفرحانه اروح بشوفة الضامي
ما نشفت دموعي للبقه دامي
عشت بالويل - دموع اسيل
بني حسين حاجيني
وانا انعى على حسيني
----------
انا ام البنين وحزني عاش وياي
لوعه وبالكلب جمره بكبر بلواي
على الغالي حسين ولاخلص مبچاي
وذكره لو عطش كلبي ويريد الماي
وكرب مني الاجل ووليدي اريده بهاي
يحفر كبري - ويشوف امري
وبيده. يوسد ايديني
وانا انعى على حسيني
----------
انه ام البنين بحزني اتلوه
عشكت النوح والدمعه الي سلوه
مصاب حسين اخذ حيلي وعلل سوه
و ليل انهار ابجيله وعشت كوه
فرحانه ودنه موتي اموت اشوه
افرح العين - تشوف احسين
واواسيها وتواسيني
وانا انعى على حسيني
----------
اني ام البنين وخلصت اسنيني
وراح الحيل كف مني نضر عيني
ردت عباس من أكبر يـباريني
احبه اهواي ظخر دنياي يدريني
ييمه افرح من اسمع يحاجيني
فكد عباس - يشيب الراس
وكلبي ضل يأذيني
وانا انعى على حسيني
كلمات
احمد السالمي :
----------
هوسات لوفاة ام البنين عليها السلام
ياهو الشال تابوتچ عله امتونه
واهل الزود كلمن نايم بكونه
چا شحچي شگول اعليچ ممنونه
(( وامضيعه حسين وتردينه ))
حسين اليوم يم عباس رايدته
يغطي اجنازتچ ويروح بالزته
والله لو عدل چا ماسكت سكته
(( وحسين يشيلچ بعيونه ))
والله لو عدل چا شالچ بعينه
حنين وماكو احن من گلب ابو سكينه
لاچن سحكته اهل الخيل تدرينه
(( مكسور الحافر بضلوعه ))
چم حافر بحافر طاحن بصدره
ابو السجاد راسه انعزل عن نحره
منچ يعتذر يالطاهره الحره
(( واليوم يريد تعذرينه ))
منچ يالحنينه اليوم يتعذر
مايگدر يشيل النعش مايگدر
ضلوعه امطشرات حسين وموذر
(( سهمين بگلبه امصوبينه ))
توذر بالسهم وانمرد دلاله
هاذه حسين وضعه ومو سهل حاله
عين اتصد عليچ وعين العياله
(( ويفكر بيچ تعرفينه ))
لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
نعي/ام البنين ع
***
سلام الله عليها ودمع سال
ضربت بلوفـه للوادم امثال
للحاجات تطي تعزب اشكال
ويــاهــا زماني محزم وعال
هــاي ام الگمر وراس عالي
مـنها ونـعم جــابـت غوالي
سلاماً علــى دمعتها التلالي
خلت بيتها مــن الزلم خالي
ربت حيد ويـعادل عشيره
عـد الباري مبخوته الاميره
فزعـت بلولد فـزعه چبيره
هـاي ام الوفه لمربيه غيره
لحسين العمر اطت والبنين
بفراگه بچت ماهودت عين
عمرها خلصت اباه يحسين
راح وعــايفلها بــس الونين
عافلها الدمـع وهموم الايام
وتصبر الصبر مجبوره بالام
والرايح تـظل تنطره بحلام
وتحشم الجفن تتمـنه اينام
ويــه الفــاتحه حطو اسمها
ابيض دون خلگ الله علمها
ام عبــاس معـروفــه بهممها
بحسين نعرف يوجع قسمها
تمنت عدها كـون اولاد ميه
چا كلهم فـــــده لبن الزچيه
اوگالت للگمر عـندي وصيه
بــالــك للــولي تــدنه المنيه
اطي چفوفك وعينك يهيبه
وشلال نگلب لجـل الحبيبه
اريدك حيـدر بيوم المصيبه
ويبني الحگ اريدنك تجيبه
گـال الــغايـب ويثني عليها
الرايد طلبته خــل يمر بيها
وضع سره الاهي بين اديها
عزيزه وغاليــه ودر حچيها
هـاي ام البنين يصب دمعها
ولو ناحت تره مـحد سمعها
حزينه بلـحزن دهري جمعها
نحنه ياناس من الهم ظلعها
****
ابوحيدر
الصبيحاوي
-لمولاتي السيدة ام البنين عليها السلام -
- وداع النعش - جُمادى الآخرة- 1446
ياباالفضل "" آخر وداع النعش
————————————
عظم الله الأجر هذا العزاء
ذكريات الطف نِودع بالبكاء
راحت الجانت تِون لكربلاء
هذا نعش الصبر يا عباسها
ياباالفضل "" آخر وداع النعش
————————————
هواي مشتاكه الك ام البنين
روح شيعها يعباس الحنين
يابوفاضل يا ضواها بالسنين
يا كفيل الخيم يا نوماسها
ياباالفضل "" آخر وداع النعش
————————————
للمدينة جاي من طف نينوّه
آخر اللحظات بفراك الضوّه
يابوفاضل بعد متشم الهوّه
الحبيبه هاي اخير انفاسها
ياباالفضل "" آخر وداع النعش
————————————
الوداع اليوم جرحه مو سهل
اعيون تنزف عالنهر جرح النبل
يعينك الله سيدي ياباالفضل
من بعد عاشور شّيب راسها
ياباالفضل "" آخر وداع النعش
————————————
يابوفاضل والجرح كلش ثِكيل
بالمصاب ادموعنه عالخد تِسيل
البقيه في حياتك يالكفيل
صوت الخِدام صوت احساسها
ياباالفضل "" آخر وداع النعش
————————————
الخادم - ابو فدك الشامي ✍🏻
[[💔أم البنين تخاطب الأمام الحجة عج💔]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
أم البنين تنادي بالدار
يالمهدي يمته تاخذ الثار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
هذا بن حذلم فج الصفوف
يبچي وينادي و لونه مخطوف
ذبحو حسين بأرض الطفوف
وإعله مصابه دمعي مدرار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
صاح بحسرته وصوته مبحوح
يهل المدينه حسين مذبوح
والف و تسعميه إله جروح
ومسبيه زينب بيد الأشرار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يالمهدي كونك تسمع الصوت
بأنفاسه تشتم ريحة الموت
لزينب ينادي حرگو بيوت
وحتى العبي وصلتهن النار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
رد بدمعته يصرخ و صاح
وسفه الحسين إعله الرمل طاح
راسه يويلي فوگ الرماح
وجسمه توذر بين الشفار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جسمه رميه فوگ الوهاد
وراسه یویلي شاله میاد
وخيامه ضلت تشتعل غاد
وهامن حريمه بذيچ القفار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ضليت أنادي فدوه البنين
ونطي مثل عباس سبعين
بس كون إليه يرجع حسين
وسالم يرد مهجة المختار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
أنهض هلك خلصو مچاتیل
وشیخ العشيره داسته الخيل
وزينب وحيده و چلچل اللیل
الحگ علي نادت يكرار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يالمهدي يالغالي يرجواي
أدريك كالعباس وفاي
ثار الذبيح الماشرب ماي
عندك أمانه يبن الاطهار
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
🏴يهدى ثواب القصيدة الى روح🏴
خادمة أم البنين ع
(أختي أم كرار💔 )
والى أرواح أمواتكم جميعاً
🏴مع الفاتحة والصلوات🏴
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
في ليلة وفاة أم البنين ع(١٢ جمادى الآخره)
٢٠٢٤/١٢/١٤ميلادي
(جهاد البصيراوي]
حَاجات عندي اشكِثر
هَمهِن يشَـيب الراس
وظنُون ﮔَد الرَمل
غطّت ﮔلُب واحسَاس
ونيران بِـيّه اسعِرَت
ولمّن نِخيتـﭺ طُفَت
والحاجه كلهه انـﮔِضَت
مشكورَه يَم عباس
لقمان البدران
يا بِشرُ أين الأهلُ والأنصارُ ؟
بصوت الخطيب الشيخ كاظم المياحي
قصائد مقدمة المجلس
#رقم_319
في رثاء #السيدة_أم_البنين (عليها السلام)
الشاعر حسين يحيى الحاج
1ـ يا بِشرُ أين الأهلُ والأنصارُ ؟
أينَ النّجومُ الغُرُّ والأقمارُ ؟
2ـ لِمْ عادَ بعضُ الرَّاحلينَ وبعضُهُمْ
يأبى الإيابَ فما هيَ الأخبارُ ؟
3ـ يا بِشرُ رِفقاً بالقلوبِ لِمَ البُكا؟
وَلِمَ السُّكوتُ ودمعُكَ المِدرارُ ؟
4ـ أينَ الشَّبابُ وأينَ هُم أهلُ الحِمَى
أينَ الذينَ بهم تَشُّعُ الدَّارُ
5ـ ماذا عسى بِشرٌ يُجيبُ سؤالَها
فالقلبُ يَسعَرُ والجَوَى بَتَّارُ
6ـ يا أمّ عباسٍ فدتكِ نفوسُنا
صَبرًا على ما شَاءَهَ الجَبَّارُ
7ـ كُلُّ الذينَ عن الإيابِ تَخَلَّفُوا
حَصَدَتهُمُ بيمينِها الأقدارُ
8ـ لو تَسألينَ عن البنينَ فإنَّهُمْ
صَرعَى عُطاشى والفُراتُ الجَارُ
9ـ قُتِلَ البنونَ الصِّيدُ يا أمَّ الإِبا
طَلَبُوا الرَّدَى دونَ الحُسينِ وثارُوا
10ـ والليثُ عباسٌ بعامودٍ قَضى
فاستَبشرَتْ برحيلِهِ الأشرارُ
11ـ يا بِشرُ ما عنهُمْ سألتُكَ إنَّما
أينَ الحُسينُ الفارسُ المِغوارُ ؟
12ـ أإلى العِدى قد أسلمَتهُ حُماتُهُ ؟
حاشا فما منهُم فتىً غدّارُ
13ـ فيُجيبُها لهفي عليه تركتُهُ
جَسدًا له نزفُ الجِراحِ دثارُ
14ـ وترضُّ أعظمَهُ العِدى بخيولِها
(والرأسُ منه على القَناةِ يُدارُ)
**
الشعر الدارج لفاطمة علي رزق :
گِضَت كلّ العمر تنعى يمّ اگبور مرسومه
وماتت وبگلبها احزان والأحزان معلومه
من يوم الإجت لاخبار عنّ حسين والصابه
ظلت تسچب العبره چنها حضرت امصابه
چنه گبالها بعاشور طايح والدمه خضابه
وچنه گبالها مذبوح عالتربان بالحومه
خَبْروها ابْسَحِگ صدره ولجله لِطمَتِ بْچَفّين
گالوا مِنْسلِب جسمه ونّت وانسمع لونين
ظلت كل عمرها تنوح وتصرخ يابني آ يحسين
مكسورة گلب ماتت عَلى المظلوم مهمومه
ما همها فگد لاولاد كل همها عزيز الروح
حتى بآخر الأنفاس چانت تنعى عالمذبوح!
ما ملّت بچيها بيوم ولا ملّت عزاء ونوح
گالت إبكو للمظلوم تراها دْموع مرحومه
وللسيد عدنان الحمامي :
عگب شباني هذا العمر مارد
وسهم افراگهم للچبد مارد
ليش حسين ويه الظعن مارد
وكواكب اربعه امقدمه هديه
آنه اشچم عين لمصابي بچتلي
وعيون السمه اوياهن بچتلي
فگد حسين سيف وهم بچتلي
فديته باربعه ومارجع ليه
مراثي الأطهار عليهم السلام
الى ام البنين عليها السلام
لام الاربعه اشبول مكطعه
اشبول مكطعه لام الاربعه
*--------------*-------------*---------------*
في كل الزمان أحرار ترفع للشرف رايه
موقف توكف اتكتبه رفض الظالم ورايه
حره ام البنين اهناك زرعت ولد وفايه
قائدهم كمر هاشم لواء المرجله
موقف كربلا يشهد كفيل القافله
خطت موقعه ام الاربعه
شبول مكطعه لام الاربعه
*---------------*-------------*------------*
ربيت اربعه لجلك يبني واشعر مقصره
لو عندي الف نشمي لجل السبط وتنصره
لو تقبل أخذ روحي ياريحانة الزهره
ودعتك وانه روحى تريد لكربلا
لو ضحيلك بنفسي ولا هذا البلا
تلهج بالدعا ام الاربعه
اشبوا امكطعه لام الاربعه
*----------------*--------------*-------------*
هيه الولدت العباس طينه من الشرف هيه
واسم ام البنين يلوك لام الوفى النشميه
وفت منها والنعمين للطاهره الانسيه
وكفت موقف الشجعان يوم النازله
وزفت للحرب عباس مثل الزلزله
جيش باجمعه ام الاربعه
اشبول امكطعه لام الاربعه
*-------------*-------------*---------------*
كل احنا فدا لجلك بس كونك تظل سالم
نذرتله العمر فدوه وتشوفه يرد غانم
هاي ام البنين وهاي تفديلك كمر هاشم
عباس واخوته وياه ضحتهم اله
لبن الزهره بالغالي وكفت باذله
حره وطائعه ام الاربعه
اشبوا امكطعه لام الاربعه
*--------------*----------------*--------------*
ابطال أربعه توصي حامو نبعة الهادي
ودروع لخدر زينب ترد الأجنبي العادي
عند الزهره شرفوني وارفع راسي بولادي
عند الله كرامه الها بارفع منزله
اقرا الفاتحه واطلب تنال المسئله
بحق الشافعه ام الاربعه
اشبول امكطعه لام الاربعه
*--------------*---------------*---------------*
محمد دعبل النوري
#أم_البنين صلوات الله عليها
أمُ البنين .. حاء الحنين .. ونبع الوفاء
نورٌ بنور .. أمُ ألبدور .. سرها أصطفاء
شرع الغرام... لا والهيام... في كربلاء
يدركها يگدر يا عقل .. وهيه أبنها أبو الفضل
صعبه يوصفها الحچي.. والكل عليها ينتكل
بوب الله چثيرة وخاصلچ باب
بين الله ودعائچ ما مش أحجاب
كلشي أنطيتي لله والله جازاچ
بكل مجلس فخر طاريچ ينجاب
.................................................
ماكو مثيل .. لأم الكفيل.. كهف الوقار
بيها المديح.. شعبي وفصيح.. يمها القرار
لبوة عرين ..حصنٌ حصين .. للمستجار
أنخاها يم كل مشكله.. أتلين الصعب وتسهله
جبتي زلم بس يا زلم.. شاهد فعلهم كربله
جبتي للمراجل خوش عنوان
غيرچ ياهي تنجب گمر عدنان
بنت أحزام جابت ظهر لحسين
ياحرمه التخلف هيچ خوان
............ً.....................................
حرز القلوب .. غيث المنوب .. عش الحنان
ذكرچ عظيم.. وأهل الرقيم.. ناموا بأمان
أمُ العطاء.. روح الدعاء.. و المستعان
سابق فضلها بكل زمن.. ومفصله رايات الظعن
تهب نسمه بگلوب الخدم.. وتلگاها للضايع وطن
أحروف أسمچ تصير أربع منارات
وبعد قرأن غيرة وولدچ آيات
فضلچ لا أبد ماينحصي بيوم
من غير المعاجز والكرامات
........................................
لـ أم البنين.. ماكو قرين .. بين النساء
فيها البهاء.. فيها الولاء.. فيها االسناء
شرعاََ ودين .. عين اليقين.. خير الأماء
هم چان اسمها فاطمه..وهم عارفه وهم عالمه
علويه مو بدويه أبد... نزلت لطف من االسمه
التدخل بيت حيدر عالمه أتصير
و سر مكنونها ميفسرة تفسير
عدها أولاد ذبو للأخو أچفوف
ماعدها اليذب الأخو بالبير
...............................................
جابت كفيل.. رايه وثگيل.. عنهُ يُقال
أعظم شجاع.. سيفاََ يُطاع.. وقت النزال
بدراََ منير.. أبن الأمير.. زين الخصال
وكت الحرب ما ينهزم... من كل جهه تشوفه الزلم
باليمنة شايل صارمه.... والرايه باليسرة يزم
صعبه أگبال سيفه يصير سياف
ماظل راس واگف فوگ الچتاف
قسم مثل الگطه تتطاير الروس
ثگيل وگام يسحگ روس الأخفاف
.................................................
حسين حمدان الدلفي✍🏻
😭 نخوه وتوسل بقاضية الحاجات سيدتي أم البنين 😭
بطور : عريس الولد جابوه يتچوله
( اجيتج يـ الوفيه الليله عنَّـايه
واحلفج بالعقيله وحامل الرايه )
وقفت اليوم يم بابك اون وانحب
احلفنج اجيت بخدر المسلب
يم عباس سمحي لي اريد اطلب
صعبه حاجتي و انتي اعلم بهايه
( اجيتج يالوفيه الليله عنايه
واحلفج بالعقيله وحامل الرايه )
…………..
بالعباس احلفج حاجتي اقضيها
طالت شدتي و انتي التفرجيها
حاشه الـ تقصدچ انتي تخيبيها
معروفه كريمه ودوم عطايه
( اجيتج يالوفيه الليله عنايه
واحلفج بالعقيله وحامل الرايه )
…………
يم لـبنين اجيت انخـاج بالزهره
وباللي ظل طريح وعاري عالغبره
نظره ادخيل مولاتي ردت نظره
و اللي تنظرينه ايحصل الغايه
( اجيتج يالوفيه الليله عنايه
واحلفج بالعقيله وحامل الرايه )
……………
احلفنَّج اجيت بنحر ابو اليمه
وبالظلت تنوح وتنتـحب يمه
اريـد اتوفقيني دوم للخـدمه
واتعنى الضريح حسين مشايه
……………
( اجيتج يالوفيه الليله عنايه
واحلفج بالعقيله وحامل الرايه )
………….
يا ام عباس صعبه حالتي صعبه
يا نعم الوسيله رايـده طلبه
كل محزون انتي الـ تجبري قلبه
وماخاب التعنى لچ يا وفايه
( اجيتج يالوفيه الليله عنايه
واحلفج بالعقيله وحامل الرايه )
…………
يا أم البطل يا مقصد الوفاد
جاتچ هالجماعه ورايده المراد
وكم واحد مريض و لا علاجه فاد
يصرخلج دخيلج رايد ادوايه
( اجيتج يالوفيه الليله عنايه
واحلفج بالعقيله وحامل الرايه )
…………
سلمنا الحوايج بين چفينچ
وكم حاجه تراهي بيني وبينج
ادري تنقضي من ترفعي ايمينچ
تنحل بالعجل من اعقد الرايه
( اجيتج يالوفيه الليله عنايه
واحلفج بالعقيله وحامل الرايه )
……………….
تمت بحمدالله وتوفيقه ونسألكم الدعاء لتعجيل فرج صاحب العصر والزمان ولشفاء المرضى وقضاء الحوائج ونسأل الله القبول والمدد
✍🏻القصيدة من تأليف خادمة الزهراء : سكينه صالح البطي
لوفاة ام البنين سلام الله عليها (موشح )
اليوم ياشيعه وفاة ام البنين
الوفَّت. وَضَحَّت لامير المؤمنين
★★★★★
واجب انعزي علي بهذا المصاب
على الوگفت بالشدايد و الصعاب
على الوالت حيدر وانطت شباب
بكربله فوگ التراب اموذرين
★★★★★
واجب نعزي بدمع يچوي الجفن
ونگضي ساعات المجالس بالحزن
للبقت لحسين بالحسره تون
وبالتراب العفرَّت خد وجبين
★★★★★
نسكب الدمعات ونقيم العزه
الفاطمه باب الحوايج والجزه
چم كرامه انطاها الله ومعجزه
باب ماينسد وَلْيَرْجَّع حزين
★★★★★
فاطمه الماقصَّرت وي فاطمه
تمنت البيت النبوه خادمة
بكربله سووا ولدها ملحمه
رَجَعَّواصولة علي ابدر وحنين
★★★★★
نالت الاكرام من رب السمه
على الكرم والجود هيه امعلمه
تخاف لاقصرت وي حامي الحمه
ولاولدها بالطفوف امقصرين
★★★★★
راحت ام الخير وارباة الشرف
الحيلها رك على ابواليمه وضعف
طفه نور البيت غفله ونكسف
راحت ام العاطفه وام الحنين
الشاعر حسن لعيبي الحريشاوي
اُمَك یِنُورِ العَین گَرَب أجَلهَا
وَ التِفگُدِ الأولَاد بِالدَنیَا شِلهَا
***
یَحسِین أخبرَك رَاح وَ ادمُوعِي تِجرِي
یَبنِ النَبِي المُختَار مَا تِرجَع أدرِي
رِدتَك تِجِي هَالیُوم تُحفُرلِي گَبرِي
اُمِ البَنِینِ اعلِیك ذَابِل شِکِلهَا
***
لُو تِدرِي بِیَه أشصَار مِن فَارِگِیتَك
أدعِي إبصِلَاتِي دُوم تِرجَعلِي رِیتَك
وِ إشتِنفَعِ الوِیلَات ظَل خَالِي بِیتَك
اُمَك حَزِینَه دُوم وَ الهَم کِتَلهَا
**
صِرتَ أطلَعِ امنِ الدَار أطوِي الصِحَارِي
وَ أسئَل عَلیكِ النَاس لِیلِي و نِهَارِي
لَحظَه ابغِیابَك صَار مَا تُطفَه نَارِي
اُم الگُمَر عَبَاس فُگدَت أمَلهَا
**
تَالِي الدَهَر یَاحِیف خَلَه أعَانِي
بِن حَذلَم ابصُوتَه یِنعَه أجَانِي
چَنِ ابسَهَم بَالعِین صَکنِي و عِمَانِي
یِهلِ المَدِینَه ایصِیح مُوحِش نِزِلهَا
**
مَا فَکَرِت یِحسِین لَحظَه ابــ بِنینِي
وَ الغَایَه چَانَت دُوم سَالِم تِجِینِي
اویَه النَاعِي دَمعِي سَال عَالِي وِنِینِي
عَالفَاجِعَه اُمَك صَار زَایِد عِلَلهَا
**
ظَل وَحدَه وَيلِي احسِين نَادَه الفِجيعَه
مَا رُحمَتِ الأعدَاء حَتَه ابرَضِيعَه
ظَل الكُمَر عَبَاس فُوكِ الشِريعَه
وَ السَهَم صَابِ العَين غَيرَ مَحَلهَا
****
أحَاه يِسَهمِ البِين صِوَب جَبِدتَه
ابذَاكِ الحَجَر يَاوَيل صِكَو جَبِهتَه
وِالشِمِر ظَل بَالسُوط يِضُربهَا اختَه
أذبَح أخُوجِ حسِين رَايِح يِكَلهَا
**
ظَل عَارِي جِسِم حسِين حَسرَه اعلَه حَسرَه
بِن جُوشَن ابسِيفَه يِكطَعلَه نَحرَه
وَ ابجِدمَه يَا وِيلَاه. دَاسِ اعلَه صَدرَه
زِينَب صُفَت بَالشَام وَينِ الكِفَلهَا
****
لخادم الحسين علي فلاح الواسطي
۹جمادي الثاني
۱۴۴۶هــ۲٠۲۴مــ