7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
هيبة العباس بالطف هيبه
الخوش زلمه ام البنين اتجيبه
**
وصته ام عباس بالطف وصته
موش ماي جنود يترس جربته
حيهم العباس صاح اعله اخوته
وكلهم ايركضون اجو يم خيمته
يله كلهم للحرب وربعتنه خل نطب
امنه رضعتنه الوفه والطيبه
الخوش زلمه ام البنين اتجيبه
*
هجمو امن اربع جهات اعليها
وماتت اتشوف الزلم رجليها
ابو فاضل كام هوس بيها
وصاح اله امن الوجود امحيها
عالنهر هجمو سوه وضاع عالجيش الهوه
ذوله معروفين وكت النيبه
الخوش زلمه ام البنين اتجيبه
****
هجمو وكاع الحرب حركوها
والجفافي اعله الضهر شدوها
الخيل تشرد للنجف خلوها
وكربله انجوم الضهر راووها
يا علي اشلون اربعه هجموا عله المشرعه
الجيش فر وخربطو ترتيبه
الخوش زلمه ام البنين اتجيبه
**
والنعم عز الله منهم والنعم
والزلم لو هيج لو ماكو زلم
حاصروها والعزم شال العزم
وكلهم العباس لازم ننتقم
اليوم يوم المرجله امنين تشرد كربله
فرحه عدنه وهيه عدها امصيبه
الخوش زلمه ام البنين اتجيبه
**
اتوكلو وسيوفهم تكطر دمه
وضل عجاج الخيل يصعد للسمه
كلبو الدنيه ولد حامي الحمه
وينه وينه اليوم طب للموزمه
جابو الروس واجو وبالمخيم هوسو
وابو فاضل جيش تارس جيبه
الخوش زلمه ام البنين تجيبه
****
ذوله اقوه اكلوبهم من الحديد
يا رعيد وجان عباس الرعيد
عالكنايص بس ابو فاضل يصيد
الزلم طفها واخذ من عدها اليريد
نزل هوه وخوته وبيده تخفك رايته
حلفو بزينب وذيج الشيبه
الخوش زلمه ام البنين تجيبه
***
تمت
تحسين الخفاجي
▪️نشر جديد
لمولاتنا أم البنين عليها السلام
١/كُلُّ آنٍ "نُدْبَةٌ" فيها بُكاءْ
كلُّ حُلْمٍ "فَرَجٌ" فيهِ لقاءْ
عنْ بنيها حدَّثتْكمْ كربلاءْ
فاسألوا يثرِبَ عنْ أمِّ البنينْ !
٢/لمْ تزَلْ تنْحَبُ مِنْ دارٍ لِدارْ
مِلْؤُها الأشْواقُ يَكْويها انتظارْ
كُلَّما تَنْظُرُ باباً وجِدارْ
تذْكُرُ الزَّهْرا وإسْقاطَ الجنينْ..
٣/ندْبُها : أينَ الشموسُ الساطعهْ ؟
نوحُها : أيْنَ البدورُ الطالعهْ ؟
ليْتَها تنظرُ طَفَّ الفاجِعهْ
فيْ عُطَاشٍ ذبَحُوهُمْ أجْمَعينْ
٤/عَيْنُها تجري على الأعتابِ عينْ
إذْ بصوتٍ : قُتِلَ المولى حُسينْ
دونَ رأسٍ ، دونَ صدرٍ ويدينْ
هكذا باتَ على البَوْغَا طعينْ
٥/لا حِزامٌ ظلَّ يا بِنتَ حِزامْ
فعلى الرمحِ اعتلى رأسُ الإمامْ
رشَقُوهُ بِحِجارٍ في الشَّآمْ (بلاد الشام)
كمْ هوى للأرضِ بينَ الشامتينْ !
٦/أسرعتْ تسألُ عنْ ذاتِ الجلالْ
لَمْ تجِدْها بينَ ربَّاتِ الحِجالْ
بل رأتْ حالتَها في غيرِ حالْ
قيلَ حاديها غدا شمرُ اللعينْ
٧/أمَّ عبَّاسٍ بلى ذي زينَبُ !
سُبِيتْ بينَ الأعادي تُضْرَبُ
يَدُها اليُمْنَى بِحَبْلٍ تُسْحَبُ
مَنْ لها مِنْ بعدِ مقطوعِ اليمينْ ؟!
تمت بعناية الحجة (عجل الله تعالى فرجه الشريف)
الشاعر علي عسيلي العاملي
#أم_البنين
#اللهم_عجل_لوليك_الفرج
▪️قصيدة لطم في حق مولاتنا أم البنين (عليها السلام)
أَنْزِليني دمعةً...لِحُسينٍ كُلَّ حينْ
وارفعيني صرخةً...منكِ يا أُمَّ البنينْ
١/أنتِ مَنْ أنجبتِ أقمارَ الفداءِ
وبذا صرتِ سماءً في سماءِ
وأنا غصنٌ على قيدِ الرجاءِ !
فامنحيني الرَّيَّ منْ دمعِ البكاءِ
إنَّما هذا البُكا...عُدَّتي دُنياً ودينْ
فارزقيني عبرةً...منكِ يا أُمَّ البنينْ
٢/إصطفاكِ المرتضى دونَ البريَّهْ
كيْ تكوني حِجْرَ آسادِ المنيَّهْ
وكفى "العباسُ" فيهم يا وفيَّهْ
فبهِ جهَّزتِ جيشَ الغاضريَّهْ
جهزي قلبي إذاً...في الجنودِ الخادمينْ
إنَّ هذي رُتبةٌ...منكِ يا أُمَّ البنينْ
٣/حُزتِ شأناً عندَ ذي الطفِّ مكينا
أعجزَ الأيامَ حدَّاً والسنينا
كلَّما باكٍ جديدٌ زادَ فينا
زادَ "إبنٌ" لكِ يا أمَّ البنينَ
إبنُكِ الباكي أنا...جئتُ بيْنَ الناحبينْ
مسْحَةُ الرأسِ كَفْتْ...منْكِ يا أُمَّ البنينْ
٤/طولُ زَنْديْكِ "كتلِّ" المرقدينِ
عرضُ كفَّيكِ كَـ "بين لحرمينِ"
أنتِ يا "فاتحةً" بيني وبيني
فافتحيْ لِي البابَ يا بابَ الحُسينِ
افتحي البابَ فما...ليَ إلاَّكِ مُعينْ
خيرُ كفِّي أصْلُهُ...منكِ يا أُمَّ البنينْ
٥/يثربٌ تشْهَدُ يا أُمَّ الأشاوِسْ
أنتِ مَنْ أسَّستِ للسبطِ المجالسْ
ولذا ما مُتِّ في قلبِ العوابسْ
لكِ ظلٌّ عندَ بابِ اللطمِ جالسْ !
لكِ ظلٌّ كاتبٌ...لأساميْ اللاطمينْ
فاجعليني لطمةً...منكِ يا أُمَّ البنينْ
تمتْ بعناية الحجة عجل الله تعالى فرجه
الشاعر علي عسيلي العاملي
#أم_البنين
#اللهم_عجل_لوليك_الفرج
هاي ام البنـــين اتلوج زايد عالــولد ونها
ظلت بس تدير العين بالموت انگطع ظنها
آه يحسين يا يمة آه يحسين يا يمة
=======================
ابن ادم من يجيه الموت ويوصل لاخر انفاسة
اعزازة بكل حـــزن تنعاه تــلتم كل هلة وناسة
هذا ايحبة ذاك اينوح هذا اليبچي يم راسة
تلوج ام البنين اشلون غـــياب الــولد عــــنها
آه يحسين يا يمة آه يحسين يا يمة
========================
يمها بس علي السجاد يون وينحب اعليها
يطيبة ام الوفة والطيب صعبة الفرگة تدريها
تمنيت الابو موجود يشوف الربتة شبيها
العين ادير يمنة شمال تدور اعله الابو چنها
آه يحسين يا يمة آه يحسين يا يمة
==========================
العدها بنية وكت الموت بـــيديها تنگط الماي
زينب ماهي يم عباس يمچ وانتي ادرة بهاي
ربيتي وتعبتي سنين وتالي اوحيدة بس الداي
يحسين الحكَ تنادين امك يبـــــني چــــفنها
آه يحسين يا يمة آه يحسين يا يمة
===========================
عزيزتكم يا ال البيت اجت ليكم تلگوها
گلبها امجرح ومحزون بوجه حسين داووها
خلها اتحبة واتشم بيه تشبع شوف خلوها
شبعت ضيم لمن راح فلا مرة ضحك سنها
آه يحسين يا يمة آه يحسين يا يمة
==========================
شفتي من الزمان اهوال اذية شگد تحملتي
الله اطاچ خـــير هواي باب لرحــمتة صرتي
نطلبچ طلبة يم عباس بجاه الي عليه نحتي
يعــــجل للإمام الغاب ربـــنا وتنفــرج لنها
آه يحسين يا يمة آه يحسين يا يمة
========================
اسالكم الدعاء رائد الاسدي
#جديد
مجلس ونواعي التوسل بباب الحوائج وباب الزهراء مولاتنا أم البنين عليها السلام
أبوذيــــات :
عطايا أم الگمر حلوه وطيبه
تشافي للگلب عِلْته وطيبه
سلامي للبقيع أبعث وطيبه
على باب الحوائج للبريه
الباري رافِعه گــدرچ وجـــاهچ
وجعل باب السمه بابچ وجاهچ
دعيت الله بعُظم گدرچ وجاهچ
يِحلــها الليـــله وإيفـــرّج عليّـــه
بلسم للگلب ذكراچ والماي
دخيلچ هالمسيه شافي ولماي
أحلفچ بابنچ العباس والماي
العليه طاحن اچفوفه يالوفيه
#فائـــزي :
تحضر إلك يا من نخيت إبجاه عباس
متحيّر امن اهمومك أو مخنوگ الأنفاس
ابگطعة اجفوفه والسهم وابطبرة الراس
انخاها واهيا امن الشدد والله تِسلمك
انخاها وإهيا يالمحب والله تشوفك
وابشدتك محتار لا لا ما تعوفك
هالليله تملي بالعطايا لن چُفوفك
وتگضيلك أم عباس كل حاجه تهمك
مجاريــد :
گِلها يَــمــن حالي تِشوفين
وابعطفـچ اعليّـه تِصـديـــن
هالليــله أريــدنچ تِحضْرين
واتـفّــرجيــها يَــم الإبنيـــن
هالليله أريــدنچ تجينــي
يــم الگمـــر واتساعـديني
ومن هالشـديـده اتخلصيني
وابجــاه زينــب تنظريــني
بزينـب نخيـتچ وابدمعـــها
يَـــم البنيـــن وكل وجعــها
مشكلتي عندچ ألگــه حلها
وإنتي اللي البـــاري جعـلها
باب الحــوائــج للگصـدها
طور : يا ليل طول ساعاتك
بحسين .. أنخاچ الليله
بحسين .. ويَّــه العقيله
اتفرحين گلبي اتفرحين .. محزون وإنتي التدرين
بعباس .. وابگطع ازنوده
بعباس .. وابعينه وجوده
اتسهلين أمري اتسهلين .. ادخيلج يم الإبنين
طور : سامحيني
يَم الإبنين .. يَم الإبنين
ياللي ما لحظه نخيناچ وتخيبين
يَم الإبنين .. يَم الإبنين
انريدچ ابحگ فاطمه يمنه تِحِضْرين
يَم الإبنين .. يَم الإبنين
بكثر ما عباسچ ايحب خَيّه لإحسين
يَم الإبنين .. يَم الإبنين
انريدچ ابعطفچ على ايتامج تصدين
ابجاه عباس .. ابجاه عباس
نسألچ من جودچ اعلينه تِمنِّين
ابجاه عباس .. ابجاه عباس
وإنتي يا باب الكرم لا ما تِگصرين
وزن : البحر الطويل
طور : لفى عاشور
أنا المحتاجچ بهمي .. هالليله تِحضريني
تجيني بعطفچ ولُطفچ .. يمولاتي تغطيني
دخيلچ رايد الليله .. من أحزاني تِخَلْصيني
وحگچ ما إلي غيرچ .. ولا عندي بعد حيله
دخيلچ خاطر العباس .. وخاطر جربته وعينه
ظل اعله الخيم گلبه .. وكل باله على اسكينه
دخيلچ وابكسر گلبه .. من طاح ابلْا چفينه
تشوفين المسه گلبي .. خاطر كل مداليله
____
تمت ببركات أم البنين عليها السلام
#فاطمة_كريم
٢٠٢٤ م
الشاعر الحسيني ظاهر حبيب الهليجي (لأم البنين ع)
وبهل احساس اهل النوماس
يم ام عباس يم ام عباس
بل غرقد كلها بعبره والدمعه التنزل حمره
يم ام عباس يم ام عباس
*
آول واحد بحسره وصل حيـدر
للغرقد اجاج ودمعه لون احمر
علي الليله دليله أعليج يتشجر
وجدامه ابمناحه و آه تتعثر
بصدره العبرات ونار الحسرات
جنهن جمرات جنهن جمرات
مخنوگ بعبره وحسره والدمعه التنزل حمره
يم ام عباس يم ام عباس
*
والزهره أجت وياه تدمي العين
حزنانه مثل حزنج لبنها حسين
تگلج يل وفيه شسوه بيج البين
عله افراگ الغوالي احنه بجسد روحين
يا روح الـروح جيتج بلنوح
وكلبي المجـروح وكلبي المجـروح
نار مصابج مستعره والدمعه التنزل حمره
يم ام عباس يم ام عباس
*
وأجه العباس ويه حسين ابو اليمه
أوشال ترابج حسين وبده يشمه
وعله العباس تربانج صعب لمه
ماعنده جفوف وهذا الي ألمه
زنوده الوفاي ضلن عل ماي
معذور ابهاي معذور ابهاي
مخنوگ لعبره بصدره والدمعه التنزل حمره
يم ام عباس يم ام عباس
*
وشريكت حزنج الليله دمه لدمعـه
أم عون المصابج حيل منفجعه
تنوح بصوت بجت كلمن يسمعـه
بيها من الألم ما شالته الوسـعـه
زينب بدموع والگلب يلوع
محنيه اظلوع محنيه اظلوع
زينب يمج متأثره والدمعه التنزل حمره
يم ام عباس يم ام عباس
*
ومصابج للأمام المهدي هد حيلـه
اجه محمل هموم الدنيه هل الليلـه
عله مصابج دموع ادموم يـبجيلـه
واله ثارات يمج هيـه تشكيلـــــــــه
گبور الاطهار ترويله الصار
وتريد الثار وتريد الثار
ياصبر اليوصل صبره والدمعه التنزل حمره
يم ام عباس يم ام عباس
نزله
ل ام البنين عليها السلام
حره يم البنين ،،، بالعهد وفايه
ما اضن من طين مخلوقه امن الاحساس
ومن يمر طاريهه لازم نرفع الراس
صدك لو گالو يناس العرق دساس
ونعم منهه وكفو خلفت عباس
منهه يحصل امنين ،،، بالبشر بس هايه
حره يم البنين ،،،،،،،،،،، بالعهد وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هيه بس وحده وأبد ماصارن اثنين
خلفت اربع زلم كلهم ميامين
وصت العباس فدوه يروح لحسين
يمه من يحتاج چف انطيه چفين
يمه ونطي العين ،،،، للسهم يربايه
حره يم البنين ،،،،،،، بالعهد وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الكربله وذاك المصاب اشكثر ناحت
عاشت اعله حسين وعله حسين ماتت
مو فقط بل اخره بالدنيه فازت
هيه بدويه لچن علويه صارت
كلشي بيه لحسين ،،،، الوفه موش احچايه
حره يم البنين ،،،،،،،،،،،،،،،،،،، بالعهد وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فدوه لمصابچ يحره دمعت العين
كون كل عمري اخلصه بس بل اونين
احنه مطلوبين الهه يا بشر دين
علمتنه اشلون من انحب الحسين
واجب الهه ياناس ،،،،،،،،،،،،،، من نسوي اقرايه
حره يم البنين ،،،،،،،،،،،،،،،،،،، بالعهد وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا گبر مبني ولا عدهه مناره
وسفه مدفونه ابلد مابيه غياره
ليش ما يبنونهه شنهي الخساره
بيهم ام عباس كون اتسوي شاره
هذه لو گبر افلان ،،،،،،،،،،،،، مبني من اهوايه
حره يم البنين ،،،،،،،،،،،،،،،،،،، بالعهد وفايه
تمت ،،،الشاعر سيد احمد الموسوي
ويلاه أم الگمر
ويلاه ماتت قهر
____
بين الحسره والنوح بين الون والجروح
مهجتها انگضت
لوعه او دمعه واحزان حسره او عبره واشجان
هل روح اتعبت
ماتت باكلف اصواب آ يا هجر الاحباب
من عنده انچوت
ويلا يم الاقمار لعبت بيها الاقدار
چن ورگه ايبست
منها اولا اضل اثر
ويلاه ماتت قهر
____
امن الطف بيها اصاويب لا تهجع ولا اتطيب
بهروش الگلب
لا جرح او لا جرحين بيها اشخله الحسين
من مات ابغرب
من عگبه اشبعت موت جثه ابلايه تابوت
تنطر بالدرب
اتناطر والوجه ذاب صار ابلون الاتراب
والمدمع يصب
لدموع مثل النهر
ويلاه ماتت قهر
____
فرگة وجه الحسين طرت گلبي نصين
نادت ياخلگ
مامش طارش ايروح ؟ يحچيله عل اجروح
مو گلبي احترگ
گلوله ام الابنين ماتت من الاونبن
واجبيني عرگ
ماتن كلهن اعضاي ليّه گطرو ماي
دلالي انخنگ
مولاي كافي السفر
ويلاه. ماتت قهر
____
يل اغله امن الانفاس يلي انطيته عباس
حن الحالتي
انه ابعازتك حيل مرلي هدوه بالليل
واحظر موتني
خلني ابموتي ارتاح وانسه الون والانياح
وانسه لوعتي
يحنين علي عود جيب اوياك الاحيود
فلذة چبدتي
هل يوم گبري انحفر
ويلاه ماتت قهر
____
يمه الام من اتموت اتريد اوياها زاتوت
ابدفنتها ايحضر
واتريد الوِلِد كون اجنازتها يشيعون
واتكحل النظر
انه اشمعنه يحسين من دون النساوين
حد موتي قهر
ليه اولا ولد جاي اتبدو چنهم الماي
والحلم اندثر
ويلاه من هل دهر
ويلاه ماتت قهر
____
آنه أم الاقمار ميته او دمعتي اعبار
وابلحدي نحت
يحسين او يعباس مني ضجت الناس
گدما صيحت
اعليكم امكم اتهون ابفاتحتي متگفون
يل عشط طحت
چن بيه متدرون ولا عتبي تسمعون
مهما عاتبت
معذور يل ما حضر
ويلاه ماتت قهر
____
ابو فاطمة الطائي
كأني بأم البنين تحچي وي روحها اتگول :
غريبه يم الابنين چا وين الوِلد وين
لا عباس جناز لا يم نعشچ احسين
_____
عگب تعبي او سهر ليلي عگب حيلي الراح الهُم
اربع اقمار آنه عندي او عندي الحسين _ اشكبرهم _
ماي واتبده امن اديه بعد يا روحي اشيلمهم
لا درو بيه اشجرالي او لا درو لو عاتبتهم
جفاهم طوّل اوياي ابحلم محد الي جاي
اون خلوني كل يوم صار اسنين واسنين
_____
اي يروحي الليله وحدچ اتجرعي چاس المنيه
ما يجون احباب گلبچ أيسي منهم هايهيه
الداست ابصدره الحوافر چيف ينهض هسه ليه
الما گدر يوصل خيامه اشلون بالله ايرد عليه
الثلث مرات من گام وگع جدام الاخيام
يوصل داري اشلون او بيده ايغمض العين
_____
اي يروحي ابحسره ضلي ضلي بل ون يل وحيده
من يجيچ ؟ احسين طايح وابو فاضل گطعو ايده
من يحط ابحجره راسچ مثل ابو اليمه او عضيده
موتي وحدچ مثل عاجر ترتجف چنها جريده
أموتن وحدي مكتوب وانه اليوميه الغروب
تطلع روحي وانباد او گلبي اموجره البين
_____
الليله مشتاگه البنيني وارد اشوف ابن الزچيه
ارد اشم ايده واگله لو متت يلزم اديه
وابو فاضل على گبري ارد اوصيه ابوصيه
الدفنه والتشييع خلهن اهناك بارض الغاضريه
اريد ابين الاحباب يواري جسمي الاتراب
وانام اهناك وارتاح بين احنين واحنين
_____
آه لو هسا يجوني چا غده موتي اشحلاته
اليكـفًني ابو فاضل واليعيننه خواته
احسين اليصلي عليه او فوگ نعشي ايحط عباته
چا نسيت اجروحي كلهن گبل ما تخلص صلاته
تطيب اجروح عاشور وانام او گلبي مسرور
لچن شو چنها احلام ويني . او هل حلم وين
_____
گضت والاحلام راحت لا اجو لا شيعوها
الحنينه اوحيده ماتت او ناس غربه الدفنوها
الشالو التابوت حارو تون بل لحد اسمعوها
والدمع ضل ايتهامل عتب يجري اعله الجفوها
چنها اتگول ترضون اموت او ما تحضرون
اربع عندي اولاد كلهم عني مجفين
_____
ابو فاطمة الطائي
#محرم_١٤٤٦
#أم_البنين
لهفي على أمِّ البنينِ الأربعهْ
لمّا أتى بشرٌ وناحَ وأفجعَ
تسعى إليهِ وحالُها يُبدي الأسى
تجري على عجلٍ لتَسمَعَ ما نعى
نَوحُ المدينةِ هالَها ونداؤها
أين الحسينُ أرى فؤادي صُدِّعَ
تدعو أيا ربي ليربطَ قلبَها
إنْ قالَ أنّ عزيزَها لن يرجعَ
يا بشرُ أينَ أميرُنا وحبيبُنا
تُصغي وأعينُها تَفيضُ الأدمُعَ
فأجابَ يا أمَّ البنين تصبّري
طوبى لعبداللهِ نالَ الأرفعَ
طوبى لجعفرَ بعدَهُ عثمانُ وال
عبّاسُ يا أمَّ البنينِ تقطّعَ
يا بشرُ قد قطّعتَ قلبي فالحسينُ
مُراديا ورجائيا أنْ تُسرعَ
فأجابها قُتلَ الحسينُ بكربلا
فوق الترابِ مُخضّباً ومُقطّعا
طعنوهُ ألفاً والحشا قد مُزّقتْ
لهفي عليهِ فجسمُهُ كم بُضِّعَ
وعلا الشقيُّ على الضلوعِ وحزَّهُ
والآخرُ الملعونُ حزَّ الإصبعَ
أمسى سليباً بالعراءِ مُجرّداً
والخيلُ داستْ بطنَهُ والأضلُعَ
فهوت على وجهِ الثرى مغشيّةً
لهفي على أمِّ البنينِ الأربعهْ
الدكتور محمد الدغلي
#نعي 😭
مولاتي أم البنين تسأل مولاتي العقيلة كيف كان الوادع بين الإمام الحسين وسيدي ومولاي قمر بني هاشم صلوات الله عليهم اجمعين
فقالت 😭:
همزين مـاچـنـتـي تـشـوفـيـن
مــن ودع الـعـبـاس الحســين
كونـچ شايفه الموقف تموتين
من إتشابـگــوا يــم الصواوين
أم البنين ع
بـعـــد يـمـه يزينب سولفيلي
واشسوه ابو فاضل إحچيلي
مــن راح وصــانــي اندعيلي
وحــزّن الچـلــمـات بـدلـيـلي
زينب ع
مـــن ودعـــــاه ودار مــگــــفــاه
وظـل حســين يمه مــحـد وياه
ولعد صوب الشريعه تدورعيناه
ايخاف اعلى اخيه أتغدره اعداه
أم البنين ع
كون حسين يمه راضي اعليه
عـبـاس دونـه ايـمـــوت خليه
راس امــه باچــر يــرتفـع بيه
مـن يـنـذكـر عـبـاس طـــاريه
زينب ع
من طاح صــاح الحگ عضيدك 😭
يم راســي گبل لا اموت اريدك
انـت التغمض عـيـنـــي بــيـدك
ولو حـالـي يبو اسكينه يچيدك
وتالي اتـشـابـگـن وعـيـونـهـن دمـعـن
وطـبـن دار الحســين وغـدن يـبـچـن
والــنـســــوان ملـتـمـات وايـسـمــعـن
زينب لأمها شنهـي اتگول واشيحچن
محد مثل ابو فاضل /وفي چان
سـور وســتر لعياله /وفيّ چان
چفه وهامته وعينه / وفا چان
كله ومستحي امن أمه الزچيه
نسألكم الدعاء
سيد حسين الياسري
#اللهم_عجل_لوليك_الفرج
ضحيت الك بالشبان. ويحسين ابد ما وفيت
ادري الولد رفعت راس. ودكالي صدره العباس
ويحسين ابد ما وفيت
*
اربع ولد يفدونك اموصيتهم
وولادي من در الوفه امرضعتهم
لو قصرو تحرم صحت شوفتهم
وبيد الكمر ضلت ترف رايتهم
كون انته سالم وبخير. كل احنه يايمه بخير
انته اغله من هاي الناس. ودكالي صدره العباس
ويحسين ابد ما وفيت
**
ام البنين الوادم ايسموني
واتمنه عدكم خادمه تقبلوني
يحسين ادري الأربعة ايوافوني
ولو ما اشوفك شلي بيها عيوني
شنهو الولد شنهو المال. ماكو بمعزتك بالكون
حبك ابد ما ينقاس. ودكالي صدره العباس
*
من ودعتني وراد يحدي الحداي
بدربك دمع رشيت مو طاست ماي
ما اكدر اعله افراگ اشلون بهاي
اوياك الله اكولن يبني مدري الله وياي
بعدك اصيرن يعگوب. وتبيض بساع عيوني
ارحم دليلي الحساس. ودكالي صدره العباس
****
عباس نذري ونذري واجب يحسين
واعله النهر باجر يكطع الجفين
حاشه ترف عيونه من سهم العين
وخويه بحياته ما نطقها امن اسنين
راعي الكفاله المذخور. عزم اخوته من عزمه
اعليك اربعتهم حراس. ودكالي صدره العباس
***
زينب امانه من علي تدريها
وعباس كد الكلمه من يحجيها
صعدها عالناگه وتكفل بيها
حته الشمس ما تكدر اتصد ليها
كتله العقيله بحماك. ماريدك اتفاركها
ذاك الخدر مو ينداس. ودكالي صدره العباس
*
تمت
تحسين الخفاجي
مو مرت ابو ام جانت
بيت الزجية صانت
اعظم مره بعد ام حسن
للعشره ابد ما خانت
........
اشنسولف ما نوفيها ....
عظيمه بكلشي نلكيها ...
ذهب حاضرها ماضيها .... ام عباس المشكر
مدرسة الوفه الكبرى
ضحت كلشي للعتره
بيها امباركه الزهرة .... ام عباس المشكر
ما صح مثلها ولا يصح بالدنية ابد
يامره اتضحي الاجل ضرتها بولد
وياريت واحد اربعه جان العدد
يامره الي أتسويها
الضرتها تنطي ابنيها
وفوكاها تتعذر تظل
الف السلام اعليها
.......
اول موقف انذكره
اسمها غيرته الحره
اكرام الفاطمه الزهره ... اتخلت عن اسميها
خاف حسين يتذكر
أمه وكلبه يتفطر
موقفها السمه حير .... اتخلت عن اساميها
ماطبت الدار الا اسمها مختلف
شافت حُسين وعينهه كامت ترف
ركضت عليه وشبكته شبكت عرف
حبت اعيونه وجفه
جن من زمان اتعرفه
منا بدت قصتهم
وكظت عمرها بصفه
......
خلفت اربع ابدورة
وكل واحد حجت دورة
رسمت الهم الصورة .... حسين وكاعد بعرشه
يعني اكبال ابو اليمه
انتم خدم يا يمه
امكم موش مثل امه ... حسين وكاعد بعرشه
صح هو اخوكم لكن اعظم منزله
اشجاب الثرية اعله الثرى ما نوصله
عباس اريد حسين اخوك ادلله
لبني نذرتك يبني
بالك تخيب ضني
من روحك حسين اغله
وجهي تبيضه افهمني
......
ثلثت انعام من عدها
ما واحد وصل ودها
نطت لحسين ما عدها .... تشهد فاطمه الزهره
ضحت بالولد كلهم
ماهمت ابموتتهم
عدها حسين اعز منهم .... تشهد فاطمه الزهره
اربع بنين انطت لبو اليمه بعزم
واتعذرت خافن امقصره وبي تهم
وكفته ما واحد وكفها امن الزلم
لو عشره عندي افديهم
كلهم فده الواليهم
كلمتها كالتها بثقه
لحسين اثوب بيهم
.......
من جاها بشر ناعي
صاحت ولدي مو داعي
حسين الهيج اوجاعي .... عن حسين خبرني
كاللاها البكه براسج
راح اعضيد عباسج
كعدي وجري انفاسج .... عن حسين خبرني
عادتله نفس الجلمه جنها مسمعت
مات الحسين وخيل صدرة رضرضت
حكه الخبر مو هين وحكهه انحنت
شيبها بشر بكوله
حسينج بقى بالجوله
وابراسه فرو كربله
وبجسمه لعبو جوله
.......
الحمدالله رب العالمين
اللهم صل على محمد وآل محمد
موسى الخادم
قصيدة بدوية بحق ام البنين في وداع الحسبن عليهما السلام
ياحادي النوكَي صد لحالها
هاي امَ البنيني بعدك مَن لها
****
ها يولدي الغالي بسيفك محتزم
ومطوكَه عيالك بحــزام الـــــــزلم
يا ناحــره البيدة لاويــــــن العزم
ماهگوتي الديرة وحشة اتخلها
____
هونك على گليبي يمخلي الوطن
عازم تــــخلـــــيني وتهجرني زمن
خبرني يوليدي بنسوانَ المشن
انت الترد بيها لو هي لحالها
--------------------------------------
ياسايجه النوگي هونك بالحدي
يمخلي گليبي يرجف يولدي
تنادي يويلادي انتم مگصدي
وكته الشدد دومن انتم حلها
------------------------------------------
بالعون يوليدي انته روحيتي
افديلك عيالي وروحي ورکبتي
غيرك فلا ودي كلشي بدنيتي
بعد الهجر روحي حزن اينولها
____
يمعگره الخيلي يچبير اخوتك
يا هزبره البيدة براسك ريشتك
انته چفيل او هي زينب رادتك
يا ابا الفضل بيدك عدل احمالها
_
هاذي مظاربكم وديار النبي
فيها الحزن بادي صبح ومغربي
تهجرني ما ودي بس چنك تبي
تطفيها نيرانك حدر دلالها
--------------------------------------
أسالكم الدعاء رائد الاسدي
عندي اشلون ازلام الضهر حسين احزام
كلهم وفايه
**
طبو والسمه مغيمه ويعادل جيش واحدهم
ومالحك ييمه الموت يبلع ريجه من عدهم
والعباس لمن صال غاد امن الشمس ردهم
واخوت زينب الشجعان حي الله سواعدهم
صعدو فوك الخيل ذوله اسباع الليل
مطيني احجايه
***
ذوله اهل الجفافي البيض تتلامع صوارمهم
مالمت رجلهم كاع بس كلبك تره يلمهم
عفيه ام البنين تصيح ماردو طلب لمهم
ولدي بخدمتك يحسين اشلون تريد قسمهم
عندي اشلون اقمار وين الزلمه الحار
للحك شرايه
*
كاع الطف تضل تميل من تدبج عراضتهم
ولدي بالحرب يحسين معروفه شجاعتهم
فرحانين اخوتك بيك رفعة راس خوتهم
عالشط سوو استعراض والقادات هابتهم
اطلابه وعد عباس اشلون اتفض يا ناس
شيال الرايه
**
صكار الزلم عباس ما يتلاوه بالملكه
ومن طب للنهر خلاه ما يكدر يفك حلكه
يشمر بيده ضل بالروس والدم تارس الدركه
يم الشط حضر تجوال والعباس اجه بحركه
واليتوازه وياه راسه وياه ذباه
ذل الرمايه
**
انه ام اليخلي الكوم تشرد من يسل سيفه
هاي الساحه للعباس والملعب صفه بكيفه
طب ليها وسحكها الخيل ومن الجيش اخذ حيفه
شو بعده الشته ما جاي وكلها ترجف بصيفه
الحومه دخيل اتصيح صفوف صفوف اطيح
وحسين الغايه
***
تمت
تحسين الخفاجي
📝قصيـــدة نـــدبه لمولاتنـا
أم البنيــــن عليهاالسلام.
♡♡♡♡♡♡♡♡♡♡
واطلب حاجتي هاليوم
والشيله لشدنها
•──✧أم البنيـــــن✧──•
ها يم البنين انخــــاج
بضلع حسين واترجاج
ردت الحاجه من يمناج
والحاجـــــات احطــــنها
✍🏻ام حسين العسكري ناصريه
•──✧أم البنيـــــن✧──•
احط الحاجه بعتابچ
ملهوفه وادگ بابــچ
فرحي گلبي بجوابچ
هالطلــــــبه اريـــــدنها
زمـــ✍🏻ــــن حـاتــم الربيعــــي واســــــــــــــــــــــــط
•──✧أم البنيـــــن✧──•
احلفها بعضيد حسين
وبعد بررايه والجفين
مهظومه تنشف العين
وبزيــــــنـب أحلفــــنها
رمـــ✍ـــاد الخيــــام
•──✧أم البنيـــــن✧──•
كثيره اهمومي تدريني
مـولاتــي بـعـد عـيـنـي
اريـدن مـنـچ انـطينـي
والــدمـعــه اصـبـنـهــا
أم عــ✍🏻ــلــي الـحـلـفـي
•──✧أم البنيـــــن✧──•
بالمجلس اصب دمعي
نظرة لحالتي ووضعي
اجيتج طالبه و سمعي
بهمـــومي اكلمـــــــنها
✍️ رغــد البهادلي
•──✧أم البنيـــــن✧──•
اجـيتچ والـگلـب حيران
يـم الاربـعـه الـشـجـعـان
احلفچ بالگضه عطشان
واخته الماضحك سنها
ام ســ✍ــجاد العسكري
•──✧أم البنيـــــن✧──•
تــمــــ بـحمـــدالله وتـوفيـقـــه ـــــــــت بـــأقــــ✍🏻ـــ✍🏻ـلام شـاعــــرات الملتــقى الحسيـــــني لـناعــــــيات الطـــــــف بتـاریــــخ📜 جمادي الآخرة / ١٤٤٤هـ🌙 بـإشــــــراف الشــاعــــــــرة والحاجـه أم حســـــــين العسكـــــري ناصــــريـه يحـــــرم الحــــذف والتــــــلاعب ونسألكـم الدعـــاء والفاتحـة لأمواتــنـا.
▪️السيدة أمُّ البنين(ع) مع الناعي
١/حرَّ قلبي كيفَ جاءتْ في ذهولْ
جفنُها المقروحُ أعياهُ الهطولْ
أيها الناعي ترفَّقْ ما تقولْ؟
زدْتَ كربي وانكساري والحنينْ!
٢/قَالَ من هذي أتَتني بالسؤالْ؟
ما وَعَتْني..نعيُهُ دكَّ الجبالْ!
قيلَ ذي بنتُ الوفا، أمُّ الرجال
خفِّضَنْ يا بِشْرُ ذي أمُّ البنينْ
٣/مالَ بِشْرٌ نحْوها ينْعى الشبابْ
"جعفرٌ" أمسى صريعاً في الترابْ
و"لعثمانَ" غدا النزفُ خضابْ
قُرْبَ "عبدِ اللهِ" مَطْروحٌ طعينْ
٤/فَدَنَتْ تبكي تُنادي بالنَحيبْ
بِشْرُ خبِّرني عَنِ السبطِ الحبيبْ
كُلُّهُمْ والخلْقُ والكَوْنُ الرحيبْ
لَيْتَهُمْ يَفْدونَ إبنَ الطيِّبينْ
٥/صاحَ بينَ النَّاسِ يا أمَّ العضيدْ
شبلُكِ"العباسُ" ذو البأسِ الشديدْ
جالَ يُذري رُوسَهمْ ذرْيَ الحصيدْ
مِثْلَ كرّارِ الوغى ليثِ العــرينْ
٦/فإذا ما خرَّ مخضوباً جديلْ
ضاعَ شَملُ السبطِ إِذْ راحَ الكفيلْ
فانثنتْ بالآهِ تدْعو والعويلْ
لا تقلْ يا بشرُ قد ماتَ "الحسينْ"
٧/قالَ إِيْ يا أُمُّ أَمْسى في الفَلاةْ
بَعْدَ ذَبْحٍ..رَضْرَضَتْهُ الصافِناتْ
رأْسُهُ المَقْطوعُ تَبْكيهِ القَناةْ
ينظُرُ الحوراءَ يسبيها اللَّعينْ
٨/زينبٌ مَنْ لَمْ يشاهدها الصباحْ
قادها شِمرٌ على عُجْفِ الطِّلاحْ
إنْ دعتْ "عباسُ" تُقرَعْ بالرِّماحْ
أُدخِلتْ بالحبلِ وسْطَ الظالمينْ
٩/فهوى مِن كفِّها طفلٌ رضيعْ
مِثْلَ سِقْطٍ خرَّ في اليومِ الفجيعْ
لا تَسَلْني إنّهُ خَطْبٌ فظيعْ
وهْوَ أصْلُ الطَّفِّ والفعلِ المُشينْ
١٠/يَوْمَ جارَ الصَّحبُ في هتْكِ الدِّيارْ
أضرموا بالبابِ أحقاداً ونارْ
ضجَّ قلبُ العرشِ من آهِ الجدارْ
حينَ لاحَ الجُرحُ في صدْرِ الجنينْ
أسألكم الدعاء
الشاعر علي عسيلي العاملي
#أم_البنين
#اللهم_عجل_لوليك_الفرج
اذا همَك كبر بس صفّي النيّه
ودكَ باب الحنينه الحاجه مكَضيه
ـــــــــــــــــــــــ
بس صفّي النيّه وأهمل الدمعه
واقره الفاتحه الهه وعالكَ الشمعه
معروفه اليمد جف خالي مترجعه
هي ام الوفه واهل الكرم هيه
ــــــــــــــــ
ام الاربعه الماهمهه من راحوا
ولا همه ضحايه اعله الارض طاحوا
عطر بالغاضريه اعله الخلكَ فاحوا
وضلهم خسر كلمن مااحتمه ابفيّه
ـــــــــــــــــــ
اذا مهموم حيل وحاجتك كلفه
وبيك جروح كل ضنّك فلا تشفه
بس اقسم عليهه بالرخص جفّه
صفحات الهموم اتصير مطويّه
ـــــــــــــــــــ
باب الحاجه ام عباس ندريهه
وعنوان الكرم بالسمه اموصفيهه
الطلبه بسرعه للينخاهه تنطيهه
وهذا الامر واضح ميه بالميه
ــــــــــــــــــــــ
ام عباس أي والنعم من عدهه
طينه طيبه ومن طيب والدهه
ايد التنمد الله والله متردهه
واقسم بالمشت عالنوكَ مسبيه
ـــــــــــــــــ
شكَد ناحت او ونّت لجل ذبح حسين
وعجبه شلون ضلّت ماعمت هالعين
جروح هواي مو بس جرح لا جرحين
وجهه الطف اضن غيّر معانيّه
ـــــــــــــــــــــ
الشاعر محمد حسن ضيغم
/channel/kasaedalatharDaygham
في حق سيدتي ومولاتي أم البنين صلوات ربي وسلامه عليها
طلب سماحة الشيخ مرتضى الجمعة
أمِّ لبنين عظيمه أمِّ لِبنين
انطت حسين وِلِدْهَا أم لِبنين
انخى واطلبها المدد
ماترد سائل ابد
أمِّ لبنين عظيمه أمِّ لِبنين
عمري ما شايف كريمه مثل أم الأربعه
تنطي مبسوطه الأيادي والفقير اِتْشَبِّعَه
بالكرم انطت وِلِدْهَا للحسين بمصرعه
وذبحتهم اربعتهم لجله فوق المشرعه
انطت الروح هديه وافدت العين
اربع اولاد عَطَايَا ام لبنين
اللي ضحت بالولد
ماترد سائل ابد
أمِّ لبنين عظيمه أمِّ لِبنين
ياللي غارق بالحوائج اقصد الباب الكرم
اطرق الباب ابيقينك صيح ياباب النعم
جيتچ بهمي ونحيبي واِقسم براعي العلم
ماترد چفك خليه حين تتلقى القسم
بالكرامات عطاها يملي ليدين
تقضي حاجات ثچيله ام لبنين
تحضر بوقت الشدد
ماترد سائل ابد
أمِّ لبنين عظيمه أمِّ لِبنين
من كرم باب الحوائج شفنا وشقد معجزه
ينهض المشلول بيها والطريح اتفززه
مو عجب والله وغرابه من قصدها تحرزه
واليموت اترد له روحه والله ماهي عاجِزه
ردت أرواح سمعنا بمرِ لسنين
مو عجب هاي ياشيعه ام لبنين
(وقل هو الله أحد)
ماترد سائل ابد
أمِّ لبنين عظيمه أمِّ لِبنين
قول يام عباس نخوه باللذي خاض النهر
وماشرب من مايه قطره ونلتي بْهذا الفخر
لا تشك واحرز يقينك لو طلبت أم القمر
تعطي الحاجة وتزيد اللي حمد ربه وشكر
توفي الكيل تراها الوفى دَين
أنذر وشوف كرمها ام لبنين
والكرمها ماكو حد
ماترد سائل ابد
أمِّ لبنين عظيمه أمِّ لِبنين
اطلب الحره الوفيه باللي طاح اعلى الثرى
وْجُثِّتَه بخيل الأعادي عالوطيه مبعثره
واللعين اسنان ويلي برمحه صاب الخَاصِرْه
والشمر بالسيف منه وسفه قَطَّعْ منحره
وطشته الخيل يويلي بالميادين
وانفجع بيه قلبها ام لبنين
وخلت أعضائه بدد
ماترد سائل ابد
أمِّ لبنين عظيمه أمِّ لِبنين
ادخيل يام عباس قلها والمدامع هامله
بالعقيله اللي سبتها وضيعتها كربله
وركبوها يالجليله فوق ناقه مهزله
ومن بعد ليث الحرايب بيها يحدي حرمله
وبعد عباس خذوها للدواوين
وظلت اتنوح لجلها ام لبنين
والدمع عالوجنه هد
ماترد سائل ابد
أمِّ لبنين عظيمه أمِّ لِبنين
رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي
والفاتحة لروح والدي وذويه والمؤمنين والمؤمنات مسبوقة بالصلوات
#جديد
في التوسل بباب الحوائج مولاتنا أم البنين عليها السلام
طور مستهل : دنيا ، أو روحي مشتاقه
.
.
عندچ .. كل حاجه والله تنگضي
عندچ .. ميخيب مولاتي السعي
عندچ .. واينال كلشي اليرتجــي .. عندچ
وآنه .. هالليله جيتــچ بالدمع
وآنه .. حاير إلچ أشكي الوضع
وآنه .. بگلبي سهــم ما ينتــزع .. آنه
محتار .. وابگلبي تلهب حســرتي
محتار .. وكل لحظه تنزف دمعتي
محتار .. وطـالــت عليـــه شدتـــي .. محتار
وإنتـي .. غوثي ورجــائي بالشدد
وإنتـي .. كل خيري والله والمدد
وإنتـي .. لكل عمري مولاتي السند .. إنتـي
أنخاچ .. وهالليله رايد وگفتـچ
أنخاچ .. لا تحرميني نظــرتــچ
أنخاچ .. لهالشـده رايد فزعتـچ .. أنخاچ
بحسين .. وكل الجراله بكربله
بحسين .. وزينب وسبي العايله
بحسين .. حلي لي هاي المشكله .. بحسين
__
#فاطمة_كريم
٢٠٢٤ م
#جديد
وزن الفائزي
ام البنين الثاكله ابساعة منيه
تنشد على ذخر العمر وابن الزچيه
———-
اتريد الغوالي هالمسا واتغمض العيون
رادتهم إل شيب وكُبر واعله الدهر عون
يوسدوها في وسط اللحد همّ اليدفنون
تشبح نظرها وبس تصد للغاضريه
———
گوّه تدير بهالوجه واترد بالانفاس
جاوبني يا ذخر العمر يوليدي عباس
اعله الزچيه مجبله وبيك ارفع الراس
واگلها وفوّه الربه وداري خليه
————
تعذرني دمعي لو جرى امن اذكر بنيني
تدريبه قلب الوالده وتعرف حنيني
رباهم الهم والوفا وونّة سنيني
خضر ضلعها والوِلِد الها الهديه
————
ماردت والله جيتك كلك فدا احسين
يايمه يذبحني الخجل عندك بعد عين
واشوه الچفوف امگطعه وما ظلت ايدين
خجلانه منها ورايده ترضى عليه
————
من هم ابنها گوّضت عشت ابمراري
نيران بيّه مضرمه وماتطفى ناري
لا ليل هوّد هالالم لا ون نهاري
واعيوني عطشى للولي وشوفة أخيه
————-
✍️ #بنت_الشمري
https://youtu.be/0CuV0WJqHnk?si=CoYEyX06_9CD_2Kl
==========================
ام البنين الثاكله ابساعة منيه كلمات الشاعره بنت_الشمري أداء الرادود سلمان المغلق
مقدمه ام البنين عليها السلام
ويلي عله ام عباس ،،، واسوهه ياهل ناس
بيهه ابد لا مارحم ليش البين
ماتت اوراحت للگبر بدمع العين
يحضرهه رادت بالنعش كون حسين
وتسأل عله جفوف الكمر راحت وين
وبأخر الانفاس ،،، ويلي عله ام عباس
ننصب عزه ونجري الدمع كون الهه
ودموعنه بيهه دمه امن انهلهه
هاي المصيبه ابحسره نستقبلهه
ولو ننطي حته الروح تستاهلهه
بيهه اشكثر نوماس ،،، ويلي عله ام عباس
ابهذه العمر شافت تره بس لچمات
ام البنين اهوايه حملت اهات
جيرانهه تسمع بقت بس ونات
ماتت عله حسين اشكثر لمن مات
مات ومشه الاحساس ،،، ويلي عله ام عباس
الزينب تره وحرگ الخيم تبچي اهواي
اتگول الجره بطف كربله كون اوياي
تتمنه چانت وي ابنهه الوفاي
موجوده وبطف كربله اتوزع ماي
بيهه الوفه ينقاس ،،، ويلي عله ام عباس
ماتت يهل ناس اشكثر بيهه جروح
خلص عمرهه وتنتحب عل مذبوح
يوميه من عدهه تحس تطلع روح
الشال النعش من النعش يسمع نوح
حگه يشيب الراس ،،، ويلي عله ام عباس
تمت ،،، الشاعر سيد احمد الموسوي
نزله لمصيبة ام البنين
ابكربلا انعاد الحزن الحرمين امست تون
لام البنين لام البنين
_____
اليوم رايات الوفه منكوسه
والحزن لاح او يدگ ناقوسه
اليوم آدم .نوح . عيسى او موسى
اجفونهم من الدمع متروسه
اذن آذان القهر ماتت الجابت گمر
لام البنين لام البنين
_____
ابكربلا الون والبچي يتعالى
ادمع من اجديد رد يتلاله
احسين للعباس يتعناله
شاف ناله امن الهظم ما ناله
شابگه او دمعه يدر اله ايعظم بالاجر
لام البنين لام البنين
_____
امن الحرم حد الحرم بس صايح
اليمه والانصار كلهم نايح
والملائك بين جاي او رايح
اعله ابو سكنه وابو فاضل طايح
اتواسي سبع الگنطره والي گطعو منحره
لام البنين لام البنين
_____
آه يل عباس ربي ايعينه
اشلون يوصلها او سهم صك عينه
اشلون يشبگها بلا چفينه
مثل ونها الليله صار اونينه
حسرته الحيله تهد يمها ما يگدر يرد
لام البنين لام البنين
_____
ماتت امه امن الحزن والونه
ماتت الچنها هوه امن الجنه
محد الها امن الوِلد يتعنه
اوحيده ماتت يا هظمها الچنه
هظم يعگوب النبي انسبت ابلايه سبي
لام البنين لام البنين
_____
ماتت او عن البنين ابعيده
بالمدينه اتون يويلي اوحيده
ياگبرها اتمنت الي ايشيده
يم الحسين ابو فاضل بيده
لچن واروها الترب ناس ياوسفه غرب
لام البنين لام البنين
_____
ابو فاطمة الطائي
ماتت ام عباس والعزا قائم
ابفاتحهتا اليوم حاضره فاطم
واثنعش معصوم منكسر مهموم والعزا قائم
_______
الليله راحت واستراحت ام گلب متعوب
المِن حزنها انشل بدنها او كلشي بي مصيوب
گضاها الون والنوح
على احسين المذبوح
اوگمرها الضل مطروح في فيافي كربله
لحد آخر انفاس
تون ام العباس
عجيب اشعدها احساس واشكثر تحمل وفه
آيه للاحزان معجزة دمعه
اتهد ركن لجبال لو بدت تنعه
والگلب ضل دوم منكسر مهموم والعزا قائم
_______
الزهره اجتها ابفاتحتها هامله الدمعات
گابعه ابهم واتالم ابكل تفس حسرات
دمعها اعبار اعبار
گلبها اموجر نار
عله ام اربع اقمار اتگطعو يم النهر
عله الضلع المهشوم
تدگ الزهره اليوم
تگع واترد اتگوم غيمه تتهامل مطر
للوفيّه اتريد فاطمه اتوافي
اتگلها بالحسرات يا نبع صافي
حيلي الچ مهدوم منكسر مهموم والعزا قائم
_______
والعزاها ضامي جاها احسين ابو السجاد
ايشم گبرها وي گمرها والهظم يزداد
بچوها اشلون اثنين
ابو فاضل واحسين
تربها اتحول طين من كثر سيل الدمع
اذكرو ذيچ الگعدات
او سوالفها الحلوات
حنينه ام الطيبات المنها ابد ما ينشبع
اعليها ون احسين ونة امصوب
ايگلها رغم اضماي جيت الچ متعب
يم گبرها ايحوم منكسر مهموم والعزا قائم
_______
يل وفيتي يل جزيتي بل وفه لحدود
أم اخوتي يا سلوتي بل ليالي السود
عزائچ آنه البيه
اگف . وآلماي اسگيه
ابثوابچ كون انطيه الفرات او دمعتي
يعنوان الكل طيب
يمن جرحچ ميطيب
شمس انتي امن اتغيب ليلي يبدي او وحشتي
يا ملاذ الروح. يا عطر امي
اشگد انا اتمنيت دفنتچ يمي
واعتتي كل يوم منكسر مهموم والعزا قائم
_______
والغريبه ابهل مصيبه اتعنت من الشام
لابسه اسود تلطم الخد تلطم اعله الهام
تون ون الثكلات
تناديها ابعبرات
مثل حرگ الخيمات گلبي اعليچ احترگ
شريچة ون او آه
حنانچ چيف انساه
اعله گلبچ صلى الله يومن ابحزنه غرگ
يل نطيتي اولاد او روحچ انطيتي
ارتاحي يم عباس والله كفيتي
بالگمر وانجوم منكسر مهموم والعزا قائم
_______
العتره كلها جت لجلها حضرو التأبين
هاذه ينعه او بيده شمعه اوذاك عنده اونين
الوفت لحسين الدين
نعوها المعصومين
ونين ايجر اونين للأبيه اعالمه
قليل اعليها انموت
التون وسط التابوت
بخيته او ام مبخوت اي عزيزة فاطمه
ماتت امن النوح والجسد راحل
والاسم ما مات ذكره متواصل
باقي لاخر يوم منكسر مهموم والعزا قائم
_______
ابو فاطمة الطائي
نعي لأم البنين عليها السلام
ونن عله ام عباس وابچن
ويوم الحشر تتشفع الچن
ماحيل ضل بيه تگلچن
اتگول ماضل حيل بيه
ضيعت شجعان وشفيه
جوه الرمل بالغاضريه
بالغاضريه ضيعتهم
حسين واخوانه اربعتهم
لاودعتهم لاشفتهم
ماودعتهم يوم الاوداع
وضلوا جنايز تارسه الگاع
الموت اريده خل يجي بساع
الموت اريدنه يجيني
شلي بحياتي وشوف عيني
يادار اصيحن ساعديني
يادار عازيني عليهم
وين اهلچ التزهين بيهم
كل يوم اودي اعتاب ليهم
كل يوم اودي اويه الهوه الهاب
ادموع ورساله مسطره اعتاب
للدار ماردوا الغياب
غياب حسبالي ويرجعون
عن فاطمه وعني ينشدون
واحد اگبال الثاني مدفون
واحد ابصف واحد مدافين
اويلاه يفراگ الشياهين
مثل السهم ويصوب العين
مثل السهم بالعين اجاني
افراگ العزاز وعماني
فرهود فرهدهم زماني
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
گبل بس انت عندي وكلشي ما عندي
احبك تدري اكثر حتى من ولدي
يا حسين
:::::
انه ام البنين وبالي مو يمهم
انه امك مثل ما انه هم امهم
سالم انت خل يرحون الك كلهم
غيرك تدري بيهم كلشي ما عدهم
من تراب جدمك طينت خدي
:::::
انه اول مره تختلف عن النسوان
زلم عزبت انه بساحة الميدان
طلعو مثل حيدر ولدي هم شجعان
ما نشرب الماي حسين اذا عطشان
دونك انذبح هيچ انه كل ودي
::::
حگي اتباهه وانه افتخر بين الناس
ياهي مثلي طلگت جابت العباس
ادرس بالولد حسين تاج الرأس
تنقاس الارض وحسين ما ينقاس
گدام الاخو انه التزم حدي
:::::
قبل عباس ابني من الوليله
گماطه يگطعه ما اعرف شسويله
شبيه ابني حرت يا ربي اشكيله
يرتاح الگمر من بسمك احچيله
يم حسين يا روحي بعد ردي
:::::
هي الدنيا يبني شتسوه من دونك
نحيه نموت احنه بنظرة عيونك
امير حسين گتلهم يسمونك
دنگو رؤوسكم لمن يحاچونك
تره فراگك جرح بعده الجرح يدي
:::::
علي جبار الكعبي
الفاتحه لوالدي
شيِّعو الوفية ... بدمعت الرزية
......
شيعوها ... بالبواجي ... الضحت ابشبانها
لجل ابنها .. حسين نذرت ... هالولد قربانها
ضحت ولدتها الاربعه لجل الاخِّوا
ماهمه ذبحتهم ابد الحسين يسوا
جانت تكلهم كل وكت انتو اله فدوا
كتبت الوصيه .... بدمعت الرزية
.......
الليله ماتت .. واعله خدها ... دمعه كلش صافيه
لابو فاضل ... يمها حاضر ... لا حسين العافيه
وحدها بديار الغرب والموت اقدم
لا يمها بنت ولا ولد لا أحد مهتم
مكسورة الخاطر بقت تتجرع الهم
شافت المنية ... بدمعت الرزية
......
ماكو اماني ... عدها جانت ... وحده بس ابالها
لو دنت ... منها المنيه ... حسين كون اكبالها
جانت تحَّسب ياخلك يحضر دفنها
وابيده ذيج الطاهره ايغمض جفنها
يا وسفه حسبات الزمن ما انصفنها
جرعت الاذية .... بدمعت الرزيه
.......
يم كبرها ... حسين حاضر ... شي اكيد ابروحه
اعليها يبجي ... اعليها يلطم ... رغم كثر اجروحه
ام البنين الطاهره الحرة النقية
عند الحُسين ام ثانية بعد الزجيه
حاضر دفنها اجزم ابهاي المسية
حاضر الابية .... ابدمعت الرزيه
.....
انه المهدي .... دمعي جاري ... عالوفيه الغاليه
كل عزيه .... بيها حاضر .... وأن كانت خالية
كل مجلس الام البنين ابنوحي احضره
وياي تحضر فاطمه المجلس تنظره
بثوب المصيبه امحزمه وتسجب العبره
غاركه الزجيه .... ابدمعت الرزيه
.....
الحمدالله رب العالمين
اللهم صل على محمد وال محمد
موسى الخادم
اه يالغريبه
اه يالغريبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هازينــــب شلونـــــه الشام وياچ
منــــــــچ نعتذر چـــي مااجيناچ
صارت والدرب ســـدوه يم عون
مـن فوگ السطوح الفشله زرناچ
،،
عمت عيني عليچ ام عون
عدلــه وميته مكســـــوره
هضيمه بنيــــــــت الزهره
وضريحــچ محــــد يزوره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خايــــف لاطويله السالفه تصير
ونتأخر وبـــــــــد مو مال تأخير
الگاعـد لربعينچ يحسب احساب
حگه ينهضم يــــم عـون ويحير
،،
اذا رحنــــــــــــه ولگينها
الحدود اعلينه مسدوده
اذا لا حـــــــــل ولاچاره
نرد بوجوهنــــه السوده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا خدمــه بعــد لاصـــــــوت خدام
ضلمه الحضره چنها غروب الخيام
يم حسين كونـــــچ يخت الحسين
مـــــــو بالشام مايستاهــــل الشام
،،
شحلات الحضـره يازينب
من تتوســـــــــط اخوانچ
شحلات الخوه مــن تلتم
يزينب موش عدوانـــــچ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منا وانتهـت ماصـــــــــــدگ بهاي
يگلولي بعــــــــــد ماتمشي مشاي
لزينــــــــب مااروح شلون ياناس
خاف تگلي زينـــــب ليش ماجاي
،،
التعـــود عليها شلــــــون
يگطـــــع بيها ماترهـــــم
ينضــــــــم العشگ مرات
وعشگ ام عون ماينضم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور گعده
،،، غربة زينب،،،
قصيدة جديدة بحق ام البنين عليها السلام
ماتت وهية تنحب ما نشفت العين
طول العمر تنادي آيبــني يحسين
اتنوح اعله ابنها اويلاه يوليدي
اتريـــدة بدفنها اويلاه يوليدي
=====================
ما گطعت النوح من فگد الاولاد
لا تهــــنة بالماي لا تهـــنة بالزاد
من الحزن يوم مدمعها ما هاد
لا صحة لا لون حتى الجسم باد
بعد الولد علـــيلة ماريدن الروح
شلي بحياتي وانة دلالي مجروح
زايد حزنها اويلاه يوليدي
اتريدة بدفنها اويلاه يوليدي
======================
كبرت على النوح حسرة بدليلي
ما ادري بـــــنهار ما اعرفة ليلي
من أيدي وتــــروح يا يمة ويلي
مشتاگة الك موت يادمعة سيلي
تدري شكثر حنينة يا اغلة مني
عني رحــت يغالي والهم كتلني
روحي أغلى منها اويلاه يوليدي
اتريــــدة بدفنها اويلاه يوليدي
====================
من راح الحسين دنيتها دارت
وابحر الشموس گعدتها صارت
ما يرجع المات شتسوي حارت
من صب الدموع عيناها غازت
عافيتي كلها راحت يبني بغيابك
شيب دليلي اشتم ريحت ثيابك
شيب جفنها اويلاه يوليدي
اتريدة بدفنها اويلاه يوليدي
====================
گبور امن التراب سوتهن الكم
عنــــي يالولاد شو رحتوا كلكم
من غبتوا لليوم موحش نزلكم
ايزود اعله يعگوب حزني لجلكم
گبرك رسم رسمتة كل ساعة ازورة
والماي ارشة يبني وأشعل بخورة
مو هذا ظنها اويلاه يوليدي
اتريدة بدفنها اويلاه يوليدي
====≠==================
وكت المنية رادت يمها الاطايب
عن يمنتي وشمالي محبوبي غايب
اه يا دهر ليش خذت الحبايب
ما تسوة العتاب دهري واعاتب
بالدنيا ماهو يمي ابساعة مماتي
يلتم شملنة ثاني وتبدي حياتي
يخلص حزنها اويلاه يوليدي
اتريدة بدفنها اويلاه يوليدي
===================
أسألكم الدعاء رائد الاسدي
#شهيدة_الانتظار
مولاتنا أم البنين
مذبوحه من وداعك.. يوم الرحت
و شهيدة انتظارك..هسه صرت
فكيت حزني بالجفن وحته الجفن بجيته
بمغيسلي و بيه نعي يحسين ما ناعيته
يالنايم برمضه ورمل فضلك ولا وفيته
بالمغتسل واتعذرك..بمصابك انه امقصره
مو يمك بالليل اهدعش..ما كابليت الزهره
متت بس جرحي نارك
شهيدة انتضارك
......................................................
من كد بواجي عيني..عيني انعمت
وبس صورتك حبيبي..بروحي بقت
معمية بس عندي امل ترجع تضوي عيوني
خمسين واكبر بالعمر واطفالك يكودوني
ام البنين بموتتك من النعي يعرفوني
لميت كل نوح البدو..ونحتّه بأثر هجرانك
وبدلته شوفي بالعمه..وما بدلتها احزانك
دمعتي وكلبي دارك
شهيدة انتظارك
............................................................
گبور بأديه ابني..لولدي والك
وكل مغربيه ازورن..واتوسلك
بانيته كبرك وحده ميزتك اعله اولادي
وامرادي اموتلك بجي ومنك اريد مرادي
سكّت شكو بكلبي حجي وخلي حُسين ينادي
لحد ما يرد ثارك الي..خليني هم منتظره
وحته بمماتي استحي..ماريد كبه وحضره
الامر امرك قرارك
شهيدة انتظارك
..............................................................
كالولي عن رقية..من شافتك
ماتت حبيبي فوكك..وي شبگتك
موتها يحسين العشك وهم ردته الك يكتلني
يالحاط جرحك بالگلب اكثر بعد عذبني
يرحولك فدوة الولد وعمري وسهم عيني ابني
من نشغة وحده طفلتك..قهروها بيك وماتت
ولجروحي نار ارقيتك..قدوة بواجي صارت
لدم شيبك ووقارك
شهيدة انتظارك
...............................................................
يم گبري نزلوني..واتذّكرت
محد دفن حبيبي..وانه نحت
لا تحضر بوكت الدفن يالمابقو خوانك
تشييعك اتراب وشمس وكالخشبه باقي السانك
فوكك بناتك بالعبي فيي سون لجثمانك
ام الكمر واسود بقه..كلشي بحياتي اخلافك
المغيسل ومايه جرح..المي ما وصل لشفافك
احتضاري لاحتضارك
شهيدة انتظارك