7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
(( يل ساكن ادموعي ))
ذكرى استشهاد السيدة الطاهرة أم البنين عليها السلام
يل ساكن اِدْموعي رجيتك تحضر اِوْداعي
يل ساكن اِدْموعي تصايح بِسْمي هالناعي
صَوَّت اِبْحَسرَة عَويلَه … شَيّعو الحُرَّه النَبيلَه
❃❃❃❃❃❃❃❃❃❃❃❃❃❃
آنه أُم النايبه و أعظم مُصيبه
آنه أُم إللي إنذبح و إخته غريبه
آنه أُم الأربعه ليوث الحريبه
آنه أُم الفاگِده و حالي عصيبه
آنه حَزْ روحي الدهر اِبْشَفرَه رَهيبه
و خَضَّب أيّامي الحزن اِبْدنيا الكَئيبه
.............…….
آنه إللي ما لَحْظَه نسيتك و إنته كل روحي
آنه إللي ما لَحْظَه نسيتك و بِسْمَك اِجْروحي
اِحْسيني ظل دَمْعي مَسيلَه … شَيّعو الحُرَّه النَبيلَه
❃❃❃❃❃❃❃❃❃❃❃❃❃❃
آنه دوهَمني القَدَر اِبْفَگد الغوالي
و ظَلَّت اِعْيوني تفر و تسهر لَيالي
اُوْحَيْدَه يا وَجه الصبح تدريها حالي
لا گمر يَمّي و شَمِس مَحَّد بُگالي
وَحْدي حَنّيت اِشْكثر وكِلْشي بچالي
و ظَلْمَه عُمري عگب نور المَعالي
.............…….
يا بَلْسَم أيّامي و حياتي و إنته مصباحي
يا بَلْسَم أيّامي و حياتي غابت أفْراحي
الفَرْگه مو سَهْلَه و قَليلَه … شَيّعو الحُرَّه النَبيلَه
❃❃❃❃❃❃❃❃❃❃❃❃❃❃
قِسْمَه يَوْليدي الهَجر و نار إرْتِحالَك
عيني عَمْيَه ولا شِفِت غايب خَيالَك
عُمْري غُرْبَه من رحت و ماخِذ عِيالَك
و طيبه ماليها الأسىٰ و فِگْدَت وِصالَك
حَسْبي عَ الضيم إلْ گِسَه ومن يَمّي شالَك
ويلي يا دَهْري صِحِت خَيَّبني فالَك
.............…….
يَإللي كتب موتي رَحيلَك و غيبَة اِعْلومَك
يَإللي كتب موتي رَحيلَك وِشْ عظم يومَك
و گلبي ما يشفىٰ غَليلَه … شَيّعو الحُرَّه النَبيلَه
❃❃❃❃❃❃❃❃❃❃❃❃❃❃
ياما ساهرت القهر و حزن الليالي
و ناشَدِت نَجْم السِمَه و اِگْليبي صالي
بالله طَمّني علىٰ حسين و عِيالي
ما فتر عَنَّك أبد فكري اُوْيَه بالي
بكل حلم طيفك يمر و افزَع ألالي
وليدي وينك من رحت تهت اِبْخَيالي
.............…….
أتْصَبَّر بآثار نورك و أوگف اِبْبابَك
أتْصَبَّر بآثار نورَك ويلي لمصابك
و الأثر باگي وسيلَه … شَيّعو الحُرَّه النَبيلَه
❃❃❃❃❃❃❃❃❃❃❃❃❃❃
حيلي ما شال الألَم و هول الفجيعه
لَمَّن اِبْضَعنَك إجَت بنت الوديعه
صرت أگِلْها هل صدگ حسين اِبْنَجيعه
داسته الخيل و بُگه جثَّه صريعه
و هل صدگ فوگ الصدر ذبحو رضيعه
و هل صدگ طاح الوِفَه چفوفه گطيعه
.............…….
ضعنك رجع بس ما اشوفك للضعن والي
ضعنك رجع بس ما اشوفك إنته و عيالي
و رجعَت تنوح العقيلَه … شَيّعو الحُرَّه النَبيلَه
❃❃❃❃❃❃❃❃❃❃❃❃❃❃
بعيني كل عبره تصب بيها أشوفك
و أشهگ الضيم و قهر حسره لطفوفك
أنظر الماي و أحِن و أرسم طيوفك
طايح و صوب الخِيَم مادد چفوفك
و حولك أسياف العدا حاطت تحوفك
و زينب اِبْسَبي و أسِر وسفه تعوفك
.............…….
صرت اشهگ النوح و بواچي و أجذب أوجاعي
صرت أشهگ النوح و بواچي و جمره بَضْلاعي
و ليتي يم جسمك جديلَه … شَيّعو الحُرَّه النَبيلَه
❃❃❃❃❃❃❃❃❃❃❃❃❃❃
الموت إجاني و أنتظر يمتىٰ تجيني
روحي مشتاگه إلَك و مشتاگه عيني
خِذْ إديني يالولي مَدّيت إديني
و ليتي يَمَّك أندفِن وَيَّه بنيني
حسيني ما لحظه فتر بِسْمَك أنيني
لا ولا دمعي نِشَف يسچب حَنيني
.............…….
نعشي إرتفع وينك تشيله إنته و أوْلادي
نعشي إرتفع وينك تشيله نادَه لمنادي
أنخَه يحسين و عليله … شَيّعو الحُرَّه النَبيلَه
❃❃❃❃❃❃❃❃❃❃❃❃❃❃
الشاعر : أبو شهيد الأحسائي
الجمعه ١٤٤٦/٥/١١هـ
════════════
*لا يجوز و محاسب شرعاً حذف او تغيير التوقيع*
في ذكر أم البنين سلام الله عليها (وزن المجرشه)
ياشيعي اقره / لأم البنين الفاتحه
ياشيعي اقره. / لأم البنين الفاتحه
★★★★★
ام البساله والعزم. معروفه يوم الصعبه
قدمت ايام العمر. لجل الإمام ودربه
عن اقتدارات وفعل وصلت الهاي الرتبة
ام البنين الاربعه. ضد الظلال. وحزبه
والمجد يفخر / بهاذي الكريمه الصالحه
ياشيعي اقره / لأم البنين الفاتحه
★★★★★
من الطفولة فاطمة بهذا الكرم موصوفه
عفه وكرامات وعلم بين الخلگ معروفه
شاركت حيدر بالمجد من طيبه حد الكوفه
سارت على نهج الوصي. هذا النهج متعوفه
وبنهجه تعلم / حجة الباري الواضحه
ياشيعي اقره. / لأم البنين الفاتحه
★★★★★
الدين گالت غايتي ونهج الوفه من طبعي
الضلع الزچيه الطاهره. فدوه حياتي وضلعي
ياشيعي اقره الفاتحة. لأم البنين. وادعي
وابچيلها شگد مابچت. لحسين وألطف تنعي
بالحشر حبها. / هوه التجارة الرابحة
ياشيعي اقره. / لأم البنين الفاتحه
★★★★★
من اختارها رب السمه من بعد نور الزهره
أتْهوَّن عليه نار الحزن بالدنيا تجبر كسره
عَلَّاَهَا ربها من صفت. تخدم أبيت العتره
ألام الحنونه الطاهره. ياغصن لطيب شجره
افنت عمرها. / الحره الوفيه الناصحه
ياشيعي اقره / لأم البنين الفاتحه
★★★★★
اتوصي ولدها الاربعه. أتصب الدمع محزونه
لحسين ولأمه الفضل. لأبن الوصي ممنونه
لحسين صيروله درع. من كل كتر تحمونه
غبار الحرب من يعتلي اطيحون كلكم دونه
بالحشر تدري / كفت حسين الراجحه
ياشيعي اقره. / لأم البنين الفاتحه
الشاعر حسن لعيبي الحريشاوي
نعي بحق ام البنين عليها السلام
كأني بلسان حال اولاد ام البنين عليها السلام عندما حظرتها الوفاة
اجت ليچ المنية ومحد وياچ
ها يم المحنة اتهمل عيناچ
عليچ أبعاد يمة وما اجيناچ
ما واحد حظر عنچ بعيدين
==================
اليريد ايموت عينة أدير لهلة
ملتمين كلها اتنوح لجلة
هذا ايسبل ايديه ويجبلة
وهذا ايحبة ذاك ايغمض العين
=================
لا عباس اجاچ ولا حظر عون
لاعبدالله لا جعفر يحظرون
يمين شمال گام أدير العيون
تدورين العزيز وماهو الحسين
==================
بالدنيا صدكَ ما شلنا همچ
وبالتشييع ما شلناه جسمچ
حظرنا أرواح يمة اندور يمچ
نلتم من جديد و يانة تمشين
==================
متانينچ تعاي بساع لينة
بلهفة حسين ينطر يالحنينة
كلة ايروح حزنچ يالحزينة
تعاي بساع لينة وموش تبطين
==================
أسألكم الدعاء رائد الاسدي
قصيدة بدوية بحق ام البنين في وداع الحسبن عليهما السلام
ياحادي النوكَي صد لحالها
هاي امَ البنيني بعدك مَن لها
****
ها يولدي الغالي بسيفك محتزم
ومطوكَه عيالك بحــزام الـــــــزلم
يا ناحــره البيدة لاويــــــن العزم
ماهگوتي الديرة وحشة اتخلها
____
هونك على گليبي يمخلي الوطن
عازم تــــخلـــــيني وتهجرني زمن
خبرني يوليدي بنسوانَ المشن
انت الترد بيها لو هي لحالها
--------------------------------------
ياسايجه النوگي هونك بالحدي
يمخلي گليبي يرجف يولدي
تنادي يويلادي انتم مگصدي
وكته الشدد دومن انتم حلها
------------------------------------------
بالعون يوليدي انته روحيتي
افديلك عيالي وروحي ورکبتي
غيرك فلا ودي كلشي بدنيتي
بعد الهجر روحي حزن اينولها
____
يمعگره الخيلي يچبير اخوتك
يا هزبره البيدة براسك ريشتك
انته چفيل او هي زينب رادتك
يا ابا الفضل بيدك عدل احمالها
_
هاذي مظاربكم وديار النبي
فيها الحزن بادي صبح ومغربي
تهجرني ما ودي بس چنك تبي
تطفيها نيرانك حدر دلالها
--------------------------------------
أسالكم الدعاء رائد الاسدي
قصيدة بحق ام البنين عليها السلام
يارحمه الله الواسـعة يم البنـــين الاربعة
باب الفرج للمحتار عدها يصير الماصار
ام البنين الاربعة
--------------------------------------------------
ام البنـين اتميـزت بيها العقول اتحيرت
انخاها لوحاجة اكلفت كل حاجة تطلبها كَظت
انخاها وانته ملهوف ومشي عليها الحسين
تطي الحوائج بالايد تكَظيلك برمشه عين
هاي العفيفة الطاهرة خل يدري بيها الما درة
هايه خزانة الاسرار عدها يصير الماصار
------------------------------------ ----------
بالدنيا لو صابك عسر انخاها يتحول يسر
بالشدة اقره من تـــمر الفاتحة تسهيل امر
أسأل عليها التاريخ من فاطمة ماكو اثنين
نحسبها بعد الزهراء باب الله للمحتاجين
معروفة ساعات الشدد فاز الندبها وانسعد
منقولة عنها الأخبار عدها يصير الماصار
------------------------------------------------
حيدر ترة ايعرفچ عدل واختارچ بحكمةوعقل
ياهي الي مثلچ تحتمل تطي الولد لجل الكتل
اطت ولدها قربـان والباري كلشي اطاها
صارت مَثل بالايــثار باب الفـرج خلاها
بيها دعـُـائك ينسمع والهم بسـمها يرتفع
هيبتها من الكرار عدها يصير الماصار
--------------------------------------------------
ام البـنين ام الوفه بالحاجة تدري وعارفه
علمها حيدر كل صفه عدها الفرج عدها الشفه
اطلبها دوم بأخلاص الـشدة تنحل بساع
ما تعتذر ام عـباس تشـفي جميع الاوجاع
بالــشدة دايم تنذكر ماتـسد باب وتعتذر
يرضى لرضاها الجبار عدها يصـير الماصار
------------------------------------------------
صارت مثل بالمرحمة وعن فاطمة هم فاطمة
المخلص الله ايكرمة كل طلب منها ايتممة
عدها الوفه ماله حدود وي النبي واحبابة
خلاها للـعالم بـــاب الباري ماسد بابة
اذكرها من تدعي العلي لاشك همومك تنجلي
اذكرها عند الاسفار عدها يصير الماصار
------------------------------------------------
اقسم عليچ ابحيدرة وابنچ الكَطعوا منحرة
والبطل سبع الكَنطرة وزينب الحرة الصابرة
قبلـينا عـدچ خدام وسجلينة من خدامچ
نطلب شفاعة من حسين فدوة لتراب اجدامچ
بسمچ طلبنه نرفعة وانتي شفيعة مشفعة
ياحرة عدچ خطار عدها يصير الماصار
أسالكم الدعاء رائد الاسدي
شور فزاعي... ام البنين
عله الگالت اولادي فدوه يرحون
تستاهل عليــــها نلـطم اعـــيون
ــــــــــــــــــــــــــــــــــــــــــــــــــــ
دور بلكي تلگه هيچ نسوان
ربت اربعه شجــــعان وحنان
واحدهم جبل والغيره بركان
ســوتهم خدم لاموش خوان
بروس امدنكه اگباله تگعدون
تستـــاهل عليها نلطم اعيون
ـــــــــــــــــــــــــــــــــــــــــــــــــــــ
ام البنين هيه تكول
فدوه الاسم ابو السجاد يرحــــون
غالي احسين لجله الكل يرخصون
شواي الأربعه كون انـــطي العيون
كون وخادمه امشي ويالضــــعون
أگود حبال بيدي ناگة أم عــون
تستاهل علـــــــيها نلطم اعيون
ـــــــــــــــــــــــــــــــــــــــــــــــــــ
مره هاگد حنينه وشايله احساس
تگل لولادها يمه انتــــو حــــراس
گبال احسين يمه دنگــــــو الراس
وگبل لا يحچي صيرو لريته انفاس
اول ناس اريــــدنكم تفزعون
تستاهـــل عليها نلطم اعيون
ــــــــــــــــــــــــــــــــــــــــــــــــــــ
هنا تحشم ام الغيره
أريدن كربله تسووهـــــا طشار
لكـــــون المعركه لحسين تندار
خلــــو النــايحه ترهم ابكل دار
واريد اكــــبارها تسولف للزغار
غيمه تحولو خافن يعطشون
تســــتاهل عليها نلطم اعيون
ــــــــــــــــــــــــــــــــــــــــــــــــــــ
ندارو عليه ييمه دورت احزام
بصدركم صدو عنه خيول وسهام
بشاربكم ترى كــــــل ذيچ الخيام
تبقى اعيونكم تحرسها مـــــــتنام
وگبل احسين يا يمه تطيـــحون
تستاهـــــــل عليها نلطم اعيون
ــــــــــــــــــــــــــــــــــــ
تمت بفضلهم ص
خادم الزهراء ص
الشاعر والملا ياسر الزيادي
لطميه مربعة ثكيلة لسيدة ام البنين عليها السلام
==================
متانيتكم متانيتكم طالت الغيبه عليه
ورايدتكم
روحي مشتاكه شكثر خلص كليبي الهجر
متانيتكم متانيتكم
يمه يمه متانيتكم
===
خلصت روحي اليالي شمعه شمعه
الدرب حط عله بدليلي اتنه وانعى
الشوك يحرك بيه احسه لسعه لسعه
ماغفيت ولسه احس بلعين دمعه
شكثر تانيت وصحت يولادي
ابعيد دربي والحزن وكادي
كربت ليه المنيه وعاتبتكم
متانيتكم متانيتكم
يمه يمه
===
شكد عتب عندي ومرد كلبي ودليلي
حسين يمه فركتك هدمت حيلي
يابعد ذيج السنين ارجع احجيلي
عيوني عاميها البجي وذايب دليلي
اتوسلت بعيوني تغفه وماغفت
طولت بلغيبه يمه اتوسلك
كربت ليه المنيه وعاتبتكم
متانيتكم متانيتكم
يمه يمه
===
لحضت اغيابك ثكيله ودولبتني
انتضر وصلك ييمه وضيعتني
من عفتني بلمدينه وفاركتني
حنت عيوني وتدورك ماشفتني
بس بجي ليلي اكضيه
والكلب شنهو اليداويه
كربت ليه المنيه وعاتبتكم
متانيتكم متانيتكم
يمه يمه
===
يمه ياسباح كلبي البي اشم حتى الهوى
لاتظن هود دليلي بفركتك جويه انجوه
اعتاب عندي لبو فاضل وين شيال الوه
بكربلاء ريت اني يمكم كون موتتنه سوه
يادليلي بحسرته متاني خبركم
يادليلي ماهده اصوابه ييمه وينزف بهم
كربت ليه المنيه وعاتبتكم
متانيتكم متانيتكم
يمه يمه
===
من اصفن واذكر ليالينه الجزتنه
تهمل ادموعي وكلت شيرد وكتنه
امكم ابرض البقيع اتكول شتنه
خلصت روحي النطاره وفرهدتنه
تفرهد فينه من حملتو عنه
مشيتو ولا لحك بيكم ضعنه
كربت ليه المنيه وعاتبتكم
متانيتكم متانيتكم
يمه يمه
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي ١٢ ١٢ ٢٤ ٠ ٢
قصیدة:چاوین الأعزاز
ـــــــــــــــــــــــــــــــــــــــــــــ
ماعدها جنّاز ساعة دفنها
چاوین الأعزاز ضل عالي ونها
أم اللي ربّت أربعه و سوّتهم أسیاد
یاهو الیشیل أجنازة الماعدها أولاد
ساعة دفنها ضل عالي ونها
ـــــــــــــــــــــــــــــــــــــــــــــــــــــ
اشگد تشیل أحزان..التفگد الولیان..اربعه شبّان..ودّعتهم
هايه أم عباس..الکبّرت فُـراس..بآخر الانفاس..مالگتهم
تعبت علیهم والتعب..گالت یرید أمجازه
هسه اهیه عازتها أجت..یاهو الیسد هالعازه
الماعدها شیّـال یرفع نعشها
حتی امن الدموع یثگل رمشها
ام البنـین ابلا ولـد والـولد ینـراد
یاهو الیشیل أجنازة الماعدها أولاد
طافـح حزنها ضل عالي ونها
ـــــــــــــــــــــــــــــــــــــــــــــــــــــ
بیا نظر واعتاب..تنظر اعله الباب..تدري بالغیّاب..ما یردّون
اشلون اذا میتین..کلهم أمغربین..اربعتهم وین..تبچي لعیون
من طوّح و سار الضعن..ودّت گلبها أویاهم
تدري الزلم لا ما ترد..بس الترد أدماهم
من ذیچ الأیام بدّت بچیها
تدري من اتموت محد یجیها
یوم اعله یوم الحسره ضلّت حیل تزداد
یاهو الیشیل أجنازة الماعدها أولاد
شیرد ضعنها ضل عالي ونها
ـــــــــــــــــــــــــــــــــــــــــــــــــــــ
اشگد ثجیله اهواي..للتضیّع راي..من یگطّر ماي..ابحلگها
من ترید اتموت..یاهو یمها ایفوت..هیّه والتابوت..تبچي حگها
حاچت نعشها المنحني..و محد یشیله اتشوفه
لو حتی ابوفاضل عدل..یا هو الیجیب أچفوفه
وین اهیه لچفوف ضایع أثرها
وین الله عباس یحفر گبرها
وینک یبوفاضل نعش أمک زلم راد
یاهو الیشیل أجنازة الماعدها أولاد
مخیوب ضنها ضل عالي ونها
ـــــــــــــــــــــــــــــــــــــــــــــــــــــ
اشلون ایجیها اشلون..الما بقتله اعیون..عالنهر مرهون..چفه یمّه
ابصدره کومه اسهام..ینلچم لو گام..والعمد بالهام..یجري دمه
یابس عله اعیونه الدمه..یا هو الیدلّي بأمه
عباس من صابه السهم..الدنیا صارت ظلمه
بس وحشة الموت للأم ثجیله
تبچي اعله تابوت محد یشیله
رادت یجي العباس منّه تاخذ أمراد
یاهو الیشیل أجنازة الماعدها أولاد
حنّـت لأبنها ضل عالي ونها
ـــــــــــــــــــــــــــــــــــــــــــــــــــــ
الله یدري الخیل..ابجسمه سحگت حیل..ماله قدره ایشیل..دم جروحه
أمه رادت هاي..للضـعن روّاي..لاتضـوگ الماي..حتي روحه
وفّیـتي یأم الأربعـه..ابدم الـگمر وأخـوانه
نعشچ تشیعه أم الحسن..واهل السمه دفّانه
اجرچ عله الله آه یالحنینه
وافیتي لحسین وانتي حزینه
ریتچ نظرتي اشلون طایح ابوالسجاد
یاهو الیـشیل أجنازة المـاعدها أولاد
یهمل جفنها ضل عالي ونها
ـــــــــــــــــــــــــــــــــــــــــــــــــــــ
عالصدر چتّال..یذبح الآمال..هذه عالعسّال..راس الحسین
جسمه بالطف ضاع..دمه فوگ الگاع..ما بقتله أضلاع..بالمیادین
الف و تسعمیة جرح..کلها ابجسد تتعاله
باقي ثلاثه اعله الترب..محد دناله و شاله
من طاح الحسین سلبو حریمه
لاما شرب ماي بالطف هظیمه
عاد الضعن لاچن بلا والي وعلم عاد
یاهو الیشیل أجنازة الماعدها أولاد
زادت محنها ضل عالي ونها
ـــــــــــــــــــــــــــــــــــــــــــــــــــــ
کلمات خادم الجسین ع
عبدالامیرالناصري...المحمره
▪️يابعد عيني▪️
في مصاب السيده الجليله ام البنين عليها السلام
يابعد عيني ونظرها
خلّص لامك صبرها
الليله اتنام ابقبرها
وانت وين انت وين
———
يمه جا وين الربا وسهر الليالي
يعني اغمض عيني ما واحد اجالي
يمه ساعات المنيه اتريد غالي
للوحوه انظر يردن وجهي خالي
وين يربايه ياغالي
ايروح كل تعب الليالي
ابموتي منكم ضعني خالي
انت وين انت وين
———
روحي اتمنت يبمه اتبات يمكم
وابلحد واحد ننام وحيل اضمكم
يمه لا طيف اليمرني ولاهو ظلكم
اشلون تنسون الموده ماني امكم
اويه الهوا ارسل عتابي
وعيني مشبوحه اعله بابي
وينهم راحوا شبابي
وانت وين انت وين
——-
يمه وآنه اجنازه ما غُمْضَت عيوني
انتظركم يمه واتمنى تجوني
ردوا روحي الليله ليه واحضروني
وحلّفوا احسين اليجي من يدفنوني
ابثوبه هالليله يلمني
ابريحة الهادي يضمني
بعده كلشي مايهمني
وانت وين انت وين
———
والله گلّوله ضماها يرتوي بيك
يمه عطشانه اشيل ودمعي يرويك
ماتت وتتوضى باسمك بس تناديك
يا حسين ابعيده والله اشلون اباريك
روحي مشتاگه لبنيني
وللحسين ابكل حنيني
نظره وايغمضوها عيني
وانت وين وانت وين
———-
✍️ #بنت_الشمري
هايه ام الأربعه الوفايه
تحضر ابكل تعزيه وقرايه
تحجي عن طف كربلاء
......
١؛؛؛؛؛؛؛؛؛؛؛؛
يا خادمهه ... اخلص يمهه
هاي الوفيه الطاهره الخادمهه متعوف
كلشي انطيهه ... الروح اهديهه
تستاهل ام الاربعه المنحر والاجفوف
تستاهل ام الأربعه
تهديهه كَـد المشرعه
دمعات عين اموزعه
ودم منحر اليصب
لحسينهه امضحيه كَـمر
ياهو المثلهه ابهل بشر
وثوبث للماي بنهر
هذا الأمر صعب
سوت الما وحده المسويته
خادمه ادكَـول العلي وذريته
لوحه رسمت بالولاء
..........
٢؛؛؛؛؛؛؛؛؛؛؛؛؛؛؛
أم الأربع .... تنطي امربع
لليكَـصدلهه بحاجه عنده وكلبه مهموم
روح اتكَـله .... ما اتخله
الحاجه يمي تنكَـضي بالساعه مو يوم
تشهد عليهه كربله
كلمن ندبهه ابمسأله
تكَـضيهه باللحضه اله
ما ينتظر شهر
معروفه توكَـف بالشدد
للي كَـصد والما كَـصد
بالفاتحه اتحل العكَـد
ام الكمر فخر
إقره الهه الفاتحه وانخاها
حاضره اتحل شدتك تلكَـاها
اي وحق راعي اللواء
.....
٣؛؛؛،،،،،،،،،،،،
ام الكافل .... مترد سائل
ليل وصبح باب الهه من الجنه مفتوح
ترفع قدره .... الحَب الزهره
متعوفه وحده بحيرته اويه الدمعه والنوح
كل البشر بيهه اتحلف
بالغيرة رايتهه ترف
الغربه تشهد والعرف
أعظم مره العلي
بعد الزجيه فاطمه
اتحبهه ملائكة السمه
أي وحق حماي الحمه
هالصيحه تعتلي
جان اسمهه فاطمه البدويه
وهسه صارت فاطمة العلويه
بيهه تحجي ارض وسماء
......
٤؛؛؛؛؛،،،،،،،،،
البدويه .... ابكل لطميه
تلكاهه تلطم عالصدر واعله الضلع حيل
يم المنبر ... تحضر تحضر
تبجي لبنهه المنسحك بحوافر الخيل
لحسين حبهه من صدكَـ
بي سولفو اهل العشكَـ
ميته وكلبهه محتركَـ
سلطانة الوفه
مابيهه كل ذرة عتب
تاريخهه انخط ابذهب
شايل عجب يابو عجب
خاتمته عاطفه
حارت اشتكتب عليهه اقلامنا
بيهه تحجي الهسه هاي ايامنا
فاطمه ام الوفاء
..............
٥؛؛؛؛؛؛؛،؛؛؛؛؛؛
بيهه اتباهه ... من سواهه
باب الحوائج تكَـصدلهه سائر الناس
أعظم نعمه .... الهاي الأُمه
أم البنين الخلفت عباس عباس
كل خير من عدهه نَعم
الله جعلها افضل نِعم
بوجودهه الكون ابتسم
وتناثر الضوه
عنوان مدرسة الصبر
ترتيل قرآن الفجر
مفتاح تسهيل الامر
أم حامل اللوه
الله رازقهه بجميع الطافه
ابذكر اسمهه كل علل تتشافه
احروف اسمهه اعظم دواء
.......
✍️🏻 كلمات موسى الخادم
في ذكرى وفاة السيدة أم البنين (ع)
قرِّي العين .. يم لبنين .. ذكرج يبقه عالي
&&&&&
يوفَّايه .. إلج رايه .. تظل فوكـ السحايب
ترف غيره .. و أبو الغيره .. سَلَّمْها المواكب
رغم دهرج .. يظل كبرج .. أيقونةْ مناقب
و أحبابج .. على بابج .. يشوفون العجايب
يم عباس .. شيلي الراس .. بعده اسمج يلالي
&&&&&
بِدْوِيَّه .. أُو مرضِيَّه .. و الباري ارتضاها
زوَّجها .. أُو توَّجْها .. ابـ نفس الهادي طه
مِثِل آيه .. أُو عَطَّايه .. ثغر الحُب تلاها
و الدنيه .. اركعت هيه .. يم كعبَةْ عُلاها
دَنَّكـ لج .. و الـ فضلج .. قُرآن المعالي
&&&&&
هالحُرَّه .. أُو هالدرَّه .. عِدَّ الله جليله
او لولاها .. وَحَكـ طه .. ماكو عدنه حيله
من نوكَع .. أُو نتلوَّع .. او شِدَّتْنه ثجيله
نتعنَّه .. أُو بالونَّه .. للكلها فضيله
بس هيه .. بالدنيه .. يا عالَم مآلي
&&&&&
تِعَلْمِينه .. تِفَهْمِنه .. خِدامَةْ بو الأيمه
كرامتنه .. ابـ علاقتنه .. المتينه ويه إسمه
او ذاكه اللي .. الشمر يغلي .. بَعَد لا ما نِكَلْمه
اليحِب فاطم .. معاه لازم .. اِنْتِقاسَم نسمه نسمه
ابمدرَستج .. و ابـ بختج .. اتعَلَّمْته كمالي
&&&&&
إذا تقره .. الحَمِد مرَّه .. تسهِّل هيه أمرك
و إذا انته .. الرِّضا رِدْته .. منها هَشْمَه صدرك
لَوَن تحمِل .. مَرَض يِكْتِل .. او رِدِت هيه تحظرك
بسِّ انحَب .. على زينب .. او شِفاءَك بيْه تبشرك
عالمذبوح .. وِنِّ او نوح .. او تشفه ما أغالي
&&&&&
تره ابطفَّه .. صُفَت كلفه .. و أبو فاضل سِطَرها
شَد غيره .. وره غيره .. و الحومه كِسَرها
زعل زمجر .. فِنَه العسكر .. او لـ اجهنم شُمَرها
ذَب هذا .. على هذا .. و ابخزره نحرها
طَرِّ الهام .. و الصِمصام .. حُبَّه للغوالي
&&&&&
خادم أم البنين (ع) : إبراهيم الدريس
في ذكرى وفاة السيدة أم البنين (ع)
يا مدرَسَةَ الوفاءْ .. جاءَتْ لكِ كربلاءْ
تَبكي مَعَها السماءْ .. يا أمَ البَنينْ
& & & & &
يا مدرَسَةْ عزِّ اوإبه اوطيبه اوكرامه
ظلت تِفاخر عالزمن بيج الإمامه
لو جبنه طارِيَّه الوِفه إنتي له هامه
اويا هِي كرامه امْن الطُهُر لِج بالقيامه
مُذ تهتِفُ يا جَليلْ .. والمدمَعُ ذا يَسيلْ
خُذ ثأرَ يَدِ الكفيلْ .. يا أمَ البَنينْ
& & & & &
يا مدرَسَه اوما صح نظير اِلها بِلَزْمان
متروسه غيره وَيْ شرف متروسه إحسان
إلها الفداء اوْيه الإبه والشيمه عنوان
اومنها تِخَرَّج فَد كمر تقديره إيمان
قد خرّجَتِ الجَلالْ .. واسماً أرعَبَ النِّصالْ
نادى وَسَطَ النِّزالْ .. يا أمَ البَنينْ
& & & & &
إلليله يمِّج كربله يسفَح دَمِعْها
اوهاي السِّمه لمصيبِتِج ينزِف ضِلِعْها
عباس ابو الغيره ابحزن رايه اورُفَعْها
اوكلمةْ (يأمِّ الأربعه ويلاهْ) طُبَعْها
عباسٌ بِلا كُفوفْ .. قد جاءَ منَ الطُفوفْ
والدمعُ بهِ يَطُوفْ .. يا أمَ البَنينْ
& & & & &
اشلون احنه نقره الفاتحه عالفاتحه اشلون ؟!
اوكلي لي بِحرُوف اوجُمَل يتوصَّف الكون ؟!
بسِّ انتي يا أمِّ البَنين ابأربع اعيون !!
اوبالطف جَعلتيهُم فِده الْـ(كافَ الله والنون)
يا فاتِحَةَ الكتابْ .. يا مَن إسمُكِ سَحابْ
لا يهطِلُ بالعذابْ .. يا أمَ البَنينْ
& & & & &
إسمِج يأمِّ الأربعه عالراس اوعالعين
اولَهْلِ الوِفه يمِّ الوِفه إسمِج صُبَح دين
السانِج لحد آخر نِفَس ظل يهتِف احسين
الهذا انتي أم لِحسين لا مو أمِّ لِبنين
يا عاشِقَةَ الحسينْ .. تَبقَيْنَ مدى السِّنينْ
أماً أنتِ للحَنينْ .. يا أمَ البَنينْ
& & & & &
اغْيابِج جِرَح كلب العقيله الليله بالشام
وانتي الوَحيده التِعْرُفين اشضام آلام
صلى اعله جسمِج بو الفَضِل واحسين اوجسَّام
وانرُفْعَت ابطيبه إلِج بالونه أعلام
يا أمّاهُ بالدُموعْ .. قد أُطْفِأَتِ الشُموعْ
والحُزْنُ احتوى يَسوعْ .. يا أمَ البَنينْ
& & & & &
خادم أم البنين (ع) : إبراهيم الدريس
في ذكرى وفاة السيدة أم البنين ع
يتنازف القرآن
يبچي گمر عدنان
غابت الليله أم البنين الحبيبه
والجرح يكبر إذا يرحل طبيبه
يبچي گمر عدنان
&&&&&
اشـ هالمصيبه
الليله بالحسره انطفت شمعةْ فضايل
يا هظيمه
وگف گلب الچان نهر الغيره شايل
بالمواجع
مدمع القرآن هاي الليله سايل
او ها يشيعه
بالمجالس خل نواسي أبو فاضل
هالليله يا هالناس
خنواسيِ العباس
الدنيه بعد أم الوفه وحشه او كأيبه
والجرح يكبر إذا يرحل طبيبه
يبچي گمر عدنان
&&&&&
الفاگد أمه
اتشوف خده امن البچي و ادموعه ناگع
ابطول عمره
كل نفس يتنفَّسه ايزيد المواجع
گمر هاشم
ماتت أمه او صارت اتكسره المدامع
أبو فاضل
بالگبر صح هوه بس حس روحه ضايع
صح بالگبر هوه
بس گام يتلوَّه
امصيبةْ الأم يا بشر أعظم مصيبه
والجرح يكبر إذا يرحل طبيبه
يبچي گمر عدنان
&&&&&
أم البنين
من مشت وحشه صفت هاي المشاعر
و المنابر
صارت اعليها تصب دمع النواظر
تبچي بالآه
او حيل تلطم عالصدر شفت الشعائر
ابنص مهجنه
فرگة أم الأربعه طبعت حوافر
فرگتها أم البنين
جرح او يظل بالعين
و الأجلها كل گلب نسمع نحيبه
والجرح يكبر إذا يرحل طبيبه
يبچي گمر عدنان
&&&&&
يم كرمها
كل نهر هوه يغطِّ ابمستحاته
او دين ألله
اعليها من كثر البچي يبست لهاته
الما عرفها
ما عرف عباس هذا او تضحياته
منها ماخذ
يا بشر يا ناس أبو فاضل صفاته
كل غيرته او معناه
من عدها إيه والله
الـ مجلس أمه غيرته الحلوه تجيبه
والجرح يكبر إذا يرحل طبيبه
يبچي گمر عدنان
&&&&&
يصرخ احسين
اتروح أمي الليله يا عالم هظيمه
او هذي زينب
بعد أم الأربعه صارت يتيمه
اجروح عاشر
امصيبة أم عباس صارت الها هيمه
و المُخَيَّم
من دهر موَّت وفه صاح الظليمه
الربَّتنه عالغيره
خلَّتنه بالحيره
مثل هالمرأه ابهظم ترحل عجيبه
والجرح يكبر إذا يرحل طبيبه
يبچي گمر عدنان
&&&&&
الليله ماتت
أم البنين اللي شالت روح خضره
يا حسافه
راحت التبچي على المظلوم او نحره
دوم تبچي
على ذاكه السحگت الخيَّاله صدره
غَمُّضَت عين
بيها صورةْ زينب او الأيتام أسرى
عالمنهشم ضلعه
لآخر نفس تنعه
هيه ماتت و السبب شيبه خضيبه
والجرح يكبر إذا يرحل طبيبه
يبچي گمر عدنان
&&&&&
إبراهيم الدريس
في ذكرى وفاة السيدة أم البنين (ع)
تهيئة عزاء
ويلي على أم لبنين
بالهم گضت لسنين
ينعاها ظل الدين
الليله لفاها البين
شالت ألم جرحين
جرح الگمر و احسين
تبچيها دم كل عين
إبراهيم الدريس
يا ام البنين
ابوذيات
آنــه ام الـلـذي وفّــه .. وكـفّـه
وضل شاهد أله جوده .. وكـفّـه
لـعـمـيـلـه نـظـر عيني .. وكـفّـه
وجـوه الـگـاع هـم انـصب عـزيـه
*---------------------------*-------------------*
جــرح عـبـاس دمـعـاتـي .. وشلهه
ومصابه نحّـل اضلوعي .. وشلهه
الـمـثلـي تــعـيـش ألـمـن .. وشلهه
بـعـمـر مـابـي گـمـر يضوي عـلـيّـه
*------------------------*-----------------------*
✍خادم ام البنين ع
الشاعر رعد الجريخي
قصيدة لوفاة ام البنين عليها السلام
ياام الاقمار .. الليله المدينه
ياام الاقمار .. وحشه وحزينه
بدرچ خفه وغاب .. ياام الاطياب
...........................................
يا مره المثلچ ضحت بشبان واقمار اربعه
عبدالله عثمان وعون عباس راعي المشرعه
تنطي النفس لأجل حسين موبس چفوف مگطعه
عنوان صرتي للوفه وللخلگ صرتي شافعه
ياام الانوار .. نورچ فگدناه
ياام الانوار .. يومچ نعيناه
صعبه هالمصاب .. ياام الاطياب
....................................... ..... 1
ياصابره لحد الممات عشتي الجزع يم البنين
من بعد آهات الطفوف مهضومه من بعد الحسين
بالنوح عمرچ ينگضي بأحزان ودموع وأنين
تحملتي لوعات الزمن يم الگمر هاي السنين
ياام الاطهار .. بصبرچ عظيمه
ياام الاطهار .. رحتي هضيمه
تبچيلچ احباب .. ياام الاطياب
............................................... .. 2
مضرب مثل للناس صرتي بالوفه والعاطفه
تقضيله حاجه اليعتني واليطلب مراد وشفه
تعلمتي من بيت الولي حيدر واخذتي المعرفه
وكرمچ بارينه لعلي بأربع اقمار مشرفه
ياام الابرار .. اليتنخه بالحسين
ياام الابرار .. للحاجه تگضين
الينخاچ ماخاب .. ياام الاطياب
.................... ................. ..... 3
تواسين زينب بالحزن يم البنين الطاهره
عبره وغصص عشتي العمر للبچي انتي معاشره
ماتخلص هموم الگلب بعد الطفوف وماجره
وافيتي لحسين الولد للنسه صرتي مفخره
ياام الايثار .. كلهم بالطفوف
ياام الايثار .. توذرهم سيوف
ضماهم تراب .. ياام الاطياب
....... ................................... ... 4
وحشه المدينه ومظلمه بعد الحسين واخوته
والغالي ما اظنه يرد طالت علينه سفرته
لمن وصلنه هالخبر والناعي ينعه مصيبته
ضاگ النفس بيه وصحت آيالحسين وشدته
ياام الاخيار .. بجمر المصيبه
ياام الاخيار .. گلبچ لهيبه
ماحاسبه احساب .. ياام الاطياب
........................................ .. .. 5
خادمكم مالك السعيدي
نَنعاكِ بالأنين. يااُمَ البنين
_
اليــــــومَ جِئنا بقلوبٍ دامـــيه.
مكسورةٍ وبـــــــالعَويلِ ناعيه
هذي الدموعُ مُن دِماءٍ جاريه
فالكُلُ يَفنى والمواقِفُ باقيـه
بالدمعِ نستعين. يااُمَ البنين
__
اليومَ نقرأُ للوفاءِ الفاتـــــــــحه
طاهرةٌ امُ البـنـيـــــنِ صالحــــه
دمعاتُ عيني للخُدودِ جــــارحه
وفي البيوتِ حانَ وقتُ النائِحه
تبكيكِ كُلُ عين. يــــاامَ البنين
___
معَ الزمانِ لـــي عِتابٌ ياتُرى
أيُدفَنُ الحنانُ ماتحتَ الثَرى
لكِنَـــــــما كَفُ الوَفا لَن يُقبَرا
اصبَحتِ باباً لحوائِجِ الوَرى
نَأتيهِ كُلُ حين يااُمَ البنين
__
فـــــــــاطمةٌ أُمُ الليوثِ الاربعه
بالغُربِ ماتت يالَها مِن فاجِعه
وابـنُها العباسُ سيدُ المشرعــه
الارضُ تبكي والسماءُ السابعه
ويومُنا حزين. يااُمَ البنين
__
مِن بعدِ فاطمَ هيَ أوفى فاطمه
بــــحُبِ أبـــناءِ البتولِ هائِمـــه
وللحُسينِ هيَ كانت خــــــادمه
وعن يـــــقينٍ بـــالإمامِ عالمه
نُرثيكِ بالحنين. يااُمَ البنين
___
امُ البــنينِ قُــــــطِعَت احـــــــشاؤها
لَن يَشَفَ مِن يومِ الطفوفِ جـرحها
فَقدُ الحـــــــسينِ هالَها وهَـدَهـــــــا
مِن بعدِ عيـنيـهِ تَـمَنت موتَـــــــــها
مازِلتِ تنحبين. يااُمَ البنين
~
حيدر بشار الدراجي
ثگيل
ام البنين والوفاء عليها السلام..
مالي لذه بدنيتي ولا أمنيات
حسين يرجع يلا ترجعلي الحياة
ننتظر جيتك.. انا وابنيتك
___
اصبر ونظر درب اضعونه بالكت يرجع ليه ابخير
اول مره يمشي عني واخر مره هاي تصير
اذكر عشرتي وياه ورد اتئمل النوب
المغرب جيته ظيم عل متاني محبوب
تعيش الناس وتروح وانه مگابله البوب
متعوبه اعل فرگاه وهوه حسين متعوب
تجري ادموعي الحزن كل السنين
حسين تارسها وبعد ماعدي عين
يمه تانيتك.. انه وبنيتك
____
مو بس انه انطر ضعنه عده ابنيه بس اعليله
تكسر كلبي شما كالتلي يرجع يمته ضعن العيله
أشيخلي الجرحه ويطيب المفارك حسين
فوك المرض والليل ضعن الاهل ماشين
هوه الدوه الحسين بس ماهوه الحسين
تنوح وتبجي جندوب مابين الحياطين
مره ترسم بيت رد حسين ليه
مره عبدالله ترسمه تلولي بيه
ياحزن بيتك.. انه وبنيتك
____
ردت زينب وانه انضرها من مشيتها تتمايل
ردت لاكن شو وحدها ماهو وياها رد الكافل
ابعبايه امتربه واه متروسه مصايب
چن هاي العبيات طبوهن خرايب
القبل جانن أميرات شو جنهن غرايب
ارتاحي اهنا يم عون من كثر النوايب
اجت مهضومه زينب تحجي بالكوه
متت كالتلي لمن ماتت الخوه
أبروحي ونيتك.. انه وابنيتك
____
زينب بالله كولي اوليدي خاف امقصر لا عباس
كالت وسفه شلون يقصر الحدبني رافعلج راس
هواي اجروح الحسين كالتلي الاصعب
لمن طاح عباس ضهر حسين حدب
من الخيم للماي شعر راسه شيب
رد مكسور ويكول عينيني زينب
طاح وسفه العلم من جفه والجود
وكع ذاك الطول لمن طكه عامود
ماطحت ريتك.. انه وبنيتك
____
بس كتلها حسين شلونه وشلون عيونه الحلوات
خو ما ضل عطشان وليدي لاكن كالت هل جلمات
منين احجيلج منين من ياهيه اكابر
صاير صدر الحسين معبار الحوافر
خيل وجيش وسهام تل احجار صاير
و ردينه غريبات مكسورات خاطر
جروح اهواي رد الضعن متعوب
عفنا احسين فوك الكاع مسلوب
ننتضر جيتك .. وانه ابنيتك
____
محسن الحمداني
اللهم عجل لوليك الفرج
قصيدة جديدة بحق ام البنين عليها السلام
ماتت وهية تنحب ما نشفت العين
طول العمر تنادي آيبــني يحسين
اتنوح اعله ابنها اويلاه يوليدي
اتريـــدة بدفنها اويلاه يوليدي
=====================
ما گطعت النوح من فگد الاولاد
لا تهــــنة بالماي لا تهـــنة بالزاد
من الحزن يوم مدمعها ما هاد
لا صحة لا لون حتى الجسم باد
بعد الولد علـــيلة ماريدن الروح
شلي بحياتي وانة دلالي مجروح
زايد حزنها اويلاه يوليدي
اتريدة بدفنها اويلاه يوليدي
======================
كبرت على النوح حسرة بدليلي
ما ادري بـــــنهار ما اعرفة ليلي
من أيدي وتــــروح يا يمة ويلي
مشتاگة الك موت يادمعة سيلي
تدري شكثر حنينة يا اغلة مني
عني رحــت يغالي والهم كتلني
روحي أغلى منها اويلاه يوليدي
اتريــــدة بدفنها اويلاه يوليدي
====================
من راح الحسين دنيتها دارت
وابحر الشموس گعدتها صارت
ما يرجع المات شتسوي حارت
من صب الدموع عيناها غازت
عافيتي كلها راحت يبني بغيابك
شيب دليلي اشتم ريحت ثيابك
شيب جفنها اويلاه يوليدي
اتريدة بدفنها اويلاه يوليدي
====================
گبور امن التراب سوتهن الكم
عنــــي يالولاد شو رحتوا كلكم
من غبتوا لليوم موحش نزلكم
ايزود اعله يعگوب حزني لجلكم
گبرك رسم رسمتة كل ساعة ازورة
والماي ارشة يبني وأشعل بخورة
مو هذا ظنها اويلاه يوليدي
اتريدة بدفنها اويلاه يوليدي
====≠==================
وكت المنية رادت يمها الاطايب
عن يمنتي وشمالي محبوبي غايب
اه يا دهر ليش خذت الحبايب
ما تسوة العتاب دهري واعاتب
بالدنيا ماهو يمي ابساعة مماتي
يلتم شملنة ثاني وتبدي حياتي
يخلص حزنها اويلاه يوليدي
اتريدة بدفنها اويلاه يوليدي
===================
أسألكم الدعاء رائد الاسدي
قصيدة بحق السيدة ام البنين عليها السلام ( طور اهوازي)
هاي ام البنـــين اتلوج زايد عالــولد ونها
ظلت بس تدير العين بالموت انگطع ظنها
آه يحسين يا يمة آه يحسين يا يمة
=======================
ابن ادم من يجيه الموت ويوصل لاخر انفاسة
اعزازة بكل حـــزن تنعاه تــلتم كل هلة وناسة
هذا ايحبة ذاك اينوح هذا اليبچي يم راسة
تلوج ام البنين اشلون غـــياب الــولد عــــنها
آه يحسين يا يمة آه يحسين يا يمة
========================
يمها بس علي السجاد يون وينحب اعليها
يطيبة ام الوفة والطيب صعبة الفرگة تدريها
تمنيت الابو موجود يشوف الربتة شبيها
العين ادير يمنة شمال تدور اعله الابو چنها
آه يحسين يا يمة آه يحسين يا يمة
==========================
العدها بنية وكت الموت بـــيديها تنگط الماي
زينب ماهي يم عباس يمچ وانتي ادرة بهاي
ربيتي وتعبتي سنين وتالي اوحيدة بس الداي
يحسين الحكَ تنادين امك يبـــــني چــــفنها
آه يحسين يا يمة آه يحسين يا يمة
===========================
عزيزتكم يا ال البيت اجت ليكم تلگوها
گلبها امجرح ومحزون بوجه حسين داووها
خلها اتحبة واتشم بيه تشبع شوف خلوها
شبعت ضيم لمن راح فلا مرة ضحك سنها
آه يحسين يا يمة آه يحسين يا يمة
==========================
شفتي من الزمان اهوال اذية شگد تحملتي
الله اطاچ خـــير هواي باب لرحــمتة صرتي
نطلبچ طلبة يم عباس بجاه الي عليه نحتي
يعــــجل للإمام الغاب ربـــنا وتنفــرج لنها
آه يحسين يا يمة آه يحسين يا يمة
========================
اسالكم الدعاء رائد الاسدي
وفاة مولاتنا الطاهره ام البنين ص
خِيرة النساء
راحت وملچومة گــــلب
جرح العشگ ماله طبيب
يشفه لـــون ردله الحبيب
وام الغيره..... ضلت تتأمله
لـــــــضعونه....شگد حب شايله
عـــــــذبها...طاريِچ كربلـــــه
والليـــــــل
يقسي وي اليتاني
ساعات الثـــــواني
يخيم وبســــــــواده
خلاهـــــــــــا تـعاني٢
أم البنين.. يافاطمه.. أم البنين... يافاطمه
ــــــــــــــــــــــــــــــــــــــــ
أم گلب مكسور
ندري اليفارگ ينكسر
وما يـرهم الكسره جبر
يتصبر او مـــــــر الصبر
سكنت دربه..والينطر يحترگ
لعيونه... ذوّبــــــــاها العشگ
معذوره... چي حبت من صدگ
والشوگ
لحسين وخـــــــــواته
ولكلهن بناتــــــــــــه
للطفلــــــــه رُقيه
ولكل ذكرياتــــــــــــه
أم البنين.. يافاطمه.. أم البنين... يافاطمه
ــــــــــــــــــــــــــــــــــــــــ
عاشت ابعذاب
تلچمها نسمات الهوه
طبع اليحب يشبع ألم
مثل اليفز بجمل حلم
ضحت كلشي...ألحـــــره بأاربعه
تدعي الله... ألغالي يرجعه
اغيابه... گلبها شالعه
تمنت
ايرد الها أبنهــــــــا
أيغمض جفنـــــــــها
يشـــــــــيل الجنازه
ويحظـــــــــــــــر دفنها
أم البنين.. يافاطمه.. أم البنين... يافاطمه
ــــــــــــــــــــــــــــــــــــــــ
بچت الوجود
ونتها وصلت للعرش
لطمت لمن كسرت ضلع
ذابت قهر مثل الشمع
رسمت صوره...بچت أهل السمه
رمح شايل.. من راسه يخر دمه
يمه طفله......مچويه وهايمه
شالت
الطاسه او بيديها
وأذن امسلـــبيها
كل ضنها اتلوحه
اوسوط امتعبيهـا
أم البنين.. يافاطمه.. أم البنين... يافاطمه
ــــــــــــــــــــــــــــــــــــــــ
تمت بفضلهم ص
خادم الزهراء ص
الشاعر والملا ياسر الزيادي
وفاة ام. البنين ع
رد يبن حذلم لعد طف الحسين
واصعد اعله التلّه وانعه ام البنين
++++++++++
رد يناعي وتعرف ابروحي اشتريد
مو بنيني مطلبي حسين الوحيد
ايلوح فوگ التله گبره مـن بـعـيد
لا تعيد اجروحه واسمع مني زين
++++++++++++
نادي بس عالراس لا تشبچها اديك
امن الحصيره ايلملم ضلوعه ويجيك
يوگف ويوگع ترى ويزحف عليك
يذكر الصاحتله سلبوني بأنين
+++++++++++
بالنيابه اگباله عني احچي بخـشوع
مو منيتي گله كتلتني الدمعوع
اتواكلت لضلوعك ابصدري الضلوع
مو عطش گلبي التفطر بالحنين
+++++++++
غمّضت عيني الك گد مابچيت
وسبّلوها البيها ترجعلي دعيت
من قميصك وصله لو ترجعلي ريت
والبصر يرجع وانوحك مرتيني
+++++++++
هاي اخير احچايه مـني بيها اگول
اعليك طلعت روحي والزهره البتول
ودي ما اموت العمر لجلك يطول
بين دمعي ولطمي وابني گبور طين
++++++++++
صد يناعي للنهر واحچيها حيل
ابعبرة المهظوم نادي اعله الكفيل
ماتت امك والنعش رايدله شيل
عن دفنها صاحو العباس وين
+++++++))))
ثائر الربيعي
موتي....بكربله
شكد اشتاك اله......ييمه
وافاني الاجل
غربه بلا اهل........ييمه
********
كلبي ينطر الكافل............بناياي
بنيت من الحزن جرحي ...بناياي
راحو اربعه بالطف .......بناياي
لبوسجاد هاي اجمل هديه
اسأل ونتظر
بدموع الصبر......ييمه
ثكلي لو حمل
غربه بلا اهل.......ييمه
*********
اون ودموعي ماتخلص....بهاماي
وسباني حسين بفراكه.....بهاماي
المحب لو رايد اختمله . ..بهاماي
وفائي وبصمتي بالغاظريه
خلصت ...العمر
بس موج الهجر.....ييمه
المدمع لوهمل
غربه بلا اهل......ييمه
********
جرح بعضاي مايشفه.......ولاطاب
مشاعر خاطري وكلبي......ولاطاب
عكب عينك انه ابيتي......ولاطاب
كرهت الدار عكبك والثنيه
ابعمري اتبرعت
وبعهدي اصدكت ....ييمه
اقرالك مستهل
غربه بلا اهل .......ييمه
*********
يا ليل الغرب ابچفاك........ ماجن
العقل ماريده لو بحسين......ماجن
نطرت انه الفواطم ليش ....ماجن
عيال حسين تتاخر عليه
محروكه الخيم
مذعوره الحرم.......ييمه
تركب عالهزل
غربه بلا اهل........ييمه
********
ربيت الولد لجلك...........وعيناي
وكت الضيج اريدنهم.......وعيناي
صرت روحي يبواليمه ...وعيناي
وحسك بالنفس يبن الزجيه
ولا طارش يمر
كلبي عله جمر......ييمه
انتظر الامل
غربه بلا اهل ......ييمه
********
انه بحجر المنيه اصبح......وعتباي
يعت بيه الحزن يمه..........وعتباي
تمنيتك تطب داري..........وعتباي
تشيل جنازتي بيوم المنيه
آخر....لحظتي
تحضر دفنتي .....ييمه
ريتك بالعجل
غربه بلا اهل ......ييمه
*********
تمت بعون الله
خادمكم..... يوسف الفتلاوي
(قصيده لأم البنين )
افتخر بين الناس اني الجبت عباس
صار السند لحسين ضحاله بالچفين
افتخر بين الناس
༻༺🔹༻༺🔹༻༺
من كربله ــ بيتي خله ــ ابچي الليالي
الشالو هله _عاش البله_لفكد الغوالي
اني ام البنين وانعـه ليل انهار
وين اللي يواسيني بدمع مدرار
مصاب الي شلع كلبي ابد ماصار
على الطاحن جفوفه للزمن تذكار
كلبي نشلع بالنوح
وآيبني يامذبوح
عطشان وروه الدين
ضحاله بالجفين
༻༺🔹༻༺🔹༻༺
ام البنين ـ ام الحسين ـ ام زينب اني
ابزود الولي ـ حيدر علي ـ كبرلي شاني
آنـه ام البنين ونـوري ضـل وهـاج
اگظيها الچبيره لو تصير امواج
جبتلكم گمر والزاره مثل الحاج
باب الله ويگضي الحاجه للمحتاج
يندبونه ابني بهاي
إِ يروي كل ضماي
وليدي فداها العين
ضحاله بالچفين
༻༺🔹༻༺🔹༻༺
طاح الكمر -فوك النهر-هاي العجيبه
صعبه الكفل -حره وطفل -راعي الكاتيبه
صحيح اعله الرمح ابني انرفع راسه
لچن محد وصل خدر اخته وجاسه
محروسه ويضل حمايه عباسه
يضل ضاوي الكمر وتشوفه كل ناسه
راعي الكفاله وزود
التاريخ اله مشهود
اخ وســند ومعـين
ضحاله بجفين
༻༺🔹༻༺🔹༻༺
شيخ نعرف -وبيه اعترف -ذباح اخيه
كالو علي- وجنه الولي -سيفه الاذيه
بصولاته علي جنه وبرز للشر
انهز الجيش من صاح وبده كبر
جنه الموت من سيفه لمع احمر
حملاته مثل حملات علي من كر
مثل الصكر لوصال
بالحومه شيخ رجال
لو شدهن حزامين
ضحاله بجفين
༻༺🔹༻༺🔹༻༺
ضل منكسر_جيش الكفر_سيفه شتعل نار
اين المفر_طب الكمر_خلاها طشار
الزينب كال اذبحه اليدنه خيمتها
وصيت والدي وللدوم هيبتها
يضل شامخ خدرها وجوه شامتها
چــفي منكطع لو عايل العتهه
راعي الوفه وزود
بهذا الوكت مريود
عباسي حيل حنين
ضحاله بالچفين
كلمات احمد السالمي
༻༺🔹༻༺🔹༻༺
في ذكرى وفاة السيدة أم البنين (ع)
يم البنين أنخاج نخوه يالكريمه
&&&&&
امن اتضيكـ يا أم البنين اعليه دنياي
او ينسَد عَلَي كل باب او ما يبكالي أي راي
ايكِلِّي عَطَش دلالي بس أُمِّ الوِفه ماي
إكصِدها لا تبكه تعيش ابألِف هيمه
&&&&&
يم لربعه أرفَع إلِج هاي الأيادي
او بسمِج الطاهر كل وكت أهتِف و أنادي
اِدخيلِج يحُرَّه اِنطيني هالليله مُرادي
او لَتْعُوفي روحي تِنْتِحِب مثل اليتيمه
&&&&&
الـ روحِج من أقره الفاتحه كل صعبه تِسهَل
ما غير بابِج كلبي وكت الشِدَّه يندَل
آنه أدري مَتْقِبْلِين يمِّج آنه أنذَل
او لا تِقْبَلِين الـ غيرِج أمشي يالعظيمه
&&&&&
بالدمعه يم النخوه هاي الليله أنخاج
هذا اليوِن منِّ المرض كون اِهْوَه بحْماج
شافِيْه يالإيدِج شِفه أرجاج أرجاج
اعليج اللي ضربوا من بعد عينه حَريمه
&&&&&
يم البنين اعليج أمشِّي نحْر لحسين
و أقسِم عليج ابـ فاطمه او كسرَةِ الضلعين
من سجنه كل مسجون خَلْصِيْه يم لِبْنين
او ذُرِّيَّه إنطي اللي انحِرم و انتي رَحيمه
&&&&&
ابجاه الرضيع اللي انذِبح بالغاضريه
او ذاكه اللي جِثْته اعله الأرُض ظلت رِميه
رِدِّي الـ هَلَه كل غايب او طَوَّل الجَيه
او كل خادم اعله الخدمه كولي الله يدِيمه
&&&&&
ما عندي يم الأربعه غيرِج وسيله
أقسِم عليج ابدمعةِ الحُرَّه العقيله
او حيرَتْها من ضربَوا مَتِنْها أهل الرذيله
لا تِرْجَع أصحاب الحوائج بالهظيمه
&&&&&
يم البنين ابداعَةِ الكطعَوا يمينه
او هشِّمَوا راسه و ابسَهَم طفُّوها عينه
خَلِّي النَّظَر يم الوِفه دايم علينه
تدرين هاي الدنيه غدَّاره او لَئِيمه
&&&&&
خادم أم البنين (ع) : إبراهيم الدريس
في ذكرى وفاة السيدة أم البنين (ع)
أم البنين تخاطب الحسين (ع)
لُو عندي وِلِد مو أربعه عشره
أنذرهم الـ عينك و أشعُر امقصره
تبكه انته الحبيب او إحنه خِدَّامك
ما نِسوه ألم واحد من آلامك
أنذرهم الـ عينك و أشعُر امقصره
&&&&&
تدري انته اشكثر أم لربعه اتحِبَّك
سيِّد مو إِبِن هي دايم اتحِسبك
الدنيه ما تساوي ذرَّه من تُربك
و اذا إحساسي صلَّه قبلتي كلبك
بس انته التشوفك كل فجر عيني
او على امصابك وَقِف خلّيت أنا اونيني
اتروح الدنيه فدوه الـ خطوَةِ اِجدامك
ما نِسوه ألم واحد من آلامك
أنذرهم الـ عينك و أشعُر امقصره
&&&&&
وصّيت الوِلِد عالجِدْمِ ايبوسونك
او يبيعون الحياةِ او ما يبيعونك
أصلاً ما جِبِتْهُم إلا لعيونك
أَقَل واجب عليهم هُمَّه يفدونك
حلَّفْت الوِلِد يالغالي بالمرضَع
كِتِّلْهم بدونك لا أحد يرجع
او يعوفون ابصدرهم غافيه اِسهامك
ما نِسوه ألم واحد من آلامك
أنذرهم الـ عينك و أشعُر امقصره
&&&&&
آنه أم البنين او عايشه اعله اسمك
كلما أفتح المُصحَف أَصِد رسمك
دمِّ الأربعه مو أغله من دمك
الهذا اَرْخَصْته حته اعليَّه ترضه أمك
يبني صورتك ما فاركت بالي
او ما غالي عليه إلا انته يالغالي
مَتْخَوِّفْني دنيه يمي ما دامك
ما نِسوه ألم واحد من آلامك
أنذرهم الـ عينك و أشعُر امقصره
&&&&&
من أكبل عليه بالحزن و الهم
يقره ابمقتل العباس اِبِن حذلم
كتله ابغير ابو السجاد ما أهتَم
سِلَم صدره ؟! لوَنِّ ابحافر اتهشَّم ؟!
خبِّرني عَنِ احسين اشوَضِع نحره ؟!
سالم ظَل لَوَنْ مكطوع من شِمْره
كَلِّي بالحوافر هِشْمَوا اِعظامك
ما نِسوه ألم واحد من آلامك
أنذرهم الـ عينك و أشعُر امقصره
&&&&&
كتله يا بِشِر عباس شالسوَّه ؟!
عاف احسين ؟! لُو خَطْ آيةِ الخُوَّه ؟!
من شافك يكلِّي ابحزنك اِمْجَوَّه
نِطَه الـ عينك اعيونه او يَمْنِته فدوه
الـ خاطر عينك انته كطَّع اجفوفه
او رََغُم ما عينه طَفَّوا صاح ما أعوفه
مات او كلبه ظل يبجي اعله أيتامك
ما نِسوه ألم واحد من آلامك
أنذرهم الـ عينك و أشعُر امقصره
&&&&&
بسِّ انته المِلَكْتِ ابحُبَّك إحساسي
ما يِغله اعله نحرك يُمَّه عبَّاسي
كل شِي ما أريدَن بآخر أنفاسي
بسِّ ابحِجْرك انته كون أحِط راسي
تِجِي ابآخر نفس ردْتك تجازيني
يـ أم احسين تصرخ من تناديني
مَحْلَه الموت لُو حَلْ هُوَّه كِدَّامك
ما نِسوه ألم واحد من آلامك
أنذرهم الـ عينك و أشعُر امقصره
&&&&&
خادم أم البنين (ع) : إبراهيم الدريس
في ذكرى وفاة السيدة أم البنين (ع)
كِلِّ الخَدَم .. شالت عَلَم .. يـ أم البطل عباس
بيْهِ الوِفه .. لا ما خِفه .. و الغيره و النوماس
هذا العلم بسمِج عِلَه
يالكِل حياتِج كربله
يـ أم البطل عباس
& & & & &
إلخَدَم منِّج تعَلْمت معنى هاي الخدمه
او من دَرِس تضْحِيتِج انتي وصِّلت للقِمَّه
(خادِمَةْ لحسين) جانت عندِج اجمل كلمه
او سيدي او مولاي جان احسين عندِج إسمه
إنتي دَرِس .. إنتي شَمِس .. لَهْل الخِدامه اتنور
او هذا الفِده .. منِّج غِده .. اكتاب او يظَل مسطور
و اكتابِج اَفضال اِمتِلَه
يالكِل حياتِج كربله
يـ أم البطل عباس
& & & & &
إنتي مو بسِّ الخَدَم علّمْتي كِلِّ الدنْيَه
بالفِداء اشلون هاي الروح تبكه حَيَّه
إنتي خلّيتي العُمُر من دمْعِج احسينِيَّه
او كربلاء الروح هيه و الحسين الرِّيَّه
هذا العُمُر .. ابحِسْبَةْ جَمُر .. لو ما خِدِمْةِ احسين
جان الهوه .. جان الضوه .. جان اغلى مِنِّ العين
هذا العشكـ و الا فَلَه
يالكِل حياتِج كربله
يـ أم البطل عباس
& & & & &
إنتي موكب لِلفَضَايل و الصبُر و الغِيره
و احنه حتى اليوم كلنه عايشين ابخيره
جنْتِيِ ابأفْق المعالي و المكارم طيره
او بالشِّدايد هُوَّه بابِج ماكو عدنه غيره
إنتي سِمه .. الـ هاي السِّمه .. و الدنْيَه دُونِج ليل
يبجي الكلُب .. دمْعِج يِصُب .. من تذكرين الخيل
اعله احسين روحِج معوِلَه
يالكِل حياتِج كربله
يـ أم البطل عباس
& & & & &
الـ خاطر امصابي يشيعه لا تهلّوا العَبره
او لجلي لحَّد يرفع إيده او بيها يلطُم صدره
خلّوا يا شيعه عَزاكُم عاللي ظَلْ عالغبره
او بالصدر لطمُوا على اللي ابسيف كطْعَوا نحره
خلّوا الدمِع .. عالمرتفِع .. راسه اعله راس اِسْنان
لحّد يِوِن .. او يخمُش وَجِن .. إلا على العَطشان
ابخدِّج فقط دمعه حِلَه
يالكِل حياتِج كربله
يـ أم البطل عباس
& & & & &
الليله شيعةْ حامي جاره اتعنّوا ايشيعونِج
او بالمدامع يالوِفِيَّه رادَوا ايدفنونِج
عدهُم اهوايه حوايج كل أملهُم عونِج
او عن حوايجهُم انا ادري اتديري حاشه اعيونِج
يم لربعه .. و الشافعه .. ابلا (فاتحه) او آيات
بسِّ القَسَم .. ابراعي العلم .. يكضيها لِلحاجات
ما تِعْرُفين المُعضِلَه
يالكِل حياتِج كربله
يـ أم البطل عباس
& & & & &
خادم أم البنين (ع) : إبراهيم الدريس
في ذكرى وفاة السيدة أم البنين (ع)
حسره بكلوب الغياره امصابها
و الدمع هالليله يحله ابابها
&&&&&
الليله يا شيعه مِشَت أم الوِفَه
و النِّده ويَّاها بالحسره طُفَه
إلعَفَه بعْد أم لبنين العَفَه
عالزمان الأَخَذ أغله أحبابها
&&&&&
الليله جن لـ أم الحسن ضلع انكِسَر
فاطمه اتحب فاطمه اشكد يا بشر
الهذا ترفع بالحشر جف الكمر
اتريد يم الله توفِّي احسابها
&&&&&
كل عمرها هيه تتنفَّس أَلَم
و ابكلبها ظل جمر حركـ الخِيَم
فكد أبو السجاد صوَّبها ابسَهَم
او تِرَس هوه بالجروح ارجابها
&&&&&
كبْل أبو اليمه تمنَّت تنجِتِل
حته ما تسمع صِعَد صدره .. النَّذِل
ابجفها مو جف زينب ايصير الحَبِل
اتمنَّت او تحتركـ كل أطنابها
&&&&&
هيه قطعاً يا بشر مو كل مَرَه
أَسَد تنجِب مثل سبع الكنطره
هيه مو أم لربعه .. ام المفخره
و القداسه تسجد اعله أعتابها
&&&&&
منها نتعلَّم قوانين العشكـ
احسين منِّ ايغيب لحظه تحتركـ
يا حسين اكليبها ظل بس يدِكـ
ماتت اعليْه هيه مو بصوابها
&&&&&
كلمن ايوالي أمير المؤمنين
لا يروحن لا يسار او لا يمين
الفاتحه إقراها بس لـ أم البنين
او حاجتك تتحقَّق ابأسبابها
&&&&&
خادم أم البنين (ع) : إبراهيم الدريس
بحق قاضية الحاجات ام البنين //ع
. . بيت الاحزان صـار دليلي
بفگدالاحباب يوم رحيلي
ميتــه مـــن ذاك الـعـذاب
بــس جسد فـوگ التـراب
*---------------------*--------------------*
كلشي مدفون بحياتي ومظلم بعيني الوجود
ادعـي يـومـيه بصـلاتي روحي تطلع ما تعود
ودعـت عـمـري وبنيـني والصبر جـاز الحدود
بـاچـر يردون اكـولـن عايشه بهاي الـــوعــود
بذاك الفـراگ چـان مماتي
خلصت هناك ذيچ حياتي
مــو عــمــر هـــذا ســراب
*---------------------*--------------------*
انحسب عدله عليمن المثلي متوسده القبور
اقـره قرءان بثوابي بالغـــرب واشعل بخور
الميت تـــزوره الحبايب انتظر واحـد يـزور
انـي منسيه بجروحي وعيني للراحوا تدور
اليرتحل عاد ناس تشيله
تهمل دمـوع عـيـن خليله
وانـي وحـدي بهـالمصاب
*---------------------*--------------------*
الحافره بخده المدامع ودافن امال الحياة
الوادم يحسبونه عايش وهويشعربالممات
اليحسب أيام وليالي وبالحزن غافي يبات
يندفن يوميــه دفنــه مـن يعيد الذكريـات
انتظر طيف بي يجوني
سلوة الروح نور عيوني
الحـلـم هـم عـنـي غـاب
*---------------------*--------------------*
والده وغابوا بنـيـنــي وانتظر يمتــه يـجـون
بس يدفنوني ردتهم ونعشي ولدي أيشيعـون
وزينب التلطم عليه بصرخه وبصوت الحنون
للگبر انـزل بـديهــم وهمـــه الـي يـترحمــون
نعشي ينشال ريت بديهم
هـا يـرجـواي عـود عليهم
التـدعـي ام اربــع شـبـاب
*---------------------*--------------------*
سـاهـره بسلوه المدامع يخلص الليل بحنين
ثكـلـه ضليت بغربتي وضيعت اربــع بنيـــن
مـأتمي دايـم نصبته وكلبي مجروح وحزين
ذكرى تاخذني لبنيني وذكرى ترجع للحسين
اذكـر حسين حـيـل احـيـرن
جـوه التـراب كـون اصـيـرن
الموتي گمت احسب حسّاب
*---------------------*--------------------*
المثلي شيّـبهــه زمـنـهــه باللحد افضل تصـيـر
راحـوا اولادي الغوالي وادري مجهول المـصيـر
عيني مجروحةبدموعي وروحي چواهه لْسعير
صـبـري مـحـدود الأملكه والجرح كلش چـبـيـر
احسب ايام طال بُعدهم
ربـي دعـواي هاي تردهم
عـنـدي ضـل اخـر جـواب
*---------------------*--------------------*
✍ خـــادم الـحـسـيـن ع
الشاعر رعد الچريخي
لطمية في تحسر مولاتنا أم البنين عليها السلام على الإمام الحسين صلوات الله عليه.
الطور " مشتاقه لأخواني"
الشيخ علي البيابي.
⚫🔘⚫🔘⚫🔘⚫🔘
يَبْنِي نَظَر عِينِي - مَذْبُوح يَحْسِينِي
مَذْبُوح يَحْسِينِي - و إِلَيّه مَتْعُود
حَسْرَه يَيُمّه بِالْقَلُب حَسْرَه
مَقْتُول وَسْفَه قَالُوا عَالغَبْرَه
مُدّه طَوِيلَه وَ آنا مِنْتَظْرَه
إِتْمَنِّيتْ رَجْعَه وَ اَحْتَظِي إِبْنَظْرَه
ظَنِّيتْ أَبَاشُوفُك - أُو بَشْبُك إِكْفُوفُك
أُو بَشْبُك إِكْفُوفُك - وِيّايْ مَوْجُود
أُمُّك أَنِي يَحْسِين رِدْ لَامُّك
ثَوَانِي بَسْ خَلْنِي أَبَاضُمُّك
عِطْنِي عِطُر يَمْنَاك بَاشِمُّك
أَشْتَاق يَبْنِي إِلْجَلْسَتِي يَمُّك
يَا رُوح لِمّيمَه - فُؤَادِي و الخِيمَه
فُؤَادِي و الخِيمَه - وَ حَسَافَه مَفْقُود
يَا بُو عَلِي يَا ضَوَى دِنْيَاتِي
فِي غِيبَتُك وِشْ طُول سَاعَاتِي
خَلِّيتْنِي وَحْدِي فِي آهَاتِي
سَلْوَتِي وَنِّي وِيّه دَمْعَاتِي
حَبِيبِي يَالْغَالِي - البِيت ظَلْ خَالِي
البِيت ظَلْ خَالِي - و لِفّاد مَمْرُود
أَمّنْتُك إِبْعَبّاس وَ اَخْوَانُك
رَبِّيتْهُم يُمّه عَلَى شَانُك
وَصّيتْهُم يِحْمُوا لَشُبّانُك
إِيْمُوتُوا وَ لَا إِيْضَيْعُوا لَنِسْوَانُك
مَاهِي أَبَد سَهْلَه - إِتْرُوحُون بِالْجُمْلَه
إِتْرُوحُون بِالْجُمْلَه - إِتْنَامُوا فِي لِلْحُود
⚫🔘⚫🔘⚫🔘⚫🔘
🖋️ *حليمة الأحمد*
( *الفاتحة لخدمة الإمام الحسين عليه السلام المرحوم والدي ملا محمد الأحمد و المرحومة جدتي الملاية بنت علي القمارة*).
٥ / ٦ / ١٤٤٦