8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
نعي مفجع
السيده زينب ع
اتخاطب الأمام الحسين ع
شـفـتـك يخويه بخيل مديوس
مسلّـب يـذخـري بـغيـر ملبوس
بذاري الـتـرب وبـحـر الشموس
وضـل الـدمـع بـالعين محبوس
بـاچـر اعـوفـك وصـعـد النـوگ
صـعـدت سبيه ومـاضن اتلـوگ
غـربـه التگـود الضعن وتسـوگ
وهـدم الـعـلـيـه بـنـار مـحـروگ
ادري يخويـه بفـرگتي أتـطـول
جـابـو هـزل ومسرّجه اخيـول
ريـت الـعـذر يحسين مـقـبـول
اشعندك وصيه ولختك أتگـول
*-----------------------*-------------------*
✍خـادم الـحـسيـن ع
الشاعر رعد الجريخي
(السجاد ودفن الاجساد)
حسين ظل ابلا غسل هاي الچبيره
للگبر يـانـاس اخـذتـه بـالحصيــره
~
كأنّي بالامام ايسولف امصابه
زين العابدين ادموعه سچابه
يعينه الله البيده دافن احبابه
والمـحـد يـعـزيـه ويــدگ بابه
الچانت الوادم تگصده وتستشيره
للگبر يـانـاس اخذتـه بـالحـصيره
~
يگول آنه الدفنت احسين ابو اليمه
لمّيته ابـحصـيـره اضلوعه متهشمه
متوذر ابـوي اعلى الـثـره جـسـمــه
والـحـافر للامخيـم أخـذ هـدمــــــه
گلبي صار امن الحزن يوسعله ديره
للگبر يانـاس اخــذتـه بـالـحـصيـره
~
بعدني ابُدفنِته ومصابه هدّمني
واسمع صوت من نحره يكلمني
على صدري توسّد ياعلي إبني
عبدالله دفـنـتـه وگلبي مالِمني
ونحر اخوي ونحر ابوي ابفد حفيره
للگبر يـانـــاس اخذتــه بـــالحصيره
~
مايمشي النِفس وبصدري يتكسر
ونـه الـدافـن بـديه جـثـــة الاكبر
حيرني ابدفـنتـــه جسمه الاموذر
الضِمه امبين عليه اميبِس المنحر
ابلايه راس اشلون عالقبله اديره
للگبر يانـــاس اخذتـه بـالحصيره
~
تعنيت الشريعه واحترگ دمي
وبالگوه مشيت وياثگل جدمي
وبديه اشلون أدفن ياخلگ عمي
واچفوفه الگطيعه زيـدت همي
ياوسافه ايموت عمي الكله غيره
للگبر يانــــاس اخذته بـالحصيره
~
وين اهلي الهواشم واني بمصيبه
عن اعيوني شو غابو فرد غيبه
ولا واحد اجاني ونِدفن الهيبه
راحو كل هلي والراح شيجيبه
والعدو مايرحم وميت ضميره
للگبر ياناس اخذته بالحصيره
~
ضل بس النِفس والدمعه بـعـيونــي
ونه ابساعه فگدت احبابي تدروني
اويه ابوي احسين اتمنه يدفـنـوني
ويـم گبره تحظرون وتـواسونـــــي
ياكسرتي الوالدي وشعندي غيره
للگبر يانــــاس اخذته بـالحصيره
~
المصيبه اتهون كلها اشما جره اعليه
الهضيمه اشلون عمتي تمشي مسبيه
وتـطب ديـوان اميه وهـيـه عـــلويـه
ولاكن تـبـقـه زيـنـبـنـه قـيـــاديــــــه
مو اسيره عمتي بل كانت أميره
للگبر ياناس اخذته بـالحـصيـره
~
حيدر بشار الدراجي
نعي ليلة الدفن
نساء بني اسد لما قصدت الى الفرات ورأت الاجساد الزواكي بتلك الحالة…
گصدنه نجيب الماي ونعود
وهناك شفنه بطل ممدود
نايم ويمه امّزك الجود
وعينه اصبيه ابسهم ممرود
ومگطعه اچفوفه من الزنود
ومفضوخ راسه بضربة اعمود
وبالمعركه شفنه اعجوبه
عريس واچفوفه مخضوبه
مثل الچفن تفصيل ثوبه
وشفنه بعد نور يتلاله
خيال النبي يشبه خياله
جثه ولاچن راس ماله
وشفنه طفل متوسد ايده
وشفنه السهم يلمع ابجيده
اثاري السهم خايط وريده
وشفنه بطل نايم بكتره
وكثرة دمومه صوب نحره
اثاري البطل اية الكبره
الحسين شمامة الزهره .
المرحوم الشيخ محمد سعيد المنصوري
يارقيه أنه حميده
وين ابوي اليوم أريده
نمشي للكوفه ابعجل *لئن ما ويانه اهل
..............................
يارقيه اليوم اشوفچ عايش اوياچ الحزن
نار بثيابچ يخيه اوسوط يطوي اعلئ المتن
ضالم اليحرس علينه قاسي گلبه اومايحن
انه اعرفچ طير جنه ونتي مو مالت سجن
هسه مابين العده * والچفوف امكَيده
لابوچ اولا عضيده ---- يارقيه انا حميده
...........................
ردت اعليهه رقيه انتي بت افضل نسب
ماعرفتچ ياحميده امبين اعليچ التعب
چان وجهج گبل ساعه يلمع ابلون الذهب
من بعد شيخ الهواشم منهو يسمع للعتب
رحمه ماكو أولا عدل * بليذبحون الطفل
خلو النبله ابوريده ------ يارقيه انه حميده
...........................
وحده تحچي الوحده ضلّن من كَرب وكت العصر
بس عليل اويانه ناحل وين نمشي لياكتر
لجثث لو رحنه نبچي ايكَوم يضرب الشمر
من يجي اليل ابسواده والمصايب تستمر
والدمع منهن نشف * نظرن لدرب النجف
هاذه عنوان القصيده ----- يارقيه انا حميده
................................
مَرّت اعليهن مصايب ماتمر اعلئ الملأ
كل شي ما خلّت عليهن يوم عاشر كربله
راحن لزينب يسألن وين راعي المرجله
وين هاي اليله غايب ما يشوف العايله
زينب لهاذ الوضع * صفنت اوصب الدمع
ضلت اليله وحيده ----- يارقيه انا حميده
................................
بين اليل ابضلامه اوبقت بت مسلم تهم
تنظر الحراس غربه اوخيل وسيوف اوزلم
من كثر هم العليهه تمشي كَامت بس رسم
واليكَول الكوفه يمهه يحس بيهه تنهظم
رادت اتزور الكَبر * طفله ماعدهه صبر
تحچي قصته الجديده ----- يارقيه انا حميده
-------------------------------
للشاعر فاخر علي الشبيبي
رابطة ابا الفضل العباس ع
سار الضعن ياحيف....... للكوفه اخباره
راح العزيز احسين... كلبي اشتعل ناره
●●●●●●●●●●●●●●●●●●●●●●
يالحادي بالله بهيد..ريض على اضعوني
عذبني جرح البين......وعميهن اعيوني
وسفه الشماته اشلون....للكوفه يحدوني
اصعب واشد الگوم.....مجتمعه بكتاره
راح العزيز احسين ..كلبي اشتعل ناره
●●●●●●●●●●●●●●●●●●●●●●
ولياني ظلت وين..........عالغبره تاليهه
مشوني درب الموت...وشلون احاچيهه
طاري السبي ينراد .....فزعت اهاليهه
زينب تظل اشلون ...ياخويه محتاره
راح العزيز احسين...كلبي اشتعل ناره
●●●●●●●●●●●●●●●●●●●●●●
اسمعهه كلها اتنوح....ثگلت محاملهه
جابوها هزله النوك.....وشلون اذللهه
شفت العليل احتار ....يسمع ثواكلهه
والحسره بيه اسكوت...والكوفه غداره
راح العزيز احسين. .كلبي اشتعل ناره
●●●●●●●●●●●●●●●●●●●●●●
مسرع مشه بلا راي.....يهضمني حاديهه
زينب اميره اجروح ....والدنيا تسبيهه
اسمع تكول الناس....هاي المره اشبيهه
درب الشماته اهواي....ذابحني بخطاره
راح العزيز احسين....كلبي اشتعل ناره
●●●●●●●●●●●●●●●●●●●●●●
اكثر حچي تأذيت.....گومي يمسبيه
طبينه قصر الشوم.........علويه علويه
بالمجلس اشكد ناس......ينشدهم عليه
حيره اشكثر ظليت.....وتعاين انظاره
راح العزيز احسين...كلبي اشتعل ناره
●●●●●●●●●●●●●●●●●●●●●●
بعض البشر معروف.........بالذله يتماشه
فاعل ضمير الخوف....وعله رجس عاشه
سلطانه طاغي يشوف..وبحكمه يتحاشه
معقوله هاي الناس.....تتوافد الداره
راح العزيز احسين....كلبي اشتعل ناره
●●●●●●●●●●●●●●●●●●●●●●
حدد مصيرك زين........لا تعشك الذله
عيش بكرامه انسان....عوف الوهم عله
ماتعله حاجب عين......من گعدت الدله
طبع البشر نوعين........تتغير أفكاره
راح العزيز احسين...كلبي اشتعل ناره
●●●●●●●●●●●●●●●●●●●●●●
تمت بعون الله تعالى الشاعر_يوسف_الفتلاوي
في دفن الاجساد الطاهره
طور :يعباس ياخويه
الملامحمد الجنامي
رابط الطور :
https://youtu.be/ECuxDMc6luo?si=EPyVoVOEwWfJo9C8
منحر ولينه ناده هايبن الحسين
راسي يبويه وينه گلي وصل وين
راسي الهديه ياسجاد يابويه
لابن الدعيه ياسجاد يابويه
———-
هذا علي جاي يدفن ولينه
لن منحره صاح وعلّه ونينه
راسي وصل وين يابويه وينه
يمته يغالين لي تدفنونه
جمّع يبويه جسمي وصله اعله وصله
لحمي ابحوافر صار يابويه افصله
امن الاعوجيه ياسجاد يابويه
لابن الدعيه ياسجاد يابويه
———
اجتمعت عليً الناس يردونه قتلي
المن يوذرون يابويه گلي
و صله ولا اتعوف بالسن تخلّي
ابجاريها لدموم ياوليدي غسلي
ابگطعة بواري اتلم يابويه جسمي
بالك ترشه الماي راويني دمي
وروّه الوطيه ياسجاد يابويه
لابن الدعيه ياسجاد يابويه
———
ابگطعة بواري يابويه لمني
اوصالي عدها بالك تضمني
ماتلگه لعظام مسحوگه مني
وعبدالله يابوي حطه اعله حضني
ازغيّر يبويه اشلون گطعوله منحر
يمي على خلوه وخل يمي الاكبر
جثتي رميه يا سجاد يابويه
لابن الدعيه ياسجاد يابويه
——
فوگ الشريعه خله عضدي
ابگطعة زنوده گطعوا وريدي
ودوّر يبويه الخنصر من ايدي
حط ابوداعي الخد اعله جيدي
ابلحدي الغريب وبس مامثلي دامي
يم النهر ويلي يوليدي ضامي
اوليد الزجيه ياسجاد يابويه
لابن الدعيه ياسجاد يابويه
———-
هوسات جنوبيه للسيدة زينب ع
#جديد_لمرقد_العقيله
موجوع الگلب يم عون عالمرقد
مانرتاح وانتي صحنچ مهدد
نحس بيچ السبي كل يوم يتجدد
مندومين / مو شيعه اليحرسوچ
بني سفيان عالمرقد يحيطوچ
اشكال الحچي وسفه يسمعوچ
{ من داسو صحنچ / اذونــه }
•───✧◐◐✧───•
وسفه لحضرت اخت حسين طبوها
كفر وأرجاس ميرحمون ياذوها
شمات وعليها العين داروها
حسافه تعود / بيها لوعة الشام
كبال عيونها يشمتون ظلام
ياظيم الرجس لساتـه عالهام
{ الظيم البيها / ماتنساه }
•───✧◐◐✧───•
ناوين السبي لزينب يردونه
ومرقدها بقذايفهم يفجرونه
واسمها بسوريه من الكاع يمحونه
ابد والله / ماننساچ يم عون
اذا مسو ضريحچ لو يفجرون
غضب ينزل عليهم خل يسمعون
{ والحجه يهد / بصولاته }
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
نار نار .. دخلت للاخيام
نار نار .. تحرگ بالاحلام
ياخوية يحسين .. ياخوية يحسين ~~~
اجيتك بيه نار اتگول باب امك
اجيتك ارد اشدن وين التهظمك
اشيلن يا عظم والطف ترسته اعظام
اتيهن بين عظم الاكبر وعظمك
الخيل الخيل ..مردن لك اعظام
نار نار .. تحرگ بالاحلام~~~
راسك ع الرمح و حجارة كاسرته
وعله طول الرمح دمك نزف شفته
اليكرهله بشر و ايذبحة بين اعيون
يحرگ خيمته وگدام عايلته
طاح طاح .. من عدهن احزام
نار نار .. تحرگ بالاحلام~~
أبن امتوني راسك هسه ما لوحك؟
الرمل موش الرضيع ونام بجروحك
اندلها التمردك والتطلعْ الروح
طلعت زينب وطلعت گبل روحك
مات مات .. مو من الاسهام
نار نار .. تحرگ بالاحلام~~
اعله صدرك خيلهم شالوها ذبوها
يأول نعمة طاحوا بيها رفسوها
گطعوا رگبتك؟ ياخوية اگلك ليش
برگبتك عايلة لهل سبب گطعوها
الشام الشام .. ياغثة الشام
نار نار .. تحرگ بالاحلام~~~~
دمك مثل شيبك ترس كل الراس
اجيتك عود ابوسك ليش ما تنباس
اصابع ايدك اخوانك عددهن چان
بس يا خوية طايح منهن العباس
نام نام .. فوگ الرمح نام
نار نار .. تحرگ بالاحلام~~~
تبدل عطرك بدخانة اخيامي
اول مرة اتهيّك وانته گدامي
گواك الله اگلك وانته ما مرتاح
جلد صدرك طبگ بالحافر الدامي
خيل خيل.. سحگن عالاسلام
نار نار .. تحرگ بالاحلام~~~
اطلبچ كربلة اذراعين والاصبِع
تخلين الشمر ع التاج متربِع؟
اخوي شغاثك گتلة ويفرفح گام
يزينب غاثتني اخيولهم توجِع
ذاك ذاك .. ضلعي لگدام
نار نار .. تحرگ بالاحلام~~~~
علي هادي الخزعلي
وين ماروح… الگه خيمة وبيها نار
وين ماروح… الگه صرخات الزغار
سهم ذابحله طفل .. طفكم ايوگف العقل
وين ماروح .. وين ماروح
__
كون اروحن والگه ضحكة بيها منثورة الهله
وصوت قران ابخيمهم مو رنين السنسله
ليش اشوفن ركض زينب عله طولچ كربله
وليش اشوفن طفل يبچي وسهم لازم حرملة
والله مليت… حتى بالتمثيل اشوف
والله مليت… گمر بس عوزة چفوف
ليش مو نفس الشكل .. طفكم ايوگف العقل
وين ماروح .. وين ماروح
=============
حسين يا حار الله انته تاهت الدنيه برد
موش بالصحرة المتربة كون مگعادك ورد
ليش روحك والمحنه بالحوافر تنمرد
ليش خيل ونار گامت عالمخيم تستعد
هدت الخيل… مردن اضلوع الچبير
هدت الخيل… و مو قوي ركض الزغير
برجله وبأيدة الحبل .. طفكم ايوگف العقل
وين ماروح .. وين ماروح
============
والله مليت اسمع الطف شايخ عليه الشمر
ووين ما تركض ازغارك تلگه عاگول وجمر
حسين سالفتك چبيرة كاسرة دموعي كسر
غاد من درب الحوافر كون باعدلك متر
بصدرك شلون .. سنبك الحافر ينام
بصدرك شلون .. كسرة ضلوع وسهام
ماشفت موقف سهل .. طفكم ايوگف العقل
وين ماروح .. وين ماروح
=============
كون اشوف الخيمة عدله وبالبيارغ تنحرس
وبالخضار حسين اشوفه موش حارگته الشمس
وكون كل حچيي الفواطم بالهدووووء وبالهمس
وتطفة خيمة سكنه حتى يشتعل شمع العرس
يقرة الحسين .. وهو يضحك مو حزين
يقرة الحسين .. الفاتحة لأم البنين
كون زفة ومو چتل .. طفكم ايوگف العقل
وين ماروح .. وين ماروح
==============
وجوه موش وجوه اهلكم والحده الناگه اجنبي
شنهي نسوان الدلال ايطرن ادروب السبي
وينكم ياعرفة الله ماكو واحد طالبي
وگفوها بسوگ غربه وتستحي وجوه العبي
الكوفة والشام .. ما تعوفك تستراح
الكوفة والشام .. بالحجر ترمي الرماح
وبالضعن واحد رجل .. طفكم ايوگف العقل
وين ماروح .. وين ماروح
=================
سالفتكم كلها هايه والمصايب والسلب
علمودي وما استاهل عطش ساعه امن العذب
حسين ضحالي بعزيزة وعاف خيماته تشب
و انه يوميه اعله طيشي احرگ اخيّمة بذنب
انتم اكبار .. وانه ذرة وحدر طين
انتم كبار .. شجابني الكبر الحسين
دنگت ما ينحمل .. طفكم ايوگف العقل
وين ماروح .. وين ماروح
===============
#علي #هادي #الخزعلي
نعي مفجع
الأمام السجاد (ع)
يخاطب السيده زينب( ع)
بعد وفاة السيده رقيه
تـصـعـب عَلـي تنــزل دمـعــتي
وگـبـال عـيـنـي مـاتـت اخـتـي
عَـمــه يـعـمــه اتـعـذّري انــتـي
زحمه العده اتـشـاهـد عَـبـرتـي
اتشَيّب الگـلب هـايه مـحـنـتـي
وهـل جـامـعـه حــزت رگـبـتـي
صبري انـكسر كـون انـكسـرتـي
خــافـن اثــر لـسـيـاط شـفـتـي
جـثـت رقـــيـــه لــــو دفـنـتــي
واشـكـم جــرح بـيـهـه حسبتي
أتحزمي ابصبر بـاچـر يـعـمـتـي
*---------------*---------------*
✍خادم الحسين ع
الشاعر رعد الجريخي
يلي ادفنت والدك متغير اهواي
الله الذي ايساعدك متغير اهواي
خبرني بس عن حاله هم جمعت اوصاله
*******
ادورنك گمت بدموعي یاعمه
رحت وين و عليّه اجروحي ملتمه
أظنّك جيت دافن جسم ابواليمه
گلي هم رويته ومسحت دمه
ما انسه لمن وگع فوگ الترایب
ثلثین چبده انشلع فوگ الترایب
غاب ابدماه اهلاله هم جمعت اوصاله
*******
و اتحاچي زینب و الدمع مسفوح
یالسجاد نادت یا عدیل الروح
ابوك احسین ظل اعله الترب مطروح
گام ایسولفها بالبچي و النوح
گوه یجر النفس من عُظم المصاب
المدمع ابعينه انحبس من عُظم المصاب
ظل یلتهب دلاله هم جمعت اوصاله
*******
علي السجاد ما تنوصف احزانه
یحاچي عمته و تستعر نیرانه
یگلها الجثث فوگ الأرض عریانه
و ابويه شلته بالگوه من امچانه
و احفرت حفره ادفنت یاعمه الأنصار
و اشگد علیهم نحت یاعمه الأنصار
و امذبحین اطفاله هم جمعت اوصاله
*******
گلبي امن البواچي وگف حسیته
الأکبر یم جدِم والده خلیته
و ابثوب العرس جسام لفيته
فوگ احسین صدره الطفل واریته
كل اهلي متذبحه ما عدهم اچفان
و ابدمها متوشحه ما عدهم اچفان
احسین انذبح و ارجاله هم جمعت اوصاله
*******
يـ عمه بالگلب ظلت الف حسره
اجینه الکربله یا ساعة الگشره
دفنت اولاد ابوطالب فرد حفره
و ابلا راس ابویه نایم ابگبره
عمي البطل عالنهر مگطوع الأچفوف
راسه ابعمود انشطر مگطوع الأچفوف
عن حالتچ اقراله هم جمعت اوصاله
*******
یریت اویاك للطف چنت اتعنه
اوصل لخوتي اهناك اجذب الونه
انه اویاك نتوله الأبو دفنه
او لا ابقه اعیش ابلوعة المحنه
و الجامعه ابرگبتك یازین العباد
اتهل دمعتي و دمعتك یازین العباد
بس دمعتي هماله هم جمعت اوصاله
*******
لخادم الحسين علي فلاح الواسطي
١٢محرم الحرام
١٤٤٧هـ٢٠٢٥مـ
طويـــت الفيافــي لوالدي
ادفـــــن إمامـــي وسيـدي
رحــــت ومشيـــت الكربلـه
واعضايــــه كلهـــا معلعلــه
نايـــــم ابويــــه بهــالفلــــه
مذبـــوح وصوابــــه نـــدي
بـالمعجـــزه طويـت الأرض
واگليبــي مـا ظل بي نبـض
دفـــن الابــو أعظــم فـرض
امن الكوفه جيته الوحّـدي
وينـــك يبويـــه بيــا كتـــر
هـــذا آنـــه حفــــار الگبـــر
شميـــت بالمصـــرع عطــر
العطـــر الشهـــاده مگصدي
لن شاهدت شمس الصبــح
وجروح جسمـــه المنذبــح
ألـــف وتسعميـــــة جــــرح
بسهــــم المثلــــث تبتـــدي
ويـــلاه ابويــــه بمصرعـــه
جثــــه سليبـــــه امگطعـــه
وسفــــه بحصيـــره اجمعه
عمـــري وحبيبـــي وسندي
آنـــه ادفنــــت أطهـــر بدن
يبقـــى الحزن طـول الزمن
حد مـــا يجي إبــن الحسن
ويگطـــع چفـــوف المعتدي
عمار الراشدي
#ليلة_الدفن
١٢٨
دفن الاجساد
السِّجاد للأجساد وصّل يكفكف دمعته
--------
وصل ابحسرة الكربلا بو محمد
معلول لكن للدفن يتجلّد
مافارقت دمعاته أبداً للخد
ماحد بقى اِمْن العشيرة ماحد
....
بس أطفال وبولوال واحبال قيد عيلته
--------------
لمن وصل عاين بَعضْ هالوادِم
متحيّرة والدمع منها ساجم
قال احفروا للأكبر وَيّا الجاسم
ماضل عظم في الأكبر ابدأ سالم
.....
عرس جسام اسف مادام بالخيم طفوا شمعته
---------
وابحفرة وحدة وسد كل الأصحاب
وشقد صعب للفاقد يدفن لحباب
بالأمس عندي اليوم صاروا غياب
امصاب مثله ما جرى مِن امصاب
......
بقيت اوحيد وبيدى القيد اقاسي السّبى أُو محنته
---------
اشحال اليعاين والده امدّد
مهشوم صدره و جراحه ما تنعد
ألف وتسعمية و الطعنات ازيد
بعد الذبح الطاغي عليه اتعمد
.......
جتْ إخيول عليه إتجول جسم ابن الزهرارضته
----------
شال الجسد لكن يشيعي ابياحال
إرتفع جانب لكن الثاني مال
يصعب يبوية احملك والأوصال
متقطعه لابد يلمك شيال
.....
يدير العين يريد امعين يوارى الشهيد ابحفرته
-----------
باللحد وسد جثته لكن صاح
بعدك يبن خير الورى عزنه راح
مشوا النسا للكوفة ابكعب ارماح
او متن العقيلة والخدر مملي اجراح
........
ابلا والى الشمر جالى متبسم واعلن فرحته
--------------
للنهر سدّر قصده يدفن عُمّه
شاف العلم امزق صاير يَمه
عاين القربة امخرقه عليها إدما
مات ابعطش والماي خاضَه ابجدمه
......
ملا الجفَيْن ذكر الحسين عاف الشّرب من ساعته
---------
يولوال :يصرخ بصوت عالي
عبد الرضا ميرزا الجد حفصي
2023/7/30
لو نامت عيون الخيل
اتعنه راسك بالليل
اتعنه وبعيد الرمح
خافن يوازيني الصبح
ياخويه يحسين. ياخويه يحسين
****
ياناس الوجه تعبان
ريجه من الشمس يابس
شينزلك يبعد الروح
حطوا عالرمح حارس
لميت من امس واليوم
جفي من الدمع تارس
يعرفني ارد اشربك ماي
مانام وغفه الفارس
ياخويه تانيته هواي
يغفه واشربك بس ماي
وبكلبي حط ميت جرح
خافن يوازيني الصبح
ياخويه يحسين. ياخويه يحسين
**
رافكتك درب يحسين
رافكتك ضوه اكبالي
راسك يلتفت كل ساع
غالي وعينه عل غالي
ماترضه الشمس فديوم
لمحه اتشاهد اخيالي
جا شنهي المحنه البيك
ميت وانته تبرالي
وجهك بعد وين الكاه
عذبني كلش فركاه
خويه انته مو مالت ذبح
خافن يوازيني الصبح
ياخويه يحسين. ياخويه يحسين
****
يحسين برقية شلون
جفها بياوكت ينشد
من جر الحبل نيشان
صاير يشبه المعضد
تعبني الدرب يحسين
كل نكلت جدم مشهد
راسك والتعب والليل
جا كلبي شوكت يبرد
ياكلبي حكك تحتار
من تسعر جروحك نار
بجروحي احس مثل الملح
خافن يوازيني الصبح
يابويه يحسين. يابويه يحسين
*
يخنكني العصر يحسين
ويغثتي الغروب هواي
كبالي جربت العباس
يترسها ويبدي الماي
اخلاف حسين والعباس
رافكت الشمر حداي
صار الليل بيه ايعيل
علويه وادور راي
****
ليل السبي كله جروح
وكبالي راسك مذبوح
دمع اليفارك ينفضح
خافن يوازيني الصبح
ياخويه يحسين. ياخويه يحسين
____
باجر لو وصلت الشام
كدام الغرب صعبه
وانه خيالي ماينشاف
راح انشاف بالغربه
الماعنده اهل مكسور
ضايع بالوطن دربه
وانه الضيعت عباس
روحي جانت بكلبه
تهضمني نظرات الناس
جم مره صحتك عباس
مفهوم دمعي اوينشرح
خافن يوازيني الصبح
ياخويه يحسين. ياخويه يحسين
***
كلمات
علي ربيع الغزي
سبي وآلام، طريق الشام
اذا ننعس ننام عله الهزيلة
ولا يرحموا ضرب المتون
سمعت واحد صرخ ضربوا العقيلة
كنت آنه الأميرة الهاشمية
وسف بيد الشمر أوقع سبية
يسر والوادم تباوع عليه
ــــــــــــــــــــــــــــــــــــــــــــ
ركبنا عله الهزل آنه وخواتي
واخاف من الضرب توقع عباتي
صحت يا ابا الفضل يشدوني بحبل
واخاف من الضرب توقع عباتي
صحت عباس اخوي منين اجيبه
يشوف اخته على الناقة وغريبة
عقب عين النفل يشدوني بحبل
صحت يا ابا الفضل يشدوني بحبل
واخاف من الضرب توقع عباتي
الشمر يمي، يسب امي
إذا أبكي يسكتني بشتيمة
صحت كافي، تره اكتافي
تورمت من ضرب سوطك هضيمة
برقبتي ايتام اخوي حسين واهله
واخاف من الشمر يضرب له طفلة
اذا ضربوا سكينه اشراح اقلهأ
اخوي وامن بذمتي بناته
صعب أحمي الحرم من الشماته
صحت يالمنقتل يشدوني بحبل
صحت يا ابا الفضل يشدوني بحبل
واخاف من الضرب توقع عباتي
إذا هب ريح، رقيه تطيح
من الناقة ويجون ويضربوها
ابقلب معلول، اجتني تقول
تره عمه التراچي سلـّبوها
بكت وتقول اجا الشامت سلبني
تراچيي وهدية حسين ذني
أعز ذكرى بقت واخذوها مني
بچعب سيفه الشمر عمه دفعني
ولمن طحت وقمت سبني وصفعني
القلب ما يحتمل يشدوني بحبل
صحت يا بالفضل يشدوني بحبل
واخاف من الضرب توقع عباتي
القلب يحتار البنات زغار
إجت خوله وحميده وعاتكه تون
يعمه نهاب من السلاب
صعب نغفا إذا ليل السبي يجن
بنات مدللات وراحن أسرى
كل طفلة على خدها اثار سطره
المتن أزرق مشن وبعين حمرا
شريد أحكي واصبرهن واواسي
على هاي المصايب شاب راسي
على ظهر الهزل يشدوني بحبل
صحت يا ابا الفضل يشدوني بحبل
واخاف من الضرب توقع عباتي
كرار حيدر الخفاجي
#السبي
قصيده للدفن (عل طور ناذر سنيني )
زينب عليها السلام تخاطب الامام السجاد عليه السلام بعد عودته من دفن اﻻجساد الطاهره😭
كلي ياعمه..... شلونه أبو اليمه ....يسجاد
شلون من شلته .....جمعت جثته ....يسجاد
⚡⚡⚡⚡⚡
يكلهه ياعمه يزينب دفنت الحسين
موذر اوصاله يعمه وجبده نصين
ضلوعه كله مكسره بخيل المﻻعين
من طلع سهم المثلث
اسمع ونين
زيد الونه .....حسين ابو اليمه .....يسجاد
شلون طلعته ....وجمعت جثته .....يسجاد
⚡⚡⚡⚡⚡
اخ ياعمه شكلج يهدم الحيل
جثته مطحونه يعمه بحافر الخيل
لسه نحره من الذبح ياعمه يسيل
دفنت ياعمه ابوي بغير تغسيل
ماينغسل دمه ...حسين ابو اليمه...... يسجاد
شلون جفنته ......وجمعت جثته .....يسجاد
⚡⚡⚡⚡⚡
منين اجيب الماي ياعمتي واغسله
والسدر والجفن عمه منين احصله
ردت بدموعي اغسل وصله وصله
من الهظم جف الدمع ونشف نهله
مغسل بدمه ......حسين ابو اليمه ....يسجاد
بتراب جفنته .....جمعت جثته .......يسجاد
⚡⚡⚡⚡⚡
عمه لمن وسدت الجثه الرميه
جني اسمع ونه الزهره الزجيه
تصيح ا يبني والدمعه جريه
ينذبح ضامي ابن سيد البريه
اه يايمه .....حسين ابو اليمه .....يسجاد
ضامي وسدته .....جمعت جثته. ....يسجاد
⚡⚡⚡⚡⚡
ساعد الله كلبك شلون احتمل
شفت ابوك حسين متكطع وصل
ادفنت جسمه هم بعد عندك امل
يرجع الراس عله جسمه وي اﻻهل
ترجع تلمه .....حسين ابو اليمه ....يسجاد
وبيدك دفنته.....جمعت جثته .....يسجاد
⚡⚡⚡⚡⚡
تمت بعون الله تعالى وحمده
اهدي ثوابها الى والدي العزيز رحمه الله
بقلم خادمه الزهراء ام حسين اﻻسدي
.
بگلــب مكسـور ــ حفــرت گبـــور
دفنت احبابي وا ويلي
گطيعه نحور
اجيت بنـــار أحزانــي ــ طويت الگـــاع من أجــري
أنـــا السجاد
رحت أدفنهــــا خِلّاني ــ وابويـــه مهجتي وعمــري
مصابي عـــاد
يبويه حسين هذا آني ــ اگصدت متخفي من أسري
عفــت لصفاد
ابأمـــر إعجــــاز رباني ــ إلهــــي يعلــــــم ابأمـــري
أواري اجساد
شفــــت بالگــاع ــ جثــث و اضلاع
على التربان مطروحه
گطيعة نحور
شفت مأســاة بعيونـــي ــ نحور امگطعــه وتدمـي
وحزين الكون
صحت بس ما يسمعوني ــ ولا فــارس ولا نشمـي
إلي ايسمعون
إگعــدو مـــا تحاچونــي ــ يهاشــم يا بنـي عمـــي
ولا ايـــردون
وحيد اليـوم تدرونــــي ــ عليل وياكـــل بجسمي
المرض تدرون
الوضع يا ناس ــ يِشَيب الرّاس
يريت عيوني ما شافت
گطيعه نحور
يويلي امشيت للمصرع ــ أدَوّر ويـــن ابو الاكبـر
ابأرض عاشور
لگيت حسين بالمضجع ــ بلايه اعظـــام وامنثر
جسـد منحور
حرت من والدي شجمع ــ ألِـمّــه شلون مـا اگدر
وذر منـثــــــور
حبيب المصطفى امگطع ــ دفنته ابدمه واموذر
لطمنـــه صدور
وذر لَــمّيـــت ــ بحصيره وجيت
دفنته وعگبه جيت ادفن
گطيعه نحور
على الشاطي لبو فاضل ــ رحت لن شاهدت عمي
وعسن ماشوف
لگيت الفــــارس الباسل ــ جسد متـــوذر ومدمي
بلايــه چفـوف
ولا چنه أهــــو الكافـل ــ لَمَنْ شفت الگمر مرمي
بثرى لطفوف
اجمعه شلون والحاصل ــ دفنته وروحه لن يمي
علينه اتطوف
ادفنت عباس ــ بلايــــه راس
انا الدفــــان والناعــــي
گطيعه نحور
ادفنتها جسوم أحبابي ــ أرض عاشور حضنتهم
دفنت شموس
أشد من لوعة مصابي ــ أضاحي الگاع ضمتهــم
بلايــــه روس
صعب توديـــع غيابي ــ بعـــــد متعـــود لمتهــم
أمـــل مايوس
دفنت اخواني واصحابي ــ بعد هيهات شوفتهم
وكت منحوس
أهيــل تــراب ــ وأشد امصاب
برماح الروس مرفوعه
گطيعه نحور
رجعت العمِّتي زينــب ــ شرحت الحاله والمِحنه
وبچينه هواي
دفنته والدي امخضب ــ وداعــــاً سيـــد الجنّـــه
واسمعي بهاي
الدمع يا عمه خل ينصب ــ ونِجِــر ونّه ابأثر ونّـه
علــى الرواي
جسد عبــــاس المرتـــب ــ وذر صايـــر ولا چَـنَّـه
جســد سقاي
ادفنت جَسّام ــ بثــــرى الآلام
ورضيع حسين والأكبر
گطيعه نحور
عمار الراشدي
نعي عن العقيلة زينب عليها السلام
هاذي زينب اليحچون عنها
مواجع كربلا المافارگنها
وسهام النوايب صَوًّبَنها
من دار الاهل للطف خذنها
أيام المو على الخاطر لفنها
صار الحزن ياخذ من حزنها
للأكبر تون مابَطَّل ونها
وعلى القاسم ولاغَمَّض جفنها
واخبار الرضيع الدولبنها
وعلى الكافل مدامعها عِمَنها
شديدات النوايب عَذِبَنها
وأشدهن يوم راح حسين منها
الشاعر حسن لعيبي الحريشاوي
نعي للدفنة
عن الامام زين العابدين
------------------------------------------------
ثلث تــــــيام فوكَ الكَاع يحسين
امدد بالشــــــــمس وبغير تچفين
اخوتك والانصار الكل مطاعين
اطيــــــني الصــــبر ياربي واصبر
---------------------------------------------
نار وبالكَلــــــب يافــــكَد الاحــــــــــباب
ابوي وكل هلي وانصارة الاطياب
ظلت بــــــــس جثثكم فــــوكَ التراب
مــــــا مدفــــــون بــــوية الله واكــــــبر
--------------------------------------------
بحق والده الحسين
--------------------------------
صاباني الدهر بالــــغاظرية
اخذ وين العزيز وخان بية
انزلك للــــــكَبر بــــوية بــدية
اخذ روحي يلاهي وي الحسين
------------------------------------------------
تسمع يا اله الكون صــــــــوتي
وي حسين اريد اليوم موتي
عكَب عين الابو بلوة بلــوتي
ماتنشف دمعتي واعمي العين
------------------------------------------------
الف وتــسعــــــمية جروحك كبار
مطبر والجرح فوكَ الجرح صار
عليك احزن وانوح الليل ونهار
ما ابطل ونيني طول السنين
------------------------------------------------
بحق علي الاكبر والقاسم
------------------------------------
يحزام الــــــظهر ردتك تچية
عزيز وفركَتك تصعب علية
على التربان يا وسفة رمية
كل وصلة بكتر ياخوي جسمك
------------------------------------------------
وسعولي الكَبر لخواني الاثنين
بعدهي حنتة جاســــم بالايدين
يفت الروح يفراكَ الــــــــعزيزين
صاباني ومظة بالروح سهمك
------------------------------------------------
بحق عمه العباس
------------------------------
مــــصيبة الروح ما ترتاح منها
جثة اعلى النهر يصعب دفنها
بس زنــــــــود والــــجربة حظنها
بلاية چفوف منة الهام مصيوب
------------------------------------------------
فجعني ابهالمصيبة بيك دهري
تلكَــــــيت الوطــــــية بيــش مدري
اجيبة عليك عمي منين صبري
يعمي من طحت للكَاع ياصوب
أسالكم الدعاء رائد الاسدي
دفنته وكلبي من الآه مشلوع
بجيت وبلللت كبره امن الادموع
ابوي ابوي.. لوعني ياناس
ابوي ابوي..جثه بلاراس
دفنته
ــــــــــــــــــــــــــــــــــــــ
كمت اوصل الجسمه وارد
مره اقترب مره ابتعد
مالي كلب عالدفنه
فوك الجسد صفيت ادي
خاطر اسوي النحره في
بلكت يفز اتمنه
مايرجع الشابع ذبح
وضحكاته بايگهه الرمح
واخيولهم أذنه
احظنه لو أضل متمدد اوياه
أصيحن ياعلي لو واحسيناه
ابوي ابوي..ياوردة الياس
ابوي ابوي..جثه بلاراس
دفنته
ــــــــــــــــــــــــــــــــــــــ
رحت اركض اعله المشرعه
وجيت وعباتي امنكعه
اعصرله مي بنحره
بالطف أدورلي خشب
تابوت اسوي للذهب
خاطر اشيله الكبره
واكف واصد الجثته
من الجدم حد ركبته
الجثه صارت حمره
بالهيمه لكيت اضلوعه طشار
ونحره امنين مااندار يندار
ابوي ابوي.. بالخيل ينداس
ابوي ابوي..جثه بلاراس
ــــــــــــــــــــــــــــــــــــــ
عشرين عمري وي خمس
وكبران يادنيه احس
كبرني فكد الغالي
الماعنده ابو يشبع قهر
عيسى يضل طول الدهر
ماعنده فَي للتالي
السجاد آنه المنسبي
امجتف رحت وي زينبي
والطير ون الحالي
عجيبه الدنيه ليش اتفرق الاحباب
اعز ناسي وهلي نامو بالاتراب
ابوي ابوي...بيا ابو ينقاس
ابوي ابوي..جثه بلاراس
ــــــــــــــــــــــــــــــــــــــ
مات الجنت اتنفسه
نحره بديت اتلمسه
واتخيل آنه اعيونه
اشبيهه الضماير ميته
عالترب كلبو جثته
ومن ركبته ايذبحونه
باكو اثيابه الطاهره
وبالسيف كطعو خنصره
ليش الله ميخافونه
هم شفتو بشر مذبوح عطشان
تره الماي ابلاش انوزعه مجان
ابوي ابوي.. ضلموه الارجاس
ابوي ابوي.جثه بلاراس
ــــــــــــــــــــــــــــــــــــــ
شلته بحصيره او مونعش
يابس لكيته أمن العطش
وحسيته جن يهمسلي
الصوت من نحره طلع
بس صوته بي لوعه اووجع
تدرون ابوي اشكلي
كلي يوارث عصمتي
عالقبله وسد جثتي
وابصدري نوم طفلي
عبدالله طفل من وحشته ايخاف
من الدنيه مات وكلشي ماشاف
ابوي ابوي..اغله أمن الأنفاس
ابوي ابوي..جثه بلاراس
دفنته
محمد الجماسي
#اللهم_عجل_لوليك_الفرج
*|جديد شهر محرم الحرام ١٤٤٧|*
(( گوموإلها سجّاد ))
في ذكرىٰ دفن الأجساد الطاهره ثالث عشر محرم الحرام
بالحومه لَجْساد … گوم إلها سَجّاد
مَرْمِيَّه بِوْهاد … گوم إلها سَجّاد
واري الغوالي و اِخْوَتي … ذابت عليهم مهجتي
❃❃❃❃❃❃❃❃❃❃❃❃❃❃❃
يَباگي عزوتي و أهلي و عديل الروح
ضِناني شلون عفت خويه اِبْعَرىٰ مذبوح
مشينا و ظل علىٰ البيدَه وسف مَطروح
يسيرَه اِمْچَتّفَه عفتَه اِبْگلب مَجروح
……………
خَلّوني يا ليت … بس أدفن حسين
چم مَرَّه حَنّيت … بس أدفن حسين
و ماحَد سمعها طَلْبتي … ذابت عليهم مهجتي
❃❃❃❃❃❃❃❃❃❃❃❃❃❃❃
ترىٰ فكري مع خوتي و يشِتْ اِهْواي
مَهو كافي گضو عَطْشىٰ بدون الماي
تحت حَرْ الشَمِس صرعىٰ الجثث ويلاي
و أنا حرمَه اِبوسط گيدي شنو بيداي
……………
وَيْ طَفّي و جسوم … كل بالي و الراي
من ليها هَلْيوم … كل بالي و الراي
وين إلْيساعد حيرتي … ذابت عليهم مهجتي
❃❃❃❃❃❃❃❃❃❃❃❃❃❃❃
علي و حق الوصي جَدَّك علي الكرار
دگوم إنهض لبو اِسْكينَه مع الأنصار
لأراضي الطف تشد عَزْمَك تجي الأطهار
و تواريهم عن الغبره و شَمِس لَوْعار
……………
متعَنّي سلمان … جَدَّك علي راح
و يطويها بلدان … جَدَّك علي راح
و ياما نخيته اِبْعَبرتي … ذابت عليهم مهجتي
❃❃❃❃❃❃❃❃❃❃❃❃❃❃❃
علي و لَمَّن تطب هناك أرض لِطفوف
علىٰ الشاطي تشوف هناك عَلَم و چفوف
و تشوفَن ع الشريعه هالگمر مخسوف
أبو فاضل حِمىٰ خدري و حِمىٰ المَلْهوف
……………
بلساني لو جيت … يا خوها مَعذور
كَفّيت و وَفّيت … يا خوها مَعذور
و گِلَّه أسيرَه اِبْمَشْيتي … ذابت عليهم مهجتي
❃❃❃❃❃❃❃❃❃❃❃❃❃❃❃
و علىٰ الجاسم إذا اِدْفَنْتَه شَمع خَلَّه
لجل لو رَدَّتْ إلْگبرَه تدل رَملَه
و علي لَكْبَر وذَر لِمَّه و دمع هِلَّه
و تحت گبر الولي دفنه تحت رجلَه
……………
ياوسفه شُبّان … بيها الأجَل خان
تدفنها وَجعان … بيها الأجَل خان
وَسّع مضاجع عيلتي … ذابت عليهم مهجتي
❃❃❃❃❃❃❃❃❃❃❃❃❃❃❃
و إذا ابن أُمّي رِدِتْ دَفْنَه و شِلِتْ جِسْمَه
تِمَهَّل و إنْتَه بِتْنَزْلَه اِنْحطَم عَظْمَه
ترىٰ خويه إنْوَذَر جسْمَه من الطُغْمَه
إذا اِتْشيلَه اِبْحَصيرَه يا وسف لِمَّه
……………
وين الچبد وين … و عن خنصره وين
و مگطوعه چَفّين … و عن خنصره وين
و راسه اِبْسِنان اِبْسَفْرتي … ذابت عليهم مهجتي
❃❃❃❃❃❃❃❃❃❃❃❃❃❃❃
و رضيعه بلا مَهَد دفنه المَهَد صدرَه
أخوك بلا ذَنِب ظامي اِنْگطَع نَحْرَه
أخوك اِبعيني شفتَه داستَه العَشْرَه
علىٰ صدر الولي كل حافر يطَشْرَه
……………
خل طفله وَيّاه … و يضُمَّه بأعْضاه
و ع الصدر تلگاه … و يضُمَّه بأعْضاه
اِبْذَبْحَه عذابي و حسرتي … ذابت عليهم مهجتي
❃❃❃❃❃❃❃❃❃❃❃❃❃❃❃
الشاعر : أبو شهيد الأحسائي
الثلاثاء 1447/1/12هـ
════════════
*لا يجوز و محاسب شرعاً حذف او تغيير التوقيع*
#دخول السبايا للكوفة
//قصيدة بطور يخيمات//
〰️〰️〰️〰️〰️〰️〰️〰️〰️〰️〰️〰️〰️
سبيات بناتك يا علي طبن سبيات
بالكوفه الچانن بيها اميرات
صارن بالسبي وبين شمات
عگب الحسين وذبحته طبن بنات المصطفه
لمجلس لعين وطاغيه وشامت بزينب واقفه
مثلت امها فاطمه وهي العليمه العارفه
هزت الكوفه بت علي ما تنحني للعاصفه
الرسالات نهج الدين مثلت والرسالات
تنطي دروس ترباة النجيبات
عكب حسين لا للذله هيهات
〰️〰️〰️〰️〰️
من طبن ابنات النبي يم عبيد الله لمجلسه
اظهر شماته وما رحم بس الاميره تِخرِسه
يتباهه گام بفعلته والنصر هو الاسسه
گالتله اخوتي استشهدوا وانه الكفيله الحارسه
يشامت بالخسه اصل منك يشامت
بضرب الراس رايد دمعتي تكت
اكملها المسيره وعزمي ثابت
〰️〰️〰️〰️〰️〰️
لاذن بناته للنبي بسد الاميره واحتمن
صعبه عليهن بالقصر والناس تنظر من اجن
بنات الجلاله والخدر عد ابو اليمه تعودن
وعگب الكفل ابا الفضل لنهن يساره وينهدن
اويلاه مصيبه الهزت العرش وركناه
بنات المصطفى صاحن يجداه
الكافل ريته ينظرنه بعيناه
〰️〰️〰️〰️〰️〰️
من حجت زينب سكتت للظالم وراوت عجب
كالوا رجع لينه علي گالوا علي البينه خطب
تخاطفت الوان الزلم من تحجي كامت شلسبب
عادت نهج محمدي وبدم حسيني انكتب
الاماره بخطبتها انصدع قصر الاماره
سكتت الخلك منها بأشاره
ومنها الگلب تسعر آ يناره
〰️〰️〰️〰️〰️
هانت الدنيا من بعد ذبح الحسين بن فاطمه
ومن بعد روحت الگمر واخواته بلايه حمه
وزينب يسيره بالقهر وهيه العليمه العالمه
ولمجلس الطاغي اجن والروس تتكاطر دمه
مواقف ويّاهن يدنيه اصعب مواقف
عملة كربله شيوصفها واصف
بجال حسين ضلهن منهو شايف
✍🏻#نبضي_حسين
زينب عباية امن السمة ونزلت عله الگاع
چانت رسوله ابلا وحي والروس الامتاع
صح الكفيل ابلا راس ..بس هي چانت عباس
****
تمشي عله اخشوم الزلم..من كربلة للكوفة
ايسبّونها وتقوه بعد .. والطگها تلوي اچفوفة
شارتها تمحيهم محي..بت البخت معروفة
زينب تچتف بالحبل ..بس هي ما مچتوفة
عدها خلگ چانت تغطي اجناح جبريل
عالصبخة لو دگت رجل يطلع الف نيل
للعفه چانت كرّاس..بس هي چانت عباس
*
خزرتها تبرگ عالزلم .. ترعد رعد خزرتها
تقلقهم بدرب السبي ..امن اتسبّح بسبحتها
والما مؤدب من گبل .. يتأدب بشوفتها
عباس بس عنده زند .. تنطي شبه مشيتها
جيش اعله كبرة امن الرعب إنشق سماطين
بخزرة تحطلهم گلب حلفت بالاحسين
بت المضيف الينباس .. بس هي چانت عباس
***
إلطف گضه وصار السبي..بس جاي اشوفنها الطف
العنده عزه يظل منشدهْ..وهي بعقل تتصرف
چانت قيادية ضعن .. والرتبة ما تتوصف
عدها عباية امقدّسة ..ترهم غطه للمصحف
(إنّا فَتَحنا) أعتقد نزلت هالايام
معناها يازينب بعد نظفيلنه الشام
عالظلمة طبت نبراس ..بس هي چانت عباس
**
علوية وبنفس الوقت.. شيخه واجت طلّابه
من عدها مالت كربلة ..وما مالت العصابه
بت واحد امبچي العرب ..مو سيفة بس اگرابه
واخت الي تنفل الرگب.. لمن يفل انگابه
طبت سفيرة اعله القصر بت الصريفة
وچانت رقية القائدة ومامش خليفة
شجاب الصخر عالالماس.. بس هي چانت عباس
*
وصلت مراحل بالستر ..زينب تحجب ظلها
زينب مرة اتعلمة الحچي .. ذاك اليريد يذلها
امن الممكن وكل معجزة .. اتصير ونحير بحلها
الگمرة تطلع بالظهر .. بس ماطلع صوت الها
گد ما عفيفة اعله الهوه امن الگاع تنشال
وبس الها الله من خلق ما خالق اخيال
خاف بشمسهم ينجاس .. بس هي چانت عباس
****
علي هادي الخزعلي
دفن الاجساد الطاهرة
حيره بوية شلون ادفنك
هـو انـته شباقي منك
راح المك بالحصيره
مصيبتي والله چبيره
……………………………
ريت يا بويه المنـيـه وياكـم اخذتني سويه
ولا اشوفن هالمنـاظر صعبـه يا بويه عليه
عالترب كلكم اضاحي مگـطعين اعله الوطيه
انته واخواني وعمامي والانصار اهل الحميه
بويه متـخالط لحمكم
گـلي شدفن راح منكم
حيرتي يابويه حيره
مصيبتي والله چبيره
……………………………
مو مرض بس الهلكني هدني بويه الي شفته
واني ازحف يم جثثكم شفت اخوي وما عرفته
علي الاكبر ذاك طوله وكل جماله الي وصفته
قطعة قطعة امگطعينه وصل صارة علي جثته
اليشبه الهادي بخصاله
منمـرد بالطف جماله
چـنه لا مو هوه غيره
مصيبتي والله چبيره
……………………………
ويا هضيمتنا عله جاسم يا فجيعتنا بمصابه
بعده شاب وحلو عمره تالي ذبحوه ابشبابه
ابن اخيك بويه صاير وصله وصله اعله الترابه
اه يا عريس هاشـم گـلبي طـراه بعـذابه
توه قاسمنا صبح شاب
شلون ادير اعليه التراب
هذا عريس العشيره
مصيبتي والله چبيره
……………………………
يا كسرنا ويا هضمنا عالنهر عدنـا مصيبه
لعمي ابو فاضل بكائي وگـلبي ميبـطل نحيبه
شفته بويه وريت ما شوف جـثته ذيچ السليبه
بويه مثلك نـاهبينه وعاري والجثه خضيبه
منمرد جسمه وبلا راس
يا هضيمتنا عله عباس
چان ينزف لخته غيره
مصيبتي والله چبيره
……………………………
بويه من جيت ارد ادفنك ما عرفت اشلون ادفنك
بالسيوف امگـطعينك انت موش احسيني چنك
گـمت ادور بالتـرايـب كـل عضو مفصول منك
گـوه لمـيـتـك يبويه الخـيل ليش ايطـشرنك
راح ادفنك وي سهامك
حيل مطحونه عظامك
وحرگتك شمس الظهيره
مصيبتي والله چبيره
……………………………
ردت اهيل اترابك اعليك ولنه صوت يصيح نحرك
يا علي وســد رضيعي وجبته خليته عله صدرك
بس يبويه بصدره حافر ماطلع من گـلبه اخبرك
طفلك ابلا راس مثلك عـظم الله براسه اجرك
منذبح مثلك خطيه
وداسته هم اعوجيه
دمعي دم الكم اديره
مصيبتي والله چبيره
الشاعر عقيل الحسناوي..
.
الأمام السجاد ( ع)
. ذكـريـاتـه جـروح بالـطـف والـسـبي
وشينسّي الـمـنـچـوي ابـنـار الـعـبـي
هذا حاله وهذا وضعه * عمره يخلص دمعه دمعه
*---------------*---------------*
ابـتـدت رحـلـة عـذابـه اويـه الـسـبـايـه
وچـانـت الـقـصـه طـويـلـه ابـلا نـهـايـه
عـمّـتـه بـعـينـه نظرهه و صـعبـه هـايـه
تـركـض و نـار الـعـده بـطـرف الـعبـايه
عاشر اجفونه المخيم والدمع
وصارت اسنينه تشابه للشمع
هيچي عايش چـنـه شمعه
*---------------*---------------*
بـگـلـبـه نـيـران المخيم صـعـبـه تطفــه
وبـمـحرم يجـري دمـعـه ويـبـدي طـفّـه
يـذكــر ايــام الـمـآسـي وذاكـه ضـرفــه
الـعـليـل وهـذا حـالـه شـلـون اوصـفـه
الخلـص بدمعاتـه ايـام الـعـمـر
الذكرياته احبال وسياط الشمر
الذكره صـعبـه و هم تـوجّـعـه
*---------------*---------------*
صـورة الطـف ابـخـيـالـه و تـجـري عينه
و الاشــد جـرح الـسـبـي الـهـيّـج حنينـه
اگـبـالـه ويـشـوف الشـمـر يحدي الضعينه
و فـوگ عـلـتـه ونـار حـزنـه امـچـتـفـيـنه
اتحمل الشمات واحزان وغرب
والعقيله اگباله وسفه وتنضرب
خصمه سبهه و ما يمنعه
*---------------*---------------*
حـالتـه بذيچ الصحـاري شحچي عـنـهـه
ايـشـاهـد الروس الغوالي اقـمـار چنـهــه
وعـمـتـه زيـنـب شـاركاهه بكل حـزنـهــه
امـچـتـفينـه ويمشي گـوه وي ضـعـنـهــه
صوره للخيمه نظرهه وللحرگ
و للمتون اليجرن ادموم وزرگ
الـيِـمـه اخـتـه وعـمتـه تـنعـه
*---------------*---------------*
الـجـامـعـه الحزت رگـبتـه اتقص مصابـه
ورحـلـة الـشـام أوگـفّـتـه بـنـص خـرابــه
خـارجـي ايـگـولـون عـنـه والـلـه جـابـــه
صـبـت عـيـونــه مـثــل صـب السـحـابـه
يسمع السب وجرّوحه اتلچّمن
وجارن اعليه المصايب والزمن
بكل سـنـه امـحـرم يفـجـعـه
*---------------*---------------*
يـذكـر الـشـام وجـروحه بـكـل مـسـيـه
و مـا يـشـاهـد غـيـر مسلوبه و سـبـيـه
سـاگـنـه بـروحـه بـقـت لـوعـة رقـيــه
يـَمـه مـاتـت بالـخـرابـه و طـفـلـه هـيـه
لـلـمـمـات وعـايـش بنار الالم
ودمعته لحسين ولراعي العلم
الشاهد اهله گباله صرعَه
*---------------*---------------*
✍ خادم الحسين ع
الشاعر رعد الچريخي
»دفن الأجساد المقدسة في اليوم الثالث عشر من المحرم…».
جاء في كتاب {بحار الأنوار} للعلامة ألمجلسي؛ في هذا اليوم خرجن نساء بني أسد يستقين من نهر الفرات, وإذا بجثث مُطرحة على وجه الصعيد، تشخب دماؤهم كأنهم قُتلِوا ليومهم, فرجعن إلى عشيرتهن صارخاتٍ باكياتٍ, وقلن: أنتم جالسون في بيوتكم, وهذا الإمام الحسين {عَلَيْهِ السَّلامُ} ابن رسول الله {صَلَّى اللهُ عَلَيْهِ وَآلِهِ} وأهل بيته وصحبته مجزرون كالأضاحي على الرمال, فبماذا تعتذرون من رسول الله، وأمير المؤمنين، وفاطمة الزهراء، إذا وردتم عليهم؟ فإن فأتتكم عار بلا كفن صريع في الثرى تحت الحوافر والسنابك مقصد
نصرة الإمام الحسين {عَلَيْهِ السَّلامُ}، فقوموا الآن إلى الأجساد الزكية فواروها, فإن لم تدفنوها؟ نحن نتولى دفنها بأنفسنا، فجاء الرجال همتهم دفن الأجساد الطاهرة, لكنهم لا يعرفون من هذا؟ ومن ذلك؟
قبيلة بني أسد : قبيلة تعيش أطراف كربلاء، خرج رجالها يتفحّصون القتلى، ويتتبّعون أنباء الواقعة بعد رحيل جيش عمر بن سعد إلى الكوفة، فلمّا نظروا إلى الأجساد وهي مقطّعة الرؤوس، تحيّروا في دفنها، فبينما هم كذلك جاء الإمام زين العابدين{عَلَيْهِ السَّلامُ} بمعجزة طي الأرض إلى أرض كربلاء.
كانوا في حيرة من أمرهم فبينما هم كذلك، وإذا بفارس قد طلع عليهم باكياً قائلاً: يا بني أسد، أنا أرشدكم إليهم, فنزل عن جواده وجعل يتخطى القتلى،
قال السيّد المقرّم{رحمه الله}: «ولمّا أقبل السجّاد{عَلَيْهِ السَّلامُ} وجد بني أسد مجتمعين عند القتلى متحيّرين لا يدرون ما يصنعون، ولم يهتدوا إلى معرفتهم، وقد فرّق القوم بين رؤوسهم وأبدانهم، وربما يسألون من أهلهم وعشيرتهم! فأخبرهم{عَلَيْهِ السَّلامُ} عمّا جاء إليه من مواراة هذه الجسوم الطاهرة، وأوقفهم على أسمائهم، كما عرّفهم بالهاشميين من الأصحاب، فارتفع البكاء والعويل، وسالت الدموع منهم كل مسيل، ونشرت الأسديات الشعور ولطمن الخدود.
فوقف على جسد أبيه الحسين {عَلَيْهِ السَّلامُ} فاعتنقه، وجعل يشمه ويقبله ويبكى بكاء عالياً, ويقول: يا أبتاه بعدك طال كربنا, يا أبتاه بعدك طال حزننا, ثم أتى إلى موضع القبر ورفع قليلاً من التراب فبان قبر محفور وضريح مشقوق، فأنزل جثته الشريفة وحده, ولم يشرك معه أحداً وواراها بنفسه, وقال لهم: إن معي من يعينني، ولما أقره في لحده، وضع خده على منحره الشريف قائلاً: طوبى لأرض تضمنت جسدك الطاهر، فإن الدنيا بعدك مظلمة، والآخرة بنورك مشرقة، أما الليل فمسهد، والحزن سرمد، أو يختار الله لأهل بيتك دارك التي فيها أنت مقيم، وعليك منّي السلام يا بن رسول الله ورحمة الله وبركاته”.
وكتب على القبر: “هذا قبر الحسين بن علي بن أبي طالب{عَلَيْهِ السَّلامُ}، الذي قتلوه عطشاناً غريباً”.
ثمّ مشى إلى عمّه العباس{عَلَيْهِ السَّلامُ}، فرآه بتلك الحالة التي أدهشت الملائكة بين أطباق السماء، وأبكت الحور في غرف الجنان، ووقع عليه يلثمّ نحره المقدّس قائلاً: “على الدنيا بعدك
العفا يا قمر بني هاشم، وعليك منّي السلام من شهيد محتسب ورحمة الله وبركاته”.
وشق له ضريحاً وأنزله وحده كما فعل بأبيه الشهيد، وقال لبني أسد: «إنّ معي من يعينني»! نعم ترك مساغاً لبني أسد بمشاركته في مواراة الشهداء، وعيّن لهم موضعين وأمرهم أن يحفروا حفرتين، ووضع في الأُولى بني هاشم، وفي الثانية الأصحاب وأمّا الحر ألرياحي فأبعدته عشيرته إلى حيث مرقده الآن».
وبعدما أكمل الإمام{عَلَيْهِ السَّلامُ} دفن الأجساد الطاهرة، عاد إلى الكوفة والتحق بركب السبايا.
.
تاريخ الدفن ومكانه -13 محرّم 61ﻫ، كربلاء المقدّسة.
** الحوراء زينب بت علي ع تنظر لرأس اخيها الحسين ع وتخاطبه
*** من شفت راسك عالرمح
گلبي انفطر يالغالي
اتمنيت راسي اعلى الرمح
موراسك انته العالي
وابجبهتي صاب الحجر
مو جبهتك يالوالي
الله يوقعت كربله
غيرت خويه احوالي
س محمد زاهر الخطيب
(حسرة الإمام السجاد عليه السلام
بعد دفن والده عليه السلام)
بويه سطى دهري عليه وما رحم حالي
اشما يجيني امن الزمن بعدك فلا ابالي
يحسين يا مظلوم مرمي لهذا اليوم
اتعاهدت ويه الدمع باقي العمر يجري
واتعاهدت ويه الحزن بيه ينقضي عمري
يحسين يا مظلوم مرمي لهذا اليوم
الشاف مثل اللي نظرته منهو ايلومه
ينظر أعمامه امصرعه وامجزره قومه
يحسين يا مظلوم مرمي لهذا اليوم
بس شوفتك جثة بلا راسك تهد ركني
اشحالي وانا اللي ادفنك الله يساعدني
يحسين يا مظلوم مرمي لهذا اليوم
بيدي انفتح بويه الصدر حين ارفعت ظهرك
واجمعت تالي امن الترب هالطاح من صدرك
يحسين يا مظلوم مرمي لهذا اليوم
واتحيرت اشلون ألّمك يا ضوا اعيوني
وجابوا لي قطعة هالحصيرة كان ايرحموني
يحسين يا مظلوم مرمي لهذا اليوم
ويلي اجمعت ضلعٍ ضلع واوصال متوزعه
وعاينت كفك منقطع منه انبتر صبعه
يحسين يا مظلوم مرمي لهذا اليوم
وقطعة افادك بالسهم حين انظرت اليها
ما بين اضلاع الصدر بويه امخليها
يحسين يا مظلوم مرمي لهذا اليوم
بويه كل ميّت بالقبر يتوسد الخده
وانا ابويه ادفنه والراس ما عنده
يحسين يا مظلوم مرمي لهذا اليوم
في اوداعة الله يالولي برجع الى اسجوني
امن ابعيد اسمع عمتي زينب تناديني
يحسين يا مظلوم مرمي لهذا اليوم
عبد المحسن الكنگوني
من بعد عباس زينب كافله
بالضعون وبالسبايه بكربله
خذت زينب دور بالطف الجبير
تكفلت بس مادرت وين المصير
يامصابج كربله ايشيب الزغير
مدللت عباس هسا معلعله
زينب الله يساعدج ياغربتج
شفتي بعيونج مذبحين خوتج
الماتشوفج گبل هسه شافتج
بغربته شفتي اخيج ونوله
اتكفلت وليان هاشم بالطفوف
من بعد ماگطعوهم بالسيوف
لليتامه اجروحهم هيه التروف
يساعد الله اليوم بت عقد الوله
ياهو المحسب الزينب تنسبي
هاي بت اشرف نسل جده النبي
واليتام وجوهن لون العبي
جانت بعز وي اهلهه مدلله
طاح عباس على وجه وكلشي طاح
وركظو على الخيم بالسب والصياح
وروس اهلهن صعدوهن عالرماح
وصوتهم من طاح ابو فاضل عله
وشبجت العشره العقيله محيره
تشوف اخوه حسين حزو منحره
واحد من الجيش شايل خنصره
يامصايب كربله تبجي المله
تمت
مؤيد الحفاظي
الدفنه
اجيت ادفن بالاحباب شفتهم والگلب ذاب
عليهم نايم اخضاب عليهم نايم اخضاب
****
اجيت ونفسه ظهر العاشر الگيته
اهنا وهنا دمعها العين هليته
خدر عمتي انه ما لحظه تيهيته
دخان الخيام ابصدري ضميته
تمر اثلاثه عالصار دليلي بعده بي نار
فلا اتناسى المصاب عليهم نايم اخضاب
****
ما رايد دليل حسين اندله
حافظها المسافه ابينه والتله
منا عمتي ركضت للاخو اتگله
گوم حسين جابو لختك الهزله
هذن عثرات الاجدام عليها ارماد الاخيام
بچتله وطشت اتراب عليهم نايم اخضاب
****
اجيت ادفن ابوي وحاير ابامره
مگلوب اعله وجها حسين لو ظهره
ابن حيدر ولاكنه ترف صدره
مو بس خيل واحد سحگته عشره
ادفنه ابتربته شلون ابوي ابدمه مدفون
قميصه شايل اصواب عليهم نايم اخضاب
****
متگطع ابوي شلون اشيلنه
جابولي حصيره وصرت المّنّه
الاحظ چفه ناقص بي صبع لنه
ما بين الترايب صرت ادورنه
ترايب فوگه هليت متت وياه تمنيت
دفنته وآنه مرتاب عليهم نايم اخضاب
****
تعنيت الشريعه ومنحني ظهري
دمع عيوني ما طفّه جمر صدري
جسمه اگبالي وچفوفه على كتري
ثلاث گبور رايدله الگمر ادري
اله والذيچ الايدين اريد ابنيله گبرين
عله الشاطي گمر غاب عليهم نايم اخضاب
****
الشاعر اياد الديراوي