7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
فزاعيه بدايتها نعي زهراء عليه السلام
هاي ام الحسن والزود عاليها
الدنيه اتاسست الها ولهاليها
علويه ويشيل الراس طاريها
نزلت الفزاعيه
هله يالبيج زود وهيبت الساده
الكون الخاطر اهلج دكو اوتاده
...........
هلج والدين بيهم ثبت اركانه
عليج اهل العرش هاليوم حزنانه
شلتي من الضلع ياحيف وجعانه
( شالوها /بليل اضعونج)
............
شلتي والصميده هلت عيونه
ودنيانه عليج اليوم مرجونه
واملاك السمه ونت ومحزونه
(مرجونه /الدنيا اليومج )
..............
نون مانسينه الضلع وصوابه
اليومج غيمت يابت الهيابه
عرش الله نعاج بعين سجابه
(اهتز كونه/اليوم عليج )
...........
شلون بليل حملتي يمهيوبه
رحتي معوره وبضلع مصيوبه
حيدر شيعاج بعين مسجوبه
(عالمتونه /جن شال الكون )
...........
هاي معنونه ومعروف ماضيها
هيبه من يمر عليج طاريها
شلون تشيل والبسمار ماذيها
(ومهظومه /شالوها بليل )
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب الجزء التاسع عشر
وصية السيده الزهراء للعقيله زينب (صلوات ربي عليهما ) ليلة شهادتها :
يـيُمه اوياچ هاي آخر مسـيّه
يزينب وارد اوصّيچ ابوصيّه
احسين اجروحه من ايصيرن اهواي
بلكي اتشرّبينه اهناك چف ماي
_____
ييمه اصواب ضلعي منّه ماطيب اولاگوم اعله احيلي
ليلة باچر اتوسد بل اتراب يــبنيتي اندعيلي
اريد ارتاح واغفه بلايه لچمات وايسكّن عويلي
يمهجة روحي بحسين ارد اوصيچ سِبّاحة دليلي
ظهر عاشور من اتشاهدينه
يگف محتار والدمعه اعله عينه
گبل ليروح للميدان اشبگيه
امانه ابصدره يا زينب تشميه
هاي آخر وصيه ... هاي آخر وصيه
_____
يزينب من يجي لوداعچ احسين وانوه اعله المنيه
سلميلي عليه او نحره شمّيه حفظيها الوصيه
او گليله تگول الزهره يحسين وحگ رب البريه
ازيد من كسر ضلعي وره الباب دمعك سوّه بيّه
ييمه الوالده او هيّه ابلحدها
تعطش من تحس يعطش وَلَدها
كل جرح الذي ياذيك يحسين
ابگلب امك تراه ايصير جرحين
هاي آخر وصيه ... هاي آخر وصيه
_____
لو دارو عليه الجيش صوبين لا يسمع بچيچن
تره طعن الخواصر ما يأذيه ازيد من دمعچن
او لمّن تسمعنّه ايصيح عطشان لا يتعلّه ونچن
طاسة ماي دوريله بل اخيام هل هلله بخيچن
بلكت الله ميذبحونه ضامي
يشَربونه گبل ميموت دامي
أُمنيتي يموت احسين مرتاح
ولا گلبه تشلعه اسيوف وارماح
هاي آخر وصيه ... هاي آخر وصيه
_____
لو صاب المثلث گلب الحسين واهوه اعله الوطيه
خدّه خافن التربان تچويه سوي له تچيه
گليله عليك انت الشمر جاي وانه الهم عليّه
عله صدرك يريد ايدوس يحسين ويچتف اديه
يزينب والشمر لو حز وريده
يعني بكربلا صرتي وحيده
بالچ عل يتامه والنساوين
عگب احسين انتي الهن احسين
هاي آخر وصيه ... هاي آخر وصيه
_____
وبعد يازينب اوصيچ اعله الحسين يوم اليذبحونه
تدوس اعليه عشره اخيول ويلاه صدره ايهشمونه
لمّي اضلوعه يايمه امن التراب زينب يل حنونه
واصبعه المنگطع هم دوّري اعليه خافن يمردونه
ييمه احسين من الگاع لمي
بل حومه وذر بالچ تخلي
ابعباتچ لملميهن ويه الدموع
واحسبيهن ييمه احساب الضلوع
هاي آخر وصيه ... هاي آخر وصيه
_____
ييمه آخر وصيه وبيها مختوم يوم الغاضريه
بلچن فد عباه عند النساوين سكنه أو رقيه
غطي احسين لتخلينه عريان گبل المغربيه
ثلث تيام رايح يبقه عل گاع ميدفنونه اميه
الله ايعينچ ابهاي الزيه
وانه من الگبر ارفع اديه
ادعي من الاله ايصبّرچ كون
اوبردن وسلام اسياط المتون
هاي آخر وصيه ... هاي آخر وصيه
_____
ابو فاطمة الطائي
أمير المؤمنين مخاطبا الزهراء صلوات الله عليهما . بلسان الحال :
ريـت يـنـدار الــكـسر بــضلـوعـي
فدوه حاچيني وارحمي ادموعي
فاطم .. ليش ياروحي السكوت
فاطم .. حـيدر آنــه راح امـوت
يل زچيه يل زچيه
__________
ريت يندار ابضلوعي كسر ضلعچ فاطمه
او ريت روحي گبل روحچ كون صعدت للسمه
يا ضوه الدنياي اگعدي اعليچ عيني امعلّمه
الچانت ابوجهچ تصبّح اصبحت تهمل دمه
يل رحتي او عفتيني طير ابلايه اجناح
لا عايش متهنّي لا ميت مرتاح
كل ساعه بفراگچ تاخذ سبع ارواح
فاطمه والله العمر ما ريده
انتي دنياي او صفيتي ابعيده
موحش .. بيتي من دون البيوت
فاطم .. حـيدر آنــه راح امـوت
يل زچيه يل زچيه
__________
سلوتي او نبضة دليلي انتي كل دُنيا علي
انت كلشي الي احبه انتي نعمه امن الله الي
رحتي والدلّال عگبچ ليل وانهار ايغلي
فاطمه ابيوم الدفنتچ چني دافن كل هلي
والدافن أحبابه ايضل عايش مكسور
ايضيعوني او يلگوني متوسد لگبور
چن گاع او عطشانه هيچ ابگلبي افطور
ركني مهدود او نحيله اعظامي
والله ما يحمل بشر الآمي
علگم .. ألهوه ابريتي يفوت
فاطم .. حـيدر آنــه راح امـوت
يل زچيه يل زچيه
__________
يوم عصروچ وشهگتي كل نفس بيه انگطع
طلعو البسمار منچ لاكن ابصدري انطبع
ويه كل دمعه اعله خدچ فاطمه گلبي انشلع
ابگد وجع ضلعچ يروحي مهجتي حِملت وجع
يل زهره او بفراگچ تبچي اعليه الناس
مو گلبي. ايون جسمي من جدمي للراس
چن صخره اعله اضلوعي مكتوم الانفاس
روحي طلعت بس جسد شوفيني
راح حيلي امن البچي وونيني
عگبچ .. فرفحِت ما ضلي صوت
فاطم .. حـيدر آنــه راح امـوت
يل زچيه يل زچيه
__________
آه ياليلة دِفنتچ دفنت ابصدري جمر
لملمت عافيتي كلها او ضوه اعيوني والعمر
اوياچ كلهن وسدتهن فاطمه ابنفس الگبر
واگعدت ويدي اعله خدي مدري بعدچ شنتظر
شتنطر بغيابچ غير الون والآه
ملچ الموت اشماله ما ياخذني وياه
من روحچ يقبضها علي المن خلاه
عل تراب المات كون انوسده
اشلون اوسد الي غده ازرگ خده
حيره .. منها كل حيلي يموت
فاطم .. حـيدر آنــه راح امـوت
يل زچيه يل زچيه
__________
وسدت خدچ بديه وهاي آخر شوفه الچ
او خضبت شيبي ابدمعتي فاطمه اواتوسلچ
ارد اوصيچ ابوصيه الطاها من يستقبلچ
گولي حيدر موش حيدر يوم عني يسالچ
گليله بس دمعه او يتحسر عل راح
يتگلب كل ليله ايموت ابكل مصباح
من حيدر يابويه ضلت بس اجراح
علي باقي بس نفس گليله
اصواب خدي والضلع هد حيله
ناحل .. والدمع صايرله قوت
فاطم .. حـيدر آنــه راح امـوت
يل زچيه يل زچيه
__________
اوداعة الله يل زچيه نامي نوم العافيه
من زمان اعيونج انتي امن الالم ما غافيه
نامي يل كلچ محنه يم سوالف دافيه
لا صبر ينفعني عگبچ لا دموعي شافيه
چن يعگوب اعيوني عاميها الدمعات
چم مره اشتم گبرچ واتگلي الاموات
ماترجع ما ترجع ياحيدر هيهات
والله لو موتي يصح بيديني
گبل عينچ چان اغمض عيني
ابگلبي .. اتگطعن كل البتوت
فاطم .. حـيدر آنــه راح امـوت
يل زچيه يل زچيه
__________
ابو فاطمة الطائي
ها قد أطلت علينا الليالي الفاطمية ليالي حزن الزهراء، ليالي وحدة أمير المؤمنين ، ووحشة الحسن والحسين وزينب ، يروى أنه حينما كان أمير المؤمنين عليه السلام، يتلو القرآن أمام قبر الزهراء عليها السلام هومنت عيناه فرأى السيدة الزهراء تقول له :شكر الله سعيك يا ابن العم لقد نفذت الوصية يا أبا الحسن ثم قالت: ارجع يا أبا الحسن إلى البيت لأن زينب جلست من نومها ونظرت إلى مكاني فرأته خاليا فأخذت بالبكاء.
فلما سمع الإمام (ع) كلامها رجع إلى البيت مسرعا فوجد زينب (ع) جالسة وهي تنظر إلى مكان أمها الزهراء وعيونها تتحادر دموعا فلما وقع بصرها على أمير المؤمنين صاحت وا أماه وا فاطمتاه .
كأني به حينما دخل الدار رآها متكومه على نفسها في زاوية الدار وهي ترتعد وترتجف من شدة البكاء
فما أن رأت أمير المؤمنين ركضت الى حجره الدافئ وأخذت تقول بلسان الحال :.
يابويه وحدي ابقيت وتبدى همي
ظلمه النزل بالليل محتاجه أمي
_____
تتراجف الأطراف لو تلفي ظلمه
والطفل اذِ مهموم حضن امه غيمه
لو فز لتالي الليل يلقاها يَمْه
غيمة حياتي وين محتاجه لمِّي
_____
ابكل زوايا الدار تجمعنه ذكرى
وبكل ركن القه ويا امي صوره
عقب العزيزة البيت حيطانه قشره
حتى الهوه مخنوق من شالت امي
_____
چنه اعلى سفرتها ناكل خبزها
ونسمي بالرحمن ابضي وجهها
كلشي اختلف طعمه وراح بحزنها
رد فرحتي يابوي رجّع لي امي
_____
آنه وحسن وحسين صرنه يتامه
وحال اليتيم شلون؟ يذبح كلامه
يفقد حنان امه ويكثر ظلامه
مثل الحمامه ايون اخذوني لامي
_____
للزهره مشتاقه ويحرقني دمعي
كلما ردت يمها احضنها وسعي
اسمعها بالونّه تصرخ يضلعي
حلم وصفالي ابعيد لو احضن امي
_____
طفله وخمس اعوام بعدي صغيره
ناداها ودموعه بجفنه غزيره
صبري يبعد الروح لو هي مريره
يوجعني قلبي لا … ناديتي ي امي
_____
راحت عروس الدار نامت وردنا
ومن هومت عيناي جتني وبچتنا
نادت يحيدر قوم ودركها بتنا
زينب على الاعتاب وتنادي امي
_____
شافت مكاني خال وتجدد الهم
من نظرت المسمار متلون بدم
ذكرت ورى الاعتاب ضلعن تهشم
طفله وتون عالباب محتاجه امي
_____
تمت بعون الله
خادمة الزهراء فاطمة حبيب
{ *لطميه لشهادة باكية العين*}
*مولاتنا فاطمه عليها السلام*
{٣١}
*طور : لاتروح - ملا محمد الجنامي*
https://youtu.be/0WdHIwygNX0
••••••••••••••••••••••••••••••••••••••••••
*لسان حال مولانا أمير المومنين*
*وهو جالس بجوار قبر مولاتنا الزهراء*
*يشتكي ماجرى عليه من بعدها :*
*بقلبي جروح .. بحچيها لِچ يفاطِمه*
*بقلبي جروح .. أكبر من اغيوم السِمه*
*بقلبي جروح .. من عِدها روحي امألِمه*
*بقلبي جروح*
••••••••••••••••••••••••••••••••••••••••••
عذريني يا أم الحسن .. إلج ابشكي البِيّه
يمج بسولف حسرتي .. يالرحتي مِنِ ايديه
يوم اللي عالدار اهجموا .. ماچان أمري لَيّه
عنج ادافع مگدرِت .. كله لجل لِوصيه
شِفت الضِلوع .. يازهره وارجو المعذِره
شِفت الضِلوع .. يم الحسن مِتكسِره
شِفت الضِلوع .. والضيم مگدر أكتِمه
*بقلبي جروح*
••••••••••••••••••••••••••••••••••••••••••
بعدچ معاناتي اشكثر .. يا اغلى من انفاسي
مگدر أوَصِّفلِج ألم .. او لا ذره منِ احساسي
قلبي بالهموم انترس .. وبالبير أخَلي راسي
للبير اشكي محنتي .. واشكي زماني القاسي
عايش هُموم .. منها شخلي وِشْ أعِد
عايش هُموم .. اجبال الصبر منها تِهِد
عايش هُموم .. الربي أمرها امسلِمه
*بقلبي جروح*
••••••••••••••••••••••••••••••••••••••••••
بعدج شَعِدنْ ياجرِح .. ياروحي مِنِ امشيتي
وحشه النزِل يفاطمه .. وينج يشمعة بيتي
انظر زوايا حجرتج .. بيها الحزن خليتي
فقدج تِرك بِيّه هضم .. يالطاهره اشظنيتي
فقدِج عذاب .. ومخنوگه بالهم رِیِتي
فقدِج عذاب .. بعدج تِطولَن حسرتي
فقدِج عذاب .. والدنيا بُعدِج راسِمه
*بقلبي جروح*
••••••••••••••••••••••••••••••••••••••••••
كل لحظه آنه اتخيلج .. يم المحَنّه اقبالي
ومن عيني تنظر للرحى .. يبدى جرح دلالي
انظر المسباحج وَوِن .. وحال الهضيمه حالي
وريحة عباتج اصبحت .. تذبحني يم اعيالي
والذكريات .. بعيوني صارت موجعه
والذكريات .. يازهره قلبي اتقطعه
والذكريات .. تكتل علي حامي الحمه
*بقلبي جروح*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
{ الله وياج / نعي لفراق أم السبطين }
{٤٠}
⚫ *جديد*⚫
••••••••••••••••••••••••••••••••••••••••••
لسان حال ذرية الزهراء عليها السلام
◾نعي مجرد :
يمه يزهره الله وياج
للقبر هالمسيه ممشاج
ابدمع المحاجِر ودعيناج
بالدار خليتي يِتاماج
الله يصبرنا اعله فرقاج
بيتج بقى وحشه بلياج
اتعوفينه يُمه شِلي خلاج
مِنه زعلانه ولا وِشْجاج
تعبانه جنتي ومالج اعلاج
للونه صاير موتج ادواج
ماننسى يالحنونه مرباج
كل لحظه كنه نطلب ارضاج
يالذي چان ايسرنه ملقاج
اتْريحِ النفِس شوفة مُحياج
أُمنه العزيزه الجنه مَثواج
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
الليالي الفاطمية..
قصيدة #نزلة_سريعة
على طور
(على العين على الراس يا هلا بالمشايه) لباسم الكربلائي..
.
.
عهد هاذ.. بالرگاب.. ما ننسى يوم الزهره
عهد هاذ.. بالرگاب.. ما ننسى يوم الزهره
...............................
1/
خلّي يسمعنه اليضدنه ويفهم الما فاهم
الرايد اينسّينه همنه هذا أكبر واهم
جيل عن جيل ايتوارث كل مصيبة فاطم
وخادم الخادم يوفّي و حد ظهور القائم
ما ننساه.. لا والله.. كسر الضلع والصطره
عهد هاذ.. بالرگاب.. ما ننسى يوم الزهره
...............................
2/
للأجل دايم عهدنه بهل ظُلامه انّادي
نصيح ظلموها السقيفه من رحيل الهادي
ظلم مَر إعلى الزچیه لا أبد مو عادي
ولون ما نذكرها يبقى هالظلم متمادي
نظل دوم.. وبكل يوم.. ننصب عزا للعتره
عهد هاذ.. بالرگاب.. ما ننسى يوم الزهره
...............................
3/
بضعه من عندي الزچیه شكثر گایل طه
يغضب الباري الغضبها يوالي من والاها
لكن الأصحاب سوّت عكس ما وصّاها
طيّحوا منها الجنين وصطره في عيناها
باب الدار.. شبّت نار.. والهل وكت مستعره
عهد هاذ.. بالرگاب.. ماننسى يوم الزهره
...............................
4/
رغم دم الزهره سايل و الضلع لتكسّر
لچن بيد أهل السقيفه ما تخلّي حيدر
درس للأجيال هذا عِبره يبقى و مصدر
الحُجة الباري و إمامك ضحّي كلما تگدر
لاجل الدين.. قرابين.. مثل الزچیه الحره
عهد هاذ.. بالرگاب.. ما ننسى يوم الزهره
...............................
5/
لوما دم الزهره قطعاً ما ثبت هالمنهج
لوما دمها لا شريعه ولا صلاة ولا حج
فاطمه كلمة قداسه الشيعي بيها اتوّج
ثابتين بهل عقيده وبيها دوماً نلهج
بالحساب.. ما نرتاب.. والشيعه بس منتصره
عهد هاذ.. بالرگاب.. ما ننسى يوم الزهره
...............................
6/
حاكمه بالمحشر اهيه وهالأمر يتحتّم
فاطمه و كلمن يودها من جهنم يُفطم
دمعه تنزل بالعزاء اطفّي كل اجهنم
يالموالي ابذل جهودك عالضلع لتهشّم
دمع العين.. لام حسين.. هو الذخر بالأخرى
عهد هاذ.. بالرگاب.. ما ننسى يوم الزهره
...............................
7/
هالليالي الفاطميه تسعر ابكل مهجه
نار تسري بكل ضمير وبالگلب متوهجه
كون نتوفق نقدم خدمه ليها ونرجى
وبالعزاء احنه انتمنّى نظره من الحجه
يمحجوب.. هالگلوب.. دونك تظل متحيره
عهد هاذ.. بالرگاب.. ما ننسى يوم الزهره
...............................
✍🏻 علي نوري الحلفي
#جديد
#نعي استشهاد مولاتنا الزهراء عليها السلام
مجاريد
.
.
شالوا نعشها بظلمة الليل
والوالي تهدم منه الحيل
شفنه دموعه ابخده اتسيل
يگلها يزهره وحشه هالدار
وگلبي عليج امسّعر ابنار
بعدج زماني اعليه يندار
جست الضلع والصبر چتال
شوفي علي يازهره باي حال
مصابج يحسه بقلبه اجبال
ينظر بعينه زينب تنوح
وينزف دليله مِنِّ الإجروح
هموم اليتم بعيونها اتلوح
تگله يبويه رجع امنه
نريد المسيه الها تلمنه
ماينحمل والله المنه
تگله يبويه خذني ليها
حنيت اريد اسمع حجيها
ونشوف القبر وشسوى بيها
دلني يبويه اعله البنيه
بلكت تحن امي عليه
وتاخذني وياها المسيه
___
تمت بحمد الله تعالى
#بنت_الشمري
#وداع السیده زینب و اخوانها مع الزهرا(س)
#فلت وانتهت ویاج
والایمه فگدناها
$$$$$$$$$$$$$$$$$$$$
یایمه وترکتینه
هان علیج عفتينه
عكبج من یبارینه
امنه انريد وياها
$$$$$$$$$$$$$$$$$$$$
فلت عشرتي ویاج
مااصبرعلی فرگاج
دنیامظلمه بلیاچ
امنه الروح تهواها
$$$$$$$$$$$$$$$$$$$$
اصیح بصوت تانینی
خلافج من یسلینی
علی الفرگه یهدینی
فلت عشرتی اویاها
$$$$$$$$$$$$$$$$$$$$
امی حلوه طبتها
وتتفگد ابنیتها
حنینه یامحنتها
مانكدر بلياها
$$$$$$$$$$$$$$$$$$$$
اصیح بصوت تانینی
یمه نظر عینی
خلافج من یحاچینی
یهدالحیل ممشاهاا
$$$$$$$$$$$$$$$$$$$$
دارج یمه حزنانه
مثلي اعليج ولهانه
تون واتنوح ويانه
دارج رايح اضواها
$$$$$$$$$$$$$$$$$$$$
يتامه یمه ظلینه
عگبج من يمر بينه
ييمه اشكثر ونينه
روحي الحزن هداها
$$$$$$$$$$$$$$$$$$$$
تـــمـــت بــعـــون الله
✍ #علویه ام فاضل
❌غـیـرمـبـری الـذمـه الـیـحـذف الاسـم اویـغـیـره❌
#اللهم_عجل_لوليك_الفرج
ابوذيات لمولاتي الزهراء ع
ركس كلبي لمن غبتي..وتل بيه
يزهره اسمج تره حرزي..وتل بيه
كلبي من الحزن وادي ..وتل بيه
ملى اسفوحي الحزن والتل سويه
ابو الحسنين جم ايه ..تلاها
على كبرج والدعي الزهره..تلاها
بحقد لجن صبر عنهم ..تلاها
يموت اليوصله كبر الزجيه
دموع العين عكبج..راح اسلها
ودار العز يافاطم..راح اسلها
بنحيب وشوك روحي..راح اسلها
وعليج ابجي بجي لحد المنيه
الدنيه اخلاف شخصج..راح املها
وروحي ابيوم غبتي..راح املها
بلون الحزن دارج ..راح املها
حزن بس ياحزن طوفان بيه
وحك اللي خلك سبعه..لجلها
الزهره وتنحني الوادم ..لجلها
الدمع موجت بحر لجت..لجلها
بعيني تلج لحد يوم المنيه
وحك العالمه ونعرف..علمها
زينب هالمسه ناحت.. علمها
هاشم رادتك تظهر ..علمها
وتطالب بالكسر ظلع الزجيه
خبر مفجع لعد ولده..علمهم
حيدر بلغ اولاده ..علمهم
يرفعون حزن اسود..علمهم
ويكتبون العزه لرب البريه
الحاج ابو علي السعيدي
ابوذيات لمولاتي الزهراء ع
وحك اللي بعين الحفظ..يرهه
كسر ظلع الزجيه وراد ..يرهه
الزهره كالو الملعون..يرهه
الكسر بالباب وبظلع الزجيه
بروض الحزن معروفه..يزهره
انتي لشيعتج نبعه..يزهره
الكسر ظلعج نشل ايده..يزهره
ونلعنه بكل صباح وكل مسيه
الحزن بكلوبنه من اسنين..بت من
يخصها وعرف هيه منين..بت من
الرسول وكطع هرش النبي..بت من
نبض شريان من سيد البريه
الزهره الاخذ منه الذهب..والدار
علم والمعرفه بالناس..والدار
عمت عينك الكسر للظلع..والدار
يظل ملعون دنيه واخريه
عل حيدر جرت اهوال..من هال
عل الزهره التراب بيوم..من هال
من عده يفوح الطيب..من هال
تراب اللحد من ذيج المسيه
سمعت اونين داحي الباب..ون هون
ليالي اللي جنت وياج..ون هون
تجافينه ابعجل للموت..ون هون
وتخليني اون صبح ومسيه
وكفت عل الكبور وصحت..وي اه
اريدن باللحد مدفون..وي اه
نذر ناذر واسوم البخت..وي اه
اكوم ازرع ورد درب الزجيه
الحاج ابو علي السعيدي
_
*🔸المصيبة : الحسين عليه السّلام يسأل أخاه الحسن عليه السّلام عن حال أمه الزهراء (صلوات الله عليها) وهو يستمع إلى طول أنينها و بكائها :*
🔻(الموشح) :
*توِن كلِّ الليل أمنه اشبيها ؟! ..*
*خاف كسْر اضلوعها امأذّيها ..*
**
خاف لاچمها ضلعها المنهِشِم
او خاف جرْح امتونها رد ينلچِم
ابحال أمنه يا حسَن عندك علِم
*ليش ما تفتر من اِبْواچيها ؟! ..*
**
جاوَبه او دمعه يصب صَبِّ المِزِن
حگها كلِّ اللِّيل اُمنه مِن توِن
غير كَسْر اضلوعها او جَرْح المَتِن
*امورّمَات امْن السِّياط إيديها ..*
**
داروْا اعْليها او تشاگف بالإدين
و الأشد من هاي أخبرك يا احْسين
عين اُمنه انطِفَت من لطمة العَين
*عسه انشلَّت إيد الِمْطفَّيها ..*
**
لو غريبه اتصيح ما بين العَرب
چان فزعْوا ليها لاچن العجَب
أُمنه لمَّن صاحت ابنار او حطَب
*اعْليها فزعْوا موش فزعوْا ليها ! ..*
**
أبد ما تنلام لو ونَّتْ ابْليل
و التِسَگْط اِجْنين مـيْظل إِلها حيل
گال : أويلي , او گِلِت : ما ينفع الويل
*او لا تفيد العَبره من نجريها ..*
**
هذا حُكم الله او إلى اللهِ المَصير
و العَلينه كاتْبه الباري يِصير
و أظن ياخويه عُمُر اُمنه گصِير
*اتفارج او نبگه العُمر نبچيها ..*
**
یا حسین اتموت امنه و الصواب
ضلع واحد كاسرينه وره الباب
او بالطف اضلوعك فرع هذا المُصاب
*عشِر خيَّاله التدوس اعْليها .. !*
🔸🔶🔸🔶🔸🔶🔸
*ميرزا عادل أشكناني*
قم المقدّسة
ربيع الثاني ١٤٤٥ هـ
#اللهم_عجل_لوليك_الفرج
(فزاعية لاستشهاد الزهراء عليها السلام)
جينة نعازي ام الحزن
امها مشت هالليله
💔💔💔
جينة نعازي الطاهرة
تبچي دموم مساهرة
بالدار تفتر حايرٓة
وصتني أباري العيلة
💔💔💔
ظليت اصبر بأخوتي
وبسكوت نزلت دمعتي
مادرت أمي بحالتي
وحدي أون ونحيلة
💔💔💔
الحسين يبچي ويه الحسن
وياهم تون ام الحزن
غدار وياها الزمن
ماتدري شسويله
💔💔💔
ام الحسن مفگودة
ونشرو الراية السودة
وگلوبهم ممرودة
وبتها تشم الشيلة
💔💔💔
بالدار واگف حيدرة
وهموم گلبة مسطرة
ويشوف زينب مكدرة
تريد الذي تشكيلة
💔💔💔
تشكي لوالدها اليتم
وحيدر يصبرها بألم
مكتوب زينب تنهضم
والفرح مامر ليلة
💔💔💔
لخادمة اهل البيت عليهم السلام ام رحاب (سعاد حسين)
لا أجيز حذف الاسم او تنسب القصيدة لغيري
*الوداع بين مولاتنا الزهراء ع وزينب ع* لحن قلب امك يبني مفتت الشيخ الجفيري~
أم الحسن ونّه ونّت
وزينب ليها اويلي اتدنّت
صاحت يمه اوصيچ وصيه
گعدت يمها وليها احتضنت
يُمه يمه يمه يمه²
〰️〰️〰️〰️〰️
عندي وصيّه زينب ٱسمْعي
تشوفي اضلاع وكنها ضلعي
بالطف اصبري لمصاب حسين
وضع الحسين يشبه وضعي
زينب زينب زينب زينب²
〰️〰️〰️〰️〰️
نار الباب ونار مخيّم
عصرة امك وضلع اتهشّم
وسوط الألّم متني يُمه
بضرب متنچ يُمه وألّم
〰️〰️〰️〰️〰️
تزيد المحنه ذبحة الحسين
وصدره مهشوم لا مو ضلعين
يدوسه الحافر اگبال عيونچ
تشوفي رماح وروس ونارين
زينب زينب زينب زينب²
〰️〰️〰️〰️〰️
تگلها يْمه ما اتحمّل
انظر جسمه بوسط المقتل
يم المذبوح يمچ احضر
بايتام حسين انه اتكفّل
〰️〰️〰️〰️〰️
*جواب زينب*
صعبه يُمه الليله وداعچ
لا ما اشبع انه بحضنچ
اخذي عمري ولا لا تروحي
ما اگدر اشوفچ وانت بگبرچ
يمه يمه يمه يمه²
خادمة آل محمد ✍🏻
*يا بقية الله*
*حال امامنا صاحب الزمان ناصب خيمة عزائه عند باب امه فاطمة ع* لحن اسمع عتابي~
كل فاطمية ~ ناصب عزيه
وتجري دموعه ~ بباب الزچيه
يعاين مصيبه ~ أمه النجيبه
كسروا ضلعها ~ والله عجيبه
صورة بعينه~ عصروا الحزينه
ومحّد نصرها~ من اهل المدينه
يشوفن ببابه ~ ضلع ومصابه
وبسماره شاهد~ وطفل بترابه
وآثاره من دم~ وضلع التهشّم
وامه الشهيدة~ بيها الله يعلم
يگله ويعاتب~ يا باب المصايب
احكيلي عنها~ ترى گلبي ذايب
شلون عْصروها~ شلون ضْرَبوها
ترى امي وردة~ بحقد وأذوها
خادمة آل محمد✍
إِذَا أُمِّ الْحَسَنْ هِجْمَوْ عَلِيهَه
بَعَدْ عِينِ النِّبِي وْخَانَوْ وِلِيهَه
تَرَه هَاذَه الظُّلُمْ صَوَّبْ بِنِيهَه
-----------------------
إِذَا الْبَابِ انْرُفَسْ لَمَّنْ تِجَرَّه
أَبُو الْيِمَّه انْرُفَسْ حِيلِ عْلَه صَدْرَه
گَبُلْ لَا يِنْگِطِعْ عَالْغَبْرَه نَحْرَه
-----------------------
إِذَا أُمِّ الْحَسَنْ ظَالِمْ عِصَرْهَه
حَوَافِرْ عَادِيَه عِصْرَتْ ذُخُرْهَه
عَلَى ضْلُوعِ السِّبِطْ تِلْگَه أَثَرْهَه
-----------------------
إِذَا مِحْسِنْ وِگَعْ عَالْعَتْبَه دَامِي
الرَّضِيعِ بْكَرْبَلَه وَاوِيلِي ظَامِي
انْذِبَح يَا وَسْفَه بِسْهَامِ الْمَرَامِي
-----------------------
إِذَا أُمِّ الْحَسَنْ وَاحِدْ لُطَمْهَه
وِسَفْ چَمْ لَاطِمِ لْزِينَبْ هُضَمْهَه
عُگُبْ مَا حَرِّگَوْ بِالطَّفْ خِيَمْهَه
-----------------------
إِذَا بْسُوطَه الْعَبِدْ سَوَّدْ مَتِنْهَه
أَلِفْ سُوطِ وْرُمُحْ زِينَبْ إِجَنْهَه
الْأَعَادِي وَرُّمَتْ حَتَّى جِفِنْهَه
-----------------------
إِذَا أُمِّ الْحَسَنْ شَافَتْ أَذِيَّه
شَگُولَنْ عَالْمِشَتْ لاچِنْ سِبِيَّه
أَسِيرَه مْچَتَّفَه بِحْبَالُ امَيَّه
-----------------------
إِذَا أُمِّ الْحَسَنْ عَاشَتْ مُصِيبَه
شَگُولَنْ عَنْ وَضِعْ بِتْهَه الْغَرِيبَه
عُگُبْ رَاعِي الْخِدِرْ طِلْعَتَ سَلِيبَه
-----------------------
إِذَا أُمِّ الْحَسَنْ مَاتَتْ شَهِيدَه
الْعَقِيلَه مَاتَتِ بْدِيرَه بَعِيدَه
وَحِيدَه زِينَبِ الْحُرَّه وَحِيدَه
-----------------------
#الليالي_الفاطمية
الشاعر حسن خنافر العاملي
//السلام عليكِ ياسيدتي ومولاتي يافاطمة الزهراء//
مــولاتي يا زهراء مـولا تـي
مــن ظلعچ المكسور اهـاتي
..............................................
مــن ظلعچ المــكسور يالـــزهــره
ضلت بالكلب ما تنطـفي الجمــره
مات الورد لجــلج وندفن عطــره
بهذاك اليوم حته الكاع متفـطره
مـــاجـفــن من الباب دمــعــاتــي
..............................................
كـلـمـا شـاهــدة بــيـبان اتــذكـــر
اذكــــر عصرتج من ظلعج اتكسر
يمــوت الحيل بية والجدم يــعثر
وصيح الله يعينك والله يا حيدر
مــــا يخــفن وحقچ ذني وناتـــي
..............................................
اصـــــحـاب السقيفة للشرك عادوا
من بعــــــد النبي بالحقد شو زادوا
على بيــــت النبوة شعدهم تمـادوا
دفـــعـــو باب حيدر منكم اشرادوا
مــــن گلــــب الموالي انتوا ساداتي
..............................................
بــيـــت مـن الشعر والله بـــچانـــي
مــــن اذكــــر مصابچ يقره وجداني
بين البــاب والحايـــط سمعــت اني
مـــعـــصوره الــزجــــيه وهذا آذاني
ثجـــيله اوما ابطل عليج صــرخاتي
..............................................
بـيــنتـي حقـيقــة بــظلعـچ الدامي
وبين كل كــفــرهم ونـــتي سلامي
تـمنـــيت بزمانچ صايـــره ايامـــي
وصـد بسمار صدرچ هذي احلامي
ولاثار الظلع ما تطفي جــمــــراتي
..............................................
الشاعر خالد جودي العارضي
بل زهره الف داي ..... يبو صالح يمولاي
____
ثار الله يموعود .. يمته الثارك اتعود .. واتفرح الزچيه
للساع ام الحسين .. تبچي او تهمل العين .. كل صبح ومسيه
من عصروها بالباب .. كسر البيها ماطاب .. نيرانه سريه
والي امكَسَر اضلوع .. يبقه امساهر ايلوع .. يا راعي الحميه
يمته وتلفي عنّاي ..... يبو صالح يمولاي
____
امك يبن الاطياب .. ماتت من الصواب .. مضلومه او شهيده
عصره . اوسطرة والنار .. وابصفحتها بسمار .. بيها الهم يزيده
غصه ابغصه وآهات .. حسرات اعله حسرات .. يوميه جديده
حد ما ماتت اتنوح .. بيها زرگه الجروح .. مهضومه او وحيده
متعذبه يرجواي ..... يبو صالح يمولاي
____
ماتت والوجع ضال .. اجيال اعله اجيال ..
نتوارث حزنها
او ماضن يحصل ادواه .. الا يأذن الله .. والثوره اتعلنها
ونسمع بالسما صوت .. رد الچنه ياقوت .. رد ياشيعه ابنها
رد بيدينه صمصام .. رد ايداوي الالام .. وايسكن شجنها
راجع صاحب الراي ..... يبو صالح يمولاي
____
يومك يمته ياحيد .. واتبدل الحزن عيد .. عيد الزهره اسمه
ما نلبس بعد سود .. نلبس ابيض ابزود .. من ترجع ينعمه
احياء كلنه واموات .. نتلگه ابصلاوات .. والچفك نشمه
يترس عدلك الگاع .. تحيي كل امل ضاع .. والشملك تلمه
وانسمعك هلا اهواي ..... يبو صالح يمولاي
____
يمته يبن الابدور .. تمشي ابهيبه منصور .. والبيرغ تنشره
اتنشره اوفوگه مكتوب .. ثار الضعنه منهوب ..واضلوعچ يزهره
يزحف جيشك ازحوف .. ويطب ارض الاطفوف .. متضل رايه حمره
وللكافل تجي ابشوگ .. گلبك لجله محروگ .. واتطيح اعله گبره
تذكر جوده والماي ..... يبو صالح يمولاي
____
عجل يا دوه الروح .. تنتظرك تره اجروح .. كل جمعه تتاني
عجل وارحم ادموع .. عجل داوي الضلوع .. يا شمعة زماني
عجل رد للحسين .. ضامي او چبده نصين .. عجل يا اماني
عجل وانهض ابساع .. عمك عل نهر لاع .. واسكينه التعاني
واتنادي يمنواي ..... يبو صالح يمولاي
____
ابو فاطمة الطائي
{موعد الفرقه قرب/ لطميه لشهادة الواجده}
مولاتنا فاطمه الزهراء عليها السلام
{٣٩}
⚫ *جديد*⚫
*طور : خاطري الليله انكسر*
*ملا باسم الكربلائي*
https://youtu.be/Q8XrVSXHfEE
••••••••••••••••••••••••••••••••••••••••••
موعد الفرقه قِرَب .. وبالعجل موتي انكتَب
و إلك عندي چم طلب .. ياعلي
••••••••••••••••••••••••••••••••••••••••••
يالعزيز احجايه عندي ورايده تسمعني
إن حَصل تقصير مني ياعلي سامحني
ياحنان الله يحيدر ردت عفوك عني
هاذي ايامي الاخيره اوياك وتودعني
أمي أنت وليّه أَبْ .. واعتذاري لك وِجَب
ياعيوني والهَدب .. ياعلي
••••••••••••••••••••••••••••••••••••••••••
ساعة اوداعك قريبه ومدري مِن وين ابدي
وقبل ماودعك يحيدر لك وصايا عندي
ياعلي اتزوج أُمامه يالوصي من بعدي
هيه بنت اختي وحنونه اعله بناتي او وِلدي
قلبك المُرهف نِحَبْ .. ودمعك الغالي انسچب
احساسك اعليه اضطرب .. ياعلي
••••••••••••••••••••••••••••••••••••••••••
ومِن اموتن يابوزينب انت لِتغسلني
ورايِده ابفاضل حِنوط الوالد اتحَنطني
اجفوفك الدافيه اتمنى ياعلي اتكفني
يبوحسين ابليل وبسِر موجَهَر تدفني
ما اريدن والسبب .. عالعدو قلبي غِضب
واجِده اعليه ماحِسب .. ياعلي
••••••••••••••••••••••••••••••••••••••••••
اجنازتي لا يِشْهِدوها ياعلي الظلموني
لايجون اوياك قبري وحتى لا ايشيعوني
هُمّا ذوله يبو شُبّر عالمتن ضربوني
وعالجدار اباب بيتي يالولي عِصروني
صفوا ابابي الحطب .. واشعلوا بيهِ اللهب
قلبي مِن عِدهُم تعب .. ياعلي
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
{ *لطميه لاستشهاد الممتحنه الصابره*}
*مولاتنا فاطمة الزهراء عليها السلام*
*وتقرأ للفواتح*
{١٨}
*طور : ها يروحي - ملا محمد الجنامي*
https://youtu.be/Tot78I23nC0
••••••••••••••••••••••••••••••••••••••••••
رِدي لينه يَأُمْنّه .. رِدي لينه
رِدي لِعيونج وِلهنه .. رِدي لينه
وحضنج الدافي وَحشنه .. رِدي لينه .. رِدي لينه
••••••••••••••••••••••••••••••••••••••••••
رِدي يا أُمْنّه الحبيبه .. رِدي يا نبع الحنان
عوفي قبرج يالعزيزه .. رِدي ياحِضن الأمان
ظل يناشدنه ابغيابج .. يالعطوفه كل مكان
أُمْنّه چِلمه اشقد عظيمه .. وانحرم منها اللِسان
ضِعنه واتفرق شَمِلنه .. ضِعنه ضِعنه
ضِعنه ياخيمه التِلِمْنه ؟ .. ضِعنه ضِعنه
صارت الفرقه سَهمنه .. رِدي لينه .. رِدي لينه
••••••••••••••••••••••••••••••••••••••••••
أُمْنّه يانعمةِ الباري .. أُمْنّه يامعنى الحياة
غاب حِسج يالحنينه .. وإلنه ظلت ذكريات
يالخذاج الموت منه .. وعيلتج ظلت شِتات
يالوجودج رحمه لينه .. ورحتي يغلى الأُمنيات
اتيتمينه ابصغرنه .. اتيتمينه
يالحنينه افترقنه .. يالحنينه
وبسمة اشفافِج فِقدنه .. رِدي لينه .. رِدي لينه
••••••••••••••••••••••••••••••••••••••••••
عَنّت اعلينه وغلاتج .. يالرقيقه شوفتج
اشتقنه حق صوتج الحاني .. يالرؤوفه وريحتج
صرنه كل لحظه انتخيل .. يالشفيقه صورتج
العين ماتنسى يَأُمْنّه .. كل مواضع قعدتج
رِدي بيتج يَأُمْنّه .. رِدي بيتج
تِبرِي ريتج جَرِحنه .. تِبرِي ريتج
ابردتج يفرح قلبنه .. رِدي لينه .. رِدي لينه
••••••••••••••••••••••••••••••••••••••••••
مَلها قيمه الدنيا بعدج .. لا لها طعم اويّه لون
رحتي يالكلج مَحبه .. وبس بقت إلنه الشجون
ردي بيتج يالعطوفه .. ردي يارِمش العيون
يالوجودج رحمه إلنه .. آه يَمْ قلب الحنون
منج احنه انحرمنه .. منج احنه
يا وَجعنه الذِبحنه .. يا وَجعنه
الموت منج بَعدنه .. رِدي لينه .. رِدي لينه
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
((ياحامي الدخيل))
بهذه المسه وصلت علي.ذيـج الوصيه
مـن السمه من فاطمه الحامي الحميه
ودفــني أبــلــيل ياحــامي الدخــيل
بذيـــج الوصيه
بذيــج الوصـيه
___
يابالحـسن هاك اسـتــمع هـايه الامانه
كبر الحـــبيـبه ياعـلي تخــفى مـجـانه
اليـــلة أخـر اليــلة ويســــافر ضــوانه
وعله الجـره ولي حصل تبجــي سمانه
هاي الوصـيه.وصلتـك المــن.يجـي الـــيل
شيل النعش فوك الجـتف واصبر ع.الشيل
للغاليه تــشـيل ياحامـي الدخيل
بذيج الوصيه
___
ينـحب علي لمن سمع هــايه الوصـيه
وبيا سبب بنت النبي تــشـوف الاذيه
اليش بدمع وبهل حـزن تروح الزجيه
وبيـا صــبر يافاطـمــة تشــيلج اديــه
هاي الفجيعة البل العمر ياحامي الجار
زهرة حياتك الو مشت ياوحشت الدار
يل دمعك يسيل. ياحامي الدخيل
بذيج الوصيه
___
من الجرة ماينــجبر جــرح الكلب ااااه
وعله المـشت ااة الكلب يصرخ يـويلاه
ليلي اليمر انحب دمـع وصــرخ يزهراه
طير وجنح منه انكسـر مايرهم اداواه
وهـــذه الحبيب بــهل مسه يفارك حبيبه
جرح الـــكلب مايـــنجبر يذهل طبــــيبه
ياويلـي ياويل ياحامـي الدخيل
بذيج الوصيه
__
الفارك حــبيبه يابشـر. شــله بحـياته
يتـــمنه كل ساعه التمر يـكرب مماته
ولي مـشه بهذا المــسه وحلت وفاته
مايــرجـع الراح ورحل وتبـــقه غلاته
وبغــيبته ياحـــيرتي تبــجي دمه العين
مو بـس دمــع لاوالعرش ياذيني الونين
ياونـــت اليـل. ياحـامي الدخيل
بذيج الوصيه
___
أخفي.الكبر حـد مايـجيله صاحب الثار
يطيب جرحــنه من الجرة ويطفي النار
يبني المقــام وتعتني الحـــضــرة زوار
للمحـــسن يصير الطــم والدمعه مدرار
ذاك الوعـد لازم يجــي ونـعاهـــد اعهود
يبني المقام الحضـــرتج والعايش اشهود
من يسرج الخيل. ياحامـــي الدخـيل
بذيج الوصيه.
بذيج الوصيه
___
تمت بحمد الله تعالى ومولاتي فاطمه الزهراء
خادمكم مرتضى مكطوف
ما ناسيج // وبطاريج
ابجي اعليج _ يافاطمه
///////////////////////
صافن ونزلت عله اخدودي دمعتي
ابالي اسئل فاطمه شلون اندفعتي
عله وجهج لو عله اظلوعج وكعتي
وليش شمسويه وعله الخد انصفعتي
لجلج كون _ اعمي اعيون
نفسي تهون _ يافاطمه
//////////////////////
انه ناذر روحي واطفالي بثوابج
كل مصيبه تهون اشوفن يم مصابج
بينت وجه وكفه النار اعله بابج
الجمر جاوي وجهج وحارك حجابج
باب ونار _ فوكج صار
عقلي احتار _ يافاطمه
//////////////////////
ما ينام ابراحته المجروح اصبعه
يعينه الله اعله النفس لمكسور ظلعه
لو ظلع واحد يزهره يهون وظعه
لجن بيج امكسرات اظلوع سبعه
من تدعين _ شكد تبجين
ادري امنين _ يافاطمه
//////////////////////
متفق وي كلبي وجروحي بقظيتج
والصراحه احن من امي لكيتج
والله حارك كلبي حيل الحرك بيتج
حيل متااذيه بكعدتج وبمشيتج
تلجمين _ وتونين
من تكومين _ يافاطمه
//////////////////////
امنيتي وحده فاطمه بهاي الليالي
كون ازورن كبرج ويرتاح بالي
الليله ارد أقسم عليج بشكو غالي
يالزجيه لهذا مجلسنه تعالي
نتمناج _ نتلكاج
نبجي وياج _ يافاطمه
//////////////////////
انتي سالفتي وخدمتي وامنياتي
بلا رضاتج فاطمه تبطل صلاتي
يوم كسر الظلع يلجم ذكرياتي
وبالمجالس ارد اخلصهه حياتي
تحب النوح _ انطيني اجروح
واخذي الروح _ يافاطمه
//////////////////////
تمت ____ علاء الزيدي
كومو لمكم تره كطعت الصوت
اعليهه باب انطبك راحت اتموت
سمعته كسر الظلوع// تعالو نشيل الجذوع
//////////////////////////////
ظلمه والدخان يفتر _ وامنه مختنكه بحجيهه
الزهره ماتكدر تحشم _ كومو خل نلحك عليهه
امكم الزهره يساده _ مكسرات اثنين اديهه
جوه باب الدار صارت _ صاحت الفضه تجيهه
بحيره فضه بقت وعليه تندار
وبصدرهه لكت ياساده بسمار
النه جفهه مرفوع // تعالو نشيل الجذوع
//////////////////////////////
حاولت توكف شفتهه _ وكفت ومحني ظهرهه
بين الجذوع الزجيه _ مدري شدور حدرهه
اعليهه شامت راح يركض _ بجفه كل قوته سطرهه
هوه نفس الظرب امكم _ ظلوع من عدهه كسرهه
راح اخونه اظن راح اخونه
الاسمه محسن وكع منتظره ابونه
عليه الباب مدفوع // تعالو نشيل الجذوع
//////////////////////////////
بصفهه اصيحن انه زينب _ جنهه ماتسمعني جنهه
الزهره من السطره احلف _ بعد ما تسمع بذنهه
جذع يجوي مجوي اديهه_ كومو خلي نوخره عنهه
ارماد الجذوع الهظيمه _ فاطمه عدله ودفنهه
لحجرت امي اجت لهبت النار
بالزجيه بعد ما نعرف اشصار
جف بخدهه مطبوع // تعالو نشيل الجذوع
//////////////////////////////
صياح واسياط وشماته _ بنصهم الزهره اولوهه
هذا يتهدد عليهه _ وذاك ظل يسب ابوهه
بالثلث ميه الشفتهم _ دفعو الباب واجوهه
بردو كلبي صاح واحد _ يالثلث ميه اظربوهه
الزهره ظلت تون محد حماهه
تعبت امي ونتجت والسوط اجاهه
ورد السوط مكطوع// تعالو نشيل الجذوع
//////////////////////////////
كومو خل نركض يخوتي _ خل نلم شباقي بمنه
يالحسن وحسين حيكم _ راحت الخيمه التلمنه
تلاثه حدبنه عليهه _ و اربعه محدبين كمنه
نست كلشي الصار بيهه _ شبكت اعلينه وتشمنه
كالت اطلب طلب يالغوالي
لحد يكل العلي بالجرالي
يمه الطلب مسموع // تعالو نشيل الجذوع
//////////////////////////////
اختل توازنهه ومشيهه _ امي من النسمه تعثر
تكعد اتغطي وجهه _ من يطب للبيت حيدر
نص صدرهه تكسر احلف _ مو ظلع واحد تكسر
امي اصعب شي عليهه _ من تريد الرحه تفتر
امي مثل الشمع تذبل احسهه
تنلجم ظلت اذا جرت نفسهه
تضل تتجاره الدموع // تعالو نشيل الجذوع
//////////////////////////////
تمت ____ علاء الزيدي
ما ننسه بابچ والظلع يا فاطمــة المظلومة
****
يالزهرة الله على المصيبة يعينچ
من السطرة لليـوم الأثر بجبينچ
من الظلـع يوصلنه لسه ونينــچ
شكَـد انظلمنه ولسـه ما ناسينچ
مثل الأمــام المنتـظر هـم شيعتچ مالــومة
****
يردونه يالــزهرة عليــچ نجـــامل
نعوف الله كون ونمشي وي الباطل
نصـــافح أمية يرضه بيها العــاقل؟
المذهب منــاحر فاطمـــة يستـــاهل
وصلتلچ أخبار بالـحشد صولات ألـه معلـومة
****
لليــــوم منهم تبچــي دم عيــونچ
شمســوية يالزهراء ويضــربونچ
الله خلقلــچ شيعــة مـا ينســـونچ
برواحــهم يّــم الحســـن يفدونـچ
الشيعي عـــابس كربلة لأجلچ يمـزكَ هدومـة
****
عدنه شبـــاب استغفلوهم ذولــة؟
فِكـر التَشيُــــع مُنـحرف كَالــولة؟
الكرار يمـــها وتنضـرب معقولة؟
ما يدري بالأســلام لعبــو جــوله؟
وكَبور ولـدچ فاطــمة من احفــادهم مهدومة
****
التحچــوه مـا يتلائــم ويالمنــطق؟؟
لا موصحيح بكلشي يعني نصدق؟؟
هواي بخُـــرافات الكتب متعَــلق؟؟
الصار صـــار ومو ثقــافة اندقق؟؟
نصافـح يريدونه الشمر نسَلب حسـين هدومة؟
****
يمــوتون من الشيـعة ومن العتـرة
يردونــــه مـن آل النبـــي نتبـــرة
من المستحه يمــوت اليقدم نحـــرة
الخادم المثلــي شنهو قيمــة عمرة
شيعتــــچ منچ لشوكت يـّم الحسين محرومة
****
محرومـــة منــچ لشــوكت زوارچ
يمتــه تشــع من المنــارة أنــوارچ
ويالمـهدي باچــر أله ناخذ ثـــآرچ
عينـــچ عليهم يالزچيـــة أنصــارچ
هذا العراق المـا ركع سفكو هواي دمـومه
****
الأصنـــام تهوى وكل دولــهم هـاية
اويه ابنـــچ المهدي نجــي مشـــاية
باچر نخلـــي بصحنچ اكبــر رايـــة
وفــــاية فــاطــم شيعتــــچ وفــاية
كل العلامــات انتــهن والمهدي طَـــول يومة
****
حيدر حسين الكرعاوي
كعديه ( اليوالي الزچيه ) إلى السيده فاطمه الزهراء عليها السلام
الما ترضه عليه فاطمه الــزهــره
خسران العمـر مــا يســوه عمـره
اليربــح دنيــا والدين اليوالـــي الزچيه
*----------*----------*----------*
اقره عن فضل الزچيه الشرفت ارض وسماها
يـا مره صـارت مثلها يـرضـه بـارينـا لرضاها
للنبــي گالــولـه ابتــر والله للـهــادي نطــاهـا
مــو ابتر اتگـول السـمه
انطيناك والله فــاطمــه
ما تنوصف هل المكرمه
بس الك هايـــه يطـاها
الكوثر عنــدك مــن الله هـديه
علت هل الوجود وهل البــريه
اليمشي بمنهجك كـون اليوالــي الزچيه
*----------*----------*----------*
بيّن البــاري فظلــها عالخليقـه وبيــها أيـــه
سيــده لكل مرأه هيــه مـن البدايــه للنهايه
وربنا من بيت النبـوه اختارها لبيت الولايه
بالزهــره بيته أمفضله
يا مــره بهــاي المـنزله
لبيت الامـامه أمفصله
وللبشر شعـت هــدايه
ســر بيــت النبـوه والامــامه
الله اختــارها لهاي الكــرامه
الجنه المـن أتصيـر اليوالــــي الــزچيــــه
*----------*----------*----------*
بالحديث القدسي طالــع يالمــوالي وروح اقره
لــو لا طاها الهادي احمد مــا خلق بالكون ذره
ولولا ما موجود حيدر الهادي ما مخلوق ذكره
ولــولا الزچيه بهل الفـلك
لا نبــي موجـــود ومَــلَك
چا كـل شي بالدنيا هـلك
الكون هيــه وهيه ســره
سر هــذا الوجـود وكل كيانه
وربنا بحبها عالناس اجتبانه
يفوز بشوفت حسين اليوالـــي الــزچيــــه
*----------*----------*----------*
بالصحاح السته اقره يالمخالف عن وضعها
هيه روح الهادي چانت والله عالعالم رفعها
ليش بالباب العصـابه هشموا وسفه ضلعها
بالزهـره وصـاها أمته
بالباب عصرو بضعته
والباغي وسفه يمنته
بخدها ياطاها طبعها
الگالوا للنبي سمعــاً وطاعه
ظلموا فاطمه أصل الشفاعه
باب الجنه مشروط اليوالــــي الــزچيـه
*----------*----------*----------*
فاطمه سماها ابوها روحه هيه البين جنبه
تلتقط شيعتها باچـر مثـل طير اختـار حبـه
بالقيامــه الحبها والله للجــان يصيـر دربــه
واليبغض الزهـره خسـر
يبغض تــره خيـر البشر
دربه گبـل يســلك سقر
كلمن يروح اويه حـزبه
فـاز الصار حزبـه وانتمـاءه
للزهره وعلـــي يعلن ولائـه
يـــوم المحشر يفــوز اليوالــــي الــزچيـه
*----------*----------*----------*
الشاعر
موسى البديري
⬛️◾️القصيدة-8-◾️⬛️
الكسرُ في أضلآعِها أعيآها
وكذا سقوطُ جنينِها آذآها
قد خلّفت تلكَ السياطُ كدُملُجٍ
منهُ اسوداد ٌ بآنَ في يُمنآها
يالطمةً في وجهِ بَضعةِ أحمد ٍ
منها تنآثر َ في الثرىٰ قُرطاها
ولِـفقد ِوالِدِها النبيِِّ تكَدَرَت
مُحمَرّتانِ من البكآ عيناها
تمضي لتندُبَهُ بحُرقةِ قلبِها
ونياحةُ الهاديِ غدَت سلواها
وقميصُهُ كقميصِ يوسُفَ عِطرُهُ
فتشمُهُ ونِدآؤها يـآ طٰــه ٰ:
أصحابُكَ انقلبوا علىٰ أعقابِهِم
أوَ لم تَقُلْ ويل ٌلمن عآدآها !
والسامريُ وعِجلُهُ فتكا بها
هذي حبيبَتُكَ التي ظلمآها
تشكو إليهِ ولوعة ٌبعتآبِها
والحزنُ والآهآت ُ في شكوآها
(ياليتني قد مِتُ قبل هُنيئتي)
بَقِيّت تُرَدِدُها إلىٰ مَثواها
حتىٰ قضَت مهضومةً مجهولةً
قدراً وحيدرُ خِفيةً وآرآها
#سمير_الصالحي
#البصرة_الفيحآء
ليش فاطم عينهه يسطرونهه
والله خالق كلشي لاجل عيونهه"1"
گبل چان الهادي يوصي بفاطمه
يگول هذي ام الرسول العالمه
لو شكت من ألم يعني تألمه
بضعته ولجل النبي يكرمونهه
بس غفت عينه خلافه تعذبت
لون يدري شكثر ضيم تجرعت
ابابها نار الصحابه توجرت
بحطب ذيچ اعتابها يحرگونهه
هجموا اعل الدار والمدمع يصب
يارسول الله تنادي وتنتحب
علينه گومك هاجمه وشنهو الذنب
بالضغاين أظهَرت مكنونهه
وسفه لن الطاغي يعصرهه عصر
وبوجنهه بحقد يسطرهه سطر
انشلت وياريتهه چفوف الغدر
هيچ بنت المصطفى يلوعونهه
خلاف ابوها تنوح ماتهجع العين
بالبقيع هناك تشبع بس ونين
حسن وياهه يروح ويه الحسين
تبچي والدها فلا يخلونهه
آه عل الكرار لمن چتفوه
ومحسن المچتول عمداً أسگطوه
حتى حقها الله واكبر صادروه
فدك من عدهه العده يغصبونهه
ظلت بعلتهه مكسورة ضلع
ساعه ما تسكن وتذرف بالدمع
توصي حيدر ياعلي هاك استمع:
جنازتي الهضموني لايشيعونهه
وراح ابوالحسنين مكسور الظهر
يحمل الزهره بحزن ويه القهر
دموع أيتام الزچيه چالمطر
بليل مظلم گاموا يدفنونهه
#سمير_الصالحي
#النجف_الأشرف
----------------
"1"هذا المستهل
(ليش فاطم عينهه يسطرونهه
والله خالق كلشي لجل عيونهه)
لشاعر من التراث قديم بعثه لي الأخ السيد حسين المولى قبل 3 سنوات وأكثر وطلب مني كتابة قصيدة مبنية عليه ، فلم أوفق لذلك وكلما حاولت جآءني مايشغلني ويُبعدني عن الكتابة ..
حتى وفقني الله تعالى ببركة الصديقة الطاهرة ع لنظم أبياتها فتمت القصيدة كاملةً وخرجت إلى النور بهذه الحلة ولله الشكر أولاً وآخراً ..
بحق السيدة فاطمة الزهراء "عليها السلام"
مهيمن يوسف الموسوي ١٤٤٥هـ ٢٠٢٣م
بوداع امّي إجه همّي افارگ فاطمه الزهره
*١*
مصيبة فاطمه امي تقهر كل گلب زينب
حضر ليها الأجل يمها واشاهد وآنه بس انحب
اصعب هالوكت مرني عليها روحي تتعذّب
ضلع منها نكسر تنزف من غدر العده اتعجّب
القهر عندي وحگ جدي متألمه واجر حسره
*٢*
مقهوره وألم بيّه على بنت النبي المختار
ما الها ذنب عدها يجيها هالعده الاشرار
ضلعها منكسر منهم نبت فوگ الصدر مسمار
دماها عالأرض تنزف ودمعها امن البچي مدرار
بحزن والهم الگلب يهتم وضعها ينقهر امره
*٣*
على البضعه صعب حالي منيتها اجت ليها
متألمه اشوف امي نفسها من تجر بيها
صدرها امن الكسر صارت متغيره معانيها
ألم ويّه النفس عدها من هذا الجره اعليها
ودمع سچاب على الأحباب دليلي شلون وبصبره
*٤*
باول عمري و تألّم على أمي الزجيه هواي
مهمومه و ألم عندي ضدي واگبلت دنياي
اشوف الطاهره الزهره بمنيتها وصعوبه هاي
شتحمل قهر عندي رزيّه والأذه وياي
بألم روحي بچي و نوحي عالي بالگلب قدره
*٤*
دمعتي اعلى الوجن تنزل من أمي أجلها حان
وآخر كلمه وياها عندي باديه لاحزان
حزني و القهر بيّه من موت الزجيه بان
مو ضد حكمة الباري ربي الخالق الرحمن
لچن صعبه الفگد غربه الحزن متعنّي للحره
*٥*
باول هالعمر شفته وداع الطاهره البضعه
حاله صعبه مو هينه عليها ساچبه الدمعه
اعرف هالأجل جاها لاكن گلبي شيقنعه
احاول والصبر ليها صعوبه شلون شيوسعه
ضلع مكسور الگلب مقهور من جاها العده بغدره
*٦*
حالي من شفت فاطم متعنيه المنيه اليوم
گلبي و روحي متلوعه عليها كل قهر و هموم
ليش الطاهره ماتت ظلموها بخيانة گوم
يخونون النبي بذكره من وصّه عليها دوم
وصيته تروح وقهر و جروح ابچي بكل أذه و عَبره
مهيمن يوسف الموسوي
١٠ جمادى الأولى ١٤٤٥هـ
٢٠٢٣م/١١/٢٥ يوم السبت ٤:١٧م
الزهره عل ارض طاحت وناحت
وضلعهه انهشم وتكسر وناحت
بدفع الباب ماسمحت وناحت
عصروهه وشافت ابثگله المنيه
سلام البهادلي
*الوداع بين مولاتنا الزهراء ع وزينب ع* لحن قلب امك يبني مفتت الشيخ الجفيري~
أم الحسن ونّه ونّت
وزينب ليها اويلي اتدنّت
صاحت يمه اوصيچ وصيه
گعدت يمها وليها احتضنت
يُمه يمه يمه يمه²
〰️〰️〰️〰️〰️
عندي وصيّه زينب ٱسمْعي
تشوفي اضلاع وكنها ضلعي
بالطف اصبري لمصاب حسين
وضع الحسين يشبه وضعي
زينب زينب زينب زينب²
〰️〰️〰️〰️〰️
نار الباب ونار مخيّم
عصرة امك وضلع اتهشّم
وسوط الألّم متني يُمه
بضرب متنچ يُمه وألّم
〰️〰️〰️〰️〰️
تزيد المحنه ذبحة الحسين
وصدره مهشوم لا مو ضلعين
يدوسه الحافر اگبال عيونچ
تشوفي رماح وروس ونارين
زينب زينب زينب زينب²
〰️〰️〰️〰️〰️
تگلها يْمه ما اتحمّل
انظر جسمه بوسط المقتل
يم المذبوح يمچ احضر
بايتام حسين انه اتكفّل
〰️〰️〰️〰️〰️
*جواب زينب*
صعبه يُمه الليله وداعچ
لا ما اشبع انه بحضنچ
اخذي عمري ولا لا تروحي
ما اگدر اشوفچ وانت بگبرچ
يمه يمه يمه يمه²
خادمة آل محمد ✍🏻
ابوذيات عن لسان الزهراء
……
يدهري هموم فوگ اهموم عبناي
وليالي الگشر من الزمن عبناي
انعصرت اباب بس العين عبناي
شفت محسن تلولح عالوطيه
… ..
انه الماتعبر الزردوم شرگاه
شرگ گلبي الوجع مليون شرگاه
شرگه احوه بالدلال شرگاه
اشاگف ياوجع كلهن سويه
… ..
اوج والنار بدموعي بختها
افارگ ونه واتناوش بختها
الوادم للبطل باعت بختها
واجوا للدار حرگوها عليه
…
علي الحاج الصبيحاوي