🌴تجمّع الزهراء ع العاشورائي🌴

31 August 2024 15:00

#رحيل_النبي_الأكرم_محمد ص
#طور_حضريني_يالزهره
#لحن_أمك_إجيت_انه (للشيخ محمد درويش)
#وداع السيدة فاطمة ع لأبيها رسول الله (ص)


لا تغمض اعيونك  .. خَلّ عينك بعيني
ما اتحمل افراقك  ..  يا بويه تدريني


قلبي يوّج جمره  ..  يا رحمة الباري
استوحش انا بعدك  ..  ودمعي يظل جاري
لو انظر افراشك  ..  خالي وسط داري
منين الصبر جِيبه  ..  وحدي لا تخليني


يا حسرة افراقك  ..  يا خيمة اللي تلمني
بوداعَك الليلة  ..  حال الحزن هدّني
خلني أموت اوياك  ..  وبلحدك اتضمني
متخوفه من باكر .. صَحبك اتأذيني


يا بنتي سِمعيني  .. خلي الصبر جلباب
الما تشبه الأصحاب .. عليك يدفعوا الباب
وضلعك يكسرونه  ..  ومحسن على الاعتاب
وحيدر يقيدونه  .. وبإسمي تناديني


" 💔أبه يا رسول اهكذا يفعل بإبنتك وحبيبتك من بعدك .."



🖊خادمة أبي الفضل

🌴تجمّع الزهراء ع العاشورائي🌴

31 August 2024 15:00

#رحيل_النبي_الأكرم_محمد ص
#طور_تمنيته_يدوم_الليل
#إستمهال ملك الموت عند باب رسول الله صلى الله عليه وآله.



▪︎...تقول الرواية: بينما هم كذلك اذا بمنادٍ على الباب..يا آل بيت رسول الله أنا غريب،هل تأذنون للغرباء بالدخول؟؟

*قالت فاطمة: "يا هذا إن رسول الله مشغول بنفسه عنك"،فمضى،ثم عاد مرة اخرى ونادى: "انا غريب هل تأذنون للغرباء بالدخول؟".

فقالت فاطمة:" يا هذا..ان رسول الله مشغول بنفسه عنك"..ثم في المرة الثالثة عاد ونادى نفس النداء..ففتح رسول الله عينيه..وقال: بنية فاطمة،أتعلمين من هو هذا؟؟*
*قالت :" من يا ابه"؟؟؟*
*قال: هذا مفرق الجماعات،هذا هادم اللذات،هذا ملك الموت،ما استأذن على احد قبلي ولا يستأذن على احد بعدي

وكأني بالزهراء تخاطب ملك الموت، تستمهله :



اعلى هونك يا ملاك الموت .. ما اتحمّل ألم فرقاه
مِنّه رايده اتودع  .. أحشمك لو أروح اوياه
روحي معلّقه بروحه ..  شِلي بعمري بعد عيناه
عسى يومه لبو الزهره ..  بعيد ولا يخليني


بحنانه عايشه وعطفه  ..  يَملك الموت في كل يوم
يُمُرّ بابي وهلا قِله  ..  يا وجه ابلعرش مرسوم
مو هينه أودعنّه ..  بوداعه تبتدي الهموم
إرحم حالتي اتمهل  ..  يمن حُكمك ياذيني


اذا يرحل عن دياري .. داري يِدخله الحَطّاب
وضلعي يِكسره بدفعة  .. من يعصرني خلف الباب
ويطيح المحسن المظلوم .. بلا احضاني على الِتراب
واظل بعده بليا روح .. وتِذبل زهرة سنيني


🖊خادمة أبي الفضل

🌴تجمّع الزهراء ع العاشورائي🌴

31 August 2024 15:00

📍معدّل
#رحيل_النبي_الأكرم_محمد ص
#طور_خويه_وحده_من اليتامى
#شكوة أمير المؤمنين ع عند قبر رسول الله ص



من بعد موتَك نبينه         صارت ابداري الرزيّه
هَجمَت اصحاب السقيفه  وبِلشت احزان الزكيه


خالفوا انصوص الوصيّه   وهجمت اعلينه الاعادي
اضرموا  ابابي شراره       ولاذت ابنيتك تنادي
اتكَسر اتهشم ضلعها         وهيّه تِصرخلك ياهادي
ونّت الزهره كَوَتني           وصحبك اتجاسر عليّه


هَملِت اعيون الوديعة     ولِزمت ابونّه ضلعها
تنادي لحقيني يفضه      ومنها متغير وضعها
المحسن بعتبه نِظرته     وغُسله صاير من دمعها
وانا مقيود بوصيّه          بالحبل شدوا إديّه



🖊خادمة أبي الفضل

🌴تجمّع الزهراء ع العاشورائي🌴

31 August 2024 15:00

💔اصدار حصري وجديد لطميه للرسول الاعظم (ص) من ديوان زينب والطفوف جزء 👈 ٢٣ج💔

تنقره بعدة اطوار حسب طور الملا


تبجي ام الحسن.  وتهل العيون
محمل وين بويه.   بهاي الضعون

➖➖➖➖➖➖
ونت فاطمه تهل دمعت العين
محمل بالضعن يابوي لاوين
اضلن للمناحه وبس للونين
اخاف اعداك بيه.  مايرحمون
تبجي ام الحسن.  وتهل العيون

➖➖➖➖➖➖
يبويه اعداك مابيهم حميه
من تروح كلي شلون بيه
احاياهيبتي وياسور اليه
اضل بعدك عليله.  مغيره اللون

تبجي ام الحسن.  وتهل العيون

➖➖➖➖➖➖
اضل بعدك حزينه وحالي ياحال
بويه شلون ضعنك لو مشه وشال
يضل بس الدمع يابوي همال

يضل كلبي يون.   وعليك محزون
تبجي ام الحسن.  وتهل العيون

➖➖➖➖➖➖
راح اشبع يبويه اهموم وهموم
صبح حيلي يبويه اليوم مهدوم

البيه هيبه وحميه شايل اليوم
اليفارك عزيز.  يصبح شلون
تبجي ام الحسن.  وتهل العيون

➖➖➖➖➖➖
ياهيبه ومعزه وسور يالوالي
شايل وين هاياعزي ودلالي
ازامط بيك بويه وراسي شو عالي
ازامط بيك.  بويه لليعيلون
تبجي ام الحسن. وتهل العيون

تمت✍️ الشاعره والمله ام حسين العامري

غير مبري الذمه من يحذف اويغير اويتلاعب بالكلمات او يحذف اسم الشاعره وينسب الكلام له

🌴تجمّع الزهراء ع العاشورائي🌴

31 August 2024 14:59

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🟢🟢
#ثگيلة_للرسول_


كإني بمولاتنا الزهراء ع تخاطب حاملين نعش رسول الله ص


ارد احاچي الشايلينه. يرجعونه
ازماطنه وماعندنه والي غير ابونه

نزلو التابوت الي
خلني احچي وي الولي

غير ابونه ........غير ابونه


غير ابونه تعطلونه وخل نحاچيه
غيره ماعدنه ولي من نعتب اعليه
ليش نايم بالنعش وامدد ايديه

بنومته كلبي نخمش
مو اله نوم النعش

غير ابونه .......غير ابونه



ارد احاچي النايم وبلكت يفزلي
غيره ماعندي ولي وبس هوه اهلي
كوم يمدللني بله وشوف حملي

حملي طايح يالشهم
حيلي وياك انهدم

غير ابونه ............غير ابونه


حملي طاح والوجه بين هضمته
والگلب مجروح والهجران علته
ليش نايم بالنعش حيلي هدمته
عوف تابوت الهجر
كلبي يابويه انفطر

غير. ابونه .............غير ابونه



عوف تابوت الهجر والموت فدوه
ليش نايم بالنعش يبو المروه
ياحنين وعشرتك يابوي حلوه

بويه حلوه عشرتك
عذبتني بنومتك

غير ابونه ...........غير ابونه




بويه جنازك مشه وشلون بيه
جا بعد منهو يمرلي بمغربيه
ايست منك بعد ماجيت ليه

عيني عالباب ارتجي
بلگت الوالي. يجي

غير. ابونه .........غير. ابونه




تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

🌴تجمّع الزهراء ع العاشورائي🌴

31 August 2024 14:57

قصيدة مربعة و فزاعية للنبي محمد ص حال ابنته الزهراء ع
-------------------------------------------------------

الشايل عنها  ابوها حالها اشلونه
اليوم ام الحسن عالنبي محزونة


الشايل عنها ابوها شلون حالتها
مكسورة  الخاطر   راح   هيبتها
ابألم  فقدانه  توجع حيل  ونتها
مهضومة تضل لو غمض اعيونة

مهضومة  الابنية  الشال  واليها
امشنة  للزجية  و خل  نواسيها
ننحب  عالنبي و نسمع  نواعيها
تگله خايفة  اخلافك  يهضمونة

امگابل لطمت  المختار  اعدلنها
الزهرة  امحزمة  الليلة  دعزنها
يستاهل  ابوها  اليوم  اسمعنها
عونه اللي يدگ وايهلن اعيونة

وين الفاگدة وياها  خل تحظر
تلطم  عالحنين  و حالها  يقهر
اليوم ام الحسن دلالها  اموجر
ابو ملگة الحلو وسفة يدفنونة

شال البي محنة و تگعد  ابسده
حگها الزاجية تنحب على فگده
يرحل  ليش  عنه   كلمن  انوده
و تضل  بگلوبنة نيرانه  جانونة

نيران   العزيز   شكثر   سعرية
اليوم امحزمة و تلطم الحورية
رايح  منها  ابوها و ما اله جية
و نعشه اگبالها ويلي  يشيلونه

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له

🌴تجمّع الزهراء ع العاشورائي🌴

31 August 2024 14:56

قصيدة للرسول ص {يا علي الودعني}

يا علي الودعني غالي هالمسيه
باچر من اشتاگ اشوفه اشلون بيه

غالي حيل اعله الگلب **افراگه شيحمله صعب

باچر من اشتاگ اشوفه اشلون بيه
❥❥❥❥ـــــــــــــ❁❁ـــــــــــــ❥❥❥
باچر من اشتاگ اموت من المناحه
واليفارگله محب ميشوف راحه
گلبي دون الشال شيطيب جراحه
وانه من هم الوكت مامستراحه

اهواي عذبني الوكت ** عايشه لاچن متت

باچر من اشتاگ اشوفه اشلون بيه
❥❥❥❥ـــــــــــــ❁❁ـــــــــــــ❥❥❥
عايشه لاچن متت شيعت گلبي
بس جسد ضليت ماينوصف تعبي
ازغيره ومفارگني غالي شنهو ذنبي
آه يروحي يصبرچ هالليله ربي

والدمع خله يهل ** اعليچ فكده مو سهل

باچر من اشتاگ اشوفه اشلون بيه
❥❥❥❥ـــــــــــــ❁❁ـــــــــــــ❥❥❥
اعليچ فگده مو سهل احنينه ادريچ
بس بعد قنعي المشه مايرجع اعليچ
ابجي بس بعده منو يسكت بواجيچ
ومنو غيره يگول احجيلي الياذيج

عافج وشايل بعد ** حلم لدياره يرد

باچر من اشتاگ اشوفه اشلون بيه
❥❥❥❥ـــــــــــــ❁❁ـــــــــــــ❥❥❥
حلم يرجعلج بعد شايل المحبوب
يعينچ الله اه يروحي بوكت الغروب
بعده تشتاگين وتونين جندوب
والگلب لمن يحن ايلوب ويلوب

صعب يفراگه تره ** خل يعوف المكبره

باچر من اشتاگ اشوفه اشلون بيه
❥❥❥❥ـــــــــــــ❁❁ـــــــــــــ❥❥❥
خل يعوف المكبره ويمرلي اشوفه
هوه گال ايديه متفارگ جفوفه
كون ميته ولا اودعنه واعوفه
هسه يا جرح الگلب بعده شيروفه

جرحي مايشفه حلم ** بعده كلساعه انلچم

باچر من اشتاگ اشوفه اشلون بيه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

🌴تجمّع الزهراء ع العاشورائي🌴

31 August 2024 14:25

لأستشهاد الرسول صلى الله عليه وعلى آله  السيده الزهراء عليها السلام على القبر الشريف ،،،،،

****
يم   گبر   الابو   لحضات   ودوني
اريد  احچيله  هاي المره  بعيوني

*

اريد اوصل لابوي الطوول افراگه
واشم   اتراب گبره  بيوم  الملاگه
يبعد  التعباهه    الموت   مشتاگه

بقيت   بلا نفس لحظه ويدفنوني
اريد  احچيله  هاي المره  بعيوني

***


يماي  تموت ليش وروحي  عطشانه
وحگ شيبة  لحيتك    والله   تعبانه
دگوم    من  الگبر  يمك وصلت  آنه

يم   اهل    المحنه   هنانه خلوني
اريد  احچيله  هاي المره  بعيوني

****

تعبني  الدهر  جيتك  واريد  انخاك
اذا يمك  مچان  احظني اريد  وياك
تره  الشيبني  بويه  شما يمر طرواك

واگلهم    مي  ورد علگبر  رشوني
اريد  احچيله  هاي المره  بعيوني

**

اريد  الوحدي  ويمك  واسولف  كون
واگلك من وكت اهل الوفه  يروحون
يدافي  الشبگه ماتت ما تگلي  شلون

الهلا  يطمهه  التراب شلون حاچوني
اريد  احچيله   هاي    المره  بعيوني

***

اريد  ابچي  اعله  گبرك  هلبت تجاوب
جاباني    حنانك     بويه  ما     اعاتب
يحاضر   بالنفس   بس  بالگبر    غايب

صرت    ام    الحزن  بعدك   يسموني
اريد  احچيله   هاي    المره  بعيوني

***

أگلك   چلمه  وامشي  لعالم  احزاني
التفگد     والد  لحد  موتهه      أتاني
واگلك  ما  وفيت   وهالاجيت   آني

مشتاگه  الچفوفك  تمسح    أمتوني
اريد  احچيله   هاي    المره  بعيوني


كلمات الخادم /  رعد الفريجي

🌴تجمّع الزهراء ع العاشورائي🌴

31 August 2024 10:08

لطميه مربعة خفيفة لسيدة السيدة الزهراء عليها السلام تنعى ابيها محمد عليه السلام
على طور على محمد واويلاه
===================
اليوم الزجية ذايبه الروح
تنعى على ابوها بكلب مجروح
===
وتصيح وناتك ثجيله
فراكك يبويه مالي حيله
خلصت عشرتنا الطويلة
من فركتك دلالي مذبوح
===
بويه الونين عليك محلاه
والحزن طر كلبي وجواه
احا اصيح بويه احا
وجهك اكبالي وين ما اروح
===
مسموم والوانك مجدرات
ويبجي علي ويصيح هيهيات
ياردتك للدار حسرات
ضلت بكلبي وبسمك ينوح
===
نوحي ونيني اعليك مافاد
تخليني اون ياريع الفاد
كلبي تفطر والحزن ساد
للموت بويه فراكك يلوح
===
يلوح الحزن هليوم بدار
وحيدر علي بفركاك محتار
ويصيح كلبي مشتعل نار
ودمعي يبو ابراهيم مسفوح
===
بدار حسك ضيعيناه
وجبريل ينعى وصاح ويلاه
يومك يبو ابراهيم بجاه
حزنك بروحي وين ما اروح
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي ٢٩ ٨ ٢٤ ٠ ٢

🌴تجمّع الزهراء ع العاشورائي🌴

31 August 2024 10:05

#أستشهاد_رسول_الله

مولاي امير المؤمنين يخاطب رسول الله
﴿ صلوات الله عليهم ﴾

حترگت خيمه الدلال
و صار النوح .. غربة حال

يا بن عمي يا مسوم
لا لتروح .. يا جيدوم

خليت الهظم بلبيت خليت
عله بنص دليل الدنيا سويت
أعذرني أجيتك بلدمع جيت
يا معذور

آنه حيدر الكاسرها الجبال
يا بن عمي شوف شصار بلحال
چتال البعُد يا ذخري چتال
ما مگدور

ويلي = يا عذر الگلب
ويلي = للزهرة من أطب
ويلي = من يمته الجفه
ويلي = شمات الغرب

رسول الله      واويلاه واويلاه
===================

رسول الله يبعد العين
صار جفاك  .. هَم عمرين

كل عمري عليك مصاب
مو مَحبوب .. أنته أحباب

حگي من أنهظم و أجريها لدموع
أبن عمي و أخوي انته يمفجوع
ضل يلوع گلبي بدونك يلوع
يا مسموم

حَمل الأول من شيوخ عدنان
راح ويا هظيمه يخله لمچان
حيدر آنه بس بجفاك تعبان
من اليوم

ويلي = من السم للـ لحد
ويلي = ممرود الچبد
ويلي = صارت غربتي
ويلي = من صار البعُد

رسول الله      واويلاه واويلاه
===================

يا بو القاسم من تروح
دمع العين .. دم مسفوح

نتمنه علينه تعود
تعوف الموت .. يا مفگود

ونين الزهرة حيل يفتت گلوب
من هسة اعله وجهة حسين مگلوب
مطلوب أبن عم لبيتي مطلوب
يا بن عم

ريت سموم گلبك تلفي بحشاي
مال صياح أنوحك موش بهداي
هاي دموع عيني دموم مو ماي
طاح الدم

ويلي = من أيدي رحت
ويلي = و من بعدك طحت
ويلي = دلالي نفطر
ويلي = عني تأخرت

رسول الله      واويلاه واويلاه
===================

باجر بنتك من أجفاك
تبقه تنوح .. من فرگاك

و ياهو يصبر الي يروح
عنه أنسان .. روح بروح

تبچي من الهظم لو مر الغروب
و بليل الگلب بجفاك متعوب
و لو طر الفجر تفتحهن البوب
من الشوگ

بلكي ترد عليها بلهف مشتاگ
مو زين الدهر وياها لو ضاگ
هاذا فراگ بس عذبها الفراگ
و لا ميلوگ

ويلي = شينشف الجفن
ويلي = و شيهود الحزن
ويلي = بنتك فاطمه
ويلي = تنعاك و تون

رسول الله      واويلاه واويلاه
===================

جوة الشجره بس تنعاك
و تجري دموع .. من تقراك

و يا دار الحزن يا دار
صبح و ليل .. تبچي الصار

الحيطان توگع وكت متنوح
ليش تعوف بنتك هيج و تروح
يا جرح الگلب يا لب الجروح
انته مصاب

غربه نعيش بعدك كل الايام
لا يغفه جفن لا يقبل ينام
يلوموني اعله بنتك ليش أنلام
تبچي أحباب

ويلي = يلومون الدمع
ويلي = بدونك تنفجع
ويلي = بأجر كسرتي
ويلي = يكسرون الضلع

رسول الله     واويلاه واويلاه




اللهم عجل لوليك الفرج
علي حسين الخفاجي

🌴تجمّع الزهراء ع العاشورائي🌴

31 August 2024 10:05

لاستشهاد النَّبِيِّ مُحَمَّدٍ صَلَّى اللَّهُ عَلَيْهِ وَآلِهِ وَسَلّمَ . (وزن الحدي)

ياصعبه أَشَد مِنْ الدَهَر . مَرَّت على سَيِّد الْبَشَر
ياصعبه أَشَد مِنْ الدَّهْرِ
★★★★★
الْحُجرات سُورَة فَصْلَّت . أَصواتهُم يَوم اِعْتَلَت
رُوحَ النَّبِيِّ ياما ابْتَلَت . ومن هلخلگ شافت قَهَر
ياصعبه أَشَد مِنْ الدَّهْرِ
★★★★★
مَجْنُون گالوا علنبي . وَساحر يصدگه الطالبي
چم حاقِد وچم ناصبي . عَنْ النَّبِيِّ گالوا هجَر
ياصعبه أَشَد مِنْ الدَّهْرِ
★★★★★
يَوْم الْغَدِير اتأسفوا . موعن ظمير اتعاطفوا
گالوا نَعَم بس خالفَوا . چم وَاحِد ابواحد غِدَر
ياصعبه أَشَد مِنْ الدَّهْرِ
★★★★★
أَتحَمَّل أشگد الْمُصْطَفَى غَدَر وخيانات وجِفَه
ظَاهِرُهُم إحْسَان اووفه . وباطنهم أيدور الْخَطَر
ياصعبه أَشَد مِنْ الدَّهْرِ
★★★★★
الربَّه النَّبِيّ لَمَن مضه . بالسم ترَه نَحبَه گضه
مهظوم گلب المُرتَضَى . ودلَّالها الزَهرَة انفطَر
ياصعبه أَشَد مِنْ الدَّهْرِ
★★★★★
علمصطفى خَلِّهَا تون . وبهلنوايب تمتحن
اتقيم الْمَآتِم . والحزن . سادات عَدنان وَمُضَر
ياصعبه أَشَد مِنْ الدَّهْرِ

الشاعر حسن لعيبي الحريشاوي

🌴تجمّع الزهراء ع العاشورائي🌴

31 August 2024 10:05

لاستشهاد النبي محمد صلى الله عليه واله وسلم

يارسول الله يانور الجلي
مايعرفك غيربس الله وعلي
★★★★★
يلي شخصك معجزه بطول الزمان
معرفه انته ونور واحكام وبيان
والمدارك عاجز وياها اللسان
يلعلى ادراج المعارف معتلي
★★★★★
افتخر بيك المرتضى بين العرب
وگال ياأشرف نبي واطهر نسب
بالعرش محفور اسمك وانكتب
انته اعز مخلوق بالدنيا إلي
★★★★★
گال ابوالحسنين كلنه نقترب
انلوذ بالمختار لوتحمه الحرب
منهو مثلك مبدء وقول وگلب
انت أفضل قائد وافضل ولي
★★★★★
گال لوما. الباري وصه بالصبر
بالدمع والنوح لاگضيه العمر
شلون ايامي عگب عينك تمر
علي دون الناس اظلم منزلي
★★★★★
كاسفه الدنيا بجمالك اشرقت
والعصور المظلمه كلها انتهت
بس حزين الكون واركانه صفت
وحشه واحزان ومدامع تنملي
★★★★★
حاربت كل ليل اصبح مندحر
كل وضع مهزوز باسمك مستقر
عاطفه ورحمه وموازين وفكر
غَيَّرت ذاك الزمان الجاهلي

الشاعر حسن لعيبي الحريشاوي

🌴تجمّع الزهراء ع العاشورائي🌴

31 August 2024 09:11

قصيدة أستشهاد سيد الكون سيدي ومولاي أبا الزهراء محمد صلى الله عليه وعلى آله


دفنوني وياه شلون أحمل الآه
خلوني يمه وخل أشمه وأبچي سكته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

أنـه صغـيـره والـهـجـر مـابـيـه حيله
والـدللانـي اليـوم رايـد يـگضـي ليله
وين آنه أشوفه ومن زماني أشتكيله

يضل گلبي يشتاگ ياذيني الفراگ
متعوده أشبگه وجفني أطبگه لو شبگته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

گولولـه فاطمة الزچيه أحچايـه عدها
ذيـج الليالي الحلـوه گـلولـه أشيـردها
يرضه بمكان البوسه دمعات أعلخدها

كل عمري أوياه مو سهله وأنساه
كل ذكرى منه بصدري ونه من خسرته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

راح أدفن الفرحه ودلالي أبيت الأحزان
ومن أرجع بآه ودليلي يرد خسران
ثوب أسود مطرز خساره ويبقى نيشان

مو سهله عالروح من والدي يروح
وأصبح يتيمه والهضيمه يموت شفته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

مـو غالي عمري چان أبويه هوه غالي
عود آنه أودعه ماخطر يـوم أعله بالي
أبچي أعله حاله لو بعد أبچي اعله حالي

يابويه مسموم ومتغيره الرسوم
ويـوصي بيـه والمـنيـه بسرعه أجـتـه
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

ويلي أعله گلبي لو طفح شوگي وحنيني
وسنيني من تخلص عذاب ومايجيني
لو حرگوا الباب وأجت صطره أعله عيني

من يخلص اليوم من باچر الگوم
ينكشف سرها وكل غدرها إلي علمته
هايـل تشيعـون لا لا تسرعـون
بعيوني حسره وأرد أخبره بحال بنته

<> ➖ <> ➖ <> ➖ <>

للشاعر الحسيني علي القريشي

🌴تجمّع الزهراء ع العاشورائي🌴

31 August 2024 09:10

القصيدة الى استشهاد ومظلومية النبي محمد  صلى الله عليه واله وسلم

يا أمة السوء
بئس ما خلفتمو محمدا
يا أمة السوء
بئس ما خلفتمو محمدا



في محمد الله كرمكم والإسلام
اجا بالحق وأنتم تعبدون الأصنام
الخوف جان مخيم عليكم والأوهام
بالرساله صرتو بين الناس أكرام

انكرتم الدين
اتراه ماعدا مما بدى
يا أمة السوء
بئس ما خلفتمو محمدا
*------------*------------*-----------*

الباري بالقرآن أكد عالموده
بذوي القربى والنبي ينحفظ عهده
أجه الظالم بيده ناره ومن يرده
اجه البيت الزهره شايل بيده حقده

ياحامل النار
إن هذا البيت للناس هدى
يا أمة السوء
بئس ما خلفتمو محمدا
*----------*---------*-----------*

طلعت الزهره بحزنها بلمة عيال
تطلب الحق الخذوه من عدها الانذال
ناس ماعدهم كرامه وغيرة ارجال
خلو الزهره بهظمها تواجه اهوال

الحق مغصوب
بيد الأصحاب لا يد العدى
يا أمة السوء
بئس ما خلفتمو محمدا

*------------*-----------*-----------*

حمدت الله وصلت وذكرت نبيه
وصلت اعله الهادي والدها الزجيه 
صاحت انه ينمنع ورثي عليه...؟؟؟
وبجت كل المسلمين بهالرزيه

قد كان مقصود
نبذكم  كتابه تعمدا
يا أمة السوء
بئس ما خلفتمو محمدا
*------------*------------*------------*

خاطبتهم اني فاطم بت محمد
ليش عن نهج النبي اكثركم ارتد
اختلفتو  والنبي  يم  علي  امدد
أمته اتفرقت والمنهج تعدد

واختلف الناس
كلهم يبغون ملكا يرتدى
يا أمة السوء
بئس ما خلفتمو محمدا
*---------*----------*-------------*

فاطمه يالهادي بنتك ضيعوها
وبينهم وكفت وحيده وحاربوها
بالغدر والحيله صحبك عاملوها
وانكرو قربتها والحق مانطوها

الوحي فينا
نحن آل البيت فينا يقتدى
يا أمة السوء
بئس ما خلفتمو محمدا
*------------*----------*------------*

محمد دعبل النوري

🌴تجمّع الزهراء ع العاشورائي🌴

31 August 2024 01:26

اليوم نودعة اليوم نودعة
بنعشة الهادي اليوم نودعة
تبجي الزهرة*** بدمعة وعبرة
بنعشة الهادي اليوم نودعة
*
(1)
هاي اكبر ثلمة المالومة
صابت دين الله المصيون
الشالت حمل الامة امتونة
اليوم تشيلة شلون امتون
بصدر الدين خلافك ناشب
رمح الويلات المسنون
لجرحك هذا لجرحك هذا
مرهم مامو لجرحك هذا
وانتة *** بدمعة وعبرة
بنعشة الهادي اليوم نودعة
*
(2)
من هاليوم وتبدي الازمة
تقارع اهل البيت تدوم
وهذا اليوم المر يتجدد
ع العترة بكل ساعة ويوم
جم ذيب البيهم يتربص
ومحضر نابة المسموم
انتة اول مظلوم الامة
بعدك تدري اجم مظلوم
بعد غيابك بعد غيابك
ويل القادم بعد غيابك
تبدي العسرة*** بدمعة وعبرة
بنعشة الهادي اليوم نودعة
*
(3)
انتة بنعشك صوب المدفن
انحاكت خطتها الاعداء
تتامر وتكيد اولادك
وتتعاون بس ع البغضاء
لو جمتعم نصرة لدينك
جا عم الدين الارجاء
بس التمو بغض باهلك
وسفكو منهم سيل ادماد
هاي الثغرة هاي الثغرة
رمح ابدينك هاي الثغرة
منها وتجرة *** بدمعة وعبرة
بنعشة الهادي اليوم نودعةة
*
(4)
ضاع اتبعثر شمل الامة
بسبة محدود التفكير
الطامح يتسلط ع هالعالم
مدة وجم يوم من يصير
نشوتها الغرت انصافة
وطبعت باذهانة التغيير
سكرة وفايق منها لموتة
وليا منوة خلافة اتدير
الصاب الامة الصاب الامة
هذا السم الصاب الامة
وزيف الشورة *** بدمعة وعبرة
بنعشة الهادي اليوم نودعة
*
(5)
يوم الفرغت دارك منك
هجمت للباب النيران
هم تتوقع حقد وغلة
من الجانولك صحبان
كشر عن نالة ومضمورة
وصرح بعدك بالعدوان
ارتد الناس خلاف الاربع
وخلعت اثواب الإيمان
تبين حقدة اتبين حقدة
واضح زيفة اتبين حقدة
بيوم العصرة *** بدمعة وعبرة
بنعشة الهادي اليوم نودعة
*
((تمت))
محسن علي العتابي
29/8/2024

🌴تجمّع الزهراء ع العاشورائي🌴

31 August 2024 15:00

#رحيل_النبي_الأكرم_محمد ص
#طور_الفايزي /بحراني
#وصية الرسول الأكرم ص لإبنته السيدة الزهراء ع




▪︎....يا بنية! أنت المظلومة بعدي.. وأنت المستضعفة بعدي.. فمن آذاك قد آذاني، ، ومن برك فقد برني، ومن جفاك فقد جفاني، ومن وصَلَك فقد وصلني، ومن قطعك فقد قطعني، ومن أنصفك فقد أنصفني، ومن ظلمك فقد ظلمني، لأنك مني وأنا منك، وأنت بضعة مني، وروحي التي بين جنبي، إلى الله اشكو ظالميك يا فاطمة، وكأني برسول الله يخبر إبنته بما يجري عليها من بعده :


عندي وصية فاطمة قرّبي إليّه
بيها مصايب فادحة وكل الآذيّه

عذريني من احكي آنه ياروح ابوها
طبع البنت بعد الأبو يدللوها
بثالث رحيلي تنظري دارك يدخلوها
يدرونه حيدر بالصبر مأمور بوصيّه

بابك يحرقونه بحقد وتلتهب نيران
وكنّك تلوذي ابكل وجل بساتر البيبان
اضلوع إلك يا مهجتي تكسر العدوان
ومحسن جنينك ينقتل ابلا خطيّه

وسبطي العزيز يشاهدك والقلب ذايب
هوّ واخيه تبتدي  بيهم مصايب
وحيدر ابوهم بالحبل تشده النواصب
يحتسب لله ويصطبر حامي الحميّه


🖊خادمة أبي الفضل

🌴تجمّع الزهراء ع العاشورائي🌴

31 August 2024 15:00

#رحيل_النبي_الأكرم_محمد ص
#طور_الفراق
#طور_مستهل_طيحت_إيدك_مو_وقتها
#شكوى السيدة فاطمة ع عند قبر أبيها رسول الله ص :



▪︎....أبتاه رفعت قوتي، وخانني جلدي، وشمت بي عدوي، والكمد قاتلي، يا أبتاه بقيت والهة وحيدة، وحيرانة فريدة، فقد انخمد صوتي، وانقطع ظهري، وتنغص عيشي، وتكدر دهري، فما أجد يا أبتاه بعدك أنيسا لوحشتي ...


آيبويه    يا ابو النّفس الكريمه
آيبويه    عايشه احزان و هظيمه
آيبويه    دنيتي كلش أليمّه
آيبويه ...

انه بعدك      عيني ما غَمّض جِفنها
انه بعدك      عيني مطفوحه بدَمِعها
انه بعدك      ايتيمه متغيّر وضِعها
انه بعدك ...  

وابغيابك      حَلّت انواع المصايب
وابغيابك      دنيا مَتروسه بنوايب
وابغيابك     هجمت اعلينا النواصب
وابغيابك ...


🖊خادمة أبي الفضل

🌴تجمّع الزهراء ع العاشورائي🌴

31 August 2024 15:00

#رحيل_النبي_الأكرم_محمد ص
#طور_تمنيته_يدوم_الليل
# إخبار الرسول ص بما سيجرى بعده على أهل بيته وقد أخذ يد فاطمه وضمها الى صدره:


تنزل هالمِحَن بويه          بعد عيني ايا زهره
الصبر جلباب تِلبسونه     بهذا أُوصيّ العتره


تِلحقيني يا روح الروح     بس مغَيّره الاحوال
منك هالضلع مكسور        ودمعك عالوجنِ سيال
وعين من اللطم حمره      و ونّه اتفتت الدّلال
ويظل حيدر جليس الدار  حقه مْسَلّب بكَثره


مقيود بحبل مقيود      ابو الحملات تشوفونه
يجرونه بلا عمامه        وولادك ينظرونه
واحد يجهش وباكي     ابويه ليش تِجرونه
وواحد ينشد عليّه        يجدي خانت الزمره


*#فأجهشوا كلهم بالبكاء ،،هنا فاطمة كأني توجهت لملك الموت..أمهلهُ الرحيل*
*ما عندي جَلد على فراقه*
*اشم بيه ريحة أمي..*
*أشتم منه الحنان والطيبه..*


يا ملك الموت رُوح بعيد   هاذا والدي الغالي
خَليني بعد ضُمّه              وصوتي بالدعا عالي
يربي اتّطول بعمره           و  ويانه يظل تالي
كافي مّيَتمه بصغري        وقلبي ملوع و حَسره


🖊خادمة أبي الفضل

🌴تجمّع الزهراء ع العاشورائي🌴

31 August 2024 14:59

فزاعيه  بدايتها ابوذيه لرسول  ص

نحن  الشوفتك كل ساع   ونريد
لبونه الراح منه اليوم    ون ريد
نروح  عليه   متعلمين    ونريد
شال  وضلت دياره  خليه

نزلت الفزاعيه

وين ايريد   شايل  هيبت  الزهره
ومكسوره  عليه  كسره 
.................
شال  وحمل  ضعونه
وحيدر  هلت  عيونه
يزهره  حالج  شلونه
ضلت  بالكلب  حسره
...............
حمل وابعد  الهيبه
بويه الراح  شيجيبه
وحيدر زايد  نحيبه
شاله   والدمع يجره
...............
شال البيه مهيوبه
عليه صواب مصيوبه
روحي أصبحت منكوبه
وجرح  الكلب مايبره
............
ضلت  تجذب  الونات
موحسره تجر  حسرات
يحسين اليحبكم  مات
غاب  وفركته   مره
..............
عليه  اليوم   حزنانه
شال وغلك  بيبانه
عليه ارتجت اكوانه
حمل  والد   العتره

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  

🌴تجمّع الزهراء ع العاشورائي🌴

31 August 2024 14:58

نعي  لرسول الله ص عن لسان حال الزهراء ع

راعي المحنه اليوم  شايل
وجن شايله عني  الحمايل
ودعت  الحنين بدمع هامل

شال الحنين الجآن الي سور
مشت هيبتي ونامت بالكبور
صبح خاطري عالمشو مكسور

كلبي انكسر كسره عالفركاك
انه  معلمه  دوم عله الملكاك
جاوين اشوفك واكعد وياك

جد الولد  حمل  بالاضعون
حمل وخله  الحيل مرهون
اوالادي بعد المن يكصدون

يابيت  من عكبك  يجونه
صعبه وحنانك   يفكدونه
حسين عليك دم سالت عيونه

عينه  بجت  وايريد  جده
ارد  اخذه الكبرك واكصده
غالي يبويه شكثر   عنده

ياباب  من عكبك   ندكه
ومثلك يبويه وين  نلكه
ابيتك بعد يابوي  شلكه

ياكسرتك كسره  جبيره
يضل العلينه  والعشيره
عفتنه ويناس بغير غيره

لوتدري  بالسادي  عالبتك
هظموني يوم انزلت لحدك
وين الكاك بالهظمه واكلك

اوكف  شويه  بعتبت الباب
ياهي  الطاحت يم الاعتاب
اسوت يبويه شوف اصحاب


ياضلع  خلف الباب كسروه
وعزيزك علي محتار  خلوه
وحكي يبوابراهيم  غصبوه


لوتدري بيه  اصار واشحل
حتى الدمع من الراس وشل
عله اغيابك يبويه بكثر ماهل

✍ام زينب كربلاء غير مبري الذمه من ياخذ الكلام وينسبه له او يحذف الاسم

🌴تجمّع الزهراء ع العاشورائي🌴

31 August 2024 14:56

قصيده فزاعيه للنبي ص
-------------------------------------------------------

اليوم اعله النبي نلطم على الهامه
عاف ابنيته تبجي اعليه محتامه


اليوم اعله النبي وناتنه تعله
شال و بنته خل نسمع شنو تگله
طبت للنزل و اعيونها تهله
و شافت موحشه داره و الاعمامه

وحشه الدار صاحت ويلي يايابه
و تلطم عالوجه و العين سچابه
الله ايعينها ام حشين مرتابه
حگها الشال ابوها اتريد لطامه

خلي انعينها و نتگابل اوياها
مهضومه اعله ابوها و فگده بجاها
يا يوم النبي هاليوم اذاها
تذكر عشرته و تتذكر ايامه

يا طيب العشره لا تخليني
يابويه و بعد روحي و بعد عيني
عليك النوح اجيمه من تجافيني
شعتب عالزمان التوجع اسهامه

شعتب عالزمان ايتيمه خلاني
من امي و منك بويه حرماني
بجاني عليك الوكت بجاني
و عيني اعليك بويه اليوم سجامه

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له

🌴تجمّع الزهراء ع العاشورائي🌴

31 August 2024 14:26

يم   گبر   الابو   لحضات   ودوني
اريد  احچيله  هاي المره  بعيوني

*

اريد اوصل لابوي الطوول افراگه
واشم   اتراب گبره  بيوم  الملاگه
يبعد  التعباهه    الموت   مشتاگه

بقيت   بلا نفس لحظه ويدفنوني
اريد  احچيله  هاي المره  بعيوني

🌴تجمّع الزهراء ع العاشورائي🌴

31 August 2024 10:09

لطمية عند دخول الزهراء على والدها وقت الاحتضار

❥ــــــــــــ🕊️ـ❁❁🕊️ــــــــــــــ❥

شعنده المصطفى بحضنك يحيدر
متغير ابوي ووجهه اخضر
بس لاعازم يشيل
ونته اتهدم الحيل
متغير ابوي ووجهه اخضر

❥ــــــــــــ🕊️ـ❁❁🕊️ــــــــــــــ❥

كلها يالزجية ابساع ودعيه
هذا اخر مسة المصطفى تشوفيه
وصوته عالمنابر ماتسمعيه
جيبي الحسن وحسين
عنده اعزاز تدرين
كلبه عالولد ذاب وتفطر

❥ــــــــــــ🕊️ـ❁❁🕊️ــــــــــــــ❥

راح يروح مني ومنج اليوم
هذا الجان شايل عني الهموم
ابوج امغيره من عنده الرسوم
بيدي ركبته تميل
جنة يتاني جبريل
ينزل والملائك يمه تحضر

❥ــــــــــــ🕊️ـ❁❁🕊️ــــــــــــــ❥

انا وياج يافاطم بلياه
دنيانه مضلمة بدون عيناه
يغدرنه الزمن لو فاركيناه
يافاطمة وتدرين
هذا الشيد الدين
وهو دنيتي بلياه مكدر

❥ــــــــــــ🕊️ـ❁❁🕊️ــــــــــــــ❥

تيتم بدونه الدنيا كلها
وزينب راح جدج من نكلها
من هسة بدت تفكد املها
وضلو ولدج ايتام
يتركهم بالالام
لحسين وحسن كام ايتحسر

❥ــــــــــــ🕊️ـ❁❁🕊️ــــــــــــــ❥
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

🌴تجمّع الزهراء ع العاشورائي🌴

31 August 2024 10:06

لطمية مربعة لسيدة الزهراء عليها السلام وهي تنعى ابيها محمد عليه السلام
=================
مسموم النبي ومغيره الوانه
والزهره الزجيه اليوم حزنانه
===
ألف لعنه على كلمن امر بجتله
هليوم النبي الوانه متبدله
تون الزاجيه والمدمع تهله
وتكله يبويه صعب فركانه
===
فركانه ثجيل والك حنينه
اشلون اتشيل يابويه وتخلينه
يتباجون ويلادي يوالينه
وآني من الونين اعليك خلصانه
===
سموك العده والزهرة اذواها
وبساع السقيفه بحقد عقدوها
وام حسين غصبو حقها واذوها
وعليك الحزن مشروعه بيبانه
===
ياسور وسندنه اخلافك انذليت
وتدري أنت الابو هيبه وذخر بلبيت
حكي من اون اعليك وتحنيت
شايل ياسندنه وين ملفانه
===
بس وناتنه بويه التصبرنه
وعكبك يلحنين اهواي اذانه
صعب يوم الفراك وما احملنه
اليوم الدين لجلك ينعى قرانه
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي ٢٩ ٨ ٢٤ ٠ ٢

🌴تجمّع الزهراء ع العاشورائي🌴

31 August 2024 10:05

قصيدة لاستشهاد الرسول ص

صوت بعبره وآه
ماتَ رسول الله

منبره.. الوحشه هدت حيله
والوحي..ينزل اخر ليله

وامحمداه
........................

ماشفته صح بدنيتي. بس سامع اخباره
حب عن روايه والكلب. شافه وصبح داره
اهل العقول تحيرت. ماتعرف اسراره
منقذ الناس من الجهل. بقرآنه وافكاره

رحمه لكل الناس
منبع للاحساس

الموت اجه.. للسفر يوميله
والوحي.. ينزل اخر ليله

وامحمداه

.........................

بسيرة حياته ماشفت. بس الانسانيه
متعوب من الدنيا بس. تارسهه روحيه
هوه الامان من السمه. عالكره الارضيه
احرار صرنه برحمته. وعفنه العبوديه

من فكر المختار
نعيش نموت احرار

بمصحفه.. المحكم وتأويله
والوحي.. ينزل اخر ليله
وامحمداه

.......................

محد تأذه من الرسل. مثله وخلص عمره
كالو الابتر والله كال انطيتك الزهره
وانطاه حيدر والفقار بيمنته السمره
وتستاهل اكثر گله هاك حسين والعتره

سبحانه السواه
طاريه شمحلاه

يانبي. الكون صاح دخيله
والوحي.. ينزل اخر ليله
وامحمداه

.........................

هالليله حيدر چم گلب. ينراد لحزانه
ويشوف روح المصطفى. من المرض خلصانه
والزهره خاطرهه انكسر. وهوايه تعبانه
كلشي اختلف حتى الهوه. متغيره ألوانه

بس دمعه بلا صوت
دك الباب الموت

فاطمه.. امن اليتم تشكيله
والوحي.. ينزل اخر ليله
وامحمداه
.......................

قرآن مشيول بنعش. آيه بأثر أيه
وبفراگه صار المرتضى. يتمايل هوايه
دعوه يمهدينه تجي. وتحضر بالقرايه
خدام نبقه اعله العهد. منطينك حچايه

ياصوت الآذان
ياروح القرآن

نودّعه. بدمع دم نبچيله
والوحي. ينزل اخر ليله

……….

نسألكم الدعاء
حسين صادق العقابي

🌴تجمّع الزهراء ع العاشورائي🌴

31 August 2024 10:05

الشاعر الحسيني ظاهر حبيب الهليجي(أستشهاد رسول الله صلى الله عليه وآله )

يعينك الله ياعلي بهاي الرزيه
الليله دافن بل گبر سيد البريه
جرحك الماله شفه يل دفنت المصطفى
*
عظم أجرك سيدي بهذ المصاب
الليله أبو الزهره النبي حدر التراب
بهل المصاب ادموعك توزع ثواب
ويا دمع تبجي اظن دمعك خظاب
روحك وروحه اظن صعدن سويه
يعينك الله ياعلي بهاي الرزيه
ودعت نبع الوفه يل دفنت المصطفى
*
شكان حالك ليه من جفنه غفه
لو بحر دمعك عليه ماظن كفه
الكون بعيونك عليه اسود صفه
ياعلي من بعده عل الدنيا العفه
بهل الكلام السانك ترتل عزيه
يعينك الله ياعلي بهاي الرزيه
موتك ابموته صفه يل دفنت المصطفى

شحالك وطه النبي ميت بديك
ياعلي وعينه بقت تدمع عليك
يعرف بظيم السقيفه يصير بيك
أبنار دارك والزجيه تنتخيك
خبرك بيها وترك بيها بوصيه
يعينك الله ياعلي بهاي الرزيه
وانت دمعك تذرفه يل دفنت المصطفى
*
ياعلي حگك لون تهمل دمه
للمصاب ألي فجع گاع وسمه
يعينك الله من تنشدك فاطمه
بيا عذر تقنعها يا حامي الحمه
من تعزيها بأبوها هل المسيه
يعينك الله ياعلي بهاي الرزيه
ياحزن بيك اكتفه يل دفنت المصطف
*
شلون لو نشدوا عليه سبطينه
بويه جدنه الليله مامر بينه
شيقنع الليله الحسن وحسبنه
وهوه جان يحطهم بنص عينه
راح هل الليله ملاذ الهاشميه
يعينك الله ياعلي بهاي الرزيه
گلت عل الدنيه العفه من دفنت المصطفى

🌴تجمّع الزهراء ع العاشورائي🌴

31 August 2024 09:18

https://vm.tiktok.com/ZS2SSRaQu/ تتم مشاركة هذا المنشور عبر TikTok Lite. نزّل TikTok Lite للاستمتاع بمزيد من المنشورات: https://www.tiktok.com/tiktoklite



انشرها حبا بالامام علي عليه السلام

🌴تجمّع الزهراء ع العاشورائي🌴

31 August 2024 09:10

يا أمة السوء
بئس ما خلفتمو محمدا


محمد النوري

🌴تجمّع الزهراء ع العاشورائي🌴

31 August 2024 09:09

شهادة الرسول
.
.
.

الفـارگ اعــزاز .. تشوفه مكسور
ونسته اتصــير .. بــين الــگــبور
علي يابو الزهره ذاك
منحـنـي ظهـره وراك
يارسول الله

----------

ياشمس روحي صحت .. غوربت بس من وكت
عميه عيـني مــن وراك .. يبو الــزهره من رحت

هجرك ادري مو ســهل .. وعلــي مابــيه يحتمل
بگلبي تدريبه اشيـصير .. عنـك انـه امـن انسئل

عايش ابعالم صفنتي وسالفة هجرك حلم
روحــي تتبــده ولكـن فاطمـــه بيــه تــلم

الوادم اتصيح .. واسمع الصوت
امن البچي اليوم .. حيدر ايموت
الباقي بس دمعه بجفاك
مـنحــــني ظهـــره وراك
يارسول الله

----------

الچانو ايســموه جــبل .. علي من عگبك ذبل
امصابك اشگد ماثگيل .. متـني ياخويه هدل

يـارســـول الله الهجـر .. عاليحب كلش خطر
دمعة الــفارگ حـبيـب .. تنـــزل بخـــده جمر

ياديلي الدنيه ظلمه وچنـت بس انته الضوه
علي عگبــك يبــو الزهـــره گـوه يشتم الهوه

من الاحــياء .. مــايـــعـــدوه
على الاموت .. الكل يحسبوه
مبين الضيع سماك
منحني ظهره وراك
يارسول الله

---------

چــنه روحين ابجسد .. وســــفه مانلــتم بعد
گلبي من فگدك يخوي .. وداعـة الزهره انمرد

حالي من عگبك صعب .. عايـش ابديرة غرب
المثلي دافنته الحـــياة .. حالي حال البالتـرب

الدنيا ماسميها دنيا ابــلا وجــودك يالوفه
گلب حيدر عگب عينك يالاخو وج وطفه

حيلي مـهدوم .. ياضــوه العين
يمشي ويطح .. گام ابو حسين
الوادم اتصيح شجاك
منحـني ظــهري وراك
يارسول الله

--------

يامــلاذي وهيـــبــتي .. ياكبــرتي وكشختي
عگب عينك يالرسول .. وسف شافو دمعتي

الاسـمه صــگار الزلـم .. حيله عـگبك منهدم
علــي اليهــز الجــبال .. علي باقي بس اسم

حزنك ابلايه نهايه ابگلبي حزنك سرمدي
ياصديقي ويـبن عمـي ويا اخـوي اوالدي

روحتك هـاي .. مــو زغـيره
مـني راحــت .. چن عشيره
حقه حيدر لو نعاك
منحني ظهره وراك
----------

اشما انوح اشـما اون .. يكــبر ابــروحي الحزن
وداعة العشره هذيچ .. امن البچي طاح الجفن

ابچي ليل اويه الصبح .. وانجـرح فوگ الجرح
الماله اخو ابهاي الحياة .. يبـقه مكسور الجنح

عمري سالوفه وبــدونك والله لامـــاتنسمع
يالچنت كلشي اليه ابگيت عگبك بس دمع

عمر الدمــوع .. بسرعه ينزال
ومدمعي اعليك .. للابد ضال
يعمه الــبلايه ضواك
ومنحني ظهره وراك
يارسول الله
-----------
حيدر تركي الكربلائي

🌴تجمّع الزهراء ع العاشورائي🌴

31 August 2024 01:26

استشهاد النبي صلى الله عليه واله وسلم


الهادي روحه من تدنى اغيابها
ارتدت الامه على اعقابها

*---------------------*-------------------*
ما خلص جرح الأمس وآثاره
والصنم طاح وجرح أنصاره
واليعبده رد يدور ثاره
رجعت اللات بحقد أصحابها
*----------------------*-------------------*
لبسو الإسلام مسلمة الفتح
ثوب حيه تنزعه وي طرت الصبح
صوبو قلب النبي بأعظم جرح
فتن جابو للنبوه ابابها
*----------------------*--------------------*
الوصيه راد يكتب بالقلم
وكفو بساعة وفاته كالخصم
يهجر يكولون أشباه الزلم
لعنة الله على الفتن والجابها
*----------------------*-------------------*
اتفقت الأضداد تغدر بالنبي
اليهودي والصنم والناصبي
بالخميس اتوقعت فتوى السبي
وفتوى قتل الزهره من أسبابها
*---------------------*-------------------*
بلا غسل لادفن عأفوه الرسول
وعائشه ماندري بدفنه تكول
للسقيفه أصحابه ركضو للوصول
للحكم ركضو بيوم امصابها
*----------------------*--------------------*

محمد دعبل النوري