7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
الابوذيه للسيده الزهراء ع
الزهزه ثمنطعش بعده...عمرها
تعنه الدارها الظالم ...عمرها
ابوها وهالارض بيده....عمرها
ورثها من النبي كاع الزجيه
الجناسات
الاول:العمر
الثاني:عمرالملعون
الثالث:يعني النبي عمرالكاع
خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الخميس/2023/10/26
١٠ربيع الاخر سنة هجري١٤٤٥ نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
الابوذيه عن السان الشاعر
عجل بالظهور الكون...حكمه
بمحكمة العداله القتل...حكمه
خل نسمع روايه وبيها...حكمه
تنطينه درس ناخذ وصيه
الجناسات
الاول: احكم الكون
الثاني:شلون واحدبلمحكمه يحكمونه
الثالث:حكم وقوال
خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاربعاء/2023/1/18
٢ربيع الاخر سنة هجري١٤٤٥ نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
ويالمهدي نآخذ ثــآر ظلـع الزچيـة
من أهل السقيفة الصار بالغاضرية
*
كـل الجـــرة والصــار من السقيفة
إلــه يصيـــر ابليس هــوه الخليفـة؟
يلعب بّصــول الدين حتى على كيفة
كل همهم يزيحــون حامــي الحمية
*
الكاســـر ظلــع بالبــاب لَأم الإمامة
حتى على جبرائيــل راد الزعــامة؟
منها استحـه لو چـان عنده كرامة؟
ما يستحي الما هـــاب رب البريـة
*
من هَجمِته على الدار كل المصايب
مـا چنهم أهــل البيت چنهم أجــانب
يصير البعض شيطان لجل المناصب
وعالكرسـي توصل بيــه يقتل أخيـة
*
كرسي الخلافة چان هَمـه وقَضيته
بس مـــا محمد مات نكـرو وصيته
مــو مهم ينقتلون كـل أهـل بيتـــه؟
الغــاية الأمــارة تصير باچــر ألية؟
*
كســر الظلع بالبــاب چــانت بدايــة
شرعــــاً بعدها يجــــوز كل الرزاية
حركَ الخيـم تَسليب ضــرب السباية
الخيل التدوس حسين فــوكَ الوطية
*
القَتــــل والتنكيـــل منهم أســــاسة
للعتــرة ما يردون هيبــــة وقداســة
حتى علي يضربون بالسجدة راسـة
يموت الحسن مسموم هم منها هية
*
ربـــو أجيــال أجيــال تكــره عترته
أول جرائمـــهم بالـــــزهرة بنتـــــه
بالعترة چــم معصوم مهدومة كَـبته
وســالت شكَـد دموم چـــي رافضية
*
من شِــــدَة الأيمــان؟ أولهم أرتــد؟
نفترض بنت النـاس مو بت محمد؟
عليهم شكــو إجـرام يّــم الله يشـهد
من ذولة يآمــا آلاف راحت ضحـية
*
يمتـــه يجـي الموعود يكَلبها بيــها
وبشيــعته الثــــوار يهجــم عليــهـا
يلعن شكـــو أوثـــان خـــانت نبيــها
ويقضي على كل طاغوت من آل أمية
*
حيدر حسين الكرعاوي
قصيدة ندبة للسيدة (الزهراء) عليها السلام
ــــــــــــــــــــــــــ••ـــــــــــــــــــــــ
شــلــون تـنــــــــــسانـــي
ال مــــــــــــا انـــــــــــساهـــــــا
يحـــــله كـــــــــل عــــــــــمـري
أنـــــــــــــه بـــــــــطــرواهــــــا
ــــــــــــــــــ꧁꧂ـــــــــــــــــ
شلون تنساني الزچيه ام
الحسن
وانه ذبلانه نحيله من المحن
الغوث يازهراء من جور الزمن
مــدد يابضعـــــة نبينه طاهــــا
شلون تنساني ال ما انساهـــــا
ــــــــــــــــــ꧁꧂ـــــــــــــــــ
مدد منچ بالفـرج ومتانيــــــه
گالـو الزهره مشاعــــر حانيـه
مجلسج خطوات لگصدعانيه
فزعي خلصي روحي من بلواهـا
شلون تنساني ال ما انساهـــــا
ــــــــــــــــــ꧁꧂ـــــــــــــــــ
الج فزعـات وتنَجّـي بالعسـر
وانه اسبح احروف اسمج باليسر
ردي لهفاتي انكسر گلبي كسر
وطاح جفن العين من مبچاها
شلون تنساني الما انساهـــــا
ــــــــــــــــــ꧁꧂ـــــــــــــــــ
خايفه اتعوفينه ياحرز الأمان
مدي ايدج عالگلب ترسي حنان
جبرة الخـاطر ردت منچ ضمان
وسهله عندج حاجتي ومسعاها
شلون تنساني الما انساهـــــا
ــــــــــــــــــ꧁꧂ـــــــــــــــــ
فرحي گلبي ياهوه كل عافيه
وخلي عيني بالمسره غافيه
روحي شاغت وبمواجع كافيه
ونظره منچ فاطمه ردنـاها
شلون تنساني ال ما انساهـــــا
ــــــــــــــــــ꧁꧂ـــــــــــــــــ
نظره تشگف رايده مني الوجع
وحالي بيدج خير لو راح ورجع
وطمّنيه البال ما هـاد وهجـع
وانتي چف المكرمه وعيناها
شلون تنساني ال ما انساهـــــا
ــــــــــــــــــــــــــــــــــــــــــــــــــ
_••••__
_تمت بحمدالله وتوفيقه_
_✍🏻بقلمي شاعرة وخادمة_ ( _أهل البيت_ ) _عليهم السلام_
_زمـن حـاتــم الربيعي واســـــط_ .
_
🚫 _غيرمبرئ للذمة حذف الأسم _والتلاعب بالقصيدة_
_ونسـألكم الدعاء_ _
قصيدة لسان حال الامام علي عليه السلام يحجي وي الزهراء عليها السلام
ضليت ليل ابلا ضوه... ونگطع عن ريتي الهوه
من عندي تمشين.... ها يم الحسين .. ٢
🏴🏴🏴🏴🏴🏴
انه علي يافاطمه بالهم اخلص ليلي
والدار وحشه والجسد يرجف ورايح حيلي
ميعيش من بعدچ علي ياراحتي.رجعيلي
ابدمعاتي اسلي ارويحتي صبري خلص و امنيلي
وحدي انه ضليت ... او ضل مظلم البيت
هذا انه والميت سوه... ضليت ليل ابلا ضوه
ها يم الحسين ٢
🏴🏴🏴🏴🏴🏴
من امشي محني ومنكسر يصعب عليه افراگچ
يالچنتي شمعه ابدنيتي اشلون احمله اغيابچ
ما ينسه كسر الضلع يم الحسين ابابچ
ياالبعدچ ازغيرة عمر چاليش عفتي احبابچ
اشوالي لو اموت.... دمعاتي تابوت
ماحصل لجروحي دوه... ضليت ظلمه ابلا ضوه
🏴🏴🏴🏴🏴
يم الگبر يمچ علي ويصب دموع اعيونه
فرگاچ يا إم الحسن يحتاچ منچ عونه
هم شفتي واحد وينتحب خايف هله يسمعونه
الفاكد. عزيز ابمحنته يحتاج اليعزونه
اسكن بالكبور... ياشعلت النور
ضلعي اعله فركاچ التوه.... ضليت ليل ابلا ضوه
🏴🏴🏴🏴🏴🏴
شحچيلچ انه ابغيبتج أشگد شفت لوعات واه
والبيت ميطب ليه علي وخالي مكانچ يلكاه
سهران ليله ودنيته كلها اطلعت من عيناه
لوصاح وين ام الحسن بس الصده ايرد اويا
ماطبن البيت.... بس دمعه جريت
طوي السجل عمري انطوه.... ضليت ليل ابلا ضوه
🏴🏴🏴🏴🏴
عكبچ ذبت مثل الشمع وأيامي صارت ظلمه
وشتاگ ألچ مثل الطفل المشتاگ لحضان أمه
يادنيتي وكل العمر گلبي يبات ابهمه
من بعد وجهچ ياوجه يسعدني. واگعد يمه
ماطايق الروح.... بس دمعي مسفوح
جفني ابدمع عيني ارتوه... ضليت ليل ابلا ضوه
🏴🏴🏴🏴🏴🏴🏴
الشاعرة والخادمة المتواضعه ام أبراهيم الحلفي
مولاتي فاطمه الزهراء
😭😭😭😭
👇👇👇👇
يامن تشيع فاطمه
بهداي وي ضلوعها
〰️〰️〰️〰️〰️
صواب الضلع ياذيها
ياعلي موجر بيها
على الكيف بس خليها
هاي الابيه روحها
〰️〰️〰️〰️〰️
نعازي كلنه حيدره
ولدمع من عنده جره
تابوته بليله سره
بونات من ودعوها
〰️〰️〰️〰️
يلكبرج مضيعينه
اليوم الج ونينه
بمجلسج نادينه
اصحاب الرده فجعوها
〰️〰️〰️〰️〰️
المهدي يطلب ثارج
وشلون حركو دارج
ماتنطفي يانارج
ثاري غميجه جروحها
〰️〰️〰️〰️〰️
البسمار عذب فاطمه
خلاها تبحي مالمه
بت الاطهار العالمه
بليل من شيعوها
〰️〰️〰️〰️〰️
مهضومه من عدائها
اشكال الوكت راوئها
سيوفه الزمن حدائها
تجاره دم دموعها
〰️〰️〰️〰️〰️
بت النبي اذوها
معوره خلوها
بلضلع من صابوها
مابطلت من نوحها
〰️〰️〰️〰️
✍🏻✍🏻بقلمي الفقير خادمه البتول المله ولشاعره ام نادين المحمداويه ملكه الحسجه الجنوبيه
*جنازة المحسن ع*
لحن الجفيري♪
محسن تغسّل بالدمع
وتشيّع بكسر الضلع
وتابوته آلام ووجع
واويلي محروم المهد
〰〰〰〰
مهده الارض الي تلگته
وكفنه التراب ولفته
الزهره بيديها حضنته
وتشييعه صاير للحد
〰〰〰〰
طفلي انحرم شم العذب
ويحاكي بانفاسه الگلب
شلّت يمينه الي ضرب
وبصوته صاح حيدر مدد
〰〰〰〰
تگله يمحسن طيحتك
ولا انمدّت ايد اتلگتك
والله هضيمة مصيبتك
يا يمه محروم الرغد
〰〰〰〰〰
بيده علي حفر الگبر
وگلبه من الحزن انفطر
كنّه شمس يدفن گمر
نوره انطفى بوسط اللحد
خادمة آل محمد ص✍🏻
شافت دم اثر عالباب وسالت عالخدود دموع
خفيّة الأنّة يمه آه وشافت ايد لطمتها
خادمة آل محمد ✍🏻
واويلاه وازينباه ماذا يتحمل هذا القلب الصبور التي حلّت به المحن والبلايا منذ صغر سنها رات مصيبة امها الزهراااء وعاشت مآسيها الى حين رحيلها ووداعها فقد اشرفت امها على الموت وعلمت انها مفارقتها
*الوداع بين مولاتنا الزهراء ع وزينب ع* لحن قلب امك يبني مفتت الشيخ الجفيري~
أم الحسن ونّه ونّت
وزينب ليها اويلي اتدنّت
صاحت يمه اوصيچ وصيه
گعدت يمها وليها احتضنت
يُمه يمه يمه يمه²
〰️〰️〰️〰️〰️
عندي وصيّه زينب ٱسمْعي
تشوفي اضلاع وكنها ضلعي
بالطف اصبري لمصاب حسين
وضع الحسين يشبه وضعي
زينب زينب زينب زينب²
〰️〰️〰️〰️〰️
نار الباب ونار مخيّم
عصرة امك وضلع اتهشّم
وسوط الألّم متني يُمه
بضرب متنچ يُمه وألّم
〰️〰️〰️〰️〰️
تزيد المحنه ذبحة الحسين
وصدره مهشوم لا مو ضلعين
يدوسه الحافر اگبال عيونچ
تشوفي رماح وروس ونارين
زينب زينب زينب زينب²
〰️〰️〰️〰️〰️
تگلها يْمه ما اتحمّل
انظر جسمه بوسط المقتل
يم المذبوح يمچ احضر
بايتام حسين انه اتكفّل
〰️〰️〰️〰️〰️
*جواب زينب*
صعبه يُمه الليله وداعچ
لا ما اشبع انه بحضنچ
اخذي عمري ولا لا تروحي
ما اگدر اشوفچ وانت بگبرچ
يمه يمه يمه يمه²
خادمة آل محمد ✍🏻
لذلك اوصت زينب بعدة وصايا وكل وصية أعظم من وصية يا اهل العزاء بعين القلب لنسمع وصية الزهرااا توصي ابنتها الصغيرة بوصايها الاليمة وكاني بها صاحت زينب إلي إلي لأودعك وتودعيني… زينب ارتمت بحضن امها فاطمة والعبرة على خديها فكاني بفاطمة صاحت آه آه (انت تعلم ايها الموالي الزهره تتأوه من الألم وضلعها مكسور ويلاه آه )
تگلها زينب… .بهونچ يمه احضنيني
تگلها زينب… ليّه گومي ودعيني
تگلها زينب… اوصيچ وتوصيني
*يلا نسمع الوصية الاليمة على قلب ام المصائب*
وصية بعينك يا زينب د. خليها
اذا رحتي كربلا يا بنيتي نفذيها
هناك بكربلا الايتام احفظيها
وبلّغي حسين عني التحيه
〰️〰️〰️〰️〰️
دصبري عالمحن لو تودعينه
ومن نحره عني يمه قبلينه
وبصدره شمّه يمه ٱشمّينه
اخوچ ينذبح بالغاضريه
〰️〰️〰️〰️〰️
صاحت زينب صعبه تودعيني
توصيني بحسين يا يه توصيني
اريد بهالساعه يمه تحضريني
ساعة ذبحة حسين فوق الوطيه
ويلاه وازينباه~~
خادمة آل محمد ✍🏻
*بعد بعد اسمعي الوصية يا زينب*
اوصيكي يمه بكربله صدره تضمينه
ومنّه أمانة تقبّلي نحره وتشمينه
صدره بحوافر ينهشم يمه تشوفينه
ومن نحره ابني ينذبح هذا الغريب حسين
〰〰〰〰〰
اوصيكي يمه بكربله عينك على المظلوم
لو ودّعك يم الحزن هلّي الدمع مسجوم
واصبري يا يمه عالمحن من شفتي غسله دموم
وشفتي بعينك منذبح اصبري يا نور العين
خادمة آل محمد ✍🀊〰〰〰〰
بعد هل لديك يا زهراء وصية؟؟
*جواب الزهرررررا ع*
تگلها دصبري عالمصاب
عندچ محن عندچ عذاب
تشوفي الذبيح على التراب
ونايم كفيلچ عالنهر
〰〰〰〰
*بعد يا زينب…….*
تشوفي نحور بلا جسد
وروس برماح. بْلا عدد
تشوفي الشمر صدره صعد
بصدر الحسين حز النحر
〰〰〰〰
*اه اه يا يمه بعد هناك مصائب… تگلها*
تشوفينه عالغبره سليب
بدم النحر ويلي خضيب
وبْلا دفن ويلي غريب
ومحد يواريهِ بگبر
حسيييين😭
خادمة آل محمد
(يمكنكم الختام من هنا والعروج الى كربلاء)
*الله ما حالها حين اوصت اسماء بمراقبتها لاعلان خبر وفاتها انا لله واليه راجعون~*
بهذه الدمعة اريد الليلة تجلسي عند باب فاطمة تسمع انين الزهراء داخل الدار تسمعي بكاء زينب وونة الحسن وآهات الحسين على فراق امهم
الليلة ينطفي نور الزهراء ويسكن انين الضلوع وما من احد في الدار سوى مولاتك فاطمة واسماء التي اوصتها الزهراء ع بان لا تدخل عليها الا بعد ان يسكن انينها… يلا تهيئي للمصيبة الليلة الفاجعة الكبرى الزهراء شهيدة هذه الليلة
*الشهادة*
بعيون قلوبكم لنودع فاطمة الليلة
*ثم دنت. منها المنية عظم الله اجوركم يا اهل العزاء*
*جاء عن أسماء أنّ فاطمة الزهراء عليها السلام لمّا حضرتها الوفاة قالت لأسماء: "إنّ جبرئيل أتى النبيّ ـ لما حضرته الوفاة ـ بكافور من الجنّة فقسّمه أثلاثاً، ثلثاً لنفسه، وثلثاً لعلي، وثلثاً، لي وكان أربعين درهماً فقالت: يا أسماء ائتني ببقية حنوط والدي من موضع كذا وكذا، وضعيه عند رأسي، فوضعته ثم قالت لأسماء حين توضّأت وضوءها للصلاة: هاتي طيبي الذي أتطيّب به، وهاتي ثيابي التي اُصلي فيها فتوضأت"*
*وضوؤها~*
*يا أهل العزاء انا لا أدري كيف توضأت مولاتنا الزهراء وكيف حرّكت يها للمسح على رأسها وقدميها في الوضوء وضلعها مكسور واويلاه وافاطمتاه*
توضأت وووقفت بين يدي بارئها تصلي وتؤدي وردها بالتكبير والتهليل الله اكبر الله اكبر ~ ثم صلت وردها…
*عظم الله اجوركم*
يا هي محنة… اكتبي بايدي الوصية
يا هي محنة… راحلة آنه المسية
يا هي محنة… مفارگة غصبن عليّه
اخفي گبري… وعنه لا تعلن هويه
اخفي گبري… وامحي آثار المنيه
اخفي گبري… ويمي لا تنصب عزيه
اخفي گبري… ما اريد يزوره غاشم
هذا گبري… لا يجي يحضرني ظالم
هذا گبري… وبمكانه الله عالم
خادمة آل محمد✍🏻
.ثمّ قالت ( عليها السلام ) : ( يا بن العمّ ، إذا قضيت نحبي فاغسلني ولا تكشف عنّي ، فإنّي طاهرة مطهّرة ، وحنّطني بفاضل حنوط أبي رسول الله ( صلى الله عليه وآله ) ، وصَلِّ عليَّ ، وليصلِّ معك الأَدنى فالأَدنى من أهل بيتي ، وادفني ليلاً لا نهاراً ، وسرّاً لا جهاراً ، وعفَّ موضع قبري ، ولا تشهد جنازتي أحداً ممّن ظلمني . يا بن العمّ ، أنا أعلم أنّك لا تقدر على عدم التزويج من بعدي ، فإن أنت تزوّجت امرأة اجعل لها يوماً وليلةً ، واجعل لأولادي يوماً وليلةً ، يا أبا الحسن ! ولا تصح في وجوههما فيصبحا يتيمين غريبين منكسرين ، فإنّهما بالأمس فقدا جدّهما واليوم يفقدان أُمّهما )
*وصية الزهراء ع لامير المؤمنين ع*
واويلاه وامصيبتاه ما اصعب الوداع~
شگد تمنيت…. عيوني وعيونچ نغمضهن سويّه]
[شگد اتمنيت.... بگبر واحد اندفن ايدچ بديّه]
منقول
شگد اتمنيت…. بعمري افديچ يالزهره الزچيه
〰〰〰〰
يا حبيبه … صبري ما يحمل صبر
يا حبيبه… بفرگتچ گلبي انكسر
يا حبيبه… ليّه ليته هالگبر
〰〰〰〰
إخذي روحي… ولا تروحي انت شهيده
إخذي روحي… يا نبض گلبي ووريده
إخذي روحي… هالعمر بعدچ ما ٱريده
〰〰〰〰
لا تروحي… گلبي ما يحمل عذاب
لا تروحي… تفتي الگلب بمصاب
لا تروحي… مو إلچ نوم التراب
خادمة آل محمد ✍🏻
.وروى ابن عباس وصية مكتوبة لها ( عليها السلام ) جاء فيها : ( هذا ما أوصت به فاطمة بنت رسول الله ( صلى الله عليه وآله ) ، أوصت وهي تشهد أن لا إله إلاّ الله ، وأنّ محمّداً عبده ورسوله ، وأَنّ الجنّة حقّ ، والنار حقّ ، وأنّ الساعة آتية لا ريب فيها ، وأَنّ الله يبعث من في القبور .يا علي أنا فاطمة بنت محمّد ، زوّجني الله منك لأكون لك في الدنيا والآخرة ، أنت أولى بي من غيري ، حنّطني وغسّلني وكفّني بالليل ، وصلِّ عليَّ وادفني بالليل ، ولا تُعلم أحداً ، وأستودعك الله ، وأقرأ على ولديّ السلام إلى يوم القيامة ) .المصدر: أعلام الهداية / المجمع العالمي لأهل البيت ج 3
هذا ما اوصت به عليا امير المؤمنين ع ولكن لدها وصايا لأولادها
*( السيدة فاطمة ع وابنها الحسن ع)*
هلموا معي بعين القلب الى بيت النور الى دار ام الحسن في المدينة حيث كانت آخر لحظات حياتها نحيلة ضعيفة منهدة الركن تأن لضلعها المكسور وعندما يسكن أنينها يرتاح قلب صغارها… اسمع ايها الموالي الحوار الذي يدور بين الحسن والحسين بلسان الحال~
شحال امنا يخويه حسين ما نسمع لونّتها~
عساها طابت الأوجاع لو حانت منيّتها~
خل نتفگد الاحوال ونعاينها بـغفوتها~
اظنها طابت العلّة وتگوم بعافيه إلنه😭😭😭😭
يا زهرااااااا
خادمة آل محمد✍🏻
( يا اهل العزاء حين مرضت الزهراء تأثر أولادها بمحنتها بمرضها واويلاه هذا مولانا الحسن ع يبكي حين يسمع أنين أمه فاطمة فيتخيل المشهد امام عينيه ) فتسيل دموعه على خديه~
فيما جرى على السيدة فاطمة الزهراء عليها السلام
امامنا الحسن هو الشاهد على ظلامة امه الزهراء ع
▪︎ قال إمامنا السِبط الحسن المُجتبى "صلواتُ الله عليه" للمُغيرة بن شُعبة :
و أنتَ الذي ضربتَ فاطمةَ بنت رسول الله "صلّى الله‌ُ عليه وآله" حتّى أدميتها و ألقت ما في بطنها استذلالاً منكَ لرسول اللهِ "صلّى الله‌ُ عليه‌ِ وآله" و مُخالفةً منكَ لأمرهِ و انتهاكاً لحُرمتهِ.. و قد قالَ لها رسولُ الله "صلّى الله‌ُ عليه‌ِ وآله": "يا فاطمة أنتِ سيّدةُ نساءِ أهلِ الجنَّة".. واللهُ مُصيّركَ - يا مُغيرةُ - إلى النار
📚 بحار الأنوار ج٤٤ص٨٣
الاحتجاج
*وافطمتاه~* لحن قلب امك يا بني مفتت~♪
شفت بعيني ٱجاها الظالم
يضرب امي ويعصر فاطم
اجاها بحقده لخدها لاطم
يلطم خدها والعين حمره
〰️〰️〰️〰️〰️
سمعت الأنّة وطگة الضلوع
اتهشم عظم الصدر الموجوع
ومن الآلام سالت الدموع
وشهگة شهگه ويلي الزهره
〰️〰️〰️〰️〰️
صحت بصوتي لا تضربها
امي ورده لا تعذبها
سالت دمعة ويلي بخدها
وألم البسمار ويلي جمره
يمه يمه يمه يمه²
خادمة آل محمد✍🏻
لحن الخضيب~♪
آه يايمه³~آه
شفت بعيوني مصيبتچ دفعوا عليچ الباب
اگبالي لَطم خدچ رجس وطحتي على الاعتاب
لهشّم ضلوعچ فاطمة بعيني شفت المصاب
والله عظيمة محنتك من هشّمو الضلعين
آه يايمه³~آه
〰〰〰〰
ضربوچِ يُمّه بيا ذنب زهرا يا مظلومه
ومحسن الي مات من الضرب وعظامه مهشومه
صوته سمعته من صرخ وانفاسه مكتومه
وبعيني بسمار الضلع عاينته صاب اثنين
آه يايمه³~آه
〰〰〰〰
حنّت وأنّت فاطمه ودمع الجفن مسجوم
والله عزيزة دمعتك
لا تبكي يا مظلوم
ها انت يمّي منفجع بمصابي هذا اليوم
ولمحنتك انه انفجع واحضر يا نور العين
واحسينا³~آه
〰خادمة آل محمد ✍🏻
*ولسان الامام الحسن ع يخاطب امه*
غَصَّت سَماءٌ وانحَنَتْ أركانُ
بصوت الخطيب الشيخ رياض الطليباوي
#قصیده الی الولده
مني راحت دنیتی بلياها تصعب عیشتی
شلون اعیش ابدونها. امی لدفنونها
امي. امي~~~
انتظر ياموت لحظه عندي وي امي عتاب
اگلها يمه لو مشيتي يكثر اعليه العذاب
اه من دهري وزماني شلون راواني مصاب
امي اريد وياها // لحظه ماانساها
امي. امي~~~
تدری من تاخذها امی مني اخذت الراحه
روعيت الگلب مني وهيجيت اجراحه
ناح ليل انهار گلبي ومايبطل انياحه
محد عرف معناها// مشت روحی اویاها
امي. امي~~~
انتظر ياموت لحظه وشوف حالي
مني ليش اليوم تأخذها الغوالي
مالي عين انظر واشوف البيت خالي
امي يامحلاها.// كسر الضلع اذاها
امي. امي~~~
ينفتح باب السمه امي من ترفع اديها
ابعينه الباري يعاين لأمي ويسمع حچيها
يغضب الرب الغضبها لو يمر مكروه بيها
عالنسه علاها.// فاطمه سماها
امي. امي~~~
شلون اعیش بهلعمر وامی بعیده
من بعدها ماشفت لحظه سعیده
باليتم لويگظي عمري ما اريده
روحي تتمناها.// يالحلو ملگاها
امي. امي~~~
شمعت البیت انطفت يوم المشيتي
اشصار بينه عگب عينچ مادريتي
ننتظر جيتچ ييمه ومااجيتي
امنه صعب فرگاها.//مانصبر ابلياها
امي. امي~~~
تمت بعون الله
✍ #علویه_ ام فاضل_
❌غیرمبری الذمه الیحذف الاسم او یغیره❌
🏴
#ابوذيات_فاطمية_رثائية
🚩
#ونحيل
يگلبي إعلى الزجيه اليوم.. ون حيل
الجسد من المصايب ذاب..ونحيل
باب الزهره يوم انكسر ..ونحيل
فتح ع العتره بيبان الرزيه
#طبگاه
صوتچ من وجع لآلام .. طبگاه
و چم آه التلوذ ب آه .. طبگ آه
شنو ذنبچ علیچ الباب.. طبگاه
اشذنب محسن صبح أول ضحيه
#متنها
الزجيه اسياط هالورمت .. متنها
و ناس التنظر الطاغي .. متنها
من كثر الضرب فاطم .. متنها
وغمى إعليها بضرب سوط الرزيه
💞🌹💞🌹💞🌹
والإمام المهدي.. عليه السلام.. يخاطب امه الزهراء
#وداعي
جسمچ یمه ظل ناحل ..وداعي
أطالب يمته انه بثارچ ..وداعي
ارفع كل فرض إيدي .. وداعي
يرب عجّل إلي بثار الزچيه
📿💦📿💦💦📿💦📿
✍🏻علي نوري الحلفي
*#جديد في الخدمه المقدسه*
ابيات على الزهراء ع عندما وضعها امير المؤمنين ع على المغتسل ورأى ضلع من اضلاعها مكسورا وترك غسلها وجلس جانب من الحجره يبكي
قالوا له مالذي ابكاك ياابا الحسن قال لقد وقعت يدي على ضلع من اضلاعها مكسورا
**** ضلع واحد ياعلي اوهد حيلك چااضلوع احسين شتسويلك
............................
ضلع واحد هد علي منك الحيل
روح لبنك رضت اضلوعه الخيل
اوعلى ابناتك ياعلي چلچل الليل
اومابگه واحد يضل يحميها
...................................
مابگه واحد يحماي الحمه
ينغر الابنك السابح بالدمه
اوناحت اعلى احسين املاك السمه
اتشوف جثته اعلى الثره امخذميها
................................
امخذمه جثتك يبن حامي الدخيل
زينب احتارت ولاعدها كفيل
امنين مامالت مصايبها تميل
امن الزغر شن الدهر غاراته
...................................
امن الزغر شافت مصايب فاطمه
اوشافت الكرار مخضوب الدمه
والحسن مسموم بچه اهل السمه
والنبي يبجي اوتهل دمعاته
*السيد محمد زاهر الخطيب*
🔸 من الأرشيف
في استشهاد النبي الأكرم (ص) :
---
*الزهره ضلعك و اِكْسروْا ضلعينها*
*اْو نور عينك تالي بچَّـوْا عينها*
اشْـتنفع الويلات و الدّمْـع الذَّروف
و انته شمْس الله لچَن غالك كُسوف
اتوصّي بالثِقْلين يا ريتك تشوف
*الاُمّـه تالي اشسوَّت ابـثـقْـلينها*
اِنگلبت الاُمّـه علىٰ خير العمل
و اللي آمن بالله رَد يعبِد هُـبَـل
هاذا و إنته بعدك اعله الـمُغتَسل
*او صُحبتك يالهادي خانت دينها*
آهـ من يوم الغبِت يوم الثنين
و العرَب يالمصطفىٰ اتطلبك اِبدَيْـن
اِنْچان منّك طلبوْا ابّـدُر او حُنـيـن
*بالضلع ردّوْا بدُر و احنينها*
بالحطب و النار هـالاُمّـه اشتِفَـت
إجوْا و الطاغي عله الزهره اِلتِفَـت
لاچن البضعه وره الباب اِختفت
*حيث لا ساتر الـبينه او بينها*
اشلون حُرمه او تگدر ابهذا الوضِع
ترِد بالچفّين باب اليندفِـع
كسروْا الباب او فزَع كل الجَّـمِـع
*بالسّياط او ورّموْا متنينها*
ابدال لـيْـعظمون للزهره الأجر
اْو يسألون امن الله يلهمها الصبر
إجوْا واسوْا بنتك ابكسر الصدر
*اْو غصُب نِحلتها او سُقوط اِجنينها*
من تجيلك باجر ابهذا الكسُر
خلها تحجيلك علىٰ كل الأمُر
إسأل امْن الزهره ليش ابهالعُمر
*ماتت او ما كمّلت عشرينها*
اْو ظل جليس الدّار حمّاي الحمّه
عگب ما عن عينه غابت فاطمه
ريت فوگ الأرض تندكّ السّمه
*اْو لا حسنها اينوح يَـم احسينها*
____
ميرزا عادل أشكناني
مقطع صوتي من خادم خدام سيد الشهداء ع😭
Читать полностью…
https://youtu.be/W10NyuRhy0g
امير المؤمنين عند رأس الزهراء
يا زهرة عمري ما ظنيت ادفنك بيدي يم حسين
مهو هين على قلبي اشوف اللطمة فوق العين
كنت دايم اسلي الناس يصبروني بفقد الاحباب
وما مر ابد في بالي يزلزلني يزهرا مصاب
وتالي الامر يا قلبي ادفن قلبي بالتراب
على الدنيا العفا بعدك يزهرة عمري يم حسين
واويلي على الزهرا على الزهرا واويلاه
شلون اتسلى يا فاطم وانتي بفكري ليل نهار
شلون اقدر ارد للدار وام حسين مو بالدار
ويش اسوي في عمري خبريني انا محتار
ابقى وياك لو ارجع لزينب والحسن وحسين
واويلي على الزهرا على الزهرا واويلاه
اذا رديت ما بقدر اصد للباب والمسمار
واذا صديت ما بقدر اشوف الدم على الجدار
تتمنى العمى عيوني ولا تنظر الى الصغار
#لحن لفى عاشور للزهراء ع
فزاعيه لسيده الزهراء عليهاالسلام
نلطم اجينه بالنجف يافاطمه الحزنانه
ودموعنه لا ماتجف يافاطمه الحزنانه
ونعازي حيدربالجره يافاطمه الحزنانه
لجلج الناس مكدره يافاطمه الحزنانه
منج اظلوع مكسره يافاطمه الحزنانه
ودمع اليحبج مانشف يافاطمه الحزنانه
وباب حيدر نرتجي يافاطمه الحزنانه
وهواي هم عدنه حجي يافاطمه الحزنانه
وعيونه تصب بالبجي يافاطمه الحزنانه
يالبيج من الله الطف يافاطمه الحزنانه
نلطملج نسوي عزه يافاطمه الحزنانه
فوك المتون ندك سوه يافاطمه الحزنانه
يالرحتي حيل محسره يافاطمه الحزنانه
نحلان جسمج هالضعف يافاطمه الحزنانه
بسمار طكج بالصدر يافاطمه الحزنانه
ماعنده غيره ولاعذر يافاطمه الحزنانه
والضلع من عمده نكسريافاطمه الحزنانه
حالج تره ماينوصف يافاطمه الحزنانه
نعازي علي بيج وبعد يافاطمه الحزنانه
ونكله جانتلك سند يافاطمه الحزنانه
وهسه العزيزه بالحد يافاطمه الحزنانه
بيج الطاهره والشرف يافاطمه الحزنانه
خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/11/24
٩جمادي الاولى سنة هجري١٤٤٥ نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
#الفاطمية_1445
#شهادة
عزِّ الأميرَ فقَدْ أتتهُ مَصائبٌ
(صُبَّت علَى الأيَّامِ صِرنَ ليَالِيَا)
فإذا شكى ليثُ الليوثِ لبئرِه
(شجِنًا على غُصنٍ بكيْتُ صباحِيَا)
يا صاحبَ الثاراتِ عجِّل سَيدي
(إنْ كُنتَ تسمعُ صرخَتي ونِدائيَا)
فلأبكينَّ الضِلعَ حتَّى ثارها
(ولأجعلنَّ الدمعَ فيكَ وشاحيَا)
✍️قمر حسين
نسألكم الدعاء
نعي حول السيده الزهراء ع وكأني بالسيده زينب ع
اشيوجعج يمه وتونين
من الضلع لو من سطرت العين
حاجيني يمه يم الحسين
اكعدي ييمه ولا تنامين
اتشلعين كلبي من تونين
منين الصبر وانتي اتلوجين
ماطاب ضلعج خزن وعاب
والروح يمه صايره اتراب
تروحين وانه محمل اغياب
ضلعج كسر بضلوعي خله
وبالروح صارت الف عله
صبح ومسه دمعي لهله
خلينه نكعد بعد عمري
ونينج كضاني ونفذ صبري
من عمت عينه خان دهري
حاجيني خل نكعد سويه
وكت العصر وكت المسيه
وحجيلج شبيه ما بيه
الشاعرة الحسينية ام كرار الساعدي
"كوم خليها الرواية امنشرة"
:
:
كوم يا حيد الزلم وابن الاسود
وخلي ذوالفقار لمجاده يعود
يا كلف يل ماكو مثلك بالوجود
انهض ابراية علي او قيم الحدود
فاطمة لليوم خدها ما بَرَه
:
:
يا صلد يل كاسر اخشوم الزلم
مامش ابكل الخلك مثلك شهم
يلي طود الكفر بيدك ينهدم
كوم واطلب ثارها او شد العزم
"واصلب الجبتين من فوك اشجره "
:
:
يا شديد القوة ما حان الأمر
او تشفي للزهره جرحها والكسر
لسه جفها بي أثر ذاك الجمُر
ما بگه بالروح يالمهدي صبر
يمتى سيفك عالضهدها تشهره
:
:
كوم يا ثار السمه او ثار الضلع
يلي عينك تصب من دم الدمع
انهض او اكصد تُهامة بالجمع
او خلها كلها عالظلمها تِطِّلع
او هوّ يحجي ابعظمة السانه الجره
:
:
امك اتناطر يمهدي جيتك
تِظْهِر او تبني كبرها ابيمنتك
او تِهْدِم اكبور السقيفة رادتك
اِقْدِم او شنها عليهم حملتك
يا عظيم الشان يا ذو المقدرة
:
:
يا سليل المجد يربات الفحول
يلي عجزت تُوْصِفك كل العقول
ماكو غيرك ياخذ بثار البتول
حكم خلفة هند بيمينك يزول
يمتى ترجع يا سليل الطاهره
:
:
يمتى يالموعود ميقات الوعد
عالعهد وياك نبقى عالعهد
نصبر اشما طال يومك وِشْبعد
الامل يالمهدي وحقك ما برد
نبقى يومك يابوصالح ننطره
:
:
فاضل عباس الخزاعي
*وصية الزهراء ع لامير المؤمنين ع* / طور الفراق الزينبي~
بهالوصية… تدري بيها صعبة تدري
بهالوصية… اعفي عن موضع لگبري
بهالوصية… خلصت ساعته عمري
يا هي محنة… اكتبي بايدي الوصية
يا هي محنة… راحلة آنه المسية
يا هي محنة… مفارگة غصبن عليّه
اخفي گبري… وعنه لا تعلن هويه
اخفي گبري… وامحي آثار المنيه
اخفي گبري… ويمي لا تنصب عزيه
هذا گبري… ما اريد يزوره غاشم
هذا گبري… لا يجي يحضرني ظالم
هذا گبري… وبمكانه الله عالم
لا تجيني… شيعتي وتنصب شعاير
لا تجيني… بس تراب وبْلا يا حاير
لا تجيني… بس حجاره بْلا مناير
بْلايا قبة… ولا ضريح ولا صحن
بْلايا قبة… وراية ترفع بالعلن
بْلايا قبة… جاير عليّها الزمن
خادمة آل محمد✍🏻
ثم تسجَّت بثوبها ~
و فتحت ابواب السموات ونزل جبريل بكفنها الابيض
*وهنا هبوط الملائكة لاستقبال روح الزهراء ع*
وانكشف الغطاء نظرت فاطمة وسلمت قائلة: "السلام على جبرئيل، السلام على رسول الله، اللهمّ مع رسولك، اللهمّ في رضوانك وجوارك ودارك دار السلام، ثم قالت: هذه مواكب أهل السماوات وهذا جبرئيل وهذا رسول الله يقول: يا بنية أَقدمي فما أمامكِ خيرٌ لك"
*عظم الله اجوركم*
🩸 *لحظات الشهادة*
*وحانت ساعة الاحتضار وانكشف الغطاء نظرت السيّدة فاطمة عليها السلام نظرة حادة ثم قالت: "السلام على جبرئيل، السلام على رسول الله، اللهمّ مع رسولك، اللهمّ في رضوانك وجوارك ودارك دار السلام، ثم قالت: هذه مواكب أهل السماوات وهذا جبرئيل وهذا رسول الله يقول: يا بنية أَقدمي فما أمامكِ خيرٌ لك"* 〰️ واويلاه
الوداع الوداع الوداع الوداع
وفتحت عينيها ثم قالت: "وعليك السلام يا قابض الأرواح عجّل بي ولا تعذّبني" ثم قالت: "إليك ربّي لا إلى النار"
ثم غمضت عينيها الله اكبر ومدّت يديها ورجليها. *انا لله وانا اليه راجعون* صح ونادي وافطمتاه ~ ومظلومتاه وشهيدتاه~
[لحن الجفيري~
هالليله ماتت فاطمه
منها الضلوع مهشمه
والصيحه توصل للسمه
وحيدر حفر بيده اللحد
〰〰〰〰〰〰
ماتت بغصة ام الحسن
ومدمعها سايل عالجفن
فوق المصلى والكفن
جنازة ونعش ليها ولحد
〰️〰️〰️〰️〰️〰️
خمدت نفسها بالخفى
ونور المدينه الي انطفى
راحت على الدنيا العفا
ماتت عليلة هالجسد
خادمة آل محمد✍🏻
انا لله وانا اليه راجعون🏴
بأمان الله يا شهيدة الله
آجركم الله شيعة معزين نعم ياشيعه لما انقطع صوت الزهراء تقول اسماء ناديتها يازهراء ما اجابت ، يا ام الحسن والحسين ما أجابت ، دخلت اسماء الدار شافت الزهراء ممده نحو القبله و الرداء على وجهها ، رفعت الرداء عن وجهها اذ بالزهراء ميته صرخت اي وافاطماه ~
*صح وانادي يا زهراااااااا ³انا لله وانا اليه راجعون*
آيزهره… ليش ما أسمع جواب
آيزهره… ما اسمع صوت خلف الباب
آيزهره… ردي يا بنت الٱطياب
ما تجاوب… كنها ما تسمع نداها
ما تجاوب… اقسمت عليها بـ طه
ما تجاوب… فاضت الروح لسماها
〰️〰️〰️〰️〰️
عظم الله اجوركم
هنا
*روح الوحي هبط الى المسجدعند امير المؤمنين ع ونعى الزهرااااء وهمس بأذن علي~ يا علي ماتت فاطمة~*
~ لحن اسمع عتابي~*
الزهره الزكيه~ جتها المنيه
قم ليها بالحال يا حامي الحميه
هالليله ماتت~ الزهره الحزينه
وعالمحنه~ حيدر الله يعينه
ينادي الزچيه بدمعه جريه
هالليله بيتچ اصبح عزيه
يا وردة الحور ~ جنازة من النور
ما ودعتها ~ وگليبي مكسور
ملطومة عالعين ~ يا ام الحسين ~
مظلومه رحتي ~ ومكسورة ضلعين
خادمة آل محمد✍
*عظم الله اجوركم*
لك العزاء يا امير المؤمنين انا لا ادري ما حال ابا الحسن هذه الليلة ~
يلا اريدك تتخيل الموقف وتشوف بعين البصيرة حبيب يودع حبيبه ودعها عالمغتسل لما راى ضلعها المكسور كسر قلبه
ودعها لما عقد الكفن
ودعها لما جلس عند نعشها
ذاك النعش الذي لوقف امير المؤمنين عنده متحيرا ويزفر الأنة على كسر ضلعها~
لحن جاوبني يا علي~♪
ناداها بالدمع
يا مكسورة ضلع
فدوا روحي إلك
والونة ترتفع
نادها حيدره
وضلعها ينظره
يم الضلع كسير
زهره يالصابره
شلون ادفن بلحد
زهره غصن الورد
رحميني فاطمة
يالرحتي للأبد
محني عليها الظهر
ودمعاته عالگبر
يجري الدمع دمه
للضلع وللكسر
وخادمة آل محمد
*حال الامام علي ع قبل خروج نعش الزهراء من الدار*
حيدر انحنى ظهره عند مصاب فاطمة ع ولما اراد ان يرفع نعشها قال أعينوني… أتدرون ما حلّ بعلي… هذا فارس الفرسان أسد خيبر يقول أعينوني…. لحن. قلب امك يبني مفتت~
حيدر دار شماله ويمين
يجذب حسره ويدير العين
محني ظهره عليها وينحب
عينوني گال عا أم حسين
زهره زهره زهره زهره~²
محيّر بيها وشلون حيره
يدفن روحه وبغير ديره
يعاين وردة ذبلت اللغصون
والله المحنه عليه چْبِيره
زهره زهره زهره زهره²
〰〰〰〰〰〰〰
يگلها
والله حيره~ شلون ادفنچ بـ إديه
والله حيره~ روحي خذتي يالزچيه
والله حيره~ صعبه هاللحظه عليّه
اي لحظة يا امير المؤمنين~؟
آيزهره~ يالخذيتي وياچ روحي
آيزهره~ حيدر محيّر بنوحي
آيزهره~ لحظة وداعچ جروحي
خادمة آل محمد✍
اختصار النعي حسب الوقت… لا تنسونا بدعائكم
يا حنينه… .وگلبچ يوزع حنان
يا حنينه… فاقد بفقدچ امان
يا حنينه… امي سيدة الجنان
〰〰〰
لا تغيبي… .مظلمه سنين العمر
لا تغيبي… ماگدر اشوفك بالگبر
لا تغيبي…. فاقد بفقدچ صبر
〰〰〰
آيا يمه… گومي ليّه واحضنيني
آيا يمه… يمه ليش تيتميني
آيا يمه… اخذي وياچ سنيني
〰〰〰
خادمة آل محمد ✍🏻
يلا يالعندك بعد دمعة نسمع وداع الزهراء لولدها الحسين ع *فعلى مثل الحسين فليبك الباكون ويضج الضاجون*
ولا يعلو الضجيج والبكاء إلا في محرم والفاطمية
فعلى مثل فاطمة فليضج الضاجون ~ وعلى كسر الضلوع فليعج العاجون~
وعلى لطم الوجه فليلطم اللاطمون~ واليصرخ الصارخون وافطمتاه~
بعين القلب لنرى محنة امنا فاطمة ع وقد مرضت ونحل جسدها وقربت منيتها فتهيأت للرحيل وهي تبكي ايتامها وصغارها تدير طرفها للحسن تارة وللحسين ع بالعبرة والانّة والحسين ينظر لامه نظرة الوداع وتدير بوجهها لكي لا يرى اللطمة في عينها المحمرة واويلاه لحن مذابيح للشيخ الجفيري~
حسين يم امه گعد وتجري دموعه
يقبل ايديها و بالحزن محني ضلوعه
وعليها يون بونته ويجذب اللوعه
بعد عينچ وين نروح يمّه يالزچيه
〰〰〰〰〰〰
صاح الحسين يمه دودعيني
گومي يالزهره وامسحي دمع عيني
المن يا يمه لو رحتي تعوفيني
ايتام يا يمه وما نحمل بعدچ أذيه
〰〰〰〰〰〰
خادمة آل محمد ✍🏻
https://youtu.be/0UMNtvqKhLs
*الحسين عند جنازة امه فاطمة ع*
لحن الشيخ علي الجفيري مذابيح♪
گَعَد عِدْها ينوح حسين
بونّه يقبّل الجَدْمين
يگلها والدمع بالعين
عزيزچ يمه انا الحسين
〰〰〰〰〰
ٱگعدي يا يمه يالحنينه
بعدچ يتامى لا تخلينه
فتحي عيونچ يالحزينه
عزيزچ يمه انا الحسين
〰〰〰〰〰
گومي امسحيها دموعي
فدوه لضلوعچ ضلوعي
سكّني احزاني وروعي
عزيزچ يمه انا الحسين
〰〰〰〰〰
حنّت وأنّت الزهره الزچيه
شبكت حسن وحسين اخيّه
وضمّت ايتامها ليها سويّه
واعتلى صوت نياح ونين
يا زهراااا يا زهرااا يا زهراااا
خادمة آل محمد ✍🏻
الحسين يحط ايده بإيد اخته زينب ويودعان امهما بالونة والعبره
ما اعظم تلك المصيبة على قلبك وكاني بالزهراء ع تدير طرفها الى ولدها الحسين ع باكية نائحة مودعة وتنادي واحسيناه
يا زهراء مدد~
*طور الأنين العاملي♪ لسان حال مولاتنا الزهراء تخاطب الحسين ع عند وداعه*
*أي واحسينا واحسين~²*
〰〰〰〰
لا تبكي يا حسين الغريب
باچر اشوفنّك ذبيح
تبقى على الغبره سليب
وجسمك على الرمضا طريح
تسحق على صدرك خيول
من مهرك بلحظة تطيح
بهالحالة ما ٱگدر انظرك
ألطم واصيحن واحسين
*أي واحسينا واحسين~²*
〰〰〰〰
لمصيبتك گلب انفطر
وبعيوني ما تنشف دموع
يبني لكسر ليّه ضلع
يكسر لك بصدرك ضلوع
واختك بحيره تنظرك
فوق الرمح بدر الطلوع
أوداجك لتنزف دِمه
يبني يا محزوز الوتين
*أي واحسينا واحسين~²*
〰〰〰〰
خليني اشمّك بالنحر
يبني گبل يوم الطفوف
تدنه اضمّك للصدر
يا مگطع بحد السيوف
منّك أقبّل منحرك
ويم الجسد أنعى واطوف
وانظر بعيني للسهم
نابت بگلبك يا حسين
*أي واحسينا واحسين~²*
〰〰〰〰
خادمة آل محمد✍🏻
*لما اصيب ضلع فاطمة بكسرٍ كانت الزهراء تضع يدها على ضلعها وتتنفس وتأن الأنة وصوت أنينها ولدي حسيييين😭 (أتعلمون لما يا شيعة لأن فاطمة كانت تعلم أن ولدها الحسين سيوطؤون صدره بحوافر الخيول اي واحسيناه)*
بحر طويل♪
تگله يهون يا وليدي ضلع من صدري الضلع مهشوم
اقبال ضلوع مكسورة من صدرك آيا مظلوم
من الزم ضلعيِ المكسور
اذكر كربلا كل يوم
وابكي لصدرك الدامي بحوافر خيل يدوسونه
〰️〰️〰️〰️〰️〰️
واويلاه*
لحن قلب امك يبني مفتت♪
دارت يمّه ويلي وتنوح
تون وسالت مدمع مسفوح
تصرخ يبني آيا مذبوح
شلون يذبحوك يا روح الروح
*يبني يبني يبني يبني~*
تدري الحافر يطحن صدره
وحافر يدوسه بصدره ونحره
يمه تنوح وتلطم يبني
مثلي يبني ضلع وكسره
*يبني يبني يبني يبني~*
خادمة آل محمد ✍🏻
يا أهل العزاء الزهراء تودعراولادها توصيهم تبكيهم قبل رحيلها
*فها هي تارة توصي امير المؤمنين ع تارة توصي الحسن ع تارة توصي للحسين تارة توصي زينب وتودعها بدموعها آه آه يا زينب~
🏴🏴🏴 *(زينب وامها الزهراء)*
يا اهل العزاء بعد هناك من يبكي بكاء خفيا ترى من الحاضر يستمع للمصيبة زينب دموعها جارية تتخيل المشهد امام عينيها وتسمع انين امها فاطمة…. زينب المحرومة من حضن امها الزهراء زينب ام المصائب والمحن اليتيمة صاحبة الثلاث سنوات… لا يذهب من بالها ذلك المشهد اي وايتيمتاه وازينباه~
زينب تنظر الظالم خلف الباب يعصرها~
راح بقوته يعصر وضلوع الزهره كسّرها~
صاحت زينب بوجهه عوف امي ولا تضربها~
شال ايده ولطم خدها محنة امها شافتها~
〰️〰️〰️〰️〰️
خلف الباب شافت نار وآثار الجريمه جذوع
وايد الزهره محروقه ومنهاه مهشّمه الضلوع
*جديد مجلس شهادة الزهراء (ع) الوصية والشهادة*
( *عروج الروح* )
*السَّلامُ عَلَيْكَ أَيَّتُها المَظْلُومَةُ المَغْصُوبَةُ، السَّلامُ عَلَيْكَ أَيَّتُها المُضْطَهَدَةُ المَقْهُورَةُ، السَّلامُ عَلَيْكَ يا فاطِمَةُ بِنْتَ رَسُولِ الله وَرَحْمَةُ الله وَبَرَكاتُهُ.*
💧🩸💧🩸💧🩸
1/سلامٌ لفاطمة العالمين
سلامٌ لِزَفرَتِها والأنين
تُعاينُ حزناً سقوطَ الجنين
وتشكو إلى اللهِ شرَّ الصِحابْ
2/توجَّهْ بها في دعاءِ القنوتْ
ففاطمةٌ زهرةُ الملكوتْ
من الرَكْلِ والعَصْرِ كادت تموتْ
تنادي النصيرَ وما من جوابْ!!
3/ إلى الأمّ ِ يركضُ بين اللهيبْ
لِصوتِ استغاثتِها يستجيبْ
تناديهِ عُدْ يا حسينُ الحبيبْ
فما مثلُ يومِكَ يومُ مصابْ !
4/ وزينبُ ناحَت لضلعٍ كسير ْ
وتبكي أباها عليَّ الأسيرْ
ومن بينِ كسرٍ وقيدٍ تسيرْ
إلى كربلاءَ وسبْيِ العذاب ْ!!
5/ويا حسرتي للوصيِّ إذا
بعينِ القذى قد رأى (قُنفذا )
على المَتْنِ يهوي بسَوْطِ الأذى
وسوطٍ لعينِ البتولِ أصابْ !
6/ لرزءِ البتولِ يضجُّ الوجود
ففاطمُ ماتت بعمرِ الورود
فلا تمسحوا الدمعَ فوق الخدود
دَعوهُ يسيلُ ليومِ الحساب ْ!!!!
محمد طالب العاملي🖋️
لحن الجفيري~
ماتت شهيدة ام الحسن
هالليلة ملفوفة بكفن
شافت مآسي والمحن
بالحسره خلصت هالعمر
〰️〰️〰️〰️〰️〰️
هالليلة ماتت فاطمه
وزينب بعدها ميتّمه
وينعاها حمّاي الحمه
وبيده يلحِّدها بگبر
〰️〰️〰️〰️〰️
هالليلة منصوب العزاء
باهل الأرض واهل السماء
ماتت قهر خير النساء
ومن عدها هالضلع انكسر
خادمة آل محمد✍
〰〰️〰️〰️〰️〰️
{بسم الله الرحمن الرحيم}
*{يَا أَيَّتُهَا النَّفْسُ الْمُطْمَنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي}*
*وصية الزهراء ع لأمير المؤمنين ع*
وقبيل وفاتها(عليها السلام) قد أوصت الزهرااء ع بعلها بهذه الأبيات، حيث قالت:
أبكِني إن بكيتَ يا خير هادي***واسبل الدمع فهو يوم الفراق
يا قرين البتول اُوصيك با***لنسل فقد أصبح حليف اشتياق
أبكني وابكِ لليتامى ولا تنـ***ـس قتيل العدى بطفّ العراق
اليوم نعزي عليا ع ونواسي قلبه الشريف بدموعنا
*عظم الله اجوركم* اليوم يوم الدمعة اليوم يوم الأنة اليوم اندفنت الزهراء تحت التراب… اليوم تيتمتت اطفال الزهراء… اليوم تيتمت زينب والحسنان… اليوم بكى عرش السماء والقلم لضلع بالباب قد هُشم وناحت الاملاك بالنحيب والدموع اسفا على كسر الضلوع~ اليوم املاك السماء بين صعود وهبوط عند قبر فاطمة المغيب المهجور~
السلام على الصديقة الشهيدة
السلام على المكسور ضلعها الملطوم خدها… المغيب قبرها… لعن الله من ظلمها
*عظم الله اجوركم* اليوم العزاء نصب في دار فاطمة ع اليوم وقفت الزهراء ع في محرابها وأضاء نورها لأهل السماء لآخر مرة من بيت الوحي ~ اليوم انطفأت أنوار. الزهراء ع ~ في محراب صلاتها خمدت الانفاس الطاهرة المظلومة.
اليوم ودعت فاطمة عليا ع وأوصته بعدة وصايا
*(بين علي والزهراء ع)*
في الساعات الأخيرة من حياتها حان لها أن تكاشف زوجها بما أضمرته في صدرها ـ طيلة هذه المدّة ـ من الوصايا التي يجب تنفيذها .فقالت ( عليها السلام ) لعلي ( عليه السلام ) : ( يا بن عمّ ، إنّه قد نُعيت إليَّ نفسي ، وإنّني لا أرى ما بي إلاّ أنّني لاحقة بأبي ساعة بعد ساعة ، وأنا أُوصيك بأشياء في قلبي ) .قال لها الإمام علي ( عليه السلام ) : ( أوصيني بما أحببت يا بنت رسول الله ) ، فجلس عند رأسها ، وأخرج من كان في البيت ، فقالت ( عليها السلام ) : ( يا بن عمّ ، ما عهدتني كاذبة ، ولا خائنة ، ولا خالفتك منذ عاشرتني ) ؟فقال الإمام علي ( عليه السلام ) : ( معاذ الله أنتِ أعلم بالله ، وأبرّ وأتقى وأكرم ، وأشدّ خوفاً من الله من أن أُوبّخكِ بمخالفتي ، وقد عزّ عليَّ مفارقتكِ وفقدكِ إلاّ أنّه أمر لابد منه ، والله لقد جدّدتِ عليَّ مصيبة رسول الله ( صلى الله عليه وآله ) ، وقد عظمت وفاتك وفقدك ، فإنّا لله وإنّا إليه راجعون من مصيبة ما أفجعها ، وآلمها وأمضّها وأحزنها !! هذه مصيبة لا عزاء منها ، ورزية لا خلف لها ) .ثمّ بكيا جميعاً ساعة ، وأخذ الإمام ( عليه السلام
) رأسها وضمّها إلى صدره ، ثمّ قال : ( أوصيني بما شئت ، فإنّكِ تجديني وفياً أمضي كلّما أمرتني به ، وأختار أمركِ على أمري ) .فقالت ( عليها السلام ) : ( جزاكَ الله عنّي خير الجزاء ، يا بن عمّ أُوصيك أوّلاً : أن تتزوّج بعدي بابنة أختي امامة ، فإنّها تكون لولدي مثلي ، فإنّ الرجال لابدّ لهم من النساء ) .ثمّ قالت ( عليها السلام ) : ( أُوصيك أن لا يشهد أحد جنازتي من هؤلاء الذين ظلموني ، فإنّهم عدوّي وعدوّ رسول الله ( صلى الله عليه وآله ) ، ولا تترك أن يصلّي عليَّ أحد منهم ولا من أتباعهم ، وادفني في الليل إذا هدأت العيون ونامت الأبصار )
*وصية الزهراء ع لامير المؤمنين ع* / طور الفراق الزينبي~
بهالوصية… تدري بيها صعبة تدري
بهالوصية… اعفي عن موضع لگبري
بهالوصية… خلصت ساعته عمري
قصائد مقدمة المجلس
#رقم_296
في رثاء #السيدة_الزهراء (عليها السلام)
الشاعر محمد الفاطمي
1_ غَصَّت سَماءٌ وانحَنَتْ أركانُ
وَبَكَت على بابِ الجِنانِ جِنانُ
2_ وَكأنَّ صَدرَ العَرشِ يُعصَرُ ضِلعُهُ
وَكأنّ كوثَرَ حيدرٍ ظمآنُ
3_ الحُورُ في الفردوسِ تَسأل بعضَها
وتَساءَلتْ ما بينَها الوِلدانُ
4_ نَزَلَت ملائكةٌ على أعتابِها
في البابِ كيفَ تَصاعَدَت نِيرانُ
5_ عَجَبًا وكيفَ سُكوتُ قبضةِ حيدرٍ
وفُلانُ يَضربُ فاطمًا وفُلانُ
6_ ما بينَ صَرخةِ فاطمٍ وسُكُوتِهِ
حِكَمٌ يَرومُ لفَهمِها لُقمانُ
7_ لم تَكتَرِثْ للضِلعِ لَحظَةَ كَسرِهِ
بَلْ سَلّمَتْ وَجَنينُها قُربانُ
8_ رَأَتِ الإمامَ مُكبَّلًا بحبالهِمْ
وَيَطوفُ في بيتِ الإمامِ دُخانُ
9_ (خَلُّوا ابنَ عمي يا لها مِن صَرخَةٍ)
صَاحَتْ بها الأفلاكُ والأكوانُ
10_ خَلُّوا ابنَ عمي او لأكشَفَ للدُعا
وَالمَسجِدُ اهتَزتْ بِهِ الجُدرانُ
11_ وَمَضَت بها الأيَّامُ وَهيَ عَليلةٌ
كَفَرَاشَةٍ ذَبَلَتْ بها الألوانُ
12_ رَحَلَت عنِ الدُّنيا وَديعَةُ أحمَدٍ
وَتَوَشَّحَتْ بحِدَادِها الأَزمَانُ
*
الشعر الدارج للشيخ عبد الأمير المنصوري
حزينه عليچ يم الحسن داراچ
وماواحد يوسفه ابد داراچ
بدوراته الزمان شلون داراچ
الضلع مكسور والمحسن رميّه
الدنيا هموم عل بضعه بنتها
وانياب الحقد عمدا بنتها
الزهره شورثت منها بنتها
المصايب والختام الغاضريه
مراثي الأطهار عليهم السلام
#قصیده موشح ـ الزهرا (ع)
شیعو نعش ام الحسن هلیله
هیه تستاهل دمعنه انسیله
ـــــــــ ـــــــــ ـــــــــــ
الكون حزنان الفگدها فاطمه
الباب والبسمار منهه ایهل دمه
ضجت الکون وملائكة السمه
اجت اتعزي العلي وتنعیله
ـــــــــ ـــــــــ ـــــــــــ
ايعينج الله يالعقيله ام الخدر
شلون من شفتی ظلعها منکسر
افراگها خله دليلچ كالجمر
بعدامها يا بشر تشكيلة
ـــــــــ ـــــــــ ـــــــــــ
ابنار من هجموا علیها اهل الرده
آه اجت فضه تنادی واشسده
شافت علةالزهره هجموا هالعده
للظلع جبريل اجه يتچیله
ـــــــــ ـــــــــ ـــــــــــ
والنبی اعلیها بچه وهل الدمع
عالزچیه وعینها وکسرالظلع
ماتنام وبیها گلبی منفجع
علي عالزهره تهدم حيله
ـــــــــ ـــــــــ ــــــ
تمت بعون الله
✍ #علویه ام فاضل
غیر مبری الذمه الیحذف الاسـم ❌❌
قصيدة #ملمع // النصوص مقطع فصيح ومقطع شعبي
🚩🏴
🏴🚩
يا أمَ الحَسَنْ .. يا جُرحَ الزَمَنْ
لِـبَتُولِ اللّٰــهِ جَفنِـي بَاكِيا
لا دُموعاً بلْ دِماءاً جَارِيا
...............................
١/ #فصيح 👇🏼
جُرحُكِ فِي الرُوحِ باقٍ لنْ يَزُول
كـلَ حيـنٍ داميـاً جَفنِـي الهَطُول
كيفَ أنسَىٰ جَدَتِي الطُهرِ البَتول
إنَّنِـي المَهـدِيُ حُزنِـي سَيَطُول
قُرآنُ الدُمُوع .. ينعَىٰ للضُلوع
لكِ جُرحٌ في ضَمِيري باقِيا
لا دُموعـاً بلْ دِماءاً جَارِيا
...............................
٢/ #شعبي 👇🏼
مستحيل انسـه مصابـچ والضلع
وكل سنه الكسرة ضلوعچ استمع
بغربتـي اذكــر مصابـچ و انفجـع
وجه قدسي بچف نذاله ينصفع !
يا حزنَ الضَمِير .. يا دمعَ الأمِير
و للّٰـــهِ ظـلَ دَومـاً شَاكِيا
لا دُموعاً بلْ دِماءاً جَارِيا
...............................
٣/ #فصيح 👇🏼
غَرَزوا المِسمارَ فِي قَلبِ الجِنان
وَ هَـوَتْ فوقَ الثَـرىٰ أمُ الحَنـان
بَـيـتُـهـــا نُــوراً يَشِّـــعُ للـزَمــان
صـارَ يَعلُو البيـتَ نـارٌ و دُخـان
آياتُ الهُدىٰ .. تُدمِيها العِدىٰ
لمْ يكنْ للجرحِ هذا شافِيا
لا دُموعاً بلْ دِماءاً جَارِيا
...............................
٤/ #شعبي 👇🏼
فاطمــه للديـن انتـي أول جـرح
بعصرتــچ أكبـــر جريمــه تتضـح
الصطره تراوالي كل ليـل وصبـح
ومحسن بكل عام اشوفه منذبح
فِي عرشِ الإله .. آهٍ بعدَ آه
مُحسِنٌ فِي القَلبِ جرحاً ثانِيا
لا دُمـوعــاً بـلْ دِمــاءاً جَـارِيا
...............................
٥/ #فصيح 👇🏼
أيُ ذَنـبٍ قَد جَنَيتِي يا تُـرىٰ ؟
تُضرَبِـيــنَ تَسقُـطِيــنَ للثَـرىٰ
ضُلعُـكِ المكسورُ ناراً سَجَّـرا
لكَ سالَ العرشُ دَمعاً أحمَرا
فِي أفقِ السَما .. آثَـارُ الـدِمَـا
و لـكِ ثغــرُ الزَمـانِ ناعِيا
لا دُموعاً بلْ دِماءاً جَارِيا
....................... ........
٦/ #شعبي 👇🏼
ما كفاهـم دم ضلـع بنـت النبـي
بچعب رمحه من ضربها الناصبـي
و الفجعنــي و اللّـي زيّـد منكبـي
انعصرت امي لَمَن رادت تختبي
دمعاتُ الأنَين .. تَجري كلَ حِين
و الـىٰ الآنَ كَئِيبــاً دامِيـا
لا دُموعاً بلْ دِماءاً جَارِيا
...............................
✍🏼علي نوري الحلفي
بصوت الملا عباس الشيخ عبد الأمير أبو الطابوق
النجف الأشرف 1445 هـ
https://youtu.be/Knnzx9V5i1Y
شيّعها ابظلام الليل
و منّه العين هماله
الله يساعد الكرار
من حين النعش شاله
اتحسر و اجذب الونّه
الله يعلم ابحاله
ياليل الشوم هالليلة
على بوحسين و اولاده
مشى بيها و من الحسرات
دمعاته على الخدين
الحسن خلفه يجر آهات
و يتلوّع اخوه احسين
يتيمتها العقيله اتصيح
بويه ابهالنعش لاوين
رايح بمّي يا حيدر
و أبوها ذايب افاده
يبويه ابهالنعش ريّض
اسويعه يا حلو لطباع
دخليني بودعها
اقليبي من الحزن مرتاع
و هالله هالله بالزهره
تراها امكسرة لضلاع
يبنتي لا تهيجيني
ولا تنوحي عداچ الويل
امّچ وصّت انشيّع
نعشها في ظلام الليل
صاحت في امان الله
و دمع العين مثل السيل
🏴🏴🏴🏴🏴🏴
الحوراء زينب ع تخاطب امها الزهراء ع
****
ياگلب امي اشتحمل اهموم
ضل بيك الالم يالگلب لليوم
دگلي هم اجالك خبر واعلوم
على صطرت العين التجري ادموم
................................
انه ماشايفه الحرمه يجوها
ثلث مية رجل وايروعوها
علي وين يازهره اسألوها
طلعت لچنهم مارعوها
وره الباب لاذت واعصروها
واضلوعها الحره اكسروها
اومن شدة العصره اسگطوها
المحسن اوبالسوط اضربوها
اوجابوا حطبهم واشعلوها
للباب بالنار احرگوها
س محمد اهر الخطيب
عظم الله أجر صاحب الزمان وأجوركم
سماحة الخطيب الشيخ مصطفى الموسى
https://youtu.be/YRYWBpFbpDU?si=fbKnYi4X_0jbjptl