7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ِسلام ياراعي الشيم
سلام قالت لي ياعم
سلام من خلف الخيم
سلام من بنت الوصي
•••••••••••••••••••••
سلام زينب ترسله
تقول أهلا ومسهله
علي لكبر حامله
شرف منهو يوصَلَه
منو مثلي يابشر
إلي وحقي هالفخر
سلام من اخت القمر
سلام من بنت الوصي
•••••••••••••••••••••
أنا من عهد النبي
حسين غاية مطلبي
أجيه واحبي له حبي
واقول احبن هالصبي
يشيله جده ابسمته
ولما ينظر رقبته
سلام اعلى دمعته
سلام من بنت الوصي
•••••••••••••••••••••
قسم بأمه فاطمه
لظل عمري ملازمه
سنين وآني خادمه
واريد حسن الخاتمه
أنا هم خادم إلِك
لون يقبل كافِلك
سلام خادمكم إلِك
سلام من بنت الوصي
•••••••••••••••••••••
كتاب مخصوص انرسل
حبيب أقبِل بالعجل
نداء بآذاني نزل
نداء زينب والأهل
حبيب هذه رايتك
أريد تشحذ همتك
سلام اعلى صولتك
سلام من بنت الوصي
•••••••••••••••••••••
أقول وآنا بن اسد
إلِك مني هالوعد
فداء لو تبغي بعد
فداه عمري والولد
يهون لجله هالعمر
واريد يا أم الصبر
سلام في يوم الحشر
سلام من بنت الوصي
•••••••••••••••••••••
اذا حانت موتتي
إلِك هذه وصيتي
بحسين آنا حيرتي
أبد ماهو بعيلتي
يصيح ياجون وشبيب
جثث مافيهم مجيب
سلام لانصار الغريب
سلام من بنت الوصي
•••••••••••••••••••••
عادل مريزيق الفار
: في شان حبيب بن مظاهر
--لطميه -- + --نعي
صوت فاطم يوم عاشر وين سيفك ياحـبيب
قوم جاهد عن حبيبي لا يظل وحده غريب
ياحـبيب اليوم يومـك قـوم دافع بالطفـوف
لايظل حـسـين وحده بغربتـه بـين الألوف
من تهجمم الجيمان كلها يقطعونه بالسيوف
الرأس منه بينحرونه وبالوغا جسمه تريـب
قال ليـها. ياحـزينه مـهـجـتي وروحي فدى
أناجـيت الـيـوم اضحي يـاركن نـور الـهـدى
ومن سمعت لصوته ينادي جيت لبيت الندى
خوفتي يحزون نحره وشوفته عليه صعيب
يازهره وخـبار عنـدي من أميـر المـؤمـنـين
ابنك حـسين بيوم عاشر يقطعوا منه الوتين
ونبقى صرعى عالثرى والحـرم تصرخ بالونين
وزينب اع التل توقف وتنظره لجـسمه سـليب
وتنـخـي الكافـل حـرمها والقلـب منها جمـر
مادرت خـوها رميـه اومـنـه مـحـزوز النحـر
والچـفوف مقـطـعـيها والـدم تـجـري وتخر
تصـيـح يالي دللتـني قـوم لا تبـقى سـليـب
وتجري الدمـوع وتـنـادي وين جـسـام وعـلي
ويـن اليـوث الحريـبـه وين خـويـه وكافـلي
يـرد الغـاره العـليـنـا قـبل خـيـتـه تنـولي
وتركب الناقه الهزيله وتترك حسين الغريب
وعندي اخبار ياحزينه تشيب الطفل الرضيع
بنتك الحوره الزچيه تدخل بمجـلـس فـضيع
مغلله اليـدين تـبچي تـنـادي يااهـلي سـريـع
خلصوني من المهانه بحق الحسين الحـبـيـب
يالهى الكون عجل بظـهور مـهـديـنـا البـطل
ويـهلك الظالم بجـوره وحـنا انـعيـش بـامـل
والمجالس والماتـم تحـفظ بـسـيـد الـرسـل
وكل سنه انجدد عهدنا ونهتف حسين الغريب
ام حسين المرزوق
وعاشقة الولايه
طور: ربي لاتحرمني خدمة فاطمة
اه واويلاه يا ام البنين
اصحاب الإمام الحسين عليه السلام
يحسين أستشهد خليني
الحر يهتف فدوه اسنيني
****
الحر للمظلوم تعنه
ياسيد شبان الجنه
انصركم ابدمي اتمنه
ما تكدر تنظرلك عيني
****
ما اكدر انظراك حاير
ما عندك عون ولا ناصر
أمر ما كلك بس حاضر
هاليوم بدمي انصر ديني
****
أنصر ديني بدم المنحر
بروحي افديكم يابو الأكبر
تشفعلي رايد بالمحشر
ومن ذيج النار تنجيني
*
تنجيني من نار التسعر
من ذاك الموقف والمنظر
لو عوفك باجر شتعذر
خادمكم وافخر يحسيني
*
خادمكم وافخر افديكم
واكطع روس إلي يعاديكم
يامن علاكم باريكم
يا بدر الرحمة التضويني
*
ياسر الساعدي
انصار الحسين ع/ لحن الجفيري♪ اجت زينب لحسينها~
ناداهم ليوث الحرب
يالنمتوا في حر الترب
لا تتركوني ويا الغرب
اعاتبكم ويحلا العتاب
--------------------
انصاري يا صفوة ٱلانام
سمعوني لو ردوا السلام
احشّمكم بهذا الكلام
يحلالكم نوم التراب
-----------------
وينه زهيره وينه حبيب
وعابس خله يشوف الغريب
حاير وما عندي مجيب
اناديهم وما ٱسمع جواب
جاوبوني…ليش ما اسمع مجيب
جاوبوني… هلال يا جون وحبيب
جاوبوني… ليش عفتوني غريب
من بعدكم … بلا نصير ولا معين
من بعدكم… ظهره منكسر لحسين
من بعدكم… تودعوني يهالطيبين
گوموا ليّه… يا ليوث الغاضريه
گوموا ليّه… وانصروني بهالمسيه
گوموا ليّه… ولا تناموا عالوطيه
خادمة آل محمد✍🏻
*اصحاب الحسين ع*
وينه زهيره وياحبيب
وعابس يشوفوني~
حاير انا ما من مجيب
وين ليِسمعوني~
گوموا دشوفوني غريب بالله انصروني~
عالغبره نمتوا بالعجل ووحدي تِركتوني~
جاوبوني…ليش ما اسمع مجيب
جاوبوني… هلال يا جون وحبيب
جاوبوني… ليش عفتوني غريب
من بعدكم … بلا نصير ولا معين
من بعدكم… ظهره منكسر لحسين
من بعدكم… تودعوني يهالطيبين
گوموا ليّه… يا ليوث الغاضريه
گوموا ليّه… وانصروني بهالمسيه
گوموا ليّه… ولا تناموا عالوطيه
خادمة آل محمد✍🏻
نعي
ليلة الانصار
صفوه والعگل بحسين دمهام
ويربي بالطفوف انصار دمهام
حلفوا گبله كون يسيل دمهم
وگبله اجساد توگع عالوطيه
عسى من صحتي كون الصحت الحسين
وعسى بالطف الدنيه صحت الحسين
شكبر حضي بچيت وصحت الحسين
شني آنه وزينب اتسلم عليّه
ـــــــــــــــــــــ
الشاعر محمد حسن ضيغم
⬛️◼️ لقصيدة-3-◼️⬛️
ياثلةً طوبى لها مُتفانيَه
قد طلقَت دُنيا الحياةِ الفانيَه
مُدِحَت قديماًمِن لَدُن حامي الحمى
ولهُم ثناءاتٌ غدَت متواليَه
قد قالَها المولى الحسينُ فمالهُم
شَبَهٌ على مرِِّ السنينَ الماضِيّه
أسُدٌ أشاوسُ حافظونَ لدينِهِم
ولهُم مقاماتٌ سمَت متعاليّه
أسفي عليهِم حينَ ظلُوا صُرَّعاً
في الشمسِ تذروهُم رياحٌ سافيّه
لم انسهُ إذ عادَ نحوَ عرينهِ
متحسراً وسطَ الخيامِ الخاليّه
نادى حسينٌ اينَ ابطالُ الصفا
فعليكُم تبكي الجبالُ الراسيّه
(مَن ذا يقدمُ لي الجوادَ ولامَتي)
والصحبُ مابقِيَت لهُم من باقيّه
فَرَحيلُكُم جُرحٌ وليسَ لهُ شِفىً
وبرزئِكُم هذا دَهتني الداهيّه
ياأيها الأنصارُ قد أفجعتُموا
قلبي وعيني للرزيةِ باكيّه
#سمير_الصالحي
#النجف_الأشرف
⚫️ نعي - نصاري - الأنصار
بچه حسين وعليهم رافع الصوت
وسف مني بعجل ياخذكم الموت
عگبكم خيل اميه بساحتي تفوت
وعلى خيامي اجسرت ترهب النسوان
يسور البيكم الصيوان مهيوب
يفرسان الوغى تفرحون الكلوب
عزمكم خله جيش الطاغي مرعوب
گضيتوا وصرت وحدي ابين عدوان
وعدتوني وعد لازم توفون
وزامطت العده بيكم وتدرون
هيج شلون عفتوني وترحلون
أعاتبمن وانه ادري بدهري خوان
هدم حيلي حبيب بساعة الطاح
وتضعضع ركن جيشي والعزم راح
شلون تهود روحي شلون ترتاح
وانه الفاجد انصار وحزمة اخوان
يمسلم صاح ياعابس وياجون
يبن ظاهر ينافع صدگ ترضون
تعوفوني أنادي وما تجيبون
وصفيت الوَحَّدي بخطة الميدان
هضمني افراگكم ياخير الأصحاب
واشوفنكم ضحايا فوك التراب
علي فوگ الحزن چملتوا لمصاب
وروحي اخلافكم تلتهب نيران
#سمير_الصالحي
#النجف_الأشرف
——————————-
#تحقيق_ونعي
عَمْر بن جنادة الأنصاري
(بفتح العين وسكون الميم) صاحب الرجز المشهور
حسينٌ أميري ونعمَ الأمير ْ
سرور فؤاد البشير النذير ْ
عليٌ وفاطمةٌ والداه ُ
فهل تعلمون له من نظير ْ
وهو غلام صغير جآء برفقة أبيه وأمه لنصرة الإمام الحسين ع .. وهم أنصاريون من قبآئل اليمن المعروفة ، وقد وقع خلط لدى البعض حينما يذكر (وخرج غلام تركي) حيث يذهبون إلى أن هذا الغلام التركي هو (عَمر بن جنادة)
وهذا خلط واضح بحسب متابعاتي الخاصة والله العالم بحقيقة الأمر .. لأن الغلام التركي هو (أسلم مولى الحسين ) وقد نص عليه أهل الرجال ومنهم المحقق السيد الخوئي ره في معجم رجاله ... وهو غير هذا الغلام ، وخروجه مشهور كما نص عليه ابن شهر آشوب في مناقبه وأخطب خوارزم في مقتله وغيرهما .. حيث إن أباه لما صُرع وقُتل كانت زوجته واقفة تشاهد ذلك فنظرت لولدها (عَمْراً) وقالت بني هل رأيت أباك صُرع !
قال بلى أماه قالت فما وقوفك هنا ! إذهب وبيض وجهي عند فاطمة الزهرآء ع ...
تكنمة القصة تجدونها في هذا المقطع ليلة السادس من محرم 1441هـ
——————————
🏴 نعي -مجردات
⚫️ ينفع لاستشهاد عمر بن جنادة الأنصاري ولسان حال أمه .....
1️⃣
ماخيّبت يالولد ظني
وبروحتك مشدوهه لني
ميته گبل موتك عسني
وينشد خلافك منهو عني
وظل الصخر يبچي اعله وني
——————————-
2️⃣
لحسين جبتك حتى اواسي
وعند الزچيه ارفعت راسي
وعگبك لفت روحي المآسي
يمه البعد يجرح احساسي
ماچنت اظن هالكثر جاسي
——————————
3️⃣ ينفع لعموم الشباب ومنهم القاسم ع
مودع ييمه والله يرعاك
مااظن بعد يالولد ألگاك
ياريت اروحن آني وياك
شنهو العمر گلي بلاياك
چا تعبي وينه وسهري ورباك
واصبر شلون وأگدر انساك
#سمير_الصالحي
#النجف_الأشرف
▪️نشر جديد
قصيدة الأنصار عليهم السلام
أَسِلِ الدُّموعَ على القبورِ وسلِّمِ
فالدَّمعُ أبْلَغُ من أحاديثِ الفَمِ
وازفِرْ عسى بالآهِ تخرجُ لوعةً
نشِبتْ أظافِرُها بقلبِ مُتيَّمِ
واهاً على تَفْويتِ نُصْرةِ مَنْ بِهِمْ
للضَّوءِ تستهدي نجومُ المِرزَمِ*
أكرِمْ بأبناءِ النبيِّ وهلْ ترى
في الدهرِ مثلَ بَنِيْ النبيِّ الأَكْرَمِ ؟!
هذا الحسينُ نَحَا الطفوفَ بثُلَّةٍ
عُدَّ الفتى فيها ببأسِ عرَمْرمِ
أهلُ الحفاظِ ، فأينَ عنْ حَلَباتِهِمْ
في كربلاءَ "ربيعةُ بنُ مكدَّمِ"**
وَرَدُوا عُطاشى للمنونِ كأنَّما
كانوا رِواءً وهْوَ لهفانٌ ظميْ
ثبتوا بعزْمٍ دونَ أدْنى وَمْضِهِ
يندكُّ منْفطِراً شُمُوخُ يَلَمْلَمِ
إنْ لَمْ أَكُنْ فيهمْ فهذي عبرتي
تجري على أجداثهمْ كالعَنْدمِ
أسمعتَ في الأحبابِ مثلَ حبيبهمْ ؟
وكمسلمٍ أتُرى سمعتَ بمسلمِ ؟
لمَّا هوَى للموتِ خاطبَ خِلَّهُ
أُوصيكَ بالمولى الغريبِ بلا حَمِي..
وكعابسٍ نزعَ الدِّلاصَ* وكرَّ في
أوساطِ معزىً فوجئتْ بالضيْغَمِ
وعلمتَ أُمَّاً بعدَ مقتلِ شبْلِها
رمتِ العَدوَّ برأْسِهِ المُتهشِّمِ
فإذا ثوَوْا وثوى بَنو عَمْرو العُلى
فوقَ البسيطةِ كالنسورِ الجُثَّمِ
قُتِل الحُسينُ وصار نهباً للظُّبا
ونساؤه أمسَيْنَ دونَ مُخيَّمِ
يا ليتَ هبَّ الصحبُ ساعةَ زينبٌ
سُبِيتَ إلى الشاماتِ سَبْيَ الدَّيْلَمِ
حقَّاً حبيبُ ، لقدْ رأتْكَ مُعلَّقاً
ومتونُها السوداءُ تنضحُ بالدَّمِ
حقَّا حبيبُ على بعيرٍ ضالعٍ
حُمِلتْ تُشدُّ بجيدِها والمِعْصَمِ ..
*المِرْزَم : إسم لعدد من النجوم أشهرها المرزمان
**الحفاظ : الذب عن المحارم
ربيعةُ بنُ مكدَّم : أحد أبطال العرب الملقب بحامي الظعائن ، والذي حمى ظعنهُ حيَّاً وميتا.
***الدلاص : الدرع
#قصيدة_الأنصار
#اللهم_عجل_لوليك_الفرج
الشاعر علي عسيلي العاملي
#محرم_الاصحاب
نعي للانصار
🏴
حين بقي الإمام الحسين عليه السلام وحبدا لاناصر له وقف بين الاجساد الطاهره ونادى اصحابه الافباء بصوت لو سمعته الجبال تدكدكت ..
وگف بين الأجساد ايده اعله خاصرته
ناده بصوت لصحابه لمناصرته
زلم والخيل صاحبكم محاصرته
اول تالي احشم والربع سكته
ابن عوسجه . ياحر . ياوهب نومه
حبيب ويازهير اسباعها الحومه
بعد محد يشگ من يفزع هدومه
عابس . جون . عليه الگوم ملمومه
الغفاريان وين او وين شوذبهه
نافع وين وسهامه لمصوبهه
برير البار وال صحبته مجربهه
نايم مانهض للحومه يگلبهه
حيف ويا وسف يسباع مامن صوت
مايلحگ الصايح وفات الفوت
ماينفع عتب يهل الوفه ويالموت
بنيت الكم بگلبي للاحزان بيوت
الدهر وياي متعاند .. وعابس
زهير وجون ياشوذب .. وعابس
ادري انداي كل منكم وعاه بس
عليه شبيدكم وآنه اشبديه
.. .. ..
.. .. ..
أم محمد الحجاج
نعي للانصار
على لحن لفه عاشور
صدى الانصار ضل يعلى ..فداك احنه يبو الاكبر
مانبخل عليك ارواح ... لو كل ساعه نتوذّر
ــــــــــــــــ
خلقنه الباري من اجلك ... وانت مصدر النعمه
يمن لا ارض لوما انت .. .. وسما ماكو يبو اليمه
كل واحد اجه للطف ... يضحّي لجلك ابدمه
ويوم العاشر بعاشور ... راح تشوف هل منظر
ـــــــــــ
بضمايرنه هتفنه احنه ... بس حسين مولانه
ولوما نور ابو اليمه ... ظلمه اتصير دنيانه
ما ننساك ها يحسين ... يل ما يوم تنسانه
وعشك الروح لمحبتك .. كل لحضه صبح يكبر
ـــــــــــ
اجينه نحامي عن ضعنك ... ونرخّص سيدي الغالي
حسين وانت قائدنه ... وانت العل بشر والي
الوجود بدون ضي عينك ... يضل من النهج خالي
عطشانين لمحبتك ... وانت امبّتك كوثر
ــــــــــــــ
انت الكَلن جن الليل ... واخذوا جمل هذا الليل
ومنكم آنه اتشكّر ... وماقصرتوا زلم وخيل
شلون انعوفك الوحدك ...وانت اليخدمك جبريل
لو متنه الف مرّه ... لتضن لحضه نتأخر
ــــــــــــ
الشاعر محمد حسن ضيغم
⚫️ نعي - نصاري
بچه حسين وعليهم رافع الصوت
وسف مني بعجل ياخذكم الموت
عگبكم خيل اميه بساحتي تفوت
وعلى خيامي اجسرت ترهب النسوان
يسور البيكم الصيوان مهيوب
يفرسان الوغى تفرحون الكلوب
عزمكم خله جيش الطاغي مرعوب
گضيتوا وصرت وحدي ابين عدوان
وعدتوني وعد لازم توفون
وزامطت العده بيكم وتدرون
هيج شلون عفتوني وترحلون
أعاتبمن وانه ادري بدهري خوان
هدم حيلي حبيب بساعة الطاح
وتضعضع ركن جيشي والعزم راح
شلون تهود روحي شلون ترتاح
وانه الفاجد انصار وحزمة اخوان
يمسلم صاح ياعابس وياجون
يبن ظاهر ينافع صدگ ترضون
تعوفوني أنادي وما تجيبون
وصفيت الوَحَّدي بخطة الميدان
هضمني افراگكم ياخير الأصحاب
واشوفنكم ضحايا فوك التراب
علي فوگ الحزن چملتوا لمصاب
وروحي اخلافكم تلتهب نيران
#سمير_الصالحي
#النجف_الأشرف
——————————-
🌑(فإنّي لا أعلم أصحاباً أوفى ولا خيراً
من أصحابي، ولا أهل بيت أبرّ ولا أوصل
من أهل بيتي فجزاكم الله عنّي خيراً )*
🏴ياليوث الموزمه وابطالها
🏴كفو والله ونعم من ارجالها
كفو منكم من وگفتوا بكربله
بيكم العدوان شافت مرجله
نحوركم فدوه لابن عقد الوله
وتنعرف لرجال من افعالها
حيود بالكلفات شديتو العزم
يازلم نعمين منكم يا زلم من امروه ومن شجاعه ومن علم
بيهن الشيعه تدرس اجيالها
انتو مو سبعين لا سبعين الف
بزودكم حتى الاعادي تعترف
من نزلتوا الگاع رادت تنخسف
بجيش ابن مرجانه كل انذالها
يازهير ويابرير وياحبيب
أبد ظن حسين بيكم مايخيب
بالمواقف هذي واسيتوا الغريب
والشهاده الكم ومنهو ينالها
صدگ فزعتكم يتيمه بالدهر
وبملاحمكم اتنوعت هالصور
الكم بتاريخنا بصمه وأثر
غيركم هلرايه محد شالها
صدگ بردتوا گلبها ام الخدر
بليلة العاشر الحتماً تنذكر
طفتوا بالهوسات وسيوف النصر
وزينب تنادي وفرح دلالها
انتو ياخير الانصار بكل زمن
ما كو شك بگلوبكم رغم الفتن
كلمه معروفة ومگيوله بعلن
حسين ابو السجاد هو الكالها
——————————————-
*الإرشاد للشيخ المفيد ج2ص19
#سمير_الصالحي
#النجف_الأشرف
#محرم_الاصحاب
وتعريفا بمقام حبيب عند الله وأهل بيت رسول أفرد له الإمام زين العابدين عند مواراته أجساد الشهداء قبرا منفردا من الشهداء
.....
اه اه اه
اي واماماه اي واحسيناه
........
عمت عيني يخويه مالك أمعين
وكومك هلصفت كلها مطاعين
واشوفنك وحيد أدير بالعين
........
كعد يمهم يون والعين تجري
ويكللهم تراهو خان دهري
اوعليكم هوه وانفته صبري
........
حبيب ويازهير هنا يسباع
تخلوني وحيد ورحتوا ابساع
تراهي موشي موتتكم بها لساع
.........
يمسلم ياوهب ياجون ناده
وعله الأصحاب دم غادي أفاده
فراك أصحابه بالدلال چاده
..........
ظل اوحيد وأصحابه رميه
يحشمهم ودمعاته جريه
عفتوني وتولتني ال امي
.......
اجت زينب تصيح الله واكبر
يخويه أمن العطش كلبك تفطر
وعلى اصحابك يخويه الكون مكدر
........
عله اصحابك يخويه الكلب نصين
تظل وحدك يخويه ومالك أمعين
تحاجيه زينب وتلطم الخدين
.........
اجت زينب تكله ياولي
يخيمتنه وياسدنه المفي
يخويه الصبر من بعدك امعي
.........
يخويه الساع شمتت بينه الكوم
من خلصت اصحابك خويه هليوم
تحجي اويه اخوها بدمع مسجوم
........
يحسين خويه اشلون بينه
تاليها خويه تخلينه
بس حرم منهو اليحامينه
.....
يحسين يا عزنه اوفخرنه
اصحابك فگدهم زاد همنه
وحيد اوحالتك خويه شجتنه
.....
وحيد اومالك ابهلناس اعوان
اصحابك كضت مابين عدوان
خوفي اشوفك على التربان
.....
خوفي زماني ايخون بيه
اوبعدك اضل خويه سبيه
واشوفك على الغبره رميه
.....
لله ملقىٰ على الرمضاء غص به الردى
الحاجه ام إحسان الخاقاني
الحديث
المجلس للانصار عليهم السلام
(حبيب بن مظاهر عليه السلام)
............
صل الله عليك يا مولاي وابن مولاي يا غريب يا مظلوم كربلا سيدي ومن مثلك غريب وانت غريب الدار والوطن ومحروم الغسل والكفن
ياليتنا كنا معكم سادتي فنفوز والله فوزا عظيما
........
احبيب انته للحسين حبيب
أن لم ينط نسبُ فأنت نسيب
........
يامرحبا بابن المظاهر بالولا
لو كان بنهض بالولا الترحيب
........
شأن يشق على الصراح مرامهُ
بعد وقبرك والضريح قريب
......
بابي المفديُ نفسه عن رغبةً
لم يرعه الترغيب والترهيب
........
ما راع قلبٍ من صفوف اميه
يوم استطارت للرجال قلوب
.......
يا حاملا ذاك اللواء مرفرفا
كف القوىٰ ذاك اللوا المضروبُ
.........
الله من علم هوى ولكفه
علم الحسين الخافق المنصوب
............
يبني الحواظر بالاسنهِ رُعّفاً
في حيث لا برق السيوف خلوبُ
.........
غالبتُم نفراً بضيعه نينوىٰ
فغلبتمُ والغالبُ المغلوبُ
.......
شكت الطفوف طفيفها فاكالها
بكم ابي الضيم الحسين وهو غريبُ
اي واماماه اي حسيناه
.....
اصحابك يخويه احسين يوفون
اوبينه يخويه ما يغدرون
انه جيت الكربله اومتغيره اللون
.....
اهل دين وانه امأمنه بيهم
ابنفسي يخويه احاجيهم
واريدن يخويه اسمع حجيهم
.....
يعباس خويه اتعنه ليهم
شاورهم واسمع حجيهم
اوكلهم اريدن احاجيم
.....
دنكو روسهم والدمع يجوي
اجو يم خيمتي اوحاطو ابخدري
يابت علي انهي وأمري
اي واه سيدتاه واه زينباه
......
يهلنا احسينكم في دار غربه
وفت وياه اصحابه التحبه
انشرلهم والمدمع اصبه
.........
يحسين خويه يا اعيوني
اصحابك شفتهم طمنوني
وكفتهم تره گرت عيوني
.....
اصحابك يخويه زلم شجعان
وانه امأمنه بيهم يريسان
انه ادعيت يحفظهم الرحمان
......
اصحابك يخويه بيهم الزود
اومحميه بيهم خويه الحدود
موقفهم يخويه اوياك مشهود
......
اخافن على ابن امي الغالي
واعليه انه مشغول بالي
يربي احفظلي الوالي
......
اخافن على ابن امي اوصحبته
نشامه اوما ملو عشرته
دگو صدر جدام اخته
......
يزينب امني اولا تخافين اه اه اه
بعيونه نفديه لحسين اه اه اه
نذرنه ارواحنه لبن النبيين
...
نفدي ابو اليمه يحره اه اه اه
او كل واحد وفه منهم ابنذره
ابطال نامو عله الغبره
......
انه تالي زماني غدر بيه
اوظليت حرمه واجنبيه
عكب اخوتي اهل الحميه
.........
تمنيت اهلي يحضروني
اوعله ضيم كلبي ينشدوني
انه اخلافهم عمين اعيوني
......
انه اخلافهم حرمه اوغريبه
حظي امن اهلي شح نصيبه
راح الاخو ومنين اجيبه
......
انا لله وانا اليه راجعون لا حول ولا قوة الا بالله العلي العظيم وسيعلم الذين ظلموا اي منقلب ينقلبون والعاقبة للمتقين
.....
عن رسول الله(صلى الله عليه وآله)
ان الله جل جلاله قال: ( جعلت حسينا خازن وحيي واكرمته بالشهادة وختمت له بالسعادة فهو افضل من استشهد وارفع الشهداء درجةجعلت كلمتي التامة معه , والحجة البالغة عنده , بعترته اثيب واعاقب )
وعن سلمان رضي الله عنه أنّ الحسين(عليه السلام) كان على فخذ رسول الله(صلى الله عليه وآله) وكان يقبّله ويقول : أنت السيّد ابن السيّد أبو السادة ، أنت الإمام ابن الإمام أبو الأئمة ، أنت الحجّة ابن الحجّة أبو الحجج تسعة من صلبك ، وتاسعهم قائمهم
عن الرسول الأعظم(من احب الحسن والحسين أحببته ، ومن أحببته أحبّه الله ، ومن أحبّه الله عزّ وجلّ أدخله الجنة ، ومن أبغضهما أبغضته ، ومن أبغضته أبغضه الله ، ومن أبغضه الله خلَّده في النار
عن سلمان قال: قال رسول الله للحسن والحسين: من أحبهما أحببته، ومن أحببته أحبه الله، ومن أحبه الله أدخله جنات النعيم، ومن أبغضهما أو بغى عليها أبغضته، ومن أبغضته أبغضه الله، ومن أبغضه الله أدخله عذاب جهنم وله عذاب مقيم
عندما علمت الزهراء(عليه السلام) لقاء ابيها بربه عز وجلّ قريب أتت بابنيها الحسن والحسين فقالت : يارسول الله ، هذان إبناك فورّثهما شيئاً ، فقال(صلى الله عليه وآله): أمّا الحسن فإنّله هيبتي وسؤوددي ، وأمّا الحسين فإنّ له شجاعتي وجودي
عن الحسين(عليه السلام) قال : دخلت على رسول الله وعنده اُبيّ بن كعب ، فقال رسول الله: مرحباً بك يا أبا عبد الله ، يازين السماوات والأرضين ، فقال اُبيّ : وكيف يكون يارسول الله زين السماوات والأرض أحد غيرك ؟ فقال : يا اُبيّ ، والذي بعثني بالحقّ نبيّاً إنّ
الحسين في السماء اكبر منه في الأرض ن وإنهُ لمكتوبٌ عن يمين عرش الله حسين مصباح هدى وسفينة نجاة
عن عقبة بن عامر، قال: قال رسول الله: لما استقر أهل الجنة في
الجنة قالت الجنة: يا رب أليس وعدتني أن تزينني بركنين من أركانك؟ قال: ألم أزينك بالحسن والحسين؟ قال:فماست الجنة ميساً كما تميس العروس.
عن النبي صلى الله عليه وآله قال : ألا وإنّ الحسين عليه السلام باب من ابواب الجنّة ، من عانده حرم الله عليه ريح الجنّة
#مصائب_ختام_المجلس
#المصيبة_رقم_6
#مصائب_ليالي_العشرة_الاولى_من_محرم_الحرام
#مصيبة_الليلة_السادسة من محرم
شهادة عمرو بن جنادة الأنصاري ووهب بن حباب الكلبي (رضوان الله عليهما)
وهكذا تسارع أنصار الحسين (عليه السلام) لنصرته رجالا ونساء، فهذا عمرو بن جُنادة الأنصاري حيث يقول المؤرخون : خرج غلامٌ لم يُراهق، قيل : إبن إحدى عشرة سنة قتل أبوه في الحملة الأولى، فأقبلت أمُّه فألبسته لامةَ الحرب وقالت له : "اخرجْ وقاتلْ بين يدي إبن رسولِ الله" ! فخرج الغلام واستأذن الحسين في القتال فأبى الحسين أن يأذن له وقال : (هذا شابٌ قُتِلَ أبوه في المعركة ولعلَّ أمَّه تَكرَهُ خروجَه) فقال الغلام : "إنَّ أمي هي التي أمرتني بذلك"
گصد لحسين منهم شاب
وهو إبن إهدعش سنه
لازم مـرهـفــــــه بـيـده
ويترخــص غــده منه
لـمـن عـايـنـه المظلوم
جرّ إعله الطفــــل ونه
صاح إسدر ينور العين
ابوك إنجتل دوني الحين
عــلـى أمـك أجـمـع إمـصـابـيـن
يـبـني خاف ما تحمـل
إمصاب الولد وامراره
لـمـن سمع حجيه صاح
وإدموعـــه عله الخدين
أمــــــي لـبستني السيف
تگلي إنذبح دون حسين
إشـلـون أسدر بعــد ليها
وأشوفــــنك بلايه معين
رد يـبـجـي لـعنــد أمه
ويعايــــــن لبو اليــــمه
گامـــت امـــه اتشمــــه
تگلــه ليش يعيونـــــــي
دمعك گـــام يتجـــاره
ثم بعد ذلك أذِنَ له الحسين (عليه السلام) ، فبرز وهو يقول :
أميري حسـينٌ ونِعَـمَ الأمير
سرورُ فؤادِ البشيرِ النذيرْ
علـــــــيٌ وفاطــــمةٌ والــداه
فهل تعلمون له من نظيرْ؟
لَهُ طلعةٌ مثلُ شمسِ الضُحى
له غُــرَّةٌ مثلُ بـــدرٍ منـيرْ
وقاتل فما أسرع أنْ قُتل فأحتز رأسه ورمي به الى جهة معسكر الحسين (عليه السلام) فأخذت أمه الرأس ومسحت الدم عنه وهي تقول : "أحسنت يا بني يا سرور قلبي ويا قرة عيني".
وعادت الى المُخيَّم فأخذت عمود خيمة ـ أو سيفاً ـ وحملت على القوم وهي تقول :
أنا عجوزٌ في النسا ضعيفهْ
خاويـــــةٌ بالــــــيةٌ نحيــفهْ
أضربــكم بضربــةٍ عنيــفـهْ
دون بني فاطمـــةَ الشريفهْ(١)
وهذا منتهى عُلوِّ النفس وصدق الوِلاء من هذه المرأة الصالحة وإبنها البار، أنْ يكون زوجها قد قُتل وهي تنظر إليه ثم تأمر ولدَها الذي هو في عنفوان الشباب وريعان العمر بنصرة الحسين (عليه السلام) في حين أنها تعلم أنَّه مقتول، فتُرسلُه الى القتل مختارة طائعة ، ويُطيعها ولدُها في ذلك المُقام فيُقْدِمُ على القتل غير خائف ويقول : "أمي هي التي أمرتني"، حقاً أنه لمَقامٌ عظيم وموقفٌ جليل تُذهل فيه الألباب والعقول.
وأمَّا أمُّ وهب بن حُباب الكَلْبي ، فقد أحسن ولدُها في الجِلاد وبالَغَ في الجهاد، وكان معه زوجته ووالدته.
فرجع إليهما وقال: "يا أماه، أرضيتِ أم لا؟".
فقالت: "لا، ما رضيتُ حتى تُقتلَ بين يدي الحسين عليه السلام".
وقالت امرأته: "باللهِ عليكَ لا تفجعْني في نفسِك".
فقالت له أمُّه: "يا بني إعزبْ عن قولها وارجعْ فقاتل بين يدي ابن بنت نبيك تنل شفاعة جده يوم القيامة".
فرجع، ولم يزل يقاتل حتى قطعت يداه، فأخذت امرأته عموداً، فأقبلت نحوه وهي تقول: "فداك أبي وأمي قاتلْ دون الطيبين حُرَمِ رسول الله صلى الله عليه وآله" فأقبل ليردَّها إلى النساء، فأخذت بثوبه، وقالت : "لنْ أعودَ دون أنْ أموتَ معك" .
گلها اساع جنتي تمنعيــني
يهالحــــره واجيتي تشجعيـني
صوتج بالحرب زيّد ونيني
على الخدين سالت دمعة العين
تگله لا تلوم الگلب لـو هم
يحك لحسين تجري ادموعنه دم
أبو السجاد شفته اباب الخيّم
ينادي ولا بگاله ابكربلــه امعين
فقال الحسين (عليه السلام) : (جُزيتم من أهل بيتٍ خيراً، ارجعي إلى النساء يرحمك الله).
ولم يزل وهب يقاتل حتى قتل رضوان الله عليه(٢).
نَصـروا ابنَ بـنت نـبيَّهُم طُوبى لَهُم
نـالُـوا بـنـصـرتِـــهِ مَـراتِـبَ ساميه
قَـدْ جـاوروه هـاهُـنـا بـقـبـــورِهــم
وَقُـصُـورُهُـم يـومَ الـجَـزا مُـتَـحاذِيَه
___
(١) مقتل الامام الحسين عليه السلام للسيد بحر العلوم ص : ١٦١
(٢) الملهوف علل قتلى الطفوف ص : ١٦١
مراثي الأطهار عليهم السلام
ولـقد وقَـفْتُ فـما وقَفنَ مدامعي
بصوت الخطيب الشيخ فرحان الأسدي 👆
نعي للانصار ع
كأني بالسيدة زينب عليها السلام تسأل أخيها...
وين الأنصار
ليش أشوفك مالك امعين
وين الأنصار
لا تگــول إنـهم مطاعين
وين الأنصار
ليش وحدك جاي يحسين
ليش محني
حالتك كسـرت دليلي
ليش محني
من نظرتك طاح حيلي
ليش محني
وين صحبك يا خليلي
كأني به يجيبها...
مالي ناصر
كلهم اتذبحوا سويه
مالي ناصر
ارجعت أصفج ايديه
مالي ناصر
من يحامي عن رقيه
أشكي لله
چم مصيبه وچم تمادي
أشكي لله
صحبتي فـوگ الوهادي
أشكي لله
غربَتي بيـــن الأعـادي
الشاعره الملاية زينب المؤيد
شالت راس ابنها وذبت الراس تره بس ام وهب سوتها يا ناس
مدري اشناذره هاي المسيحيه
حته اتصير بالطف كربلائيه
*
ياهي بموت ابنها اليوم من فرحتها مرتاحه
وبالخيمه تشيل الراس وتشمره اعله ذباحه
كل ام من ابنها ايروح تلزم باب النياحه
ونشوف ام وهب يا ناس تفرح لو رمح لاحه
حي الله المسيح الموقف ايصيح ومن يمه تمر وتسلم الريح
وامه اتكله ماريدك ترد ليه
حته اتصير بالطف كربلائيه
*
صاحت يا وهب ماريد ترجع سالم انساها
والأم البنين بساع يبني الفاتحه اقراها
عيسى بدم وريدك راح من تنذبح يتباها
ويصيح ام وهب حياج بيج الغيره شفناها
انه وعيسى وانته نحب الحسين روح وبالحشر نتلاكه بعدين
ولازم كل مره تصبح حسينيه
حته اتصير بالطف كربلائيه
**
يشبه جاسم العريس عاف العرس وتعنه
يدري بكربله لو مات عيسى ايكوده للجنه
اول شاب نصراني منيته اليوم يتمنه
وشعدها ام وهب يا ناس كامت تعجن الحنه
اتكله بذمتك لا تشرب الماي ربيتك وهب لتضيع ارباي
امك عدها حاجه وتدعي يوميه
حته اتصير بالطف كربلائيه
*
من وكفت امام الجيش كل كلمه قصر تبني
صاحت يا شمر اسمع مو انه الاعز ببني
كل هذا الجمع والخيل لتضن والله يرهبني
كص راسي صحت وياه ورد اعله الخيم ذبني
لو عنده ولد عبد الله اسميه واحلف مثل ابوه للموت اوديه
وزوجة وهب صاحت صيحه ثوريه
حته اتصير بالطف كربلائيه
****
شالت راس ابنها اتصيح حته لو تذبحونه
ما اهتم ونوح اعليه وكلبي ما تحركونه
من كد ما يحب الموت مات وفاتح عيونه
مو بس عابس انجن بيك حته ام وهب مجنونه
صاحت يم ولد زينب اذبحوه ونصراني الحسين اوليدي سموه
جانت تمتلك غيره ولائيه
حته اتصير بالطف كربلائيه
***
خل ام المسيح اتشوف هاي الفاضله الحره
وبوكفتها ويه حسين نصرت فاطمه الزهره
بيها ايسولف الانجيل لازم والصحف تقره
دم الطاهر امن ايطيح يصبح عالظلم ثوره
مريم لبستها تاج الاكرام وبجيش النساء وكفت بالخيام
مثل ام وهب حرمه انطوني ياهيه
حته اتصير بالطف كربلائيه
*
تمت
تحسين الخفاجي
و هب شاف الحسین اوحید بلمیدان
ودع زوجته وامه اویه النسوان
ودعهن وهب واتعنه للحومه
بطل صندید ینعد بلحرب یومه
من طلعت زوجته خایفه اتلومه
اتگله من یگوم اخلافک ابهالشان
گلتله وهب عندمن تخلینی
ولاعندی اخلافک ولی الیحمینی
وانه الخایفه تمشی یضی عینی
واضل وحدی غریبه والگلب حیران
لما الوالده سمعت مقالتها
ثارت والحمیه ابغیض شالتها
خذت بچفوفها او للخیمه ردتها
تگلها السوم هاذه والگعد خسران
یبنی ام الولد تفخر ببنها ابهای
من یصبح امصیت بلحرب عدای
حبه اعلی العقیده مثل حب المای
لعروگ الشجر من یذبل وعطشان
العقیده الیوم هاذی او تبلغ المقصود
او ترضی الوالده والباری المعبود
یبنی ابرگبتک لحسین ارید اتجود
اوراس امک تشیله او تچسب العنوان
یبنی الناس شتگول ابمحافلها
بخل بلروح والذله ایتقبلها
یضل مثل الذی العزه یبدلها
ابحب المال بلدنیه یضل وهمان
هز السیف عد وجه العزیزه امه
وگلها موت الوساده یضل وصمه
ابگصة كل جبان أو عارها ايضمه
من باع العقيده أو صافح العدوان
لعد احسين وبدينه ثبت گلبی
واضحی ابرگبتی یشهد علی ربی
یمی اتدللی والخیمتچ طبی
ولبنچ هلهلی من تشبچ الفرسان
یبنی ارشد اوجرد غاد بتارک
واریدنک تدیر الخصم ما دارک
یعرفک شهم یوم الباری اختارک
تحامی عن حمه الاسلام یاحران
شم الوالده او عرج الحمیه ایفور
وشد اخیالته واعلی الرچاب ایدور
بی طارت اصیله اتعنت الطامور
وارعب خیلها او ذاهت علی الودیان
کر بیها وهب جندل ابطال احیاد
ولن صوت المنادی ایصیح ریض عاد
التفت لن زوجته امن الخیمه عدها اوتاد
بی هدت تقاتل ال ابو سفیان
اندهش من شافها گلها تگلیلی
گبل ساعه اعترضتی او عیب ترضیلی
اتگله صوت ابوالسجاد هد حیلی
سمعته یستغیث او تبچی الرضعان
گام احسین لیها ابعجل رداها
اوگل زینب ادخلیها علی اخباها
ابوالشیمات هاذی عیب یرضاها
نوامیس الخلگ یسحگها ای انسان
یگول احسین صونوا اعراضکم یاناس
من هاذی المبادی التهتک النوماس
حاموا الشرف بلدین ماینجاس
والدین النبی تخضع جمیع ادیان
وهب للخیل من حدر اببتاره
او مثل خفگة صگر لمن یشن غاره
عگب ما لعب وسط الخیل دواره
حطوا للنبل وی السهم نیشان
کثرت بیه اصواباته العدیده
وهوا ایجاهد اولا یسلم اطریده
حزوا راسه او گطعوا منه الذرعان
تتتتتتتممممممتتتتت
کلمات الحاج علی سعد السارى
نعي للانصار
غيرة طشت بالخيم لاهل الشيم
ولن حبيب اگبالهم رف العلم
حشم انصار وزحف يم الخيم
وكال زينب خايفة ومرعوبة
صاح شيخ انصارها وحي الزلم
صاح زينب هاي كالو و لنعم
ارگابنه تروح الها فدوة لا تهم
وكون يرخصنة بو فاضل نوبة
كون يرخصنة نهوّس ابابها
وتسجد اركاب الزلم بعتابها
انصاركم كتبت عهد بكتابها
اتموت لو سمعو خيم مسلوبه
انموت دون حسين واهله وعيلته
البيض عدنه وشيخنة شد رايته
اوداعت حسين او حبيب وشيبته
ديَن عدها انصاركم مطلوبه
هلا بعمي تصيح زينب ياحبيب
انه اوصيكم على حسين الغريب
يغيب باجر گبل شمس الله التغيب
وتضل باجر هالحرم مرعوبة
...........
كريم الدراجي
*انصار الامام الحسين ع*
عهدا للحسين~ ولسان حال كل واحد منهم ~ لحن الفراق
ما نعوفك… كلنا عابس كلنا جون
ما نعوفك… والعمر لاجلك يهون
ما نعوفك… نفدي لعيونك عيون
ما نعوفك… ننصرك يا ابن الزچيه
ما نعوفك… فدوا لك حد المنيه
ما نعوفك… يا غريب الغاضريه
كلنا نفداك… كل شهيد بصف شهيد
كلنا نفداك… نهوى عا حرّ الصعيد
كلنا نفداك… نفدي ٱلك نحر وْوِريد
خادمة آل محمد✍🏻
هكذا كانت نواياهم فنالوا الشهادة بين يدي ابن بنت رسول الله ص فأضحوا ضحايا مجزرين فوق الرمضاء وقد وقف الامام الحسين ع عند مصارعهم واحدا واحدا وبشرهم بالجنة ~~~
مآواكم بجنة عدن يالْطيبين بدمكم فديتو بكربله حسين
وانه بعدكم لا ناصر ولا معين
باچر بالحساب تنالو شفاعة الزهره
لحن اسمع عتابي للشيخ البيابي~ ♪
ٱنصار الحميه ~ فوگ الوطيه
عالغبره نومه~ بالغاضريه
ذبّوا العمايم ~ فدوه الهواشم
انصاري ذوله ~ ولاد المكارم
راحو فدا الدين ~ بس عافوِ حسين
وحدي بغربه ~ وكلهم مطاعين
بطيحة علمكم. أنخى هِمَمْكُم
يالتنصروني… ما ناصر الكم
خادمة آل محمد✍🏻
لحن أمانة هالوصية~
يا أنصار الزچيه~
يا نومه عالوطيه~
ترى گوموا انصروني
يا فرسان الحميه~
حسين وحده وحده وحده
وين جنده جنده جنده
------------------
دگوموا جاوبوني
يا أصحابي انصروني
ترى هجموا عليّه
عِدايِ استوحدوني
ضاق صدري صدري صدري
انكسر ظهري ظهري ظهري
خادمة آل محمد✍🏻
#ليلة_الأصحاب
[٢١]▪️نشر جديد
قصيدة ليلة الأنصار عليهم السلام
لا فتى إلاَّ حبيبُ بنُ مُظاهِرْ
حينما لَمْ يجدِ السبطُ مُناصِرْ
كانَ شيخاً ذا "ثمانينَ" بهِ
عَزْمةٌ شابَ لها حدُّ البواترْ
أسداً لمَّا يزلْ مِنْ أسَدٍ
مستميتاً لحسينٍ والحرائرْ
إسمُهُ في فتيةٍ قدْ آمنوا
بحسينٍ عندما تُبْلى السَّرائرْ
بالمنايا والبلايا عالمٌ
شأنهُ بينَ الأباةِ الصِّيدِ ظاهِرْ
ذكَرَتْهُ بسلامٍ زينبٌ
فلهُ المجدُ بطولِ الدَّهرِ ذاكِرْ
قد جثا ينعى لدى خيمتها
باكِيَ العينينِ للخدَّينِ عافِرْ
أيُّ وجْدٍ بكِ يا سيِّدتي
وترينَ السبطَ في ميعادِ عاشرْ ؟!
هدَّهُ قتلي وإخواني معي
صافقَ الكفِّ يُديرُ العينَ حائرْ
أيُّ وجْدٍ وتمرِّينَ على
جسمهِ أشلاءَ رضَّتهُ الحوافرْ ؟!
بلُبانِ المُهْرِ رأسي شاهدٌ
لَكِ فوقَ العُجْفِ ما بينَ العساكرْ
عجباً بنتَ عليِّ المرتضى
ستُقاسينَ الأسى في قيدِ آسرْ
بعدَ عباسٍ وأبطالِ الصَّفا
يُصبحُ الشمرُ على الأظعانِ آمِرْ
شامتاً يسبيك جهراً شاتماً
ناظراً يا ليتها تعمى النَّواظر
كلُّ حزنٍ لكِ أمسى وارداً
كلُّ صبرٍ منكِ يا حوراءُ صادرْ..
علي عسيلي العاملي
#قصيدة_الأنصار
#محرم_١٤٤٦
#اللهم_عجل_لوليك_الفرج
نعي الليله السادسه ليله الانصار
****
انصار انصار كل احنه لبو السجاد انصار
وخذنه الداور. تقاسمنه المنيه وخذنه الدوار
ما تعرف اعذار ما تعرف اعذار تره انصارك ابد ما تعرف اعذار
ايبين الحار. امن عيونه يالغالي ايبين الحار
اجينه اجينه عفنه بيوتنه ولحسين اجينه
وعلينه علينه. ودم اركابنه شاهد علينه
وفينه وفينه. اشما ضحينه الك ماضن وفينه
بينه بينه. جمره امن الخيم يحسين بينه
طلع شيخ الأنصار وصاح حيهم
والانصار طلعو ركض كلهم
بجه وعن كربله ضل يحجي الهم
وزينب خايفه من عدنه كلهم
صاح بصوت زينب لا تخافين
انضحي ارواحنه ومنعوف الحسين
باجر ندخل السوح الميادين
وانتي رايح تشوفين بالعين
رفع جفه حبيب وصاح اطلعو
وبذيج الصوارم كومو هوسو
بخيمة بت علي استعراض سوو
ولحسين بدماكم رحو ضحو
***
الشاعر
تحسين الخفاجي
نعي للانصار
دگ صدره حبيب وگال ابشري ام عون
لجلج يالعقيله العمر كله يهون
ويّـاكم نضل يم الخدر للموت
عاهدناكم وما بينه اليخونون
عد عينج يزينب كل الانصار
زهير وعابس ونافع ونه وجون
ولّحر وبرير ازلام خشنين
گالو دون زينب نگلب الكون
محد يوصلج ما دام عدلين
شما كثرو علينه ما يگدرون
زينب گالتهم ثلث تنعام
منكم يالنشامى لما تردون
وهبو للمعاره هبة الــــريح
لحد ما طاحو ونادتهم ام عون
ياليوث الحرايب حشمتهم
احسين ابلايه ناصر گلتهم
مو وكت الوداع وعالثره تنامون
مشت ليهم الحره وعاتبتهم
علي كاظم المنصوري
نعي للانصار
من اجوها انصار اخوها
وصت بــدمـعـة ونحـيـب
خـلي نعــرف بالـوصـيـه
زينـب شـوصـت حـبـيـب
ارد اوصـيـــك بـأخـويــه
من يظـل وحـده غـريــب
خـايـفـه وگـلبي لچـمـني
مــن اجـيـت الكـربـلــــه
شلون لو وحدي بقـيت
ويـاي بــس الـعـايــلـــه
خايفـه مـن الشمـر انـي
وخـايـفـه من حـرمـلــه
جـاوب وگـلهــا يــزينـب
احنــه انصاره واجـيـنـه
انـقـــدم الارواح لجــلــه
واجـب وحگـه عـلــيــنه
احـنه من جينه سمعـنـه
صوت من ارض المدينه
الصوت بشرنه بالجـنـه
صوت فاطمة الحـزيـنه
الشاعر السيد رياض الرسل الجابري🖋🗒
قصيدة للانصار
على لحن جرح المدينه
وحدك نشوفك
لتضن نعوفك
ـــــــــــــ
انصارك احنه ولا تضن نبخل عليك الروح
واجب دمانه بكربله كَبلك يضل مسفوح
ندري اليفوز ابجنتك كلمن صبح مذبوح
وانت الدوه الجرح العشك بي يضمد المجروح
بهذي ضروفك
لتضن نعوفك
ـــــــــــــ
يامن الك ربنه وجد هل دنيه والبيهه
سهله المهج ياسيدي لمّن نضحّيهه
نبيع العمر وي الاهل الجنه وأساميهه
ياسيدي وكل الاهم وكَفتنه ترضيهه
رهن الجفوفك
لتضن نعوفك
ـــــــــــــ
يل حاير ابطف كربله احنه الك انصار
دمنه يخط اعله الارض يامشعل الاحرار
حبك نجاه ونعرفه خصمك يساوي النار
احنه الك مثل العلي ميثمها وي عمار
نردد حروفك
لتضن نعوفك
ـــــــــــــ
خل زينب ابنص الخيم من الهظم ترتاح
الهه ولهله بكربله نقدّم مهج وأرواح
ولن الصده يم الخيم من الشهامه راح
واحدهم اباب الخيم يسجد سجود وطاح
احنه سيوفك
لتضن نعوفك
ـــــــــــــ
لا لا تضن نرضه تضل جثه وبعدنه احياء
ياسيدي وحك الخدر لجلك نصير اشلاء
نصعد على الغيمه اذا طفلك يريد الماء
وندري الكَمر هو الذي للعايله السقّاء
نصبح جروفك
لتضن نعوفك
ـــــــــــــــ
الشاعر محمد حسن ضيغم
#في_الخدمة_المقدسة
#محرم_١٤٤٦
#ليلة_الأصحاب
(نعي شعبي)
ويقرأ على لحن ملا عبد الحي قمبر
لسان حال الإمام الحسين عليه السلام في رثاء حبيب بن مظاهر
نايم ياعزيز الروح بحرِّ لتراب
(فزت بْجوار المرتضى خير لصحاب)
ترتحلْ ياشهيد مخضب من دماك
زادتْ غربتي بكربلا بلاياك
گلبي يعتصرْ وگلّك الله وياك
بذبحتك زينب زاد عليها المصاب
وفيّتْ ياحبيب يا شيخ لنصار
تفنى حياتك وانتَ تخدمِ الأطهار
تتركْ حبيبك وحيد مابينِ لشرار
أحتسبْ عند الله فراگ لحباب
#منال_بجيجي
عن الصادق (عليه السلام) : كان الحسين بن علي عليهما السلام ذات يوم في حجر النبي(صلى الله عليه وآله) يلاعبه ويضاحكه ، فقالت احداهن يا رسول الله ، ما اشد إعجابك بهذا الصبي فقال لها ويلك ، وكيف لا احبه ولا اعجب به وهو ثمرة فؤادي وقرة عيني .
قال رسول الله(صلى الله عليه وآله) (حسين منّي وأنا من حسين أحب الله من أحب حسيناً)
وعن يعلى بن مرة قال: كنا مع رسول الله فدعينا إلى طعام فإذا الحسين يلعب في الطريق فأسرع النبي أمام القوم، ثم بسط يديه فجعل إحدى يديه في ذقنه والأخرى بين رأسه وأذنيه، ثم اعتنقه، فقبله، ثم قال:حسين مني وأنا منه أحب الله من أحبه، الحسن والحسين سبطان من الأسباط
عن حذيفة قال: رأينا في وجه رسول الله السرور يوماً من الأيام فقلنا: يا رسول الله لقد رأينا في وجهك السرور قال:وكيف لا أسر وقد أتاني جبريل فبشرني أن حسناً وحسيناً سيدا شباب أهل الجنة
عن ابن عباس قال: قال رسول الله(صلى الله عليه وآله) : ليلة عرج بي إلى السماء رأيت على باب الجنة مكتوباً: لا إله إلا الله، محمد
رسول الله، علي حب الله، الحسن والحسين صفوة الله، فاطمة أمة الله، على باغضهم لعنة الله.
ليتك حاضرا يا رسول الله لترى كيف خلفوك في عترتك
الا القليل منن وفى لرعاية الحق فيهم
وكان حبيب ابن مضاهر من تلك الصفوة التي اختارهاالله
لنصرة الحسين عليه السلام
حبيب بن مظاهر الأسدي الكوفي حامل راية الحسين (ع) في كربلاء وأحد قادة جيشه وأبرز أصحابه الذين قل نظيرهم في المسلمين لقد أجمع مترجموه على أنه صحب رسول الله وكان من خواص أمير المؤمنين (ع) وشهد حوربه الثلاث وله رتبة علمية سامية ومواقف عظيمة في سوح الجهاد والعمل في سبيل الدعوة لأهل البيت (ع) فقد قام بدور فعال في هذا الصدد وكان من السباقين لمكاتبة الحسين (ع) في الثورة وكانت الاجتماعات الشيعية تعقد في بيته وعندما قدم مسلم إلى الكوفة لازمه حبيب وكان يأخذ البيعة من الناس للحسين وفي كربلاء شهد له الحسين (ع) بالفقاهة والمعرفة وملازمة القرآن وإذا عدنا إلى كلمات العلماء فيه نجلت لنا حقيقة عظمته ففيه يقول المفيد (ره): من أصفياء أصحابه أي أصحاب أمير المؤمنين وقال القمي: كان من أصحاب أمير المؤمنين (ع) وأنه من خاصة وحملة علمه، استشهد في يوم الطف وقد تجاوز عمره الثمانين عاما
عندما نزل الحسين (ع) في كربلاء أخذ يقسم الرايات على أصحابه وكانت اثنتي عشرة راية، فوزعها عليهم وأبقى راية، فقال له بعض أصحابه مُنَّ عليَّ بحملها. فقال له: يأتي إليها صاحبها وبينا الحسين (ع) وأصحابه في الكلام وإذا بغبرة ثائرة، فالتفت الإمام (ع) إلى أصحابه وقال: إن صاحب هذه الراية قد أقبل، فلما صار حبيب قريبا من الإمام المظلوم ترجل عن جواده، وجعل يقبل الأرض بين يديه وهو يبكي، فسلم على الإمام وأصحابه، فرد الحسين وأصحابه السلام عليه، فسمعت زينب بنت أمير المؤمنين (ع). فقالت: من هذا الذي أقبل؟ فقيل لها: حبيب بن مظاهر. فقالت: أقرئوه عني السلام.
فلما بلغوه سلامها، لطم حبيب على وجهه، وحثا التراب على رأسه، وهو يقول: ومن أكون حتى تسلم عليّ بنت أمير المؤمنين؟
اه اه اه
انه امنين وتسلم عليه زينب
بت حيدر علي الدر المذهب
بت فاطمه الزهره ام كلب المعذب
......
انه امنين وتسلم عليه
زينب الحره الهاشميه
اخت احسين بت حامي الحميه
ثم استأذن حبيب من الحسين (ع) قائلا: سيدي ائذن لي ان أسلم على عقيلة آل أبي طالب، فأذن له فأقبل حبيب حتى وقف أمام خيمة زينب ونادى: السلام عليكن يا بنات رسول الله، ثم جلس عند باب الخيمة مطأطأ برأسه إلى الأرض يتأوه ويتحسر ثم قال: أهٍ لوجدك يا زينب يوم تحملين على بعير ضالع، ورأس أخيك الحسين على رمح طويل تحف به رؤوس
أهل بيته وأصحابه، وكأني برأسي هذا معلق في عنق الفرس يضربه بركبتيه، قالوا: لما سمعت زينب، قالت: يا حبيب لقد أخبرني بهذا أخي الحسين ولوددت اني كنت عمياء حتى لا أرى هذه المصائب وكأني بها:
انا ويني اوين المصايب
وبكريله شفت العجايب
كلبي على الوليان لايب
......
ينصار ابو اليمه وصيه
تحفظونه الغريب الغاضريه
اوتحفضون بيه امه الزجيه
من طب عليها ابن الدعيه
سطرها اوطاحت علوطيه
اوصاحت علي لحك عليه
.........
اوهليوم اريدنكم تحامون
خدرنه وابو اليمه تحفظون
احسين حطوه وسط العيون
كان حبيب صلبا في الولاء لسيده أبي عبد الله الحسين (ع)، فلم يزل يدافع عن بنات رسول الله يوم عاشوراء حتى قضى نحبه، وتقديرا لهذا الموقف: مشي إليه الحسين (ع)، وحين وصوله إليه استعبر باكيا وقال: لله درك يا حبيب، لقد كنت فاضلا تختم القرآن في ليلة واحدة.
وينقل بعضهم انه لما قتل حبيب بان الانكسار في وجه الحسين (ع) وقال: عند الله احتسب نفسي وحماة أصحابي:
اجـاه احـسين شافه او دمه مسفوح
وعاين بيرغه اعلى الأرض مطروح
جـذب ونَّـه او مـنَّه غابت الروح
سـدر عـنَّه او دمـع العين منثور
#مصائب_ليالي_العشرة_الاولى_من_محرم_الحرام
#مصيبة_الليلة_السادسة من محرم
بصوت الخطيب الشيخ حسام المسافره 👆
أَوَ بـعدَ ما ابـيضَّ الـقَذَالُ وَشَـابَا
بصوت الخطيب الشيخ ميثم الديري 👆
أَوَ بـعدَ ما ابـيضَّ الـقَذَالُ وَشَـابَا
بصوت الخطيب الشيخ كرار الكعبي 👆