7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
*((من ديوان دموع وعبرة ج1))*
*قصيده للزهراء (عليها السلام)*
❥━──➸➽❥❂❥━──➸➽❥❂
يحبيبه ييمه ليش عفتينه
و لظيم الليالي تيهيتينه
❥━──➸➽❥❂❥━──➸➽❥❂
عفتي الدار ضلمه وحمليتي بليل
اذكرنچ ييمه والدموع تسيل
وصوابچ يزهرة هدمالي الحيل
شبعت هموم من يوم التركتينه
❥━──➸➽❥❂❥━──➸➽❥❂
عفتيني ومشيتي بالدمع واﻵه
زينب تنتحب وتصيح وآه ويلاه
يا وجه الحنينه شلون ضيعناه
و فراگچ ييمه حيل ياذينه
❥━──➸➽❥❂❥━──➸➽❥❂
فراگچ هدم حيلي وحيل اذاني
ويا هظم الجرعته غير الواني
زماني بفرگتچ بالضيم خلاني
ما نحمل غيابچ وانتي تدرينه
❥━──➸➽❥❂❥━──➸➽❥❂
من بعد الحنينه من يباريني
اصيح بصوت يا يمه وبعد عيني
مصابچ والضلع يازهرة يأذيني
والمحسن وگعته أثرت بينه
❥━──➸➽❥❂❥━──➸➽❥❂
تركتينه ييمه وحمليتي بساع
ادور على شوفچ صار حدر الگاع
يا يمه حنانچ ويا وجهچ ضاع
من بعدچ ييمه بظيم ضلينه
❥━──➸➽❥❂❥━──➸➽❥❂
تعاي وخل اسولفلچ هظم گلبي
هدمتني الليالي وما شفت دربي
وعيني لجيتچ يم الوصل تربي
واحچيلچ مصايب مرت علينه
❥━──➸➽❥❂❥━──➸➽❥❂
احچيلچ على ابن امي وعلى يومه
راح حسين مني وراحت رسومه
صفت روحي اعله خال الولد مالومه
راح الوالي مني وراحت سنينه
❥━──➸➽❥❂❥━──➸➽❥❂
*بقلم 📝 شاعرة اهل البيت (ع)*
*العلويه مريم النور*
*نسألكم الدعاء الفاتحه الى روح اختي وﻷمواتكم*:🍃
https://youtu.be/5sU9O7Vs8XI
🏴🏴🏴🏴
*خادمة العشق المهدوي*✍🏻
*لحن هم شايف بعمرك ورد*~*
أقبل علي بحزن وشجن
يبكي على فراگ الحبيب
ينعى بقهر أُمِّ الحسن
ينعاها بالدَّمع السچيب~
زهرة حياتي باللحد
بعدِك خلص كل العمر
يل عمرِك بْعمر الورد
كل لحظه بيَّه شلون تِمُر~
بالدَّمعه غسَّلها علي
لا تِغفى عينه لاتِنام
صبحه أبَد ما ينجلي
يدفنها في وسْط الظلام~
يا فاطمه يمِّ الحسن
تلگي الهضم ويّْا العذاب
بيكِ شْيِسوِّي هالزَّمن
بثمنتعش يلفي المُصاب~~~
⬛️◼️القصيدة-2-◼️⬛️
أ يا سائلِاً عن لَوعَتي ودُموعي
أتدري بخطبٍ للبتولِ فظيع ِ!!
أتدري بأنَّ الصٓحبَ للنار ِأضرمُوا
على بابِها جآءُوا بِكل وَضيع ِ
أتدري ورآءَ البابِ حينَ تَسَترَت
عليها جنىٰ الجاني بكَسرِ ِ ضلوع ِ
وفي صَدرهِا المسمارُ ويلاهُ نابتٌ
لهُ اسوَدَت الدُنيا بِفَيضِ نَجيع ِ
ومُحسِنُها يقضي على إثر ِعَصرِها
تَهاوىٰ كنَجم ٍ حينَ ذاكَ صريع ِ
وظلّت تنوح ُالليلَ يغمرُها الأسىٰ
وصُبحاً تَبثُ الوجدَ وسطَ بقيع ِ
وتَشكو إلى الهادي النبيِِّ مُصابَها
وتَحكي بغَصبِ الحقِ بينَ جموع ِ
وأما عليٌ للوصيةِ حافظٌ
تمَنَت عليه ِالدفنَ بعدَ هُجوع ِ
أبا حسن ٍلا تُشهِد النعشَ ظالمي
وقبريَ عَفّ ِ عندَ وقتِ هزيع ِ
إلىٰ أن مضَت لهفي عليها حزينةً
كحُلم ٍ تلاشىٰ في الزمانِ سريع. ِ
وباتَ بنُوها بينَ ناع ٍ ومُعول ٍ
كحالِ أبيهِم للرثاءِ مذيع ِ
عليها تئِنُ الأرضُ والكونُ والسّما
وأملاكُ ربي أطفَأَت لِشُموع ِ
#سمير_الصالحي
#البصرة_الفيحآء
🏴 العقيلة زينب ع ومع لوعتها وحُزنها ..
تحكي حال والدها المفجوع .. لإمها …
شاحچيلچ ييمه عن ابو حسين
خلافچ أبد ما بَطّل اونين
اسمعنه يزهره يصيح كل حين
يوسفه فرگتچ تصعب عليه
كل ليل اليچل سهران وينوح
يبچي اعليچ دم ودمع مسفوح
مهضوم ومصابچ يشعب الروح
يصيح شلون ترحين امن ادّيه
الگبرچ يعتني يايمه لهفان
عله ترابچ يكت دمعات الاحزان
گلبه من الولم يايمه خلصان
ينوح اعليچ كل صبح ومسيه
يصيح الله واكبر عل الجرالچ
رحلتي بعجل ما كِملَت آمآلچ
يزهره عايني اللوعة عيالچ
يتامه اصبحوا والعبره جريه
يفسر الصخر من ايجر حسرته
ينوح العرش من تنزل دمعته
يحاچي الگبر يايمه سمعته
يريت وياچ تاخذني المنيه
🏴وأما أنا يتيمتُك زينب ..
أعاين دارچ تناغي و حزينه
خلت منچ ييمه يا حنينه
عگب فييّچ منو ايفيي علينه
لظل انعاچ دهري يالزچيه
#سمير_الصالحي
#النجف_الاشرف
استشهاد مولاتي فاطمة الزهراء (عليها السلام)
رضيةٌ مرضية...تقيةٌ نقية
صديقـةٌ زكية
ويكسـر ضلعـها ارذل بشـر
المِـن نـورهـا الـلـه خـلـق ارض سـماوات
وبيهـا شكـثـر نِزلـت سـور وشـكـثر ايات
وذاكـر محـبـتـهـا النبـي باجـمـل عـبارات
ويهجم عليها السيرته بكل حرب شردات
وبابها اليگرب إله...وعنده چانت معضلة
يلمسه ويـرد لهٕله...مگضيه مرتاح
واملاك چانت يمه...تاخذ مراد بشمه
والحطب تالي ايلمه
ويكسـر ضلعـها ارذل بشـر
ــــــــــــــــــــ١ـــــــــــــــــــــ
اليتـعـده ويـسـلم عـلـى هالبيـت بالعـين
يطلـع وراه واعلـيه يِرِد سـلامه الحسين
وانوب يطلعله الحسـن يـترسله الايدين
وحيدر عـلي ايگلهم بعد كرموه يطيبين
والحـسن لو لأمه رَد...اتگله هاك انطي بعد
وزِيد كل واحد حمد... يا يمه لله
وحـر وبـرد او تمطر... تخبز وزاد اتحضر
ويوزعه حيدر بالسر
ويكسـر ضلعـها ارذل بشـر
ــــــــــــــــــــ٢ـــــــــــــــــــــ
دار ويِـلــم حـيـدر عـلــي والزهــره وياه
وزينب والحسين وحسن هالبيت محلاه
اتشـوفـه المـلائـك بالسـمـه واتنـادي الله
وتـستـأذن اللـه من قـبل لا تنـظر اضواه
لدار حمـاي الحمـه...والزجيه فاطمه
تنظر املاك السمـه...إلا بإذن كون
والمـالـه لـلـه سجـده...ولا زيَنَه تُذكر عنده
يهجم بجنده وحقده
ويكسـر ضلعـها ارذل بشـر
ــــــــــــــــــــ٣ـــــــــــــــــــــ
دار وعليه وصى النبي المفروض هالدار
اوكـات خـمـسـه بـالاقـل يـومـيـه يـنزار
ويـعـتـذر مـن الـلـه الـذي يـتـأخر إِنـهـار
مـو ناس تهجـم حاقـده وتحـرگـه بالنار
وبنته خدها ينسطر...وابن يوگع بالجمر
شينطي للهادي عذر...السماهم اصحاب
شـيگـله باللـه بـعـذره...حسبالي ماهي الزهره
واشيخفي نور الحره
ويكسـر ضلعـها ارذل بشـر
ــــــــــــــــــــ٤ـــــــــــــــــــــ
الما حفظ حرمة بنت نبي من ينذكر كون
مو بالاسـم وبكـل وكـت يتسـمى ملعون
وبي مـن فجر حـد الفجر واجب يلعنون
واللي يلـعـنـونـه وعـلـي بـاچـر يفـوزون
والنبي إلـهم لِعـن...يعني واجب كل زمن
نلعن اصحاب الفتن... اعداء الاسلام
والما لعنهم خاسر...ومينفعه اي شي باچر
چي رضا بنت الطاهر
ويكسـر ضلعـها ارذل بشـر
ــــــــــــــــــــ٥ـــــــــــــــــــــ
نسألكم الدعاء والفاتحة لوالدّي
أحمد البصراوي العبادي
قصيده فزاعيه مع هوسه لفاطمة الزهراء ع
-------------------------------------------
ايعينها الله الفارگتها الغاليه
تبقه دمعتها عليها جاريه
ايعينها الله اليوم كلمن فاگده
اخلاف الاحبيبه گلبها شيسعده
راحت الطيبه الحنونه الوالده
( بلياها .. ما تحله الگعده )
ما ترهم الگعده اخلاف عيناها
راحت و المحنه راحت اوياها
بعد للدار ما نهوه بناياها
( حزنانه .. الدار اخلافج )
حزنان النزل من مشت راعيته
بتج و الولد عدمن امخليته
ما ضلي دمع بجفاج هليته
( عاميني .. يايمه افراگج )
يعمي العين يمه افراگج شصعبه
و اليفگد اميمه ينهضم گلبه
شماله البين ياخذ كلمن انحبه
( ماذينه .. البين ابفگدج )
اه يفراگها امنه حيل دولبنه
صحت بصوت وينج يم الامحنه
بعد شوفة اعيونج بالنزل ردنه
( رديله .. ضل خالي المنزل )
ضلت شيلتج بالدار يا يمه
اشم بيها و اصيح و دمعتي تهمه
رديلي تراها عيشتي ضلمه
( مهضومه .. من دونج يمه )
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
في هجوم القوم على بيت الزهراء عليها السلام ....
تحرقُ الداره وفيْها فاطِمه
بُضعة المختارِ نفسه العالمه
خاطرك بعده ابنبينا مكْتفه
الوحيده عنده بنته المصطفى
وين فضله اعليك ظل وين الوفا
الحطب في حرگه داره اململمه
روح هادينا في بيته اللي رحت
وناسك ابحرگه الحطب كوم اجمعت
تغضبون الله إذا بنته اغضبت
عودو من شوف النفوس امخاصمه
دار ابوالزهره نبيكم تحرگون
بنت من هذي ياعالم تعرفون
بابها اليطرق نبيكم تكسرون
في غيابه تحرگونه الخاتمه
طفلته زينب في داره بالونين
وفيها طفلينه الحسن وابنه الحسين
المرتضى فيها وكتاب الله المبين
الفينا بالثقلين وصى طالما
صلا هادينا ونحر لله امتنان
الكوثر اعطه الله نبيه امن الجنان
وأي عطيّه مثْلها الزهره ابزمان
ماعطه حد مثلها هالمرحمه
هالهبه هذي إلهي الواهبي
كلّما اشتاگ الجنان الله النبي
ريحت الجنه يشم منها الأبي
فاكهة فردوس ربّه ومبْسمه
الهادي اِذا زاره من الأملاك احد
بين ادي يجلس ورد جلست عبد
مو فقط جبريل لا زاره نجد
ونافخ اسرافيل صوره في السما
ولادخلت بنته عليه ابمجلس يُقال
أحترام الها النبي يوقف جلال
ايگوم ويجلسها مكانه بالدلال
وراسها ايقبل وديها فاطمه
بل فرض طاعتها أعله الانبيا
مو بعد جن وأنس والأوصيه
والملايك بنته ابوالخلق ان هيه
سر من أسرار الإله ومعلمه
بل كفأ ملها لاما خلقه علي
الگال عنه المصطفى قوله بلي
الناس لو عرفت أثر فضله الولي
من تحت جدمه التراب اتلملمه
✍️
علي الأحسائي
ربيع ثاني ١٤٤٦هـ
قصيده قريض بحق الزهراء ع
****
وجاء عدو الله يحمل سيفه
لبيت رسول الله معتديا جهرا
واشعل باب الدار بالنار قائلا
ليخرج عليٌ واليبايع لنا قهرا
وقالوا له ان في الدار فاطما
فقال وان في الدار فاطمةَ الزهرا
فصاح ثلاثا لم يجبه وانما
اجابته بنت الطهر مظلومةً عبرى
تقول له ماذا جنينا وجئتنا
بحقدك تُخفي تحته الغدر والشرا
ولما رأها جاء للدار مسرعا
ورد عليها الباب يعصرها عصرا
ولاذت وراء الباب تصرخ خلفه
ومن كسرهم اضلاعها احتملت صبرا
وقد دخل المسمارحقدا بصدرها
وقد اسقطت من عصرهم محسنا قسرا
وقادوا ولي الله وهو امامهم
من البيت مكتوف اليمين على اليسرا
ونادت حماها وهي تعدوا خلفهم
ردوا ابن عمي قبل ان ارفع السترا
وجاؤو اليها بالسياط فورموا
لها متنها والعين باكيةً حمرا
س محمد زاهر الخطيب
ايعين الله حيدره عالفاجعه
الليله ام الحسن ويلي اتودعه
*******
يعين الله المرتضى بهذا المصاب
على بت طه النبي يهيل التراب
يكلها الله وياج يااغله الاحباب
وكالدمه ينزل عليها مدمعه
ايعين الله حيدره عالفاجعه
*******
الها ينصب تعزيه حامي الحمه
المصطفى يحضرها واملاك السمه
وتنزل دموع الحزن كلها دمه
والكلوب اعليها كلها مصدعه
ايعين الله حيدره عالفاجعه
*******
كلوب احباب الزجيه مؤجره
انظلمت ام الحسن من شر الورى
وابرهتهم ضلع منها كسره
وخلوا عيال النبي متروعه
ايعين الله حيدره اعله الفاجعه
*******
خلوا عيال النبي تعيش برعب
شافوا امهم وكعوها اعله الترب
والدموع من الجفن ظلت تصب
على فاطم رحمة الله الواسعه
ايعين الله حيدره عالفاجعه
*******
خلصت بالحزن ايام العمر
شافت انواع العذاب من الكفر
عالنبي منعوها تبجي ام الطهر
الدخلوا الدين بوجوه مقنعه
ايعين الله حيدره عالفاجعه
*******
حزنك اعله الطاهره حيدر يهيد
لوذكرت مصاب ابنك يالعجيد
حسين يامولاي مكطوع الوريد
وحامل الرايه الجفوفه مكطعه
ايعين الله حيدره عالفاجعه
*******
خادم اهل البيت / ابومحمد العاشور (07810010732)
الليله الاملاك تنادي بالسمه
ماتت اليوم يعالم فاطمه
*******
الليله املاك السمه تبجي وتون
والدمع ينزل حمر من الجفن
وعلگوا بالسبعه رايات الحزن
ونصبوا قرايه الحرم حامي الحمه
ماتت اليوم يعالم فاطمه
*******
نصبوا قرايه وحضر بيها النبي
وارتفع بالتعزيه صوت البجي
من بده بالمجلس القاري النعي
وگام يرثي ام الحسين العالمه
ماتت اليوم يعالم فاطمه
*******
الزهره حجة الله بنت سيد الانام
شلون حرگوا بابها اولاد الحرام
الويل الهم بالحشر ذوله اللئام
مستقر الهم بنص الحاطمه
ماتت اليوم يعالم فاطمه
*******
دار عكس وياج مولاتي الزمن
مصيبتج كلش اليمه ام الحسن
غصب اخذوا حقج اصحاب الفتن
الناصبه اولاد الدعيه الظالمه
ماتت اليوم يعالم فاطمه
*******
الجرحج ام حسين مايرهم دوه
محسن من العصره عالغبره هوى
بياذنب محروم ظل من الهوى
وروحج اعلي باقيه متألمه
ماتت اليوم يعالم فاطمه
*******
وينه راعي الثار جايمته يجي
وياخذ بثارات امه ابن الوصي
ويبني گبر الزهره ونزوره مشي
بذن اله الكون رب المرحمه
ماتت اليوم يعالم فاطمه
*******
خادم اهل البيت / ابومحمد العاشور (07810010732)
ظلمه الدار يُمّه بعــــــــــــدچ وخالي
وراح ابغيبتچ كــــــــــل نوره ليلالي
**
بعدچ دارنـــــــه ضل موحش وظلمه
من عنّـــــــــــه رحلتي صابته العتمه
بعد مــــــــــــــاچان يزهر بيچ يا يُمّه
غريبــه ابقيت وسطه ودمعي يبرالي
*
كئيبه الــــدار أهجــــس يُمّه من بعدچ
من مشيتي عنّه وحــــــان إلچ وعدچ
بلوعـــــه وآه يگضي نهار كل ولدچ
وحالـــــي يالعزيزه ايبچّي كل غالي
*
گلبي ايحن إلچ يـــــــــا يُمّه كل ساعه
وإذا جيت المكانـــــــچ زادت أوجاعه
خالي يمه خالي وتچتــــــــل أوضاعه
بعد مــــــــــا چان إلي ويّاچ يحلالي
**
مكانچ يمه خالي وبــــــــــي انه وحدي
وأبحث عــــــــن حنانچ دمعتي ابخدّي
يمي بس أخوتــــــــــــي ولايذه ابسدي
وحالتـــــــــــــــهم ييمه تشبه احوالي
***
دوّرنه بمكانـــــــــــــــچ والدمع سجّاب
وبچينـــــــــه على محسن أخونه الغاب
مـــــــن شفنه الدمه أمغطي عتبة الباب
وحسيت الگلب مـــــــــن هالفعل سالي
***
دار بلا وجــــــــــــــــودچ يستعر جمره
وفرا گچ صــــــــــــعب وگليبي شيصبره
وجرح الصابني مــــــــــــــا ظن أبد يبره
يريت الموت أخذنـــــــــــي وياچ أشوالي
***
بدمعـــــــــــــة زينـب اللي زينب أجرتها
على الزهراء مــــــــــــــــن حلّت منيتها
نتوسّــــــــــــــــــــــل يرب اتعيد حجتها
مــــــــــــن غيابه علينه ويرجع الغالي
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
قصيدة لاستشهاد سيدتي ومولاتي فاطمة الزهراء عليها السلام
دار الاطـهار شبوها بنار زمـرة اشرار
الويل الويل الهـــم ياويل لوناده الثار
الثار الثار
***
هجم نمرود وجيوشه على الزهره
عصرهه ابابهاه وطاحت على الغبره
ومحسن طـاح ميت عينهه اتنظره
بقت تبجي وتنوح وبالكلب حسره
تجري الدمعات فوك الوجنات ام الحسنين
تنهض وتطيح وبصوت اتصيح وين الكرار
الثار الثار
****
كال الدار بالقـــــوه اطب ليها
كالوله الطهر بنت النبي بيها
وان كلهم لعين الكلمه يحجيها
مثل ماكال يهجر كبل حاجيها
حامل احــقاد عاده الاسياد اهل التقوى
طاع الشيطان عاده الرحمن وكل الاخيار
الثار الثار
***
ينظره المرتضى ومايكدر ايمنعه
مجتفته الوصيه وعالوجن دمعه
صعبه كبال عينه ويضرب البضعه
وعلي لوماعهد للمصطفى اموقعه
جاسل سيفاه ومات اليدناه باب اهل البيت
وخل الجيمان فـــوك التربان وماصــــار الصار
الثار الثار
***
صاحت ام حسن وين الوصي وينه
دارت عينهه وشافــــــته مجتفينه
نادت هدوا امامي خـــــل يردلينه
والا ادعو الاله العــــــــــالي والينه
هدوا المظلوم لو ادعو اليوم رب الاكوان
وانا الكــــوثر اليوم المحــشر سر الاسرار
****
بنت المصطفى من البجي منعوها
ومن عدها فدك بالغصب اخذوها
مظلومه البتوله الكــــــوم اذوها
وهي سر الوجود الخـــلك يدروها
سر المعــبود ام الموعود راعي الثارات
يوم اليظهر يطرد كل شر ابسيفه البتار
الثار الثار
**
خادم اهل البيت/ ابومحمد العاشورج
(07810010732)
قصيدة لاستشهاد سيدتي ومولاتي الزهراء عليها السلام
فاطميه المـــنابر فاطميه
تبقى كل الشعائر فاطميه
*******
مانعوف احنه الشعائر نقسم بواحد احد
عهد وقعناه بــــــالذر لازم نوفي العهد
راح تبقى اباذن الله مـــــــــستمره للابد
تتبقى تبقى للحشر الله رايد هالامر
فاطميه المـــنابر فاطميه
*******
الله يلعن من عصرها والحرگ باب النبي
والسطر خدها بيمنته الناصبي بن الناصبي
ويلعن الراضي بفعلته وعاده ديني ومذهبي
الراضي بفعال اللئام حاقد رباة الحرام
فاطميه المـــنابر فاطميه
*******
ام الحسين العفيفه حاربوها اهل الظلال
بلاذنب ضربوها عمدا من بعد ذاك الدلال
وصادروا منها ارضها زمرة اشباه الرجال
الغصبوا حقوق التقاة كلهم انذال وطغاة
فاطميه المـــنابر فاطميه
*******
يالله يحباب الزجيه انصبوا هالليله العزاء
والنعي خله يدوي يوصل الســـابع سماء
يحضر المهدي ابنها بالعزه يهل الولاء
ومنحجب عن النظر لون بالمجلس حضر
فاطميه المـــنابر فاطميه
*******
مصيبه الزهره مصيبه نار تسري بالكلب
نلبس الاسود لجلها والدمع يبقه يصب
لكن تهون المصـــيبه للبقه فوك الترب
الصلت اعليه السيوف بالوغى برض الطفوف
فاطميه المـــنابر فاطميه
*******
خادم اهل البيت / ابو محمد العاشور
قصيدة لاستشهاد سيدتي ومولاتي الزهراء عليها السلام
نور ام الحسن غاب
ايا عظم المصاب
يتيمه ظلت ام عون عليها اظلم الكون
ايا عظم المصاب
*******
بدر ام الحسن هالليله غايب
وگلب زينب عليها بقى ذايب
تنادي من الي يغله الحبايب
بعدݘ يالحنينه دمعي ساجب
يخيمتنه التلمنه عگبـݘ منهو النه
گلبي اعليـݘ مرتاب ايا عظم المصاب
*******
يحن گلبي الـݘ يمي الحنينه
حنين النوگ يالرحتي من ادينه
يتامه من بعد عينـݘ بقينه
ونتمنه بحلم منـݘ تجينه
وتشوفين بعيونـݘ بينا اصار دونـݘ
دمعنه اعليـݘ سجاب ايا عظم المصاب
*******
شعندي بدنيتي بعدݘ ييمه
بعد نورݘ تصير الدنيه ظلمه
وحزاني وهمومي اعليه لمه
وجودݘ بينا يالزهره رحمه
رحمة ربنه انتي بلحظه عنه رحتي
شلون يضمـݘ اتراب ايا عظم المصاب
*******
ابقى ابـﭽـي عليـݘ والطم الراس
اشمن ريحتـݘ وي شم الانفاس
عزيزه امي اصيح بصوت ياناس
يظل للموت عندي هذا الاحساس
عزيزه امي عليه شمعة عمري هيه
جمر فرگتها لهاب ايا عظم المصاب
*******
جرحـݘ يالعزيزه يعذب الروح
بعده هواي راح يمرن جروح
عليه واشد جرح الدمه مسفوح
بوادي كربله وعالگاع مطروح
الگطعته الصوارم وبقى عالارض نايم
وامشي انا اوي اجناب ايا عظم المصاب
*******
يبو صالح تشوف بعينك الصار
وتعرف زين من بالباب شب نار
وحرگ يوم الطفوف خيم الاحرار
ياثار الله گوم واطلب الثار
ثار امك واهلها واعداكم تذلها
عليك بداحي الباب ايا عظم المصاب
*******
خادم اهل البيت / ابومحمد العاشور (07810010732)
(( #من_أجلها ))
……………………………………………………………
مِن أجلِها .. الريحُ و الضوءُ أنخلق
مِن أجلِها .. دامَ النهارُ و الغسق
صلّت بحارُ الماءِ .. شكراً إلى الزهراءِ
يا فاطمه .. يا فاطمه
……………………………………………………………
ناداها جبار السمه
كلشي انخلق يا فاطمه . لخاطر عيونج
تفاحه و اتراب البشر
هاي الشمس هذا الگمر . يطفن بدونج
كل جبل بالكون انخلق . چي هامتج مرتفعه
ابكد احرف اسم ام الحسن . صارت كواكب سبعه
اول ضوه يم العرش . ضوت عباتج شمعه
قبلَ القمر .. قبلَ الصباحِ والفجر
قبلَ القمر .. منكِ الضياءُ ينتشر
يا مركزَ الاضواءِ . شكراً الى الزهراءِ
يا فاطمه .. يا فاطمه
……………………………………………………………
فاطم ومو بس عالنسه
اعله الزلم متريّسه . عالكل أميره
كل نبي ما ينجح تره
الا ابدعاء الطاهره . بالهم تجيره
نيران و ابوسط اللهب . ابراهيم ناده الزهره
ابفضل ام حسن نار اصبحت . بلون الثلج مو حمره
عصّات موسه المعجزه . ابفاطم تظل منتصره
يا مريمُ .. هزي بجدعِ النخلةِ
يا مريمُ .. و للبتولِ فأنصتي
من ألفُكِ للياءِ .. شكراً الى الزهراءِ
يا فاطمه .. يا فاطمه
……………………………………………………………
سبحتها مو خيط و خرز
الكون بيديها انفرز . بأصبع تديره
سبحتها خضره امعطره
بيها الكواكب دايره . كلش زغيره
الشاهود تعتبره الشمس . وكل خرزه تنعد كوكب
تبدي الفصول الاربعه . بيد ام حسن تترتب
الارض چن حبة ذره . مقبوضه بيد ام زبنب
لولا هيَ .. ما طارَ طيرٌ و أرتفع
لولا هيَ .. لا ليلُ بالبدرِ أجتمع
لا صوتَ للظلماءِ .. شكراً الى الزهراءِ
يا فاطمه .. يا فاطمه
……………………………………………………………
اعبايتها من الله الصنع
جبريل خيطها ابسنع . حس جنحه بيها
شيلتها من أعلى العرش
اعليها اسم فاطم منّقش . مقري عليها
متوهم اللي يعتقد . عدها الخدم بس فضه
ألاف حوريه و مَلك . بالبيت طوله وعرضه
وآلااف صعدت عالسطح . مامش مچان ابأرضه
قسمٌ طلب .. يا ربَنا يا ذا العلا
قسمٌ طلب .. نخدمُ بنتَ المصطفى
نادوا على استحياءِ . شكراً إلى الزهراءِ
يا فاطمه .. يا فاطمه
……………………………………………………………
سلطانه الرحمه اصبحت
عل الي اضربوها ما دعت . والعذبوها
حملت عصر ذاك الجذع
وبسمار محسن والضلع . لخاطر ابوها
لو داعيه اعليهم تره . اطيح السمه اعل الغبره
يتبخر الماي و يجف . لا يظل طير و شجره
وينادي جبريل ابغضب . ياهو المزعل الزهره
كلُ البشر .. لم يبقى في الارضِ أحد
كلُ البشر .. لا يومُنا هذا انوجد
لسنا من الاحياءِ .. شكراً الى الزهراءِ
يا فاطمه .. يا فاطمه
……………………………………………………………
عن عائشه تروي الخبر
للظلمه ابد مامش اثر . لو فاطم اهنا
كل النسه اتخيّط سوه
من فاطمه ناخذ ضوه . خرم ابره شفناه
امن السوگ حيدر مشتره . فانوس لا من شمعه
شيسوي بيهن يشتري . و بالبيت تضوي البضعه
نفس الضوه ليل وصبح . البيت ثابت وضعه
معنى اسمُها .. زهراءُ يزهرُ نورها
معنى أسمُها .. زهرةُ الباري ربُها
في جنةِ العلياءِ .. شكراً إلى الزهراءِ
يا فاطمه .. يا فاطمه
……………………………………………………………
✍️ ( سيد خضر الزاملي )
#نعي
لسيدي ومولاتي فاطمة الزهراء روحي وأرواح العالمين لتراب مقدمها الفداء
تنشدوني شلونك شلوني
راحت الزهره وراح لوني
ماجنت اعرفه التعب ياناس
وكسروا ضلعها وتعبوني
من شفت جفها بنار محروگ
انشلع گلبي من العروك
هاي ام حسن هاي ام الحسين
امشاگف السوط عليها ميلوگ
ياناس لمن جبلتها
من ماي عيني غسلتها
اخلاف الزجيه محني ضليت
اجنازتها بلگوه شلتها
بتشيعها يبست اشفافي
ردت اركض بدفنتها حافي
البسمار عاف الدنيا كلها
وبضلوع ام الحسن غافي
لو ما مچتف بالوصيه
اتلاوه حتى ويالمنيه
ياگلبي كافي اتدگ بعد موت
دفعوا الباب اعله الزچيه
قاسم الغزالي
https://youtu.be/RsYn1i6972g
🏴🏴🏴🏴
*خادمة العشق المهدوي* ✍🏻
*لحن إسمع عتابي*
يُمَّه يزهره~خِنْگتني عبره
تجري عْلى ضلعِك~تجري عْلى سطره
باول شبابِك~رفرف عذابِك
باب الله حِرگوا~باب الله بابك
شمعه وطفوها~شگد روَّعوها
مظلومه فاطم~ليش اسگطوها
ذوله الأعادي ~ كِسْرَوا فؤادي
سنْديني فضَّه ~راحت تِنادي
دمعه جريَّه ~بهاي المسيَّه
العيله حزينه~آه يالزچيَّه
بالصَّدرِ لِجروح~واعتابِك تنوح
تتلگى لِدموم ~والمحسن يْروح~~
يـوم الحشر شنهو العـذر يلي اكسرت ظلع الطهر
ومن عصرتك محسن طاح گـلبـه التفـت لـلزهــره
****
اي والضحى وليـل السجـى والفجري
وسورة نبأ وصاد وشمس والقدري
ارض وسمه وبحـر انخلـق بيه تجري
فلـك بلجـج صبح انبلـج واتقـن فلـك مابيـه عــوج
لاهـل الكسا كـل مخلـوق وخـلــه ابئديـهــم أمـــره
****
بـيـد النبـي وآلــه الفلـك يتسير
طــه بأذن ربنه الكمر نص انطر
وحيدرعلي رد الشمس من أشـر
الباري جـعـل أجـر العمـل حبهـم شرط بيـه انقـبـل
ولابـد أذن عـنــده الجـاي يدخـل عـلـى أم العتـره
*
يامه الوحي ابابچ وگف ومتاني
يطلـب أذن يـدخـل أمــر ربــانـــي
القاصي دره بنص النزل والداني
حبچ أمــر بغضچ كـفــر والخالفچ مـثـواه جـمــر
طاهه اشكثر وصى الناس ابهل عتبه جنه وجمـره
****
فاطم تره يرضى العرش برضاهـه
مـا يـنـقـبـل فـرضـه الـذي عـاداهــه
اقسـم أنــه بـنـفـسِ ومـــا ســواهـــه
يـافـاطـمـه رب السـمـه اصــدرأمــر لـلحـاطمـه
تسعـر الف عام الگــوم كسـروا ظــلـع بـلعـصــره
****
ظـلـعج كتب بالـدم غصص يالـحـره
بــاچــر صـدر شبلـچ عليه تـتـجـره
خـيـل الرجس تطحـن سنابك ظهره
تمشي بيسر اخـت البـدر عگب الكفل يبـره الشمـر
ومحسن نعى ابزغره امصاب عبدالـلـه ينحز نحره
**
ابابچ جمر منه احفظولچ جمره
الطف كربله بغيهم تظل مستعره
وسوط المتن باچر يلوح ابكثره
ايلوع حرم ويظـل علـم فوگ النهـر مرمي وسهم
ابـعيـن الطليعـه العـبـاس اچفـوف الكفالـه ابكتـــره
****
لخادم خدمة الحسين (ع)
ابوعمار الدراجي
#جديد
لسيدي ومولاي أبا عبدالله الحسين عليه السلام
.
.
عليك ابخاطر العباس تحضرني
يالمالي سِواك انته التساعدني
أنا المخنوگ من حالي ورِدِت نظره
وانا اللي ضام بإفادي ألف كسره
بس ابگلبي تدري وكلشي اتنظره
وحاشه اتشوف أحوالي وتِصد عني
حاشه اتشوف گلبي وما تِجابرني
وانته البيه تدري والتِباصرني
دخيلك ذنبي عنك لا يِباعدني
وخليني اقترب لك سيدي خلني
عليك ادموع زينب من مشت للشام
وظل راسك يباريها من الظلّام
أنا بگلبي اشكثر آلام فوگ آلام
وبس انته دواي اللي تِسكنّي
عليه اشگد حنين وما تردني ابيوم
نخيتك وإنته أدرى ابحالي يا مظلوم
المريض ابساعه يمك يا حبيبي ايگوم
وأنا من شدتي رايد تِگومنّي
تِگومني أريد وما تظل شده
وحگ عينك عليّه طالت المده
يبو اليمه الگلب محتاجك اتبرده
دخيل اعيون عباسك تِفرحني
___
يا أبا عبـــــــــــــدالله
#فاطمة_كريم
٢٠٢٤ م
الشاعرة فاطمة هاشم الحسيني:
قصيدة "لسان حال الامام علي بعد غياب الزهراء ع
الشاعرة "فاطمة هاشم الحسيني
.......................
كَلبي اشتاك ياناس كلولي شبديه
ماتت جوه الاتراب زهرتنه الزجيه
كَلب العاشك يخاف فجاءه وحيد ينعاف
كلبي اشتاك ياناس كلولي شبديه
⊱━━⊰✾ياصاحب الزمان✾⊱━━⊰
لو لزمت دموع عيني تفضح اشبيه حسرتي
وانه كاعد حيل افزن مرت الزهره بصفنتي
اشلون اكابر ما اونن الكبر ماخذها فرحتي
اذكر الصار بضلعها ارخص اونيني ودمعتي
حتى اكبال شمات طاحن مني دمعات
الزهره ابيتي اتنظام مو هين عليه
⊱━━⊰✾ياصاحب الزمان✾⊱━━⊰
يعينه الله البي محنه وفجأه يفكد ضل حبيبه
كلشي ميت من هجرها واهسي الجان شيجيبه
المثلي يفكد مثل فاطم بيه حرمه يكف نحيبه
البيت فارغ هيه ماكو يعني هاي اكبر مصيبه
بارد موحش البيت بهمي لوحدي ضليت
دفنت الغاليه وجيت بتراب الوطيه
⊱━━⊰✾ياصاحب الزمان✾⊱━━⊰
يون كلبي اليل كله اشلون اصبره الفكد ولفه
وكتي يخلص وانه اسولف وين راحت عني صدفه
حتى باب البيت يجرح خله كلبي يفيض نزفه
تجي الصوره التهد حيلي شلون لاذت روحي خلفه
لاذت خايفه الروح خلفه وتنزف اجروح
شلت السيف فزاع ردتني الوصيه
⊱━━⊰✾ياصاحب الزمان✾⊱━━⊰
حيل صعبه اتموت هيه وانه اعيشن خنكه خنكه
شله بلدنيه وحياته الما اله وي احبابه ملكه
موقف اصعب منه ماكو مثلي ياهو الدفن عشكه
مااريد لبيتي ارجع ارجع المن كلي شلكه
ارجع وانه مكسور بيتي مفارك النور
بحسراتي افتح الباب دمعاتي جريه
⊱━━⊰✾ياصاحب الزمان✾⊱━━⊰
هاي هيه وخلص كلشي ماتت الزهره الحنينه
شلع كلبي حسين ابني يكسر الخاطر ونينه
يكلي بويه اشلون راحت هسه تشتاك وتجينه
كلبه فاكدها الزجيه الحظن ذاك الدافي وينه
كَلب حسين مشتاك مثلي مغيره الافراك
الميت حيل يرتاح البعده يضل خطيه
#الشاعرة_فاطمة_هاشم_الحسيني
طور يروحي الاحبهم مشو عني شبديه 👆
جريمة الهجوم على دار الزهراء عليها السلام
استشهاد محسنها عليه السلام
آه يالزهره وكسر ضلعينهه
منهن اتون لوتون لجنينه
.. .. ..
.. .. ..
اتون لبنهه المات ماشم الهوى
لو صدرها البي البسمار التوى
شافت المحسن عله العتبه هوى
اعله الجمر شافته طاح بعينهه
.. .. ..
.. .. ..
مثل طير انذبح ليش بلا ذنب
ماي واتبده امن اديهه اعله الترب
تنتظر جيتك يسباح الگلب
حال ليش الموت بينه وبينهه
.. .. ..
.. .. ..
حلم منتظرتّه وبلحظه انذبح
الوردي چان بعينهه اسود صُبَح
انجرح صدر امه واهو گلبه انجرح
سمع عبرتهه ونشيج اونينهه
.. .. ..
.. .. ..
اتمنت اتناغيله وتلولي وتهز
مهده وينام الولد ويرد ايفز
والده وفرگه الابن كلش تعز
الزهره بالمحسن عسه الله يعينهه
.. .. ..
.. .. ..
يعينهه الله اعله الجره وفگد الولد
النار والعتبه اله صارن مهد
نشغه وحده ومافتح عينه بعد
الفضه نادت خل تجيني وينهه
.. .. ..
.. .. ..
وين ابوها يشوفها بهذا الوضع
من اجاها فلان وبذاك الجمع
ذبح محسنهه وكسر منهه الضلع
ماتت وماكملت عشرينهه
.. .. ..
.. .. ..
اشافت امن سنينهه لثمنطعش
ابدال ماتتهنه شالوها بنعش
ام ابوها چانت وچانتله عش
اصحابه زهرت دنيته مذبلينهه
.. .. ..
.. .. ..
لعن الله من ظلمها وغصب حقها واسقط جنينها واجرى دمعها
.. .. ..
.. .. ..
أم محمد الحجاج
((تنسى على الدار هجوم العدا))
يا سيدي يالمنتظر شفنا عجايب
واعجب عجيبه هونت كل النوايب
ذاك الجبان اللي فتح للظلم كل باب
بسما تشب نار الحرب أول الهرّاب
ومن غمضت عين النبي جمّع الاعراب
واتواثبوا كلهم على ليث الحرايب
والله عجيبه صاحب النفس المهينه
يتجاسر ويقصد الى الليث ابعرينه
بحبال قاده آه وراسه امكشفينه
وبالباب تتلوى الزهرى امن المصايب
العين ملطومه وخدها امزورّق احمر
ومن طعنة المسمار كم ضلع اتكسر
نسيّت ألمها وخلت المحسن امعفر
من بعد ما اتسقط مزج دمه الترايب
طلعت تنادي خلوا الكرار خلوه
لولا الوصيه ما قدرتوا اعليه اتسحبوه
اقسم ببويه المصطفى وضلعي الكسرتوه
أما تخلونه لو اتشوفوا العجايب
وآمر لعين اعلى العبد لازم تردها
ردنا قتلها حين رحنا الدار عندها
عوّد لها ابسوطه الدعي وشاله وجلدها
طول وعرض راس وظهر لأم الأطايب
صرخت تخلون الوصي لو ارفع اقناعي
يكفي صبرت اعلى ألم كسرة اضلاعي
يرجع علي لو اترك ابكل بيت ناعي
ولملاك كل واحد الى الآخر يخاطب
وشتنتظر غضبت ترى بضعة المختار
نزّل عذاب الله ولا تمهل وتحتار
قله انتظر حتى تمد چفها للخمار
لحظه ولن سلمان اجاها ابدمع ساچب
يا رحمة الله ما اتشوفي اشصار بالقاع
وحيدر يقلك ابد لترفعين لقناع
ومعذوره لو خليتي كفك فوق لضلاع
واتزفرت زفرة ألم والقلب ذايب
قالت يرد حيدر علي وخلني اشوفه
سالم ويحلون الحبايل عن اكتوفه
والله لخلي الكون يتلون اخسوفه
ساعه ولن تركوا لها ليث الحرايب
عبد المحسن الكنگوني
كبر ام الحسن جاوين دلوني
مخفي بياسبب ليهسه فهموني
*******
كبر لم الحسن رايد انه اندله
واشم ترابها من اعتني واوصله
وابجي يم كبرها مدمعي اهله
واشفيعلي اكلها هناك يعيوني
كبر ام الحسن جاوين دلوني
*******
حتى وهيه ميته انظلمت البضعه
اليريد يزورها عدوانها تمنعه
لعنة الله عليهم صوتي انه ارفعه
اولاد الدعيه وخل يسمعوني
كبر ام الحسن جاوين دلوني
*******
مخفية كبر ام الحسن لليوم
منهو اللي يكلي السبب يا هالكوم
مظلومه البتوله وحيدره مظلوم
واذا احجي الرجس طائفي يسموني
كبر ام الحسن جاوين دلوني
*******
ايا مصاب بنت الهادي والينه
يبقى لجيت الموعود ياذينه
شمال الناس كلها التمت اعلينه
من احجي المصيبه مايخلوني
كبر ام الحسن جاوين دلوني
*******
مايردون احجي اللي جرى اعليها
ومصيبتها ابين للمله ارويها
حركوا بابها وجتفوا واليها
ملاعين وعلي لا ما يهموني
كبر ام الحسن جاوين دلوني
*******
ضاكت يبو صالح والامل انت
عدوكم سيدي بيمنتك خاتمته
يمته يالوعد جاجيتك يمته
وتاخذ ثارها اللي صاحت اذوني
كبر ام الحسن جاوين دلوني *******
خادم اهل البيت / ابومحمد العاشور (07810010732)
اويلاه يم الحسن
اويلاه يم الحسن
*******
هالليله وافاج الاجل
وبحيره ظل خير العمل
كالصاعقه مصابج نزل
بدلاله والمدمع همل
والتمت اعلي الفتن
اويلاه يم الحسن
*******
ياحجة الله الصمد
جنتي اله خير السند
خيمه علي وانتي العمد
من طحتي دلاله انمرد
بي غدر ياويلي الزمن
اويلاه يم الحسن
*******
هاليوم مو مثل الامس
دار الزمن وياه عكس
من بعد عينح ياشمس
ظلموا يزهره اهل الرجس
وكل المصايب لي لفن
اويلاه يم الحسن
*******
هجموا عليج اهل الكفر
والامر مو هين الامر
منه الكلب صاير جمر
وبالحزن خلصتي العمر
اعليج البلايا اتجمعن
اويلاه يم الحسن
*******
يدريج بنت طه النبي
ودارج وطاها الناصبي
عنده علم دار الوحي
بس طبها عنوه المعتدي
الناكر وصيت المؤتمن
اويلاه يم الحسن
*******
ياسيدي يبن الرضا
سيف العده بينه مضى
يمته تجي تملي الفضا
بالعدل يابو الموعظه
ابجيتك تنهيها الفتن
اويلاه يم الحسن
*******
خادم اهل البيت / ابومحمد العاشور (07810010732)
احاجي امي الحنينه وما تحاجيني
وعليها كالدمه ينزل دمع عيني
*******
احاجي امي اجيت بروح ملهوفه
ودمعتي اعليها من عيوني مذروفه
راحت والشخصها بعد ماشوفه
بيتم ماحسبت امي تخليني
احاجي امي الحنينه وما تحاجيني
*******
بيتم ماحسبت اكضي العمر كله
فراك ام الوفه بالروح شيحمله
بعدها عله اشوفن من بعد عله
غير امي الزجيه من يسليني
احاجي امي الحنينه وما تحاجيني
*******
شلون العافيه لمن تودعنه
مثل شمس الضحى لو غربت عنه
تظل الدار ظلمه من بعد امنه
ويخاويني الالم والحزن يلفيني
احاجي امي الحنينه وما تحاجيني
*******
زينبكم تظل يايمه بالغربه
تصير ايامها بعدج ترى صعبه
تمرمرها الرزايا المدمع اتصبه
وجن تكول يمه الكبرج اخذيني
احاجي امي الحنينه وما تحاجيني
*******
جن تكول ياام الماشرب مايه
اجيتج يم حسن للكبر عنايه
احن الشوفتج يالطاهره هوايه
حنين النوك وانتي زين تدريني
احاجي امي الحنينه وما تحاجيني
*******
عجل يبو صالح جيتك لينه
وكبر امك يبو الثارات دلينه
واخذ ثاراتها يا ابن هادينه
ورجع حق هلك من اليعاديني
احاجي امي الحنينه وما تحاجيني
*******
خادم اهل البيت / ابومحمد العاشور (07810010732)
شلون لـــــــــو عنّي مشيتي وراحله
ياهـــــــو يبچي الحالتي بطف كربله
****
انتي كلشـــــــي بدنيتي وأنتي الأمان
يمّه أترجاج يـــــــــــــا اصل الحنان
لا تعوفيني وحيــــــــــــــد بهالزمان
مـــــــا اريد العمر لـــــــــو منّچ خله
**
يــــــــا امل عمري وحياتي وسؤدده
لا تعوفينـــــــــــــــــي العمر توّه بده
كــــــــــل طفل يحتاج حضن الوالده
وهيبته أمــــــــــــــــه تشيله اتدللـه
****
ويـــــــــن الگه مثل حضنچ والحنين
ولـــــو ردت اي حاجه بيمن استعين
جاوبيني مـن گبل مـــــــــــا ترحلين
فـــــــدوه ارد اسمع جواب المسأله
*
لـــــــــــــو فگد أمه وبقه وحده الولد
عمره مـــــــا يسوه ومبي لحظة سعد
يعيش عمــــــره وينگضي بلايه سند
لو خله مــــــــــــن امه داره ومنزله
***
ادري گلبچ ممتلي رقّـــــه وعطوف
يمه أبقي رايدچ يـــــــــــوم الطفوف
حتى بيــــــدچ تشفه طعنات السيوف
وجسمي يــــــــــا يمه حنانچ يشمله
*
يمه ردتــــــچ حاضره بطف كربلاء
عون للحوراء في وگـــــــــت البلاء
وحاضره وياها لـــون نصبت عزاء
وعون إلها ابجمع شمـــــــل العايله
**
ردتچ تشوفين جسمي مــــــن أطيح
بعينچ تشوفين زينب مــــــن تصيح
وشمر گاعد فوگ صدري مستريح
وعــــــــرش بارينه ابفعلته يزلزله
***
لـــــون جاني الموت والفاني الأجل
زينب وحيـــــــــده تره تبقه وتضل
ردتچ وياها بعــــــــــــد فگد الأهل
بشوفتـــــــــچ ادري متبقه موجله
****
يمته يرجع مــــــــن غيابه المنتظر
لينهي كل اهـــــل الجريمه والخطر
وليعدّل حال كـــــــــــل هاي البشر
الكــــــــون ينتظره ويتاني بأكمله
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
قصيدة لاستشهاد سيدتي ومولاتي الزهراء عليها السلام
غربت هالليله امنه فاطمه
والارض تنعاها ظلت والسمه
وا ويلاه يافاطمه وا ويلاه يافاطمه
*******
ماتت الليله ياويلي ام الحسن
شافت انواع المآسي من الزمن
حاربوها بكل وسيله اهل الفتن
وهي سر الباري رب المرحمه
وا ويلاه يافاطمه وا ويلاه يافاطمه
*******
لربها رجعت روح ام الاتقياء
وبالسواد اتوشحت ارض وسماء
وعجت الاكوان كلها بالبكاء
والدمع ينزل لجلها كالدمه
وا ويلاه يافاطمه وا ويلاه يافاطمه
*******
شافت انواع المآسي من الكفر
خلصت بالهم والاحزان العمر
مصابها بگلب المحب مثل الجمر
ابد مايطفه وحگ حامي الحمه
وا ويلاه يافاطمه وا ويلاه يافاطمه
*******
مصيبة الزهره مثلها ماجرى
الناصبي لضلع البتوله كسره
وثالث الحسنين يوگع عالثره
وروحها ظلت علي متألمه
وا ويلاه يافاطمه وا ويلاه يافاطمه
*******
الله يلعن من حرگ باب البتول
ودخل دار المرتضى فحل الفحول
بيها فاطم گالوا او وهو يگول
وان باب الدار كون احطمه
وا ويلاه يافاطمه وا ويلاه يافاطمه
*******
عجل بجيتك ياحجة الله الصمد
واطلب بثارات امك يالوعد
ضاگت وغيرك فلا عدنه احد
وانت راعي الزود يابو الموزمه
وا ويلاه يافاطمه وا ويلاه يافاطمه
*******
خادم اهل البيت / ابومحمد العاشور (07810010732)
قصيدة لاستشهاد سيدتي ومولاتي الزهراء عليها السلام
الليله اتودع الدنيه
ام المشت مسبيه
وحيدر تنزل دموعه وروحه اعليها مفجوعه
ام المشت مسبيه
*******
الليله ام المشت للشام تتركنه
عليها للاجل سجابه دمعتنه
مصيبتها جمر لوسرى بمهجتنه
انادي امودعه الله ياشفيعتنه
يابت سيد السادات خلصتي العمر لوعات
اعليج الدمعه مجريه ام المشت مسبيه
*******
روح ام الحسن ترجع الرب الكون
هالليله وعليها احبابها يبجون
من عظم المصيبه كلهم ينادون
يا امنه الحنينه شلون بينه شلون
بعدج من يظل النه ياسر النبي وربنه
مولاتي يعلويه ام المشت مسبيه
*******
ليالي الفاطميه بالله احييوها
مجالسكم على ام حسين انصبوها
وثياب السود يالوفايه البسوها
واسوا ام الخدر بالدمعه واسوها
يالله حضرة الاحباب واسوها بدمع سجاب
اخت الماشرب ميه ام المشت مسبيه
*******
شگد مرت مآسي فاطمه الزهره
شافت ثالث الحسنين عالغبره
مگطوع الانفاس وعينها اتنظره
وعلي ظلت يويلي تجري العبره
تگله يابعد ﭽبدي صعبه تروح من عندي
اظل بعدك بذيه ام المشت مسبيه
*******
مصيبة فاطمه تهد الرواسي
عليها بعد ابوها الزمن قاسي
راواها علل بعده ومآسي
يشح الهوى من احجي بنفاسي
ومامرتاح اظلن ودموع الحزن يجرن
دم ابهل مسيه ام المشت مسبيه
*******
ننسى مصيبتج يم الميامين
لمصاب العزيز الغالي الحسين
الظل اوي اهله عالغبره مطاعين
عزيزج ياعزيزه هذا الحنين
وحگ الطاح عالماي انتي اعلم بهاي
حبيب الله ونبيه ام المشت مسبيه
*******
خادم اهل البيت / ابومحمد العاشور (07810010732)
هيه دنيه وكاضيه الخدمه بس الباقيه
هنياله كلمن يبقى بيها
ـــــــــــــــــــــــــــــــــــــــــــــــــــــــــــــ
كوم مد لحسين روحك ويدك
وخوش خادم صير كون يريدك
خلي جفك تلزم اجفوف الحسين
غيره باجر كلي ياهو يفيدك
شد احزام للخدمه وتوسل ببو اليمه
يتقبل خدمتك
تبرد دمعتك بالك بمالك ضحي وعيالك
وسجبها دمعتك
لاتنوح الغيره الكبراك بخيره
والخدمه بالك تنطي بيها
ــــــــــــــــــــــــــــــــــــــــــــــــــــــــــــــــــــــ
حاجي الحسين بكلب بس هايم
كله بيك اشغلني مو بالوادم
ماريد الناس كلها ياحسين
انه اريدن يم حضرتك خادم
حسين اليسوه تتعبله ضحي بكلشي من اجله
وثبتله بولائك
ركز وسمع اشويه هاي الدنيه وقتيه
لاتترك عزائك
المجلس من اتحضره دعوه من الزهرة
وبجي يخادم وي بجيها
ــــــــــــــــــــــــــــــــــــــــــــــــــــــــــــــــــــــ
اثبت واحـــــــــــذر تغير دربك
الدمعه مــــــن تنزل تطهر كلبك
لا تحب اي بشر حب بس الحسين
حسين بس اليسوه صدك حبك
هيم بحب ابو الاكبر شانك كل وكت يكبر
والله يعلي هامك
عوفه الشهره والوادم خلك اقل من خادم
يم حسين امامك
صفي نيت كلبك مايضيع تعبك
لا قسم بالفكدت وليها
ــــــــــــــــــــــــــــــــــــــــــــــــــــــــــــــــــــــ
بـــــــــــالك ادور يــــخادم شهره
احلى شي من تخدم على الفطره
وقره مو للناس بس الأم الحسين
وبجي وياها على ضيم الحره
فكر كون ترضيها الماكفت بواجيها
مولاتي الزجيه
هاي ام خيمه محتركه الطم وصرخ بحركه
ويلاه يالسبيه
احضر بكل مئتم وللبواجي اتحزم
والدمعه بالروح اشتريها
ــــــــــــــــــــــــــــــــــــــــــــــــــــــــــــــــــــــ
نسئل الله يديم هاي النعمه
والله ليفاركنه وي الخدمه
نعوف كلشي ومانعوفك ياحسين
انت ابونه الكلبه ينكط رحمه
خيرك فايض علينه شكرا يابو سكينه
شكرا ياولينه
لاتحرمنه من عدك احسبنه سيدي ولدك
يالروحك حنينه
حسين يمدللنه احنه بيك أمنه
وكلوبنه عينك عليها
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
[[ گعديه لليالي الفاطميه]]
________
يالتسأل علينه الرافضيه
عن أبً وجد هاي القضيه
هناك الما يضيعون
خدام الزجيه
*******
بهااليالي اتشوف موقف هذا اليحب الزچيه
تدري اليواليهه باچر فايز ابيوم المنيه
الما يحب الزهره خاسر بالليالي الفاطميه
بگلبه تلگه اشگد دغش
احقوق ياكلهه ونهش
حقد بس گلبه انفرش
يعتبر من جيش اميه
يالتبغض علي تاليها محنه
أيس لا تفكر بيها جنه
بس همه اليفوزون
خدام الزجيه
*******
كلمن يبين أصالة طيبه والمنبع يفاخر
ولايصير ابوجه ثاني ثوبه بصناف المظاهر
ينعرف صوت الحقيقه عايش،بحيله ويناظر
بس حسد گلبه امتله
شوف وضعك عدله
الغيبه عندك مشكله
لازم اتصحي الضماير
تعرف بالكثب وحفظ لسانك
باچر هوه حصنك هوه امانك
كلهم ما يقصرون
خدام الزجيه
*******
باچر التوقيع واضح بي ختم من الزچيه
يعيش بالدنيا بكرامه والعشك حامي الحميه
هذا دستور العقيده لو ردت نهج القضيه
شوف كل سيره وعجب
ابحبهم اتنول الرتب
حب علي جوهر ذهب
حب علي هوه الهويه
باچر بالحشر تعرف عقابك
لا تدور ولاتلف حضر جوابك
بالمحشر يضيئون
خدام الزجيه
*******
كلشي بالدنيا يغرك بيت وموال وصحاب
عوف عنوان التفاخر ونسه مسألة العتاب
گول بس حسين عندي هذا يامحلى الجواب
اتريد تنجه ابهل الامر
حسين بس هوه الذخر
هناك يشفع بالحشر
مبدأ الحق والثواب
يامحلى الخدامه ويعلى شانك
باچر بالحشر حاجز مكانك
بالخدمه يوافون
خدام الزجيه
*******
تمت بعون الله تعالى الشاعر_يوسف_الفتلاوي
صار المغرب وحنّيت ليها
بصوت الخطيب الشيخ سالم التوبي