7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لسان حال مولاي مسلم ابن عقيل عليه السلام
صوره گبالي. وشيب حالي. طفله وطفلين
طفله بحيرة. حيل اجبيرة. شتشوف العين
يابويه وحين اخذوني. من قصر الذل يرموني
==========
بعد رحلة عذابي وقصتي اجبيرة
وشحال الغريب وغربة هالديره
حميده كبال عيني طفله وازغيرة
ناظرها احسه للغري اديره
هاي جروحي. تعيش بروحي واشكد تانيت
تدعي واسمع. بلكت يرجع. مسلم للبيت
بعيدين وميشوفوني من قصر الذل يرموني
==========
حميده بويه اشوفن صورتج يمي
يبعد الروح بويه ويابعد اسمي
يتصور خيالي بيج كل همي
وعلم عندج يبويه من وكع دمي
حالي شصاير. وحدي وحاير. ماعندي انصار
هاي الصعبة. بعيد وغربه. وبگلبي النار
ياحيف و متودعوني من قصر الذل يرموني
==========
يعين الله يبويه گلبج الفاجد
يصبر گلبج وادعيلج وساجد
الامر بيد الاله القاهر الواحد
عليّ رب العرش يابويه بس شاهد
ادعي وانحب. گلبي شيب. حالج ياحال
مسلم مارد. گلبج ردد. گلبج وشگال
يابويه وماتلگوني. من قصر الذل يرموني
==========
بعين حسين عينج والامر يصعب
وحاله من ونينج بويه هم شيب
طفلة زغيره بس شو ظهرج الحدب
وگلبج بوية من نار البعد يلهب
كلبج جمره. عينج حمره. دم تصب العين
اول طفلة. بنوح الثكله. تنوحين وي حسين
كل ساع من اتذكروني. من قصر الذل يرموني
==========
بدرب ذاك الاجيتي لكربله بحسرة
من دون البنات بلوعة منكسره
وصلتوا لكربله والعيله متحظره
تنصب بالخيم وانتي ناصبه العبره
عبره بعينج. كل اسنينج. يبسن من الويل
لوعه وحسرة هاي الجمره وتلچمج بالليل
يابويه گبالي عيوني. من قصر الذل يرموني
==========
انكسر گلبج يبوية وخيمتج طاحت
واحلام البراءه بدنيتج ماتت
ياشمعة بليالي الضيم من ذابت
بمناحه اجم رزية طفلتي ناحت
شمعه عمري. كسرت ظهري. من بعيد تنوح
ليل وظلمه. زايد همه. گلبي اتلچمه جروح
بالغربه امن يذبحوني. من قصر الذل يرموني
==========
الشاعر علي النائلي
ليلة مسلم عليه السلام
وين رايح بويه اموتن لو عفتني
وين رايح بويه مسلم ما اخذتني
الفركه شلت حالي ..واليتم يبرا
وين رايح
1***
بويه رايح والدمع يجري اعله خدي
عكب عينك راح اضلن بويه وحدي
غيرك انته بدنيتي ياهوه عندي
بس حادي الهجر ضل بيه يحدي
يا افراكك هد كياني وعذباني
يا افراكك جمره وبكلبي جواني
فركتك للتالي.. واليتم يبرالي
وين رايح
*2*
انه طفله شلون اضل ابلاي ولي
بعد عينك منو ايكلي بويه ادللي
بويه بعدك ياهو يبقى يحاملي
انته وحدك كل كياني وكل هلي
شلون اضلن وحدي ما احمل بعد
شلون اضلن وانه روح بلا جسد
لا هلي ولا والي .. واليتم يبرالي
وين رايح.. وين رايح
3
عيني ما متعلمه أخبرك عالبواجي
شكد بجيت بفركتك حلو المحاجي
ياهو اليلبسني من بعدك تراجي
دمعي فوك الخد حفر لجلك سواجي
على خدودي انه اون ويجري دمعي
على خدودي الطم ويلجمني ضلعي
بجفني ضل يلالي.. واليتم يبرالي
وين رايح.. وين رايح
*4*
بويه ياهو البعدك ايصبر عليه
من يجيني الليله وديارك خليه
كضة بالفركه المحنه وهاي هيه
عكب ما جنه انتسامر كل مسيه
هاي هيه يالخذت كلبي بحنانك
هاي هيه بويه ضل خالي مجانك
بس حزن يصفالي.. واليتم يبرالي
وين رايح.. وين رايح
5*
هذا اخر موعد اتسمعه بكلا مي
بويه من ابعيد وابعثلك سلامي
الك ياخذني الفجر شوكي وهيامي
ابد ما يرهم بعد عينك منامي
عيني ذبلت من البواجي والسهر
عيني ذبلت عليها كلب اهلي نكسر
الك فدوه الغالي.. واليتم يبرالي
وين رايح
***
خادم الحسين عليه السلام
كرار عبد الحسن المحمداوي
🔶 #محرم_1446هـ
🔸#طور_الفراق
🔸 عندما ربطوا مسلم بن عقيل وضربوه وارادوا رميه من فوق القصر كأني به بلسان الحال يحادث الحسين روحي فداه عن بعد وبلسان القلب يقول له💔..
خذها خويه.. و ياإمامـي هالوصيـة
خذها خويه.. وإرجــع ولاتلفي ليّــه
خذها خويه.. كلمة من أخ لأخيّـه
ــــــــــــــ ✿༺✿༻✿ ــــــــــــــ
لاتجيني.. هنانـه نــاس ابـلا حميــة
لا تجيني.. امـن القصر أصبح رميـة
لاتجيني.. ومـــن بُعُــد ســلّم عليــه
ــــــــــــــ ✿༺✿༻✿ ــــــــــــــ
هذا حالي.. استمـع يحسين حالــي
هذا حالي.. الكلمة خانــوهـا يغالــي
هذا حالي.. فــدوة لك بس لاتُبالــي
ــــــــــــــ ✿༺✿༻✿ ــــــــــــــ
بس امانة.. بْنَيتي مظلومة و يتيمة
بس امانة.. چـانت اتسمّيني خيمــة
بس امانة.. والأبــو فكده هضيمـة
ــــــــــــــ ✿༺✿༻✿ ــــــــــــــ
📝 #الشاعرة_زينب_الخفاجي
🌿 #اللهم_صل_على_محمد_وآله
آهٍ لِفَقدِكَ يَبنَ عَمّي وَنَاصِري
قَطَّعتَ قَلبي مُذ سَمِعتُ قَتِيلُ ..
قَالوا قَضَى عَطَشًا غَرِيبَاً مُفرَداً
أبكي لِفَقدِكَ وَالدُمُوعُ تَسِيلُ ..
وَا مُسلِمًا نَاديتٌ آهٍ يا أخي
أحنَيتَ ضَهري والفِرَاقُ طَويلُ ..
كُنّا وَ في رَغَدِ الحَياةِ سَويَّةً
في حُلوِها والمُرِ أنتَ خَلِيلُ ..
هَذه يَتامَاكَ تنادي وَالدي
هَل لِي بإخبَار ِالصِغارِ سَبيلُ ..
نَادًيتُ أولادي تعالوا سارِعوا
قُتِلَ السَفِيرُ فالمُصابُ جليلُ ..
=======+=========
نعي
الميت بالدفن اهلة يحضرون
واخير وداع للغالي يودعون
ومسلم ضل غريب ايدير العيون
اهلة بعاد عنة وموش يدرون
=================
كل ميت هلة تطلع تشييعة
وفوكَ متون اخوتة يصير رفعة
وكل واحد يصب اعليه دمعة
ومسلم وحدة ومحد يتبعة
===================
عد اهلة اليموت يوادعونة
واولادة واخوتة اليحضرونة
ومن رجليه مسلم يجرونة
بالسوكَ وشماتة ايشاهدونة
==================
الميت للگبر تتعنة اهلة
ودوم الفاتحة يقرون لجلة
مسلم بالگبر محد وصلة
بطوا عنة وبقت بالروح علة
================
يتاني اهلة يجون من المدينة
شابح بالنضر صوب الضعينة
يجون احبابة ضنة وگاصدينة
وعيونة تصب دم وحزينة
===================
ما يدري تطشر ضعن الاحباب
وعزيزة حسين نايم فوكَ التراب
واهلة وكل اخوتة الصفوة الاطياب
وبنيتة حميدة بين الاجناب
====================
(ابو ذية)
يدي وما هدالة ير حميدة (جرحة مدة)
يريت بهاي مسلم ير حميدة (يرة حميدة)
شلون الشمر بيدة ير حميدة (جر حميدة)
وتناديلك يبوة الحكَ علية
==================
اسألكم الدعاء رائد الاسدي
لطمية / مسلم ١٤٤٦
💧💧💧💧💧💧💧💧
مسلمٌ إبنُ عقيلْ ثورةٌ في كلِّ جيلْ
ضد طاغوتِ الزمانْ
١/ حيدريٌّ في الهوية لا يبالي بالمنيّة
إسألوا عنهُ الحميّة والإبا والعنفوان ْ
٢/ثائرٌ حرٌّ معلِّم ضد طاغوتٍ ومجرمْ
أعلن الثورةَ مسلم ْ دمُهُ خَطَّ البيانْ
٣/مسلمٌ بات غريب ْهاتِفاً ما من مجيبْ
ذاكَ واللهِ عجيب ْ آهِ من غدرِ الزمانْ
٤/لا تقُل ْ كوفانُ تابَتْ حين شَبَّت ما استجابت ْ
وعلى الخذلانِ شابت ْ رسَبَت في الامتحان ْ !
٥/لهف نفسي للسفير ْ وحدَهُ الآنَ يسير ْ
تائهاً أين المسير ْ حاصروهُ بالسِنان ْ
٦/يا أميراً غدروهُ. وأسيراً قيدوهُ
ومن القصرِ رموهُ ليس للعهدِ ضمانْ
٧/ليس للكوفة ذِمّة إسألوا عنها الأئمة
إن للرزءِ تتمة... مسلمٌ دون أمانْ
٨/أخبروا المولى الحسينا مسلمٌ يبكيهِ عينا
صاحَ لا تأتِ إلينا لا وفاءَ للجبان ْ!
٩/مسلمٌ حيدرُ ثانِ من أذى الغدرِ يعاني
جُرَّ في السوقِ وهاني وأميرَ الأمسِ كان ْ !!!!
١٠/ مسلمٌ ألفُ مقاتل معنا اليومَ يقاتل
دكَّ بالنارِ المعاقل فعلا منها الدخان ْ!
١١/في طريقِ القدسِ جاءَ ينزفُ اليومَ الدماءَ
سيفُُهُ نوراً أضاءَ منهُ نصرُ اللهِ بان ْ!!
١٢/ إسمعوا قولَ الحسينِ في الجنوبِ الآنَ منّي
أنتمُ اليومَ بعيني والجنوبُ لا يُهان ْ !
محمد طالب العاملي
لطميه للنزول في كربلاء
خويه دخيل ردوني للاوطان
روحي موجله من هذا المجان
………………………………
هاي ارض الكدر وام المصايب
من عدها الگلب يحسين ذايب
بيها تنذبح ونظل غرايب
عليكم خايفه والحيل عدمان
……………… ..… . …… ..
عثر بيها المهر يحسين ردني
يگللها يزينب خويه صبري
بعثرة مهرتي ينگطع نحري
يحز الراس مايرحم الخوان
………………… …… . ..……
أبذاك الرمح راسي يشيلوه
وهذا مجان صدري من يرضوه
وعبدالله على ذراعي يذبحوه
وگلبي عا رضيع يصير خلصان
………………………
ذيج العاليه التله تصعدين
فوگ الراس بالعشره تشبچين
تتراكض عليه الخيل صوبين
وتصيحين يالمذبوح عطشان
……………………… ..
صدي للشريعه هناك عباس
جفه ينگطع يتهشم الراس
وكل اخيامكم تحرگها هالناس
واعتابج ازيده الگمر عدنان
……………………… ..
بلاخيمه يبت امي تظلين
وبليل اهدعش بالبر تنامين
بعين مساهره للصبح تبقين
يحضرلج علي داحي البيبان
………… تمت…………… …
بقلم ام زهراء
في ليلة 3 محرم
كربلاءك .. بيها من طب الظعن
كربلاءك .. سمعت اونين الحسن
ضمَّك او بيده كتاب
كله آلام او عذاب
يبو اليمه
&&&&&
المجتبى من وصل ظعنك كربله دمعاته تنصب
ضمَّك الـ صدره أخيَّك و الگلب نيرانه تلهب
گلَّك اهنانه يخويه أوداجك امن الدمه تشخب
و الگمر عالشاطي يوگع او تنسبي للشام زينب
كربلاءك .. بيها خيل او بيها نار
كربلاءك .. اتشيِّب اگلوب الزغار
منحرك بچَّه التراب
كله آلام او عذاب
يبو اليمه
&&&&&
ابكربلاءك يا بو الأكبر ايهشِّمون ابخيل ضلعك
او يرفعون ابرمح راسك خويه و ايگطعون إصبعك
كافي لو آنه أكمِّل بالحچي خايف أفجعك
تنسبي زينب بعدكم او صرخةْ امعاتب تسَمعك
كربلاءك .. ترفع ابوجهك سيوف
كربلاءك .. امن الگمر تاخذ چفوف
ينكتب أقسه عتاب
كله آلام او عذاب
يبو اليمه
&&&&&
ابكربله اتشاهد عيونك صوره تدمي للمشاعر
من يرد لك علي الأكبر امگطَّع ابحد البواتر
اهنانه بالطف چم مصيبه اتشيِّب ارموش النواظر
أعظم امصيبه يخويه اتغيِّر ارسومك حوافر
كربلاءك .. بيها فطرس ظل يصيح
كربلاءك .. مصحف الباري ذبيح
يلطم ابراسه السحاب
كله آلام او عذاب
يبو اليمه
&&&&&
أقسم ابدمعةْ رقيه و أحلف ابطيبةْ احساسك
عالشريعه الگمر دامي اتشوفه و اتضيگن أنفاسك
كربله اتضَيْع العقيله او تاخذ ابساعه أغله ناسك
ابهذا ما تكتفي هيه عالرماح اتشيل راسك
كربلاءك .. يالأخو اتعوفك وحيد
كربلاءك .. تهديِ الحره الـ يزيد
تهتك ابأشرف حجاب
كله آلام او عذاب
يبو اليمه
&&&&&
يا بو الأكبر يا عضيدي الحسن ما ينسه أهله
ابكربلاءك جيت حته ابصدري أستقبل النبله
مَوَّتِت گلبي ابغيابك الفرگه لتظن خويه سهله
احسين عندي طلب واحد نحرك الطاهر أقبله
كربلاءك .. فجِّرت عين النحيب
كربلاءك .. إلنه ما خلَّت حبيب
أخذته بيد الغياب
كله آلام او عذاب
يبو اليمه
&&&&&
كربلاءك قبله صارت ما يجيها الما قبلته
كربلاءك مَتِّعَوَّض او خويه ما تتعوَّض انته
كلمن ايحبن عزاءك او ما يفرِّط في خِدِمْته
تگضي كل حاجه ابدليله ابگلبه لو يحچيها سكته
كربلاءك .. يا حبيبي يا حسين
كربلاءك .. جنه بعيون السنين
الدعه بيها مُستَجاب
كله آلام او عذاب
يبو اليمه
&&&&&
إبراهيم الدريس
🔹 #الوصول_الى_كربلاء.
🔷 #طور_الجفيري
#محرم_1446هـ
بهـــاي الأرض اشتم دمــه
و دمعــات امـي فاطمــة
عبراتـي بيهـا امحطمّــة
كالــــوا ارض كَــرب وبــلا
ـــــــــــ˗ ✿ ✿ ✿ ˗ـــــــــــ
و الإســم الاخــــر نينــوى
مــن اسمعت قلبـي التـوى
و مــن النفس راح الهــوى
و ظــلت دمعـتــي هامــلة
ـــــــــــ˗ ✿ ✿ ✿ ˗ـــــــــــ
والثاني كالولـي الطفــوف
قافيتـه ابقلبي السيوف
بي لازم نلاقي الحتوف
ونشــــوف نبــلة حرمــلة
ـــــــــــ˗ ✿ ✿ ✿ ˗ـــــــــــ
و الغاضريـــة بــي جــرح
هذا الإسم مابـــي صُبـح
بس بـي مناحر تنذبــح
هــــاذي يخوتـــي كــربله
💔يا كـربله يا كـربله💔
ـــــــــــ˗ ✿ ✿ ✿ ˗ـــــــــــ
📝 #الشاعرة_زينب_الخفاجي
🌿 #اللهم_صل_على_محمد_وآله
*گوريز وصل ركب الآمام الحسين الى كربلاء زينب والهلال*
القافلة تسير الى كربلاء وقبل الوصول اليها مولاتي زينب رفعت غطاء الهودج واذ بها ترى هلال الليلة الأولى من محرم في كبد السماء وهي تعلم ما سجزي عليها في عاشر محرم ~ وخاطبتها بدموعها~
هلال المحرم~ اتراوالي مأتم
هلّت عليّه ~ وگلبي تألم
شعندك الليله~ ويّا العقيلة
گلبي فجعته ~ ودمعي بمسيله
ليش يا زينب~
جايبلي حسره~ ودمعه وعبره
وابن امي مذبوح~ يحزوا نحره
وعا صدره حافر~ يسحق بـ عاشر
وانا انِظْره ~ .بلا مناصر
أشوفه بلاءك~ راسه بسماءك
ويرفعوا راسه ~ في كربلاءك
وانه سبيه ~ بالغاضريه
واخوتي ضحايا ~ فوق الوطيه
وازينباه وازينباه وزينباه
خادمة آل محمد✍
هذا وادي كربله كرب بلا
هذا وادي كربله كرب بلا
@@@
هنا بني طالب ضحايا امجدله
هذا وادي كربله كرب بلا
@@@
بهالارض مكتوب موت اهل العلا
هذا وادي كربله كرب بلا
@@@
وبيها راحت كل بني عقد الوله
هذا وادي كربله كرب بلا
@@@
من خبر مسلم وگع بين الملا
هذا وادي كربله كرب بلا
@@@
الى مصرع بوعلي ابرمضه الفلا
هذا وادي كربله كرب بلا
@@@
بيها روس وعالعواسل مايله
هذا وادي كربله كرب بلا
@@@
وبيها زينب گيدوها ابسلسله
هذا وادي كربله كرب بلا
@@@
الشاعر : علي احمد الحمود
#شور_للعليلة
أنا وحسين عين بعين صرنا ودمعت عيونه
ما جنت ادري كلمن بي مرض اهله يعوفونه
الما يأخذ بجفها حسين منوه الياخذ بجفها
ضعن نظراته بس عالكاع مدنگ حتى ميمونه
ابو فاضل بچه شفته
ما باوعلي من صحته
مديت ايدي وي گلبي
وضم چفه الگبل بسته
چَلبت بجدام حسين بس ما رضه ياخذني
ارجع وارد اركض حيل ام عون لو ردتني
تتلفت اعليه النوگ بچيتها وبچتني
.
.
.
اول مره اشوف اهلي يوازوني على ادموعي
ومن اسمع بكلمة خيل احس تتكسر اضلوعي
بأمر حسين كلها تروح جبير ازغير ما يبقى
طلع حتى الضوه البالبيت واني وحدي عافوني
إخذوني اگللهم
وعافوني ومشو كلهم
حتى اعبايت الزهره
اخذوها وبچيت الهم
شما اسدن بجفي البيت تنفتح كل بيبانه
وادموعي تكتب عالگاع بتكم ترا تعبانه
ازحف ازحوف وي النوگ لو كالوا امشي ويانه
.
.
.
.
أنه الما راضيه وزعلان گلبي بهاي طلعتهم
الزلم غيم عليها الموت اظن بس روس رجعتهم
نحر عبدالله مدري شبي مثل وجهي انخطف لونه
اطيح اگبالهم ضليت وتطيح اگبالي دمعتهم
شَرَبت الطفل بيدي
يگلي عايني اوريدي
صاح حسين من شافه
آه يا بويا يوليدي
شما صَعِد اهدومي حسين ينزلها من الناگه
ما گدر ياخذني وياه وما اگدر اعله افراگه
بيا اله كلشي يكول مشتاگه اضل مشتاگه
.
.
.
.
نِثرت اثار رجل حسين على وجهي وعلى احجابي
رَكْضت خايف اركض ليه من يندگ علي بابي
التجاعيد البوجهي تكول شفه من العطش ذبلت
من گطعتهم لهل اليوم على شدتهن اثيابي
وعلى رجعتهم أمن أسأل
متاعي وَحَده ينحل
احلم بالضعن حاير
يشبهني وعلي معلعل
واحلم بواحد عطشان وتحاوطه الخياله
ايد بضهر ايد بسيف ويتلفت اعله لعياله
يفزع بربعه الميتين وولا واحد اليبراله
.
.
.
.
بهدوء الليل اسمع صوت يشبه ممشه خيل البر
بحوافرهن تصدرَ أصوات مثل قاروره تتكسر
واشم دخان مال اخيام محترگه وبشر تركض
واشوف اجفوق مگطوعات وخيام محاوطه بعسكر
ومره احلم ضعن مسبي
وروس مگطعه وتربي
اعله حرمه جبيره مجتوفه
واصيح اسم الله من گلبي
بالحلم واحساسي يگول چن هالمره علويه
تشبه العمْتي ويا ناس بس عَمْتي ما مچويه
مو عمِتي هاي ام عون هاي المره محنيه
عبدالله الشويلي
حسين گال بكربلاء
حسين گال بكربلاء
گال لأخته بهلنداء
استعدي للبلاء آه يازينب
★★★★★
گال يازينب يبت خير العمل
ودعت بحماچ ودعت الاهل
صبري يختي شماجره اعلينه وحصل
لكل أجل حتماً كتاب الكل أجل
نايبتنه ابكربله
اعلينه يختي امسجله
عينچ على العايله آه يا زينب
★★★★★
صبري يوم الطف إذا مسچ قهر
وگلبچ من الفاجعه المره انكسر
الله حاميكم اذا يلفي الخطر
والله حافظكم يبت خير البشر
تگضي هاي الموزمه
الصبر احسن خاتمه
يبت حماي الحمه آه يا زينب
★★★★★
صبري يابنت المهابه والحجاب
الله ينجيكم وحگ رب الكتاب
ومايمسكم شر بعد هذا المصاب
عاقبتكم خير من بعد العذاب
ربچ الباري الجليل
يعوفكم لامستحيل
والخصم باچر ذليل آه يا زينب
★★★★★
صح يزينب باچر يمرچ عسر
وتمشي وياچ الحراير للأسر
وعينچ تشوف الزمان المايسر
يكسر الريح الجبل ماينكسر
جبل انتي من الصبر
بوجه كل شده تمر
ولله تاليه الأمر آه يا زينب
★★★★★
صح تمرچ باچر هموم السبي
وبلضعن حداي يمشي الأجنبي
صبرچ على الهظم يابنت النبي
باچر اگبالچ ذليل الناصبي
والنصر يصبح حليف
وموقف الظالم ضعيف
وموقفچ بالغربه سيف آه يازينب
الشاعر حسن لعيبي الحريشاوي
#في_الخدمة_المقدسة
#محرم_١٤٤٥ #نعي
(الوصول إلى كربلاء)
وصلت كربلا زينب .. وعليها بدت الهموم
شاهدها أبو فاضل .. وقلها ما تخافي دوم
آنه كافلك يختي .. وما عوفك بعد هاليوم
بعيوني يبت حيدر
أحرس خيمة الخدّر
وادفع عنكم العسكر
نادي بو الفضل عباس .. عند الحاجة تلقينه
&&&
لكن سامحي عيوني، لو غابت ضهر عاشر
ولو شافوكِ يا زينب، ظليتي بلا ناصر
ولو ناديتِ يا عباسْ، وما قلك بعد حاضر
عذريني أجيكي منين؟
وآنه مقطع الإيدين
والسهم انحفر بالعين
عذريني يا أغلى الناس .. وربي قلبك يعينه
&&&
وعذريني بعد يختي، لو مَشّوكِ مسبيه
وضربو متنكِ بْالِسياط، وعينك تعتني ليّه
تناجيني يا بو فاضل، الشمر يأشّر عليَّ
وعالرمح اعتلى راسي
تشوفه عينك يقاسي
لو قلتي يا عباسي
شاب بصرختك هالراس .. وسالت دمعته بعينه
#زينب_فياض
▪️ قصيدة لطم
هنا كربلاء
وردَ عن مولانا أبي عبد الله (ع) أنّهُ قال:
خُطَّ الموتُ على وُلْدِ آدم *مخطَّ القلادةِ* على جيدِ الفتاة..
ها هُنا
ستحكي الشهادهْ...مَخطَّ القِلادَهْ
ها هُنا
بِمَوتي وِلادَهْ...وحُزني سعادَهْ...ها هُنا
١/أرى ما لمْ ترَوْا خلف الغطاءِ
فيا آلُ استعدُّوا للبلاءِ
دعاني اللهْ من عرشِ السماءِ :
حسينُ انزِلْ فهذي كربلائي
ها هنا
محطُّ الفداءِ...مناخُ الوفاءِ
ها هنا
"صفا" الإنتماءِ..."ومروى" الإباءِ..ها هُنا
٢/هنا ينشقُّ من رحم الزمانِ
نهارٌ ليسَ يُحصى بالثواني
فعاشورا على طولِ المعاني
سيغدو واحِداً منْ دونِ ثاني
ها هنا
تكونُ البدايهْ...ولا منْ نهايَهْ
ها هنا
سطوعُ الولايهْ...فكلُّ الحكايهْ..ها هنا
٣/هنا شمرٌ سيأتيني بمَصْرعْ
ولكنْ سيفُهُ بالنحْرِ يُقْطَعْ
صَحيحٌ أنَّ أعضائي تُبضَّعْ
ولكنْ هيْكلُ الإسلامِ يُجْمَعْ
ها هنا
دمائي الضمانهْ...لتبقى الديانَهْ
ها هنا
وحفظُ الأمانهْ...وقتلُ الخيانهْ..ها هنا
٤/ألا يا زينبٌ رغمَ الرزيَّهْ
وما تلقَيْنَ ظلماً منْ أُميَّهْ
هُنا تبْنينَ مجدَ الغاضريَّهْ
فتَاجُ الأرضِ : "تلُّ الزينبِيَّهْ"
ها هنا
يُرَى التَّلُّ عالي...كمثلِ الجبالِ
ها هنا
ووادي الرمالِ...حصاهُ اللآلي..ها هُنا
٥/ترَوْنَ البِيْدَ قفراءً ورمْلا
أرى كَرْماً وزيتوناً ونخْلا
فقوموا وافرشوا الغبرا مُصلَّى
فهذا اللهُ يا صحبي تجلَّى
ها هنا
أنا بالدِّماءِ...كليمُ السَّماءِ
ها هنا
غدتْ كربلائي...كطورِ الضياءِ..ها هنا
جواب الأصحاب
٦/فقالوا : إنَّما الدُّنيا كساعَهْ
بها إلاّكَ لا نرجو قناعَهْ
فيا بنَ المرتضى سمعاً وطاعهْ
صلاةُ العشقِ قدْ قامتْ جماعهْ
ها هنا
نلبِّي الإقامهْ...بنصرِ الإمامهْ
ها هنا
سَنُحْيي الكرامهْ...فيومُ القيامهْ...ها هنا
#محرم_١٤٤٥هج
#لطم_هنا_كربلاء
#اللهم_عجل_لوليك_الفرج
الشاعر علي عسيلي العاملي
*القصيدة من ديوان 📚 عبرات وأنين الجزء الثاني*
*قصيدة للنزول الى كربلاء*
❥━──➸➽❥❂❥━──➸➽❥❂
هاذي كربله يحسين بالعيله وصلناها
وحشه وتخمش الدلال يالوليان شفناها
❥━──➸➽❥❂❥━──➸➽❥❂
وحشه وتخمش الدلال طبتها يوالينه
وصلنه لكربله هاليوم وعفنه ديار اهالينه
ومن بعدك يخويه حسين چا ياهو اليحامينه
وظلت هالعليله تنوح ويانه ما خذيناها
❥━──➸➽❥❂❥━──➸➽❥❂
هاذي كربله يحسين ظلمه وموحشه هاليوم
من يوم ادخلت بيها من عندي الگلب مالوم
حزنانه وأهل العين وخوفي اعله اخوتي هاليوم
أرض الكدر والاحزان حملنه واجيناها
❥━──➸➽❥❂❥━──➸➽❥❂
عفنه ديار اهالينه وظلت موحشه الديران
بعجل يحسين ردونه لديار النبي العدنان
هاذي كربله بيها حرگ الخيم والصيوان
اجينه اليوم لأرض الشوم والديران عفناها
❥━──➸➽❥❂❥━──➸➽❥❂
الساده نزلو الضعون بوادي كربله يمشون
وبدار الحزن هاليوم للمعركه يتانون
حملو عيالكم وامشو منكم هالعده يخافون
بعجل ردني يخال ابني صعبه اليوم ممشاها
❥━──➸➽❥❂❥━──➸➽❥❂
بعجل ردونه يالخوان يم ديار اهالينه
من طبينه لأرض ألطف ما واحد نشد بينه
اخافن هاي الكفار ابد ما تنغر علينه
وگلبي موجر وحزنان من يوم الوصلناها
❥━──➸➽❥❂❥━──➸➽❥❂
*بقلم✍🏻خادمة اهل البيت*
*الشاعرة العلويه مريم النور*
*نسألكم الدعاء الفاتحه الى روح اختي ولامواتكم:🍃*
1446 هـ
#قصيدة_لمحرم_الحرام
مسلم .. مسلم .. رفت راية مسلم
*
مسلم صبح راسه يفور لسابع سمه بركانه
غص ويبس ريجه يزيد اهتز القصر بأركانه
لو ينهدم قصره اعليه لو تنقلع بيبانه
تمشي وي راگ الحيطان وجه الفجر فرسانه
يرهب.. يرعب .. وبين الشافه ويهزم
*
طب شايل بجفه السيف وابن امه اليمد راسه
واليكرب لباب الدار. رد منكطع بانفاسه
والما تكض رجله الكاع عاش برعب وهواسه
بيده الركب مثل الماي يشمرها شمرة طاسه
يسطر ..يعبر .. وبيده السطرات اتعم
**
طشت خرز فوك الكاع روس الزلم خلاها
يتبخر بصوت الجيش مثل السحب سواها
غار وعليهم كرار نجوم الظهر راوها
للكوفه طب بصدرين ملكه الفحل لاكاها
وحده .. وبيده ..كام يطشر ويلم
**
نازل عليهم طوفان ويغرك السفانه
بقصر الاماره من غار تهتز جميع اركانه
والمنهم يصيح بصوت مسلم يكص لسانه
واحد واخذ كل الدور شحال و يجون اخوانه
بحيدر ..قرر .. من يهاجم يقسم
****
نار واجت لابراهيم. تشبع برد بجفوفه
بضحكة سماره المهيوب وجوه الزلم مخطوفه
من يلتفت صوب الجيش. تختل جميع صفوفه
مو سيفه جنه اسرافيل ينفخ بنص الكوفه
غصوا. فروا .. من اعليهم يهجم
****
كلمة علي بحلكه تلوك شهكت جميع القاده
كباله القصر ما مهيوب لا بجه حت اسياده
الهيبه بس لاهله تلوك حيوا سفير الساده
هوه اصل من داحي الباب ويزيد منهو اجداده
ساده .. وقاده.. كلهم بني هاشم
****
تمت
#احمد #الخفاجي
كعدية مسلم ابن عقيل
انصبلك مأتم يحسين ودموع ابجيلك
وتلطملك صدري الجفين وادموع ابجيلك
من دونك ياعافيتي
مخنوگة انفاس بريتي
ودموع ابجيلك ودموع ابجيلك
ــــــــــــــــــ
حسين طلسم روحي أسمك عايش بفكري وضميري
وين ما أصد أنتميلك أنته مولاي وأميري
تگلي يا مسلم حبيبي أنته وأيميني وسفيري
الحيل أنته وي الگمر
أحزامين أنتم بالضهر
ياتجوتي وعز وفخر
سري أنته وهوه بيري
من أوجاعي نشل الحيل وادموع ابجيلك
واسمع صوت أمراگض خيل وادموع ابجيلك
تنصبك مأتم روحي
بين اجروحي وجروحي
وأدموع ابجيلك وأدموع ابجيلك
ــــــــــــــــــ
حسين ياجمرة دليلي بالحزن يبن الصميدة
بالي يمك بيك أفكر سيدي وناسي حميدة
گمت مو مرسال ادزلك ع الفراگ اكتب قصيدة
اصبع قلم حبره الدمع
يحسين واهات وفجع
بفكاري حافر عله الضلع
وانفاسي من يمك بعيدة
اتخيل يحسين اسهام وادموع ابجيلك
واتخيل دمعات ألالم وادموع ابجيلك
من وحي احساسي البية
اسمع گطع الترجية
وادموع ابجيلك وادموع ابجيلك
ــــــــــــــــــ
كون يمك يا حبيبي بكربلة يحسين حاضر
اني عد عينك أكلك لا تنادي هل مناصر
بجفي اشيل اتراب واطفي بالمخيم نار باجر
أفديلك الدم بالنحر
وأبعد أطفال من خطر
وامشي وي خوي اعله النهر
درع للجود اليسافر
لو يوكع جود الوفاي وادموع ابجيلك
من ادموعي اترس ماي وادموع ابجيلك
ولجلك أكطع جفيني
والنبلة تصير بعيني
وادموع ابجيلك وادموع ابجيلك
ــــــــــــــــــ
صارت الكوفة بكبرها خنگة والله وجنها حفرة
والغريب وماله أحد گلي يحسين شيصبرة
لليحبك وطن انته الما يحبك يقضي عمره
ياوطن للماله وطن
والمايشوفك ممتحن
يامنبر ودمعه وشجن
وانته بالاهات عبرة
يامجلس حزني بأهات وادموع ابجيلك
ياباب وأقرب للذات وادموع ابجيلك
حزني فرضي و تسبيحي
يادمعه بعيني وطيحي
وادموع ابجيلك وادموع ابجيلك
ــــــــــــــــــ
يا حنين وماكو مثلك يا بشر شايل محنة
كلبك بگد العوالم وبالخلق كل نبضه جنة
أنته من اهل الله فطرة وحبك اليجمع شلمنه
يا راس مال ويا ربح
والخاسر يصير الرمح
حبك الغزر بالملح
المايحب شعلينة منه
ياحاكم بالحب أقلوب وادموع ابجيلك
ياغالي واغله محبوب وادموع ابجيلك
ياسلطان اعله الوادم
يا حرز وحب الخادم
وادموع ابجيلك وادموع ابجيلك
ــــــــــــــــــ
مأتم بدار العظيمة سيدي وذكرك أرفعه
وخادمة موكب عزائك طوعة يامولاي شمعة
اني اقرة عن غربتك من خواطر هية تنعه
انعى اعله كربك والبله
عايش الغربة بكربلة
واني الغريب الما اله
واحد الي يبجيلي دمعه
بس انته التبجيلي هناك وادموع ابجيلك
شگد اتمنى هسه وياك وادموع ابجيلك
عن حالك من تحجيلي
وعن حالي من تبجيلي
وادموع ابجيلك وادموع ابجيلك
ــــــــــــــــــ
الشاعر زين العابدين الشمري
#قصائد_في_خدمة_الخطباء
#ذو_الحجة١٤٤٥
#شهادة_مسلم_بن_عقيل(عليه السلام)
(لسان حال سيد الشهداء عليه السلام لمن كان معه عند وصول خبر شهادة مسلم بن عقيل عليه السلام)
[قصيدة عمودية]
خبرٌ فظيعٌ منهُ سالت أدمُعي
هذا كتابٌ فيه مسلمُ قد نُعي
قتلوهُ والجسمُ الخضيبُ رَمَوْا به
من سطحِ قصرٍ للدَّعيِّ ابنِ الدّعي
وكذاكَ قيسٌ من سعى برسائلي
أضحى شهيدًا في المقامِ الأرفعِ
بعضُ النجوم هوت وبعضٌ بانتظارِ
نداءِ مالِكها الرّحيمِ أنِ ارجِعي
إنّي لماضٍ والشّهادةُ مقصَدي
وبها المفازُ لكلِّ من يمضي معي
إنّي إلى أرض البلاءِ توجُّهي
منها يكونُ إلى حبيبي مَرْجِعي
لا نصرَ لي إلّا بقتلي ظامئًا
لا نصرَ إلّا بانكسارِ الأضلُعِ
لا نصرَ إلّا بالرؤوسِ على القنا
وبضربِ أطفالي وسلبِ البُرقُعِ
وبسبيِ زينبَ فوق ظَهر هزيلةٍ
وبشتمها جهرًا وشتمِ الأنزَعِ!
#عظم_الله_أجوركم
فاطمة رزق
اسألكم الدعاء
مجلس مسلم ١٤٤٦
💧💧💧💧💧💧
في العينِ دمعٌ بل نزيفُ دماءِ
لمصابِ مسلمَ مأتمي وعزائي
ثقةُ الحسينِ حبيبُهُ وسفيرُهُ
روحي الفداءُ لأعظم ِ السفراءِ
صلى بهم في الفجرِ يالهفي لهُ
يبقى وحيداً في صلاةِ عِشاءِ !
أبكيهِ ما بين الأزقةِ حائراً
يا للغريبِ يدورُ في الأحياءِ
وتراه من بعد السقايةِ طوعةٌ
بالباب يجلسُ جلسةَ الغرباءِ
أنا مسلمٌ وانا الغريبُ بمِصرِكم
لا أهلَ لي في هذه الأنحاءِ !
لكِ طوعةٌ للأجرِ إني ضامنٌ
من حيدرٍ وشفاعة ِ الزهراءِ
قصرُ الإمارةِ يا حسينٌ شاهدٌ
تأتيكَ منه ُ أفجعُ الأنباءِ
يرمون من قصرِ التآمرِ مسلماً
صبغَ الثرى بالدمِّ لا الحنّاءِ !
وبرأسِهِ جابوا الأزقةَ ويحَهم
هذا سليلُ السادةِ النجباءِ
ويُجرُّ مع هاني بِذُلِّ مهانةٍ
فوق الثرى.تبت يدُ الحُقراءِ
في كربلا لكَ كان أولُ مجلسٍ
ينعاكَ فيهِ سيدُ الشهداءِ!!!!!
محمد طالب العاملي
قصيدة ( كل الخدم ) من وزن الميمر المجنس
شهر الدمـــع آه يحسين
كــل الخــدٓم تنتظــــره
*---------------*---------------*
شهر الحزن خـدامك انتــه تعــدله
عده وعــدد كــل عام والله تعدله
والمــايـل بمجلس عـــزاء أتعــدله
لكن شرط يبقى وياك
كــون الــزمــن ميغيره
*---------------*---------------*
أنادي بألم شهر الحزن مر بينا
طعم الفــرح يــا سيدي مر بينا
عدنـــــه جفن للفاجعه أمربينه
كل وكت يجري الدمعات
لجل المصــايب حمــره
*---------------*---------------*
شهر الحزن مولاي لــوعـه وعَبرَه
من ثورتــك ناخــذ دروس وعِبره
مــركب محبتــك للشدد بي عبِره
الما يركب بحب حسين
محـد بـــعــد اليعبــره
*---------------*---------------*
شهر الحزن ركن الصبر هد بينا
وموج الدمع من الحزن هد بينا
عجــل لثــارك سيــدي هــد بينا
أنــادي بمجالسنا الثار
والمهدي عجـــل أمره
*---------------*---------------*
وي الدمــع عدنه لمصابك عشره
وحزنك فــلا مثلــه يمر لا عشره
بالنحـــر نقسم والليــالي العشره
لأخـــر نفس نبقى وياك
يبــن الــزچيــه الزهــره
*---------------*---------------*
انشد الحزام أبكـل عــزم و انعگده
ومجلس عــزائك كل زمان انعگده
شهــر المحـرم مــا نبطـــل عگــده
عگد العمر وي عاشور
وقعه الشيعي بعمــره
*---------------*---------------*
عن مجلسك ذاك الظلم مـا ردنه
ردنـه محــرم غيــره لا مــا ردنه
ويومك يظل طول العمر ماردنه
يومك شعل بينا أحزان
مثـــل الخيم مستعــره
*---------------*---------------*
جننـه حبــك مــا شخـص جننــه
يا مــن خدمتك تنحسب جنه انه
من الخطر صحنك يظل جُنه انه
صحنك آمان لهل الناس
كم من حديث أنـــذكره
*---------------*---------------*
الشاعر
موسى البديري
في ليلة النزول
ظعن أبو السجاد وصَّل كربلاء
و ابتِدَه حجِّ المناحر و الدماء
الكعبه برض الغاضريه
روح ابن حامي الحميه
&&&&&
نزلت ابأرض المصيبه .. اليوم أشرف قافله
و المنيه احسين بالطف .. واكفه تستقبله
احرام أبو اليمه دماءه .. او نيِّته اِصلاح المله
او حَجَّه لعظم ما يصيرن .. إلا بس ابكربله
ربي لبيك ابكطع نحري نداه
يوكع اعله الكاع مخضوب ابدماه
ابكربله تحيي البريه
روح ابن حامي الحميه
&&&&&
من نزلها الغاضريه .. جانت اتحفَّه القمم
او يوم عاشر بس هنادي .. اتحفَّه و اسهام الألم
ينكطع نهرين لله .. ابكربله تطفح قيم
و اليكرهون المعالي .. ابنار ايحركون الخِيَم
ابسبي أم الخدر تكمل حجِّته
او من يضربون ابصلافه ابنَيِّته
طفلته اتضمها ابمنيه
روح ابن حامي الحميه
&&&&&
ابكربله من يهوى جسمه .. كاعه تتحوَّل سماء
الظلمه من تأسر الدنيه .. لازم ايثور الضياء
كعبةْ الحب و الطهاره .. احسين صار ابكربلاء
و ابـ صفر صارت النفره .. مشي ناسه الأوفياء
المروه صارت بالطفوف اويه الصفا
خيمته او خيمةْ أبو الينضح وِفَه
ترسم ادروس الحميه
روح ابن حامي الحميه
&&&&&
إلفرات اشلون يجري ؟! .. هالنهَر فعلاً وكح
احسين ايجيله ايطُلبه كطره .. او عالبحر بيها يِشِح
عالأرض عينه تشاهد .. جرح يشبكله جرح
او ينطي هم لله رضيعه .. فوكـ صدره ينذبح
و الهَدِي الـ حَجِّته عبدالله الطفل
فوكـ صدره ابسهم غادر ينكِتِل
السمه تبجي و الوطيه
روح ابن حامي الحميه
&&&&&
لازم ابعاشور حافر .. يسحكـ ابصدر النبي
او حَجَّةِ احسين العظيمه .. بس يكمِّلها السبي
ألله شاء او هوه قدَّر .. تمشي إخته اويه أجنبي
او تشتكي الـ جدها مصابه .. فوكـ تل الزينبي
اتشوف رحمةْ ألله مرفوعه ابرمِح
و السياط اتسولف اهيه اويه الجرِح
اتسولف ابصوت الرزيه
روح ابن حامي الحميه
&&&&&
خادم الحسين : إبراهيم الدريس
في ليلة 3 محرم (النزول)
على لسان السيدة زينب (ع)
يوادي الغاضريه امن الوطن جينه
لا صايح (هلا) او لا رحَّبُت بينه
تضم يا محنه ليه ؟!
يوادي الغاضريه
&&&&&
يوادي الغاضريه اضيوف هالساعه إجينه
إلك آنه و اخوتي او كل هلي امن أرض المدينه
لجن ما أعرف اشصاير يـ هالوادي علينه
أحِسَّك انته ما رايد تتلكَّه الظعينه
تره احنه الكون لولانه فلا صاير
او لو غيرك وِصَلنه جا وكف صاغر
و ايأدِّي التحيه
يوادي الغاضريه
&&&&&
أويلي اشلون ملكه صار هذا اليوم إلنه
يستقبلنه جيش او خيل ما أدري اشعِمَلنه ؟!
يوادي الطف أظن الكوم تترقَّب جتلنه
لعد كاعك عسانه لا إجينه او لا وِصَلنه
عسانه لا إجينالك و لا اوصَلنه
بيدك راس مكطوع آنه أشوفَنَّه
أشو بيدك رِزيه
يوادي الغاضريه
&&&&&
علينه اشمالك امجرِّد يوادي الطف سيوفك ؟!
عجيبه اشلون انته هيج تستقبل ضيوفك !
مثل حبل المشانق تعدم أحلامي أشوفك
ابخبر أرجوك زوِّدنه لو رايد نعوفك
ابخبر زوِّدنه لو رايد يطف نرجع
ما أريد آنه أشوف اعزازي تتبضَّع
اشويه حِن عليه
يوادي الغاضريه
&&&&&
جِرَح كلبي حِرَكـ روحي او شِغَل ملكاك بالي
دخيلك كافي منِّ الضيم و إرحم هذا حالي
عليه كول بالله اشتخفي من ضيم الليالي
أظل بين الغرب وحدي أخاف ابلايه والي
أخافن عالنهر من تذبح الغالي
بعد خويه الشمر هوه اللي يبرالي
أخاف أمشي سبيه
يوادي الغاضريه
&&&&&
يوادي الغاضريه كِلِّي بالله اشعندك اوياي ؟!
عليمن هوه جاي او ليش ملتم عسكر اعداي ؟!
تذبِّ الضيم بعد الضيم عادي اعليه دنياي
اليخوِّف كلبي و اليكسر شعوري افراكـ وِلياي
إذا فوكـ الأرض تتطشَّر أحبابي
يعني ينسلب و ايضيعن احجابي
اشعندك يا أذيه ؟!
يوادي الغاضريه
&&&&&
يوادي الطف يريت السيف يشرب مني دمي
او على كاعك يظل مطروح آنه أتمنَّه جسمي
خاطر عيني متشاهد عزيز الزهره يمي
ذبيح او جسمه فوكـ الكاع يبكه اثلاثه مرمي
يسلم نحره أريد او ينكطع نحري
و أتمنَّه بداله ينهشم صدري
ترضني الأعوجيه
يوادي الغاضريه
&&&&&
خادم زينب : إبراهيم الدريس
#محرم_١٤٤٦
#اليوم_الثالث
مجلس #الوصول_إلى_كربلاء
#قصيدة_عمودية
غصّ الفؤادُ وكفكفَ الدّمع الهطولْ
في هدْأَةِ البلْوَى لهُ حزنٌ يطول
فيهِ مواكبُ تقتفي نبضَ العزا
وعلى الحسينِ يضجُّ بالحزنِ المَهول
إن كان قلبي موجَعًا لمُصابهِ
ما حالُ مهجةِ أمّه، الزّهرا البتول
لكأنّها طوَت الدّروب من السّما
نزلت بوادي نينوى قبل الوُصول
وقفت تنادي يا طفوفُ ترفَّقي
بالسّبطِ، والصّحراءُ تبكي، ما تقول!
وصلَ الحسينُ وفاطمٌ في كربلا
توصي بهِ والطّفُّ يُصغي في ذهول
توصي الفراتَ فيصطلي متحسّرًا
والماءُ صارَ ينوحُ للثّغرِ الذّبول
توصي الهواءَ بأن يمرَّ بخفّةٍ
ما بين طعْنات الخناجرِ والنّصول
تخشى يهبّ ونحرُه بين الدّما
والرّأسُ فوقَ الرُّمح مجروحًا يَجول
تدنو وَعِند الإبنِ فاطمُ تنحني
لتضمَّ صدرًا قبلَ رضّاتِ الخُيول
لهما لقاءٌ آخرٌ في عاشرٍ
تلقى الحبيبَ مقطّعًا فوقَ الرّمول
يعلو أنينٌ لِلبتولةِ في العرا
تشكو وتسكبُ ماءَ عينيها الهَمول
"قد قطّعوا في الطّفِّ نحرَ محمّدٍ
قد كسّروا في الطّفِّ أضلاع الرّسول"
#كتابات_حسينية
((الوصول))
صاح بونين .. هلا يحسين .. وادي لطفوف
هنا محلكم .. هنا ذبحكم .. نحر وچفوف
@@@
بهالارض لاحوا .. وعالحزن صاحوا
وا حسيناً من وصل ضعنه الطفوف
ضعن بالنسوه .. من وصل توه
اگباله بانت بس سماهر والسيوف
وثبت اخيامه .. بوتد آلامه
ونصره قله والعدو جيش بألوف
نزلة القشره .. لمقتل العتره
هالارض تگطع مناحر والچفوف
…
بهاي لبقاع .. سحگ اضلاع .. وموت بسيوف
ومن اجلكم .. هنا ذبحكم .. نحر وچفوف
@@@
نوخ الحادي .. ابهيمة الوادي
والحراير من هوادج نازله
كربله ضوت .. والعزه سوت
وفرشت الارض ابمدامع سايله
ولن ابوفاضل .. عالفله نازل
وخدر اخته ابعينه لمن عدله
والولي بكتره .. مدمعه ابعبره
وصاح منك آه وادي كربله
…
ونادته الثاي .. هلا بالجاي .. اعز منشوف
مرحبه ابكم .. هنا ذبحكم .. نحر وچفوف
@@@
ويه سبعين .. واگف احسين
يخطط ويرسم اماكن للجهاد
وعدل الخندق .. والحزن اطبق
وضاگت اعليه الوسيعه بهالبلاد
ويلي بواليمه .. الموت يشتمه
وغيمة الموت اطلعت برض السواد
ورفت الرايه .. وبانت الغايه
وحاطته اعداءه مثل سيل الجراد
…
الصبح لاح .. بين لرماح .. لونه مخطوف
بسفك دمكم .. هنا ذبحكم .. نحر وچفوف
@@@
هلا بالطيبه .. في ارض نيبه
نوريتوا كربله ارض وسماء
هنا محلتكم .. تفضلوا حيكم
وطيبوا ارض الفلا من الدماء
من شبه جده .. جرح شيضمده
ويروي چبده بس ختام الأنبياء
وجاسم انزفه .. وحنته ابنزفه
والچفن لجل العرس اصبح الرداء
…
بالنواويس .. خوش عريس .. لموته مزفوف
عرس عدكم .. هنا ذبحكم .. نحر وچفوف
@@@
النهر صافي .. من اجه الوافي
وطيح ابجرف البحر اعظم زنود
وبعد ابوفاضل .. مابقه كافل
وشامته صارت اعله حسين الجنود
بهالارض يعله .. نوح عبدالله
ما يشوف الماي وامخضب يعود
مثلث ابنحره .. عروگه تتفره
بحظن عوده العاين اوليده يجود
…
مهاد بدموم .. ونحر مجسوم .. بين لصفوف
ابموت ابنكم .. هنا ذبحكم .. نحر وچفوف
@@@
آه بوالأكبر .. بشنو يتصبر
لو بگه وحده وصعد صدره الشمر
من گفه الرگبه .. بثنعش ضربه
حسين عالغبره صريع وينحر
وزينب ابكتره .. تصيح يالزهره
طاح اخر حامي لحدود الخدر
وراس هالغالي .. عالرمح عالي
وبعده نتجهز الى درب اليسر
…
حبال وگيود ..وجسد ممدود ..ونسوه بالخوف
هنا اسركم .. وابحبلكم .. نحر وچفوف
@@@
الشاعر : علي احمد الحمود
نعي عندما وصل الضعن لكربلاء
احنه الباري من ارسل وصلنه
يزينب هسه لرض الطف وصلنه
هنانه وسفه تتگطع وصلنه
ومن الطف يودّونج سبيه
ــــــــــــــــــــــــــــــ
يا هاي التألم الگلب يا هاي
مصايبنه وتشتت بال ياهاي
وصل للطف سأل هل ارض ياهاي
بچه لمّن سمع بالغاضريه
ــــــــــــــــــــــــــــ
للدخول لكربلاء
اول ماوصل ضعن ابو اليمه
صاح احّاه حيل وزاد همه
والعباس اجه ولن وكَف يمّه
وزينب تنظر وحيره ابفكرهه
ـــــــــــــ
سمعت كَال ابو اليمه كلامه
هنا تصبح اطفال النه يتامه
وابو فاضل بنه بيده خيامه
المنايه هنا زينب ننتظرهه
ــــــــــــــــ
بعد جم يوم وتحل البلايه
ولخوتج تلفي بالعاشر منايه
وانتم تمشوا للكوفه سبايه
البنات امدلله تمشي بيسرهه
ــــــــــ
الشاعر محمد حسن ضيغم
https://t.me/joinchat/AAAAAD3arLByb3pZDNRJzw
قصائد محرم الحرام ١٤٤٥ هـ
موشح // لليلة الثاني من محرم
ليلة دخول ضعن الإمام الحسين عليه السلام الى كربلاء
ضعن بنت المرتضى واليها
اليوم بقعة نينوى حل بيها
——
نزل برض الطف ضعن بيه إيحَمِل
مو بشر يحمل قراطيس الرسل
إيجِدْمَه قرأن المجيد الما يزِل
روح طه المصطفى هاديها
——
گبل ما چانت وصارت كربله
شرفنها أجدام بت عقد الوله
زينب إتمثلل الزچيه الفاضله
يعم خير إبما تطأ رجليها
—-
أگبل الخير وإجه لمن إجت
لاچن الطف بالمِحَن ليها التفت
بعطش وبموت ورزايه إتضيّفت
بخير طبت وبله إيلاگيها
——
طبّت الحره وأبو اليمه عِزَم
بهالمجان آمَر ينصبون الخيم
نزلوا وهاشم ثبت إلهم علم
گبل لا يِخْلَص حچي ناخيها
——
إتنخّت إشبول العُلى وتحاشمت
وللعقليه أول نِزِل بالطف بِنَت
إباجي أطناب العشيره إتحاوطت
شمس وتدور النجوم إعليها
——
شمس ويتابع حراستها الگمر
ظاهر ولا مرحله امن ادواره مر
بدر حاله اعله الوضع هذا استقر
ينطر اعله الشمس ويحاميها
——
يحامي عن إخته ونعم منه ونعم
بهيبه تبقى مقدره إخت الزلم
لاچن الحسره الوضع ما يستدم
إهِن چم يوم إتخلص تاليها
——
إيخلصن امْأمْنَه العقيله بهسِبوع
وبعده إيطول البچي وصب الدموع
بعينها إتشوف العدا إترض الضلوع
تشوف هالگاع إشيضم واديها
——
تشوف عالگاع الأهل كلها إتخمد
تشوف خنصر ينگطع إلها وزند
إجـــت بخوتهــــــا بيتاماهَه تِرِد
إبلا عجيد الگوم لا حاديها
الشاعر : أبو زينب علي الظالمي
★•• لطمية لـ ثاني يوم وصول الضعن إلى كربلاء ••★
ياجواد حسين وَگَفّت الضعن
چنك تگول استعدو للمِحَن
.......................................
گام ابو اليمة يسايل ع الأرض
گلبه حس بهالأرض جسمه يرض
نعى نفسه واستعد لاجل الفرض
سمعته أخته العقيلة بخفى ون
⊰∽∽∽∽∽⊰✾⊱∽∽∽∽∽⊰
جاوبوه الغاضرية بهالأسم
حزنه بَيّن بالوجه واصبح رسم
نينوى گالوله وارتج الجسم
من سمع شاطي الفرات ادموعه اجن
⊰∽∽∽∽∽⊰✾⊱∽∽∽∽∽⊰
گال بعد الها أسم وبهالنداء
نعم گالوله أسمها كربلاء
جر نفس من بعد ما خلص بكاء
والخيول اويه الهوادج انحنن
⊰∽∽∽∽∽⊰✾⊱∽∽∽∽∽⊰
ياجواد حسين تدري وش يصير
للضعن وَگَفّته من بعد المسير
وابو اليمه يهمل بعينه ويدير
ننقتل گال وحرمنا ينسبن
⊰∽∽∽∽∽⊰✾⊱∽∽∽∽∽⊰
ياجواد وتدري مايبقى طفل
ازغار وكبار التشوف هنا قتل
مصايب الطف بيها يوگف كل عقل
دمنة ينضح والخيم يتوجرن
تــمــت بــعــون اللـہ
✍🏻#ولائـية_وافتـخر (دعاء العـامـري)
❌لاأجيــز حــذف الأســم❌
⊰∽∽∽∽∽⊰✾⊱∽∽∽∽∽⊰
▪️العشره گضت▪️
في مسير الامام الحسين عليه السلام وعائلته الى كربلاء
طور نشفت عيني الليالي
الملا محمد الجنامي
سرنه واتسير المنيه
ومااظن نرجع سويه
بعيني اشوفن هالغوالي
بس جثث بالبر رميه
———-
ظني هاي اخر ليالي اوياهم العشره گضت
اشلون ايامي الهنيه مرت ابسرعه ومضت
امشي بيهم للمنيه اشلون روحي بس رضت
وجنها لجمات الرزايا ليّه لاحت واعرضت
عميه عيني اشلون بيّه
كلهم افگدهم سويه
ما تشوف اعيوني منهم
بس جثث بالبر رميه
——————
محله رفجتهم ياقلبي احنان والمبسم دوه
والله يا محله السوالف عذبه لگليبي روه
اوياهم وعطشانه إلهم والنبض جمره دوى
هم صدق اخر ليالي وبعد ما نلتم سوه
اسمله بيهم روحي صاحت
ودمعتي جن جمره طاحت
وني ياروحي عليهم
بس جثث بالبر رميه
————-
علّي ياروحي ونينج بس ليالي ويرحلون
شبعي شبعي شوف منهم گبل لا يِتٌوَذّرون
حلوه ايامي بسمرهم ودنيتي من يضحكون
والله ليت الروح فدوه ولو بدّل يتبدلون
فدوه ايامي وسنيني
نبضي كله وكل بنيني
وابسلامه يرجعون
بس جثث بالبر رميه
———-
انظر إلنور ابواسكينه وروحي من عندي تفر
عيني تشبح لابو فاضل ويشتعل گلبي جمر
خويه وافگدكم سويه منين اجيبن هالصبر
يمه شبان الهواشم نسمة اعذيبي التمر
آه ياروحي الچويه
عدي كم باقي مسيه
وعيني اتشوف الغوالي
بس جثث بالبر رميه
———-
تمت بحمد الله تعالى
#بنت_الشمري
#من_ديوان_المغسل_بدم_الجراح_الجزء_الثاني
قصيدة ثگيل للمسير بعنوان (سوالف اللهفة)
مشيت انه لدروب الطف
وسنيني مفرهده گبالي
اجيت و كل اخوتي وياي
وبعدهم يطلع خيالي
الغريبة انه....الغريبة انه.
•———•———•———•
تسامرنه بدروب الآه
وحچينه سوالف اللهفه
سئلت انه اخوي حسين
التصير جروحه هم يشفه؟
ما ظنها تطيب الروح
ولا عيني بعد تغفه
زين ومن تظل وياي
راس عل رمح عالي
الغريبة انه....الغريبة انه.
•———•———•———•
وحجيت انه بعد همين
جروحي لكافل ظعوني
يكافل هم تعوف اختك
وتخلي الغربه يسبوني
واضيع انه بحزن عينك
وابگلبي يـــصيـبـــوني
زيـنبكم انه يـــاخـوي
عليكم دمعي ظل هالي
الغريبة انه...الغريبة انه.
•———•———•———•
ماريد ادخل لهل گاع
تاخذ مني خواني
وتفرهدني وتضيعني
وتشمّت بيه عدواني
وتحرگ كل خيمنه غاد
و فوگ التل تصعدني
وتسحگ هم على النعمة
خيل المو زلم تالي
الغريبة انه... الغريبة انه.
•———•———•———•
والم انه حرم واطفال
وعليل بهيده اكضنه
وصية من اخوي حسين
يكون ابعيني احطنه
چبيره انه وحزن روحي
والله حسين شيبنه
يفگدك ماخذ بزينب
كلشي وغيّر ابحالي
الغريبة انه....الغريبة انه.
•———•———•———•
ماريدن عمر لا روح
وحسيني بعد عني
المن باقيه بلياه
والمن أنظر بعيني
يكون الموت يلفي بساع
وتخلص يمه اسنيني
واحضنه وهيج اموت وياه
ويهود يمه دلّالي.
الغريبة انه....الغريبة انه.
•———•———•———•
لخادمات العليلة وأبيها
ضُحى سالم و زينب الفياض.
#المسير
#حصرياً
#ضحى_سالم
#زينب_الفياض
-ديوان المغسل بدم الجراح الجزء الثاني
*قصيدة لليوم الثالث من محرم*
*من ديوان عبرات وأنين في رثاء الطاهرين الجزء ٢*
❥━──➸➽❥❂❥━──➸➽❥❂
*أحا من هذا الشهر زينب تنادي*
*الحر اجانه وبالدرب لازم الوادي*
❥━──➸➽❥❂❥━──➸➽❥❂
احا من هذا الشهر زينب حزينه
وتنادي يا عباس يا حامي الضعينه
جبتوني خويه لكربله ومن المدينه
خوفي يخويه بهالشهر تنسبي اولادي
❥━──➸➽❥❂❥━──➸➽❥❂
زينب حزينه وتنتحب والدمع همال
من يوم طبت كربله هيه والعيال
خافن يضل اعله النهر نايم الكفال
يحسين حومه لا تطب وارحم بحالي
❥━──➸➽❥❂❥━──➸➽❥❂
يحسين هايه كربله طبينه بيها
وشلون باجر تنسبي اه يا وليهه
وظلت عليله بالنزل ننحب عليها
خويه علينه اتحوم هالگوم الاعادي
❥━──➸➽❥❂❥━──➸➽❥❂
هاليوم روحي موجله من وادي الطفوف
كلها يتامه تصير بأجر عيني اتشوف
روحي عليك محيره وكاتلها الخوف
اجذب الونه والحزن حرگ افادي
❥━──➸➽❥❂❥━──➸➽❥❂
يا اهل المروه هنا ابد لتنزلوني
يا خويه ابو السجاد يفدنك عيوني
ابگه وحيده بكربله لا تخلوني
واطفالي خويه من الرعب تلزم الوادي
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*