7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
گطعوا سبحة الزهره
الرادتها العلي ذكــــره
وداعت ضلعچ وكسره
ذبحوا كل هوه يشتمه الحسين
،،،،،
حچه وياهم بليس وصاح اگطعوعها
سبحة فاطمه وعالگاع طشـــــروها
ما أوصيكم الزهراء اذوهـــــــــــــــــا
دفعو بابها وعليها عصروهـــــــــــــــا
عالحايط اريد الدم
كون اسمعها تتألـــم
وكون الضلع يتهشم
گام الضالم وحَشملّهَ سبعـــــــين
ذبحوا كل هوه يشتمه الحسين
،،،،،،،
صاح ابليس ولده وسولف القصه
ابشركم علي من النبي اموصــــــه
مقيد بالوصيه وغصته غــــــــــصه
همس بذن السقيفه وبين الفرصـــه
مشاعل نار جابوها
وباب الدار حرگوها
وام الحسن عصروها
زغير وفوگ خده تهمل العــــين
ذبحوا كل هوه يشتمه الحسين
،،،،،،
طاحت فاطمه والعافيه طاحت
وزينب طفله لمها تنتحب راحت
يمهَ الله أكبر بالدمع صاحـــــــــت
حضنت فاطمه ويمها شكثر ناحت
يمه اسم الله نادتها
وعن النار دنتـــــــها
شبگ وداع شبگتها
منهدها وغيروا كل القوانيـــــن
ذبحوا كل هوه يشتمه الحسين
،،،،،،،
شبگ امه الحسين وضل يحاچيها
محسن والظلع شاف اليأذيهـــــــــا
شاف امه الزچيه امحرگه أديــــــها
ضل من روحه روح حسين ينطيها
ضل يشمها وتشمه
تمدد طول وي امه
نوبه يضمها وتضمه
ناس بلايه رحمه شگد مجرمين
ذبحوا كل هوه يشتمه الحسين
،،،،،،،
شال المحسن حسين ونشغ لله
مثله هم يموت وليدي عبد الله
حَب محسن حسين كَبـــّر وصله
حچه وي المصايب هلتــن هالله
خاف تموت زينبنه
فوگ امي وتعذبنه
بل رحماك ياربنـــه
كسروا گلب ابو السجاد نصين
ذبحوا كل هوه يشتمه الحسين
،،،،،
لخادم الزهراء عليها السلام
محمد الفهداوي
حُزني على الزهراءِ سَرمَدْ
والليلُ في عَيني مُسَهَّدْ
وابگلبي جرح ام الحسن لاخر سنيني
ــــــــــــــــــــــــــــــــــــــــ
وسط الگلب چانون ما ساعه يبرد
حين ادفنتها ابليل بضعة محمد
تخنگني سكرة موت وانفاسي تخمد
من اذكر ام احسين سطروها علخد
مثلي ويظل عايش عجيبه
الدافن حبيبه وبت حبيبه
علذڪره عايش والدمع لِيچوِّي عيني
ــــــــــــــــــــــــــــــــــــــــــــــــــــــــــــ
اگبالي تِبين ابخير چانت وضعها
ومن اطلع امن البيت تلزم ضلعها
رغم الڪسر والآه تخفي ابوجعها
اتخاف انلچم لو شوف هامل دمعها
تبعد اذا اتدنه منها
خافن اصد لطمة جفنها
ونّتها بالسر زيّدت نوحي او ونيني
ـــــــــــــــــــــــــــــــــــــــــــــــــــــــــــ
غسلني فوگ الثوب وصت وصيَّه
ڪسر الضلع ماجيس رادتني هيَّه
شفت ابمتنها آثار زرگه وشِجِيَّه
سطره وضلع ومتون ضَـمَّـت عليَّه
ياكسرة اوداع الأودها
اتمنيت انام ابنص لحدها
كل لحظه الها وللنبي يشتد حنيني
ـــــــــــــــــــــــــــــــــــــــــــــــــــــــــــ
بيها الگبر وصّيت وادموعي تمـطر
گبلك عصرها الباب ماحاجه تعصر
وسط الچفن يَـتراب ودَّعتك الـدّّر
ادفنها بالسر جيت حافظ على الـسر
عندك أمانه بت محمد
لاتلچم الها المتن والخد
دين ابرگبتك فاطمه واحفظلي ديني
ـــــــــــــــــــــــــــــــــــــــــــــــــــــــــ
ولداري من رديت حيره اشعُظمها
أمشي وأرد اردود والگاني يمها
خوفي ابغيابي ايزيد فاطم ألمها
خوفي الچفن لا جاس ضلع ولچمها
صوت اسمعت زيد نحيبي
لـــزينبنه أرجع يا حبيبي
ابمحرابي گعدت وارجع الڪُم ترتجيني
ـــــــــــــــــــــــــــــــــــــــــــــــــــــــــــــــــ
زينب شفتها شلون تنحب يَـ يُمه
من دمعي عيني اعليچ حسبيها عميه
لحضانچ امن اشتاگ ياحُضن اضمه
رديلي لو لحظات عطرچ أشمه
يلـ عُمر الورود ورحلتي
بعدچ حرام اتهيد ونتي
علـ ونّه عهدي ليوم عاشر من تجيني
ـــــــــــــــــــــــــــــــــــــــــــــــــــــــــ
سيد علي عبدالزهره الناجي
أم الأئمة الطاهرة المرضية .. اه اه يا ويلي
زهرائُنا حورائُنا الأنسية .. اه اه يا ويلي
بضعة محمد ع الأرض ملگيه .. اه اه يا ويلي
مصابنا مگساه .. يا آه مية آه
يا فاطمة يماه .. عليچ صلى الله
........ً...............................
يبچي الحسين ويا الحسن .. اه اه يا ويلي
و سال الدمع فوک الوجن .. اه اه يا ويلي
و يا يمه شو گاسي الزمن .. اه اه يا ويلي
مصابنا مگساه .. يا آه مية آه
يا فاطمة يماه .. عليچ صلى الله
........ً...............................
غدروچ يا يمه غدر .. اه اه يا ويلي
مكسور ضلعچ چم كسر .. اه اه يا ويلي
منين أجيب آني صبر .. اه اه يا ويلي
مصابنا مگساه .. يا آه مية آه
يا فاطمة يماه .. عليچ صلى الله
........ً...............................
ويلي يا يمه فاطمة .. اه اه يا ويلي
ميته و أضنچ نايمة .. اه اه يا ويلي
تبت لايادي الظالمة .. .. اه اه يا ويلي
مصابنا مگساه .. يا آه مية آه
يا فاطمة يماه .. عليچ صلى الله
........ً...............................
يا بعد روحي ويا هلي .. اه اه يا ويلي
بيا حال يا بويه علي .. اه اه يا ويلي
يا معة عيوني أنزلي .. اه اه يا ويلي
مصابنا مگساه .. يا آه مية آه
يا فاطمة يماه .. عليچ صلى الله
........ً...............................
خادم الزهراء
الشاعر اليمني شمسان الحسام
قصيدة محورة السيده الزهراء عليها السلام مع الامام علي عليه السلام
في عالم الرئيا
:::::-----:::::
هومت بالنوم عينه علي ونام اعله الكبر
يسمع الزهره تنادي تصيح اخ امن الكسر
.
اتگله انهض ياعلي ... خل اخبرك مايلي
أسيقضت زينب يحيدر عله دربك تنتضر.
:::::-----:::::
أنهض أبسرعه يحيدر خل أكلك وستمع
من أخبرنك يغالي خاف گلبك ينوجع
أسمعت زينب تنادي وين ابوي المنفجع
لا لگتني اولا لگتك ضلت تهل الدمع
.
رد عليهم لاتغيب ... اسمع بكبري نحيب
راح يشمت عاذلي ... خل اخبرك مايلي
وحشه دنياهم بعدنه اتصير يافارس مضر
::::::-----:::::
راح اروح وكلبي يمج نفذ خلكي والصبر
شنهي عمري اخلاف عينج مااريدنه العمر
بيتي مضلم والثنيه غايب اعلينه الكمر
يا وحشتي ويا رزيتي اعليج دلالي انفطر
.
اشلون للبيت امن ارد ... يعني اموتن بالبعد
بعد بالدنيا شلي ... خل اخبرك مايلي
من يلاكوني الغوالي راح اكلهم ياعذر
:::::-----::::::
من ارد للبيت ادري مطفي من عنده الضوه
گلبي تدرينه يزهره ابفرگتچ حيل انچوى
ياغلاي أويا سلوتي أنتي أبريتي هوه
گلبي والدمعات مني يمچ ايطيحن سوه
.
طاح گلبي والدمع.... گولي ألچ انه استمع
راح ارد ادللي .... خل اخبرك مايلي
البيت والله يل زجيه بغيبتچ صاير گبر
:::::-----:::::
اتحيرت كلكم غوالي يمچ ابقه لو اروح
احس كل دنياي ضلمه وروحي ماتحمل جروح
ريحت احزانچ يزهراء احس من عمري تفوح
بعدچ اكظيهن اسنيني يالزچيه بس انوح
.
عمر بعدچ ماريد.... حزني يبقه اوياي اكيد
ادري گلبك ممتلي .... خل اخبرك مايلي
چنت من اصبح ابوجهچ بيه هم ابدا يمر
:::::-----:::::
اشلون انام وتغفه عيني واني اتنفس هواج
اتصير هاي الدنيه ضلمه زهره لو ماكو ضواج
من عكب عيناج اموتن والله ما احمل جفاج
هايه قسمه وقدر هذا والزمن مني خذاج
.
راحن اسنين ومشن ... بعد عين ام الحسن
يا مصيبه استرسلي ... خل اخبرك مايلي
هذا حزني اعله الزجيه الحد ضهور المنتضر
:::::-----:::::
الشاعر حسن صالح العيساوي
والشاعر ابو ابراهيم الحلفي
كلميني بروح روحي اللي اخذتيها بجفاج
كلميني بروح دمعة ولدج الطاحت وراج
كلميني بروح محسن والله ما اكدر بلاج
كلميني بروح عشرتنه وبختنه ومستحاج
كلميني فاطمه فـ أنا علي
كلميني فاطمه فـ أنا علي
___
گلبي ماينطيني والله انتجي فوك الگبر
خاف ألم ضلعج ازيده والكسر ماينجبر
فاطمه فراگج بحر وهالبحر ما ينعبر
والغرگ حيدر وولده ومنّه مانگدر نفر
كلميني فاطمه فـ أنا علي
كلميني فاطمه فـ أنا علي
___
راح اكولن كلميني وضنّه ما اگطع بعد
فاطمه حيرتي روحي وانا ما حاير ابد
راح اكلج كلمه وحده ونار البصدري وَتَد
للحوافر هسه كولي صدر الحسين استعد
كلميني فاطمه فـ أنا علي
كلميني فاطمه فـ أنا علي
___
فاطمة التهظمني والله زيارتج يا ام الحسن
لازم ازيارتج ضلمه ولازم بسر مو علن
بللن كبرج وشيبي عيونيّ ابگد مابچن
ومن كثر ما باجي وانجب هدومي هم تبللن
كلميني فاطمه فـ أنا علي
كلميني فاطمه فـ أنا علي
___
فاطمه والله احبج حب الهي مو هوى
انا انتنفس انفاسج ما اشم هذا الهوه
ريت طولي بالمغيسل كون وي طولج سوه
وكون نتشيع سويه لفركتج هذا الدوه
كلميني فاطمه فـ أنا علي
كلميني فاطمه فـ أنا علي
___
#تمت
الخادم حسن الكريماوي ✍🏻
من دفعو الباب عالزهرة مولاتي
كسر الظلع بان وأبتدت مأساتي
صاحت يفضة سنديني
قد اسقطو مني جنيني
…… ..... وأبتدت مأساتي
… ..
من هجم عالباب أبحقد… اتلكتة ريحان الورد
يدفعهة صار وهي تسد… حد ما كسر منهة الظلع
صاحت يفضة لحكي … بظلوعي حيل اتشبكي… ما حس بدية حركي…
ألباب فوكي منطبع
غطني بحجاب السمة … لا حيدر ايشوف الدمة… كسرت ظلوعي أتألمة
بالج يشاهدلج دمع
حيدر لون شاف كسري ونزف دمي
من طولة يوكع موته يصح يمي
اخُذي بكفي وسديني
قد اسقطو مني جنيني
……
أتعنيت الهة ابلا وعي … وعالخد يسايل مدمعي … صاحت يفضة طلعي … بظلوعي بسمار أنغرس
حاولت وياه اشكثر… منغرس حيل امن العصر… كل ما اسحبة تحتضر
ويضيك للزهره النفس
كل هذا وبحيدر تهم … موش بجرحة الملچم … ليهة السمة مطرت نجم.
والكمر ينعى اوية الشمس
عالزهرة ياناس شفت الورد يبچي
وعيون الحسين متحّيرة اشتحچي
صيحاتُ حزنٌٍ تعتنيني
قد اسقطو مني جنيني
… .
حاولت اشيلنهة وشفت… كسر الظلع بيدي وعفت… ساعتهة حيل اتخوفت… منظرهة يبجلة الصخر
كالتلي فضة اتحملي .. الخاطري والخاطر علي… عن حالي لا لا تسألي
متألمة حيل امن الكسر
كل حيل ما ظلي بعد … بالباب احس صدري أنمرد… ياجرح أعوف وجرح اشد
والنزف ماخذني وكثر
بنت النبي اشلون هيجي يجازوني
يافضة ترضين عالعين سطروني
لم يكتفو جرحاً بعيني
قد اسقطو مني جنيني
… ..
محسن شفت فوك الارض… نازف دمة بطول وعرض… بمصابة بچة اهل الفرض… وعيون اخوه احسينة
غطيته بمصلايتي … واعلية تسايل دمعتي … الزهرة أشد من حالتي
من شافتة امغطينة
صاحت يسباح الگلب… وسفة يغطيك الترب… مو هين افراك صعب … يل ماعشتهة اسنينة
ما شبعت العين من شوفتك ليلة
مستجعل الموت تابوتك ايشيلة
يا هل ترى ذنبي بديني
قد اسقطو مني جنيني
… ..
شحجي وشسولف عالجرة … جيش وهجمة اعلة مرة … والدار نار أموجرة… البيهة الوحي تنزيلة
كادو علي بحبل الغدر… ظهرة بوصية منكسر
والزهرة خدهة منسطر … نازف دمة اعلة الشيلة
طلعت وماخذهة النزف … واعظاهة كلهة ترتجف… خلو أبن عمي يا حلف
لو راسي اكشفة الليلة
من أكشف الراس والدمعة أجريهة
دنياكم أبساع بارينة يمحيهة
لا يرضى ربي في انيني
قد اسقطو مني جنيني
… ..
الحمد الله رب العالمين
اللهم صل على محمد وال محمد
موسى الخادم
يازهراء .... يا مصدر كُل نعمه
يازهراء ....مشكورة اعله الخدمه
خدمتج يامحلاها
البيها عايش يتباها
......
مشكورة يا ام الوفه .... مجلسج من جبتيني
تايه جنت مثل الطفل ... عالخدمه دليتيني
لو الف عام اخدم الج .... امقصر اشوف بعيني
لا شي جنت كبلج انه .... وانتي الي سويتيني
يازهراء ... ما وافيج افضالج
يا زهراء ... لو كل عمري اقرالج
قيمتي من سواها
خدمتج يا محلاها
....
ممنون الج يم الحسن ... من جدمي والحد هامي
من غيرج انتي فاطمه ... للخدمه شد احزامي
مطلوبلج دين ابكبر ...طف الحسين الضامي
ماوافي حقج لو الج ... اخدم جميع ايامي
يا زهراء ... يا مفتاح الجنه
يا زهراء ....الخادم بيج مهنه
يا هديت الله الطاها
خدمتج يا محلاها
......
يافاطمه الزهرة الج ... افضال كثرة اعلية
لو ريد اعدهن بالضبط ...احتاج الف لطمية
خيرج امغركني اعترف ... هالخير بين بية
شكرا الج شكرا الج .... يم زينب العلوية
يا زهراء .... شكراً يم العتره
يا زهراء .... اعليج اقبلتيني اقره
كل قصيدة امن اقراها
خدمتج يا محلاها
.....
الف انعم الله يم حسن ... احجيها دوم ابالي
لو ما خدمتج جا تهت .... والضيم اصبح حالي
شلي بحياتي ودنيتي .... المابيها مثلج غالي
ياسر وجود اهل السمه ... واهل الارض للتالي
يا زهراء ... تسبيحت كل حيدر
يا زهراء ... تنفع يوم المحشر
بالمواقف خصّاها
خدمتج يا محلاها
.....
هنياله كلمن صار الج ... خادم امسجل اسمه
اهل السمه واهل الارض .... تحسدة على هالنعمه
مجلسج مو ياهو اليجي ... يحضر اله ويخدمه
محتاج توقيع النبي .... ومعصوم من اليمه
يا زهراء .... خيراتج ما تنعد
يا زهراء .... كل العالم يشهد
اسمج الدنيا احياها
خدمتج يا محلاها
......
كلمن يبغضج فاطمه ... الله بعضمته ايبغضه
ما يحصد الفرحه ابد ... كلمن بدالج رفضه
بس اليحبج من صدك ...هذا الي كاعد حضه
للجنه يدخل كل الملك ... أبتوج الذهب والفضه
يا زهراء ... رابح كلمن حبج
يا زهراء ... راضي العترة و ربج
كلمه بالحق كلناها
خدمتج يا محلاها
......
الحمدالله رب العالمين
اللهم صل على محمد وال محمد
موسى الخادم ..
بين الحايط وبابه ... امي الزهره عصرو
دمهه انتثر .. خدهه انسطر .. هذا الشفت
بعيوني
.......
انه الحسين اروي ما صار وجره
من هجوم الدار حد الكسر
امي جانت كاعده اويانه بهنه
لحضه والباب انطرق بالغدر
اعتنتله امي الحبيبه وهو صاح
دفعو باب الزهره ما ظل عذر
اتلكته ابكل حيلهه المابيه حيل
لحضه والبسمار ضك بالصدر
صار ابحيله يدفعه .. عالحايط انظره
كلشي عصر ... خدهه انسطر ... هذ الشفت
بعيوني
.....
ابعصرت امي عاينت محسن سقط
على العتبه ابلا ذنب دم جره
صاحت امي فضه سنديني ابعجل
مني محسن طاح فوك الثره
الحيل ما بيهه على الكومه بعد
حكهه كل اظلوعهه أمكسره
اركضت ليهه بلايه راي ابلا فكر
ومثلي الهه هم ركض حيدره
صاحت ياضوه اعيوني ... لا تبجي علية
زال الخطر ... خدهه انسطر ...
....
بعد حرك الدار كادو جف علي
وامي طلعت خلفه تجري الدمع
هو يمشي ويلتفت ليهه بحزن
بشريني شنو اخبار الضلع
خلو ابن عمي تصيح ولامجيب
حالهه بجه العرش والشرع
صورة من اذكره ما تبقالي روح
وانهضم حيل ابذكرهه انفجع
تمشي اعله الجدم كوه ... امي شاهدتهه
تمشي اتعثر ... خدهه انسطر ... هذا الشفت بعيوني
......
امي من هالحادثه سلهه المرض
حسره صارت عدهه جرت النفس
ليلهه امساهره اتكضيه بالونين
والنهار اعليهه يخلص همس
كوه تركع كوه تسجد للصلاه
ما تبين الوجع خافن نحس
شابحه اللون امي غيرهه الكسر
وين هسه اواوين جانت امس
وردة امفتحه ابنصنه ... وسفه ذبلوهه
شبعت قهر ...خدهه انسطر ... هذا الشفت بعيوني
........
اخ ياليلة وداع امي الاحب
هاي اشد ليلهص علي بالزمن
كلميني صحت الهه بعبرتي
وهي طلعت ايدهه من الجفن
نادت جبرائيل ياحامي الحمه
نحَّي ايتامك امن ام الحسن
بجت املاك السمه ايتامك علي
ساعد الله كلبك ابهل محن
ما انسه الجفن احمر ...ساعت ودعتهه
بالمختصر ... خدهه انسطر ... هذا الشافت اعيوني
........
كلمات
موسى الخادم
المهدي غايب عنه نوره 🏴 احـنه اخّــرنه ظهـــوره
ما نمتلك دعـوة صدگ
عشگ اليقصر موعشگ
احــنه اخّــرنه ظهــوره
🏴🏴🏴🏴
أســــئل الله ــ يغفـر اذنوبي الّي تحجبلي الدعاء
حـتى ادعـي ــ وتنفــتح گدامــي ابواب الســـماء
وقْــره نــدبه ــ واطلب امـن المهدي تعجـيل القاء
روحي شمعه ــ وذابت ابجـمر انتظــاره ابكربلاء
گلبي ابد ماتطفه ناره 🏴 آخ يا جمر انتظـــاره
بي كل گلب ضل يحترگ
عشگ اليقـصر موعشـگ
احــنه اخّــرنه ظهـــوره
🏴🏴🏴🏴
نشتــــكيله ــ واحنه النْجرحه بسبب كثر الذنوب
ما ندمــــنه ــ وشــكثر للتــوبه مفتــــوحات بوب
ما وفيــــنه ــ ابكل مســيه انواعــده باچـر نتوب
حكه غايب ــ احـنه المأخرينه مو طـول الـدروب
شگد ذنبنه شگد خطينه 🏴 ونندعي ايعجل علينه
بذنوبــنه الثـوب انلثگ
عشگ اليقصر موعشگ
احــنه اخّــرنه ظهــوره
🏴🏴🏴🏴
ما نفعــــنه ــ لا دمعـــــنه اولا دُعـانه ابكل مكان
گلهه سوده ــ اگلوبنه ونيتـــنه عـد راعـي الزمان
احــنه نعلم ــ عدنه بس حبه صبح صگ الضمان
يفـوز كلمن ــ يخلص اويه المهدي وينول الجنان
ابيا وجه باجر نجيله 🏴 يشــتكي لو نشتكيله
ابيبان عطفه انضل ندگ
عشگ اليقــصر موعشگ
احــنه اخّــرنه ظهــوره
🏴🏴🏴🏴
عالمـــــنابر ــ ابگلب ضامي انّادي عجل بالفرج
يمته تظـهر ــ كثر عــدنه الهرج بعـــدك والمرج
وانته تدري ــ للذبـح بيـنه الشــمر مهره انسرج
يمته سيفك ــ يرد كلمن عن نهج حيـــدر خرج
نحسب ايام وليــالي 🏴 ايشيب الينطرله غالي
هامات مـن اجله نشگ
عشگ اليقصر موعشگ
احــنه اخّــرنه ظهــوره
🏴🏴🏴🏴
شلون بيــنه ــ من يســد بوجوهـنه بابه اشــنگول
انضيع والله ــ لون ما نحصـل على صــگ القبــول
وين اروحن ــ واعفي وجهي ابيا ترابه امن البتول
لا يمهـــــدي ــ ابشــاربك ودخيلك انطيني الحلول
الدنيه خلصت چنهه ساعه 🏴 منك انريد الشفاعه
ابليــاك باچــر نختــنگ
عشگ اليقصر موعشگ
احــنه اخّــرنه ظهــوره
🏴🏴🏴🏴
الخادم
كامل السعيدي
ابابها ليش بحقد اعصروها
ولا رعوا حرمة الهادي ابوها
الزهره الف يا حيف غدروها
هتكوا حجاب الله وسطروها
انشلت ايده العلى فاطم تجسر
هجم عالدار وشب النار وأكثر
بين الباب والحايط ضعلها تكسر
هاي بنت النبي الهادي الله أكبر
#عظم_الله_لكم_الاجر_يا_صاحب_الزمان
خادمة الزهراء // ليلى زغيب
#بضعة_الرسول
ليش بغدر تدفع اعليها الباب
ما تدري بالزهره ام الحجاب
بسمار كسر وطفل عل اعتاب
وين الموده النذكرت بالكتاب؟!
#عظم_الله_لكم_الاجر 💔
خادمة الزهراء // ليلى زغيب
ادري مشه بيه العمر
وانه ابعذر يتبع عذر
الوادم فرح راس السنه
يمكن نسو اكبر كسر
____
نار اصير اشماعيوني شافت النار
وذكر الهجمو عليهه اوهيه بالدار
رحمه الباري الجبيره ابوليه اصغار
ابلاعقل لارحمه عدهم كلهم اشرار
الواعي خلوقه افكاره
ماينسه ذيج الغاره
عجبه عله ناس المؤمنه
يمكن نسو اكبر كسر
_
اني لوماانتي اصلا كلشي ماكون
فاطمه والكعبه احسج انتي العيون
اشمازماني اعليه يقسي اصرخ اتهون
شفت بس يمج دلالي اوحيل ممنون
والمايشاهد للشمس
ايعجبني بيج المايحس
ويه الطغاة اتئقلموو
يمكن نسو اكبر كسر
__
والله فشله حسين لوعاتبنه زحمه
الحنين الينعش اوياجنه نسمه
المايرد اجفوفنه اومن الله نعمه
اشلون نفرح وابواليمه ماتت امه
فشله امن اروح الكربله
وانه الحبيبي امزعله
منهم فلا اصبح صحت
يمكن نسو اكبر كسر
____
فاطمه اسنين المضت مليانه تقصير
اذنوبي ماالهن حدود اوكلبج اجبير
انتي نعمتنه الجبيره التمطر الخير
المانذر عمره الخدمتج حتمن ايحير
ياسر حياة اوغالي ابفضلج تعدل حالي
حسينج عليج ابطيبته
يمكن نسو اكبر كسر
____
الوادم التتجاهل ابثالث روايه
وخذت افكار اليهود ابلادرايه
اليدعون ابكل شغف عدهم ولايه
صوبو مهدينه بسهام الردايه
ترحون فدوه العطره
يبجي اعله امه الزهره
راس السنه هوه السبب
يمكن نسو اكبر كسر
_
اليسكت اعله الحك ابد ماضنه عاقل
وانه بمصاب الطهر ماراح اجامل
جاهل اليتمركص ابطيحتهه جاهل
ابيا عيون ايروح باجر لبو فاضل
فاطم اسمهه جن حرز
كلبي امن اذكرنه يفز
يتذكر الباب اوحطب
يمكن نسو اكبر كسر
_
للشاعر حسين عبد الرسول الخفاجي
واويلاه يافاطمه واويلاه يافاطمه
.....................
حزنج يضل طول العمر يايمه بعيوني
زينب انه ومن غيبتج والله نخطف لوني
شفت الحَمار اعله الوجه مهضومه خلوني
تمنيت خلف الباب انه اووياج عصروني
الصوتج سمع رب السمه
واويلاه يافاطمه
.....................
من اجه الضالم بالحطب بالباب شب ناره
جيران عدنه وماشفت واحد حمه الجاره
وادم فلا تسوه العتب خلوج محتاره
ولاواحد المنهم فزع طفه العلي داره
الله يعين حامي الحمه
واويلاه يافاطمه
......................
كسر الضلع ماينجبر لو ردت اجبرنه
منج ييمه بكل نفس انه اسمع الونه
والعين حمره بياذنب مصيوبه ياجنه
بسمارج بگلبي اجه وصار الحزن منه
وضلوعج المتهشمه
واويلاه يافاطمه
.....................
دمج يسح فوك الترب واعله الوجه طحتي
مخنوكه من كد الضرب طاح الولد شفتي
يافضه اسنديني تره بالكوه من صحتي
صوتج بعد ماينسمع والحجرتج رحتي
ومن الضلع ينزف دمه
واويلاه يافاطمه
......................
أصعب جرح ماينسي وماتهده الامه
ابنادم يشوف أمه تون وتلوج كدامه
من تنحني كباله صعب تتهدم احلامه
همه يضل ماينجلي شماطالن ايامه
يازهراء متالمه
واويلاه يافاطمه
....................
شفتج تصلين ويصب فوك الوجن دمعج
جف القنوتج رافعه وجف لازمه ضلعج
محنيه ماشفتج ابد يايمه مو طبعج
شاهدت هل حاله وبعد ايست من وضعج
وبعيوني ياريت العمه
واويلاه يافاطمه
....................
ماادري يمه بالنعش وبروحي جم هضمه
توني غفيت امن التعب شيعوج بالضلمه
صعبه التموت امه ويضل مايمشي وي امه
عفتيني يمه والكلب ماينحمل همه
وانه اعليج متعلمه
واويلاه يافاطمه
محمد هادي العقابي
https://youtu.be/kGPIn5rn9HQ?si=U5QvoOXUX0TUTYZ-
يازهراء
ليلة وحشة مولاتي الزهراء سلام الله عليها . عظم الله لك الاجر مولاي ياصاحب الزمان روحي فداك ...
نعي نصاري
🏴
آ يلحزنك المامش مثيله
الله يعين دللالك الليله
عله ام الحسن ذاب وخلص حيله
ثگيله امصيبة الزهره ثگيله
يلغايب يبو احزان الطويله
اكون وياك نص الهم نشيله
يبو دمع الابد ماجف مسيله
...
ابو ذيه لاحزان مولاي صاحب الزمان عجل الله فرجه وسهّل مخرجه
سبيلاك
الليله لگبر فاطمتك سبيلاك
انين تثووب ومدمع سبيلاك
تنعی ضلوع . يو منحر . سبيلاك ؟؟؟
الزهره . حسين . لو تنعی السبيّة
🏴
اظن عيون صارن مايرلّك
ماظلّن مدامع مايرلّك
الجبال تذوب منهن مايرلّك
اشد اعليك منهن يارزية ؟؟
🏴
ام محمد الحجاج
امنا الزهرا
هي الشفيعه...هي الشفاعه
هي المَشِيئه...هي المُطاعه
ما الكون إلا...عبدٌ لديها !
يُصبِحْ ويُمسي ...لها اتباعَه
أصلُ التكاوينْ...خلاصةُ الدين
نورُ البراهين..مأوى المساكين
وقلبُ وياسين...ونورُ ياسين
من قلب زهراء..كانَ شعاعه
امنا الزهرا
___
امنا الزهرا
سبحانَ سبحانْ...منِ اصطفاها
على النساءِ...فضلاً وجـاهـا
قَرَّتْ عيونٌ...طابت نفوسٌ
دارتْ قرونٌ... على هـواهـا
لمّا تَجَلَّتْ...لـلـهِ مـعـنـاهْ
للنور مأواهْ...للحقِّ مسراهْ
للخيرِ فحواهْ...لولاها واللهْ
لا حيدرٌ كانْ..لا كانَ طاها
امنا الزهرا
___
امنا الزهرا
يا من تَسَامتْ...عَنِ المدارِكْ
الفُلْكُ دارَتْ...على مدارِكْ
يا نفحَةَ اللهْ...في سدرةِ النورْ
طافت بك الحور...مع الملائِكْ!
رآكِ طـه...فكنتِ كـوثـرْ
له تفجَّرْ...نسلاً مـطـهَّرْ
وكنتِ مصدرْ..لِبأسِ حيدرْ
يا ذا الفِقارِهْ...عندَ المعاركْ
امنا الزهرا
__
أمنا الزهرا
جرحُ النبوه... بكِ علامة
ميراثُهُ كان...إلى الإمامة
فَمِنْ عليٍّ...إلى حسينٍ
إلى المغيَّبْ...نَفْسُ الظلامة
وليس ننسى...حتى الطلوعِ
كسرَ الضلوعِ...نزفَ الدموعِ
جرحَ البقيعِ...فكلُّ شيعي
باللطم باقٍ...إلى القيامة
امنا الزهرا
مهدي أبو حمدان
غايب ضوه البيت ... بعيوني ظلمه
هم مثلي مـكــسور ... الفــاكـد أمـه
بس الفكد يعرفني .... حزن الهجر عذبني
غايب ضوه البيت
......................................................
بيه يحـس بس الفـكـد والمـافكـد مـايـدري
كسرة ضهر فكد الضوه متوجره نار بصدري
أمي وعز من الـهـوه وافديها اني بـعـمـري
سهرت ليالي من العمر بحر المواقف يجري
وكـت الـبــرد نـار ... اجفوف اديـهــا
ولـوشافـت ادموع ... تبجي لبجيـها
عن الوطن يبعدني ....حزن الهجر عذبني
غايب ضوه البيت
..............................................
شما وصف زغير الوصف بهواي اكبر أمـي
ما توصف الگطره البحر خطيت هاي بدمي
بالراحه أشعر من تجي وافتخر تكعد يمي
كسروا ظلعها بلا رحم مات الحنان وحلمي
دم تجري العيون ... كسروا ظلعها
والشاهـد الـبــاب ... كـــافر دفعـها
ليامي من يردني ....حزن الهجر عذبني
غايب ضوه البيت
..............................................
للبيت مرات من اطب يايمـه اصيــحن اني
وينج يـــيمه فاطمه يالعايش بــوجــدانـــي
اوما اسمع بجلمة هلا وصفن وضل امتانــي
وتذكر انـــي ميتـه وتبــجي تضل خـوانــي
مـتعـوده كل يوم ... روحي عله صوتج
تـنزف دمـه الروح ... اذاهــــا مــوتـــج
ياموت اصيحن خذني ... حزن الهجرعذبني
غايب ضوه البيت
..............................................
ياباب گـلبي يحـتـرك كلـما اشــوفـك يا بـاب
لوغيرك ايعيش بفخر لوسوته الزهره احجاب
جا ما كسر ظلع الضوه ولا دفعته اجفوف اجناب
بس انت وياهم صرت جرحك بصدري اوماطاب
مــا تبقه يابــاب ... مـا ريد اشوفك
لو حامـي الـظـلوع ... يوميه اطـوفك
من الدفو حرمني ... حزن الهجر عذبني
غايب ضوه البيت
..............................................
امودع الله ياحلم يالـرايــح مــن عـيـونــي
ياليل اليجيبك إلـي وتـمــر وغمظ چفـوني
ورجع وعيش بدنيـتي وبفرحتـي اتخلــوني
ما ظن يرد هذا الحلم وين اهلي ويشيعوني
راح الأمـــل راح ... مـحــد يـجـيبه
موتــه دوه ايصير ... الـفاكد حبيبه
من الأهل حرمني ... حزن الهجرعذبني
غايب ضوه البيت
..............................................
الشاعر خالد جودي العارضي
كوم يا علي إليه
نكسر الضلع من المنيه
طيحتي هاي تشبه الغاضريه
الحك يا علي يا علي
دفع الباب انكسر ضلع وي الضعن
اني اون واناديك يا ابو الحسن
شبت النار كسر ضلع بسمار
بل سوط ضربو متوني
لحك يا علي يا علي
خسرنه خساره جبيره
كسر ضلع ومحسن وفاطمه
ما حسو ولا قطرت غيره
بل مسمار والدم جره
لحك يا علي يا علي
كلمات الشاعر/ علي لفته الديرساوي
دفعو عالزچيه الباب والبـــــــسمار لاگــاها
ثگـيل الباب چــــــــــان ولاگته الزهره
وشهگت مــــــــن كثر ماتوجع العصره
عرش الله انكسر بس ياهي من كسره
الله يعين حــــــــــــــيدر مانفذ صبره
من گالو وآن بالبيت وام البـــيت سطروها
بيت ام الحــــــسن بيت الله واسراره
وحامي الجار بيته احتــرگ من جاره
حيدر عالمصيبه مــــــــــــاطفت ناره
من يمته علي مـــــــــــــايفزع الداره
حيف الشالع البـــــيبان وادم تدفع ابابه
صاحت فاطمه يافضــــــــه سنديني
بالگوه احچي مــــن كونچ تسمعيني
مابيه اعله شيل اجـــــدامي عينيني
بسمار وخشب وضـــــلوعي تاذيني
شاغت روحي بالدفعات والدخان عاميني
دلوني اعله گبره وانفــــــــض اترابه
اريد اشكي لبوي اشــسوت اصحابه
يدري ابفاطمه مهضــــــــومه بغيابه
بسمار بضلعهه ويلچـــــــــم اصوابه
ماغمض جفنهه الليل ام حسين موجوعه
بالباب الزلم والبــــــــــيت بيه حرمه
وهيه فاطمه بــــــــــت آشرف الآمه
من عصروها طاح المحسن امن امه
والمكسوره وين اولـــــيدهه اتضمه
مالحگ عله الكاروك محسن طلّعو روحه
خادم القصيده
شاكر الصيمري
ثكيل باب الجذع شيحمله
وفوكج تّكود كله
والنار بي مشتعله
عذاب محد يعرف شحالج
باب الستر جتالج
وعين الوصي تبرالج
ليش احترك جف الترافه
ترفس قوي رجل الصلافه
ما تنجمع نار اويه ورده
خد انسطر هاي الحسافه
الباب ردنا للستر مو يعصر امنه
مو يكسر بصدرج ضلع ومنج حرمنه
ببيتج خِدم وحي السمه ما يشتعل نار
من لمو اعلينه الحطب السنو ضلمنه
............................................
حرام زهرة محمد ناحت
طيحو طفلها وصاحت
يا فضه لحكي وطاحت
عجيب
البسمار عايش عدنا
وتالي صبح غادرنا
كاسر صدر خيمتنا
لمن دخل حامي ويطعنج
كاطع نفس ياويلي منج
لمن طلع جلدج يشلعه
عالي انسمع يا يمه ونج
عالحايط الدم انتثر هاي الشديده
معناها وصلت للظهر ذيج الحديده
الضلع انكسر وجه وكفه من عصرة الباب
واكبال عيني بس احس كلش بعيده
..............................................
دخان صابغ جفوفج سوده
واللهبه ما مريوده
من النِكَر معبوده
مصاب انداس بيت الزهره
محد يقدس قدره
وامه بيته راحت عصره
وحيدر يصد بعينه المصيبه
ببيته انسحك ابنه وحبيبه
محد إله بذيج المدينه
وروحه صفت بعدج غريبه
بس دمعه الي يواسي الكلب بعد الزجيه
والثامه الي ينشف الدمع بالمغربيه
اللهُ أكبر يا علي شكبر المصيبة
ام بيته مسطورة لجن عنده وصيه
.............................................
ضلوع مكسوره من الطكه
وتتألم اويه الشهكه
والنفس صاير حركه
جروح بكلب اللي داسو بيته
ودمعه يغرك الحيته
انجر بحبل تاليته
البيده انثنت كل الحرايب
ليش انجتف وابلا كرايب
يبجي علي رايح خليله
خي النبي ما عنده صاحب
يم الكبر يكعد علي ودمعه خضابه
فاطِمَتي ينادي وعلى وجهه نكابه
البجّه إبن ود بأمس ضل يبجي وحده
ضل يمشي وايده اعله الظهر يكسر عذابه
.............................................
سيد حيدر الجزائري
امير المؤمنين ع يخاطب الزهراء ع وهي في قبرها…
… ..
مشتاگلج … يالبية طيبج زارعة
مشتاگلج ... كد رحمة الله الواسعة
يا فاطمة .. يا فاطمة… يافاطمة
… ..
يم سوالف دافية وتكطر حنان
شرد اسولف عنج ايحير اللسان
انت رحمه امن الاله ابكل زمان
وبعد عينج ما بقت رحمة وامان
وي موتج … مات الورد يالغالية
وي موتج … طاحت شمسنة العالية
متألمة… متألمة… متألمة
… ..
يل صفاتج تختلف عن كل صفات
ابروحتج كل معنى ماظل للحياة
مو عجيبة الكون يبجيلج فرات
ومو عجيبة الفرح بعدج ذكره مات
حزنانه… لمصيبتج دنيانه
حزنانه… ارض وسمة ويانه
تبجي السمة... تبجي السمة... تبجي السمة
… .
انتي يازهرة جنان امن الزهور
امچانچ البستان مو ذيج الاكبور
ما مصدك ميته والكبرج أزور
والج اقرة الفاتحة واشعل بخور
معقولة … الفاتحة اقرالج
معقولة ... جوه التُراب أخيالج
شهل خاتمة… شهل خاتمة…شهل خاتمة
… .
يالتركتني وانه بعازه الهواج
داري ظلمة يالزجية ابلا ضواج
علّيتي ما تشفة الا من دواج
انه ميت بس جسد باقي وراج
تدريني … ما اهو اعيش أبدونج
تدريني … للموت احن وأعيونج
حلم ارسمة… حلم ارسمة… حلم ارسمة
… .
صورتج بعيوني مكسورة ظلوع
وحركة الباب بحقد ذيج الجموع
روحي تاخذني الحجرتج بالدموع
اعلك ابحزاني يا زهرة الشموع
كل ليلة… ادخل حجرتج ناعي
كل ليلة… اللطم عليج اظلاعي
وخدي اللطمة… وخدي واللطمة ..وخدي اللطمة
……
بية حسرة الموتتج حسرة يتيم
ماتت امة وعافته بحزنه يهيم
الدنية من بعدج احسنهة جحيم
يالمشيتي بظلع مكسور وألليم
يالغالية… روحي الج مشتاكة
يالغالية… كولي اشوكت نتلاكة
يالعالمة… يالعالمة… يالعالمة
… .
الحمدلله رب العالمين
اللهم صل على محمد وال محمد
موسى الخادم
اخر ليله ... كعدو سوه يم امهم
اخر ليله ... ايكلموهه وتكلمهم
بجه حسين ونظرهه
وعلي ايعاين كسرهه
اخر ليله ... اخر ليله
......
منظر ياخذ روح الشافه . مو بس زينب
حسين مكدر كاعد يبجي . وحيدر ينحب
شابح لونه ... هدله امتونه ... الله بعونه
حيل امعذب
ماجن حيدر هذا الواكف . باقي اخياله
مره ايكوم ويوكع مره . اكبال اعياله
شهكة ريته ... وكل عافيته ... اتفارك بيته ...شيضل حاله
باجر ماكو ... ابيته الزجية الزهره
باجر ماكو .... صاحبت اجمل عشره
يضموهة بكبرهه
وعلي ايعاين كسرهه .
......
متوسده اعله افراش العله . وتنظر ليهم
ماهمت بألام البيها . همّت بيهم
دكلهم يمه ... ما متألمه ... وهي ابظلمه
امن تحاجيهم
خافن تفجع كلب العيله . جرعت كل مر
وبسكته اتوصيه بحيدر . كالتله اصبر
حيدر يسمع ... منهه ويدمع ... كلبه اتكطع
لمن يحفر
يا عافيتي .... امسح دموع اعيونك
يا عافيتي .... من فدوه اروح اللونك
تواسيه ابعمرهه
وعلي ايعاين كسرهه
......
وحال الحسن يم جدم امه . ايبوس بيهه
ويكلهه الدار ابلا شوفج . ما طب ليهه
اوياج اخذيني ... لتعوفيني ... دمعت عيني
اعليج اجريهه
ماعندي افراح ابهل دنية . انتي افراحي
يايمه ابموتج تدريني . تزيد اجراحي
رحمي ابحالي ... يا اَمالي .... كعدي اكبالي
سمعي انياحي
يمه بدونج .... دارج تسكنه الدمعه
بمه بدونج .... اكضيهه ابجي وانعه
مصيبه يا كبرهه
وعلي ايعاين كسرهه
.......
اكثر صوره اتألم جانت . عل شافاهه
حسين امدد طول اويمه . وما عافاهه
يصرخ يمه... وهيه اتضمه .. بهيده اتكلمه
روحه انطاهه
من كثر امناشغته اعله امه . وكثر اوجاعه
خفت عليه لا تطلع روحه . بهاي الساعه
اسماء اني ... حسين اذاني ... زاد احزاني
عطشت كاعه
يشبك بيهه .... ويعاين اعله اعضيده
يشبك بيهه .... ويخلي اديها ابيده
وي شمشم ابعطرهه
وعلي ايعاين كسرهه
.......
كلهه بصوب وزينب جانت . هاي الليله
تجري ادموع الفركه وتشكي . الحامي ادخيله
ادكله امنه ... امن اتفاركنه .... يكثر همنه
ياهو يشيله
بوية ازغيره انه ومحتاجه . الحضن الزهره
مابية اتيتم من زغري . واجري العبره
من بعد امي ... يكثر همي ... ويصير اسمي
ايتيمه ابكسره
محتاجتهه ... كللهه لا تتركني
محتاجتهه ... اشمحلاهه من تحضني
تتخيل صورهه
وعلي ايعاين كسرهه
.......
كلمات
موسى الخادم
يزهرة عمري فدوه عيوني لعيونچ
لو ما ولدي ماطب داري من دونچ
............
اطب للدار مگدر وانتي مو بالدار
وأصد للباب وسفه وبيه الچ اثار
لو ماعندي ابيتي ولدنه ازغار
چا عفته يمن لوني فده اللونچ
.........
وحشه الدار مظلم من بعد عينچ
اطب شلون واسمع فاطمه وينچ
الحسن مهظوم اشوفه وينحب حسينچ
وزينب صعبه اگلهه ابنيتي اشلونچ
.......
الدار الما اشوفچ بيه ماريده
وعلي حگه المصابچ يفرك بأيده
الابو يشبع قهر لو يسمع اوليده
يريد امه وبنينچ ادري يردونچ
..........
يفاطم يامن اسمچ ساكن ابالي
شيصبّرني امن اصد داري صبح خالي
يجن الليل واجمع يمي اطفالي
ينوحون ولون يمهم يبچّونچ
......
الدار الما يشع بضواچ ماجيله
ومحّد يمي اگعد ضيمي اشچيله
علي بعدچ يفاطم منهدم حيله
حسافه امن الاحبه خابت ضنونچ
........
الدار البي ضلع مكسور وتهشم
الدار البي سگط محسنّه وتألم
الدار الّي بعتبته ضل أثر للدم
ماريده وحگ كل ورمه بجفونچ
.......
الشاعر محمد حسن ضيغم
شُو وَحَّدَكْ رَاجِعْ إِلِي
وِينِ الزِّچِيَّه يِالْوِلِي
مَدْرِي عَلِي لُو مُو عَلِي
رْسُومَكْ أَصِدْ مِتْغَيِّرَه
-----------------------
زِينَبْ أَنَه رِدْتَ اسْتِمِعْ
شْلُونِ دْفَنِتْهَه بْيَا وَضِعْ
تِدْرِيهَه مَكْسُورَةْ ضِلِعْ
كِلْ خُوفِي يِلْچِمْهَه الثَّرَى
-----------------------
مَا يِرْهَمِ لْحِزْنِي صَبُرْ
مَا رِيدَه يَا بُويَه الْعُمُرْ
وُامِّي الْحَنُونَه بِالْگَبُرْ
جَمْرَةْ دِلِيلِي مْوَجَّرَه
-----------------------
رَاحَتْ وَلَا بِيهَه وْتِرِدْ
حِضْنَتْ تَرَه تْرَابِ اللِّحِدْ
وْكِلْمَنْ حَبِيبَه يِبْتِعِدْ
بْغُرْبَه يِعِيشِ لْخَاطِرَه
-----------------------
گَلْهَه يَبُويَه مْنِ دْفَنِتْ
أُمِّچْ عَلَى الْغَبْرَه طِحِتْ
وَيَّاهَه يَا زِينَبْ مِتِتْ
وِبْرُوحِي نَارِي مِسْعِرَه
-----------------------
هَسَّه انْكِسَرْ حَامِي الْحِمَه
مِنِّي خَذُوهَه فَاطِمَه
لُو أَبْچِي عَالزَّهْرَه دِمَه
مَا يُوفِي حَگِّ الطَّاهِرَه
-----------------------
عِينِي انْطُفَتْ ظَهْرِي الْتِوَه
وِلْعِلِّتِي مَاكُو دِوَه
مَاتِ الْهَوَه وْمَاتِ الضِّوَه
وِضْلُوعِي كِلْهَه مْكَسَّرَه
-----------------------
#الليالي_الفاطمية
الشاعر حسن خنافر العاملي
#من_ديوان_دموع_وعبرة_في_رثاء_العترة_ج٣
فزاعيه مع هوسات للزهراء (يلوك للزهرة)
❥━──➸➽❥❂❥━──➸➽❥❂
ونن والونين يلوك للزهرة
ماتت من عذاب الباب والسطرة
❥━──➸➽❥❂❥━──➸➽❥❂
دكن حيل والدمعه لمصيبتهه
نامت بالثرى وعافت بنيتهه
مهظومه وعله امها جرت دمعتهه
(تستاهل هوسه المظلومه)
❥━──➸➽❥❂❥━──➸➽❥❂
تستاهل عليها العين نعميها
وي زينب الحره الدمعة نجريها
عله الماتت زغيره خل نواسيها
( مكابل نلطم وياها)
❥━──➸➽❥❂❥━──➸➽❥❂
نواسيها العقيلة ونهمل الدمعه
امها الحملت ما الها ابد رجعه
تتباجه عليها وحيل منفجعه
(وتكلها أفراكج هد حيلي)
❥━──➸➽❥❂❥━──➸➽❥❂
من يوم المشيتي ثكلن اجدامي
الشيب استوطن بكلبي وترك هامي
وصارت يالحنينه سود ايامي
(من بعدج ضيعت سنيني)
❥━──➸➽❥❂❥━──➸➽❥❂
يا يمه شحلات الكلمة بالشفه
دمع العين اريدن جفج ينشفه
عمري كله للونات ما يكفه
(وياج اتوسد لو بيدي)
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
عليهه العين دم تبچي هاي امي الحنينه
*
هــايــه ام البخت حـلوه المعاني
اريــدن مــن وكتـهه بــس ثواني
اون يــانــاس ومـضــيع حــناني
وگلبي علــيهه مــابطــــل ونيـنه
*
ام البيــت ينشــد بيتــي عنهــه
عــزيــزه وغاليه بس كلف ونهه
شگد حسرات بيهه وهم چونهه
وراحت يــاخلگ مـاضن تجينه
*
ظلمه الدنيه من رحتي ومشيتي
احسن روحي وي روحچ خذيتي
يروحي بدنيتي گــولـي شجنيتي
وگضيتيه العـــمر كــله حـــزينــه
*
دمــوعــي اعزاز بس لمي تبدت
الراحت يــاخلگ مــاضنهه ردت
بــاب اغيابهه مــن مشت سدت
واحــنه مــن البــعد الهـه بچينه
*
بيــت ابلايـه ام مـاينحسب دار
وگلــب الفــارگـاهــه مشتعل نار
العــاف امــه دليــله يشــبه اثـار
خــاوي وكــل ركـن مهدوم بينه
*
خـــاوي البيــت والــدلال خـاوي
واضـلم صــار ذاك الچــن ضاوي
كلــشي الــبي گــاضيــهه نـعاوي
وعليــهه اهــواي يــاوادم نعـينه
*
عمر وبــدونهـه تهــد حيله الايام
ونــظل انــتاني جيتهه بــلاحلام
يــوم المــاتجـي يــمر كلــه بالام
ودنــيه بــس حــزن تلتـم علينه
**
ابوحيدر
الصبيحاوي
#بضعة_الرسول
جديد بمناسبة شهادة الصديقة الطاهرة فاطمة الزهراء عليها السلام قصيدة بعنوان (صدگ عافتنا )
الليله صدگ يمه ترحين ونصبح يتامه
الليله البيت يم حسن يتخلخل نظامه
و تنطفي شموع بيتنا والدمع ايتهامه
الليله والدي محزون وموتچ علامه
▪️〰▪️〰▪️〰▪️〰▪️〰▪️〰
بغيابچ اظل انحب يا يمه بحجرتچ
يا هظم گلبي ييمه وعشت امصيبتچ
ردي يا يمه جواب زينب انه ابنيتچ
صعبه عليه يم حسن ما تنحمل فرگتچ
▪️〰▪️〰▪️〰▪️〰▪️〰▪️〰
ردي الدارچ.يا يمه وسمعي الونين
صعب فگدچ شوفي الحسن وحسين
وزينب انه الطم الهام والدمع بالعين
واوالدي من الحزن يصفگ بالايدين
▪️〰▪️〰▪️〰▪️〰▪️〰▪️〰
ريتچ تشوفي الدار يمه ظلمه وكئيبه
من كثر الحزن تهمل دموع المصيبه
تشاركنا العزه بفگدچ يا زهره الحبيبه
كلشي ينوح فگدچ وهايه مو عجيبه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
واويلاه يافاطمه واويلاه يافاطمه
...............
عفتي علي بلا حيل من رحتي لليوم
تهدم كياني اعليج من كثر الهموم
واويلاه يافاطمه واويلاه يافاطمه
...........
بالحرب مامكسور هسه الكسر صار
منهو اليصدك هاي كاسرني بسمار
واويلاه يافاطمه واويلاه يافاطمه
................
لمن يمرني الليل ريتج تشوفين
يالزهره سابع جار يسمع بالونين
واويلاه يافاطمه واويلاه يافاطمه
...................
جسمي ذبل ونحيل وتغير اللون
بغربه واعيش شلون وسط اليشمتون
واويلاه يافاطمه واويلاه يافاطمه
...................
زينب يزهره تريد حضنج تعالي
ايلجمنهه من فركاج سود الليالي
واويلاه يافاطمه واويلاه يافاطمه
..................
شيعتج بنص ليل يانور العيون
وجبت الحسن وحسين ويه اليشيعون
واويلاه يافاطمه واويلاه يافاطمه
...............
غسلتج وصبيت من عيني كل ماي
كل ضنتي تكومين ماكمتي وياي
واويلاه يافاطمه واويلاه يافاطمه
..................
ماادري هيج ايصير نتفارك بساع
ماينحمل والله وياج الوداع
واويلاه يافاطمه واويلاه يافاطمه
محمد هادي العقابي
راحت امي.. وگلبي مفجوع
شيعوهه.. بليل الدموع
ايعينه الله.. الماتت امه.. ياغربته
....................
التارسه اعيوني بمحنتهه ودلالي
راحت ومن عدهه ضل البيت خالي
السهرت وتعبت عليي طول الليالي
كسر ضهري افراكهه وهذا آنه حالي
جن عليه.. الباب مدفوع
شيعوهه.. بليل الدموع
ايعينه الله.. الماتت امه.. ياغربته
.........................
اليفكد الغالي يضل مشلوع گلبه
شلون باليفكد الام ياناس صعبه
عمري خمس اسنين اشوف الدنيه غربه
بده وياي الزمن والله وعلن حربه
فاركتني.. بكسر الضلوع
شيعوهه.. بليل الدموع
ايعينه الله.. الماتت امه.. ياغربته
..........................
انه زينب والحزن خيم عليه
فاطمه ام الخير راحت من اديه
صار يلجمني النفس كل مغربيه
نامت بحضن الكبر شيردهه اليه
للحبيبه.. وني مسموع
شيعوهه.. بليل الدموع
ايعينه الله.. الماتت امه.. ياغربته
.........................
ليش من ايدي خذاهه الدهر كوه
واخذ وياهه المحنه وذكره حلوه
الوحشه ترست بيتنه وظل هوه هوه
الدنيا بس وي امي جانت والله حلوه
والفكدهه.. گلبي موجوع
شيعوهه.. بليل الدموع
ايعينه الله.. الماتت امه.. ياغربته
......................
اسأل حسين واكله ترد علينه
مايسولف واليسولف دمع عينه
يكلي راحت امنه ياخويه من ادينه
اليوم شيعنه المحنه اويه الحنينه
وبوجهه.. الاثر مطبوع
شيعوهه.. بليل الدموع
ايعينه الله.. الماتت امه.. ياغربته
..................... .......
هنانه ثوب امي واشمن بي هوايه
وبي اثر بسمار شفته وبي دمايه
صفنه صار البيت مانسمع حچايه
ومني چلمة يمه اخذتهه المنايا
ودعتهه.. واعلك اشموع
شيعوهه.. بليل الدموع
ايعينه الله.. الماتت امه.. ياغربته
محمد هادي العقابي
https://youtu.be/AsnwlP4iwjE?si=ZBGR68osRio6Dj9e
.❨﷽❩┈قصيده للزهراء ع
امنياتي..... كون تنعاد واشوفج
امنياتي.... معلكه بجمرة طيوفج
بس ردت اشكي العذاب
اشسوه بيه هالمصاب
امنياتي..... كون تنعاد واشوفج
⊰᯽⊱┈──❊╌─┈⊰᯽⊱
ياحلم ما مر عليه وكلبي ذابل
متني چن اتلول عگبج يمه شايل
بزغري ويايه الدهر من هسه عايل
ماصحت غيمة وداعج والعوامل
وبحياتي..... ميته بس اشفافي تحجي
وبحياتي..... انكتب للدوم انعه يمه وبجي
اسالج وين الجواب
اشسوه بيه هالمصاب
امنياتي... امنياتي
⊰᯽⊱┈──❊╌─┈⊰᯽⊱
اتلوج بنتج بالهظهم طول الليالي
ورسمج ايباصرني يمه بنص خيالي
اشلون يهدا كلمن ايفاركله غالي
حالي ماينطاك عكبج يمه حالي
والمدامع.. تنزل وحفرت نهرها
والمدامع.. فاركت سجت صبرها
مني تاخذ هالسحاب
اشسوه بيه هالمصاب
امنياتي... امنياتي
⊰᯽⊱┈──❊╌─┈⊰᯽⊱
يمه دهري ليا كتر غيبج عني
جنه روح ابروح يمه ونتي مني
بعد عينج يالزجيه خاب ظني
تيتمت ونه بعدني بزغر سني
يالحنينه.. عفتي كلبي ايلوج وحده
يالحنينه. صبري واصل يمه حده
ردتج لذيج الصعاب
اشسوه بيه هالمصاب
امنياتي... امنياتي
⊰᯽⊱┈──❊╌─┈⊰᯽⊱
اشلون بيه اتعودت اغفهه بدليلج
يم ضلع مكسور تاليتي اشتكيلج
وين الكه بعد بالدنيه مثيلج
ليش يمه بسرعه عجلتي برحيلج
دمعة العين.... نشفت وماظل دمعها
دمعة العين.... فكدج الجارح شلعها
ارويت كل هذا التراب
اشسوه بيه هالمصاب
امنياتي.... امنياتي
⊰᯽⊱┈──❊╌─┈⊰᯽⊱
بعد شلي بدنيه ظل طافي ضواها
امي من عندي الزمن حيل ابعداها
ريت لو ساعه تجيني اكعد وياها
وسفه مني لموت هالليله خذاها
وبوداعج..... غصن ذابل هيجي روحي
وبوداعج..... طافحة وتلهب جروحي
الماي عن هروشي غاب
شسوه بيه هالمصاب
امنياتي... امنياتي
⊰᯽⊱┈──❊╌─┈⊰᯽⊱
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
https://youtu.be/EOCfS_USaa8
💔 أويلي عليج يمّه 💔
حزن وفراك. وگلب مشتاك
وبعيده المكبره عليه
==========
يمه يالزهره انجوه گلبي بغيابج
كل مسيه اكعد وون وانعه لمصابج
يمه هالباب الذي سبب عذابج
حيل اذاني تره ياييمه بابج.
الفكد جتال. يضّيْع اعيال
وبعيده المكبره عليه