🌴تجمّع الزهراء ع العاشورائي🌴

09 July 2024 01:14

https://youtu.be/MKp7YSOj9J0?si=2f9SZLp-pnx1H9pb

نعمت عيني عليك مولاي 😭💔

🌴تجمّع الزهراء ع العاشورائي🌴

09 July 2024 01:13

نرفع تعازينه الــى المهـدي
بكَطع النحر لو بالخيم نبدي
****
بكل العوالم ماكو من صبرك
يالباالقهر كَضيت كــل عمرك  
اكَلوبنـــه المذبوحه متعــذرك
لشوكت هاي الدنيــا تنتظرك
يالغيرك احچي وياه ما عندي
****
ريتــك يمهدي بليــلة العــاشر
ويــة الدمــوع وزينب مساهر
محد يجيها لــــو طلــــع باچــر
على حسين اخوها يدوس چم حافر
ذبحو اخوتــي تصيح يـا جـــدي  
****  
شيكَــول كَلبك لو چنت يمها
كلســـا يجــي واحد يشتمها
يلهب يبـــو صالح مُخيــمها
شافت مصايب ازيد من أمها
للشـــام بيها قاتلك يحـــــدي
****  
يالمهدي كون تشوف غربتها
بكل الأرض ماكــو بمصيبتها
يشتموها ويحركَون خيمـــتها
تعمـــي ألف يعقـــوب حالتها
لسـه كَلبها من اليســـر يــديِ
****  
بيهه سمَعنه ومتنـــه عالحــرة
ما شفنه يعني من انكَطع نحرة
فوكَ المثلث هشـــمو صدرة
كَلبك عجيبه ما خلص صبـرة
يالفدوة اروحله وهلي اولدي
****
شسوت يمهدي بكَلبك اللوعة
عمك لهســه چفوفه مكَطوعة
القرآن يمتــه تنشـــف دموعة
أمك الزهــرة لســــه مفجوعة
عوف الدموع التـــاكل بخَـــدي
****
عاشـــر محرم باكَ كل نومك
تآخذ الثـــار وتخلص همومك
متــىَ ترانــا ونرىَ يومـــــك
يالحتـى سيفك سيدي يلومـك
بيــك الهموم تجيب وتــودي
****  
يمتــه تجــي يالطَول اغيابك
يومية منهم ينــزف اصوابك
عَلَكَنـــه كــل كَلوبنه ابـابـــك
راحت تموت من البچي احبابك
أعتــذر خـــاف يألمــــك ردي
****  
نتنَطَرك يالمهدي كـل جمــعة
البيرغ تشـيله وجيشك اطلعة
بعيون زينب مـــا بقت دمعة
چا يمـــته حقك منهــم ترجعة
هيچ واصير بعسكرك جنــدي
****  
حيدر حسين الكرعاوي
 

🌴تجمّع الزهراء ع العاشورائي🌴

09 July 2024 01:02

هوسات للنزله


گضت روح العقيله وجرت دمعتهه
ولديار الذبح وصلت ضعينتهه
ونزلو هوسو گدامهه اخوتهه
(( عد عينچ رباط الهوسه ))


عد عينچ يزينب كلهم ينادون
مو بس روس نفديلچ عليهه امتون
چا فن العده لحدودچ يگربون
(( واليوصل حدچ ياويله ))


صدگ ماراد روحه اليوصل الحدچ
نگص ايده ونگص راسه وحگ جدچ
وانتي اسباع بالشده ضخر عندچ
(( والعايل بيچ يذبحونه ))


يذبحونه اليعيل اعليچ فنه ايعيل
خوش اسباع عندچ ماتنام الليل
الف ياحيف وكتچ بالطفوف ايميل
(( والبين يخليچ اوحيده ))


وحيده بكربله ايخليچ ناوي البين
عشيره امن الزلم يازينب اتضيعين
تصدين اعله چف البطل وتنوحين
(( مايسلم چفه تعرفينه ))


مايسلم يزينب ينگطع چفه
بعد ياهو اليشيل العلم والكلفه
راسه الينطبر تدرين مايشفه
(( وبعينه وراسه ايصوبونه ))



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

🌴تجمّع الزهراء ع العاشورائي🌴

09 July 2024 01:00

ياهيبة_أكبر ؟


.     انـشـافـت غِيره عالعين   دمـعـة المـنـبـر
      اسـمـي خـادم حـسـيـن   يا هيـبـه اكـبـر

              گـلـبـي   شاف العشِگ بـابـك
              دربـــي   مـتـوضـي بـتـرابـك

                            *---------------*---------------*

يَـسِر كل لـهـفـه بروحي
يگلك صوت اجـروحـي   الـك مـخـلـوقـه الـعـيـن

أنه العـرفـوني بـحـزنـك
عـشـگ ويـن يصح منك   جـمال الـكـون حـسـيـن

     يا مـحـبـوبـي ومو من عـمـري ايامك تنعد
     مـن عـام لعام امـتـانـيـهـه بـثـوبـي الاسود
     مـتـوارثـهـه الـخـدمـه من اهلي أباً عن جَد

      نــاذر دمـعـي إلك مــاي   يالباقي ظامـي
      من الحر ونّـتـي افـيـاي   لجسمك إمامي

              عيـنـي   منـذوره لِـمـصـابـك

                            *---------------*---------------*

تـجـي أيــــام الـخـدمـه
وأشِــد احــــزام الـهـمّـه   وخـدمـتـك مـا تـنـعـاف

سنـه لـهـالأيـام أحـسـب
وأنه اليشعر بـالـمـوكـب   ملك وبـعـرشـه انـشـاف

     دمعه انه وكل مـا مر حـزنـك بـهـداي اوگع
     ولـو مـا اخدملك بـالـمـوكـب مـشـاي اطلع
     وي رجـعـت ظعنك لخيامك يحسين ارجع

      آنــه الـمـا طـفـت يــوم   مـتـوجـره نـاره
      و أوصـلّـك بـالـهــمــوم   وكـت الــزيــارة

              تطـفـه   نـاري على اعـتـابـك

                            *---------------*---------------*

هوى امصـابـك متنفِّس
أحِب ونّـات الـمـجـلـس   من اونـهـه اتـلـث ونات

أظَـل خـــادم هـنـيـالـي
حبيبي وعشگـك غـالـي   اعــوفــك لا هــيــهــات

     يا أول حُب عـشـتـه بـعـمـري وغازل گلبي
     اتـعـبـلـك يـحـسـيـن ورايـد تـقـبـل تـعـبـي
     آنــه الـذاك الــ بٱحـضـان الـمـنـبـر مـتـربـي

      لــغــيــرك مـــا گـلـت لا   كلمة حـبـيـبـي
      وأسـمـك عندي مـعـنـاه   يا دنـيـه غيبي

              حـاضر   مـا يـخـطـر اغيابك

                            *---------------*---------------*

بـشـر  قــــرآن بـطـبـعـه
وگلب عبـاس يـجـمـعـه   ودمــــع زيــنــب تـقـراه

الملك تـحـچـيـه بـ الونّه
ونـهـر عَـسَـل مـن الجنه   لـحـلاتــه يـصـيـح "الله"

     هـيـچ اتـشـوفـك يابو الاكبر هـاي اعيوني
     چـاهـل بس اشـتـاگ لأسمك ويـعـرفـونـي
     من الكاروك، من ابچي بطرواك ايسكتوني

      مِـن كـاروكـي لـلـشـيـب   بالدمعـه دارس
      حافظ درسه عـالـغـيـب   حـزن المجالس

              مـوتـي   مـتـسـلّـبـه اثـيـابك

                            *---------------*---------------*

يـكـاسـر گـلـب الـزهـره
طبيعي لگلبي اتـكـسـره   العجب ، لامتني الـنـاس

الك مـا ينشف جـفـنـي
عـلامة حـبـي بـحـزنـي   الـكـسـر كـسر الاحساس

     اتـبـاوعـلـي الناس ومتـگـول العاشـر يمته
     من وجـهـي ايبيّن بعد اشگد واتطيح انته
     راسك عُـجبـه ويـقـرة الـقـرآن بـفـاتـحـتـه

      راسـك عـالـرمـح چــان   للـكـهـف يـقـره
      يـا دســتــور الاحـــزان   وسـيـد العَـبـره

              روحـي   تـنـشـاف مـحـرابك

                            *---------------*---------------*

.      محرم¹⁴⁴⁶
✍️خادم الحسين ع
الشاعر سعد هادي الشمري

🌴تجمّع الزهراء ع العاشورائي🌴

09 July 2024 00:44

((خروج ضعن المهابه))
ابتدة ساعة جروحچ

شور... للعليله ص
حينما هم الضعن بالرحيل والابتعاد عن ناضر العليله ص... القصيده تتحدث😔💔


راحو اوعافوها روحچ
وابتدة ساعـة جروحچ
حمل اعزازچ ضعنهم...مايفيدچ صدگي نوحچ

شوفي البي ورده ورده
گبال عينچ هــــل تعده
اقره بوجوه الأحبهم.. هالضعـــن لا مـــاله رده

شمتاني يا. گلبي ضعنهم. هالمـشه
تدري عليله. اومن يبعد. أستوحشه 
بس وجه ابوي. وشوفته. هيه الشفه

طفله وعليـــــله والسـده
ما ضل أبو لا والــــــــــده
صعب اليـــعيش ابلا أهــل
يضل يبچي مثل الـــفـاگده

آآآه... آآآه...... يافاطمه......آآآه آآآه... يافاطمه
ـــــــــــــــــــــــــــــــــــــــــــــــــ
راحو اوكسرولي خاطر
والركض رايـدله شاطر
شبعت طيحات ابدربهم... صعبه للمثلي يكابر

يا دمعتي صبــي صبي
شبگي اتراب المشو بي
ولي معلوله اونحيلـــه.... عالترابه تحبي تحبي

مو دمعه طاحت.  چن سهم. خــد جـرّحته
چانالي روح. صعبه الـيعـوف. ارويـــــحته
ويدري الهجر. يفتح جــــــــــروح. أبنــيته

غرگت عيوني ابدمعتي
هيج رحيلــــــه عــلتي
طشر زماني احله شمل
عگبه منو يسد وحشتي

آآآه... آآآه...... يافاطمه......آآآه آآآه... يافاطمه
ـــــــــــــــــــــــــــــــــــــــــــــــــ
ها يروحي شبعي دمعه
عالجفو لا ماكو رجــعه
مثل ما طلعو أريـــــدچ....أطلعي وطفيني شمعه

من أسمــــــــها الغاضريه
كربله كــــــــرب وبلــــيه
گاع عطشانه عله دمهم.... تروى بـــولاد الزچيه

ادري اليطب. گاعچ يمُر... باصعب مصير
يبقى غريب.. اوينكسر... وحـــده ويحير
گباله تطّيح.. كل صحّبته.حتــــــه الزغير


ما مثل ضيمـــج كربله
ما تضل بيچ امدللـــــه
تنذبح بيچ اطهـــر زلم
تموّت عطـاشه العايله

آآآه... آآآه...... يافاطمه......آآآه آآآه... يافاطمه
ـــــــــــــــــــــــــــــــــــــــــــــــــ
حزني ليهم والله سرمد
موقف أتذكـــــره وانهد
يساعد الله گلب زينب... فوگ اخوها الخيل تصعد

عشره خياله اجتله
ما كفاهم وسفه چتله
وصلت اعضامه لخيمها... من لخيم ركظه اعتنتله

يعين الله گلب. الحره بهل. وضع المهول
ابن أمها... يتگلب صفى.. حــــدر الخيول
رادت يگوم. من العطش..صابه النـــحول

نادت اخوها ابلا وعي
وصاح النذل بيها ارجعي
ساعه ويجي راسه ابرمح
ومن الأخـو شوف اشبعي

آآآه... آآآه...... يافاطمه......آآآه آآآه... يافاطمه
ـــــــــــــــــــــــــــــــــــــــــــــــــ

تمت بفضلهم صلوات ربي عليهم
شكرا يافاطمه العليله. ص
✍️خادم الزهراء ياسر الزيادي

🌴تجمّع الزهراء ع العاشورائي🌴

09 July 2024 00:04

منهاج محرم الحرام ١٤٤٦ هــ
#مولاتي_العليله
انه العليله مناطره . انه العليله مناطره
………………………………..

ضليت اناطر ع الدرب ، بلكي الله وتلمنه اضعون
عيونك يبو فاضل طفن ، گالولي ماعنده عيون
والحافر بصدر الولي ، ماخذ مچاني يگولون
طولك يبو الاكبر زغر ، تلمه الحصيره زغيرون

انه العليله مناطره . انه العليله مناطره
…………………………………..
ماضلت اخوان واهل ، لا من ابو يضل وياي
رحتو تطرون الفله ، خوذوني للخيل افياي
جلبت بطراف العبي ، عوفولي عبدالله ارباي
يناغيلي بالليل الطفل ، واحچيله شمسوي الماي

انه العليله مناطره . انه العليله مناطره
…………………………………….
ماحاسبه احساب المشو ، گالو نردلج بعدين
حمل ظعنهم ورحلو ، والممشه متروس اونين
صار الوكت رجل الظعن ، كل خطوه محسوبه سنين
ما ردلي عبدالله بمهد ، لا ردلي ويه الميتين

انه العليله مناطره . انه العليله مناطره

……………………………………
جم اه طشيت الظعن ، حد ما وصل كله اهات
كالولي مذبوح الولي ، سلم عليج ورد مات
مايرجع الطولك عَگب ، تنورهم بيك يبات
راسك نزف وتعلعلت ، متروس كلك چويات

انه العليله مناطره . انه العليله مناطره

…………………………………………
عباس سلمان القلعاوي

🌴تجمّع الزهراء ع العاشورائي🌴

09 July 2024 00:02

ها يهلنه ليش ماخذتوني ليش
ها يهلنه بلا هواكم بيش أعيش

هاي دنيه او من تدور إبلا جدل
تخلي اليريد الأهل من غير أهل

ها يهلنه ها يهلنه

*

اكتب على باب الهجر قد حانَ موسم غربتي
والبگـه براسك يالدمــع انــت بعدهم سلوتي
بعد المشوا اطلب طلب اوكون الله يقبل دعوتي
اللهم طــول حسرتـي اللهم عجــل موتـتـي

كون ميته اولا أظل بالبيت وحدي
كون ميته موتت ادموعي اعلى خدي

وين اروحن من بعدكم وين اروح
يهل بيتي تآكل بروحي الجروح

ها يهلنه ها يهلنه

*

طبع التظل ابلا اهل يخزرهــا بعيونه الزمن
ماتنفع الذكـرى إذا شافـت عمرها ابلا وطن
يلچمني إذا هب الهوه اجروح الأهل ماينسن
كلشي اشوفه ابـلا طعم راحن ايام الما يجن

كلشي ماصخ والجرح يلچم جرح
كلشي ماصخ منين اجيبك يالملح

انتو ملح الدنيه يالبيكم أشوف
خايفه اعليكم يهلنه امن السيوف

ها يهلنه ها يهلنه


****

مو دمع يوگع عالوجن يوگع سؤال اعله الاهل
جا يمته ترجع يالابو وتگلي سيري اعله الكفل
راحت الكعده الما تــرد وبدمعي شيعت الأمل
لودرت وجهي الكربله مو ملگه اشم ريحة أجل

گلبي خايف ياهلي يمته ترجعون
گلبي خايف مو هجركم عامي العيون

عيني راحت من هجركم عيني راحت
چم تعالو اوما اجيتو جروحي صاحت

ها يهلنه ها يهلنه

*

أترجه منكم بـس خبـر أسال الرايـح واليـرد
ومن الحزن دمعي جمر والگلب ميت امن البرد
الماعدها بالدنيا اخو تشوف الزمن خنجر حقد
كل طعنه اصرخ يا علي مـن الزمن اشوه اللحد

وحشه بيتي اوهم عليله اوهم غريبه
وحشه بيتي أنسى واذكر يا مصيبه

كل مصايبكم يهلنه براسي تفتر
من هجركم گلبي يحبابي تمرمر

ها يهلنه ها يهلنه


*

من هيه مثل الفارگـت قــران الله ونعمته
وچانت اطير امن الفرح لو إجه وباست يمنته
چانت اتحـب اسوالفه جانت تهيم ابسكتته
بيا حال ظلت فاطمه اتگـوم وتطيح ابفركته

من هجركم طاحت اوي الدمعه عيني
من هجركم ياهو مـن عدكم يجيني

صوتي ناده ياهلي يهل الوفه
عمري مثل الماي وبرمله انچفه

ها يهلنه ها يهلنه

**

امنيتي چانت نلتقي الگلب حيل إلكم ضمي
ونسمي ذاك الملتقى يوم اللقاء الهاشمي
شمدريني گلب البسمله ابسهم المثلث منرمي
شمدريني بالعاشر صبح يوم الحسين العالمي

وداعة الله يالمشيتوا إبلايه رجعه
وداعة الله دوم أظل أعليكم انعه

حزني نجمه اومايضمها الليل لو چل
ما أأيس أبقى دوم أعليكم اسأل

ها يهلنه ها يهلنه

**
الشاعر سليم الغزالي

🌴تجمّع الزهراء ع العاشورائي🌴

08 July 2024 23:59

*من ديوان📚 مسير الفواطم لارض المظالم الجزء الاول*
*قصيدة للمسير الى كربلاء(آه يالاولاد)*
❥━──➸➽❥❂❥━──➸➽❥❂
لسان حال مولاتنا ام البنين عندما ودعوها اولادها وسارو الى ارض كربلاء تگول:

ودعوني وسافروا ... وللمنيه حملوا
آه يالاولاد                 آه يالاولاد
❥━──➸➽❥❂❥━──➸➽❥❂
ودعوني وسافروا للغاضريه
وبگت دمعاتي عله خدي جريه
رحتو كلكم واضن متردون اليه
توادعت وياكم اوداع المنيه
هذا اضن آخر وداع ... صرت احسن بالضياع
آه يالاولاد                   آه يالاولاد
❥━──➸➽❥❂❥━──➸➽❥❂
روحي صارت ضايعه من ودعتكم
ريت بوداع المنيه ما شفتكم
وريت لارض الغاضريه رافگتكم
من الزغر يولادي انه ما فارگتكم
ريت رافگت الضعن ... گلبي بآلاه امتحن
آه يالاولاد                   آه يالاولاد
❥━──➸➽❥❂❥━──➸➽❥❂
گلبي محزون النوايب تعبنه
البيت ضلمه وخالي من اهل المحنه
انه والطفله العليله نجر ونه
عله العتبه ننتظر تلفون النه
بعتبة الباب انتظر ... الگلب يتلاهب جمر
آه يالاولاد                    آه يالاولاد
❥━──➸➽❥❂❥━──➸➽❥❂
الگلب يتلاهب جمر ويريد الاحباب
راحو وخلو عيوني تربي عالباب
مر ابد ما ينحمل يفراگ الاطياب
آه يا عظم الرزيه وعظم المصاب
آه يا عظم البله ... منين اجتني كربله
آه يالاولاد                آه يالاولاد
❥━──➸➽❥❂❥━──➸➽❥❂
منين اجتني كربله واخذتلي الاحنان
وخذت مني حسين ويه گمر عدنان
نعصر گلبي وخايفه انه على النسوان
من مشه وحمل ضعنهم حيلي ركدان
راح حيلي والگلب ... عليه فرگاهم صعب
آه يالاولاد                 آه يالاولاد
❥━──➸➽❥❂❥━──➸➽❥❂
*بقلم ✍ شاعرة اهل البيت ع*
*العلوية مريم النور نسألكم الدعاء الفاتحه الى روح اختي ولأمواتكم:🍃*

🌴تجمّع الزهراء ع العاشورائي🌴

08 July 2024 23:57

{ *لطميه لمسير الامام الحسين*}
*عليه السلام الى ارض كربلاء*
{١}

*طور : جريمة قتل - ملا باسم الكربلائي* ••••••••••••••••••••••••••••••••••••••••••

*بو اليمه سار ابهَلَه .. قاصد لارض كربله*
*المَثوى الچتِل والبَله .. مِتوجِهه الراحِله*

••••••••••••••••••••••••••••••••••••••••••

وَدَّع ابو اليمه مأوى الرِساله
ولارض الكُرب والمِحن شَد رِحاله
سار ابحريمه وخواته وعِياله
عازم لَعِد مُستقرِ اغتياله

مِن جده طه ضِعَن .. عاف الاهل والوطن
*بو الاكبر المَقْتله .. مِتوجِهه الراحِله*

••••••••••••••••••••••••••••••••••••••••••

بوسِكنه ماشي ابدروب المِنايا
متوجه الطف عظيم الرزايا
صُحبه وهَله بيها يَرحون ضمايا
بسيوف وبرماح فريق الغِوايا

لارض المُصايب نِوى .. قاصد فَله نينوى
*ابعباس ابو المرجله .. مِتوجِهه الراحِله*

••••••••••••••••••••••••••••••••••••••••••

شايل لَعِد قوس ونبلة رَضيعه
وصوب النهر والچفوف القطيعه
ولمصاب لاكبر او موت الفجيعه
الجاسم او وَيّه رزيته الفضيعه

ماضي ابسبيل الألم .. ويا الجزع واليِتِم
*وَيّه سهم حرمله .. مِتوجِهه الراحِله*

••••••••••••••••••••••••••••••••••••••••••

راحل لارض بيها تُسفك دِمائه
وبعد المنيه يِسلبون رِدائه
حِزب الضغينه يِحرقون خَبائه
ويَسْبون بناته وخواته ونِسائه

ودمع العقيله يِصب .. ابسوط الشمر تِنضرب
*للشِده و المُعضله .. مِتوجِهه الراحِله*

••••••••••••••••••••••••••••••••••••••••••

📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي

{{ *اللهم عجل لوليك الفرج*}}

*اسالكم الدعاء للشفاء والفرج*
*عن اختي وصديقتي الغاليه*

← *لا اسمح بإزالة الاسم عند الارسال*→

*واهدي ثواب هذا العمل ، لتعجيل الفرج*
*وهديه لأمواتنا وعلى روح ناعي الزهراء* *عليها السلام السيد جاسم الطويرجاوي* *بالفاتحه تسبقها الصلاة على محمد وآل محمد*

🌴تجمّع الزهراء ع العاشورائي🌴

08 July 2024 23:57

قصائد اليوم الثاني من محرم

•● بوعلي شال ●•

● وزن : الموشح
.
.
.
بوعلي شال وتركها ادياره
بالقلب ظلت توجن ناره

بوعلي شال وتركها أوطانه
ماخذ أطفال ونسا واخوانه
خَلَّه دمعات الألم وأحزانه
وانطفت من المدينه أنواره

شايل الأرض الكدر وَيَّه الحرم
وخلَّه لقلوب الغواليِّ الألم
وابسفرْته والله لفاد انجسم
وذبلت بدار النبي أزهاره

شايل وودعنا بهموم وحزن
وظلت اخلافه العليله بس تون
تبچي يابويه تناديله وتحن
عالاهل قلبي يهل اعباره

امودعين الله ورحلتوا للطفوف
وريت دلالي عليكم بس يحوف
ريتنا طوير وظعنكم بس نشوف
نخاف من دنيا البشر دواره

شايل بضعن الغوالي للغرب
خوفي هي ارض المنايا والترب
وخوفي يشعلها الحقد ليكم حرب
خوفي تطلع كربله غداره

تمت بحمد الله تعالی
بقلم : بنت الشمري

🌴تجمّع الزهراء ع العاشورائي🌴

08 July 2024 23:53

حسين هالليلة رحل / وأخذ وياه الأهل
خاليه الدار / الكربله سار
★★★★★★★★★★★★★
هالمسيه / موحشه لمن مشوا عنها الأطايب
هالمسيه / راحوا الطف كربله كل الحبايب
هالمسيه / عن مدينة جده أبو السجاد غايب
هالمسيه / والورد لمن رحل من حزنه ذايب

كلشي بغيابه حزن / لا ورد ظل لا غصن
طاحت أزهار / الكربله سار
★★★★
وين رايح / كلشي يسئل من رحت ياأبو الأكبر
وين رايح / حتى دارك من كثر حزنه تفطر
وين رايح / والحمام أبهل سفر جنحه تكسر
وين رايح / يعلم بطف كربله يگطعوله منحر

يلي ماشي للسفر / رحلتك بيها خطر
أبن الأخيار / الكربله سار
★★★★
ذكرياتك / أهنا گبر أمك واخوك أهنانه جدك
ذكرياتك / عايف ورايح لارض كربله وحدك
ذكرياتك / العشت بيها بعد ليها أشيردك
ذكرياتك / راحت وبس الدمع ظل أعله خدك

عن هلك يالمبتعد / بعد ألهم ماترد
ويه الأنصار / الكربله سار
★★★★
وآحسيناه / يصرخون بحرگه بعده اهل المدينه
وآحسيناه / وحتى من گبره النبي نسمع ونينه
وآحسيناه / فاطمة الزهره تنادي أمه الحزينه
وآحسيناه / من البقيع الحسن وينادي حسينه

يلي ماشي الكربله / أنته ويه العايله
ماخذ أزغار / الكربله سار
★★★★
الله وياك / يلي ماشي الكربله هاي المسيه
الله وياك / يلي ماخذ زينب وسكنه ورقيه
الله وياك / يالخذتهم كلهم وعايف أبنيه
الله وياك / يل بقيت أعليها دمعاتك جريه

دمعتك طول الدرب / فراگ البنيه صعب
والگلب نار / الكربله سار
★★★★
أم البنين / ياحسين شلون رحت أو ودعتها
أم البنين / وانته أعز واحد عليها وفاركتها
أم البنين / شنهو گالت لمن إيديها بستها
أم البنين / روح هم بيها بقت لمن عفتها

يالخذت أربع ولد / قطعه من هذا الچبد
بيها وشصار / الكربله سار
★★★★★★★★★★★★★
الشاعر (أسعد قاسم الكريعاوي)

🌴تجمّع الزهراء ع العاشورائي🌴

08 July 2024 23:48

لطمية للنزله (من امس لليوم)


من امس لليوم تهمل دمعتي
للهضم والضيم جابوني اخوتي


من امس لليوم عيني هامله
گلبي يتراجف وصلت الكربله
بين خواني عزيزه امدلله
والبطل عباس گال بعهدتي
من امس لليوم تهمل دمعتي


گال اجيتي اوياي وانتي بشاربي
شحده لخيامچ يطب الاجنبي
انه اخوچ الهاشمي والطالبي
ونزلاني وگام يبني بخيمتي
من امس لليوم تهمل دمعتي


نزلاني وگام يبني بالخيم
وگال لاتبچين شيال العلم
وانه من هسه تراوالي السهم
خايفه اعله عيون عزي وهيبتي
من امس لليوم تهمل دمعتي


خايفه اعله عيون عزي وكافلي
بالسهم تنصاب واحنه ننولي
گتله اريد انخاك گال ادللي
گتله ردني ابساع وارحم حالتي
من امس لليوم تهمل دمعتي


ردني ياعباس بيدك للنزل
گوم گوم بساع ماطولك عدل
مايضل صيوان باچر لاشمل
هاذه الفراگ وعذابي ولوعتي
من امس لليوم تهمل دمعتي


هاذه الفراگ وعذابي اتلملمن
نزلن بوادي الطفوف وغيمن
والسيوف اعله الغريب اتحزمن
كون گبله السيف يگطع رگبتي
من امس لليوم تهمل دمعتي


كون ينگص منحري ولامنحره
لااضل بدار غربه اميسره
من سمعهه اغتاض سبع الگنطره
وگال لفديچ بيميني وهامتي
من امس لليوم تهمل دمعتي



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

🌴تجمّع الزهراء ع العاشورائي🌴

08 July 2024 23:47

عن لسان حال العليله  نعي

•┈┈┈••✦•••💚✿💚•••✦••┈┈┈•

هلي حملو  عني وجفوني
واره   ضعونهم  تربي عيوني

انده ياهلي وياكم خذوني

بديرانكم  وحدي لا تعوفوني

•┈┈┈••✦•••💚✿💚•••✦••┈┈┈•

تدرون يهلي صعب الفراك

وعليه بعيده ديار العراك

كلبي شلون اصبر الكم شتاك
لشوفتكم احنن والصدر ضاك

•┈┈┈••✦•••💚✿💚•••✦••┈┈┈•


بويه ليش منكم  عزلتوني

شكد توسلت يهلي خذوني

وكت المغربيه ياهلي توحشوني
والله غيابكم  غير لوني

•┈┈┈••✦•••💚✿💚•••✦••┈┈┈•

يبويه وين وداكم زماني

عل درب اريد اكعد وتناني
فركاكم يابويه هدني وعماني

لاخبر لاطارش منكم لفاني

•┈┈┈••✦•••💚✿💚•••✦••┈┈┈•

عيني عل درب صبح ومسيه
وماضن بعد  الكم جيه
كطعت الضنه  وهاي هيه

وضلت دمعاتي  بجفاكم جريه

•┈┈┈••✦•••💚✿💚•••✦••┈┈┈•

┈••●••┈               
︴       ︴      ︴
      ︴       ︴       ☆
      ︴        ☆   
       ☆
قناة 🎬

‏℘(✍)⇣✿    ℘الشــاعرة 🌹🕊

               العلويه ام رائد زوين ✨

🌴تجمّع الزهراء ع العاشورائي🌴

08 July 2024 23:20

نوحية للمسير

المستهل

سارو ابليل إخوتي اوغرب ضعنهم
وانه احشم خاف محد يبقه منهم

❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥

ردو خويه بلعجل لاتمشوني
هالدرب كله عذاب  اورجعوني
ديارهم توحشني اوتبجي اعيوني
صحنه عليهم مارضو ساير دربهم

❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥

يحسين عن البيت لا تبعد اوردلي
خلينه والديوان زاهي ابنزلت اهلي
اشلون نمشي يخوتي ابياحال كلي
ياهو اليجي شيكول اهلي اوياضعنهم

❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥

اشلون شيلتنه يخويه ادخيل يسباع
نسوان هايه اوما امعلمه الهاي الأوضاع
لو راحو اهلي نظل بعد بس السمه اوكاع
شيصير بيهن هل الغوالي من عكبهم

❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥

اشمحله الرفاكه وي هلي اشما طال دربي
فرحانه مابين اخوتي اوفرحان كلبي
ابكلبي اكولن  دايمه هايه يربي
يين اخوتي ومدلله مافاركنهم

❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥

شحلاته رفجت الوالي يلتشوفون
رفجة نزيها اومالي غير اهلي تعرفون
يارت دامت هلمسيره يهل الفنون
خوان عندي وفتخر ماكو مثلهم

❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥

ياراحلين الكربله اوشديتو الرحال
هاي العراضه الي اجتنه تفجع الحال
وحنه حرم ماشايفين اربات  الدلال
كلتلهم اخذوني  اولا اضل  بمحلهم

❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥

بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له

الفاتحه على روح الشاعره ام تحسين

جديد بالقناة من كتب المرحومة

🌴تجمّع الزهراء ع العاشورائي🌴

08 July 2024 23:19

أَبَدَاً وَالله...لا نَنْسَى حُسَيْنَاهْ...
-----------------------
هَالْجَرِحْ   فَزِّ   بْدِمَانَه   وِالضَّمَايِرْ
يُبْگَه  وَيَّانَه  مَلِكْ  بِينِ   الْمَشَاعِرْ
مَا  نِسِينَه  كَرْبَلَه  وْگَطْعِ  الْمَنَاحِرْ
وِالصَّدُرْ ذَاكَه الِّذِي تَحْتِ الْحَوَافِرْ
نَسْعَى لِرِضَاهْ...لا نَنْسَى حُسَيْنَاهْ...
أَبَدَاً وَالله...لا نَنْسَى حُسَيْنَاهْ...
-----------------------
كَرْبَلَه قِصَّةْ  عِشِگْ  مَاكُو  مِثِلْهَه
وِالْجِفِنْ سَطَّرْهَه بِدْمُوعَه الْيِهِلْهَه
كَرْبَلَه  يَعْنِي  بِنِتْ  ضَاعَوْ  أَهَلْهَه
كَرْبَلَه  يَعْنِي  مَرَه  ذِبْحَوْ  طِفِلْهَه
قَسَمَاً بِدِمَاهْ...لا نَنْسَى حُسَيْنَاهْ...
أَبَدَاً وَالله...لا نَنْسَى حُسَيْنَاهْ...
-----------------------
فَاطِمَه أُمِّ الْحَسَنْ  يِجْرِي  دَمِعْهَه
بِالْمَجَالِسْ حَاضِرَه  تِلْطُمْ  ضِلِعْهَه
وِالله  هِنْيَالَه  تَرَه  كِلْمَنْ   سِمَعْهَه
بْگَلْبَه تِنْحَبْ وِالْحِزِنْ غَيَّرْ وَضِعْهَه
كَمَدَاً تَنْعَاهْ...لا نَنْسَى حُسَيْنَاهْ...
أَبَدَاً وَالله...لا نَنْسَى حُسَيْنَاهْ...
-----------------------
هَالرِّزِيَّه   بَاقِيه   لْيُومِ   الْقِيَامَه
مَا يِهِمْنَه الْعَاذِلِ وْحَچْيِ الْمَلَامَه
إِحْنَه عِدْنَه وَالِدِ احْتِرْگَتْ خِيَامَه
وِالسِّيَاطِ تْكَسِّرَتْ  فُوگِ  الْيِتَامَه
كُلٌّ نَادَاهْ...لا نَنْسَى حُسَيْنَاهْ...
أَبَدَاً وَالله...لا نَنْسَى حُسَيْنَاهْ...
-----------------------
بِالْگَلُبْ ذَبْحِ الْوِلِي تَارِكْ  حَرَارَه
كِلْ شَعِيرَه  لِلسِّمَه  تُبْقَه  مَنَارَه
نِلْطُمِ وْنِبْچِي عَلَى دَمَّه الْتِجَارَه
وْبَارْبَعِينَه بِالْمَشِي تِحْلَه الزِّيَارَه
نَمْشِي لِنَرَاهْ...لا نَنْسَى حُسَيْنَاهْ...
أَبَدَاً وَالله...لا نَنْسَى حُسَيْنَاهْ...
-----------------------
نِنْتِظِرْ  يَمْتَه  يِجِي   بَدْرِ   الطَّلِيعَه
يِطْلُبِ  بْثَارِ   الْوِگَعْ   يَمِّ   الشِّرِيعَه
حَاشَه يِنْسَه ثَارَ ابُو الْيِمَّه وْرَضِيعَه
وِالْغَرِيبَه   زِينَبِ   الْحُرَّه   الْوِدِيعَه
فَمَتَى نَلْقَاهْ...لا نَنْسَى حُسَيْنَاهْ...
أَبَدَاً وَالله...لا نَنْسَى حُسَيْنَاهْ...
-----------------------

#محرم_١٤٤٦هج
الشاعر حسن خنافر العاملي

🌴تجمّع الزهراء ع العاشورائي🌴

09 July 2024 01:13

على لحن الملا باسم الكربلائي
عينك ما دربتها بيوم عن عيني✍️✍️




ما تآخذ يعمــة الثــار شمتاني
يالمهدي بظهورك تخلص احزاني
****
زينب آنه يــا عمة السبـو ضعني
مليت الحزن والحــزن مَــل مني  
كل الزار كَبــري يستمـــع ونـــي
يا عمــه وكَع من السـبي متنـــي
ذبحو بالطفوف بسـاعة خوانــي
*
يا عمـــه على العترة الظلم لســه
هاي الأمــة بس المُجرم تقدســـه
حركَو باب أمــك ذولة مو تنــسه
كَطع الروس عدهم تسلية اونسه
ما يطهر يعمــه الفكرة شيطــاني
*
يعمــه راح أسولفلك على العاشر
يدوس بصدر أخوي حسين چم حافر
صرخ عبدالله من شـــافه بلا نــاصر
حركَــو خيمتي وراح انسبي باچــر
واعوف علـى الثـــرة مذبوح قرآنــي   
*
آنــه من السبي عمه انهدم حيلي
عيونك يابو صالــح لسه تبچــيلي
من عاشــر محرم ألف يا ويلــــي
عمه شلــون صابر كَلـبك احچيلي
غيرك أي شخص عالـــثار ميتاني
*
أتنطر ظهورك عمــه كل جُمـــعة
واكَولــن بلكي هالليلة يلـــم ربعة  
يعمــه بعيني ما ظــلت بعد دمـعة
يمــته من آل أميــة حكَــك ترجعة  
يردونــي ســبيه لســـه عدوانــي
*
يعمــة سنين هجرك صارن هواية
          عــد عباس يم المشـــرعة الراية
هواية أنصــار عندك عمــة وفاية
حشــد عدنه يعمه وعدنــه مشاية
وكل وآحد يكَــلك هــاك شريـــاني
****
أمــك فاطمــة لليـــوم مظلـــومة
مو عنـــدك مراقد لســـه مهدومة
ثارك يابو صالح ما كَرب يومـة
هاي الشيعة منك ليش محرومة
آني من المصايب صرت مو آني
*
من أهـل السقيفة لــو اجيت اِبدي
ذولــة تشمتو؟ماكـــــو أبــد مهدي
لسه جروحي من طف كربلة تدي
فرح اجدادك وشيعة علـي  اولدي
أحــر من الجمـــر يا عمه تلكَاني   
*

يالله أمــلأ الدنيــا قســطاً وعدلاً
عدوانك ملـــوها ظُـــلماً وجَـــوراً
شكَد ليلك يمهدي صارله من جن
تندلهن يعمـــه حكَوكَنــــه عدمن
باچر خاف يهدم كَبـــري سفياني
*
حيدر حسين الكَرعاوي

🌴تجمّع الزهراء ع العاشورائي🌴

09 July 2024 01:12

[[موشح للحسين ع ]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

الصار حب حسين وي  أحساسه

تلگه     دخان   الخيم   بأنفاسه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لا تلوم الي ابتله بداء     الونين
هذا داء واسمه داء العاشقيــــن
بالوعي  واللاوعي  يردد حُسين
الفگد مثلك فلا يتواســــــــــــه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لا تلوم       الي فگد عقله بهــــــــــواه
صعبه     يستوعب   جزء من محتواه
حسين لجله الباري سوه ارضه وسماه
يعني    لحسين    الخلق  من ساســـه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

الي بس يسمع حسين يهل دمـع
هذا في گلبه الم كسر الضـــــلع
لصوت عبد الزهرة؛ لمن  يستمع
يعيش يوم العاشر باحساســـــه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

حسين ياكسر الذي  ما ينجبــر
عاش بيه من الطفوله  وللكبــر
حسين ياقران اسمعك كل فجر
فطرة  حبك   مو  علم ودراسة

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

حسين   ياسرِّ الذي ما نفهمـــــه
كل سنه نعزي   بمصابك فاطمه
عين ما تبچي الك طبها العمـــه
الله ينسى الي الك يتناســــــــه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لا تضن (لبيك)بس كلمة شعار
هذا  مبدئ  هو  للثائر     منار
يبدل اعلى  الظالم الليل بنهار
يعني وكت الثوره دگ اجراسه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خادم الحسين
جهاد البصيراوي

🌴تجمّع الزهراء ع العاشورائي🌴

09 July 2024 01:01

الله نزّل جبرئيله
يسمع آهات العليله

آه... يا ألم گلبي و جمرة دموعي المسيله

                                          ꧁꧁꧁꧂꧂꧂

فاطمه اتون بالمدينه
والدي ياربي وينه
والله مشتاقه الحنينه
ايضمني و اغفه ابّين أيدينه

آه... يمسح ادموعي و همي من گلبي يشيله
يا ألم گلبي و جمرة دموعي المسيله

                                          ꧁꧁꧁꧂꧂꧂

طفله انعي و گلبي ذايب
گلبي كانون النوايب
ويني و وين المصايب
هاجروا عني الحبايب

آه.... ذوبلت حين الاختفى ظعن القبيله
يا ألم گلبي و جمرة دموعي المسيله

                                          ꧁꧁꧁꧂꧂꧂

وحدي ملچومه ابعتبكم
عيني مشبوحه الدربكم
يمته اتروّه ابنظركم
و استمع نبضة گلبڪم

آه.... و اجلس ابحضنه والدي و همي اشتڪيله
يا ألم گلبي و جمرة دموعي المسيله

                                          ꧁꧁꧁꧂꧂꧂

اليفگده اهله حل مماته
ابلا اهل ظلمه حياته
والدي عينه اشحلاته
روحي مشتاقه الصلاته

آه.... يا وڪت يرجع و انظر العينه الجميله
يا ألم گلبي و جمرة دموعي المسيله

                                          ꧁꧁꧁꧂꧂꧂

يمته يخلص هذا همّي
ربّي حقّق ليّه حلمي
ريت اصد احبابي يمّي
و ارتوي من جوده عمي 

آه.... يمته اشم شيلة عمّتي الحره العقيله
يا ألم گلبي و جمرة ادموعي المسيله

                                          ꧁꧁꧁꧂꧂꧂

خادم خدمة الحسين عليه السلام
ناصر آلبوعبيد

🌴تجمّع الزهراء ع العاشورائي🌴

09 July 2024 00:45

ثكيله للعليله ع



ـــــــــــــــــــــــــــــــــــــــــ
عافوني/أهلي وجفو بضعونهـــم
عافوني/صعبه اعيش ابدونـهـــم
عافوني/ماادري هسه شلونهـــــم
عافونــــــــي.... عافونـــــــــــــــي
ـــــــــــــــــــــــــــــــــــــــــــــــــــــــــ
الســــــاكن وصط گلبـي ارتحــــل
كـل جسمـي بـفــراگــــه نحـــــــل
والمـــــــوت أهــــــــون ليــــــــــه

لمــــــن بعّــــْد عنــــــي الـضعــن
هنـــــا أصبحــــت بيت المحــــن
وســــديت بابـــــــــي عليـــــــــه

بالــــــديــره مــــا واحـد عــــرف
بـــــس شمعــــــه صـارتلي ولــف
مــــــــسابگ دمــــــع ليــــلــــــيه

شمـــــــا حــــرك البــــاب الهـــوه
وي روحـــــي أتسابگ ســـــــــوه
والشــــــــوگ يـــــــحرگ بيــــــه

ترضوها/عفتوني وحدي بحيــــره
ترضوها/لـــُوحِيدي اضل بالديــره
ترضوها/عطشت اعيوني لشوفهم
عــافــــونـــــــي..عافونـــــــــي
ـــــــــــــــــــــــــــــــــــــــــــــــــــــــ
ضلـــــمه واشوفنــك شمـــــــــس
انتضـــرك ابلهفـــــة نفــــــــــــس
دوهنـــــــي بويه اوداعـــــــــــك

غربـــــــــه وأشــوفنك وطـــــــن
وياشوفتـــــك تجـلي المحــــــن
بچــــــاني حيــــــــل غيـــــــابك

عذبنــــــي يالغـــــالي السهـــــر
من الــدمـع خـــــــدي انحفـــــر
مشتـــــــاگه أشــــم أثيــــابـــك

أذكــــر گعــدنه أهنـــــا ســــــوه
مثـــل الگمـــــر چنــــك ضـــوه
كمت أشــــــــم عطــر أتــرابـــك

حنيتلك/ذيـــــــچ المحنه الدافيــــــه
حنيتلك/غيابك خذاها العـــــــافيــــه
حنيتلك/طابـــــــع ابعيني ارسومــهم
عافونـــــــــي.......عافونـــــــــي
ـــــــــــــــــــــــــــــــــــــــــــــــــــــــــ
مـدري بحلـــــــــــم مــــدري بعلــــم
منكـــــــم هلي محــــــــــد سلـــــــم
وبالهيمـــــــــه شفــــــت الـعيلـــــــه

چــــن خيــــل دارت كـــالـــــرحـــــه
واضلم علــــــه أم عـــــون الضحـــى
ياربــــــــي شنهــــــي اليلــــــــــــــه

حســـــين السبــــــط راح أبعجــــــل
وبأيــــــده شايــــل چـــــن طفـــــــل
ألـعطــــش فـــــــــــت أدليلــــــــــــه

أمنيــــــــن مـاعايـــــــن جـــــــــــرح
عبـــــداللــــه بيـــــده ومنــــــــــذبح
بالحســــــــــره گمــــت أنعيلـــــــــــه

أذانــي/يابـــــويه حلــم البارحـــــــه
أذانــي/كل ليلــــــــي مـــا مـرتاحـــه
أذانــي/من شفت هيــــچ ارسومهـــم
عافونـــــــــي..... عافونـــــــــي
ـــــــــــــــــــــــــــــــــــــــــــــــــــــــــــــ
مــــــــاردلي من عدهم خبــــــــــــــر
عالخــــــد دمــــع سيل نحـــــــــــدر
لاچمنــــــــي كلبـــــــــي عليــــــــكم

أســـــأل الــراحــــــو والأجــــــــــــو
يــردولـــــــي ما ضنــــــهم نســـــــو
ليـــــــل ونهــــــــــار ابجيلكــــــــــم

عــــافونـي بالغــــــــربه الاهــــــــــل
وجسمــــي مثــــل ورده ذبــــــــــــل
عنـــــــي منـــــو يحجيــلكــــــــــــم

چفنــــــي فــــــلا نــــام وغفـــــــــى
كـل فكـــري ضـــــل ابنينــــــــــــــوى
رجعـــــولـي فـــــــدوه دخيلــــــــكم

يابويه/بس لاتخيب اضنـــــــــونـــي
يابويه/وصيتمــــــن يلـــــــــفونــــي
يابويه/مگطــــوعه عني أخبارهــــهم
عافونـــــــــي..... عافونـــــــــي
ــــــــــــــــــــــــــــــــــــــــــــــــــــــــــ
دمعــــــــــــــات المغــــــــــارگ دوه
بنفـــــاسي مخنـــــوك الهــــــــــــوه
يّتيمـــــــه صـــــــرت ياويــــــــــلي

مـــــــن الهضِيمــــه حـــودبــــــــت
احـــــــلامي منـــــــي تفرهـــــــدت
والـــــــونه هــــــدمت حيـــــــــــلي

چــــــــم خــــــاطر البيـــــه نكـــسر
خنجـــــــــر يكطــــــع بالنحــــــــــر
نجــــــــوم السمـــــــه تبچيـــــــــلي

اعيـــــــــوني نشفــــــــهه الســـــهر
والشهــــــر ضـــل يتبــــــع شــــــهر
أرحــــــم يبــــــويه أعويــــــــــــلي

بوداعهم/الشيـــب برموشي نبــــت
بوداعهم/الــــــأه منـي تمكنــــــــت
بوداعهم/عشت الحزن وهمومــهـم
عافونـــــــــي..... عافونـــــــــي
ــــــــــــــــــــــــــــــــــــــــــــــــــــــــــــ
خادم الزهراء واولادها. ع.
المــلا /ياســــــر الــزيادي

🌴تجمّع الزهراء ع العاشورائي🌴

09 July 2024 00:43

#جديد
#وداع_أم البنين عليها السلام
وزن : الموشح
.
.
اتودع حسيــن ابــدمع أم البنيــن
اتگله فدوه كل هلي لك يا حُسين

وَدَعَتــها الروح بــوداع الــولي
ونادت الله اوياك يَحسين وعلي
بدمعتي أدعي تــرد سالم إلــي
وحَس دليلي ما تِرد آيا حُسين

يُمه هاي اعيـالي يالـوالي فِــداك
وكُون ألِف عندي يبو اليمه لحِماك
وتنذبــح كلها وتظل سالم عســاك
او لا يِمسَّك جرح واحد يا حُسين

نــادت لعبــاس يُمــه يا گمـــر
يُمه لا يوصل خيم زينـب ضرر
ودون أبو الأكبر بعد تفدي النحر
او لا يظل اعله الخيم بال الحُسين

لهالأمر ربيتكم طــول العمــر
ناذرتـــكم يُمه يــولادي نــذر
فدوه دمكم يا بنيني للخــدر
فدوه دمكم يا بنيني للُحسين

هالله هالله بزينب وباگي الحرم
لا تشـــوف اعيونهم يُمــه ألــم
يُمه هاي اوصيتي يا راعي العلم
لا تطيح ادموع زينب والحُسين
__
تمت ببركات مولاتي أم البنين عليها السلام
#فاطمة_كريم
٢٠١٤ م

🌴تجمّع الزهراء ع العاشورائي🌴

09 July 2024 00:03

ثكيله للعليله ع



ـــــــــــــــــــــــــــــــــــــــــ
عافوني/أهلي وجفو بضعونهـــم
عافوني/صعبه اعيش ابدونـهـــم
عافوني/ماادري هسه شلونهـــــم
عافونــــــــي.... عافونـــــــــــــــي
ـــــــــــــــــــــــــــــــــــــــــــــــــــــــــ
الســــــاكن وصط گلبـي ارتحــــل
كـل جسمـي بـفــراگــــه نحـــــــل
والمـــــــوت أهــــــــون ليــــــــــه

لمــــــن بعّــــْد عنــــــي الـضعــن
هنـــــا أصبحــــت بيت المحــــن
وســــديت بابـــــــــي عليـــــــــه

بالــــــديــره مــــا واحـد عــــرف
بـــــس شمعــــــه صـارتلي ولــف
مــــــــسابگ دمــــــع ليــــلــــــيه

شمـــــــا حــــرك البــــاب الهـــوه
وي روحـــــي أتسابگ ســـــــــوه
والشــــــــوگ يـــــــحرگ بيــــــه

ترضوها/عفتوني وحدي بحيــــره
ترضوها/لـــُوحِيدي اضل بالديــره
ترضوها/عطشت اعيوني لشوفهم
عــافــــونـــــــي..عافونـــــــــي
ـــــــــــــــــــــــــــــــــــــــــــــــــــــــ
ضلـــــمه واشوفنــك شمـــــــــس
انتضـــرك ابلهفـــــة نفــــــــــــس
دوهنـــــــي بويه اوداعـــــــــــك

غربـــــــــه وأشــوفنك وطـــــــن
وياشوفتـــــك تجـلي المحــــــن
بچــــــاني حيــــــــل غيـــــــابك

عذبنــــــي يالغـــــالي السهـــــر
من الــدمـع خـــــــدي انحفـــــر
مشتـــــــاگه أشــــم أثيــــابـــك

أذكــــر گعــدنه أهنـــــا ســــــوه
مثـــل الگمـــــر چنــــك ضـــوه
كمت أشــــــــم عطــر أتــرابـــك

حنيتلك/ذيـــــــچ المحنه الدافيــــــه
حنيتلك/غيابك خذاها العـــــــافيــــه
حنيتلك/طابـــــــع ابعيني ارسومــهم
عافونـــــــــي.......عافونـــــــــي
ـــــــــــــــــــــــــــــــــــــــــــــــــــــــــ
مـدري بحلـــــــــــم مــــدري بعلــــم
منكـــــــم هلي محــــــــــد سلـــــــم
وبالهيمـــــــــه شفــــــت الـعيلـــــــه

چــــن خيــــل دارت كـــالـــــرحـــــه
واضلم علــــــه أم عـــــون الضحـــى
ياربــــــــي شنهــــــي اليلــــــــــــــه

حســـــين السبــــــط راح أبعجــــــل
وبأيــــــده شايــــل چـــــن طفـــــــل
ألـعطــــش فـــــــــــت أدليلــــــــــــه

أمنيــــــــن مـاعايـــــــن جـــــــــــرح
عبـــــداللــــه بيـــــده ومنــــــــــذبح
بالحســــــــــره گمــــت أنعيلـــــــــــه

أذانــي/يابـــــويه حلــم البارحـــــــه
أذانــي/كل ليلــــــــي مـــا مـرتاحـــه
أذانــي/من شفت هيــــچ ارسومهـــم
عافونـــــــــي..... عافونـــــــــي
ـــــــــــــــــــــــــــــــــــــــــــــــــــــــــــــ
مــــــــاردلي من عدهم خبــــــــــــــر
عالخــــــد دمــــع سيل نحـــــــــــدر
لاچمنــــــــي كلبـــــــــي عليــــــــكم

أســـــأل الــراحــــــو والأجــــــــــــو
يــردولـــــــي ما ضنــــــهم نســـــــو
ليـــــــل ونهــــــــــار ابجيلكــــــــــم

عــــافونـي بالغــــــــربه الاهــــــــــل
وجسمــــي مثــــل ورده ذبــــــــــــل
عنـــــــي منـــــو يحجيــلكــــــــــــم

چفنــــــي فــــــلا نــــام وغفـــــــــى
كـل فكـــري ضـــــل ابنينــــــــــــــوى
رجعـــــولـي فـــــــدوه دخيلــــــــكم

يابويه/بس لاتخيب اضنـــــــــونـــي
يابويه/وصيتمــــــن يلـــــــــفونــــي
يابويه/مگطــــوعه عني أخبارهــــهم
عافونـــــــــي..... عافونـــــــــي
ــــــــــــــــــــــــــــــــــــــــــــــــــــــــــ
دمعــــــــــــــات المغــــــــــارگ دوه
بنفـــــاسي مخنـــــوك الهــــــــــــوه
يّتيمـــــــه صـــــــرت ياويــــــــــلي

مـــــــن الهضِيمــــه حـــودبــــــــت
احـــــــلامي منـــــــي تفرهـــــــدت
والـــــــونه هــــــدمت حيـــــــــــلي

چــــــــم خــــــاطر البيـــــه نكـــسر
خنجـــــــــر يكطــــــع بالنحــــــــــر
نجــــــــوم السمـــــــه تبچيـــــــــلي

اعيـــــــــوني نشفــــــــهه الســـــهر
والشهــــــر ضـــل يتبــــــع شــــــهر
أرحــــــم يبــــــويه أعويــــــــــــلي

بوداعهم/الشيـــب برموشي نبــــت
بوداعهم/الــــــأه منـي تمكنــــــــت
بوداعهم/عشت الحزن وهمومــهـم
عافونـــــــــي..... عافونـــــــــي
ــــــــــــــــــــــــــــــــــــــــــــــــــــــــــــ
خادم الزهراء واولادها. ع.
المــلا /ياســــــر الــزيادي

🌴تجمّع الزهراء ع العاشورائي🌴

09 July 2024 00:01

هَاللِّيلَه وِصْلَوْ كَرْبَلَه...............أَهْلِ الْمَحَنَّه
نَادَاهُمِ حْسِينِ بْعَجَلْ............نِصْبُو خِيَمْنَه
وَاجِبْ صُبَحْ هَاذِي الْأَرُضْ...يِرْوِيهَه دَمْنَه
بَاچِرْ عَلَى حَرِّ الثَّرَى................تُوگَعْ زِلِمْنَه
وِعْيَالِي يِسْبُوهَه...زِينَبْ يِسَلْبُوهَه
تِمْشِي وْيِرَافُگْهَه شِمُرْ
بِسْيَاطَه يَاذِيهَه...تِنْزِفْ بِوَاچِيهَه
أُمِّ الْخِدُرْ وِبْلَا خِدُرْ
تَالِيهَه زِينَبْ.......سِمْعَتْ وِلِيهَه
صَاحَتْ يَخُويَه......وِاتْعَنَّه لِيهَه
لِمْصَابَه تِبْچِي....وْيِبْچِي عَلِيهَه
عُگْبِ الْحَبَايِبْ...مِنْهُو الْيِجِيهَه
-----------------------
أَوِيلَاهْ...گَلْهَه يَا غَرِيبَه
أَوِيلَاهْ...تْعَايِنِي الْمُصِيبَه
أَوِيلَاهْ...شِيبِتِي خَضِيبَه
أَوِيلَاهْ...جِثِّتِي سِلِيبَه

عَلَى الرِّمَالِ تَرَيْنَ الْجِسْمَ قَدْ صُرِعَا
وَفِي الْقَنَاةِ تَرَيْنَ الرَّأْسَ قَدْ رُفِعَا
مِنْ ظَهْرِي السَّهْمُ يَا حَوْرَاءُ إِذْ نُزِعَا
فَقَلْبُ فَاطِمَةٍ مِنْ أَجْلِهِ انْخَلَعَا

تِوَدْعِينِ الْگُمَرْ گَلْبَه يَخَيْتِي ظَامِي
أَبُو فَاضِلْ أَبَدْ مَا يِرْجَعِ لْخِيَامِي
يِطَفُّوهَه بْسَهَمْ عِينِ الْأُخُو الْمُحَامِي
وْعَلَى الْغَبْرَه وِسَفْ چَفِّ الْكَفَالَه دَامِي
-----------------------
لَلْيِسُرْ فُوگِ الْهِزِيلَه مَشْيِتِچْ تِصْعَبْ عَلَيَّه
لَاچِنْ شْبِيدِي يَزِينَبْ لُو طِحِتْ فُوگِ الْوِطِيَّه
بِتْ عَلِي بِينِ الْأَجَانِبْ بِالْحَبِلْ تِطْلَعْ سِبِيَّه
وِبْنَفِسْ حَبْلِ الْمَهَانَه تِنْچِتِفْ بِنْتِي رُقَيَّه
-----------------------

#وصول_الحسين_إلى_كربلاء
#محرم_١٤٤٦هج
الشاعر حسن خنافر العاملي

🌴تجمّع الزهراء ع العاشورائي🌴

08 July 2024 23:59

#من_ديوان_قربان_الطف_ج٧
قصيدة للمسير إلى كربلاء(رايحين)
❥━──➸➽❥❂❥━──➸➽❥❂
رايحين / وجيت اودعكم يجدي
رايحين / والدمع يجري اعله خدي
گاصدين لكربله … تمشي كل العايله
         رايحين / رايحين
❥━──➸➽❥❂❥━──➸➽❥❂
راح نمشي الكربله شديت الاضعون
وجيت اودعنك وصبت هاي العيون
خذت كل العايله والگلب محزون
هناك ادري الگوم بيه هم يغدرون
رايح ومابعد ارد ... هناك بالطف انفگد
         رايحين / رايحين
❥━──➸➽❥❂❥━──➸➽❥❂
عفت دار اهلي وتعنيت ارض الاطفوف
وبگلب زينب احسه بين الخوف
خايف اعلي والهضيمه باچر اتشوف
بجسمي چم طعنه تجي من ضرب الاسيوف
وزلمي كلها اعله الثره ... وهيه تبقه حايره
         رايحين / رايحين
❥━──➸➽❥❂❥━──➸➽❥❂
آه يا دار الاهل رحت وعفتهه
وبتي الطفله العليلة فارگتهه
تعاين اعله الدرب مالومه اتركتهه
ودعت گبرك ودمعاتي اهملتهه
وزرت امي فاطمه ... ودمعي ينزل من دمه
         رايحين / رايحين
❥━──➸➽❥❂❥━──➸➽❥❂
بحسرتي ناديت يمه يازچيه
اوداعة الله ودمعتي عالخد جريه
حملت وامشيت لارض الغاضريه
هناك راح تحل عله راسي الرزيه
تسلب اثيابي العده ... وابگه جثه امدده
         رايحين / رايحين
❥━──➸➽❥❂❥━──➸➽❥❂
ورحت يم گبر الحسن جريت وني
گتله يا خويه النوايب تعبني
عدل ريت تزيل كل احزاني مني
هاي زينب نادتك خويه اسمعني
صاحت بحسره وألم ... امودعينك يا شهم
         رايحين / رايحين
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

🌴تجمّع الزهراء ع العاشورائي🌴

08 July 2024 23:57

عماني حسين يوم الحمل ضعونه
ماشي الكربله ويدري يذبحونه
❥━──➸➽❥❂❥━──➸➽❥❂
ماشي الكربله والعين هماله
أبو السجاد ظل خايف على عياله
واخته بالضعن تمشي بيا حاله
اخافن هالعده باچر يهظمونه
❥━──➸➽❥❂❥━──➸➽❥❂
سدرنه الضعن ولكربله ماشين
لديار الكدر ماخذنه اخوي حسين
ودع گبر أمه وظل يهل العين
يا زهره ييمه الگوم يسبونه
❥━──➸➽❥❂❥━──➸➽❥❂
يدري حسين موته بأرض الطفوف
ويگطعون من عباس الچفوف
هذا البيه كفايه مخوف الخوف
تاليها بعمد رأسه يصيبونه
❥━──➸➽❥❂❥━──➸➽❥❂
من سار الضعن والروح خلصانه
وزينب خايفه اعله حسين وخوانه
تصيح دخيل يا عزنه ويملفانه
رجع هالضعن ياخويه ردونه
❥━──➸➽❥❂❥━──➸➽❥❂
رجع هالضعن يا خويه ما أريده
وماخذني يخويه دروب البعيده
ريض بالحمل لا تمشي بهيده
تصيح بصوت خويه لا اتتيهونه
❥━──➸➽❥❂❥━──➸➽❥❂
بقلم ✍🏻خادمة اهل البيت
الشاعرة العلويه مريم النور الفاتحه الى روح اختي وﻷمواتكم:🍃

🌴تجمّع الزهراء ع العاشورائي🌴

08 July 2024 23:57

قصائد اليوم الثاني من محرم

•● امودع الله ●•

● وزن : الهجري
.
.
امودع الله يالنبي .. عنك احنا راحلين
امودع الله وهل تشوف .. أمتك جرت أنين



ايودع لجده وفؤاده .. جر أنين امن الجرح
يقله شايف آيا جدي .. أمتك رادت فرح
وادري بالدم ووريدي .. وإنته مارايد شرح
من رحت تدري يجدي .. والألم لا ما برح

امودع الله والقلب .. يشكي ياجدي حزين
امودع الله يالنبي .. عنك احنا راحلين


جيت اودعك واشتكيلك .. امودع الله يالرسول
شايل لدار المنايا .. وعنك اغيابي يطول
ماخذ أطفالي وحرمنا .. راضي بالــ الله يقول
وظلت اخلافي العليله .. الدمع منها همول

بويه تبچي لا تروح .. قلبي وياكم رهين
امودع الله يالنبي .. عنك احنا راحلين


جدي راحل ما أريدن .. دمي بديارك يسيل
هالحياة اهواي صعبه .. والحمل صعب وثجيل
والله ذبت امن المآسي .. وذاب يا جدي الدليل
والعليله اتنوح بويه .. عني لَتروح وتشيل

شايل وأدري المصير .. وانته يارب المعين
امودع الله يالنبي .. عنك احنا راحلين


شايل وماخذها زينب .. رايد ابهاي السماح
وأدري يا جدي عليكم .. تزيد وتهيج الجراح
آنه مذبوح وشبابي .. روسنا فوق الرماح
آه ياحزن السبيه .. أدري مَتشيله البراح

بنتك الحره سبيه .. وآنه مقطوع الوتين
مودع الله يالنبي .. عنك احنا راحلين
__
تمت بحمد الله تعالی
بقلم : بنت الشمري

🌴تجمّع الزهراء ع العاشورائي🌴

08 July 2024 23:52

نزال "انه قلبي دخيلك"
مولاتي العليلة

اجي وياك انا ارجاك يالغالي
انه قلبي دخيلك

ــــــــــــــــــ

يابوية من بعدك اضل يالرسمك بعيني
ترضاها اضل لوحدي ومحد يباريني
من تمشي تاخذ مهجتي واحلامي وسنيني
لتخاف بوية لصحتي نظرتك تشفيني

يالعايش بروحي       يابلسم اجروحي
على الشوف يرد حيل دلالي
انه قلبي دخيلك

ــــــــــــــــــ

خنجر افرگك بالضلع يتوسد اضلوعي
مايهده وني ولا اچن لا تنشف ادموعي
ضليت ع الباب انتظر بس اني وشموعي
بوية بداعائي ونخوتي بس انته موضوعي

ابقى ابجي وادعيلك     واقرة بتواسيلك
بويه حسين ترجع كون يالوالي
انه قلبي دخيلك

ــــــــــــــــــ

ايدي اعله خدي ومانمت لاطبگن جفوني
والسهر يشرب بالعمر ماخله بعيوني
ماحملت الفرگة ابد افكاري ومتوني
بويه احتمال من الالم بالگبر تلگوني

اتيتم بموتي        بالغربة تابوتي
ولا صوت على الافراك يقرالي
انه قلبي دخيلك

ــــــــــــــــــ

مرسال الك وي الهوه تكتبلك ألالمي
يالماخذ وياك الضوه وأسودت ايامي
تعطش اعيوني لشوفتك يبقى النظر ضامي
ليش احس جنك منذبح ومگطع ودامي

متغيرة اوصافك     ومفطرة اشفافك
بالاحساس والافكار في بالي
انه قلبي دخيلك

ــــــــــــــــــ

ضلت حزينة وخالية من دونك اديارك
ولايمر احد ينسئل واسئل عن اخبارك
ولانمت حتى بأي حلم يخبرني لو زارك
يحسين حتى اسمع خبر وبأسمك اتبارك

حتى اسمع شلونك      مشتاگة لعيونك
دمع جان بالاحزان مرسالي
انه قلبي دخيلك

ــــــــــــــــــ

يومية ادير لكربلة وجهي واشيل ايدي
ويبعث سلامين القلب شرياني ووريدي
يا والدي وخيمة وفة ويا سلوتي وعيدي
يحسين يحسين ويضل بلساني ترديدي


مافارگ احروفك    وابعث اعله اطفوفك
سلامين من اجروح أمالي
انه قلبي دخيلك
ــــــــــــــــــ

الشاعر زين العابدين الشمري

🌴تجمّع الزهراء ع العاشورائي🌴

08 July 2024 23:47

ابوذيات بحق العليله بنت الحسين عليه السلام


┄┉❈❥❀❥❈┉┄


هلي  بتكم  سليتوها   تراكم

الم   علتي   بجفاكم    تراكم

بعد   ماضنن   عيوني   تراكم

منكم   ايست  اكطعتوا   بيه

┄┉❈❥❀❥❈┉┄


الدمع   بغيابكم   ماجف   ياره

يريت   لحالتي   حسين   ياره

اون  بسكوت  ماسمعت   ياره

تون   وياي    جدران    الثنيه


┄┉❈❥❀❥❈┉┄


بقلم العلويه ✍👆أم رائد زوين‌‌

النّص المترجم: ar-ar
ابوذيات بحق العليله بنت الحسين عليه السلام


┄┉❈❥❀❥❈┉┄


هلي  بتكم  سليتوها   تراكم

الم   علتي   بجفاكم    تراكم

بعد   ماضنن   عيوني   تراكم

منكم   ايست  اكطعتوا   بيه

┄┉❈❥❀❥❈┉┄


الدمع   بغيابكم   ماجف   ياره

يريت   لحالتي   حسين   ياره

اون  بسكوت  ماسمعت   ياره

تون   وياي    جدران    الثنيه


┄┉❈❥❀❥❈┉┄


بقلم العلويه ✍👆أم رائد زوين‌‌

🌴تجمّع الزهراء ع العاشورائي🌴

08 July 2024 23:23

إذا رامَ الـفَـتــى مـجْــداً أثــيـــلا
إذاً لا غـــرْوَ أن يـمضــي قـتـيــلا

وســائــلــةٍ أنــــورٌ مـن ظــــلامٍ
وهل بالموتِ يـحـيــا مَن أُقــيــلا

نَعَم قَصَـد الممات سـلـيــلُ طـه
وقـدْ أحـيـا الـرسـالــةَ والـرّسـولا

تـفـجّــر نحرُه يـنـبــوعَ فــضــلٍ
لكـي يـسقـي المَـلا جـيلاً فَجـيـلا

جَـرتْ فـوق الـثـرى مـنـه دمـــاءٌ
فـصـار جديـبُـهــا روْضـاً خَـضـيلا

قضى بين الـقـنــا جسداً سـلـيـبـاً
فألـبـسَـه التُّـقـى صـبـراً جـمـيـلا

صـريعاً في هجيـر الشمس ملقـىً
وقـد وهـبَ الـدُنـى ظِـلّا ظَـلـيــلا

تـألَّـقـت الـجـراحُ و كــلُّ جــــرحٍ
شـهـابٌ للـهُــدى أضحـى دلـيــلا

وراح يـخـاطــب الأحـــرارَ هَــيّـــا
إلـى التخـلـيـدِ و ارتـسـمَ السبيـلا

و عـلّـمَـهـــا بـأن الـمــوتَ عِــــزٌّ
لـمـن سـامـوهُ أن يـحـيـا ذلـيـــلا

#جابر_الكاظمي

🌴تجمّع الزهراء ع العاشورائي🌴

08 July 2024 23:20

هَاللِّيلَه وِصْلَوْ كَرْبَلَه...............أَهْلِ الْمَحَنَّه
نَادَاهُمِ حْسِينِ بْعَجَلْ............نِصْبُو خِيَمْنَه
وَاجِبْ صُبَحْ هَاذِي الْأَرُضْ...يِرْوِيهَه دَمْنَه
بَاچِرْ عَلَى حَرِّ الثَّرَى................تُوگَعْ زِلِمْنَه
وِعْيَالِي يِسْبُوهَه...زِينَبْ يِسَلْبُوهَه
تِمْشِي وْيِرَافُگْهَه شِمُرْ
بِسْيَاطَه يَاذِيهَه...تِنْزِفْ بِوَاچِيهَه
أُمِّ الْخِدُرْ وِبْلَا خِدُرْ
تَالِيهَه زِينَبْ.......سِمْعَتْ وِلِيهَه
صَاحَتْ يَخُويَه......وِاتْعَنَّه لِيهَه
لِمْصَابَه تِبْچِي....وْيِبْچِي عَلِيهَه
عُگْبِ الْحَبَايِبْ...مِنْهُو الْيِجِيهَه
-----------------------
أَوِيلَاهْ...گَلْهَه  يَا  غَرِيبَه
أَوِيلَاهْ...تْعَايِنِي الْمُصِيبَه
أَوِيلَاهْ...شِيبِتِي خَضِيبَه
أَوِيلَاهْ...جِثِّتِي    سِلِيبَه

عَلَى الرِّمَالِ تَرَيْنَ الْجِسْمَ قَدْ صُرِعَا
وَفِي الْقَنَاةِ  تَرَيْنَ  الرَّأْسَ  قَدْ  رُفِعَا
مِنْ ظَهْرِي السَّهْمُ يَا حَوْرَاءُ إِذْ  نُزِعَا
فَقَلْبُ  فَاطِمَةٍ   مِنْ   أَجْلِهِ   انْخَلَعَا

تِوَدْعِينِ  الْگُمَرْ  گَلْبَه  يَخَيْتِي   ظَامِي
أَبُو  فَاضِلْ  أَبَدْ   مَا   يِرْجَعِ   لْخِيَامِي
يِطَفُّوهَه بْسَهَمْ عِينِ  الْأُخُو  الْمُحَامِي
وْعَلَى الْغَبْرَه وِسَفْ چَفِّ الْكَفَالَه دَامِي
-----------------------
لَلْيِسُرْ فُوگِ  الْهِزِيلَه  مَشْيِتِچْ  تِصْعَبْ   عَلَيَّه
لَاچِنْ شْبِيدِي يَزِينَبْ لُو طِحِتْ فُوگِ الْوِطِيَّه
بِتْ عَلِي بِينِ  الْأَجَانِبْ  بِالْحَبِلْ  تِطْلَعْ  سِبِيَّه
وِبْنَفِسْ  حَبْلِ  الْمَهَانَه  تِنْچِتِفْ  بِنْتِي   رُقَيَّه
-----------------------

#وصول_الحسين_إلى_كربلاء
#محرم_١٤٤٦هج
حسن خنافر العاملي

🌴تجمّع الزهراء ع العاشورائي🌴

08 July 2024 23:19

مَا عِنْدِي بِالْحَيَاةْ...غِيرِ انْتَه يَا حُسِينْ
عَيِّشْنِي بِالْعَزَاءْ.......وِالْخِدْمَه وِالْوِنِينْ
خَلَّه الدَّمِعْ فُرَاتْ.......لِمْصِيبِتَكْ رَهِينْ
وِبْمَجْلِسَكْ أَرِيدْ........أَگْضِيهِنِ السِّنِينْ
مِنْ زُغُرْ سِنِّي بِچِيتَكْ...تَايِهِ بْظَلْمَه وْلِگِيتَكْ
يَا جَرِحْ فَزِّ بْدِلِيلِي....حَگِّي لُو عُمْرِي نِعِيتَكْ
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
يَا قِبْلَةِ الدُّمُوعْ....وِالْحَسْرَه وِالنَّحِيبْ
مِثْلَكْ فَلَا يِصِيرِ.......يَا سَيِّدِي الْغَرِيبْ
ظَامِي عَلَى التُّرَابْ...مِتْوَذِّرِ وْخَضِيبْ
وِبْيَا ذَنِبْ تِنَامْ.....عَارِي الْجَسَدْ سَلِيبْ
بْصَدْرَكِ تْدُوسِ الْحَوَافِرْ...وِاخْتَكِ عْلَه التَّلْ تِنَاطِرْ
رَاحَ اظَلْ أَبْچِي لْمُصَابَكْ.....حَتَّى لُو تِعْمَه النِّوَاظِرْ
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
طَارِي السَّبِي عَذَابْ....شِيْصَبُّرِ الدِّلِيلْ
شْلُونِ الْخِدِرْ يِرُوحْ...وَيَّه الْغُرُبْ ذَلِيلْ
وِينِ الْگُمَرْ يِشُوفْ......زِينَبْ بَلا كَفِيلْ
يَمْدَلِّلِ الْخَوَاتْ.......دَرْبِ الْيِسُرْ طَوِيلْ
وَنِّتِي صُبْحِ وْمِسِيَّه............عَالْغَرِيبَه الْهَاشِمِيَّه
بِتْ عَلِي بِينِ الْأَجَانِبْ...بِتْ عَلِي رَاحَتْ سِبِيَّه
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
لَايْتَامَكِ الْعَوِيلْ..........يَا لُوعَةِ الْبَنَاتْ
فُوگِ الْهِزِلْ دَلَالْ........وِبْلَا خِيَمْ يِبَاتْ
مَگْيُودَه بِالْحِبَالْ.....مِنْ غَابَتِ الْحُمَاةْ
شْلُونِ الطِّفِلْ يِهِيدْ...وِمْحَاوَطِ بْطُغَاةْ
رُوحِي أَنْطِيهَه هَدِيَّه...فِدْوَه يَمْ دَمْعَةْ رُقَيَّه
هَالْعَزِيزَه مْنِ الْأَعَادِي...شِبْعَتِ سْيَاطِ وْأَذِيَّه
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
عِشْگِ الدَّمِعْ طَرِيقْ.........وَفِّقْنِي لِلْبُكَاءْ
كُونِ الْعُمُرْ يِرُوحْ.......يَمْ مَجْلِسِ الْعَزَاءْ
إِقْبَلْنِي يَا حُسِينْ.........وِارْزُقْنِي كَرْبَلَاءْ
بْرُوحِي إِلَكْ جُرُوحْ...مَا تِرْتِجِي الشِّفَاءْ
خِيمَةِ الْخِدْمَه حَيَاتِي...بِالْحَشُرْ تِضْمَنْ نَجَاتِي
أَنْدِعِي بْمَجْلِسْ عَزَاءَكْ.....رَبِّي يِرْزُقْنِي مَمَاتِي
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------

#محرم_١٤٤٦هج
الشاعر حسن خنافر العاملي