7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
دمعة الليل ... هدّت الحيل ...علجفوني
ــــــــــــــــ
كل ما اصد بابي انهظم وأتذكرج يم الحسن
وماادري ليش الهل وكت عيون اليحبّج ماعمن
وياج مو بس ما رحم ويّاي احس جار الزمن
بيدي ادفنت جسمج لجن بنص كَبرج اكَليبي اندفن
ليل الافرك هظمني ودليلي انفجع
نوحي بالليل يفاطم احسّه انسمع
جنّي مو ذاك ابو حسين علي من اون
الدمعه عالخد يعالم غدت تنطبع
تشهد اعليّه الليالي .. والله حال الضيم حالي .هل حزن شتت لي بالي .. يالزجيه
دمعة الليل ... هدّت الحيل ...علجفوني
ــــــــــــــــ
اصفن وأفكر والدمع بخدودي يرسم ماجره
سطره وجن دمعه جفن ضلوع الزجيه امكسّره
جنّي اصدهه بمحسني يوم التهاوه حايره
وحسيني من شاف الجره ماادري شنهي الصبّره
اتغيّرن اللون والعيون حمر بالبجي
حجاية الصار يعالم صعب تنحجي
حرمه بالبيت تجاسر عليهه اللعين
على الحايط بالالام غدت ترتجي
يرفس الباب وينادي .. وآن يابضعة الهادي ..جلمته اتذوب فؤادي ... ياهظيمه
دمعة الليل ... هدّت الحيل ...علجفوني
ــــــــــــــــ
ياجرح المفاركَ محب ماينحمل هذا الجرح
لو جابوا اسم التعشكَه مو مره حتما تنذبح
بكَد السهر لا ماعرفت ليلي اليمر من الصبح
وبردني من كَد الفشل دمعاتي صارت تنمسح
اصفكَ الايد والاهات احسهن جمر
الورده للشم حرامات تضل تنعصر
وتهوه عالكَاع والجروح جبيره صدكَ
يم ولدهه هظيمه الطهر تنسطر
والله صعبه هالرزيه ...تموت كَدامي الزجيه ...راح كلشي وهاي هيه .. من بعدها
دمعة الليل ... هدّت الحيل ...علجفوني
ــــــــــــــــ
يا دهري ليش ابلا خجل من عندي خذت البس الي
محني الظهر اصبح وسف وآنه اليسمّوني علي
الماباجي حتى من صرت اخر وكت دمعي يهلي
الفكَد العزيزه ام الحسن صاير جليس ابمنزلي
صعب اصدهم والعيون شماته تصد
من يضحكون شماته الكَلب ينمرد
الوصيه الزمتهه رغم ماجره
علجره وياي اموتن اذا انّشد
اسود الباب امنصدّه ..اسد عيني من اردّه ...علي جا ياصبر عنده ...بهل مصيبه
دمعة الليل ... هدّت الحيل ...علجفوني
ــــــــــــــــ
شلون انسه من تكَضي الوكت بالحسره والهم والقهر
كل ما اجي تضم الوجن عن لاصد خدهه انسطر
بس الدمه يم حايطي ياويلي ضل تارك اثر
كلما تون اعرف الم ذاك الضلع الّي انكسر
حسين اصدله بدمعته يحاجي الاخت
يكَلهه خويه أسألج صدكَ هل شفت
امي طاحت رميه وضلعها بدمه
ريت يمها يزينب تراني متت
لزمت الباب بأديهه .. رحت اركض خويه ليهه.. خفت خاف اشبكَ عليها ...الجم امي
ـــــــــــــــــــــ
الشاعر محمد حسن ضيغم
#من_ديوان_مراثي_الفاقدين_ج2
قصيدة للزهراء ع (محد يحس بالوجع)
❥━──➸➽❥❂❥━──➸➽❥❂
محد يحس بالوجع بس الفگدهه
امي عافتني وغفت وسفه بلحدهه
الأعز من روحي عليه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
ما يحس بهمي بس الفاگد امه
چلمه الأم لو سمع بيهه تهضمه
رحتي يايمه ودليلي بگه بهمه
والله يخنگني النفس لوصحت يمه
رحتي وما الچ جيه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
انتي نور العين وانتي اغله من الأنفاس
فراگ وجهچ يالحنينه بالگلب جاس
الفاگده امها اوياي خل تلطم عله الراس
تحس بيه انا اوياها نفس الإحساس
خاليه ظلت اديه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
من يمرني الضيج چانت امي يمي
مشاركتني بالتعب وتشيل همي
ومن بعدها گمت احسن باد عضمي
كون من بعد الزچيه العين تعمي
ريت تلفيني المنيه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
شلي بالدنيه بعد عافيتي راحت
احس گلبي مات من گلولي ماتت
اوياها يا هالناس احس الروح شالت
وباقيه بس الجسد والدنيه مالت
الدنيه عيشتني برزيه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
والله محتاجه الحنانچ انا تدرين
شنهو اليعوض مكانچ يم الحسين
شماله ما يرحم ابحالي اذاني البين
اخذ من عندي الحبيبه ام گلب الحنين
خله دمعاتي جريه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
يازينب احجي عنها ..احجيلي اعله المصيبه
شفتي شلون الزجيه ..بذيج المحنه الرهيبه
علي ... ماضن صاحت
علي .. لمّن طاحت ... على الغبره
ـــــــــــــــــ
علي لمَن كَعد بالبيت .. وندب يبنيتي يا لحره
تعالي هنانه وادريبج ...عله فكَد الزهره منكسره
اريد أسأل واريد اجواب ...واعرف هل غصص مرّه
شلون الي جره اعله امج ...وانتي بهل وضع ادره
يازينب كَلبي ذايب ...لا موسهله فكَدهه
امج نبضة دليلي ... اكثر منّي اودهه
صدكَ ...هلت دمعه
صدك ... ذابت شمعه .. بلهب جمره
ــــــــــــــــــــــ
يحط ايده علهامتهه ...ويصبّر بيهه بالدمعه
ومثل زينب يحس روحه ... علفكَد الزهره منفجعه
يكَله ريت ماهشموا ...ضلعها علي انهد ضلعه
وعلي يهوه سكَف هالبيت ..ولا بخدها اثر طبعه
احجيلي اشحملت جروح ...من كَد باب العصرهه
جدامج ها يزينب ... امج ذبحوا عمرهه
بجت ... من كَد همهه
بجت ... ينزف دمهه ...بأثر عصره
ــــــــــــــــــــــ
مدنكَه زينب وتحجي ... سوالف مرّت بأمهه
يبويه اتكَلّه بعيوني ... شفت حين النبع دمهه
لاذت امي خلف الباب ... اللعين بحقده يهظمهه
ومن طاحت على الوجنه ... بيده شفته يلطمهه
حنّت أنت حلف الباب ....ونار الباب بأديهه
تعرف بويه الباب اثكَيل ... طبكَوا انظر عليهه
هوت ...كَوه اعليهه
هوت ... شفت ايديهه ...وتجر حسره
ـــــــــــــــــــــ
صاحت صوت يايمه ... بعيني شفت من طحتي
يافضه الحكَيلي ... علي الحكَلي ماصحتي
البسمار الذي صاباج ... بيه انتي تجرّحتي
بلا محسن وصدر مهشوم .. عن دار الاهل رحتي
لزمت محسن حين الطاح .... وصاحت لالا ييمّه
جنت اتمنه اشوفك ... وخدك يبني اشمه
رحت ... لاجن ضامي
رحت ... يل جدامي ... ضوه شكبره
ـــــــــــــــــــــــــــــــــــــــــــ
أسألك بويه عن امي ... حين الغسّلتهه شلون
هم شفت الضلع مكسور ... ويامحنه عليك تهون
خدهه لو جفنها الي ... ازرك شفته صار اللون
لو جفهه الذي مجوي ....شخلّت عندك امي عيون
هم انهد حيلك انت ... ومثلي الموت اشتهيته
وليل المر البلا امي ... مدمع احمر بجيته
مشت ... روحي وياهه
مشت ... ما انساهه ... امي الزهره
ـــــــــــــــــــــــ
الشاعر محمد حسن ضيغم
#فاطمة_صديقة_شهيدة
نِـشَرْ حِـزنك عـلـى راسـي عـلامه
يـبـويه و دمْ تـهِـلْ عـينـي عـلامه
بـوجـهي ظـلّـت الـسـطْره عـلامه
أجيـك و شـوف شنهو لصـارْ بِـيّـه
#جابر_الكاظمي
#ابوذية_جابر_الكاظمي
فدوة أنروحلچ يا فاطمة الزهرة
هنيالة اليكَضي بخدمتچ عمرةَ
**
خالـقنه علمــودﭺ الله سبحـــانه
خير شكثــر منــݘ فاطمة أنطانه
بشر هوه علمود العترة سوآنــه
ومنكم فاطمـــة يردونه نتبــــرة
**
لوما انتـــي ما مرت شمس بينه
علمـودݘ الله نزل رحمتــه علينه
مثــل عابس يفــاطم بيـــݘ جَنينه
تشفـع لليحبها وتحضــر لكَــبرة
**
الكَال على النبـي يا فاطمة(يَهجُر)
اذن جدا طبيــعي عنده من يكــفر
بحركَ بابݘ (أقَـــر) وما كدر ينكر
بمحسن والظلـع والباب والسطرة
**
من مات الرسول أغواهم الشيطان
أظــافو؟حَرفــو؟حذفــو؟من القرآن
لومــا حيـدرة ݘــا ردت الأوثــــان
دينـــݘ يستغيث ومحــد ينصــــرة
**
حفظناها الشعـــائر فاطمة بدمنــه
وعلي لو كل دولهم ضدنه متهمنه
ابلــس أويــاهم؟ أويـــانه قــــائمنه
وأحنــــه أرواحنـــه نفديها للـعترة
**
سجن ݘان اليروح لكبرلة واعدام
موش ابعيـد يالــزهرة ظلــم صدام
مثلما كَـــال عبدالرضا الدنيـا أيــام
بعــد ذاك التَسَــــلُط خـــاتل بحُفرة
**
الله ينتـــقم من الكِــــسر ظلـــعݘ
لحـد الآن فاطـم ما نشــف دمعݘ
خلف البــاب بس الكـافر يدفـعݘ؟
مِنَـه حسين بالطف أنكَطع نحـرة؟
**
وفــــــاية نظــل للعـــترة وفـــــاية
طاحت روسنـــه وما طاحت الراية
نظــل طـــول العمر لحسين مشاية
ويه المهدي يمته نطوف بالحضرة
**
حيدر حسين الكَرعاوي
اللْـــــه يلعن قـــاتل الزهـرة
باچـر المهدي يطلعه من كَبـرة
مو مرة يلعنـهم ألــف مـــرة
***
عَتِمـــــــو لا شــك عالبــشر هُمــه
وهــاي الجريمـــة أنطـلت عالأٌمــة
بـس احنــــه كلش زيـــن نفتهمــه
أول لعــــين الحــــارب العـــــــترة
***
كرسـي الحكم؟ خلاه وكَف ضدهم
كل الدمـــاء التجـــري من عدهــم
الكاســــر ظلـــع فاطمـة وآلـــدهم
محســـن ابنــها اشـاف من عمرة
***
الزهــراء ميتــــه ولســــه تتـــألم
فتحـــو البــاب على القتل والــدم
بنــــار السقــــيفة وَج المخـــــيم
ومنهم أبــو اليمــة أنكَطــع نحرة
***
البـــايكَ فــــدك يردونـه انقدسـه
كلـــهم دنـــائه ومُنتهى الخســه
يكرهـون أهـــل بيـت النبي لسه؟
جبـــريل هـــم لو ينــزل تغـــدرة
***
هوايـة تمــــادو وي أهــل بيتــه
نكـــرو مقامـــة وذيـــچ تضحيته
بطف كربلــة موجـــود ياريتــه
يشوف الحسين من أنهشم صدرة
***
بـس مــا محمد غَمضــت عينـــه
خــانو وصيتـــه وفرهــدو دينـه
وصَــــوّ ولـدهم تذبــح حسيـــنه
كل الحچــي ما نكَــــدر انذكــــرة
***
منعهـدم اشـــافت قـــهر زينـب
بنيــــرانهم؟ نـــار الخيـــم تلهب
ذَبـــح الحسين وضعنـه المسلب؟
مــن السقيــفة چـــانت الفكــرة
***
هـاي الخيـــانة تمشي وي دمهم
الحاربت حيــدر بالجمـــل أمــهم
آلَ محمــــد يمتــــــه قائمـــــهم
جيشــــه يجيبـــه الكلـها تنتظرة
***
باچـــر أَمـــــام الكــون يفضحها
مالــــت أهــــاين مـا يسامحــها
يكَـص ايـــد كل دولـــة تصافحها
وبمكــــه يرفــع رايتــه الخضرة
***
حيدر حسين الكرعاوي
لوما كسـر ظلـع الزچية
مـا ذبحو حسين آل اميـة
كـل المحـن من هالــرزية
**
أي شخص عاقل ومنصف يفتهــم ما كَوله
بلا سبب ماتت الزهـــرة يا بشـــر معقولة
بالحشر أهل السقيــــفة على الظلع مسؤلة
الثـــاني كَــدام الخلائق يعتـــرف كَلـــوله
هاي الجرائم كلها منهم آخِرة ودنيا الله فضحهم
ما ينســـكت عن القضـــية
**
بعــده مــا ميـــت محمــد رادو يبـــوكَــونه
يحتـــركَ بـاب الزچيــة بس يغمض عيـــونه
مثــل واحد هيــچ خائن لازم يفضـــحونــه
الشيعة يالزهراء ظلعـچ والله ما ينســـــونه
شكَد حاربونه حتى ننسه اكثر نحبكم كَمنه هسه
الأول يظـل حامـي الحمية
**
منيلــهَ دين اليخــــون المصـطفـى وقرآنـــه
أمنيتــهم يالـــزچيـــة يموت حتـــى آذآنـــه؟
كون اليسمونه صاحب يوفــي وي صحبـــانه
مو يهجمون على بنته وتنحـــــركَ بيبـــانه
شيطان هذا مو صحابي كَال النبي((بابُها بابي))
أم الحسـن شمسوية هيــه
**
الينقد اجرام السقيـــفة طائفـــي يسمــونه
حتـــى لـو قـاتل محمد؟ نســكت يريــدونـه
الشاف بعيونه الجريمــة يسـد كــون عيونه
والله ثارچ ما نعــوفة حتـــى لو ذبحـــونه
أسمچ يظل على المنابر ليوم الحشرتبقه الشعائر
أنصــــــارچ نظـــــل للمنيــــة
**
هذا يالزهرة التمــادي يرفضه حتـى الجـاهل
فِعل بـي هيچي وقاحه يرضـه بـي يا عـــاقل؟
حاله حال الحركَ بابچ أي موالـــــي يجــامل؟
تندفع بالبـــاب ليــش وهيــه چانت حــــامل
الله يلعنه الدفـع بابـچ شِيب العَلينه من مصابچ
ومن زينب البالطف سبيـة
**
أسسو هُمــه التمــادي وشَــرعــو أحكـــامه
هُمه؟ابنها حسين حركَو بالطــــفوف خيــامه
يعني لومـا هالجريمـة ما سبـــوها أيتــــامه
حسين لوما منطي نحرة چـان مــات أسـلامة
حسين اغلى مابالدنيا دينه ضحـه بوريدة وأبنـينه
ومنه سبــو سكنه ورقيــة
**
چم كَبــر مهدوم منكم شكَــد بشـــر مفجوعة
حسين لَســـا يالزجيـة مكســــرات ظلـــوعة
احنه من الحركَ بابــچ لســـه بينـــه اللـــوعة
المهدي يومة على ظلعچ تجـــري دم دمـــوعة
ياجمعــة يازهراء يظهر حتى الصبــر كَلبه تفطر
يمته نجــــي لكبرچ سـوية
**
حيدر حسين الكرعاوي
باچــر يلعنهم مهدنـه
*
يالــزهـــرة الأول والثــاني؟؟
يالزهــرة الخـــاين والجـــاني
وكل إرهابــي وكل سفيـــاني
المنهم لســه الدِيــن يعــــاني
ومنهم كـــل الجـــور البيــنه
*
يالزهـــرة أصـلاً مــا حبــوكم
رَبـــو أجيـــال يبغضـــــــوكم
هَــــم يتمنـــــون يقتلـــــــوكم
چـــي لَـــن بحبـــكم جنـــــينه
*
اليتـــعده عليـــچ شـكَد كافـــر
ابلـيس شجـــابة على الطــاهر
لســــه الزهـرة تريد الناصــــر
ويـــن المـهدي الثـــائر وينــه
*
يخجَـــل جبريـــل يـدكَ بابــــچ
والملعون أصـــلا مـــا هابــــچ
للمحـــشر ما ننســـه مصابـــچ
يالزهـــرة شكَــــد امبچيــــــــنه
*
من عِدهــــم صـارت كــل فتنــه
ذَبـــح حســين ومنحــــر أبنـــه
والله ميشمــــــــون الجنـــــــــه
مـــو هيـــــن عد الله حسيـــــنه
*
يالزهــــرة ولـــو مـا هالهجمة
حسينــــچ ما حركَــــولة خيَمةَ
الله يلـــــعن قــــــــاتــل أُمـــــه
المنعـــدهم ضَــــعنه امسلبــينه
*
دِنيِـــــش؟اليقتـــــل ويفَــــــجر
منهــم كَـــام العالــــم تكــــــفر
ظلعــــچ لازم بيهـــه يشـــــتور
محســـن شمســـوي اموتيــنه
*
چــــي لَـــن نحبكم ذبحــــونه
أي مرقـــد كــون يفجــــرونه؟
هــاي الزمــــرة تظــل ملعــونة
تبچـــي المصحف منهم عيــنه
*
حتمـــاً يأخـــذ ثـــارهَ المهدي
ومن الكســـرو ظلعـــچ يبــدي
ادعيلــي ويـاه اصيـــرن جندي
خِـــدام لجيــــشه يخلــــــــينه
*
ثـارچ محـــد غيـــرة يرجــعة
چتالــــچ مـن كَبــــره يطلـــعة
يالزهــــرة انتـاني بكـل جُمـعة
شكَد نبـقه المهدي امتانيــــنه
*
حيدر حسين الكَرعاوي
امي يالكلج محنه وبيج تحله ايامنه
من رحلتي البيت مظلم والحزن دك بابنه
روحتج ماالهه رجعه اطشرت احلامنه
فركتج صعبه ييمه غيرت احوالنه
بقلم المله والشاعره ام علي الأماره
(( نخوه يم الحسين ))
نخوه يا بنت النبي و نور اليقين
نخوه يا صرح الهُدىٰ يم الحسين
❃❃❃❃❃❃❃❃❃❃❃❃❃❃
صَبَّت العبرات تجري ع الخدود
يَم حسن ننخاچ يا سِر الوجود
و كل گلب مَلْچوم بآهاته يجود
و اِقْبَلي الحاجات هَلْجاتِچ وفود
………………..
تنتخي اِبْدَمْعات تجري اِبْكل عين
نخوه يا صرح الهُدىٰ يم الحسين
❃❃❃❃❃❃❃❃❃❃❃❃❃❃
يالذي بمَعْناچ حارت هالعقول
وسَيّدَة نسوان وبضعَه للرسول
و كوكب الدُرّي و مشكاة الأصول
يا سِمَه و عُلاچ ما واحد يطول
………………..
ويا رضا الجَبّار و السر المَكين
نخوه يا صرح الهُدىٰ يم الحسين
❃❃❃❃❃❃❃❃❃❃❃❃❃❃
جينَه يَم حسين نهتف بإلْتِياع
و نكتوي بِمْصاب صابَچ بإفْتِجاع
حين حول الدار حاطَت هالضباع
و گلبچ المالوم وسفه ماله راع
………………..
و صَوَّت المَأْثوم حرگو الدار اَحين
نخوه يا صرح الهُدىٰ يم الحسين
❃❃❃❃❃❃❃❃❃❃❃❃❃❃
جينَه يم بابِچ و ناره ساعِرَه
و نسمع اُوْنينَچ اِبْعَصْرَه الغادِرَه
فضَّه لحگيني ضلوعي اِمْكَسَّرَه
و محسنچ با حيف طايح عَ الثَرَه
………………..
و بعَلي الكرار ردنا تنتخين
نخوه يا صرح الهُدىٰ يم الحسين
❃❃❃❃❃❃❃❃❃❃❃❃❃❃
سَيّدَة لَكْوان و بيدَچ هالأمر
يا ضِيا الآفاق و سراج العمر
لو دعيتي الباري لحظه ما تمر
إلا جَمْع الجور بأمْرِچ مندمر
………………..
شَكْوِتچ لله بالمَحْشَر و دين
نخوه يا صرح الهُدىٰ يم الحسين
❃❃❃❃❃❃❃❃❃❃❃❃❃❃
و بگلب مَعْصور بالنوح و عذاب
نِتجه لاوين يَلْگبرچ سراب
مختفي و هَلْوين ما إلها جواب
كلنَه لَچ زُوّار و دَلّينا التراب
………………..
مختفي چا ليش كترچ ما يبين
نخوه يا صرح الهُدىٰ يم الحسين
❃❃❃❃❃❃❃❃❃❃❃❃❃❃
جينَه يَم بابَچ يَباب الله الكريم
و شفنَه وسفه طالته نار الأثيم
و مِنَّه مسمار إنْبَرىٰ اِبْدَمَّچ أليم
يبچي ضلعچ و إلْجَرىٰ و جور العظيم
………………..
جينَه يَم بابچ نلوذ و طالبين
نخوه يا صرح الهُدىٰ يم الحسين
❃❃❃❃❃❃❃❃❃❃❃❃❃❃
نظره منّچ نرتجي و هَمْسَة دعاء
يَإللي شانچ عالي من رب السماء
شيعتچ إحنَه و نخينَه بالرجاء
و إنتي وَيّانه و تحضرين العزاء
………………..
و تسمعي گلب المُحِب يصرخ حزين
نخوه يا صرح الهُدىٰ يم الحسين
❃❃❃❃❃❃❃❃❃❃❃❃❃❃
يمتىٰ غايبنا يجي و يمتىٰ يگوم
يطلب اِبْثارچ يجازي هالخصوم
و گبرچ إنْدِلَّه و نجي حول نحوم
و نلزم الشبّاك و نشكيها الهموم
………………..
لضَمَّة إتْرابچ يَزَهره والهين
نخوه يا صرح الهُدىٰ يم الحسين
❃❃❃❃❃❃❃❃❃❃❃❃❃❃
الشاعر : أبو شهيد الأحسائي
الجمعه ١٤٤٦/٥/١٢هـ
════════════
*لا يجوز و محاسب شرعاً حذف او تغيير التوقيع*
فزاعية للزهراء عليها السلام ( ماتسلم عرفت امي )
من شفت الضلع مكسور
ماتسلم عرفت امي
مصيوبه ودمعهه يسيل
ماتگدر تنام الليل
باچر ماتضل اتشيل
وزادن لوعتي وهمي
زادن لوعتي ومبچاي
باچر ماتضل اوياي
مصيوبه وتغص بالماي
اگلهه شبيچ بعد اسمي
اگلهه شبيچ حاچيني
يمه ويابعد عيني
ادخيلچ لاتودعيني
اوداعچ يسطر ويدمي
اوداعچ مااجه بوكته
يهد الحيل ويفته
وحزنان النزل شفته
واخلافچ يضل يعمي
بغيابچ يضل خالي
بيتچ مايسر حالي
من هسه انشده بالي
ومن هسه ضعف عزمي
من هسه الگلب مهضوم
يومچ مو مثل كل يوم
هاذه البين ضل يحوم
وخلاني الحزن سهمي
سهمي النوح والعبره
بالطف ينگطع نحره
حسين وينكسر صدره
وتسري النار بخيمي
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
🔥اصدار حصري وجديد لطميه ثكيله للزهراء عليها السلام من ديوان زينب والطفوف جزء ٢٤ج خاص للزهراء وام البنين ديوان ناااار🔥 يخبل كلامه مفجع وحزين كتاب ينقره من الغلاف الى الغلاف كله رووعه وكلماته حلوه وسلس مابيه اي طور صعب 🔥
يالحنينه... روحتج تصب عليه
يالحنينه... وين شلتي هالمسيه
شايله للمكبره.... روحي يمه مكدره
يالحنينه... جمرتج ضلت سريه
➖➖➖💔➖➖➖
هاييمه... بالكلب تلهب جمرتج
هاييمه... شلون اصد يمه الحجرتج
هاييمه... بالحزن عفتيهه بتج
روح ماعدي بعد.... والكلب مني نمرد
يالحنينه... دمعتي ضلت جريه
➖➖➖💔➖➖➖
شلون اصدله... البيت منج يمه خالي
شلون اصدله... الدمعه بعيوني تلالي
شلون اصدله... ضيعت عزي ودلالي
👇👇👇👇
تجدون التكمله بكلمات مفجعه في ديوان زينب والطفوف جزء ٢٤
متوفر في جميع المكاتب
✍️ ام حسين العامري
امي الحنينه الــماكو منها
مشتاگه اريد اغفه ابحضنها
مستعجله اعليها الـــــــمنيه
راحت غفل من بين اديه
................................
انه زينب والمحاجر دامــــعه
فارگتني رحمة الله الواسعه
امي حين الودعتها حسره ظلت بالصدر
ما گدرت احضنها خوفي ينلچم بيها الكسر
ودعتها وگلبي ماشابع حنان
ودعتها مدري ودعت الامان
ليل اليمرني اشلون انامه
وابــروحي آهات اليتامه
أذكر واحن كل مغربيّه
راحت غفل من بين اديه
.................................
اشما يدگ الباب اذكر من مشت
وبيه لاذت والضلوع اتهشمــت
عيني اذا تغفه يمرها حلم بي كلمة وأن
واصحه مرعوبه ودمعتي سايله وترس الجفن
يا حسرتي الچانت اغله امن العمر
يا حسرتي غفت بحضان الگبر
لا ما رضت لـ اخر عُمُرها
لا عن الاول لا عُمَرهــا
وناتج فعال الــــــناصبيّه
راحت غفل من بين اديه
.................................
حمره چانت عينــها اذكر داميــــه
من سطـرها ابچفه حيل الطاغيه
طاحت امن السطره امي ودمها سال امن الجفن
والرجس بالصوط اجاها وگام يضرب بالمتن
ألموهـا وهيه ما تحمل ألم
ألموهـا وردو لدين الصنم
ماتت وبالموت استراحت
بس الضلع مهشوم راحت
لحگت رسول الله ونبيّه
راحت غفل من بين اديه
................................
عمر محسن چـان عصره وبيها مات
ومثل امي اضلوعه همِّ امكسـرات
الف هنيالك يَـ محسن ما نظرت الناصبي
وهو يعصر بـ امي مره ، مره يشتم بالنبي
كل هذني شاهدتهن من زغر
كل هذني نار وسياط وكسر
واعظمهن الأكثر اليــــــمه
يامحسن احساس اليتيمه
من امي محرومه اشبديه
راحت غفل من بين اديه
................................
چانت امي ورده بيضه امفتحه
هــــيَّ أول زهره بالدم سابحه
امي لهل الأرض رحمه من ألآه العالمين
رحمه بس ابلايه رحمه صگطو منها الجنين
رافضيه للظلم ما تنطي أيد
رافصيه وقدمت اول شهيد
راحت غفل من بين اديه
................................
امي من الله هديه للنبي ولـحيدره
امي تفاحة الجنه طاهره وامطهره
يايمه شذكر من صفاتچ
وانتي الخدر خيط ابعباتچ
ياعفة الله اعله الــــــوطيه
راحت غفل من بين اديه
................................
سيد علي عبدالزهره الناجي
قصيدة بحق الزهراء
من الباب اندفع
ضلع انكسر
لمن محسن وكع
خد انسطر
ماكفاهم ضلعها
فوك العصره ودمعها
خد انسطر
١
جريمه الصارت اعله الزهره وسط الدار
من جابو حطب ماراعو الاشرار
بيت المرتضى وطه النبي المختار
بيت الوحي هذا اليحمل الاسرار
ماراعو حرمته
والياسبب
والناس الدخلته
جابو حطب
نادت محد سمعها
فوك العصره ودمعها
خد انسطر
٢
دخلو بيت وحي الله ونبي الامه
ناس اشرار لا ذمه ولا رحمه
ضربو فاطمه وعرش الله من يمه
صاح الله واكبر يا نبي العصمه
لو حاضر شاهدت
باب وضلع
چا المن عاتبت
بفيض الدمع
واتغير كل وضعها
فوك العصره ودمعها
خد انسطر
٣
خل الدنيه تعرف تسمع الوادم
وخل يعرف العاقل لايظل واهم
السقيفه صدرت ظالم بعد ظالم
داسو بيتك وكسرو ضلع فاطم
يابو الزهره الصبر
مات الصبر
وللأشرار الأمر
صار الامر
نادت محد سمعها
فوك العصره ودمعها
خد انسطر
٤
طاحت فاطمه والدنيه سمعتها
صعدت للسمه ياوسفه ونتها
بأمر رب الجلاله بهاي طيحتها
نزل جبريل غطاها بعبايتها
طاحت فاطم تون
تنزف دمه
وبطيحتها يون
حتى السمه
طاحت محد رفعها
فوك العصره ودمعها
خد انسطر
٥
مكسوره ومشت دمعه بأثر دمعه
من حقد الصحابه ومن اثر دفعه
من عرفت المحسن ما اله رجعه
بنص الدار گعدت تنحب وتنعه
مستحيه وشافته
الليله الزهره
والحيدر ودعته
بدمعه وحسره
ماكفا من دفعها
فوك العصره ودمعها
خد انسطر
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
يا صاحِ دَعْ من سَهَى عن حزنه..وَلَهَى
وقم فُدِيتَ نُذِبْ أحشائَنا ..وَلَهَا
على التي عندها المَتْنُ التَوَى ...وَلَهَا
طفلٌ هَوَى.. وبها المسمارُ لم يزلِ
إن التوسل بالسيدة فاطمة الزهراء صلوات الله عليها المظلومة المقهورة المكسورة ضلعها المقتول ولدها في هذه الليالي المباركة له آثار عجيبة
فاذكروا المجاهدين في سبيل الله السائرين على دربها الناظرين إلى نورها والذائبين في حبها من خالص دعائكم فإنها غاية الصبر وأصل النصر
وَمَنْ خلفَهُ الزهراءُ ترفَعُ كفَّها
إذًا قبلَ أن يمضي لهُ قُضِيَ النصرُ
عظم الله الاجر لصاحب الأمر والثار
وعظم الله اجوركم واذكرونا بالدعاء.
العقيلة زينب تخاطب أمها الزهراء
عليها السلام (وزن الطويل)
جبل صبري. كسر ظهري. . يلحنينه
بعد عمرچ. شنهي عمري يلحنينه
★★★★★
بنتچ زينب بغربه اشيل الجدم مابيه
يمه من شفت دارچ. على هلحال يومية
حزينه الدار يلزهرة. لأن مالچ بعد جيه
ياهو الچان يجمعنه. ويملي البيت. حنيه
من رحلتي وعني رحتي يلحنينه
نار تطلع من دمعتي . يلحنينه
★★★★★
الحزن والنوح لازمني بعدعيناچ من صغري
العمر اتمنه بوجودچ يطول شما حكم دهري
ردت هليوم بغيابچ اخر يوم من عمري
غيابچ يمه مو وكته لَوَّعَني وكسر ظهري
هذا حالي. وي الليالي. يلحنينه
غير حزني. مابقالي. يلحنينه
★★★★★
ذاك الي دفع بابچ. حيل الدنيا شاغلته
مكسورة ضلع تالي الجنين الموت خاتمته
الظالم يرفع بسوطه.يضرب بالمتن شفته
وابوي بحال متأزم محني ولزم خاصرته
شگد تصَبَّر ناره تسعر. يلحنينه
بالوصيه التزم حيدر. يلحنينه
★★★★★
چم مره خطب جدي. مهجتي گلهم البضعه
مكسورة ضلع خلوچ. عين اترافگ الدمعه
الطبعه حقد مايرعاچ ميزان الحقد طبعه
راح الخير من رحتي هذاك الزمن شيرجعه
كثر وني. وليل حزني. يلحنينه
اثنين بعدچ. شيبني. يلحنينه
★★★★★
حنانچ گبل يجمعنه. وبفي ضحكتچ نغفه
قصده الوكت وافعاله شمعة بيتنه تطفه
وذياب السقيفه اتحوم شر گلوبهم صلفه
حقدهم من زمن غابر. هذا الحقد موصدفه
يلزچيه. شلون بيه. يلحنينه
يوم رحتي. من اديه. يلحنينه
الشاعر حسن لعيبي الحريشاوي
#يا_فاطمة
وين الوذ بضلع دامي..بگلب ضامي..لو خيم والنار كبره
وين الوذ وگلبي گايل..بدمع سايل..انه بحماكم يزهره
عشت بحماكم والوذ اباب جذعج
ارد اصيرن حاجز اگبال اليدفعج
شما احاول الگه يدفع عني ضلعج
ضريبة دمعة الخدام
ضلع بالباب يتكسر
وضريبة ثوبي الاسود هاذ
جمر بيبانج اليسعر
يا أمان المثل امانج..ويا حنانج يالحنينة
احجايتي امي امن الطفوله..فاطمة تنّشر علينه
__
ما ضكت طعم الخساره..بس طهاره..ضكت يم جمرات بابج
احله من كل فرح حزنج..خيري منج..امدلل اليبجي لعذابج
ياهو حمره عيونه عين الزهره حمره
الراد يسعد فاطمة خيعيش جمره
بدمع يلا ينمسح دمعج يزهره
فاطم ياهو عاونها
وبجه من گلبه واتألم
دون الناس والدنيا
يسعدهه البچي والهم
اتخيلو البضعه بعضمها..تنتضر موعد بچينة
احجايتي امي امن الطفوله..فاطمة تنّشر علينه
___
امن الطفوله اسمع هواجس..بالمجالس..تحضر اويانه الزجية
لوذ طفلة بحضن امها..من تضمها..لذت باحضان العزية
هيه التربي اليجي المجلسها يحضر
لا عليه خوف وحزن لبضهره منبر
أمنه حرستنه بضلعها وصدت الشر
تطلّع من عبايتها
جفين لأبوفاضل
تمسح روسنة الزهره
ومدمعنه يضل سايل
يعني جوه اجفوف كافل..احنه خدامج ربينه
احجايتي امي امن الطفوله..فاطمة تنّشر علينه
___
جرحي عامر من فضلهه..خير اهلهه..غطه كل هاي الخليقه
واليصيبة الخير منه..نگول عنه..الزهره وگفتله بطريقة
شكبر بخته الوكفت بدربة الوديعة
ما يهدنه بالحشر جف الشفيعة
احنه دفعت بابهه السوتنه شيعة
وي المحسن ودمه
وما بايعنه اي جاني
ما ناسي مجالسهه
شلون بموتي تنساني..؟
ميت بجف المغسل..كلبي بجفوف ألامينة
احجايتي امي امن الطفوله..فاطمة تنّشر علينه
____
مصطفى صادق اللامي
أسمع تونين . من ونتج گلبي انكسر
اسمع تونين
يمنه الحنينه . يمنه الحنينه
***
شلون حبها أنوِصفه أمنه كلها عاطفه
الغاليه هاي
بشيلة أمي البخت روحي بيها اتعلگت
وكت العطش ماي
جلمة اليمه شكثر منها حنينه
المايشوف امه صدك معميه عينه
الصبر من عدها احنه تعلمينه
ياأم الحسين يمج أصيح بعبرتي
ياأم الحسين
يمنه الحنينه . يمنه الحنينه
***
أنتي يل كلج حنان جفوفج التمطر أمان
يمه يمه
ونتج اتفسر الصخر يمه دلالي انفطر
والدنيه ضلمه
گمت أخاف أمن اليتم بسلا تروحين
الدنيا ماترحم أبد ياأم الحسين
يمه حاجيني گبل لاتغمض العين
هذا الولد هذا مكسور يم أمه يون
هذا الولد هذا
يمنه الحنينه . يمنه الحنينه
***
كاسر جناحي الهظم خوفي منج انحرم
وجهج إذا غاب
عيني تنبلعج نهر كلشي ولا هذا الخبر
ايغطيج الاتراب
كون أموت اوياج يل كلج محنه
يمه تكتل ونتج يابعد اهلنه
ليش منج ننحرم واحنه بصغرنه
يابعد العيون تسوين عمري ودنيتي
يابعد العيون
يمنه الحنينه . يمنه الحنينه
***
بعطر جفج دنيتي أمن الصغر كل راحتي
امن أسمع دلل لول
هسه اني أو دمعتي اليتم موت ضحكتي
وثگال الاحمول
جثه سوتني المناحه بوكت موتج
البيت چنه المقبره المابيه صوتج
لاتخليني صحت يمه امروتج
فتحيها العيون غمضتي والدنيا انعمت
فتحيها العيون
يمنه الحنينه . يمنه الحنينه
***
والله حيره حيرتي من أضل بغربتي
باجر بالطفوف
سولفيتيلي شكثر عن حرگ خيمه ونحر
وعن نهر وجفوف
يمه باجر موضلع تتكسر ضهور
الخيل تسحگني واضل عالغبره منحور
يمه اطشر أشلاء بظهر عاشور
باجر غربتي بطف كربله نشوف العجب
باجر غربتي
يمنه الحنينه . يمنه الحنينه
***
ياهو يحضر دفنتي يمه أضل بغربتي
وزينب غريبه
يمه من هسه استعد لطفهم اليذبح ولد
وياخذ سليبه
اليموت بديره غربه يريد العزاز
بكربلاء عاري ييمه وماكو جناز
لكل هلي واخواني بالطف باجر اعتاز
ياكثر الجروح تهدملي حيلي بكربلاء
ياكثر الجروح
يمنه الحنينه . يمنه الحنينه
***
علي محسن الفرطوسي
مقطوعه او نعي كرناوي حول وحشه الزهراء
ادور بل نزل واظلم اشوفه
وحشه اخلافهه وما ينسكن بيه
صحت يا ام المحنه اليله جاوين
وصوتي الوالده هلبت سمعتيه
افراكج ما نحمله اشلون تمشين
ونص الحيل يمه ودريتيه
تعاي اسويعه بالله وشوفي شصار
ونومج بالكبر يا الزهره عوفيه
تعاي وكعدي يمه شويه وياي
وحزني والونين اليله اسمعيه
عليج الله تخلي الكبر موزين
وأخي الضال بعدج بالله سكتيه
بعدنه زغار والفركه تهد حيل
وعمرنا وياج يا يمه خذيتيه
مظلم بيتنه وما ينچهب لا
شنهي البيت بعدج ونتي عفتيه
اطبن غرفتج واشتم بل هدوم
وكلبي يروح مني هيج احس بيه
يمه اشلون بينه ما تعودين
شوف عيونه يمج خذيتيه
لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له
الله يعينك يا علـي كسرو ظلع من فاطمة
**
أظـــاهر متــانين هـــاي اللحظــة؟؟
يموت النبي وجفنه الشريف يغَمضه
لا مــو يشيعو؟ حتــى تهــتك عرضه
ينحــــركَ بابچ فاطــمة من يرضـــه
يرحون وين من النبي باچر وراهم محكمة
**
أقـدس مــرة يـا حيــدر يضــربوها
فاطمـــة الكعبة وذولــة ما هابوها
من كَــد حقـــدهم بتها هَــم سلبوها
ذولــه جرائم يا علــــي جابـــوها؟
ما مرت بكل البشـــر هاي العصابه المجرمة
**
أي غيـــرة ما عدهم منـو مسويها
ارهابيه؟فاطــــم يهجمـــون عليها؟
الچـــان النبــي كلسا يبوس ايديها
لســـا ظلعــــــها بالكَـــبر ياذيـــها
كل هذا چي رب العرش وَصه بعلي حامي الحمة
**
چـان اختبـار من الله (باب الزهرة)
بــي للبشـر يكشف وجوه الزمــرة
كسر الظلـــع منـه وبدت عالــعترة
هامـة علــي من بعد ذيچ الســطرة
محسن وكَع من عَصرته ما طاحت شلون السمة
**
اليحچي على ذولة شما حچه موغيبه
اليتجــاسر علــى النــاس كلها تعيـبه
لــو يستحي چـان استحـه من شيبة؟
للنــــــار أول واحـــد الله يجـــــيبه؟
لليــوم كَلـــبك حيدرة ظلــع البتـــول يألمه
**
مو بشــر مو مالت عتب وتعـــاتبه
يكَــدر علي يجره أمـس من شاربه
يوم القيـــامة هنـــاك راح يحــاسبه
يعرف الــوداه؟والســبب؟والجـايبة؟
والمنك ومــا مقتنـــع يا علي شلـــون تفَهِمه
**
يــوم الحَشـــر كـل البشـر تتـلاكَه
ويبَـــين الأســـلام ياهــو البــاكَه
يالزهــرة يمــچ شيعتـــچ مشتاكَه
طَول علينه المهدي حيــل افراكَه
يمها وتشوف أم الحسن لســـه البقيـع امهدمه
**
يـا علـي هـواي بشيـــعتك لامــونه؟
نحچـــي الحقـــائق هـاي مايردونه؟
قــافـــل بعضــهم وابـــد ميفهمـونه
باب النبـي اصحاب النبـي يحركَونه؟
بكسر الظلع ما يقتنع يا علي البعيـــونه عَمه
**
حيدر حسين الكرعاوي
لوما ظهوري من الله أنتظرة
چـا قاتلچ طَلعتــه مِن كَبــرة
*
المهدي آنـــه المــا طفـت نـــاره
إلعاالشيعة يُمَـه انكَطعت أخبــاره
لازم يجيــچ بعيسـى وأنصـــاره
يوميــه سيفـــي ينتظـــرثـــــاره
ولوما ((تَأني)) كَلبـي وصبـــره
*
مـو بيـدي يالزهـــرة أعذرينــي
آنـي علمودچ تبچــي دم عينــي
خلــي الكِســر ظلعــچ يتـانينـي؟
راح أطلعلـــهم وآخــــذ بدِيَنـــي
أَخَــر ظهوري الله وطِعت أمـــره
*
يالزهـرة حــركَ البــاب شيبنـــي
ادريبــچ تكَوليـــن ويــن ابنــــي
آني الصبـــر يــا يمــــه تعبنــــي
بكَبرچ منـــارة يمــه يمتــه ابنــي
يوميــة اَهَدي جروحي بالحسـرة
*
آنـــه الــي هامة جــده مضروبة
آني الــي روحــه حيــل متعوبــة
قاتــلچ مــا أغفــــرهـن ذنوبــــه
لـــو ألف مـــرة كَالـــي التوبـــة
منهــــم هذولــــه الديــن يتبـــرة
*
بِيـــهَ غَضَب يهــدم دول عُظمـه
آنـــه الـــي كســـروله ظلع أمــه
آنـه الــي كون يمــوت من همـه
بطف كربله سابيلي چــم حُرمـه
لـوما يقينـي؟ تكَضي هالفتـرة؟؟
*
اِبن الــي بالطف مـا إلــه ناصــر
بيــن الجيــوش وعِيلتــه حـــايـر
اليركض بصدره مدري چم حافـر
أتمنــه اطلـــع يمـــه مــن باچـــر
وألعن الظلمـــو فاطمـة الزهـــرة
*
آنــه الــي عمـــه عينـــه مطفية
آنــه الِـــذي عمــــاته مسبيـــــة
الثــــار ثــــآري والقهــــر بيـــه
آنـــه الأتـــــاني الفَــرج يوميـــه
من انتظــاري كَلبي أحس جمرة
*
آنــه الوسـط كَلبـــي ألف لـوعة
أطلــب شكَد نحـــور مكَطــــوعة
آنـــي الــي دم ونــار بدمــــوعة
اِبــن الحســين الهشمو ظلــوعة
لـو بيدي أَرَجِع مِن؟ كَطَع نحـرة
*
هســـه عرفتي يمــه ما نــاســي
مثلــچ زماني ويـاي هَــم قاسـي
آنـي المصــايب شَيـــبت راســي
طـايــح بـلا چفيـــن عباســـــــي
لو الله جيشي مهيئـة ومحضـرة
*
إلــــه أبَــــرد كَلبـــچ من أطلــع
كَدامي اخلــي شكَــد دوَل تركــع
إِلخــاين أسحـكَ راســه؟والطَبَع
ثـــارچ يفاطـــم آخـــذه مرَبَــــع
مِـــن آخـــذ بكـل ثــــار للعتـــرة
*
حيدر حسين الكَرعاوي
قصيدة ملمع✍️
فاطِمُ لن ننساها ويلٌ لِمن عاداها
****
يالمهــــــــدي هــذا معتقدنه
بس الله وأهـــل البيت عدنــه
للزهــرة ننطـــي كل ولِدنـــه
وتعرفنه مـــا نخلــف وعدنــه
حتى غـداً نلقـاها ويلٌ لِمن عاداها
****
بـلا فاطمــة دنيـــانة ظلــــمة
أنتـــم هوانـــه الـي نشـــــمه
لحسيــن ابنهه انطيــنه كلمة
نخدمهـه للمـــــوت ونخـدمة
ساخَ الفضــا لولاها ويلٌ لِمن عاداها
****
روحي الي مـــا عاشت بحبهه
ما اريدهـه ومن جسمي اذبهه
ميتـــه ولَهســــه يـــون كَلبهه
عالغِصــب حكَهـه والضـــربهه
يؤذيني ما آذاهــا ويلٌ لِمن عاداها
****
يالمهـــدي منعـــــوف المَــآتم
ونطــالب بثـــارآت فـــاطـــــم
ذولـــهَ سبب كـــل الجرائــــــم
المهــدي اكيـــد المكة قـــــــادم
قَد خابَ من دَساها ويلٌ لِمن عاداها
****
يمتـــه يبـو صـــــــالح تجيـنه
احفـــاد الصــنم جـــارو عليـنه
چـم نَحــر الكــــــم كَاطعيـــــنه
لســـــهَ البقيـــع مهدميــــــنه
عينُ السما أبكاها ويلُ لِمن عاداها
****
للمـــــوت ما ننســـه الزچيـــة
والمنذبـــــح بالغـــــاضـــــريـة
هذا دُعائــــــي بكـــــل مســـية
الله يلـــــــعن آل أُميـــــــــــــــة
وكـلُ مــن وآلاها ويلُ لِمن عاداها
****
يالمهــــــدي مقهوريــن مِنــه
چِـــي ما انطينـــاهم وطَنــــــه
هـذا الوطــن بحســـين جنـــة
والمرجعيــــــة تلـم شملــــنه
فتــوآهُ لَبينــــاها ويلُ لِمن عاداها
****
روح النبـــي هــاي الوديـــعة
النِكرو قَتلـــهه شلــون شيعة؟
يردونَّــــه القـــــاتل نطيــــــعة
الله يـــــا حامــــي الشريـــــعة
تَبـت يـدا أشقـاها ويلُ لِمن عاداها
****
تبنيلــــــــهه يمتــه المنـــارة
أويــاك نحييــــهه الزيــــــارة
ثآرك شكَـــد طـــــال أنتظــاره
يَمشَــيب كَلــــوب الحيــــــارة
أزَينَبٌ تنســــاها ويلُ لِمن عاداها
****
متــــى ترانــــا ونراكــــــــا
يا كُــــلُ ما فيــــــــنا فِداكــا
هـــل نحظَ يومـــــاً بلِقــــاكا
في الطــفِ خفــــاقٌ لِوآكــا
تزهو بــهِ ارجـاها ويلُ لِمن عاداها
****
حيدر حسين الكَرعاوي
حامي الحميّه .. دافن شمس بالليل
بعد الزچيّــــه .. صايــر علي بلا حيل
روحــه غريــــبه
بعــد الحـــبيبه
صاحب مصيبه
____
علي جروح المصيبه خذت كل حيله
مشه محـــبوب گلــبه عنّه هالليــــله
( الله يصبــرك ) سلـمان يدعــــيــــله
نعش أم الحســن گــوّه علي ايشـيله
قالـــعها خيــبر ... لزهره گوّه ايشــيل
مو ذاكه حـيدر ... صايــر علي بلا حيل
روحه غريــــبه
بعد الحـــبيبه
صاحب مصيبه
___
القويِّ الـ بالمــعارك مِنفرِد عزمــــه
الـ ما يوگف اگبـــــاله لو ألـــف زلمه
بصعـوبه الهَوَه بعد الزهــره يشتمّه
أبو الاحزان صـار من الضــلع أسمه
فرگــــاها خَلّه ... بصوته الحـزن ترتيل
الشافه يــگله : ... صايــر علي بلا حيل
روحه غريــــبه
بعد الحـــبيبه
صاحب مصيبه
__
علي هذه الدهـــر منّـه سِلِـب عمره
عالمُـغتــسل بيـــــده مَـدد الزهـــره
يبــاوع خدها ازرگ و السبب سطره
من كَسر الضِـلع و الله انكسر ظهره
محروگه اديها ... شاهدها بالتــغسيل
يبچـــي عليها ... صايـــر علي بلا حيل
روحه غريــــبه
بعد الحـــبيبه
صاحب مصيبه
____
گـــعد بالزاويــه يبـــچي بألم مخفي
و يصيح بدمعته و الصيحه ما تكفي
گالتلــــــه شــجرالك گال : وا لهفي
اعله ضلع المنكسر أسماء مَر چفّي
شاف بدمعــته ... كــسر الضلــع بالويـل
آ يا كسرته ... صـــايــر علي بلا حيل
روحه غريــــبه
بعد الحـــبيبه
صاحب مصيبه
___
يعالـــــم و الله تكـتل فرگـــة الأحـباب
غابت ضحكته وجه ام حسن من غاب
أبو تـــراب و يـــهيل اعله الزچيّه تراب
علي ميّـــت عليـــها من عصرها الباب
وَدعـها ينــحب ... رَد و دموعه اتسيل
گالــته زيـنب : ... صايـر علي بلا حيل
روحه غريــــبه
بعد الحـــبيبه
صاحب مصيبه
الشاعر حاتم صبري الكاظمي
لسان حال العقيلة زينب
بفقد امها الزهراء عليهما السلام
راحت من ايدي الوالده
راحت من ايدي الوالده
بـــ امـــي انـــا عـزونـي
راحت من ايدي الوالده
.....
صعبه عـلـى امــي الچفن
لا مــايــلــوق اعــلــيــهـــا
تـوهـا صـــغـــيــره عالقبر
اشــلــون الــقـبــر يحويها
ماتت اومـن ضـرب العدو
امـــــــورمـــات ايــديـهــا
وابصـغـر سـنـهـا اتمرمرت
راحت من ايدي الوالده
.....
راحـت مــن ايـدي الغاليه
امـنـيـن الـصـبـر علـموني
لو اقـضـي عمـري بالبچي
يـاخـلـق لا تـلــومـــونـي
والله لــو الأم تـــنــشـــرى
لـشـريـهـا انــا بـعـيـونـي
لكن وسـف عـنـي ارحلت
راحت من ايدي الوالده
.....
شـــالــت وشـــال ويـاهـا
هـالــفــرح صـك بـيـبـانـا
مــن شـالـت امـي الغاليه
صــــارت كـــدر دنيانــا
وانـــا اشــكـثــر مشتاقـه
لامــــي انــــا اولــهــانــا
ويـــن الـصـــبــــر قلولي
راحت من ايدي الوالده
....
الـيـفــقــد امــه اشحالته
وكـل الـخــلايــق تدري
وانا افــقــدتـــهــا الغاليه
وبالـحـسـره الطم صدري
مـن مـاتـت امــي فاطمه
شفت الهـظـم من صغري
مـاتــت وهــي مـتـألـمـه
راحت من ايدي الوالده
....
جـرحــي انـا شـيـطـيـبـه
لــنـــهــا الــدوا لجروحي
بعدامي صـرت ابوحدتي
يا لـيــت طـلـعـت روحي
ولا عــشــت انـا ابدنيتي
ولا ظل متـعــالـي نوحي
خـــالــي مـصـلاهـا صبح
راحت من ايدي الوالده
.....
تمت بحمد الله ومنه
1445/5/9 هــ
*لخادم اهل البيت عليهم السلام*
*المُلا محمد سامي المرعي* الأحسائي
النظرة الاخيرة تحچي انكساره
وي ام الحسين حيدر تباره
ودعتج الله يأكبر خسارة
ماتت فاتحة العينين رادت من علي تشبع
عليها مقرب آذانه بلكي آخر نفس يسمع
يطلع مال حيل يشوف وگلبه يگله لا تطلع
مروتج يفاطمته وهله
مروتج علي من يبقى اله
مروتج بعد وكت اعله فرگتنه
.
راحت بس لا تنحچي
راحت شيفيد البچي
راحت وما راحت محنتنه
____
جفون ام الحسين غمضها بيده
الأقرب من الروح صارت بعيدة
يا جرح الفراگ هد الصميدة
يواسي بگلبه ويعاتب فاطمتك مشت چنها
رديت الشمس بيدي وما اگدر اردنها
خيعونك يچفي شلون عندك طاقة تدفنها
بيدي ادفنت عشگ الگلب
بيدي وهلت فوگه الترب
بيدي الفقار يعاتب شبيدي
غربة گبرها ومنفرد
غربة بلا فاطمتي ارد
غربة ابد مو هذا تعويدي
_
مضيع علي عيون چانت تلمه
وظل منها احاديث تفرحه وتألمه
حافظها با الصوت ما ناسي كلمة
اليهضم حيدر وياذيه مَهَر أم الحسن درعه
دلالة شگد قهر بيها يا گلب الذي يجرعه
بضعة من النبي جانت ومن فاطم علي بضعة
بضعة وطن شايل وطن
بضعة علي وام الحسن
بضعة وحلم ما بارح عيونه
وتالي ويه دهه الظالمه
تالي علي بلا فاطمة
تالي بنعش فاطم يشيعونه
_____
ثالث سبط جان همها وحلمها
ابني النطرناه مات بألمها
اختلطن على الباب دمه ويه دمها
المحسن واجه المسمار گبل امه ولگه حتفه
الغيور الما رضى يعبرون دمه يضيع يا وسفة
الهضيمة الجاني ما مجهول وهاي التهضم وكلفة
كلفة قتل أم وإبن
كلفة ترى حچاية وإن
كلفة الوصية وصبري طاوعها
المُحسن جزائه إنسا إله
المُحسن بداية كربله
المُحسن بحضن الزهرة ودعها
____
ظل عطر السنين باقي اعله اديه
وثمنطعش عام خلصن سوية
يا گلبي شتريد آنه شبديه
يگلبي اتصبر مروتك بداعة فاطمة اتصبر
ومن ترتل القرآن أعبر سورة الكوثر
أعطيناكَ بس يارب قتلها الشانئ الأبتر
ويلي يچفّي شوگفه
ويلي كلت روحي الافه
ويلي شأصبر عتبتي انداست
بابي مع كل العتب
بابي خذلت بيه شعجب
بابي عفتها وخلفك اتحامت
*السيد أنور الموسوي*
طبع الیفارگ یموت امنل الفراگ.....
کل ما یهب ریح لهل گلبه یشتاگ...
تعبتیني... بس حاچیني...
انا علي انا علي یزهراء
_
مو مال افارگ یم حسن والله انگطع بیه الامل...
شوفیني نایم عل ترب آنه الیقیسوني ابجبل....
ما ادري اشصار اشجره بس ادري بفراگچ حصل...
هیچ آنه ائیس یا خلگ وآنه اسمي یا خیر العمل.....
گعدیلي مو حیلي خلص یل زچیه....
شوفي انهدم حیله حماي الحمیه....
موتیني... بس حاچیني
انا علي انا علي یزهراء
____
تار الدمع عل خد یصب ولبیه بیي الله الدره....
آنه علي یا فاطمه احوالي حیل امکدره....
گبرچ یون کل ما اون وتنادي کافي المگبره...
یابو الحسن کف الدمع چا غیر شخصك حيدره....
اغفه اعله التراب وانه اسمي ابواتراب....
هادمني فرگاچ عليه اشثگل المصاب....
هدمتیني.... بس حاچيني
انا علي انا علي یزهراء
_
صار الهوا شمه صعب مشتاگه ریتي الریحتچ....
یا شوف اوارموش البصر عیني تناطر گعدتچ...
خليني اگلچ یم حسن زینب تناطر جیتچ....
احسين العزيز الينحر يغفه اعله ريحت شيلتچ....
شوفي الحسن مات ینادي یل حنونه....
عاباهم الله الطقات الیتمونه...
عذبتیني... بس حاچیني
انا علي انا علي یزهراء
__
جرح الیفارگ ینلچم کل ما یمر بیه الهوا...
الدنیا بعیونه گبر ویذکر حبیبه بکل ضوا...
هسه آنه کلش مختنگ لا فاطمه ولاکو سوا...
میت ولا هاذ الیمر یُم بیتي احس حیلي خوا...
میت بل احسین وحگچ یحیلي...
اگضي الصبح نوح وخلصه اعتاب لیلي....
حیرتیني.... بس حاچیني
انا علي انا علي یزهراء
__
خالد السویطي
من اسولف عالضلع .......ادري زينب تنوجع
ترجع اجروح السنين
عذرا امن ام البنين
ادري زينب تنوجع
ـ. ......................
ادري لو احجي المصيبه.وأنشر الهم والبله
تنفرش گاع الله سوده ..من البقيع لكربله .
ويسمع المهدي المآسي.وحزنه مايتحمله
ادري عرش الله وملاكه. ينفجع والبسمله
والسما اتواسي السمه
يامصابج فاطمه
حسره ودموع وانين .......عذرا امن ام البنين .......ادري زينب تنوجع ـ......................
كل سنه الباب وحرگته..يعاود اعلينا ابالم
والحزن يملي المواكب ..واسود انرفعه العلم
فاطمه ومحسن ابنها ..الله يلعن من ظلم
يلعنه اللوح وقدرته والملايك والقلم
الله يلعن كل سبب
والشعل نار وحطب
واسقط ابظلمه الجنين ....عذرا امن ام البنين..... ادري زينب تنوجع ـ......................
عالمواجع من اسولف..واكشف اغبار الزمن
زينب اتشوغ ابحزنها ويبجي الحسين وحسن
حجة الله المهدي يفزع..بيرغ ابايده الرسن
يامصايبها السقيفه ..وللابد ماينسن
ذكرى تحزن كل محب
بالمواجع ينتحب
دمعه وآلام وحنين... عذرا امن ام البنين...... ادري زينب تنوجع
ـ......................
ويلي ياهم المجالس ..والدموع الماتجف
ويلي يا حزن المواكب ..لايهيد ولايخف
ويلي يادمع المنابر ..مستديم ومانشف
كل بقاع الدنيا تبچي.وكربله اتواسي النجف
والبقيع المهتظم
واسى سامرا ابالم
وعفرت قم الجبين... عذرا امن ام البنين ....ادري زينب تنوجع
ـ......................
للابد حزن الوديعه..مايزال وللابد
طالما بالدنيا شيعه..انعاهد بهذا العهد
يبقى اسمها اعلى المنابر ..يعله ومأيده الصمد
ويه قرآن الله تبقى ..وقل هو الله احد
هذا عهد المرجله
وغيره مانتقبله
شيعه الها امحزمين ....عذرا امن ام البنين..... ادري زينب تنوجع
ـ......................
ياكسرها ابكل موالي..ياكسر ماينجبر
هزنا لزيارتها حبنا..وللاسف مخفي الگبر
ياصبرنا اعلى الرزيه .. البيها تعبنا الصبر
يمته يلغايب تظهره ..وتعله راياته الخضر
والبقيع اتنوره
گبه لأمنا الطاهره
الها نوصل معتنين.... عذرا امن ام البنين .....ادري زينب تنوجع
ـ......................
دكتور كاظم النعامي المعقلي
الحان مسعود النصاري
ماتت اليوم العندي اغله من الهوه
شكد تمنيت اتصير موتتنه سوه
ابنص الگبور دافن النور
وطفه بعيوني الضوه
ــــــــــــــــــــــــــــــــــــــــــــــــــ
خل تصب مــــــــــن دم دمعتي وتترك آثار عله خدي
ماتت ليله الأعــــــــــزهه ويتمــــــــــتني انه ويولدي
بروحي ناصب چادر لها وابجي سكته بليلي وحدي
مو لحدها اتمنه احفره ريت انا يحــــــــفرونه لحدي
ابجي ضليت مثل المضيعله ام
يخنگ البيت شما اطبله انلچم
كلبي مكسور دافن النور
وطفه بعيوني الضوه
ــــــــــــــــــــــــــــــــــــــــــــــــــ
انه كــــــــــل شده احلها وهسه انه ابشده طايح
شدتي افـــــــراگ الزجيه زرعت ابروحي النوايح
حكي اذا راسي ألطـــــمه واوكف وكل ساعه طايح
زهرتي مهضومه مـــــــاتت وبنعشها لوحدي رايح
انه جناز ودمعتي بخدي اتهلي
علي انه وللكــــبر ماخذ علي
وجبدي مطرور دافن النور
وطفه بعيوني الضوه
ــــــــــــــــــــــــــــــــــــــــــــــــــ
انه ذاك الأسمي يــــــــــرهب اكسر ومحد كسرني
بس رحيل الـــــــزهرة عني غير ارسومي وهدمني
من وره انگابي ويبــــــــــين مايظمه انگابي حزني
بيدي لازم ضهري وامشي بياوكت هيج انه محني
ماهي سهله فـــراكها يكسر ضهر
بروحي تاكل الذكره ظلت والصور
ودمعي منثور دافن النور
وطفه بعيوني الضوه
ــــــــــــــــــــــــــــــــــــــــــــــــــ
جانــــــت ايامــــــــي زهيه حلوه والأحله الزجيه
جنت افيـــضن بالمــــــــــحنه من تباوع هيه ليه
ربي احرس واحمي حيدر تدعي جانت كل مسيه
هسه راحت وانــــــــــه ادعي ربي عجل بالمنيه
مات كلشي ويه موتت فاطمه
حته داري مــــن بعدها مضلمه
خدها مسطور دافن النور
وطفه بعيوني الضوه
ــــــــــــــــــــــــــــــــــــــــــــــــــ
بين عله ارسومي حزني ودمعي فاضحني بجفاها
ابجي حـــــــد ماعيني تطفه عليها لو نشدو ضناها
بيتي اصبح كله مضــــــــلم شالت الزهره وضواها
وانه أدعي كــــــــــون اموتن عمري ماريده وراها
شنهي ضلتي وأم الحسين وحسن
شيعتها وطــــــــــولها بليل اندفن
من ابجي معذور دافن النور
وطفه بعيوني الضوه
ــــــــــــــــــــــــــــــــــــــــــــــــــ
ياعلي ويــــــــنك حبيبي حلوه جانت من لسانج
فاطمه رجـــــــــعي دخليج زينب ابعازت حنانج
انتي اميرت روحي انتي وعد الاهج عالي شانج
مــــــــــن تفاركنه ولهسه محد يعوض مجانج
يالحنينه فركتج تدريها صعبه
من مشيتي بعيني كل الناس غربه
تبجي الحور دافن النور
وطفه بعيوني الضوه
ــــــــــــــــــــــــــــــــــــــــــــــــــ
حسين عبد الزهرة الدراجي
نزله للسيده الزهراء
مولاتي مولاتي
يافاطمه
١
طاعت الزهره امر واجب عليه
وبصمت من المهد عبد الزجيه
عبد مولاتي صرت صبح ومسيه
واشعر بهذا الشرف لايگ عليه
بعيوني وضنوني
شايلها عشگ
وگليبي بس الها
كل لحظه يدگ
بكل مجلس وياها
لا ما افترگ
يشهدلي يشهدلي
رب السمه
مولاتي مولاتي
يافاطمه
٢
صرت عبد الفاطمه ويشهد بكائي
بالمجالس عابس بهذا انتمائي
أشعر مقصر رغم هذا وفائي
ردت منها بالحشر اخذ جزائي
بالدمعه من انعه
ترسمني صور
علتني وخلتني
أشعر بالفخر
خادمها اتشرف
وبطول الدهر
أنسيه حوريه
ياعالمه
مولاتي مولاتي
يافاطمه
٣
شما أقدم خدمتي أشعر قليله
وابد ما اسمع حچي الناس الدخيله
عشرتي وياها والسفره طويله
باچر بيوم بالحشر هيه الكفيله
وياها والگاها
تشفع بس الي
من احجي واتباها
يسمع عاذلي
هالليله الخاطرها
احضر يا علي
يحضرني يحضرني
حامي الحمه
مولاتي مولاتي
يافاطمه
٤
الها متحزم لحد يوم المنيه
للمجالس احضر بيوم العزيه
اشگد قليله بالسنه لجل الزجيه
اتلث روايات الليالي الفاطميه
ما اشبع من اسمع
نجمات السمه
من تطلع بالمدمع
تنعه فاطمه
ما ملها
تبقه الها
روحي هايمه
رويني رويني
شابع ضمه
مولاتي مولاتي
يافاطمه
٥
بالليالي الفاطميه اكتبت عهدي
ابقه احييها وعلي يشهد المهدي
هالليالي ما املها وهيه عندي
مثل امي ومثل ابويه ومثل ولدي
احزاني ودمعاتي
تبقه للابد
للزهره من زغري
منطيها عهد
حضريني ناديتچ
يالزهره مدد
وعيوني وعيوني
تبچي دمه
مولاتي مولاتي
يافاطمه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
نعي للزهراء عليها السلام بحراني
ياجنة الله الواسعه ويانور الانوار
ياچلمة توصف فاطمة وتكتبها الاشعار
نور ودرايه ومعرفه لليمشي محتار
من أسرار الله وحكمته مهجة المختار
ياشمعه لعيون الوصي حيدر الكرار
يم المجد واهل المجد يا ام الاطهار
من طبعه خوان الوكت علزين يندار
والله زمن مابيه رحم ظالم وغدار
وزمره عليچ تحالفوا معدنهم اشرار
لموا حطب فوگ الحطب من حرگوا الدار
كتلوا جنينچ فاطمه ابطيحة البسمار
مكسور ظلعچ منهشم ياويلي علصار
لاندم ينفعهم بعد لاتنفع اعذار
بالنار باچر بالحشر تحرگهم النار
الشاعر حسن لعيبي الحريشاوي