7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
شهادة الزهراء عليها السلام
نعي فايزي
حال مولانا امير المؤمنين عليه السلام لما اراد حمل النعش الطاهر لمولاتنا فاطمة عليها السلام
😭😭
شال الجنازه وعثر حماي الحميه
مو من ثگل لكن گضت حيله الرزيه
حيله تهدم عمت عيني امن المصيبه
گام وتعثّر والمدامع له سچيبه
راح التصبّر گلهه فاطم مين اجيبه
كيف الصبر ياروح روحي يلزچيه
😭😭
حگه لون حيله تهدم والعزم راح
وطود الصبر منه تهاوه بفگدچ وطاح
بالگوّه ينهض حيدره لازمها لصفاح
مچمن بصدره الغيض حابسته الوصيّه
😭😭
ليث الوغی الكرار قتّال الصناديد
چيفن تغمضله جفن وينام ويهيد
مغصوب حگه وحگ زهرته وجرحه امچيد
حافوا عرينه ارذال گوم الجاهليه
😭😭
حط النعش دون الگبر حيدر بيا حال
رد الامانه لرسول الله ودمعه همال
هاذي الوديعه استرجعت بس صايره اخيال
مكسورة الخاطر اجتك هلمسيه
🏴🏴
ام محمد الحجااج
الخادمة ام علي رضا الشريفي الحسيني:
كيف تميّزت السيدة فاطمة الزهراء بالكمال عن باقي النساء؟
#السؤال:
قال رسول الله (ص): «كمُل من الرجال كثير ولم يكمُل من النساء إلّا أربع فاطمة ومريم وخديجة وأسية بنت مزاحم».
أولًا ـ ما الكمال الذي أراد النبيّ تبيانه وكيف نُثبت أنّه كمال مُطلق ؟
ثانيًا - كيف نُثبت أنّ فاطمة أفضل اللواتي ذُكرن ؟
#الجواب:
يختلف معنى الكمال بحسب موصوفه، فقد يكون معناه الذي لا نقص فيه، وذلك حينما يكون وصفا للإله، فيكون الثابت له هو أقصى ما يمكن من الأكمليّة والأفضليّة، بحيث لا يكون كمال لا نقص فيه - فعليّ أو ممكن - إلّا وهو ثابت له تعالى، فله مطلق العلم، ومطلق الحياة، ومطلق القدرة...قال العلّامة الطباطبائيّ(قده):
(إنّ الكمالات الوجوديّة التي هي صفات الوجود كالعلم والقدرة والحياة والسمع والبصر والوحدة والخلق والملك والغنى والحمد والخبرة - ممّا عد في الآيات السابقة أو لم يعد - صفات قائمة به تعالى على حسب ما يليق بساحة كبريائه وعزّ قدسه لأنّها صفات وجوديّة والوجود قائم به تعالى فهي إمّا عين ذاته كالعلم والقدرة وإمّا صفات خارجة عن ذاته منتزعة عن فعله كالخلق والرزق والرحمة).[تفسير الميزان ج16 ص236].
وقد يكون معناه معرفة الله تعالى والتقرّب إليه اذا وصف به الإنسان، فكماله معرفة الله تعالى التي لأجلها خلق، ولطلبها صنع، وهو ما ورد عن الإمام الصادق(ع) في تفسير قوله تعالى: {فَأَقِمْ وَجْهَكَ لِلدِّينِ حَنِيفًا فِطْرَةَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ...}، [سورة الروم: 30]: (فطرهم على التوحيد عند الميثاق على معرفته). [بحار الأنوار ج3 ص278].
ولا يتحقّق القرب من الله تعالى، ولا يمكن المصير الى معرفته إلّا بالتخلّص من أسر الشهوات، وتجفيف أسباب المحرّمات، بهيمنة العقل على الشهويّة والغضبيّة، ووقوعهما تحت سلطانه، وقهرهما بإرادته، وإدارته للمملكة الإنسانيّة وحده لا شريك له، وبذلك تتحرّر النفس من عبوديّة غير الله تعالى، وتتوجّه إليه تعالى بكامل وجودها، فيصل الى أقصى درجات القرب والمعرفة به تعالى.
يقول العلّامة الطباطبائيّ(قده) في تفسيره الميزان[ج5، ص 270]:
(فظهر من جميع ما تقدّم أنّ القرآن الكريم إنّما اشترط التقوى في التفكّر والتذكّر والتعقّل، وقارن العلم بالعمل للحصول على استقامة الفكر وإصابة العلم وخلوصه من شوائب الأوهام الحيوانيّة والإلقاءات الشيطانيّة.
نعم، هاهنا حقيقة قرآنيّة لا مجال لإنكارها وهو أنّ دخول الإنسان في حظيرة الولاية الإلهيّة، وتقرّبه إلى ساحة القدس والكبرياء يفتح له بابا إلى ملكوت السماوات والأرض يشاهد منه ما خفي على غيره من آيات الله الكبرى، وأنوار جبروته التي لا تطفأ، قال الصادق عليه السلام: لولا أنّ الشياطين يحومون حول قلوب بني آدم لرأوا ملكوت السماوات والأرض، وفيما رواه الجمهور عن النبيّ صلى الله عليه وآله وسلّم قال: لولا تكثير في كلامكم وتمريج في قلوبكم لرأيتم ما أرى ولسمعتم ما أسمع، وقد قال تعالى: {والذين جاهدوا فينا لنهدينّهم سبلنا وإنّ الله لمع المحسنين} [العنكبوت: 69] ويدلّ على ذلك ظاهر قوله تعالى: {واعبد ربّك حتّى يأتيك اليقين} [الحجر: 99] حيث فرّع اليقين على العبادة، وقال تعالى: {وكذلك نري إبراهيم ملكوت السماوات والأرض وليكون من الموقنين} [الانعام: 75]، فربط وصف الإيقان بمشاهدة الملكوت، وقال تعالى: {كلّا لو تعلمون علم اليقين لترونّ الجحيم ثمّ لترونّها عين اليقين } [التكاثر: 7] وقال تعالى: {إنّ كتاب الأبرار لفي عليّين وما أدراك ما عليّون كتاب مرقوم يشهده المقرّبون} [المطففين: 21]، وليطلب البحث المستوفى في هذا المعنى ممّا سيجئ من الكلام في قوله تعالى: {إنّما وليّكم الله ورسوله} [المائدة: 55]: وفي قوله تعالى: {يا أيّها الذين آمنوا عليكم أنفسكم}[المائدة: 105].
هذا المعنى من الكمال القرآنيّ قد حصل لكثير من الرجال حسب نصّ الحديث كالأنبياء والمرسلين والأوصياء والأئمّة المعصومين (عليهم السلام) لأنّ الله عزّ وجلّ لم يرسل رسولا ولا نبيا، ولم يجعل وليّا ولا إماما إلّا بعد أن يجعل فيه، ويهيّئ له، جميع متطلّبات الكمال، حتّى أصبح أكمل أهل عصره، يمتلك جميع صفات الكمال التي يمتلكها الإنسان وزيادة، ـ لعلمه سبحانه بأحوالهم ـ وبالتالي يستطيع أن يكمّل غيره، لتقوم به حجّة الله على عباده. وذلك لأنّ واهب الشيء ومعطيه لا يمكن أن يكون فاقدا له، كما أنّ من فقد الشيء لا يمكن أن يكون معطيًا له، وهذا المعنى ذكره الشيخ محمّد الحسين آل كاشف الغطاء(قده) إذْ قال في كتابه الجليل [الدين والإسلام]: (إنّ من القواعد الأوّليّة، والمبادئ المقرّرة في العقول الثابتة في النفوس التي هي من غرائزها الأوّليّة وفطرتها الطبيعيّة، وكفى بالامتحان والتجارب شاهد صدق عليها، ألا وهي ما قرّرته الحكماء من (أنّ معطي الشيء لا يكون فاقد الشيء، كما وأنّ فاقد الشيء لا يكون معطي الشيء).
كأني بلسان حالها صلوات ربي عليها تقول💔😔
يكــرار...زهرتك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــ
باب اجذوع وثجيلت وزن هالـــــــباب
لــــــذت خلفه ردت منه يصير احجاب
حين الـــي گرب منعوا ويــــرد بجواب
وإن وگام يعصرني بـــــــــدون اسباب
أويـــــــــلاه....بلا رحم...من هجم..نبت البسمار
يكــــــــــرار...زهرتــك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
صوت اضلوعي تتــكسر سمـــعها اطــــگ
لا أگــــــــدر أصيحن يا عـــــلي ألحـــــگ
حرگ بابي وبي بسمار صبــــــــح يـحرگ
حـار وحيل چــــــــــواني وگمــت اشهگ
صحت اه...
من الالم...ماسلم...محسن يســــــتار
يكــــــــــرار...زهرتــك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
ماكفاااااا نزف دمـــــــي وچتــــــل ابني
رد ابسوطه حيل ايرفعــــه ويطگـــــني
نوب ابجدمه گـــام ابضلعي يلچمـــــني
ألنذل أيده ثجيله وگــــــام يســــطرني
الألم زاد...بالرفس...ماكو حس..ياحامي الجـــار
يكــــــــــرار...زهرتــك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
ردت انــــــدب يــوالي وما طلــــع حسي
لأن اضلوعي تلچمني من اجر نفـــــــسي
لا أكــــــدر أديه ارفعــــــــها لا احــــچي
حرت حيره وعله چفوفي گمت احبـــــي
عالعتاب...محسني..منحني.. اتچوه بالنار
يكــــرار...زهرتك..وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
طحت فوگ الجمر ومحرگه الأيــــــــدين
گمت أوگف واطيح اتلوه مــــــــــن البين
بهل حاله وسرح بالي ذكــــــــرت احسين
گبالي كربله ونـــــــار ابـــــــخيم صوبين
شفت خيل...والزلم...عالخيم... سووها طشار
يكـــرار...زهرتك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
تمت والحمد لله
✍️خادم الزهراء ع
🎤ياسر الزيادي
الفاطمية الثانية نحييها
الليله والصرخه سوه نعلّيها
يازهراء يازهراء
🏴🏴
نعلّي صرختنه سوه يافاطمه
صوتنه خل يوصل لاهل السمه
عليهه كون عيونّه تبچي دمه
والنواظر ماتجف خلّيها
يازهراء يازهراء
🏴🏴
يجري خله ومايجف دوم الدمع
امن البواچي لفاطمه ماينشبع
الف لعنه اعلكسر منها الضلع
ورووعاها وشال ايده عليها
يازهراء يازهراء
🏴🏴
جاب حقده وحرگ باب ام الحسن
بت رسول الله وصفعها بالعلن
شهل مصاب الما سده بطول الزمن
لو رواسي هوت من عاليها
يازهراء يازهراء
🏴🏴
الازهار تموت لمّن تنعصر
وفاطمتنه ضلوعها شبعن كسر
شبه نجمه وطاحت بوسط الجمر
هاذ حال ام الحسن تاليها
يازهراء يازهراء
🏴🏴
حالها مهضومه من بعد النبي
وداس عتبة بابها وسفه اجنبي
غيره ماعده لئيم وناصبي
شهل سوايه المحد مسوّيها
يازهراء يازهراء
🏴🏴
محد مسوّيهه من گبله ابد
يهجم اعله مرّيه مايمها سند
يكسر ضليعاتهه . يسگط الوَلَد
وگام يضربهه اعله لمأذّيها
يازهراء يازهراء
🏴🏴
اللهم العن العصابة التي قتلت الزهراء
وابدأ بالاول والثاني
ام محمد الحجاج
نعي العقيله زينب ع لفقد الزهراء عليها السلام
حزنج ترك بالدلال حسره
كسرچ بعد ياهو اليجبره
يالوالده وداعچ اذكره
وبفرگتچ كلشي اخسره
......... ........................
بعدچ حياتي تصير صعبه
دنياي وحشه وعشت غربه
بيه الهضم والنوح يربه
والفارگچ محزون گلبه
................ ....................
چن روحي راحت يالحنينه
والگلب ما يبطل ونينه
ما ينفع خلافچ بچينه
موحشه دنيانه علينه
..................................
خادمكم مالك السعيدي
باب اجذوع وطاح .. واسمع بس اصياح
عصره ومحسن راح ..جوه تراب
ما شفت بدنياي .. نار ابيت الماي ..
وحده وهمه اهواي.. وستري الباب
غريبة يروحي .. غريبة يروحي
…………………
انه بت المات توه وربع ابوي اتهد عليه
باب من اجذوع كله وهمه ماگالوا خطيه
همه اكثر من ذنبهم وانه بس الله واديه
باب اجذوع .. فوگ اضلوع
ونايم بين اضلوعي المحسن
طاح الباب .. وايدي احجاب
وبوكت الاذان يأذن
يسمع صوت اذان.. ويعصرني الشيطان
مايتسمه انسان .. لا والله
ام وابني يموت.. وبطن امه التابوت
ماطلّع اي صوت .. لا شفناه
غريبة يروحي .. غريبة يروحي
………………
گبره ما ناشف محمد وربعه حرگو بيت بته
جاي اسبّح لله وادعي وصوت المرافس سمعته
دفعو الباب وحجابي لزمة المصحف لزمته
صار الصار.. ناس ونار
اثلثميه وبس آنه وفضة
بالحيطان .. بس دخان
بيتي امن الدخان اتوضة
صحت لفضه ابساع.. شيليني امن الگاع
والمكسورة اذراع .. بيش اتگوم
مختنگه ام احسين .. وزرگة اجفون العين
اتبدل شكلي اسنين .. بليلة ويوم
غريبة يروحي .. غريبة يروحي
………………..
طايح ابيّر وتجره هيچ اجر النفس گوه
موتت المكسور ضلعه تصير من يمشيله خطوة
آنه من اتوضه اموتن جرح ايدي وعيني بلوة
حيل يريد .. رفع الايد
اشهگ موت بكل تكبيرة
حيلي يذوب .. كل غروب
چني اخيال وآنه ازغيرة
اضعف اضعف حيل .. من عصرات الليل
حتى الليل يعيل .. بالموجوع
بس بَصَمات اقدام .. متروسه الاحلام
واسمع كل ما انام .. طگ اضلوع
غريبة يروحي .. غريبة يروحي
………………
اوگف اعله اعصابي گوه وماوصل عشرين عمري
والوجع بعيوني يطلع و ابتسم بوجوه بزري
ومن يجي احسين اعله حظني يرجع الحيل اعله ظهري
ست اسنين .. عمر احسين
و امه اگباله اتموت بعصرة
صار ايام .. من اينام
يتحلم بس بإسم الزهرة
متخيلته اجروح .. شابگني ومذبوح
ويصيّح مبحوح .. يا زهراء
لازم ادير اگفاي .. امن اشرب يمه الماي
يعطش راح اهواي .. بعاشوراء
غريبه يروحي .. غريبة يروحي
………………..
ايدي متعوده اعله رحه وسبحتي وروس اليتامه
الشوگ كاتل ناسي كلهم و انه ما اگوم بسلامة
همه المتانيني اگومن ناس فقره وچم حمامة
اتريد الناس.. تردلي انفاس
و ياروحي ايامچ معدودة
گطعة صوت .. وباچر موت
ايظل حيدر حيطانه تگودة
باچر دمع اغياب.. باچر طيحوا الباب
ظلي يصير اتراب .. عنكم راح
عندي وياكم دين .. دفنو وياي اثنين
تربة وثوب حسين .. حتى ارتاح
غريبه يروحي .. غريبه يروحي
…………..
علي هادي الخزعلي
قصائد الليالي الفاطمية الرواية الثانية
قصيدة { حب فاطمة }
كلمن حضر بالمجلس اويانه
حب فاطمة الزهراء عنوانه
..........................................................
نفتخر وبطول الزمن
فاطمه للعاشگ وطن
عالمه يا أم الحسن ... تعرف خَدَمهه
شافعه وبيوم الحشر
كل محب بيهه يفتخر
يدخل الجنّه والأمر ... كلشي بأسمهه
تظل آيه تظل غايه أمر رب السمه
تبشّرنه تباصرنه شفيعه فاطمه
خدم كلنه ذخر إلنه عظيم المكرمه
لياليهه مآسيهه مشت ويا الدمه
كلمن ذكرهه دموعه قربانه
حب فاطمة الزهراء عنوانه
..........................................................
نفتدي حبهه بالعمر
نذكر العصره ننكسر
والدمع يجري من جمر نواسي الزچيه
نلطم ونبچي عالضلع
فاطمه بيهه ننفجع
مو عجب أحمر الدمع ..حبنا هويه
دمع دمنه على أُمنه عزيزة فاطمه
عشگ يسوه نعم فدوه إذا نبچي دمه
العمر كله وحق الله هديه انقدّمه
نواسي احنه علي صحنه علي حامي الحمه
هنياله كلمن ثبت إيمانه
حب فاطمة الزهراء عنوانه
..........................................................
كل زمن باقي هالعهد
فاطمه تصبح المدد
حاضره تبقه بالشدد ... تگظيهه كلهه
فاطمه ثورة النصر
فاطمة صرخة الكسر
فاطمة آية الصبر ... ربنا جعلهه
على الفطره تظل جمره إلى يوم الظفر
يرد ثاره مع أنصاره أملنا المنتظر
عن الأُمّه فلا غمه إذا حان القدر
يصفّيهه يساويهه إذا المهدي حضر
ثار الزچيه جرح وجدانه
حب فاطمة الزهراء عنوانه
..........................................................
يا وصف يوصف الحزن
للقبر كل گلب يحن
مؤلمة يا كلمة ( وإنْ ) طاغي حچاهه
ينبني المرقد ونرد
الفاطمه لا ما نبتعد
مجلس نقيمه والحشد ..بيهه ايتباهه
قبر فاطم أمر لازم نزوره عن قرب
منايرهه شرط تعله ولا يبقه صعب
أبو صالح يبشرنه حبيب الكل گلب
مشي نطلع فرض سادس ولا يصعب درب
مشايه للزهراء ولهانه
حب فاطمة الزهراء عنوانه
..........................................................
فاطمه تقبل العمل
فاطمه تمنح الأمل
فاطمه تحضر بالأجل .لكل من خدمهه
فاطمه تحضر بدمع
فاطمه چفهه عالضلع
فاطمه والله تستمع .. فدوه الإسمهه
نوافيهه توافينه تجازينه غداً
تسجلنه توصّلنه الى جنة عدن
نباريهه نوافيهه عهد وبكل زمن
شعائرنه نعم كلهه نعم أم الحسن
كل خادم ودمعاته برهانه
حب فاطمة الزهراء عنوانه
..........................................................
خادم الإمام الحسين عليه السلام
عمار هليل الواسطي
قصائد الليالي الفاطمية الرواية الثانية
لسان حال سيدي ومولاي المحسن عليه السلام
قصيدة ( قبري المهد )
علامات اليتم مِنهه انذهل فكري
گبل ما يبتدي بيهه انختم عُمري
جنين وفوّضت للباري كل أمري
..........................................................................................................................
سكت صوتي نعم بس موتي يتكلّم
يوضّح مولدي ليش انگلب مأتم
گبل ما أنولد مكتوبه أتيتم
بنزف دمي بده معنى انتصار الدم
أنا جدي النبي وكلهم يعرفوني
بحقدهم والغدر من عمري حِرموني
نصرهم ظل وَهَمْ وآني خِلَد نصري
..........................................................................................................................
بداياتي الألم واللوعه والحسره
جنين وما تركني الظالم وغدره
أنا أدري السبب والفاجعه تفسره
لأن حيدر أبويه وأمي الزهره
حلم بس ما كمل للطاهره أمّي
وره الباب انسفك دمهه وحِضَن دمي
عشتهه الفاجعه وكسر الضلع كسري
..........................................................................................................................
عشت لهفت گلب أمنيتي عنواني
أشوفن والدي وأنظر على إخواني
وكت حلمي خلص وي دَفعة الجاني
أموت بحسرتي وبقهري خلاني
على الحايط أثر من دمي ظل ذكرى
رسم كسر الضلع والعصره والسطره
شهيد بمولدي رب العرش يدري
..........................................................................................................................
حفيد المصطفى بس ما شفت ملگه
ولا شمعة فرح لعيوني تتلگّـه
فقط باب النبي والظالم يحرگه
بده عمري بهضم واموادع وفرگه
بقه صوت الضلع من انكسر بِذْني
سِمَعته وصاحت أمي يالولد يبني
جريمه وبيهه أبد لا ما نِصَف دهري
..........................................................................................................................
تره الغادر يظل ابكل وكت غادر
ولا عنده مهم يكسر ألف خاطر
گلب أمي إنكسر چي ظلّت تناطر
رحت منهه وبعد ما تحسب الباچر
على حر الجمر تحسبلي أيامي
إجيت وما شفت وجه أمي گدّامي
شفت چف الأجل ماخذني من زغري
..........................................................................................................................
طحت مثل القَدَر لمّن يجي بسرعه
هويت اعله الأرض وبناظري دمعه
طفت بيهه الأهل بيت النبي شمعه
شريك الفاجعه وبمهجت البضعه
هجوم أهل الحقد ما تنطفي ناره
إلى أن مقتلي يتبشّر بثاره
يجي المهدي ويطفّي بطلعته جمري
..........................................................................................................................
أقدّم شكوتي للباري بالمحشر
على كل اللئام وكل نفوس الشر
أنا شاهد عيان وكلشي أتذكر
أنا الآية الشهيدة بسورة الكوثر
غداً جدّي يدافع بالحشر عنّي
وعلى أمي الوصفهه ( بضعةٌ منّي )
أمر رب السمه يوم الحشر يسري
..........................................................................................................................
خادم الإمام الحسين عليه السلام
عمار هليل الواسطي
#من_ديوان_مراثي_الفاقدين_ج2
قصيدة للزهراء ع (محد يحس بالوجع)
❥━──➸➽❥❂❥━──➸➽❥❂
محد يحس بالوجع بس الفگدهه
امي عافتني وغفت وسفه بلحدهه
الأعز من روحي عليه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
ما يحس بهمي بس الفاگد امه
چلمه الأم لو سمع بيهه تهضمه
رحتي يايمه ودليلي بگه بهمه
والله يخنگني النفس لوصحت يمه
رحتي وما الچ جيه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
انتي نور العين وانتي اغله من الأنفاس
فراگ وجهچ يالحنينه بالگلب جاس
الفاگده امها اوياي خل تلطم عله الراس
تحس بيه انا اوياها نفس الإحساس
خاليه ظلت اديه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
من يمرني الضيج چانت امي يمي
مشاركتني بالتعب وتشيل همي
ومن بعدها گمت احسن باد عضمي
كون من بعد الزچيه العين تعمي
ريت تلفيني المنيه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
شلي بالدنيه بعد عافيتي راحت
احس گلبي مات من گلولي ماتت
اوياها يا هالناس احس الروح شالت
وباقيه بس الجسد والدنيه مالت
الدنيه عيشتني برزيه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
والله محتاجه الحنانچ انا تدرين
شنهو اليعوض مكانچ يم الحسين
شماله ما يرحم ابحالي اذاني البين
اخذ من عندي الحبيبه ام گلب الحنين
خله دمعاتي جريه/نايمه حدر الوطيه
امي عافتني وغفت وسفه بلحدهه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
اليفكد امه •• يعيش بضلمه
آويه دموعه اطيح احلامه
وبـلا ضحكه ايكضي ايامه
••••.••••.••••
الما يكله امه امن ايطب داره وكواك الله وليدي تـكـله
تضل بعيونه دموعه مخيمه وخوبن خل يموت احسله
يـهـتـز الفنجان احــذاهـا ومــا يــدري بـ آلام الـدلــه
والما فاكد امه شيدري وعالفركه يـكـول شـكـد سهله
المدمع زايد •• بس للفاكد
وبــس للنوح يشد حزامه
وبـلا ضحكه ايكضي ايامه
••••.••••.••••
حسين يسولف وي غاليته يحجي شويه ويبجي شويه
نسمه انتي ومو حفره امجانج كون نضمج وسط الريه
مـن ليلة دفـنـج للعاشر مــا طالع مـصـبـاح اعـلـيـه
الدنيه انتي الجنتي محليتها وهسه خلافج مـره الدنيه
بلا غاليته •• مضلم بيته
وحسرة كلبه بكثر اسهامه
وبـلا ضحكه ايكضي ايامه
••••.••••.••••
الزلمه شما يكبر بعيونه حضن امه يضل ملجأ روحه
والمن اول عمره تيتم الله الـيـدري شـكـد جـروحـه
الـفـاكد امه يصير مبين مـن دمعة عينه المفضوحه
يبجي شما يذكر كعدتها وبس الموت ايسكت نوحـه
وحشه سنينه •• وتهمل عينه
وبس اللوعه تصير ولامـه
وبـلا ضحكه ايكضي ايامه
••••.••••.••••
اليـفـكـد ام واخ دمــوعـه تـنزل مثل السيل وحمره
وحسين امه الكسرت كلبه والمحسن هم كاسر ضهره
وحركة فركاهـا الام تبقه بـكـلـب الفاكد مثل الجمره
وصدر حسين مجمر باقي لحد ما لعبت خيل بصدره
يبجي وينحب •• هوه وزينب
وحيدر يمـه يـدك عالهامه
وبــلا ضحكه ايكضي ايـامه
••••.••••.••••
بيت وما بي ام ما ينطب ومصباح العيد يضل وحشه
والشالو نعش امه اكباله بـعيونـه اهون شيلت نعشه
بطرف اهدومه يصير الفاكد يمشي ويتعثر بالممشـه
مـن كبر امه تـراب يلمـلم وفوك الراس يضل يطشـه
يشيل عيونه •• فوك متونه
وموش شماغ دموعه لثامه
وبــلا ضحكه ايكضي ايـامه
محمود محمد العطواني
يبعد العافيه ويا شمعة البيت
ادخيلج ويـنـي اويـن التوابيت
ـ
يا غـالـيـتـي اجيبن مثلج مـنـيـن
عكبج حـالـي حاير بين الاثـنـيـن
اسكت روحي لو اسكت بالحسين
اموت وياج يام زينب تـمـنـيت
ادخليج ويـنـي اويـن التوابيت
ـ
ضلعج منكسر وكليبي مكسور
وما تحلالي بس كعدات الكبور
كل مغرب يمرني چفاج عاشور
يفاطم بالدمع عكبج توضيـت
ادخليج ويـنـي اويـن التوابيت
ـ
عكبج حيدره للـنـوح تـالـيّ
قـالع باب خيبر بـابـه يـاذيّ
تسگي اجم نهر ضلت بواجيّ
تغطيتي بترب وبـ هم تغطيـت
ادخليج ويـنـي اويـن التوابيت
ـ
ذبحني الباب حيف ورمحي بسمار
اون ضليت كـلمـا ازتـلـي خـطـار
واشـوف الباب ذاك وبـي اثر نـار
بفراكج يزهره انه الـتـچـويـت
ادخليج ويـنـي اويـن التوابيت
ـ
امن دموعي انمله يا فاطمه البير
واليدفن زهرته بعطره شـيـصـير
جـذاب الـيـكـلـج حـيـدر بـخـيـر
اعله ذوالفقار من امشي توچيت
ادخليج ويـنـي اويـن التوابـيـت
ـ
تهمل دمعتي واحجي اويه التراب
ومامش صوت يرجع من الاحباب
طاحت كل سنيني بدفعة الـبــاب
وكون بضلعي كسر الزهره يا ريت
ادخليج ويـنـي اويـن الـتـوابـيـت
ـ
منهو المثلي حط عمره اعله المتون
وهـوه شـلون يبجي الـفـاكـد عـيـون
ضلمه سنين عمري وصبحي مدفـون
انه مبجي الزلم وعليج ونيت
ادخليج ويـنـي اوين التوابيت
ـ
كلـمـا اطب حجرتج دمعتي تزيد
يل كلما اشوفج ينـحـسب عـيـد
واريدن بس اشوفج كلشي ما اريد
وا ويـلا يـام حسين نـاديـت
ادخليج ويني اوين التوابيت
محمود محمد العطواني
(ياعلي)
وصـاني الـنبـي وگـال أصــبـر لـو نذل عـال
عـالأذيـه عـالـرزيـه
أصـبـر أصـبـر
*---------------*---------------*
صـابــر وحـافظ وصـيتـي مـن مـحـمـد
سـمـعوا انـذال الـصحابـه وعـبروا الـحد
مـارفـعت السيـف لـحـظـه ربـي يـشـهـد
والله لـو سـلـيت سـيـفـي الـدنـيه تـرتـد
أحَچـي وگـلبـي مجـروح فـاطـم لازم اتـروح
*---------------*---------------*
بـعـيـني صـديت وأشـاهـد بابـي تـدفـع
يـجـرح بـگلبـي حـچـيهـم وانـي أسـمـع
يـاعـلـي صــاحــوا عـلـيـه اطـلـع اطـلـع
بــايــع الأول خــلـيـفــه حــتـى نــرجـع
أحَـمـل دفـعت الباب وكشـف زيـف الاصـحـاب
*---------------*---------------*
وصلوا اصحـاب السقيفـه وگـلبـي شيّـب
بـنـار الاحـقــاد وفــعـلـهـم داري تـلــهــب
بـضعت الـهـادي نـسـوهـه هـاي الاعـجـب
والحسن وحسين يـمـهـه وبـنـتـي زيـنـب
وانه بصبري مچتوف الوصيه مقيده الچفوف
*---------------*---------------*
صـعبـه وگبـالي الـمنافق هيچي يـجسَر
شـايــل الـنــار ويـصـيّـح ويـنـه حـيـدر
وآنـه مـاچنـي الصميـده ومـوت الاحـمر
الـخـاطـر الـديـن ومـحـمـد اصـبـر أكـثر
عـيـني اتشـاهد النـار وداري اتـحيـط الاشـرار
*---------------*---------------*
الــوصــل داري وأجــاهـه بــيّــه يــدري
الـهـادي ما اخـلف كـلامـه وثـابت أمـري
صابـر وعـندي وصيـه ومـحـني ظـهـري
تـشـبـه بـنـار الــوديــعـة نــاري تـســري
حزني بصدري مرهون اشكي السيد الكون
*---------------*---------------*
سـاكـت وگـام الـمـنافـق يـمـي يهـتف
الچـان يسـمـع بالصميده وكـله يرجـف
عـن نـوايـاه الخـبـيـثـه فـعلـه يكـشـف
واني مـحكـوم بـوصـيـه وروحي تنزف
اخلـف وعـدي ميـصير ونطي الفرصه للـغير
*---------------*---------------*
✍خـادم الزهراء (ع)
الشاعر رعد الجريخي
ردات للتشييع الرمزي للسيده الزهراء سلام الله عليها
شلنه نعشها او يا وسف صرنه يتامه
بضلوعنه ايعيش الكسر حد القيامه
والله والله
هيهات ننساه
لحد ما يرجع المهدي ابسلامه
ريحانة الهادي ابحقدهم ضيعوها
وبليل اضلم تندفن ما شيعوها
ماخلو آثار
لا گبر ينزار
حتى ابلحدها يا خلگ هم لوعوها
يل شايل النعش ام حسن هونك عليها
مكسور من عدها ضلع وامصوبيها
بالنعش واتنوح
ما تحمل آجروح
بهداي نزلوها اللحد هل هلله بيها
تشييع رمزي الفاطمه الليله نقيمه
وانصيح ماتت من المها والهظيمه
عصروها بالباب
صابوبها بصواب
لو چان بجبال الارض طاحت سقيمه
طاغوت عصره والجبت واهل السقيفه
رغمن عليها انشيع الزهره الشريفه
كل عام كل عام
نرفعها الاعلام
وانصيح ثارچ فاطمه لا ما نعيفه
انشيعها وانسيل الدمع واندگ صدرنه
وانشيل نعش الطاهره ام المحنه
رايات واشموع
واحزان وادموع
حدما يرد المنتظر هاذه دأبنه
ابو فاطمة الطائي
اتمنيت موتتنه سوه ...
مو واحد ايروح ويضل واحد
جنتي إلي ماي وهوه ...
هسه اني ميت بس جسد كاعد
.........
من اول اليوم الدخلتي البيتي
ردت الي يا فاطمه عافيتي
عفتيني ليش الوحدي اويه احزاني
ياهوه الكل لحضه يطب الريتي
ضاع الهوه ... بعدج يمحبوبه
ضاع الهوه ... والريه مصيوبه
ضاع الهوه ... وانفاسي محسوبه
مخنوكَ بعدج يم حسن
وبحالي يعلم ربي اوشاهد
.....
جنت ادعي بسمج فاطمه الحنينه
واحد على الثاني يقسم اسنينه
موتته وحده جانت انه ابالي
ماكو اليعيش وثاني تغمض عينه
ردي علي ... يافاطمت حيلي
ردي علي ... يا صبحي ياليلي
ردي علي ... مو انتي كلتيلي
نعشين نطلع مو نعش
وروحي ويه روحج سوه تتشاهد
.....
يازهره ايام العمر حاجيني
ينطيج كَلبج وحدي اتخليني
احلامي طشرتيهه كلهه ابموتج
فتحيلي عينج يا ملاذ اسنيني
يافاطمه ... اشلون اصبر ابدونج
يافاطمه ... فتحيلي اعيونج
يافاطمه ... ايتامي يردونج
زينب والحسين وحسن
عالخد دمعهم عيني اتشاهد
......
اتذكرين كعدتنه سوه ياروحي
جنت انسه بيهه اهمومي وانسه اجروحي
يا ذنب سويته وتركتي ادياري
عفتنيي ليش وعالي بعدج نوحي
ياسلوتي .... روحي اشيسليهه
ياسلوتي ....بعدج اهم بيهه
ياسلوتي .... ناري شيطفيهه
مهدود حيلي ابموتتج
بس نفس بعدج نازل وصاعد
......
يم عشرت الحلوه اشيصبر حالي
والدار من نورج يصبّح خالي
كلشي ابحياتي حاسب انه احسابه
بس مال ادفنج بيدي موش ابالي
كلشي انتهى ...بعدج يفاطمتي
كلشي انتهى ... من بالكَبر نمتي
كلشي انتهى ... مت انه من متي
من نزليتج للكَبر
كَالتلي روحي اوياك لا مارد
......
بعدج علي مو عمره موته ايتاني
شله ابحياته المات نصفه الثاني
ما دافنج والشيب اكل كل راسي
اتصدكَين ما اعرف صدك هذا اني
ماجن علي .... شايب صرت شُوفي
ماجن علي .... موتج اخذ شَوفي
ماجن علي .... عوفي الكَبر عوفي
عايني الحالي يم حسن
كبرني موتج والفكر شارد
............
✍️ كلمات موسى الخادم
شيعتهه ... للمكَابر ... شيعتهه
وادفنتهه ... وانه حاير ... وادفنتهه
وظل سؤال ابداخلي
الزهره ماتت لو علي
.....
؛١
من بعد ما غسلتهه ابدمع الاعيون
بين اديه انه شلتهه مو عالمتون
غاليه عندي الزجيه وناسي يدرون
جنت اخاف اعليهه من الهوه البلكون
اغله مني ... عندي هيه ... اغله مني
فاركَتني ... للمنيه ... فاركَتني
يا عمر يحله الي
الزهره ماتت لو علي
......
؛؛٢
آنه قالع باب خيبر ذاكه الاثكَيل
وحيل ما ظلالي راح اوياهه كل حيل
من شفت كسر الظلع والدم الايسيل
شاب راسي الجان يشبه ظلمة الليل
كلشي بيه ... صاير ابيض ... كلشي بيه
عالزجيه ... كلي اختض ... عالزجيه
حقي بالهم مبتلي
الزهره ماتت لو علي
.....
؛؛؛٣
من وصلت المكَبره صرت انحب اهواي
أعرفت أم بيتي مترد بيتي وياي
حرت أرجع لو أتاني فرحة اصباي
وصرت بالدمعات يمهه رايح وجاي
عالي نوحي .. ودعتهه .. عالي نوحي
يمهه روحي ... ما جبتهه ... يمهه روحي
نوحي يمهه معتلي
الزهره ماتت لو علي
.....
؛؛؛؛٤
بيه ما بيه احفرت كَبر ام الحسين
مثل واحد ميت ويدفنله ميتين
اوموش ماي اللحد رشيته ابدمع عين
وخفت لا تنلجم وسعته اللحد زين
جاري دمه ... شكَد ضلعهه ... جاري دمه
خاف الجمه ... وي رفعهه ... خاف الجمه
وتنوجع روحي وهلي
الزهره ماتت لو علي
......
؛؛؛؛؛٥
أشد موقف مر عليه وأبد ما راح
من عليهه بجفي اهيل الترب بصياح
اتذكرت من فوكَهه باب الخشب طاح
ساعه ظليت انه واكَف لازم اصفاح
هذا حالي .. من بعدهه ... هذا حالي
داري خالي ... روحي عدهه ... داري خالي
والحزن واضح جلي
الزهره ماتت لو علي
................؛؛؛؛؛...................
✍️ كلمات موسى الخادم
وهذه القاعدة من المسجلّات في الكون واللّزوميّات التي ما انتقضت ولا اختلفت أبداً. فهل ترى فاقد التربيّة يكون مربّياً؟ والجاهل يصبح معلّماً. والبائس العادم لقيراط يبذل قنطاراً؟ كلّا: إنّ هذه القاعدة ما انتقضت ولن تنتقض أبداً…) [ج1 ص197].
إذنْ: الكامل مطلقاً هو الذي أفاض الكمال على كافّة مخلوقاته وهو الله الوهّاب الحكيم، وشاء في حكمته أن يجعل أكملهم جميعاً حججه على عباده من رسل وأنبياء وأوصياء (عليهم السلام) ليقوموا بدورهم في دعوة الأمم إلى تكاملهم، كما قال رسول الله (ص) في حديث له: « وما بعث الله نبيّاً ولا رسولاً حتّى يستكمل العقل ويكون عقله أفضل من عقول جميع أمّته…[الكافي ج1 ص13].
أمّا أفضليّة الزهراء (عليها السلام) فقد وردت في روايات كثيرة عن النبيّ (ص) وعن سائر الحجج (سلام الله عليهم) في كتب الخاصّة والعامّة ما يثبت انحصار أفضليّة مريم (عليها السلام) بنساء أهل زمانها وأيضا ما ورد من تفضيل للزهراء (عليها السلام) على كلّ نساء العالمين منها:
1- بعض الأحاديث الواردة عن النبيّ (ص) أنّه قال: «خير نسائها مريم، وخير نسائها خديجة»، ومعناه: أنّ كل واحدة منهما خير نساء الأرض في زمانها وعصرها، كما صرّح النوويّ في [شرح صحيح مسلم ج15 ص198]، والعينيّ في [عمدة القاري ج16 ص24]، وابن حجر العسقلانيّ في [فتح الباري ج6 ص339]، بل قال الأخير في [ج7 ص101]: « جزم كثير من الشراح أنّ المراد نساء زمانه.
ويؤيّد ذلك ما ورد عن النبيّ (ص) في موضع آخر فيه تصريح بذلك، إذْ قال: «مريم سيد نساء عالَمِها...». رواه ابن شاهين في [فضائل سيّدة النساء ص25]، وابن عبد البرّ في [الاستيعاب ج4 ص1895]، وابن عساكر في [تاريخ دمشق ج42 ص134]، وابن المغازليّ في [مناقب عليّ ص292].
2- أنّ فاطمة الزهراء (ع) أفضل من مريم بل هي سيّدة نساء العالمين من الأوّلين والآخرين
كما جاء عن النبي (ص) أنّه قال: لعليّ (ع): « إنّ اللّه عزّ و جلّ أشرف على الدنيا فاختارني منها على رجال العالمين، ثمّ اطّلع الثانية فاختارك على رجال العالمين، ثمّ اطّلع الثالثة فاختار الأئمّة من ولدك على رجال العالمين، ثمّ اطّلع الرابعة فاختار فاطمة على نساء العالمين ». [(زين الفتى) للحافظ العاصميّ، كما في (فاطمة الزهراء) للعلّامة الأمينيّ، ص 43].
ومنها: ما عن النبيّ (ص) في حديث طويل: «على ساق العرش مكتوب: لا إله إلّا اللّه، محمّد رسول اللّه، و عليّ و فاطمة و الحسن و الحسين خير خلق اللّه ».[(بحر المعارف)، للمولى عبد الصمد الهمدانيّ، ص 428].
ومنها: ما عن النبيّ (ص) قال: «لمّا خلق اللّه الجنّة خلقها من نور وجهه، ثمّ أخذ ذلك النور فقذفه فأصابني ثلث النور، وأصاب فاطمة ثلث النور، وأصاب عليّا وأهل بيته ثلث النور. فمن أصابه من ذلك النور اهتدى إلى ولاية آل محمّد، و من لم يصبه من ذلك النور ضلّ عن ولاية آل محمّد صلّى اللّه عليه و آله».[ البحار ج 43 ص 44].
ومنها: الحديث المروي عن أبي جعفر (ع) في حديث طويل : « ولقد كانت عليها السلام مفروضة الطاعة علىٰ جميع من خلق الله ، من الجنّ والانس والطير والوحش والأنبياء والملائكة»).[دلائل الإمامة، ٢٨ ]. والحمد لله ربّ العالمين.
غريبه.
غريبه ماتت أم حسن
حال الألم ما يوصله الشاعر وآن. يكتب جرح
والرايد يوصف الجره والما جرى. بذاك الصبح
كون القصيده التنكتب وي كل حرف. يشتم حرگ
يتنفس اللوعه
ويحس.يتملكه. احساس الذبح
جرب تعايش ذيچ الضروف
هدوا عليها اوعيشوها خوف
بزهرت محمد ضاگ الفضى
لا والهضمها سطر الچفوف
المصيبه
كون تحچيها المصيبه. المصيبه
الحبيبه
وسولفنه اعله الحبيبه. الحبيبه
نـــهيبه
بدار حيدر يا نهيبه. يا نهيبه
هضمها.
هضمها الگايل وآن
غريبه.
غريبه ماتت أم حسن
ـــــــــــــــــــــــ١
غوص بمعق وبمعرفه. ليش الجرى. بنت النبي
احچي ابلسان الينفهم. خل يفهمك شاب وصبي
عدنه السناين ثابته. ما بيها ابد. تنطگ مره
چا سنت الطگ والحرگ.مو للعرب. سنة بغي
سولف عليهم اهل الرياء
الچانو صحابه صارو بلاء
علنو حربهم لهل العفاف
وثبتو سنينه لطف كربلاء
حريمه
تضّم لسوالف حريمه. حريمه
جريمه
وتسكتلهم هم جريمه. جريمه
هضيمه
قصة الزهرا هضيمه.هضيمه
سطرها.
سطرها وازرگ الچفن
غريبه.
غريبه ماتت أم حسن
ــــــــــــــــــــــــــــــ٢
كشف الحقيقه الغامضه. تريد الذي. دينه صلب
لتهم أبـــــــد بالينتقد.ولا همك.ابكسب المحب
تدري ضريبة فاطمه. عصر وكسر. وگعت طفل
موقفها يسوى لحيدرا. عن الولايه. دمها صب
تعرف بمقامه ابين الوجود
يسوى المواقف زود ع زود
لعين الولايه قدمت نذور
انطت عمرها ومحسن شهود
لغضبها.
اليغضب الرب لغضبها. لغضبها
بضلعها.
ماتت ارضوض ابضلعها.. بضلعها
عمرها.
بعمر ١٨ ورده عمرها.. عمرها
لذكرها..
لذكرها دايم الحزن
غريبه.
غريبه ماتت أم حسن
ــــــــــــــــــــــــــ٣
أجمل شعور الينكتب. لمن تعيش. انته الكسر
وليلطم اعيونه يحس.يا لوعه عاشت. يا جمر
الرايد يواسي فاطمه. لا يبخل. ابدگ الصدر
هاي الشفيعه الناجيه.ماكو عذر. يوم الحشر
خلها تشوفك وبكل عزاء
أسمع نعاوي واسمع رثاء
عيش المصيبه وعضّم الاجر
وصرخ دخيلچ يـمه زهراء
مجالس.
كون تحيها المجالس. المجالس
مدارس.
للــــــزلم هايه مدارس. مدارس
عوابس.
مصنع لكل العوابس. العوابس
خسرها.
خسرها الگلبه مايحن
غريبه.
غريبه ماتت ام حسن
ـــــــــــــــــــــــــــــ٤
كلام
✍️ياسر الزيادي
استشهاد سيدة نساء العالمين الصديقة الطاهرة فاطمة الزهراء عليها السلام
الرواية الثانية
🏴🏴
ظلمه ليام صفت من دونچ
نورهن چان يشع بعيونچ
بنورچ مضويه السمه
الدنيه بعدچ مظلمه
ظلمه ليام صفت من دونچ
🏴🏴
شموعچ ابساع وطفاها الزمن
سنينچ اگصار اتعدّن ونگضن
حلوه الايام وراحن مايجن
يمه لهموم عله بنيتچ بدن
حايره ومتألّمه
الدنيه بعدچ مظلمه
ظلمه ليام صفت من دونچ
🏴🏴
ثوب الهموم لبسته من الزغر
بعد ماشوف مسرّه بهل عمر
كسر الگلوب تراه ماينجبر
وانتي تدرين بگلبي المنكسر
بسهم فرگاچ انرمه
الدنيه بعدچ مظلمه
ظلمه ليام صفت من دونچ
🏴🏴
بسهم فرگاچ رمتني دنيتي
بثگل الاجبال عذابي وحيرتي
بس مشيتي بديت بغربتي
ينگضي الليل بنيني ودمعتي
بذكرياتچ هايمه
الدنيه بعدچ مظلمه
ظلمه ليام صفت من دونچ
🏴🏴
بعازة ارباچ بعدني زغيره
انتي للروح امان وديره
حالي ياحال صفيت ابحيره
جروح الوداع عليه اچبيره
حزن روحي مغيّمه
الدنيه بعدچ مظلمه
ظلمه ليام صفت من دونچ
🏴🏴
يمه حنّيت لمان احضانچ
من يجي الليل اشم امچانچ
اجي لرماد حرگ بيبانچ
واجري دمعي اعلباب احزانچ
الگه بالحايط دمه
الدنيه بعدچ مظلمه
ظلمه ليام صفت من دونچ
يازهراء
اللهم العن من ظلمها واغضبها وسلب حقها
ام محمد الحجاج
يازهراء .... يازهراء
يازهراء .... يازهراء
...........................
گلب كل شيعي الچ يلهب جمر
مصابچ نذكره لون طال العمر
ابد ما ننساچ حد يوم الگبر
نقسم بهذا العهد يافاطمه
يازهراء ... يازهراء
..........................................1
شما تمر ايام وسنين ودهور
يبقه يومچ فاجعه بمر العصور
زمره مو اصحاب عاشت بالغرور
وخلت النار على بابچ مظرمه
يازهراء .... يازهراء
.......................................2
شحال زينب والحسن وي الحسين
بحسره ظلو عگبچ بلايه معين
بس علي يصبرهم بدمعه وونين
بعدچ تنوح الارض وي السمه
يازهراء .... يازهراء
.......................................3
الشيعه لأجلچ قامت الليله العزاء
وگامت وياهه تصيح اهل السماء
يعظم اجرك ياعلي هذا النداء
تواسي بالاحزان والخد لاطمه
يازهراء ..... يازهراء
.........................................4
عشتي بل الهم والقهر بعد الرسول
امه ما عدهه ضمير ولاعقول
خالفو امره ووصيته شما يگول
تريد دنيه وعله السلطه محزمه
يازهراء .... يازهراء
..........................................5
ساعد الله گلبچ بذاك الوضع
يمچ المحسن طريح ومنفجع
وانتي يازهراء مكسوره الضلع
منچ تصب المدامع والدمه
يازهراء .... يازهراء
........................................6
خادمكم مالك السعيدي
نعي للزهراء عليها السلام
حسن وحسين بالأهات لمهم ،لأمهم،
ومحد بالحزن هاليوم لمهم ،لامهم،
ووالدهم علي بحسرات لمهم ،جمعهم،
لمن رحلت الزهره الزجيه
.......................................
خادمكم مالك السعيدي
#يا_فاطمة
وين الوذ بضلع دامي..بگلب ضامي..لو خيم والنار كبره
وين الوذ وگلبي گايل..بدمع سايل..انه بحماكم يزهره
عشت بحماكم والوذ اباب جذعج
ارد اصيرن حاجز اگبال اليدفعج
شما احاول الگه يدفع عني ضلعج
ضريبة دمعة الخدام
ضلع بالباب يتكسر
وضريبة ثوبي الاسود هاذ
جمر بيبانج اليسعر
يا أمان المثل امانج..ويا حنانج يالحنينة
احجايتي امي امن الطفوله..فاطمة تنّشر علينه
__
ما ضكت طعم الخساره..بس طهاره..ضكت يم جمرات بابج
احله من كل فرح حزنج..خيري منج..امدلل اليبجي لعذابج
ياهو حمره عيونه عين الزهره حمره
الراد يسعد فاطمة خيعيش جمره
بدمع يلا ينمسح دمعج يزهره
فاطم ياهو عاونها
وبجه من گلبه واتألم
دون الناس والدنيا
يسعدهه البچي والهم
اتخيلو البضعه بعضمها..تنتضر موعد بچينة
احجايتي امي امن الطفوله..فاطمة تنّشر علينه
___
امن الطفوله اسمع هواجس..بالمجالس..تحضر اويانه الزجية
لوذ طفلة بحضن امها..من تضمها..لذت باحضان العزية
هيه التربي اليجي المجلسها يحضر
لا عليه خوف وحزن لبضهره منبر
أمنه حرستنه بضلعها وصدت الشر
تطلّع من عبايتها
جفين لأبوفاضل
تمسح روسنة الزهره
ومدمعنه يضل سايل
يعني جوه اجفوف كافل..احنه خدامج ربينه
احجايتي امي امن الطفوله..فاطمة تنّشر علينه
___
جرحي عامر من فضلهه..خير اهلهه..غطه كل هاي الخليقه
واليصيبة الخير منه..نگول عنه..الزهره وگفتله بطريقة
شكبر بخته الوكفت بدربة الوديعة
ما يهدنه بالحشر جف الشفيعة
احنه دفعت بابهه السوتنه شيعة
وي المحسن ودمه
وما بايعنه اي جاني
ما ناسي مجالسهه
شلون بموتي تنساني..؟
ميت بجف المغسل..كلبي بجفوف ألامينة
احجايتي امي امن الطفوله..فاطمة تنّشر علينه
____
مصطفى صادق اللامي
قصائد الليالي الفاطمية الرواية الثانية
قصيدة { همي همك يا علي}
گلبي يمّك ... يا علي
همّي همّك ... يا علي
..............................................................................................................................
راح أودعك والگلب يمّـك يظل
والدمع من ناظري دم إنهمل
هاي آخــر ليلــه يا خـيــر العمل
الله يعلم بدت ســاعــات الأجل
بروحي رسمك ... يا علي
هـمّـــي هـمّــك ... يا علي
..............................................................................................................................
أعتـذر منّــك وأعرفك تـنـفـجـع
غالي دمعك يا علي مو أي دمع
ما گلتلك بيّه كسروا چــم ضلع
وهذا خدي بچف حقدهم ينصفع
خاف الچمك ... يا علي
همّي همّك ... يا علي
..............................................................................................................................
بين الضلوع الألـــم يالمرتضى
ضاگ بعيوني شفت حتى الفضا
بالقيامه إعداي حصّتهم لظى
كل حقود بهالفعل گلبه ارتضى
اشسوّه خصمك ... يا علي
همّي همّك ... يا علي
..............................................................................................................................
لو خِـتَــم مــوتــي مـحــطات العـمـر
بالظــلام تشــيــل نعــشـي وهذا سر
يا علـــي عن البــشــر تخـفـــي الگبر
بالصبــــر أُوصــيــك بــعـــدي بالصبر
أدري عزمك ... يا علي
همّي همّك ... يا علي
..............................................................................................................................
ومــن تـكـمّــل دفـنــتـي وجرحك أليم
يا عـــلـــي وشكـــواك للبـــاري الرحيم
عــهــد بـيــني وبــيـنك وربــنـــا العليم
اتــزورنـــي وتــرتّل آيات الكريم
فدوه لٱسمك ... يا علي
همّي همّك ... يا علي
..............................................................................................................................
يلّي بــيــك الصعــبــه تگـظــي وتنجلي
بــزيــنــبــك أوصــيــك يالــغــالـــي إلي
يا عـــلـــي ما عـــدهــه غــيــرك يا علي
چــم مـصــيــبه تشــوف بنتي وتـبــتــلي
شگد تهمّك ... يا علي
همّي همّك ... يا علي
..............................................................................................................................
يا عــلــي بدهـــر العـجايـــب والفـتن
هواي راح تــشــوف وشــويّـــه الگظن
عشت مهمــومــه ومتــت هضم ومحن
وآني بــت خــيــر البـــشــر يابه الحسن
شگد يهضمك ... يا علي
همّي همّك ... يا علي
..............................................................................................................................
خادم الإمام الحسين عليه السلام
عمار هليل الواسطي
قصائد الليالي الفاطمية الرواية الثانية
قصيدة { موعد الثار }
ثار الزچيّه ينــتــظر ميعادك
يالمنتظر تكتب نصر أمجادك
من چف علي الچفك نقل أسراره
يالمهدي من تظهر تسل فقّاره
يا غيرة الله يا فخر أجدادك
.........................................................
مكتوبه الك يوم الظفر هالغايه
كلمة شرف بسمك تره مسمايه
راية نصر بيدك ترف الرايه
تجبر كسر أم الحسن يا آيه
يا صاحب الثار العَجَل مولانه
يلي الفرج بسمك كتب عنوانه
يالصولتك صولة علي وبتّاره
يالمهدي من تظهر تسل فقّاره
يا غيرة الله يا فخر أجدادك
.........................................................
عاشت حزن ماتت قهر مظلومه
عبر الزمن تدعيلك المهضومه
تدعي الفرج والباري يعلم يومه
ثارات الك وبذمتك ملزومه
تسطع شمس والما قبل يا ويله
تبني القبر والعاهدك يمشيله
والحيدره عزمك تصل أخباره
يالمهدي من تظهر تسل فقّاره
يا غيرة الله يا فخر أجدادك
.........................................................
عشت بغرب طول الزمن يالغالي
من غيبتك ترجـــع نصــر بالتالي
رغم الظلم نجمك سطع ضي عالي
يبن الحسن غيره وعزم يالوالي
حتماً تجي وكل شيعتك عد عينك
راية علي وسيف الولي بيمينك
بي تنتصر رغم الظلم واشراره
يالمهدي من تظهر تسل فقّاره
يا غيرة الله يا فخر أجدادك
.........................................................
تدري السبب لا مو عجب يالقائم
كسرو ضلع سگطو طفل من فاطم
أعداء الك والحاربك ما دايم
هم ينتهي وتبقه الملك والحاكم
دولة عدل عهد الظهور ويومه
ترفع شعارك فاطمة مظلومه
وبيا علي وجهك تشع أنواره
يالمهدي من تظهر تسل فقّاره
يا غيرة الله يا فخر أجدادك
.........................................................
ناس الفلا عدهم ذمم عدوانك
گالو خرافه وما حچو برهانك
باجر تخط فوگ السمه عنوانك
فارس فحل من يوصل الميدانك
كل النواصب سيفك اليمحيهه
والرايه فوگ المرقد اتخليهه
گلب الوصي بنصرك تبرّد ناره
يالمهدي من تظهر تسل فقّاره
يا غيرة الله يا فخر أجدادك
.........................................................
تبني القبر رغم الكفر وتعمره
ندخل سوه بمجلس لطم للحضره
بصرخة حزن نهتف يا أمنا الزهره
يمك بعد هذا العهد كل أمره
يم فاطمه مجلس عزا بوجودك
توفي النذر كلّك وفه لعهودك
وارث شجاعة حيدر وآثاره
يالمهدي من تظهر تسل فقّاره
يا غيرة الله يا فخر أجدادك
.........................................................
خادم الإمام الحسين عليه السلام
عمار هليل الواسطي
بداعت الي عِمه عيونه السهم
سجلي اسمي بسجلات الخدم
••=••=••=••=••
حبج تربع تره • بالكلب يل طاهره
وعندي اعضم مفخره • خدمتج
فيّ خدمتج احله فيّ • رايد اديمي عليّ
وكل رزق خيرات اديّ • خدمتج
والله يا اصل الخدر • كسري باسمج ينجبر
وعندي اغله امن العمر • خدمتج
وخادم لــو سمتني الناس
يصعد شاني ويعله الراس
ها
هيبه لو صار اسمي الخادم
يلي يمج وجــع روحــي انعدم
سجلي اسمي بسجلات الخدم
••=••=••=••=••
خدمتج اعضم كنز • كلها صيت وكلها عز
صرتي للخادم حرز • يـيمه
بضلعج احلف والطفل • خدمة الوادم تذل
وخدمتج اصل وفصل • يـيمه
بصايتج اسمي انعرف • والله يا منعى الشرف
وعالمجالس كلبي رف • يـيمه
وبالمجلس ما شيل العين
جيفن بـي انـتـي تحضرين
ها
چي موجوده ابقه مدنك
وبالمجالس ضلع صدري انهشم
ســجـلي اسمي بسجلات الخدم
••=••=••=••=••
راسي بيها شكد عله • هيه اصل المرجله
وبيها روحي مدلله • خدمتج
انتي اليبغضج هلك • وبامرج يدور الفلك
وبيها يحسدني الملك • خدمتج
والله يا ام الحسن • مجلسج اكبر وطن
وما تروح اويه الزمن • خدمتج
وهاي احنه اليوم الخدام
لـمـصابـج شدينه حــزام
ها
اللطامه متوزره اعليج
تلث روايات انـوح بـكـل آلــم
سجلي اسمي بسجلات الخدم
••=••=••=••=••
عيوني من كثر الدمع • اخذن اطباع الشمع
يبجن لكسر الضلع • يـيمه
ولو نزل يا فاطمه • دمعي لمصابج دمه
شاني يصعد للسمه • يـيمه
دمعي مو عن عاطفه • ولا رياء ولا عفه
ابجي من كد الوفه • يـيمه
الـينزلج دمعه ترفعي
ويا هينال الي التقبلي
ها
يا هنياله الاسمه تسجلي
واليبغضج مِــن الـجـنه انحرم
سجلي اسمي بسجلات الخدم
••=••=••=••=••
شما صرت وتصيرت • ليج ارد لو غربت
ارجعلها شما رحت • خدمتج
هيه صيتي وسمعتي • هيه عزي وهيبتي
هيه شيخي ورايتي • خدمتج
جوه جدمج جنتي • يا نعمتي ورحمتي
ومن تّضلم شمعتي • خدمتج
ولـو خـادم بـيـه تـقبلين
انذر عمري لجرح حسين
ها
واعله دموعي تحسدني الغيمه
بجمرت الباب احلفج والخيم
سجلي اسمي بسجلات الخدم
محمود محمد العطواني
لو نفترض ماكو الوصيه ـ وهجمو على دار الزجيه
جا من علي ما تسلم ركاب ـ وبيهم يسوي الغاضريه
ـ
لوما وصيّة طه ـ جان الزلم بجاها
وبلا ركب ساواها ،، تحت السقيفه
رايه عليها يفرضه ـ بالشرده محد يحضه
غصبان على الما يرضه ،، شيخ وخليفه
بحد السيف ياخذ حگه لو راد
كلها تموت لو كال احنه الاسياد
يا زلمه هذا اليمه يدنه ـ محد يضل لو كفها ردنه
يا طبرته ما خابت بيوم ـ جا حيدريه هاشميه
وبيهم يسوي الغاضريه
ـ
مو قصة مگيدينه ـ لا حيدر موصينه
واعله اليشوفه بعينه ـ لازم يصابر
موصي محمد كله ـ سيفك ابد لتسله
يا خويه همك حمله ـ يل تبقه حاير
اصبر كاله وخل غيضك يـهـيـد
بحرب الجمل رد ثارك يصنديد
خل ذولفقارك يصبر شواي ـ باجر وراه دم يا علي هواي
دمعه النزل دم يصبح اضعاف ـ طول الليالي الفاطميه
وبيهم يسوي الغاضريه
ـ
شحده الكرب من حده ـ سالم بعد شيرده
غير الذبح ما عنده ـ يا محله سيفه
لو بس يكف اردانه ـ محد يضل بمجانه
وشيطلب اعله السانه ـ كلشي اعله كيفه
آنه السمتني امي بصوت لو صاح
المحسن جان سالم بقه وما طاح
جان الضلع محد يصيبه ـ وما ينضرب خد الحبيبه
بس الله يستر من ابو تراب ـ حي الله حماي الحميه
وبيهم يسوي الغاضريه
ـ
امن فلانه اخذو رخصه ـ كالت تراه موصه
ما فوتوها الفرصه ـ ولد الدعيه
بيها بخت هل زمره ـ من هجمت اعله الزهره
يعرفونه حيدر صبره ـ موصيّ نبيه
ويعرفها القضيه شـيـخ الانذال
تره لو لا الوصيه (وان) ما كال
يدري بعلي صبره اليسكته ـ جا ما كدر يدفع زهرته
يدري بمحمد وصه ابو حسين ـ يصبر على ذيج الرزيه
وبيهم يسوي الغاضريه
ـ
ثمرة صبر والينه ـ باجر تبين لينه
جا لو ضهر مهدينه ـ يشهر حسامه
يرده عزيز العتره ـ ثار الزجيه الزهره
يصلبهم اعله الشجره ـ بسيف الامامه
باجر يضهر النه وياخذ الثار
ويحركهم بناره الشعلو النار
بعد الصبر تفرج يحيدر ـ المهدي يرد ثار التوذر
وثار الجبد والطبره والعين ـ وثار العبايه الزينبيه
وبيهم يسوي الغاضريه
محمود محمد العطواني
#الليالي_الفاطمية
خل ننصب اقراية .. يزينب يزينب
لمنه او نشد راية .. يزينب يزينب
بلكت تجي أمنه الزچية
ابوكت العزه هاي المسية
لمنه او نشد راية .. يزينب يزينب
هذا المسه يازينب . خل نبچي لمنه او ننحب
وننصب عزية اعليها
وگفي اعله باب المجلس . اهنا أمنه تگعد تجلس
تستقبل اللي ايجيها
بلكت تجينه ابهالمسه . او ويانه تگعد جالسه
واشكبره بختي يختي لو . چف امي أرجع المسه
بالمجلس الگاها .. يزينب يزينب
وساعة ابقى وياها .. يزينب يزينب
ومن دمعة امي اترس إديه
ابوكت العزه هاي المسية
لمنه او نشد راية .. يزينب يزينب
_
مو گالوا امنه الزهرة . الينصب عزاء اتحضره
او تگعد يخويه ابابه
هلبت تجينه الليلة . او تلتم يخويه العيلة
او كلمن يشوف احبابه
من تستمعها ونتي . بلكت تحن الشوفتي
وابسرعة تحضر هالعزه . اتدورني واتشم ريحتي
ويه امي أتلاگه .. يزينب يزينب
هم مثلي مشتاگه .. يزينب يزينب
وانون سوى او نگعد سويه
ابوكت العزه هاي المسية
لمنه او نشد راية .. يزينب يزينب
_
بالمجلس انتي اقريلي . اشصار اعله أمنه احچيلي
ابطور الحزن ونيلي
ابيا يا يمى زينب إبدي . حتى آنه أللطم خدي
واصرخ بعد عيديلي
راح آنه أكتبلچ شعر . عن امنه أحچي ابكل شطر
خوفي اعله گلبچ ينفطر . امن اكتب إلچ كلمة كسر
خالتسمع الزهرة .. يزينب يزينب
اعليها ابحزن نقره .. يزينب يزينب
خل تستمع ونتي الشجية
ابوكت العزه هاي المسية
لمنه او نشد راية .. يزينب يزينب
_
لو بالعزه شفتيها . يازينب اتلگيها
او گعديها يم المنبر
لا تلطم اتخليها . فوگ الصدر بيديها
يختي لأن ما تگدر
منعيها تلطم عالصدر . أمچ ضلعها منكسر
ومن تنعي خويه بالعزه . إسمي أبد لاينذكر
لو سمعت ابأسمي .. يزينب يزينب
يوگف گلبها امي .. يزينب يزينب
ما أحتمل تنحب عليه
ابوكت العزه هاي لمسية
لمنه او نشد راية .. يزينب يزينب
_
خل ننصب احسينية . وانون سوى ليلية
حتى الزجية اتجينه
او تقره النه عن اطفوفي . اشمكتوب فوگ اچفوفي
يازينب اتراوينه
تحجيلي قصة كربله . عن الشمر عن حرمله
شلون انتي من اتشاهدي . راسي عدوچ شايله
اتگلي الشهر إسمه .. محرم محرم
اتموت انته بي يمى .. محرم محرم
اجروحك ترى بالغاضرية
ابوكت العزه هاي المسية
لمنه او نشد راية .. يزينب يزينب
_
اول عزه يالحره . راح امنه عالطف تقره
وابقصتي أشعر تبدي
تقره اعله گطعة نحري . تقره اعله كسرة ضهري
ولمن أضل الوحدي
تقره اعله صدري الينهشم . تقره اعله صبعي الينگطم
واتحملي ياخويه لو . گالت أضل ابلا هدم
واتگلي گدامي .. يزينب يزينب
تتسلب ايتامي .. يزينب يزينب
وتحچي ابإسم طفلة رقية
ابوكت العزه هاي المسية
لمنه او نشد راية .. يزينب يزينب
_
ثاني عزه اعليچ انتي . قصتچ وحد عن قصتي
بيها خيم محروگه
بيها ركض بالصحره . بيها مشي اعله الجمرة
وطفله تون مخنوگه
بيها يبت حيدر سبي . او نومه عله الشوك او حبي
او صعده اعله نوگ ابكربله . او صعده اعله تل الزينبي
تحچيلچ البضعة .. يزينب يزينب
كل قصتچ او تنعه .. يزينب يزينب
اينادونچ اهناكى السبية
ابوكت العزه هاي المسية
لمنه او نشد راية .. يزينب يزينب
حيدر الحلفي
نظره مولاتي فاطمه
يزهراء تـرتـفـع صـرختنه
يزهراء خدمـتـچ جمعَتنه
*---------------*---------------*
الساوم بضلعچ تره ايعيش ابندامه
حـالـه حـال الخلـه بخدودچ علامه
الله ميسجله بسجل هـاي الخدامه
يخسر الـدنـيـه ويـذل يــوم القيامه
تشفعين لـلـتـهـل اعـيـونــه
تشفعين لـلـخَـدم مضمونـه
*---------------*---------------*
خدمتچ يـــــم الحسن خيمه علينه
واليعوف الصرخه هاي يعوف دينه
والله والله عالـضـلـع مـــا جاملينه
والله يـدري يالزچيه اشـگـد بچينه
بلدموع قصّتچ نرويهه
بلدموع نــارچ انطفيهه
*---------------*---------------*
دمعة عيونه المحب لجلچ يصبهه
انتي ياهي والرجس بالخد ضربهه
شفتي نار الضالمه اليسعر حطبهه
صعبه اگولن فاطمه الكسرو گلبهه
يگولون وكّعوا محسنهه
يگولون والجروح اذنهه
*---------------*---------------*
بـاب دارچ مـحـتـرگ لــمـــن سمعنه
ذاك يــــوم وهذا يــــوم ايهل دمعنه
مجلسچ خيمه وتحت ضله انجمعنه
الـچ فــدوه اصدورنه ومـحـد منعنه
يضنون كسرتچ ننساهـه
يضنون ننسى بضعة طه
*---------------*---------------*
رادو انـعـوفـچ تــره وننسى القضيه
واحـنـه مـنـعـوف اللطم حــد المنيه
عـهـد هــــذا ويـاچ يالـزهـره الزچيه
صرخه وحده اتصيح هاي الرافضيه
الچفوف لللطم منـــذوره
الچفوف تنگطع معذوره
*---------------*---------------*
لوعه الـــــچ بصدورنه ويلهب جمرهه
يالـزچـيـه وهـالـخـدم نـــذرت عمرهه
شــــــرف تبقه الخدمه لليعرف قدرهه
انضمد اضلوعچ نحس ويخف كسرهه
دعيناچ فاطمه حضرينه
دعيناچ بالخدم سجلينه
*---------------*---------------*
✍ خادم الحسين ع
الشاعر رعد الچريخي
البجفوفه قالع خيبر .... ما يصعب اعليه عسكر
لومه الوصيه كَيدت جفينه
جا ماكو واحد يوصل ام حسينه
.......
؛١
مشهور حيدر بالمعارك أسمه
اليدناله يرجع على طوله امدمه
المن سيفه فر ربعه تحسبه زلمه
جا غير حيدر هوه ياهو ايلزمه
ما تنجرع سطراته .... الاول علي بصولاته
ما واحد ايردهه سَطرت ايمينه
لومه الوصيه كَيدت جفينه
......
؛؛٢
تتراجف اكَباله الزلم بالحومه
والشاهد ابن العاص ذب اهدومه
كل صوله يدخلهه علي محسومه
اليدخل نزال اوياه آخر يومه
حيدر جبيره اصروحه .... اليدناله بايع روحه
كبل المنيه ايشوف موته بعينه
لومه الوصيه كَيدت جفينه
......
؛؛؛٣
فارس عظيم اتهابه كل عدوانه
يا ويلهم لو سرفناهه اردانه
ماغيره بالكلفات يصرخ انه
وبركَاب خصمه ما خطه نيشانه
ضرباته ميثنيهه .... كلهه تسولف بيهه
متعجبه بيهه الدنيه كَبل اسنينه
لومه الوصيه كَيدت جفينه
.......
؛؛؛؛٤
حيدر مثل بركان تلهب ناره
مايسكت اعله العيله ياخذ ثاره
لومه الوصيه محد ايطب داره
خيبر يعيده ابيمنته وبتاره
لو صاح حيدر اني ... لا أول ولا ثاني
يتجره يكسر ظلع ام حسينه
لومه الوصيه كَيدت جفينه
.......
؛؛؛؛؛٥
ينعد بلف فارس علي بصولاته
أتلثميه موش بعينه وي سطراته
لو ما نطه احجايته الصاحب ذاته
جا كَلب كون الله علي بحملاته
لو ما نطاهه اوعوده ... محد يصل لحدوده
زلمه كلف حيدر علي والينه
لومه الوصيه كَيدت جفينه
......
✍️ كلمات موسى الخادم
الدافن عزيزت روحه ... يادوه اليشفي اجروحه
الله يعين الفاكَد .... مثلي امه يكثر نوحه
......
؛١
الدافن بديه أمه يعرف اشجاي اسولف
عمره يصير ابلا طعم ما داعي احلف
لا ليله ليل ولا نهاره يصير يعرف
طاري امه من ينجاب يمه كله يرجف
كَلبه يلزمه ابسرعه ... ومن عينه ينزل دمعه
التنذكر امه اكَباله .... مايدري يبجي ينعه
......
؛؛٢
كلمة اليمه اشكَد أمل بيهه ومحنه
الله يعينه الفاركَ امه ومشت عنه
تخلص حياته ابلا فرح ونه اعله ونه
وكلشي يموت ابداخله وايروح منه
كل حلم جان ايتاني ... ويصير واحد ثاني
الما يشم شيلت امه ... كل عمره يبقى ايعاني
.......
؛؛؛٣
ألفاكَد امه اتصير اله المكَبره حلوه
كل ليله يتعناهه شايل نعي يسوه
ما يهوه كل عيشه بعدهه موته يهوه
بلوه يناس الميته امه يعيش بلوه
ما تبقه عنده الفرحه ... بس حزن يلجم جرحه
يشطب ايام اسنينه ... وسيف الفراكَ ايذبحه
.....
؛؛؛؛٤
ألبيت اذا من عنده شالت أم حنينه
وحشه يصير وظلمته اتغطي المدينه
معذور كلمن ماتت امه يبجي عينه
أيشيع وراهه ايام عمره وكل سنينه
الشيع بديه غاليته .... اتروح ابعجل عافيته
ويصير ذابل عوده .... والوحده تترس بيته
......
؛؛؛؛؛٥
احسين انه الجاي اسولف يالحبايب
من ماتت امي فاطمه عشت المصايب
ثوب اليتم ما فاركَاني وكَلبي ذايب
وكل حيل ما ظلي بعدهه وصرت شايب
من عندي راحت امي .... وبس القهر ظل يمي
كل ليله ارش ادموعي ... ابحجرتهه انه وهمي
....؛؛؛؛؛؛؛.........
✍️ كلمات موسى الخادم
جريمةًُ لا تُغتَفرْ .... تَبكيها عينُ المُنتظر
.......
يا جريمه... المنهه تجري ... عيون مهدينه دمه
امصيبت الطف ... لو مصيبت ... أمه أمه فاطمه
انه اعتقادي يجري دمه اعله اثنين
مصيبت كسر ظلع الزجيه واحسين
يوميه عَصرت فاطمه اتشوف العين
ويوميه مقتل ينعرضله مرتين
جريمةًُ لا تُغتَفرْ .... الموتُ فيها قد حَضر
......
ايساعد الله ... كَلبه كلبه ... أشكثر شايل هضم
ماكو مثله ... حزن شايل ... حزنه واصل للعظم
ليل ونهار المهدي عايش بمصاب
ما راحه شاف ابدنيته وصار اتراب
يبجي على الصار وجره للأحباب
ويوميه بيده للحزن فاتح باب
جريمةًُ لا تُغتَفرْ ... مَنّ أنكرَ الظلعِ كَفر
.......
كبر صبره ... كد سنينه ... يا كبرهه محنته
مدري يبجي ... الكسر امه ... مدري يبجي العمته
ألمثله ميت ما يعيش ابهل حال
حمله ثكيل وما تشيله الأجبال
وبعينه ظل امن الدمع بس اوشال
وعمر انتظاره للفرج بالهم طال
جريمةًُ لا تُغتَفرْ .... قد أورَثت حُزنَ القَدر
.......
ياهو عايش ... مثله غربه ... وشايل ابكَده محن
حقه يذبل .. غصن عوده .. نوحه دايم لام حسن
شاب ابعمر شاب ابسبب حركَ الدار
واكبر جروح ابداخله امن البسمار
وامتاني يايوم الفرج يوم الثار
بعيونه ينظر كل وكت ذاك الصار
جريمةًُ لا تُغتَفرْ .... للظالمينَ لا مَفر
.........
✍️ كلمات موسى الخادم