🌴تجمّع الزهراء ع العاشورائي🌴

04 August 2024 21:26

قريبٌ مطلعُ الفجرِ
ويدنُو موعدُ النصرِ  
يكونُ الزحفُ بُركانا
لِـردِّ القدسِ عنوَانا
منَ النهرِ الى البحرِ
**

ألا فاسمَع نداءَ العهدِ منّا بالوفاءِ
لأرضٍ كان مسرى النورُ منها للسماءِ
جليلٌ قدرُها السامي بقدرِ الكبرياءِ
لها الزحفُ سيأتي والنداءُ الكربلائي
سنبقى إن تخلّى الكلُّ ضَعفاً ثابتِين
بعزمٍ راسخٍ مثلَ الجبالِ ولانَلين
نِدانا في ذُرى المجدِ جميعاً ياحُسين
لأقصى العزِّ نمضي لانُبالي بٱبتلاءِ
بنا الإعصارُ قد ثارا
فثارَ العزمُ إعصارا
سيبدأُ ثأرُنا الآنا
يكونُ الزحفُ بُركانا
**
قضيَّتُنا إنتصارٌ في زمانِ الإنكسارِ
وكلُّ جهُودنا اتَّجهَت لتَصحيحِ المسَارِ
وعَودةُ حقِّ أهلِينا وإبعادُ الدمار ِ
وقَلعُ الغُدةِ الشَوهاءِ من هذي الديارِ
بِنا أسيَادُ مجدٍ أكّدُوا وهُمُ الثُقاةْ
بأن الفتحَ مضمونٌ ويومُ النصرِ آت
وأن صلاتنا في القدسِ من بعد الشَتات
ويُزهرُ غصنُ زيتونٍ ويزهُو باخضِرارِ
طموحٌ واقعٌ أمسى
بصوتٍ ألهبَ النفسا
ألا لبيكَ أقصانا
يكونُ الزحفُ بُركانا
**
سيَرضى اللهُ عنا إن وَفَينا بالوعودِ
وصُنَّا الأرضَ والذكرى وتاريخَ الجُدودِ
فإرثُ الدينِ إن يُمحى بأرجاسِ الحَقودِ
سنَجني غضبةَ الجبارِ رداً للجُحودِ
فأرضُ القدسِ واللّدِ وأحراشُ الجليلْ
كبئرِ السبعِ أو حيفا ويافا والخليلُ
كجسمٍ واحدٍ فردٍ ولانرضى البديلْ
حدودُ الحقِّ تبقى والدِما دونِ الحدودِ
فداءُ النفسِ للمَسرى
وهذي الصولةُ الكبرى
وموعدُ حَسمِها حانا
يكونُ الزحفُ بُركانا


            =============
لقمان البدران

🌴تجمّع الزهراء ع العاشورائي🌴

04 August 2024 04:57

( السيده رقيه ع)

اصيح ... جيبولي الراس الحظني
اصيح ... فراگ الغالي متعبني
اجه الراس بطشت// بعد ما صيحت
≈≈≈≈≈≈≈≈≈≈≈
التقينه من بعد فتره طويله
واخيرآ راح اسولف واشتكيله
من حظنته راحت همومي الثگيله
وعتذرلي ماگدر يفتح شليله

بحزن ... ظميته الصدري ابقوه
بحزن ...بس ملگا چن مو هوه
على نحره نمت//بعد ما صيحت
≈≈≈≈≈≈≈≈≈≈≈
قدمولي بطشت شي بس ماعرفته
انه حسبالي اكل جابو رفظته
مااريدآ اكل راسه انه الطلبته
وصله فوگه وخرتها بعيني شفته

عجيب ... راس امغيرين اوصافه
عجيب ... من الطگ ماهنه اشفافه
بعد كلشي شفت//بعد ما صيحت
≈≈≈≈≈≈≈≈≈≈≈
گبل عيني بويه گلبي الشافك
حيل متغيره يبويه اوصافك
واخيرآ هل رمح قرر وعافك
الخيزرانه مارده بويه شفافك

شفت ...الراس ابعصه يطگونه
شفت ... امچان التربه يكسرونه
خفت كلش خفت// بعد ما صيحت
≈≈≈≈≈≈≈≈≈≈≈
ليش هيجي سنونك انته مكسريهن
عيونك الحلوه الاحبهن رمل بيهن
شفافك البيهن بستني مذبليهن
مفطرات ودم يبس بويه عليهن

يبوي... وظعك كلش اذاني
يبوي... بس هل كلمه يصيح الساني
وي راسك سولفت // بعد ما صيحت
≈≈≈≈≈≈≈≈≈≈≈
مااسولف انته بعيونك شفتنه
چنت شاهد عل شمر لمن يعتنه
بس جسد امشي وغلاتك من عفتنه
انته ماميت عدل وحنه الي متنه

سبي ... وراسك جان ايبارينه
سبي ... ماعافانه ايفيي علينه
الك شكرآ گلت// بعد ما صيحت
≈≈≈≈≈≈≈≈≈≈≈
يلمحلي كلشي عالي وشحلاتك
يلا انزل حان موعدها صلاتك
البقه براسك رمح موش ابحياتك
وهوه من الهز وصل بويه اللهاتك

رمح ... من الهز شارگ بلعومك
رمح ... ياوسفه امخربها ارسومك
شكثر بويه متت// بعد ما صيحت
≈≈≈≈≈≈≈≈≈≈≈

تمت_ ازهر الزيدي

🌴تجمّع الزهراء ع العاشورائي🌴

04 August 2024 04:55

السيدة رقية ع


عمري  هلال  *** سلبو كل حلمي وفجعوني

وبيا حـــال   *** طفله بيا ذنب ويسبوني

          مهضومه وحرت بأمري

         العاشر اكبر من عمري


رقية انه وحلم عمري ودعته بأمان الله
اهون بالصبر روحي منذكر وجه عبد الله
من شفت النبل صابه وبنحره السهم صله
بيني وبينه سجاده عثره وطاري اسم الله


انزف اه  ** وي دمعي المابطل ساعة

واويلاه  ** من دهري الحشم اوجاعه

       أيوب اتعجب صبري

      العاشر اكبر من عمري


بمحراب المنيه ايات صلو كل هلي وخوتي
حضرت الجروح بليل سكته وما طلع صوتي
اصد بوجه ابوي حسين وارسم حلمي وموتي
واصفن واذكر حچايات عمي وسيد مروتي



وي الليل     **  اگعد نتعاتب للعاشر

دمعي يسيل ** ع الخد ومكسوره خاطر

      حزني واهاتي وصغري

     العاشر اكبر من عمري 


سرنه والمنيه ابرت شمسنا وگمر والنجمات
وكل نگله  جدم گلبي يفطر وجه الــــولايات
عمتي الزرعت بروحي حيل وعفت احچايات
مو مـــــــوكب ضعن قران بيه تترتل الآيات


عندي احساس ** ينزف قــــــربان القران

والعبـــــــاس  ** ع الشاطي بلايا الذرعان

        ياوسفه وسالم نحري

        العاشر اكبر من عمري


نزلنه بكربله رايات رايه تكــــــــــــاود برايه
جله الغيم بسما الطفوف هل راعي المسنايه
تكفل بالشريعة هناك واعـــد سكنه بحچايه
عطشت غيره گــــــاع الله تروت زلم وفايه


طلبو ثار   **  بغضن وبحيدر عادونه

شبو نار   ** بخيام ونضعف رادونه

     مستعره ويلهب جمري

     العاشر اكبر من عمري


اه الشـــــام اوف الشام زيد بلوتي بلــوه
حدو بينه بلا وليان واليحدي بله مـــروه
عمتي وبالعليل تگود تحدي بريحة الخوه
بعد الاكبر وجسام امشي ولا اثر سلـــــوه



اوف الشام  ** طشتك يابويه العذبني

ضنو نام   ** گلبي ويم راسك موتني

       يل رايد تنشد ذكري

      العاشر اكبر من عمري 



خادم الامام الحسين ع


الشاعر علي الزيداوي

🌴تجمّع الزهراء ع العاشورائي🌴

04 August 2024 00:23

نعي يقراء بالحان متنوعه
عن عودة زينب الى كربلاء


__

يبن امي اجيت مورمه الجدام.

لجن ما بجيت كبال ظلام.

ولا كدام  خصمك دنكت هام.

وصيتك هاي يمشيم يضرغام.

_

لجمت ادموع عيني ولاعفتهن.

حتى انا يوالي ما شفت.

نيمت الجروح وسكنتهن .


وجيت اليوم يمك فززتهن .

_
ششكيلك يخويه ونور عيناي.

وراسك برمح يحسين وياي.


يدري بحالتي ويشوف بلواي .

وكل ليله اشتكيله نار ولماي.


_
كلليله تظل عيني سهيره.

يمشيم ينوماس العشيره.

تدري بهظمتي خويه جبيره.

عزيزة كوم وخذوني اسيره.
__

لكيتك من اجيت بلايه عنوان.

ادور وعتب اعله الدهر خوان.

طم عيني وعماني على الخوان.

حسافه اهل البخت طمهم التربان.


____
بجيت عليك لمن حان الغروب.

وجيتك تايهه ومضيعه الدروب.

اروحن وين يامشكر يمهيوب

يالفكدت حنه ظهري يامسلوب.

__

زرعت ادروب حزني عزاز وعزاز.

صبحت الهم يخويه جفوف جناز.

ظل جفني ودليلي ليك محتاز.

جفني الما هده وطول الدرب فاز.

____
الترابك اجيت احجيله الصار.

وحسبله شكر ماتونه ازغار.

ورود وذوبلت وزغيره الاعمار.

من ضرب العده وتدري الوكت حا ر.

__

مسيرتنه خلصت ونوب اجيناك.

نريد انوادعك يامن فكدناك.

لو طايح بدينه نبقه وياك.


تدري الدنيا ماتسوه بلياك.

___



لازم نرد ديرتنه يامظلوم.


ونسولف بهلنه اسوو الكوم.

ونصبلك عزه ونعاك للدوم .


يل من العزه ونوح محروم.



__



انصبلك مأتم ياضوه العين.

وصيحن يا خلك مظلوم الحسين.


براضي كربله وبين الملاعين.

ظل اينادي لاناصر ولامعين.


____




*ناعية الخيام*

🌴تجمّع الزهراء ع العاشورائي🌴

03 August 2024 21:52

نزله الى مولاي قمر بني هاشم عليه السلام

ثـــار الگمر وينه_ أظهر يمهدينــه
يـــــــــــامهدي    يـــــــــــامهدي
❥❥❥ـــــــــــــ❁❁ـــــــــــــ❥❥❥❥
ثـــار الگمر ياسيدي هالشيعة منتضره
هذا ينوح عــــالگمر ذاك اليدگ صدره
وسفه الكفيل ينـــــام مطروح عالغبره
عبـــــاس ندري عالنهر چفوفه متوذره

ونبـــله طفت عينه_أظهر يمهدينـــــه
يـــــــــــامهدي    يـــــــــــامهدي
❥❥❥ـــــــــــــ❁❁ـــــــــــــ❥❥❥❥
لعيون صوبوها بسهم فيضو بدمومه
وسفــــه يطيح الچان مزلزل الحومه
هذا أبــــو فاضل هذا التخبل رسومه
تعلمنه من عنده الوفه يامحله تعلومه

ولطيحتــــه بچينه_أظهر يمهدينــــــه
يـــــــــــامهدي    يـــــــــــامهدي
❥❥❥ـــــــــــــ❁❁ـــــــــــــ❥❥❥
طايح گمر عالمشرعه وكله دمه جوده
ون للكفيل نــــــــريد ولطامه مريوده
لطمو ونــــــو بحرگه عالگطعو زنوده
بكل عَزه للعبــــــاس فاطمة موجوده

بداعت أبــو سكينه_أظهر يمهدينــــه
يـــــــــــامهدي    يـــــــــــامهدي
❥❥❥ـــــــــــــ❁❁ـــــــــــــ❥❥❥❥
أقسم عليكم بـــــالذي طفوهن عيونه
بيرغ الكافل هسه بحــــــرگه ترفعونه
بيرغ أبــــــــــــو الكلفات لا لا تنزلونه
رفعو وللعبــــــــاس بس نبچي خلونه

نحــــاچي خلينه_أظهر يمهدينــــه
يـــــــــــامهدي    يـــــــــــامهدي
❥❥❥ـــــــــــــ❁❁ـــــــــــــ❥❥❥
نسولفله للعبـــــاس ويسمع بواچينه
بحيــره أبـــــو النوماس لا مايخلينه
مگطعات چفوفه وهــــــواي منطينه
من فدوه لسم الكافل أحنه واهالينه

بحســـــره ضلينه_أظهر يمهدينـــــــه
يـــــــــــامهدي    يـــــــــــامهدي
❥❥❥ـــــــــــــ❁❁ـــــــــــــ❥❥❥
لطمت الكافل تــــــــــره بالچ تبرديهه
أكفلنه يا أبا الفضل صيحي وعيديهه
لطمي وللعبـــــــــــاس الطمه شديهه
الزهره بـــــالماتم تره بالدمع واسيهه

مـــــولاي حَنينه_أظهر يمهدينــــه
يـــــــــــامهدي    يـــــــــــامهدي
❥❥❥ـــــــــــــ❁❁ـــــــــــــ❥❥❥

تمت والحمد لله
بقلمي المتواضع
عاشقة أبا الفضل الشاعرة رقية العامري

🌴تجمّع الزهراء ع العاشورائي🌴

29 July 2024 06:15

ثكيل    ستشهاد العليل

بالغربه خلص حيلي
وعين السمه تبجيلي
انه العليل    انه العليل
،،،،،،،،،،،،،،،،،،،،
ياهو مثلي بهل زمن شاف المصايب
وحدي  باقي وبالحزن دلالي ذايب
انه ابن  ذاك الوكَع فوكَ الترايب
وخته شافها مشت بيد الأجانب

عمتي مشت مجتوفه
وضاع الحلم بالكوفه
انه العليل    انه العليل
،،،،،،،،،،،،،،،،،،،،
ياهو منكم ياخلك يسأل عليه
انه ابن الطلعو  اخته  سبيه
صح عدل بس موتتني الغاضريه
ويلي ياجرح السبي شمخلي بيه

جرح الزمن عاميني
وجمر القهر يجويني
انه العليل   انه العليل
،،،،،،،،،،،،،،،،،،،،،،
ابيضت من الفركَه نعرف عين يعكوب
والبصر رد للنبي وي رجعت الثوب
شلون يرجع حيلي وانه هواي متعوب
والله مثل الشمعه عمري صاير ايذوب

وعايف ابو ابطعناته
وطلعت تره ابنياته
انه العليل   انه العليل
،،،،،،،،،،،،،،،،،،،،،،،،
دهري سماني العليل وهاذ وضعي
وينترس نهر الفرات ابفيض دمعي
اه يافراك الأبو الكاسرلي  ضلعي
وي ابوي الكربله ياروحي ارجعي

مابيه حيل افراكَه
جرحت دليلي الناكَه
انه العليل     انه العليل
،،،،،،،،،،،،،،،،،،،،،،،،،،،
راح اموت بغربتي وتدفني السنين
حسرتي جي مامتت وي والدي حسين
محترك دمي مثل حرك الصواوين
اليش يسبيني الزمن ويه النساوين

حيرني وكتي بحيره
وبعيوني ضلمه الديره
انه العليل   انه العليل
،،،،،،،،،،،،،،،،،،،،،،،،،،
والله مشتاك الأخوي الأكبر اهواي
عفته مطبور ويموت بعازت الماي
الموت ياوادم اجاني وبعده ماجاي
لا متت ويا اسف لا راجع وياي

صار الدمع يعميني
فراك الأخو امأذيني
انه العليل   انه العليل

العبد ابوفايز الرافضي
الفاتحه على روح والدي

🌴تجمّع الزهراء ع العاشورائي🌴

29 July 2024 06:15

قصيدة بحق الامام السجاد عليه السلام


نجري الدمع عالسجاد    جد وابو والاحفاد
من يمر يوم ابن حسين   عـــن الحزن تحچي العين
------------------------------- 
اعله فطرتنة نحب حسين واولادة
وتعلمــنة من اهلنة نخدم السادة
النبي ســيد علينة هوة واحفادة
سادتنــــة وأئمتنة ولنة القادة
علمني ابوي وجدي     للهادي اوفي بعهدي
اعله ابنة نظل حزنـــاين   عـــن الحزن تحچي العين
--------------------------------
رظعنة من صــدر امنة محبتهم
وهلنة علمونة شـــلون خدمتهم
نحزن من تمر بينة مـــصيبتهم
اهل بيت النبي والدنيا خانتهم
زين العباد الليلة    دمع الحزن يجريلة
لمصابة حزنان الدين   عن الحزن تحچي العين
---------------------------------
صبر صَبر وتعدة كل وصف صبرة
شاف اشـــلون ابية منكَطع نحرة
وعمة ابلا جفـوف ومرمي عالغبرة
وشاف عظيـدة الاكبر جثة متوذرة
وبعينة شاف القاسم   أمخلي عرسة ونايم
بالدمع كَظاهه ســــنين  عن الحزن تحچي العين
--------------_---------------------
ما بطل ونينة ولا دمـع عينة
وتعلمنة الحزن من حزنة والينة
نريد انساعد المظلوم بــونينة
نقيم ابكل سنة وننصب تعـازينة
نقيم العزة للمظلوم     وللحشر هالعادة ادوم
يومك علي ماناسيـــن    عـــن الحزن تحجي العين
------------------------------
شاف من الزمان امصايب واهوال
وحمل من المصايب والقهر اشكال
حزن البيه ماتكَدر تحمــلة جبال
الم حزنه شديد ايشيب الاطـــفال
خالد يظل ما ننساه   بكل سنة نجدد ذكراه
شما انقدم احنة مقصرين   عن الحزن تحچي العين
-----------------------------------------  
لبس ثوب الحزن وتحمل الآهات
شكثر كَلبة حمل من دنيته شوغات
ليل انهار عينة تسچب الدمعــات
مجرة دموع صار ابوجهه مرسومات
دموعة تصب ليل انهار     بخدودة حفرت انهار
حزن الكلب عالطيـــبين     عـــن الحزن تحچي العين
-------------------------------------------
اسالكم الدعاء
رائد الاسدي

🌴تجمّع الزهراء ع العاشورائي🌴

29 July 2024 04:35

روحي بيها اذنوب الـمن تشتكي
راح امحي ذنوبها امنمشي مشي
    
        لبن الزچيه الغالي
        يل ساكن ابدلالي
🎤🎤🎤🎤🎤🎤🎤🎤🎤🎤🎤🎤
گــاصد للحسين  اوصافيه النيه
واقسمــلــه اگطع اچفوف رجليه
اشما طال الطريق انگوله اشويه
معتازه الهواك اوطـــــالبه الريه
هاي كلها  ابالي
غيرك فلا يحلالي
🎤🎤🎤🎤🎤🎤🎤🎤🎤🎤🎤🎤
لاتلــومــوني ابمقامه اشما اگول;
اي وحگ عـباس وزهــره البتول
اتحيرت بحسين شو كل العقول
تروحلك لك شبانها اوحته الكهول
نضره اريد الحالي
لا تخيب امالي
🎤🎤🎤🎤🎤🎤🎤🎤🎤🎤🎤🎤
منه واگــصد للــگمر اكمل مسير
يگضــي همي الي عليه اشما يصير
الله خصه يگضي حاجه الكل فقير
اگصــد الباب الحــوائج مـا تحير
اقسم علي بالغالي
ايحلهه الك  للتالي
🎤🎤🎤🎤🎤🎤🎤🎤🎤🎤🎤🎤
ادخــل الــحضرة عجيد المشرعه
اقــراه يمــه ابيات عـن الواقعه
گــول زينب بــل احبال اموجعه
ايضهضب العباس عن هل فاجعه
زاير الك وابالي
الضيم غير حالي
🎤🎤🎤🎤🎤🎤🎤🎤🎤🎤🎤🎤
اويا بو فاضل تره التل الزينبي
لسه بيه شعواط مــن حرگ العبي
ابابه اركــع  ونحني وحبــي  حبي
ارد اواسي ابهاي لحضه امن السبي
وحزان بت الوالي
ليهسه تتراوالي
🎤🎤🎤🎤🎤🎤🎤🎤🎤🎤🎤🎤
خادم أهل البيت  ع) ابو ماجد الشغانبي

🌴تجمّع الزهراء ع العاشورائي🌴

29 July 2024 04:34

آه حسين خويه حسين
دليني أعله كبرك وين
أجيتك والدمــع بالعين
آه يحسين يا خويه
........................................
أمن الشام يحسين يبن أمي أجيتك
أتمنيت لــــــــو جان واكف لكيتك
أشلونك وشصار من فاركيتك
من الشام أجيت أزحوف أمشي أهلال محنيه
يمكن لـــــــو شفتني تكول زينب هاي موهيه
خويه الشام آه الشام لــــــــو تدري شعمل بيه
من غرب ضعنه وشال
بلا والــــــي ولا جمًال
مجتوفه وتجرهـا أحبال
آه يحسين يا خويه
.............................................
بيا حال ضليت من روعونــــــي
بـــــــــلا راس عفتك لمن سبوني
شالوك دفنوك من يسرونــــــــــي
عفتك من رحت يحسين ذاري وعالرمل جسمك
لا بيه وأشيلك كون لا بيه وأجـــــــــــــــي يمك
ولا سالم وأدفنك جان ولا واحد يجـــــــي أيلمك
راسك من مشيت أوياي
جبته ومــــا جبتلك ماي
طول الدرب جان أفياي
آه يحسين يا خويه
........................................................
من وين أبدي قصة يسرنـــــــــــه
حفاي للشام يبن أمــــــــــي رحنه
الما جان عالبال بالخربه نمنـــــــه
أبنياتك يماي العيــــــــــــــن نامن عالترب كلهن
ألا البيها روحك جان تغرب كـــــــــل مسه منهن
أدورها بثناية الليـــــــــــــل وأرد الغبشه أحسبهن
شما ضاعت أحشم الناس
وأعكد رايــــــــة العباس
والكاها تشم بالراس
آه يحسين يا خويه
....................................................
أمن السوك للسوك يبن أمي يحسين
بحجار للناس صرنـــــــــــه نياشين
ميته مـــن كــــــون ولاطب دِواوين
طبينه ويخويه الناس تشتمنه وتسب بينــــــه
وتتكاطف علينه أحجارمن كل صوب رامينه
صابوا جبهتك يحسين ومـــــا واحد فزع لينه
وأباب الساعه تاليهــا
دف وأطبول أهاليهــا
شجاها الناس وأشبيها
آه يحسين يا خويه
......................................................
ونيت ناديت وأصفك بديـــــــه
عالراح بالراح كوم الحك عليه
أمن أيدي يحسين ضاعت رقيه
دخلنه للقصر خويه وراسك بالطشت جابه
وكله عالجسد وينه كله أمسلبه أثيابـــــــــه
ونيت وصحت يحسين آه يحسين وأمصابه
ورقيه ركضت أتشمك
وكعدت تمسح أبدمـــك
لحد كطع النفس يمـــك
آه يحسين يا خويه
................................................
خادم خدمة الحسين
الشاعر
محمد الموالي

🌴تجمّع الزهراء ع العاشورائي🌴

29 July 2024 04:31

((الله يساعدك))


الله يـــــساعدك من كثر الاصياح
روس اهلك شفتهن فوگ الارماح
ارگـضي النار تلهب
صحت ياعمه زينب ...
                         """""""""""""""""""""""""""""""""""''''''''''

عشت عمرك مــــتدامع تارسه العين
شما شفت النهر تبچي اعله الحسين
محدب ضهرك ومــــــــاتدري لا وين
حزنك والجرح ظـــــل عايش سنين

عاشت نار بيك من المخيم
ايامـــــــك يبو الباقر محرم
تگضي الليل تنحب
صحت ياعمه زينب ...
                       
"""""""""""""""""""""""""""""""""""''''''''''

عمرك والســـياط تعيش وياك
لدروب السبي التفــــكير وداك
من تسمع خــــواتك يوم تنخاك
عگب عباس صارن هنه بحماك

وانت اعله الهزل مچــتوف مولاي
ضعنكم صار حسره الشربت الماي
گلب گلــبك تعذب
صحت ياعمه زينب ...
                            
"""""""""""""""""""""""""""""""""""''''''''''

عثره بعثره يخلص سيدي الليل
عيونك لو غفن تتحـــــلم بخيل
يعني العمر خلص ويل ياويـــــل
على ضهور الهزل يادمعتك سَيل

وبراسك سوالف سيــــدي ادور
كل لحضه التمرك چنها عاشور
حتى الرمش شـيب
صحت ياعمه زينب ...
                             
"""""""""""""""""""""""""""""""""""''''''''''

علي السجاد دمعك ينزل جروح
كل مره تصـــــيح حسين مذبوح
روحك من عذابك صـارت تروح
روحك خلصت ومـاخلص النوح

كل ذكره التمر صـــارت تأذيك
ونار الخيمه هم صارت تچويك
ضهر العــين حدب
صحت ياعمه زينب ...
                              
"""""""""""""""""""""""""""""""""""''''''''''

ضگت الـگيد وسنينك مسافات
تمشـــي وتوگف سنين السبيات
شما تنضر سكينه تصيح خيمات
وي عبدالله عمرك بالسهم مات

مشتاگ ودمعتك مال محتام
الاكبر صار بيك وبيك جسام
العمر بالطف تترب
صحت ياعمه زينب ...

عبد زينب
محمد الابراهيمي

🌴تجمّع الزهراء ع العاشورائي🌴

29 July 2024 04:31

((عمتي سبيه))


آنه من الجرح مگيود
         وتلفح وجهي نار الويل
آنه المابگالي عيون
             لمن شاهدتها الخيل
أتوچه بمتن بي سوط
          وزينب عمتي أبلا حيل
أحنه أهل الشمس والنور
              وغَطانه سواد الليل

وحشه وخرايب ..
عليـــــــل بروحي يانوايب
ودليلي من المصيبه ذايب .. وحشه وخرايب
وحشه وخرايب ..
أنه بالطف شفت العجايب
مخيـــــم ناره يامصايب .. وحشه وخرايب

عليل وغاضريه
ويا عمتي سبيه ...
                           """""""""""""""""""""""""""""""""""''''''''''

علمت الحزن عالنوح
             رواحل دمع البعيني
شفت حسين من يصيح
              زينب خويه رويني
هَلبت شربه من الماي
          بثواب الزهره وأنطيني
وزينب ماتحس بالنار
        تدوس وتصرخ حسيني

بويه أنولينه ..
زينب تصرخ وسَكينه
وأبوي المابطل ونينه .. بويه أنولينه

بويه أنولينه ..
رماد الخيمه چَوه أدينه
ياهو البي همه ويجينه .. بويه أنولينه

گمت أصفگ بديه
ويا عمــــتي سبيه ...
                           """""""""""""""""""""""""""""""""""''''''''''

أنه بنص الخيم والنار
       الطرف ثوبي أوصلت ليه
چبيره عمتي وأنوب
              بالگوه وتجر بيه
أگومن وأعثر ودخان
           خنگني وتارس الريه
خواتي أزغار وآنه أعليل
            شسوي ونادن اعليه

نار المصيبه ..
وچم طفله الصارت تريبه
وزينب يابـــــــويه غـــريبه .. نار المصيبه

نار المصيبه ..
ويا جرح الفاگد حبيبه
وجمرات الفرگه لهيبه .. نار المصيبه

نــار وتدوي بيه
ويا عمتي سبيه ...
                           """""""""""""""""""""""""""""""""""''''''''''

ركضّ الهيمه مامعروف
                 طشن وآنه بس انضر
ونيني بچه گلب الگاع
                    لا گلب الحجر يفطر
سرب ضعن العشگ ياناس
                    ضل من الجمر ويفر
الخيل التسحگ أعله ضلوع
                   هم تسحگ على اليعبر

من البدايه ..
خيل التسحگ السبايه
وسحگت هايه ويه هايه .. من البدايه

من البدايه ...
سوط ودمعات النوايه
وشِماته والحد النهايه .. من البدايه

طف كله أذيه
ويا عمتي سبيه ...
                            """""""""""""""""""""""""""""""""""''''''''''

ردت اوصل لبوي حسين
            الدرب من العدو مسدود
ردت أوصل لعد عباس
               وأخبرنه بسوالف سود
وأگله ياگمر عدنان
                    رد ومانريد الجود 
رد ياعمي شوف النار
                رد وضلوع ابوي شهود

بدر العشيره ..
زينب ياعـمي أسيره
راحت چلمةّ الاميره .. بدر العشيره

بدر العشيره ..
من دونك يعــمي حيره
حسرتنه وصارت چبيره .. بدر العشيره

سبونه وهاي هيه
ويا عمـــتي سبيه ...                    

عبد زينب
محمد الابراهيمي

🌴تجمّع الزهراء ع العاشورائي🌴

29 July 2024 04:29

لاستشهاد الامام علي بن الحسين السجاد عليه السلام (وزن عگيلي )

ذل اليردون ايذلونه
يلرايد تعرف مضمونه
★★★★★
يلرايد تعرف أخباره
معروفه ومشهوده آثاره
بس الله اليعرف اسراره
وأملاك الكون يعرفونه
يلرايد تعرف مضمونه
★★★★★
من طه ومن طبع الكوثر
هذا النور ايعود الحيدر
ومن أحسين أخبار ومصدر
سجاد العتره ايسمونه
يلرايد تعرف مضمونه
★★★★★
بلطف صح ذبحوا  خِوَّانَه
وذبح حسين الزاد أحزانه
أرعبهم لاچن عدوانه
وماتطبگ علذل أجفونه
يلرايد تعرف مضمونه
★★★★★
فگد الحرگه وليل مصابه
وفگد حسين يزيد صوابه
حَيَّرَهَا   الگوم  السَلَّابَه
عالي ومايهتز يدرونه
يلرايد تعرف مضمونه
★★★★★
لحد الموت بآخر لحظه
الفعل العايل أكد رفضه
وعن فعل الظالم مايرضه
رغم السم أمغيَّر لَوَنَه
يلرايد تعرف مضمونه
★★★★★
بصولاته اعلومه  المعروفه
صارت ساحتهم مكشوفه
من يرفع للباري أچفوفه
وينزل للطف دمع اعيونه
يلرايد تعرف مضمونه

الشاعر حسن لعيبي الحريشاوي

🌴تجمّع الزهراء ع العاشورائي🌴

28 July 2024 17:39

قصيدة بحق السجاد عليه السلام


نجري الدمع عالسجاد    جد وابو والاحفاد
من يمر يوم ابن حسين   عـــن الحزن تحچي العين
------------------------------- 
اعله فطرتنة نحب حسين واولادة
وتعلمــنة من اهلنة نخدم السادة
النبي ســيد علينة هوة واحفادة
سادتنــــة وأئمتنة ولنة القادة
علمني ابوي وجدي     للهادي اوفي بعهدي
اعله ابنة نظل حزنـــاين   عـــن الحزن تحچي العين
--------------------------------
رظعنة من صــدر امنة محبتهم
وهلنة علمونة شـــلون خدمتهم
نحزن من تمر بينة مـــصيبتهم
اهل بيت النبي والدنيا خانتهم
زين العباد الليلة    دمع الحزن يجريلة
لمصابة حزنان الدين   عن الحزن تحچي العين
---------------------------------
صبر صَبر وتعدة كل وصف صبرة
شاف اشـــلون ابية منكَطع نحرة
وعمة ابلا جفـوف ومرمي عالغبرة
وشاف عظيـدة الاكبر جثة متوذرة
وبعينة شاف القاسم   أمخلي عرسة ونايم
بالدمع كَظاهه ســــنين  عن الحزن تحچي العين
--------------_---------------------
ما بطل ونينة ولا دمـع عينة
وتعلمنة الحزن من حزنة والينة
نريد انساعد المظلوم بــونينة
نقيم ابكل سنة وننصب تعـازينة
نقيم العزة للمظلوم     وللحشر هالعادة ادوم
يومك علي ماناسيـــن    عـــن الحزن تحجي العين
------------------------------
شاف من الزمان امصايب واهوال
وحمل من المصايب والقهر اشكال
حزن البيه ماتكَدر تحمــلة جبال
الم حزنه شديد ايشيب الاطـــفال
خالد يظل ما ننساه   بكل سنة نجدد ذكراه
شما انقدم احنة مقصرين   عن الحزن تحچي العين
-----------------------------------------  
لبس ثوب الحزن وتحمل الآهات
شكثر كَلبة حمل من دنيته شوغات
ليل انهار عينة تسچب الدمعــات
مجرة دموع صار ابوجهه مرسومات
دموعة تصب ليل انهار     بخدودة حفرت انهار
حزن الكلب عالطيـــبين     عـــن الحزن تحچي العين
-------------------------------------------
اسالكم الدعاء
رائد الاسدي

🌴تجمّع الزهراء ع العاشورائي🌴

28 July 2024 17:39

استشهاد الامام السجاد ع


يالباقر وصيه اوصيك / لون غمضّت هاي العين
طش فوگي يبويه تراب / من گبر الغريب حسين
1
عشت والعايش بجرحه دمعته تنومس بعينه
والمثلي يشوف امصاب يدّور عل اجل وينه
انه وعالم طفوفي ذاك عله الونه تخاوينه
بيه كربله شخلت
روحي امن الحزن ملت
منيتي هل مسه حلت
يبويه موتي اتمناه / لاوين الصبر لا وين
2
مات الحيل وعيوني تموت اوياي احسنّها
حياتي بلا بچي اعله حسين يبويه ما اريدنها
بقت عندك وصيتي هاي بوفاتي ارد اعيشنها
الگبر حسين بالعبره
تعنه وخاطرك كسره
وجيب اتراب من گبره
كون اتراب بي دمّه / وتطشه اعليه كونك زين
3
علامه اعله الگبر خليت يبويه لمن ادفنته
نجيع الدم لون شفته نحره اهنانه وسدته
وتلگه اعله الگبر دمعات تره هذا الدمع لخته
حين امن السبي جينه
اعتنينه الگبر والينه
شكثر دمعات هلينه
اثر دمعات زينب هاي / تراها اعله الگبر للحين
4
حين اتگوم عن حسين تعنه الكافل الحره
وحين اتشوف جود اعليه انه حدره ادفنت صدره
حظن جوده بلايه چفوف او ودع عيليته بنظره
بس بعين عاينها
وحده السهم حاظنها
وزينب من سمع ونها
گل حسين خليني / بمچاني وغطي هالچفين
5
يبني للمخيم روح ولو ما تلگه بويه اخيام
ولكن عالترب تلگه رماد وفوگه كثره اسهام
وحبال اعله الرمال تشوف بيها اتچتفت ايتام
ما ظنك نسيت الصار
تچتفنه زغار اكبار
ويخطفنه لهيب النار
مشينه بنوگ صوب الشام / سبايه ابيا ذنب ماشين
6
بس اخر نفس هذا وبعدها يختفي صوتي
اسم حسين الفظنّه وريدن يعتني موتي
سلام اعله الذبيح اوصيك تكتب فوگ تابوتي
بعد ما غمظت عيني
بتراب حسين غطيني
اريدن هيچي تچفيني
وقره ازيارة المضلوم / بعد الغسل والتچفين
****

الشاعر اياد الديراوي

🌴تجمّع الزهراء ع العاشورائي🌴

28 July 2024 17:39

ابرحيلك.......عجب ونتك خفيه
ابرحيلك........اجت تنعه الزجيه

كل ونه سهام
من نار الخيام
*******
بسمك .... سبحت انفاسي وبحبك تشهد
ياثاني..... علي هز العرش اسمك تخلد
يازين..... العباد وياك ناري شلون تبرد
عايش..... بالگلب ومصيبتك عاشر تجدد

بجروحك......الوحي متعني بيتك
بجروحك.......يگلك حسره جيتك

بدموعك كلام
من نار الخيام
*******
عليك الگيد صلى بدمعتك ويعاتب الروح
اشگد عمرك اجيت الكربله والعالم النوح
شفت حسين نحره من الگفه ياويلي مذبوح
عليل وعلتك فوك الهزل تحچيلك
اجروح

ابدموعك........يبو الباقر عجيبه
ابدموعك.....شفت زينب غريبه

محروم المنام
من نار الخيام
********
بدموعي.... رسمتك سيدي حسره ومناحه
يم زين العباد..... ودمعتي تكتب جراحه
من كثر المصايب والهضم ماخذ مساحه
چن.... سباح كلبك ينشلع لو طر صباحه

عجيبه......نشوف اشكد نحيبك
عجيبه.......شفت جثت حبيبك

نوح بلا ختام
من نار الخيام
*******
حتى الليل يتفگد شعورك وانت غالي
ديوان المدامع والحزن هالليله خالي
چم نار الشفتهه اتوجرت سود الليالي
تنظر عمتك عالناگه ماظل عدهه والي

شفتهه.....على أطراف المخيم
شفتهه........تعاين لوحة الدم

حاطوها اللئام
من نار الخيام
********
عينك ماخذت نوم وأبد لاساعه
متنام
كل ساعه وتفز زينب مشت مسبيه لشام
مذبوحه الفواطم بالعطش محتاره الايتام
لسه بخيمتك من شاهدت حرگوهه ظلام

ابعذابك.....جرح محترگه خيمه
ابعذابك.....تنوح اشگد هضيمه

مذبوح الحمام
من نار الخيام
********
تمت بعون الله
خادمكم...... يوسف الفتلاوي

🌴تجمّع الزهراء ع العاشورائي🌴

04 August 2024 04:58

*اه يازينب اه:*

اسيوف العده ابجسم حسين گطعت
وعگبـــــــه ويلـغــرب بلــدان گطعت
تلــگونــــي اهـالـــي الــشـام گط.عت
  ابحجر واحبالهم تاكل بديه.

✒️… ملا عاشور الصيداوي

🌴تجمّع الزهراء ع العاشورائي🌴

04 August 2024 04:56

بصوت الرادود حيدر الخفاجي

🌴تجمّع الزهراء ع العاشورائي🌴

04 August 2024 04:53

موشح :

يا رقيه .. يا رقيه .. يا رقيه .. يا رقيه

عمه نشفي دموعج السچابه
مـــا يطـــول وآلـــــدچ  بغـيابه
*
عمه يا زينب احــس دلالـي ذاب
ليش ابوي حسـين طـول بالغياب
تلتهب نيـراني لــو زاد العـــتاب
وادري يشــــتاگ الابو لحـــبابه

عمه ابوي شعجب طول غيبته
عمـتي تجرحـني سـاعة فركته
شلــون يتركــها العزيزة طفلته
والدهر يا عمه ســـــــل انيابه
*
وين ابويه حسين نـاوي بها السفر
انتظر مـــن عنده مـــــا بين خــبر
اني من فركاه احس ظهري انكسر
اني اســــــــــأل ما سمعت جوابه

عمه مـن ونج تهيج جــــروحي
يا رقيه ومــثل نوحــج نــــوحي
عمه اضمچ بالگلب وبــــروحي
عمه كــــــل غايب ورا اسـبابه

فزت من النوم والــمدمع  جـره
هسه اجاني وعيني جانت تنظره
وينه ابـو حســين وينه شـــأخره
بگـــــلبي نيران الهـــجر لهابه

عمه شفته يصيح اسمعج طفلتي
مـــا اجيتـج اعــتذر يا مهجــتي
يا رقــيه بســيف حـزوا  ركبتي
ضامــي ابوج وسلــــبوه اثيابه

يا رقـيه اهــل الــغدر منعـوني
مـــن بقيت لوحـدي حــاطـوني
من يضربونج احـس ضربوني
وآلدج وحده وصريعه اصحابه

راسي من فوك الرمح حاجاكم
انـي حـاميكم واجـيت  وياكــم
راســي يهـتز لـــو نذل اذاكــم
آه يا درب الســـــــبي واجنابه
*
من تون بـ هالوضع سمعوها
بالطشت راس الأبو انطــوها
كل قصـدهم طفله ويسكـتوها
زادوا هموم الگلب وتعـــــابه

على راس حسين حطت راسها
بويه اكــعد حـاجـته بأحسـاسها
لنها ميته وگـــاطعه انفــــاسها
آ يا شام الالــــــــــــم ومصـابه

كلمة من عمق الگلب نحچيها
يا رقــــيه مصـــيبتج نحــيها
الخدمــة من خــدامج تقبليها
والشفاعه نريـد يــوم احسابه


الشاعر مهند المياحي

🌴تجمّع الزهراء ع العاشورائي🌴

03 August 2024 23:02

قصيده للسيده رقيه ع تنقري بعدة الحان

رقيه اتصيح خويه وحيل ضربوها
احا احا
ونيران الهظم بالروح شبوها
••••••••••••••••••

مهظومه رقيه بلدموع تصيح
من كثر الحزن كلساع مني تطيح
من ضرب المتن يامتن ضل اصحيح

التوكع بالمشي لا مايتانوها
••••••••••••••••••

اصد ليها ودليلي موجر بناره
ودمع العين ظل بوحده يتجاره
تلوذ من لسياط بهدمي تداره

من الراس لو صرخت يجروها
••••••••••••••••••

تنادي عمه زينب ليش  يسبونه
بنات اهل  الراساله مايعرفونه
ولظلام  ابد لا  مايرحمونه

جفوف الطاهره بالنار جوها
••••••••••••••••••

ما زيد يخويه بالعتب  همك
من حركت جروحي اليوم اكلمنك
ردت عباس اخذ  هالعزم  منك

اكبالي والحرم بسياط يولوها
••••••••••••••••••

شحجيلك بعد يحسين حاجيني
من انظر رقيه بس تصب عيني
شمر وحرمله تالي    يماشيني

زينب بت علي عالناكه ركبوها
••••••••••••••••••

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

🌴تجمّع الزهراء ع العاشورائي🌴

03 August 2024 21:52

قصيدة الى سيدتي ومولاتي زينب ع


عندي جرح ماينسي
    جرح الأخو وجرح السبي
بالكَلب جرحين
عباسي وحسين
===============
چم عام مراني أون لسه المدامع سايله
كلما يهل شهر الحزن اذكر مصايب كربله
اذكر أبو الأكبر بقه عريان ضامي بالفله
وبدر الهواشم منطرح عباس حامي العايله

اذكر الطف ولوعتي
       من ذبحو كَبالي اخوتي
شما مرت سنين
دمعاتي بالعين
===============
هيهات انسه نينوى بيهه شنو الصار وجره
حسين ضل وسفه ايام مذبوح نايم عالثره
وخيل اعوجيه تسحگه ويلاه ابن الطاهره
عطشان ضل أوبالشمس شفافه آه مفطره

انشال بحصيره مونعش
      أو عالترب ضل ميت عطش
ترفسه الملاعين
إبن الميـــاميــن
===============
طاحت حسين عمامته وانه مره وبغربتي
وعباس أبو طول الحلو عالنهر نايم هيبتي
ابلا كفيلي المن اصد زغار وحرم وبركَبتي
من حركَو عليه الخيم اهنانه كبرت حيرتي

لوحدي بحرم متحيره
         وخـلوني اروح ميسـره
ادخــل دواوين
واجري بالونين
===============
صعبه مره بين الزلم و مكتله ويلي هلي
ماانسه هاي الفاجعه متحيره ماعندي ولي
ادخل بديوان العدو وانه العقيله بت علي
ومن زمخ عليه الشمر تمنيت يمي كافلي

عباسي والله لو عدل
        شحده سباني هل النذل
عباسي الحنين
مثله بعد ويــن
===============

تمت والحمد لله
بقلمي المتواضع
✍ للشاعرة وخادمة الحُسين
            رقية العامري

🌴تجمّع الزهراء ع العاشورائي🌴

29 July 2024 06:15

قصيدة للإمام السجاد عليه السلام عن الإمام الباقر عليه السلام ينعى والده.....

انـــحب واجري عيني   وما اگطع ونيني
روحي اعله الابو تذوب  رايح ما يجيني
======================
انه الفاگد وحگي من انوحن حيل
عيني اعله الابو ما تســتراح الليل
انه الباقــــر وگلبي علــــيك اعليل
بوية ابشوفتك چانت همومي اتزيل
انسى غيابك شلون   ساكن وسط العيون
بوية بغيـــبتك دوم   اتچوة بحــــنيني
__
الفاگدلة ابو ايحــــس ابالم گلبي
اطـــــيني الصبر عالفـــرگة يا ربي
ياعيني اعله ابوي اجري ودمع صبي
عيـــني اعله الدرب ظلت الك تربي
نايم حدر التراب   عن عيني الابو غاب
آه ياوكت الغروب  ياخذ كل سنيني
----------------------------------------------
شمعة واحــــتركَ يا بوية بغيابك
ياخـــذني الحنيـــن واوگف ابابك
ارسم صورتك وانحب على مصابك
وأكثر احتركَ من تنـــشد احبابك
تبچي وتنشد عليك   احبابك تناديك
نعقد مجلس انياح   انه وكل بنيني
----------------------------------------
راح الچان الي ذخر والي تچوة
چان ابكل حياتي والدي سلوة
المفاركَ ابو انياحة وبچي يهوة
الحياة ابلا ابو صعبة وفلا تسوة
رايح سلوة الروح  يسوة الونة والنوح
أظل مطلوب الك دين  ما وفيتة ديني
---------------------------------------------
ما اصـــدكَ تغيب وتــــبتعد عني
أشعر انتة عايـــش تســـتمع وني
صوتك دوم اسمعة وانظرك چني
يا وسفة الدهر خان وخذك مني
ما عني غبت يوم   انه بعازتك دوم
عشرة ابطول السنين   بين الهم وبيني
--------------------------------------------
أسألكم الدعاء رائد الاسدي

🌴تجمّع الزهراء ع العاشورائي🌴

29 July 2024 04:35

يزوار عالتعب كواكم
يزوار ياهله وحياكم
.........................
هله بالزاير أجانه  .. ننتظر جيته لكانه
يمر بينه ولا نسانه .. نحسب لأيامه
بيده شايل رايه سوده .. أحنه بالخدمه على موده
من يشرفنه بوجوده .. يا هله وخدامه
تفرح الزهره الزجيه  .. تشوف فزعه جعفريه
وألكم تقدم تحيه .. يالرفعتو الهامه
يزوار المهدي يمشي وياكم
يزوار ياهله وحياكم
........................................
ترفرف الرايه بيمينه .. عالتعب الله اليعينه
ينصر المذهب ودينه..  بيده حلوه الرايه
احنه نحجيهه بصراحه .. بهالدرب كل تعب راحه
بلطم ودموع ومناحه .. توصل المشايه
هالدرب ثامن عجيبه .. عشك محبوب الحبيبه
تهمل دموع المصيبه .. هله بالوفايه
يزوار نلهج بطرواكم
يزوار ياهله وحياكم
...........................................
بموكب الخدمه نشاهد .. شمّرت كلها السواعد
والمعاق بكرسي كاعد .. والهله بلسانه
من الفجر شدت حزمها  .. تركض وحافي جدمها
لا تعب لاحر يهمها .. تفرح بملكانه
ابو الموكب صوته عالي .. والدمع عالخد يلالي
فدوه مر بينه يغالي .. وبات يمنه هنانه
يزوار أحنه نترجاكم
يزوار ياهله وحياكم
........................................
أسرع الخطوه يزاير .. بالمشي تحيي الشعاير
باجر تشوف المناير  .. كربله متانيتك
للفرج أدعي بمسيرك .. خاطر المهدي يجيرك
دوم مرتاح وضميرك .. صافي يشبه نيتك
لو شفت شايب أسنده .. من الدرب حيله تبده
ماكو بس عوجيته عنده ..  حزّمه بجفيتك
يزوار نفرح بملكاكم
يزوار ياهله وحياكم
.........................................
شكرا لرب الجلاله .. خله درب الأستحاله
يصير واقع لا محاله .. حسين هو شراعنه
للحسين الجاذبيه .. وحبه صار ألنه هويه
هالزياره عالميه    ..  الكون كله بكاعنه
ياهله بكل الجناسي .. الكصدت الزهره تواسي
والله أحطهم على راسي .. خل تشوف أطباعنه
يزوار الدار هاي دياركم
يزوار  ياهله وحياكم
........................................
يله شدوها حزمكم  ..  مرجله وإيثار كلكم
ماكو بالدنيا مثلكم  ..  بالعشك تتباهه
زياره أبد ماكو مثلها .. الكون محتار بشكلها
لغز ماواحد يحلها ..  ولاعرف معناهه
اليلتزم دوم بصلاته .. لافرض فد يوم فاته
هذا موبس بحياته  .. آخره شمحلاهه
يزوار للصلاه ناداكم
يزوار ياهله وحياكم
........................................
حيدر مطر العبادي

🌴تجمّع الزهراء ع العاشورائي🌴

29 July 2024 04:34

حي الله عباس...هلا براعي الغيره
..........................................
أرتجل هـوس عباس...وفه وغيرة وأحساس
وبيا علي شد عزمه
شد رايته وشد الجود...لامته ودرعه أشهود
كمر فدوه الرسمه
رسم شاطي بلا ماي...أووكف وكفة شراي
وعالجرف خط أسمه
كله كوم أمشي وياي...أشويه والجربه أهواي
كله آمــــــر وبالخدمه
حي الله عباس...هلا براعي الغيره
................................................
الكمر شد ضهره حسين...الزلــــــم تشرد لاوين
يا حـــــلاة أزنوده
الجيش من شافـــه أحتار...ألقادة دخلت أنــــــذار
الشمر شاف أجنوده
الوصل حده بـــــلا راس...الشرد صـــاح العباس
وصل شايـــل جوده
الركض من خوفه أيطيح...أللبد بأنفاســــه أيصيح
الكمر يمشي بزوده
حي الله عباس...هلا براعي الغيره
.........................................................
وصل هيبـــــــــة عدنان...الشاطي والعسكر جان
يرجف أمن أخياله
لـــــــــــزم طارف مكفاه...وبجوده شاله وخـــــلاه
وما واحــــد أدناله
ألتفت لخيــــــــــام حسين...وهتف يا نــــور العين
الكمكم جفيت أدلاله
لا عسكر الضل لا جيش...الزلمه معروف أبيش
ينعرف بأفعالــــــه
حي الله عباس...هلا براعي الغيره
.....................................................
لمــــــــع فقار وصال...وخيال يسبـــــــك خيال
مو جديده العاده
الطرف مات أمن الخوف...الوكف وكفة مجتوف
حاير أبمشراده
وأبـــــــــــــو فاضل يمناه...بدت تــــدوي بيسراه
وحصد روس القاده
ضل يحصد بلايا أحساب...خله الزلم تحوي أنكاب
حيوا عم الساده
حي الله العباس...هلا براعي الغيره
...............................................
لاخر نفس راعي الزود...وفه العهد والمعهود
وبدمه حنه الرايه
الزينب فده أجفوف وعين...وروحه نذرها لحسين
والسكنه منطي أحجايه
زلمه أشتره أشرايه الموت...كول وفعل مو بالصوت
عالنهر دك ثايه
طاح وتوذر عالكاع...وضل واكف الخيته أشراع
أجفوفه مشن حمايه
حي الله عباس... هلا براعي الغيره
...................................................
خادم خدمة الحسين
الشاعر
محمد الموالي

🌴تجمّع الزهراء ع العاشورائي🌴

29 July 2024 04:31

لحن(الله يساعدك)
بصوت
ملا سيف اللامي
بغداد

🌴تجمّع الزهراء ع العاشورائي🌴

29 July 2024 04:31

لحن (عمتي سبيه)
بصوت
ملا حسن الحدادي
بصره

🌴تجمّع الزهراء ع العاشورائي🌴

29 July 2024 04:29

شرد اسولف عن الجروح  لسان حال الامام
السجاد عليه السلام طور انا ودعت الحسين  باسم الكربلائي

شرد اسولف عن الجروح.
عفت أبوي حسين مذبوح
عفت گلبي بكربلا هناك
يون طول الوكت وينوح
شرد اسولف عن الجروح
★★★★★
سائلوني اشلون يلسجاد حالك
بكربلا مويمنه ليش بعيد بالك
اشصار لهل الخير بلطف وجرالك
شراح من الاهل بيها وشبقالك

جاوبتهم والدمع سال
اتذبحوا فوگ الرمال
وحرم شدوهن بلحبال
وأنا اصد بدمع مسفوح
شرد اسولف عن الجروح
★★★★★
التموا اثلاثين الف من جيش أميه
على العطشان الرووه كاس المنيه
گالهم مو أنا ابن حامي الحميه
وجدي طه وفاطمه أمي الزچيه

يلوعدتوا وين الوعود
كل وفه مابيها موجود
ليش باب الخير مسدود
والحرب ميدانه مسموح
شرد اسولف عن الجروح
★★★★★
شاهدت كل الجره والمر  علينه
ماجره على الغير يااهل المدينه
دم بچه حتى الحجر للصار بينه
ماسلم حتى الرضيع أمگطعينه

شرد اسولف  على الصار
أرعبونه إكبار واصغار
والخيم حرگوها بالنار 
بحيره وين انصير ونروح
شرد اسولف عن الجروح
★★★★★
السلَّبَه ماخاف من هول القيامه
ذاك بن ابجر سلب هدم الامامه
وذاك الاخنس سلب من راسه العمامه
وسلب درعه الكندي الهشم اعظامه

لجل خاتم    يسلبوه
خنصرالمظلوم گطعوه
عاري علتربان خلوه  
إلي ورث آدم ونوح
شرد اسولف عن الجروح
★★★★★
شرد اسولف بعد عن أكبر مصيبه
يوم عمتي مشت مسبيه وغريبه
وتطب ديوان العده ذيچ الحبيبه
وياها راس الشيبته بلدم خضيبه

تبچي من تنظر الراس
تشم عطره بين الانفاس
عطر امها وعطر عباس
وعطر مكه بشيبته يفوح
شرد اسولف عن الجروح

الشاعر حسن لعيبي الحريشاوي

🌴تجمّع الزهراء ع العاشورائي🌴

28 July 2024 17:48

الامام السجاد عليه السلام

القصيدة : على حسين وعلى خواني
محرم الحرام

▫️▪️▫️▪️▫️▪️

الحزن اذاني خلاني __ اعيشن طفي من ثاني
عشـــت لوعـــات وسحـــك جمـــرات
على حسيـــن وعلى خوانـــي
ــــــــــــــــــــــــــــــــــــــــــــــــــــــــــــــــ
عشت طــف المصيبه بطيحت الوليان
وشفت بيه المواجع واليضل عطشان
وقـــرآن اعلى رمحـــه ايرتــل ابقرآن
مـــريض الغاضريـــه والمــرض نيشان

مريض وحيلي متهدم __ على البلخيل متهشم
علـــي السجـــاد بحـــرك وارمـــاد
على حسيـــن وعلى خوانـــي
ــــــــــــــــــــــــــــــــــــــــــــــــــــــــــــــــ
اشـــد موقـــف يمر وخنّكتي ابذكـــره
ومنظـــر خلـــه بيه الكســـره والعصره
امن اشوفن والدي واكـــع على الغبره
وشمر فـــوك الصدر كاعـــد يحز نحره

تمنيت اشكثر موتـــي __ وتمنيته قبل خوتـــي
كســـر وجـــروح على المذبـــوح
على حسيـــن وعلى خوانـــي
ــــــــــــــــــــــــــــــــــــــــــــــــــــــــــــــــ
السجــاد انه والشفته اخـــذ روحـــي
ومن طـــف المصيبه كلهن اجروحـــي
على الضلوا عطاشه يانفـــس نوحـــي
وبسرار الدمـــع فـــوك الجرح بوحـــي

من دخان الخيم نشتم __ هوئ والشارد اتشتم
بـــدرب شمـــات اجـــر ونـــات
على حسيـــن وعلى خوانـــي
ــــــــــــــــــــــــــــــــــــــــــــــــــــــــــــــــ
اموتن هســـه هوه انه المتت بالطف
وجـــرح الفركــه بالـــدلال ما انصف
وعمري من بعد ذيـــج المصايب جف
نطبع بيه الحزن مالحضه عنـــي خف

من حزن الغريبه انحب __ بكل لحظة هضم زينب
اجانـــي الليـــل واشـــوف الخيل
على حسيـــن وعلى خوانـــي
ــــــــــــــــــــــــــــــــــــــــــــــــــــــــــــــــ
اليشوف على الهزل عمته اشتضنه ايعيش
اليعثـــر بالـجثث وناتـــه تصـــرخ ليش
اليضربونه ويشوف اخيامه عند الجيش
كلهن بالكلـــب ماضــل جـــرح بالريش

شفت اللوعه والجمره __ شفت الخيمه مستعره
بصفـــوف النـــاس برمـــح عباس
على حسيـــن وعلى خوانـــي
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

🌴تجمّع الزهراء ع العاشورائي🌴

28 July 2024 17:39

قصيدة للإمام السجاد عليه السلام الإمام الباقر عليه السلام ينعى والده.....

انـــحب واجري عيني وما اگطع ونيني
روحي اعله الابو تذوب رايح ما يجيني
======================
انه الفاگد وحگي من انوحن حيل
عيني اعله الابو ما تســتراح الليل
انه الباقــــر وگلبي علــــيك اعليل
بوية ابشوفتك چانت همومي اتزيل
انسى غيابك شلون ساكن وسط العيون
بوية بغيـــبتك دوم اتچوة بحــــنيني
__
الفاگدلة ابو ايحــــس ابالم گلبي
اطـــــيني الصبر عالفـــرگة يا ربي
ياعيني اعله ابوي اجري ودمع صبي
عيـــني اعله الدرب ظلت الك تربي
نايم حدر التراب عن عيني الابو غاب
آه ياوكت الغروب ياخذ كل سنيني
----------------------------------------------
شمعة واحــــتركَ يا بوية بغيابك
ياخـــذني الحنيـــن واوگف ابابك
ارسم صورتك وانحب على مصابك
وأكثر احتركَ من تنـــشد احبابك
تبچي وتنشد عليك احبابك تناديك
نعقد مجلس انياح انه وكل بنيني
----------------------------------------
راح الچان الي ذخر والي تچوة
چان ابكل حياتي والدي سلوة
المفاركَ ابو انياحة وبچي يهوة
الحياة ابلا ابو صعبة وفلا تسوة
رايح سلوة الروح يسوة الونة والنوح
أظل مطلوب الك دين ما وفيتة ديني
---------------------------------------------
ما اصـــدكَ تغيب وتــــبتعد عني
أشعر انتة عايـــش تســـتمع وني
صوتك دوم اسمعة وانظرك چني
يا وسفة الدهر خان وخذك مني
ما عني غبت يوم انه بعازتك دوم
عشرة ابطول السنين بين الهم وبيني
--------------------------------------------
أسألكم الدعاء رائد الاسدي

🌴تجمّع الزهراء ع العاشورائي🌴

28 July 2024 17:39

الأمام السجاد ( ع)



.        ذكـريـاتـه جـروح بالـطـف والـسـبي
         وشينسّي الـمـنـچـوي ابـنـار الـعـبـي

هذا حاله وهذا وضعه * عمره يخلص دمعه دمعه

                              *---------------*---------------*

ابـتـدت رحـلـة عـذابـه اويـه الـسـبـايـه
وچـانـت الـقـصـه طـويـلـه ابـلا نـهـايـه
عـمّـتـه بـعـينـه نظرهه و صـعبـه هـايـه
تـركـض و نـار الـعـده  بـطـرف الـعبـايه

عاشر اجفونه المخيم والدمع
وصارت اسنينه تشابه للشمع

هيچي عايش چـنـه  شمعه

                              *---------------*---------------*

بـگـلـبـه نـيـران المخيم صـعـبـه تطفــه
وبـمـحرم يجـري دمـعـه ويـبـدي طـفّـه
يـذكــر ايــام الـمـآسـي وذاكـه ضـرفــه
الـعـليـل وهـذا حـالـه شـلـون اوصـفـه

الخلـص بدمعاتـه ايـام الـعـمـر   
الذكرياته احبال وسياط الشمر

الذكره صـعبـه و هم تـوجّـعـه

                              *---------------*---------------*

صـورة  الطـف ابـخـيـالـه و تـجـري عينه
و الاشــد جـرح  الـسـبـي الـهـيّـج حنينـه
اگـبـالـه ويـشـوف الشـمـر يحدي الضعينه
و فـوگ عـلـتـه ونـار حـزنـه  امـچـتـفـيـنه

اتحمل الشمات واحزان وغرب  
والعقيله اگباله وسفه وتنضرب

خصمه  سبهه  و ما يمنعه

                              *---------------*---------------*

حـالتـه بذيچ الصحـاري شحچي عـنـهـه
ايـشـاهـد الروس الغوالي اقـمـار چنـهــه
وعـمـتـه زيـنـب شـاركاهه بكل حـزنـهــه
امـچـتـفينـه ويمشي گـوه وي ضـعـنـهــه

صوره للخيمه نظرهه وللحرگ   
و للمتون اليجرن ادموم وزرگ

الـيِـمـه اخـتـه وعـمتـه  تـنعـه

                              *---------------*---------------*

الـجـامـعـه الحزت رگـبتـه اتقص مصابـه
ورحـلـة الـشـام أوگـفّـتـه بـنـص خـرابــه
خـارجـي ايـگـولـون عـنـه والـلـه جـابـــه
صـبـت عـيـونــه مـثــل صـب السـحـابـه

يسمع السب وجرّوحه اتلچّمن    
وجارن اعليه المصايب والزمن

بكل سـنـه امـحـرم  يفـجـعـه

                              *---------------*---------------*

يـذكـر الـشـام وجـروحه بـكـل مـسـيـه
و مـا يـشـاهـد غـيـر مسلوبه و سـبـيـه
سـاگـنـه  بـروحـه بـقـت لـوعـة  رقـيــه
يـَمـه مـاتـت بالـخـرابـه و طـفـلـه هـيـه

لـلـمـمـات وعـايـش  بنار الالم    
ودمعته لحسين ولراعي العلم

الشاهد  اهله  گباله  صرعَه

                              *---------------*---------------*

✍ خادم الحسين ع
      الشاعر رعد الچريخي

🌴تجمّع الزهراء ع العاشورائي🌴

28 July 2024 17:39

شهادة السجاد ع

يا عــلـــي الـســجــاد اللـه يعــيـنــــك
الصار بالطــــف انـت شـفتـــه بعيـنك

===========================
آه يالمـسـمــوم يا زيــــن الـعــــــبــاد
بنـــوح عـمــرك خلّــص بلبس السواد
انت ياديـــن اللـــه يـــــا باب الـمـراد

ادمـــوع خلـصـت الـعــمـــر وسنينك

===========================
مـــن فـعــل ذاك الـولـــيد ابن الزنات
اتموت بالسم تجـــرع امـــرار الحياة
هز وجودك ضعضع اعروش الطـغـاة

يالعمر خلـصـتــه حـــامـي الديـنـــك

===========================
ايــسـاعدك الله اعــلـه عـمـلـة كربله
كــلـهـا جــدامك تطـيـــح امـچــتلـه
شحال ذاك الوحـده ماتــو كل هلــه

نومــه صــارو وحـــدك امخـليــنـك

===========================
بيوم عاشـــر شاهـــدت كــل الجره
گلـبك امصـاب الذبـيــح ايـمـرمــره
كل اخــوتك نامــت بــذاك الـثــــره

وانت بـحــبال العــده امـچـتفيـنك

===========================
انت شفت احسين طايـح عـلتـراب
كثره بيه اجروح من دمـه الخضاب
ايعينك الله شلون تحـمل هلمصاب

الخيل چــدامك تـــدوس احسينك

===========================
يا فـــرار العيله ياحــــرگ الخـيــم
يا سبي النـــســوان زادك بالألـــــم
بين گـــوم انجــاس ماعدهم شيم

وانت وحـدك والعــده محوطينك

===========================
اثر باقي الجامعـه اسلال الحديـد
ابرگبتك مــــولاي وصلـت للوريـد
واحد ومچـتوف ومخــوف يزيـد

حتى وسـط المجـلس امگيدينـك

===========================

✍️عباس مالك العفريت

#محرم_الحرام١٤٤٦هـ
نسألكم الدعاء
اللحن 👇