7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
⬛️◼️القصيدة-3-◼️⬛️
القلبُ يهفو إلى مَغناكَ من صِغري
والروحُ تاقَت الى مثواكَ في كِبري
وكلما حطَّ رَحلي في فِناكَ أرىٰ
كلَّ الهُمومِ تلاشَت وانجلىٰ كدري
لكنّ سُرعانَ ما ينتابُني ألمٌ
والوجدُ يأسِرُني والدمعُ كالمطر ِ
كيفَ العبيدُ أباحُوا ظلمَ سيِّدِهِم
وصورةُ السجنِ كانت أفظع َالصورِ
لهفي على كاظمٍ للغيظِ ممتحن ٍ
يشكو القيودَ كنيرانٍ مع الشَرر ِ
كم صبَ هارونُ أحقاداً عليهِ وقد
ألقىٰ بهِ في سُجونِ القهرِ والضررِ
حبسٌ ببصرةِ والباقي يطوفُ بهِ
على المطاميرَ في بغدادَ كالحُفَرِ
بينَ السجونِ سنيناً كان أصعَبَها
سجنُ ابنِ شاهِكَ سِنديٍ ومحتَقَرِ
ويلي عليهِ رهينًاً وهوَ يهضِمُهُ
شتماً لفاطمةٍ بالصبحِ و السَحرِ
أبكي عليهِ أسيراً وهوَ يلطِمُه ُ
في وجهِهِ النور ُِ نورُ الله ِكالقمرِ
أبكي عليهِ غريباً سُمَ في رُطَبٍ
مُسَلٌِماً أمرَهُ للهِ ِ والقدرِ
أبكي الجنازةَ فوقَ الجسرِ إذ رُميَت
قد ناحَها الطيرُ محزوناً معَ الشجر ِ
#سمير_الصالحي
#النجف_الأشرف
🏴 نعي مجردات
بطاموره گضه والله اليعينه
وبجسمه حديد مگيّدينه
وعداه نعشه شايلينه
اعله الجسر عمداً حاطينه
وين الذي يصِل المدينه
وينوح ويـزَيــّد ونينه
ويصرخ يَــزهره يا حزينه
الكاظم وسافـه مسممينه
————————————-
🏴
هليله الرضا ذابت مهجته
محزون بس ايجر حسرته
على الكاظم السمو چبدته
ويلاه لمن شاهِدَته
فاطِـمه المعصومه أخته
مفجوع تتگاطر دمعته
گالت علي تدريني بته
ابونه ولا نحمل فركته
وخلصت يبو محمد عشرته
#سمير_الصالحي
#النجف_الأشرف
(الإمام الكاظم عليه السلام)
مجاريد
(وداع قبر المصطفى(ص))
جدي النبي يا خير لجدود
بيدي ورجلي خلوا اقيود
وجابوني عند هارون مقيود
وسبني وانا بالسجن موعود
وانظر اعيالي بروحها اتجود
ما عود من هالسفر ما عود
اعليه ترى اعيالي يضجون
وكل من اراه دمعه بالعيون
وآمر عليه الرجس هارون
وعنكم انا امسافر للسجون
(وداع سيدة النساء) (ع)
ابعينه شبح والعين عبره
واعلى المدينة زفر زفره
نادى وعليه زادت الحسره
عنك انا امسافر يزهرى
قطعوا صلاتي وقيدوني
وقدام اهلي يسحبوني
والناس تسمع يشتموني
يمه يزهرى ماخذيني
با ودع الطيبه ابعيني
امع السلامة ابيسجنوني
مروا ابقبرها وراد لوداع
يمسقطة محسن على القاع
ومنك غصب كسروا الأضلاع
في اوداعة الله امسافر الساع
سمعوا الونة وسمعوا النوح
عني يبو إبراهيم بتروح
ما يرحموا قلبي المجروح
با نوح يبني اعليك با نوح
سجاد جدي آه يسجاد
مثلك تراني ابحبل انقاد
ولا كفى وزادوني اقياد
امسافر انا يا زين لعباد
عبد المحسن الكنگوني
▪️موعد الغالي▪️
لسان حال السيده معصومه عليها السلام في مصاب والدها عليه السلام
طور راح اودعكم
للملا باسم الكربلائي
موعد الغالي على جسر الرصافه
روحي ملهوفه ودليلي كلشي عافه
————-
يمته ياجمعه تجينه طوليني
موعدالغالي ابويه مادريتي
بالله ياروحي الوجوده اتحضريتي
ظني كلج شوق والله خضريتي
گلبي ملهوف ونسى من يمته شافه
موعد الغالي على جسر الرصافه
—————-
بالله يا وگتي تعده مالي حيله
ونشف الدمع بعيوني من مسيله
ارد اسولفله على همي الاشيله
وخل يشوف شكثر بفراقه نحيله
كافي والله وهالحزن بس النه وافه
موعد الغالي على جسر الرصافه
—————
ارد اسالك يا عمر وينه دلاله
گضى كل عمري يسائل شنهي حاله
من سجن للثاني ابو الهيبه وجلاله
وگالو الجمعه الصبر ينسف جباله
اتوجست روحي ودليلي جن شي خافه
موعد الغالي على جسر الرصافه
—————
هي ياجمعه الاجت بيها فرجنه
نعلق اشموع النبض وانطش فرحنه
لكن الجمعه الاجت بيها انفجعنه
اجنازه والينه وخبر موته ذبحنه
واعتلى صوت الالم بينه هتافه
موعد الغالي على جسر الرصافه
—————
اجنازه مرميه ودمه منها اتجاره
مربطه بحبال خلتهم حياره
ضاع كل حلم اللگه واظلم نهاره
يا ابونه البلقلب ماتطفي ناره
امحزز الجثمان مفطوره شفافه
موعد الغالي على جسر الرصافه
————-
اميه ياخويه الرضا بلوا دليله
وإسرع اسرع بالعجل والدنه شيله
مو مثل جدنه ومصايبهن رحيله
وعمتي من هم الدهر كله عليله
والورد گطفوه مو وگت اقتطافه
———
بقلم:بنت الشمري
٢٠٢٤
قصيدة ( ليل اهدعش ) وكان الإمام يتذكر عمته السيده زينب عليها السلام في ظلمة ذلك السجن
ليل السجن ليل اهــدعش بالغاضريـه
كل يــوم بالكاظم تمــر ذيــچ الــرزيه
يتذكــر أطفــال مچتوفه بحبـــال
بالغــاضــريــه
**
آه يـــا ليــل السجن بــالمطاميــر ويـــوّن
عمته يذكــرها العقيله وتجـري عينه
يذكر أطفال وعطـش وخوف من ليل اهدعش
حسره تكسر خاطره وروحه الحنينه
تنرسم كــل المآسي بـروحه
لو ذكر زينب تزيد أجروحه
زينب أسيـره أمحيره بالطــف سبيه
محتاره بأطفــال وحـرم بت الزچيه
تتلاهب الروح كافلها مذبوح
بــالغاضـــريــــه
*
بالسجن تتراوه أِلــه كل مآسي كــربله
كـل تفاصيل المصيبه وصــدر الحسين
الخيل لمّن داستــه عالثرى من رضته
عمته نظرت عالشريعه وهملت العين
أتمـنت العبـــاس يفــــزع ليهـا
يشوف زينب شنهو صاير بيها
بالسجن وينــادي يــا محنت عذابـــچ
بگلبي يــا زينب تظل جمرة مصابــچ
بگليبي جمرات ما تطفه هيهات
بــالغاضـــريــــه
*
ينظر أقيـوده ويّـون عمته يذكرها أبحزن
شلون مچتوفـه بحبــل وي الفواطم
بس حرم وبلا ولي تنادي يابويــه علــي
والكفلها أعلى النهر يا وسفه نايم
ينتحب موسى ابن جعفر دومه
أبالّه حالــة عمتّه مـــرسومــه
ليل المطاميـــر وذكــر ليــل العقيله
من بعـد كافلها صفت هيـه الكفيله
يا حسرة الليل والمدمع يسيل
بــالغاضـــريــــه
*
الكاظــم أبيــوم أنشتم سالت أدموع الألم
ذكر عمته اشلون شتموها بسبيها
نادت أبصوت الهضم انــه زينب ونشتم
وآنه بت الزهـــره ريحــانة أبيها
آنـــه زينب والشــرف بطباعي
وگبل مـا مــر الشتم بسمــاعي
بالكاظم أتمر الصور تلچم جُروّحه
عمته زينب بالسبي يحلاله نوحه
حرمه وغريبه بالطف سليبه
بــالغاضـــريــــه
*
ليــل مَــر بصفنته منّــه زادت ونتّــه
جدد اعلى الكاظم أهمومه وعذابه
ليل ما مثله جـره ناره تبقه اموجره
اشد من ليل اهدعش ليل الخرابه
طفله رادت بس تشوف الغالي
تگله بويه شعطلك يالـــوالي
جابولها الراس ابطشت بنّته الحزينه
عمّــه صاحت ليش أبوي امخضبينه
ليل الخرابه أصله وعذابه
بــالغاضـــريــــه
**
الشاعر
موسى البديري
تزوروني أجازيكم "" انة الكاظم ذخر ليكم
***
شفيع الكم أنــة الكاظم يزواري
يمن هبيتو يوم مصيبتي الداري
أبد ما أنسى وكفــتكم يأنصاري
أنة أتباهة بـوفاكم ليلي وأنهاري
وفيتوني أوافيكم "" انة الكاظم ذخر ليكم
***
كل خطوة انتو تخطوهة أنة وياكم
الــم بيدي الحوائج وأكتب أسماكم
يزواري يمـــن فرحني ممــشاكم
فلا أنساكم أنــــة أعيوني ترعاكم
أجيتوني هلا بيكم "" انة الكاظم ذخر ليكم
***
يـــزاير ياالاجيت بحاجتك لـــية
أحسب حاجــتك هالساعة مكظية
وحك أم الحسن ما تصعب أعلية
أنة أكظيهة الحوائج لو عدد مية
أندبوني أراويكم """" انة الكاظم ذخر ليكم
***
يـزايــر نار البكـــلبك أطفــــيهة
والصعبات سهـــلة يمي تلكــيهة
والعـــلة التصيبك صدك أشفـيهة
وأخــليهة بفعل كان أنة اخلــيهة
تعرفوني أشافيكم """ انة الكاظم ذخر ليكم
كلمات
موسى الخادم
قصيدة نزله إلى الامام الكاظم عليه السلام..........
انه كلبي هايم ** للامام الكاظم
للامام الكاظم ** للامام الكاظم
...........................................
بين دمعاتي كتبت اجروحي
واللطم صار سلوتي ونوحي
والمجالس تعيش ا بروحي
جرحي عاشور اون مذبوحي
نعزي احنه القائم ** للامام الكاظم
للامام الكاظم ** للامام الكاظم
...........................................
يابو طلبه جيت انه بطلبه
تكضي عندك كل حوائج صعبه
تنطي الامراد و تزيح الكِربه
امن ادخل اهناك واشوف القُبه
وبدمعتي ساجم ** للامام الكاظم
للامام الكاظم ** للامام الكاظم
............................................
عل الامام الكاظم اجري العبره
ولمصابه نعزي احنه الزهره
وبدليلي أنه تسعر جمره
كلبي بغيابه بعد شيصبره
عالزياره عازم ** للامام الكاظم
للامام الكاظم ** للامام الكاظم
............................................
اجمل امنيه اشم اترابك
خادم وجيت كعدت ابابك
وبدمعتي انه احيي امصابك
والاجتك هاي كلها احبابك
وبعزائي لاطم ** للامام الكاظم
للامام الكاظم ** للامام الكاظم
...........................................
بالمجالس دوم اكضي اسنيني
بهل الخدامه ريت تعمه عيني
لاخر انفاسي اصيح احسيني
هذا ديني وما اغير ديني
وبطريقي دايم ** للامام الكاظم
للامام الكاظم ** للامام الكاظم
............................................
الخادم ..... ابو فدك الشامي
قصيدة .. الى الامام الكاظم عليه السلام
يتذكر الامام داخل السجن ماجرى على عمته زينب. ع. ....
..............................................
بالسجن وحشة مصابه ** والاشد جرح الخرابه
عمتي بديار الغرب ** اتذكر ودمعي يصب
والاشد جرح الخرابه
..................................................
آنه الغريب البلسجن * خلصت حياته
دمعي على طول الزمن * خط ذكرياته
ياريت ملك الموت اجه * يجعل مماته
وسط السجن شفت الألم واللوعه
حته حياطين السجن مفجوعه
يا الاهي بالزجيه ** بالفرج عجل عليه
موقف ألمني صعب ** اتذكر ودمعي يصب
والاشد جرح الخرابه
................................................
وبسجن هارون الشفت ** ظلمه وعذابه
طاموره وحشه بغربتي ** مسدوده بابه
ويه الكيود انزف جرح ** جرحي ومصابه
والكيد ضل ينزف دمه والكلب يلهب
واتذكرت حبل اليسر وانحب يزينب
قصتي تهون المصيبه ** مو مثل عمتي غريبه
عيوني تشبح عالدرب ** اتذكر ودمعي يصب
والاشد جرح الخرابه
.................................................
كل لحظه اتخيل صور ** اتخيل اخيام
بعيوني لوعة كربله ** وانظر للايتام
والعين اهودها ابدمع ** ماتقبل تنام
كل ساعه اعيشن كربله والدمع بالعين
عباس اشوفه عالنهر وبكتره الحسين
كربله بعيوني تقره ** مستهل ضل دامي نحره
جسم عاري عالترب ** اتذكر ودمعي يصب
والاشد جرح الخرابه
................................................
ولرقيه انه انزف جرح ** ايا الحزينه
هل الطفله هايه مدلله ** والله هظيمه
تنحرم من شوفت ابو ** تبقه يتيمه
ماتت على راس الابو ذيج المسيه
هل المحنه اتخزن الم كل مغربيه
لسه صوت اسمع يبابا ** من اثر جرح الخرابه
والكلب آه الكلب ** اتذكر ودمعي يصب
والاشد جرح الخرابه
.............................................
لشام جان اخر جرح ** زينب سبيه
كل مغرب ايمرني الم ** ابجي الرزيه
والله هظيمه تنسبي ** هل الهاشميه
ابسوطه يضربها النذل ويورم امتون
ماعنده غيره ولاحمه مايرحم ام عون
والاميره الهاشميه ** هناك وافتها المنيه
وسفه عمتي تنضرب ** اتذكر ودمعي يصب
والاشد جرح الخرابه
.............................................
الخادم ...... ابو فدك الشامي
رباطات لذكرى استشهاد الامام موسى ابن جعفر عليه الصلاة والسلام
*
فوگ الهامه ينشال عجيد الگوم
لتخلونه مطروح ابو الكلفات
يا معصومه حضريه ابوچ المات
موسى اعله الجسر وين هله يشيعون
كون نموت وياه اسد بغداد
گيده مأذي الچفوف تعب ويلاه
يم عطاي المراد لفينه اليوم
يلما تطي الدخيل دخلت اعليك
مات اليوم حلال الثجيلات
فوگ الراس نلطم مو بلصدور
هذا لطمنه اعله الغريب المسموم
وين الهواشم راح قاضي الحاجات
ريت اندفنه ولا خبر موتك جاي
يعگال اهلنه شلون نراضهه اطيح
عطلو الجنازه اليوم تحضرهه ام عون
شال الهيبه بغداد اتون
يا موسى أگعد هاي الشيعه
كلمات الخادم / رعد الفريجي
لِشَهَادَة الْإِمَام الكاظم عَلَيْهِ السَّلَامُ (ملمع)
دَع فُؤَادِي الْيَوْم حُزْنًا يَتَفَجَّرْر
بالنحيبِب بَاكِيَّاً مُوسَى بْنُ جَعْفَرْ
وَيْلٌ بِالسَّمّ گضه نَحْبَه وبالضمه
شحال لُوْنِ الْأَرْضِ بَعْدَهُ والسمه
علسجين أَرْكَان . صَبْرِي امهدمه
مِن السَّلَاسِل تَنْزِف چفوفه دَمُه
إنَّ قَلْبِي بثرى الْحُزْن تَعَفَّرْ
بالنحيب بَاكِيَّاً مُوسَى بْنُ جَعْفَرْ
****
الصَّائِم الگيظ بطوامير السِّجْن
وكاظم الْغَيْض . بِحَيَاتِه ممْتَحن
شگد غميجه جُرُوحٌ گلبه مِن يون
وَيَذْكُر أَحْبَابٌ وَأَهْل الْهَمّ يِحِن
لَه قَلْبِى مِن آسَى اللَّيْل تَقَهْقَرْ
بالنحيب بَاكِيَّاً مُوسَى بْنُ جَعْفَرٍ
*
أَعْمَالِهَا الدُّنْيَا العنيده بِس جفه
الماتمرها الرَّحْمَة لِأَبِيهَا . وفه
غَدَرَت بِأَهْل الْمَجْد وَالْمَعْرِفَة
رَيْت ذَاكَ الْيَوْمَ لأَمَر وَلَفِّه
لِعَظِيم الرُّزْء ذَا الْكَوْن تَغَيَّرْ
بالنحيب باكيَّاً مُوسَى بْنُ جَعْفَرْ
*
اتربع اللَّيْل المشه عَنْه الْبَدْر
رَاح قُرْآن الْإِمَامَة . وَالْفَجْر
سَلَبُوا الضُّحَكَة أَوْجُهِهَا المبتشر
نَاسٌ لاوجدان ضَلَّت بِس غَدْر
وَمُصَابْ فَتّت الصَّخْر تَكَسَّر
بالنحيب باكياً مُوسَى بْنُ جَعْفَرٍ
**
خمسطعش عَام بطوامير الظُّلْم
وَالسَّلَاسِل حَادَّة اتكص الْعَظُم
يلثباتك أَرْعِب وَهَزّ الْخَصُم
بهظُم عَاش الرادك تَعِيش بهظُم
لِي ظميرُ ببحور الْحُزْن أَبْحرْ
بالنحيب باكياً مُوسَى بْنُ جَعْفَرْ
الشاعر حسن لعيبي الحريشاوي
لاستشهاد الامام موسى بن جعفر الكاظم عليه السلام
مگيود. من سجن السجن
مبرود. سيف الغربه
وبزود. سجانك وگف
جلمود. حاقد گلبه
★★★★★★★
عدوان. ماعدهم رحم
ميزان. شر عدوانك
حيران. ظنوك ولگوا
أيمان. زاد ايمانك
عنوان. انته للمجد
والشان. عالي شانك
بالامل ظليت وتحن. لااهل لامن صحبه
مگيود من سجن السجن مبرود سيف الغربه
★★★★★★★★
ميلوح. مجدك كل خصم
ويروح. خاسر دينه
مطروح. رادك منحني
ويلوح. حقده ابعينه
باللوح. اسمك منكتب
مفضوح. خصمك وينه
مهموم عايش ممتحن. مظلوم يابوطلبه
مگيود من سجن السجن مبرود سيف الغربه
★★★★★★★★
اسرار. انته من السمه
وانوار. تزهي ارسومك
غدار طبع الخاصمك
تحتار. رايد دومك
ياثار مطلوب وذنب
واعذار. بيها يلومك
هارون تخظعله يظن. بكل لون قايد حربه
مگيود من سجن السجن. مبرود سيف الغربه
★★★★★★★★
أواب. للباري بدمع
سچاب. نازل علخد
محراب. سويت السجن
وأسباب لله ومعبد
ارهاب سلطان وحرس
ماهاب. گلبك أحد
مكسور. كسرات الغصن. ابجور السنين الصعبه
مگيود من سجن السجن. مبرود سيف الغربه
★★★★★★★★
ياحال. مثلك سيدي
من طال ليل جروحك
همال. دمعك مابطل
چتال. يكتل نوحك
آمال. بالسم انگضت
واهوال. شافت روحك
راحت وغمضت الجفن. فاضت الروح الطيبه
مگيود من سجن السجن مبرود سيف الغربه
الشاعر حسن لعيبي الحريشاوي
ذكرى استشهاد الامام موسى ابن جعفر ع..
الدنيه شو متغيره حيل
والــگمر دمــعه يـــسيل
وبــالـسمه نسمع عـويل
الله أكبر ،،،،،،،،،، الله اكبر
¢¢¢¢¢¢¢¢
بالســـمه جـــبريل كبر ناده حلت فاجـــعه
والحزن بيبانه كلهن عالموالي امشــــــرعه
المصحف اينوح المصابه والحمد والقارعه
ليلة استشــهاده لوعــه ونار بينـــه امولعه
آه يا ليــل المصـــــاب
جم گلب من ناره ذاب
فرگت الغـالي عـــذاب
الله أكبر ،،،،،، الله اكبر
¢¢¢¢¢¢¢¢
امصيبة الكاظم لجلها انطبگت السبعه الشداد
وموكب املاك الله ينعه ولابس اهدوم السواد
الانـس والجـان كلــــها علكة رايــة حـــــــداد
ويلي عالمسوم نادود شوفته اتشيب الفــــؤاد
بالدمع بعثو ســــــــلام
وعالجسر مرمي الامام
لا عشـــــيره ولا عمــام
الله اكبر ،،،،،، الله واكبر
¢¢¢¢¢¢¢
عـالجـسـر جـثته رمـوهـا وشـيعـته بنـوح ونحيب
حـضـرت وشـافت گـمرهـا بضلـمـة الطاغـي يغيب
بدهشه وبحيره من امرهم صدفه لن مرهم طبيب
گـلـهـم ابسـم مـوته واضـح مـنهـو لـلـمـيت قـريب
خـلـي ياخـذ بالعـجـل
بـثـاره. مامـات بأجـل
ودمـعه من عينه همل
الله اكبر ،،،،،،، الله واكبر
¢¢¢¢¢¢
عالجسر حتى الجنازه امطوقه ابطوق الحديد
وحــــده وبديار غربه وعن هله وناسه بعيــــد
اسنيــنه خلصها ضـلامه ومارحم حاله الرشيد
جرحه كل يوم ايتجــــــدد بينه وآلامه تزيــــد
السندي ضالم مارعا
بالســم ابكاسه سگا
وثاره ماواحد خذا
الله اكبر ،،،،، الله اكبر
¢¢¢¢¢¢
الما وراها اصيــاح وحشه اجنازت الميت تصـير
وبالغرب مات ابن جعفر وحامــــله الميت ضمـير
وســـفه انجاس التـحمـله هذا ابو البخت الچبير
ريت هس اتحضــره اهلـه وبـالنعش هيه التسير
تحمله ابهيــــبه وابــاء
وتـهـتف بــهذا الـــنداء
مـــات ابــــن الأنـــبياء
الله أكبر،،،،،،،،الله أكبر
¢¢¢¢¢¢¢
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـديه
الفاتحه الى روح والدي،ووالدتي،💔💔
الليالي الكاظميه شهادة الامام الكاظم عليه السلام
لحن القصيده ع لحن (يافاطمه يم الحسن) للملا عمار الكناني
فوگ الجسر يبچي الشمع
وخظر نهر من الدمع
ياموسى أبن جعفر الك
ون. القلب. ماينسمع
¢¢¢¢¢¢
ياموسى. ابن جعفر. الك جرح بقلب احبابك
جرح وتخوصر بالقلب. هيجي نحسه صوابك
نذرف مدامع من دمه .يكلف اعلينه. غيابك
بزنزانه ضلمه گوضت اشگد عظيم امصابك
بينه الحزن صاير ضعن
لمن سره عـيوني بجـن
والحادي صاير دمعتي
من عنده وجناتي ارتون
¢¢¢¢¢¢
عليك الموالي ينتحب هل دمعته السجابه
ايدگ الصدر لمصيبتك محزن وسود اثيابه
اتبين علامات الحزن ابوجه التموت احبابه
وحنه الحزن ياسيدي امشرع علينه ابوابه
انشارك علي بمصيبته
طيحت حبيبه هدته
ماتم حزن بينه. يضل
اه يالسجين. وغربته
¢¢¢¢¢¢
مثل النهـر يجـري الدمع. من ينزل امن اعيوني
والوجـنه مني. سـومرت ومجرحـات اجفوني
وصدري اخسفه من اللطم بزنجيل اورم امتوني
كـل هـذا ومـقـصـر احـس ويـاك مـاسـجـنـونـي
ماحزت ايدي السنسله
ولاچبدي السم. علعله
فدوه الك كل العمر
وياك الاجل مااجمله
¢¢¢¢¢¢¢
يالقصـتك تدمـي الگـلب بچت اعيون المحجر
والدمع ضل ينزل شعر يكتب ويحجي المنظر
يروي المـصـيبه وقـصـتك والغـربتك يتـصـور
سجـنك جـرح كل مستهل وعله الجروح اتصدر
بدموعه ضل يرسم صور
تروي ضلم جور الدهر
والصدى ردد ياخلگ
مسموم ابن سيد البشر
¢¢¢¢¢¢
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي
الفاتحه الى والدي،ووالدتي 💔💔💔
يا امام الجعفريه انته للعالم قضيه
بسجن هارون بسجن هارون
لليالي الكاظميه
قصائد استشهاد الامام الكاظم عليه السلام
القصيده ع وزن هجري. *نزله
ياامام الجعفريه انته للعالم قضيه
بسجن هارون
ليش مسجون
¢¢¢¢¢¢¢¢
بالسجن خلصت حياتك وانته عن اهلك بعيد
ويلي وبطاموره ظلمه بين عـــدوان وعبـــيد
تلوج بالســـــم يا امامي بالغرب ميت شهــيد
الرضا شعطله عنك مايجي يشوفك وحــــيد
كون يحضر هالمسيه سيـــــــدي للكاظميه
يا امـــام الجعفــــريه انته للعـــــالم قضيه
بسجن هارون
ليش مسجون
¢¢¢¢¢¢¢
نلطم وننصــب مواكب خل نعزي المنتــظر
كون نفـــدي ارواح لجله والدمــع مثل مطر
المهدي ويانه يشيع لابس الاســـــــود حظر
عالجـسر ناده المنادي الموعد الجمعه الفجر
هذا امام الرافضيه حاملينه الناصبـيه
يا امـــام الجعفريه انته للعالم قضيه
بسجن هارون
ليش مسجون
¢¢¢¢¢¢
رجت الكون المصيبه وناحت املاك السمه
وبالعرش ناده المنادي اليـــوم عزو فاطمه
وين حيــــدر خله يحظر اله ينصب مأتمه
بالسجن ميت غريب وكــون نبجــيله دمه
يا عظم هاي الرزيه مات شبل الهاشميه
يا امـام الجعفــريه انتـــه للعالم قضيه
بسجن هارون
ليش مسجون
¢¢¢¢¢¢¢
اليوم ابوالسجده الطويله فارك الهم والمحن
يندعي الربه بسجوده بعبره وعيــــونه جرن
يا مخلص نبي يونس عـمري خلص بالسجن
فدوه خلصني ألاهي من هظــــم هاي الفتن
السندي ابد مارحم بيه والسجن ظلمه عليه
يا امــام الجعـــــــفريه انته للعـــالم قضيه
بسجن هارون
ليش مسجون
¢¢¢¢¢¢¢
هذا امام الجعفريه علم للشــــــيعه يظل
من نسل اطهر سلاله والوحي بيـهم نزل
حبهم من الله فريضه وهمه للجنه وصل
شلون كدرو يسمونه هذا بن خـير العمل
عالصراط النه تجيه ابن حماي الحميه
يـا امـام الجعـــفريه انته للعالم قضيه
بسجن هارون
ليش مسجون
¢¢¢¢¢¢¢
اسنينه بالظلمه كضاهن حزن وآهات وألم
عانه من جور الطغات اشكال ونواع الظم
ابد مادنك الهامه وما رضخ لمر الحـــــكم
زاد اصــــرار وعزيمه مثل شيـــــال العلم
عذبو ابن الزجيه ومارعو امر الوصيه
يا امام الجعفريه انـــته للعالم قضيه
بسجن هارون
ليش مسجون
######
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي
الفاتحه الى،والدي،ووالدتي،💔💔💔
ذكرى استشهاد الامام الكاظم ع…
على الكاظم نهل دمعات العيون
على الكاظم الطمـــو يالتعــزون
عزانه فاطمه اتحظره
وحتى القـائم اينظره
يامسموم **** يامسموم
🏴🏴🏴🏴
سـلام الله على المسموم
ابطاموره وحـــــيد اليوم
وحيــاته خلصاهه اهموم
ويدعــــي دعوة المظلوم
بألم ناده يلاهي ســـــيد الكون
بألم ناده يريت اهلي يحظرون
الصخر مــن ونته يفطـره
السجين اشاف من عمره
يامسموم يامسموم
🏴🏴🏴🏴
دمعـــته حايره بخده
عليل ولا اهـل عنــده
بفراش الاجل وحــده
السلاسل ورمت زنده
بقه الوحده ابن الصـادق اشلون
بقه الوحده غريب بسجن هارون
سلام الله على صبره
امام العالم باســـــره
يامسموم. يامسموم
🏴🏴🏴🏴
خلص عمــره بالضــــلمه
وحزنه بگلــــبه ايكظــمه
السجن والسلسله تهظمه
يويلي امصيبـــته عظمه
خلص عمره سجين وگلبه مجروح
خلص عمره عبـــاده الكاظم ونوح
يكتم حسرته ابصدره
ســلم للجليل امـــــره
يامسموم. يامسموم
🏴🏴🏴🏴
ابحيـاته اشاف مولانه
غـــــــير الالــم وحزانه
ابغربه انحــمل جثمانه
ابغياب احبابه وخوانه
الجسر شاهد عليه جثمانه خلوه
الجسر شاهد بلا تشييع شـــالوه
امام وســـابع العتره
اصبــح بالغرب گبره
يامسموم يامسموم
🏴🏴🏴🏴
بقنوته السلسله اتألمه
ثقيــــله حيل وتلجمه
بصدره ضاگت النسمه
الطاغي بالغـــدر سمه
لجله انوحن بديه آثـار الـقـيــــــود
لجله انوحن الشيعه اتناطره ايعود
يوسفه مهجة الزهــره
يموت وبالگلب حسره
يامسموم يامسموم
🏴🏴🏴🏴
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي
الفاتحه الى روح والدي ووالدتي،💔💔
⬛️◼️القصيدة-2-◼️⬛️
طامورةً ظلماءَ أودِعَ فيـها
ســرُ الـوجودِ ونورُهُ يُزهيها
الكاظمُ الغيظَ المقدسُ شأنهُ
قصصَ المآسي صبُره يرويها
سَجَداتهُ كانت حلاوةَ أُنسهِ
وقيودُه تشكو إلىٰ باريها
يا طالما ناجىٰ الإلٰـهَ تضرُعاً
أيْ ربِِّ أنتَ لِشدتي تكفيها
أمخلصَ الأرواح َ من أحشائِها
وأجنةً أنتَ الذي تُحييها
أمخلصَ الاشجارَ من أطيانِها
والنارَ من أحجارِها تُوريها
عجّل من الدنيا خلاصيَ إنني
جُرّعتُ سُمٌَ الموتِ من طاغيها
ياجمعةَ الشؤمِ التي بنهارِها
يئِسَت جموعُ العشقِ من هاديها
ياجسرَ بغدادَ الذي ضَجت بهِ
الأملاكُ حينَ سَماعِها ناعيها
قد كرّر ابنُ سُويدٍ الحِكَمَ التي
أنباهُ مولاهُ فما يَدريها
ويظنُ أنَّ لقآئََهُ في ضَحوةٍ
بالجسرِ فرحتُهُ التي يُفشيها
وإذا يرىٰ نعشَ الإمامِ بمنظرٍ
جعلَ الدموعَ من الجوىٰ يُجريها
فرآىٰ طبيبَ الرومِ وهوَ مُسآئِلٌ
هلٌآ كشَفتَ حقائِقاً تُخفيها
فأجابَ صاحبَهُ بهيئةِ ذاهلٍ
إنّ السمومَ بقتلهِ تَحكيها
أبلِغ لؤياً من نِزارٍ عاجلاً
فليأخذوا الثاراتِ من ساقِيها
#سمير_الصالحي
#النجف_الأشرف
⚫️ نعي- مجردات
وكت الضحه ياوكت الأگشر
وبيوم جمعه شلون منظر
جابو نعش موسى بن جعفر
وجسر الرصافه راد ينطر
والسندي فرحان ايتبختر
شامت بچتل البدر الازهر
وسبعين الف شيعي ايتنطر
والكل يصيح الله واكبر
هاي الجنازه لبن جعفر
وين النشامه اولاد حيدر
تفزع تشيل النعش تگدر
بلچن بساع اعليه تنغر
(مو ) گلب الرضا ذاب وتفطر
#سمير_الصالحي
#النجف_الأشرف
لسان حال مولاي باب الحوائج يخاطب سيدي ومولاي اباعبدالله الحسين عليهم السلام
=====
بكلشي واسيتك. وانزف جروح
التحرگ بگلبي اني مامذبوح
الظلمه وي السلسله عَيِشَتني كربله
هايجدي هايجدي
==========
من باب جرحي المنفتح ظلت توج نيراني
ليليه اشوفن كربله ينفتح باب احزاني
سجني الخرابه المظلمه لعماتي بيها متاني
اذكر مصيبة عمتي كل مانذل سباني
بالسجن اصرخ تجري العيون
حالتج صعبه. عمه يم عون
وبيا خرابه نازله. عَيِشَتني كربله
هايجدي هايجدي
==========
ياجدي ليلي من يمر بيه الهوه خانگني
بگلبي الحزن نام استقر وبكل وكت رافگني
بس البقت وحده وردت بيها القهر حارگني
ياجدي اني بالسجن الحافر ولا ساحگني
جدي واسيتك. بهايه اتعذر
صدري ياوسفه . صاحي متكسر
دم دمعتي هالهامله. عَيِشَتني كربله
هايجدي. هايجدي
==========
مثلك يجدي بغربتي وبلا اهل خلوني
امسي وأصَبّحْ بالسجن حيل العده اذوني
بعيالي ماادري شصفه ولاهمه هم يدروني
وفوگ الهزل ظلمة الوكت وبيا درب ودوني
عيالي مومثلك. جدي سلبوها
بنت ماعندي. بسوط ضربوها
راحت سبي هالعايله. عَيِشَتني كربله
==========
فوگ الهزل مجتوف انه وبكل درب اتعذب
ولحالتي مااون ابد ابجي اعل عَمتي زينب
ماعندي اخو مذبوح انه گلب العقيله شيب
اخوتها كلهم عالترب او والدها حيدر ينسب
انحب لعمتي. وگلبي يتألم
نار اللي بگلبي نار الإمخيم
حرگ الخيم هالمسأله. عَيِشَتني كربله
==========
سم الجبد طر الجبد خلاني حيل اتحسر
من اذكرت جبدك متت واشعر بحالي اتغير
امثلث سهم بيك شعمل ياجدي ياابو الاكبر
تشهك ألم تشهك تعب وجبدك اشوفه اتوذر
عالرمل نايم. جدي ياوسفه
جبدك بجرحه. ابد مايشفه
صابك سهم من حرمله. عَيِشَتني كربله
==========
نعشي انحمل فوگ المتن لكن جرحلي احساسي
نعشك حصيرة من اذكره تختنك حيل انفاسي
نعشي انحمل بين الاهل بتشيعي حظرت ناسي
لامنجرح لامنطبر وبجسمي خلوا راسي
جسمك بهيمه. وعالرمح راسك
هضمه ياجدي. وينه عباسك
راسك رمح هلشايله. عَيِشَتني كربله
هايجدي. هايجدي
==========
✍ علي النائلي
عاده لبيت الطُـهر ••• احبال وناگة أسر
و سوط يلوّع متن
بيد السندي و شمر
……………………………………………………………
الكاظـم ورث عـماته • اديـن بگيد مـحفـوره
وخرابه الـشام ورثاها • بـس هـيئتـها طاموره
ومن جده علي السجاد • حديد بثكل وحروره
بس ماله طفل مذبوح • ولا له اخيام مسعوره
خله ابيته الحرم
لا حبل ولا شتم
و لا للشام انسبن
بيهن نوگ التفر
……………………………………………………………
ركب ناكه سبي المظلوم • چن يوم اهدعش يومه
مثل سكنه بوداع حسين • اتودعه بدمع معصومه
وصيـتي اختك يبو مـحمد • بـالك تـضل مـهضومه
كـلمـة اخـت تـعـني الاه • اجدام ابجمر ملجومه
مـوكب مـوت و سبي
يـحـدي بـأبـن الــنبـي
من سجن يطب سجن
بحشاه يلهب جمر
……………………………………………………………
بـعـذاب آل الـنبـي ألهم • لـذة حـقـد ورثوها
مثل الاعوجيه احبال • سلاسل موت سووها
ما خلت جلد بيده • اعل عظمه بخبث شدوها
بـگد ما ثگـلت هـمومه • حديد عليه ثـگْلـوها
فوك اظهور الهزل
عاده الكم هالحبل
منه اتسل الدمه
بالجف يحفر حفر
……………………………………………………………
سجن من ليله الوحشه • اخـذ وحشه واخذ ليله
فقط عالتربه شاف الـنور • لذلك سجدته اطويله
عليه حتى الهوه محبوس•اختنگ وانفاسه تبچيله
اذا شم الهوه من الباب • اللعين بسوط يمشيله
ريته بعازة هوه
وعينه ادوّر ضوه
محروم من الشمس
ولا صد طرة فجر
……………………………………………………………
بـمجرد مـن نظر للـسوط • للـطف راحـت افكاره
لـرقيه و شـمر جـلداها • ولبوهـا احـتمت بكتاره
و مـن ضـرباه ابـن شـاهـك • و شـبت بالمتن ناره
بچه بس مو على روحه • اعل زينب دمعه يجاره
بكل سوط انا اذبح
بـمتـنج اذكر جرح
اذكر فوگ الرمل
اه يا ركض الظُهر
……………………………………………………………
للكاظم طلع فـزّاع • سليمان و غدت لمه
و أجت بغداد للتشييع •و دجله بدم تهل يمه
بس حسين لا تابـوت • لا هـوسـه الولـد عمه
الچفن رمل الطفوف الحار • والتغسيل من دمه
و الخيل الـشيعت
و أوصاله تگطعت
متساوي اوي الارض
مامش ضلع وصدر
……………………………………………………………
✍️ ( سيد خضر الزاملي )
ميمر مجنس الى الامام الكاظم عليه السلام
حالـــي أعَـرضّه يــا أبـو الرضــا
الأرض ضاگت والفضا
ولبابك آنــه اتعنيت يالما تــرد طلّابك
*
روحي أجت بس منكسر خاطرها
وبس الحزن يــا سيدي خـاطرها
اقسـم عليـك بــأمــك وخــاطـرها
لحالــي تصدْ يالما تـــردْ
حتى اليندبك من بعدْ
وأبابــك آنه وانخاك
وبگلبي نار أمصابك
*
اسمــك كرامــه وبالگلـب دگـيتــه
وبــابـك يا أبو طلبـه بدمع دگيته
علگتــه همـي أبحضــرتك دگيته
وادري الفــرج يبــن الحجج
يا مهجتي وكل المهج
ويمــك تهّيــد الأرواح
من تسجد أعلى أعتابك
**
لبـابــك أمــدن بالــدمع كـفّينـي
عــوّز البشر يــا سيــدي كـفّينـي
حبـــك كنـز وبــدنيتــي يكفّينـي
مــا افتقـر حبــك ذخـر
بالدنيا والله وبالحشر
حبــك ربـــح بالدارين
يــا سـيدي لأحبــابــك
*
جبت الحـزن يم حضـرتـك هدّيته
ومــن التعــب گلبي بفــرح هدّيته
اهدي الدمع وانته أبفخــر أهديته
كــل اليسر بعـد العسر
أبابك يرد ومبتشر
باب الله بابك مـولاي
وبوجهي متسد بابك
*
هذا الوكت حطني وطحني أبراحه
ومتعني بابـك بـس أعض بالــراحه
بابــك وصلته وگلبي حس ابــراحه
مــاي ونــزل ابگلبي الذبل
رد وَرّد وشع الأمل
بــاب السماء المفتوح
جنـه وأشم بـأطيابك
*
يم گبرك وروحي أرفعّت كفّـاهـا
نــادت يمــولاي الحــزن كفّــاهـا
چفــك أحـسّـه للشـدد كـفّــاهــا
تجلي الشدد ها يا الأسد
حتى الذهب يمك سجِدْ
ينادي أبنظرتك مولاي
خليني أشــمْ أتـــرابك
*
الشاعر
موسى البديري
نخوه في وفاه الامام موسى الكاظم عليه السلام
يبوالسجده الطويله بحق زينب العقيله
أنخاك أنخاك. أنخاك أنخاك
..........
يامسجون الطوامير وبيدك سلاسل
تتحمل وحدك الظلام وخست الجاهل
يالتشبه زينب بالحبل وبلايا كافل
إجيت أنخاك الحاجتي والدمع سايل
انته إنته الوسيله. بحق زينب العقيله
أنخاك أنخاك. أنخاك أنخاك
..........
انته الحرز ذخر وشرف شيلت اسمه
الدنيه بعيني سوده والقلب في همه
محتاج الك ياسيدي ياابوالنعمه
عالم أنته بحاجتي يحبيب السمه
مالي غيرك اشكيله بحق زينب العقيله
أنخاك أنخاك. أنخاك أنخاك
.........
احلفك بزينب العمه وخدرها
ياسيدي واحلفك بشيبة شعرها
اعلى المرض مالي صبر وحق صبرها
بالحوره حلفتك يامولاي وقدرها
يالمارحمو دليله. بحق زينب العقيله
أنخاك أنخاك. أنخاك انخاك
..........
واقف أعلى بابك انحب في مصابك
سجنك يون من الالم واسمع عذابك
الحاجه يمك سيدي ورايد جوابك
الك بعت ماي الوجه ودقيته بابك
الكرم عدكم جميله بحق زينب العقيله
أنخاك أنخاك. أنخاك انخاك
...........
مشاكل الدنيه مثل ضربات لرماح
تنزل علي مثل المطر ابد مامرتاح
وأنه انشدك بالعقيله اريدن استراح
ريحني لو تأخذ روحي يم روحك ارتاح
بالعبايه والشيله. بحق زينب العقيله
أنخاك أنخاك. أنخاك أنخاك
..........
والله دمعي من الحزان ضل يتجاره
لا ني ميت ولاني حي قلبي بنكساره
اكدار هاي الدنيه والله تهز الغياره
ترض يالكاظم اضل وتحرقني ناره
واليتجي يمك تعيله بحق زينب العقيله
أنخاك. أنخاك. أنخاك انخاك
..........
افكر لونزلوني بقبري تجيلي
ياحرزي وين ماكون تعتنيلي
يالمعذب ومسجون ارحم دليلي
قبري طاموره كنها واصرخ ياويلي
اتذكر ودمع اسيله. بحق زينب العقيله
أنخاك أنخاك. أنخاك انخاك
.........
فاضل الدالوي
قصيدة( نزله ) إلى الامام الكاظم عليه السلام ...
بالكاظميه هل اليوم && جينه نعزي المسموم
...............................................
جينه نعزيك بألم ** ياسيدي والينه
خدام كلها نادتك ** عالموعد اتعنينه
ماننسه يوم مصيبتك ** يالكاظم وتدرينه
يشهد علينه سيدي ** حاضرنه وي ماضينه
والدمعه اتسيل ادموم && جينه نعزي المسموم
.............................................
هارون وينه وزمرته ** كبتك ذهب مبنيه
انت الذهب يابو الرضا ** والعادتك ممحيه
حكم الرشيد ومايضل ** دولة علي شيعيه
ضل عالي شامخ مرقدك ** زوار الك يوميه
باقي تضل وللدوم && جينه نعزي المسموم
.............................................
هاي الزجيه الطاهره ** حضرت تواسي الليله
جتك بظلع المنكسر ** حسرت دمعها اتسيله
والفاكد احبابه يون ** جف الدهر يوميله
وتنادي يمه الظالمك ** يوم الحشر ياويله
تنعه بدمعها المالوم&& جينه نعزي المسموم
............................................
بالنعش حضرت شيعتك ** ياسيدي ايشيعونك
كل رجب نبقه عالعهد ** يابو الرضا ايواسونك
انشيل الجنازه العل جسر ** لا ابد ماينسونك
وبصرخه وحده تعتلي ** لمصابك يندبونك
انت الغريب المظلوم && جينه نعزي المسموم
............................................
يمته تظهر يابو صالح ** يمته تاخذ ثارك
والكسر ضلع الزجيه ** تبقه تلهب نارك
سيف حيدر هو بيدك ** سيفك بفقارك
بالفرج نرفع ادينه ** شيعتك وانصارك
يالمهدي وبهذا اليوم ** جينه نعزي المسموم
..............................................
الخادم ...... ابو فدك الشامي
قصيدة ..الى الامام الكاظم (ع)
قصيدة( حكاية الطف)
على لحن ( توفوني واعتوني ) التي قرأها
المرحوم شيخ( وطن النجفي )
..............................................
موسى الكاظم ابسجنه ** وعيونه تجري ادموم
ينحب ساعه لحسينه ** وللعباس وجفينه
وعيونه تجري ادموم
...............................................
هذا الغريب البلسجن حسره وآه
يذكر حسين وتجري دمعة عيناه
قرآن رتل بالكهف بسم الله
راسه يشوفه عالرمح وا ويلاه
يتصور هاي الحاله ** والدمعه وسط العين
بالعبره تهمل عينه** وللعباس وجفينه
وعيونه تجري ادموم
..............................................
اكباله الشريعه تنرسم ياحاله
واجبود كاتلها الضمه لعياله
تتنطر ايعود الكمر واهلاله
والنار تلهب بالكلب جتاله
منظر عايش بأحلامه ** ويلي ويلطم عالراس
ماينساها بسنينه ** وللعباس وجفينه
وعيونه تجري ادموم
..............................................
بحافر الخيل حسين رضو صدره
والدم تفايض جا النهر من نحره
واثنعش طبره طبره فوك الطبره
الله يساعد حالته ويا صبره
تتخيل هاي الحاله ** من ايحزون الراس
وا ويلي يابو سكينه ** وللعباس وجفينه
وعيونه تجري ادموم
..............................................
تنعه مصايب منها اتشيب الراس
وبطور عاشوري يون بيه احساس
من ضل غريب حسين و بلا عباس
طاح اعله وجه كوه جر الانفاس
تعقد مجلس بآلامك ** يابو الرضا المسموم
صوتك عالي بونينه ** و للعباس وجفينه
وعيونه تجري ادموم
..............................................
تنعه الخيام التستعر بيها النار
شاهد عيان بدمعته عالطف صار
جوت اجدام العايله وهمه ازغار
لا ناصر الهم يفزع ولا نغار
بكلبك حسره لخيامه ** ماتطفي هاي النار
لحسينك الله يعينه ** وللعباس وجفينه
وعيونه تجري ادموم
................................................
الخادم ...... ابو فدك الشامي
جينه ننشد عن سجن طاموره
اِو ليش مشكاة الله بي مكسوره
جينه ننشد وين محبوس البعيد
او ليش شَدوه اِبسلاسل مِن حديد
او ليش مربوطه الرِجل وْايد اعله ايد
اِوْ هَذي يا ظلمه التغطي نوره
جينه ننشد عن سبب سِجنه الامام
وليش كلما يخلص يزيدونه عام
ما صحه عقل الذي شاف الحمام
على شباجه الطيور اتزوره
جينه ننشد وين امام الشيعه صار
وليش مايعرف الليل من النهار
والله ملينه حياة الأنتظار
ويدري بينه اگلوبنه معصوره
جينه ننشد عن حبل الله المتين
ضاعة اخباره علينه مِن سنين
او لو نشوفه نذر يا ام البنين
عليج نقره الفاتحه مشكوره
جينه ننشد عالوجه تجري الدموع
صاحب السجدة الطويله بي رجوع
اِتْكَزبُر الحيطان من ذاك الخشوع
حلو صوته من يرتل السوره
جينه ننشد والبشاره من الحبيب
گالو الجمعه تره الموعد قريب
ما عرفنه الجرح ياجمعه يطيب
يدري كل مهجه عليه مفطوره
جينه ننشد هالجنازه المن تميل
خبر بس هذا الخبر وقعه ثگيل
هذا امام الرافضه اصبح قتيل
واالله كل الدنيا مامعذوره
للشاعر محمد الظالمي
نعي عن الامام موسى بن جعفر
الكاظم عليه السلام
هذا النعش المن علجسر جابوه
يحملونه أربعه وبأمرة السجّان
وين الناس راحوا وين اليشيعون
لامن ناس عنده ولااجت خوّان
جثه بلاچفن فوگ الجسر خلوه
لاله من عرف بالديره لاجيران
سلاسل بالرجل ومقيده الچفين
اسوه من ذنب وشقدموا برهان
بقعر السجن عايش وبسواد الليل
غير اللون الاسود ماتمره الوان
من سجن السجن عدوان تفتر بيه
والله يازمن باهل الرحم خوّان
ياموسى المحن مافاركت دنياك
مثل بلواك مامرت ببن عمران
ياريح التهزك ياجبل. ياريح
يمحيّر الرادك بالسجن حيران
وحيده جنازتك فوك الجسر مولاي
ابعمد عافوها متقصدين مونسيان
يلكلك وطن مالك وطن جاليش
ياموطن الدين ومجمع الايمان
وين اهلك يجون بساعة التوديع
يشيعونك صدگ ويحضرون اچفان
وين الحاربك ياسيدي چاوين
دنيا واخره بعد الحصل خسران
سلام الله على اسمك كل وكت مولاي
بكل مجلس ذكر وشماتمر بلسان
سلام الله عليك شمايمر ذكرك
ياباب الحوايج يافخر عدنان
الشاعر حسن لعيبي الحريشاوي
التوسل بالامام موسى بن جعفر
الكاظم عليه السلام
استشفعنا وتوسلنا يمولانا وتوجهنا
بأسمك ياجليل الشان.
دعينا الواحد الرحمان
يمولانا وتوجهنا
★★★★★
دعينا الخالق الراحم.
العظيم القاهر الحاكم
من شر كل عدو ظالم.
بجاهك. سيدي الكاظم
بسمك تنجلي الحسره . يسادس نور للزهره
بجاهك ياكرم واحسان
دعينا الواحد الرحمان
يمولاي وتوجهنا
★★★★★
بدمع النازل على الخد.
دعينا الواحد الأحد
ودعوتنا فلاتنرد
بجاهك كل جرح يبرد
بلوعتنه ومدامعنه. وبكثرة مواجعنه
ردنا تنجلي الاحزان.
دعينا الواحد الرحمان
يمولانا وتوجهنا
★★★★★
أجاك الحاير بأمره.
النوايب هشمت ظهره
ودنياه اصبحت مره
الكسر من غيرك يجبره.
اذا جاز الوكت حده. انته بالشدد عِدَّه
من دنيا ودهر خَوَّان.
دعينا الواحد الرحمان
يمولانا وتوجهنا
★★★★★
ابنادم لوصفه وحده.
ودمعته عاشرت خده
ولاناصر يضل عنده.
بيوم. العسر. وَالشَّدَه
بأسمك فاز الينادي يبن المصطفى الهادي
يبن العلم والبرهان.
دعينا الواحد الرحمان
يمولانا وتوجهنا
★★★★★
دعينا الباري يرحمنه.
يلبسمك توسلنا
لان انته شفيع إلنه.
يوم العسر والمحنه
بأسمك ياوجيه نضل. بعالي الصوت نتوسل
بجاهك تنطفي النيران.
دعينا الواحد الرحمان
يمولانا وتوجهنا
الشاعر حسن لعيبي الحريشاوي
نعي بحق مولاي لامام الكاظم عليه السلام
على فــراش الجروح امدد الوحدك
تــعالـج سيــدي والســم مرد چبدك
واثـر سطرت السندي طابعه بخدك
بــطاموره وحديد الضـــالم امگيدك
اسيــر امگيد وتشبه علي جـــــــدك
ضــعيف وناحل وثگل المرض هدك
غريب أبلااهل وجـروحك اتــضهدك
بيش ايطـــلبك ويادين اله عــندك
يـــــظهرك من سجن والغيره ايردك
كشر نابه ليش وشن حرب ضـــدك
ميت وحـــدك وانته اشكثــر ولدك
چاوين الرضـا اتــسلم الــه عـهدك
تناطـــر جيـــته هوه الوصي بعدك
ينگطلك امـــــــــيه بيده ويـجعدك
يــــــعدل رگبتك لـــو مالت يسندك
ويغـسل اجنازتك ويوسدك ابلحدك
ويفرشــــــلك الروح افراش ويمدك
◾◾◾◾◾◾◾◾
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي
الفاتحه الى روح والدي،ووالدتي،💔💔
يا إمام الجعفرية
الشاعرة أم زين العابدين اللامي
صوت خادمكم أبو منتظر الإمارة
مسلم المطيري
ياامام الجعفريه. ..انت للعالم قضيه
بسجن هارون. ......بسجن هارون
كلمات الشاعرة/ ام زين العابدين اللامي
قصيده لطلب الحوائح من باب المراد
موسى الكاظم عليه سلام
الموسى ابن جعفر اجيت بلهفه وبشوگ اعتنيت
اطلب امراد اطلب امراد
¢¢¢¢¢¢
جيت للكاظم امامي امحمل اهموم وقهر
اشكـي حالي لبوطلبه وادري ميرجع بشر
اقسم أعليه ببواليمه وبالرضـــيع وبالكمر
خادم يسجلني عنده وخدمته والله فخـر
بگلب مجروح ونخيت بلهفه وبشوگ اعتنيت
اطلب امراد * اطلب امراد
¢¢¢¢¢¢¢¢
يلي عندك حاجه صعبه گوم وتعنه السجين
الحاجه تگضـى بس اندبه هذا أبن الطيبين
من نسل بيت الرساله وجده سيد المرسلين
الله ناطـــــيه هل كرامه عوض آلام السنين
صفي نيتك لواجيت * * بلهفه وبشوگ اعتنيت
اطلب امراد **** اطلب امراد
¢¢¢¢¢¢¢
مستحي منك يموسى مذنب وجيت استجير
طامـع بعطفك اوجودك سيـــــدي كلبك چبير
انحني واسجـــد ابابك لا ترجعـــني كســـــير
كاظم الغيظ بصفـــاتك هــذا طبعك يا امـــير
نظره محبوبي ارتجيت بلهفه وبشوگ اعتنيت
اطلب امراد اطلب امراد
¢¢¢¢¢¢¢
يطمأن كلبي ابحضــــرتك وبضريحك اســـتراح
تمســــــح بجفك دمعتي وانســه آلام الجــــراح
يابعد عمري وحياتي وفدوه الك كلشي ألي راح
المهـــــم ترضــه عليــه واحضه بالحب والفلاح
يمك المدمع جريت بلهفه وبشوگ اعتنيت
اطلب امراد اطلب امراد
¢¢¢¢¢¢¢
انته عنوان الكرامـه امعزب وفاتــح مضيف
وهل ملايين التجيلك بيدك اتكرمه اليضيف
مثل حيــــدر علي جدك چان مأوى للضعيف
وبصلاته هدى الخاتم مخلص الربه وشريف
أبابكم سائل وجيت بلهفه وبشوگ اعتنيت
اطلب امراد ** اطلب امراد
¢¢¢¢¢¢
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي
الفاتحه الى،روح والدي،ووالدتي،💔💔💔
فزاعية لموسى ابن جعفرر عليه السلام
ـــــــــــــــــــــــــــ
الوزن نصف حدي
ــــــــــــــــــــــــ
حضرولة يهل المرجلة
مـات الولـي بزنزانـــة
نــادت بصـوت بنيتـة
طابـع الگيـد برگبتــة
موسى عظيمة مصيبتة
للمـوت مـــــد. ذرعانة
ام وليــ✍ـد الموسوي
ــــــــــــــــــــــــ
مات وعـبرته مكسره
يم راسه ماواحد قره
ويــن الصميده مادره
يوم الولي بچانه
ام علي البابلي
~~~~
يوم الولي ماينحمل
نار الدمع لاجله يهل
فاجع دليلي وبي يسل
روحي عليه حزنانه
ام ✍🏻زين العابدين لمحمداويه
~~~~
وين اليخبرهم هله
تحضرله اهل المرجله
وتحله گيد السنسله
گص الگيد سيگانه
ام ✍🏻رحمه الگاظميه
~~~~
ابزنزانه خلّـص هالـعمر
گلبـه مثل گيض الجمر
يـتـنـطـر احـبـاب الـتمر
روحـه الـهـلـه عطشانه
خادمة آل البيت ع
~~~~
رايد هله تشيل النعش
ودمـوع تربانه ترش
لمصيبته ناح العرش
شال وهجر ديرانه
✍️ام احمد الهاشمي
ــــــــــــــــــــــــــــــــــــــــــــــــــ
ــــــــــــــــــــــــــــــــ
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 18/ رجب / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻