🌴تجمّع الزهراء ع العاشورائي🌴

28 August 2024 11:45

موشح لرجوع السبايا الى ديار الامام الحسين عليه السلام (الدار ظلمه)


الدار ظلمه ... وماحلت بعيوني
وين شلتو ياهلي وعفتوني


الدار ظلمه وشال من عدهه الضوه
وانفطر گلبي وتصدع وانچوه
لابعد نلتم ولانگعد سوه
حايره بدنياي خليتوني
الدار ظلمه ... وماحلت بعيوني


حايره وكلش چبيره حيرتي
وداركم ظلمه وعمتني يخوتي
وين اسولف ضيم گلبي وهضمتي
وانتم ابعيدين ماجيتوني
الدار ظلمه ... وماحلت بعيوني



كلكم ابعيدين عني بكربله
بجالكم هيبه چنت وامدلله
تالي ماتالي ضربني حرمله
خله نيشان واثر بمتوني
الدار ظلمه ... وماحلت بعيوني


صار بمتوني اثر فوگ الاثر
والجدم للدار جاباني وعثر
چا شگول حسين خليته وذر
عن اخوي الوادم ينشدوني
الدار ظلمه ... وماحلت بعيوني


تنشد الوادم عله ابن امي وشگول
فوگ صدره الخيل شفناها تجول
اشلون اوصف فرگته صعبه وتطول
عالحنين امعلمه تعرفوني
الدار ظلمه ... وماحلت بعيوني


روحي ماتسكت تون اعله الحنين
چا شگلهه لو اجتني ام البنين
والبطل مهشوم راسه والجبين
گطعو اچفوفه العده وفجعوني
الدار ظلمه ... وماحلت بعيوني


عالنهر عفت الچفوف امگطعه
للنزل رديت روحي اموجعه
ماجبت بس الحزن والفاجعه
بس حرم واطفال اجت بضعوني
الدار ظلمه ... وماحلت بعيوني



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

🌴تجمّع الزهراء ع العاشورائي🌴

28 August 2024 03:56

قصيدة لرجوع السيدة زينب للمدينة ولقائها مع ام البنين عليهما السلام


يمة يازينب انشدچ    ياضــوة العـين

 شغير رسومچ ييمة    وماهو الحسين

عباس واخوانة اربعتهم    وفوا حليب الرضعتهم

--------------------------------------------------
احســــــين كَليلي اعلى حالة يالعـقيلة

تچوي الكَلب عدچ احــس ونة ثجيلة

بعيــــــونچ ايبات الســهر ما نمتي ليلة

شنهي الجرالة وسفرتة صارت طويلة

ظنيت وياكم اشوفة    واتنة الظعون

فركَاه تجرحلي دليلي    وتاخذ عيون

الحيود شنهي سالفتهم   وفوا حليب الرضعتهم

------------------------------------------------ 

شحچيلچ وابدي يطــــيبة ابيا مصــــيبة

العباس ما ظاكَ العــــذب طاهر حليبــــة 

كل اخوتي انچتلوا ظلم وانة غريــــــبة

وظليت مكسورة جنح صرت السليبة

بحبال مچتوفة واحشم   ويـن الاخوان

حادينا چتال اخـوتي   وحراس عدوان

عالغبرة اخوتي عايفتهم   وفواحليب الرضعتهم

------------------------------------------------ 

ربيــــت واسهرت اللــيالي اجر ليالي

يايمة ابن ام الحــــــسن تدرون غالي

يولادي توفــــون الربة چان ابتـــهالي

وافوا اخيهم مانســوا تعبي ودلالي

فدوة كَليـلي ييـمة   بكربلة اشصار

ماشفت طول العزيز   ابكَلبي النـار

اولادي كلهم فاديتهم    وفوا حليب الرضعتهم 

------------------------------------------------ 

يم الوفــة ما كَصــــروا ولـدچ يحــــرة 

هالكَد حليبچ بي وفة وعيــــون حمرة

العباس كافل محمــــلي مكَطوع نحرة

شحچيلچ حسينچ بقى مكسور ظهرة

تدرين ياكــل بالكَلب   يافكَد الاحــباب

وفراكَ خواني سهم   لب الكَلب صاب

واحد الواحد ودعتهم    وفوا حليب الرضعتهم 

------------------------------------------------ 

للدار طبيـــــتي ودليلي اعليچ مفجـوع

محفور بخــــدودچ شفت انهار الدموع

شفت القميص ادوهنت اشلون منزوع

آثــــار بي دم ولحــــم وتكسر اظــــلوع

اشلون داســــتة الحوافر   وين الاولاد

چا موش كَلتهم اخوكم    لب الفــــواد

لحسين كلهم ناذرتهم    وفوا حليب الرضعتهم 

------------------------------------------------ 

خافن تموتين من سولف شنهي وضعة

سهم البچــــبدة تحـيرت اشلون اطلعة

الخيل تـســحكَ عالصدر ويون اسمعة

ابن امي فاركَتة وبـــــقى بالعين دمعة

ودعتة وانة اعلى الهزل  والعين حمرة

والراس مرفــوع برمح   مكَطوع نحرة

مسبية اخوتي مفاركَتهم    وفوا حليب الرضعتهم

------------------------------------------------ 


أسألكم الدعاء    رائد الاسدي

🌴تجمّع الزهراء ع العاشورائي🌴

27 August 2024 00:58

فزاعية للرسول الأكرم محمد(ص)

~

عيني ام الحسن عالمصطفى اليوم

ودگي اعله الصدر وعازي المظلوم

~~~~

دگي اعله الصدر والونه عليهه
زهره  بالنبي  هاليوم   عازيهه
وبدمعة حزن فاطمه نواسيهه

   ( مغرب عنه... شال بهل لليله)

~~~~

مغرب ياحسافه   مرسل   الامه
دنيه خلاف عينه موحشه وظلمه
ابو ابراهيم  غاب  وغيبته عظمه

       (لبنيه اتنوح... امخليهه)
~~~
تنوح الطاهره  عالوالد  بحسره
بعده يروح محسن يالنبي بعصره
مگيدين الوصي  ياريتك   تنظره

    (يا وسفه الحيد... مگيدينه)
~~~
مگيدينه علي وضلوعي كسروهه
بتك    يا  لرسول  اعداك   اذوهه
وبنار   الحقد     دارك    يشبوهه

   ( اصحابك بويه... يظلمونه)
~~~
يظلمونه يبويه بعدك اصحابك
وبنار الحقد  يحرگونهه   بابك
ما خافو الباري  وراعو اغيابك

  (بتك يالهادي...  ايصطروهه )

~

تمت والحمدلله ✍ خادمة أم ابيها الشاعرة أم علي الحلفي

               نسألكم الدعاء

🌴تجمّع الزهراء ع العاشورائي🌴

26 August 2024 23:31

قصيده للرسول محمد
تقرى مربعه وبعدة اطوار

المستهل

شيلي ايدج لبو ابراهيم شيليها
وزهره ام الحسن هاليوم واسيها

•───✧◐🕊🌻🕊◐✧───•

رسول الله توفه وخالي امجانه
وابنيته عليه هاليوم حزنانه
كلنه نصيح نهتفله يمولانه
اللطمه اعله الرسول اليوم عدليها

•───✧◐🕊🌻🕊◐✧───•

يستاهل لطمنه وكل تعازينه
الون والنوح يحلالك يهادينه
ننوح اعليك يالشخصك امضيعينه
الدنيه اخلاف عينك لاطعم بيها

•───✧◐🕊🌻🕊◐✧───•

صدرج بالطم هاليوم وسعيه
على امصاب الرسول الصدر كسريه
تعبانه الزجيه وتلطم اعليه
اليوم ام الحسن بالونه عينيها

•───✧◐🕊🌻🕊◐✧───•

عيني الزاجيه وتكابلي اوياها
ابو ابراهيم راح وكطع رجواها
ياروح النبي وهالأسم سماها
حزنانه وتون كل حيل مابيها

•───✧◐🕊🌻🕊◐✧───•

كلمن لاطمه الزهره تسجله
وبالمحشر رسول الله تقبلهه
وحاجاتج الصعبه بيده سهلهه
الدمعه اعله النبي كل نار تطفيها

•───✧◐🕊🌻🕊◐✧───•

بقلم ✍🏻المله والشاعره ام علي الأماره
غير مبري الذمه اليحذف اسم الشاعره وينسب الكلام له

🌴تجمّع الزهراء ع العاشورائي🌴

26 August 2024 23:30

بويه ارحلت عني غبت وانه الوديعه فاطمه
،،،،،،،،، ،،،،،،،،، ،،،،،،،،، ،،،،،،،،، ،،،،،،،،، ،،،،،،،،،
بويه ماأحمل غيابك يا رسول العالمين
بالدمع والأه بعدك جارت اعليه السنين
بويه بعدك مارعوني وانه بت طه الامين
خالفو بويه وصيتك وانته سيد المرسلين
بويه ابهظم انه انظلم وانه الوديعه فاطمه
،،،،،،،،، ،،،،،،،،، ،،،،،،،،، ،،،،،،،،، ،،،،،،،،، ،،،،،،،،،
آآه يابويه شوصف شفت يابويه العجب
تحاشمت اهلالسقيفه شعلوابداري الحطب
انكسربالباب ظلعي وانه بت سيد العرب
بويه يسطرني اعلاعيني بالدمه گامت تصب
لوعوني او عذبوني وانه الوديعه فاطمه
،،،،،،،،، ،،،،،،،،، ،،،،،،،،، ،،،،،،،،، ،،،،،،،،، ،،،،،،،،،
ماوفو بويه ابوصيتك خالفو خير العمل
چم مصاب الصار بيه بويه اذكر يازعل
فگدك وظلعي التصوب لوعلا المحسن رحل
انته كل عمري اوحياتي راح اظل ابلا اهل
ماظل امل بس الاجل وانه الوديعه فاطمه
،،،،،،،،، ،،،،،،،،، ،،،،،،،،، ،،،،،،،،، ،،،،،،،،، ،،،،،،،،،
بويه من بعدك حزينه اوعالبواچي اتعلمت
هل مصايب والنوايب بويه بغيابك شفت
بويه ياوالي اليتامه انه بيك اتيتمت
اموسده وسادالمنيه بويه بعدك من رحت
بالمصايب والنوايب وانه الوديعه فاطمه
،،،،،،،،، ،،،،،،،،، ،،،،،،،،، ،،،،،،،،، ،،،،،،،،، ،،،،،،،،،
لشاعر اهل البيت عليهم السلام
خالد عامر الزيادي

🌴تجمّع الزهراء ع العاشورائي🌴

26 August 2024 23:29

مات النبي المؤتمن
وأبتدت كل المحــن
من يوم كالوا هجر
سنوّا أساس الفتن
* * * * * *
قبل المنيــــه نبينـــــه     ثبّت أساس الشريعـه
وثبت ولايــــة علينــــه     وأصحابه كلها تطيعـه
وأوصى أبضعته الوحيده   فاطمه الزهره الشفيعه
لاچن ضغاين دفينــــــه     تخفيها أهل الخديعه
من جيش أسامه أجو
وألأمر طـــه عصــــو
بساعة البيها أحتظر
سنوّا أساس الفتن
* * * * * *
صاح النبي بالصحابه     يصحابي گربت منيتي
قرآن الله وعترتــــــي     يصحابي همه وصيتي
يبشــر الوآلــه عترتي     يبشر الجنــــــه هديتي
العاداهم آنـه خصيمـه     لن هذا رايد أذيتــي
والعالنبي حاقـده
بعده ظلمهـــم بده
بس مات خير البشر
سنوّا أساس الفتن
* * * * * *
أجتمعوا أسلاف النواصب     وأتناسوا أهل الشرافه
فعلوها أهل السقيفـــــه     أتنصبوا وبكل صلافه
طعنوا الامــــــه بفعلهم     لبسوا رداء الخلافــه
فرقــــوا أمــــــة محمد     وظلموا العتره وسافه
يدرون حيدر ولــــي
وأمنصب أمن العلي
ومن دروا حيدر صبر
سنوّا أساس الفتن
* * * * * *
خالفوا أحمد نبيهــم     خالفوا ألله وكتابه
عالعتره صبوا حقدهم    وللنبي جانوا صحابه
أتعنوا البيت الوديعه     وبالحطب حركوها بابه
فاطمه بنته الحبيبه     العذبها رايد عذابــــــه
وشكد حمل حيــدره
أمن الزمره الجائره
أعليه الحقد من ظهر
سنوّا أساس الفتن
* * * * * *
من غاب بدر النبـــــوه     الزهره غيابـــه فجعها
أتوالت عليها المصايب     مانشف مجـرى دمعها
الطاغيـــه ليها تعنـــــه     وبالباب لمــــن سمعها
أبكل قســـاوه عصرها     ظالـــم وهشــــم ظلعها
أتجاسر الطاغي وقسه
من سطر خير النســـه
ومن يوم خدها أنسطر
سنوّا أساس الفتن
* * * * * *
                          سلام المشعل
 

🌴تجمّع الزهراء ع العاشورائي🌴

26 August 2024 23:27

شور شهادة ابا القاسم محمد ص
..........

ماذا على من شم تربة أَحمد

أن لا يشمَّ مدى الزمان غواليا

صُبَّت عليَّ مصائب لو أنها

صُبّت على الأيام عُدن لياليا
............

اول مره
وجه الغبشه يلوحه اتراب
اول مره
بردان  مصله  المحراب
اول مره
يمشي محدب داحي الباب..... اول مره
يازهره بلا ماي الزهره اتموت
دمعج من يطيح يطلع صوت
ما ينقص شي من عمر التابوت
بس ياخذ روح وحيل الزاتوت
جفنك غفه..... يالمصطفى...وليل ام حسن ليل
تبجي دمع..... لاخر ضلع...... بي تسحك الخيل

...............

ليل الفركه
يفتح  باب  لخنكة  مغرب
ليل الفركه
كلشي الباقي بعمرك يسلب
ليل الفركه
لو جاس الدلال يشيب...... ليل الفركه
يارحمة ربي وياا اجمل نعمه
بس وياي فراكك مابي رحمه
ماكدر وبدونك ما انه معلمه
بويه اريدك والله يريدك  يمه
بيه الحزن... اصبح وطن.... يظفرني ليل هواك
دنيه بعد.... ماتسوه ابد.... ادعيلي اموت وياك

...........

لا مو وكتك
يابويه وكلشي بدنياي
لا مو وكتك
ياصاحب كلبي وتجواي
لا مو وكتك
بسكته فراكك مثل فياي..... لا موكتك
مشتاكه لحظنك بردانه ضلوعي
مكابلني حسين ويمسح بدموعي
صار فراكك سالفتي وموظوعي
اشعل والحصرات اطفي شموعي
انته الهوه..... انته الضوه.... وينك بويه تعال
بعدك تره...... متحيره..... ياابو العز والدلال

..........

يا خيمتنه
غالي وعند الله شكد غالي
ياخيمتنه
يابختي ويا سدي العالي
ياخيمتنه
شوف شصاير انه بحالي ياخيمتنه
فراك الوالد يكتل بالهم دربه
محد بشعر بي بس المجربه
جلمة يابويه تضل تمرد كلبه
مابين احبابه ويحس بالغربه
كسر جنحي....الم جرحي..... حزن روحي مزار
عطش سنيني.. بيني وبيني... انكطعت الاخبار

..............


الشاعر مصطفى الحسني

🌴تجمّع الزهراء ع العاشورائي🌴

26 August 2024 23:26

گعدة نجفية استشهاد الرسول ( ص )

              (اكتب يارسول الله)

            اكتب يارسول الله كتابك
          مامضمونه هالناس بغيابك
وادم مو نظيفة…. .. التمت بالسقيفة
         اكتب يارسول الله كتابك
                           ** *
صوت احبابك ينادي.   يارسول الله محمد
ليش بستان الصحابه.  بحب علي مايوم ورد
وليش رغم التعب كله عوده ضل ذبلان واجرد
        
         ومن صحت قرطاس وقلم
               بيهم  تحرك  كل صنم
            ورفضوا الماعدهم  ذمم
                والتعصب بيهم اشتد
  
         جنهم بالتريد تكتبه يدرون
   وگامت عالحواجب تعله العيون
وناس المو شريفه. …… .التمت بالسقيفه
                           ***
هاي يالمرسول زمره  تعيش كل همها المكاسب
جفوفهم حلوه ونضيفه  وتخفي بسدها. مخالب    
ناس لادين وعقيده.    منها راس الطفل شايب
                       
               هالوادم تحن الهبل
             بلكت يرد عدها امل
            بعقولها يعيش الجهل
             ودينهم مودين كاذب 

       وادم ربهم من التمر صنعوه
    واذا جاعوا بخبز شعير عجنوه
هالافكار السخيفه. ……  التمت بالسقيفة
                                **** *
اكتب الرايد تكتبه.   واكشف  اللثام  المصالح
ولاتهم بالمايوافق.    هاي ناس الطاح رايح
سيدي واكد الحقيقة. والحقيقة سيف جارح
                
               وضح الهم الحق الجلي
                 وكلهم خليفتكم علي
                 وغيره فلا الكم ولي
                  واليتبعه. دوم رابح

            ولاية حيدرة اكبر تجارة
           بس شيقنع العقله احجاره
وين العقله جيفه……  التمت بالسقيفة
                            ***
وانت بفراش المنيه  يالنبي وكسروا قرارك
اجتمعوا باقذر سقيفه.  و حاربوا وردة خضارك
وبايعوا سامري الامة. ومانفع بيهم انذارك
                  
              والمشهد اوياك الجره
              كل عصر نفسه تكرره
              وتطلع سقيفه عاهره
          بكل زمن تطعن انصارك

       وكل يوم السقيفه تطلع بلون
       ويحط اعلامهم للفاره. گرون
واجتاف الخفيفه .……  التمت بالسقيفه
                          **
وبزمنه جم سقيفه    لبست اثياب القداسة
وحرب ضد. انصار   حيدر مستمره بكل شراسه
والمصيبة بعض منه.  خدعته. اوهام السياسه
                  
          واليدعي  شيعي ومحب
           ماطحنه باليوم  الصعب
          وشامت طلع مثل الغرب
            وبالوهم متروس راسه

        مصيبتنه. التشمت منه بينه
   يراد اعله ضهره  انحط. طحينه
الزمرة  المو عفيفه  … .. التمت بالسقيفه
                           *            
                   المصيبة

ثابتين اعله المواقف. وحب علي لامانبيعه
احنه احنه البينه حيدر  يفتخر ويكول شيعه
احنه بحلك الصوارم  اركابنه. تفدي الشريعه
               
               وگفتنه وكفات الزلم
             وبينه يضل هذا العزم
                 ومنه عهد ماننهزم

لحد ما ينهض حفيدك  ورايته ترف عالبرية



سيد اياد الغالبي

🌴تجمّع الزهراء ع العاشورائي🌴

26 August 2024 23:25

قصيدة لأستشهاد الرسول الاعظم محمد عليه وعلى آله الصلاة والسلام
-----------------------------------------

أخو علي مات
نفس علي مات
مثل الحسين بدون آخيه
محني الظهر هاي المسيه
علي ،، علي

****

الله اليعينك يا علي بهاي
كسرة محمد تاخذ هواي

تاااااخذ كلشي
ميت تمشي
رايح شوفك
موت ايطوفك


تاخذ حيلك تاخذ ليلك تاخذ شمسك تاخذ روح
تاخذ منك أعظم مرسل ما تتحمل چن مذبوح
الله يساعد گلبك حيدر گاعد بس چنك مطروح
روحك هوه وطلعت روحك لو راحت چا وين تروح

الله ايعينك ،، الله يعينك

فجر صبح ليل
بعد مشى الحيل

آه يا ونين المغربيه
محني الظهر هاي المسيه
علي ،، علي

------------------------------------

چن روحه ميته وحيله رايح
يمشي اعله طوله وچنه طايح

روحه تعوفه
ميته چفوفه
گلبه وعينه
الله ايعينه

كلهن ماتن ماظل عايش لمن فارگ طه شلون ؟
طلعت روحه ويمسح بيهه بوجهه ويبچي أوهل عيون
آه ياخويه المثل الوالد هاي حچايه تهد الكون
بنتك يمك رادت صوتك موتك والله ايطيح امتون

يا والينه ،،، يا والينه

مشى وراح العمر
تظل حسره وگبر

ما تبقى لا رحمه وحميه
محني الظهر هاي المسيه
علي ،، علي

---------------------------------

غمض عيونه وضمه من مات
باسه بلحيته وشمه شمات

صاح الهيبه
منين انجيبه
يا بعد اهلي
ما تگعدلي

حيرة موتك ما تتوصف لا تنقاس بأي مقياس
الرحمة شلون تموت گبالي وتبقى الدنيا بلا انفاس
ماشي وتارك وادم غربه صعبه انوصفهم مو ناس
خنجر ظهرك صار بظهري ومن هسه الطبره اعله الراس

كلهم خانو كلهم خانو

وعد گالو چذب
ولا بيهم محب

بيوم الغدير اوبلوصيه
محني الظهر هاي المسيه
علي ،، علي


-----------------------------------------


بضعة محمد فاطمه تنوح
گالتله اروح وياك يا روح

بويه شلونك
رايح لونك
بس حاچيني
يا ضي عيني


انه بدونك يصعب حالي راح اتيتم راح انصاب
لا ضلع اليسلم من عدهم لا ابني ولا حتى الباب
موتك بويه باب الموتي ابنيتك تالي اتصير تراب
هذا الكون الصاير النه بهاي الدنيا انعيش اغراب

رايح بويه ،، رايح بويه

وطن غفى ونام
ترك ألم عام

تارك وجع حد المنيه
محني الظهر هاي المسيه
علي ،، علي



-----------------------------------------


هسه ابتدت نار السقيفه
يتنصب الما هو خليفه

يهجر گالو
علحگ مالو
طبو داري
تلهب ناري


عصرة فاطم موت المحسن كسر الضلع وحرگ الدار
كلهن صارن يابو القاسم من فارگتك شبو نار
وانه اموصى او لوما كلمه انطيتك اصبر لا چا صار
نفس الصار بمرحب بيهم چفي اليطبر مو فقار

غمضت عينك ،، غمضت عينك

بقى ألم باب
وجع فلا طاب

علمحسن الدمه قضيه
محني الظهر هاي المسيه
علي ،، علي



كلمات الخادم / رعد الفريجي

🌴تجمّع الزهراء ع العاشورائي🌴

26 August 2024 23:25

قصيدة لاستشهاد رسول الله عليه وعلى آله الصلاة والسلام

،،،،،،،،،،،،،،،،،،،،،،،،،،،،،،،،،،

الما يمهه والد تنكسر   وتطول الونه
يابويه  مو مالت بعد يلشوفتك جنه
ونيت يم   راسك   واحاچيك
غمضت عينك وانه اشم بيك بويه

،،،،،،،،،،،،،،،،،،،،،،،،،،،،،،،،،،،،،،،،،،،


يا ماي عطشانه وردت من وجهك الماي
الما عدهه والد ما تسد وحشتهه الهواي
يا موت حيل استعجلت شو من وكت جاي
العايفهه ابوهه  شما   تون  ما تطلع براي

تانيني يا موت انتظر
يا  جنه مدفونه بگبر ؟

وي   والدي  بهداي  اوصيك
غمضت عينك وانه اشم بيك بويه

،،،،،،،،،،،،

مهيوبه بويه ولا يمر خوف اعله بالي
ما دام   سالم    ما  يهم كل  الجرالي
يا غالي مثلك وين اكو  يا اغله غالي
حاچيني  چنهه اتحزمت سود الليالي

افتحلي صدرك والحظن
بنتك   تره   ويمك  تون

شنهي اليبعد الروح ماذيك
غمضت عينك وانه اشم بيك بويه

،،،،،،،،،،،،،،،،،،،،،،،،،،،،،،،،،،،،،،،،،،،


شبساع  تذبل  يا ورد متگلي شبساع ؟
يلساكن بنص الگلب لا تسكن    الگاع
لا وحگ شيبة والدي  ما  أحمل وداع
ضيعت كلشي بغيبتك حتى العمر ضاع

معذور  يا نبض الگلب
فگد الابو كلش صعب

لو راح منك  ما   اخليك
غمضت عينك وانه اشم بيك بويه


،،،،،،،،،،،،،،،،،،،،،،،،،،


محتاره   اظل   بدنيتي  لتغمض  العين
وياي   شد  حيله  الدمع  ما قصر  البين
چلماتك  الكلهن  هلا  والملگه چا  وين ؟
يمك   واريد   امروتك   لتمد   الايدين 

لتسبل ايدك مو   متت
چاوبني بويه اتمرمرت

باريتني  وكل ظني اباريك
غمضت عينك وانه اشم بيك بويه

،،،،،،،،،،،،،،،،


يا بويه خلصت  وانتهت  غطاك   التراب
من بعد عينك  يلأبو  ما   ظلت   أحباب
راح  الامان   بموتتك  وگليبي    ينصاب
من هسه محسن يستعد للعصره  والباب

والدار  باچر  تحترگ
وتخلص الناس الصدگ

الينسطر خدهه اتعاين اعليك
غمضت عينك وانه اشم بيك بويه


،،،،،،،،،،،،،،،،،،،،،،،،،،،،،

  كلمات  الخادم
    رعد الفريجي

🌴تجمّع الزهراء ع العاشورائي🌴

26 August 2024 23:25

بعد وفاة والدها بفتره ذهبت الى قبره وهي محمله بالدمع والامنيات والذكريات
،،،،،،،،،،،،،،،،،،،،،،،،،،،،،،،،،،،،،،،،،،،،،

ذكرتك  واعتنيتك   بيه  ما   بيه
ولو شنساك ؟ انه الصرت منسيه
اغمض عيني  واتذكر  دلالك
يبويه ابنيتك بحسرة خيالك  ذكرتك

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عشت  بس والله  مجبوره
جنازه     بديره   مهجوره
ياهو اليدري گلبي  شضام ؟
بس   انته  وصرت صوره

اباوعلك  واريدك   صوت
وارد     واتذكر   التابوت
وينك  ما  شفت   عدلين
بعدك  گمت احب الموت

يبويه  اتأكدت  هسه اليتم حيره
اليفگد والده  شتلمه  يا   ديره ؟

شخلي الگلبي  ما يرهم بدالك
يبويه  بنيتك  بحسرة  خيالك  ذكرتك

،،،،،،،،،،،،،،،،،،،،،،،،،،،،،،،،،،،،،


يتيمه    أمبين       أعليه 
ملامح      وجه    مسبيه
خلف الله اعله ثوبك هاذ
أگله    شبيه      ما    بيه

اشمن    ريحتك    وارتاح
سماي  تريد   رف   جناح  ؟
انه الصبخه النساني الماي
انه الشيب  الحنى   الفلاح

اريدك   والگبر   سير  على   أحلامي
انه احتاجيت طولك يمشي   گدامي

بعد محرومه من لذت  سؤالك
يبويه  بنيتك  بحسرة  خيالك  ذكرتك

،،،،،،،،،،،،،،،،،،،،،،،،،،،،،،،،،،،،،،،

اجيتك     والگبر   دافي
واحسك تمسح  أجتافي
حچيت  وياك   وتمنيت
اشوفك مو متت  غافي


واگلك   بويه  نمت هواي
شد  حيلك  دگوم   وياي
شنهي  اتگضك    التربان
ضيف احسبني يمك جاي

يا  چلمة  هلا   شمحلاهه    بشفافك
تره  الدنيا   ولتني  ومتت   بخلافك

گوم   وشوف  ياهوه  أعتنالك
يبويه  بنيتك  بحسرة   خيالك  ذكرتك

،،،،،،،،،،،،،،،،،،،،،،،،،،،،،،،،،،،،،،،،،،،،،،


ترى  الخيمه  تطيح بساع
انته   بعيني   كل    الگاع
ستري  وهيبتي  ومدفون
رباط  الحچي  الما  ضاع

أشورك   وانته جوه   تراب
واتاني وحلمي صار   الباب
اعرفك   ما   تردني   بيوم
أبوي  انته الوفي الما غاب

غريبه   وگمت  أدور  صوتك  الدافي
يا   بيت  النودهم  موحش   وطافي

دحاچيني البعد  چنه   حلالك
يبويه  بنيتك  بحسرة   خيالك  ذكرتك

،،،،،،،،،،،،،،،،،،،،،،،،،،،،،،،،،،،،،،،،


على   تراب الگبر  موتي
حچيت وما طلع صوتي
تراني    بعازتك    والله
بعد    معتازه     تابوتي


اجيك     وننجمع     ميتين
النجف يدرينه     مشتاگين
أريدن     يمك         أوياك
تكتل     وحشة      العدلين

أخذني   اتعذبت  هالدنيا    خلصانه
منهد     ما   فارگيتك   وانه   تعبانه

اباوع   علگمر   واذكر   جمالك
يبويه  بنيتك  بحسرة   خيالك  ذكرتك


كلمات الخادم  /   رعد الفريجي

🌴تجمّع الزهراء ع العاشورائي🌴

26 August 2024 23:25

نزال..

ضلو ابلايه ولي = ام الحسين وعلي
يتامه يالنبي
-------****------
هاي ليله تمـــــــرنه على استشهادك
بيهه جبريل اجه اينوح يعزي اولادك
ربك اشتـــــاگ الك حيل يطه ورادك
وانته لبيت أله وحــان وقت ميعادك

اليوم وي رب السماء = سيدي حان ألقاء
يتامه يالنبي
-------****-------
ابموتت الدين ابوحسين ينوح وحاير
يالنبي اليـوم بالــــوداع يتيمك صاير
رمشه بي شيــــب كثر ما يهل الناظر
صعبه وشلون للگبــور حبيبه ايسافر

ضل يقبله ابشفته = ماتساعد حالته
يتامه يالنبي
-------****------
ستـــأذن المــوت قبل لا يطب الدارك
يطرق البــــاب الك جاي مثل خطارك
يبو القاســـم عظيمه وعجيبه اسرارك
بجنحه جبريل يمولاي يقمض انضارك

بحضن حيدر من متت = جروح بيه اشگد عفت
يتامه يالنبي
-------****------
فاطمه اتنوح والجـروح بدت تاذيهه
العين بركان والدمــوع جمـر تبچيهه
ذابت الروح على امهه ورحل هاديهه
ثانـــي امصـــــاب يمرهه ويأثر بيهه

آه ياليـــل الحزن = بيه مفجوعه وتون
يتامه يالنبي
--------****--------
اظلــم الكـــون يمولاي ونــورك غايب
ليل الفـراگ فجعنه شكثر هـــم جايب
الحسن وحسين بالمصاب گلبهم ذايب
يتمتـــهم والدمــــــوع يطـــه اتعـاتب

ليش عايفنه بألم = حيلنه اليله انهدم
يتامه يالنبي
-------****-------
الخادم
كامل السعيدي

🌴تجمّع الزهراء ع العاشورائي🌴

26 August 2024 23:25

مقدمه.. ليلة استشهاد النبي الاكرم محمد ص

الله يعيــنك الله يعينك
ياعلي الليله الله يعينك
ـ****ـ

عظم الله اجرك يحـــيدر هالمسيه
راح عنك هيـــــــبة الزهره الزچيه
ابد مايرحم بشر ســـــــــهم المنيه
شحال گلبه البيده يحفر گبر اخيه

الله يعيــنك الله يعينك
ياعلي الليله الله يعينك
ـ***ـ

افراك اخيك موسهل ويصـــدع اگلوب
اتضيگ بيك الوسعه كل مامرك اغروب
ياعلي اشــما تطب داره روحك اتذوب
المــوت حال ابينكم وبعيـــده الدروب

الله يعيــنك الله يعينك
ياعلي الليله الله يعينك
ـ*ـ

ندري صعبه المحب من يدفن حبيبه
ينكسر ظهــره وفــلا يســـكن نحيبه
اليله ظلمه وآه ياليل المصـــــــــــيبه
وحشه دارك والبدر اعلن مغــــــــيبه

الله يعيــنك الله يعينك
ياعلي الليله الله يعينك
ـ****ـ

اوياك تنعه البسمله والقل هوه اتنوح
اليله زحمة نايبــات اوزحمة اجـروح
حلم فاطم يا حســـافه اليله مذبوح
الفرح سـد بابه وحزنكم بابه مفتوح

الله يعيــنك الله يعينك
ياعلي الليله الله يعينك
ـ*ـ

✍الخادم
كامل السعيدي

🌴تجمّع الزهراء ع العاشورائي🌴

26 August 2024 23:24

يابو الزهره يابو الزهره
ما ناسينك يابو الزهره
================
ماننساك وعايش بينه
ومصابك حيل امأذينه
يا زمزم بيك اتوضينه
ننعاك ابكل نوح وعبره
================
مجلس ننصبلك وقرايه
ونسير باسمك مشايه
خطينه اسمك فوك الرايه
نبجي ويم حيدر بالحضره
================
ماتشفه وبالروح اجروحك
يمضحي لخاطرنه بروحك
واجب مثل حسين انوحك
والي يخدمك يكبر اجره
================
نار امصابك ضلت تسعر
جرحك كل ما نكبر يكبر
يبجي لفكدك حته المنبر
تحضر فاطم تبجي بحسره
================
وي الهاب اسمك ضل ينشم
لجروح البينه انته البلسم
حزن افراكك بان وخيم
ضل ينعاك الكون باسره
================
ذكرك باقي وما يتبدد
واليمشي ابدربك يتخلد
وداعة من عالغبره اتوسد
نتباها بحبك وانته ادره
================
يمته نزورك ونشم عطرك
محرومين انطوف ابكَبرك
نروح لحيدر يمه انذكرك
يتشابه وي عطرك عطره
================
انصبنالك موكب خدمه
ياسيد كل هاي النعمه
العافك يوم المحشر يعمه
حيره هناك ايحير بامره
==========حسين المحامي

🌴تجمّع الزهراء ع العاشورائي🌴

26 August 2024 23:24

على سيد البشر صبيت الدموع
   وگلبي وي مصابه اليله مفجوع
      بعبراتي        محتاره الاه
                                       *
   انعزي الزهره لـــــو سيد البريه
   على مصاب النبي تنوح الرعيه
   البچي والنوح ظل بس للزچيه
      نواسيها      بدموع العين
                                        *
   تصب ادموعها لــو چلچل اليل
   ولبوهــا راح منهه بــايــد الحل
   اليله الغالي منهه يـغرب يشيل
      يودعونه      احبابه اليله
                                        *
   كسر دلالــهه مــــن راح واليهه
   يتيمه خلاف ابوها هيه تاليهه
   بس طاريه صارت يامحاچيهه
      مالومه        تريد الغالي
                                        *
   الله يساعدچ لـــو مــر الغروب
   وي گلبچ بـــعد يــرادله اگلوب
   تمر ساعات بــي برهدنه يلوب
      يلچمونه      اهات البي
                                        *
   البويه البيهه تنگط مــن حنانه
   ومــن يوم المشه ماصح امانه
   بــويــه الظيم مـن بعدك ولانه
     حاچيني    محتاجه البويه
                                        *
   يلمعدل الشـرايـع والسـنن كلهه
   چلمة بويه مــنك مـــن يعادلهه
   روحي تريد مني مايصح خلهه
      بعيوني    ضمية ارسومه
                                        *
   ابوحيدر
   الصبيحاوي

🌴تجمّع الزهراء ع العاشورائي🌴

28 August 2024 03:57

#حصريا 🔥💔😭

نعي خروج السيده زينب من كربلاء الى المدينه

اخت وتريد توادع اخوها شلون تودعه وترجع للديار الخاليه لرض المدينه شلون حالها 💔💔💔
كعدت يم الكبر وصاااااحت


يخويه مودع الله اليوم ماشين
ماتكعد تكوم ويانه يحسين
لرض المدينه تردنه يحنين

•───✧◐◐✧───•

يحسين خويه كوم ليه
لبيوتنه نرجع سويـه
وترجع ليالينه الزهيه

•───✧◐◐✧───•

حملي ثجيل يريد والي
وانتم على الغبره الغوالي
واختكم نحيله وهذا حالي

•───✧◐◐✧───•

ثلث تيام يمك ماشفتنـي
ولا كلت هايه عمت ابني
حنينه اخيتي وجايـتني

•───✧◐◐✧───•

دربنه طويل يريد شجعان
وانتم صفيتو حدر تربان
واختكم ترد والحيل تعبان

•───✧◐◐✧───•

شينسه عشرتي اويه العزيزين
ياروحي موتي ولا تظليـن
عليهم يكون اعميچ ياعين

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

🌴تجمّع الزهراء ع العاشورائي🌴

28 August 2024 03:56

*زينب تصبح في كربلاء يوم الحادي والعشرون من صفر*
*يا موالي مولاتنا زينب ع كيف نصبت عزاءها عند قبر الحسين ع صبيحة يوم الحادي والعشرون هل أطبقت جفنيها عند قبر اخيها المظلوم الشهيد المذبوح تبلل قبره بدموع عينيها ~* لحن ساعة وداع الرچيه للشيخ المعاتيق~

راحت بونّه تِودعه يا ضيا العين ~ يا ضيا العين~
صاحت وهلّت الدمعه خويه يا حسين خويه يا حسين~
شلون افارگ هالگبر
يا ضيا عيون العمر
〰️〰️〰️〰️〰️
شمّت التربه الزكيه آيمظلوم آيمظلوم~
يا ذبيح الغاضريه ظامي محروم ظامي محروم~
ما ذقت ماي الشرب
يا ذبيح على الترب
〰️〰️〰️〰️〰️〰️
دارت العين ببچيها حان الوداع حان الوداع
وعالگبر نادت وليها بصرخة اوجاع بصرخة اوجاع
عنك انه راحله
والمدامع سايله
خادمة آل محمد✍🏻

🌴تجمّع الزهراء ع العاشورائي🌴

27 August 2024 00:57

نعي سيدة النساء تنعى أبيها محمد صلى الله عليه واله وسلم


ها يانبي الرحمن خانوك
ربعك الجانو من يصحبوك
بعدك امدد واجو طلبوك
ارتدو لاصلهم أهل الأصنام

لملمها ابن صهاك عدوان
ولصاحبه يطلب السلطان
يطلب البيعه على البيبان
ارتد ونكر كل دين الاسلام

بعدك يبو الزهره ولوها
صحبك يبوها ومارعوها
اشكد بظلمهم لوعوها
عيالك صفو يالهادي أيتام

ياعلي فاطم ونت شلون
ياسيف يالتعبت المتون
شلون العدى لبابك يحركون
وانت الوصي ياليث الإسلام

ال من كبل بالحومه يشردون
صارو على بابك يهجمون
ليث الحرايب بيك يدرون 
بسد الوصيه صارو ازلام

جن مانزل بالزهره قرآن
ولا وصى بيها نبي الرحمن
كسرو ضلع خيرة النسوان
الكالو صحابه اصبحو ظلام



محمد النوري


      

🌴تجمّع الزهراء ع العاشورائي🌴

26 August 2024 23:30

#فزاعيه_للرسول_محمد

#المستهل

اليوم مفكود النبي
والمسجد يسدونه

•───✧◐🕊🌻🕊◐✧───•

مفكود ياركن الهدى
واظلمت انوار السما
يبجي عليه المرتضى
اليوم النبي يفكدونه

•───✧◐🕊🌻🕊◐✧───•

نبجي ونون يم بابه
فاجعني آ يمصابه
خالي صبح محرابه
واحبابه ايشيعونه

•───✧◐🕊🌻🕊◐✧───•

الشيعه اصبحت حزنانه
نصبت عزيه اويانه
تكول النبي خلانه
والفكدك يعزونه

•───✧◐🕊🌻🕊◐✧───•

دار الكرم مزدوده
راح النبي شيعوده
وروحي عليه ممروده
وضيوفه ايريدونه

•───✧◐🕊🌻🕊◐✧───•

ياحيف سدو داره
المن يجي خطاره
غابت علينه انواره
وبالمقبره يودونه

•───✧◐🕊🌻🕊◐✧───•

الزهره تون وتنادي
شايل اليله الهادي
وحالي صبح مترادي
والوالدي يودعونه

•───✧◐🕊🌻🕊◐✧───•

بقلم ✍🏻المله والشاعره ام علي الأماره
غير مبري الذمه اليحذف اسم الشاعره وينسب الكلام له

🌴تجمّع الزهراء ع العاشورائي🌴

26 August 2024 23:30

من تسـد عينك ترحل اسنينـك محمـد
الأجــــل قــادم أرحــم بفاطـــم محمـد

1
ليلــة أوداعـــك محمـــد غـيبتـــك هـَــل ليلة
حتى عرش الله أعله فكدك سيدي أنهد حيلة
جـم ملك مكسـور جنحـه دمـع عينـه أيسيله
تنحـــب الحـــال الـزجيـــة والعلـــي والعيله

يا أبــو العتــرة فاطمة بحسرة محمـد
الأجــــل قــادم أرحــم بفاطــم محمـد

2
لا تسـد عينــك وترحــل والحــزن يلفيهــا
يامحمـد هــاي فاطــم منهــو عكبـك ليهــا
تـدري باجـر بـاب دارك يدفعـونه أعليهــا
والنــذل يلطــم وجههـا والبصــر يعميهــا

تبجــي يالوالـد تشكي من حاقد محمـد
الأجــــل قــادم أرحــــم بفاطــم محمـد
3
يافقيـد الأمـة بُعـدك بيـنـه أصبــح واضـح
خالـي هليلـة مكـانـك والله هجــرك جـارح
فاطمة أتصبّح بنورك هسه بيش اتصابـح
إحساسك أينادي الحبيبة آنـه عنـج رايـح

مـا إلك رجعــة بعينــك الدمعــة محمـد
الأجــــل قــادم أرحــــم بفاطــم محمـد

4
لليتامـة أنـت خيمــة شلــون راح أتسافــر
فـاطمــة أول يتيمـــة يــالنـويــت أتهاجــر
هـذا أمـر البـاري هـذا وأنـت قلبـك صابـر
روحتك مابيها رجعة بينـه كسـرت خاطـر

كل محب همـه يانبــي الرحمـة محمـد
الأجــــل قــادم أرحــــم بفاطــم محمـد

5
الدنيـا ماترحـم بـدونـك كلشـي بيهـا أتغيـر
فاطمة غصبوا فـدكها وحتـى طبروا حيـدر
الحسـن سمـوا جبدته أو مثـل أُمــه أتحيـر
والحسين انقطع راسـه وجسمه كله اتوذر

منقطـع رأسـه والشمــر داسـه محمـد
الأجــــل قــادم أرحــــم بفاطــم محمـد

6
بوكعت المحسن محمـد باجـر أيهضمونك
وبسبايا الطف هضيمة بقبـرك أيروعونك
لاتغـــــادر للمنيـــــة لا تغمــــض أعيونك
أرجـع وأتــرك منيتـــك هوايـة يحتاجونك

لو مشت روحك تكثــر جـروحك محمــد
الأجــــل قــادم أرحــــم بفاطــم محمــد

الشطرة
امجـــد صاحـــب الشطــــري

🌴تجمّع الزهراء ع العاشورائي🌴

26 August 2024 23:29

(الزهراء والنبي)ص
شاب الجفن لأم الحزن
حل الألــــم تنعه وتون
من مات ابو الزهره اليوم وأم الحسين اتشوفه
****

ضيم المصاب ام الحسن سلاهه
وكل محزنه اليوم الدهـر سلاهه
محد جبرهه فاطـــــــمه و سلاهه
بس حيــدره دمعه جرى
واسه البقت متمرمـــره
بمصاب ابوهه المخــــتار دمعة حزن مذروفه
*

تنظر على الهادي بحـزن مساهه
خلصت حياته والكــــــدر مساهه
وبسمار المحتــــــم تحس مساهه
من غربت من ودعــت
روح النبي بعبره بجت
روحي جريحه بليــــاك ودمعي بعد ما اعوفه

فاطمه مامـــــره الوكت سراهه
وكل فاجعه أعلنهه ما سراهه
بدرب المدامع والحزن سراهه
بـــأول درب ذاب الكلــــب
وبعـــده الألم جمره وصعب
أول جروح الزهـــــراء بجمــر الكدر محفوفه
**
موته لهيب النايـــــــــبه ويــــاهه
وجَلِبت دمعـــات الجفن ويــــاهه
عد ربهه تدعـــي بياهك وي ياهه
هادي الأمم كلبي انهظم
موتي بعجل كــون انختم
ويه ابوي بهالــــــــيوم ريت بجفن ملفوفه
****

عذبوهه جي هيه فــرع مِن طهه
وانكر الطاغي بالوحي و مَن طهه
وانكر ورثهه فاطــــــمه منطـاهه
ام الحســـن شافت مـحن
بغربه تظل وسط الوطن
من بعد ابوهه ابلا سور جنهه بألم مجتوفه
****



ابو علي الركابي

🌴تجمّع الزهراء ع العاشورائي🌴

26 August 2024 23:26

يارسول الله الحبيب
ياجرح ماضن يطيب
ياجـواب لكل غريب
محمد
محمد

ياحبيب الله وحبيب الــناس كلها
الدنيه ضلمه وانته هاديها واملها
روحك الخضره ابد مــا صار منها

ياحبيب لـــــــكل حبيب وياضوه
مسحة جفوفك عله اليمرض دوه
انته وجــــه الله الكريم لكله خير
الهوه يمــك يختلف عن كل هوه

يارسول الله محمد
"""""""""""""""""
نورك الما مثله نور
ع الارض كـله يدور
يا مــثال لكل وقور
محمد
محمد

انتَ يا اول رســـــــاله بلايه ساعي
احنه كـــــل احنه رعيه وانته راعي
الفهم قولك هاذه بس يعُتبر واعي

كلها هاي الدنيه من دونك عدم
بلايه وجهك ديــن ربك ما سلم
انته تممت الــــــرساله وبلغت
الــــخلافه لحيدر وهاذه المهم

يارسول الله محمد
"""""""""""""""""""
بحب عـلي اول شهيد
مشه سمك بـــالوريد
عشت مضلوم ووحيد
محمد
محمد

انته مفتاح الجــــروح اعله البريه
لعن الله كل مــــــن ابكى الزچيه
ليش هيج وانته رحــمه ومو اذيه

جرحك الما طاب بين اهل العشگ
اليحب اهلك هذا اليحبك صـدگ
اكــــــو ناس من البشر فرحو اكيد
لــــــمن سمعو بيت بنتك يحترگ

يارسول الله محمد
""""""""""""""""""
دمع بيتك بــس يهل
خلافك يضيع الشمل
فراگ وجهك مو سهل
محمد
محمد

عتزل حـــــيدر عگبك الدنيه واهلها
مبينه اعله الــــــكاع دمعاته اليهلها
حموله ثگلن وانته شايل نـص حملها

دفـــن طولك من رجع طوله انكسر
قــــــــالع البيبان رد محني الضهر
الحسن ويـــه حسين والزهره تنوح
وين ابوها الچنه ضي شمس العصر

يارسول الله محمد
""""""""""""""""
خادم القصيده
عزيز المياحي

🌴تجمّع الزهراء ع العاشورائي🌴

26 August 2024 23:26

.      واويـلاه     داره خـلــيـــه
       واويـلاه     سـيد الـبــريـه
       واويـلاه     هــاي الـرزيّــه

                                     *---------------*---------------*

اللـيلـه الـكـون مـظـلـم كـلـه بـغـيـابـه
نـبـي الرحمه الـوكـف جبريل بـعـتـابـه
دمــوع العين لـجـلـه بحسره سـجـابـه
بـوداعـه الـحـزن لـيـنـه انـفــتـح بـابـه  

      لـلـمـخـتـار     نـنـصـب عـزيـه

                                     *---------------*---------------*

خـلـه بـكـل گـلـب نـيـرانـه والجـمـره
الـلـه ايعين گـلـبـچ فـاطـمـه الـزهـره
كـسـر المصطفى يصعب بـعـد جـبـره
تـرك بـيـنه الـدمـوع الجاريـه وعَـبـره

       مـانـنـسـاه     حـد الـمـنـيـه

                                     *---------------*---------------*

الـهـادي الـچـان نوره مـنـوّر الـسـبـعـه
رحـل والـدار ضـلـت تـلـطــم وتـنـعــه
انفجعت كلهه بـمـصابـه وتـهـل دمـعـه
ونـظـام الـكون هاليله اختلف وضـعـه

      يـامـعـبـود       صـبـر الـزچـيـه

                                     *---------------*---------------*

على الـعـتـره الصحابـه اتـأمـروا بعـده
ركـضـوا لـلـسـقـيـفـه ومـاوفـوا وعـده
بس حـيـدر عـلينـه الـوسـّده بـالـحـده
وتسيل ادموعه حسره وحفـرت بخده

     بـالـدمـعـات      حامـي الـحـمـيه

                                     *---------------*---------------*

عـافـوا نـور ربـنـه وعـاشـوا بـظـلـمـه
الگالـوا صـحـابـه اهـل الـجـهـل هُـمـه
بجـهلهـم مـارعـوا عـتـرت نـبـي الأمـه
حـيـدر ينچتف هظمـه وشـنـو جـرمـه

     يـالأصـحـاب     ويـن الـوصـيـه

                                     *---------------*---------------*

مـنـهـم راح يـشـكـي المصطفى الـربـه
كظم غيضه وأذيتـه بمضامره وگـلـبـه
أنـحرفـو عـن طريـقـه وخـالـفـو دربـه
ذولـه أعـداء كـلـهـم ما اظـن صـحـبـه

      مـايـدرون     عـدنـه قـضـيـه

                                     *---------------*---------------*

✍خادم الرسول الأكرم
الشاعر رعـد الجـريـخـي

🌴تجمّع الزهراء ع العاشورائي🌴

26 August 2024 23:25

لأستشهاد الرسول صلى الله عليه وعلى آله  السيده الزهراء عليها السلام على القبر الشريف ،،،،،

****
يم   گبر   الابو   لحضات   ودوني
اريد  احچيله  هاي المره  بعيوني

*

اريد اوصل لابوي الطوول افراگه
واشم   اتراب گبره  بيوم  الملاگه
يبعد  التعباهه    الموت   مشتاگه

بقيت   بلا نفس لحظه ويدفنوني
اريد  احچيله  هاي المره  بعيوني

***


يماي  تموت ليش وروحي  عطشانه
وحگ شيبة  لحيتك    والله   تعبانه
دگوم    من  الگبر  يمك وصلت  آنه

يم   اهل    المحنه   هنانه خلوني
اريد  احچيله  هاي المره  بعيوني

****

تعبني  الدهر  جيتك  واريد  انخاك
اذا يمك  مچان  احظني اريد  وياك
تره  الشيبني  بويه  شما يمر طرواك

واگلهم    مي  ورد علگبر  رشوني
اريد  احچيله  هاي المره  بعيوني

**

اريد  الوحدي  ويمك  واسولف  كون
واگلك من وكت اهل الوفه  يروحون
يدافي  الشبگه ماتت ما تگلي  شلون

الهلا  يطمهه  التراب شلون حاچوني
اريد  احچيله   هاي    المره  بعيوني

***

اريد  ابچي  اعله  گبرك  هلبت تجاوب
جاباني    حنانك     بويه  ما     اعاتب
يحاضر   بالنفس   بس  بالگبر    غايب

صرت    ام    الحزن  بعدك   يسموني
اريد  احچيله   هاي    المره  بعيوني

***

أگلك   چلمه  وامشي  لعالم  احزاني
التفگد     والد  لحد  موتهه      أتاني
واگلك  ما  وفيت   وهالاجيت   آني

مشتاگه  الچفوفك  تمسح    أمتوني
اريد  احچيله   هاي    المره  بعيوني


كلمات الخادم /  رعد الفريجي

🌴تجمّع الزهراء ع العاشورائي🌴

26 August 2024 23:25

هنيالهه الموجود ابوهه
ما تنهظم   لو  زعلوهه
يحضرهه گبل الدمعه والآه
بنيته   بأمان   تعيش  وياه
هنيالهه الموجود ابوهه

،،،،،،،،،،،،،،،،،،،،،،،،،،،،،،،،،،،،،،،،،،


يا بويه علة   گلبي   عله
ياهو اعلى ضيم گليبي اگله
لو رحت بويه سنيني شتفيد
يا بويه  موتك   مو    محله

وين التفت والدنيا ما ترحمني لحضات
ذوله الشماته اتبسمو لمن صحت مات
يا بويه شيردك بعد لا والله هيهات
الجوه التراب شلون شتفيده السلامات ؟

ظليت وحدي ويا ندامه
موتك احس بيه القيامه
والعدهه مثلك لا متنساه
بنيته بأمان تعيش وياه
هنيالهه الموجود ابوهه





،،،،،،،،،،،،،،،،،،،،،،،،،،،،،،،،،،،،،

لو رحت ياهو يظل اليه
وياهو البعد ينشد عليه
اصبح غريبه وگلبي مكسور
سموني من بعدك خطيه

خانگني دمعي وحالي لا متوصفه العيون
خلوني يمه اشبع وفه ها يلتشيعون
جوه التراب البيه محنه شلون مدفون
يرحون اهل الغيره من عدنا ويشيلون

ليهسه ما بارد حچيهم
يسوون لو نبچي عليهم ؟
ويلاه رايح بويه ويلاه
بنيته بأمان تعيش وياه
هنيالهه الموجود ابوهه






،،،،،،،،،،،،،،،،،،،،،،،،،،،،،،،،،،،،،،،،،،

الما عدهه أبو هيه الغريبه
المدفون ما تگدر   تجيبه
هواي البشر والاف الوجوه
بس الگلب   ميت حبيبه

وين التفت والناس لا ما بيهم الراح
ما اگدر احچيلك عذابي وكثر الجراح
اليفگدله والد  (هم ينام ولحظه يرتاح) ؟
الطايح يفزعوله الاهل بس گلبي من طاح


لا وسفه ليش ولا اسم الله
مسمعت كلشي شلون عله

مو يمي والد حتى انخاه
بنيته بأمان تعيش وياه
هنيالهه الموجود ابوهه







،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

يا دنيا ليش شبيچ وياي
بالراح ضيم ودمعه بالجاي
جبت الحياة هموم بهموم
بس هو چان الفرحه ودواي

يا وسفه لا ما حسبت تبعدنه الايام
والچنت انام بشبگته جوى الثرى ينام
يا لحظة فراگ الابو تنعد بالاعوام
هسه اعرفت من تنكسر معذوره الايتام

الماعنده والد وجهه خالي
يا لوعتي ورايح دلالي

يا بويه مثلك وين نلگاه
بنيته بامان تعيش وياه
هنيالهه الموجود ابوهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،







گلبي انكسر من ودعيتك
يا بويه يلعايف     ثنيتك
ياهو اليطب للدار بجفاك
بيتك گبر مو هذا بيتك

شديت گلبي بضلعي لكن بويه ما فاد
تتركني رايح للگبر تحت الرمل غاد
تاخذني يمك مو گلت واللمه تنعاد
لكن  تفرقنه شعجب يا ضيم البعاد

لا يمي لا مرو   واجوني
متشوفهم شلي بعيوني

جوه التراب العشت بحماه
بنيته  بامان تعيش وياه
هنيالهه الموجود ابوهه


لخادم الحسين / رعد الفريجي

🌴تجمّع الزهراء ع العاشورائي🌴

26 August 2024 23:25

قصيدة اسشتهاد الرسول الاكرم ص

استأذن الموت وخذاك ــ ويتــم العـــــالم وراك
انته بس  ماكو سـواك ــ استأذنه الموت
©©©©©©©©

يمن نزلت آية الباري اعله صدرك
بالأرض لو بالســمه ينحفــر گبرك؟
الأنبياء يمك تجــي لو غاب بدرك؟
لو ملائكت العرش تنزل تحظــرك؟

يا سـراج المهتدين ــ ياضياء الصالحين
ياهو قبلك يا آمين ــ استأذنه الموت
©©©©©©©©

اتيتمو هاليوم حيـــــدر والزچيه
يبو الزهره امصيبتك اعظم رزيه
اتگابلو يم راســـك اونو ســـويه
اوداعـة الله يامحمد هالمســــيه

ادموع حيدر والبتول ــ تجري من دم يالرسول
كاذب الغيــــرك يگول ــ استأذنه الموت
©©©©©©©©

يطــرق البـاب بأدب مثل اليـزورك
استأذنك ميريد ابد يجرح شعورك
گالك رب العرش يطلب حظـــورك
وبان ياطــه على وجهك ســـرورك

وانته لبيت النداء ــ ورفع روحك للسماء
ياهو مــن الانبياء ــ استأذنه الموت
©©©©©©©©

الدعو اصحاب. الجرح عافو نزيفه
الك ما نصــبو عزاء نصـــبو سقيفه
انكـرو عهـدك والاحـاديث الشـريفه
وقبل دفنـــك نصبو منهم خليـــفه

وي علي ماشــــيعوك ــ ابسرعه ياطه نسوك
اوماكو غيرك يعرفوك ــ استأذنه الموت
©©©©©©©©

وي علي الليله تضـــل بس ذكريـاتك
ومنـــك بأيده بقـت سبـحت صـلاتك
نكسر ظهره وتدري عنده شگد غلاتك
اوياه الامــــلاك انزلت تبچي ابمماتك

ارد اسألك يالحنين ــ يانبي قبلك امين
قبل لاتغمضله عين ــ استأذنه الموت
©©©©©©©©

✍الخادم
كامل السعيدي

🌴تجمّع الزهراء ع العاشورائي🌴

26 August 2024 23:25

مقدمه للرسول الاعظم محمد (ص)

يـا محـــمد يـا نبيـــنه
يصعب امصابك علينه


يا حبيب الله مصابك حيل أذانه وفجعنه
لجلك انقـيم المئـاتم ونلطم ونهمل دمعنه
ابمجلسك يابوالزچيه الله وفقنه وجمعنه
ما نعوفـك تدري بيــنه
يصعب امصابك علينه



العـالـــم بأســره ينــادي لا تســـافر يـا محمد
جمرة اغيابك چوتنه سيـدي ومالحضه تخمد
بعدك اجروح المصيبه بالگلب ماضنهه تضمد
اصبحت ظلمه المدينه
يصعب امصابك علينه



حضرت الزهره ابعزائك تلطم ومحني ظهرهه
اهـواي أذاهـه مصـابك اشـد من لوعة كَسرْهه
ليلة اوداعك مئاسي ابكل وكت يسعر جمرهه
ليلتك وحشـه وحزينه
يصعب امصابك علينه



حيدر ابدمعاته ناده يارسـول الله افجعتنه
غمضت عيـنك يغــالي جنه انتـه وفارگتنه
يالچنت منبع ترافه سافرت وسفه وعفتنه
يا محمـــد مـو بديـــنه
يصعب امصابك عليمه



يارسول الله مصابك موسهل والباري يشهد
حتـى عزرائيك اجالك مستحي وعنك تردد
والاذان انسمعه ناده اشـهدُ قد غـاب احمــد
بعـدك اشيــنفع بچيـنه
يصعب امصابك علينه


الخادم
كامل السعيدي

🌴تجمّع الزهراء ع العاشورائي🌴

26 August 2024 23:24

قصيدة لرسول الله ص واله

اني يا والدي اصبحت ضايعه
روحي متغربه وبعدك املوعه
=====================
بويه بويه الناس بعدك ما رعوني
كسرو اضلوعي تره وسطرو عيوني
بليل مظلم وبحقدهم من اجوني
شبو النار او وره الباب اعصروني
لمه محسن وكع هم عليهم دعه
روحي متغربه وبعدك املوعه
=====================
كلبي مايبرد ولا يخلص عذابه
وشيصبره الفاكد العايش مصابه
البنت لو غاب الابو تموت بغايبه
والله مشتاكَه تكلك روحي يابه
ابجي ولدمعتي ناحت السابعه
روحي متغربه وبعدك املوعه
======================
زهرتك اني يمن وصيت بيه
ذوله اصحابك تره الهجمو عليه
من حقدهم حته بسمار المنيه
ضل ينوح لحالتي بكل مغربيه
الدمه عالارض صارت اموزعه
روحي متغربه وبعدك املوعه
======================
ليلة الهجمو عليه اهوايه كلفه
واجهوني بلايه رحمه وروح صلفه
اني فاطم كلت الهم لجن وسفه
خلو ابروحي جرح ما اضنه يشفه
السمه والارض تبجي للفاجعه
روحي متغربه وبعدك املوعه
======================
علي مجتف بالوصيه وناره تسعر
ضل يون لمن اصيح الحكني حيدر
راد يفنيهم علي وبجفوفه يكدر
صبر لكن حته تبقه اللهُ اكبر
ينعه ضل والحجر انفطر من نعه
روحي متغربه وبعدك املوعه
======================
انته فعلن جنت الي الاب المثالي
يلحنين انطر تجي وتشوف حالي
صرت محنيت ظهر من الجرالي
وانطر اجفوفك تدك بابي يغالي
والفكَد من يشم الهوه يوجعه
روحي متغربه وبعدك املوعه
======================
ابيت الاحزان اكعد ومرات اجيلك
من ظلم اهل الخلافه واشتكيلك
مثل ما اذوك اذوني برحيلك
مثل كلبي النار خلوها بدليلك
اليضمه الترب بويه شيرجعه
روحي متغربه وبعدك املوعه
===================
حكَي لو ابجيلك بليلي ونهاري
ابد ماتطفه ولا اضن تهده ناري
وعد حد الموت دمعي اعليك جاري
بيت الاحزان اصبحت يابويه داري
ربي ينظر الي برحمته الواسعه
روحي متغربه وبعدك املوعه
==================حسين المحامي

🌴تجمّع الزهراء ع العاشورائي🌴

26 August 2024 23:24

راح النبي راح ضجت ملائكت السمه
راح النبي راح وتنوح ضلت فاطمه
راح النبي راح مأجور ياحامي الحمه
راح النبي
================
ليله من اقسه الليالي تعبت كَلب الزجيه
ما ارتاحت كل عمرها حيل ذبلت هالمسيه
هواي اذتها المصايب جم مصاب وجم رزيه
فراك الابو ياناس شيب كلبها
وشلت دمع العين واظلم دربها

ياوالدي تصيح المن عفتني بهل الغرب
ياوالدي اتصيح مكسوره والموقف صعب
بيها الحزن لاح مأجور ياحامي الحمه
راح النبي
================
نادت ابونه ثجيله كسرت الفاكد جبيره
ياهو النه من عفتني بويه ياشيخ العشيره
مدلله وابفيك امشي اني اليسموني اميره
ضلت تون والنوح بجه السماوات
واهل العرش هاليوم هلوله دمعات

اهل السمه اليوم من شافت بفاطم الم
اهل السمه اليوم لبست سواد وتبجي دم
عطر الفكد فاح مأجور ياحامي الحمه
راح النبي
=================
راح نور الله وحبيبه ياهو اليعوص مكانه
تارس الدنيه بمحنته خيمه عالزهره بحنانه
والفكَد بالدنيه مثله حاير ايضل ابزمانه
يبجي لرحيله الطير والشجر والماي
فكَد النبي المختار اذاهم اهواي

متغير هواي والكون جنه بلا هوه
متغير هواي مجروح ضل ابلا دوه
صوت العرش صاح مأجور ياحامي الحمه
راح النبي
==================
انثلم دين الله بعده. الليله تنعاه الامامه
حسين جان ازغير لاجن عالنبي يلطم بهامه
كله ياجدي اتركتني. يمته ترجع بالسلامه
بان الحزن بحسين وتغير اللون
من كد دموعه اعليه ذبلانه العيون

المدلل حسين هاليوم شالوه ابنعش
المدلل حسين يبجيله هاليله العرش
لمن سمع طاح مأجور ياحامي الحمه
راح النبي
==================
حيدر ايودع باخيه وكله خويه الدنيه صعبه
باخر انفاسه يوصي وبكلامه يذوب كلبه
وصه حيدر بالزجيه عينه صارت الها تربه
كله يحيدر هاي فاطم امانه
باجر تره يغدرون اهل الخيانه

وبدمعة العين باخر نفس وصه علي
وبدمعة العين كله انته من بعدي الولي
ماضنه مرتاح مأجور ياحامي الحمه
راح النبي

===============حسين المحامي

🌴تجمّع الزهراء ع العاشورائي🌴

26 August 2024 23:22

⬛️◼️القصيدة-1-◼️⬛️

يومٌ  بهِ جبريلُ راحَ  يُنادي 
               قد ماتَ أحمدُ علةُ الإيجادِ 
وأنا أمينُ الوَحيِِِّ صرتُ بوَحشةٍ
              بعَد النبيّ ِ الطاهر ِ ِالأجدادِ 
أَقرَأتُـهُ   سُوراً  فكانَ  مُعلمي 
           بِحِـرآءَ  يَتلوها  بِعُمقِ  الوادِي
فمُحمدٌ حازَ  المكارمَ  والعُلا
            وحَباهُ ربُ  الكونِ  بالأمجادِ        
سِرٌ فريدٌ حيثُ لولا نورُهُ
            ماقَرتِ الأرواحُ  في الأجسادِ
فلَقد رأى مِن قومِهِ كُلَ الأذىٰ
            بالسُوءِ  جازَوُه ُ معَ  الأحقادِ
ونظرتُ  عِزرآئيلَ يأخذُ إذنـَهُ
            ويقولُ عٰذراً   جِئتُ لِلميعادِ
فَلِِصدرِهِ اعَتنقَ الحُسينُ وهٰكذا
            حَسنٌ  يُقّبِلُهُ ويَبكي  الهادِي
وبحِجرِ حَيدرةٍ قَضىٰ لهفي لهُ
           وعليهِ  أجهشَ  سيدُ  الأسيادِ
والبَضعةُ الزهرآءُ تنشُجُ عالياً
          ودُموعُها  امتزجَت بحُزنٍ  بادِ
أبتاهُ  ياخيرَ   العبادِ  أرومةً *
           أَجّّلْ  رَحيلَكَ  واستَمِع لِمُرادي
خُذني إلىٰ حيثُ المنيةِ يأأبي
         فَحياتيَ  اتشَحَت   بِكُلِ   سَوادِ
قَد كُنتَ لي ظٍلاً ألوذُ بِجنبهِ
          ياوالِدي  مَهلاً  جَرَحتَ  فُؤآدي

#سميرالصالحي
#النجف_الأشرف

* أرومة = شريف الأصل والحسب والنسب

⚫️ نعي لشهادة الرسول ص

صرخ جبريل مات النبي المختار
وعليه العرش يبچي  بليل  ونهار
والله   يساعدك  يا  علي   الكرار
على فراگ ابن  عمك علة  الكون

شبع ضيم  ومرار   وقهر  وهموم
ورحل وسفه واظنه  راح مسموم
من گومه واصحابه شكثر مظلوم
يعاني وخلص كل سنينه محزون

عگب موته غدت  تندبه الزهره
تصيح  الله  بويه  وتجر   حسره
عيني  شلون  وجهك  ما  تنظره
لظل  بعدك عليله مغيره  اللون

يبو  ابراهيم  ما  ينحمل  فرگاك
يريت الموت إجه ياخذني وياك
يبويه ادري وبعد مايصح ملگاك
لنوح اعليك بلچن  تعمه العيون

#سمير_الصالحي
#النجف_الأشرف