7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لا لا تسلْ عن سرِّ دمعٍ جارِ
بصوت الخطيب الشيخ ناجي الياسيني
لا لا تسلْ عن سرِّ دمعٍ جارِ
بصوت الخطيب الشيخ حسام المسافره
لا لا تسلْ عن سرِّ دمعٍ جارِ
بصوت الخطيب الشيخ باقر الدراجي
قصائد مقدمة المجلس
#رقم_58
مصائب #السيدة_الزهراء عليها السلام ولوعة ابنتها زينب عليها السلام
للسيد سجاد الحسيني
1_ لا لا تسلْ عن سرِّ دمعٍ جارِ
ما الكفُّ عن طولِ البُكا بخِياري
2_ بَلْ قُلْ أتحيا هانئاً متنعماً
مِن بعدِ محنةِ بضعةِ المُختارِ
3_ لا صبرَ عندي والبتولُ تَئِنُ مِن
وجعٍ وتشكو الضلعَ للجبارِ
4_ وتصيحُ يا أبتاهُ ليتكَ حاضرٌ
والقومُ قد جاءوا لنا بالنارِ
5_ هَجموا عليَّ واسقطوا لي مُحسناً
إذ لم يُراعوا حُرمةً للدارِ
6_ آهٍ على الزهراءِ كيفَ تحمَّلت
ألمَ الضلوعِ وغُربةَ الكرارِ
7_ آهٍ على الزهراءِ ماتت حَسرةً
ومقامُها سِرٌ من الأسرارِ
8_ آهٍ على الزهراءِ ليلاً أُلحِدَت
والقبرُ مَخفيٌ عن الأنظارِ
9_ لهفي على أمِّ المصائبِ زينبٍ
تَنعَى البتولَ بدمعِها المدرارِ
10_ وتَصيحُ يا أماهُ غُيِّبَ بَعدكِ
وجهٌ يُذكّرُنا حَبيبَ الباري
11_ رَحَلَت على عَجَلٍ ونارُ مُصابِها
مَسجورةٌ تبقى ليومِ الثارِ
****
آيا نار الوجّت بذاك الجذع
وآه يا لوعة كسر ذاك الضلع
آيا عيني الصبت الدم والدمع
وآه يمه اعليج يا مظلومه
ييمه تشوغ اتروحي لو شفت نار
وگلبي يلجم لو شفت بسمار
وعليج ابجي ييمه ليل وانهار
واشم ريحتج لو طبيت بالدار
الج ظلّت صور بعيوني تذكار
عطرج ييمه ايدور بالبيت
والكعدتج يا يمه حنيت
ودمعي عليج اليوم هليت
يا ريت اشوفج مره يا ريت
واشتم عطر خدج تمنيت
يحضن الدافي الضمنه ولمنه
بجينا عليج ما يبطل والمنه
وجدنه ما بگه النه ولا امنه
وحتى الدار تبجي عله الزجيه
مراثي الأطهار عليهم السلام
الواثبينَ لظُلمِ آل محمدٍ
بصوت الخطيب الشيخ حسام المسافره
قصائد مقدمة المجلس
#رقم_52_
ظلامات #السيدة_الزهراء عليها السلام
الشيخ صالح الكواز (ت ١٢٩١ هـ)
١_ الواثبينَ لظلمِ آلِ محمَّدٍ
وَمُحمدٌّ مُلقىً بلا تكفينِ
2_ والقائلينَ لفاطِمٍ آذيتِنَا
فِي طُولِ نَوحٍ دائمٍ وحنينِ
3_ ومُجمِّعِي حَطَبٍ على البيت الذي
لم يجتمعْ لولاهُ شملُ الدِّينِ
4_ والداخلينَ على البتولةِ دارَهَا
والمُسقِطِينَ لَها أَعَزَّ جَنينِ
5_ والقائِدِين إِمَامَهُم بِنِجَادِهِ
والطُّهر تدعو خلفَهُم برنينِ
6_ خَلُّوا بنَ عَمِّي أو لأَكشِفَ للدُّعَا
رأسي وأشكو للإلهِ شُجونيِ
7_ ما كان ناقةُ صالحٍ وفصيلُها
بالفضلِ عندَ اللهِ إلا دُوني
8_ وَرَنَت إلى القبرِ الشريفِ بِمُقلَةٍ
عَبرَى وَقَلبٍ مُكمَدٍ محزونِ
9_ نادت وأَظفَارُ المُصابِ بقلبِها
أَبَتَاهُ عزَّ على العِدَاةِ مُعِيني
10_ أبتاهُ هذا السَّامِرِيُّ وعِجلُهُ
تُبعَا ومَالَ الناسُ عَن هارونِ
11_ أيُّ الرَّزايا أَتَّقي بِتَجَلُّدٍ
هو في النوائبِ ما حَيِيِتُ قَريني
12_ فَقدي أبي أم غَصبُ بَعلِيَ حَقَّهُ
أم كَسرُ ضلعي أم سقوطُ جَنِيني
13_أم أخذُهم حَقِّي وفاضلَ نِحلَتِي
أَم جَهلُهُم قدري وقد عَرَفُوني
14_ قَهَروا يَتيمَيكَ الحسينَ وَصِنوَهُ
وسَئَلتُهُم إِرثي وقد نَهَرُوني
***
گومك يبويه ما رعوني
وخلاف عينك مرمروني
خذوا نحلتي وبچوا عيوني
وبره المدينه طلّعوني
وللبيت حين اللي اعتنوني
او وره الباب لمّن هيسوني
للحايط وليه اعصروني
كسروا ضلوعي واسگطوني
علينه بحقد بويه الگـوم ياريت
وروايه الشر عگب عيناك ياريت
لون حاضر تشوف الصار ياريت
كسر ضلعي وهظم حامي الحميه
الفضل والشرف والعز يتمنني
وفنوا امال عمري يتمنني
يبو ابراهيم عگبك يتمنني
فرگتك والعده الجارو عليه
مراثي الأطهار عليهم السلام
يا باب دار الطهر كيف عصرتها
بصوت الخطيب الشيخ صالح المنصوري
قصائد مقدمة المجلس
#رقم_51
باب مولاتنا #السيدة_الزهراء عليها السلام
الأبيات ١ إلى ٨ للشاعر مشتاق البديري
الأبيات ٩ إلى ١٢ للسيد عدنان الموسوي
1_ يا بابَ دارِ الطُّهرِ كيفَ عَصَرتَها
قُل لي بربِّكَ عَامِداً تُؤذيها
2_ أم أنَّ أَصحابَ السَّقيفةِ عُنوةً
قَد أَجبَروكَ بِعَصرةٍ تُدميها
3_ هَشَّمتََ يا بابَ المنيةِ ضلعَها
أنتَ الذي تُرجى بأنْ تَحميها
4_ صَرَخت وَنادت يا مُحمَّدُ يا أبي
وَعلى الخُدودِ مَدامِعٌ تُجريها
5_ قُمْ يَا أبي وانظُرْ لِوَغدٍ ظالِمٍ
جَهراً غَدا أضغانُهُ يُبديها
6_ فَهَوَت وَنادى مُحسِنٌ مِن تَحتِها
مِثلُ ابنِ مَريمَ قاصِداً يُسليها
7_ يا بَابُ بِالعصْراتِ أُسقِطَ مُحسِنٌ
والنارُ تَرمِي جَمرَها مِن فِيها
8_ يا بَابُ غادَرتِ البَتولُ بِشَجوِها
والضِّلعُ مَهشُومٌ إلى بَاريها
9_ يا بَابَها قُلْ لي وَعَهدُكَ مِن مَتَى
بِنتُ النَبيِّ مَظالمٌ تُبريها
10_ أَجَزَاءُ أحمَدَ تُستباحُ حُدودُهُ
ومُقيِّدٌ بوصيِّةٍ حامِيها
11_ ويلٌ لقومٍ لَم يُراعُوا دارَهُ
ودِرايةً قَد أيقَنوا مَن فِيها
12_ هَجمُوا بِنارٍ أَحرَقَت أحقادُها
بابَ البَتولِ وَنارُهُم تَكويها
****
أويلاه على الكسروا ضلعها
اويَّه الدمه يجري دمعها
لعد دارها الظالم تبعها
اوره الباب تحجي من سمعها
تعمّد على الباب ودفعها
ونبّت البسمار ابضلعها
ورا الـباب إختفت فاطم ولاذت
عصرها الـمـا لـه امـروَّه ولاذت
يـخـايـب لا مجـابـلتـك ولاذت
ذنب لجله تـوسدها المـنيه
لبست الحزن طول العمر يلباب
ذهيل وما بگالي فكر يلباب
انشد وين محسن وگع يلباب
بيوم العصرو الزهره الزجيه
مراثي الأطهار عليهم السلام
لو كانَ شأنُكَ في الغرامِ صدوقا
بصوت الخطيب الشيخ كرار الكعبي
على لسان امير المؤمنين ع
……………………………………………………………
بخت بيكم بالنبي الوصّاني
جا ذبحـت الاول او يالثاني
انا حيدر .. انا حيدر
……………………………………………………………
هل وصيه مـن النبي سيد البشر
صـعبه و اعلـيه بثگل تل الحـجر
النجمه من تغتاض صعبه اعالگمر
شلون وجه الزهره بجفوف انصطر
وانا المخرس لسن عدواني
جا ذبحـت الاول او يالثاني
انا حيدر .. انا حيدر
……………………………………………………………
ولك تدري اموصّه ولسانك طلع
ظلمه سيفك وشعجب بان ولمع
مـنجلك مكسور ما شاف الزرع
گصـتك رمـز الغـدر بيها انطبع
ترجف و لو بالدرب تلگاني
جا ذبحـت الاول او يالثاني
انا حيدر .. انا حيدر
……………………………………………………………
هيج انتو اسباع جمعيتو العدد
شـو بغزوة احـد خيركم شرد
واللبس شيله وبقه وياهن لبد
وانا طه ايگـلي يا حيـدر مدد
لا فـتـى الا عـلـي نادانـي
جا ذبحـت الاول او يالثاني
انا حيدر .. انا حيدر
……………………………………………………………
شلون ايدك وصلت الباب ام حسن
اعيون فاطم وسفه من عندك بچن
انت و بـسـوگ الزلـم مـالك ثمـن
انت مـثلك عـار ما جـاب الزمـن
اذكر اصلك بس عفيف الساني
جـا ذبـحـت الاول او يالثـاني
انا حيدر .. انا حيدر
……………………………………………………………
اه مـن سمـعيت تصـرخ فاطـمه
علـي يمـها و ما تريـد اتحـشمه
بعيني هاي الشمس صارت مظلمه
و لله لـو بـيـدي اشـيلك للسـمه
اعليك فرجه القاصي و يالداني
جـا ذبـحـت الاول او يالـثاني
انا حيدر .. انا حيدر
……………………………………………………………
باقـي ثاري بأيـد ابـني المـنتظـر
سوطه من جسمك يظل ياكل وذر
مـثل عيـن الزهـره يعميـلك نظر
هذا يالمهـدي الذي بجـدك غدر
يبني و المخـتار ما خلاني
جا ذبحـت الاول او يالثاني
انا حيدر .. انا حيدر
……………………………………………………………
✍️ ( سيد خضر الزاملي )
نعي للزهراء ع
فراشج ييمه مگابلينه
والليل كله مساهرينه
ننظر على البسمار ولباب
كل نظره خلت اثر بينه
رحتي وخذيتي الروح وياج
ولبيت ظل موحش علينه
خليتي حسره ودمع بالدار
ومن البجي اعليج انعمينه
ملهوفه روحي اعليج وتريد
تغفى بأحّضانج يالحنينه
اصبر ييمه شلون ونساج
ولگلب شيّـ سكّت ونينه
علي كاظم المنصوري
الزهره عل ارض طاحت وناحت
وضلعهه انهشم وتكسر وناحت
بدفع الباب ماسمحت وناحت
عصروهه وشافت ابثگله المنيه
سلام البهادلي
▪︎▪︎▪︎
يا زينب
حـــرت مـــن زادت اجـــروحــي.. بـالـمـهـه
و روحـــي ضـــاگـــت الـفــرگـــه.. بـالـمـهـه
مـــثـــلـــي يـا بــنــت عــــاشــت.. بله امهه
يـــتّـــمـــنـــي الـــزمـــان وجـــــار بـــيـ.ّـــه
*---------------*---------------*
✍خادم الزهراء ع
الشاعر رعد الجريخي
يتامى فاطمة
الــصــحــابــه ابــلا ســبــب حــلّــوا.. ظـلـمـنـه
وراح الــــنــــــور وبـــــســـــرعــــــه.. ظـلـمـنـه
بـــعــد هــيــهــات مـــــا نـــنـــظـــر .. ظل أمنه
مــشــت ومـكــسّـــره اضــلــوع الـــزچـــــيـــــه
*---------------*---------------*
✍خادم الزهراء ع
الشاعر رعد الجريخي
لقد اشتقنا الى امنا فاطمه فا اتينا مسرعين
قالت سيداي امكما نائمه وتعبا فا دعاها
تستريح
قالا يااسماء
امنا لاتنام في هذه الساعه بل تقراء القرأن
وتسبح لرب العالمين وتصلي
دعينا ندخل عليها قالت سيداي دعاني اضع
لكم طعام تاكلانه قالا يااسماء منذ متى ناكل
من دون امنا فاطمه اجركما الله دخلا على
الزهراء الحسن عند راسها وجدوها نائمه على
الارض الحسين عند قدميها الحسن ينادي
اماه انا الحسن كلميني الحسين عند قدميها
اماه كلميني فما من جواب رفع الحسن الغطاء
عن وجه امه امعن النضر الحسن صاح اخي
ياحسين ان امنا الزهراء ميته اخرجا يركضان
يهرولان يبكيان ايصيحان متجهان الى
المسجد اوقفهما احد اصحاب رسول الله
قال مابالكم يا اولاد رسول الله لماذا انتم
بهذا الحال هل تذكرتم جدكم رسول الله
فتبكيان عليه قالا لا لا ولاكن ماتت امنا
فاطمه ارسلا صوتهم الى ابيهم داخل المسجد
ابا ياعلي ابا ياعلي ماتت امنا فاطمه اول
ما قام علي ابن ابي طالب ع اول ماقام
يسترجع ويقول انا لله وانا اليه راجعون
اول ما مشى علي وقع على واجه من شدت
المصيبه
**
نعي / گرناوي
***
من جاني الخبر ماظلت ادموع
واحس بلروح مفجوعه بخبرهه
گالــو مــن جفت دلالي مفجوع
وتمنيت انه كون امشي باثرهه
عليهه الگلب ظل بلوعته يلوع
ويــون يــانــاس ويانه قدرهه
ام البيت راحت شعلو اشموع
وروحي هسه هل بين كدرهه
*
الــدنيه بدونهه ماتسوه كلشي
وانه غطه الدمع ياناس رمشي
حيــلي راح مــابــياش امـشي
ونزلت دمعتي بموت الزچيه
ضلمه الدار من غرب ضواهه
واحس دنياي يخنگني هواهه
عــزيزه الغاليه وياذي جفاهه
وصار امصابهه نوح اواذيه
**
ابوحيدر
الصبيحاوي
☘️لاستشهاد الزهراء ع ☘️
الوزن / فائزي
هاي اليالي الفاطميّة
خل نذكر الزهره الزجيه
نذكر مصيبته وضلعها...
ويلاه ياذيج الرزيـــــه
.........
خل نذكر الزهره ام حسن هاي الوديعه
باجر يشيعه بلحشر هيه الشفيعه
سطرت الخد ويه الكسر اكبر فجيعه
كطعو الورده من الغصن باول ربيعه
دارك علي امست خليه...
ويلاه ياذيج الرزيـــــه
✍️الشاعره ام روكان الشمري
🌘🌘
ادموعها تجري عله خدها وتنتحب دوم
تصرخ وتثغب بويه ابعبرات الهموم
جيرانهه ملّو دمعها وكثروا اللوم
نحلانه ضعفانه وبدنها ويصعب الكوم
ماتحمل الهم والاذيـــــــه....
ويلاه ياذيج الرزيـــــه
✍️الشاعره ام احمد العبودي
🌘🌘
من بعد عينك يلابو بيها الدهر مال
برّه المدينه طلعوها ذوله الانذال
خلوهه تبجي وتنتحب وانتَ ادره بالحال
شجره وتحت ظلهه اكعدت والدمع همال
يحرسها حمّاي الحميه
ويلاه ياذيج الرزيـــــه
✍️☘️ام فراس الساعدي☘️
🌘🌘
مهمومه تبجي من الالم والكلب نصين
ولعده ماعدهم رحم ذوله الملاعين
غصبوها من عدها فدك هاي ام الحسين
من غمضت عين النبي بجوها العين
تالي بعجل جتها المنيه....
ويلاه ياذيج الرزيه
✍🏻ام احمد العبودي بغداد
🌘🌘
جتهه المنيه بلعجل باول عمرهه
زينب تشوف ام الحسن خلص صبرهه
تتوادع وياهه وبچت حيدر نضرهه
للباري تشكي وتندعي سلمت امرهه
وناتهه الزهره خفيه.....
ويلاه ياذيج الرزويـــــه
✍️الشاعره ام روكان الشمري
.......................................
٣/ ربيع الثاني/١٤٤٥
تمت باقلام شاعرات اهل البيت ع
غير مبري الذمه من يحذف الاسماء او ياخذ كلمات القصيده وينسبها اليه
لا لا تسلْ عن سرِّ دمعٍ جارِ
بصوت الخطيب الشيخ رياض الطليباوي
لا لا تسلْ عن سرِّ دمعٍ جارِ
بصوت الخطيب الشيخ كرار الكعبي
لا لا تسلْ عن سرِّ دمعٍ جارِ
بصوت الخطيب الشيخ ميثم الديري
الواثبينَ لظُلمِ آل محمدٍ
بصوت الخطيب الشيخ كرار الكعبي
الواثبينَ لظُلمِ آل محمدٍ
بصوت الخطيب الشيخ حامد الحساني
يا باب دار الطهر كيف عصرتها
بصوت الخطيب الشيخ ناجي الياسيني
يا باب دار الطهر كيف عصرتها
بصوت الخطيب الشيخ باقر الدراجي
لو كانَ شأنُكَ في الغرامِ صدوقا
بصوت الخطيب الشيخ الدكتور محمد العبودي
قصائدُ مقدَّمة المجلس
#رقم_50
في رثاء #السيدة_الزهراء (عليها السلام)
الخطيب الشيخ الدكتور محمد العبودي
1_ لو كانَ شأنُكَ في الغرامِ صَدوقا
لاحَ المَشيبُ بِعارِضَيكَ بُروقا
2_ إنَّ المُتيَّمَ مَن إذا حَلَّ الهوى
بِفؤادِهِ عادَ الفؤادُ حَريقا
3_ أشبهتَ في دعوى الهوى الجمهورَ إذْ
قالوا نُحِبُّ بَني النبيِّ حَقيقا
4_ أنَّى وهم تَبِعُوا الأُلى لَم يَحفظوا
للمصطفى في الأقربينَ حُقوقا
5_ تَخذوهمُ دونَ الوصيِّ أئمةً
وَدَعَوهمُ الصّدِّيقَ والفاروقا
6_ أبمنعهِ الزهراءَ إرثَ مُحمَّدٍ
بِحديثِهِ الكَذِبَ اغتدى صِدِّيقا
7_ أمَن دعا بالنارِ يُحرِقُ مَنزلاً
هيَ للهُدى بينَ الأنامِ طَريقا
8_ يومَ استفزَّ بني الضلالِ نفاقُها
فَعَدَت على دارِ البَتولِ مُروقا
9_ فَدَعتهمُ أفَتدخُلونَ لمنزلي
قَهراً فكانَ جوابُهم تَحريقا
10_ نادَت وَقد عَلِقَ اللهيبُ ببابِها
أبتاهُ قد خانَ العِدى الموثوقا
11_ وجَنوا على حَمْلي فأُسقطَ مُحسنٌ
للهِ أيُّ دمٍ هناكَ أُريقا
12_ وَذَوى مِنَ الزَهراءِ غُصنٌ يانِعٌ
أفديهِ غُصناً ما يزالُ وَريقا
**
الشعر الدارج للخطيب الشيخ جاسم الكربلائي :
ليش بنت المصطفى يهضمونها
وأثـر چـم سـوط انطبـع بمتـونها
يـامصاب البچّه املاك السمه
والخـلائق كلها تنـدب فاطمه
مـن متنها وعيـنها سـال الدمه
عگب أبوها الغاليه يشتمونها
شافت اشكال المصايب والمحن
والضـلع مـكسـور يـا جور الزمن
عـالـوجـه تنسـطر گـدام الحسن
ويصرخ بصوت أمي لتضربونها
سطروا ام الحسن گدام الحسين
طاحت إعلّه الگـاع مدمية العين
تصيح يا فضة وگـع مني الجنين
وبالسـياط القاسـيه يلوعونها
آه مـن وگـعت لفتها أم الاحزان
تصيـح يـايمـه غدر بيـج الزمان
صوبونه وانخسف صدر الحنان
اوره الباب الزاجية يعصرونها
علينه بحقد بويه الگـوم ياريت
وروايه الشر عگب عيناك ياريت
لون حاضر تشوف الصار ياريت
كسر ضلعي وهظم حامي الحميه
مراثي الأطهار عليهم السلام
#أهوازيه.(لسان حال الزهراء مع الحسين)
……………………………………………………………
يمه الباب صح اثجيل . رض ضلوعي بس مره
بس صدرك صبح ميدان.خيول الداستك عشره
……………………………………………………………
صح بحشاي طب بسمار . لاح الگلب والريه
صار الهوه ابثگل اجبال . ادور النسمه ماهيه
بس سهمك فتح شلال . من مگفاك جاريه
اصوابات امك أگليلات . وانت الف و تسعميه
ارماح انشتلت ابجسمك
حمره سيوف من دمك
ابجسمك مامش الها امجان . طبره الها ابطن طبره
……………………………………………………………
ثجيل الباب من اجذوع . رض اعضامي احسّنّه
قياسا ويه ذيج الخيل . اخف امن الگطن وزنه
رحه وصدرك الحنطات . يفترّن يطحننه
مثل اذراوة المرواح . فوگ الگاع ذرّنه
حديد الحافر و يلهب
وجسمك عاري و مسلب
يعني السحگه وذرة اتشيل . وتحفر بالجسد حفره
……………………………………………………………
محسن عمره طاسة ماي . گبل الشرب واتبده
بس ماحله ابعيني ارسوم . ولا ناغاني ابمهده
اوليدك وجهه كوكب نور . ملاك ابهيئة الورده
كون اوسادة من الريش . موش اعل الترب خده
بيض وتزهر اهدومه
انصبغن حُمر بدمومه
جبيره النبله مال أكبار . ضاع ابنصها كل نحره
……………………………………………………………
عين امك غدت حمره . من گد صفعة الظالم
بس ع الاقل يمه حسين . راسي اعليه ظل سالم
وانت امعلگ اعل ارماح . بيه اتهوس الوادم
حديد الرمح لو هزوه . و يظل للنحر لاچم
حديد اعليه شمس تسطع
ابراسك يمه ظل يلسع
من كثر الشمس هالراس . سوده جروحه مو حمره
……………………………………………………………
صحيح اتشيّعت بالليل . ودفاني الفحل سكته
غسّلني ابسدر وبماي . اعليه الچفن لابسته
بس جسمك ثلث تيام . شمس الضهر حاركته
نحرك بالكبر مكشوف . ارمال اللحد تارسته
الماي ابحالك اشسوه
لا غسّلك لا روّه
اخر جلمة الك عطشان . محد شربك گطره
……………………………………………………………
جان اعدادهم ميتين . بالنار وحطب هجموا
خالد و الرجس قنفذ . اعليه ابسوطهم ضربوا
سبعين الف غير الخيل . اعليك وبالركض هدّوا
شي ذباح شي سلاب . وشي بذنك هلك شتموا
شي ظل يگطف احجاره
شي شايل بديه ناره
يگلك للخيم عنّاي . اخلي الحرم مستعره
……………………………………………………………
احنا أبامر مشتركين . دمعنه اعليه يتصبب
وحدّها وبديها احبال . ركبت ع الهزل زينب
اعليها السوط مثل النار . ينزل عالمتن يلهب
ابنص السوگ اخت عباس . بعالي اصواتهم تنسب
واعرف جرحت احساس
من اتعاين الراسك
سيف الشمر اهون جان . ولا من زينب النظره
……………………………………………………………
✍️ ( سيد خضر الزاملي )
مو وكت الوداع اوياج/يمه وتخلص العشره
اصغيره اعله اليتم تدرين/بنتج زينب الحره
ــــــــــــــــــــــــــــــــــــــــــــــــــ
مو وكت الوداع وياج/من صغري وتيتمني
وانه ابعازتج تـــــدرين/وغيـــــابج يأذيني
شلون اگضي العمر من دون/عينج يا بعد عيني
لو بعديتي يم حسين/ غيرج من يسليني
تصبح سلوتي بالبنوح/بين الونه والحسره
مو وكت الوداع وياج /يمه وتخلص العشره
ـــــــــــــــــــــــــــــــــــــــــــــــــ
ما تغفه وتنام العين/وانه امفارگه اعيونج
بعدج بيش اصبر الروح/يكبر حزني من دونج
كون ابگلبي مو بالگاع/وبروحي يدفنوج
حتى شما احن واشتاگ/اندهّ واسأل اشلونج
وبيه شما يّفيض الشوگ/اشتم ريحج وعطره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
امنـذكر لوعت البسمار/يبدي ويستجد نوحي
وعيني شما تصد للباب/الام اشكثر توحي
فراشج من اصدّ اعليه /فارغ يلّجم اجروحي
مثل عصرتج يم احسين/لجلج تنعصر روحي
تظل طول العمر بحشاي/نارج بيه متوجره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
من صغرني ولفاني البين/ ذبني وما رحم حالي
اخذ مني الحنينه بساع /ضيّع حلمي وامالي
راح اگضي العمر ونات/والونات تحلالي
وإصورج تروح شلون/ يم احسين من بالي
رسمج من اصدن ليه/تهدم حيلي كل نظره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
ياريت المنيه ويــاج/يمه وتخلص اسنيني
وما ضلن عگب عيناك/اون وحزني غاطيني
ما يسوه العمر بجفاج/ردّي ولا تجافيني
مو هين عليّ فرگــــاج/ يالفرگاج يعميني
ومصابج يماي العين/ يسعر ما برد جمره
مو وكت الوداع وياج/يمه وتخلص العشره
ــــــــــــــــــــــــــــــــــــــــــــــــــ
ليل الفاگد امه اطويل/بالحسرات اسهرنه
ودمّع العين اهله اعليج/يمه وكله اوشلنه
بفراگج يبعد الحيل/حيلي وصبري اهدمنه
ما اريدن بعد عيناج/اضل بالدنيا وتهنه
ابدالج يم حسن وحسين /كون الضلوع منكسّره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
✍️ علي كاظم المنصوري
نعي للزهراء ع
**
القريض
**
يــامن جعلة الباب ستراً لها
حتى مبغظها لم ولان يراها
لاذت ببابها زهـراء اونسيتً
وكــان لــها سـدن وغِـطاها
ولاكنهم عصـروهـا عصرتً
كـادت تـفني روحها بفناها
*
نعي شعبي
****
للزهــره البـچي والنوح ولاه
وياظلع الزچيه شلون ننساه
اونــن والگلب ايصيح احـاه
ريـت بظلعي كسرچ يلزچـيه
ونيني اعليچ ياگمره ابمسيه
اليـله تنــوحــلچ كـــل البريه
**
ســـهم فــركــاج بلدلال يومي
كلف وكتـي وحسن بــي يومي
اظوگ اذيال ثوبچ عسل يومي
حرز يمه احسچ انتي ليه
**
ابوحيدر
الصبيحاوي
نعي للزهراء ع
**
الزهره تگله يمه حسين يبني
عليك انه انوح ومــو عليه
يمه البين عنكم هم بعدني
القدر لمن اجـه ماتت اديه
****
عشت ايام محسوبات حزني
وگبل الباب خطيت الوصيه
من عملت الباب اوغرگ جفني
الشمس بعيوني تتراوه المسيه
****
يابسمار دهري شبيك هدني
وي كسر الضلع شفت المنيه
يمه ادموع عيني هم چوني
وتهـد الحــيل يــايمـه البليه
****
النعو يحچون كلهم يمه عني
وحرگ الباب والعصره قضيه
نــاگــع بـلدمع مانشف جفني
يــوم الطايـح المحسن رميه
****
المصايب والنوايب هم لفني
وابات الــدمعه بعيوني نديه
واسكت بلونين ويـعلـه وني
وانه الزهراء بت سيد البريه
****
همومي ثگال مـن مرن ولني
وــشفت ابعيني اهات الرزيه
نــار اوبـاب والبسـمار هـدني
ضلعي صاح مظلومه الزچيه
****
ابوحيدر
الصبيحاوي
#من_ديوان_دموع_وعبرة_ج٣
#قصيدة_للزهراء_عليها_السلام_فارگتني
❥━──➸➽❥❂❥━──➸➽❥❂
فارگتني ... والگلب محتاج ليهه
فارگتني ... والله مشتاگه لحچيهه
راحت بعيد ومشت ... بيه ابد ما حسبت
فارگتني ... فارگتني
❥━──➸➽❥❂❥━──➸➽❥❂
راحت بعيد ومشت سكنت بالگبور
شلون وسدوها بلحد والضلع مكسور
آه يا گلبي عليها صبح مفطور
شالت من البيت ظل البيت مهجور
ظلمه صارت دنيتي ... وياها راحت راحتي
فارگتني ... فارگتني
❥━──➸➽❥❂❥━──➸➽❥❂
ظلمه صارت دنيتي وصعبة بعدها
يهد حيلي وياكل بگلبي فگدها
وياها كون اتسود انه بنص لحدها
يا زماني أرجوك محتاجتها ردها
ردها خيرد الفرح ... گلبي بجفاها انجرح
فارگتني ... فارگتني
❥━──➸➽❥❂❥━──➸➽❥❂
گلبي يا اآدم ابد ما يحمل أفراك
كل مغربيه احن وليها اشتاك
بحسرتي اعتب واگللها الخلك ظاك
آيفرگاها يحز بالگلب حراك
گلبي ما يحمل هجر ... زغيرة عالهم والقهر
فارگتني ... فارگتني
❥━──➸➽❥❂❥━──➸➽❥❂
شلون من عگبچ اگظي ايام وسنين
وانه ما احمل غيابچ ساعة تدرين
انظر مصلاچ خالي واهمل العين
وادري بيچ اعليه ابدن ما تردين
ما ترجعيلي بعد ... گلبي يحبيبه نمرد
فارگتني ... فارگتني
❥━──➸➽❥❂❥━──➸➽❥❂
روحي مالومه وانادي يالحنينه
گلبي ما يبطل بعد ساعة ونينه
ما حسبت حساب يوم تفارگينه
زغار وبهذا عمرنه تيتمينه
ايامچ ويانه گضت ... رحتي والعشرة انتهت
فارگتني ... فارگتني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
الصعب وضعك سهل وضعي
الدمع نشفه الكسر ضلعي
يمه يحسين .. يمه يحسين
......
؛١
بس ضلع واحد منكسر ...من عندي بطل ادموعك
باجر اشوف ابكربله ... متكسره كل اضلوعك
ضلعي ايهون يالبلطف تضل دامي
وكل اضلوعك ايكسروهه كدامي
وما واحد يرحمك والجبد ضامي
ظلع أمك سهل يبني
كسر ظلعك يألمني
طول الاسنين
يمه يحسين
......
؛؛٢
ألباب اهون من سحك ... خيل العده يوليدي
بعاشر محرم من اجي ... بلكَوه المك بيدي
ايطشرونك مثل سبحه البدي هايه
واصير اتعب ييمه ابجمعك هوايه
وتضل فوكي الحوافر رايحه وجايه
ييمه ابكل اثر حافر
دماك ودمي متناثر
واحنه ميتين
يمه يحسين
......
؛؛؛٣
الحمد لله والشكر ... هسه انه ما عطشانه
بس انت ضامي تنذبح ... واشفايفك ذبلانه
راسك عالرماح اتشيله عدواني
واظل اركض وراهم يمه بحزاني
وارد بخيبتي يم منحرك اني
اجي بكسري وألم جسمك
واخضب شيبتي بدمك
وحدي يا زين
يمه يحسين
.....
؛؛؛؛٤
نار العله دار اشعلو ... مو نفس نار الخيمه
عيلتي ما تطلع ركض..امن الخوف صوب الهيمه
لا طفلي بدي يبني ويذبحونه
واكَماطه يفك ويغمض اعيونه
محسن مات ما شايفته تدرونه
يعينك الله تنضرله
رضيعك منذبح كله
اه يالحنين
يمه يحسين
......
؛؛؛؛؛٥
هسه انه بيه بس جرح.. بس انته كثره اجروحك
بذاك الظهر أنظر ألك ... جم سيف موت ايلوحك
أجروحك تعبر الالف وتسعميه
ياجرح الأضمده ابساعت الجيه
واسمع صوت بجي اسكينه وارقيه
السهام ابصدرك امطشره
اجر عشره بعد عشره
مالك امعين
يمه يحسين
......
؛؛؛؛؛؛٦
لا يوم مثل امصيبتك ... لا يوم يابو اليمه
من راسك الحد الجدم ... كلك تصير امدمه
يصير احمر ييمه امن النزف لونك
وعلى الغبره تضل وما يشيلونك
بلا غسل ودفن عاري يخلونك
على الجسم الي يتسلب
اظل اتلث ليالي انحب
يا ضوه العين
يمه يحسين
.......
✍️ كلمات موسى الخادم