7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لاستشهاد الصديقة فاطمة الزهراء عليها السلام
بياحال حمّاي الحمه
من يوم راحت فاطمه
★★★★★★
شيطفي گلبه المستعر.
غياب المحب شده وعسر
ظلمه الوكت صبح وعصر
جروحه تون من كل كتر.
من شاف اصعب خاتمه
من يوم راحت فاطمه
★★★★★★
بعد الزچيه بياوضع
بالدنيا حيدر يقتنع
بليل الحزن ذايب شمع
بگلبه الف لوعه و صدع
أيامه صارت مظلمه
من يوم راحت فاطمه
★★★★★★
لومر على عيونه الصبح
يلگه الصبح ليل وجرح
ياطير مكسور الجنح
طير السعاده المنذبح
ماشالته ارض وسمه
من يوم راحت فاطمه
★★★★★★
ياحلم ضاع من اوله
بالعين من صار وحله
الچانت شمل بيته وهله
وكل العمر چانت اله
اركان المحبه امهدّمه
من يوم راحت فاطمه
★★★★★★
حال اليحب والله صعب
لورجع مفجوع الگلب
وعلمحب لو هل الترب
بياحال جدمه على الدرب
وابسهم مايشفه انرمه
من يوم راحت فاطمه
★★★★★★
كلما ذكر بيته احترگ
وعلى الظلع باب انطبگ
وعدوان ملتمه الخلگ
ريت الصدگ لا موصدگ
ايامه صعبه ومؤلمه
من يوم راحت فاطمه
★★★★★★
عايش على الدنيا رسم
من فارگت روحه الجسم
ياجبل ماشال الهدم
والحيل خايف ينهدم
وللموت ناره مضرمه
من يوم راحت فاطمه
الشاعر حسن لعيبي الحريشاوي
▪️بلكي اشوفك▪️
حال السيده المعصومه وشوگها الى الامام الرضا عليه السلام
جايه ابشوگ القلب
اگطع اديار ودرب
شوگي ياخوي ايغلي
بلكي اشوفك يالولي
بلكي اشوفك يالولي
——
اشكي لخيالك عليك وتدري كاتلني الظما
طيره روحي وترتجيك كون انت ولي سما
من متى فارگني نورك وروحي بعدك اتعما
كلشي بيك ويحتمي وبيك دلالي احتمى
عيني ابذكرك تصب
يالرضا وكلك عذب
خويه ياباگي هلي
بلكي اشوفك يالولي
———
اشلون گلي يالحنين يهدا بس هذا الحنين
والله من فارگت طولك وقلبي يتنفس
ونين
احسب احساب الملاقه وخوفي تغدرني السنين
خوفي ماشوفن عيونك ويبقى دلالي رهين
ياهوا خذني اله
كلشي وياه ايحله
هذا يا روحي علي
بلكي اشوفك يالولي
————
اه من غدر الليالي وويلي من مر الزمان
اخذ من عندي الغوالي وشح عليّه بالحنان
تدري والله اشكثر مره هالدهر ياخويه خان
رايده اعيوني تشوفك ليّه اوجودك جنان
خايفه دهري ايغدر
ابعيني مااشوف الفجر
همي عندك ينجلي
بلكي اشوفك يالولي
————
بلكي اسويعه اشوفه وعيني اتغمض تنام
مره هالدنيا بغيابه وحالي مو على يرام
جنها ساعات المنيه سيف شوگي وجن سهام
گِلي اشحال اليموت ومَاشْتفى گلبه ابسلام
ساعة الفرگه اجت
وروحي اتشوفك رجت
تقول جنت ادللي
بلكي اشوفك يالولي
تمت__
بقــ✒️ــلم بنت الشمري
لشهادة السيدة الزهراء ع
قصة احزان اوشجن
مرت اعله ام الحسن
والسبب حقد اوعداوه
@@@@@@@
أسأل اصحاب البصائر مندهش
زهرة الله اشلــــون بــالله تنخدش
شلون مـــاتت أسأل ابرب العرش
اثمنطعِش عمر الزچيه اثمنطعِش
من يحل المسأله
والجواب ايفصله
عن جرم اهل الشقاوه
والسبب حقد اوعداوه
@@@@@@@
الله خالق فاطمه ابرحمه اوعطف
ام ابوهــــا فـــاطمه من تنوصف
حتى مــا يرضى عليها كلمة : اف
اشسوه بيها الجاهليّ المنحرف
طه من يدري اشجره
بالضلوع امكسره
حزنه من گلبه تهاوه
والسبب حقد اوعداوه
@@@@@@@
من رسول الله عن الدنيه ارتحل
جمّع اشلاءه ورجع بيها هبل
لابس اثياب الديانه ابلا خجل
وجّه الصدر الطهر سهم الجهل
رجع همه ينتقم
للطهر صوب سهم
صارت الامه ابغشاوه
والسبب حقد اوعداوه
@@@@@@
بـــالثلَث ميه اهجموا شر الــــوره
ابدارهـــــا نــــار الحطب متوجّره
من ورا الباب اعصروها الطاهره
منهــــا اضلاع الوديعه امكسره
هذا مسمار النشب
والصدر دمه شخب
سالت ادموم النقاوه
والسبب حقد اوعداوه
@@@@@@
فوگ عصرتهــا اوكسرهـــا امروعه
من سگط محسنها شافت مصرعه
وانحنه اعليـــــه الضلع هل مدمعه
اضلوعه مثل امه الوديعه امصدعه
هلّت ادموع الضلع
شللي يجبر هاصدع
ويلي من هاي القساوه
والسبب حقد اوعداوه
@@@@@@@
بالقهر مهضومه مــــاتت فــاطمه
واجده اولا مارضت ع الــــظالمه
واللي اغضبها مصيره الحاطمه
راحت اوخلت ولِـــــــــدها اميتمّه
حيدر ابهمه بگه
ابگلبه حزنه يطبگه
لله يرفعها الشكاوه
والسبب حقد اوعداوه
-----------------------
ثامر بوجبارة الاحسائي
نعي وحديث استشهاد الزهراء عليها السلام
صلى الله عليك ياسيدي ويامولاي يا رسول الله
وعلى آلِك المظلومين
صلى الله عليك و على بضعتك
الطاهره المظلومه فاطمه الزهراء
السلام على المغصوب حقها
السلام على المضطره بين الحائط و الباب
روحي و أرواح العالمين لكِ الفداء
يا رحمة الله الواسعه و يا باب نجاة الأمه
ما خاب و الله من تمسك بكم و أمن من لجىء اليكم سادتي..
يا ليتنا كنا معكم فنفوز و الله فوزاً عظيما
إنا لله وإنا إليه راجعون
ولا حول ولا قوة إلا بالله العلي العظيم
لما دنت لفاطمة الزهراء (ع) الوفاة
أمرت أسماء بنت عميس أن تأتيها بالماء فتوضأت وقيل اغتسلت ودعت الطيب فتطيبت به ودعت ثياباً جدد فلبستها
وقالت لأسماء: أن جبرائيل (ع)
أتى النبي صلى الله عليه وآله لما حضرته الوفاة بكافور من الجنه فقسمه أثلاثاً ثلث لنفسه وثلث لعلي وثلث لي
فقالت: يا أسماء ائتني ببقية حنوط والدي فضعيه عند رأسي فوضعته ثم تسبحت بثوبها وقالت: انتظريني هنيئة ثم ادعيني فأن أجبتك فاعلمي اني على قيد الحياة وإلا فأعلمي أن قد قدمت على أبي
فانتظرتها هنيئه ثم نادتها فلم تجبها فنادت يا بنت محمد المصطفى
قال: فلم تجبها فكشفت الثوب عن وجهها فإذا بها قد فارقت روحها الدنيا فوقعت عليها تقبلها وهي تقول: فاطمه إذا قدمت
على أبيك رسول الله صلى الله
عليه وآله فأقرئيه عن أسماء بنت عميس السلام.
بينما هي كذلك دخل الحسن والحسين ع فقالا: اين امنا قلت يااسماءفقالت اسماءان امكما نائمه فقالا يا أسماء ما ينيم أمنا في هذه الساعة؟
قالت: يا بني رسول الله ليست أمكما نائمه قد فارقت الدنيا فوقع عليها الحسن يقبلها مره ويقول: يا أماه كلميني قبل أن تفارق روحي بدني، وأقبل الحسين يقبل رجليها ويقول: يا أماه أنا أبنك الحسين كلميني قبل أن ينصدع قلبي فأموت.
قالت لهما أسماء: يا بني رسول الله انطلقا إلى أبيكما علي فأخبراه بموت أمكما، فخرجا حتى إذا كانا قرب المسجد رفعا أصواتهما بالبكاء فابتدرهم جميع الصحابة فقالوا: ما يبكيكما يا عزيزي رسول الله لا أبكى الله أعينكما لعلكما تذكرتم جدكما صلى الله عليه وآله فبكيتما شوقاً إليه؟
فقالا: لا والله قد قد ماتت أمنا فاطمة عليه السلام،
قال: فوقع علي على وجها
❥❥❥❥ـــــــــــــ❁❁ـــــــــــــ❥❥❥❥
كأني بالامام علي ع عندما اتئ الئ الديار
خايف جنت يا زهره اخسرج
ماينجبر بالگلب كسرج
ياروحي بعد الله اليصبرج
❥❥❥❥ـــــــــــــ❁❁ـــــــــــــ❥❥❥❥
هظيمة وكت رحتي من اديه
فراگج صعب كلش عليه
مامش بعد كل حيل بيه
❥❥❥❥ـــــــــــــ❁❁ـــــــــــــ❥❥❥❥
گعدي العيال اعليج تنحب
وزينب زغيره وبقت تعتب
يالگلب حگ اليوم يتعب
❥❥❥❥ـــــــــــــ❁❁ـــــــــــــ❥❥❥❥
تعبان ماني بخير هاليوم
عفتيني وحدي اهواي مهظوم
اعيالي تون والحيل مهدوم
❥❥❥❥ـــــــــــــ❁❁ـــــــــــــ❥❥❥❥
وما حال ايتام الزهراء كاني بهم واحد جلس يقبل امه والثاني يلزم يدها والثالث يقبل قدميها وينعون ....
ما بينه نحمل هم بلياچ
يطر الگلب نصين فرگاچ
يالموت خل ياخذنه وياج
❥❥❥❥ـــــــــــــ❁❁ـــــــــــــ❥❥❥❥
يالموت خل ياخذنه هاليوم
ولا نظل نشتم بس بالهدوم
دلالنه من الموت مصدوم
❥❥❥❥ـــــــــــــ❁❁ـــــــــــــ❥❥❥❥
عفتينه ليش ازغار يمنه
وبعد الوكت مابي محنه
حسينه من الخبر ضعنه
❥❥❥❥ـــــــــــــ❁❁ـــــــــــــ❥❥❥❥
ياحضن بعد النشتكيله
ارواحنه صارت عليله
والابو راگد صار حيله
❥❥❥❥ـــــــــــــ❁❁ـــــــــــــ❥❥❥❥
يا وسفه هل صرنه يتامه
مكسور يجناح الحمامه
رابي الحزن بينه علامه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
قصيدة للزهراء ع {شبيهه امي}كاني بالحسن يسئل الامام علي عن حال امه الزهراء ع
شبيهه امي بس تون الليله
ليش بويه الضلع گوه اتشيله
اعليها ناري املسعه
احس بيها اموجعه
ليش بويه الضلع گوه اتشيله
❥❥❥❥ـــــــــــــ❁❁ـــــــــــــ❥❥❥❥
ليش بويه ** الضلع من تشيله بس تبچي الحنينه
جاوب ادخيل ** خاف من عصروها ليها امهشمينه
اعليها خايف ** امي اريدنها تظل خيمه علينه
خيمه امي تظل علينه ردت للدوم
لو تموت نموت بس من شم الهدوم
گلبي جاي اتلوعه
احس بيها اموجعه
ليش بويه الضلع گوه اتشيله
❥❥❥❥ـــــــــــــ❁❁ـــــــــــــ❥❥❥❥
ابزينب شلون ** من تفارگها تظل يجري دمعها
تنعه للدوم ** امي ماتت والسبب كسرة ضلعها
وين تشكي ** يالبنيه من تموت امها وجعها
اعليها خايف يالابو زينب زغيره
وين تشكي اهمومها باجر الاميره
صوتها ما تسمعه
احس بيها اموجعه
ليش بويه الضلع گوه اتشيله
❥❥❥❥ـــــــــــــ❁❁ـــــــــــــ❥❥❥❥
صوت امي ** ماتسمعه الحره باجر تحمل اشلون
علي بويه ** من بعد عين الحنينه تعمة العيون
احنينه زينب ** وفرگة امي اعليها بويه موش بالهون
اختي شالت كل حنان امي الزجيه
خايفه وكلساعه تلفي بدمعه ليه
صعب تحمل فاجعه
احس بيها اموجعه
ليش بويه الضلع گوه اتشيله
❥❥❥❥ـــــــــــــ❁❁ـــــــــــــ❥❥❥❥
گلي ارجوك ** شبيهن اضلوع امي حته ادواها اجيبه
كافي سكته ** انوچع كلبي من ونين امي الحبيبه
شبيها تنحب ** تبتسم كل يوم جانت شل مصيبه
ليش بس اليوم ما هودتت دمعها
خاف مكسور الضلع بويه وجعها
الزاجيه متلوعه
احس بيها اموجعه
ليش بويه الضلع گوه اتشيله
❥❥❥❥ـــــــــــــ❁❁ـــــــــــــ❥❥❥❥
حسن يبني ** امك مكسرات منها اثنين الضلوع
ساكت انه ** لان دلالي اعليها اهواي موجوع
بيها هاليوم ** هالگلب يوليدي من الكسر مفجوع
مكسرات اضلوعها ونتها بهداي
خايف اعليها بعد ماتبقئ وياي
مصايبي متجمعه
احس بيها اموجعه
ليش بويه الضلع گوه اتشيله
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج8
[[💔قصیدة للزهراء (ع)💔]]:
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
كلش قليله أحسهه آنه ... أتلث روايات بسنه
كون العمر كله إلچ ... ويوميه ننصب ماتمچ
يافاطمه....يافاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ليش يشهور السنه هذا الجفاء
فاتحتهه زغيره أم الانبياء
كون چادر يرتفع حد السماء
حتى جبرائيل يخدم بالعزاء
وبس آيه وحدة تكررت ...بأي ( ذنبٍ ) قُتلت
وغصباً على الي خالفچ... يوميه ننصب ماتمچ
يافاطمه....يافاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ليش يشهور السنه ياظالمه
أنتي مخلوقه لأجلهه وعالمه
گولي شنهي القصرت بي فاطمه
القدمته ماكو وحده تقدمه
أولها آهات ودمع .... تاليها محسن والضلع
يافاطمه مااعظمچ ........ يوميه ننصب ماتمچ
يافاطمه....يافاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
بفاطمه الله رافع السبع الشداد
موغريبه اعله العرش يعلن حداد
اليوم بأرجاء السمه عمّ السواد
بفاجعة ام الرضا وام الجواد
وتردد أملاك السمه .........كلهم وداعاً فاطمه
بس الشفاعه نسألچ ....يوميه ننصب ماتمچ
يافاطمه...يافاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
اليوم تبچي الانبيا و المرسلين
تعزي حيدر والنبي بأم الحسين
أسيا ومريم إجن عبر السنين
وگابلت حواء زينب بالونين
وتگلها صبري بهالبلاء ......هذي بداية كربلاء
محد يضلچ من هلچ .. يوميه ننصب ماتمچ
يافاطمه.....يافاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
واجب نذكرچ مثل ذكر الصلاة
يلي بيچ تجمعن كل الصفاة
بالمناهج نوضعچ درس ألأُباة
حتى يتخرج حشد دارس ثبات
مايخطي البسمچ رمه ......يرميهم ب(يافاطمه)
تلعن رميته بقاتلچ ..........يوميه ننصب ماتمچ
يافاطمه...يافاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يلا يا شيعه نردد بالختام
صوت واحد تعزيه لعالي المقام
عجل الله سيدي يوم القيام
تاخذ بثار الزچيه و الخيام
وثار الي جثته موزعه ... وثار البقى اعله المشرعه
يافاطمه ثار لهلچ ............ يوميه ننصب ماتمچ
يافاطمه....يافاطمه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خادم الصديقة فاطمه(ع)
ةجهاد البصيراوي
يمه حيل مشتاگه وذابحني الحنين
مشتاگه اشم ترابچ يمه من اسنين
روحي لهفانه وتهمل دمعها العين
يتراب القبر سلم عليها عني بنيابه
رحمك الله يا امي💔
يزهرة حياتي
يكل امنياتي
غيابج عذاب
........................
جنتي وياي متروحين من بالي
اول مره ارجع والوجه خالي
تعاي وشوفي حالي شصاير بحالي
ارد للبيت والكه الباب جتالي
تعالي يزهره
علي محني ضهره
ثكيل المصاب
......................
مامكسور بس امبين اعليه
وبس الله يعرف شبيه مابيه
بوجوه الزغار البسمه ممحيه
شيسوه البيت وام البيت ماهيه
هدمتيلي حيلي
وتفطر دليلي
وبديت العتاب
......................
تلجمني بحلكهم جلمت اليمه
وصار البيت بعدج كلمن وهمه
ثوبج مدري گلبي الناكع بدمه
حسين بنحره بعدج ياهو اليشمه
حسينج يريدج
يبوس اعله ايدج
صعب هل غياب
......................
تكابلنه وكعدنه وخاليه الكعده
وضل يمنه مجانج ينحب الوحده
رحتي واحنه كلمن دمعته بخده
وحلال الشدايد طايح بشده
صبح غصني ذابل
ودمع عيني سايل
ولا من جواب
........................
اصبر عله افراكج اي يعافيتي
بس شلون الاكي الكسر ام بيتي
الشماته واه منهم صرت تاليتي
اجي الگبرج انه اتوجه اعله عوجيتي
يعذبني كسرج
وانام اعله كبرج
اشم بالتراب
.........................
يلوياي ماسولفتي عل فركه
تاليهه اويه كبرج صاير الملكه
عفتيني النفس يصعب عليي شهكه
وجوه اضلوعي ضلت تاكل الحركه
يعشرة حياتي
وداعج مماتي
علي گلبه ذاب
محمد هادي العقابي
صب يامدمع العين.. راحت ام الحسين
مكسوره وحزينه
امنين الراحه وارتاح.. وياهه الفرح راح
ام روح الحنينه
.......................
لاتكطع مسيلك يادمع عيني
انزل عله خدودي بحرگه جويني
اريد اذبل بعدهه شلي بسنيني
بعد ماضل بشر بالدنيا يرويني
كلشي بداخلي ايصيح.. بنگلت جدمك اتطيح
حيدر ياعلينه
بغربه ووحشه ضليت.. راحت شمعت البيت
ام روح الحنينه
.....................
اغّسل بيهه اني وهيه مالومه
وشفت شوفه تخلي الروح ملجومه
من كد العصر ضلعين مهشومه
ومتن ازرك وفوك العين ملطومه
هواي تاذت هواي.. حيره شلون اصب ماي
ياگلبي وونينه
جف محروك بالنار.. ماتت بيهه اثار
ام روح الحنينه
...........................
بليل اضلم شلتهه بحضني للتربه
امشي والتفت لاتحضر الغربه
الشامت لو وكف عاليندفن صعبه
يحزن بالوجه بس يفرح بگلبه
سوه البيه ماصار.. الحارك داري بالنار
ماريده يجينه
وحدي بليل دفان.. شايل نعش الأحزان
ام روح الحنينه
.......................
بكبرهه احفر أنه وتتراجف ايمني
واحس بدمي مايسري بشراييني
علي كلتلهه اني ماتشوفيني
اول مره احجي وماتحاجيني
سكته الدنيه والناس.. وكوه اشهك بالانفاس
گلبي الله اليعينه
حيلي اعليهه مهدوم.. أحجي وبلگت ادكوم
ام روح الحنينه
.........................
هلت اترابهه ونهالت اجروحي
شلون ارجع البيتي وبطرك روحي
دفنت الزهره اني وهدمت اسفوحي
يم زينب شلون اكدر أكف نوحي
راجع محني وتشوف.. مترب راس وجفوف
وجروحي ضعينه
بثوبي دموع وتراب.. دافن اغله الاحباب
ام روح الحنينه
محمد هادي العقابي
ياگلب المن تدك.. وراحتي ادفنتها
بليله ضلمه بلا كمر.. الزهره شيعتها
تحيرت.. من شفت.. آنه حامي الحمه
بكسرتي.. بغربتي.. ودعت فاطمه
...........................
دنيه وصفت بس أحزان من بعد عين الزهره
حيدر علي ياهلناس بجفوفه حافر كبره
انه الدافن بيدي ام زينب
وراجع مكسور وتعبان
حامي الجار وقالع خيبر
صرت بهالليله الدفان
بيدي احفر بالكبر .. ودمعتي جريه
صعبه انضر لم حسن.. ميته بين اديه
شكد اون.. والحزن.. بالدليل انرمه
بكسرتي.. بغربتي.. ودعت فاطمه
............................
شايف ضلعها المكسور عالمغتسل بعيوني
تلمسته ونهار الحيل ونخطف گلبي ولوني
يلجمني الماي اليلجمهه
وياورده يأذيها الماي
انه الشاف ام بيته كباله
مسطوره اعله الخد هواي
ياهو اليعاون علي. تنزل بنعشها
جاني سلمان واخذ.. اعبايتي وفرشها
تندفن.. مااضن.. نجمه من السمه
بكسرتي.. بغربتي.. ودعت فاطمه
........................
بيه الألم مثل النار والهضم ياكل بيه
ارجف مثل سعفه بريح من فركت العلويه
هاي الزهره وام الدنيه
صاير بيها الي ماصار
ضلع مهشم من العصره
بالباب وذاكه البسمار
والضلع ينزف دمه.. بيدي غسلتها
هدمت حيلي الگوي.. وكوه جفنتها
بهل محن.. لم حسن.. روحي متألمه
بكسرتي.. بغربتي.. ودعت فاطمه
...........................
كلشي انتهه بذاك الليل غالي ويودع غالي
من هلت فوكاهه اتراب بس الله يدري بحالي
الوادم ترتاح وتتنفس
واني التخنكني الانفاس
دافن روحي وراجع محني
فكد الزهره ايشيب الراس
بعيني ضل بس الدمع.. والحزن ولاني
حارباني هل زمن.. بفاطمه رماني
شنتضر.. والهجر.. خله گلبي بضمه
بكسرتي.. بغربتي.. ودعت فاطمه
.........................
هل دنيا ابد ماتنراد بعيوني صارت صعبه
والعمر دون ام حسين شيخلصه بين الغربه
ليلي ايخلص حسره ودمعه
وگلبي ايفرفح مثل الطير
هل دنيا المارحمت فاطم
مااتنطر منها الخير
اكضي يومي بالألم.. وارتجي المنيه
يمي جانت فاطمه.. وراحت امن اديه
سافرت.. واصبحت.. دنيتي مضلمه
بكسرتي.. بغربتي.. ودعت فاطمه
محمد هادي العقابي
▪️نشر جديد
في استشهاد مولاتنا الزهراء (عليها السلام)
خطاب الى صاحب الزمان (عجل الله فرجه) :
أيُّها النادبُ صبحاً وعشيَّهْ
بالأسى عادتْ ليالي الفاطميَّهْ
فأقِمْ "مَحْكَمةَ الضِّلعِ" وقُمْ
أصْدرِ الحُكمَ بأعداءِ الزكيَّهْ
لا تدعْ في الأرضِ ديَّاراً لهْمْ
فلقدْ داروا على الدارِ العليَّهْ
وبجذعِ الثأرِ أحْرِقْهُمْ كما
أحْرَقُوا تلكَ الجُذُوعَ النبويَّهْ
لستَ تنسى فاطماً في بابِها
رضرضوا أضلاعَها وهْيَ الرضيَّهْ
خَنَقُوا في عصرِها أنفاسَها
أصبحتْ ترفَعُ أنَّاتٍ شجيَّهْ
نبتَ المسمارُ في أحشائها
فدعتْ : واأبتا ! خيرَ البريَّهْ !
ودخانُ النارِ أعمى عيْنَها
فاعْتَلَوْها بسياطٍ قُنْفُذيَّهْ
سقَطَتْ مُسْقَطَةَ البدرِ على
عَتَباتٍ دامياتٍ بالرزيَّهْ
ثمَّ قامتْ لوصيِّ المصطفى
وهُوَ المغلولُ في قيدِ الوصيَّهْ
حاسِراً قدْ شاهدتْ حامي الحمى
مَنْ لها إنْ قتلوا حامي الحميَّهْ ؟!
رجعوا بالسَّوطِ أدْمَوْا ظَهْرَها
ذَنْبُها للموتِ كانتْ رافضيَّهْ
رُفِستْ ، فالعرشُ محنيٌّ لها
لُطِمتْ ، فالحورُ باللطمِ حَرِيَّهْ
وُكِزَتْ بالسيفِ يا مهديَّها
فأغِثها بالسيوفِ المهدويَّهْ..
تمت بعناية الحجة (عجل الله فرجه)
الشاعر علي عسيلي العاملي
#الليالي_الفاطمية
#اللهم_عجل_لوليك_الفرج
جرح زينب
عندي اعتاب وي هــــــاي الجنازه
تــــره الـبــيهه صدگ عازتها عازه
امــي وهيــه العيون
مثلهه ماكــو بالكون
————-
خـــلـو جــنازت امـي تـبـات ليله
اريد احضـن نعشهه واشــتكـيـله
و اگــلـهه بـنيتـچ اضـلـت عــليله
ويــــــمه وداعتج صارت دخـيله
يـمه يـاليـل الـيجيني وانه انامـه
الليل أبد مابي مـحنه وي اليتامه
انام شـلون ليلي
والحسره بدليلي
من ماشوفهه اشلون
امــي وهيــه العيون
عنـــدي اعــتــاب وي هــــــاي الجنـــــازه
ــــــــــــ
ومـن خـلوهـا بالـتابـوت صارت
انه الدنيا احـــس فوگـاي دارت
ومـثلي مـاشـفت ياناس حـارت
عليه وحــــــــشتج يايمه جارت
والـجرح والله ابـــــد مــافـارگـاني
وهم بلش بالظيم احسن بي زماني
مـاخـلالـي راحـه
أذانـي الـصراحه
يـــــتم كـل الضنون
امــي وهيــه العيون
عنـــدي اعــتــاب وي هــــــاي الجنازه
———-
ابــد مـا تـنـحـمـل ؤنـتي بـجــفاها
وأنه بــنـيــه وريــد امــــي وربـاها
وتــغـطـــيـنـي مـننام انـه بـعباهـا
مشت مستعجله من ايدي شجاهـا
امـي ومـن مـشـت عـافـتلي خـوان
ازغـار ومـنهـم اكبـر حيـل الاحزان
وحنه بكل مـسيـه
نريــد امنه الزجيه
ترد وي الـيــردون
امي وهيــه العيون
عنـــدي اعــتــاب وي هــــــاي الجنـــــازه
ـــــــــــــ
ابــاوع هـسـه عـالبـاب بـونـيـني
بكسرت خاطر وهـــم تبجي عيني
وگلت شيـــصير لو هسه وتجيني
اريـــد اليتمت گلبـــــي وحنيـني
ويـن الجانت تلولي اعلى راســي
تـنـسينـي زمـانـي الـصار قاســي
ونــــتـلاگه يـيـمـه
وگلبي يروح هـــمه
رغم معميه الجفون
امـي وهيــه العيون
عنـــدي اعــتــاب وي هــــــاي الجنـــــازه
ـــــــــــــــــ
يـلـماشــيـن بـصويحبـتي سكـته
بـس شـلون جـفن العـين اسكته
وگــلبـي الـعذبـانــي ويـاي ؤنته
مــن تـابـوتـهـا الـربــتـنـي شفته
بــيـه امــغـربــين اعله المگابـر
بقيت الوحدي ومكسوره خاطـر
مـن تـهـلــون الـتراب
ضلعها الهسه ماطاب
بهـيده مـن تـدفنـون
امــي وهيــه العيون
عنـــدي اعــتــاب وي هــــــاي الجنـــــازه
ــــــــــــــ
الشاعر محمد البنداوي
استشهاد سيّدة نساء العالمين ع
#الليالي_الفاطمية
#قصيدة_عمودية
لسان حال السّيّدة زينب عليها السّلام..
أدعوكِ أمّي، والحنينُ مُمَزِّقي
والكونُ أدمى مُقلتي، فترفَّقي
مُدّي لخدّي كفَّ عَطفكِ وامسحي
قطرَ النّدى مِن حُزنيَ المُتَرَقْرِقِ
هاكِ الفؤادَ أتى يئنُّ تألُّمًا
وكأنَّ مِن كأسِ الرّزايا قد سُقِي
هل تسمعينَ النَّوْحَ ملْءَ تواجُدي؟
"صُبَّتْ عليَّ مصائبٌ" بتدفُّقِ
لكنْ لِكسرِ الضّلعِ نَوْحٌ أعظمٌ
فهُوَ اللّهيبُ لِجرحيَ المتحرّقِ
أرأيتِ أحلامي ببابِكِ ترتجي؟
مسمارُ ذاك البابِ لو لم يُطرَقِ!
يا بسمةَ الفردوسِ في ثغر السّما
أبكتْكِ دفعاتُ الشّقيِّ ابن الشّقي
يا شمسَ عمري، كيفَ يؤذيكِ الدُّجى؟
غابت بفقدكِ أنجمي، لم تشرقِ
لو لم تغيبي! لو تعيدينَ الحيا!
لو تحضنيني! لو دقائقَ، نلتقي..
لِأُسابقَ الأقدارَ فيكِ تعانُقًا
وَخذي بِأضلاعي دروعًا، واتَّقِي
#كتابات_حسينية
#الليالي_الفاطمية
⬛️◼️القصيدة-3-◼️⬛️
هذي الجريمةُ أعيَتنا ومَن وصفُوا
والسامعونَ دماً بالدمعِ قد ذرَفوا
إنّا بذكر ِ مُصاب ٍفيه ِ فاطمة ٌ
قبل َ الأوآنِ كما لو زهرةً قطَفوا
لازال َ مقتَلُها تبكي السمآء ُ لهُ
والأرض ُوآجمة ٌوالشمسُ تنكَسِف ُ
والفاعلون َحكَوا ماقد جَنَوا علناً
يابئسَ ما فعلوا ياقُبحَ ما اقترفوا
وهاهوَ الجبت ُحينَ الموت ِأخبَرَهُم
بجُرمِه ِ بعدَه ُالطاغوت ُ يعترف ُ
لِدارِها ليتني لم أكشِفنْ وكذا
قولُ الزنيم ِصريحٌ ليسَ يختلف ُ
وقصة ُالحرق ِثمّ العصرِ نآئبةٌ
على الزكيةِ حقاً يأسف ُ الأسف ُ
أما الأضالع ُتروي قُبحَ سَوأَتِهِم
أين المُروءَةُ وآ ويلآه ُوالشرف ُ!
ماذنبُ مُحسِنِها إذ أسقطوهُ وذا
بالحبلِ حيدرةً حقداً له ُكتَفوا
مما جرىٰ بقيّت في لوعة ٍ وأسىً
حتىٰ قضَت وعليها الكونُ يرتَجِف ُ
#سمير_الصالحي
#البصرة_الفيحاء
🏴نعي -نصاري
لسان حال أمير المؤمنين ع وفراقه للزهرآء ع
خُمد نور الزجيه وخيّم الليل
ويتاماها تجر حسرات بعويل
وابو حسين النعشهه عزّم يشيل
ينوح ودمعته ل فراگ الاحباب
شيّعها علي ومكسور ظهره
وينادي ياوسف راحت الزهره
مكسورة ضلع والعين حمره
يوسدهه ويهيل اعليهه التراب
يگلهه يابتوله شلون ترحين
تعوفينه بعجل ياگرة العين
تمنيت العمر ويانه تگضين
من بعدچ تراهو العيش ماطاب
ابكل امچان الچ تذكار وآثار
ايتامچ تشم ريحتچ بالدار
أصبرهم واسليهم ومحتار
وتشوغ الروح لو عاينت للباب
#سمير_الصالحي
#النجف_الأشرف
"في شهادة الزهراء عليها السلام"
طور ••ريحانةُ المصطفى••
*ريحانةٌ عالِمة*
أُمّاهُ يا فاطمة
*أبكيتي حامي الحِمى*
قومي أيا زهراء
*أُمّاهْ أُمّاهْ أُمّاهُ يا زهراء*
¤•¤•¤•¤
حاچيني يا صابره، كلمه أخيره ترى، مثلچ ألاقي وين
يا يُمّه قبلِ الدّفِن، أتمنّى صوتچ يِحِن، حاچيني آنه احسين
يا شمعة المرتضى، ياريته عمري مضى، عنّي تِروحي وين
يا احْبَيبه هاكِ اسمعي، صوتِ القلُب والنّعي، يُمّه يضَيِّ العين
مَن لي سِواكِ مُنى ~
مُدّي يديكِ لنا ~
فالدَّهرُ قاسٍ بنا ~
للهِ من أرزاء
أُمّاهْ أُمّاهْ أُمّاهُ يا زهراء
¤•¤•¤•¤
اقبالي ترى نايِمه، ياريت لو سالِمه، عُمرِ الوَرِد مَيْدوم
خِبريني زالِ الألم، لو بعده نار وحِمَم، واشْيِجبُرِ المَلچوم
مِتألْمَه يا جوهَرَه، طولِ العمُر صابِره، والشَّكوى لِلْقَيّوم
ابصدري يِموتِ النَّفَس، لَمَّن تِموتِ الشّمِس، اتْصيرِ المَآتم دوم
آياتُكِ الباهِره ~
تبكيكِ يا جوهَره ~
يا بنتَ خيرِ الورى ~
نَفْسي لِأُمي فِداء
أُمّاهْ أُمّاهْ أُمّاهُ يا زهراء
¤•¤•¤•¤
بِعيوني شفْتِ الْهِجَم، يا يُمّه حيلي انْهِدَم، من طيحتِچ عالقاع
مطبوعه هاي الصّوَر، والورده ماتت قهَر، ما بِيّه حيلِ اوداع
شقَد صعبه يا والِده، لَمّن أشوفِ العِدى، تِضرُب مَتِن واضلاع
واجرَع مَرارِ الصَّبُر، ايْصيرِ الدّمِع يِنهمُر، دمعي يِصُبّ اوجاع
مكسورةَ الأضلُعِ ~
يا حُرقَةَ الأدمُع ِ~
ذِكراكِ في مَسمَعي ~
للهِ أيُّ دِماء
أُمّاهْ أُمّاهْ أُمّاهُ يا زهراء
¤•¤•¤•¤
يُمّه يا نبعِ الوِفه، غابت ترى العاطفه، وشْيِنفَعِ ال يا ويل
لحظات بس ارجعي، ضُمّيني يل تِسمَعي، راحِ العزِم والحيل
ما تِغفى عيني بعَد، وانتي ابتُرابِ اللِحِد، باچر تِروحي ابليل
مظلومه قَلبِچ يِوِن، محزونه روحِچ تِحِن، دمْعِ البواچي سيل
يا مَوْتُ خُذني فلا ~
أَهْنا بِعَيشٍ ولا ~
تَحلو حياةٌ بِلا ~
أمُّ النّبي زهراء
أُمّاهْ أُمّاهْ أُمّاهُ يا زهراء
¤•¤•¤•¤
لا بُدّ يِدورِ الزّمَن، وابقى انا ابْلا كفَن، ايْظلّ إبنِچِ عله اتْراب
واضلاعي مِن تِنكسِر، اتْواسي الضّلِع والكَسِر، بينِ الجِدارِ وباب
يا يُمّه نظره إلي، عنّي فلا تِرحلي يَحْنَينَه رِدّي اجْواب
صوتِ السّمَه يِعتِلي، اهتَزِّ العرِش يا علي، مِن وَنّةِ الأحباب
لَوْلا عِداكِ لَمَا ~
سالَت جِراحٌ دَما ~
أُمّي وَداعاً فما ~
عَيْشي يُطيقُ هَناء
أُمّاهْ أُمّاهْ أُمّاهُ يا زهراء
¤•¤•¤•¤
#أمنن #علينا #برضاه
#يا_صاحب_الزمان
https://youtu.be/2Q5pdrbPpWA?si=pkQ1h61N8T_wURkf
#الزهراء
لاستشهاد فاطمة الزهراء عليها السلام على طور (اهز مهدك يعبد الله) للمرحوم حمزه الصغير
محن مرت على الزهره
تناطر رحمة الباري.
تبچي والدمع جاري
محن مرت على الزهره
★★★★★
على الزهره جزت ايام. تهد الحيل واتعذب
على الزهره تمر آلآم. وجرح النايبه ايشيب
على الزهره فرح مادام على ذاك الزمن تندب
شدد مرت على الزهره
ماظل للفرح طاري تبچي والدمع جاري
محن مرت على الزهره
★★★★★
على الزهره الفرح مامر. غير الحزن مامرها
على الزهره الحزن يفتر. كسرت جنح كاسرها
على الزهره الجرح يكبر. ب ( طه ) من يذكرها
الفرح مامر على الزهره
عصف ريح الحزن ذاري. تبچي والدمع جاري
محن مرت على الزهره
★★★★★
على الزهره عذاب ونار. تمر لوعاتها الذكره
على الزهره حزينه الدار. بعد الكسره والسطره
على الزهره هظم ماصار مثله المر على الزهره
رغم مامر على الزهره
تظم الحسره واداري. تبچي والدمع جاري
محن مرت على الزهره
★★★★★
على الزهره الحجر من ناح. الظالم ابد مامهتم
على الزهره عذاب ولاح. يفيض صوابها بالدم
على الزهره الهظم ماراح. صار الصبح ليل اظلم
علي ينحب على الزهره
ينادي ياضوه داري. تبچي والدمع جاري
محن مرت على الزهره
★★★★★
على الزهره النهار اظلم. زمان اختلفت أيامه
على الزهره يزيد الهم. الامس لوشمت انسامه
على الزهره علي مهتم. يداري ويكتم آلآمه
ينوح شگد على الزهره
يگلها اتقبلي اعذاري. تبچي والدمع جاري
محن مرت على الزهره
الشاعر حسن لعيبي الحريشاوي
قال الامام الصادق ع : ( نحلت جدتي فاطمه حتى صارت كالخيال )
……………………………………………………………
كالخيال .. ورده ذبلها الكسر
كالخيال .. و انذبح غصن العمر
هذا حال امك يل اموزّر هظم
حيل نحلت والجلد لاح العظم
آ يمهدي .... آ يمهدي
……………………………………………………………
الجانت تزهي ليل نهار . امسويه البيت چن جنه
الطير امن الصبح غبّاش . ابضحكة سِنها يتغنه
وهسه الوجه ماكو امن الدمه گطره
صفرة لون من گد شدة العصره
ابوجها و رسمت اجفوف النذل سطره
اثر للموت ظلت عينها الحمره
والادين .. بيهن اتنشف الدمع
والادين .. امجرحات امن الجذع
عينها و دمعتها عن حيدر تظم
حيل نحلت والجلد لاح العظم
آ يمهدي .. آ يمهدي
……………………………………………………………
يمهدي وشدة الشدات . لو رادت هوه اتشمه
ضلعها و النفس مرتين . صاعد نازل ايلجمه
يعني الريّه تتجرح ابكل شهگه
الضلوع اتكسرن واعليها منطبگه
ابلون امتونها ريّتها هم زرگه
يمهدي امك طوال اليوم مختنگه
والحُسين .. ايكلها اصيرلج هوه
والحُسين .. دمعه والحسره سوه
اتكله باجر حافر الجسمك يطم
حيل نحلت والجلد لاح العظم
آ يمهدي .... آ يمهدي
……………………………………………………………
يمهدي الظهر شكل اهلال . امك صارت امحدبه
عمر اثمنطعش لاكت . ابـ ميه الشافها ايحسبه
السبحه الخضره ظلت تنحب اعليها
من گد ما تشاهد رجفة ايديها
ومن گد الحراره امن المرض بيها
نار الجبهه حتى التربه تچويها
بالصلاه .. تسمع اصوات السمه
بالصلاه .. كلها تصرخ فاطمه
الحور والاملاك بالنوح ولطم
حيل نحلت والجلد لاح العظم
آ يمهدي .... آ يمهدي
……………………………………………………………
اليتوجّع ابلايه اشعور . چلمة آه يطلعها
بس الزهره تحبسها . خاف الحسن يسمعها
الزاد اتصبّه هي ورغم متألمه
لان حسين ابد ما ياكل اللگمه
الا الخبزه من ايد ام حسن امه
يشبع من يشوف ابوجهه مبتسمه
اتشربه ماي .. وچفها يم حلگه ارتعش
اتشربه ماي .. تدري بيه يشبع عطش
اوليدها امن الماي باجر ينحرم
حيل نحلت و الجلد لاح العظم
آ يمهدي .... آ يمهدي
……………………………………………………………
مو بس ضلع يالمهدي . گلب امك اشد كسره
انعصرت مره يم الباب . ولمحسن الف عصره
ابنيّها الما تهنت تنظر ارسومه
ومن صيحة يـ محسن غدت محرومه
وسط المهد ما شافت اله نومه
ولا لفت اگماط اخضر على اهدومه
وللطفوف .. يسرح ابفاطم فكر
وللطفوف .. طفل والدم منثر
بالسهم عبدالله اصبح منفطم
حيل نحلت و الجلد لاح العظم
آ يمهدي .... آ يمهدي
……………………………………………………………
عافت ضلع والبسمار . الزهره ابتها ملتهيه
تدري الجذع باجر سوط . وفوگ النوك مسبيه
ييمه وبابي كلش يشبه خيامج
باجر جمر يمه ايحفّر اجدامج
اخيّج ينولي و ينّحر جدامج
وموش ابروحج اتحيرين بيتامج
هم يموت .. خدرج العاش ابفخر
هم يموت .. ويه عباس الگمر
اشعظم ليل الوحشه يا يمه اشعظم
حيل نحلت و الجلد لاح العظم
آ يمهدي .... آ مهدي
……………………………………………………………
✍️ ( سيد خضر الزاملي )
قصيدة للزهراء ع {چا ليش الزجيه}
چا ليش الزجيه اتراب غطاها
الموت شماله ما ماخذني وياها
❥❥❥❥ـــــــــــــ❁❁ـــــــــــــ❥❥❥❥
چا ليش الزجيه اتراب غاطيها
هاي ام الهلا الحلوه محاجيها
جروحي من بلاها شلون اداويها
عمت عين الزمان بترب خلاها
❥❥❥❥ـــــــــــــ❁❁ـــــــــــــ❥❥❥❥
خلاها الزمان بترب يا هضمي
من اطب البيتها المن اصيح امي
بعد بفراكها بس الوجع سهمي
حارمني الترب يا وسفه ملگاها
❥❥❥❥ـــــــــــــ❁❁ـــــــــــــ❥❥❥❥
حارمني الترب ملگاها يا وسفه
شحت شوفة امي امصيبتي كلفه
اه يالمكبره ويلي شكثر صلفه
ليش اترابها من وكت طماها
❥❥❥❥ـــــــــــــ❁❁ـــــــــــــ❥❥❥❥
خلتني اون ما بطل الونه
ازغيره عمر ردي يم المحنه
انه والاخوه من وكت ضعنه
الدمعه احسين وي الحسن هلاها
❥❥❥❥ـــــــــــــ❁❁ـــــــــــــ❥❥❥❥
هلوها الدموع بالهفه وبلوعه
وزينب انه زينب حيل موجوعه
يايمه فركتج بيها مفجوعه
احاه يالوكت ياليمه فلاها
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج8
قصيدة للزهراء ع {مكسور الضلع}
مكسور الضلع بالباب
الحگ ياعلي اعليها
❥❥❥❥ـــــــــــــ❁❁ـــــــــــــ❥❥❥❥
الحگ ياعلي لزهره
مخنوگه وتجر حسره
موجوعه من السطره
تريد تكوم مابيها
❥❥❥❥ـــــــــــــ❁❁ـــــــــــــ❥❥❥❥
مابيها تــــگوم شلون
تهل ضلت دمه لعيون
واطفالك تره يــونون
فزعوا بالدمع ليها
❥❥❥❥ـــــــــــــ❁❁ـــــــــــــ❥❥❥❥
الله يعين گلب حسين
شاف امه بدموع العين
يكلها يمه لتونين
وزهره الوجع ساليها
❥❥❥❥ـــــــــــــ❁❁ـــــــــــــ❥❥❥❥
تون تصيح يافضه
بعد مابــيه لنهضه
الالم ماضن بعد يمضه
روحي الالم ماليها
❥❥❥❥ـــــــــــــ❁❁ـــــــــــــ❥❥❥❥
من الالـــــم هلگانه
ندهوا لعلي تعبانه
روحي بعد خلصانه
وينه وينه غاليها
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
قصيدة للزهراء ع {حسرة ظلت}كأني بمولاتي الزهراء عندما سقط المحسن وهي متوجعه من كسر ضلوعها بقيت تتكلم مع المحسن ع
ضلوعي متكسرة وطحت يوليدي
حسرة ظلت يمه اشيلك بيدي
عيني شافتك طحت ...منها احس يمه متت
حسرة ظلت يمه اشيلك بيدي
❥❥❥❥ـــــــــــــ❁❁ـــــــــــــ❥❥❥❥
حسرة ظلت شيلتك يأخر عياليي
الموت من دونك يبعد امك حلالي
اعليك مو من الكسر دمعتي تلالي
محضره اهدومك تره ...شلون تمشي المكبره
حسرة ظلت يمه اشيلك بيدي
❥❥❥❥ـــــــــــــ❁❁ـــــــــــــ❥❥❥❥
محضره اهدومك وكاروك يحيلي
جنت افكر لجيتك مانام ليلي
شلون يهده يمه بس كلي عويلي
ضلوعي من فدوه الك ...انهضلي بالتربه شلك
حسرة ظلت يمه اشيلك بيدي
❥❥❥❥ـــــــــــــ❁❁ـــــــــــــ❥❥❥❥
ضلوعي من فدوه الك كون انته سالم
امعزتك بيها بعد بس الله عالم
الله ياخذ حوبتك من شكو ضالم
الدفع بابي وطيحك ...جان قصده يجرحك
حسرة ظلت يمه اشيلك بيدي
❥❥❥❥ـــــــــــــ❁❁ـــــــــــــ❥❥❥❥
آخ يوليدي الكبر ما لايگ اعليك
ليش نايم بي مو مفروض الوليك
الكبر حار وترف انته ليه مابيك
ارد الوليك وتنام ... وانه اشتمك شمام
حسرة ظلت يمه اشيلك بيدي
❥❥❥❥ـــــــــــــ❁❁ـــــــــــــ❥❥❥❥
ارد اشمك والزم بأيديك ييمه
بعد كاروك انه لاوين اضمه
ادليلي من الوكت ماخذ نوح سهمه
النوح سهمي يالولد ... چي نمت انته بلحد
حسرة ظلت يمه اشيلك بيدي
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج8
*ذِكرى إستشهاد*
*الصّديقة الزهراء (صلوات الله عليها)* | *الرواية الأولى*
*٨ ربيع الثّاني ١٤٤٦ هـ*
◾️▪️◾️▪️◾️▪️
*ماتت الزهرا البتولة فاطِمة*
*وضجّة صارت بالأراضي والسّما*
*ماتت الزّهرا يويلي من الحزن*
*بعد أبوها مانشف ليها جفن*
*وهم قلبها من الأعادي ممتحن*
*والسبب كله الفرقة الآثِمة*
*هجموا عليها وضربوها ضرُب*
*وخلّوا دمها بالتُّرب منها يصُب*
*شلون جرأة ابّيتها الأعدا تطُب*
*ولارعوا حقها ولاحامي الحِما*
*بنار حرقوا بابها أهل الحقِد*
*وهم سطرها بقوّته ذاك الوغِد*
*رادت ابفضه إليها تستند*
*ومن صدرها تجري ياوسفه الدِما*
*والجنين اللّي ابّطنها هَم وگع*
*شافته وزيّد حزنها والوجع*
*والقلب اعليه ياوسفة انفجع*
*والدّموع اتسيل منها ساجِمه*
*تقول وين المرتضى ماجا إلي*
*وآني أنده بيه أدركني يا علي*
*قوم شوف الحال يانِعم الولي*
*وشوف صدري والضّلوع امهشّمه*
*قالوا ليها بو الحسن وسفَه انسحِب*
*اعذرينه وخفّفي اعليه العتَب*
*وهالأمر من ربّه اعليه انكتَب*
*وتبقى هذي هالظُّلامة قائِمة*
*يوم سمعت فاطِمة ابهذا الخبر*
*نسيت الآلام وضلع اللّي انكسر*
*ونسيت المحسن وخدها اللّي انسطر*
*وللعدى طلعت وهي متألِّمة*
*تقول ردوا لي علي لاتقتلوه*
*هذا نفس المصطفى لاتسحبوه*
*وآني ما ارجع إذا ماترجّعوه*
*لو أبدعي وأطبق الأرض بالسّما*
*رجع ويّاها الوصي وقلبه عليل*
*ينظر إلها والدّمع منّه يسيل*
*يقول عذريني يَبت طه النبيل*
*وبالوصيّة مرمروني الظَلمه*
*ظلّت ابهالحال تبچي من الألم*
*تقول بعد المُصطفى سوري انهدَم*
*بعز شبابي اقتلوني هالبجَم*
*وماشفت منهم ولايد راحِمة*
*بعد مازاد الألم جاها القدَر*
*وقلب أبو محمّد وأخيّه انفطر*
*وبتها زينب الدّمع منها انهمر*
*ومن بعدها الدّنيا صارت مُظلمة*
*بو الحسن غسّلها واسودّ الفضَا*
*وبالقبر خفيه دفنها المُرتضى*
*يقول فقد أم الحسن شيعوّضه*
*والحزِن بيطول بعد العالِمة*
*رجع للمنزل وزينب شافته*
*قامت بليدين ويلي وحضنته*
*عن اميمتها العقيله سألته*
*وظلّت اعليها حزينه ولاطمه*
◾️▪️◾️▪️◾️▪️
*عبدالهادي أحمد الجنبي*
*٨ ربيع الثّاني ١٤٤٦ هـ*
مقدمه للزهراء ع
ظلعچ يم الحسن
نبچيله ابكل زمن
سلاماً سلاماً سلاماً عالظلع
©©©©©©©©©©©
الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً سلاماً عالظلع
©©©©©©©©©©©
ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً سلاماً عالظلع
©©©©©©©©©©©
صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً سلاماً عالظلع
©©©©©©©©©©©
شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً سلاماً عالظلع
©©©©©©©©©©©
بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً سلاماً عالظلع
©©©©©©©©©©
الخادم
كامل السعيدي
السلامُ على.. رحمة الله فاطمه الشهيده
.................
سلّم ووصل سلامك للزجيه
يالتحب الزهره لتعوف العزيه
واسي بدموعك جرح حامي الحميه
خلي حزنك لم الحسين الهويه
لاتعوف الحزن.. والمصيبه خل تضل جديده
السلامُ على.. رحمة الله فاطمه الشهيده
...................
حجة الله عالحجج هاي ام ابوهه
الناس مارحمتها ويلي وعذبوهه
بلاسبب أهل الحقد من حاربوهه
وسفه باب الدار بالنار احركوهه
مارعاهه النذل.. هجم عالدار وصفعهه بيده
السلامُ على.. رحمة الله فاطمه الشهيده
....................
بالليالي الفاطميه ادعي ربك
كون طول العمر بالزهراء ينصرك
والله غير ام الحسن مايسوه عمرك
بكل عسر وبشده يالخادم تحضرك
اخدم بلا ملل.. وخلي گلبك كل وكت نشيده
السلامُ على.. رحمة الله فاطمه الشهيده
....................
فاطمه ام الخير والرحمه العظيمه
عالمه من الله وبكلشي عليمه
والخدمهه ماتمر بي كل هضيمه
يعيش دوم بخير بفضال الكريمه
مايحير بأمر.. هيه دوم وياه مو بعيده
السلامُ على.. رحمة الله فاطمه الشهيده
...................
فاطمه تستاهل الدمعه عليهه
بت رسول الله محمد وصه بيهه
مايخيب العنده حاجه ويعتنيهه
هذا خير الناس كله ابين اديهه
لاتهم للتعب.. بحبهه روض نفسك العنيده
السلامُ على.. رحمة الله فاطمه الشهيده
..................
ابن آدم يعيش بحياته مره وحده
وكونه رايد عمره يكضي بغير شده
خله يخدم للزجيه بكلشي عنده
وحاجته مكضيه والله ماترده
ماترد اليجي.. ياخذ الحاجه وبعد تزيده
السلامُ على.. رحمة الله فاطمه الشهيده
محمد هادي العقابي
دهري جرحني بهذا الغياب.. يمه
روحي يتيمه وعيني عالباب.. يمه
بفراكج الاه.. تطلع شجيه
مهضومه من يوم.. رحتي امن اديه
ييمه
.........................
للستر بابج ييمه. واليتامه شكد تدكه
تنزرع ورده بعتبته. مو تجي نار وتحركه
بيت الخيّر لامايسلم من هل ناس
حامي الجار وكسرو گلبه وبيته انداس
وكلهم شماته
صاير ضلام البيت بس نوح.. يمه
محد يدك باب اعله مجروح.. يمه
ياوحشت الدار.. بعدج عليه
مهضومه من يوم.. رحتي امن اديه
ييمه
............................
ليش هذا الصار بينه. ويادمع يكفي المصيبه
يندفع بابج يزهره. وينكسر ضلعج عجيبه
ليلة دفنج ماانساهه وگلبي انصاب
من رد حيدر يمه ثيابه كلهه تراب
ومحني اجاني
شفته ودمعته بطارف العين.. يمه
متعوب اجاني يم الحسين.. يمه
ماتحمل الروح.. هاي الرزيه
مهضومه من يوم.. رحتي امن اديه
ييمه
.........................
راحت ايام المحنه. والزمن سد باب فرحه
وخله بيبان المدامع. امشرعه ويلجمي جرحه
من زغري وماشافت راحه هاي الروح
ياگلبي وشيصبر گلبي الكله جروح
بعدج ييمه
دمعي عله الخد خله نيشان.. يمه
وحيلي عليج هوايه تعبان.. يمه
من زغري ودموع.. عيني جريه
مهضومه من يوم.. رحتي امن اديه
ييمه
..........................
اكضي هاي الدنيه اني. بلمدامع والنياحه
الزهره انتي اكسرت ضلعج. اني متشوفني راحه
زينب اني وبيت احزاني ايصير اطفوف
اهل الكاع نعيش بغربه وكلهه تشوف
غربت ضعنه
امشي اسيره وبيدي الحبال.. يمه
وبرماح روس اخواني تنشال.. يمه
شيداوي الجروح.. بالغاضريه
مهضومه من يوم.. رحتي امن اديه
ييمه
......................
أنه التفكد كل اهلهه. وسرمدي حزني عليهم
بكربله يايمه اخوتي. اكبالي ويذبحون بيهم
لجمه بلجمه وتكضي ايامي بلوعة شام
وگلب ابنادم مايتحمل هيجي الام
واني العقيله
عندي كلام الدمعه وياج.. يمه
رحتي وصعب يالزهره انساج .. يمه
بوداعج اهواي.. شفت المنيه
مهضومه من يوم.. رحتي امن اديه
ييمه
محمد هادي العقابي
شوط كربلائي للزهراء ع
.
.
.
يــوادم خدمـة الزهره .. مــا مــليتها ولامـــل
بشــيلة فاطـمه حالف .. يم شـباچ ابو فاضل
***
بـدايات الحچي تــوفــيق .. وهنـئياً للي يتوفق
اليتصادق عليــه من فوگ .. حلمه بهاي يتحقق
التتــطــرق اله الزهـــره .. الكون الاسمه يتطرق
التذكره فاطمه الزهره
قــطعا يـــرتفع قــدره
واسمه يصبح اشكبره
الاســمه يقتــرن بيـــهـا .. هــذا يعتـــبر واصل
***
خدمتــها طعم بيـــها .. طعــم وامن الشهد احــله
التعب بيه لذه للزهره .. ومو ياهو اليجي يحصله
درب مايقبـــل العوجه .. اســـاسه كـــلمة العــدله
الجدمه ابهالدرب يسعه
جــوازه فاطـــمه توقعه
ومــحد يگـــدر ايـوگعه
والتچـــايته ام احـــسين .. هــذا يابخـــت شايل
***
اليخدمها بصدق واخلاص .. ماتـوگع اله رايه
اليبـــچي دومـــه للزهره .. ماتنرد اله احجايه
اذا شال ايده مـو ديوان .. لا توگف اله اولايه
طـبيعه الرضه فاطم
يحسبونه البشر عالم
هنياله الصــبح خادم
التسجل فاطمه اسمه .. اعظم مرتبه حاصل
***
اليفرغ اعيونه من يسمع .. طــاري الباب والعصره
ويــلطم صدره ويكــسر .. صف اضلوع من صدره
اشياخذ من رسول الله .. علـى السواه شنـو اجره
الهــذا الفكــر يتـــبنه
رسول الله رضه عنه
وبيـــده صكــه للجنه
الجنه البيها ابو السجاد .. انيــاله البابــها داخل
***
صــح خـــدام ابو اليمـــه .. واحدنه يسمــونه
والمــاخــادم الــــزهــــره .. خادم مايحسبونه
اليخدم فاطم اهل البيت .. يقدرونه ويحبونه
اليحب ام الحسن واضح
اتعرفه امن الحچي مالح
ذاك امبـــــيــن النــــاجح
اليترضـــه على ذولاك .. حظه معثـــر ونازل
***
عقيدة خـادم الزهره .. يـــتولــه التـــولاها
عقيدة خــادم الزهره .. يعادي الذي عاداها
التولي والتــبري كون .. كلــمه ولامينساها
الدفع باب الطهر بـــيده
صيح بصــوت مـــاريده
وكلامك كل وكت عيده
بقضية فاطمه ام احسين .. بالك واحـــذر اتجامل
***
حيدر تركي الكربلائي
محني ودليلي انعاب وبروحي لجمات
اتلاكه بعد وياج يم بيتي هيهات
دمعي.. يجري.. يافاطمه مصابج هدم حيلي
......................
اختنك خنكت موت لوصار الغروب
قالع الباب هواي يالزهره متعوب
حيلي الگوي ابلياج يم حسن مسلوب
بين الغرب ضليت ماعندي محبوب
دمعي.. يجري.. يافاطمه مصابج هدم حيلي
.....................
شحجيلج اعله الصار من نعشج انشال
سوه الدمع نيشان بخدود العيال
يايمه كلهه اتصيح وتغير الحال
اعليهم يمر الليل بحزانه جتال
دمعي.. يجري.. يافاطمه مصابج هدم حيلي
.....................
اثمنطعش عمرج جان مووكت الغياب
وايتامج يخافون لو دكت الباب
كسرج كسرهم حيل شيطيب الصواب
وزينب حزينه اعليج وتشم بالثياب
دمعي.. يجري.. يافاطمه مصابج هدم حيلي
.....................
ادخل حجرتج اه بيهه الكه زينب
تنوح وتون ويلاه مهضومه تنحب
خايف عليهه بيوم نورج تغّيب
تنام اعله المصلاة من ونهه تتعب
دمعي.. يجري.. يافاطمه مصابج هدم حيلي
.....................
بليل الدفن من صار جتني المنيه
وعالمغتسل خليت روحي باديه
شفت الضلع مكسور وشسوه بيه
ثكل السمه والكاع طبكن عليه
دمعي.. يجري.. يافاطمه مصابج هدم حيلي
.....................
كلهن شفتهن بيج وبكلبي جمره
سطرت العين وصوط متنج يزهره
مصابج فلا انسا وساعاته مره
ماسامع ابدفان يدفن بعمره
دمعي.. يجري.. يافاطمه مصابج هدم حيلي
.....................
ادفن وهيل اتراب والشيب اجاني
وتضعضع ابفركاج حيلي وكياني
صار الوداع اوياج والهم ولاني
وسهم الزمن جتال لاماخطاني
دمعي.. يجري.. يافاطمه مصابج هدم حيلي
محمد هادي العقابي
غُصنُ الايمانُ المدفون
سِرُ الزهراءُ المَكنون
من سيفسرههُ مَجنون
(حُاءُ سُينُ يُاءُ نُون)
........... ***.............
مِن نورِ الزهراءِ قَناديلٌ
قد صاغ الرحمن لنا نورا
لَولا عَطف الجَبارِ عَلينا
لاكان العالمُ كَالمهجورا
عِطرٌ فَواحٌ في جَنتُنا
في كُلِ بَقعَتها مَنشورا
مَن ذاق مَحَبةَ فاطمِ هاما
حَتى ان جُن فَهو معذورا
بَصف العَرِش نور الزهره يشع حِنيه
كُل الملك تِسأل عن هاي الحوريه
ماعظمة هالنور وسرة العم الدنيه
نورٌ غَطى كُل الكون
حُاءُ سُينُ يُاءُ نُون
... ........ **...................
أُمتُحِنَت فاطم حُبُ الله
فَوجدها صابرةُ مُحتسبة
جالسةٌ في دَرنوكِ الجنة
نورُ الفردورسِ بِها قد شبَ
اسماها فاطم وَهو الفْاطر
فيِ جَنبِ العَرشِ تراه كَتبَ
نَهرٌ في الجنةِ يَجري كَوثر
وَسَعِيد الحظَ بِه مَن شَرِبَ
إِفتِكر آدم ربه على الخلق مفضله
واستمع شكال بجبرائيل اوحى له
لوجود الكون الرب وجدها علة
نَحنُ لاجلها مخلقون
حُاءُ سُينُ يُاءُ نُون
................. ***............
ياتَسبيحاً في الذِكرِ تَجَلَت
ياساجدةً لِطلوعِ الفجرِ
تَحضرُ لِلباكِ السبطُ حسيناً
مُسرِعتاً تَأتيهُ الى القَبرِ
ياعِفةَ كُل نِساء الكون
وَبِأسمها وِجدت راء الستر
لاخيرَ بِعَين لَم تَبكيها
لِمصابها عُميت ان لَم تجري
مفتاح لكل الشده الرحمن مخليهه
نظرت للروح المتعوبه ورأفت بيهه
عطر الجنه الهادي ويشتمه بأيديهه
عابسُ فاطمَةٌ بِجِنون
حُاءُ سُينُ يُاءُ نُون
.................. **............
يامُهجَةَ طه قُربكِ لطفاً
بِعَبائُتُكِ لَيتَ تَضُميني
يَخشى قَلبي إِن نفترقُ
في ناظرِ رحمتكِ أُبقيني
لااطلبُ شيئاً من الدنيا
خدمتكِ والدمعةُ تكفيني
يابلسم يشفي كل جراحي
سلمتكِ مايبقى بسنيني
حُر جنت بدنياي ودمعاتج جابتني
غيرتني الخدمه وخوش ابنادم سوتني
عَلمودج كل هاي العالم هل حبتني
دون الخدمةِ كيف اكون
حُاءُ سُينُ يُاءُ نُون
*.............
#مرتضى_مهدي_الجهلاوي
•
ابابج يريحانة علي ساجد بلا ملامح
شدي رحالي لكربله و بيها ولا ابارح
مديني بيد الحب يأم كلبي لهوه ضياعه
بعالم حبيبي الي ختم سهمه عله الجوراح
برحة جماله هايم حساسي
اول حزن بي ينرفع راسي
دار بحنانه كلبي واحوالي
وبفضله صارت طاهره انفاسي
كلبي روه
بحرت مشاعر كلبي بمأتمه
من هب حنانه صرت متيمه
روحي صفت بلحب متنعمه
فضله ضوه
اخلق سبب لعيوني وابجي اله
ادبني خيره التعذب بل الفله
حسانه جعلني صاحب منزله
.. مولاتي على الحب عينيني "..
بين اقترابي والجفه عمري كضه خساير
بين الشيب وما نصح كلبي بمكانه عاثر
ما بين اعدل خطوتي القافله عني تعبد
وما بين اروض هلكلب يوصل الكلبه حافر
ما قابض بجفي عله الخدمه
النعمه يمي واطرد النعمه
وألطف جزاني واني بمجاني
مولاتي كلبي كلبج يفهمه
يمشي العمر
واني بمكاني اراوح والزمن
يمشي بعجاله وضيعت الضعن
يا دوب الحك بيامي البقن
حيل اعتذر
عن السنين الراحت بلهوه
لكل الحضه بيها ناموسي نوه
يجافي المحنه سيد نينوه
.. مولاتي على الحب عينيني "..
مولاتي بفكاري حده بيها جرح غرامي
ما أثرت بيه شكثر مرت عليه اسامي
عايش بواقع لو حلم كل الاحوال أحبه
صاحب دمعتي منجرح بلواقع ومنامي
اني الحبيبي علترب حاير
عينه العياله وماله ناصر
المحبوبه وحده غيرته تجرحه
توجه ضميره لغربة العاشر
متبري الكلب
من الضياع الاخرني عمر
رزقيني للحب مولاتي صبر
لو ما رحمتج لا ما انكسر
ودمعي يصب
شفته الحياة بلايه دمعتي
ما تسوه حتى صوت احجايتي
كمت اني اعشك يمج سنطتي
.. مولاتي على الحب عينيني "..
عندي اهم من النظر دمعة الحب شهاده
بفضلج يبت المصطفى نال الكلب مراده
تيقنت اني اشتم هوه حتى اشعر بحبيبي
من الحر يجمع بلترب يصنع اله وساده
ستوعبت جرحي طيبته تكلف
محبوبي جرحه لو طبت ينزف
بكل لحضه كون أتعايش الغربه
وعيوني اذممها الدمع ليجف
يعلى النداء
يغزي البياض عيوني ومنطلب
لمنعة حبيبي من ماي الشرب
الشيء وحيد بهل دنيا صعب
في كربلاء
ذاك الجمال وذيج العاطفه
كل وحده منهن بلحب نازفه
روحي لعذابه تون متلهفه
.. مولاتي على الحب عينيني "..
ما لاكي لحساسي دوه غير لبجي المصابه
من بالي غربي كل وطن غربيني بلخرابه
مولاتي حسن العاقبة رزقيني وي حبيبي
بلا روح اعيشن بس جسد لو بعد عني بابه
اني العشت من عينه ولعينه
تحز بل الكلب غربة صواوينه
ياهوه يحمي ضهره لو حارب
ولو طاح ياهو يفزع يعينه
عاش الجرح
بكل المشاعر بانت غربته
نفس الحراره النار ودمعته
ذبحة دليله جمرة غيرته
قبل الذبح
من غيرته دك جفه بلترب
شلون لخيامه تتعنه الغرب
هاي المصيبه التحرك بلكلب
.. مولاتي على الحب عينيني "..
ـــــــــــــــــــــــــــــــــــ
اللهم عجل لوليك الفرج
_مصطفى سلمان
مجالس فاطمه .... تحبهه اهل السمه
تحبهه اهل السمه .... مجالس فاطمه
......
رابح البيهه حضر هاي المجالس
اعليهه حتى الأنبياء صارت تنافس
والملائك تكَصدلهه كالنوارس
والمنابر تشهد ابهاي القضيه
.....
هل مجالس نعمة الله ومن حضرهه
ما تمس النار عينه ولا تضرهه
جنة الله اتصير اله دار بكبرهه
ياهو اليحصل مثل هاي الهديه
....
كل حوائج ما تظل ابهل مئاتم
كلهه توكع بيد امنه الزهره فاطم
الف هنيالك يمن عالصدر لاطِم
هل وسام يصير الك اعظم هويه
.....
فاتحت ام الحسن ألهه اهلهه
موش ياهو الجان يكَدر يوصلهه
بس التحبه الزجيه يحضرلهه
ويا كبر حضه العلي ترضى الزجيه
......
باجر ابسجل الزجيه ايشوفه اسمه
كل شخص محروك لم حسين دمه
وبكثر دمعاته الهه وكثر لطمه
أجره ياخذ اي وحق حامي الحميه
......
✍️ كلمات موسى الخادم
قصيدة لشهادة الزهراء ع
من گلبي صحت.. يمج شيبت
اكتب عالگبر.. ماتت من وكت
……..
بخنكة الصوت.. صحت ياعافيتي بعدج هالعمر ضاع
بخنكة الصوت.. آه وايام الحبايب يكضن بساع
بيه حسره وسالفه ومابيه انعه
راح اسولفهن يروحي دمعه دمعه
ياخسارة كلبي ما ادري شكبرهه
كلشي يرجع بس اليموت شيرجعه
ريتي بلا هوه. وعيني بلا ضوه
تسولف دمعتي. ماتت من وكت
.....................
بيت مهيوب. يصير للفقره وطن لو دكو الباب
بيت مهيوب. ومن عتبته مراد اخذو كلهم تراب
دارت الدنيا علينه والله صعبه
ياهظيمه لبيتي طبت ناس غربه
18 نبضه انتي عمرج ليش اذوج
والقصد چان النبي يشلعون كلبه
مذبوح الامل. دك بابي الاجل
وناده ياعلي. ماتت من وكت
...................
اسمع الاه. من وره الباب وضلع للزهره مكسور
اسمع الاه. وانه اجرع بالصبر يالزهره مجبور
طايحه طيحت نده بحسره شكبرهه
ظلوعج مكسريهه واعله الباب اثرهه
الله يدري الحسره البكلبي بغيابج
كومي يابعد اليشوفن يانظرهه
يرويحة علي. ياناسي وهلي
ما اسمع ردت. ماتت من وكت
.....................
بيه تدرين.. الليل من ايمرني اخلصه بدمعة العين
بيه تدرين.. ضهري محني من فركتج يم الحسين
ذبل عودي والحزن خيم عليه
مامصدك دافنج اني باديه
للمكابر امشي الج محتار حيره
وعل كبر اغفه ودمعتي تضل جريه
اصحه امن الألم.. فراكج جن سهم
وكلشي ايصيح الي.. ماتت من وكت
........................
كلبي مشلوع. بلايه كواك الله لمن ادخل البيت
كلبي مشلوع . هواي وادم بس احس لوحدي ظليت
هواي كبرتيني من عفتيني وحدي
الليل يكضي بدمعتي وايدي اعله خدي
ردت كلمة ياعلي بلسانج انتي
اه ياكبرج اخذ كل فرحه عندي
اوصل بالدمع. بقرآن وشمع
ويرد الكبر. ماتت من وكت
حسين صادق العقابي