7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
الماوالاه ابو الحسنين شنهو ايفيده
مفتاح باب الجنة حيدر بيدة
حيدر علي نعمه الولي
........
الماواله حيدر عالسراط انشوفه
مجتفه ابحل المهانه اجفوفه
اجهنم ملاذه انهايته معروفه
نار السعير اتصير اله مكشوفه
مينفعه الوالهم كلبه
كدامه يلكه الشمر يلكه ايزيده
.....
كلمن بغض حيدر علي والينه
ما يدخل الجنه ويشوف ابعينه
دين الله حيدر والصحيح ابدينه
خسران كلمن خالفه امسجلينه
رابح كلمن سالك دربه
هنياله كلمن رابح بتأييدة
......
الخالف نهج حيدر خلاف المله
دستور واضح عاقل اليندله
مو كل شخص يتوفق ويوصله
بس الدعتله ام الحسن يتعله
وتكضيله الحاجات الصعبه
اكرام العلي اتقدمله كلشي ايريدة
....
الله ابجلالت قدره يهوا الحيدر
والهل السبب خلاها زوج الكوثر
يوم الحشر محد يجوز المعبر
الا بشفاعة علي قالع خيبر
توقيع الصك باخر شعبه
صك الجواز الوصي ايوقع بيدة
......
العالم ابكفه وعلي اسمه ابكفه
كل المناقب والفضائل صفه
يعجز لساني القاصر أن ايوصفه
بس الله وحده ايوصفه هو ايعرفه
ما يعرف حيدر بس ربه
مو عادي حيدر كلشي زاد ايزيدة
.....
٥ رمضان
الحمدالله رب العالمين
اللهم صل على محمد وال محمد
موسى الخادم
معتقد هذا اللطم مو عاده
أحنه خدام الـ علي واولاده
واعلياه •• واعلياه
……………………………………………………………
هاللطم تكليف من رب السمه
وقف مخلوقين نخدم فاطمه
الله رافعنه بعلي حامي الحمه
گال فلتحيا الجفوف اللاطمه
بيهم المذهب عله بأمجاده
احنه خدام الـ علي واولاده
واعلياه •• واعلياه
……………………………………………………………
مو مجرد لطمه وتأذي الصدر
هي سيف ويذبح بأل الشمر
هي معول كسّر اعروش الكفر
ثوره هي ولبست اثياب النصر
صوت عالي اعل لفخر معتاده
احنه خدام الـ علي واولاده
واعلياه •• واعلياه
……………………………………………………………
مو وليد اليوم تاريخ و زمن
بده من دعبل وياسين و وطن
وحمزه من صوته النوارس دمّعن
وباسم القاد الركب وكت المحن
وهسه عدنه اصوات همه القاده
احنه خدام الـ علي واولاده
واعلياه •• واعلياه
……………………………………………………………
اللطم في معناه مصداق الضعف
قوه عدنه ايمثل و بيرغ يرف
في قياس الغيره واحدنه بألف
مثل بنيان وچتف يلزم چتف
احنه جيش الماخلص تعداده
احنه خدام الـ علي و اولاده
اعلياه •• واعلياه
……………………………………………………………
تكول متخلفين من بين الامم
شكد قديم وجاهل الناح و لطم
يالمثقف انت ما عندك قيم
انا بيه اتعيش نيران الخيم
ابمتني سوط وما عفت جلّاده
احنه خدام الـ علي واولاده
واعلياه •• واعلياه
……………………………………………………………
غدا نلطم وبحضور المنتظر
نقره كعديه اعل راس اللي انطبر
و شوط عالضلع الذي اباب انكسر
ونزله عالعطشان وبسيف انّحر
و ننعه عن زينب وعم الساده
احنه خدام الـ علي و أولاده
واعلياه •• واعلياه
……………………………………………………………
✍️ ( سيد خضر الزاملي )
لحن
(اسد بابي)
مولاي امير المؤمنين 💔
*قصيدة للإمام علي (ع)*
*من ديوان📚 دموع وعبرة في رثاء العترة الجزء الاول*
❥━──➸➽❥❂❥━──➸➽❥❂
ياعلي وحشه وخليه اديارك
شلون لو گصدت واجت خطارك ❥━──➸➽❥❂❥━──➸➽❥❂
ياعلي هاليوم دارك مظلمه
وزينب تنادي يحماي الحمه
بويه بالمحراب هل سال الدمه
الف وسفه صار مظلم دارك ❥━──➸➽❥❂❥━──➸➽❥❂
مظلمه دارك يحماي الدخيل
يا وليد الكعبه يالمالك مثيل
عگبك الأيتام ظلت بالعويل
تنادي يالوالي وتنوح گبالك ❥━──➸➽❥❂❥━──➸➽❥❂
تنتحب زينب وظلت بالهظم
بعدما تحمل قهرحزن ويتم
من مرار البين للجور وظلم
يالولي ضاعت علينه اخبارك ❥━──➸➽❥❂❥━──➸➽❥❂
يالولي ردناك خيمه للابد
غبت عنه وين نتلاگه بعد
انت للايتام والشيعة ضمد
جانت الدنيا زهيه بجالك ❥━──➸➽❥❂❥━──➸➽❥❂
جانت الدنيا بجالك مزهره
وظلت اخلافك حزينه مكدره
اظلمت الدنيا علينه ومغبره
وظلت بنص الگلوب احزانك
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور*
*نسألكم الدعاء الفاتحه الى روح اختي ولأمواتكم:*
هوسات ليلة مرض أمير المؤمنين علي عليه السلام
يابا الحسن إگعد علي عوف الجرح و آلامه
شوف الدهر يم عتبتك عِندك يون و أيتامه
و العالم يشهگ بالأسىٰ و رفَّت حزن اعلامه
إگعد يا حامي الجار ياغيث و ندىٰ
تـهـدمــت والله أركــانُ الــهُــدىٰ
➖➖➖➖➖➖➖➖
جرح الكدر بونا علي ما يندمل لو ترحل
شنهو علاج الطبره و دُوىٰ باصرنا و إنطگ بالحل
بس من طحت يابا الحسن شوف إشجرىٰ بينا و حل
صب الزمن ويلات من جور العدىٰ
تـهـدمــت والله أركــانُ الــهُــدىٰ
➖➖➖➖➖➖➖➖
✍️الشاعر : أبو شهيد الأحسائي
════════════
*لا يجوز و محاسب شرعاً حذف او تغيير التوقيع*
أنا الحَزينُ فليسَ العِيدُ يُطرِبُني
بصوت الخطيب الشيخ كاظم العبادي
أنا الحَزينُ فليسَ العِيدُ يُطرِبُني
بصوت الخطيب الشيخ كرار الكعبي
يا لِيلةِ التَّاسِعْ عَشَرْ آهِ شْعُظُمْ هالِّليله
بصوت الخطيب الشيخ كرار الكعبي
يا لِيلةِ التَّاسِعْ عَشَرْ آهِ شْعُظُمْ هالِّليله
بصوت الخطيب الشيخ ميثم الديري
في رحيلي والمسير
بان الي كهفُ الهجير
...........انهُ الفرضُ الاٌخير
*******
انه حيدر من غيابي اتهدمت دار الامامه
شاهدت حسره الكواكب بينت جرحي علامه
ارتدي ثوب المنيه والاجل كرب هيامه
چانت السجده الاخيره ينتهي عمري وختامه
ها هنا كان النداء
يا علي من السماء
للردى كيف تسير
*******
هذا ابن ملجم اشوفه مرتدي ثوب الرزايا
نايم وسيفه عله بطنه مطوك بحبل المنايا
لكن ادري بهايه تحكم مايصير اله بجنايه
سجدتي تشهد خلودي وضحت حد النهايه
قاصداً فرض الصلاة
ارتدي ثوب الممات
أنهُ جرح الامير
*******
اتوجهت محرابي وانه كبرت كل الجوامع
والملك اصبح ينادي ياعلي بصوت المدامع
هذا ابن ملجم يتاني الصبح يحسب يطالع
كبرت وبصوتي انعه انطبر سيف الله راجع
ساجداً بين القنوت
لا ارى كيف اموت
هكذا أمرُ القدير
*******
اسمع بصوت المنادي شد حيازيمك يحيدر
جارت ايامي عجيبه الطبر مرحب تصور
فزت رب الكعبه اردد مشهد العالم تغير
والأذان بصوتي ناده والجرح الله أكبر
سجدتي كان الخلود
هاتفاً....بين السجود
والى اللهِ المصير
*******
راجع الداري عجيبه والدمه بثوب الامامه
والسحب لملم نجومه اتغير الكون بنظامه
معصب وانه شفتهه طبرتي مثلومه هامه
انه قتال الاشاوس والدهر يرمي بسهامه
هكذا كان الختام
انظرو حال اليتام
بالاسى كان النظير
*******
خادمكم
يوسف الفتلاوي
اذا السماءُ انفطّرت....هامة علي مطبوره
اذا العشارُ عُطلّت...يتضح معنى السوره
واعلياً............واعلياه
*******
اول جرح نزف السمه......جبريل بين حزنه
والعالم اتعلم يون..........ماخذ طبع عالونه
فكدك توطنه الالم.......والليل ياخذ منه
معزوم بجروح الدمه....بمحرابه طايح لنه
اذا النجومُ انكدرت...بيهه الليالي تنوحك
اذا البحارُ فُجرت...ياعلي چنهه جروحك
واعلياً......واعلياه
*******
ياحسرة الفاگد ابو.......محني الظهر بآلامه
معدوم عمره ودنيته .....ماتت جميع احلامه
ظلمه النهار بعيشته.......والدمعه طول ايامه
والفاكد المثلك علي....مذبوحه شفنه ايتامه
اذا البحار سُجرت......ياعلي تنزف هامك
اذا الوحوشُ حشرت......منتظره هاي ايتامك
*******
مجتمعه احبابه وتون.... بالطبره عاشو همه
منتظره يلفيهم صبح.....يحچي الظلام برسمه
كل سائل ادموعه دمه.....ويعيش لوعة هضمه
شفنه الفقير بحسرته ....يسمع نواعيها امه
اذا البحار فجرت.....يعني المدامع تجري
اذا السماء كشطت..بيها انشغالي وفكري
واعلياً...............واعلياه
*******
سولفنه ابدموع وهضم..والفقره تحچي احساسك
والصبح ينتظر الفرض......مخنوگه ليش انفاسك
عمرين عديت الجرح.......تذبحنه طبرة راسك
ونيت وانت بهالوضع..........زينب تجي العباسك
اذا الجحيم سُعرت....چن بيها اليضدونك
اذا القبورُ بعثرت......متعذبه اليعادونك
واعلياً..............واعلياه
*******
مفجوعه املاك السمه ...تتسحر اجروح وحزن
محرابك اتخضب دمه..سيف الغدر يمك يجن
عرش الله يهتز ياعلي..جبريل يم راسك يون
حنيه متروس اشكثر......ليتامك اتصير الوطن
اذا الموءوده سئلت.......تكتب جميع احزانك
بأي ذنباً قُِتلت......... جرح اليتم رمضانك
واعلياً.............واعلياه
*******
تمت بعون الله تعالى
خادمكم ....يوسف الفتلاوي
خل نصلي اليله وحشه..عالحمَل جبريل نعشه
نــبـچــــــي ونصلــي ركعــتـين…. يزينـب
البيت وحشه ابدون ابو حسين… يزينب
★★★★★★★★★
اهنا يزينــــب گابلينــــي ابـــدمــع العيون
انـــه اخوچ الحسن يمچ يختي يَم عـــون
ليش الي انحــبـــهـــم يــزيــنـب مايظلون
والله صعبه باالمگـــابــــر مــــن ينامــون
راح ابـونـا وفـارگانـه …. العيد جاي اويتمانــه
ابــلا أبـــو بيـمَـــن تعَــيــديــن…يزينب
البيت وحشه ابدون ابو حسين… يزينب
★★★★★★★★★
اتوضي بدموعچ يخيتي العَلگمي ابعيد
أوحَضري اهدومچ السود الجيـت العيد
انـــه ادري اجــــــروح گلبچ بعد مَتهيد
ازغيرة أنتي وبينَت بيچ التجـــــاعيد
بالمگابر غفوا ناسچ … وبين الشيب اعله راسچ
واللــــه حــگـــــچ من تشَيبين…يزينب
البيت وحشه ابدون ابو حسين…يزينب
★★★★★★★★★
اسم الله خويه حسين گلي اشينفع ابچاك
گـــــوم خويــــه وخل يجي العباس وياك
خل لبونــــــــا انصلي وحشه وزينب اهناك
واللــــه من تسمع بچيها اتگطع اچــــلاك
ليش شهر الله ابصيامه…خله اهل زينـب يتامه
فطــــر گلــبـچ مــن تفطريــــن.. يزينــب
البيت وحشه ابدون ابو حسين…يزينب
★★★★★★★★★
يابـــو فاضل من نصلـــي ونوگف اصفوف
ومـــن تگبر تـهـــد حيلي هـــــاي الچفوف
أذكـــر اوصــيَــت أبــونـا الــيـــوم الطفوف
بــاچـــر انتــه اتصير خويه حصت السيوف
تشوف زينب عاالشريعه…ذَنـي اچفوفك گطيعه
عالنهر لـــو شفــتـــــي چــفــين….. يزينب
البيت وحشه ابدون ابو حسين… يزينب
★★★★★★★★★
شمعه شمعه خل نصير ونضوي مُحراب
ونلطم احـــنه وتقره مُلايــــه ام الحجاب
اهنا يزينب نصي صوتچ أُمــــنه باالباب
لا تسمعچ نــــام ابونــا جـــــــوه التراب
أمي شو عافت گبرها …. وأجت مَحنيه ابكسرها
خـــــاف سمعت من تـــونـــــين….. يزينب
البيت وحشه ابدون ابو حسين… يزينب
★★★★★★★★★
خيمه ابـــــونـــــا وراح مـنه وبالگـــبر نـــام
يعنــي بــاچـــــر ماتـنـفعـــچ كــــل الاخيام
صــرنا مــن هســه يـــتامـــه والفَرح صَــــام
وبــاچــــر الوادم تـگــلـــــچ أُم الايـــــــتام
الراح ابوامايلگه راحه... وعيشي زينب بالمناحه
عالهـــزل مَچتوفـــه تمشــــين….. يزينب
البيت وحشه ابدون ابو حسين… يزينب
★★★★★★★★★
أنــة اخوچ الحسن هسه وچبدي مَمرود
كربــله ابعيني صورها انعـرظـــت اردود
چفچ ابحبل الشمـــــر من شفته مگيود
صفگت ايدي وصحت عنچ وين الحيود
من سمَع جبريل صوتچ…صاح زينب وين اخوتچ
امتربـــــه وعَــلـتَــل تصعديـــن…. . زينب
البيت وحشه ابدون ابو حسين… يزينب
★★★★★★★★★
ـــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
قصيدة في شهادة الإمام علي عليه السلام ،،
ـــــــــــــــــــــــــــــــــــــــــــــــــــــــــــــــ
هِدمَوا الدّين الحَنيف بطَبرِتَك
ٱنشَلّت ٱيمين الرّجيم الغِدرِتَك
يَم بابَك هاي اليِتامَه
تِدعيلك دعوة سَلامَة
والحِزِن خَيّم ظَلامَه
وَا عَلِيّاه وَا عَلِيّاه
ـــــــــــــــــــــــــــــــــــــــــــــــــــــــــــــــ
قِبلَة دَارَك چانَت إنتَه يا إمام العابدين
مِن بَعد طه النبي صِرت أمير المؤمنين
واليِچِهبَك كِل هُمومَه تِنجلي يابوالحُسين
تِشهَد لوَقعة فَقارَك خَيبر وبَدُر وَحُنَين
إنتَه بالأحزاب رَفّت رَايِتَك
ٱنشَلّت ٱيمين الرّجيم الغِدرِتَك
للنّصُر چانَت عَلامَة
تِدعيلك دعوة سَلامَة
والحِزِن خَيّم ظَلامَه
وَا عَلِيّاه وَا عَلِيّاه
ـــــــــــــــــــــــــــــــــــــــــــــــــــــــــــــــ
إحنه نِدري اللي يبُغضَك لِلشّرَف ظَل يِفتِقِر
إحنه نِدري لَولا سَيفك كِل شَرِع ما يِستِقِر
إحنه نِدري لليِجيك بحاجِتَه ما تِعتِذِر
كِلها ماتَت يابو زينب وِسمَك الظّل يِنذِكِر
جَنّة فوگ الگاع حَيدَر حَضرِتَك
ٱنشَلّت ٱيمين الرّجيم الغِدرِتَك
قِبلَة العِز والكرامة
تِدعيلك دعوة سلامة
والحِزِن خَيّم ظَلامَه
وَا عَلِيّاه وَا عَلِيّاه
ـــــــــــــــــــــــــــــــــــــــــــــــــــــــــــــــ
ياهومثلك من دوسَة ٱجدامه يِخْضَرّ الصُّبَخ
يا هو مثلك طَلّگِ الدنيا ولا لحظة رِضَخ
يا هو مثلك يا علي للمصطفى صايِرلَه أخ
شلون يتقارَن ٱوياك اللي مِن دين الله ٱنسِلَخ
وياك شَدّت يابو زينب دِنيتَك
ٱنشَلّت ٱيمين الرّجيم الغِدرِتَك
والكُفُر تِكبَح لِجامَه
تِدعيلك دعوة سلامة
والحِزِن خَيّم ظَلامَه
وَا عَلِيّاه وَا عَلِيّاه
ـــــــــــــــــــــــــــــــــــــــــــــــــــــــــــــــ
واللي يِنصُبلَك عَداوة يا بو زَينب نِعذُرَه
حَگّه مو نيرَان حِقدَه بالضّلوع ٱموَجّرة
حَگّه ما عِندَه ملاحِم بالشجاعة ٱمسَطّرَة
حَگّه ما مَعروف شَأنه ولا يِمتِلِك مَفخرَة
هاذا دَيدَنها النفوس البُغضِتَك
ٱنشَلّت ٱيمين الرّجيم الغِدرِتَك
ما عِدها ذَرّة شَهامَة
تِدعيلك دعوة سلامة
والحِزِن خَيّم ظَلامَه
وَا عَلِيّاه وَا عَلِيّاه
ـــــــــــــــــــــــــــــــــــــــــــــــــــــــــــــــ
مَوقِفَك ما ينوِصِف مِن بِتِت بفرَاش الرسول
ما لِگه مِن هالبَرِيّة غَيرَك لايِگ للبتول
إنتَه حَيدَر والمشاكل إلهَا بَس يَمّك حلول
إنتَه كِل مِحتاج خَيرَك غَرّگه بضَنكِ المُحول
حُفظَت الأعرَاض والدّم غِيرِتَك
ٱنشَلّت ٱيمين الرّجيم الغِدرِتَك
إنتَه شافِع بالقيامة
تِدعيلك دعوة سلامة
والحِزِن خَيّم ظَلامَه
وَا عَلِيّاه وَا عَلِيّاه
ـــــــــــــــــــــــــــــــــــــــــــــــــــــــــــــــ
يا عَلي عِندَك تِساوَى هالذّهَب وَيّ التّراب
وبسَبب هاي العَدالة الهامَة غَطّاها الخِضَاب
ناحَت الكعبة الشريفة لَجلَك ونَاح الكتاب
عِيسى والإنجيل ناحَوا يا علي بهذا المُصَاب
بَچّت التّورَاة حَيدَر طَيحِتَك
ٱنشَلّت ٱيمين الرّجيم الغِدرِتَك
نِزفَت جروح الإمامة
تِدعيلك دعوة سلامة
والحِزِن خَيّم ظَلامَه
وَا عَلِيّاه وَا عَلِيّاه
ـــــــــــــــــــــــــــــــــــــــــــــــــــــــــــــــ
لَيلة الآلام هاذي وبيها يِنشَقّ القَمَر
لَيلة الأحزان صَارت لَيلة التاسِع عَشَر
لَيلة بيها الدين صَرّح فِزِت والحَق ٱنتِصَر
بيها وَحي الباري نادىٰ حَيدَر بسَيف ٱنطُبَر
يا أبو السبطين هِيّه ٱختارِتَك
ٱنشَلّت ٱيمين الرّجيم الغِدرِتَك
هامِتَك تِنزف كرَامة
تِدعيلك دعوة سلامة
والحِزِن خَيّم ظَلامَه
وَا عَلِيّاه وَا عَلِيّاه
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في شهادة الإمام أمير المؤمنين عليه السلام
ـــــــــــــــــــــــــــــــــــــــــــــــــــــــــــــــ
ٱنطُبرت بليل القَدُر هامة علي
وزينب وإخوتها صاحوا يا وَلي
ـــــــــــــــــــــــــــــــــــــــــــــــــــــــــــــــ
بليلة التاسع عشر والكِل هُجوع
ٱتوجّه لفَرضَه الوَصي وبكل خُشوع
ويِسجد لرَبّه بَيقينه وبدموع
الدنيا ينساها إذا بي يِختِلي
ـــــــــــــــــــــــــــــــــــــــــــــــــــــــــــــــ
بساعة الغادرها دارَه المُرتضى
أيقَن الليلة العُمر مِنّه ٱنگضى
وسَلّم لرَبّ العرش أمرَه ورِضى
وأصبَح لحَيدر علي الموقف جَلِي
ـــــــــــــــــــــــــــــــــــــــــــــــــــــــــــــ
علي ظَلّت عَينه تِنظُر للسّمه
نَعَم هاي الليلة هِيّه الحاسمة
يا هَلا بموتي وَنا حامي الحِمَه
في سبيل الباري رَايد مَقتلي
ـــــــــــــــــــــــــــــــــــــــــــــــــــــــــــــــ
شال حيدر رَاسه مِن أوّل سُجود
مِشى كِتره ورُفَع بتّارَه الحَقود
طَبرة صُبغَت شيبتَه وذيچ الخُدود
وصَاح هذا الفوز رَبّي الرّادَه لِي
ـــــــــــــــــــــــــــــــــــــــــــــــــــــــــــــــ
صَاح جبريل ٱنهدم رُكن الشّرِع
وبِالسّما صوت الكواكب يِنسِمع
هذا اللي ٱبيَمناه خَيبر تنقِلِع
وكِل هُمومه اللّي يِنِدبَه تِنجلي
ـــــــــــــــــــــــــــــــــــــــــــــــــــــــــــــــ
يا وِسَف حيدر أسد بَدر وحُنين
واگع بمحرابه مطبور الجَبين
ويَمّه زينب تِنحَب وتِصفِج بدِين
تصيح عگبك خالي مُظلم مَنزلي
ـــــــــــــــــــــــــــــــــــــــــــــــــــــــــــــــ
ودَمِع أولاده على الخَدّ ٱنسجَم
وخَيّم ٱعللكوفة بجناحَه الألم
الصُّحُف جَفّت ونرُفَع مِنها القَلَم
وفَاظَت لرَبّ العَرِش روح الوَلي
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة موكب الزنجيل ، في مصاب أمير المؤمنين علي عليه السلام ،،،،،،،
ـــــــــــــــــــــــــــــــــــــــــــ
حيدر أبو السبطين صابوا جبينه
وزينب تنادي شلون غدروا علينه
ـــــــــــــــــــــــــــــــــــــــــــــــــــــــ
زينب تصد وتنوح والدمعة تهمي
راسك يليث الغاب يا وسفة مدمي
مصابك كلف چتّال ريت أمي يمي
تواسيني بالدمعات زهرة نبينه
ــــــــــــــــــــــــــــــــــــــــــــــــــــــــــــ
ذاب الگلب بحشاي وعيوني هملَن
دين الله بالمحراب اركانه مالَن
طاح الوصي الكرار ودمومه سَالَن
ناح العرش والكون أسمع ونينه
ــــــــــــــــــــــــــــــــــــــــــــــــــــــــــــ
بسابع سما الأملاك گامت تنادي
بسيف الحقد مغدور خير العبادِ
ريته وعسن مشلول چف المرادي
ظلمة اصبحت كوفان وتيتمينه
ــــــــــــــــــــــــــــــــــــــــــــــــــــــــــــــ
مِن شافته أم چلثوم صاحت يوالي
موقف صعب ما يوم مر علبالي
راسي انطبر ياريت گبلك يغالي
عگبك دمعنا ايسيل وتعذّبينه
ـــــــــــــــــــــــــــــــــــــــــــــــــــــــــ
زينب تصيح شلون جرحك يحيدر
لونك تبدل ليش حالك تغير
گلبي علمودك ذاب جمراته تسعر
معقولة أبو الحسنين راح امندينه
ـــــــــــــــــــــــــــــــــــــــــــــــــــــــــــ
وصدر الحَسَن چانون يسعر لهيبه
حاير يبويه ادواك من وين اجيبه
جرحك جرح چتّال أيّس طبيبه
حالك يبويه اليوم يصعب علينه
ــــــــــــــــــــــــــــــــــــــــــــــــــــــــــ
عِد راسه أبو السجاد يجذب حَسِرته
عينه علبيه ادير ساعة علخيته
وگلبه التهب نيران تسعر جمرته
ظلّينه عگبه ايتام نصفج بدينه
ــــــــــــــــــــــــــــــــــــــــــــــــــــــــ
وصى البطل عباس بالحرة زينب
دگ صدره ابو النوماس والغيرة تلهب
كافلهه أنت تصير للطف تِأهّب
مِن هسه أنت تصير حامي الظعينه
ـــــــــــــــــــــــــــــــــــــــــــــــــــــــــ
حاچاهم الجرّاح ما شفنه طبره
سِمهه الوصل للراس حِسمَتله أمره
عَهدك إعِهده الحين ووصيتك اقره
وفاضت لرب الكون روحه الأمينه
ــــــــــــــــــــــــــــــــــــــــــــــــــــــــ
بقلم الاستاذ / ستار عذاب الحچامي
لسان حال السيده زينب ع
……………………………………………………………
عيني ما تهوه الصبح
شو احس باجر جرح
واعلياه . واعلياه
……………………………………………………………
عيني ومجربتها كلش من ترف يعني انفجع
رفت وكالتلي امج ينكسر منها الضلع
الليله من دون الليالي غورگ ابنصها الدمع
اسم الله بس لا بوي رايد وي فاطم ينجمع
اسم الله يمخوف الزلم
خوفي منك انحرم
واعلياه . واعلياه
……………………………………………………………
فطر عندي و ترس بيتي من شذى انفاسه بعطر
جلمة البويه يزينب جنها نسمات الفجر
لجن شفت بعينه فرگه فركه ولطول العمر
جنه متحضر الموته الليله ابد ما مستقر
عنكم امهاجر يكول
يم محمد والبتول
واعلياه . واعلياه
……………………………………………………………
طلع للجامع وكلبي يمشي وي جدم الولي
اگفه وبمگفاه صورة للحزن واضح جلي
والطيور اعليه صاحت فدوه لا تطلع علي
الباب حط روحه و يروحه وعلى المأزر يعتلي
رد يالمحلّي الحياة
انت رايح للممات
واعلياه . واعلياه
……………………………………………………………
صوت باذاني واعرفه جان عد امي ايخدم
انهدمت اركان الهاديه وانكسر باب العلم
راس ابوج الكله غيره بسيف صبّح منثلم
الشايل الباب اعل جفه . ماكدر يرفع جدم
ريت تحضر فاطمه
وتمسح ابجفها الدمه
واعلياه . واعلياه
……………………………………………………………
على ذيج الشوفه بويه عيوني يا ريت انعمن
ولا اشوفن شايلينه بين الحسين وحسن
وجهه والعصابه اشوفن لونهم واحد صفن
ما حجه لكن عيونه بدمع المفارگ حجن
عيونه كالتلي جواب
مقبل اعليج العذاب
واعلياه . واعلياه
……………………………………………………………
بليله الوحشه يزينب انا اجي لحمايتج
من يصير الكون ظلمه ابلايه نور من اخوتج
خيمه وحده اتصير عدجن هي بس اعبايتج
من الركض تعبانه كلش والخيول الهدتج
والصبح دور الهزل
يسافر وياج الحبل
واعلياه . واعلياه
……………………………………………………………
✍️ ( سيد خضر الزاملي )
قصيده للامام علي عزاءيه
___
انت المعزه اليوم مهدينه.
الليله انطبر براس والينه.
حيدر الضرغام .حيدر الضرغام.
عمتك تون هليله يتموها.
شموع الموده اليوم طفوها.
هامت علي الكرار ضربوها.
عدوان الاسلام . عدوان الاسلام.
الدنيه كلها اليوم مرجونه.
حيدر علي وسفه يغدرونه.
بشهر الصيام يغمص اعيونه.
ويتركنا ايتام . ويتركنا ايتام
عم الحزن وشيعه حزنانه.
وتنادي بسمك حيل مولانا.
وسفه الولي مانسمع اذانه.
ويتم الصيام . ويتم الصيام .
شيعنه حيدر وسفه ومصيبه.
جرح الي بينه ماله طيبه .
راح المحامي القائد الهيبه.
نلطمله عالهام . نلطمله عالهام.
صعبه فركتك ياعلي علينه.
والدنيه بعدك حيل تاذينه.
جرح التركته ياعلي بينه.
مايرضا يلتام . مايرضا يلتام .
جبير ناده وعله بصياحه.
بعدك ياحيدر ماكو كل راحه.
والله فركتك حيل ذباحه.
خلتنه منام . خلتنه منام .
*ناعيه الخيام*
ام فاطمة الزهراء
((أسد بابي))
فراگك مو سهل بيه ولا حـاسبته بحسابي
ولا متّصوره العشره تخلص وآنه اسد بابي
واحد واحد مودعه الزمن خلصهم احـبابي
الزمن مايرحم بحالي
شدهني بروحةّ الغالي
وتيه بـــــالي مـن بالي .. يبويه
تهت يـــاحيدر اسمعني
يصوتك ناصي ماسمعه
اشمك ويــــن مــا ادري
وحرگت وجنتي الدمعه ...
"""""""""""""""""""""""""""""""""""'''''''''''
حيدر گـلي خَلّصنه فلت ونتهت بينه
بعد ويانه ماتگعد ولايمنه وتحاچينه
ماترهم تفارگنه ابونه ومــــاتمـاشينه
ابــــــد ماترهم ويانه
تــــروح بعيد يحمانه
اعرفه اشلون ينسانه .. يبويه
الغـــربه بروحه ملتمه
اليتامه شلون وتودعه
اشمك وين مــــا ادري
حرگت وجنتي الدمعه ...
"""""""""""""""""""""""""""""""""""'''''''''''
ليـــــــل فراگك أمطول وأكّور بالدمع همي
وآنـــــه الوحَدي بويه تمنيت شكثـــــر أمي
نبچي اثنينه بصفك ويزينب تصرخ باسمي
أماني مچــــلبه براسي
وتضيگ بريتي انفاسي
يريت جـروحك براسي .. يبويه
اذا تمشي يبـو الحمله
دينك ينكــسر ضــلعه
اشمك وين مــــا ادري
حرگت وجنتي الدمعه ...
"""""""""""""""""""""""""""""""""""'''''''''''
وين انطي الوجه بويه وكل البوب مسدوده
غريبه وآنه عد اهلي چفوفك ليش ممدوده
فل راسك وگوم أگعد يبو حمـلات مشهوده
يالمغرگهم بعطـــــفك
خيبر يبچي من چفك
محد يوصل الوصـفك .. يبويه
سكان الزمـــــن بيدك
وانته بچفـــك اتسنعه
اشمك ويــــن ما ادري
حرگت وجنتي الدمعه ...
"""""""""""""""""""""""""""""""""""'''''''''''
گضن چلماتي يم راسك راح احچيلك السكته
يــــــالمسبل دمع عيـني گلبي النار لاسعته
يغطونك وباوعلك امـوتن بس تعيش انته
الكلام من الحزن شيب
گوم أگـــــعد يـبو زينب
ابوي الهيبه المــــــرتـب
هاك ادمـــوعي يابويه
الجدي وأمــي البضعه
اشمك وين مــــا ادري
حرگت وجنتي الدمعه ...
عبد زينب
محمد الابراهيمي
أميري حيدر~
أميري حيدر وأفخر لحظة الك ينسبوني
موالي وارفعه راسي وتاج الخدمة بعيوني
انا الشيعي الّي واليته وبحبه يلوموني
وبيوم القيامه هناك يشفعلي علي الكرار
---------------------
اريدن حين ملك الموت روحي مني يقبضها
تحضرني يابو الحسنين وصحف اعمالي تختمها
ترفق بيّه هالاملاك وضغطة گبري تمنعها
تآنس وحشتي بلحدي تحضرني يا حامي الجار
---------------------
تحضر ساعة حسابي وتشفع ليّه بالمحشر
بيميني احمل كتابي ويمَك عالطراط اعبر
بولائي افخر بحبك وتروّيني من الكوثر
وتنجيني من جهنم وتعذب مبغضك بـ النار
خادمة آل محمد ✍🏻
*قصيده للأحباب بأسم اهل زينب عليها السلام مهداة الى كل امواتنه*
*.....القصيده....*
الفرگه خلتني اون
روحي بس هم وحزن
شالو ابليل وجفونه .كل اهلنه
من بعد .عين الغوالي .ضاع املنه
..................
من بعد عين الغوالي بس انوح
الليل لومر يمي ايهيج الجروح
وانه كل يوم افگد الوجه الصبوح
هموم عندي ذابحتني ووين اروح
ملت الوادم ونيني.. اوعاتبتنه
من بعد عين الغوالي ضاع املنه
................
شالت الناس النحبها وماتعود
ليش ماحطو وصيه اولا وعود
يوم عن يوم الدمع ماجف يزود
بالونين الباب والعتبه شهود
الراح مايرجع علينه .والله ضنه
من بعد عين الغوالي ضاع املنه
..............
گالوالنسيان نعمه ومانسيت
وانه كلما طال عمري تعذبيت
عدل لاميت وره احبابي صفيت
وانه عاللمه وضحكنه تعلميت
شال وين البيي رجانه..وبيي محنه
من بعد عين الغوالي ضاع املنه
.................
محترگ للفرگه صاير بس رماد
والگلب من يوم شالو ونه زاد
شاد ويیاي الوكت كل حيله شاد
البين دوم اعليه عالزينين هاد
واحنه غير الدمعه والون.. احنه شلنه
من بعد عين الغوالي ضاع املنه
................
راح اسد باب العتب للفارگو
ابد مافگدوني من يوم المشو
اشقصريت اوياهم وهيج ابعدو
هواي شحو ليش بالملگه وجفو
راحو الچانو نسميهم ضوانه.. وهم سندنه
من بعد عين الغوالي ضاع املنه
...................
*تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات*
أنا الحَزينُ فليسَ العِيدُ يُطرِبُني
بصوت الخطيب الشيخ حامد الحسّاني
قصائد مقدمة المجلس
#رقم_263
العيد وفقد #أمير_المؤمنين عليه السلام
الشاعر : ............
1_ أنا الحَزينُ فليسَ العِيدُ يُطرِبُني
كلا ولكنَّ يَومَ العِيدِ يُشجيني
2_ وإنْ تباشرَ بالأعيادِ بعضُهُمُ
فالعِيدُ حُزني متى ما عادَ يُؤذيني
3_ أبكي الإمامَ اميرَ المؤمنين وَمَن
قد هِمتُ حبًا به مِن قبلِ تَكويني
4_ يَقضي شَهيدًا بشهرِ اللهِ يا أَسَفي
والعِيدُ يأتي وذكرُ الجُرحِ يأتيني
5_ "لا عذَّبَ اللهُ" يومَ الحَشرِ والدتي
روَّتني الحبَّ في مَهدي ليُحييني
6_ "وكان لي والدٌ يهوى أبا حسنٍ"
فحبُّ حيدرَ يَجري في شراييني
7_ فَخَلَّني لا تَلُمني إنْ لبِستُ لَهُ
ثوبَ السَّوادِ حِدادًا لا لِتَزيينِ
8_ هَوَى بِمِحرابهِ والدَّمُّ خَضَّبَهُ
قَضَى بسيفِ لَعِينٍ وابنِ مَلعونِ
9_ فصاحَ جبريلُ أركانُ الهُدى هُدِمَت
بِقَتلِ أعظمِ طودٍ كانَ للدينِ
**
الشعر الدارج للشاعر تحسين الخفاجي :
لسان حال زينب عليها السلام :
ابوي الجان يحضني بحنانه
اشوف اليوم ضل خالي مجانه
اشعجب راعي المحنه ما اجانه
انحنه يا ناس ظهري بغير اوانه
انه لحضه بحياتي ما تهنيت
وبس اصفك بديه عليك ضليت
عگبك مكبره بويه اصبح البيت
تانيتك تجيني وليش ما جيت
ليالينه اصبحت من رحت مرات
وعلينه اهموم يابو هموم مرات
مو مرت نحت عالراح مرات
بجيت ونت الحيطان اليه
مراثي الأطهار عليهم السلام
يا لِيلةِ التَّاسِعْ عَشَرْ آهِ شْعُظُمْ هالِّليله
بصوت الخطيب الشيخ كاظم العبادي
#قصائد_النعي_الشعبي
#رقم_٤٢
جرح أمير المؤمنين (عليه السلام)
#الليلة_التاسعة_عشرة من شهر رمضان
الشاعر حسن خنافر العاملي
يا لِيلةِ التَّاسِعْ عَشَرْ آهِ شْعُظُمْ هالِّليله
حِيدَرْ عَلي راسه انْطُبَرْ ناحَتْ عَلِيهِ الْعِيله
وُگْفَتْ على البابِ وْتِوِنْ زِينبْ تِصِدْ واليهه
يَمْته يِجي بَدْرِ السِّمه تِگعِدْ أبَدْ ما بيهه
تِبْچي دَمِعْ تِنْزِفْ قَهَرْ عالمُرْتضى حاميهه
طاحَتْ على وَجْهِ الثّرى مِنْ شافِته تِبْچيله
يا والِدي هايِ الدِّمه لَتْگِلّي مِنْ دَمْ راسَكْ
تِدْري يَبويه عايِشه واتْنَفَّسِ بْأنْفاسَكْ
ساكِنْ يَغالي بِالْگلُبْ صَعْبه تِعوفَنْ ناسَكْ
ما صَدِّگِ عْيوني تره طايِحْ عَلي مَعْقوله
ضَمْهه الْحَسَنْ عِينه تِهِلْ كِلِّشْ ثِجيله الطَّبْره
يا زِينَبِ الْوالِدْ وِسَفْ ناوي السَّفَرْ للزَّهْره
وِحْسينَ ابو اليِّمه يِوِنْ ضَمِّ الْحَبيبه لْصَدْره
صُبري على هاذه الأمُرْ لَسَّه الْمآسي طْويله
عَمِّ الْحِزِنْ أرْضِ وْسِمه ضَجَّتْ بُيوتِ الْكوفه
صَرْخَةْ يِتامه مِعْوِله والِدْنه يَمْته نْشوفه
راحِ الْحَنانِ بْطِيحِته دْموعِ الْأسى مَذْروفه
بَعْدِ الْوَصي طُولِ الْعُمُرْ نِنْصُبْ عَزه وْنِنْعيله
مراثي الأطهار عليهم السلام
بويه ما نسمع اذانك
ياعلي خالي مكانك
بدت اول علامه وكلبي حساس
كمش ظهره وكفيلج هذا عباس
*******
يظل وجهي حزين وعايشه الونه
وصيح بصوت ما يرجع وشوفنه
ولا طارش يجيني وهم اسألنه
جبت عمري اشاكف حسرة الظنه
يعباس الخبر وشلون اعرفنه
بعد مااشوف دربي بيش اوچدنه
حضرت نفسك ينوماس
للخدر تكفلني عباس
باچر كلشي بيدك تعرف الناس
*******
رجف كلبي يبويه والفكر حاير
اظل مشدوهه اني وكسر الخاطر
شفت حتى الاذان بجيته مناطر
خذاني الليل بعدك والنجم ساهر
اظن اليوم حيدر كالو امسافر
يريت الليل ما بين صبح باچر
بويه بعيوني المصيبه
تنرسم زينب غريبه
صفت نار المصيبه وألطم الراس
*******
اشوف البيت غيم والدمع هالي
عليه أشباح تمطر والجرح عالي
اشوف بعيني دمك بويه يصفالي
اظن من عندي رايح حيدر الغالي
تعال وشوف بعدك شنهو يجرالي
اظل محتاره بويه بحسرة الوالي
ضاعت أحلام الطفولة
يا شهر يذبح فصوله
ولامرني الوسن شو ذابل الياس
*******
بعدني بلوعة البسمار والكسره
اخذتني النايبه مجبوره بالعبره
انادي بصوتي انه وتحضر الزهره
علامات الصبح مستعجله بطبره
انه ابروحي كتلهه ماتت الفقره
اجه الناعي يكلي راح ابو العتره
طايح بمحرابه حيدر
من دمه الهامه تنثر
ابن ملجم فعلهه وشمتت ارجاس
*******
اجه البيتك يبويه گاصد وسائل
ثواب انطيته انه بطبرتك واصل
انه قسمه ونصيبي بدمع حاصل
احلفك بالخدر تخبرني ابوفاضل
بالمحراب طاح انقل خبر عاجل
ارتجل للموت حيدر والبطل نازل
حضرت لطف قيامي
تحترك باچر خيامي
بده ابوجهي تعب وضيك الانفاس
*******
اجيت الحجرت الوالد عتب بيه
حسيت الجرح لمن سده عليه
جرح مو واحد ولاهنه هم ميه
تحضرت ابدموعي واخنك الريه
وضع چف الكمر خلاها بيديه
كلت باچر يزينب انتي مسبيه
باچر عالتل اشوفج
والكمر طايح يعوفج
اظل اني أسيره بلايه نوماس
كمش ظهره وكفيلج هذا عباس
*******
تمت بعون الله
خادمكم ...يوسف الفتلاوي
اذا السماءُ انفطّرت....هامة علي مطبوره
اذا العشارُ عُطلّت...يتضح معنى السوره
واعلياً............واعلياه
*******
اول جرح نزف السمه......جبريل بين حزنه
والعالم اتعلم يون..........ماخذ طبع عالونه
فكدك توطنه الالم.......والليل ياخذ منه
معزوم بجروح الدمه....بمحرابه طايح لنه
اذا النجومُ انكدرت...بيهه الليالي تنوحك
اذا البحارُ فُجرت...ياعلي چنهه جروحك
واعلياً......واعلياه
*******
ياحسرة الفاگد ابو.......محني الظهر بآلامه
معدوم عمره ودنيته .....ماتت جميع احلامه
ظلمه النهار بعيشته.......والدمعه طول ايامه
والفاكد المثلك علي....مذبوحه شفنه ايتامه
اذا البحار سُجرت......ياعلي تنزف هامك
اذا الوحوشُ حشرت......منتظره هاي ايتامك
*******
مجتمعه احبابه وتون.... بالطبره عاشو همه
منتظره يلفيهم صبح.....يحچي الظلام برسمه
كل سائل ادموعه دمه.....ويعيش لوعة هضمه
شفنه الفقير بحسرته ....يسمع نواعيها امه
اذا البحار فجرت.....يعني المدامع تجري
اذا السماء كشطت..بيها انشغالي وفكري
واعلياً...............واعلياه
*******
سولفنه ابدموع وهضم..والفقره تحچي احساسك
والصبح ينتظر الفرض......مخنوگه ليش انفاسك
عمرين عديت الجرح.......تذبحنه طبرة راسك
ونيت وانت بهالوضع..........زينب تجي العباسك
اذا الجحيم سُعرت....چن بيها اليضدونك
اذا القبورُ بعثرت......متعذبه اليعادونك
واعلياً..............واعلياه
*******
مفجوعه املاك السمه ...تتسحر اجروح وحزن
محرابك اتخضب دمه..سيف الغدر يمك يجن
عرش الله يهتز ياعلي..جبريل يم راسك يون
حنيه متروس اشكثر......ليتامك اتصير الوطن
اذا الموءوده سئلت.......تكتب جميع احزانك
بأي ذنباً قُِتلت......... جرح اليتم رمضانك
واعلياً.............واعلياه
*******
تمت بعون الله تعالى
خادمكم ....يوسف الفتلاوي
قصيدة لسان حال امير المؤمنين علي عليه السلام وصية الشيعه
شعيتي ذكروني.....بالصلاه غدروني
بهامتي طبروني..... انه كرار انه كرار
•••••••••••••••••••
يا خلك والله عجيبه الدنيه ضدي
وانه قالع باب خبير والله وحدي
قدره من الله اعله كل شي انه عندي
اشحال زينب واليتامه اتصير، بعدي
باجر يفكدوني... حيدره يعرفوني
ابهامتي طبروني... انه كرار انه كرار
•••••••••••••••
حيدره سمتني امي، هذا اسمي
غدر بالمحراب وسفه ايسيل دمي
باليتامه والارامل صار همي
سيفه. مسموم ولفاني الليله خصمي
ما اظن ينسوني٠٠٠٠ ايتامي وينادوني
ماتخيب اضنوني٠٠٠٠٠ انه كرار انه كرار
••••••••••••••••••••••••
انه من اهل الكساء معروف قدري
والنبي وصى وينادي هذا بعدي
لاجن الامه انكرت وغصبت حقي
وبكسر ضلع الزچيه فاق، صبري
امجتف ابوصيه ٠٠٠٠ من نبي البريه
وكتي جار اعليه٠٠٠ انه كرار انه كرار
•••••••••••••••••••••••
ماتهمني الدنيه انه وطلكتهه
بس حزن بعد الزجيه اتجرعتهه
فكري ظل عند اليتامه الفاركتهه
راح تبقى شلون بعدي محد الهه
منهو يتكفلهه٠٠٠٠٠ ايتامي ويعاينه
بس حسن ظل الهه٠٠٠٠٠ انه كرار انه كرار
•••••••••••••••••••
بويه عباس ارد وصيك ابوصيه
انصر احسينك يبويه للمنيه
اتكفل اختك يالكمر بالغاضريه
وصير ساقي للعطاشه وهاي هيه
رايتك للعالي تبقه دوم اتلالي
وانته ابني الغالي انه كرار انه كرار
••••••••••••••••••
الشاعر حسين عبد الحريشاوي
قصيدة في شهادة الإمام علي عليه السلام ،،
ـــــــــــــــــــــــــــــــــــــــــــــــــــــــــــــــ
هايه ليلة بيها طبروا هامته
والملائك تبچي دم مِن شافته
هالحزن ما ينجلي
للقيامة يا علي
هايه ليلة
هايه ليلة
ـــــــــــــــــــــــــــــــــــــــــــــــــــــــــــــــ
هايه ليلة وبيها مطبور السلام
وِلْحياة المرتضى صارت خِتام
هذا أبن عَمّ النبي خير الأنام
هذا فضله اليعجَز يشِرحه الكلام
بيها يرفع حيدرة أطهر أذان
والمدامع مِن علي أوضح بيان
ساعة البي يِختلي
للقيامة يا علي
هايه ليلة
هايه ليلة
ـــــــــــــــــــــــــــــــــــــــــــــــــــــــــــــــ
حيدرة دارَه يغادرها ويروح
وگلبه مِن هالدنيا مليان بجروح
كِل علامات القَدَر چانت تلوح
أيقَن وصَرّح أبو الوجه الصّبوح
هِيّه والله البيها واعَدني الرسول
ما ني خايف لا وحگ ضلع البتول
گرّبت شوفة هَلي
للقيامة يا علي
هايه ليلة
هايه ليلة
ـــــــــــــــــــــــــــــــــــــــــــــــــــــــــــــــ
مِن هُوى عللگاع ساجد بالصلاة
چانت آخر سَجدة في هاذي الحياة
عَجّل بضربة جَبينه ٱبِن العتاة
تفَطّرَت منها الجبال الراسيات
للهداية ٱنهدمَت أركان وصَرِح
يالمُرادي غَمّگِت بِينا الجَرِح
مِن لِحِت راس الوَلي
للقيامة يا علي
هايه ليلة
هايه ليلة
ـــــــــــــــــــــــــــــــــــــــــــــــــــــــــــــــ
عُصفَت رياحِ الكِدَر ذاكَ الصباح
وفَزّت الكوفة على أصوات النياح
هذا دِين الباري وبمِحرابه طاح
ها يَوالِدنا الحُسين بدَمعه صاح
يا بو زينب إنتَه مأوانه الوحيد
لو عِفِتنا بيا وَجِه يِلفينا عِيد
ضِعنا عگبك يا وَلي
للقيامة يا علي
هايه ليلة
هايه ليلة
ـــــــــــــــــــــــــــــــــــــــــــــــــــــــــــــــ
وزينب تعاين أبوها ودَمّه سَال
وتِنظُر لعباس يبچي ودَمعه هَال
والحَسَن مهضوم وَيلي وحَاله حَال
ومِن وِنين حسين مصدوعة الجبال
بويه بويه زينب تصيح بهَضُم
بيا جِناية مِنّك آنه أنحُرُم
خالي مُظلم مَنزلي
للقيامة يا علي
ـــــــــــــــــــــــــــــــــــــــــــــــــــــــــــــــ
واليِتامى تصيح وَينك يالحَنين
كِلها مِلتمة وتگول الغالي وَين
شارِكتهم زينب بهذا الوِنين
والگُمَر عباس ينحَب والحُسين
دارَه صَارت بالحِزِن مَركز عَزاء
والكواكب ناحَت وتِبچي السماء
بِينا جَمرة وتصطلي
للقيامة يا علي
هايه ليلة
هايه ليلة
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
أبو ذيات في شهادة الإمام علي عليه السلام
لسان حال زينب عليها السلام ..
ـــــــــــــــــــــــــــــــــــــــــــــــــــــــــــــــ
گعَدنا عللحِزِن والنوح وَالهَام
نِصِد حَيدَر خَضيب الشيب وَالهَام
دَخيل اللي خِلَق هالرّوح وَالهَام
يِعِين گلوبنا بهاي الرّزيّة
ـــــــــــــــــــــــــــــــــــــــــــــــــــــــــــــــ
أكِت دَمعي على الوَجنة وَسِيلَه
لسَلامة حَيدَر إنعِدمَت وَسِيلَة
جَرِح بالرّاس يِتنازَف وَسَيلَه
سِلَب حَيلي وشَعَل نيران بِيّة
ـــــــــــــــــــــــــــــــــــــــــــــــــــــــــــــــ
عُگُب وَجهَك يَبويه الدّار ظَلماي
بگيت أنحَب ولا بالعَين ظَل ماي
زِمانَك ما رَحَمني وزَاد ظُلماي
وَنَا بكل يوم أنصُبلَك عَزِيّة
ـــــــــــــــــــــــــــــــــــــــــــــــــــــــــــــــ
عليك دموم دمع العين يَنصاب
بشَهَر رُمضان راسك ليش يَنصاب
بدليلي ٱعليك مأتم دوم يَنصاب
وَظَل أنعاك كل صُبح ومِسِيّة
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في مصاب أمير المؤمنين علي عليه السلام ، لسان حال زينب عليها السلام .
ـــــــــــــــــــــــــــــــــــــــــــــــــــــــــــــــ
يجيني العيد وَذكُر روحِتك بالعيد
عفتني بوِليَة احزاني ومِشَيت بعيد
عِشِت أيام بقهر أيتام
ــــــــــــــــــــــــــــــــــــــــــــــــــــــــــــــ
كتر گبره تصد وتجذب الونه
لونك تگعد تشاهد مصايبنه
عگب عينك علينه زادت المحنه
أبد ما بينا واحد عاش وتهنه
أمس طه تركنه وفاطمة أمنه
وفگدناك وچنت يا بويه خيمتنه
چنت للدار شمعتهه چنت للدار
وغدت ظلمة علينا يا علي الكرار
بهضم والام بقهر أيتام
ــــــــــــــــــــــــــــــــــــــــــــــــــــــــــــ
يبويه عصفت ارياح الكدر والهم
رحت وبروحتك غيم الوسافة إلتم
ونهار الكوفة عگبك يا علي أظلم
الأرامل واليتامى بيهه من يهتم ؟
ولجلهم يجذب بآهاته يتألم
تراك بطيحتك ركن الهدى اتهدم
ردت گبلك يبويه تنضرب هاماي
وضمك لحظة الطبرة بوسط عيناي
بدليلي تنام بقهر أيتام
ـــــــــــــــــــــــــــــــــــــــــــــــــــــــــــــ
على افراشك ذكرتك من توصينه
وأمانه بيد أبو فاضل تخلينه
وتگله لا تقصر ويه أبو اسكينه
أبو الغيرة بذل عينه وي چفينه
دواهي الدنيا بالطف أوجرت بينه
أريد اﺣچي وإلك أشرح مآسينه
دريت شصار يا حيدر دريت شصار ؟
تشب النار بخيامي تشب النار
بفعل ظلام بقهر أيتام
ـــــــــــــــــــــــــــــــــــــــــــــــــــــــــــ
گضوا بالطف اخوتي ولا بگه والي
وتوذر عالنهر عزي وي دلالي
وتون ليلة يعبد الله المهد خالي
يتامه وخدر الشدهتلي احوالي
عفت عالعلگمي احلامي ويه آمالي
وبو اليمه ارتفع راسه برمح عالي
سبايه يا علي وتنظر علينه الناس
وحيدة لا أبو اليِمّه ولا عباس
فگدنا ازلام بقهر أيتام
ـــــــــــــــــــــــــــــــــــــــــــــــــــــــــــ
ذكرتك والدمع يشرحلك ٱشبيه
أسيرة يا علي لدهري ومآسيه
بهضم يطلع صباحي يا علي اعليه
وتراويني المنية احزاني ليليه
صعب أنساهه ونّة سكنة ورقيه
رحيلك سِر يعذّبني وعَلانيه
شبه ميتة وذكرك واذكر اخواني
وگول انسه لچن يخذلني نسياني
بخرابه انّام بقهر أيتام
ــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي