7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
بمناسبة استشهاد أمير المؤمنين
علي عليه السلام ( گعده)
هاي روحك ياعلي اكبر من الموت
شلون ملك الموت اجاها ؟
هاي ياروح الخذاها ؟
بيها اسرار الامامه وللشرف صوت
هاي روحك ياعلي اكبر من الموت
★★★★★
الباري روحك ياولينه شكثر حط اسرار بيها
حامل انفاس النبوه بفيض روحك مشتريها
لكل نبي انته الخلاصه ماكو غيرك يحتويها
يلماشبيه ايتم اله
فوگ الموازين اعتله
لمن وصل هلمنزله ماوصل مخلوق ليها
وين مادار ومشه الحق داير وياه
الموت يتخطه وراها
هاي ياروح الخذاها
بيها اسرار الامامه وللشرف صوت
هاي روحك ياعلي اكبر من الموت
★★★★★
احتارت الايام تكتب مختصرها يطول عدها
طالت الحسبه عليها احتارت بياچلمه ردها
لايحدك وصف ذاكر عاجز أوصافك يعدها
وإلي كتب عنك حرف
عاجز يگول و يعترف
يامن تظل فوگ الوصف اوصاف فوگ الوصف حدها
روحك شگد من جرح للغير تنساه
أشمعنه موتك مانساها ؟
هاي ياروح الخذاها ؟
بيها اسرار الامامه وللشرف صوت
هاي روحك ياعلي اكبر من الموت
★★★★★
ضيعاك المايثمنك وعطل الدين وحدوده
المايميز الحجر والدر يتبع ابليس وجنوده
الخاض وي اهل الضلاله وماعرف معنى وجوده
يابوالحسن وصفك صعب
آلاف ومقصره الكتب
امحير العدو گبل المحب ماوصل معناك زوده
وينه من يعرف علي ويبحر بمعناه ؟
روحك الموت اعتناها
هاي ياروح الخذاها ؟
بيها اسرار الامامه وللشرف صوت
هاي روحك ياعلي اكبر من الموت
★★★★★
علي برهان وعباده وعالم السنه الشريفه
ومهبط الحق وجماله وقوة الناس الضعيفه
الانطه للايتام عمره القاسم الفقره ابرغيفه
رمز الشهامه والعدل
كلشي بوجوده يكتمل
صابر يظل گلبك يظل من ظلم يوم السقيفه
الموت يخجل من علي يوم التدناه
يدري من مر ودناها
هاي ياروح الخذاها
بيها اسرار الامامه وللشرف صوت
هاي روحك ياعلي اكبر من الموت
★★★★★
شنهي يابوالحسن روحك. يجهل المخلوق سرها
خصك الله شگد مزايا. رحل محتار اليمرها
بكل شديده الحق يتبعك ماعبرت إلا وعبرها
ذاتك يقران الفجر
مصدر رسالات وفكر
ياحيف طبرات الغدر هامتك كافر. طبرها
الهدى اركانه اتهدمت من طاح ويلاه
لفه الموت وماجزاها. هاي ياروح الخذاها
بيها اسرار الامامه. وللشرف صوت
هاي روحك ياعلي اكبر من الموت
الشاعرحسن لعيبي الحريشاوي
(ولما أخرجت جنازة أمير المؤمنين عليه السلام)
راح الأبو عنا وراحت زهوة أيامه
ردوا علي ساعة الينا يسلي أيتامه
أيسوا من الأفراح سافر ابونا وراح
ما تقدر اعيوني تعاين منزله خالي
واحسرتي وافجعتي ردوا لنا الوالي
أيسوا من الأفراح سافر ابونا وراح
ردوا علي ردوا ابونه ردوا اعيوني
قبل تودونه لدفنه قبله دفنوني
أيسوا من الأفراح سافر ابونا وراح
ما جاوبوها وبالنعش طلعوا من ابيوته
وأيست زينب من علي تسمع بعد صوته
أيسوا من الأفراح سافر ابونا وراح
راحت الى محراب ابوها وصبت العبره
واقبالها لن تسمع الونة من الزهرى
أيسوا من الأفراح سافر ابونا وراح
صرخت ييمه يا بتولة عايني امصابي
من قبل عيدي اعلى ولينه امسودة اثيابي
أيسوا من الأفراح سافر ابونا وراح
ما جاوبت بس أشّرت عند الضلع والعين
هذا المصاب اللي شطر هامة أبو الحسنين
أيسوا من الأفراح سافر ابونا وراح
صبري يبنتي الكربله بتزلزل أركانك
اتشوفي أخوك يعفرونه ومصرع أخوانك
أيسوا من الأفراح سافر ابونا وراح
ردي لدارك ما تسمعي امن اليتامه اصياح
ردت ولن صرخاتهم سافر ابونا وراح
أيسوا من الأفراح سافر ابونا وراح
عبد المحسن الكنگوني
فزاعيه للأمام علي
عليه هوسات / شايل حيدر اليله
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
شال اوساد محرابه
ابن ملجم نذل صابه
الوالد يوجع اصوابه
امشيعينه اولاده اليله
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
نهوسله بميدانه
الدنيه اعليه حزنانه
راعي العلم وديانه
الهوسه اعليه شمحلاها
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
شالوه الزلم للباب
وعليه تبجي الأحباب
نوره ياوسافه غاب
وعلام الحيدر نشروها
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
املاك السمه تشيعه
اوكله امكدره الشيعه
يهذا الوادم تطيعه
ياحيف انصاب ابمحرابه
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
بلمحراب صار اصياح
وسفه ياعلي من طاح
سيف ابن المرادي لاح
وبسيفه اوصابه اعله الهامه
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
ساجد عله امصلاته
غركت بالدمه عباته
علي بينت علاماته
ملعون اوصابه اعله الهامه
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له
الفاتحه على روح الشاعره ام تحسين
#نعي
دور الاحباب ظلمه اوحشه ظلت دور الاحباب
منصاب منصاب ابفگدك علي بويه الگلب منصاب
ابدمع سچاب المحرابك نصد ابدمع سچاب
هلگلب ذاب من احرورة الونخ هلگلب ذاب
اجمعينه اجمعينه علي اولادك يتامه اجمعينه
اتگابلينه اتگابلينه ابنحيب الفاگدين اتگابلينه
تجينه تجينه ليمه يلرحت عنه تجينه
علينه علينه يبو الايتام من يمسح علينه
اهلنه اهلنه ابيتك بويه ملتمين اهلنه
ونه على ونه گضينه الوكت ونه على ونه
صحنه صحنه ابهظمنه وصوت عالي عليك صحنه
المحنه المحنه ظلت خاليه دار المحنه
علي وين شجاوب على يسئلوني علي وين
ام الحسين مشه الصبرنه بفرااگ ام الحسين
كسرين كسرين لمن راح ظل بالگلب كسرين
تهمل العين على كل اخو تنضر يهمل العين
علي لحميداوي الكربلائي
#اللهم_عجل_لوليك_الفرج
#قصائد_في_خدمة_الخطباء
#شهادة_أمير_المؤمنين (عليه السلام)
#شهر_رمضان_١٤٤٥
(فايزي)
١/هاللّيله يا ناس المُصيبه اشگد عجيبه
ما مر مثلها عْلى البشر كُلها مُصيبه
حيدر أبونه شيبته بدمّه خضيبه
يْفارگنه ونْظَل من بعد عينه يِتامه
٢/لجل الرّزيّه هاي نسچب دمعةِ العين
والدمعه لو سالت تواسي گلْبِ لحسين
وِتْواسي ونّةْ فاطِمه وْوَن امّ لبنين
بالجَرحَه مِنّه اللّيله ما تحصل سلامه
٣/عن داره لو يرحل علي ويْفارگ الرّوح
چبد الحسن بعيون زينب يبتدي يْلوح
وِتْلوح ارُض وِعليها اخوها حسين مَذبوح
هاي لْمُصايب كربلا أوّل عَلامه!
٤/زينب أذا شافت أبوها شايلينه
چنها تشوف حبال چفها مگيّدينه
من هسّه صاحت كافلي عبّاس وينه!!
من هسّه شافت بالعَمَد مصيوبه هامه!
#عظم_الله_أجوركم ◾️
فاطمة علي رزق
اسألكم الدعاء
#قصائد_في_خدمة_الخطباء
#شهادة_أمير_المؤمنين(عليه السلام)
#شهر_رمضان ١٤٤٥
كأني بزينب عليها السلام لما سمعت الأذان الأخير فجر يوم المصاب، قالت..
(وزن الطويل)
تمهل يا أذان الموت .. اشتحملي من الأخبار؟!
من سمعتك سِمعت النوح .. يدوّي بكل زوايا الدار!
١/صوتَك يحملِ مْصيبه .. على گلبي ثگيله هواي
يگلي اليوم يرجعلي .. علي بمشهد يفت حشاي
يجي وبوجهه اشوف الدم .. وخلفه الموت اشوفه جاي
بالله لا تأذيني .. بْمُصيبه الما مثلها صار!
٢/لو راح الأبو ودمه .. منه خضب الشيبه
أضيع بحيرةِ ظنوني .. وتبدي أصعب مصيبه
أدري لو يِفارگني .. علَيّه تْطَوّل الغيبه
أظل بعده اعد هموم .. واصب من عيني الأعبار
٣/صوتك هذا أول صوت .. بالأحزان يچويني
وثاني صوت من بعدك .. بالعاشر يأذيني
صوت جيوش من تهجم .. عن شمالي وعن يميني
يسلبوني ويشتموني .. ويحرگون الخيم بالنار
#عظم_الله_أجوركم ◾️
فاطمة علي رزق
اسألكم الدعاء
جينه ننشد مسجده ومحرابه
علي أبو الحسنين وين إصوابه
جينه ننشد والدمع صوته انسمع
وين يا محراب راعيّك وگع
وصدگ گلب أم الخدر بته إنگطع
اتشوف دم هامته صار إخضابه
جينه ننشد والهضم يذبح ذبح
اشلون حال الصايم ونزف الجرح
ويه أبو الحسنين هذا اخر صبح
صوت الآذان انذبح بغيابه
گبل داره ابنار حرگوها العده
عاش كل عمره غريب لوحّده
لن سكت عابو عليه أهل الردى
والهجم عالدار محّد عابه
عاش وياهم ظلم يتبع ظلم
وآه ياگلب الشهم من ينهضم
مره يظهر حسرته ومره يضم
اشلون داس الظالم اعله اعتابه
جينه ننشد على اصوابه وطيحته
ومن رجع للدار ياهي إتلگته
وياهي شافت صابغ الدم لحيته
وراح من هاليوم ستر إحجابه
بچت من شافته مجروح ويون
وتكسر الخاطر دمعته البلجفن
صار إسمها ابها المصاب أم الحزن
والسبي امن اليوم فتّح بابه
أحمد الهلباوي
☘️لاستشهاد الامام علي ع☘️
((ندبه))
لسان حال الشيعه👉
المستهل
مجزوء الهجري فاعلاتن فاعلات
النص //هجري فاعلاتن فاعلاتن فاعلاتن فاعلن
اليوم يم بابه نبات
بدونه منريد الحيات
واگفین احنه اعله بابه نصيح ياقاضي المحن
جينه ننعاه بمصابه
ننتحب وسط الصحن
ابد مانحمل طبرته ارواحنه اعليه انتهن
احنه ظلينه بسبات
من اهد يوم الممات
✍️☘️ام فراس الساعدي☘️
🏴🏴🏴🏴🏴
نوكف ابابه الليله ونبجي لمصاب الولي
راحه ماشفنه ابدونه ادموعنه دوم اتهلي
ظلم دنيانه وبلاوي من بعد عينه علي
اصبحنه ابدونه شتات
من اهد يوم الممات
✍ام مرتضى الخزرجي
🏴🏴🏴🏴🏴
جينه محتارين كلنه نندب ابصوت الحزن
مصابك الفاجعنه حيل وگلب كل شيعي انسحن
الفگدك انصيح وننادي
يمن للفاكد وطن
وين ايتامك تبات
من اهد يوم الممات
✍️ ام مهدي الفرطوسيه
🏴🏴🏴🏴🏴
دخيل كل احنه وگفنه نسوي يم بابك عزه
شخصك الغالي علينه دوم احنه نعوزه
الف لعنه عل يضدك تالي بافعاله اختزه
للولايه انت الثبات
من اهد يوم الممات
✍️ام سجاد الشهيد
🏴🏴🏴🏴🏴
اختزت الزمره العينه وما بقه الها اثر
وحيدره اسمه يلالي وصار منقوش ابحجر
واية الحق بسمه نزلت ونقره بي القدر
علي اسمه الذاريات
من اهد يوم الممات
ام✍🏻 زين العابدين لمحمداويه
🏴🏴🏴🏴🏴🏴🏴
علي يا قران ناطق والمشه ابدربك سلم
تلوكلك هاي الامامه ونرفع ابأسمك علم
انته وينك يبن ملجم في قعر نار السقم
علي صار ابعاليات
من اهد يوم الممات
ام ✍🏻رحمه الگاظميه
🏴🏴🏴🏴🏴🏴🏴
تمت بعون الله بقلام شاعرات رابطة الجفوف السخيه
قصيده سريعه
للامام علي ع
على طور خدام،،،،،،
ــــــــــــ
مطبور مطبور
مطبور والينه علي
مطبور مطبور
مطبور،، يانعم الولي ّ
،،،،،
نعزي هالليله بمصابك الرسول
يساعدالله فاطمه الزهره البتول
وسفه ومخضب علي فحل الفحول
ياحيف ياحيف
ياحيف بالدنيه شلي
مطبور مطبور يا نعم الولي
✍🏻ام سجاد الشهيد
ـــــــــــــــــ😭😭😭
حيف هامة الولي مصوبيها
اركان دين الله العده مهدميها
شلون جسروا بالدمه مخضبيها
الكوان الكوان
الكوان بأسمه تعتلي
مطبور مطبور
مطبور يا نعم الولي
✍️نبضي حسين
ـــــــــــــــــــ😭😭😭
منگبين اليله نلطم علصدور
راح مولانه علي بدر البدور
بلحزن ننعاه وسنين وشهور
للدوم للدوم
للدوم ابد ماينجلي
مطبور يا نعم الولي
✍️☘️ ام فراس الساعدي ☘️
ــــــــــــــــــــــــ😭😭😭
بالدمه امخضب يحماي الحمه
وصوت جبرائيل گبر بالسمه
بسيف مسموم انطبر سال الدمه
ودموع ودموع
ودموع من عينه تهلي
مطبور يا نعم الولي
✍ام مرتضى الخزرجي
ـــــــــــــــــــــــــــ😭😭😭
مطبّر الوالي ياويلي بهامته
واصبحت حزنانه كلها عيلته
تصرخ تنادي وتعاين حالته
يا ويل ياويل
ياويل محرابه خلي
مطبور مطبور عالهامه الولي
✍️ #علويه ام فاضل
ــــــــــــــــــــــــــــ😭😭😭
طاح بالمحراب ويلي ابو الحسن
كلنه الك مولاي ونينه بحزن
والاملاك االبلسمه ويانه بچن
ليتام ليتام
ليتام بعده تنولي
مطبور يانعم الولي
✍ام مهدي الفرطوسيه
ــــــــــــــــــــــــــــــ😭ـ😭😭
تمت باقلام شاعرات رابطة الجفوف السخيه احنه غير حسين ماعدنه وسيلة..
فزاعية للأمام علي عليه السلام ( اخر وداع )
اخر وداع اتوادعو
زينب وابوها الليله
اخر وداع اوداعهم
زادن الليله اوجاعهم
ذوله المحنه اطباعهم
يبچيلهه وتبچيله
تبچيله ويبچيلهه
وعن كربله يحچيلهه
زينب تهدم حيلهه
وحيدر تهدم حيله
ياحيلهه وحيله انهدم
والليله چنه ماسلم
مصيوب صگار الزلم
واصوابه شسويله
شسوي لصوابه خطر
بس الله ينطيهه الصبر
لو شال عنهه للگبر
لاترحل تناديله
طلعت وراه تنادي
المن رحت للوادي
ماريض الهه الحادي
ماخذ چبير العيله
ماخذ الهيبه ومارجع
زينب گلبهه ينوجع
تشوف بيته وتنفجع
ويامن توصيله
اتوصي الوليهه ويامن
وعيونهه ولانامن
لشوفت ارسومه احتامن
عدهه هضم تشكيله
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
ما عوفك ما عوفك يا قبلتي
***
نبض بيك دليلي وصرتلي خليلي واذا طيح تجيلي حيدر يحيدر
تراني هويتك وابد ما نسيتك عشكتك وجيتك حيدر يحيدر
ما عوفك وواليك واقسم بالزجيه
وصرخ عاليعاديك صرخه رافضيه
بس انته حبيبي كاتب بالهويه
والما يهوه حيدر ما حسبه عليه
واليتك واليتك يا غايتي
***
سحرني غرامك جذبني هيامك احبن كلامك حيدر يحيدر
لكيتك مناره وحروفك زياره وتدلي الحياره حيدر يحيدر
مجنونك يحيدر وتباها بجنوني
والبيه يلومون عنك ما لهوني
ماضي انه اعله دربك مهما حاربوني
وبسمك دوم انادي اهلي عالموني
كلبي انته كلبي انته وكل دنيتي
***
يروحي وحياتي وسفينة نجاتي يصومي وصلاتي حيدر يحيدر
شعوري خذاني الجمالك دعاني وعشكتك تراني حيدر يحيدر
بايعتك بالاصلاب يابحر السعاده
وانته كبل الاسلام اديت العباده
يا حيدر شفت بيك الحب والاراده
يالمحد يضاهيك بزمام القياده
حبيتك حبيتك يا سلوتي
***
يوالي اليتامه يعشكي وهيامه احبها الخدامه حيدر يحيدر
يمحله خدمتك بالشواك كتبتك ويبو حسين ندبتك حيدر يحيدر
اخدم والمجالس صارتلي قدوتي
ومن الطم يكرار تعرفها لطمتي
اصرخ يا علي بصوت اقبلها خدمتي
وانه اعرف حبيبي اتسجلها وكفتي
تعرفني تعرفني من صرختي
****
علي انته اميري يشيخي وجبيري يرزقي ويخيري حيدر يحيدر
المواقف تعرفك شلتها اعله جتفك احيرن شوصفك حيدر يحيدر
بيدك من تأشر شمس الله تردها
ياليث الحرايب انته الحومه اسدها
اشكد داخل فتوحات ومحقق مجدها
خيبر والزلم ذيج يمك ما نعدها
ناديتك ناديتك من لهفتي
**
تمت
تحسين الخفاجي
محتاره اكول الله وياك مدري اكول الله وياي
لعيوني رايح تشتاك وشتاكلك راح اهواي
بويه اصبر اشلون اوياك اندفن كون
**
فاركتني وعيني دمعت وبغيابك عذبتني
عمري صاير خيط شمعه وبوداعك خلصتني
ابجي عالعشره الطويله يالابد ما زعلتني
اهواي يبست تدري روحي ليش هالكد عطشتني
يابويه شيخلص الليل واشلون انام بدونك
ما ينسكن بويه البيت لمن تغمض عيونك
هديت المتون اوياك اندفن كون
**
بله شيصبرج يروحي والزمن باك الاودهم
راحت ايام المحنه وراسي شيب من بعدهم
النامو بذيج المكابر صحت يا دنيه شيردهم
خنكت الغركان بيه والهوه الضيعته عدهم
كل ما افتحنه الباب اشتم كمت ريحتهم
ما تنمسح من البال صورتهم وذكرتهم
ذبحتني الضنون اوياك اندفن كون
***
انته كلبي ولو عفتني ايطيح مني بسرعه كلبي
امن البواجي عيوني راحت وما اشوفن حته دربي
علي بويه الدار وحشه وعيني صوب الباب تربي
انته حلمي وانته تعبي ومن عفتني انباك تعبي
زينب صحت من تروح ياهو اليحن عليها
يا حيدر امن اتحاجيك اعليك الحسن حاجيها
عميات العيون اوياك اندفن كون
***
تنجرح ويطيب جرحك بس عزيزك يبقه جرحه
ومو شرط سيف اكو واحد لمن تعوفه تذبحه
مره تلكه انسان عايش واظلم امن الليل صبحه
ومره تلكه انسان يضحك وعمره ما مرتله فرحه
هاي انه زينب ياليل وذني الكلتهن بيه
وكل مغربيه الشوغات ايسيرن يبويه عليه
بروحي انته مدفون اوياك اندفن كون
*
حسين شفته باوعالي وبدمعتي باوعتله
حسين خويه اشلونه ابونه طاب لو لا جرحه كتله
بكسرت الخاطر شبكته وعن عذابي سولفتله
كلشي بالدنيه احسبتله والهجر ما حسبتله
وي ونتي ايون حسين ويكلي راح الغالي
خل نشبع اليوم اوداع ياخويه اكعدي اكبالي
ياجرح اليهون اوياك اندفن كون
****
الدنيه دارت واحنه تدري بكلشي يابويه رضينه
جنه ملتهمين كلنه وليش هسه اطشرينه
للحسن ضليت اعاين شفته يبجي وتجري عينه
بويه عد راسك كعدنه وانه واخواني بجينه
تدري الابو من ايموت كلشي يموت بهجره
ضلينه هليله ايتام اليفكد ابو شيصبره
ما ضل بعد لون اوياك اندفن كون
****
تمت
تحسين الخفاجي
لاستشهاد أمير المؤمنين
علي عليه السلام
مومثل كل السنين. اه ياعام اربعين
طاح حماي الحميه ابطبرة الشر الخفيه
اه ياعام اربعين
★★★★★
هذا ياراس انطبر اليوم سالت يادمه
جناح جبريل انكسر تمايلت بيه السمه
اتزلزلت أرض البريه الدنياصارت مظلمه
ضجت املاك المعالي حايره ومتزاحمه
الكون بالظلمه انمله الدين طاح باكمله
اه ياعام اربعين
★★★★★
يازمن گول شجرالك أتهدم اركان الهدى
تنهي خير الدنيا رايد وخيرها توه بده
وصرت ياعام المصايب سيف وي سيف العده
وعاش مظلوم المماته. ياعلي من مولده
خذت ماتدري شخذيت. عام ياظالم اجيت
اه ياعام اربعين
★★★★★
ريت تقويمك الهجري انشلت منه وما اجيت
انطيتنه انواع الماسي وكل شي من عدنه خذيت
السمه وافلاك تبچي يلي مانحت وبجيت
زهره الدين وجماله يلخذت منه ومشيت
اجروح وي مر الزمن انكتبن وماينمحن
اه ياعام اربعين
★★★★★
شلون ياعام النوايب من صرت وتكونت
بشهر رمضان فجعتنه بهلخيانه اتعجلت
طاح تاج الدين سيفك. مهجة الحق صوبت
ماگلت ظلت يتامه لاگلت وتعذرت
النوره نور من العرش انشال ياحيف بنعش
اه ياعام اربعين
*
ليش ياعام المنايا امحظر اسيوف الخطر
مارحمت الكله رحمه بليلة التاسع عشر
تعمدت تاخذ ولينه. اه يابعد السفر
بالدمه تخضب جبينه. براسه ابوحسين انطبر
النذر للخير روحه. طعنة الغادر تلوحه
اه ياعام اربعين
الشاعر حسن لعيبي الحريشاوي
#جديد
في مصاب مولانا أمير المؤمنين عليه السلام
طور : من گطع أوصالك
بليلة قدر يابا الحسن ناوي تودعني
وابعيني أشوفك بالنعش يابويه تفجعني
واتروح يا كرار .. وابگلبي تبگه النار
___
ابليلة قدر نعشك أشوفه امن النِزل يطلع
وروحي تودعني گبل ما منك أتودع
واشما اصب اعليك بويه من دمه المدمع
ما ترجع اعليه يبويه والله ما ترجع
ترحل مثل أمي .. وأبگه أنا بهمي
____
ممدود أشوفك بالنعش تذبحني هالشوفه
وفوگ الجنازه اعمامتك يا بويه ملفوفه
اتروح وتظل اعليك روحي والله ملهوفه
وابكربله أتمنه تحضرني أو بالكوفه
واهناك أناديلك .. تحضرني ادخيلك
____
ويذبحني لو مِنِّ الدفن رديت للمنزل
خالي مچانك آيبويه وللدِليل ايسّل
وحشه يبويه واليتامه بعتبتك تسأل
وين اللي يطعمنه وعليك ادموعهم تهمل
اينادون نرحل وين .. بخلاف ابو الحسنين
____
بفگدك يتيمه يا علي أرجع أو أتحير
وجرح أمي ابفرگاك والله يالأبو يكبر
وأتحير أكثر لو تهت وَيَّه الحرم بالبر
وفوگ الرمح يابوي انظر راس ابو الأكبر
واضلوعه مسحوگه .. واخيامي محروگه
____
بليلة الوحشه أنتظر يا بويه تلفيني
تحضر إليه وعالجرى بيه تواسيني
ابلا خيمه أظلن يا علي محد اليحميني
وفوگ الترايب منذبح عباسي وحسيني
أيامي كلها امصاب .. عگبك يداحي الباب
____
تمت ببركات مولاي أمير المؤمنين عليه السلام
#فاطمة_كريم
٢٠٢٤ م
قال الحسن ع : ما اخرجك هذه الساعة وقد بقي من الليل ثلثه؟ فقال: يا حبيبي ويا قرة عيني خرجت لرؤيا رأيتها في هذه الليلة أهالتني وأزعجتني وأقلقتني، فقال له: خيرا رأيت وخيرا يكون فقصها علي، فقال عليه السلام: يا بني رأيت كأن جبرئيل عليه السلام قد نزل عن السماء على جبل أبي قبيس فتناول منه حجرين ومضى بهما إلى الكعبة وتركهما على ظهرها، وضرب أحدهما على الآخر فصارت كالرميم، ثم ذرهما في الريح، فما بقي بمكة ولا بالمدينة بيت إلا ودخله من ذلك الرماد، فقال له: يا أبت وما تأويلها؟
فقال: يا بني إن صدقت رؤياي فإن أباك مقتول، ولا يبقى بمكة حينئذ ولا بالمدينة بيت إلا ويدخله من ذلك غم ومصيبة من أجلي، فقال الحسن عليه السلام: وهل تدري متى يكون ذلك يا أبت؟ قال: يا بني إن الله يقول: " وما تدري نفس ماذا تكسب غدا وما تدري نفس بأي أرض تموت (1) " ولكن عهد إلي حبيبي رسول الله صلى الله عليه وآله أنه يكون في العشر الأواخر من شهر رمضان، يقتلني ابن ملجم المرادي، فقلت له:
يا أبتاه، إذا علمت منه ذلك فاقتله، قال: يا بني لا يجوز القصاص إلا بعد الجناية والجناية لم تحصل منه، يا بني لو اجتمع الثقلان الإنس والجن على أن يدفعوا ذلك لما قدروا، يا بني ارجع إلى فراشك، فقال الحسن عليه السلام: يا أبتاه أريد أمضي معك إلى موضع صلاتك، فقال له: أقسمت بحقي عليك إلا ما رجعت إلى فراشك لئلا يتنغص عليك نومك، ولا تعصني في ذلك، قال: فرجع الحسن عليه السلام فوجد أخته أم كلثوم قائمة خلف الباب تنتظره، فدخل فأخبرها بذلك، وجلسا يتحادثان وهما محزونان حتى غلب عليهما النعاس، فقاما ودخلا إلى فراشهما وناما.
قال أبو مخنف وغيره: وسار أمير المؤمنين عليه السلام حتى دخل المسجد، والقناديل قد خمد ضوؤها، فصلى في المسجد ورده وعقب ساعة، ثم إنه قام وصلى ركعتين، ثم علا المئذنة ووضع سبابتيه في أذنيه وتنحنح ثم أذن وكان عليه السلام إذا أذن لم يبق في بلدة الكوفة بيت إلا اخترقه صوته.
ص ٢٧٩
بحار الانوار جزء ٤٢
الرواية التي كتب عليها الموشح
حلم شفته يدل على استشهادي
اكد الوعد الوعدني الهادي
....
عليه من النوم فد لحضه نزل
شفت جبريل لسمه الأولى وصل
گام يضرب حجرين اعلى الجبل
والحزن شفته انتشر بالوادي
...
رؤيا هذا الحلم معناها الرحيل
واعرف على اولادي هالواقع ثگيل
وچنه گلبي رايح يلاگي الخليل
فاطمة اقبل يحيد اتنادي
...
انا قطب الفلك بچفوفي يدور
على مصابي كون شاء الله الغفور
الكون يتفتت رماد اعلى البخور
وهذا عد الله اقل من عادي
...
خلي ينزف هامي نزف الحق شرف
امسَلم لموتي ولا رفلي طـرف
الطبرني يدري يا ذنب اقترف
وانا واحد شرفت اجدادي
...
وهالعين الي الدراهم غرته
يدري طابر بيده آية هل أتى
ضرب ( اشقى الأخرين) الـ ( لافته )
ومادره بهاي الجريره شبادي
...
بده من هالحظه ملحمة الضمه
وروح باچر ْمن السم متألمه
امتداد لكسر اضلع فاطمة
ونهاية بيها موت اولادي
حسن ميثاق الربيعي
🏴 بسم الله الرحمن الرحيم🏴
🏴حديث شهادة الإمام علي عليه السلام... 🏴
المجلس....
لأحول ولا قوة الا بالله العلي العظيم....
جاء في كتاب مجمع مصائب أهل البيت
(عليهم السلام) ص٨٣
في مثل هذه الليلة ليلة ٢١من شهر رمضان
أخذ يودع أولادة الواحد بعد الآخر حتى أغمي عليه
ساعة وأفاق وقال: هذا رسول الله(ص) وعمي حمزة
وأخي جعفر وأصحاب رسول الله كلهم يقولون عجل
قدومك علينا فإنا إليك مشتاقون..
ثم دار عينيه في أولاده وأهل بيته وقال: أستودعكم
الله جميعا سددكم الله جميعا وحفظكم الله جميعا،
الله خليفتي عليكم وكفى بالله خليفة..
ولم يزل وهو بتلك الحال يسبح الله ويذكره كثيرا
ثم ستقبل القبلة وقال:
أشهد أن لا إله إلا الله وحده لا شريك له وأشهد أن
مُحَّمدا عبده ورسوله رفقا بي ملائكة ربي ثم عرق
جبينه وسكن أنينه وغمض عينيه وأسبل يديه ومد
رجليه وقضى نحبه.. ولقي ربه شهيداً مظلوما...
رحم الله من نادى وا إماماه... وا علياه.. وا سيداه..
وا مظلوماه...
نعي....
فز الكلب من نومتك هاي
أگعد يبويه واحچي وياي
وشـلون بيـه وبيتـامـاي
ـــ
نوم الگبــر مــالايگلهــم
لـو يصيح بيدي اتبع ضعنهم
احنان وما ينشبـع منــــــهم
خـلانـه الـزمان ابعيد عنهـم
ــــ
احباب الگـلب كلــش عزيزين
نـــامــو گبـر صـارو بعيـدين
انطـر الگــلب يابويـة نصيـن
يــاعيني صبـــي ولا تبطلين
ـــــــــــــــــــــــــــــ///
ابيات الشعر:-الحجية أم علي البصرة
قصيده للأمام علي عليه السلام
تقرأ بعدة اطوار
المستهل
عليه ظيم وانخه حيدر اليوم
غيرك ياعلي من يجلي الهموم
•───✧◐🕊🌻🕊◐✧───•
عليه ظيم يم بابه تعنيت
جبت اهموم كلبي بحضرته بجيت
صحت بصوت عالي وحيل ونيت
ودمعاتي اعله خدي تجري ادموم
•───✧◐🕊🌻🕊◐✧───•
اعرفك باب للرحمه يضرغام
يالجفك كريم وتنطي الأيتام
يلتساعدالفقره وليل متنام
تساعد كل فقير وجاي مظلوم
•───✧◐🕊🌻🕊◐✧───•
تعنينه واجينه نطلب امراد
كثره اهمومنه منهه الألم زاد
جفك بالكرم مايرد كصاد
اريدآ حاجتي منك يجيدوم
•───✧◐🕊🌻🕊◐✧───•
ماتصعب عليك اهمومنه اهوايه
يالجاهك جبير وتنطي انطايه
ندك بابك يحيدر نسمع احجايه
مكضيه الحوائج هاي معلوم
•───✧◐🕊🌻🕊◐✧───•
مترد اليجيك وصاح ياحيدر
نمد اجفونه بشباجك وننسر
ونرجع من ضريحك كلنه نتشكر
رغم من جينه الك والحال معدوم
•───✧◐🕊🌻🕊◐✧───•
اهدي ثواب القصيده الى روح والدي مصطفى عبد الحسن
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
هالليله المــوالي أشتدت أحــزانــه
ودين الله هــوّت ونهدت أركانــه
*----------*----------*
أركانه هــــّوت من طبرت المحـراب
ودين الله وكتابه وي علينه أنصـاب
صابوا كل نبي وي هام داحي الباب
وأمــلاك السمـه هالليلــــه حزنانـــه
*----------*----------*
حزنانــــه وتنــادي يـا علي الكرار
يا دين الإلـــــه ومنبــع الأســــرار
صابوا هامتك وي هامت المختار
يــا نفس النبي ويذكـــرهه قـرآنه
*----------*----------*
يا نفس الـــــــرسول بأية التنزيل
مـــو دمك يحيدر دم نبينه يسيل
حگه لو صرخ وكت الفجر جبريل
وبسمك يا علي ظل يندب أللسانه
*----------*----------*
أللسانه نــدب يا عمـلت الكوفــــه
شمس الله هوتوهالليله مكسوفه
والــوادم أجــت واليهه ملهوفـــه
وشافت حيدره متغيره اللوانــــه
*----------*----------*
گصدت شيعته وي الحسن وحسين
وزينب مــن دمه تهمل دموع العين
شافت راس أبوهــه منجسم نصين
تگله أنريـــد بويــه تعيّـد ويانـــــــه
*----------*----------*
نعّيد بويه مو تدري أجانــــــــه العيد
وعيدي أشلون بويه وأنته عني بعيد
حزني شما گضه يرجع عليه أجــديد
ودهري من الزغــر بس ونه غــذانــه
*----------*----------*
غذانه حزن مــن طبرتك مــولاي
وياريت الطبر هامك طبرلي هاي
علينه بالمصايب تعتني دنيـــــاي
الموت بشيعتك شو كثرت اللوانه
*----------*----------*
يوميــــه أنتفجر لنه ألك شيعه
ويوميه أنتروع ألــــف ترويعه
حبك مــــا نبدله نعلنه ونذيعـه
تبقه أنته علي الكرار مولانــــه
*----------*----------*
الشاعر
موسى البديري
#قصائد_في_خدمة_الخطباء
#شهادة_أمير_المؤمنين (عليه السلام)
#شهر_رمضان_١٤٤٥
(طور الجزع/ طور ودّعتك وظهري انكسر)
١/هاللّيله گلبي شلون يتصبّر؟!
يا من عَلى فراگك فلا أگدر
بِوْداعةَ الله بويه يا حيدر
يضيّ العين
٢/آنه وريثةْ أمّيِ الزّهره
مِنها وْرَثِتْ أحزاني والعَبرَه
مثل الضّلع ذاگ الگلب كسره
فجعني البين
٣/من تمشي عنّي تكثر احزاني
يالماكو بالدّنيا إلك ثاني
أذّاني دهري بيك أذّاني
الدّمع صوبين
٤/سلّم عَلى الزّهره يبعد الرّوح
خل تحضر وتمسح دمع مسفوح
تْساعِدني عالوَنّات وِعلى النّوح
بْلَطُم وِوْنين!
#عظم_الله_أجوركم ◾️
فاطمة علي رزق
اسألكم الدعاء
#قصائد_في_خدمة_الخطباء
#شهادة_أمير_المؤمنين (عليه السلام)
#شهر_رمضان_١٤٤٥
(طور الجفيري)
١/مسحي الدّمع منّ الجفن
ولزمي الصّبر يام الحزن
تدرين اذا آنه اندفن
ينزل عليچ شچم مُصاب!
٢/لو عنچ امشي وما أرد
إبني الحسن هم يبتعد
منه يسمّون الچَبِد
ويغيب ويْزَوْدِ العذاب
٣/ويوم الطفوف التّشهَديه
بيهِ الأشد تتحمّليه
بيه الحُسينِ تودِّعيه
عاري وذبيح عْلى التّراب!
٤/تمشين ومتونچ تميل
ودرب السبي همه ثگيل
منّ الضرب دمعچ يِسيل
لجلك يزينب گلبي ذاب
#عظم_الله_أجوركم ◾️
فاطمة علي رزق
اسألكم الدعاء
#قصائد_في_خدمة_الخطباء
#شهادة_أمير_المؤمنين (عليه السلام)
#شهر_رمضان_١٤٤٥
لسان حال العقيلة زينب عليها السلام عند وداع أبيها أمير المؤمنين صلوات الله وسلامه عليه
(طور يا ليلة الحادي عشر)
يا ليلةِ افْراگ الأبو .. آه اشعظم هالليله
بيها الحسن محني الظهر .. وحسين مِنهَد حيله!
١/هذا أبويه بالنّعَش .. محمول فوگ الأچتاف
ينعاهْ ناعي بالسّمه .. وگلبي الّذي بْنَعشَه طاف
بِعيوني هاي الما غُفَت .. شفت الذي ما يِنشاف!
حيدر علي ليث الحرب .. چفّ المنيّه تْشيلَه!
٢/ودَّعني وِبْساعَةْ ألم .. غاب الأبو عنّ العين
خلاني من بعده أوِن .. وِبحسره اصب دمع العين
ناديته من داره وصحت .. بويه رحت عنّي وين؟!
إرجعلي يا حيدر ترى .. همومي اعْلى گلْبي ثْگيله
٣/هاللّيله مسموم الحسن .. هاللّيله چبده مصيوب
هاللّيله مال من الفرس ..لحسين ظامي ومخضوب
من هسّه اشعر بالسّبي .. وخدري أحسه مسلوب!
يا دمعه اصبها ويا جرح .. أنحب عَلِيْ(ه) وَابچيله!
#عظم_الله_أجوركم ◾️
فاطمة علي رزق
اسألكم الدعاء
☘لاستشهاد الامام علي ع ☘
المستهل والنص
موشح محذوف
فاعلاتن فاعلاتن فاعلن
حماسيه//نهاية المجلس
وسفه هليوم الولي مترادي
زينب تون والدمع ظل بادي
طاح مطبور ويون مولانه
مايگوم الحید ظل بمچانه
وشيعته لجله تون حزنانه
اليوم حزنانه الارض وسمانه
من طبرته وجهه اصفر غادي
✍☘ام فراس الساعدي ☘
───⊱◈◈◈⊰───
وجهه اصفر غده من سيل الدمه
ع السجاده وگع حامي الحمه
وين عنه اليوم راحت فاطمه
هم درت بيه الحبيب اشسادي
✍️ام علي المالكي
───⊱◈◈◈⊰───
───⊱◈◈◈⊰───
وين فاطم مااجت وحضرته
وشافت الوالي غميجه طبرته
اتطيح بالمحراب ليش عمامته
وهي موروث الحبيب الهادي
✍️ام صادق المنصوري
───⊱◈◈◈⊰───
بطبرة الكرار دلالي انطبر
ريت ميته ولاسمعت بهالخبر
تبجي الاملاك والنايح كثر
عجت ترابه ومطر بالوادي
✍ام اسعد الشمري
───⊱◈◈◈⊰───
ترابه عجت لجله واسود الفضى
اليوم مترادي علي المرتضى
بسيف مسموم الولي وسفه قضى
املاك عرش الباري لجله تنادي
📚🖌️ام زهراء
───⊱◈◈◈⊰───
#تمت باقلام شاعرات رابطة خادمات سيد الشهداء"ع"
☘قصيده للامام علي ع ☘
في ليلة الواحد وعشرين
لسان حال المعزيات👉
الوزن // فائزي من بحر الرجز
مستفعلن مستفعلن مستفعلاتن
وين التعازيني وتجي تتگابل وياي
نتحزم حزام العلي والطبرته اعداي
مترادي هليله علي بهاي المسيه
ويلوج من كثر الوجع سوده عليه
ياحيف ماينفع دوه الحامي الحميه
كلنه نواسي ام الحسن بالفاجعه هاي
نتحزم احزام العلي والطبرته اعداي
✍☘ام فراس الساعدي ☘
🏴🏴🏴🏴🏴
طبرته وصلت للعظم والسيف مسموم
وعيونه سهرانه علي ماشايف النوم
شيبه ولحيته امخضبه من فيض الدموم
صايم وطبرو هامته ماضايگ الماي
نتحزم احزام العلي والطبرته اعداي
✍ام مرتضى الخزرجي
🏴🏴🏴🏴🏴
ياوسفه هليله علي يودعها دنياه
وشلون اولاده تضل ويلي بلياه
وايتامه اتحن وتون للدوم تنعاه
لو بيدنه نفدي العمروالراح والجاي
نتحزم احزام العلي والطبرته اعداي
✍🏻ام سجاد الشهيد
🏴🏴🏴🏴🏴
مصيوب مولانه علي و حاله تراده
هاليوم وصه اوصيته وجامع اولاده
ودموعها عالخد جرن عمت الساده
يعين گلب ام الخدر بالفاجعه هاي
نتحزم احزام العلي والطبرته اعداي
✍️ ام مهدي الفرطوسيه
🏴🏴🏴🏴🏴
هاي مصيبه ماجرت الله اكبر
ضلّت العيله معوله بعبره اتحسر
الابو خيمه ياخلك وافراكه مخسر
لوراح يعني ينگشع ياوادم فياي
نتحزم احزام العلي والطبرته اعداي~
يعين الله كلب ام الحزن فكدت وليها
خيمتها طاحت للاسف لتفي عليها
مكتوب اظن ليها الدمع دوم وبجيها
من المصايب والقهر يكليبها لاي
نتحزم احزام العلي والطبرته اعداي
✍🏻ام عباس السكيني~~~
تمت باقلام رابطة شاعرات الچفوف السخيه
☘قصيده للامام علي ع ☘
في ليلة الواحد وعشرين
لسان حال الشاعر👉
الوزن // فائزي من بحر الرجز
مستفعلن مستفعلن مستفعلاتن
وين التعازيني وتجي تتگابل وياي
مطبور مولانه علي والطبرته اعداي
مترادي هليله علي بهاي المسيه
ويلوج من كثر الوجع سوده عليه
ياحيف ماينفع دوه وانه شبديه
جينه نواسي ام الحسن بالفاجعه هاي
وين التعازيني وتجي تتگابل وياي
✍☘ام فراس الساعدي ☘
🏴🏴🏴🏴🏴
طبرته وصلت للعظم والسيف مسموم
وعيونه سهرانه علي ماشايف النوم
شيبه ولحيته امخضبه من فيض الدموم
صايم وطبرو هامته ماضايگ الماي
وين التعازيني تجي تتكابل اوياي
✍ام مرتضى الخزرجي
🏴🏴🏴🏴🏴
ياوسفه هليله علي يودعها دنياه
وشلون اولاده تضل ويلي بلياه
وايتامه اتحن وتون للدوم تنعاه
لو بيدي انذرله العمر تفداه عيناي
وين التعازيي تجي تتكابل وياي
✍🏻ام سجاد الشهيد
🏴🏴🏴🏴🏴
مصيوب مولانه علي و حاله تراده
هاليوم وصه اوصيته وجامع اولاده
وتدموعهه عالخد جرن عمت الساده
يعين الگلب ام الخدر بالفاجعه هاي
وين التعازيني وتجي تتگابل اوياي
✍️ ام مهدي الفرطوسيه
🏴🏴🏴🏴🏴
تمت باقلام شاعرات رابطة الجفوف السخيه ع
#واعلياه~ صرخة زينب واعلياه ~ حين ودعها امير المؤمنين ع \لحن قلب امك. يبني مفتت للشيخ الجفيري
تودّع زينب ابوها الغالي~
راح الصنديد راح الوالي~
الليله حيدر ودّع أهله~
نوره من محرابه خالي~
بويه بويه بويه بويه²
〰️〰️〰️〰️〰️
ما اگدر انظر بويه الطبره~
تسكن لحدك وانه بحسره~
لا تودّعني يا بو الحسنين
لا ما تنشف هاي العبره~
بويه بويه بويه بويه²
〰️〰️〰️〰️〰️
خادمة آل محمد ✍🏻
لحن حمزه سدو الماي الماي
لا تظن يوم انساك يالرحت عني
انه زينب يا علي. اعليه يصعب فركاك. يالرحت عني
***
بويه دلالي انفطر. والدمع همال. ما حاجيني
ذبل جفني امن السهر. والمعاتب طال. وناري تجويني
انته بالشده ضفر وحلمي والامال. وشمعة اسنيني
سالت العين العين. وطول ونيني
يا علي شصبر بعد. ونهدم بيت السعد
بويه كلبي ناداك. يالرحت عني
****
لا تودعني صحت. والفكر محتار يا عمد بيتي
كمت جم مره وطحت. اشبيها ضل الدار خابت امنيتي
وحدي بالباب اكعدت. ونشد اعله الصار. شوف حنيتي
بين براسي الشيب. وهمي كاتلني
ليش فركنه الدهر. ضهري يابويه نكسر
لا تفاركنه ارجاك يالرحت عني
**
كلي شيظمد الجرح. يا حلم دنياي مو وكت فركه
جفوفي يا وجه الصبح. هالمسيه اهواي. احتاجت الملكه
الدنيه ما بيها ربح. وانته تدري بهاي اعتب بحركه
عكبك انهد الحيل. ونعمن ذني
من تسافر يا علي
بعد جا ياهو الآلي
وصاب كلبي الصاباك. يالرحت عني
**
امشي واعثر بالجدم. واليتامه تنوح. الفركه تاذيها
الفقره حست باليتم وياهو من تروح. يمسح عليها
انته حلمي والحلم. حوليته جروح. وروحي ما بيها
جلجل الليل الليل. وهنه مرني
والمصايب من تمر. بويه تعصرني عصر
راحت الضحكه وياك. يالرحت عني
***
تدري كلبي يا علي. انكطع سباحه. شاهد الطبره
اقره صرت بمنزلي. طور النياحه. حيل منكسره
همي ما ظن ينجلي. راحت الراحه. والعمر فتره
بعدك انه الأيام. ما يرحمني
اشلون بيه بكربله
من احير بعايله
بحبل تجتفني اعداك. يالرحت عني
**
تمت
تحسين الخفاجي
قصيدة فاتحة علي ع•••♕
نزال حزن
علي مات وناصبيله الفاتحه
بدار حيدر بس ثغيب ونايحه
•••••••••••••••••••••••••••••••••••••••••••••••
وال هاشم كلهه مكسوره الظهر
بالحزن والنوح ودموعه وقهر
وسفه طايح علي بن فارس مضر
والنواضر بالحزن متصابحه
•••••••••••••••••••••••••••••••••••••••••••••••
نزلت املاك السمه تواسي بحزن
طاح حامي الجار وعياله تون
بموته گلب الحسن بالهم يمتحن
راح شيخ الكون والچف لايحه
•••••••••••••••••••••••••••••••••••••••••••••••
كلشي حزنان بغدر حامي الحمه
والنبي سوه العزه وي فاطمه
وروح زينب على ابوهه امهدمه
مصاب حيدر گلب زينب جارحه
•••••••••••••••••••••••••••••••••••••••••••••••
والمدينه ظلمت عگب الضوه
طاح راعيهه وحزن هب الهوه
وراس حيدر مالگوله كل دوه
مثل ظلع الزهره ظل البارحه
•••••••••••••••••••••••••••••••••••••••••••••••
علي أبو الاايتام عاف ايتامه
وبالگبر مطروح شيخ زلامه
ولده ظلت بالحزن محتامه
والكسر بين عليهم واضحة
•••••••••••••••••••••••••••••••••••••••••••••••
لتمت اولااده علي بحزن وثقيب
فوگ گبره ظلت بااه ونحيب
والحبيب الراح فاگدله حبيب
طاح حيدر والهواشم طايحه
•••••••••••••••••••••••••••••••••••••••••••••••
خادم الحسين ع
مهند العايدي
تمت بفضل الله وال محمد ع
نسالكم الدعاء//1446ه
تجليبه
لامير المؤمنين عليه السلام
مفجوعه الهواشم تنعى واليها
وابليلة قدر شايل يا راعيها
مفجوعه الهواشم ياعلي الليله
تنعاك ودمعها تجري واتسيله
مشدوهه اليتامى وفزعت اتشيله
فطّر كل قلب هالليله ناعيها
فطرت القلب هالليله يالوالي
مهضومه العقيله وتنخه يالغالي
وادموع الالم بعيونها اتلالي
اتناديلك يبوها لا تخليها
اتناديلك يخيمة عزي او ذخري
بعدك شنهو يحصل ياعلي تدري
تتوالى الرزايا وبالحزن عمري
أگضیه بدمع واعيوني أعميها
يامدلل بناتك كافي عوفه النوم
يتباجن عفتهم انهض الهن گوم
ماشافن حنانك تدري من كم يوم
وانوار عليهن حزن غاشيها
يمداوي الگلب يا بلسم المجروح
اشلون ابهالمسيه يا علينه اتروح
وتدري اوياك بويه الروح والله اتروح
وبعد يا علي منهو اليداويها
يا خيمة الضايع وين بعدك وين
يلوذون اليتامه يا أبو الحسنين
ما ينشف دمعهم ياعلي امن العين
بعدك تنفجع واليتم ياذيها
ياجنة هوانه ياابو الايتام
شيحمله الفراگ اشلون عنا اتنام
فطرهم دموعك تدري شهر اصيام
واشلون ابحزنها علي تجفيها
———-
بقلم
فاطمه كريم وبنت الشمري
٢٠٢٤
#جديد
استشهاد مولانا أمير المؤمنين عليه السلام
طور : من يغيبون ؛ محمود أسيري
.
.
رايح بالسلامه .. يا كهف اليتامه .. يحيدر آيبويه
بگبرك يا علي اتغيب .. وگلبي ابفگدك ايشيب .. يحيدر آيبويه
والبلنجف يغفون .. لينه ما يردون
___
اشما جِرَح گلبي الزمن چنت إنته حضني
راسي أخليه اعله صدرك وأبث حزني
دمعاتي تمسحها وتزيل الحزن عني
آ يبويه وهالمسيه اتروح مني !!
اتغمضها لعيون .. يا حيدر اشلون .. اتخليني وحدي بهالعمر
يا بو المَحنّه .. اتودعنه كلنه .. وأرجع يتيمه وأنكسر
آيا غيابك .. يجرح مصابك
يعني ليّه مَتعود .. الليله يعني مفگود
چبیره آ یبونه
واتروح امن اديه .. يا حامي الحميه
جمالك يِدفنونه
تنزف ليك الإعيون
لينه ما يردون
____
بويه بغلاة الغاليه أمي الزچیه
اتقاسم اوياك الجرح خلني المسيه
واتگوم سالم والأجل يندار ليّه
بس لا تودعني يحماي الحميه
مَگدر بلیّاك .. يذبحني فرگاك .. يا بويه صعبه تبتعد
واتشوفك العين .. رايح يبو حسين .. وغايب جمالك باللحد
وأعظم رزيه .. مَترد إليه
واسمع ويلي إبآه .. تصرخ واعلياه .. اليِشيلون الجنازه
يعني نرجع أيتام .. ابحضنك بعد مَننام .. وعازتنه والله عازه
وآنه ابحالتي اشلون
لينه ما يردون
___
بويه بأمان الله علي يا شمعة العين
بعدك أنا اگضي العمر آهات واونين
أصبر على أحزاني لچن ردتك يبو حسين
لو صاروا إخواني على الغبره مطاعين
إهناك أريدك .. إتلمني بيدك .. وتمسح دمع عيني اليصب
حرمه ويتيمه .. وما عندي خيمه .. وكل إخوتي فوگ الترب
وعباسي مطروح .. واحسيني مذبوح
يا حامي دخيله .. أركب عالهزيله .. ويِمَشِّونه سبايا
وأرجع بالرزيه .. للكوفه سبيه ! .. وروس إخوتي هدايا
فوگ الرمح يمشون
لينه ما يردون
___
تمت ببركات المولى أمير المؤمنين عليه السلام
#فاطمة_كريم
٢٠٢٤ م
دليلي احتار خويه احسين... وجهه
اشو والدي اصفر صار ... وجهه ؟؟؟
ساكت ما يون واحشاي .. وجهه
اويه جيت العيد يگطع ليش بيه ....
لِون گلبي جبل چا خر ... من الهم
من شفت الدمه ينزف .... من الهام
اليتامه من عکب عينك ... من الهم ؟
او منو الزينب يحماي الحميه .....
غدر الدهر كل ليله .... يجي ابلون
الحسن واحسين والدنه ... يجَبلون
الي امدنگين كل ساعه .. يجبلون
يزينب ايسي منه او هايهيه ....
ابو فاطمه الطائي