8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
اخبرنا يالصادق عل اطفوف
ياهوه ل ابلا نحر وجفوف
والطفل ليذبحونه شمسوي ميخلونه
يالصادق يالصادق
***
شسامع اشايف شنو قصه المصيبه
اشلون زينب صارت بليله غريبه
حسين ليش انداس والجثه سليبه
والكفيل اعله النهر ياهو اليجيبه
وانه احس بداخلي الصوت
والله وسفه وياخذه الموت
والجسم ليسحكونه شمسوي ميخلونه
يالصادق يالصادق.
****
سولف العندك تره العندك اهوايه
خل تصير الشيعه لحسينك ضحايه
كون اهلنه التمشي مو اهله سبايه
انموت بالحركه ولا عطشان مايه
عمت عيني اعليه المدلول
مات ماشابع دللول
واصغير ميشوفونه شمسوي ميخلونه
يالصادق يالصادق
**
منو بليله وحشته مشمور جسمه
علترايب والحوافر بي مهشمه
ياهي صاحت ياحسيني وين يمه
دلني جسمك وينه لا دوسه واللجمه
وحسين مافرزن منو الجاي
شم ريحت امه وارتوه بماي
ماشافها بعيونه شمسوي ميخلونه
يالصادق يالصادق
**
كربلا اشبيها وجع دليني بلله
انه ما كاتلني بس مركاض طفله
تكل لابوها الموت مو هسه محله
واخ ياجدمي انجوت بويه كله
دورت بالجثث بليل
بحضنه شافت سحكه الخيل
عنده بت يدرونه شمسوي ميخلونه
يالصادق يالصادق
**
كون تحجيلي عله الناكه الهزيله
اشلون صعدتها ومشت بيها العقيله
ابلا كفيل اشلون ضلت مستحيله
الا زينب للظعن صارت كفيله
وسفه الكفيل اعله الرمح راح
وسايك الناكه اليحدي ذباح
ومشي العليل اشلونه شمسوي ميخلونه
يالصادق يالصادق
*
زيد عدنان الزيدي
في حق الامام الصادق. ع
بدمع عيني كتبت اسمك
الف هنياله اليخدمك
بنيت بعلمك الدين
مشيت بنهج الحسين
ياجعفر الصادق
-----------------
اضل انعاك بدموعي. مصابك صار موضوعي
ادكن حيل بضلوعي. بقه بكلبي جرح
يمحيي الدين والسنه. فضلك سولفو عنه
اطوف بكبرك اتمنه. مثل شمس الصبح
مدارس بالعلم وتصير الك ساس
يبحر الكرم انته وعدنه مقياس
يالصادق بفضلك تحجي الناس
اشوفنك صرح عالي
اسمك ساكن ابالي
خالد بين السنين
مشيت نهج الحسين
ياجفر الصادق
-------------------
الك اهل العلم تشهد. فضلك ابد ماينعد
طول الزمن تتخلد. يبن حيدر علي
دين الباري طبقته. بمدارس علم ترجمته
الجميع الناس وصلته. ابد ماتنجلي
كل احروف اسمك ذهب نطليها
ويجي يوم البقيع ونرد نبنيها
ومجالس عله مصابك احنه نحيها
الله منزلك ايه
ترفرف بسمه رايه
صار اسمك عناوين
مشيت بنهج الحسين
ياجعفر الصادق
-----------------
الك كل الفضل يرجع. ذهب يالصادق وتلمع
نورك بالسمه يصدع. ينهر منل العلم
انته الخير والرحمه. عله شفاف المحب بسمه
عطرك باقي انشنه. ثرت ضد الضلم
خذت من نور جدك والكرامات
ومتروسه الكتب عنك روايات
يالصادق بفضلك تحجي ايات
بساتين العلم تكبر
يوجه الصبح من ينطر
ينوماس المحبين
مشيت بنج الحسين
ياجعفر الصادق
------------------
يقران النبي ودينه. علمك يزهي اعلينه
مصابك حيل ماذينه. خذت مني الفكر
اعمه الما يشوفك زين. يمرجنه وعمود الدين
نموت بدرك وماشين. يشع منك عطر
يبو الكاضم جرح بلروح ماذيني
عله مصابك حزين ودمعتي بعيني
العمر ماي وتبده وضاعت اسنيني
المصايب بيه من تلتم
اضل بحسرتي اتئلم
كبر وياي الونين
مشيت بدرب الحسين
ياجعفر الصادق
-----------------
الخادم
رحيم الصالحي
استشهاد الامام جعفر الصادق عليه السلام
نعي 🏴🏴
الليلة الجعفرية بنوح
إمام المذهب اتشيعه
الامام الصادق المسموم
طلعت شيعته تنعه
وره نعشه شباب وشيب
والرايات مرتفعه
وطلّاب العلوم بويل
والحوزات منفجعه
الدروس امعطّله ياحيف
طفت من العِلم شمعه
شال الليله سادس نور
عميد المذهب ودرعه
ابو ذيه
الشيعي اعليك حگ . جيبه يدرعه
ياحماي مذهبنه يَدرعه
الشجاعه استارثت منّه يد ارعه
(جد حمی ورعی )
بفقاره الاسلام وحامه اخيّه
عظم الله اجورنا واجوركم
ام محمد الحجاج
▪️سادس اولادج يفاطم گطعوا جبده العده▪️
ــــــــــــــــــــــــــــــــــــــــــــــــــــــــ
#ذكرى_شهادة_صادق_العترة ع
#الشاعر_الميرزا_محمد_الساعدي
يالصادق انعاد اليوم عاشر محرم بينه
================≈====================
أنعادت اجواء الحزن والعبره
وهلت مدامعنا المصابك جمره
بگلب الذي والاك صارت حسره
ودعنا جعفر ياناس والكاظم الله ايعينه
================≈====================
ياموسى گلبك منفجع من يومه
سمته ناس من الحقد مسمومه
ماعدهه رحمه ولا وفه معدومه
گلبك على الوالد نار عالي بمواقف دينه
================≈====================
چن عادت اعلينه الليالي السوده
وزينب على الهزل تره ومگيوده
يالكل مواقفكم عليّ محموده
يقرالك الخادم دوم مدلك يمولى ايدينه
================≈====================
ضرموهه دارك يالولي هم ابنار
مثل التي اعليهه انحرگ باب الدار
هذا الجره اعليكم ابد مامندار
حرگ وسبي وچف مگطوع عدت عليك اسنينه
================≈====================
يمته نعيد الغرقد اويه القائم
ويصبح ضريحك بالمعارف دائم
سالم أبد مايبقه حاقد سالم
بنار الحقد يحترگون وبسطره من چفينه
================≈====================
نگصد مواكب للصحن محلاهه
وننطي بثواب المصطفى ونتباهه
وذيچ الليالي المضلمه ننساهه
وبالرجعه ننظر مولاي ونشوفك اعله ايمينه
================≈====================
الشيعي تخلص من صدگ احزانه
وضعن الفواطم يمشي ممشه اويانه
انزور البقيع وحيدره يرعانه
وفاطم تجي اتوزع ماي عاليقره ويبچينه
================≈====================
#الشاعر_الميرزا_محمد_الساعدي
اذا عندك مدامع حزن خافيها
سيد عماد الحسيني
الشاعر حسن لعيبي الحريشاوي
لاستشهاد الامام جعفر الصادق عليه السلام
(وزن تجليبه)
ياشوال إلك وسط الگلب جمره
انچتل بالسم امامي صادق العتره🚩
★★★★★
عنك شختصر يادولة الإيمان
الشاف من المخاطر والشدد ألوان
مذلول بعلومك حاير السلطان
بوجودك صار فعلاً حاير ابأمره
★★★★★
بسياسات الحكم حاروا بني العباس
جافوا للمصالح كل أمور الناس
قَلْ ايمانهم بس زادوا الْحُرَّاس
وزادوا بالخيانه وبالظلم خبره
★★★★★
أنملوا غيظ شكثر علصادق وقسوه
المِلَه الدنيا علوم ومعرفه وتقوى
گلوب الغيظ فعل الخير ماتهوه
القيِّم بدروبهم صارت حجر عثره
★★★★★
غلب دهره العنيد وتشهد أخباره
بكل صوب ومكان انتشرت آثاره
دَلَّاها الطريق عقول محتاره
هذا ابن الصميده وفاطمة الزهره
★★★★★
من داره بدت ثورات علميَّه
بأصول المعرفه واحكام فقهيَّه
وقرآن وحديث ونهضه فكريَّه
بالسم ياحسافه ينحجب بدره
★★★★★
دساتير العلم والدين والحكمه
تنشال بنعش ياهيبة النعمه
حزنانه المجالس فارگت علمه
تحن الشوفته وبنسامه متعَطرَه
الشاعر حسن لعيبي الحريشاوي
⬛️🔳القصيدة-5-🔳⬛️
لاتـَلُم ْ فالمصابُ أبكىٰ عُيوني
بانَ منهُ السوادُ فوقَ جُفوني
صادقُ الطاهرينَ يَقضي شهيداً
بعدَ سُمِِّ العِدا وحقدٍ دفين ِ
جعفرٌ لم يزلْ كنجم ٍ تلالا
نورهُ ظاهر ٌ علىٰ الخافِقين ِ
إذ لهُ في العلومِ شأنٌ عظيمٌ
لتِفيضَ الأفكار ُ في كلِِّ حين ِِ
يُستَقىٰ العلمُ منهُ غضّاً طرياً
فهوَ بينَ الأمواجِ مثلَ سَفين ِ
بينَ أيدي الشقيِِّ يُوليهِ شتماً
لِـيُذيقَ الإمام َ ريبَ المنون ِ
غالَـهُ في الخفآءِ شُلّت يداه ُ
كيفَّ سّمَّ الخؤونُ خيرَ أمين ِ
وعليهِ الأهلونَ باتوُا حَيارىٰ
بينَ باك ٍ نعىٰ وبينَ حزين ِ
وسميُ الكليمِ موسىٰ رَثاهُ
بدموعٍ ولوعةٍ وحنين ِ
#سمير_الصالحي
#النجف_الأشرف
🌑 نعي __ موشح
اليوم مات العلم والعالم فجيع
خلي تفزع كل بني هاشم سريع
جعفر الصادق گضه بسمٍ نجيع
ودارت عليه كل هله و احبابه
واحد يسبل ايديه ويجَبله
اواحد يغمض عيونه اويِعدِله
بيده الكاظم الگام يغسله
ظل يلوج وعبرته سچابه
بس ابو السجاد ياويلي عليه
ماگرب يمه ولي وادنه ليه
يغمض عيونه ويمددله ايديه
يامصيبه الزادت اعله امصابه
#سمير_الصالحي
#النجف_الأشرف
اللهم صل على محمد وال محمد
قصيده للأمام الصادق ع*
__
____
مدرست العلوم ومرجع الشيعه
امره بكل زمن من واجب انطيعه
الصادق بالعلم معروف
يم بابه الملوك اطوف
❥✿•┈• • ★{★ • •┈•✿❥
كل مسلم وجوباً للحديث ايطيع
علم جعفرالصادق منبع التشييع
احاديث القداسه بالدهر متضيع
تمعن بالرساله وشوف
يم بابه الملوك اطوف
مدرست العلوم ومنبع الشيعه
.❥✿•┈• • ★{★ • •┈•✿❥
يالحامل على اجتافك نهج احمد
الك رايات علم بفضلك التشهد
اشوكت مولاي يضوي بحظرة المرقد
ومنارات العقيده انشوف
يم بابة الملوك اطوف
مدرسة العلوم ومنبع الشيعه
❥✿•┈• • ★{★ • •┈•✿❥
ياباب العلم ياسادس العتره
ياجوهر علم مكنون بالقدره
أسست الطريق المختلف امره
تروي شوغت الملهوف
يم بابه الملوك اتطوف
مدرسة العلوم ومنبع الشيعه
❥✿•┈• • ★{★ • •┈•✿❥
رسالة وفاكره ممتده من حسين
الصادق تضحيه ويفديها لجل الدين
مايهجع دليله ولا يغمض العين
وبفتوكَ الاعادي ايروف
يم بابه الملوك اطوف
مدرسة العلوم ومنبع الشيعه
❥✿•┈• • ★{★ • •┈•✿❥
حاربت الجهل رغم اليعادونك
وصورت الطفوف بمنهج افنونك
العلم والمعرفة ندريها مضمونك
بنورك يبصر المكفوف
يم بابه الملوك اتطوف
مدرسه العلوم ومنبع الشيعه
❥✿•┈• • ★{★ • •┈•✿❥
.تمت بعون الله تعالى*
.✍الشاعره مريم العبوديه
أسيرة الاحزان💔
#ابوذيات
لشهادة مولاي جعفر الصادق
روحي فداه
بهدم گبرك طحت ماظل بياحيل
الفرج طال واشـد ظهري بياحل
اكــــول المهدي اذا زارك بياحال
اذا غربتك طف امسويه بيه
وحك اليوم عاشر مات املها
عليك الاه روحـــي ماتملها
يظل منصوب لجلك ماتم الها
لحد ماتگطع الونه الزجيه
علي محسن الزيادي
#اللهم_عجل_لوليك_الفرج
اهوازيه
نعزي المنتظر بمصاب/ جده الصادق الليله
ننصب مأآتم ابكل دار/لجله المدمع انسيله
ــــــــــــــــــــــــــــــــــــــــــــــــــ
بهاي الفاجعه انعزيك نون يالمنتظر وياك
نلطم عالصدر ونّوح ونضل نلهج بطرواك
نعرف بالمصاب اليوم زيّد حـــزنك وأذاك
كل شيعي وموالي اليوم راكد منهدم حيله
ــــــــــــــــــــــــــــــــــــــــــــــــــ
منّ العسكري لحسين جم امصاب جم لوعه
جم حسره وألم مولاي جم علويه مفجوعه
امصاب الزهره ولكرار محسن طفّو اشموعه
وجرح امصيبت السبطين كلفه وصعبه وثگيله
ــــــــــــــــــــــــــــــــــــــــــــــــــ
حاظر سيدي ندريك تبجي وتلطم اويانه
وگلبك عالحزن ولـ اه نفتحت كلها بيبانه
يبو صالح جروح هواي روحك منها مليانه
ونته لكل جرح عيناك دم ودمع تجريله
ــــــــــــــــــــــــــــــــــــــــــــــــــ
مرتين العدء مولاي جدّك حرگو ادياره
وبّسم الكفر يا حيف مات لربك اختاره
گوم انهض يبو صالح وطلب دمه وبثاره
اشهر سيفك البتّار رد يا سيدي العيله
ــــــــــــــــــــــــــــــــــــــــــــــــــ
يمته الفرج يا مولاي ما ضل كل صبر بينه
انحلفك بمك الزهرآء والصادق ترد ليــــنه
دعاء العهد نقرالك يبو صالح يواليــــــــنه
كل جمعة بجزع نرجاه الغيبه صارت اطويله
✍️علي كاظم المنصوري
💠 #الإمام_المهدي_عج
💠 #طور_الجفيري
يمتــى يبــن طـه اللقـى
حـــن الگــلب للملتــقــى
يمتــى اكحّـل نـاظــري
مــن هالعمر گلّي اشبقـى
ـــــــــــ ❈ ❖ ❈ ـــــــــــ
يا صاحب الگلب الحنين
طـالت علينه هالسنيـن
ريتــك تعجّــل طلعتـــك
من قبل لا موتي يحيــن
ـــــــــــ ❈ ❖ ❈ ـــــــــــ
يالشايــل العطر الرسـول
ونـور الرســالة والبتــول
يـاشبـل حيـــدرنـا علــي
عالبُعد مــولاي اشتگـول
ـــــــــــ ❈ ❖ ❈ ـــــــــــ
گلــوب المواليــن إلتهـب
شفنـــا يمولانــا العــجب
غربتنـا طــالت يالــولــي
ننتظــرك بظيــم وتعب
ـــــــــــ ❈ ❖ ❈ ـــــــــــ
💠 #طور_الفراق
ماتجينا؟.. داوي الگلوب الحزينة
ماتجينا؟.. دم دمعنــا لــو بچينـه
ماتجينا؟.. والهضـم بيَّن علينــا
ـــــــــــــ ❈ ❈ ❖ ❈ ❈ ـــــــــــــ
ماتجينا.. ننتــظــر ثــار الزچیـــة
ماتجينا.. وثــــار زينبنــا و رقيـة
ماتجينا.. برايـة الكافــل واخيّــه
ـــــــــــــ ❈ ❈ ❖ ❈ ❈ ـــــــــــــ
✍ #الشاعرة_زينب_الخفاجي
🤲 #اللهم_صل_على_محمد_وآله
يله البيارغ يا خدم علكوها نسمة محرم هبت اتلكوها
للطم حضرو الصدر وللخدمه ضحو العمر
***
قادم محرم يا خدم وبكل كلب سوو خيم ناداكم
هذا الشهر وبكل شهر يبجي الامام المنتظر وياكم
وين اهل الحركه بعاشور وين اصحاب اللطميه
بلون الاسود تتوشح لازم كل حسينيه
عوفو الدنيه وما بيها وصفو ويحسين النيه
من حسين تعلمنه نموت امن اجل الحريه
شهر المجالس هل علينه اهلاله وحته الحسن حضر يناس ادلاله
وين اليدور اجر وللخدمه ضحو العمر
**
سوت حداد اهل السمه ونشرت قميصه فاطمه بالعبره
كلها بهواه متجننه واهل المواكب كل سنه منتضره
حسينه بلهفت عاشور وكربت يا ناس ايامه
وين الجان يدك دمام خل يحضر دمامه
كلوله اليطلع زنجيل من هسه ايشد احزامه
واليطبر راسه من اليوم خل يحضرها القامه
كلمن يجهز موكبه ويتحضر بهاي المجالس بت محمد تفخر
متعطشين اشكثر وللخدمه ضحو العمر
*
ميهمنه كلمن يعترض لازم نثور وننتفض بالرايه
وصلوله اليغثه اللطم وي المجالس للعظم وفايه
بعاشور اشما شفنه جروح ما نوفي جروح الاكبر
متمسكين بدرب حسين والخايف خل يتكتر
والغيره الجابت عباس جابت بس شيعة حيدر
ولو طاحت من عدنه اركاب ما نترك هذا المنبر
خدام الحسين اشكثر مملوحه عالعنب حامض كالها الميلوحه
والحاربونه اشكثر وللخدمه ضحو العمر
*
كلمن يعلكله علم معناها طفاها الخيم بجفوفه
والنصب موكب بالدرب هذا لبس زي الحرب بصفوفه
يستاهل نوكف وياه ونحي الخدمه بعاشوره
حبيناه بس ما شفناه ولليوم نحب الصوره
ومن نشتاك الوالينه نركض للحضره نزوره
والناس الكاعد تنقد لا تخدم ما مجبوره
شلكم غرض باليخدم ابن الزهره وين الضرر لحسين لو دك صدره
وهذا الامر منتشر وللخدمه ضحو العمر
****
كل موسم ايزيد العشك ويحسين ابد ما نفترك تدرينه
ويالنفس حبه سره وحسين دنيه واخره والينه
خدام وكل العالم متعجبين بخدمتنه
ومن نسويله اقرايه الزهره تحب اقرايتنه
موجود ويانه المهدي وبيده اترفرف رايتنه
ومن نلطم حيل الجده يفرح حيل بلطمتنه
هاي السنه لازم نعيد الهمه واكثر بعد نتنافس اعله الخدمه
ولمن محرم يمر للخدمه ضحو العمر
***
تمت
تحسين الخفاجي
هذا الشعار عنواني صار
وجنسيتي تقره جعفريه
***
من زغري وانه اعله اللطم جانو هلي ايعلموني
ويردوني مو بالمدرسه بالمجلس ايسجلوني
جانو يحفضوني دمع وعن زينب ايقروني
وبحسين كون امن امتحن عشره اخذ ايريدوني
وهذا العشك هوه الصدك
جانت دمعتي زينبيه
**
هليله لازم فاطمه بالمدمع اتواسوها
وهاي المجالس يا خلك الصادق يكول احيوها
القاسم يخط المستهل اللطميه من تقروها
وام البنين امحزمه بالموكب اتشوفوها
وهاي الشباب اتون عالمصاب
راووني همه قاسميه
**
انسان واعي وللعلم امضحي القضيتي اهوايه
وكل يوم اليمر اختنك لو ما اروح اقرايه
بالموكب اتحزم وضل اتباوع اعله الرايه
وحته المواكب شاهدت عالصادق امسمايه
ولطم الصدور حته الضهور
وصرختنه تبقه رافضيه
***
خادم وضل طول العمر وهالخدمه علت شاني
انه الاخدمنه تره مثل الملك خلاني
لا ما اغير مذهبي لو مو تكص الساني
انه ولائي حيدري وانته اتعرف ايماني
الدم جعفري والعسكري
والغيره عندي حيدريه
****
هليله لازم للطم كلمن يشد احزامه
الصادق يشيعه حيدره هاي الايام ايامه
العباس افتحو الباب اجه ويحيي بالطامه
والمهدي حافي للعزه يركض دخل جدامه
ساووو الصفوف رايد يشوف
هليله ليله مهدويه
****
انه حسيني وعالبجي ماخذ طبع من يومي
اعله حسين ردت امن العشك يا ناس اشك اهدومي
هليله للصادق نحت وبكلبي شلت همومي
وعزيت روحي بمجلسه وكلتلها الطمي كومي
اليوم الوجود يبجي الخلود
والصادق بنعش المنيه
***
تمت
تحسين الخفاجي
باجر الصادق نشيد مرقده
والعهد برض البقيع انجدده
ونزور ارض البقيع
وتنور ارض البقيع
****
اليوم كل شيعي بدمه المنحر كتب
لازم انشيد كببهم من ذهب
ما يفرقنه الذي هبه ودب
الموت لو عاندنه اله انعانده
***
احنه شيعه وصوتنه ضل يعتلي
يالثارات البقيع اتزلزلي
رافضيه وما نبايع بس علي
غصبن اعله اهل السقيفه الحاقده
****
باجر انشاهد مناره الفاطمه
يشع منها النور ويضوي السمه
وبكبرها حسين ننصب مأتمه
وبصحنها مستهلنه انردده
*
صحنه صيحه وبيها رددنه بيقين
باجر انشيد ضريح ام البنين
ونعتنيها افواج ونطوف بحنين
انصيح هاي ام البنين الفاكده
**
يمته يم الباقر انداوي الجروح
لازم انحقق اهناك اكبر طموح
يجي يوم وكلنه مشايه نروح
والمواكب تزحف من ابعد مده
**
والله عالحاجب ابد ما تعله عين
احنه شيعه وبالعهد متمسكين
يجي يوم نزور زين العابدين
ونكض شباجه ودمعنه ايناشده
**
باجر ايثور الامام المنتظر
ويستلمها الرايه من عمه الكمر
ولآل اميه ما يخلي كل اثر
جنه راعي الثار كرب موعده
***
يمته يتحقق حلمنه الكل يكول
وينفتح باب الفرج والهم يزول
كلها مشتاكه تشم قبر الرسول
هيج ويدور الزمان ونكصده
**
تمت
تحسين الخفاجي
#قصيدة_للأمام_الصادق
{ جنوبية _ يلوج الليوم }
يلوج الليوم شيخ الجعفريـه
مسموم ودنت ليــه المنيـه
•───✧◐◐✧───•
يهذا الشيد الدين بشريعه
يون اليوم سيدكم يشيعـه
ولمصابه نواسيها الوديعه
{{ الدين واهله _ ينوح عليه }}
•───✧◐◐✧───•
اهل الدين ناحت اله وحزنانه
يا شيخ المراجع خالي ديوانه
يديوان العلم مسدوده بيبانه
{{ من شال الهيبه _ سدوها }}
•───✧◐◐✧───•
مثل هليوم مسدوده الدواويـن
شال ابن الفحوله الأسس الدين
عله الصادق دصبي دموم ياعين
{{ العين اعليه _ كون اعميها }}
•───✧◐◐✧───•
نعمي اعيـونه وانطيـن الراس
حز بينه مصابه وهدم الساس
لبسو اسود عليه ونوحو ياناس
{{ چوادر لجله _ نصبوها }}
•───✧◐◐✧───•
نصبوله الچوادر هزو البيارغ
يابيت العلم منه صبح فارغ
يالون الحزن بينه أثر وصابغ
{{ فصلنه اسواد _ ومن يومه }}
•───✧◐◐✧───•
2023
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
انا الخصص حياته الخدمة العتره
شرف وعظم شرف خدمة بني الزهرة
ــــــــــــــــــــــــــــــــــــــــــــــــــــــــــــــــــــــ
شرف كلش عظيم اصعد على المنبر
ونوح ابحركه وقره انه على اعز منحر
هنيئا للصبح خادم الأبو الاكبر
جبير الخادم وكلها تره اتقدره
ــــــــــــــــــــــــــــــــــــــــــــــــــــــــــــــــــــــ
اهم شي بالخدامه النيه ياخادم
برضا الزهراء فكر مو رضا الوادم
بخيت الترضا عنه ام الحسن فاطم
نضيف الينرزق من فاطمه نضره
ـــــــــــــــــــــــــــــــــــــــــــــــــــــــــــــــــــــ
الامام الصادق يوصينه بالخدمه
احرصو عليها ياخدام ابو اليمه
التنزل دمعته تنزل علي رحمه
المايخدم صدك باجر شنو عذره
ــــــــــــــــــــــــــــــــــــــــــــــــــــــــــــــــــــــ
مثال اضربلك بخادم نذر عمره
ونال اعظم شرف ناعيها للزهرة
سيد جاسم الينعه على الفطره
ويم محبوبه هنياله صبح كبره
ــــــــــــــــــــــــــــــــــــــــــــــــــــــــــــــــــــــ
مجالسنا مدارس منها نتعلم
المافاهم حجينه خل يجي ويفهم
ميهمنه العلينه ابسوء يتكلم
عشره احنه يبو السجاد مو عشره
ــــــــــــــــــــــــــــــــــــــــــــــــــــــــــــــــــــــ
بسم الصادق الدعوه احنه نرفعها
وكيد الزهرة هاي اليله تسمعها
خل انصب دمعنه ويه مدمعها
وحلونه نون وياها علـ حُرَّه
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
!_الليالي_الجعفرية_!!
♦أقوال سيد الفقهاء الإمام الصادق[عليه السلام]
1_
قال الإمام الصادق[عليه السلام]
"كونوا دعاة لنا بغير ألسنتكم، ليروا منكم الورع والاجتهاد والصلاة والخير..."المصدر الكافي للكليني، ج2، ص78
فكيف ندعوك اليوم يا سيدي، وأنت غائبٌ بجسدك، حاضرٌ بعلمك؟نعم يا ابن الأطهار، فما زالت أرواحنا تشتاق لوجهك، ولهمسك الذي كان يعلّم الصمت كيف ينطق.
➖➖➖➖♦
2_
قال[عليه السلام]
"ليس منا من لم يحاسب نفسه في كل يوم، فإن عمل خيراً استزاد منه، وإن عمل شراً استغفر الله منه وتاب"
📚المصدر تحف العقول، ص370
وأيُّ حسابٍ اليوم يجبر انكسار القلب لفقدك؟يا من كنت مرآة النفس وزاد الروح،ها نحن نحاسب أنفسنا، فنتّهمها بالتقصير في حقك، يا مولاي.
➖➖➖➖♦
3_
قال[عليه السلام]
"شيعتنا خلقوا من فاضل طينتنا، يفرحون لفرحنا ويحزنون لحزننا"📚المصدر معاني الأخبار، ص157
فيا ابن النبي كيف لا نحزن وقد ذُبِح فيك العدل بصمت وسُقيت السم وأنت إمام الصبر؟نبكيك لا من ضعف بل من شوق ومن وجع فقدٍ لا يُضاهيه وجع..!
➖➖➖➖♦
4_
قال[عليه السلام]
"من لم يعرف سوء ما أتى من الذنوب فهو مصرٌّ"
📚المصدر الكافي، ج2، ص74
وها نحن مذنبون بجهلنا مقصّرون في اتباع نورك،
لكن قلوبنا ما زالت تنبض باسمك يا من علمتنا أن المعرفة عبادة، وأن الحزن سبيل المحبة..!
➖➖➖➖♦
5_
قال[عليه السلام]
"إن العلم نور، يقذفه الله في قلب من يشاء"
📚المصدر بحار الأنوار، ج1، ص225
وكنت أنت يا سيدي موضع النور ومعدن الفيض
فمن بعدك يضيء دروب المتحيرين؟ومن لقلوبنا بعدك وقد صار الغياب سوادًا لا يُمحى..!!
➖➖➖➖♦
أمرتنا بإحياء مجالس العزاء (رحم الله من
أحيا أمرنا) تمر علينا ليالي أستشهادهِ
يجب علينا أن نحيي مجالس عزائهِ 💔.
عظم_الله_لكم_الأجر
➖➖➖➖⚫
🏴فريقُ الانتظارِ بقاؤُنا🏴
«الغيرني جرحك»
༺༻
هذا لـ طمنه وهاي المجالس وهاي البواچي بس للحسين
درب العزيه ودرب الخدامه درب اليطين هدمــه وحزين
حرب الندامه حرب اليغير صوت الخشوع بگلبــ الحنيـن
༺༻
محد يغير خادم حقيقي
رادو اغير خلي ورفيقـي
بكثر الملامه اكثـر اعانـد
انته امامي تعرف طريقي
༺༻
لا والله مـو انـا الشـافـــك عاشـور
جرحك بيـه وحزنـك بيامي يدور
واتئمـل مـن عنـدك تنطينـي مـراد
تطلع روحي بمجلس والقارء شور
لا لنا فـ الدنيا غير الحسين
༺༺༺༺༻༻
عندي سبايه وعندي عرايه وعندي ضعـون بنـص شموس
فوگ الضليمه وفوگ الهضيمه فوگ الحنين الخيل تدوس
داسته خيل وداسته حيــــل داستـــه دوس يهيـج النفوس
༺༻
هذا الجراله وهاي المصيبـه
وزينب اخيته صارت غريبه
صارت غريبه الجانت اميره
عگـب الكفلهـا هـاي النهيبـه
༺༻
ماـ عفـته ولا عوفـه دربـك يحسين
راحـت عيني بمجلس تبجيلك عين
وشمقـدم حتـه انعـد خـادم يا نـاس
مـا شـايـل جـرح يصـل مــن الفيـن
لا لنا في الدنيا غير الحسين
༺༺༻༻
سولف يگلبي واسمع ضميري سولف شكو شصـار هناك
سولفله گلبي وراسن ضميري عاف السوالف صاح ويـاك
يعني شحجاله وغيرله حاله وضاگ البواچي وضل ينخاك
༺༻
نخوة يتيمه نجـرت تراچـي
خليني اعوفن كل المحاچي
اندب حضرتك وابقه البقالي
اگضي اخدمك بس وبواچي
༺༻
كون الميل بيـدي وارجعلـي اعـوام
وابدي الدنيه بعينك وانهي الاوهام
ما اريـد اذنـب ذنبي يعثـرني ويـاك
يالوهبنـي عيونـك وذنوبـي اسهـام
لا لنا في الدنيا غير الحسين
༺༺༻༻༺༻
ماحيلي ذنبي ماحيلي همي ومنطيني جمره تسوه
الحياة
انته امامـي وانتـــه هيامـي وانتـه صراطـي اليـوم الممـات
يسوه حبيبي ويسـوه طبيبـي يسـوه البواچـي بگد
الفرات
༺༻
صميت اذاني بصمام اديه
وانوي الخدامه ياأبو رقيه
اليشغلني عنك ما ريده انا
همـي الغبـار يـزول العليـه
༺༻
عندي خيام حترگن بالطف يا ناس
وتگوطـر ضعن الحـق بعـد العبـاس
واليهن ضل مرمي متروس اسهـام
ولمـن صـد عليهـن فارگ الانفــاس
لا لنا في الدنيا غير الحسين
༺༺༻༻
«اسم القصيده.. الغيرني جرحك»
«عبد ال محمد
منتظر خالد المنصوري»
ينار ينار بيچ اشم ريحة هلي
ينار ينار هله بيچ اتفضلي
ــــــــــــــــــــــــــــــــــــــ
يانار طُبّي الـمنـزلي ولا تستحين
يالبيچ ريحة زينب وجدّي الحسين
البيت بيتچ وأنتي لا تستأذنين
الـما يحتـرگ بالدنيه مايثبتله دين
تعاي تعاي طُبّي داري واعتـلي
ينـار ينار هله بيچ اتفضلي
ــــــــــــــــــــــــــــــــــــــ
يانار اريد اشتم حرگ ذيچ الخيام
يانار سوّي ابيتي دخّانه وظلام
يانار هنياله اليطب بيت الإمام
يشبع هله الگاصد عله الناس الكرام
أمان أمان لليطب المنزلي
ينـار ينار هله بيچ اتفضلي
ــــــــــــــــــــــــــــــــــــــ
الصادق آنه ومن شفت خوف العيال
بالبيت بس يتصـارخن بويه تعال
صب الدمع والكربله راح الخيال
واتذكرت لـمّن سبـو ذاك الدلال
تصيح تصيح زينب الحگ ياعلي
ينـار ينـار هله بيچ اتفضلي
ــــــــــــــــــــــــــــــــــــــ
آنه بقواي ومو مثل جدي العليل
من يمشي يعثر بالدمع يمشي ويميل
ابنياتي يمّي وماخذوهن عالهزيل
آنه ابوهن يمهن وآنه الكـفيل
حرام حرام الـمثل زينب تنولي
ينار ينار هله بيــچ اتفضلي
ــــــــــــــــــــــــــــــــــــــ
يانار مو من المهر طايـح جريح
ويشبع حوافر بالحرب كلمن يطيح
فعل الدوانيقي نعم جداً قبيح
وسم الچبد مايشبه النحر الذبيح
العزاء العزاء لحسين جدي مو الي
ينار ينـار هله بيچ اتفضلي
ــــــــــــــــــــــــــــــــــــــ
من باب امنه الطاهـره اصلچ ينار
اتطبين فجأه وتحترگ اقدس ديار
للطف اجيتي وعالخيم هب الشرار
وإبيتي دخانچ رسم لون السمار
حداد حداد والحزن ماينجلي
ينار ينار هله بيچ اتفضلي
محمد الجماسي
#اللهم_عجل_لوليك_الفرج
لاستشهاد الامام جعفر الصادق عليه السلام
(وزن التجليله )
اذا عندك مدامع حزن خافيها
على مصاب الامام الصادق اجريها
خلها تچوي الضلوع
لاتخفيها الدموع
على مصاب الامام الصادق اجريها
★★★★★
على مصاب الامام الصادق الدمعه
اجريها وللجراله انحب وأنعه
اعليه اهل التآمر ناس مجتمعه
القصد روح الامامه تريد تنهيها
ابچي بصوت مسموع
لاتخفيها الدموع
على مصاب الامام الصادق اجريها
★★★★★
من شافوا علومه بهلشكل صارت
وعلى كل المعارف والعلم زادت
بكل فرصه اوسيله نفوسهم رادت
تحط حد الضواها تريد تمحيها
وبكل لوعه موظوع
لاتخفيها الدموع
على مصاب الامام الصادق اجريها
★★★★★
فشل كلمن يحاول يهظم الاحرار
الظلام اشوكت يگدر يحجب الانوار
مثل غيره يرد من حاربه محتار
ابغربيل الشمس محد يغطيها
خلي جروحك اتلوع
لاتخفيها الدموع
على مصاب الامام الصادق اجريها
★★★★★
هذا ابن النجابه والعلم والدين
سيف المعرفه طر الجهل نصين
شبل مهيوب يرجع للشهيد حسين
جحافل للضلاله بچفه يلويها
اذا لمصابه مفجوع
لاتخفيها لدموع
على مصاب الامام الصادق اجريها
★★★★★
فرصه اتحَيَّنوها اهل الغدر والشر
بالسم مردوا چبد العلم جعفر
بفراگه حزين الكون وتغَيَّر
المدينه مظلمه صارت نواحيها
توَّج وَجَّات الشموع
لاتخفيها الدموع
على مصاب الامام الصادق اجريها
الشاعر حسن لعيبي الحريشاوي
قصيده بحق الامام جعفر الصادق ع
نسال سؤال انريـد نعرف جوابه
المن يصبها اليوم دمعت مصابه
من يبچي شافوه
والداره حركوه
نار التشب بالدار شافــوها بالعــيــن
سئلو الصادق ليش جاوبهم اثــنـيـن
اني اشوف النار هالتشب نــاريـــــن
نار البداري اتهون بس نار الحسين
بس يبچي خلوه
والداره حرگوه
والصادق ايعرفوه خلص حـيـاتــــه
صاحب اراده ودين عاش بـثــبــاته
وبحرگ داره هموم كل نايـبــاتــــه
صب دمعته من شاف تركض بناته
وبلوعه تركوه
والداره حرگوه
نار التشب بالدار اعـظـم رزيــــه
ماهانت ولتهون صعبه عـلــيــــه
بيها اذكرت هاليوم عمتي السبيه
ومحرگـــه الرجلين يمها رقــيــه
بهمومه عافوه
والداره حرگوه
ينظر الحرگ الدار كل نــاره تلهـــب
والصادق بهل يـــــوم گلبه تعـــــذب
يسمع اطفال اتصيح عـــزنه تسـلـب
وتركض ابين النار بلا والي زيـنـب
من ونه سمعوه
والداره حرگوه
صاح ويصيح بصوت بس الله عالم
كل هالدمع والنوح والگلب هــــايم
مو عالحرگ والدار تسمع الــوادم
تشبه بداري النار نار الفــواطــــم
لاچن مرحموه
والداره حرگوه
طفاها بيده النار خــمــد لظــاهــــا
واطفاله تبچي اتصيح سكت بچاها
طفاها وبدمعات ناره وضواهـــــا
بس بقت نار حسين محد طفاهـــا
تاليها سموه
والداره حرگوه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
الامام الصادق عليه السلام
لسان حال امامنا موسى الكاظم عليه السلام قائلاً:
طور العكراوي..
يهدني يالعزيز افراگك اليوم
حالك مختلف ماتگدر اتگوم
وتتلوّه ابألم والچبد مسموم
وانه بهالحال اظل للموت مهموم
مجرد
گرب من والده والگلب مكسور
يگله شلون تسكن وسط الگبور
يا من چنت لعيوننا النور
فراق
مالي حيله...وداع ابويه مالي حيله
مالي حيله...حسرة الفرگة ثجيلة
مالي حيله...هالألم ماكو مثيله
زينب الخفاجي
رئيسيه إلى الأمام الصادق ع
مفجوعه كلوب إعلى الصادق ،،هذا إبن القرأن الناطق
وبلا حضره""" الهدمو كبره
☆☆☆☆
هذا الصادق المضلوم بحر يتفجر بحكمه
كبره الهلزمن مهدوم للعالم وضح ضلمه
راحت للبقيع أرواح هاليله تحج يمه
يمته نوصل الكِّبره ونقبل إترابه ونشمه
كل الشيعه علي ملهوفه،،،،يايوم النوصل ونطوفه
نشتم عطره،،، الهدمو كبره
☆☆☆☆
الليله كل نبي محزون للصادق يهل دمعه
الملائك حزنت ويالحور وبجت أهل السمه السبعه
الدين بهالمسه ينحب ومفجوع إبفكد فرعه
الليله بالجنان تنوح وتنصب مأتم البضعه
إلمن أنحب أنه تنادي،،،كلهم مضلومين أولادي
وتبجي الزهره،،،،،الهدمو كبره
☆☆☆☆☆
كل ضنهم إذا هدموه كبره ينهدم ذكره
دليل على الجهل عدهم يوم الهدمو كبره
الصادق بالضماير عاش وبناله بكل كلب حضره
ونحن لزيارته بكل يوم حنين الشيعه للزهره
وللسجاد إنحن والباقر،،،،،عليهم ضل مشبوح الناضر
ونبجي بحسره،،،، الهدمو كبره
☆☆☆☆
شجره الصادق الهلدين منه الحكمه تتفرع
زاهد عابد وعالم ويم بابه العلم يركع
الشمش كل ماغشاها الليل لابد كل صبح تسطع
النبع مهما الحجر واراه يجي يوم الذي ينبع
بالغربه إيحن الزواره،،،،ماكدرو يطفون أنواره
الله إمنوره،،،، الهدمو كبره
☆☆☆☆☆
مدارس للفقه أسس من عدها يخرج أبطال
أبو الكاظم علم ينبع ودرس منهجه الأجيال
إذا كبره شفت مهدوم مايبقه أبد هالحال
باجر يضهر المهدي يكطع منحر الدجال
لو سل القائم بتاره،،،،منهم ياخذ باجر ثاره
من هالزمره ،،،،،الهدمو كبره
☆☆☆☆☆
نسيم الحميداوي
نعي للامام جعفر الصادق ع
تسعر بالـــــــگلب نيــران لــهابه
على صادق العتره وشدة امصابه
جِبيره مصيبته وكلفه وتهد الحيل
مثل اجداده جعفر يوجع صوابه
مثل حيدر علي هم ضلت ايتامه
ومثل الحسن بالسم مات بألامه
َمثل ام الحسن حرگو عليه الدار
مثل حسين جدّه احترگة اخيامه
على الصادق اجروح الگلب ما تلتم
وكل شيعي انجرح بمصابه و تيتم
ليله دموع من دم كون نبجي اعليه
وكون ابكل گلب ننصب عليه مأتم
✍️ علي كاظم المنصوري
...شهادة صادق العتره عليه السلام....
ويلاه يا سيدي ويلاه ياسيدي
.........................................
ياوكت ليجي مظلوم
يحگ نبچي عليك بدم
العين عليك ماتنلام
من تجري الدمع زمزم
ياجرح الننوح عليه
فراگك سيدي والسم ؟
لو نبچي يبو الكاظم
الگبرك ذاك المهدم
.........................................
يمشيد الدين علوم
المنك مااخذ خسران
الكتاب بداركم نازل
ونته الترجم القران
الامه شبيها يالصادق
منها غايب الوجدان
ذمه مارعت ليكم
وتبعت خط بني سفيان
.............................................
هم حرگو الدار عليك
نفسهم سيدي العدوان
بجيت اتذكرت مولاي
بالطف رگظت النسوان
عمتك سيدي بهيمه
تلم الحرم بالميدان
ونفسهم ردو الگبرك
وهدموه بحكم مروان
.........................................
من أنوح يم گبرك
العده اتگول الدمع ممنوع
عجيبه وتدعي التوحيد
وحجي تسمعنه مامسموع
بتقيتنه شنريد انگول
بحسرتنه نظل انلوع
يكون انطيح يم گبرك
ونشيد الگبر بضلوع
......................................
راعي الثأر يا مولاي
يظهر يمتى لجل الثار
بشيعتكم امانيها
كلها اصغارها وكبار
مثل ما بربعين حسين
نجي من كل كتر زوار
انشيد گببكم ذيج
يالصادق بدمنه الحار
........................
خادمكم قاسم المالكي
مجلس استشهاد الامام الصادق ع
💧💧💧💧💧💧💧💧💧
جئنا نعزّي أحمداً وعليّا
وبتولَه ُ والقائمَ المهديّا
ننعى إمامَ الجعفرية ِ جعفراً
مَن كان صِدّيقاً وكان وليّا
للناسِ أنفَق َ كالزكاةِ علومَهُ
ومضى نقيّاً طاهراً وزكيّا
الدهرُ شيخ ٌ من رواة ِ حديثِهِ
يتلو الوجودُ حديثَهُ النبويّا
والبحرُ تلميذُ لقطرةِ علمِهِ
الآنَ يُظهِر ُ سرَّها المَخفيا
شُقّوا الجيوبَ عليه ِ إن إمامَكم
للهِ يرحلُ راضياَ مرضيا
موسى على الجثمانِ يصرخُ باكياً
قد غاب نورُالله عن عينيَّا
فيجيبُهُ صوتٌ حنونٌ خافتٌ
صبراً على سجنِ الحياةِ بُنيَّا
هاذي يداكَ أراهما مغلولةً
فوصيتي لا تُسبِلَنّ َ يديا !
أفديهِ مسموماً يجودُ بنفسِهِ
في الطشتِ يلفظُ كَبْدَهُ الحَسَنيا !
وممزَّقَ الأحشاءِ خاطبَ جَدَّهُ
سيظلُّ جرحُكَ يا حسينٌ حَيَّا
هنا قد أقامت كربلاءُ بداخلي
واستوطنَ السهمُ المثلثُ فِيَّا !!!
محمد طالب العاملي
هذا الشعار عنواني صار
وجنسيتي تقره جعفريه
***
من زغري وانه اعله اللطم جانو هلي ايعلموني
ويردوني مو بالمدرسه بالمجلس ايسجلوني
جانو يحفضوني دمع وعن زينب ايقروني
وبحسين كون امن امتحن عشره اخذ ايريدوني
وهذا العشك هوه الصدك
جانت دمعتي زينبيه
**
هليله لازم فاطمه بالمدمع اتواسوها
وهاي المجالس يا خلك الصادق يكول احيوها
القاسم يخط المستهل اللطميه من تقروها
وام البنين امحزمه بالموكب اتشوفوها
وهاي الشباب اتون عالمصاب
راووني همه قاسميه
**
انسان واعي وللعلم امضحي القضيتي اهوايه
وكل يوم اليمر اختنك لو ما اروح اقرايه
بالموكب اتحزم وضل اتباوع اعله الرايه
وحته المواكب شاهدت عالصادق امسمايه
ولطم الصدور حته الضهور
وصرختنه تبقه رافضيه
***
خادم وضل طول العمر وهالخدمه علت شاني
انه الاخدمنه تره مثل الملك خلاني
لا ما اغير مذهبي لو مو تكص الساني
انه ولائي حيدري وانته اتعرف ايماني
الدم جعفري والعسكري
والغيره عندي حيدريه
****
هليله لازم للطم كلمن يشد احزامه
الصادق يشيعه حيدره هاي الايام ايامه
العباس افتحو الباب اجه ويحيي بالطامه
والمهدي حافي للعزه يركض دخل جدامه
ساووو الصفوف رايد يشوف
هليله ليله مهدويه
****
انه حسيني وعالبجي ماخذ طبع من يومي
اعله حسين ردت امن العشك يا ناس اشك اهدومي
هليله للصادق نحت وبكلبي شلت همومي
وعزيت روحي بمجلسه وكلتلها الطمي كومي
اليوم الوجود يبجي الخلود
والصادق بنعش المنيه
***
تمت
تحسين الخفاجي
كل سنه نتحزم وننصب عزيه
وبالدمع نحيي الليالي الصادقيه
***
احنه بالمجلس يسمونه المجانين
وعدنه حب الصادق بكد حب الحسين
وينها اصحب المجالس واللطم وين
نفتخر لو عنه كالو رافضيين
احنه بالدم تدري وقعنه الهويه
وبالدمع نحيي الليالي الصادقيه
**
صرخة الخدام يتردد صداها
والمجالس جعفر الصادق بداها
كال ايحو امرنا وكلها دعاها
وراية الصادق نضل نمشي وراها
احنه شيعه وما نساوم عالقضيه
وبالدمع نحيي الليالي الصادقيه
*
والله لوله الصادق الطب ماله عنوان
مدرسة اهل العلم نور العلم جان
خرجة مدرسة جابر ابن حيان
يختلف مذهب الصادق عن الاديان
هاي اكبر جامعة وتحمي الرعيه
وبالدمع نحيي الليالي الصادقيه
**
للامام الصادق انضحي بعمرنه
لجله كون ويالطم نكسر صدرنه
من خدمنه منبره صرنه شكبرنه
ما يضيع التعب ومسجل اجرنه
رافضيه ونبقه نهتف رافضيه
وبالدمع نحيي الليالي الصادقيه
***
لازم الشيعي الصدك يفدي العقيده
الشيعي ما يهتم ابد لو كطعو ايده
باقي نهجه وحب علي يمشي بوريده
واحنه صحنه الما يريدك ما نريده
امن الطفوله نحب علي حامي الحميه
وبالدمع نحيي الليالي الصادقيه
*
ليش كبر الصادق امهدم نشوفه
لازم بخط الذهب تنخط حروفه
يجي يوم ومرقده نكصد نطوفه
ومثل جده حسين يستقبل ضيوفه
والامام المهدي يبنيها البنيه
وبالدمع نحيي الليالي الصادقيه
****
تمت
تحسين الخفاجي
باجر الصادق كبته نبنيها
***
صاحت الوفايه ما تطيح الرايه
نبني لازم كبره ونعتني مشايه
والمواكب باجر مثل يوم العاشر
وابو الموكب يصرخ خل اخدمك زاير
للخدمه بكل موكب سهرانه الخدم
والمهدي اعله الزاير يفتر بالعلم
الاربعينيه بمرقده نحييها
****
صرخه الحريه ترتفع يوميه
للامام الصادق نفتخر ثوريه
موقف الدم رايد واحنه جينه انعاهد
وعالكلب خطينه علي هوه القائد
كل عاشك هليله صوته يعتلي
والعالم خل يسمع ما نترك علي
انجدد البيعه والركب نفديها
**
نبني راح الحضره والامام نذكره
والمواكب تطلع من ضريح الزهره
كلمن ايشد حيله وعالضهر زنجيله
والحسن كل خادم يوكف ويدعيله
للصادق بالعاشر كلشي نقدمه
والركضه نسميها ركضت فاطمه
والبقيع اله كربله نسويها
*
والله حب مولانه يسري ويه دمانه
يبقه نهج الصادق ثابت بعنوانه
بالعشك وفينه وكلشي لجله انطينه
انتيه بدنيتنه وكربله ادلينه
ما نخضع ما نركع علمنه الكمر
وللصادق قدمنه وضحينه النحر
وخدمة المنبر الله بارك بيها
**
باجر انصفيهم دمنه يغلي اعليهم
حضرينه ارواحنه ورايح انطب ليهم
ينتظر كل جندي فتوه من المهدي
وابو الثار بسيفه راح بيهم يبدي
والمهدي بقواته جاي امن النجف
وما يترك كل واحد من عدهم حلف
وراية المهدي تفخر براعيها
****
احنه جف الغيره الكون كله نديره
اشلون نهج الصادق نهج نسلك غيره
هالعزم من حيدر وبينه زود الاشتر
ما نعوف المذهب والله لو نتوذر
للمذهب وفايه وما بعنه الذمم
نتحزم بالغيره ونوصل للقمم
وزمرة الباطل فرصه ما ننطيها
****
تمت
تحسين الخفاجي
#قصيدة_للأمام_الصادق ع
{ تقرأ مربعة +موشح+فزاعية }
( مستهل القصيدة )
شلون تموت ياشيخ اليفرضون
هــلك بـالزود خياله ويرهبـون
•───✧◐◐✧───•
هلك بالموزمه اسباع المراجل
نشامه ولو حچو يرجف العايل
واحدهم سبع يعـدل المـايـل
والعدوان مـن عـدهم يرجفون
•───✧◐◐✧───•
ياشيخ وفريضه امأسس المذهب
علـيك الآه يـالـمسمـوم ومـعذب
يالصادق مصابك عالمحب يصعب
أحبـابك عكب عينك يونــون
•───✧◐◐✧───•
الكاظم على مصابـه شاد الثامه
مايـرجع بعـد خلصهـن ايـامــه
شالوها الكتب ضموهـا العمامه
الصادق للكبـر راحـو يدفـنــون
•───✧◐◐✧───•
طلاب العلم سدو مكــاتبهــم
حزنـانين شــال اليوم ريسهــم
بعدياهو عكب جعفر يدرسهم
حكهــم لو عله الصادق يحزنون
•───✧◐◐✧───•
اليوم الجعفريه علنـو احداد
الشيخ الطائفه هلنوح يزداد
والحجه اعله جده لابس اسواد
بهذا اليوم عالمسموم يبچون
•───✧◐◐✧───•
2023
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج