7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ياعلينه ياعلينه ياعلينه ... حيدر
ــــــــــــــــ
انت بس انت الذي بالبيت مولود ... حيدر
والخصال العظمى بس الشخصك اتعود حيدر
البيت للمولد شهد
الكعبه صارتلك مهد
الليله فرحت كعبة الله والمدينه ... حيدر
ــــــــــــــــ
هل امر اغضب وحكَك كل اميه ... حيدر
وجي نحبك صار اسمنه الرفضية ... حيدر
غصباً اعله الناصبك
حرب للي حاربك
احبابك احنه يبو الحملع تدري بينه ... حيدر
ــــــــــــــــ
يا وليد الكعبه اسمك رغم الانذال ... حيدر
شما يحرفون الفضل ينذكر ما زال ... حيدر
ينكروهه قرّوا
حرّفوهه وأعجزوا
سنين الهه وعجزت الزمره اللعينه .... حيدر
ــــــــــــــــ
انت يا اول واخر كهف الاسرار ... حيدر
الله بس للي يبغضك خالق النار ... حيدر
الله خالق كلشي الك
بسمك يدور الفلك
اخره وبالدنيه ربّان السفينه .... حيدر
ــــــــــــــــ
عهد لاخر نفس نبقه والله وياك ... حيدر
نبرأ والله من السقيفه الجمعت اعداك ... حيدر
يامن الضدّك خسر
مانعوفك لو وذر
بس الك يا بالحسين انمد اينه ... حيدر
ــــــــــــــــ
الشاعر محمد حسن ضيغم
/channel/kasaedalatharDaygham
[[ شوط كربلائي__ للسيده زينب ع]]
________
اتنطر خبر ياريت__
............. بلگت لو يجي العباس
اخر نظره بعيوني __
...............يمي ايهدئ الأنفاس
******
يمي يگعد العباس
..............وانه احچيله بدموعي
يالعندك علم بالصار
..............تدري الغربه موضوعي
يالمشكر ينور العين
....... .......مثلك طفوا اشموعي
اناطر لوتجي الاحباب
اعاين بس تدك الباب
لاچن ايست غياب
عشت بالحسره والآهات
..................وني ابدمعة الاحساس
*******
اعتب والعتب مجروح
...............لطف ابدي مرسالي
لو بيدي اشوف احسين
.................يمي وگاعد اگبالي
راسه وي النحر موجود
................. ما ظن يشفه دلالي
يدري اشصاير ابحالي
غريبه ابحسرة الوالي
تعال واشاهد احوالي
زينب والهجر صحبان
.............غربه وشاهدتني الناس
*******
عشره وي الجرح والآه
............حيلي اتگوه واتهدم
من فزعت علينه الگوم
.............تدري ابحرك المخيم
وانه ناشدت عباس
..............اسرع جيب المطهم
الحك خويه لصيوان
شاهد حالة الرضعان
چنهه ارتفعت النيران
ركضت عالجمر اطفال
............حسره ابروحي ما تنقاس
*******
كلها ابالي ما تبره
..............اطفي الخيمه ابيديه
من هجمت اشوف الخيل
...............سحگت بينه علويه
لسه ابريتي الدخان
................اكتب عمري لطميه
حرت ياخويه بالأيتام
جرحي يشرح الأيام
انظر هجمة الظلام
مرعوبه بصهيل الخيل
.................ليلي الطم عله الراس
******
عشتهه ايامي بالغربه
..............وحشه ابلايه خواني
مثل امي حنيت اظلوع
............بنيت ابروحي احزاني
يموت الفاگد الأعزاز
.............گضوا عالغبره ولياني
مصايب شافت اعيوني
ردتهم بس يشوفوني
هضم والنايبه امتوني
اخر لحظه من عمري
............يجيني ابرايته النوماس
*******
آخر حسرتي بالشام
...............عذاب ومستمر نوحي
ردت منهم يجي جناز
..............يشيع وني واجروحي
غريبه انه واظل ياحيف
..............فگدهم ياكل ابروحي
عجيبه راحت الأعزاز
ولا منهم وصل جناز
ويلي ابدفنتي احتاز
ردتهم بس يشيعوني
.................انه ادري الگلب حساس
*******
تمت بعون الله تعالى الشاعر___يوسف_الفتلاوي
الجرح الأول من ع الناكَه .. وانعى اخواني
بلا جناز يضل تابوتي .. الجرح الثاني
لبغربه اتموت
وحشه التابوت
الجرح الثاني
*
كل ما اتنفس اتحسر
كل ما تطلع شمس اتحير
اذكر ممشه بذاك البر
واموت
لسه وكل سا تدور عيوني
لسه انده بلكت يلفوني
الكلفين اخواني ايشيعوني
من اموت
وجهتي وجهي لكربلا ودموعي نار
نعش اختكم ياهلي بنص غربه صار
بااااارد التشيع اخافن بس كلبي حار
عدله ميته أيامي خلصت انتظار
شتحمل شصبر شتجرع .. كلهن بيه
طلعت روح الماكو اخوتها .. والمسبيه
نعشي المطروح
متروس اجروح
الجرح الثاني
**
مرتين الشاااام اكصد ليها
ومسبيه ديااااار افتر بيها
مرتين اخواني امتانيها
الكَلُب
مسبيه اكصد روحه ورجعه
دورت اخوان بكل دمعه
مرتين امشي وجني مضيعه
الدرب
و هو مرتين السبي رااايدله روووح
طويل دربي عله اخوتي خلصته انوح
لشام ارجع والهوه من يهب جروح
وعدله ميته لكربلا اتمنى ارووح
محد يعرف معنى الحركَه .. العاااشت بيه
مذبوح ابن امي وهاي اني .. هم مسبيه
مرتين النوك
فرتني بسوك
الجرح الثاني
*
وهاي الايام الي مرت
بيه النوك شكد افترت
لسوكَ الشام اليكتل وصلت
عذاب
وكفت سوك الاخذت روحي
مجتوفه وعيني لمذبوحي
ع الناس افترو بجروحي
عذاب
وجان محد بالمدينه سامعلي صوت
فوك عرجه النوكَ تالي لشام افوت
السبي الأول مامتت بس كَلبي مات
السبي ثاني بغربتي من نوحي اموت
اخر لحظه واخر حسره .. مرت روحي
يمته اتلاكه حت لو ميته .. وي مذبوحي
غربه الاياااام
بس هي الشام
الجرح الثاني
*
لأخر ساعات من أيامي
ما متروي كَلبي الضامي
وين الله ويطلع كدامي
الحنين
وتغمض عيني وهو كبالي
واصرخ ها يحسين الغالي
جاي تشيع نعشي الخالي
حسين
ها يروحي بدمعتج ترسميين اخوج
بلكي بالتشيع كون اهلج يجوووج
وعله باب الساعة كون ايوكَفوووج
حتى أهل الشام هيج ينااااظروج
عله متون اخواني يحملونه .. نعشي بهيده
يكض خشبت تابوتي ويمشي.. الكافل بيده
يمشووون وياي
يصيرون فياي
الجرح الثاني
**
وحشه جنازه وماكو اخوتها
هاي الهضمه وياهو يزتها
جرحتني الروح بطلعتها
يجوووون
رديت بفكري عله المذبح
رديت لكل ذاك اليجرح
جا هم جنازه وحدي أصبح
يهوووون ؟؟؟
من الغريبه الحايره بشااام المصااااب
من العقيله الجلبت بس بالحجاب
من اختكم يخوتي الشبعت عذاب
ياااا لهااااشم شيعو اختكم كَلبي شاب
ومن المغتربه المقهورة .. بشام الغربه
من تشييع غربه الوادم .. هاي الصعبه
غربه التشييع
غربه التوديع
الجرح الثاني
الحمد لله رب العالمين
خالد عبد الساده البديري
قصيده لمولاتي زينب عليها السلام
تقرأ بطور زينب وين العزاز للملا باسم الكربلائي
المستهل 👇👇
زينب وين الحباب
شو طولو الغياب
يزينب يزينب
عنج مايسألون
ودمعاتج بالعيون
يزينب يزينب
ــــــــــــــــــــــــــــــــــــــــــ ـــــــــــ
زينب من بعد خوانج شبيج
اشوفج حايره وكل حيل مابيج
يم اعزاز كلبج من يوديج
ظليتي وحيده اخلاف واليج
شو صارو بعيدين / ونتي الهم تحنين
يزينب يزينب
عنج مايسألون
ودمعاتج بالعيون
يزينب يزينب
ــــــــــــــــــــــــــــــــــــــــــ ـــــــــــ
وناتج جبيره وتاخذ الروح
من شالو احبابج روحج تنوح
مثل طير اليون ونت المذبوح
ودعتي العزاز بلوعه وجروح
كل اهلج بعيدين
بطلي ولاتونين
يزينب يزينب
عنج مايسألون
ودمعاتج بالعيون
يزينب يزينب
ــــــــــــــــــــــــــــــــــــــــــ ـــــــــــ
يزينب عشتي لوعات الدهركله
وبقيتي شامخه وبيج الفخر يعلة
ماشفنه مرة هالكثر متحمله
اسيره ورايحه للشام عالهزلة
راحو منج أخوان
كلهم جانو أحنان
يزينب يزينب
عنج مايسألون
ودمعاتج بالعيون
يزينب يزينب
ــــــــــــــــــــــــــــــــــــــــــ، ـــــــــــ
بخيالج مرت أيام شكثر مرة
ودموعج تصب والحاله متغيره
تذكرتي الحسين الكسرو صدره
شفتي الشمر من گاعد يحز نحره
گاعد يحز بالراس
ونتي صحتي عباس
يزينب يزينب
عنج مايسألون
ودمعاتج بالعيون
يزينب يزينب
ــــــــــــــــــــــــــــــــــــــــــ ـــــــــــ
الشام العذباج وزادت احزانج
يشمتون بيج بذبحت اخوانج
گعدوج بخرابه وهاجت الآمج
تمنيتي الكفل حاظر وياخوانج
طايح ماكو جفين
جامد دمه بالعين
يزينب يزينب
عنج مايسألون.
ودمعاتج بالعيون
يزينب يزينب
ــــــــــــــــــــــــــــــــــــــــــ ـــــــــــ
الشام ولوعته يالمانسيتيها
كل ونه الج يكبر جرح بيها
رادو كسرتج ونتي رفظتيها
وجروحج جثيره من يداويها
تعبانه وعليله.
يالعشتي جليله
يزينب يزينب
عنج مايسألون
ودمعاتج بالعيون
يزينب يزينب
ــــــــــــــــــــــــــــــــــــــــــ ـ
بقلم خادمة الحبيب الملا ام سيف الدين
غير مبري الذمه من يحذف الأسم وينسب الكلام له
نعي حول السيده زينب
گلولهم زينب بعازه
واتريد شيال الجنازه
كلبها عله ابو فاضل توازه
گلولهم بل شام اختهم
وطلبت طلب وتريد منهم
يدفنونهه يا عمة ابنهم
غير التموت اتريد يمهه
لو والي لو يحضر ابنهه
بس زينب اشسوه وكتهه
من احبابهه كلهم حرمهه
طارش لاهلها كون يمشي
وشصار بيها اهناك يحجي
اتريد العليهه حيل يبجي
كثر ظيمهه يكلهم بعدكم
وتريد والي اتگول منكم
خذاها الغريب بعيد عنكم
عنكم مشت والحيل گاضي
والحزن وصط الروح ماضي
تدري بوليهه عيب راضي
مايرضه اخوهه اتروح عنه
وبديهه الحبل وتصيح اهلنه
جاوينكم يا أهل المحنه
غربه المشت وسفه بظعنه
ومحسره راحت الحره
وعنكم مشت يالاهل كوه
جرحهه غميج ومن يجبره
الفكدت احباب اتموت سكته
وكلبهه عليهم يا كسرته
اتگول الولي دفان ردته
ومنگب ويجري دمعته
اتمنيت طارش يوصل ابساع
ويحشم عليه ذيج الاسباع
يحضروني بساعات الاوداع
ونچان منهم ما اجه احد
حيدر افزعه ابساع يكعد
يدفني داحي الباب ويرد
لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له
احسب عذاب اجروحي
ميته اشكثر ياروحي
كل نظره ياخذني البين
فوك الرمح راس حسين
*******
شتريد منطيتك گمر.......يادهري ارحم بيه
والعايشه اسهام وحرگ.....تگضي العمر مسبيه
والغربه صارتلي وطن......مذبوحه چم علويه
وزعته عمري ابكربله........لسه الچوي ابرجليه
ابيضت حزنهه اعيوني
چم ديره اطب بضعوني
بضعوني اسدر بس وين
فوك الرمح راس حسين
*******
ما حسبت جرح العمر..... ثكل المصيبه اعليه
خمسين عمري بالهضم.......خلاني اون ليليه
دگات گلبي اتزاحمت.....هون يگلبي اشويه
يصعب يخوتي هاالحچي.....لو گالو المسبيه
هضموني خويه اهوايه
كل ساع سمعت احچايه
حال النسه اتشوفه العين
فوك الرمح راس حسين
*******
ياوسفه يحدينه الشمر ...والرؤؤس هاي اگبالي
للكوفه مشوني الغرب...حسباتي حسره ابالي
والدمعه بعيوني جمر......نشدوني وين الوالي
وانه الفگدت ابدنيتي....چم غالي عندي وغالي
طحت ابعذاب اسنيني
وبروحي عشت اونيني
موضوعي ابدي انه امنين
فوك الرمح راس حسين
*******
عذبني ياخويه الزمن...وايامي خلصت بالمحن
والشيب من طف كربله...خمسين عمري تعذبن
بالهودج اشگد حشمت..والحادي گدامي صفن
ومشامر اگبالي الحچي..وانه التفت بس الضعن
بالحسره عشت ايامي
ماتت جميع احلامي
انسه الجرح عاد اثنين
فوك الرمح راس حسين
*******
مرت مواقف بالسبي....والحاقد ابعينه صلف
معقوله امشي اميسره...ديوانهم كلش كلف
وحسين يدري ابحالتي..ياخويه مابيهم عّرف
وبهل مصيبه شاهدت.....چن انهدم ركن النجف
زينب صرت مهضومه
بجروحي هم ملچومه
درب الغري انعيشه اونين
فوك الرمح راس حسين
*******
تاليهه يا دهري اشبعد....وسط الخرابه اضعوني
ماتت رقيه من الهضم.....والليل ياخذ لوني
ياروحي ذابت مهجتي.....بانت حزنهه اجفوني
والحادي مايرحم صلف .....زينب بعد فجعوني
محنيه شفت اظلوعي
صار الدمع موضوعي
جرح الگلب باقي اسنين
فوك الرمح راس حسين
*******
تمت بعون الله تعالى الشاعر_يوسف_الفتلاوي
قصيده الى مولاتي زينب
يابو الفظل درب الشام بيه تلكه اثر لجدامي
يسره ويمين افتريت من ظيعيت يتامي
ياخويه عاين من تجي
مبلل طريقي من البجي
يسره ويمين افتريت من ظيعيت ايتامي
*
بشام ما غمض جفن سهرانه حد هذا اليوم
من فاركيتك يالكمر وعيوني ما جاها النوم
عباس اريدنك تجي ياخوي شد حيلك كوم
جفني بيدك لو متت وشافي جرحي الملجوم
ما ريد اظلن بالشام يم حضرتك وديني
يابو الفظل هاي الناس خافن ترد تسبيني
طشت ياخويه القافله
لم الكبور بكربله
يسره ويمين افتريت من ظيعيت ايتامي
**
ياساعه اشوفك ياوكت والديره ظلمه بلياك
مليت من كثر البجي خلصت كل عمري نعاك
شد الزند يابو الفظل وشيعني خويه بيمناك
ما ريد اظلن بالغرب لحسين اروحن وياك
ابنيلي حظره وشباج وكتب عباره عليها
هاي العزيزه اختي ام عون ليش الهجر ماذيها
حط الورد فوك الكبر
وكتب عليه مات الخدر
يسره ويمين افتريت من ظيعيت ايتامي
**
وحشه الجنازه بلا اهل جيبو هلي كبل الموت
لو ما يجون بغربتي ياهو اليشيل التابوت
رفعيت اديه على العرش وكمت اندعي بعالي الصوت
رجنعي ياربي الهلي رجعت يونس بلحوت
من راح اخوي عله الماي راحن وياه سنيني
والموت من ذاكه اليوم الهذا الوكت ماذيني
يابو الفظل شوك وظمه
ودلالي من عدهن عمه
يسره ويمين افتريت من ظيعيت ايتامي
*
محتاره بدروب البعد تذكرون اختكم ناسين
حنيت خويه الكربله وجفوفك و وجه حسين
والله انتظارك مو سهل وتنطرك صار سنين
عذبني وذاني الهجر يكتل فراك الغالين
يوميه اكولن عدلين ودربي الكمر يندله
دترون لو ما تدرون اسوت بروحي العله
ياراي اسولف ياجرح
بدموعي كل ساعه انذبح
يسره ويمين افتريت من ظيعيت ايتامي
**
حظريت من طاح الكمر وحسين من طاح وياه
وبالليل رحت الوحدي دورت يسره ويمناه
ما بطل عليه الدمع كفالي للموت انعاه
واليوم بفراش المرض يحظرني اريده اترجاه
من بعد ذيج الخوان بس الدمع يبرالي
طايح كفيلي ومذبوح ليهسه صوره ابالي
ليليه اشوفك عالنهر
مكطوع ياخويه الحر
يسره ويمين افتريت من ظيعيت ايتامي
****
خلصته ناطوره بدرب ليل الشتة وليل الصيف
مابيه حيل الفركتك ولفركه أشد من السيف
هذا التعب يابو الفظل ما مر علي حته بطيف
يالدللتني من الصغر برجاك اضلن ياحيف
معذور اكولن ياخوي لو طوليت الجيه
احسبني بعدك يعقوب ودي القميص عليه
اتحملت شوك وغرب
وسياط وهموم وضرب
يسره ويمين افتريت من ظيعيت ايتامي
**
ابو هاجر المجراوي
على لحن يا محلى الوداع بهالمسية
...
قصيدة زينبية✍️
الله يساعدة الفاكَدلة غالي لو شاف الجـرالي
يظل العمر يبچي على حالي
***
ابدي بيا مصيبة وأحچي يا لوعة وجروحي شكثرهه
يا هي تشوف اخوهه مهشمة ظلوعة وما يخلص صبرهه
مامر مثل زينب حرمة مفجوعة مَـــلت من عمــرهه
ماتت من ألمــهه المحروكَة خيمهه
الحتى عيوني ما شافت خيالي
***
اليفكَد غالي لمن يعمه ما يلام من كثــر المناحة
أبچي لفكَد اخوتي حتى بالأحلام يا كَلبي وجراحة
بين احزان عمري العشته والآلام بي ما شفت راحة
يوميـــة مصيبة زينب يا غريبة
حتى دمع البعيني بچالي
***
كَلبي من المصايب والقهر شيب بوداع الحبايب
ياهو الكَال أم الخدر تتسلب تمشي ويالأجانب
نار فراكَهم مثل الخيم تلهب واتنفس مصايب
الوياهم أميـــرة عالهزل أسيرة
بالطف ضيعت كل الغوالي
***
احچي الليل كله ويهَ هَم روحي ما حَس يوم بية
الوداع الحسرة والفركَة وألم نوحي وضيم الطف عليه
اَفتك يوم مَرني وأشرس جروحي يوم الغاضرية
ذبحو كل زلمنه ولا خيمة التلمنه
ليل وعايلة وما عندي وآلي
***
بالطف چم أخويمي أنكَطع نحرة يا همي وعذابي
حسين خيولهم تسحكَ على صدرة من يحمل مصـابي
آنه أكثربشر بآلي الحزن عمرة يومية على بابي
من ظلع الزچية لضيم الغاضرية
من دون البشر يومية اجالي
***
واحد شامت اواحد يسب أمي من الطف يويلي
حتى الهم بچالي من كثر همي يمَوت دنيه ليلي
ظلمة الكون اذا عباس مو يمي شيرَجع كفيلي
لو يدري انسبينه يشلع سهم عينه
بس باكَن كَمر ليلي الليالي
***
ادور الذكريات وتلتم الحركَة وبالي يصير مأتم
الدنيه شكَد جبيرة بس أحس خنكَه منَسمَع هل محرم
سوط امتوني موت احبابي والفركَة واشبـاح المُخيم
من سبي اليتامة ليلي ما أنامة
لا يهتم زماني ولا يبــــالي
***
حيدر حسين الكَرعاوي
نعي مجرد لسيده زينب عليها السلام في غربتها في ارض الشام
=================
تمنيت موتتنه سويه
انه وي اخوتي بلغاضريه
ولا لشام ودوني سبيه
===
كلفه عليه ركبت النوك
حرمه وجبيره وكلبي محروك
حركت دليلي فرت السوك
===
مهضومه واخواني ضحايا
وويلاه من غز المنايا
كلبي عليهم تاه رايه
===
كالو عليه خارجيه
وبحبل مجتوفات اديه
حرم وايتام كلها اتلوذ بيه
===
وينه الذي يطوي البعيده
ويكلهم تره زينب وحيده
تعالج ونتها بهيده
===
يخبر هلي يفزعون اليه
وحيدي ودنت ليه المنيه
بين الغرب زحمه عليه
===
بلكت خوال ابني يفزعون
وكلهم عليه بزود يلفون
يمسحون مني دموع العيون
===
محتازه عيني يغمضوها
حلوه الاخت يحضرها اخوها
وعلى القبله روحي يكبولها
===
على قبله راسي من يشيله
وحسين يقرالي العديله
وابو الفضل دمعه يسيله
===
تمت بحمد الله تعالى بقلمي شاعرة وخادمة أهل البيت عليهم السلام ملا زينب الطويرجاوي
سولف يدولاب الحزن عن زينب ونتها
ياوسفه بديار الغرب ماحاضرين اخوتها
اه يضيمي اه يضيمي
بقلمي زينب الطويرجاوي ✍✍✍
#نعي_للسيدة_زينب_ع
#من_ديوان_عبرات_وأنين_ج٧
❥━──➸➽❥❂❥━──➸➽❥❂
ساعد الله قلب أمامنا السجاد عليه السلام وهو واقف بباب المغستل وينعى عمته العقيله زينب ويبكي عليها ايگلها:
❥━──➸➽❥❂❥━──➸➽❥❂
امنين اجيبلچ احبيبات
كلهن غرب ذني المغسلات
ماگربن ضلن ابعيدات
من شافن امتونچ امورمات
❥━──➸➽❥❂❥━──➸➽❥❂
من شافن امتونج تدنن
مريضه المره هاذي يكولن
ولطمن عليچ وحيل ونن
وبدموعهن گامن يغسلن
❥━──➸➽❥❂❥━──➸➽❥❂
ما بيهه مرض لا بيهه عله
فراگ الولي بيهه شخله
صابنها عله فوگ عله
وعليهه تراهي ماهي سهله
❥━──➸➽❥❂❥━──➸➽❥❂
يگضي الروح والله فراگ الأحباب
من راحو بگت تنحب يغياب
وما ردو عليهه خبر واجواب
وماتت غريبه بديرة اجناب
❥━──➸➽❥❂❥━──➸➽❥❂
ماتت وحدهه وتهمل العين
وتصيح يا عباس يحسين
وسفه خذاكم مني البين
واحرمني من عدكم يطيبين
❥━──➸➽❥❂❥━──➸➽❥❂
حرمني البين من عدكم يالاحنان
وتدرون الجنازه تريد عوان
والنعش كون تحضرله الاخوان
تبچي العقيله بعوز وليان
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
قصيدة ل استشهاد مولاتي زينب سلام الله عليها
تخاطب ابا الفضل العباس
خوية عباس مادريت ابحالي
خوية عباس دمعتي اتلالي
●❥━━━━❂❂━━━━❥●
خوية عباس تعال انشد عليه
ومن حرك الخيام مجويه اديه
بفراكك خوية اخذوني سبيه
خوية عباس مشتاقة للغوالي
●❥━━━━❂❂━━━━❥●
خوية عباس مشتاقة روحي
وعالفرگه تدري ما يبطل نوحي
بمصابك الكوم هيجولي اجروحي
خوية عباس ضل حزني اليبرالي
●❥━━━━❂❂━━━━❥●
خويه عباس انه الك مشتاكه
آه يانار خويه البعد حراكه
صعبه عليه لو اصعد الناكه
خوية عباس بس نوحي اليحلالي
●❥━━━━❂❂━━━━❥●
النوح يحلالي يخوتي عكبكم
شلون بيه وما احملنه بعدكم
تنامون شلون وتعوفون بتكم
خوية عباس ذاب الألم دلالي
●❥━━━━❂❂━━━━❥●
ذايب دليل يالولي من احزاني
وفراكم حيل عذبني وعماني
وبسهم الفراك الدهر صوباني
خوية عباس عاش ذكرك بخيالي
●❥━━━━❂❂━━━━❥●
بقلم الخادمة الشاعرة نور الحسناوي
((جَبلوني))
حنيــــتلك .. من جبلوني گمت احن
مشتاگه بـس مابيه أون
غـــــربةّ أهل غربةّ متن
حنيتــــلك .. والـموت يـم راسـي دِنه
والفرگه اكثر مـــن سَنه
مو خوه اذا اعيـشن أنه
لفني بثـــوبك المســـلوب .. لفني
تراهو الموت خويه حسين .. لفني
عگبك من دموعي أعـليك .. لفني
وألطم بالحجر صبح ومسيه
لطمت أعليك بحجار
ومن فوگ السطح نار
والشمــات والســــوگـ
وشمرونه بشـــكو حار
متت خويه متت ..
"""""""""""""""""""""""""""""""""""''''''''''
اشتاگيتلك .. مشتاگه بنفاسي البقن
يـــاديرةّ اهلي والوطن
أقسملك بچبد الحسن
اشتاگيتلك .. ماتگضي يحسين وتفض
جبت العمـــر نار وركض
وصّيـــاح وخيول الترض
موش الصوت بَــــح يحسين .. بحبال
عليك وگلي شنهــو الصــــار .. بح بالـ
الهضيمه .. وآنه اگلك صرت .. بحبال
ولعيونك حجر تشگف اديه
اصيح ورايح الصوت
أخيتك رايده تمــوت
واهل الشام مـو ناس
تعال الحگلي زاتـوت
متت خويه متت ...
"""""""""""""""""""""""""""""""""""''''''''''
وديتلك .. بيد الحمــــامه الزايره
وشالت دمعتي وطايره
گليـــله مـــاتت صابره
وديتلك .. لوعةّ غــــريبه أمّجـبله
وبيـها جمر مـــن كربله
وچم صيحه من العايله
الك وي الحمــــامه دمـوع .. وديت
وسلام البي نفس مخنوگ .. وديت
تمنيت شـــكثــر يحســـين .. وديت
بساعةّ موتي يمي تكض اديه
يمي وتمسح الراس
وكـون وياك عباس
وتشيعوني بالدمـوع
لا شمــــات لا الناس
متت خويه متت ..
"""""""""""""""""""""""""""""""""""''''''''''
بديتلك .. كــل مغــربيه بدمعتي
جمــره بغيابك شوغتي
والطاري جيتك دمعتي
بديتلك .. حسرةّ گلب شــابع ألـم
ودخان من ذيچ الخـيم
ولوعةّ اخو إيجر السهم
عيوني مـــن المّتانه أعـليك .. بديت
معـــزتك خــويه يالتــدريش .. بديت
عليه .. وعمري الك يحسين .. بديت
الجيتك لو تجيني بهل المسيه
تمـنيت وفــلا جـيت
الك يحسين حنيــت
الطولك يبن الاجـواد
يخامس شمعةّ البيت
متت خويه متت ...
عبد زينب
محمد الابراهيمي
ماتت زينب
وتمت مراسيم الدفن من غير خوان
......
ياعلي الليله العقيله غمضت اجفانها
ابعيده عن الي تحبهم ماتت ابحزانها
اتشعيت بيد الاجانب مو بدين اخوانها
ماتت وحسره أبكلبها حسين مو دفانها
ماتت زينب ...
ابعازت اخو ايصيرلها وكت الموته دفان
......
تكسر الخاطر جنازت بنت التهواها
لا اهل طلعت وارها لا بنين اوياها
لا اخت تبجي عليها بدمع ذاك ابجاها
ابدمعت المكسور خاطر غمضت عيناها
ماتت زينب
والدمعه عالخد اتهلي ماليها الاحزان
.....
ماتت واثار الاسياط ابمتنها الغالية
وريحت الدخان والطف والبواجي العالية
عاشت السنتين بعد اخوتها زينب خاوية
ابلا اماني ابلايه روح بوسط دار الخالية
ماتت زينب
اثار الاحبال ابديها أوصور عطشان
.....
جانت امنيت العقيله الكربله ايودونهه
وبين الحسين وعضيده الكافل ايدفونهه
وكبل ما تنزل كبرها اخوانها ايزورنهه
والكبر ضنوتها عون ابمدمع ايطوفونهه
ماتت زينب
واندفنت بموطن غرب مو موطن احنان
.....
جانت ابكل ليله تكعد تقرة مقتل عاشر
اهنانه اخوي حسين طاح اهناكه داسه الحافر
وعالشريعه القصه تختم والدموع اتناثر
ابطيحت العباس واسهام الطفتله الناظر
ماتت زينب
وانتهت قصتها ابمدامع كان ماكان
......
عظم اجرك يابو زينب على موتت روحك
مانريد اكثر نجرحك كافي هاي اجروحك
ندري بيك اليوم حيلك منهدم واصروحك
صعبه مو هينه المصيبه واضحه من نوحك
ماتت زينب
عاجل ورد هذا الخبر وي وقت الاذان
......
الحمد الله رب العالمين
اللهم صل على محمد وال محمد
موسى الخادم
ياموت اخذني ابساع ... خلّص دمع عيني
مشتاكه روحي اهواي ... لخواني وابنيني
والكربله العشاك ... وديني وديني
.....
ميته انه موش اليوم ... ميته انه من سنين
بس جسد ظلي اهنا ... روحي مشت لحسين
صوبني وي عباس ... يا موتي سهم البين
ظلمه اصبحت دنياي ... ماشوفن ابهل العين
اجمل حياتي اهناك ... يم سلوت اسنيني
.....
عاشر محرم باك ... من عندي كل احباب
خلاني اعيش اسنين ... عمري بهضم ومصاب
وحشه اصبحت هالدار ... اشبه ابدار اغراب
لا ولد بيها اتعيش ... لا جف اخو ايدك باب
وحدي اصبحت انه ... محد يواسيني
....
ادعي الله جنت اهواي .... بالاخص باخر ليل
ايعجل بجيتك هاي ... ياموتي ماظل حيل
بس تبقى غصت اه ... وسط الدليل تعيل
من انه اموت اليوم ... نعشي منو الي شيل
دز طارش العباس ... هالساعه يلفيني
.....
ما حسبت فد يوم ... كل اخوتي ايموتون
خواني جانو خير ... من الله ينعدون
من كثر خوش ازلام ... واحنان ينحسدون
ياوسفه انه بقيت ... واخواني ينذبحون
أل كربلاء حسين .... وديني وديني
.....
اخر كلام اوياك ... ياموتي اخذه الروح
ملت بواجي الليل ... ومساهري والنوح
احزاني ليل انهار ... لحسيني المذبوح
ريت انذبحت اوياه... وابكده عندي اجروح
جرح النحر لليوم .... ياموتي ياذيني
.....
الحمدالله رب العالمين
اللهم صل على محمد وال محمد
موسى الخادم ...
مولد للامام الجواد
الليله ميلاد الجواد ... الدنيه كلهه منوّره
احلى اناشيد الغرام ... كون بسمه تنقره
ــــــــــــــ
الليله خل نقيم محفل بي نذكره مولده
والورود بجنة الله كلهه هسه امورّده
كل محب لمّن تنظره واجب انت اتعايده
نور مولود ومحال ... العكَل لو يتصوّره
احلى اناشيد الغرام ... كون بسمه تنقره
ــــــــــــــ
نهنّي سلطان البرايه بالجواد الّي انولد
التقي النقي اسمه والله احلى من الشهد
بكَلبه مطبوعه رسالة قل هو الله احد
والنبي الهذا الوجود ... بالولاده بشّره
احلى اناشيد الغرام ... كون بسمه تنقره
ــــــــــــــ
مو شهاب الدنيه ترسل هاي آيات الفرح
وباب رحمة ربنه بسمه للتبع نهجه انفتح
ولجل ميلاده ذنبه من السجل والله انمسح
تاسع اسرارالاله ...بي شمائل حيدره
احلى اناشيد الغرام ... كون بسمه تنقره
ــــــــــــــ
يحله هذا الحفل لمّن نذكر اسمه بهل حفل
شما يطشّرنه وكتنه محبّته اتلم الشمل
اسد من الاسد هوّه مو اسد منّه الشبل
اسمه سر الهل وجود ... اسمه عز ومفخره
احلى اناشيد الغرام ... كون بسمه تنقره
ــــــــــــــ
بعده عشر اسنين عمره وحيّر بعلمه البشر
كلشي بيه آيه عجيبه حكَه يحتار الدهر
بنور وجهه نشوف يشرق نور ابنه المنتظر
ضل يردد كل زمان ... المهدي كون انّاطره
احلى اناشيد الغرام ... كون بسمه تنقره
ــــــــــــــ
الشاعر محمد حسن ضيغم
/channel/kasaedalatharDaygham
حيراني الوكت خويه حيراني
دولباني الهجر بعدك دولباني
انه كلبي منشلع .. وانت راسك منكطع..حيراني
-------------------------------
خويه عباس .. يابو الاحساس
راح اضل بكربله بعدك غريبه
بكطع الانفاس .. هجمت الناس
يابو فاضل من طحت شفت المصيبه
بعدك الدنيه ضلام .. شيبت راسي السهام
يابو فاضل لاتنام .. حركوا علينه الخيام
والله حيره يابو فاضل والله حيره
زينب العباس اخوها تصير اسيره
حسين مكسور الضلع .. وانت راسك منكطع....حيراني
------------------------------------
امشي بهداي .. وراسك وياي
ومادريت بدهري خويه شسوه بيه
بروحتك هاي .. كاسر گفاي
وياوكت بحبال يلتف جف اديه
الماتشوف الها خيال .. احتارت بلم العيال
من عكب ذاك الدلال .. زينب انجر بحبال
مو خيالي انشاف طولي مو خيالي
هذا حالي عكب عينك هذا حالي
يجري بعيوني الدمع .. وانت راسك منكطع...حيراني
--------------------------------
عكبك شلون .. تجري العيون
هلال امشي محدبه ودلالي مكسور
بينه يمشون .. تطيح المتون
وعالرمح راس الحسين تفيي الطيور
بالطف طيور النياح ..لراسك تمد الجناح
غيمه صارت عالرماح .. تمسح بدم الجراح
شلون انامه اليل صعبه شلون انامه
واليتام وياهو اليسكت اليتامه
ونين كلبي ينسمع... وانت راسك منكطع..حيراني
----------------------------------
جلجل اليل .. ماخذ الحيل
وانه كل اخواني عن عيوني راحوت
بغربتي الويل .. دمعتي تسيل
عزاز مثل دموع فوك الكاع طاحوا
دهري رايح بيه وين .. انه وانت بلايه عين
خويه ابشرك يالحنين .. داسوا بصدر الحسين
عميه عيني خلاف عينك عميه عيني
مجتفيني بحبل وامشي مجتفيني
بسوط متني منطبع .. وانت راسك منكطع..حيراني
-------------------------------
تهيج الالام .. بطبة الشام
الماله شوف خيالها تطب بدواوين
بهاي الايام .. كبرت الف عام
وراسك گبالي بطشت وي راس الحسين
كتله اسمع يا يزيد .. ياخذ الباري اليريد
وباجر لكطع الوريد .. يخلق لزينب عبيد
بكل محرم يضل ذكرنه بكل محرم
هوه الاحكم بينه واعلم هو الاحكم
وانه حالي بيا وضع .. وانت راسك منكطع ...حيراني
----------------------------------
تمت
احمد الخفاجي
دنيا الطلعت زينب سبيه
دنيا اليتمت بالطف رقيه
دنيا حسين نايم علوطيه
هاي شلون دنيا
***
المن ظاله روحي شتريدين
هم عندچ امل باچر تظلين
دنيا الطشرت بالطف الحسين
هاي شلون بيهه ؟
ازاعل ناس واركض واجمع المال
وانسى واختلف كل ساعه انه بحال
واظل فلاح ناثر تعبه برمال
آخيرآ للگبر بس چفن وحبال
سكته وبس تراب تروح ناسي
دفنو ضحكتي وذبحو انفاسي
اظلن باللحد شيشيل راسي ؟
هاي شلون دنيا
***
يا خير اليجي من الدنيا يا ناس
دنيا الفارگت زينب وعباس
دنيا چفوف كافل بيها تنداس
وسهام ابعيونه
بيها حسين نايم فوگ التراب
المن نركض الهه ونحسب احساب
على الاكبر تطشر علرمل ذاب
كلشي بهالحياة يروح چذاب
ما يبقى الفرح دايم بچيهه
ما تسوى العتب نعتب عليهه
آخيرا باللحد ما نبقى بيهه
هاي شلون دنيا
*
لا يا دنيا سويتي الچبيره
زينب بت علي تمشي اسيره
تظل بلا محامي ولا عشيره
بدروب البعيده
ليش ايزيد يضرب راس الحسين
زينب يا وكت تدخل دواوين
دنيا أم الخساره شلون الچ عين
بعدچ عايشه وريتچ تموتين
يصلفه وشايفه السوط بيمينه
وكل ساع وتصد لام عون عينه
رقيه اتيتمت بيهه وسكينه
هاي شلون دنيا
****
يا اكبر حلم لا مو حقيقه
ونتوقع يزول بأي دقيقه
البشر بالازمنه الميته السحيقه
وينه اوين داره ؟
وين العاشو اويانه ونحبهم
جوه اتراب هسه بنص گبرهم
غير تصير عبره ومن نمرهم
باچر هم نموت ونرجع الهم
عليمن هالحسد والكره كافي
نرجع للحسين بگلب صافي
باچر كل بشر مدفون طافي
هاي شلون دنيا
****
راحه منين لا ما بيهه راحه
أذا المهدي يون ليله وصباحه
الدنيا السببت همه وجراحه
لا خير بعمرهه
هذا الما يريدك هذا مغتاض
كبر سوء التفاهم والزعل فاض
سنين اتطول بس بالهم والامراض
ومسيرك للگبر وهواي الاعراض
تعوف المال والاولاد وانته
تروح بنص گبر وشلون سكته
عمرك وين راح شلون عفته ؟
هاي شلون دنيا
****
كلمات الخادم / رعد الفريجي
مابين شهادة السيده زينب ع وكربلاء المده هي سنه ونصف
.
.
.
مــن الطــف لحــد مــوتي يــدفــاني
سنه ونص وانه ادور ريـحة اخـواني
ودي التقي بيهم
محتــامه عليهم
انه زينب
***
وحــق اعيون كفالي وحق اعيون ابو اليمه
لون ميته ترد روحي عطـر اخوني اذا شمه
اي يـــدفــان/عطر الاخوان/ اخــر مـــره شــميته بالخــيام
چان الحسين/تارس العيـن/گبـل ماينتـرس جسمه بالسهام
واصبح الراي/ حتى من هاي/يحرموني ويحرگوهن الظلام
الشمر عالخيمه اشر وامر اعليها
وحرگوها لان عطـر اخوتي بيها
وچنت اسمع حچيهم
محـتــامــــه عليـــهم
انه زينب
***
الدنيه غربـــه والغربه اتأذي الما اله والي
شـلي ابدنيه مابيــها ضوه العباس كفالي
امن التقي بيه/ارد احاچيه /حچي الخوه الذي مامر على البال
بحرگه واحساس/هايعباس/ اگله اهمـــوم هـجرك كلش اثگال
والسبي اخفيه/ وما اراويه/ اديه البيــها اثــر مـن جر الحبال
طاري متوني اذا اطريه على احساسه
يطــگ جـرح العــمـود الظـــاربه براسه
ابأذيه شلون اجيهم
محتــــامـه عليـــهم
انه زينب
***
چنت لحظه امن افارگهم احس خيمه تشب بيه
عشــت اشلــون هالفتــره سنه ونص ماكو حنيه
عايشه شلون /ونور العيون /شفت خياله بيهم ترسو الغبره
اعليهم اتجول/ ليش الخيول/ عطـر الله تبده وشيلم عطره
واليســـلبون / مايهــابون / شيهابون والغالي انهشم صدره
غنائم صاحو السبعين الف جندي
شتــسوي گلي والعبـاس ماعندي
ولافزعة الاديـهم
محتــامه عـليهم
انه زينب
***
عندي اخــوان يالوادم قليل اشما گلت عنهم
الهوه ممنوع بــيه ايمر المـــامخذ اذن منـهم
حـدر التراب / غله الاحباب / وانه الهسه اشتم الهوه شلون
اخوتي احنان/بالي ماچان/سنه ونص عايشه وهمه يموتون
اشگد تمنيت/ابكربله ريـت/ يم عباس جسمي اهناك مدفون
الزاير من يـجي الوادم يگلوله
هُنا گبـر الكفيل وهُنا المكفوله
وروحه تحييهم
محتامه علـيهم
انه زينب
***
اليوم بفرگة اخواني عليه يمر احس چن عام
واشــواگي تذكــرني مــن طبــيت لهل الشام
ابلايه خوان/ وماكو وليان /والحادي يصيح بصوته ياناس
ياهو ملهوف / ورايد يشوف / جبــناها سبـيه ابلايه عباس
هيچي اشتاگ / ونار الفراگ / تاكــل بيه من الجدم للراس
شوگ افراگ اخوتي بــيه چن نيران
نســانـــي غربتـــي وطـــبة الديوان
يايوم اعتنيهم
محتامه عليهم
انه زينب
---------------
حيدر تركي الكربلائي
فزاعيه بدايتها نعي الزينب ع
( نعي)
يدفانه الخبر عباس ودوله
لايزغل اخوها عليها كلوله
ذوله اخوانها واهل الشيم ذوله
( نزلت فزاعيه)
خبرو اخوانها خافن يزعلون
لا يختاض اخوها يكلب الكون
................
خبرو اهل الشيم خلهم يجوها
مايرضون غربه ايشيعوها
لا يختاض عباس ابن ابوها
تموج الكاع منهم من يهدون
..............
وصلوله الخبر ياطارش بليل
خل تفزع اخوتها وتسرج الخيل
الجنازه تريد يازينب رياجيل
خاف اتميل بجتاف اليشعون
...........
شتكولون من يوصل الفراس
يجيها برايته محزم العباس
اذا دخن وصعدت غيرت الراس
من يختاض اخوها وين ترحون
..........
سبع اخوان عد زينب تعرفون
تموج الكاع منهم من يهدون
غربه تشيل اختهم مايقبلون
تطخ الروس لو رادو يفزعون
...........
هذوله اخوانها مومثل الاخوان
ومنهم ابد ماجابت النسوان
ابوالسجاد اخوها وكمر عدنان
اسباع وعله العيله ماينامون
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب مآسي ام البنين الجزء الثاني
شورر
وصية مولاتي زينب لعبد الله ابن جعفر الطيار
وداع وداع
ــــــــــــــــــ
تخط اعله النعش اخت مات بعطش
وشيع نعشي عبدالله على الموت
تعرفني المكبرة غريبة ميسرة
وريحة حرك بية الخيمة تابوت
لترش الگبر بالماي فوك الگبر رشو تراب
بالدمعه الجروح تعيش تكبر فركة الغياب
هوه الموت نفس الموت بس تعدد الأسباب
من كثر ما دمعات الاونين دمعي
اشهگ وجن شهگات ميتين وضعي
ترتاح عيني بشوف الحسين بية
عبدالله اسمع اگلك وصيتي
من گبل الجروح اسولف منيتي
وداع وداع
ــــــــــــــــــ
شفت ماضي گبل عمر راح برمل
ومني انجفت كل اسنيني اعله الكاع
الغريب بلا وطن والعيونه انعمن
نفس الحاله عايش موته كلساع
الماعنده ضعينه يحير مثل السجن گلبه يعيش
يا عبدالله هذا الموت ثگل كل جناح و ريش
من غوش بعيني الشوف حيلي يصير بي تغويش
يومية بية يصير جم شام روحي
وحركة عباتي وحرگ الخيام نوحي
وتلوذ هاي اطفال متنام بية
عل الناگة هودج يميل. لمصابي
والهزلة تعثر يويلي لعذابي
وداع وداع
ــــــــــــــــــ
عذاب العايلة ومصايب كربلة
كلهن هانن ولا طبت السوگ
بنت خير العمل متت من الخجل
فوك الفشلة رمي الحجر اعله النوگ
كون بهل مواقف هاي يمي وسالم العباس
ميت والرمح بي نار من الغيرة ما ينجاس
يابن والدي الكفال تنظر اعله العزيزة الناس
من غيرته من الرمح دخان طالع
مثل الخشع من صوت قران سامع
يتأذى من طبيت ديوان بية
بالهوه عباس يحافظ. عليه
وهسه اني ياحيف حبال بأديه
وداع وداع
ــــــــــــــــــ
يعبدالله الدهر گظه بنوح وسهر
مامر يوم بية بلا حزن راح
سنة ونص الدمع مثل كسر الضلع
اتلوة وحنين القلب ذباح
هاي اوصيتي قبل الموت لقني بعزاء حسين
يم الكبر أقره امصاب واذكر گطعت الجفين
واذكر نبلة العطشان واذكرلي السهم بالعين
أشعلي نور بظلمة الليل شمعه
واقرالي سورة لهدة الحيل دمعه
ورتل الطف بكبري ترتيل بية
هيل الترب بله سكته اعله هونك
وكفكف دموعك يغالي بعيونك
وداع وداع
ــــــــــــــــــ
*زين العابدين الشمري*
نعي مجرد لسيده زينب عليها السلام
==================
رحت من كربلاء ودوني اسيره
وياحيرتي يحسين حيره
اني الضايعه بلايه عشيره
===
انت العشيره وسور فيها
وشتكول المضيعه اخيها
وانت الحنين وانت ضيها
===
ضي عيني من عفتك جزيته
وطولك يخويه ضيعيته
بلغاضريه فاركيتة
===
متني ورم من طك الحجار
وبشام مالي خويه نغار
بسوك فروني الكفار
===
وهسه الوكت فرهه عليه
ورديت وحيدي سبيه
خالي مرقدي وشلون بيه
===
يومي كرب ماعندي احباب
خالي الصحن وبديرت اجناب
اني الغريبه وكلبي انصاب
===
ردت عليه كسرت الشام
وبسوك فروني الضلام
كالو خارجيه ودمعي سجام
===
مالي اهل لالي عشيره
وياحيرتي يحسين حيره
كسرني الدهر كسره جبيره
===
ياحسرتي والصحن خالي
واضلم مرقدي وبغير والي
صحت بصوت يايمه تعالي
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي
نعي للسيده زينب عليها السلام
ضهره انحنى والوجع چتال
وفراگك اخوتي دوهن الحال
والدمع صب عالوجنه همال
يمه يايمه
گربت من عـــــــندي المنيه
ومحد اجه ويسال عليه
وحيده ومنو اليسبل أديه
لامن هلي ولامن اخوتي
بالغرب يمه صارموتي
ياهو اليساعدني لبلوتي
جم جرح أعد وجروح بيه
ميته ويسموني السبيه
وكتبو عليه الـــخارجيه
ــــــــــــــــــــــــــــــــــــــــ
🖇تـمــت بتـــوفيــــق الله
🖊بـٲنامــل شاعرة ٲهـــل البيت عليهم السلام
زهـــراء الحربي
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫
💬ونسال الله التوفيق والقبول
وٲسالكم الدعاء👆
بديار الاجناب
والعين للباب
ماعدها احباب منها الكلب ذاب
اه يلغريبه اه يلغريبه
بقلمي زينب الطويرجاوي ✍✍✍
لطميه نزله لسيدة زينب عليها السلام
================
يم عون دمعاتج تهل
تنتظرين زوراج
===
يامالت الله شهل الصبر
كلبج يعلويه انكسر
وتتنطرين ولا خبر
محد مثل صبرج صبر
ومتانيه احبابج
يم عون دمعاتج تهل
تتنطرين زوارج
===
عنوك رحتي ميسره
وعنهر سبع الكنطره
بيتام ويلي محيره
عفتي الحياده على الثرى
ام الصبر عنوانج
يم عون دمعاتج تهل
تنتظرين زوراج
===
حاطوج عدوان وكفر
يمدلله يم الخدر
بسبي ضهرج منكسر
هاي السنه ماكو خبر
ونعزيج بمصابج
يم عون دمعاتج تهل
تنتظرين زوراج
===
ننصب مجالس بصحن
وعيونه بدمعه انجون
هاي السنه حيره وشجن
دارو عليج اهل الفتن
محد يجيب اخبارج
يم عون دمعاتج تهل
تنتظرين زوراج
===
عباس فوك المشرعه
مايدري اضن بلفاجعه
يسوي عزاج بمدمعه
والكون لمصابج نعى
بغربه وخليه اديارج
يم عون دمعاتج تهل
تنتظرين زوراج
===
نسوي عزانه بكربلاء
ونعزي الحسين وهلا
جانت اخيته مدلله
هسه غريبه وناحله
محد وصل لعتابج
يم عون دمعاتج تهل
تنتظرين زوراج
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي
نعي عن مولاتي زينب سلام الله عليها
تخاطب ابا الفضل العباس
تعال ياعباس اليه
اخيتك وتنشد عليه
بفراكك عيونه عميه
●❥━━━━❂❂━━━━❥●
العمر خلص وما اجيت
تدريني الك خويه اشتاكيت
تدري بزماني اتحيريت
●❥━━━━❂❂━━━━❥●
حرت بزماني خوية عباس
ردتك تشيعني ينوماس
ومتعوف اختك بين هالناس
●❥━━━━❂❂━━━━❥●
اختك تخليها ترضاها
والشمر من بعدك حداها
وبالشام خويه ضيعاها
●❥━━━━❂❂━━━━❥●
الشام يالغالي تاذيني
تجرح بكلبي وتجويني
زينب انه خويع تدريني
●❥━━━━❂❂━━━━❥●
بقلم الخادمة الشاعرة نور الحسناوي
لحن (جَبلوني)
بصوت
ملا حسن الزينبي
الشطره
⬛️◼️القصيدة-2-◼️⬛️
وقَفت بحَزم ٍ لبوةُ الكرار ِ
بالشام ِ تسمُلُ أعينَ الفُجارِ
قد زعزَعت أركانَ آلِ أميةٍ
قِطراً تُذيبُهم ُ كَمَن في النارِ
هتَفت بهِم فتَوهمُوها حيدراً
وخطابُها فيضٌ منَ الأسرارِ
وقَفت تُقَرّعُهُم بِرَغمِ بلآءِها
حتى أصابت جَمعَهم بصَغارِ
وكأنها سيلُ العذاب ِ وصَعقَةٌ
ليزيدَ ذاكَ المنتشيِ الكَفارِ
لكنّها رَقَّت و عَبرَتُها جَرَت
وبقلبِها جَبلٌ مِنَ الأكدارِ
مُذ عايَنَت رأسَ الشهيدِ أمامَها
فوقَ السِنانِ ودون َ أيِ ّوَقار ِ ِ
نادتُهُ و الكونُ ادلَهَمَ لشجوِها
أحسينُ بعدَكَ لم أزل بمرارِ
يارأسُ مفترسُ الضياغمِ إنني
أشكو الشماتَةَ بعدَ سلبِ خِماري
يارأسُ حامي الضائعاتِ ألآ ترىٰ:
مَتني وخدري ضاعَ في الأسفارِ
هذا عزائي بعدَ رُزء ِ فراقِكُم :
أبكيكُم ُ دهري بغيرِ قرار ِ
ما خلتُ في شامِ الطغاةِ مَنيتي
تأتي إليَّ ولم أكُن بدياري
وَودَدتُ موتي في حنايا طَيبةٍ
أو بالطفوفِ أرىٰ الحسينََ جِواري
⚫️ نعي- مجردات⚫️
بالشام حضرتهه المنيه
مهضومه والدمعه جريه
لا ولد عدهه ولاتچيه
يا حيف هاي الهاشميه
تگضي وحيده بهالمسيه
بديرة غرب بين آل اميه
#سمير_الصالحي
#النجف_الأشرف
رحم الله من نادا وازينباه
… ..
هذه اول ليلة اله الهاشمية بالكبر
خل نصلي الوحشة اله وندعي ربنا بالصبر
غالية عدنه العقيلة اغله من هذا العمر
ما يكفي اعليهه نبجي ونلطم بحركه الصدر
رحم الله من نادا وازينباه
……
ماتت وعالخد دمعها راحه ما شافت ابد
كل عمرها احزان خلص اي وحك ربنا الصمد
الليله بالغربه دفنها صار من الله وعد
يمهة لا خوان حضرت لا حضر يمها ولد
رحم الله من نادا وازينباه
… ..
يم كبرهة خلي نمشي ياخلك نعلك شمع
وننصب ابحضرته مأتم ما يخلص امن الدمع
نقرأ زينب ياغريبه بصوت واحد مرتفع
ليله الحره العقيلة بيهة كلشي منفجع
رحم الله من نادا وازينباه
…… ..
الكربلة انرد بدمعنه انواسي الحسين الوالي
الله يعلم شنهو حالة الساعه بالهم مبتلي
امصاب اخيته اعليه عاد امصيبته الوالي علي
غالية الحرة اعله كلبه حكهة ناره تعتلي
رحم الله من نادا وازينباه
…… ..
الحضرت العباس ندخل بالعيون الباكية
بالنحيب وبالبواجي نقدم اعظم تعزية
عظم الله اجرك يكافل رايه نرفع عالية
والبقاء لله نصرخ يا عظيم التضحية
رحم الله من نادا وازينباه
… ..
الحمدالله رب العالمين
اللهم صل على محمد وال محمد
موسى الخادم
لحن (اعذرينه السنه)
بصوت
ملا كرار العبادي
بصره