🌴تجمّع الزهراء ع العاشورائي🌴

13 December 2024 11:37

#جديد

وزن الفائزي




ام البنين الثاكله  ابساعة منيه
تنشد على ذخر العمر وابن الزچيه
———-

اتريد الغوالي هالمسا  واتغمض العيون
رادتهم  إل شيب وكُبر واعله الدهر عون
يوسدوها في وسط اللحد همّ اليدفنون
تشبح نظرها وبس تصد  للغاضريه
———
گوّه تدير بهالوجه واترد  بالانفاس
جاوبني يا ذخر العمر يوليدي عباس
اعله الزچيه مجبله وبيك ارفع الراس
واگلها وفوّه الربه  وداري خليه
————
تعذرني دمعي لو جرى امن اذكر بنيني
تدريبه قلب الوالده وتعرف حنيني
رباهم الهم  والوفا   وونّة سنيني
خضر ضلعها  والوِلِد الها الهديه
————
ماردت والله جيتك  كلك فدا احسين
يايمه يذبحني الخجل  عندك بعد عين
واشوه الچفوف امگطعه  وما ظلت ايدين
خجلانه منها  ورايده ترضى عليه
————
من هم  ابنها گوّضت  عشت ابمراري
نيران بيّه مضرمه وماتطفى ناري
لا ليل  هوّد  هالالم لا ون نهاري
واعيوني  عطشى للولي  وشوفة أخيه
————-
✍️ #بنت_الشمري

https://youtu.be/0CuV0WJqHnk?si=CoYEyX06_9CD_2Kl
==========================
ام البنين الثاكله  ابساعة منيه كلمات الشاعره بنت_الشمري أداء الرادود سلمان المغلق

🌴تجمّع الزهراء ع العاشورائي🌴

13 December 2024 11:36

مقدمه ام البنين عليها السلام


ويلي عله ام عباس ،،، واسوهه ياهل ناس

بيهه ابد لا مارحم ليش البين
ماتت اوراحت للگبر بدمع العين
يحضرهه رادت بالنعش كون حسين
وتسأل عله جفوف الكمر راحت وين
وبأخر الانفاس ،،، ويلي عله ام عباس

ننصب عزه ونجري الدمع كون الهه
ودموعنه بيهه دمه امن انهلهه
هاي المصيبه ابحسره نستقبلهه
ولو ننطي حته الروح تستاهلهه
بيهه اشكثر نوماس ،،، ويلي عله ام عباس

ابهذه العمر شافت تره بس لچمات
ام البنين اهوايه حملت اهات
جيرانهه تسمع بقت بس ونات
ماتت عله حسين اشكثر لمن مات
مات ومشه الاحساس ،،، ويلي عله ام عباس

الزينب تره وحرگ الخيم تبچي اهواي
اتگول الجره بطف كربله كون اوياي
تتمنه چانت وي ابنهه الوفاي
موجوده وبطف كربله اتوزع ماي
بيهه الوفه ينقاس ،،، ويلي عله ام عباس


ماتت يهل ناس اشكثر بيهه جروح
خلص عمرهه وتنتحب عل مذبوح
يوميه من عدهه تحس تطلع روح
الشال النعش من النعش يسمع نوح
حگه يشيب الراس ،،، ويلي عله ام عباس



تمت ،،، الشاعر سيد احمد الموسوي

🌴تجمّع الزهراء ع العاشورائي🌴

13 December 2024 11:36

نزله لمصيبة ام البنين

ابكربلا انعاد الحزن الحرمين امست تون
لام البنين لام البنين
_____

اليوم رايات الوفه منكوسه
والحزن لاح او يدگ ناقوسه
اليوم آدم .نوح . عيسى او موسى
اجفونهم من الدمع متروسه

اذن آذان القهر ماتت الجابت گمر
لام البنين لام البنين
_____

ابكربلا الون والبچي يتعالى
ادمع من اجديد رد يتلاله
احسين للعباس يتعناله
شاف ناله امن الهظم ما ناله

شابگه او دمعه يدر اله ايعظم بالاجر
لام البنين لام البنين
_____

امن الحرم حد الحرم بس صايح
اليمه والانصار كلهم نايح
والملائك بين جاي او رايح
اعله ابو سكنه وابو فاضل طايح

اتواسي سبع الگنطره والي گطعو منحره
لام البنين لام البنين
_____

آه يل عباس ربي ايعينه
اشلون يوصلها او سهم صك عينه
اشلون يشبگها بلا چفينه
مثل ونها الليله صار اونينه

حسرته الحيله تهد يمها ما يگدر يرد
لام البنين لام البنين
_____

ماتت امه امن الحزن والونه
ماتت الچنها هوه امن الجنه
محد الها امن الوِلد يتعنه
اوحيده ماتت يا هظمها الچنه

هظم يعگوب النبي انسبت ابلايه سبي
لام البنين لام البنين
_____

ماتت او عن البنين ابعيده
بالمدينه اتون يويلي اوحيده
ياگبرها اتمنت الي ايشيده
يم الحسين ابو فاضل بيده

لچن واروها الترب ناس ياوسفه غرب
لام البنين لام البنين
_____

ابو فاطمة الطائي

🌴تجمّع الزهراء ع العاشورائي🌴

13 December 2024 11:36

ماتت ام عباس والعزا قائم
ابفاتحهتا اليوم حاضره فاطم
واثنعش معصوم منكسر مهموم والعزا قائم
_______

الليله راحت واستراحت ام گلب متعوب
المِن حزنها انشل بدنها او كلشي بي مصيوب

گضاها الون والنوح
على احسين المذبوح
اوگمرها الضل مطروح في فيافي كربله

لحد آخر انفاس
تون ام العباس
عجيب اشعدها احساس واشكثر تحمل وفه

آيه للاحزان معجزة دمعه
اتهد ركن لجبال لو بدت تنعه
والگلب ضل دوم منكسر مهموم والعزا قائم
_______

الزهره اجتها ابفاتحتها هامله الدمعات
گابعه ابهم واتالم ابكل تفس حسرات

دمعها اعبار اعبار
گلبها اموجر نار
عله ام اربع اقمار اتگطعو يم النهر

عله الضلع المهشوم
تدگ الزهره اليوم
تگع واترد اتگوم غيمه تتهامل مطر

للوفيّه اتريد فاطمه اتوافي
اتگلها بالحسرات يا نبع صافي
حيلي الچ مهدوم منكسر مهموم والعزا قائم
_______

والعزاها ضامي جاها احسين ابو السجاد
ايشم گبرها وي گمرها والهظم يزداد

بچوها اشلون اثنين
ابو فاضل واحسين
تربها اتحول طين من كثر سيل الدمع

اذكرو ذيچ الگعدات
او سوالفها الحلوات
حنينه ام الطيبات المنها ابد ما ينشبع
اعليها ون احسين ونة امصوب
ايگلها رغم اضماي جيت الچ متعب
يم گبرها ايحوم منكسر مهموم والعزا قائم
_______

يل وفيتي يل جزيتي بل وفه لحدود
أم اخوتي يا سلوتي بل ليالي السود

عزائچ آنه البيه
اگف . وآلماي اسگيه
ابثوابچ كون انطيه الفرات او دمعتي

يعنوان الكل طيب
يمن جرحچ ميطيب
شمس انتي امن اتغيب ليلي يبدي او وحشتي

يا ملاذ الروح. يا عطر امي
اشگد انا اتمنيت دفنتچ يمي
واعتتي كل يوم منكسر مهموم والعزا قائم
_______

والغريبه ابهل مصيبه اتعنت من الشام
لابسه اسود تلطم الخد تلطم اعله الهام
تون ون الثكلات
تناديها ابعبرات
مثل حرگ الخيمات گلبي اعليچ احترگ

شريچة ون او آه
حنانچ چيف انساه
اعله گلبچ صلى الله يومن ابحزنه غرگ

يل نطيتي اولاد او روحچ انطيتي
ارتاحي يم عباس والله كفيتي
بالگمر وانجوم منكسر مهموم والعزا قائم
_______


العتره كلها جت لجلها حضرو التأبين
هاذه ينعه او بيده شمعه اوذاك عنده اونين

الوفت لحسين الدين
نعوها المعصومين
ونين ايجر اونين للأبيه اعالمه

قليل اعليها انموت
التون وسط التابوت
بخيته او ام مبخوت اي عزيزة فاطمه

ماتت امن النوح والجسد راحل
والاسم ما مات ذكره متواصل
باقي لاخر يوم منكسر مهموم والعزا قائم
_______

ابو فاطمة الطائي

🌴تجمّع الزهراء ع العاشورائي🌴

13 December 2024 11:36

نعي لأم البنين عليها السلام


ونن عله ام عباس وابچن
ويوم الحشر تتشفع الچن
ماحيل ضل بيه تگلچن


اتگول ماضل حيل بيه
ضيعت شجعان وشفيه
جوه الرمل بالغاضريه


بالغاضريه ضيعتهم
حسين واخوانه اربعتهم
لاودعتهم لاشفتهم


ماودعتهم يوم الاوداع
وضلوا جنايز تارسه الگاع
الموت اريده خل يجي بساع


الموت اريدنه يجيني
شلي بحياتي وشوف عيني
يادار اصيحن ساعديني


يادار عازيني عليهم
وين اهلچ التزهين بيهم
كل يوم اودي اعتاب ليهم


كل يوم اودي اويه الهوه الهاب
ادموع ورساله مسطره اعتاب
للدار ماردوا الغياب


غياب حسبالي ويرجعون
عن فاطمه وعني ينشدون
واحد اگبال الثاني مدفون


واحد ابصف واحد مدافين
اويلاه يفراگ الشياهين
مثل السهم ويصوب العين


مثل السهم بالعين اجاني
افراگ العزاز وعماني
فرهود فرهدهم زماني



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

🌴تجمّع الزهراء ع العاشورائي🌴

13 December 2024 11:35

گبل بس انت عندي وكلشي ما عندي
احبك تدري اكثر حتى من ولدي
يا حسين
:::::
انه ام البنين وبالي مو يمهم
انه امك مثل ما انه هم امهم
سالم انت خل يرحون الك كلهم
غيرك تدري بيهم كلشي ما عدهم

من تراب جدمك طينت خدي
:::::
انه اول مره تختلف عن النسوان
زلم عزبت انه بساحة الميدان
طلعو مثل حيدر ولدي هم شجعان
ما نشرب الماي حسين اذا عطشان

دونك انذبح هيچ انه كل ودي
::::
حگي اتباهه وانه افتخر بين الناس
ياهي مثلي طلگت جابت العباس
ادرس بالولد حسين تاج الرأس
تنقاس الارض وحسين ما ينقاس

گدام الاخو انه التزم حدي
:::::
قبل عباس ابني من الوليله
گماطه يگطعه ما اعرف شسويله
شبيه ابني حرت يا ربي اشكيله
يرتاح الگمر من بسمك احچيله

يم حسين يا روحي بعد ردي
:::::
هي الدنيا يبني شتسوه من دونك
نحيه نموت احنه بنظرة عيونك
امير حسين گتلهم يسمونك
دنگو رؤوسكم لمن يحاچونك

تره فراگك جرح بعده الجرح يدي
:::::
علي جبار الكعبي
الفاتحه لوالدي

🌴تجمّع الزهراء ع العاشورائي🌴

13 December 2024 11:35

شيِّعو الوفية  ... بدمعت الرزية
......
شيعوها ... بالبواجي  ... الضحت ابشبانها
لجل ابنها .. حسين نذرت ... هالولد  قربانها

ضحت ولدتها الاربعه لجل الاخِّوا
ماهمه ذبحتهم ابد الحسين يسوا
جانت تكلهم كل وكت انتو اله فدوا

كتبت الوصيه .... بدمعت الرزية
.......
الليله ماتت .. واعله خدها ... دمعه كلش صافيه
لابو فاضل ... يمها حاضر ... لا حسين العافيه

وحدها بديار الغرب والموت اقدم
لا يمها بنت ولا ولد لا أحد مهتم
مكسورة الخاطر بقت تتجرع الهم

شافت المنية ... بدمعت الرزية
......
ماكو اماني ... عدها جانت ... وحده بس ابالها
لو دنت ... منها المنيه ... حسين كون اكبالها

جانت تحَّسب ياخلك يحضر دفنها
وابيده ذيج الطاهره ايغمض جفنها
يا وسفه حسبات الزمن ما انصفنها

جرعت الاذية .... بدمعت الرزيه
.......
يم كبرها ... حسين حاضر ... شي اكيد ابروحه
اعليها يبجي ... اعليها يلطم  ... رغم كثر اجروحه

ام البنين الطاهره الحرة النقية
عند الحُسين ام ثانية بعد الزجيه
حاضر دفنها اجزم ابهاي المسية

حاضر  الابية .... ابدمعت الرزيه
.....

انه المهدي .... دمعي جاري ... عالوفيه الغاليه
كل عزيه .... بيها حاضر .... وأن كانت خالية

كل مجلس الام البنين ابنوحي احضره
وياي تحضر فاطمه المجلس تنظره
بثوب المصيبه امحزمه وتسجب العبره

غاركه الزجيه .... ابدمعت الرزيه
.....

الحمدالله رب العالمين
اللهم صل على محمد وال محمد
موسى الخادم

🌴تجمّع الزهراء ع العاشورائي🌴

13 December 2024 11:34

اه يالغريبه
اه يالغريبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هازينــــب شلونـــــه الشام وياچ
منــــــــچ نعتذر چـــي مااجيناچ
صارت والدرب ســـدوه يم عون
مـن فوگ السطوح الفشله زرناچ
،،
عمت عيني عليچ ام عون
عدلــه وميته مكســـــوره
هضيمه بنيــــــــت الزهره
وضريحــچ محــــد يزوره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خايــــف لاطويله السالفه تصير
ونتأخر وبـــــــــد مو مال تأخير
الگاعـد لربعينچ يحسب احساب
حگه ينهضم يــــم عـون ويحير
،،
اذا رحنــــــــــــه ولگينها
الحدود اعلينه مسدوده
اذا لا حـــــــــل ولاچاره
نرد بوجوهنــــه السوده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا خدمــه بعــد لاصـــــــوت خدام
ضلمه الحضره چنها غروب الخيام
يم حسين كونـــــچ يخت الحسين
مـــــــو بالشام مايستاهــــل الشام
،،
شحلات الحضـره يازينب
من تتوســـــــــط اخوانچ
شحلات الخوه مــن تلتم
يزينب موش عدوانـــــچ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منا وانتهـت ماصـــــــــــدگ بهاي
يگلولي بعــــــــــد ماتمشي مشاي
لزينــــــــب مااروح شلون ياناس
خاف تگلي زينـــــب ليش ماجاي
،،
التعـــود عليها شلــــــون
يگطـــــع بيها ماترهـــــم
ينضــــــــم العشگ مرات
وعشگ ام عون ماينضم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور گعده
،،، غربة زينب،،،

🌴تجمّع الزهراء ع العاشورائي🌴

13 December 2024 11:34

قصيدة جديدة بحق ام البنين عليها السلام



ماتت وهية تنحب ما نشفت العين
طول العمر تنادي آيبــني يحسين
اتنوح اعله ابنها اويلاه يوليدي
اتريـــدة بدفنها اويلاه يوليدي
=====================
ما گطعت النوح من فگد الاولاد
لا تهــــنة بالماي لا تهـــنة بالزاد
من الحزن يوم مدمعها ما هاد
لا صحة لا لون حتى الجسم باد

بعد الولد علـــيلة ماريدن الروح
شلي بحياتي وانة دلالي مجروح
زايد حزنها اويلاه يوليدي
اتريدة بدفنها اويلاه يوليدي
======================
كبرت على النوح حسرة بدليلي
ما ادري بـــــنهار ما اعرفة ليلي
من أيدي وتــــروح يا يمة ويلي
مشتاگة الك موت يادمعة سيلي

تدري شكثر حنينة يا اغلة مني
عني رحــت يغالي والهم كتلني
روحي أغلى منها اويلاه يوليدي
اتريــــدة بدفنها اويلاه يوليدي
====================
من راح الحسين دنيتها دارت
وابحر الشموس گعدتها صارت
ما يرجع المات شتسوي حارت
من صب الدموع عيناها غازت

عافيتي كلها راحت يبني بغيابك
شيب دليلي اشتم ريحت ثيابك
شيب جفنها اويلاه يوليدي
اتريدة بدفنها اويلاه يوليدي
====================
گبور امن التراب سوتهن الكم
عنــــي يالولاد شو رحتوا كلكم
من غبتوا لليوم موحش نزلكم
ايزود اعله يعگوب حزني لجلكم

گبرك رسم رسمتة كل ساعة ازورة
والماي ارشة يبني وأشعل بخورة
مو هذا ظنها اويلاه يوليدي
اتريدة بدفنها اويلاه يوليدي
====≠==================
وكت المنية رادت يمها الاطايب
عن يمنتي وشمالي محبوبي غايب
اه يا دهر ليش خذت الحبايب
ما تسوة العتاب دهري واعاتب

بالدنيا ماهو يمي ابساعة مماتي
يلتم شملنة ثاني وتبدي حياتي
يخلص حزنها اويلاه يوليدي
اتريدة بدفنها اويلاه يوليدي
===================
أسألكم الدعاء رائد الاسدي

🌴تجمّع الزهراء ع العاشورائي🌴

13 December 2024 11:33

#شهيدة_الانتظار
مولاتنا أم البنين

مذبوحه من وداعك.. يوم الرحت
و شهيدة انتظارك..هسه صرت

فكيت حزني بالجفن وحته الجفن بجيته
بمغيسلي و بيه نعي يحسين ما ناعيته
يالنايم برمضه ورمل فضلك ولا وفيته

بالمغتسل واتعذرك..بمصابك انه امقصره
مو يمك بالليل اهدعش..ما كابليت الزهره
متت بس جرحي نارك
شهيدة انتضارك
......................................................
من كد بواجي عيني..عيني انعمت
وبس صورتك حبيبي..بروحي بقت

معمية بس عندي امل ترجع تضوي عيوني
خمسين واكبر بالعمر واطفالك يكودوني
ام البنين بموتتك من النعي يعرفوني

لميت كل نوح البدو..ونحتّه بأثر هجرانك
وبدلته شوفي بالعمه..وما بدلتها احزانك
دمعتي وكلبي دارك
شهيدة انتظارك
............................................................
گبور بأديه ابني..لولدي والك
وكل مغربيه ازورن..واتوسلك

بانيته كبرك وحده ميزتك اعله اولادي
وامرادي اموتلك بجي ومنك اريد مرادي
سكّت شكو بكلبي حجي وخلي حُسين ينادي

لحد ما يرد ثارك الي..خليني هم منتظره
وحته بمماتي استحي..ماريد كبه وحضره
الامر امرك قرارك
شهيدة انتظارك
..............................................................
كالولي عن رقية..من شافتك
ماتت حبيبي فوكك..وي شبگتك

موتها يحسين العشك وهم ردته الك يكتلني
يالحاط جرحك بالگلب اكثر بعد عذبني
يرحولك فدوة الولد وعمري وسهم عيني ابني

من نشغة وحده طفلتك..قهروها بيك وماتت
ولجروحي نار ارقيتك..قدوة بواجي صارت
لدم شيبك ووقارك
شهيدة انتظارك
...............................................................
يم گبري نزلوني..واتذّكرت
محد دفن حبيبي..وانه نحت

لا تحضر بوكت الدفن يالمابقو خوانك
تشييعك اتراب وشمس وكالخشبه باقي السانك
فوكك بناتك بالعبي فيي سون لجثمانك

ام الكمر واسود بقه..كلشي بحياتي اخلافك
المغيسل ومايه جرح..المي ما وصل لشفافك

احتضاري لاحتضارك
شهيدة انتظارك

🌴تجمّع الزهراء ع العاشورائي🌴

13 December 2024 08:36

قصيدة لوفاة ام البنين عليها السلام

ياام الاقمار .. الليله المدينه
ياام الاقمار .. وحشه وحزينه
بدرچ خفه وغاب .. ياام الاطياب
...........................................
يا مره المثلچ ضحت بشبان واقمار اربعه
عبدالله عثمان وعون عباس راعي المشرعه
تنطي النفس لأجل حسين موبس چفوف مگطعه
عنوان صرتي للوفه وللخلگ صرتي شافعه

ياام الانوار .. نورچ فگدناه
ياام الانوار .. يومچ نعيناه
صعبه هالمصاب .. ياام الاطياب
.......................................      ..... 1
ياصابره لحد الممات عشتي الجزع يم البنين
من بعد آهات الطفوف مهضومه من بعد الحسين
بالنوح عمرچ ينگضي بأحزان ودموع وأنين
تحملتي لوعات الزمن يم الگمر هاي السنين

ياام الاطهار .. بصبرچ عظيمه
ياام الاطهار .. رحتي هضيمه
تبچيلچ احباب .. ياام الاطياب
............................................... .. 2
مضرب مثل للناس صرتي بالوفه والعاطفه
تقضيله حاجه اليعتني واليطلب مراد وشفه
تعلمتي من بيت الولي حيدر واخذتي المعرفه
وكرمچ بارينه لعلي بأربع اقمار مشرفه

ياام الابرار .. اليتنخه بالحسين
ياام الابرار .. للحاجه تگضين
الينخاچ ماخاب .. ياام الاطياب
....................  .................     ..... 3
تواسين زينب بالحزن يم البنين الطاهره
عبره وغصص عشتي العمر للبچي انتي معاشره
ماتخلص هموم الگلب بعد الطفوف وماجره
وافيتي لحسين الولد للنسه صرتي مفخره

ياام الايثار .. كلهم بالطفوف
ياام الايثار .. توذرهم سيوف
ضماهم تراب .. ياام الاطياب
....... ................................... ... 4
وحشه المدينه ومظلمه بعد الحسين واخوته
والغالي ما اظنه يرد طالت علينه سفرته
لمن وصلنه هالخبر والناعي ينعه مصيبته
ضاگ النفس بيه وصحت آيالحسين وشدته

ياام الاخيار .. بجمر المصيبه
ياام الاخيار .. گلبچ لهيبه
ماحاسبه احساب .. ياام الاطياب
........................................ .. .. 5
خادمكم  مالك السعيدي

🌴تجمّع الزهراء ع العاشورائي🌴

13 December 2024 04:55

نَنعاكِ بالأنين. يااُمَ البنين
_
اليــــــومَ جِئنا بقلوبٍ دامـــيه.
مكسورةٍ وبـــــــالعَويلِ ناعيه
هذي الدموعُ مُن دِماءٍ جاريه
فالكُلُ يَفنى والمواقِفُ باقيـه

بالدمعِ نستعين. يااُمَ البنين
__
اليومَ نقرأُ للوفاءِ الفاتـــــــــحه
طاهرةٌ امُ البـنـيـــــنِ صالحــــه
دمعاتُ عيني للخُدودِ جــــارحه
وفي البيوتِ حانَ وقتُ النائِحه

تبكيكِ كُلُ عين. يــــاامَ البنين
___
معَ الزمانِ لـــي عِتابٌ ياتُرى
أيُدفَنُ الحنانُ ماتحتَ الثَرى
لكِنَـــــــما كَفُ الوَفا لَن يُقبَرا
اصبَحتِ باباً لحوائِجِ الوَرى

نَأتيهِ كُلُ حين يااُمَ البنين
__
فـــــــــاطمةٌ أُمُ الليوثِ الاربعه
بالغُربِ ماتت يالَها مِن فاجِعه
وابـنُها العباسُ سيدُ المشرعــه
الارضُ تبكي والسماءُ السابعه

ويومُنا حزين. يااُمَ البنين
__
مِن بعدِ فاطمَ هيَ أوفى فاطمه
بــــحُبِ أبـــناءِ البتولِ هائِمـــه
وللحُسينِ هيَ كانت خــــــادمه
وعن يـــــقينٍ بـــالإمامِ عالمه

نُرثيكِ بالحنين. يااُمَ البنين
___
امُ البــنينِ قُــــــطِعَت احـــــــشاؤها
لَن يَشَفَ مِن يومِ الطفوفِ جـرحها
فَقدُ الحـــــــسينِ هالَها وهَـدَهـــــــا
مِن بعدِ عيـنيـهِ تَـمَنت موتَـــــــــها

مازِلتِ تنحبين. يااُمَ البنين
~
حيدر بشار الدراجي

🌴تجمّع الزهراء ع العاشورائي🌴

13 December 2024 04:28

ثگيل
ام البنين والوفاء عليها السلام..

مالي لذه بدنيتي ولا أمنيات
حسين يرجع يلا ترجعلي الحياة
ننتظر جيتك.. انا وابنيتك
___
اصبر ونظر درب اضعونه بالكت يرجع ليه ابخير
اول مره يمشي عني واخر مره هاي تصير

اذكر عشرتي وياه ورد اتئمل النوب
المغرب جيته ظيم عل متاني محبوب
تعيش الناس وتروح وانه مگابله البوب
متعوبه اعل فرگاه وهوه حسين متعوب

تجري ادموعي الحزن كل السنين
حسين تارسها وبعد ماعدي عين
يمه تانيتك.. انه وبنيتك
____
مو بس انه انطر ضعنه عده ابنيه بس اعليله
تكسر كلبي شما كالتلي يرجع يمته ضعن العيله

أشيخلي الجرحه ويطيب المفارك حسين
فوك المرض والليل ضعن الاهل ماشين
هوه الدوه الحسين بس ماهوه الحسين
تنوح وتبجي جندوب مابين الحياطين

مره ترسم بيت رد حسين ليه
مره عبدالله ترسمه تلولي بيه
ياحزن بيتك.. انه وبنيتك
____
ردت زينب وانه انضرها من مشيتها تتمايل
ردت لاكن شو وحدها ماهو وياها رد الكافل

ابعبايه امتربه واه متروسه مصايب
چن هاي العبيات طبوهن خرايب
القبل جانن أميرات شو جنهن غرايب
ارتاحي اهنا يم عون من كثر النوايب

اجت مهضومه زينب تحجي بالكوه
متت كالتلي لمن ماتت الخوه
أبروحي ونيتك.. انه وابنيتك
____
زينب بالله كولي اوليدي خاف امقصر لا عباس
كالت وسفه شلون يقصر الحدبني رافعلج راس

هواي اجروح الحسين كالتلي الاصعب
لمن طاح عباس ضهر حسين حدب
من الخيم للماي شعر راسه شيب
رد مكسور ويكول عينيني زينب

طاح وسفه العلم من جفه والجود
وكع ذاك الطول لمن طكه عامود
ماطحت ريتك.. انه وبنيتك
____
بس كتلها حسين شلونه وشلون عيونه الحلوات
خو ما ضل عطشان وليدي لاكن كالت هل جلمات

منين احجيلج منين من ياهيه اكابر
صاير صدر الحسين معبار الحوافر
خيل وجيش وسهام تل احجار صاير
و ردينه غريبات مكسورات خاطر

جروح اهواي رد الضعن متعوب
عفنا احسين فوك الكاع مسلوب
ننتضر جيتك .. وانه ابنيتك
____
محسن الحمداني

اللهم عجل لوليك الفرج

🌴تجمّع الزهراء ع العاشورائي🌴

13 December 2024 04:27

قصيدة جديدة بحق ام البنين عليها السلام



ماتت وهية تنحب ما نشفت العين
طول العمر تنادي آيبــني يحسين
اتنوح اعله ابنها اويلاه يوليدي
اتريـــدة بدفنها اويلاه يوليدي
=====================
ما گطعت النوح من فگد الاولاد
لا تهــــنة بالماي لا تهـــنة بالزاد
من الحزن يوم مدمعها ما هاد
لا صحة لا لون حتى الجسم باد

بعد الولد علـــيلة ماريدن الروح
شلي بحياتي وانة دلالي مجروح
زايد حزنها اويلاه يوليدي
اتريدة بدفنها اويلاه يوليدي
======================
كبرت على النوح حسرة بدليلي
ما ادري بـــــنهار ما اعرفة ليلي
من أيدي وتــــروح يا يمة ويلي
مشتاگة الك موت يادمعة سيلي

تدري شكثر حنينة يا اغلة مني
عني رحــت يغالي والهم كتلني
روحي أغلى منها اويلاه يوليدي
اتريــــدة بدفنها اويلاه يوليدي
====================
من راح الحسين دنيتها دارت
وابحر الشموس گعدتها صارت
ما يرجع المات شتسوي حارت
من صب الدموع عيناها غازت

عافيتي كلها راحت يبني بغيابك
شيب دليلي اشتم ريحت ثيابك
شيب جفنها اويلاه يوليدي
اتريدة بدفنها اويلاه يوليدي
====================
گبور امن التراب سوتهن الكم
عنــــي يالولاد شو رحتوا كلكم
من غبتوا لليوم موحش نزلكم
ايزود اعله يعگوب حزني لجلكم

گبرك رسم رسمتة كل ساعة ازورة
والماي ارشة يبني وأشعل بخورة
مو هذا ظنها اويلاه يوليدي
اتريدة بدفنها اويلاه يوليدي
====≠==================
وكت المنية رادت يمها الاطايب
عن يمنتي وشمالي محبوبي غايب
اه يا دهر ليش خذت الحبايب
ما تسوة العتاب دهري واعاتب

بالدنيا ماهو يمي ابساعة مماتي
يلتم شملنة ثاني وتبدي حياتي
يخلص حزنها اويلاه يوليدي
اتريدة بدفنها اويلاه يوليدي
===================
أسألكم الدعاء رائد الاسدي

🌴تجمّع الزهراء ع العاشورائي🌴

13 December 2024 04:27

قصيدة بحق السيدة ام البنين عليها السلام ( طور اهوازي)


هاي ام البنـــين اتلوج  زايد عالــولد ونها
ظلت بس تدير العين  بالموت انگطع ظنها
آه يحسين يا يمة   آه يحسين يا يمة
=======================
ابن ادم من يجيه الموت   ويوصل لاخر انفاسة
اعزازة بكل حـــزن تنعاه   تــلتم كل هلة وناسة
هذا ايحبة ذاك اينوح  هذا اليبچي يم راسة
تلوج ام البنين اشلون  غـــياب الــولد عــــنها
آه يحسين يا يمة   آه يحسين يا يمة
========================
يمها بس علي السجاد  يون وينحب اعليها
يطيبة ام الوفة والطيب  صعبة الفرگة تدريها
تمنيت الابو موجود  يشوف الربتة شبيها
العين ادير يمنة شمال  تدور اعله الابو چنها
آه يحسين يا يمة   آه يحسين يا يمة
==========================
العدها بنية وكت الموت  بـــيديها تنگط الماي
زينب ماهي يم عباس  يمچ وانتي ادرة بهاي
ربيتي وتعبتي سنين  وتالي اوحيدة بس الداي
يحسين الحكَ تنادين  امك يبـــــني چــــفنها
آه يحسين يا يمة   آه يحسين يا يمة
===========================
عزيزتكم يا ال البيت  اجت ليكم تلگوها
گلبها امجرح ومحزون  بوجه حسين داووها
خلها اتحبة واتشم بيه   تشبع شوف خلوها
شبعت ضيم لمن راح  فلا مرة ضحك سنها
آه يحسين يا يمة   آه يحسين يا يمة
==========================
شفتي من الزمان اهوال  اذية شگد تحملتي
الله اطاچ خـــير هواي  باب لرحــمتة صرتي
نطلبچ طلبة يم عباس  بجاه الي عليه نحتي
يعــــجل للإمام الغاب   ربـــنا وتنفــرج لنها
آه يحسين يا يمة   آه يحسين يا يمة
========================
اسالكم الدعاء رائد الاسدي

🌴تجمّع الزهراء ع العاشورائي🌴

13 December 2024 11:36

نزله

ل ام البنين عليها السلام



حره يم البنين ،،، بالعهد وفايه



ما اضن من طين مخلوقه امن الاحساس
ومن يمر طاريهه لازم نرفع الراس
صدك لو گالو يناس العرق دساس
ونعم منهه وكفو خلفت عباس

منهه يحصل امنين ،،، بالبشر بس هايه
حره يم البنين ،،،،،،،،،،، بالعهد وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

هيه بس وحده وأبد ماصارن اثنين
خلفت اربع زلم كلهم ميامين
وصت العباس فدوه يروح لحسين
يمه من يحتاج چف انطيه چفين

يمه ونطي العين ،،،، للسهم يربايه
حره يم البنين ،،،،،،، بالعهد وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الكربله وذاك المصاب اشكثر ناحت
عاشت اعله حسين وعله حسين ماتت
مو فقط بل اخره بالدنيه فازت
هيه بدويه لچن علويه صارت

كلشي بيه لحسين ،،،، الوفه موش احچايه
حره يم البنين ،،،،،،،،،،،،،،،،،،، بالعهد وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فدوه لمصابچ يحره دمعت العين
كون كل عمري اخلصه بس بل اونين
احنه مطلوبين الهه يا بشر دين
علمتنه اشلون من انحب الحسين

واجب الهه ياناس ،،،،،،،،،،،،،، من نسوي اقرايه
حره يم البنين ،،،،،،،،،،،،،،،،،،، بالعهد وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا گبر مبني ولا عدهه مناره
وسفه مدفونه ابلد مابيه غياره
ليش ما يبنونهه شنهي الخساره
بيهم ام عباس كون اتسوي شاره

هذه لو گبر افلان ،،،،،،،،،،،،، مبني من اهوايه
حره يم البنين ،،،،،،،،،،،،،،،،،،، بالعهد وفايه





تمت ،،،الشاعر سيد احمد الموسوي

🌴تجمّع الزهراء ع العاشورائي🌴

13 December 2024 11:36

ويلاه أم الگمر
ويلاه ماتت قهر
____

بين الحسره والنوح بين الون والجروح
مهجتها انگضت

لوعه او دمعه واحزان حسره او عبره واشجان
هل روح اتعبت

ماتت باكلف اصواب آ يا هجر الاحباب
من عنده انچوت

ويلا يم الاقمار لعبت بيها الاقدار
چن ورگه ايبست

منها اولا اضل اثر
ويلاه ماتت قهر
____

امن الطف بيها اصاويب لا تهجع ولا اتطيب
بهروش الگلب

لا جرح او لا جرحين بيها اشخله الحسين
من مات ابغرب

من عگبه اشبعت موت جثه ابلايه تابوت
تنطر بالدرب

اتناطر والوجه ذاب صار ابلون الاتراب
والمدمع يصب

لدموع مثل النهر
ويلاه ماتت قهر
____

فرگة وجه الحسين طرت گلبي نصين
نادت ياخلگ

مامش طارش ايروح ؟ يحچيله عل اجروح
مو گلبي احترگ

گلوله ام الابنين ماتت من الاونبن
واجبيني عرگ

ماتن كلهن اعضاي ليّه گطرو ماي
دلالي انخنگ

مولاي كافي السفر
ويلاه. ماتت قهر
____

يل اغله امن الانفاس يلي انطيته عباس
حن الحالتي

انه ابعازتك حيل مرلي هدوه بالليل
واحظر موتني

خلني ابموتي ارتاح وانسه الون والانياح
وانسه لوعتي

يحنين علي عود جيب اوياك الاحيود
فلذة چبدتي

هل يوم گبري انحفر
ويلاه ماتت قهر
____

يمه الام من اتموت اتريد اوياها زاتوت
ابدفنتها ايحضر

واتريد الوِلِد كون اجنازتها يشيعون
واتكحل النظر

انه اشمعنه يحسين من دون النساوين
حد موتي قهر

ليه اولا ولد جاي اتبدو چنهم الماي
والحلم اندثر

ويلاه من هل دهر
ويلاه ماتت قهر
____

آنه أم الاقمار ميته او دمعتي اعبار
وابلحدي نحت

يحسين او يعباس مني ضجت الناس
گدما صيحت

اعليكم امكم اتهون ابفاتحتي متگفون
يل عشط طحت

چن بيه متدرون ولا عتبي تسمعون
مهما عاتبت

معذور يل ما حضر
ويلاه ماتت قهر
____

ابو فاطمة الطائي

🌴تجمّع الزهراء ع العاشورائي🌴

13 December 2024 11:36

كأني بأم البنين تحچي وي روحها اتگول :

غريبه يم الابنين چا وين الوِلد وين
لا عباس جناز لا يم نعشچ احسين
_____

عگب تعبي او سهر ليلي عگب حيلي الراح الهُم
اربع اقمار آنه عندي او عندي الحسين _ اشكبرهم _
ماي واتبده امن اديه بعد يا روحي اشيلمهم
لا درو بيه اشجرالي او لا درو لو عاتبتهم

جفاهم طوّل اوياي ابحلم محد الي جاي
اون خلوني كل يوم صار اسنين واسنين
_____

اي يروحي الليله وحدچ اتجرعي چاس المنيه
ما يجون احباب گلبچ أيسي منهم هايهيه
الداست ابصدره الحوافر چيف ينهض هسه ليه
الما گدر يوصل خيامه اشلون بالله ايرد عليه

الثلث مرات من گام وگع جدام الاخيام
يوصل داري اشلون او بيده ايغمض العين
_____

اي يروحي ابحسره ضلي ضلي بل ون يل وحيده
من يجيچ ؟ احسين طايح وابو فاضل گطعو ايده
من يحط ابحجره راسچ مثل ابو اليمه او عضيده
موتي وحدچ مثل عاجر ترتجف چنها جريده

أموتن وحدي مكتوب وانه اليوميه الغروب
تطلع روحي وانباد او گلبي اموجره البين
_____

الليله مشتاگه البنيني وارد اشوف ابن الزچيه
ارد اشم ايده واگله لو متت يلزم اديه
وابو فاضل على گبري ارد اوصيه ابوصيه
الدفنه والتشييع خلهن اهناك بارض الغاضريه

اريد ابين الاحباب يواري جسمي الاتراب
وانام اهناك وارتاح بين احنين واحنين
_____

آه لو هسا يجوني چا غده موتي اشحلاته
اليكـفًني ابو فاضل واليعيننه خواته
احسين اليصلي عليه او فوگ نعشي ايحط عباته
چا نسيت اجروحي كلهن گبل ما تخلص صلاته

تطيب اجروح عاشور وانام او گلبي مسرور
لچن شو چنها احلام ويني . او هل حلم وين
_____

گضت والاحلام راحت لا اجو لا شيعوها
الحنينه اوحيده ماتت او ناس غربه الدفنوها
الشالو التابوت حارو تون بل لحد اسمعوها
والدمع ضل ايتهامل عتب يجري اعله الجفوها

چنها اتگول ترضون اموت او ما تحضرون
اربع عندي اولاد كلهم عني مجفين
_____

ابو فاطمة الطائي

🌴تجمّع الزهراء ع العاشورائي🌴

13 December 2024 11:36

#محرم_١٤٤٦
#أم_البنين

لهفي على أمِّ البنينِ الأربعهْ
لمّا أتى بشرٌ وناحَ وأفجعَ

تسعى إليهِ وحالُها يُبدي الأسى
تجري على عجلٍ لتَسمَعَ ما نعى

نَوحُ المدينةِ هالَها ونداؤها
أين الحسينُ أرى فؤادي صُدِّعَ

تدعو أيا ربي ليربطَ قلبَها
إنْ قالَ أنّ عزيزَها لن يرجعَ

يا بشرُ أينَ أميرُنا وحبيبُنا
تُصغي وأعينُها تَفيضُ الأدمُعَ

فأجابَ يا أمَّ البنين تصبّري
طوبى لعبداللهِ نالَ الأرفعَ

طوبى لجعفرَ بعدَهُ عثمانُ وال
عبّاسُ يا أمَّ البنينِ تقطّعَ

يا بشرُ قد قطّعتَ قلبي فالحسينُ
مُراديا ورجائيا أنْ تُسرعَ

فأجابها قُتلَ الحسينُ بكربلا
فوق الترابِ مُخضّباً ومُقطّعا

طعنوهُ ألفاً والحشا قد مُزّقتْ
لهفي عليهِ فجسمُهُ كم بُضِّعَ

وعلا الشقيُّ على الضلوعِ وحزَّهُ
والآخرُ الملعونُ حزَّ الإصبعَ

أمسى سليباً بالعراءِ مُجرّداً
والخيلُ داستْ بطنَهُ والأضلُعَ

فهوت على وجهِ الثرى مغشيّةً
لهفي على أمِّ البنينِ الأربعهْ

الدكتور محمد الدغلي

🌴تجمّع الزهراء ع العاشورائي🌴

13 December 2024 11:35

#نعي 😭

مولاتي أم البنين تسأل مولاتي العقيلة كيف كان الوادع بين الإمام الحسين وسيدي ومولاي قمر بني هاشم صلوات الله عليهم اجمعين

فقالت 😭:

همزين مـاچـنـتـي تـشـوفـيـن
مــن ودع الـعـبـاس الحســين
كونـچ شايفه الموقف تموتين
من إتشابـگــوا يــم الصواوين

أم البنين ع
بـعـــد يـمـه يزينب سولفيلي
واشسوه ابو فاضل إحچيلي
مــن راح وصــانــي اندعيلي
وحــزّن الچـلــمـات بـدلـيـلي

زينب ع
مـــن ودعـــــاه ودار مــگــــفــاه
وظـل حســين يمه مــحـد وياه
ولعد صوب الشريعه تدورعيناه
ايخاف اعلى اخيه أتغدره اعداه

أم البنين ع
كون حسين يمه راضي اعليه
عـبـاس دونـه ايـمـــوت خليه
راس امــه باچــر يــرتفـع بيه
مـن يـنـذكـر عـبـاس طـــاريه

زينب ع
من طاح صــاح الحگ عضيدك 😭
يم راســي گبل لا اموت اريدك
انـت التغمض عـيـنـــي بــيـدك
ولو حـالـي يبو اسكينه يچيدك

وتالي اتـشـابـگـن وعـيـونـهـن دمـعـن
وطـبـن دار الحســين وغـدن يـبـچـن
والــنـســــوان ملـتـمـات وايـسـمــعـن
زينب لأمها شنهـي اتگول واشيحچن

محد مثل ابو فاضل /وفي چان
سـور وســتر لعياله /وفيّ چان
چفه وهامته وعينه / وفا چان
كله ومستحي امن أمه الزچيه

نسألكم الدعاء

سيد حسين الياسري

#اللهم_عجل_لوليك_الفرج

🌴تجمّع الزهراء ع العاشورائي🌴

13 December 2024 11:35

ضحيت الك بالشبان. ويحسين ابد ما وفيت
ادري الولد رفعت راس. ودكالي صدره العباس
ويحسين ابد ما وفيت
*
اربع ولد يفدونك اموصيتهم
وولادي من در الوفه امرضعتهم
لو قصرو تحرم صحت شوفتهم
وبيد الكمر ضلت ترف رايتهم

كون انته سالم وبخير. كل احنه يايمه بخير
انته اغله من هاي الناس. ودكالي صدره العباس
ويحسين ابد ما وفيت
**
ام البنين الوادم ايسموني
واتمنه عدكم خادمه تقبلوني
يحسين ادري الأربعة ايوافوني
ولو ما اشوفك شلي بيها عيوني

شنهو الولد شنهو المال. ماكو بمعزتك بالكون
حبك ابد ما ينقاس. ودكالي صدره العباس
*
من ودعتني وراد يحدي الحداي
بدربك دمع رشيت مو طاست ماي
ما اكدر اعله افراگ اشلون بهاي
اوياك الله اكولن يبني مدري الله وياي

بعدك اصيرن يعگوب. وتبيض بساع عيوني
ارحم دليلي الحساس. ودكالي صدره العباس
****
عباس نذري ونذري واجب يحسين
واعله النهر باجر يكطع الجفين
حاشه ترف عيونه من سهم العين
وخويه بحياته ما نطقها امن اسنين

راعي الكفاله المذخور. عزم اخوته من عزمه
اعليك اربعتهم حراس. ودكالي صدره العباس
***
زينب امانه من علي تدريها
وعباس كد الكلمه من يحجيها
صعدها عالناگه وتكفل بيها
حته الشمس ما تكدر اتصد ليها

كتله العقيله بحماك. ماريدك اتفاركها
ذاك الخدر مو ينداس. ودكالي صدره العباس
*
تمت
تحسين الخفاجي

🌴تجمّع الزهراء ع العاشورائي🌴

13 December 2024 11:34

مو مرت ابو ام جانت
بيت الزجية صانت
اعظم مره بعد ام حسن 
للعشره ابد ما خانت
........
اشنسولف ما نوفيها ....
عظيمه بكلشي نلكيها ...
ذهب حاضرها ماضيها .... ام عباس المشكر

مدرسة الوفه الكبرى
ضحت كلشي للعتره
بيها امباركه الزهرة .... ام عباس المشكر

ما صح مثلها ولا يصح بالدنية ابد
يامره اتضحي الاجل ضرتها بولد
وياريت واحد اربعه جان العدد

يامره الي أتسويها
الضرتها تنطي ابنيها
وفوكاها تتعذر تظل
الف السلام اعليها
.......
اول موقف انذكره
اسمها غيرته الحره
اكرام الفاطمه الزهره ... اتخلت عن  اسميها

خاف حسين يتذكر
أمه وكلبه يتفطر
موقفها السمه حير .... اتخلت عن اساميها

ماطبت الدار الا اسمها مختلف
شافت حُسين وعينهه كامت ترف
ركضت عليه وشبكته شبكت عرف

حبت اعيونه وجفه
جن من زمان اتعرفه
منا بدت قصتهم
وكظت عمرها بصفه
......
خلفت اربع ابدورة
وكل واحد حجت دورة
رسمت الهم الصورة .... حسين وكاعد بعرشه

يعني اكبال ابو اليمه
انتم خدم يا يمه
امكم موش مثل امه ... حسين وكاعد بعرشه
 
صح هو اخوكم لكن اعظم منزله
اشجاب الثرية اعله الثرى ما نوصله
عباس اريد  حسين اخوك ادلله

لبني نذرتك يبني
بالك تخيب ضني
من روحك حسين اغله
وجهي تبيضه افهمني
......


ثلثت انعام من عدها
ما واحد وصل ودها
نطت لحسين ما عدها .... تشهد فاطمه الزهره

ضحت بالولد كلهم
ماهمت ابموتتهم
عدها حسين اعز منهم .... تشهد فاطمه الزهره

اربع بنين انطت لبو اليمه بعزم
واتعذرت خافن امقصره وبي تهم
وكفته ما واحد وكفها امن الزلم

لو عشره عندي افديهم
كلهم فده الواليهم
كلمتها كالتها بثقه
لحسين اثوب بيهم
.......
من جاها بشر ناعي
صاحت ولدي مو داعي
حسين الهيج اوجاعي .... عن حسين خبرني

كاللاها البكه براسج
راح اعضيد عباسج
كعدي وجري انفاسج .... عن حسين خبرني

عادتله نفس الجلمه جنها مسمعت
مات الحسين وخيل صدرة رضرضت
حكه الخبر مو هين وحكهه انحنت

شيبها بشر بكوله
حسينج بقى بالجوله
وابراسه فرو كربله
وبجسمه لعبو جوله
.......
الحمدالله رب العالمين
اللهم صل على محمد وآل محمد
موسى الخادم

🌴تجمّع الزهراء ع العاشورائي🌴

13 December 2024 11:34

قصيدة بدوية بحق ام البنين في وداع الحسبن عليهما السلام


ياحادي النوكَي صد لحالها
هاي امَ البنيني بعدك مَن لها
****
ها يولدي الغالي بسيفك محتزم
ومطوكَه عيالك بحــزام الـــــــزلم
يا ناحــره البيدة لاويــــــن العزم
ماهگوتي الديرة وحشة اتخلها
____
هونك على گليبي يمخلي الوطن
عازم تــــخلـــــيني وتهجرني زمن
خبرني يوليدي بنسوانَ المشن
انت الترد بيها لو هي لحالها
--------------------------------------
ياسايجه النوگي هونك بالحدي
يمخلي گليبي يرجف يولدي
تنادي يويلادي انتم مگصدي
وكته الشدد دومن انتم حلها
------------------------------------------
بالعون يوليدي انته روحيتي
افديلك عيالي وروحي ورکبتي
غيرك فلا ودي كلشي بدنيتي
بعد الهجر روحي حزن اينولها
____
يمعگره الخيلي يچبير اخوتك
يا هزبره البيدة براسك ريشتك
انته چفيل او هي زينب رادتك
يا ابا الفضل بيدك عدل احمالها
_
هاذي مظاربكم وديار النبي
فيها الحزن بادي صبح ومغربي
تهجرني ما ودي بس چنك تبي
تطفيها نيرانك حدر دلالها
--------------------------------------


أسالكم الدعاء رائد الاسدي

🌴تجمّع الزهراء ع العاشورائي🌴

13 December 2024 11:34

عندي اشلون ازلام الضهر حسين احزام
كلهم وفايه
**
طبو والسمه مغيمه ويعادل جيش واحدهم
ومالحك ييمه الموت يبلع ريجه من عدهم
والعباس لمن صال غاد امن الشمس ردهم
واخوت زينب الشجعان حي الله سواعدهم

صعدو فوك الخيل ذوله اسباع الليل
مطيني احجايه
***
ذوله اهل الجفافي البيض تتلامع صوارمهم
مالمت رجلهم كاع بس كلبك تره يلمهم
عفيه ام البنين تصيح ماردو طلب لمهم
ولدي بخدمتك يحسين اشلون تريد قسمهم

عندي اشلون اقمار وين الزلمه الحار
للحك شرايه
*








كاع الطف تضل تميل من تدبج عراضتهم
ولدي بالحرب يحسين معروفه شجاعتهم
فرحانين اخوتك بيك رفعة راس خوتهم
عالشط سوو استعراض والقادات هابتهم

اطلابه وعد عباس اشلون اتفض يا ناس
شيال الرايه
**
صكار الزلم عباس ما يتلاوه بالملكه
ومن طب للنهر خلاه ما يكدر يفك حلكه
يشمر بيده ضل بالروس والدم تارس الدركه
يم الشط حضر تجوال والعباس اجه بحركه

واليتوازه وياه راسه وياه ذباه
ذل الرمايه
**
انه ام اليخلي الكوم تشرد من يسل سيفه
هاي الساحه للعباس والملعب صفه بكيفه
طب ليها وسحكها الخيل ومن الجيش اخذ حيفه
شو بعده الشته ما جاي وكلها ترجف بصيفه

الحومه دخيل اتصيح صفوف صفوف اطيح
وحسين الغايه
***
تمت
تحسين الخفاجي

🌴تجمّع الزهراء ع العاشورائي🌴

13 December 2024 08:37

(( يل ساكن ادموعي ))
ذكرى استشهاد السيدة الطاهرة أم البنين عليها السلام

يل ساكن اِدْموعي رجيتك تحضر اِوْداعي
يل ساكن اِدْموعي تصايح بِسْمي هالناعي
صَوَّت اِبْحَسرَة عَويلَه … شَيّعو الحُرَّه النَبيلَه
            ❃❃❃❃❃❃❃❃❃❃❃❃❃❃
آنه أُم النايبه و أعظم مُصيبه
آنه أُم إللي إنذبح و إخته غريبه
آنه أُم الأربعه ليوث الحريبه
آنه أُم الفاگِده و حالي عصيبه
آنه حَزْ روحي الدهر اِبْشَفرَه رَهيبه
و خَضَّب أيّامي الحزن اِبْدنيا الكَئيبه
.............…….
آنه إللي ما لَحْظَه نسيتك و إنته كل روحي
آنه إللي ما لَحْظَه نسيتك و بِسْمَك اِجْروحي
اِحْسيني ظل دَمْعي مَسيلَه … شَيّعو الحُرَّه النَبيلَه
                 ❃❃❃❃❃❃❃❃❃❃❃❃❃❃
آنه دوهَمني القَدَر اِبْفَگد الغوالي
و ظَلَّت اِعْيوني تفر و تسهر لَيالي
اُوْحَيْدَه يا وَجه الصبح تدريها حالي
لا گمر يَمّي و شَمِس مَحَّد بُگالي
وَحْدي حَنّيت اِشْكثر وكِلْشي بچالي
و ظَلْمَه عُمري عگب نور المَعالي
.............…….
يا بَلْسَم أيّامي و حياتي و إنته مصباحي
يا بَلْسَم أيّامي و حياتي غابت أفْراحي
الفَرْگه مو سَهْلَه و قَليلَه … شَيّعو الحُرَّه النَبيلَه
               ❃❃❃❃❃❃❃❃❃❃❃❃❃❃
قِسْمَه يَوْليدي الهَجر و نار إرْتِحالَك
عيني عَمْيَه ولا شِفِت غايب خَيالَك
عُمْري غُرْبَه من رحت و ماخِذ عِيالَك
و طيبه ماليها الأسىٰ و فِگْدَت وِصالَك
حَسْبي عَ الضيم إلْ گِسَه ومن يَمّي شالَك
ويلي يا دَهْري صِحِت خَيَّبني فالَك
.............…….
يَإللي كتب موتي رَحيلَك و غيبَة اِعْلومَك
يَإللي كتب موتي رَحيلَك وِشْ عظم يومَك
و گلبي ما يشفىٰ غَليلَه … شَيّعو الحُرَّه النَبيلَه
              ❃❃❃❃❃❃❃❃❃❃❃❃❃❃
ياما ساهرت القهر و حزن الليالي
و ناشَدِت نَجْم السِمَه و اِگْليبي صالي
بالله طَمّني علىٰ حسين و عِيالي
ما فتر عَنَّك أبد فكري اُوْيَه بالي
بكل حلم طيفك يمر و افزَع ألالي
وليدي وينك من رحت تهت اِبْخَيالي
.............…….
أتْصَبَّر بآثار نورك و أوگف اِبْبابَك
أتْصَبَّر بآثار نورَك ويلي لمصابك
و الأثر باگي وسيلَه … شَيّعو الحُرَّه النَبيلَه
           ❃❃❃❃❃❃❃❃❃❃❃❃❃❃
حيلي ما شال الألَم و هول الفجيعه
لَمَّن اِبْضَعنَك إجَت بنت الوديعه
صرت أگِلْها هل صدگ حسين اِبْنَجيعه
داسته الخيل و بُگه جثَّه صريعه
و هل صدگ فوگ الصدر ذبحو رضيعه
و هل صدگ طاح الوِفَه چفوفه گطيعه
.............…….
ضعنك رجع بس ما اشوفك للضعن والي
ضعنك رجع بس ما اشوفك إنته و عيالي
و رجعَت تنوح العقيلَه … شَيّعو الحُرَّه النَبيلَه
              ❃❃❃❃❃❃❃❃❃❃❃❃❃❃
بعيني كل عبره تصب بيها أشوفك
و أشهگ الضيم و قهر حسره لطفوفك
أنظر الماي و أحِن و أرسم طيوفك
طايح و صوب الخِيَم مادد چفوفك
و حولك أسياف العدا حاطت تحوفك
و زينب اِبْسَبي و أسِر وسفه تعوفك
.............…….
صرت اشهگ النوح و بواچي و أجذب أوجاعي
صرت أشهگ النوح و بواچي و جمره بَضْلاعي
و ليتي يم جسمك جديلَه … شَيّعو الحُرَّه النَبيلَه
                ❃❃❃❃❃❃❃❃❃❃❃❃❃❃
الموت إجاني و أنتظر يمتىٰ تجيني
روحي مشتاگه إلَك و مشتاگه عيني
خِذْ إديني يالولي مَدّيت إديني
و ليتي يَمَّك أندفِن وَيَّه بنيني
حسيني ما لحظه فتر بِسْمَك أنيني
لا ولا دمعي نِشَف يسچب حَنيني
.............…….
نعشي إرتفع وينك تشيله إنته و أوْلادي
نعشي إرتفع وينك تشيله نادَه لمنادي
أنخَه يحسين و عليله … شَيّعو الحُرَّه النَبيلَه
             ❃❃❃❃❃❃❃❃❃❃❃❃❃❃
الشاعر : أبو شهيد الأحسائي
الجمعه ١٤٤٦/٥/١١هـ
════════════
*لا يجوز و محاسب شرعاً حذف او تغيير التوقيع*

🌴تجمّع الزهراء ع العاشورائي🌴

13 December 2024 08:35

في ذكر أم البنين سلام الله عليها (وزن المجرشه)

ياشيعي اقره  /  لأم البنين الفاتحه
ياشيعي اقره. /  لأم البنين الفاتحه
★★★★★
ام البساله والعزم.  معروفه يوم الصعبه
قدمت ايام العمر.    لجل الإمام ودربه
عن اقتدارات وفعل وصلت الهاي الرتبة
ام البنين الاربعه.    ضد الظلال. وحزبه

والمجد يفخر / بهاذي الكريمه الصالحه
ياشيعي اقره  /      لأم البنين الفاتحه
★★★★★
من الطفولة فاطمة  بهذا الكرم موصوفه
عفه وكرامات وعلم  بين الخلگ معروفه
شاركت حيدر بالمجد  من طيبه حد الكوفه
سارت على نهج الوصي.  هذا النهج متعوفه

وبنهجه تعلم  /  حجة الباري الواضحه
ياشيعي اقره. /    لأم البنين الفاتحه
★★★★★
الدين گالت غايتي  ونهج الوفه من طبعي
الضلع الزچيه الطاهره.  فدوه حياتي وضلعي
ياشيعي اقره الفاتحة.  لأم البنين. وادعي
وابچيلها شگد مابچت.  لحسين وألطف تنعي

بالحشر حبها.    /  هوه التجارة الرابحة
ياشيعي اقره.   /      لأم البنين الفاتحه
★★★★★
من اختارها رب السمه  من بعد نور الزهره
أتْهوَّن عليه نار الحزن   بالدنيا تجبر كسره
عَلَّاَهَا ربها من صفت.   تخدم أبيت العتره
ألام الحنونه الطاهره. ياغصن لطيب شجره

افنت عمرها.  / الحره الوفيه الناصحه
ياشيعي اقره   /    لأم البنين الفاتحه
★★★★★
اتوصي ولدها الاربعه. أتصب الدمع محزونه
لحسين ولأمه الفضل.   لأبن الوصي ممنونه
لحسين صيروله درع.   من كل كتر تحمونه
غبار الحرب من يعتلي   اطيحون كلكم دونه

بالحشر تدري /   كفت حسين الراجحه
ياشيعي اقره.   /     لأم البنين الفاتحه

الشاعر حسن لعيبي الحريشاوي

🌴تجمّع الزهراء ع العاشورائي🌴

13 December 2024 04:28

نعي بحق ام البنين عليها السلام
كأني بلسان حال اولاد ام البنين عليها السلام عندما حظرتها الوفاة

اجت ليچ المنية ومحد وياچ
ها يم المحنة اتهمل عيناچ
عليچ أبعاد يمة وما اجيناچ
ما واحد حظر عنچ بعيدين
==================
اليريد ايموت عينة أدير لهلة
ملتمين كلها اتنوح لجلة
هذا ايسبل ايديه ويجبلة
وهذا ايحبة ذاك ايغمض العين
=================
لا عباس اجاچ ولا حظر عون
لاعبدالله لا جعفر يحظرون
يمين شمال گام أدير العيون
تدورين العزيز وماهو الحسين
==================
بالدنيا صدكَ ما شلنا همچ
وبالتشييع ما شلناه جسمچ
حظرنا أرواح يمة اندور يمچ
نلتم من جديد و يانة تمشين
==================
متانينچ تعاي بساع لينة
بلهفة حسين ينطر يالحنينة
كلة ايروح حزنچ يالحزينة
تعاي بساع لينة وموش تبطين
==================
أسألكم الدعاء رائد الاسدي

🌴تجمّع الزهراء ع العاشورائي🌴

13 December 2024 04:27

قصيدة بدوية بحق ام البنين في وداع الحسبن عليهما السلام


ياحادي النوكَي صد لحالها
هاي امَ البنيني بعدك مَن لها
****
ها يولدي الغالي بسيفك محتزم
ومطوكَه عيالك بحــزام الـــــــزلم
يا ناحــره البيدة لاويــــــن العزم
ماهگوتي الديرة وحشة اتخلها
____
هونك على گليبي يمخلي الوطن
عازم تــــخلـــــيني وتهجرني زمن
خبرني يوليدي بنسوانَ المشن
انت الترد بيها لو هي لحالها
--------------------------------------
ياسايجه النوگي هونك بالحدي
يمخلي گليبي يرجف يولدي
تنادي يويلادي انتم مگصدي
وكته الشدد دومن انتم حلها
------------------------------------------
بالعون يوليدي انته روحيتي
افديلك عيالي وروحي ورکبتي
غيرك فلا ودي كلشي بدنيتي
بعد الهجر روحي حزن اينولها
____
يمعگره الخيلي يچبير اخوتك
يا هزبره البيدة براسك ريشتك
انته چفيل او هي زينب رادتك
يا ابا الفضل بيدك عدل احمالها
_
هاذي مظاربكم وديار النبي
فيها الحزن بادي صبح ومغربي
تهجرني ما ودي بس چنك تبي
تطفيها نيرانك حدر دلالها
--------------------------------------


أسالكم الدعاء رائد الاسدي

🌴تجمّع الزهراء ع العاشورائي🌴

13 December 2024 04:27

قصيدة بحق ام البنين عليها السلام


يارحمه الله الواسـعة يم البنـــين الاربعة
باب الفرج للمحتار عدها يصير الماصار
ام البنين الاربعة
--------------------------------------------------
ام البنـين اتميـزت بيها العقول اتحيرت
انخاها لوحاجة اكلفت كل حاجة تطلبها كَظت

انخاها وانته ملهوف ومشي عليها الحسين
تطي الحوائج بالايد تكَظيلك برمشه عين

هاي العفيفة الطاهرة خل يدري بيها الما درة
هايه خزانة الاسرار عدها يصير الماصار
------------------------------------ ----------
بالدنيا لو صابك عسر انخاها يتحول يسر
بالشدة اقره من تـــمر الفاتحة تسهيل امر

أسأل عليها التاريخ من فاطمة ماكو اثنين
نحسبها بعد الزهراء باب الله للمحتاجين

معروفة ساعات الشدد فاز الندبها وانسعد
منقولة عنها الأخبار عدها يصير الماصار
------------------------------------------------
حيدر ترة ايعرفچ عدل واختارچ بحكمةوعقل
ياهي الي مثلچ تحتمل تطي الولد لجل الكتل

اطت ولدها قربـان والباري كلشي اطاها
صارت مَثل بالايــثار باب الفـرج خلاها

بيها دعـُـائك ينسمع والهم بسـمها يرتفع
هيبتها من الكرار عدها يصير الماصار
--------------------------------------------------
ام البـنين ام الوفه بالحاجة تدري وعارفه
علمها حيدر كل صفه عدها الفرج عدها الشفه

اطلبها دوم بأخلاص الـشدة تنحل بساع
ما تعتذر ام عـباس تشـفي جميع الاوجاع

بالــشدة دايم تنذكر ماتـسد باب وتعتذر
يرضى لرضاها الجبار عدها يصـير الماصار
------------------------------------------------
صارت مثل بالمرحمة وعن فاطمة هم فاطمة
المخلص الله ايكرمة كل طلب منها ايتممة

عدها الوفه ماله حدود وي النبي واحبابة
خلاها للـعالم بـــاب الباري ماسد بابة

اذكرها من تدعي العلي لاشك همومك تنجلي
اذكرها عند الاسفار عدها يصير الماصار
------------------------------------------------
اقسم عليچ ابحيدرة وابنچ الكَطعوا منحرة
والبطل سبع الكَنطرة وزينب الحرة الصابرة

قبلـينا عـدچ خدام وسجلينة من خدامچ
نطلب شفاعة من حسين فدوة لتراب اجدامچ

بسمچ طلبنه نرفعة وانتي شفيعة مشفعة
ياحرة عدچ خطار عدها يصير الماصار


أسالكم الدعاء رائد الاسدي

🌴تجمّع الزهراء ع العاشورائي🌴

13 December 2024 01:56

شور فزاعي... ام البنين

عله الگالت اولادي فدوه يرحون
تستاهل عليــــها نلـطم اعـــيون
ــــــــــــــــــــــــــــــــــــــــــــــــــــ
دور بلكي تلگه هيچ نسوان
ربت اربعه شجــــعان وحنان
واحدهم جبل والغيره بركان
ســوتهم خدم لاموش خوان

بروس امدنكه اگباله تگعدون
تستـــاهل عليها نلطم اعيون
ـــــــــــــــــــــــــــــــــــــــــــــــــــــ
ام البنين هيه تكول
فدوه الاسم ابو السجاد يرحــــون
غالي احسين لجله الكل يرخصون
شواي الأربعه كون انـــطي العيون
كون وخادمه امشي ويالضــــعون

أگود حبال بيدي ناگة أم عــون
تستاهل علـــــــيها نلطم اعيون
ـــــــــــــــــــــــــــــــــــــــــــــــــــ
مره هاگد حنينه وشايله احساس
تگل لولادها يمه انتــــو حــــراس
گبال احسين يمه دنگــــــو الراس
وگبل لا يحچي صيرو لريته انفاس

اول ناس اريــــدنكم تفزعون
تستاهـــل عليها نلطم اعيون
ــــــــــــــــــــــــــــــــــــــــــــــــــــ
هنا تحشم ام الغيره

أريدن كربله تسووهـــــا طشار
لكـــــون المعركه لحسين تندار
خلــــو النــايحه ترهم ابكل دار
واريد اكــــبارها تسولف للزغار

غيمه تحولو خافن يعطشون
تســــتاهل عليها نلطم اعيون
ــــــــــــــــــــــــــــــــــــــــــــــــــــ
ندارو عليه ييمه دورت احزام
بصدركم صدو عنه خيول وسهام
بشاربكم ترى كــــــل ذيچ الخيام
تبقى اعيونكم تحرسها مـــــــتنام

وگبل احسين يا يمه تطيـــحون
تستاهـــــــل عليها نلطم اعيون
ــــــــــــــــــــــــــــــــــــ
تمت بفضلهم ص
خادم الزهراء ص
الشاعر والملا ياسر الزيادي