3570
خدمة الزهراء ع والحسين ع لموالد الآل الأطهار والمناسبات الأخرى
*#مولدُ_مولانا_المُجتبى(ع)*
*#جاءَ_ميلادُ_الحسَن💐*
أبشِروا يا مُؤمِنين
جاءَ ميلادُ الحَسَن
كَفكِفوا دَمعًا حَزين
في رِحابِ المُؤتمَن
جاءَ ميلادُ الحسَن
وانقَضى لَيلُ الحَزَن
💐💐💐💐💐
فيهِ سُرَّ الصّائِمون
فاضَتِ اليومَ النِّعَم
كُحِّلَت كُلُّ الجُفون
بالزَّكِيِّ ذي الكَرَم
جاءَ ميلادُ الحسَن
وانقَضى لَيلُ الحَزَن
💐💐💐💐💐
تِلكَ أسوارُ البَقيع
تشتَكي جَورَ اللِّئام
قد دعَونا بالشّفيع
أرِنا قبرَ الإمام
جاءَ ميلادُ الحسَن
وانقَضى ليلُ الحَزَن
💐💐💐💐💐
عَمَّنا بِشرٌ سَعيد
أمَّنا يا فاطِمة
بِعَليٍّ والوَليد
حِرزِنا في الخاتِمة
جاءَ ميلادُ الحسَن
وانقَضى ليلُ الحَزَن
💐💐💐💐💐
*زينب الموسوي*
*#بنت_الزهراء*
قصيدة "هالليله ميلاد الحسن"
#مولد #الإمام_الحسن المجتبى(ع)
ــــــــــــــــــــــــــــــــــــــــــــــــــــــــــ.
صلٰوات صلٰوات هالليله ميلاد الحسن
ــــــــــــــــــــــــــــــــــــــــــــــــــ
هالليله عدنه الفرح متزاحم
بأول وليد لحيدر وفاطم
ــــــــــــــــــــــــــــــــــــــــــــــــــ.
بالدنيا شع المجتبى نوره
حيدر فرح و الزهره مسروره
جنه النبي بالنور و الصوره
يا محله نوره سبط ابو القاسم
ــــــــــــــــــــــــــــــــــــــــــــــــــ.١
مية هلا بميلاد ابو محمد
كل شيعي بسمه هلهل و عيد
هالليله بيبان الحزن تنسد
و تهني طه المصطفى الوادم
ــــــــــــــــــــــــــــــــــــــــــــــــــ.٢
الرايد يمدحه يعجز لسانه
سيد شباب الجنه مولانه
ويبقى الكرم للضيف عنوانه
هو اللي علم عالكرم حاتم
ــــــــــــــــــــــــــــــــــــــــــــــــــ.٣
مولد كريم اليمّه يسعدنه
ليلة نصف رمضان عيدنه
نمشي و نزوره بهالمسه ردنه
يا وسفه يهدم مرقده الظالم
ــــــــــــــــــــــــــــــــــــــــــــــــــــــــــ.٤
لرض البقيع الروح ملهوفه
يمته الضريح مشيّد نشوفه
ونزوره و شبّاچه نطوفه
نشيّد ضريحه بطلعة القائم
ــــــــــــــــــــــــــــــــــــــــــــــــــــــــــ.٥
علي جبار الخفاجي
#جديد
في مولد كريم الأولياء مولانا الإمام #الحسن عليه السلام
.
.
سبط المؤتمن .. مولاي الحسن
أفرحلك .. أحضر لك .. مولاي الحسن
متعني ابنص الشهر .. هالليله أعظم خبر .. بميلاد العظيم
للهادي أول فرح .. هالليله صدره انشرح .. بقْدوم الكريم
ولحيدر أول گمر .. بأنواره شع وظهر .. بخيره والنعيم
والزهره مستبشره .. دنيانه متنوره .. وهَب أجمل نسيم
الليله أول فرحه في بيت الوصي
گرّت اعيونه وفرح گلبه النبي
ميلاد الكرم .. اليِتنزَّل نعم
من چفه .. ومن عطفه .. مولاي الحسن
هالليله ايطيب الهنه .. ميلاده أعظم مُنى .. ثاني الأولياء
مو بس ننصبله حفل .. نِشعل له حتى المُقَل .. سبط الأتقياء
وانهنيها فاطمه .. وصرختنه لعالي السمه .. بالحب والولاء
ميلادك خير وسعد .. يا أصل الحب والمدد .. يا خير السماء
الليله نحيي هالحفل بالبهجه
منولد هالليله ثاني حجه
ميلاده حياة .. للعالم نجاة
مولانه .. منجانه .. مولاي الحسن
بِمْحَبْته يحله العمر .. بكل عالم أعظم ذخر .. يا ذخر الأنام
وفاز اللي من نظرته .. مِتشرِّف في خدمته .. هالخدمه سلام
هالخدمه تاج الشرف .. وفاز اللي منها اغترف .. من چف الإمام
من حبه رايد بعد .. يِسگيني مولى المدد .. يا نسل الكرام
حبه يحيي كل گلب بأنواره
حبه عالم قدسي ابأسراره
حب أول سبط .. للجنه شرط
كل حبي .. وكل گلبي .. لمولاي الحسن
____
تمت بمدد إمامي الحسن عليه السلام
#فاطمة_كريم
٢٠٢٥ م
هوسات لولادة كريم ال محمد الامام الحسن (ع)
ـــــــــــــــــــــــــــــــــــــــــــــــــــــــــــــــ
لابو جفوف السخيه نريد محفل نعقد الليله
نردد اجمل الانشاد واجمل ورد نهــــــــديله
هلا براعي الكرم والجود هلا يمــفرح العيله
علگينه شموع الفرحه
ـــــــــــــــــــــــــــــــــــــــــــــــــــــــــــــــ
علگناها الشموع اليوم كلمن يطلب امراده
هلا بنور الثريا نگول نهني اهـــــله الساده
شع غطه المدينه النور شوكه بعين حساده
نهنيها كلحنه الزهره
ــــــــــــــــــــــــــــــــــــــــ
نهني ام الحسن هاليوم وباول ولد ولدت
نزلت اسيا ومـــــريم مريم شالته وسمت
تگله ياهلا وحياه يلبيك الخلگ شهـــــدت
وعرش الله وكتبه واملاكه
ـــــــــــــــــــــــــــــــــــــــــ
ياثاني الحجج ع الكون بيك العصمه معقوده
فرح نازل ع الاكوان وهذا الفرح بوجـــــــوده
ونهني علي الكرار هــــــــــــــــذا الولد مولوده
هلهوله علوها الصفگه وهلهوله
ــــــــــــــــــــــــــــــــــــــــــــــــــــــــــ
تمت بعون الله تعالى بقلمي ام علي البابلي
لااجيز شرعا حذف الاسم نسالكم الدعاء
مولود للامام الحسن ع
الوزن ميمر
ـــــــــــــــــــــــــــــــــــــــــــــــــ
ثاني الحجج هاليوم هل اعلينه
شموع وصواني يلا علگو الزينه
هنو علي الكرار،، ويه النبي المختار
اول ولد مولـــــــود عد والينه
ـــــــــــــــــــــــــــــــــــــــ🌺
اول فرح مولود عـــــند الزهــــره
املاك السمه تهني النبي والعتره
بنص المهد وتنا غـي بي وتنظره
تهني علي الازهر،،،، سبحانه من صور
اول ولد مولود عــــــــــــد والينه
ـــــــــــــــــــــــــــــــــــــــــــــــ🌺
سبحان من خالقه باجمل صوره
ابن الزجيه نور المـــــــــــعموره
والحوروالاكوان بي مســــــروره
صلو على احمد ،،،،،، جده النبي الامجد
اول ولد مولود عد والينه
ـــــــــــــــــــــــــــــــــــــــــــــــ🌺
ياهلا وياميةهلا مــــن جانه
جابته الزهره للنبي وفرحانه
يانجمه شعت بالفرح بسمانه
سمه النبي وكبر،،،، اليوم الحسن نور
اول ولد مولود عد والينه
ـــــــــــــــــــــــــــــــــــــــــــــــ🌺
بخمسطعش رمضان احلى الاعياد
خلونه نحضر هالحـــــفل والميلاد
والفرح يملي الكون نكتب انشاد
باسم النبي واله،،،،، من حضر حياله
اول ولد مولود عد والينه
ـــــــــــــــــــــــــــــــــــــــــــ
مولود هذا اليوم خنســـــــويله
علو الهلال باسمه هــــــاي الليله
طيور السعد اجمل لحن غنيله
والحضر ميلاده،،، يتحقق امراده
اول ولد مولود عد والينه
ــــــــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي لااجيزشرعا حذف الاسم
نسالكم الدعاء
قصیدة:
ـــــــــــــــــــــــــــــــــــــــــــ
هلـیله گــرگیـــعان هلا هلا
خضّر غصن ریحان هلا هلا
حیدر علي فرحان هلا هلا
هلـیله گــرگیـــعان هلا هلا
ــــــــــــــــــــــــــــــــــــــــــ
خبر شع بالسمه نص الشهر
گمر من فاطـمه نــوره زهر
هه یاالله..اللیله هاشم فرحت ابهاي الولاده
هه یاالله..اللیله دگّو ساس المضایف الساده
الحسن فتحو مضیفه
لگو حــاتــم یضیــفه
یدوّر عالوظیفه.. یالله
خبر شــاع و تعــاله
أجه التشــطر دلاله
الحسن زاهي ابجماله..یالله
هاشم نصف رمضان هلا هلا
وگفـو عله البیبان هلا هلا
موسم فرحهم بان هلا هلا
هلـیله گــرگیـــعان هلا هلا
ــــــــــــــــــــــــــــــــــــــــــ
علي طش الورد طول العجد
أجه الطبعه ترف مثـل الورد
هه یاالله..اللیله صوبین المدینه أمعلگه زینه
هه یاالله..اللیله طش چکلیت حیدر بالمدینه
هلا ابراعي الشــهامه
چســو دݪه و عــمامه
تزامط بیه عمامه..یالله
دوت نار المــواگـد
حچو بسمه قصاید
ابصدر دیوانه گاعد..یالله
من الحـسن أنوار هلا هلا
یلمحها سابع جار هلا هلا
فرحتله أنس و جان هلا هلا
هلـیله گــرگیـــعان هلا هلا
ــــــــــــــــــــــــــــــــــــــــــ
الکرم لا مو صفه لأهله و أله
ألــه وتبــقی أله چلمة هله
هه یاالله..سفرته توسع سمه و متسد مضیفه
هه یاالله..حتی طیر البالسمه ایکرمه ابرغیفه
أله اتلوگ الصداره
اذا یرفــع شــعاره
تدفّي الدنیا ناره ..یالله
ابو نفــس الأبـیه
الکرم عنده سجیه
هلا ابجیته البهیه..یالله
حي الله وجه الخیر هلا هلا
بیه العقول اتحـیر هلا هلا
اسم الحسن عنوان هلا هلا
هلـیله گــرگیـــعان هلا هلا
ــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
مولاي مولاي بسمك تغنينه
مولاي مولاي. بس انته والينه
يبن الزجيه
****
انته حبيب المصطفى. وبيك الكلب هايم
فرحانه كلها بمولدك. وحتفلت الوادم
سهران كل عاشك الك. والليله ما نايم
يالحسن منعوفك ابد. خل يسمع الايم
وياك وياك. صحنه وتحدينه
مولاي مولاي. بس انته والينه
يبن الزجيه
***
انته الحسن ما اعتقد. كاروك ابد شالك
شالك حضن حيدر علي. وجبريل ناغالاك
يا شيخ يا راعي الهله. الما يطفن ادلالك
انته الكريم وعالكرم. مولاي هنيالك
هاليوم هاليوم. عالهادي صلينه
مولاي مولاي. بس انته والينه
****
ياهو اليكلك بالحرب. ما شاركت انته
وجم مره بيدك يالحسن طرف السمه لحته
بصفين وبكل معركه جم بطل جندلته
العباس انته اعله الحرب. يالحسن دربته
كرار كرار. سيفك نصر دينه
مولاي مولاي. بس انته والينه
****
باب الحوائج سيدي. وكل حاجه تكظيها
وكفاتك انته مجربه. وبالايد تنطيها
والمرضه لو بسمك دعت. اسمك يشافيها
وجروحنه يالمجتى بيدك تداويها
نهواك نهواك. يالبيك جنينه
مولاي مولاي بس انته والينه
*-*
عامر مضيفك يالحسن. وبضيفك اترحب
ومن السنه الحد السنه. بخطارك تعزب
ادلالك تفور امن الهله وتذبح وما تحسب
يالحسن بيك امن الكرم. كل شيخ متعجب
والضيف والضيف. شاف الوفه بعينه
مولاي مولاي بس انته والينه
***
تمت
تحسين الخفاجي
السّلامُ عليكَ يا مُعِزَّ المُؤمِنين ♥️.
💐 متباركين بولادة الإمام السبط الحسن المجتبى (عليه السلام) الممهد الأعظم لثورة الإمام الحسين عليه السلام 💐
هوسات لولادة الإمام الحسن المجتبى عليه السلام
صفه معلوم طبعه للكرم مصدر
من يگدر يوصف الحسن من يگدر
من حيدر فكر مضمونه للكوثر
(للكوثر يرجع مظمونه )
****
ارتوه باعذب مناهل مامثيل إلها
من چف النبوه العلم منهلها
ومن أب للشجاعة بزود اولها
ومن أم بالنسا خير النسا. كلها
(من نور العصمة أمغذينه )
****
بآيه اثلاثه وثلاثين تشهد سورة الاحزاب
تشهد الك بالتطهير فعلا يبن داحي الباب
يبن عصمه وشفاعه. ومنبر. ومحراب
(ياسوره الاسمك مابيها )
الشاعر حسن لعيبي الحريشاوي ✍️
{{ ومضة للحسن (ع) }}
كـريــم وبـالـكــرم حـــارو يـوصـفـــوك
كــرم چـفــّك يـخـلـي الـريـج يـنـشــف
يـمـن جــودك يـغـرگ الـضيـف لو جـاك
ونـهـر گـهـوة مـضيفـك يـجري ما جـف
لـيمـتـه أنـشــوف گـبـرك مـبنـي مـولاي
ومـنـايـر مـن ذهـب نـبـنـيـهـا بـالـچــف
ومـثـل حـسـيـن نـزحـف ألك ونـطـوف
والـمـا عـنـده رجـل بـچـفـوفــه يزحـف
ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ
الـشـاعـر
سـيــد عــلاء الـحـيّــدري
♦️مولد الإمام الحسن المجتبى ع🌹
فليَفرحِ الكلُ هذا مولدُ الحَسن ِ
في النصفِ من رَمَضانَ الخيرِ يُؤنِسُني
واستبشر َالمُرتضى والأمُ في شَغَف ٍ
يا بهجة َالحُور ِ والأملاك ِفي العَلن ِ
فيه الزكيُ كريمُ طاب مَقدَمُهُ
وجدُهُ المصطفى يُحفيهِ بالسُنَن ِ
لم يشهَدِ الخلقُ مثلَ المجتبى كرماً
في يومِنا وغد ٍ أو سالف ِ الزمن ِ
مبسوطة ٌ كفهُ مِن قبلِ مولِدهِ
وهكذا بَقِيَت حتى معَ الكَفن ِ
وكلمّا رُمتُ إحصاءً لما بذَلت
يداهُ لم أستطع والعدُ أتعبَني
إن قِيسَ حاتِمُ فيهِ ِ-غيرَ أنمُلةٍ-
لم يبلغُِ الجُزءَ منها لا ولم يكُن ِ
أما الأعادي فحارَت في فضائِلهِ
كفاهُمُ يومَ أطفى جمرةَ الفتن ِ
إني أحدِثُكُم عن {شُبرٍ } وبهِ
سرورُ شيعتِهِ يَطغى على الحَزن ِ
ياليتني كنتُ أحظىٰ في ضيافتِه ِ
فهوَ الكريمُ وحتماً سوفَ يُكرمُني
#سمير_الصالحي
#البصرة_الفيحآء
#ياأبا محمد يا كريم آل محمد 💔
هوسات المولاي الحسن ع
هلا يالذابح المطفل الخطارك
زين وبالطوايف شايعه خضارك
الطير البالسمه هم اكل من دارك
الضيف اليدخل عدك يشبع من ملكاك
امام واجب الوادم يقدرونك
يذباح السمينه لليضيفونك
جريمه بحاتم الطائي يقيسونك
انت ابن العزب الله زحمه بحاتم من تنقاس
حسين عبد الزهرة الدراجي
الحسن قران الكرم تفسيره
من تطب ديوانه ماتظل حيره
🌹🌹🌹
نبارك لطه الرسول بمولده
وللزجيه فاطمه والوالده
15 رمضان كلها معيده
كل محب لون الفرح تصويره
🛑🛑🛑
الحسن اول نور للزهره وعلي
كمر مابين الكواكب معتلي
بمولده يادنيا عيدي وهلهلي
هذا وارث حيدر بتدبيره
🛑🛑🛑
الليله گركيعان مو بس عندنه
حته في سابع سمه افراح وهنه
للحسن شمعاتنه في كل سنه
وللكريم افراحنه بكل ديره
🌹🌹🌹
الحسن رمضان في جيته ايرحب
ومنفتح ديوان في گلب المحب
الليله كل صاحب صديقه يصطحب
وكل وفي للحسن واهل الغيره
🌹🌹🌹
لبو محمد هاي نسمات الفرح
الشارك بهالفرحه ويانه ربح
اليوم ميزان العدل والحك رجح
والعدل جف الحسن تقديره
🛑🛑🛑
علي حسين المنصوري
.
لولادة الامام الحسن المجتبى عليه السلام
الرادود علي حميد ألموسوي
الشاعر حسن لعيبي الحريشاوي
من كل گلب فرحان
شگد نشكر الرحمان
من عَطَّرَ الاكوان
بخمسطعش رمضان
★★★★★
يامرحبا ابطلعتك يامهجة الهادي
هليوم گال الوكت انته أجمل اعيادي
واسمك جمال وفخر بيه أصبح ينادي
إفتخر بيك الجبل والسهل والوادي
أشرقت بالانوار
دار الوصي الكرار
يوم الفرح من صار
بخمسطعش رمضان
★★★★★
اليوم الكرم مولده يارابع الساده
اعلن اليوم الزمن علخلگ ميلاده
بدستوره صار الزمن من أجمل اعياده
ماله مكان الحزن من ردد انشاده
بميلاده كل هم غاب
للفرح صار أسباب
وللجنه نور وباب
بخمسطعش رمضان
★★★★★
محله السمه اتنورت لون الأرض وردي
اتمايل الروض بنغم بأسم الحسن يبدي
هليوم أجمل خبر أجمل خبر عندي
خالص محبتي إله طول العمر ودَّيٍ
مرت على كل دار
تتماوج الأنوار
من وصلت الأخبار
بخمسطعش رمضان
★★★★★
من مثله لويفتخر يامِيِزَه يحملها
جده النبي المصطفى خير البشر كلها
وحيدر علي والده جيوش الكفر ذلها
وأمه الزچيه علنسه الرحمان فَضَّلَها
زاكي الطبع معصوم
من خالقه القَيَّوم
يامحله هذا اليوم
بخمسطعش رمضان
الشاعر حسن لعيبي الحريشاوي
هوسات بمناسبة مولد الامام الحسن المجتبى عليه السلام
ابميلاد السبط متجمَّل ومهتم
الكون ازهر بهذا اليوم واتبسم
وگبل وكته اجانه العيد واتقَدَّم
(العيد العاف أيامه وحط أرچابه بنص رمضان)
★★★★★
بفكرك يلحسن كل معضله تنزاح
تحقيق العدل منهجك والاصلاح
وزرع روح المحبه والخلگ ترتاح
(الباري امصْدَّرنورك نعمه وخير على الإسلام)
★★★★★
وحگ الگال چلمه وهيه فوگ الراس
ابكتاب الله وعترتي. ماتضيع الناس
جذر حبك غميج. ومن يلوح الساس
(أتوَّسَط نور اهلالك يبن الزهره بنص رمضان )
الشاعر حسن لعيبي الحريشاوي
*#ميلادُ_كريمِ_آلِ_البيت(ع)*
*#مولانا_الحسن_المُجتبى(ع)*
*#سِبطُ_الهُدى*
بارِكوا سِبطَ الهُدى للمُرتضى
بِقُدومِ المُجتبى الحُزنُ انقَضى
مَرحبًا بالحُسنِ إذ حَلَّ الرِّضى
أشرَقَت بِكَ الدُّنى يا المُجتبى
مَرحبًا أهلًا بِكَ يا المُجتبى
مَرحبًا أهلًا بِكَ يا المُجتبى
💐💐💐💐💐
صَفوَةُ الخَلقِ الزّكِيُّ الأطهَرُ
بِشَذاهُ الرَّوضُ أمسَت تُزهِرُ
نورُهُ عَرشَ المعالي يُبهِرُ
حُبُّكُم يُحيي الورى أهلَ العَبا
مَرحبًا أهلًا بِكَ يا المُجتبى
مَرحبًا أهلًا بِكَ يا المُجتبى
💐💐💐💐💐
فاطِمٌ بالبِشرِ والسّعدِ زهَت
مِن حِياضٍ مِن مَعينٍ إِرتوَت
بكَريمِ الآلِ ذي الرّوحُ ازدَهَت
فَيضُ كأسٍ مِن هواهُ انسَكبا
مَرحبًا أهلًا بِكَ يا المُجتبى
مَرحبًا أهلًا بِكَ يا المُجتبى
💐💐💐💐💐
حُسنُهُ في المَهدِ يَغدو الأجمَلا
ربُّنا خَلقًا وخُلقًا أكمَلا
مُذ أتانا كُلُّ همٍّ إِنجَلى
فيهِ حَرفي بِحُبورٍ كُتِبا
مَرحبًا أهلا بِكَ يا المُجتبى
مَرحبًا أهلًا بِكَ يا المُجتبى
💐💐💐💐💐
*#متباركين💐*
*زينب الموسوي*
*#بنت_الزهراء*
مولد/ في ولادة الامام الحسن ع
🌹🌹🌹🌹🌹🌹🌹🌹🌹
نشيدُ الموالينَ طولَ الزمن
أحبُّ الحسينَ أحبُّ الحسن
١/أحبكَ واللهِ حتى التماهي
وحبكَ مولايَ نصٌّ إلهي
هو الحبُ في الناسِ عزّي وجاهي
أحبُّ الحسينَ أحبُّ الحسن
٢/ببحرِكَ جودُ أولي الجود ِ قطرة
تلاقى بحبِّكَ : عقلٌ وفِطرة
وصيةُ طه : كتاب ٌ وعِترة
أحبُّ الحسينَ أحبُّ الحسن
٣/ولادةُ نورِكَ أحلى النِعَم
ولولاكَ كان الوجودُ عدَم
فأنت الكريمُ وأصلُ الكرم
أحبُّ الحسين َ أحبُّ الحسن
٤/تشعشعَ نورُكَ في يثربِ
تجسدَ فيكَ بهاءُ النبي
أيا دينَ حبي ويا مذهبي
أحبُّ الحسينَ أحبُّ الحسن
٥/تمسَّكْ بفخرٍ "بحَبلِ الموده"
ووالِ إمامَ الوجودِ وجَدَّه
تمنى سليمانُ لو كان عبدَه
أحبُّ الحسينَ أحبُّ الحسن
٦/حزينٌ وفي القلبِ أحملُ جرحا
مع الفرحةِ اليومَ أعقدُ صُلحا
فأهلاً بحَفلِ السرورِ ومرحى
أحبُّ الحسين َ أحبُّ الحسن
٧/تبارك ربّي بما قد خَلَق
فمن قالَ: "أحمدُ هذا "صَدَق
فعطرُ النبوة ِ منهُ عَبَق
أحبُّ الحسينَ أحبُّ الحسن
٨/ أبي ٌّ كَميّ ٌ شجاعٌ هُمام
إمامُ الحسينِ عليهِ السلام
وفي الحربِ والصُلحِ أنت الإمام
أحبُّ الحسينَ أحبُّ الحسن
٩/ نقيٌّ تقيٌّ حليمٌ عظيم
وبالمؤمنين رؤوفٌ رحيم
يناديكَ لقمانُ أنت الحكيم
أحبُّ الحسينَ أحبُّ الحسن
١٠/ وهاذي "البضاعةُ مُزجاةُ" مِنّي
ومنكَ التفضُلُ والعفو ُ عنّي
سأبقى مع العندليبِ أغنّي
أحبُّ الحسينَ أحبُّ الحسن
🌹متباركين بولادة كريم آل البيت ع
محمد طالب العاملي
🖋️📜هوسات لولادة الإمام الحسن "عليه السَّلام"
هلا براعي الكرم والدله والفنجان
هلا وكلمة هلا تحلى اعله راعي الشان
يبو چف السخي شيخ بوسط ديوان
نهني ال النبي بـ 15 رمضان
((اهلاً بنوارك يا هيبه))
زيـ✍🏻ـنب الواسطي
ــــــــــــــــــــــــــــ🎀ــــــــــــــــــــــــــــ
اليوم المجتبى شع نوره لحبابه
هله براعي الضيافه الما يسد بابه
سر من الإله ووضحت اسبابه
بوجهه حيدر ضحك ونطاكم جوابه
((بگماطه يحيي بخطاره ))
ام وليــ✍️ــد الموسوي
ــــــــــــــــــــــــــــ🎀ــــــــــــــــــــــــــــ
هـلا وكـل الهـلا بالـيكرم الخطار
الجوه ادلاله ابد مايوم تطفه النار
مـيـلاده سعـاده وفـرحـه للمختار
مـن مـهـده تلالـي وتسطع الانوار
(( وجبريل ايهزه ،،، ابجنحانه))
ام ســ✍🏻ــجاد العسكري
ــــــــــــــــــــــــــــ🎀ــــــــــــــــــــــــــــ
اليوم اهل العبا برابعها فرحانه
وتتباشر غدت وتهني مولانه
وسطع انوارها بالبيت وأركانه
نور المجتبى هاليله هل جانه
المعموره/ فرحانه ابجيته
✍️ام احمد الهاشمي
ــــــــــــــــــــــــــــ🎀ــــــــــــــــــــــــــــ
شع نور الحسن هاليوم بالدار
وفرحة فاطمه وحيدر الكرار
وشوفة وجهه حلوه اتسر الانظار
واليگصدله ابد مايرد محتار
((فرحانه //الساده ابجيته))
✍️أم أحمد الساعدي
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 12/ رمضان / 1444هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
مولود للحسن ع
هالليله ميلاد الحسن هالليله
مولد كــــريم البيت خنسويله
للزهره نبارك،،، بالمحفل نشارك
مولد كريم البيت خنسويله
ـــــــــــــــــــــــــــــــ🌺🌺
نعلگ شموع وياس نعجن حنه
كل الهلا بسيد شبــــــاب الجنه
اليوم الحضرها الحفل خل يتمنى
يتحقق امراده،،، هاليوم ميلاده
مولد كريم البيت خنسويله
ـــــــــــــــــــــــــــــــــــــــــــــ🌺🌺
هنو الزجيه الـــيوم وبمـــــيلاده
اول ولد نـــور ا بيت الــــــــساده
قيمو الحفل.للزاجي كتبو انشاده
طشو ورد قداح ،،،، يااول الافراح
مولد كريم البيت خنسويله
ـــــــــــــــــــــــــــــــــــــــــــــ🌺🌺
نور ويشع وسط المهد يامحلاه
ياهلا بجيـــته ابن النبي ياحياه
رب العرش هالاسم هذا سماه
هنه النبي المختار،،،، بي اول الانوار
مولد كريم البيت خنسويله
ـــــــــــــــــــــــــــــــــــــــــــــــ🌺🌺
الكون بالمولود صـــــــــبح نور
سبحان رب الكون. اله من صور
بتعويذه عـــوذله النبي الله اكبر
يقراله الاذان،،،،،، تبارك الرحمن
مولد كريم البيت خنسويله
ــــــــــــــــــــــــــــــــــــــــــــــــ🌺🌺
بخامس عشر رمضان هل اعلينه
ياهلا بجيــــــته ابن النبي والينه
والفرح ببن النبي بيـــــــــن بينه
سوينه ماجينه،،،، للمجتبى جينه
مولد كريم البيت خنسويله
ــــــــــــــــــــــــــــــ
جينه الحفل شلنه الايادي كلنه
بجاه الحسن يتقبله عمـــــــلنه
ويوم الحشر نريده يشفع النه
يظهر ابو صالح،،،،خل ينمحي الطالح
مولد كريم البيت خنسويله
ـــــــــــــــــــــــــــــــ🌺🌺
تمت وبعون الله تعالى
بقلمي ام علي البابلي
لااجيز شرعا حذف الاسم نسالكم الدعاء
قصیدة الامام الحسن ع
ـــــــــــــــــــــــــــــــــــــــــــــــــ
عـوّذ لعیــونه باللّه ابهالجــمال أشــطالع
للگمر ناطي أستقاله و نور وجه السالطع
الحـسن ضـاوي ابحلاته اکثر أمن الواقع
حاجبه تاج اعله عیـنه مثل قوس اللامع
یا شباهت وجهه..للگمر و أحله
الگمر خل ینزل..والحسن یعله
جاذبیــة دمه..تخـطف الأنظار
کل نظر لو شافه..عالنبي صله
صلوات ربي..عله الأخذ گلبي
أحبه و عیني..الجـماله تربي
ـــــــــــــــــــــــــــــــــــــــــــــ
الگصّن الیوسف أیدیهن قلّه مـوش أهوایه
بالحــسن شــبّه جمــاله و أشــتهر بالــثایه
من حلاته الحسن رسمو صورته اعله الرایه
أهــوه بـس یشـبه جمــاله لـو دنـه لمــرایه
بالخـلگ ماصایر..واحد ایـشبها
والیـصد اعیونه..حــگه لو یفها
کل ملایک اللّه..سجدت الوجها
من حـلات العـنده..یآمـر و ینها
وسیعه أعیونه..الخلایق دونه
ابجماله الیکتل..مثل یحچونه
ــــــــــــــــــــــــــــــــــــــــــــــ
معجزة الله ابلــساته والـکرم عنـوانه
الکرم عنــده سجــیه راجـح ابمـیزانه
حاتـم ابـگبره وتـحسّر لیـش میْت آنه
یندعي ربي ارجعوني خل أطب دیوانه
للحــسن چم حاتم..گلـبه یتــمنّه
بس یطب بمضیفه..ویرتوي منه
من خصال الیکرم..فاتح امضیفه
الحسن دیــوانه...ســولــفو عنــه
کریم ابجوده...ابعطائه و زوده
غصن من حیدر..طلع چن عوده
ــــــــــــــــــــــــــــــــــــــــ
المدح لا مو سجیه و آنه أمدح صیته
الحسن میدان حربه ابسفرته لب بیته
کاتب اسم الکرم بیده ابحایط اعزوبیته
تشهد السبعه الخصاله و عن فضل قدسیته
هذه زلمة حیدر...و اکبر اولاده
الفصاحه ابدمه...و دور القیاده
مو عجیبه الدنیا..تسجد اگباله
لو مـحمد جـده...ســید الساده
مـحـمد جده...وعلي سور مجده
من الزهره اهوه..وتضل من عنده
ـــــــــــــــــــــــــــــــــــــــــ
خادم الحسین ع عبدالامیرالناصري
هلَّتْ بكَ الأنوارُ سبطاً مجتبى
أقْبَلْتَ في الشّهرِ الكريمِ تكَرُّما
وكأَنَّ كلّ الكونِ أضحى مشْرقاً
لِسرورِ قلبِ مُحمّدٍ مُتَرَنِّما
حسنٌ وفيكَ الحُسنُ صارَ مُباهلاً
صلّى عليكَ ٱللهُ زادَ وسلَّما
بابُ الإلهِ بكَ الحوائِجُ أُنْزِلَتْ
مَقضيّة،حتْماً ستَصعدُ لِلسّما
سارة اليتامى
#جمعية_إبدع
~ متباركين ~
#ميلاد_الحسن_المجتبىٰ💜
وُلِدَ النورُ #السبطُ_الأكبر ْ
وبمولِدِهِ فاحَ العنبر ْ
و #الزهرآءُ به ِ تتباهىٰ
وكذلكَ والِدُه ُ #حيدرْ
و #رسولُ_اللهِ أتىٰ فَرِحاً
وبهِ وجهُ #الهادي استبشر ْ
إذ قالَ بماذا أدعوهُ!
يا #فاطمةُ #عليٌ قررْ !
قالا ما كُنا نسبِقُكُم
فاسمُ المولودِ لكُم أجدر ْ
قال فإني أسألُ ربي
#جبريلُ أخي حتماً يظهر ْ
فأتاهُ بشوقٍ مبتسماً
#الله_ُالرحـمٰن ُ تخَـّيرْ
إسماً لوليدِكَ يا #طـه ٰ
سم ِالمولودَ لكم #شُبّرْ
فأجابَ بأني عربي ٌ
ولساني ينطق ُ بالأظهر ْ
قال َفسمِ سبطَكَ #حسناً
وَبِه ِ جناتي تتعطر ْ
يحملُ كرماً ليسَ يُجارىٰ
وسخاءً مني يتمظـهَر ْ
وجمالاً منكَ به ِشبه ٌ
فليخسأ شانِئُكَ الأبتر ْ
لشبابِ الجنة ِسيّدُهُم
طُهر ٌ من طُهر ٍ ومُطَهّر ْ
إن أقبلَ #شمسي في خجلٍ
و #البدرُ يغيب ُ إذا أدبر ُ
فعليهِ صلواتي تجري
فهوَ النسلُ لكُم و #الكوثرْ
#وتمت_15_بيتاً
#سمير_الصالحي
#البصرة_الفيحاء
#ميلاد_السبط_الأكبر ❤️
لولادة الامام الحسن المجتبى عليه السلام
هليوم احله اعيادي مولود سبط الهادي
رابع انوار العتره مهجة علي والزهره
حلوه السوالف عنه سيد شباب الجنه
أَشْرَفَ على دنيانه نور الحسن مولانه
عطر الربيع انسامه جود وكرم ايامه
بحر المكارم چفه كل الوجود ايعرفه
هيبه وجلال وحكمه نور وسلامه ونعمه
حب الحسن ياغالين أصل المعارف والدين
الشاعر حسن لعيبي الحريشاوي
لولادة سبط النبي الحسن المجتبى عليه وسلم
بالثاني من الهجره. مولد كريم العتره
مولد أمامي الثاني هليوم ياخلاني
مولد كريم العتره
بخمسطعش من رمضان تزهي جميع الاكوان
مشكور فضله الرحمان. من خلق روح الايمان
خليعرف العاداني. هليوم ياخلاني
مولد كريم العتره
من الزهره يحمل اسرار. وعطر وجمال المختار
وجود وكمال الكرار. بنوره جمع هلانوار
چن الزمان يتاني. هليوم ياخلاني
مولد كريم العتره
جو الأرض صار انسام. امفرح گلوب الأيتام
وجوه الشرع والأحكام. بوجوده تملي الايام
هذا الأمر رباني. هليوم ياخلاني
مولد كريم العتره
محله الوكت لذ وطاب. بلمة جميع الاحباب
فرحانه أم الاطياب. وحيدر علي داحي الباب
خل يدري قاصي وداني هليوم ياخلاني
مولد كريم العتره
طير الخميله صداح. والعطر بيها فواح
زينة الحياة وقداح. ماتنوصف هلافراح
بفرحه مله وجداني هليوم ياخلاني
مولد كريم العتره
ألشاعر حسن لعيبي الحريشاوي
صلوات صلوات
والحسن هل بنوره
١
هالليله نورك يالحسن رباني
نورك تشعشع نفحه من قرآني
خادم لبو محمد صبح عنواني
تحيات تحيات
يادنيتي المسروره
صلوات صلوات
والحسن هل بنوره
٢
بخمصطعش رمضان هل اهلاله
واليحضر بهذا الحفل هنياله
هالليله اصوات الفرح تتعاله
هتافات هتافات
راية علي منصوره
صلوات صلوات
والحسن هل بنوره
٣
لجلك الحسن جينه بفرح عنايه
بيوم الولاده رايه تتبع رايه
هاي الحناجر بس الك وفايه
والارواح والارواح
تبقه الك منذوره
صلوات صلوات
والحسن هل بنوره
٤
صوت الخدم بالمولد انته اتسمعه
بيوم الولاده للسماء انرفعه
عهد الوفه هالليله احنه انوقعه
علامات علامات
وسط الگلب محفوره
صلوات صلوات
والحسن هل بنوره
٥
للزهره نرسل هالخبر هالليله
هذا الحفل نحضر اله ونسعيله
حب الحسن وسط الگلوب انشيله
بالافراح بالافراح
دنيت علي معموره
صلوات صلوات
والحسن هل بنوره
٦
نختم حفلنه الليله من بارينه
بهذا الدعاء وترتفع ايدينه
ياربي عجل عجل المهدينه
سلامات سلامات
هاي الك مذخوره
صلوات صلوات
والحسن هل بنوره
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
مولد الامام الحسن المجتبى ع
استبشرت دنيانه وفاطمه فرحانه
بنور الحسن هلليله
****
گمر لو هذا الحسن شنو جابت فاطمه
نوّر الدنيه بجماله وفرحت املاك السمه
وجها ازهر / عينه تسحر/ هذا شبّر / اله مظهر
چنه حماي الحمه
علي اثمر سوره وفرحت المعموره
بنور الحسن هلليله
****
عينه بعيون النبوه هاي اول نظره اله
جده فرحان ويلولي بثغره گام ايقبله
ما يهده / حضنه مهده / باسه جده / وشمله خده
بالصلاة ايكلله
يا جمال عيونه الباري شعشع كونه
بنور الحسن هلليله
****
اكتملت الگمره بقدومه هاي اولته الكرم
عمره يوم ولن مضيفه بحور واملاك ازدحم
ابو الكلفه / روحه ترفه / واليضيفه / يبوس چفه
تلوگ اله بزغره الشيم
والضيوف اتنادي مبارك آل الهادي
بنور الحسن هلليله
****
الشاعر اياد الديراوي
هنوهه فاطم بل حسن هنوهه
____
هلا ابثاني الائمه هلا بل فرح امه
هلا ابعطره هلا ابسره هلا ابجوده اويه عزمه
هلا ابشبلك يحيدر هلا اوللدنيا نور.
هلا ابجيته هلا ابخته الكرم يمه ايتحير
___
شمس الله اوعلينه اجت وتشع علينه
تنطرنه تحضرنه عله الموعد اجينه
عله ميلاد الحبايب حفيدك يابوطالب
ضوه خده شنو الورده الحسن عجبة عجايب
___
التجيب اتضم ابنهه. اوتجي ابمولد حسنهه
شمع تشعل. تجي اتهلهل جمال الله ابحضنهه
عيونه جن محمد. وجه حيدر تجدد
الحسن عالي الحسن غالي عله الجنه تسيد
___
علي بوليده يفخر سجد لله اوتشكر
يرب دايم يرب عالم اشكثر فرحان حيدر
يوزع حلوه بيده اجاني الي اريده
عمدبيتي حمل صيتي حمل نفس العقيده
___
الحسن يلي تحبه. يحب اليمشي دربه
وسيلتنه عله حاجتنه علينه ايحاجي ربه
لذالك لاتخسره اوردت منك تقدره
الحسن نعمه الحسن رحمه الحسن والكعبه دره
___
الئ كلمن تعنه اجه المولد حسنه
وعلي موفق الك اصدق تحيات اومحنه
اكون ابجفهه فاطم تشاكفله الهضايم
علي ايحلهه معاضلهه اويرب هالفرح دايم
___
للشاعر حسين عبد الرسول الخفاجي
بمناسبة ولادة الامام الحسن المجتبى عليه وسلم
گالوا عجب مبتشر ضاحك بوجه الزمن
گلت السعادة اجت عني المواجع مشن
گالولي شنهي الجره شخبار مرن واجن
گلت السمه ارسلت للارض جنة عدن
گالولي وضح الامر وجعل اسرارك علن
گلت انولد للوصي قامع جيوش الفتن
بهليوم يحله الفرح مولد امامي الحسن
الشاعر حسن لعيبي الحريشاوي
هوسات لولادة الامام الحسن المجتبى عليه السلام
ياغصن الامامه وفرع للكوثر
عطر فَوّاح بيك العالم اتعَطَّر
من يوم الولادة الساعة المحشر
(بنورك يبن الزهره لم ارحاله وشال الليل)
★★★★★
من زود الامامه الحسن والتمكين
ومن فيض النبوة وعالم التكوين
ارتفع بيك الاسلام وزاد هيبه الدين
(الهادي أموجب حبك. مثل الخالق بالتنزيل)
★★★★★
آيه اثلاثه وثلاثين أنته ابسورة الاحزاب
تشهد آية التطهير انته للنعيم أسباب
يرابع نور للعتره. وللجنه. وسيله أوباب
(طبعك جود وغيره وعلمك جوهر للاحكام )
الشاعر حسن لعيبي الحريشاوي
لولادة الامام الحسن المجتبى عليه السلام
مسچ مولاي لوعنبر
بنور الگمر لوأَنْوَّر
بجمال الكون لو أزهر
ذهب ياقوت لوجوهر
لساني بوصفك اتحَيَّر
سحر لونور رباني
ينور النبي العدناني
أمام تنصبت ثاني
حبك ملك وجداني
بوصفك حاير لساني
الكون بمولدك زاهر
يسر الروح والناظر
الحسن أصلك نسب طاهر
بوصفك حاير الشاعر
لساني بالوصف حاير
اليتامه تنعم ابعطفك
ويناغي الكرم لطفك
غيمه على الخلگ چفك
المكارم سيدي تعرفك
لساني حاير بوصفك
الشاعر حسن لعيبي الحريشاوي