3570
خدمة الزهراء ع والحسين ع لموالد الآل الأطهار والمناسبات الأخرى
هوسات بمناسبة ولادة الامام الحسن المجتبى عليه السلام
كل الكواكب خجل گابلن نوره وطفن
يانور هذا السطع بالحيرة يتناشدن
زال العجب والخجل بلقصه لمن درن
من نور طه النبي نور الامام الحسن
(الشمس بطلعة نورك صارت محجوبه)
★★★★★★★
يانور من العرش فوگ الأرض ساطع
وبدور گبلك فخر صرت إلهم الرابع
أوياهم صرت للخلگ يوم الحشر شافع
حامد الباري شكثر ولهيبته خاشع
(الجود امگيد بأسمك وانته الحطله الساس)
★★★★★★
اهني البشر دانيها على قاصيها
وخصَّن امة المختار اهنيها
الجود نولد والغيره ومعانيها
ومغيث ايتام من العوز حاميها
(العوز الشاف ارچابك لم ارچابه وشال)
الشاعر حسن لعيبي الحريشاوي
لولادة الامام الحسن المجتبى عليه السلام
ثاني امام
بدر التمام
خير وسلام ميلاد ميلاد الحسن
★★★★★
بمولد امامي الثاني هنيت كل خلاني
وكل ربعي وجيراني وكلمن أجه وهناني
هلدنيا عيد
بثوب الجديد
ويوم السعيد ميلاد ميلاد الحسن
★★★★★
من نور طه اتصوَّر ومن فاطمة ومن حيدر
الكون بجماله اتحير وشكل الزمان اتغير
سبط الرسول
روح البتول
عنه شگول ميلاد ميلاد الحسن
★★★★★
جده الرسول الطاهر ساجد الربه وشاكر
بمول النور الزاهر الشوفته اتسر الخاطر
نور وجمال
وعصمه وكمال
واجمل مثال ميلاد ميلاد الحسن
★★★★★
مولد حبيب الزهره رابع انوار العتره
قداح يزهي بعطره طيبه بضواه مزدهره
طاهر كريم
عالم حكيم
خير ونعيم ميلاد ميلاد الحسن
★★★★★
نَوَّر الكون وازهر المحفل بأسمه اتنور
نفحة مسچ لوعنبر البيه العطر يتعطر
صار الوجود
جود على جود
وعطر الورود ميلاد ميلاد الحسن
الشاعر حسن لعيبي الحريشاوي
قصيدة مولد الامام الحسن المجتبى عليه السلام
بالكرم صيته عله ..
يا هله ومية هله
ضوه دنيانه .. الحسن مولانه
......................................
شعت انوارك يبن خير البريه
المله فرحانه ألك هاي المسيه
تهني حيدر علي والزهره الزجيه
هله بميلادك يبو النفس السخيه
ما ترد سائل ابد ..
كلمن لبابك گصد
باقي عنوانه .. الحسن مولانه
............................................. 1
ازهرت كل الورود وفاحت عطور
بمولدك يالحسن نعلگ شمعه وبخور
يسطع الليله جبينك للسمه النور
كل محب گلبه ألك يالغالي مسرور
بالمسره كل محب ..
ألك فرحان الگلب
كلهه ولهانه .. الحسن مولانه
..................... ....... ........... ......... 2
انولد بدرك يالحسن ضواهه الاكوان
وازهرت عالدنيه انوارك بالاحسان
كل موالي گام ينشد اعذب الحان
ياعلي مبارك يصيح وگلبه ولهان
انت يااشرف نسب ..
بالگلب حبه انكتب
يسري بدمانه .. الحسن مولانه
............ ....... ...... ...... ........ ... 3
عمت الفرحه ومسره يبن الاطياب
حين وجهك طر وجوده بين الاحباب
الزهره فرحت والنبي وياهه ابوتراب
ابتشرو بأول سبط خله الحزن غاب
لعلي نبعث والبتول ..
بالتهاني للرسول
رحمه ودانه .. الحسن مولانه
........ ...... ...... ....... ....... ....... .... 4
الليله نشرو الزينه علنوهه السعاده
صيحو يامية هلا بهاي الولاده
الحسن والينه انولد اكرم الساده
بالمجد تايخه يشهد والاراده
بالفخر يشهد اله ..
نال اعظم منزله
صحنه رجوانه .. الحسن مولانه
................. ...... ...... ..... .......... 5
خادمكم مالك السعيدي
ابوذيات وهوسات
#مولود_الحسن_المجتبى_ع
يهلهه
اجه ابنوره يزيح الكل يهلهه
الحسن مولود لايتامه يهلهه
كريم ودمعته اعليهم يهلهه
انولد يمسح دمعهم كل مسيه
.........
يرا الما
تحت جفه الكرم يجري يرا الما
وكبل مايكَصد السائل يرا الما
جره ابمولوده ماكَبله يرا الما
النبي وحيدر علي حظرو سويه
..........
هوسات
الهوسه اعله الحسن جن هوسه عالعباس
حماسيه واشوفن بيهه رفعة راس
كرم عنده ابقدر ماسيفه ماينقاس
ها..
واثنين ايعلن من زوده
......
اذا عن الحسن نحجي
نحط عالجلمه كون اوزان
وبالرباط كون اجتاف
توكَع ساعة الميدان
غالي وصيته يملي الكون
واصبح للكرم عنوان
ها..
واجفوف العوز املاويهه
......
شايل خبزه للجوعان مره ابليل من مرهم
سمع ينشتم حيدر جان بس الحسن ماغثهم
ابكثر مايشتمونه الحيد هوه ابخبزته اشبهم
ها...
والخبزه اتسولف تاريخه
...
لو بيده الحسن ينولد اول يوم
بس حكمة الباري ابنص حياة الصوم
كفتين الشهر وانولد زاح اهموم
ها.. ميزان اتوسط رمضانه
الشاعر
ياسر العارضي
#قصائد_منبريه
#ولادة_الامام_الحسن_ع
اشرقت شمس الحسن فرحو ياشيعه
للأمم رابع وطن واجب انطيعه
تنجلي الاحزان
اخمسطعش رمضان
هذا مولود الحسن فرحو ياشيعه
...............................
هذا الفلا مثله انوجد عالكره الارضيه
سيد شباب وللبشر انفاسه قدسيه
بمحبته تنزاح المحن والحاجه مكَظيه
انواره تسطع بالارض وتشع سماويه
بكل فرح نستقبله هذا ابن حيدر
ياهله وكل الهله والاسم شبر
خبزة الجوعان
اخمسطعش رمضان
هذا مولود الحسن فرحو ياشيعه
...............................
يرسم سعاده بكل وجه والبسمه عالشفه
بميزانه عادل وانولد متساوي بالكفه
جن سعفه عالفقره الكَلب هيج واشد رجفه
بجفوفه يشبع امته وماتبقه اي كلفه
قالع ابواب الفقر خيبر ابزوده
ترضه ناسه ابهالامر ويرضي معبوده
وللكرام عنوان
اخمسطعش رمضان
هذا مولود الحسن فرحو ياشيعه
...............................
يستقبلك جبريل اجه والحيدره ايبارك
وكل الملائك بالحفل والمولد اتشارك
مو اي صبح عيد انحسب ياسيدي اصباحك
تشفي الجرح بلسم لان ياسيدي افراحك
فرحتك تشفي الجرح ياابو محمد
تجي بلسم مو ملح والكرم يشهد
فرحة الانسان
اخمسطعش رمضان
هذا مولود الحسن فرحو ياشيعه
...............................
نوره سطع وابوجنته تزهي ابتساماته
ومن ساعته حين الاجه ظهرت كراماته
بسم الله خالق امته يبتدي كلماته
وبشفافه عذبه اترنمت نبره ابتلاواته
حافظ الذكر الحكيم من زغر سنه
وهوه قران الكريم ونستمع منه
ذكره عالي الشان
اخمسطعش رمضان
هذا مولود الحسن فرحو ياشيعه
...............................
قبل الفطر جوده انولد للفقره البشاره
هذا الكريم وهالخبر من اجمل اخباره
مولود من سر فاطمه البيهه اعظم أسراره
ومفتوح بابه من اجه واتكَصده خطاره
بابه واسع وانعرف باب كل حاجه
كلهه شيعة حيدره والله تحتاجه
رحمة الرحمن
اخمسطعش رمضان
هذا مولود الحسن فرحو ياشيعه
ياسر العارضي
أزهيري
هـاك اخذ هـذا الحچي الكل البشر ٠٠ وصله
گـلـلـهـم الـمـجـتبـى نـبـع الـكــرم ٠٠ وصـلـه
وحبل الوصل بالحسن بالـك تـهـد ٠٠ وصلـه
🌷----------------------*----------------🌷
وارث علي المرتضى ونفس الصفه ٠٠ يَـدّه
ما خـلـه سـائـل أبـد بـمـاي الـوجـه ٠٠ يَـدّه
تحله الـفضـائـل ألـه الـطـه الـنـبـي ٠٠ يـَدّه
ابروحي احس الحسن ومن الگلب وصِله
*------------------------*--------------------*
✍خادم الأمام الحسن ع
الشاعر رعد الجريخي
🌹مقطوعه🌹
بحق الأمام الحسن ع
مـولاي بــس بالـكـرم الـوادم يـعـرفـونـك
صـح هـذا ماينكـر أمـترّسـهَ اصـحـونـك
واعـرف مـعـانـي الـكرم تحله ويصوفنـك
بس ليش بالـمرجلـه الـكـتـاب يـنـسـونـك
يمخورس اهل الـجمـل شو مايـذكـرونـك
يالبيك شـمـرت عـلـي لوجدحت اعيونـك
سـبـحـان من صـوورك مـتـفــرد ابـلـونـك
اهـواي كـتـبـوا شـعـر عجزوا يـفِـهـمـونـك
مادروا نـفـسـك عـلـي وكـرار مـضـمـونـك
ماتـنـفـصـل عـن عـلـي ورادوا يـفـصلونـك
*------------------------*---------------------*
خادم الأمام الحسن ع
✍الشاعر رعد الجريخي
ليلة فرح ليلتنه
بسم الحسن فرحتنه
🛑🛑🛑🛑🛑
اول كمر شع بدره
لحيدر علي والزهره
بميلاده نهني العتره
ونتعايد ونتهنه
🛑🛑🛑🛑🛑
بيهم اتبشر رمضان
وجه الحسن والقران
هالرحمه من الرحمن
تدوم النعم نتمنه
🛑🛑🛑🛑🛑
كلنه بمضيفه الليله
شموع الفرح نهديله
نبض القلب ترتيله
بسم الحسن هيبتنه
🛑🛑🛑🛑🛑
طير الفرح جنحانه
رفهن وصاح ويانه
ويغرد بألحانه
ويطوف بولايتنه
🛑🛑🛑🛑🛑
يتفايضن من جفه
الغيره الشرف والعفه
نحتار شنهي نوصفه
سيد شباب الجنة
🛑🛑🛑🛑🛑
علي حسين المنصوري
▪️نشر جديد
في ميلاد الإمام الحسن المجتبى (عليه السلام)
إنْ تُنْكِروني فأنا "عبْدُ الحَسَنْ"
حسبي بهذا شرفاً طولَ الزَّمَنْ
أجْلى تجَلِّي الخيرِ إنْ سَجَّلَني
خادمَهُ ، فمَنْ أنا يا ناسُ مَنْ ؟؟
تاللهِ لوْ عيَّنَنِي "بوَّابَهُ"
أشعرُ أنِّي مَلِكٌ بينَ الجِنَنْ
فهوَ الذي صارتْ ثرى أقْدامِهِ
للعالمِ العُلْويِّ حجَّاً ووطنْ
كأنَّهُ الجودُ بلِ الجودُ جرى
منْ بعضِهِ فلا تقولُنَّ كَأَنْ
أما استحى مَنْ قالَ أينَ "حاتِمٌ"
منْ بذْلِهِ ؟! وأينَ بالحِلْمِ "مَعَنْ" ؟!
هذا ابنُ طٰهَ لا يُقاسُ بالورى
فيهِ تجَلَّى اللهُ فيَّاضُ المِنَنْ
ما احْتَجْتُ إلاَّ كسرَةً مِنْ خبرِهِ
ومنْ سنا عينيْهِ كأساً مِنْ لَبَنْ
لكيْ أجيءَ في الحسابِ صادحاً :
إنْ تُنْكِروني فأنا "عبدُ الحسَنْ"..
الشاعر علي عسيلي العاملي
#الإمام_المجتبى
#اللهم_عجل_لوليك_الفرج
نرفع تهانينه """"""""لبيت النبي جينه
:::::::::::::::::::::::::::::::::::::::::::::::
هالليله الموالي.....يهني وصوته عالي
بالحسن طه جده....بغالي يهني غالي
مبارك يامحمد ....بيت الزهره ورد
صار ليشبهك.......وطير الجنه غرد
بينه الفرح بينه""""" لبيت النبي جينه
:::::::::::::::::::::::::::::::::::::::::::::::
ياحيدر مُبارك ........ضوه بنوره دارك
حگك بسته جفه.......يطفي بزوده نارك
مثلك الله راده ......... ساده مخلفه ساده
جايع مايخلي...............كلها تظوگه زاده
مبارك يوالينه..........لبيت النبي جينه
:::::::::::::::::::::::::::::::::::::::::::::
والزهره بفرحهه..........نشاركهه ونمرهه
نهنيها بحسنها...........رياحنة عمرهه
صار الجيته رحمه......شمه الهادي شمه
وهاشم هل بدرها........جنه الهادي دمه
هادينه هادينه........لبيت النبي جينه
::::::::::::::::::::::::::::::::::::::::::::::::::
شيعة ونفخر احنه......وگالو همه منه
من طينة خلقهم......بارينه نشئنه
عل فطرة ولاهم......ونعادي عداهم
من الله المحبه......الهم مو سواهم
حبهم شرط دينه...لبيت النبي جينه
:::::::::::::::::::::::::::::::::::::
خادمكم قاسم المالكي
ختام قراءة المولد المبارك
عالبركه المولود عالبركه المولود
&&&&&
(عسى علينهِ ايعود)
بان الحسن راعي الجود
بيْه حتماً الخير ايزود
بالفرحه شِبُّوا للعود
&&&&&
إبراهيم الدريس
في ذكرى ميلاد الإمام المجتبى (ع)
يا كريم أهل الكرم نورك سباني
بسمك ايرتِّل يبو امحمد زماني
&&&&&
يا أبو امحمد .. گلبي لك مرقد
و ابعيوني صوره لك ما يمسحوها
دربك الجنه .. مبتعد عنه
او روحي صعبه عن محبتك يبعدوها
أغله كل غالي .. عايش ابَّالي
او دنيتي بسمك ترتِّل يسمعوها
محَّد ايوصفك .. كل وصف خلفك
و الفضايل بيك بس ايعرِّفوها
ياللي روحك تطفح ابأجمل معاني
بسمك ايرتِّل يبو امحمد زماني
&&&&&
بلسم اجروحي .. و أغله من روحي
عيني كل يوم اويه أوصافك تساهر
أرسل الگلبك .. سيدي ابحبك
أحله سالوفةْ عشگ و أحله خواطر
گلبي و احساسه .. عشگي و أنفاسه
هالمسيه يالحسن يمك يسافر
ابزغري حبّيتك .. روحي سمّيتك
و العيونك أهدي آنه أجمل مشاعر
يالحسن حبك ملك گلبي او كياني
بسمك ايرتِّل يبو امحمد زماني
&&&&&
عايش ابخيرك .. او ما أحب غيرك
آنه وي هاي السمه اسجدنه الحضرتك
احساسي و اشعوري .. احروفي و اسطوري
امن الأزل مجنونه يالغالي ابمحبتك
صوره قُدسيه .. تجري حِنِّيه
يا حبيب الروح بأشعاري كتبتك
أغله من دمي .. تكشف الهمي
او قبلةْ أيامي صفت هايه خدمتك
امن الأزل خيرك حبيبي امغرِّگاني
بسمك ايرتِّل يبو امحمد زماني
&&&&&
يا كرم مثلك .. لازم الحبلك
إلحقيقه إنته بس و الكل خُرافه
وجهك او حسنه .. الشافه صد جنه
او طولك آيه اعله الزمن تنضح ترافه
أغله شِي عندي .. إنته و المهدي
او عني متبعدك يغالي أي مسافه
يا بحر خيره .. غطَّه كل ديره
هذا دلالي ابعشگ عاش ابضفافه
مُصحف انته و الوجه سبع المثاني
بسمك ايرتِّل يبو امحمد زماني
&&&&&
إبراهيم الدريس
في ذكرى ميلاد الإمام المجتبى (ع)
گرَّت اعيون النبي
بالوليد الطالبي
يا كريم العتره
ردنه منك نظره
& & & & &
الليله انوِلد نور .. سبع المثاني
والـ جَيْته مسرور .. صاير زماني
يا شيعه للحيد .. قَدْمُوا التهاني
و الـ زهرةِ الكون .. روح الأماني
امبارك اتنادي السِّمه
بالحسن يا فاطمه
سِمه اتصيح او غَبْره
ردنه منك نظره
& & & & &
وِجُّوها لِشْموع .. او هم وِجُّوا عنبر
يا شيعه هاليوم .. عيد او تقرَّر
منِّ الحَسَن بان .. و الظلمه نوَّر
ما شالِتَه الكاع .. امْن الفرحه حيدر
هَنُّوا هالليله علي
و الفرح خل يعتلي
لك عِلَگنه العَشْره
ردنه منك نظره
& & & & &
طِشُوا الرياحين .. يوم الولاده
او ترسوها لِكلوب .. فرحه او سعاده
حُب الحَسَن دين .. عندي او عباده
و الـ عندهِ امراد .. يكضي مُراده
ما يخيِّب كل فَرِد
او بابه حاشه ما يِسِد
ياللي مَيْجِف بحره
ردنه منك نظره
& & & & &
بذْن الحَسَن حين .. أذّن نبينه
صلت بلفراح .. أرض المدينه
من هول ليَّام .. حُبه سفينه
او مَحْفَلْنه لُولاه .. جا ما إجينه
بـ اسمه تتشافه العِلل
او خِدْمِته خير العمل
اعليك أمشِّي الزهره
ردنه منك نظره
& & & & &
يوسف إذا جان .. داخ اعله طيفه
هم ماتت الحور .. و النظره سيفه
نُقْطه المُحيطات .. بيده الشريفه
او ضَيَّفْها لِجْنان .. هوه ابمَضِيفه
حاتم الطائي قسَم
جودي يمه مو كرم
جاد حته ابـ حضره
ردنه منك نظره
& & & & &
يتباهى رُمْضان .. ابشبل الزجيه
او عيد الفطر غار .. من هالمسيه
متعوفه هيهات .. هالرافضيه
و اتكله هالروح .. لك بس هديه
بسمك ايدگ الگلب
ثاني غيرك ما نِحِب
كلنه يمك فُقْره
ردنه منك نظره
& & & & &
خادم المجتبى (ع) : إبراهيم الدريس
في ذكرى ميلاد الإمام المجتبى (ع)
مولاي مولاي هلا ابجيتك هلا
مولاي مولاي هلا ابجيتك هلا
&&&&&
كل محب صاح بالأفراح هلا بالغالي
ابجيتك اليوم يجيدوم فرح دلالي
وسط العيون يلاگون هواك ايلالي
تبگه بالروح ضوه ايلوح يساكن بالي
من اصياري شلتك رايه
يا نور يا نور او گلبي ايغازله
مولاي مولاي هلا ابجيتك هلا
&&&&&
حارت الناس ينوماس ابمعاني اچفوفك
يا أبو الجود يمريود أحب اطيوفك
إنته عيناي و الي ماي دليلي ايطوفك
ردَّد الصوت إلى الموت أبد ما أعوفك
للموت انته اتظل ابروحي
كل ضيم كل ضيم منو غيرك جِله
مولاي مولاي هلا ابجيتك هلا
&&&&&
إنته وفَّاي او روَّاي يأصفى زمزم
ابجيتك الكون و العيون صفت تتبسَّم
صلى الوجود او بالزود على اسمك سلَّم
عطرك ايفوح او للجروح هيامك بلسم
يا بلسم و ايداوي اجروحي
يا شيخ يا شيخ يطش المرجله
مولاي مولاي هلا ابجيتك هلا
&&&&&
اقبلنه خدام يضرغام عليك الزهره
خدمتك صيت و أعز بيت يباري الفطره
الما فرح بيك او يغليك خساره عمره
و اللي يهواك إذا جاك يفوز ابنظره
أحبابك فرحانه الليله
سلطان سلطان على كل الملا
مولاي مولاي هلا ابجيتك هلا
&&&&&
إنته عنوان للإحسان او للحب آيه
تبگه قرآن بالأزمان او جنه اويايه
إنته من جيت او هلّيت زِهت دنيايه
ابعيني مولاي تظل هاي خدمتك ثايه
ما عوف الخدمه للتالي
خدام خدام يبن عقد الولا
مولاي مولاي هلا ابجيتك هلا
&&&&&
يغلى معشوگ إلك شوگ يجيك حافي
إنته محبوب الگلوب او ذكرك شافي
إسمك الزين يخو احسين يطَهْر اشفافي
گلبك اهواي يمولاي حنين او دافي
تخجل الأزهار امن احساسه
أزهار أزهار تطشَّن كربله
مولاي مولاي هلا ابجيتك هلا
&&&&&
إبراهيم الدريس
في ذكرى ميلاد الإمام المجتبى (ع)
في وَجْهِكَ (الذِّكرُ) يلقى نفسَهُ ألِقاً
لا غروَ أنْ يَنظُرَ القُرآنُ قُرآنا
نَظْراتُ (حيدرةٍ) ظَلَّتْ مُجَنِّحَةً
حيناً عليكَ .. على (الزَّهراءِ) أحيانا
قُبْلاتُ (فاطمةٍ) تعويذةٌ طَبَعَتْ
على شِفاهِ الدُّنا للحُبِّ ألوانا
لو لم يحُزْ (مولِدَ الألطافِ) .. بارِؤنا
ما اختارَ من لَحَظاتِ اللُّطْفِ (رَمْضانا)
ماذا بروحِكَ أيُّ الحُسْنِ تحمله ؟!
سُبحانَ مَن وَهَبَ الآياتِ سُبحانا
إبراهيم الدريس
في ذكرى ميلاد الإمام المجتبى (ع)
مُذْ نورُهُ هَطَلا .. عقلُ الورى انذَهَلا
من حُسْنِ صُورَتِهِ .. ليلُ الهوى ثَمِلا
والبدرُ من أَلَقٍ .. في ضَوْئِهِ خَجِلا
هذا ابنُ فاطمةٍ .. أسمى العِبادِ عُلا
من سِحْرِ مُقْلَتِهِ .. قد كَحَّلَ المُقَلا
على الشِّغافِ نَدىً .. شوقاً هوىً نَزَلا
قد جاءَ من عَسَلٍ .. يُذِيقُنا العَسَلا
ذِكراهُ ما انتَصَبَت .. إلا المدى اشتَعَلا
وبانَ من شُرفَةِ الـ - .. تَّحْنانِ مُغْتَسَلا
على الظَّما نَغَماً .. يُمَطِّرُ الحُلَلا
يا مَن بقافِيَتي .. يُفَجِّرُ الأَمَلا
حرفانِ من وَلَهٍ .. مولايَ قد سَأَلا
أَلَم تُجَنُّ بِهِ ؟! .. قالت دِمايَ : (بَلَى)
&&&&&
خادم المجتبى (ع) : إبراهيم الدريس
ابوذيات لولادة الامام
الحسن المجتبى عليه السلام
أدفن بالحزن ياگلب ودرس
وزيد بمولده الافراح ودرس
الحسن مخلوق قبل ايوب ودرس
وگبل آدم انواره على البرية
★★★★★
ظفايرهن انجوم اسماي حَلَّن
وعقد بجروح گلبي اليوم حَلَّن
نسايم فرح بالدلال حَلَّن
بميلاد الحسن روح الزچيه
الشاعر حسن لعيبي الحريشاوي
ابوذيات بمناسبة ولادة الامام الحسن المجتبى عليه السلام
مرينه على الذكره وفتنه
اخبار الفرح مرتنه وفتنه
امام المنع كل بدعه وفتنه
امامي المجتبى حامي الرعيه
★★★★★★★
مناقب للحسن مصعوب عدها
ونفسيته النبي للشدد عدها
مثل المجتبى ياگوم عدها
حيدر والده وامه الزچيه
الشاعر حسن لعيبي الحريشاوي
مولد الامام الحسن المجتبى عليه السلام
ياسبط الرسول .. فرحانه البتول
ياامامي يالحسن ياامامي
ياامامي يالحسن ياامامي
..........................
الكون هالليله زهت انواره
انجومه ضوت بالسمه وي اقماره
نزلت الچ يافاطمه البشاره
وحيدر علي الليله تسر انظاره
يهتف هالحضور .. بالفرحه وسرور
ياامامي يالحسن ياامامي
ياامامي يالحسن ياامامي
...............................................1
عمت سعاده والفرح بأعياده
مبتشره املاك السمه بميلاده
صوت المحب يصدح اله بأنشاده
هذا الحسن يحچي البشر بامجاده
يا سر الوجود .. متحدك حدود
ياامامي يالحسن ياامامي
ياامامي يالحسن ياامامي
..........................................2
بيك الكرم يبن النبي عنوانه
ماقصرت چفك ابد ويانه
مايوصفك كل شاعر بوجدانه
يالحسن انت للفخر سلطانه
سلطان القلوب .. وبحبك نذوب
ياامامي يالحسن ياامامي
ياامامي يالحسن ياامامي
.........................................3
شيعتك يبن الطاهره مسروره
ميلادك على الدنيا يسطع نوره
واعله الارض هبت نسيم عطوره
وحروف اسمك بالگلب محفوره
يبن الاتقياء .. ياباب السخاء
ياامامي يالحسن ياامامي
ياامامي يالحسن ياامامي
...................... ...............4
خادمكم مالك السعيدي
هوسات مولد الامام الحسن المجتبى عليه السلام
يعنوان الكرم والجود والاحسان
يعجز يوصفك مولاي كل انسان
ما رد بعسر واليگصدك حيران
يرجع لهله ابچف مليانه
.....................................
ياسبط النبي يامهجة الكرار
يااول بدر للزهره لمن صار
وجهك يالحسن ضواهه كل الدار
من نورك ضوت دنيانه
..............................
خادمكم مالك السعيدي
#قصائد_منبريه
#ولادة_الامام_الحسن_ع
الفرحه محلاهه
ابميلاد الحسن
..........
محلاهه فرحتنه اله ومستبشر الكون
ويانه وايزف بشرته ضحكه اعله العيون
هذا الكريم وللكرم ميلاده مرهون
سُفره اله كل الارض وجفوفه ماعون
شبعانه خلاهه
صارلهه وطن
الفرحه محلاهه
ابميلاد الحسن
..........
مو بالفِكِر يجري الكرم حته ابدمائه
من انولد لجله الخبز اعلن ولائه
تزهي الارض بيهه اصبحت شعشع ضيائه
منه الشمس تاخذ ضوه تضوي بسمائه
والدنيه ضواهه
للنور انضمن
الفرحه محلاهه
ابميلاد الحسن
..........
واسع مظيفه اشما كَعد برحابه خطار
لا يفرغ ولا ينملي يم ربنه الاقدار
موسبعه جيران الحسن من نحجي نحتار
كل الكواكب والخلك عنده اضن جار
بعيونه حطاهه
وابوسط الجفن
الفرحه محلاهه
ابميلاد الحسن
..........
اول سبط واعظم رجل ماينسه ناسه
وانولد من اجل الشرف مو للسياسه
ماقاسهه اله ابصلح واضح قياسه
عنده الحصيره بكل زمن كرسي الرئاسه
والفتنه طفاهه
وانزاح الوثن
الفرحه محلاهه
ابميلاد الحسن
..........
هذا الحسن مو اي شخص عنده كرامه
اليتنخه باسمه بكل زمن نال اهتمامه
يكَضيهه حاجاته وحك يوم القيامه
منتصف رمضانه صبح عيد السلامه
بهالفرحه نتباهه
احنه بكل زمن
الفرحه محلاهه
ابميلاد الحسن
الشاعر ياسر العارضي
قصیده لي ولادت الامام الحسن علیه السلام
مولانه مولانه هذاالفرح جانه
مولدکریم البیت والزهرافرحانه
🌹🌹🌹🌹🌹🌹🌹
فرحانه الزهره
ابمولد العتره
یامحلاهل بشره
وتنورت الاسره طیرالسعدجانه
🌹🌹🌹🌹🌹🌹
کل الهله بالجاي
یاسیدي ومولاي
غنه الخلک ویاي
نورت تره دنیاي بالفرحه ملیانه
🌹🌹🌹🌹🌹🌹
مبروڬ یاحیدر
والمصطفی وشبر
بالفرحه من عبر
یخسه الي کال ابتر نسل النبي جانه
🌹🌹🌹🌹🌹🌹🌹
نسل النبي الاهادي
بیه یفرح افادي
عدنه السعدبادي
والهنه غرادي یامحله دنیانه
🌹🌹🌹🌹🌹🌹
آیاعضیدحسین
محروس من العین
تاج الفخریازین
نوریت کل السنین غنه الهنه اویانه
🌹🌹🌹🌹🌹🌹
✍#تمت بعون الله بقلم ام یاس الساعدیه
ابوذيات مولد الامام الحسن المجتبى (عليه السلام
💛💛
روحي تطيب من ذكرك ولمساك
ودرب غيرك ولا امشيه ولامساك
الليله ويه الشعر انه والمساك
غرامي بمولدك يبن الزجيه
💛💛
شيرده قطار العمر لوفات
وشيكضه الدهر بالگلب لوفات
العمر لاينكضي لوفات لوفات
عدل امشي بطريق ابن الزجيه
💛💛
تعال الگلبي جيب افراح ودنه
وياطير الشوك يم الحسن ودنه
يمه هناك يكضي العمر ودنه
نظل خدام اله حد المنيه
💛💛
عشگنه المايرد محتاج صحنه
وماغطتها ذره تراب صحنه
نعم نعم للاصلاح صحنه
ورفضنه الذله والعشگو أميه
💛💛
علي حسين المنصوري
#مولد_الامام_الحسن_المجتبى_ع_
.
.
الليله الگمر لمن سمع جيت
طَش النجم عالدنيه چكليت
علي بيك اتعنّه
جنّه شايل جنّه
يلحسن ضوّيت
***
انته ذاك المنطي عُمره للهلا احچايه
الغيم من يصلي ينزل اله امصلايه
بكثر ما چنت بجمالك للحِسِن آيه
علي من يكشخ اگباله ايحطك امرايه
يا جمال احساسك .. والمَلَك حراسك
اشمحله عطرك وانته .. علي عالخد باسك
***
عنك ايسألون جدك گالوا اتحبه ؟
وگَبل لا يحچي النبي حط ايده يم گلبه
وحيدره لن چنت أنته بظهره وبصُلبه
انفطر من الشوگ الكم حايط الكعبه
الابو والجَد والعَم .. يهوه اسمهم زمزم
والوحي اشگد حَبّك .. چي خذاك اعله الدم
***
الليله بسمك يا حبيبي الدنيه مبتشره
مولدك فرحة الشيعة وفرحة الزهره
المثل وجهك يشع خير وبالجمال ادره
اشكم فرح مو كم سنه من ينحسب عمره
صورة من رسمولك .. چم شمس خلّولك
وظلمة چنهه الصورة .. شگد ضوه احتاجولك
***
انته اول طفل جنحان الوحي مهده
اينام وامه من حلاته غطِته ابورده
توّه يگعد چان والله اميّزه بوحده
ما رضه الا بوسط قرآنه هُدى ايگعده
بخصله من خصلاتك .. منو يشبه ذاتك
ويّه قرآن الله .. نعدل احچاياتك
***
هلا يل الگمر يمّه انشاف چن شامه
وبكل معارك علي نلگه بصمة ابهامه
يابو وجه اللي يشوفه يوصفه باحلامه
جنّة الله يگول هاي ولابسه اعمامه
يا كريم الساده .. گلبي حبك راده
انته عيد الشيعه .. النفرح بميلاده
***
الشاعر سعد هادي الشمري
(قصيده لمولد كريم اهل البيت)
اول اســباط الـرساله
هاليـوم شعشع جماله
باوصافه يشبه محمد
صلــــــــــو عليه وآله
ـــــــــــــــــــــــــــــــــ
الساده هالليله فــرحهم ٠٠ للحــسن يوم انولد
غصن من شجرة محمد ٠٠ عوده خضّر ونوجد
الليله فـــرحانه الزچيه ٠٠ غردي يطيور السعد
وحيدره كحـّل عيونه ٠٠ بشوفته وگلبه انسعد
بيت الوحــي والنبوه
بنور ابو محمد تضوه
والعـــالم بجيته عيّد
حتى سـهوله وجباله
ـــــــــــــــــــــــــــــــــ
شهر رمضـان المبارك ٠٠ اله شأن ومنزله
اتشرف وقدسيته زادت ٠٠ بالحسن واسمه اعتله
صح كريم وشهر طاعه ٠٠ وواضحه هالمسأله
من الحسن ماخذ عطائه ٠٠ وابو محمد كمله
الدين اصـــله الامامه
وبيهــا لگينه السلامه
ومن الله حبهم مؤكد
والي بغــضهم ضلاله
ـــــــــــــــــــــــــــــــــ
الحسن ماردله واحـد ٠٠ والگصد داره اطمأن
وقبل لا يسأل السائل ٠٠ گول حاجاته انگضن
يترس چفوفه عطاء ٠٠ ويخليهن يمتلن
الف حاتم مايساوي ٠٠ گطره من جود الحسن
الكــرم عنـده سجيه
من الله هــاي الهديه
واليابـس بچــفه ورّد
معجـــزة رب الجلاله
ـــــــــــــــــــــــــــــــــ
بالله ياساعه ونشاهد ٠٠ گبه تلمع من ذهب
علم عالگبه یرفرف ٠٠ وعالعلم اسمه انكتب
بحضرته انصلي جماعه ٠٠ وكل عباده تستحب
وبالصحن نحيي المجالس ٠٠ وهالأمر يومه گرب
وتگعد الشيعه بضريحه
وماتصـح الا الصحيحه
وليلة الجـــــمعه ايتردد
صوت الدعــاء وايتعاله
ـــــــــــــــــــــــــــــــــ
المهدي ياساعه نشوفه ٠٠ يظهر ويمته الفرج
ويمته نسمع خبر عاجل ٠٠ نور ابو صالح وهج
ربي عجل في ظهوره ٠٠ حجّتك وابن الحجج
يجبر بجيته الخواطر ٠٠ وتبتشر ريت المهج
والشيعي يدعو بشعوره
ياربي عجّـــــــل ظهوره
القائم المهـــــدي المؤيد
ايغطينه كلـــــنه بظلاله
ـــــــــــــــــــــــــــــــــ
حيدر بشار الدراجي
مولد الامام الحسن ع
يا شمس الامل تضوي بمدار الكــون
يسطـع منهـا نور العصمه والحكمـــه
محبوبي الأسولف عنه في كل حين
مــولاي الحســن دوم الهــج ابأسمه
نور امحبِته يكشف ظــلام الـــروح
خـــلاق البرايــــه انزلــــه رحمـــــه
....................
عالدنيــه الفرح هل او فتــح بابــــه
وشمـــوع الولاده ضَــــوّت الفرحــه
هالليلـــه الگمر خــــل يعلــن غيابـه
مـــن هاشم فجر بان و طلع صبحه
بميلاد الحســـن فرحــانــــه احبابه
واحروف اسمه رددها المحب نغمه
...........................
يا شمس الامل تضوي بمدار الكـون
يسطـع منهـا نور العصمه والحكمــه
محبوبي الاسولف عنه في كل حين
مــولاي الحســن دوم الهــج ابأسمه
نور امحبته يكشف ظــلام الـــروح
خـــلاق البرايــــه انزلــــه رحمـــــه
............................
برمضــان الامــــل نَــــوّر ليالينــــه
لمـــن بدرك ازهـــر كامـــل ابنصفه
بميــلادك حِلـَــت بسمــك اغانينــه
بحـــروف الحســـن تترنم الشفـــه
يا فرحـــة رســـول البـاري هادينه
ويا بهجـــة ابـــوه المرتضى وامـه
.......................
يا شمس الامل تضوي بمدار الكـون
يسطـع منهـا نور العصمه والحكمــه
محبوبي الاسولف عنه في كل حين
مــولاي الحســن دوم الهــج ابأسمه
نور امحبته يكشف ظــلام الـــروح
خـــلاق البرايــــه انزلــــه رحمـــــه
.....................
يا سيــد شبــاب الدنيـــه والجنــه
عانَقنـــي الفـــرح هالليلــه يالغالي
يا نعمـــة حياتــــي وهادي انفسنه
وابظلمـــة سمائـــي نجمـك ايلالي
غيـــرك سيـــدي الدلالي ميسكنه
بقامــوس العشگ ماتوصفك كلمه
......................
يا شمس الامل تضوي بمدار الكــون
يسطـع منهـا نور العصمه والحكمـــه
محبوبي الاسولف عنه في كل حين
مــولاي الحســن دوم الهــج ابأسمه
نور امحبته يكشف ظــلام الـــروح
خـــلاق البرايــــه انزلــــه رحمـــــه
......................
يا بحــر الكــــرم غرگنـــي بفضالــه
يا بــاب الفضــل اگصدله كل شــده
يا نهـــر العطــــاء اليجــري شلالــه
ديـــوان الفضـــل والبابـــه ميسده
بحضنك احتمي من دهري واهواله
وهنيالــه الذي فـــي صدرك اتظمـه
......................
يا شمس الامل تضوي بمدار الكــون
يسطـع منهـا نور العصمه والحكمـــه
محبوبي الاسولف عنه في كل حين
مــولاي الحســن دوم الهــج ابأسمه
نور امحبته يكشف ظــلام الـــروح
خـــلاق البرايــــه انزلــــه رحمـــــه
..........................
حبـــك بالگلــــب يوميـــه يتجـــدد
ما مثلك حصل لا مو شخص عـادي
صَــدّاح الفــــرح مستبشـــر وأنشـد
ويتعاله الصدى بكل محفل ونـــادي
نبعـــث تهنئـــه للمصطفــى الأحمـد
مبــــروك ابــولادة شافـــــع الأمــــه
.........................
يا شمس الامل تضوي بمدار الكــون
يسطـع منهـا نور العصمه والحكمـــه
محبوبي الاسولف عنه في كل حين
مــولاي الحســن دوم الهــج ابأسمه
نور امحبته يكشف ظــلام الـــروح
خـــلاق البرايــــه انزلــــه رحمـــــه
كلمات عمار الراشدي
اللحن : يا غيمة عشق
الحاج : باسم الكربلائي
في ذكرى ميلاد الإمام المجتبى (ع)
صلوا صلوا .. عالجِرى اِبْشِرياني
صلوا صلوا .. عالسِكن وجداني
إلليله شع نوره
او خط بالفرح سوره
صلوا صلوا صلوا .. عالسِكن وجداني
& & & & &
نوره عالدنيه من هل تلاشى الكمر
او جَيَّةِ المجتبى أحله ما بالقدر
الـ وجهه كلمن نِظر بالجمال انسِحر
ألله راسم على عيونه أجمل صور
فدوه فدوه .. جبرائيل اينادي
فدوه فدوه .. يا جمال الهادي
بالحُب رِسم صوره
او خط بالفرح سوره
صلوا صلوا صلوا .. عالسِكن وجداني
& & & & &
فرحةِ المولد اتلالي برض او سِمه
من أجل فرحةِ ام الحسن فاطمه
بالحَسَن كل حِسِن بالخشوع ارتِمه
و اللي ميشوفه يعني ابدِليله العمه
هالله هالله .. عالحِسِن بعيونه
هالله هالله .. الدنيه بيْه مجنونه
مأسوره مأسوره
او خط بالفرح سوره
صلوا صلوا صلوا .. عالسِكن وجداني
& & & & &
حُبه من روحي أغله او عيالي او هلي
او من إسم غيره صاير دِليلي خِلي
اعليَّه يوميه خل يشتمن عاذلي
ما أعوفن علي او لا ذراري علي
جَنّه جَنّه .. حُب علي و أولاده
جَنّه جَنّه .. كلبي يهتف ناده
موسى او كِتب طوره
او خط بالفرح سوره
صلوا صلوا صلوا .. عالسِكن وجداني
& & & & &
لولا جف الحَسَن ما عرفنه الكرم
او من تجلّه على الهادي صلّه القلم
للمَجِد و الفَضِل ماكو غيره عَلَم
او بس غرام الحَسَن وَيَّه كلبي رَهَم
هُوّه هُوّه .. يبكه شاغِل بالي
هُوّه هُوّه .. إسمه صارِ (الغالي)
بيْه روحي مسروره
او خط بالفرح سوره
صلوا صلوا صلوا .. عالسِكن وجداني
& & & & &
خادم المجتبى (ع) : إبراهيم الدريس
في ذكرى ميلاد الإمام المجتبى (ع)
بـ الأفراح .. هَنُّوا الزجيه
الحسن لاح .. عالدنيه ضَيه
&&&&&
تصيح ابصوت نجمات الثريه
ألف مبروك يالزهره الزجيه
انوِلَد بدر السعد هاي المسيه
أو سَد عين الشمس يالزهره ضَيه
ابمسرات .. هالليله جينه
يبو الجود .. إلزَم إيدينه
&&&&&
أشوف الدنيه بعيوني جديده
أو كل هاي السِّمه صارت قصيده
إلي بيت ابفخر دايم أعيده
يربي اكتبني واحد من عبيده
بـ الأشواكـ .. أكتب غرامي
يظل تاج .. كلبي او إمامي
&&&&&
ظُلامه انوَصِّف ابـ يوسف جماله
إذا يوسف أخذ حِسنه او دَلاله
الحسن مَيْصِح أبد واحد مثاله
جنان الباري تنظر من خلاله
إذا غاب .. بدر الليالي
يشع نور .. سبط المعالي
&&&&&
نِزَل وحي العشكـ يوم الولاده
يبو امحمد هَلَه بالفرحه ناده
امتِلَت دنيانه بـ أنغام السعاده
او رِسَم نبض المحب آيةْ وِداده
بحر زود .. تحمل جفوفه
و الأمجاد .. صارت تطوفه
&&&&&
الحسن جنةْ عدن نزلت مضيفه
وَ أَكْلَت هيه من خُبزه او رغيفه
محيطات الكرم بيده الشريفه
او تِحِبَّه بس لِكْلوب النظيفه
الدِّواوين .. خجلانه يَمه
او زغاريد .. نِبْعَثها لـ أُمه
&&&&&
الكمر فرحان هالليله او كلامه
الحمِدْ لله يفاطم عالسلامه
وِلَدْتي يـ أم حسن هيبه او كرامه
او رِسَمْتي اعله العرش أحله ابتسامه
كرامات .. تزهي اعله مهده
وِ الأملاك .. ساحِرْها خده
&&&&&
خادم الحسن (ع) : إبراهيم الدريس
في ذكرى ميلاد الإمام المجتبى (ع)
الحسن إمامي او فازت شيعته
بالگلب مدفون او تلمع فرحته
&&&&&
جيَّةْ إمامي ذهب مع فضَّه
و اللي يزوره يمكبر حظَّه
الليله الحسن بيده يشفي المرضى
او ينثر على الناس عطفه او رحمته
&&&&&
إلدنيه عمَّتها فرحه غامره
إنولد إبن البتوله الطاهره
حبه ذخرنه ابدنيه و آخره
او تتهاوى كل رايه او تعلى رايته
&&&&&
يا ناس حاير أنا ابوصفه شگول
وجه الحسن يا خلگ وجه الرسول
اعيوني اعله حبه شهودٍ عدول
والله ليحرمني منِّ امحبِّته
&&&&&
ابميلاد أبو الجود ثمرةْ فاطمه
مبروك مبروك يا حامي الحمه
من گد سخاءه .. الگمر ضي يطعمه
و الطير إذا جاع ينطيْه يمنته
&&&&&
ابنور الحسن مبتشر حيدر علي
هوه الأمل و الوليد الأولي
ولي أخو ولي إبن خيرُ ولي
يمته ابهلاهل نطوفن جنِّته
&&&&&
إبراهيم الدريس
أبوذيات في ذكرى ميلاد المجتبى (ع)
ترى أهل البيت ما مگطوع .. مَنهم
تشوفن بس دلال او خير .. مِنهم
او لن أخدمهم آنه صرت .. مِنهم
نطوني اهواي ما مَنَّوا عليه
&&&&&
عُسري بالكريم ايصير .. يسراي
نَوْر الكون فدوه اليوم .. يسراي (يسراج)
حبك بالگلب مولاي .. يسري
او هواك ابعيني يبگه أجمل هويه
&&&&&
أهل البيت شَوْفِيهُم؟! .. شَبُرْهُم؟!
روحي ما تبعِّد عن .. شِبِرْهُم
فَرَّح فاطمه ابنوره (شُبَّرْهُم)
او سَر گلب النبي او حامي الحميه
&&&&&
غَطَّه الدنيه يالغالي .. حَسَنكم (إحسانكم)
الجمال اليوسفي ماخِذ .. حِسِنكم (جمالكم)
يزهره امبارك ابجَيَّةْ .. حَسَنكم (الحَسَن)
و ألف مبروك يا حامي الحميه
&&&&&
فقط لـ آل النبي المختار .. وِدْنه (حُبنه)
الحَسَن أكرب مِنِ الدلال .. وأَدْنه (دُنُو قُرْب)
يزاير للبقيع اوياك .. وَدْنه (اذهب بنا)
نريد الليله ينطينه هديه
&&&&&
إبراهيم الدريس
في ذكرى ميلاد الإمام المجتبى (ع)
يَمِينُكَ بحرٌ للندى ونَعِيمُ
وذِكركَ عِطرٌ للشذا ونَسيمُ
وقُرْبُكَ يا مولايَ للروحِ جَنَّةٌ
وبُعْدُكَ يا نَبْعَ السلامِ جَحِيمُ
تُقَبِّلُكَ الدُّنيا وما انفَكَّ ثَغْرُها
بأنغامِ معناكَ الجَمِيلِ تَهِيمُ
فؤادٌ إذا ما جاءَ في الحَشْرِ حاملاً
مَحَبَّتَكَ الأغلى فذاكَ سَليمُ
(كريمٌ) غدا (رَمْضانُ) يُعْرَفُ في الورى
لأنَّكَ غَيْمٌ باذِخٌ وكريمُ
&&&&&
إبراهيم الدريس
في ذكرى ميلاد كريم أهل البيت (ع)
يا بسمةَ الوحيِ يا أنشودةَ الزمنِ
مهما أتيهُ بعمري أنتَ لي وطني
هواكَ ذَوَّبَ أُمِّي واستوى لبنًا
وغذَّتِ القلبَ يا مولايَ باللبنِ
وكانَ لي والدٌ يهواكَ يا حسنٌ
وهذهِ في اعتقادي أعظمُ المِنَنِ
أُحِبُّ ذكرَكَ أهوى الحُسْنَ في (حَسَنٍ)
لذا كتبتُ اسمَكَ الغالي على كفني
وقد عشقتُكَ يا مولاي من صِغَري
لأنَّني عاشقٌ أهوى أبا حسنِ
إبراهيم الدريس