44140
📚 روايات وقصص مميزة لمقترحاتكم تواصلوا معنا 💌 @RQM_bot قنواتنا أرشيف القناة @archiveRQM مستندات رواياتpdf @storykaligi_1 روايتنا الحالية ..🍃🌸👨💻👩 #حب_أحيا_قلب_الذياب
🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 226 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍃🪸
الكل وصل المستشفى وهم تايهن ولا عارفين وش صار ، كلمة ذياب " سحاب انتحرت "
زرعت الخوف والرعب بقلوبهم رغم انهم ما شافو الدم ولا دخلو حتى جناحها لبسو عباياتهم وطلعو المستشفى ..
شيخه شافت ذياب واقف ومنتظر تقدمت له وهي تبكي خبطت صدره بقوه وهي ترجف : وش تقول انت ؟ اختك وينها ؟ بنتي سحاب وش صار فيها ؟ وش يلي انتحرت؟
ذياب مسك يداتها وشد عليهم : يمه اهدي شوي
عبدالناصر : وش صاير يا ذياب فهمني بنتي وينها وش يلي انتحرت ؟
ذياب مسح ع وجهه بضيق : كانت بالبانيو وقاطعه شريانها الحمدلله يلي لحقناها ، هي بالعمليات و ملاذ دخلت معاها صار لهم نص ساعه ولا احد طلع و طمني عنها
شيخه حست الدنيا ظلمت بعيونها حست بغمامه سوداء استوطنت عيونها تعثرت خطواتها وطلال مسكها بسرعه وجلسها ع الكرسي
نواف قرب من ذياب : انتحرت من صدق ؟ كان في دم ؟ معقوله سحاب تنتحر ؟
ذياب هز راسه بضيق : ايه سوتها لانها وصلت لهالمرحله من الاكتئاب
شيخه كانت تبكي بصوت مسموع ولا احد قدر يهديها حطت يدها ع راسها وهي تداري الصداع يلي جاها : انا من وين الاقيها بس !كل ما احد من عيالي يتحسن الثاني يصير فيه شي انا والله تعبت ما عاد اقدر اتحمل هذي اخرتها بنتي تنتحر !
عبدالناصر رغم ضيقة الصدر يلي فيه والخوف من انها تموت منتحره حط يده ع كتف شيخه وتكلم بصوت مخنوق : ادعي لها ، ادعي لها ربي يكتب لها عمر ثاني !
.
بغرفة العمليات ؛
ملاذ كانت واقفه وتناظرهم وهم يخيطو الجرح غمضت عيونها بقوه وبدت تتذكر أشياء كثيره من غرفة العمليات
مسكت راسها بقوه وكانها تحاول تثبت المشاهد فتحت عيونها بصدمه وهي تتذكر يوم شقت صدر ذياب دمعت عيونها وحست بنفس المشاعر يلي حست فيها بهذيك اليوم ، صحت من افكارها وقت ناداها الدكتور لفت عليه بخوف : نعم
الدكتور ابتسم : الحمدلله سحاب بخير و نبضها رجع طبيعي ، صح نزفت كثير لكن عوضناها الدم يلي خسرته لكن سحاب لازم تتحول ع طبيب نفسي
ملاذ ابتسمت وهزت راسها : شكرا دكتور ..
كانو كلهم قاعدين قدام باب العمليات وينتظرو ملاذ تطلع وتطمنهم
عبدالناصر رغم ثباته وقوته الا انه حاس بشي يخنقه خايف انها تموت منتحره وتخسر الدنيا والاخره..
ملاذ ضغطت الزر وطلعت من العمليات شافت كل اهل ذياب وحالتهم حاله
شيخه وقفت ومسكتها من يدينها : قولي سحاب عايشه قولي ما ماتت انتحار
ملاذ ابتسمت : سحاب بخير يا خالتي و ربي كتب لها عمر جديد بس تصحى بينقلوها لغرفة خاصه
عبدالناصر اخذ نفس عميق و ابتسم لف عنهم ومشي بسرعه رمي شماغه للأرض وهو يحس مو قادر يتنفس طلع من المستشفى وجلس ع الرصيف فتح زراير ثوبه و رفع راسه لسماء وهمس بضيقة صدر : يارب لك الحمد يلي كتبت لها عمر جديد ..
غمض عيونه وتذكرها وقت ولدت وسماها سحاب وقالهم هذي مو بس سحابتي هذي سحابة البيت ، تنهد بضيق وهو يحاول يفكر كيف يبدا يعالجها من الاكتئاب يلي هي فيه !
ملاذ ناظرتهم كلهم : سحاب لمن تصحى محد يسالها ليش انتحرت، ترا هي تمر بمرحله اكتئاب حاد وهالشي خلاها تنتحر رح احجز لها عند دكتور نفسي و راح يقابلها اول ما تصحى
شيخه هزت راسها وهي تبكي : ما عاد بتركها لحالها ابدا
نواف بقهر : كله من سلطان الحقير ..
ناظر ملاذ وهي ناظرته بنفس اللحظه انقهرت من الكلمه لكن كتمت قهرها
نواف : معليش بس يلي صار بسحاب
ملاذ قاطعته : لا المكان ولا الوقت مناسب لكن بالعلاقات الزوجيه ما نحكم من طرف واحد ، غرفة سحاب رقم 210 انتظروها هناك ..
لفت لذياب و تذكرت وقت اتصاوب تكلمت بنبره كلها حنيه وحب : ذياب ابيك شوي ، تعال معاي ..
مسكت يده ومشت ومشى معاها و دخلت احدى المكاتب الموجود سكرت الباب وضمته بقوه
ذياب تفاجأ منها و ابعدها شوي : ملاذ
ملاذ رفعت ثوبه وشافت الجرح بصدره دمعت عيونها وباسته
ذياب كان مصدوم من حركتها ومن دموعها : ملاذ وش فيك يا عمري؟
ملاذ مسحت دموعها و ابتسمت : وقت كنت بغرفه العمليات تذكرت وقت اتصاوبت
ذياب رجف اقصى عرق بقلبه همس : وش تذكرتي؟
ملاذ هزت راسها بالنفي : هذا بس يلي تذكرته ما قدرت أتذكر شي ثاني.
🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸
👆🏻
🌺🍃🌸🍃🌼
بارتات يوم السبت..
5 / 10 / 2024
#الـــــــبـــــارتــــات.. ..
من 111 وحتى 225
نتمنى لكم قراءة ممتعة ...
🌺🍃🌸🍃🌼
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 224 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
عند آلاء؛
لبست فستان ناعم وبسيط ويتناسب مع كُبر بطنها ، فتحت شعرها لكن اول ما تذكرت شعر ملاذ رفعته بسرعه ما تبيها تزعل و تتحسف انه حلقو شعرها وقت العمليه ، اخذت من عطرها و رشت لين كحت بصوت : اخ كثرتي يا آلاء
نواف دخل الغرفه و ابتسم من جمالها ميل جسمه ع الباب وتكتف وسرح فيها وبملامحها الجميله
آلاء لفت عليه و ابتسمت : نواف متى جيت ؟
نواف تقدم لها وحاوط خصرها
الاء ابتسمت بخجل وقرصت خده : اخخ كيف صاير حلو احس توني بديت اتوحم عليك
نواف رفع حاجبه : لا بدري بتولدين وتقولي تتوحمين علىِ ! انتِ عايشه بالعالم الاخر
آلاء ضحكت : مدري احسك صاير حلو ولذيذ وجميل وكشخه و رزه وكل شي
نواف ضحك بصوت وباس خدها : صدقيني ماني لذيذ كثرك .. حط يده بجيبه وطلع الجوال ورفعه لوجهها : ها شرايك ؟
الاء وهي تقرا فتحت عيونها بصدمه ناظرت نواف وهي مصدومه : من جد والا تستهبل فيني ؟
نواف : لا والله بعد ثلاث أيام بنسافر سويسرا عشان تغيرين جو وتستنشقين هواء نظيف بالجو الطلق يا سيدة قلب نواف
آلاء ضحكت وحضنته بكل قوتها ما توقعت ابدا انه بيسافرو قالتها بمزح وهي فعلا تحتاج تغير جو لكن ما توقعت انه بيصدقها ويحجز تذاكر وكل شي
نواف ابعد عنها وباس جبينها : انتِ تستاهلين كل شي ومهما اعطيتك احس قليل بحقك ، لانك سيدة قلبي.
.
ملاذ بعد ما نامت بحضن ذياب صحت و صلت العصر و لبست جلابيه ناااعمه جدا وقفت قدام المرايه وسوت لها مكياج ناعم اكتفت بمسكارا و روج وبلاشر ، رفعت يدها لشعرها و امتلت عيونها بالدموع تمنت لو بيدها عصا سحريه تخليه يطول بيوم وليله ..
ذياب كان يناظرها و انتبه لعيونها وقف وراها بالضبط وناظرها بالمرايه ابتسم ابتسامه من عذوبتها ابتسمت ملاذ ونست حزنها
باسها : كل يوم تزيدين جمال بفهم بس انتِ تاكلي من اكلنا ؟
ملاذ ضحكت ولفت عليه: اممم صدقني اكل من اكلكم بس انت عشان تحبني تشوفني حلوه
ذياب : اخخ بس ياليت حلوه وبس قسماً بالله انسى مين انا قدام عيونك احس انىِ مراهق
ملاذ رفعت يدها وهي تلعب بشعر وجهه: شوي شوي ع قلبي يا ذياب
ذياب : والله انتِ يلي ارحميني احس خلص قلب واحد ما يكفي لحبك ابي قلب ثاني عشان احبك اكثر
ملاذ : ذياب بسالك كيف شكلي وشعري كذا ؟
ذياب : انتِ يلي تزيدين الشعر جمال مو هو يلي يزيدك ، انا كل ما اشوفك أقول سبحان من خلق الجمال وجمّلك
ملاذ حطت راسها ع صدره من الخجل : خلص يكفي احس استحيت
ذياب ضحك : افا بس استحيتي اجل انتِ لو تشوفين قلبي وش بتسوين
ملاذ رفعت راسها : اول شي ببوسه
ذياب قرب خده : ابداي بخدي والله انه انا اتلهف ع البوسه منك
ملاذ ضمته بقوه و اخذت نفس عميق كل ما تحضنه تحس انها ترجع للحياه بقوه وبطاقه ايجابيه ، وهمست عند اذنه : والله انك سيد القلب و اغلى احبابه
ذياب همس لها : يشهد الله رغم ثقليّ ما ارتخيت الا معك
ملاذ أبعدت عنه : لو بيدي بخلي هاليوم كله غزل لكن لازم نسوي سكيب ونروح نشوف سحاب ونتطمن عليها
ذياب : اخ بس امري لله ، يلا مشينا ..
وقف ذياب قدام باب غرفة سحاب وناظر لملاذ : اذا قالت أي شي يزعل عشانك اخت سلطان لا تزعلين داريها
ملاذ هزت راسها وهي مبتسمه ، ذياب دق الباب ودخل وشاف سريرها فاضي دخل غرفه الملابس وشافها فاضيه ناداها ولا جاء رد هاللحظه حس قلبه رجف ما يدري ليه حس بخوف عليها
ملاذ دقت باب الحمام ونادتها ولا جاء أي رد
ذياب ناظر ملاذ وفتح الباب بقوه وشاف يلي ما تمنى انه يشوفه حس بغمامه سودا تمشي على عيونه غمض وفتح لا اكثر من مره وهو يشوف نفس المنظر ،
اخته الوحيده بوسط البانيو والمويه اختلطت بالدم وصار لونها احمر شفايفها زرقاء وعيونها مفتحه لفوق وتحتضر الموت !
ملاذ حطت يدها ع فمها من قوة الصدمه وهمست : انتحرت!
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 222 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
ذياب قرب لها وحضنها بقوه : وش اسوي انا ما أخاف من أي شي بالدنيا حتى الموت ما أخاف منه انا أخاف من فقدانك يا ملاذ والله العظيم انىِ كنت انام على منومات بغيابك
ملاذ دمعت عيونها وابعدت عنه شوي باست خده بلُطف : يا عمري انت ، انا من اليوم جنبك ما رح اتركك ابدا أساسا ما اقدر أعيش بدونك يا ذياب
ذياب باس خدها بقوه : اخ والله انك لذيذه الذ من الحلا
ملاذ ضحكت بصوت : لا عاد ، اسمع بقولك اول لمن كنت اكلم امي وانت تغير ملابسك شفت جرح بصدرك وش ذه .. رفعت تيشرته وهي تتاكد منه
ذياب : ما تتذكرينه ؟
ملاذ : لا وشو ؟
ذياب وهو يتحسس الجرح : لمن رحت اشوف سعود وهو اطلق علىِ النار
ملاذ شهقت : من جدك ؟
ذياب ضحك : شفيك تراه ماضي و اصدمك بعد كنتي هذاك اليوم مناوبه وسويتي لي العمليه
ملاذ فتحت عيونها بصدمه : لا عاد مستحيل انا اجرحك
ذياب : سويتيها لانك دكتوره شاطره
ملاذ ابتسمت بفخر : عاد اشتقت للمشرط والمقص
ذياب قرص خدها : هالفتره ارتاحي وبعدين ارجعي لدوامك
ملاذ : ايه و انا قلت كذا برتاح هالفتره أساسا كل يوم انصدم بسالفه صارت ، كل شي تخطيته الا طلاق سلطان و سحاب لانه كنت ادري سلطان شكثر يحب سحاب ويلي بصراحه انفجعت منه مو بس انصدمت انه سحاب تخلت عن سَعد
ذياب لمن تذكر سالفه سحاب ضاق صدره : ايه والله الله يهديها الظاهر انها داخله بمرحلة اكتئاب
ملاذ : ذياب بسألك خلال هالفتره الماضيه انا ليش ما حملت ؟
ذياب حس الكلمه الجمته ولا عرف وش يرد عليها
ملاذ كملت : اقصد انا كبيره بالعمر وانت بعد كبير وهذا الوقت يلي نجيب فيه عيال !
ذياب ابتسم رغم انه قلبه هاللحظة يبكي دم : ربي ما كتب لنا ، ان شاءالله ربي يرزقنا
ملاذ ابتسمت : ان شاء الله، عاد اول بنت لي بسميها ريلام
ذياب حس بجمره وسط بلعومه همس : ان شاء الله .
.
آلاء خلصت ترتب سريرها اخذت المعطر وعطرته واستنشقت الريحه لين حست ب انتعاش ،
نواف طلع من الحمام وهو ينشف شعره : ماشاءالله اليوم صحيتي نشيطه
آلاء قربت عليه وباست خده : نعيماً ل احلى زوج بالدنيا كلها
نواف : اوف اوف اليوم راضيه عني تمام الرضا
آلاء: لا عاد مو بس اليوم ترا كل يوم راضيه عنك بس اليوم مبسوطه ملاذ وذياب بيجون عندنا وبنتغدا كلنا عاد من زمان ما قعدنا سوا احس اشتقت للمة العايله
نواف : و انتي صادقه والله
آلاء : نواف اليوم دخلت بالشهر الثامن باقي شهرين ويمكن اقل على ولادة طفلنا
نواف باس خدها : الله يقومك بالسلامه انتِ وياه
الاء اخذت نفس : امين يارب ، عاد في جانب متحمس جدا وفي جانب خايف صح انا واثقه بربي بس ما ادري الأفكار السلبيه كل يوم تزورني
نواف : اجل لمن تزورك لا تقبلي تدخليها اطرديها
آلاء ضحكت : نواااف
نواف : يا عيون و روح نواف
آلاء: تدري عاد احس بخاطري نسافر هرموناتي تحتاج سفر
نواف ضحك : من زمان عن هرموناتك الظاهر كانت نايمه والحين صحت
آلاء خبطت كتفه : لا تتمسخر كل ما أقول شي تتمسخر وتضحك ترا بزعل
نواف : انتِ بس اشري وأمري و انا انفذ لك كل طلباتك يا سيدة قلبي ، قولي حبيبة نواف وين بخاطرها تروح ؟
آلاء وهي تفكر : اممم ، شرايك سويسرا احس هرموناني تبي طبيعه ومعاها بحيره وهواء نقي عشان اخذ نفس عميق بالهوا الطلق و استعد للولاده
نواف ابتسم وهو يشوفها تضحك وتسولف مثل قبل قرب لها وحضنها بقوه : صح بطنك صاير يضايقني بالحضن لكن شسوي امري لله
آلاء تعلقت فيه : خلص تراجعت ما ابي اسافر اكتشفت انه حضنك الاقي فيه راحتي و ريحتك هي الهواء النظيف لرئتي
نواف حس قلبه فراشات من كلامها ابعد عنها والابتسامه شاقه وجهه : اليوم بتجننيني بكلامك المعسول
آلاء ضحكت : ليش وش قلت ؟ ترا ما قلت الا الحقيقه
نواف : و انا أقول انه الحقيقه انك اجمل ما خلق ربي احس حرام تمشين ع الأرض
آلاء: خلص انا لازم انزل بسرعه لانه بصراحه قلبي ما يتحمل الغزل من الصباح لو اسمع اكثر بيغمي علىِ
نواف ضحك : لو تبين اشيلك بحضني و انزل ما عندي مشكله
الاء اخذت شيلتها وغطت ع راسها وهي تضحك : لا ياروحي انا بنزل لحالي بس لا تتاخر باقي شوي ويوصلو ملاذ وذياب
نواف : الحين بلبس و اجي
الاء كانت بتطلع لكن وقفت وقت ناداها لفت عليه : لبيه
نواف : والله انىِ احبك
ارتسمت اكبر ابتسامه ع وجهها : و انا بعد يا روح آلاء.
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 220 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
سحاب قاطعتها : اتركيني يا آلاء لحالي ما ابغى اشوف احد
آلاء ما حبت تضايقها وقفت : طيب ما تبين تشوفين ملاذ طلعت من المستشفى
سحاب : ليش اشوفها ؟ ياليتني كنت مكانها ودخلت الغيبوبه ع الأقل ما كان صار يلي صار
آلاء : اعوذ بالله من افكارك يا سحاب ، طيب ما تبين نروح عند لينا تدرين سوت عمليه وكانت تعبانه وترا هي تبي تشوفك ها شرايك اروح انا وياكي؟
سحاب ناظرتها بعصبيه : آلاء ما تفهمين ما ابي اشوف احد ولا ابي احد يشوفني اطلعي من الغرفه بنام
آلاء هزت راسها وطلعت من الغرفه سكرت الباب و وقفت وهي تفكر بسحاب انها مو طبيعيه و الاكتئاب بدأ ياثر عليها !
.
ليان كل الليل ما قدرت تنام وهي تفكر حست راسها بينفجر من كثر الافكار ، سرحت و دمعت عيونها وهي تتذكر كيف كانت تتقرب من ذياب ويلي تعيشه الحين عيشته ملاذ من قبل اخذت نفس و حست انه روحها توجعها ،
قامت بسرعه اخذت شنطة صغيره وبدت تجمع ملابسها وبتروح بيت أهلها تبغى ترتاح كم يوم ع الأقل تلتهي شوي عن التفكير اخذت العبايه ولبستها و طلعت من الغرفه وكان بوجهها زياد يلي قاعد فوق الكنبه
لف عليها اول ما فتحت الباب كان بيتكلم لكن انصدم انه لابسه العبايه وتسحب شنطه بيدها وقف بسرعه وتقدم لها : وش هذا ؟
ليان : بروح بيت اهلي يومين و ارجع
زياد : فوق ما انتي مسكره باب الغرفه كل الليل وحرمتيني انام جنبك رايحه بيت اهلك ؟
ليان : احس راسي بينفجر يا زياد و ابغى ارتاح يومين
زياد انقهر منها لكن بين العكس : امرك عجيب جداً ، رغم انه شرحت لك كل شي و لا كذبت عليك ابدا و بالمقابل عاندتيني وسويتي كل يلي براسك ، لكن ما بوقف بطريقك الله معك و اذا تبي تقعدي أسبوع براحتك
ليان حست بشي يخنقها تمنت لو يراجعها او يمنعها ويحلف عليها ما تطلع لكن صار العكس
زياد سرح فيها وبعيونها المليانه دموعه قرب لها وحضنها
ليان قُربه لها هالكثر و ريحة عطره يلي تركت اثر ع عبايتها حست انه في شي يخنقها اكثر همست : زياد
زياد ابعد عنها : يلا مشينا
ليان نست وش كانت بتقول من رده الجاف هزت براسها و مشت اخذ الشنطه من يدها و نزل قبلها بسرعه
ليان للحظة حست بندم انه بتمشي تمنت لو يرجع الزمن ساعه كان ما فكرت انه تطلع من البيت ، طلعت السياره وجلست هاديه وسرحانه حست مافي كلام يوصف مشاعرها فزت وقت زياد يناديها ويمد لها القهوه
ابتسمت : شكراً
زياد : حلو شفنا سنونك ع الأقل
ليان اخذت نفس وحست بشي يخنقها وهي تشوف بيتهم ناظرت زياد بعيون دامعه ومنتظره منه يقول أي شي
زياد وقف السياره قدام الباب ولف لها وهو يدري انها زعلانه ويدري انه نار الغيره شابّه بصدرها : استودعتك الله ، غيري جو وانبسطي عند اهلك و اذا تبين روحي عند سحاب
تفاجئت وقت قالها روحي عند سحاب : اروح عند سحاب غريبه انت تقولي إياها؟
زياد : لانه ادري انك تحبيها ومحد يونسك كثرها عشان كذا ابيك تكوني مبسوطه
ليان هزت راسها و نزلت من السياره اول ما نزلت دموعها نزلت وحست كانها بتموت ،
زياد ناظرها لين اختفت عن انظاره خبط الدركسون بقوه : لعنبو الحب يلي يلعب فيك يا زياد.
.
ملاذ صحت من النوم ناظرت الغرفه و ابتسمت انها ببيتها اختفت ابتسامتها وهي تتذكر امس وقت ذياب حكى لها كل شي من طلاق لينا و مرضها و زواج طلال ومرض ولد الاء وسبب طلاق سحاب ، اخذت نفس : والله فاتك الكثير يا ملاذ
لفت يمينها وما شافت ذياب جنبها ناظرت الساعه وكانت عشره الصباح ، قامت من فوق سريرها و دخلت الصاله وشافت كرسي المكتب فاضي دخلت غرفة الملابس ولا لقيته همست : وين راح؟
دخلت الحمام غسلت وجهها و طلعت وقفت قدام التسريحه وهي تناظر شعرها يلي طوله صاير بوي قربت راسها وهي تفتش في شعرها وشافت مكان العمليه : يارب لك الحمد يلي قمت منها ..
لانها تدري هالعمليه خطيره ونجت منها ب اعجوبه
انفتح باب الجناح وناظرت ذياب كان داخل وشايل صينيه بيده اول ما شافها صاحيه ابتسم بحب وحس شوفتها زرعت بقلبه الأمان : صباح الخير ي ملاذي
ملاذ ناظرته بصدمه : ذياب ! وش ذه مسوي لي الفطور ؟
ذياب حط الصينيه ع الطاولة وتقدم لها حضنها : ايه روحي وليش مستغربه ؟
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 218 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
شيخه سمت بالرحمن و ابتسمت وهي تشوفه دمعت عيونها وهي تحس انه يشبه سحاب باست جبينه ودعت بقلبها انه ربي يهدي سحاب ويخليها ترجع لولدها
آلاء جلست ع الكنبه واعطت شيخه الرضاعه ، شيخه اخذتها وبدت ترضعه ولأول مره تتمنى يكون عندها قوه خارقه وتخلي سَعد يرضع رضاعه طبيعيه من سحاب
ذياب كان يناظر امه ومن ملامح وجهها حس بمشاعرها وضيقتها
منيرة تقدمت لملاذ ومسحت ع شعرها وباست راسها : يا عمري والله مو مصدقه كل ما اشوفك اشكر ربي انه صحيتي
ملاذ باست يد أمها : يا روحي يا يمه اطمني انا الحين بينكم وبخير
منيره : كيف سويتي الحادث يلي اعرفه انك سواقه عمرك ما خدشتي حتى سياره ؟
ملاذ فركت جبينها : يمه انا ما أتذكر ابدا لا حادث ولا وش صار !
آلاء ناظرتها : انا اتصلت عليك بوقتها ولمن سويتي الحادث سمعتك
ملاذ غمضت عيونها كمحاوله انها تتذكر
ذياب : ملاذ وش قالك الدكتور لا تتعبين نفسك .. ناظرهم وكمل : ترا ملاذ صار عندها فقدان جُزئي بالذاكره يعني ما تتذكر وش صار بالفتره الاخيره اخر شي قالت تتذكره لمن رحت انا وياها دار الايتام وهالشي تقريبا صار اول ما نقلنا لبيتنا
منيره دمعت عيونها : بسم الله عليك يا يمه
ملاذ : يمه لا تبكي والله انا بخير مافيني شي وعادي ترا هالشي بسيط ما تدري بعد شوي ارجع أتذكر اهم شي الحين انه صحيت .
.
زياد كان واقف ومنتظر الشخص يلي ع أساس مواعد اسيل ،
ناظر للشخصين يلي كانو معاه : لا تدخلو الا اذا رفعت يدي لكم
دقايق معدوده و وصل الشخص و نفس اللحظه اسيل أرسلت له انه وصل وصورته يلي أرسلها ل اسيل عشان تعرفه أرسلتها لزياد ،
زياد اول ما شافه حس الأرض تغلي بُركان تقدم له بسرعه و أعطاه لكمه بكل قوته لين اختل توازنه مسكه من ياقه ثوبه و ثبته بكل قوه وتكلم بحده وما عطاه فرصه يتكلم : انا زياد ال * ، ويلي حاولت تلعب معاها هي اختي و الصور الحين تسلمني إياها بسرعه اعطيني جوالك
الرجال خاف وحس انه استوعب الشي يلي صار والشي يلي سواه مع اسيل ، دخل يده للجيب و اعطى زياد الجوال
زياد اخذ الجوال و رميه لارض بكل قوه لين كسره و دعس عليه برجله لين انفصلت الشاشة عن الجهاز : بنات الناس مو لعبه ، لكن الأهم من هذا من وين جبت الصور ؟
الرجال حاول انه يبعد يد زياد من ياقة ثوبه لكن ما قدر
زياد شده اكثر : تكلم من وين جبت الصور
اخذ نفس : هي يلي ترسل صورها بقروب صحباتها وبالصدفه فتحت جوال اختي و شفتها منزله صوره لها ب ستوري السناب و من وقتها دخلت قروبهم ولقطت كل صورها من جوالي بس انا والله نيتي مو سيئه البنت اعجبتني وقلت مافي الا هالطريقه يلي اقدر اشوفها
زياد غمض عيونه بقهر : وش اسمها هذي اختك ؟
تكلم بخوف : هي ما تدري والله العظيم ما تدري
زياد تكلم بنبره اعلى : وش اسمها ؟
: اسمها هناء
زياد تركه بقوه لين كان بيطيح : ثاني مره لو تقرب صوبها او ع الأقل تفكر فيها صدقني رح ادفنك بيدي..
تركه و طلع سيارته خبط ع الدركسون بقوه وهمس بفحيح : اخ اسيل اخ اسيل ..
رفع جواله واتصل عليها ردت عليه بنفس الثانيه : زياد
زياد اخذ نفس : خلص الجوال وكسرته واذا هو حافظها بمكان ثاني جاه العلم مني
اسيل ابتسمت بفرحه وحست جبل انزاح من صدرها : شكرا زياد ما ادري شقولك بس ما رح انسى لك المعروف ابدا ، بس لحظه ما قال من وين جاب هالصور ؟
زياد بعصبيه : منك انتي يلي قاعده تنزلي صورك ستوريات و تنشريها بقروب صحباتك ، ونسيتي انه عندهم اخوان وممكن يشوفو باي للحظه
اسيل انصدمت معقوله وحده من صحباتها غدرتها : ما قال مين هي يعني وش اسمها ؟
زياد : هناء ، اسيل الله يرضى عليك حافظي على نفسك صورك ما تنزليها ستوريات الله يستر عليك
اسيل مسحت دموعها : ط طيب ، شكرا زياد من جد شكرا مدري كيف ارد لك هالجميل
زياد قاطعها : ما ابي شي منك وانا ساعدتك لانك بنت خالتي لا اكثر ، وليان اذا شفتيها بالايام الجايه لا تاذيها ولا ترمي عليها أي كلمه ترا انا احب ليان و نسيت كل الماضي .
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 216 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
ملاذ ابتسمت وسحبت يدها من ذياب وفتحت يدينها عشان تستقبل حضن أمها نادت بصوت مسموع : يمه
منيره امطرت عيونها وتقدمت لها بخطوات سريعه وضمتها لحضنها بقوه وشهقت بصوت : ملاااذ اشتقت لك يا عيون امك والله بغيابك ما شفت الراحه
ملاذ بكت من بكاء أمها والا هي ماهي مشتاقه لاحد لانها تحس انه نامت بس ليله
منيره بعدت عنها وباست وجهها بحب : يمه ملاذ انتِ بخير ؟ تحسين بشي يوجعك شي ؟
ملاذ هزت راسها بالنفي : يمه انا بخير والله مافيني شي ولا كاني نمت ثلاثه شهور
سلطان : يعني ما اشتقتي ل اخوكي ؟
ملاذ لفت عليه و ابتسمت انتبهت للطفل يلي بالعربيه ونايم رجعت ناظرت سلطان : سحاب ولدت ؟
سلطان تقدم لها وحضنها وباس راسها بلُطف : ايه هذا ولدي سَعد
ملاذ ناظرت ذياب وهي مبتسمه : ليه ما قلت لي انه صرت عمه ؟
ذياب : ما مداني اسولف لك نسيتي انه قلتي انك نعسانه وبتنامين وصحيتي من شوي !
ملاذ ضحكت : ايه صح ، اعطيني إياه بشوفه
سلطان اخذه من العربيه وحطه بحضن ملاذ ، ملاذ باست كفه برقه وهمست له : سَعد يا روح عمتك ما احلاك ..
رفعت راسها وناظرت سلطان : وين سحاب ؟ ليش ما جبتها ؟
عم الهدوء بالمكان و ثواني و انفتح الباب و دخلت شيخه و الاء والرجال جلسو برا ..
شيخه ابتسمت : يا هلا والله ، الحمدلله ع سلامتك ي بنتي
ملاذ حضنتها : الله يسلمك خالتي
سلطان طلع من الغرفه و تركهم ..
الاء دمعت عيونها من الفرحه ما صدقت انه ملاذ صحت : ملاذي والله اشتقت لك
ملاذ ضمتها بقوه : ماشاءالله بطنك كبر ، الحلو متى جاي؟
الاء : باقي شهرين
ملاذ : تقومين بالسلامه يارب ، الا ما رديتو وين سحاب ؟
شيخه : سحاب بالبيت تعبانه شوي ان شاء الله بس تتحسن بتزورك
ملاذ : ليش هي توها والده ؟ وليش سَعد جاي مع سلطان ؟
ذياب مسح ع وجهه: سلطان وسحاب تطلقو يا ملاذ
ملاذ ناظرت فيه بصدمه : وشو !
ذياب : هذا يلي صار ، انتي لا تفكرين باي شي الحين غير صحتك
منيره : ما قال الدكتور متى بتطلع من المستشفى ؟
ذياب : باذن الله بكرا
منيره : اجل باخذها لعندي للبيت
ذياب ناظرها بصدمه : ليش ؟
منيره : بهتم فيها ، انت وراك شغل و انا قلبي ما رح يتطمن انه تكون اكثر الوقت لحالها
ذياب : ملاذ بتطلع لبيتنا ، وتطمني يا خالتي انا رح اجلس معاها كل الوقت ما رح اتركها دقيقه وحده وكل اجتماعاتي بحضرها من البيت ، ملاذ بعيوني لا تخافين ولا ينشغل بالك
الاء : لا تخافين عليها دام معاها ذياب
ذياب : عن اذنكم .. تركهم و طلع من الغرفه ابتسم اول ما شاف ابوه و اخوانه
نواف : لا عاد توه انتبه انه عندك اسنان
طلال : حتى انا ما اصدق
ذياب توسعت ابتسامته : لا عاد
طلال : شوف شوف حتى اضراس عنده
ذياب ضحك بصوت ونواف حضنه : مدري أقول الحمدلله ع سلامة ملاذ والا سلامتك ؟
ذياب : انا أقول قول الحمدلله ع سلامتي هي كانت نايمه وانا يلي تعذبت
عبدالناصر ربت ع كتفه : الحمدلله ع سلامتكم الاثنين ، طمني كيف حالها؟
ذياب : الحمدلله بخير
عبدالناصر اخذ نفس وجلس ع الكرسي وهو حاس براحه من زمان ما حسها فرح لقومة ملاذ وفرحته الأكبر انه شاف ذياب يبتسم و يسولف بفرحه وكانه رجع لوراء عشرين سنه من كُبر فرحته .
.
كانت نايمه بحضنه و أنفاسها منتظمه ناظرها وهو مُركز فيها جداً ابتسم لوهله وهو يتذكر انه هالبنت الجميله يلي بين احضانه هي زوجته ،
تذكر اسيل وتذكر انه ما اخذ رقم الرجال باس راس ليان وحطها بهدوء ع المخده و قام بسرعه وطلع من الغرفه اتصل على اسيل و جلس ع الكنبه ينتظرها ترد..
اسيل كانت بالحوش وبنفس المكان هي و غرام وفهمتها كل السالفه من بدايتها لوقت ما راح زياد
غرام غمضت عيونها من غرابة الكلام يلي سمعته
اسيل وهي تمسح دموعها : صح انا احب زياد بس ..
غرام : خلص اسيل زياد ماضي ، وبعدين ما حلى بعينك الا يوم تزوج اتذكر كنتي تقولي خلص نسيته ولا يعني لك شي
اسيل : كل ما اشوف ليان أقول ياليتني مكانها ، و أتذكر كلام الحب يلي كنت اسمعه من زياد و اتخيل الحين يقولها واحس نار بصدري كل ليله احط راسي فيها ع المخده أتذكر زياد و ابكي وقت أتذكر انه الحين يكون مع ليان بنفس الغرفه ونفس السرير ونفس المخده ، احس بشي يخنقني
غرام تكلمت بحده : اصحي اسيل لحد يسمعك الحين انتي مجنونه خلص لازم تنسين زياد ..
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 214 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
ملاذ حست انه قلبها بدا يستقر نبضه بدت تفتح عيونها لكن ضوء الغرفه ازعجها و غمضت و رجعت فتحت ثاني مره والرؤيه شبه معدومه غمضت وفتحت ل اكثر من مره لين أوضحت الرؤيه عندها اول شخص شافته كان ذياب
ذياب اول ما شافها مفتحه عيونها حس انه الأرض ما تشيله من كُبر الفرحه لوهله حس انه بحلم رفع كفه لوجهها وهمس بصوت مليئ بالبكاء : ملاذ صحيتي ؟
ما عطاها فرصه ترد او تقول شي سحبها لحضنه بقوه وضمها بكل ما لديه من قوه كان يتمتم : يارب لك الحمد يارب لك الحمد
ابعدها شوي عن حضنه تكلم وهو يلهث وكانه رح يموت رفع كفوفه وهو يلمس عيونها هاللحظة 28 حرف ماهي قادره توصف شعوره و فرحته فيها ،
حس بشي يخنقه ولا قدر يمنع دموعه يلي نزلت رجع ضمها ثاني مره و اخذ نفس عميق وكانه روحه انزهرت وانبتت من جديد همس لها بحب : أخيرا يا ملاذ فتحتي عيونك
الدكتور يبي يطمن على صحة ملاذ لكن ما قدر انه يبعد ذياب عنها لانه يعرف شكثر تعذب بغيابها وما تركها ولا يوم واحد ..
ملاذ أبعدت عن ذياب شوي و بلعت ريقها ولا هي عارفه هي وين ولا وش صار لها وليش هي بالمستشفى وليش ذياب مُتلهف عليها هالكثر وليش الدكتور والممرضات واقفين قدامها فتحت فمها بتتكلم لكن حست حبالها الصوتيه ناشفه لدرجة انجرحت ،
امتلت عيونها بالدموع و اشرت على حلقها
الدكتور عرف انها تبي مويه بسرعه اخذ القاروره ومدها لها وذياب ساعدها وشربها
ملاذ اخذت نفس وهمست : ليش انا هنا ؟ وش صاير ؟
ذياب اول ما سمع صوتها الابتسامه شقت وجهه وكانه صوتها آلة عزف لأول مره تمنى يبوس صوتها همس لها : والله ما بعد صوتك الا رحابة الروح
الدكتور ابتسم و لف ع ملاذ : ملاذ كيف حالك ؟ حاسه بشي ؟
ملاذ هزت راسها بالنفي : لا انا بخير ، بس وش صاير ؟
ذياب هنا رجف قلبه و رجعت ذاكرته ليوم الحادث !
الدكتور : وش اخر شي تتذكرينه ؟
ملاذ غمضت عيونها تحاول تتذكر فتحت عيونها و ناطرت ذياب و رجعت ناظرت الدكتور: أتذكر انا و ذياب رحنا دار الايتام بس ما ادري وش صار عُقبها ! مو قادره أساسا أتذكر وش صار ؟
ذياب ناظر لدكتور بصدمه و الدكتور من ملامح ذياب عرف انه ملاذ حصل عندها فقدان جُزئي لذاكره
ذياب ناظر ملاذ : ملاذ ما تذكرين وش صار ؟
ملاذ : وش صار ؟
الدكتور : ملاذ انتِ مو بالنسبة لي مريضه انتِ زميلتي في الشغل وانتِ تعرفين كويس بالطب ، انتِ سويتي حادث كبير واضطرينا نفتح راسك عشان نوقف نزيف الدماغ
ملاذ لا اراديا رفعت يدها لراسها تتلمس شعرها لانه تعرف هالعمليه لازم الشعر كله ينحلق
كمل الدكتور: وهالحادث خلاكي تدخلي بغيبوبه لمدة ثلاثه اشهر و حصل عندك فقدان جُزئي بالذاكره مع الأيام بتذكرين كل شي يا ملاذ
ملاذ ناظرت ذياب بصدمه : ذياب يلي يقوله صدق ؟ انا دخلت بغيبوبه ثلاثه اشهر ؟
ذياب مسح ع وجهه وهز راسه : ايه صار لك نايمه ثلاثه اشهر
ملاذ سندت ظهرها ع المخده ونزلت دموعها
الدكتور : ملاذ هالفتره لازم ترتاحين لا تتعبي نفسك بالتفكير انتِ تعرفي هالحالات ما يطولون و ذاكرتك بترجع لك خلال فترة قصيره ..
بعد مرور ساعه من كلام الدكتور وهو يحاول يهدي من ملاذ وبعد ما تطمن عليها من كل النواحي طلع من الغرفه هو و الممرضات ..
ذياب ناظرها وكانه يناظر اعظم مُعجزه في حياته سرح في عيونها وجمالهم رغم تعبهم
ملاذ ناظرت فيه رفعت يدها وهي ترجف ولمست شعر وجهه ،
ذياب غمض عيونه وحس قلبه بيوقف من قوة نبضه همست : تغيرت والا انا نسيتك ؟ والا وش صار عليك يا حبيبي ؟
ذياب ابتسم : والله انه حياتي ماهي حياه بغيابك ما تدرين شكثر تعذبت وتمنيت اموت ولا أعيش هالوجع..
طلع جنبها فوق السرير و سحبها لحضنه وضمها بقوه ، اخذ نفس عميق : والله انىِ اشتقت لك والشوق فيني يضاهي والله انك ملاذي بهالدنيا
ملاذ رغم الضوضاء يلي براسها و رغم صدمتها وضيقة صدرها بوضعها المجهول ،الا انها ابتسمت أبعدت عنه وناظرت عيونه عن قُرب
ذياب : ليش ساكته قولي أي شي لا تسكتين اشتقت لصوتك العّذب
ملاذ بلعت ريقها : ما ادري وش أقول بس احس انىِ اشتقت لك يا ذياب
ارتجف اقصى عرق بداخله ،باسها بشغف لين حس انه روحه ارتوت من بوستها ابعد عنها وحط جبينه ع جبينها وهمس : اشتقت لرجفة قلبي وقت اناظر عيونك
ملاذ ابتسمت : رغم انه كل شي حولي تغير حتى شكلك تغير بس ريحة عطرك مثل ماهي يا ذياب ..
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 212 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
زياد ناظرها صح انقهر منها لكن بنفس الوقت ابتسم من شكلها الجميل قرب لها وباسها بلُطف و طلع من الغرفه بدون لا يقول أي شي ..
ليان من قهرها خبطت التسريحه بقوه همست بقهر : ما تفهم انت وياها ..
حاولت انها تهدي من توترها وغضبها عشان ما يبين ع ملامح وجهها اخذت نفس عميق و اخذت عطرها ورشت بكثره لدرجة اختنقت وكحت همست بقهر : زياد ..
طلعت من الغرفه وهي تتصنع الهدوء نزلت الدرج و دخلت المجلس سلمت ع الكل وبس جلست ناظرت ام اسيل : وينها اسيل ما جت ؟
أم اسيل ابتسمت : ونحنا داخلين اتصلت عليها صديقتها وقالت بتكلمها وبس تخلص بتدخل
ليان فز قلبها وخطر ببالها زياد ممكن يشوفها حست بنار بصدرها وقفت بسرعه و وقفت ع صوت ام زياد : على وين ليان ؟
لفت عليها : اليوم ما تطمنت على لينا اكلمها بسرعه و ارجع ..
زياد طلع من الغرفه و سلم ع خالاته و استأذنهم بسرعه وقف قدام الباب بصدمه وهو يشوفها جالسه فوق الكرسي منزله راسها وحاضنته بكفوف يدينها وصوت بُكائها كان مسموع ، عرفها بدون لا يشوف وجهها من صوتها ومن جلستها عرف انها اسيل قرب لها وهمس بصوت هادي : وش يبكيك ؟
فزت ع صوته وناظرته وكانه المُنقذ لها همست بصوت راجف : زياد
زياد انصدم من وجهها كيف لونه احمر من كثر البكاء: وش يلي يخليك تبكين هالكثر أتوقع محد يستاهل تقلبين لون وجهك عشانه
رغم انها بمصيبه لكن كلام زياد اثر فيها وخلى قلبها يفز : تكفى ساعدني مالي احد غيرك يا زياد الصور لو وصلت ليد ابوي والا اخواني بيذبحوني تكفى عطيني المبلغ
عقد حواجبه باستغراب لانه مو فاهم شي من السالفه : اسيل فهميني وش صاير ؟ صور ايش ؟
اسيل مسحت دموعها و اخذت نفس : في واحد قاعد يهددني بصوري وطالب مني مية الف ، المشكله عنده صور كثيره صور وانا بشعري ولبس قصير لو بس يرسلها ل اهلي بيذبحوني
زياد حس بحرارة من اسفل قدمه ناظرها بحده : من وين جاب صورك ؟
اسيل رفعت كتوفها : ما ادري ، تكفى زياد ساعدني انا ادري انك ما راح تتركني و انا بهالوضع حتى لو تكرهني ساعدني
زياد مسح ع وجهه بضيق : اعطيني الرقم و انا بتفاهم معاه
اسيل بخوف : لا لا مستحيل ادخلك بمشاكل
زياد : لا تتدخلين فيني اعطيني الرقم بسرعه و انسي كل شي صار
اسيل : مستحيل ، ما اقدر أخاف يسوي لك شي واكون انا السبب والله بموت يا زياد ، انا اقدر أعيش وانت مع غيري بس ما اقدر أعيش وانت مو بهالحياه!
ليان صفقت بيدينها وتقدمت لهم وعيونها تلمع شر لهم الاثنين تكلمت بصوت عالي : ماشاءالله ، حب وكلام يذوب القلب ونظرات ودموع بالمختصر وقاحه عَلنيّه!
اسيل لفت ع ليان و رجف قلبها بخوف وقفت
ليان ضحكت بصوت : بتهربين مني و زياد حلال عليك ؟
زياد حس انه ليان ممكن تسوي شي قرب لها بيمسك يدها لكن ليان أبعدت عنه وتكلمت بحده : وخر عني انا بس بفهم دامك ياخي تحبها ليش تزوجتني غصب و انا قلتها لك من وقت المِلكه ما ابيك !
زياد تكلم بحده : ليان ترا فاهمه كل شي غلط
ليان رفعت نبرة صوتها : ترا كل شي واضح ما يحتاج حتى تفسير اثنينكم العن من بعض و اوسخ من بعض ، و انتِ صورك ما انتشرت الا من قذارتك لو حاشمه نفسك صورك ما وصلت ليد الرجال والله يعلم كم رجال شافك
اسيل انقهرت منها وتكلمت بعصبيه : ما اسمح لك تتكلمين عني بهالطريقه فاهمه والالا
ليان : ما طلبت منك الاذن ، بالناقص اجي اخذ الاذن من وحده رخيصه مثلك
زياد مسك ليان بقوه وحط كف يده ع فمها ناظرها وعيونه تقدح شر : بس بس عيب عليك
ليان من قهرها رفعت يدها بتعطيه كف لكن مسك كف يدها بقوه نزلها و باسها بهدوء واليد الثانيه نزلها لخصرها وحضنها لدرجة ليان حست ضلوعها تكسرت من حضنته
همس بحده : اقسم بالله مافي شي يلي ببالك لكن عيب عليك تقولي هالكلام
ليان انقهرت انه يدافع عنها و دفته بقوه رجع خطوه لوراء وناظرها بنظرات هاديه عكس الغضب يلي داخله
غرام طلعت للحوش وسكرت الباب وراها : وش صاير وانا مارّه سمعت صوت ليان وبعدين ليش أنتو الثلاثه متجمعين صاير شي
ليان ابتسمت بسخريه : قبل دقايق شفت فيلم يهبل فاتك يا غرام
غرام ناظرت اسيل و زياد بصدمه وهي تحاول انه تنكر الشي يلي ببالها
زياد مسح ع وجهه : غرام بسرعه اطلعي جيبي عبايه ليان بنمشي
ليان : لا يا حبيبي ماني ماشيه منتظره الفيلم يخلص وتقولك انا احبك يا زياد و انت تقولها و انا احبك بعد
اسيل بحده : ترا مصختيها زياده ، وانا ما اسمح لك تغلطين علي ..
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
من اقوى القنوات المتخصصة في العملات الرقمية 🔥😍👇
/channel/+c4TSgeeGWB00OGQ0
~~
|23K 💄تعليم مكياج للبنات💄💄
-
|14K 🍊مطبخ منال العالم🍊
-
|13K 😂نكت دون توقف😂
-
|11K 🌕علم النفس وتطوير الذات🌕
-
|10K همسه عِشـہۣۙ❥ـٌِق💜❥
-
ۦ
🎉🎉
|07K تطوير الذات
-
|07K 💡متع ذهنگ💡
-
|06K كل يوم قصة
-
|05K ٌخوَاطِر إسِـــُلُامٌيَةَِ َ ❀ِ
-
|05K 😂اضحك وانسى الهم😂
-
ۦ
🎉🎉
|05K غرائب من العالم
-
|05K معلومات وغرائب
-
|04K معلومات صحية
-
|04K |14k انتي اجمل
-
|04K صــــور 🤹🏻♀️مـتــحــركـــة🏄🏻♀️
-
ۦ
🎉🎉
|05K 😍قصص وروايات عالمية 😍
-
|04K مشاعل
-
|04K ملخصات + معلومات طبية 💊
-
|04K هل تعلم
-
|05K 😍 دمــوع الـعاآشقـين~💕
-
ۦ
🎉🎉
|03K تنمية بشرية 📚
-
|03K خواطر راااائعة
-
|03K محترفين الهكر
-
|03K خواﻂﮍ مـƒřô๓ـہن القلب📩
-
|02K صدقه جاريه 💭
-
ۦ
🎉🎉
|02K ڪـلمات ميـن القـ💔ـلـب
-
|03K نكت
-
|02K يومـ.قصص💔 واقعية.ـيـات
-
|02K خـ🌸ـربـشـات💓أنـ💗ـثـئ
-
|02K غرائب وعجائب
-
ۦ
🎉🎉
|02K 🌷هـمـس☺️الـحــب🌷
-
|02K هـمـس✨ الـحــ❣ــب
-
|02K 💭برودكاست |نكت💭
-
|03K خواطر وعبارات
-
|01K عــن🌎السـيـاحــــة❣️والهجرة
-
ۦ
🎉🎉
|01K إقتباسات إنجلش✨
-
|01K مــيــــمM❤️
-
|01K أضحك وانسى همومك
-
|01K الرشاقة 💃والجمال
-
|02K تـــٰـــٰـــٰــرَف pic 📷
-
ۦ
🎉🎉
|04K design أدِۆآت تصميَم
-
|02K جمالك سيدتي
-
|02K طريقة صنع بخور وعطور
-
|02K 🌸منوعات همس الحروف🌸
-
|02K صدفة❤️ عشقتك
-
ۦ
🎉🎉
|02K اشهى😋 الوصفات لمطبخك🍲
-
|02K بـعـض💓الاحـلام🌸حـيـاة️
-
|03K 😍😻 صور وحالات تجنن 😻😍
-
|04K اٰنٰہٰٖتٰہٰٖ رٰوٰحٰہٰٖيٰہٰٖ ،💗
-
|02K ﴿ٳحسٰـآإأسء مَ يفهمـوٰنهۂ “̯ ֆء.
-
ۦ
🎉🎉
|03K الرقية الشرعية من الكتاب والسنة
-
|03K تطبيقات وتعليم الهكر
-
|03K 🎹💭💖 ʟ̤ɾʟɺ ٱﻧــٺ
-
|03K ::شعر::واااحه::الاصدقاء::➢✵★
-
|03K منبر الخطباء والدعاة
-
ۦ
🎉🎉
|03K دﯡلــــــﺔ الحپ✨😻
-
|05K 💇🏻♀قروب خاص بنات 🌸
-
|04K لاتنسى ذكر اللّـه
-
|05K 😻🌈 تصاميم روعه تجنن 😍🎨
-
|04K خواطر و حالات ღ
-
ۦ
🎉🎉
|05K 🔥😻عـالـم التكنـولـوجيـ📵ـا☠🔥
-
|06K 😂🔥نـكـت سـاخنة للكـبار🙈🔥
-
|06K ❤ٲلـمـتعـة بالحـيـاة❤️
-
|05K ﴿- لـ صديقتـي💗 ̮ֆ℡
-
|05K ✺┆قــصـص واقـعـيـة❧
-
ۦ
🎉🎉
|07K طنش وعيش
-
|07K ❣القرآن الكريم وعلومة❣️
-
|11K 💕متعـة الحـ♡ــديث 💞
-
|10K 🌞همسة صباح🌞
-
|13K مُـ‘ـُمُـ‘ـُآ رآقُ لُـ‘❤️ـُيُُ
-
ۦ
🎉🎉
|13K خواطر أحمد الشقيري😊❤
-
|16K 💯💯نشر روابط مجموعات واتساب💯💯
-
|19K ✒اقوال وحكم عظيمة✒
-
|26K جميع قنوات التيلجيرام الرسمية
-
|46K ❤️📝 روايات وقصص مميزة 📝❤️
-
⚙
By☛ للإشتراك في القائمة 📥
💐🍃💐🍃💐
🍃💐🍃💐
💐🍃💐
🍃💐
💐 210 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 💐🍃
سحاب حست بشي يكتم ع أنفاسها : ان شاء الله يأخذ من اسمه نصيب لانه امه ما اخذت من اسمها الا الحزن والبكاء
شيخه : لا تقولين هالكلام ، فتره وتعدي و تنسين كل شي عشتيه مع الأيام
سحاب: انا ليش ما اموت! ليش أعيش هالوجع ؟ الموت ارحم من كل شي قاعده اعيشه
شيخه بحده : سحاب اسكتي لا تقولي هالكلام
سحاب : يمه اتركيني لحالي تعبانه بنام
شيخه ضاق صدرها ع حال بنتها يلي ما تدري وش ممكن يصير فيها
سحاب : يلا يمه اتركيني لحالي بليز ما ابغى احد ولا ابغى اشوف احد
شيخه وقفت و طلعت من الغرفه وهي تبكي على حال سحاب ، الاء طلعت من جناحها و استغربت منها ليش تبكي : خالتي فيك شي ؟
شيخه : والله خايفه على سحاب أخاف يصير لها شي البنت مو طبيعيه
آلاء: خالتي سحاب يلي عاشته مو سهل ولا ينتسى بسهوله هذا ولدها و تطلقت بيوم ولادتها والشي الأصعب انه تزوجت سلطان عن حب هي انخذلت منه بعد ، سحاب يبي لها شهور لحتى تتعافى .
.
بعد مرور يومين ؛
ليان صحت ع صوت زياد يلي يصحيها تأففت بضجر وشالت اللحاف من فوقها : خير خير وش تبي مني الحين ؟
زياد : يلا قومي الساعه 12 ونص لازم نروح بيت اهلي
ليان وهي ترفع شعرها : نسيت والله نسيت انه رايحين ع الغداء ، اسمع شرايك نسحب عليهم مافيني حيل اروح
زياد : عيب عليك يلا قومي
ليان ناظرته : على وشو عيب وش ارتكبت من جريمه عشان تقول عيب ؟ من جد مافيني حيل أقوم اتروش و اكشخ و احط ميكب
زياد : ما يحتاج تحطين ميكب ترا حلوه ما تحتاجي
ابتسمت بخجل : يعني تعترف انه زوجتك حلوه ؟
زياد رفع حاجبه : ايه اعترف انك جميله لكن الجمال مو كل شي
مامداها تنبسط من كلامه الا وكسرها ابتسمت وهي تقوم من فوق السرير : وانت صادق الجمال مو كل شي في أشياء اهم منه بكثير ..
وقفت قدام الدرج وبدت تختار لها فستان ناعم
زياد حس انها زعلت من كلامه وقف وراها بالضبط ومد يده و اختار لها فستان لونه موف : هذا حلو وانتِ بتحلينه اكثر
رجف قلبها من قُربه لها وكيف لاصق بظهرها لفت بتمشي لكم ما مداها حاوط خصرها النحيل بيد وحده وسحبها اكثر لصدره : بفهم انتِ ليه زعوله كذا ؟
ليان اشرت ع نفسها : انا ؟
زياد : لا انا
ليان : اجل اسأل نفسك لا تسألني
زياد ضحك : صح انه سواليفك بايخه لكن تضحكني
ليان ضحكت : اجل اشكر ربي على هالنعمه يلي بين احضانك
زياد : والله انىِ شكرته زمان
ليان ارتخت ملامحها من كلامه : طيب ممكن تبعد عني شوي
زياد بهمس : ليه ؟
ليان : عشان اتجهز عيب نتأخر على اهلك
زياد : دامك بحضني ماهو عيب ولو نلغي الروحه كلها بعد مو عيب
ليان شتت انظارها بالغرفه من خجلها: طيب والله بنتاخر لانه يبي لي ساعه اجهز
زياد:طيب ناظريني ع الأقل
ليان ناظرته و سرحت فيه ابتسم : يخرب بيت نظراتك ع قلبي
رن جوال زياد و رفعه اول ما شاف اسمها على جواله ارتبك لان من زمان من سنه و اكثر ما شاف اسمها ع جواله
ليان اول ما شافت اسم اسيل كانها طاحت من برج عالي أبعدت من حضنه بقوه و تكلمت بحده : ترا انا ارضى بكل شي الا الخيانه حتى لو ماتحبني ما ارضاها على نفسي.
.
#يـــــتـــــــبــــــــــع...
🚫 يسعدنا مشاركة الرواية ولكن لا نسمح بحذف توقيع القناة 🚫
https://t.me/joinchat/AAAAAD1p6TqBBTyITQumpA
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐
💐🍃💐🍃💐
🍃💐🍃💐
💐🍃💐
🍃💐
💐 208 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 💐🍃
منيرة كانت قاعده ومصدومه ما توقعت ذياب يزورهم ويكون مروق وفرحان ب سَعد قبضها قلبها وتكلمت : أقول ذياب وش جايب بهالاكياس شريت السوق كله ؟
ذياب : ايه خالتي شريت كل شي ل سَعد و بكرا ان شاءالله بتوصل غرفته
سلطان وقف اخر درجة : خذ كل اغراضك يلي جبتها ولدي عنده أبو يشتري له كل شي مانا بحاجتك !
ذياب : انا خاله و عمه بعد ويحق لي اشتري له كل شي
سلطان : تسلم بس ما ابي شي منك خذ كل شي
منيره : سلطان عيب هالكلام ترا هو خاله وبعدين انت تدري ولدك ما عنده شي
سلطان انقهر من رد امه وناظرها بحده : يمه انا الحين بطلع و بشتري له كل شي
ذياب حط سَعد فوق الكنبه و وقف قدام سلطان : اذا انت تبي تعلنها حرب اقولك من الحين انت الخسران ، انا جيت ابي اشوف ولد اختي ولي حق اشوفه وما تقدر تمنعني انىِ اشوفه او اهديه ، ولا تسوي فيها عزة نفس ترا الهدايا مو لك الهدايا ل سَعد وانا أقول احفظ الود ولو قليل لا تنسى انه نحنا للحين نسايب و اختك هي زوجتي
سلطان : اختي بس تصحى تطلقها
ذياب فز قلبه من كلمة طلاق وناظره و ابتسم بعدها : اطلقها ! مين انت عشان تأمرني اطلق وليفة روحي ؟
سلطان : لا تنسى انك اخذتها بس عشان اتزوج سحاب و خلص طلقت سحاب و زواجك من ملاذ ماعاد له أي فايده ؟
ذياب : ومين قالك انه تزوجتها عشانك انت وسحاب انا تزوجت ملاذ لانه ابيها ، ع بالك بتزوجها عشانكم صدق انك مكذب الكذبه ومصدقها
سلطان انقهر من ذياب وتكلم بفحيح : اختي بتطلقها وكل يلي بينا انتهى
ذياب قرب له ومسكه من ياقة ثوبه : اسمعني انا ماني اصغر عيالك لحتى تكلمني بهالطريقه و انا وملاذ محد يدخل فينا
منيرة قربت وبعدتهم عن بعض وتكلمت بصراخ : خلص يكفي عيب عليكم ، رغم كل المصايب يلي نحنا فيها بتضاربون !
ذياب : سمعتي كل شي يا خالتي باذنك ولدك يبي خراب بيت بنتك ، انا طالع لكن برجع و اشوف سَعد مره ثانيه ..
منيرة جلست فوق الكنبه ومسكت راسها من قوة الصداع يلي داهمها : أقول سلطان انجنيت تبيه يطلق اختك ؟ ع بالك ملاذ بس تصحى بترضى يلي انت سويته بسحاب ؟
سلطان : انا يلي اقنعتها تتزوج ذياب
منيرة حست راسها بينفجر من سلطان : انت صاحي والا مو بصاحي ؟ و اذا أقنعتها تتحكم فيها وبعدين انت تعرف ملاذ وطبعها وترا حياتها مع ذياب محد يتدخل فيها ابدا ، هذي ملاذ يا سلطان ماهي مثل أي احد .
.
بعد مرور اسبوع ؛
لينا؛
دخلت غرفتها وهي تمشي بخطوات هاديه و أمها معاها ماسكه بيدها وابوها ماسك اليد الثانيه نيموها ع السرير والفرحه مو واسعتهم انه بنتهم رجعت البيت
فايز وهو يعدل المخده ورا ظهرها : انورت البيت
لينا ابتسمت : منوره فيكم
ليان وقفت قدام الباب وابتسمت بحب : انا أقول البيت نورت لأني جيت
لفو عليها و ابتسمو ، حصه : يا هلا والله ليانو متى جيتي ؟
ليان دخلت و سلمت عليهم : الحين وصلت .. انحنت ل لينا وباست خدها : كيف اختي نور عيّني؟
لينا : الحمدلله اليوم كويسه
حصه : انا بروح اسوي لك شوربه خضار عشان تاكلين
فايز : و انا بروح اقيّل شوي عشان بالعصر نتقهوى كلنا
ليان : و انا بسوي لكم القهوه لكن مو الحين بعدين
حصه طلعت هي و فايز و ليان فسخت عبايتها وشيلتها و جلست جنب لينا فوق السرير تربعت وهي فرحانه : مو مصدقه انك معانا وبخير
لينا تنهدت : تصدقين كنت أقول مستحيل أعيش الحين بكل ثانيه اشكر ربي انه عطاني عُمر ثاني وفرصه ثانيه بالحياه
ليان دمعت عيونها ومسكت كف لينا : ليش خبيتي عنا مرضك ؟
لينا سكتت ثواني : ما ادري يمكن عشان عيالي ويمكن عشان خفت و يمكن عشان طلال ما ابيه يعرف بمرضي أشياء كثيره بس بالاخير الكل درى بيوم عمليتي
ليان كملت : وبالاخير طلال هو يلي اتبرع لك بكليته
مرت دقيقه صمت و ذهول والجمله تنعاد بمسامع لينا وكانها بحلم مو بواقع همست : وش تخربطين يا ليان ؟ انا تبرع لي شخص اسمه حامد وشفته قبل العمليه و وقعنا ع الاتفاق و كل شي الظاهر انك مو بصاحيه !
ليان اخذت نفس : هذا يلي كان لازم يصير لكن طلال يوم درى انجن و سوى كل التحاليل اللازمه و اتفق مع حامد وعطاه ضعف المبلغ و هو يلي اتبرع لك يا لينا و رفض انك تدرين لانه يدري انك بترفضين ونحنا ما درينا الا وهو بالعمليات حتى دانه ما كانت تدري انه بيتبرع لك ، الظاهر طلال للحين يحبك
لينا حست نبض قلبها يضرب العلالي من قوة الصدمه نزلت دموعها وغطت ع وجهها و انهارت صياح
ليان قربت لها : لينا شفيك ؟
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐
💐🍃💐🍃💐
🍃💐🍃💐
💐🍃💐
🍃💐
💐 206 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 💐🍃
بعد مرور ساعتين ؛
كانت واقفه ودموعها تنزل وهي تناظر بنتها نايمه وتفكر ببكرا وش ممكن يصير فيها !
وقف وراها وباس كتفها بحب وناداها بحنان : يمه
شيخه لفت عليه : اختك تدمرت
ذياب : لا تقولين هالكلمه
شيخه : اجل وش أقول ! ما دخلت العشرين وشافت هالوجع ! وجع نفسي و وجع جسدي ما كانت بوعيها لدرجة كانت ترفس بطنها لين فتحت جرحها و رجعو خيطوه مره ثانيه
ذياب : ادري انهم دخلوها للعمليات ثاني مره ، يمه اذا صحت سحاب لا تفتحون معاها سالفه ولدها خلص
شيخه : وشو يلي خلص ؟ يعني سلطان اخذه وبيحرمها منه ؟
ذياب : يمه نحنا مو بغابه انتِ في بلد فيه قانون محد يقدر يحرم سحاب من ولدها بس سحاب هي يلي ما تبيه
شيخه : الاقيها من مين والا مين ، طلال وينه صحي والالا؟
ذياب : ايه صحي ، ما تبين تشوفينه ؟
شيخه : كيف ما ابي و انا قلبي بينفطر عليه
ذياب : سلامة قلبك لو تبين قلبي عطيتك إياه
شيخه ناظرته بطرف عينها : كأنك مروق اليوم والا فيك شي ؟
ذياب ابتسم بحزن : كيف اروق وملاذي نايمه ، لكن مبسوط انه سحاب و لدت وصرت خال
شيخه ابتسمت بحزن : خلينا نروح لعند طلال ابي اشوفه بعيوني و اطمن عليه .
__
عند طلال ؛
دانه وقفت قدام الباب اخذت نفس تهدي من اعصابها لانها تحس اول ما تشوف طلال بتذبحه ،
فتحت الباب و دخلت و شافته صاحي : الحمدلله ع السلامه ، ع الأقل كان قلت انك بتتبرع ولا …
قاطعها بصوت تعبان : دانه
دانه زفرت أنفاسها : ليش يا طلال انت يلي تتبرع لها؟ ما فكرت فيني ؟
طلال : فكرت بعيالي ما ابيهم يعيشو باقي حياتهم بدون ام ؟
دانه : لو ماتت الله يرحمها هذا قدرها وش دخلك فيها اساساً!
طلال : انتِ جايه تطمني علىِ والا تعاتبيني؟
دانه : يحق لي اعاتبك ، ترا انا زوجتك لا تنسى هي طليقتك يعني مالك دخل فيها
طلال : لينا بنت خالتي و ام اولادي
دانه : وش حادك عليها انت طلقتها لانك كرهتها ولا تبيها
طلال : دانه خلص مالي خلق أتكلم والله تعبان .
دانه انقهرت من رده لكن بينت العكس قربت له اكثر ومسكت يده : طلال ي روحي تدري انا من وين جايه الحين؟
طلال رفع عيونه وناظرها و انتظرها تكمل
دانه نزلت دموعها و ابتسمت : لمن عرفت انك بالعمليات اُغمى علىِ و بس صحيت كنت بطوارئ و طلعت التحاليل انه انا حامل بالاسبوع السادس ، انا حامل يا طلال بولدنا نحنا الاثنين
طلال هاللحظة جاه إحساس غريب ما يدري وش هو ابداً
دانه : طلال شفيك ؟
طلال ابتسم : مبروك ي روحي
انفتح الباب و دخلت شيخه و معاها ذياب و نواف اول ما شافت ولدها نزلت دموعها و قربت له وباست جبينه بحب : الحمدلله ع سلامتك ي نور عيني يا يمه
طلال : الله يسلمك يا يمه
ذياب : طمني صرت الحين احسن مع المسكن ؟
طلال : ايه الحمدلله كنت من شوي تعبان مررا الحين احس مكان العمليه تخدر
شيخه : الله يسامحك يا طلال اجل تعطي للمتبرع ضعف المبلغ عشان انت تتبرع ؟ ليش يا يمه وش حادك تتبرع دام في غيرك ؟
طلال : هذي لينا يا يمه
دانه حست انه خنقها بطريقة مؤلمه نبرة صوته وهو يقول هذي لينا كانه يثبت حبه ل لينا مهما صار بينهم !
نواف : الدكتور يقول يومين وبس تتحسن تطلع من المستشفى
طلال : ولينا متى تطلع ؟
شيخه : أسبوع و بتطلع ؟
دانه حست الموضوع زاد عن حده وهو يسأل عنها كل شوي شدت ع يدها وتكلمت بهدوء عكس الفيضان يلي بداخلها : طلال حبيبي انا بروح البيت عاد تعبانه مرره واساسا الدكتوره قالت لي لا تتعبن نفسك لانه اول ثلاثه اشهر من الحمل تكون مُتعبه ومُعرضه للاجهاض
شيخه ناطرتها بصدمه : ليش انتِ حامل ؟
دانه ابتسمت ب انتصار وحطت يدها ع بطنها : ايه حامل بحفيدك
طلال : روحي ارتاحي انا بقعد مع نواف والا ذياب
دانه هزت براسها و طلعت من الغرفه طلعت جوالها من شنطتها و دقت ل أمها وحكت لها كل السالفه وهي مقهوره وتبكي وختمت كلامها : يمه لازم تسوين شي لازم اتخلص من لينا للابد طلال للحين يحبها الظاهر السحر خلص مفعوله او انه رجع يقرا اذكاره !
ام دانه وهي مقهوره اكثر منها : ما عليك لا تخافين و انا امك
دانه وهي تمسح دموعها : وش بتسوين ؟
ام دانه وهي تفكر : للحين ما ادري
دانه : ابي لينا تمرض يصير فيها أي شي ابيها تتشوه ابيها تصير بشعه وتخوف ابي طلال اذا شافها تعوذ من ابليس
أمها ابتسمت بخبث : ابشري ولا يهمك !
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐
💐🍃💐🍃💐
🍃💐🍃💐
💐🍃💐
🍃💐
💐 205 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 💐🍃
الكل كان ساكت بعد كلام سحاب عبدالناصر ناظر سلطان : امشي يا سلطان وبس تتحسن سحاب نتكلم بهالموضوع
سحاب قاطعته : لا يبه انا ما ابيه حتى اسم ما سميته خلي ابوه يسميه
نواف تنرفز منها ومن كلامها : بس بس مجنونه انتِ بتعطينه ولدك حتى لو قال بياخذه ما يقدر انتِ ببلد فيه قانون الدنيا مو فوضى
آلاء: نواف معاه حق القانون معاكِ انت أم ولا قوه في الدنيا تفرق بين الام و ولدها
سحاب : انا ما تدخلت يوم قررتو تنجبو طفل مُعاق اجل لا تتدخلو فيني يوم اعطي ولدي ل ابوه هو يربيه
نواف رص ع اسنانه بحده لكن الاء مسكت يده وشدت عليها عشان تهديه ابتسمت من بين دموعها : ولدي بس يكبر رح يكون فخور ب امه يلي حبته قبل لا تشوفه افضل من غيره يلي رح يكبر ويعرف انه امه تخلت عنه
سحاب حست بالوجع انه جرحت اكثر انسانه كانت تحبها اخذت قاروره المويه من جنبها ورمتها بقوه : سلطان خذ ولدك و اطلع خلص خلص جننوتني الله ياخذكم كلكم
سلطان تقدم وشال الولد من سريره ناظر سحاب : ترا يمديك تغيرين رايك ونبدا من جديد؟
سحاب : اموت ولا أعيش معاك ، طلقني
سلطان : سحاب انتِ طالق .. لف وطلع من الغرفه بدون لا يقول أي كلمه ثانيه
مرت دقيقه صمت بين الكل سحاب كانت تناظر كل واحد فيهم بشتات وعيونها تمطر دموع بغزاره وتحس انه دموعها كأنها تروي وجعها بلعت غصتها وهي تستوعب وش صار ما ندمت ابدا ولا حست بالندم ، كل شي صار بالماضي وكل شي عاشته مع سلطان مر قدام عيونها هاللحظه تذكرت اليوم يلي نامت مع سلطان وحملت فيها تذكرت كل لحظاتها كانت جدا سعيده والحين دفعت ثمنها ، مر بخيالها و ولدها وهو رجال و كبير كيف بتقدر تحط عينها بعينه وش بتقوله اذا سالها ليش تخليتي عني ؟ مهما كان عذرها قوي الا انه يظل صغير قدام انها تتخلى عنه وهو بأمس الحاجه لها ،
حطت كف يدها ع صدرها وهي تحس بالم شديد فيهم وتذكرت انه حليبها بدا يتجمع ، حست قلبها لولا ضلوعها كان طاح بين رجولها أطرافها كلها ثلجت ضمّت نفسها وصرخت بكل صوتها
شيخه قربت لها وضمتها من كتوفها سحاب كانت تبكي وتشاهق بكل صوتها وبين شهقاتها كانت تتمتم : يمه انا تعبانه انا مكسوره يمه انا تطلقت وتركت طفلي يمه قلبي يوجعني
ذياب ما قدر يتحمل يشوف سحاب بهالوضع فتح الباب بقوه وطلع وطلع معاه نواف
عبدالناصر جلس ع الكرسي وهاللحظة ندم انه وافق ع زواج سحاب وهي صغيره لانها اتخذت قرار بعمر صغير غير مُدركة للمستقبل
آلاء مسحت دموعها : خالتي في دم عند بطنها الظاهر جرحها انفتح!
هالمشهد حقيقي فعلاً سحاب بالواقع تخلت عن طفلها خوفاً من المستقبل انه سلطان يأخذ ولدها .
.
عند سلطان ؛
فتح باب البيت و دخل و ولده بحضنه وعرف انه امه و خواته قاعدين بالصاله وقف وناظرهم لين حسو فيه وناظروه و انصدمو وقت شافوه حامل طفل بيده خطرت لهم سيناريوهات كثيره لكن ما خطر لهم ابدا انه سحاب تخلت عن ولدها !
منيره بهدوء تام وكانها تتوخي الحذر : سلطان هذا ولدك؟
سلطان قرب لها وحطه بحضنها : هذا حفيدك يا يمه هذا ولدي سَعد
اروى: سحاب ! وين سحاب ؟
سلطان قعد ع الكنبه ومسح ع وجهه بضيقة صدر : طلقتها وكل شي بينا انتهى
مرت دقيقة صمت وهم يناظرو بعض من هول الصدمه !
هدى بحده : طلقتها ! طلقتها يا سلطان وانت تحبها وهي تحبك ؟
اروى: خاف الله طلقتها يوم ولادتها ؟ وين راح حبك لها نسيت يوم وقفت بوجوهنا عشانها! نسيت يوم قعدت أسبوع تترجى ملاذ توافق ع ذياب بس عشان تتزوج سحاب؟
هدى ابتسمت بسخريه : نسيت يوم انك دخلت عليها قبل الزواج من كثر ما تحبها
منيرة وهي تناظر وجه سَعد : حرام يلي سويته
سلطان ببرود : هذا اتفاقنا اذا تبيني اطلقها اخذ ولدي وخلص طلقتها
منيرة : وش ذنب ولدكم ؟ قولي ياقليل الحيّا وش ذنبه مين بيربيه ؟
سلطان : انتِ يا يمه بتربيه ، وبعدين ع أساس كنتي تحبين سحاب يوم الحين تدافعين عليها
منيره : ما احبها ولا اكرها ، لكن هذا طفل يحتاج امه انا اشلون بقدر عليه وبعدين ماعنده ملابس ولا حليب ولا سرير حتى بطانيه ما عنده ولا حفايظ
هدى : احس انىِ بمسلسل ومسلسل هندي بعد وش ذه بس
اروى : سحاب وش تحس الحين من وين تلقاها من وجع العمليه والا فراق ولدها والا طلاقها
هدى : احس تحملت فوق طاقتها و عمرها صغير والله حرام
سلطان حس بضيق اكثر من كلامهم وقف وهو معصب لكن صوت منيرة الحاد وقفه : سلطان وقف
سلطان : ابوس رجلينك يا يمه لا تزوديها على قلبي
منيره كسر خاطرها : يمه ي روحي قولي لو بكى وش اعطيه ؟
سلطان : المستشفى عطاه حليب يمشيه كم يوم و انا برجع اشتري له يلي يحتاجه
تركهم و طلع غرفته رمى نفسه فوق السرير وغمض عيونه اول ما مر بخياله كان وجه سحاب فتح عيونه وحس أنفاسه كانها ناار همس : يعلم الله يا سحاب انىِ ما كنت ابي فراقك.
💐🍃💐🍃💐
🍃💐🍃💐
💐🍃💐
🍃💐
💐 203 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 💐🍃
شيخه : مو وقتها صرفيها ولا أقول لا تردي
آلاء: هذي رابع مره تتصل
نواف : عادي ردي وقولي لها نحنا بقسم العمليات و اذا جت قلنا لها ترا الموضوع ما يتخبى
ليان : الحين اذا جت بتقوم الدنيا
حصه ناظرت لشيخه : أقول شيخه مالي خلق مشاكل
شيخه تضايقت لكن بنفس الوقت عذرتها : تطمني ما رح يصير شي
آلاء ردت : هلا دانه
دانه : وينكم ؟ انا وعمي صار لنا ساعه قاعدين عند سحاب صحت وجلست تبكي بصوت والممرضه عطتها منوم ونامت انتو وينكم ؟
آلاء ناظرت شيخه : عمي موجود؟
دانه : ايه
آلاء : اسمعي نحنا فوق بالعمليات الطابق الخامس
دانه : عمليات ! وش صاير ؟
آلاء: اذا جيتو قلنا لكم .. سكرت منها وناظرتهم : ترا عمي موجود
شيخه : ايه قالي انه جاي عند سحاب لكن الحين وش بقوله ولدك بالعمليات ! الا أقول نواف وين اخوك ذياب ؟
نواف : تسالين وانتِ عارفه الجواب، ذياب عند ملاذ ما يبي له سوال وين ذياب
لفو كلهم وقت وصل عبدالناصر وتكلم بصوت جهوري : مين بالعمليات ؟
سكتو كلهم وكل واحد فيهم منتظر الثاني يرد
دانه نقزها قلبها : خير شفيكم مين بالعمليات ؟
ليان ناظرتها وحست بالقهر انه هي السبب ورا كل شي : تدرين مين بالعمليات ؟
دانه ناظرتها وانتظرتها تكمل
ليان اخذت نفس : يلي داخل لينا اختي عندها عمليه زراعه كلى والمتبرع لها زوجك طلال يا دانه
دانه حست كانها عطتها كف ع وجهها من قوته الدنيا كلها درات فيها
عبدالناصر ناظر شيخه : وش تقول ؟ وش فيكم ؟ وش يلي قاعد اسمعه ؟
نواف مسك يده وجلسه ع الكرسي : يبه اقعد افهمك السالفه كلها ترا نحنا والله ما كنا ندري بشي ما عرفنا الا من كم ساعه
دانه حست بغليان من اسفل قدمها : اكيد انتو ورا هالخطه السخيفه ؟
ليان وقفت ومسكت دانه وسحبتها من جنبهم ما تبي ابوها و أمها يتضايقو اكثر زياد وقف ومشي بعدها لانه يدري انها بتتهور ب أمور كثيره ناداها بصوت عالي : ليان وقفي
ليان ما اهتمت وناظرت دانه : شفيك جايه تهاجمينا ، اسمعي يا حبيبتي زوجك بنفسه قال بيتبرع لها
دانه بحده : ع بالك ما اعرف بحركاتكم السخيفه اكيد اختك هي يلي طلبت منه هالشي ويا حياتي يا طلال اكيد شفق عليها وقال ام عيالي وش بيسوي اكيد بيتبرع لها عشان عياله ما يصيرون يتيمين الام !
الاء جت لهم وسمعت الكلام ضحكت بسخريه : هالكلام تقنعي فيه نفسك تمام ، ترا لينا للحين ما تدري انه طلال هو يلي بيتبرع لها وترا كان في متبرع لكن زوجك طلال عطاه ضعف المبلغ بس عشان يتراجع وهو يلي يكون مكانه بالعمليه
دانه رصت ع اسنانها : كذابه وتبين تحاولين انه تقهريني ادري بحركاتك الوسخه
الاء مشت من جنبها وطنشت كلامها
ليان : أتوقع سمعتي الحقيقه عاد صدقتيها بكيفك ما صدقتيها بعد بكيفك ، بس تعرفين شي قاعده افكر الحين وش حاسه فيه انتِ؟ حاسه بنار تكوي صدرك والا حاسه الدنيا كلها محشوره ببلعومك ؟ لازم تعرفين انك طرف ثالث بين لينا و طلال ولازم تعرفين انك رخيصه ولك بدايل كثيره لكن لينا مالها شبيه ولا بديل
دانه غمضت عيونها بقهر و رفعت يدها بتعطيها كف لكن يد زياد مسكتها قبل وجه ليان شد عليها بقوه ونزلها : لازم تعرفين انه هالوجه ينباس ما ينضرب واليد يلي ترفعها اكسرها
دانه صرخت بصوت : اتركني .. قربت لهم ومسحت دموعها بقوه : انا ادري انكم ورا هالسالفه لكن قسما بالله ل ادفعكم الثمن و اخليكم تعرفون مين هي دانه .. ناظرت حصه وكملت : انا أقول بدل لا تبكين احشمي بنتك ما لقيتو الا طليقها يتبرع لها ياصغركم قدامنا بس
نواف وقف وبحده : دانه يكفي عيب
دانه : حلو انكم تعرفون العيب
عبدالناصر : يا بنتي نحنا بمكان عام ما يصير تقولين هالكلام ارجعي البيت واذا هديتي رجعتي لنا ولنا كلام ثاني
حصه كانت تبكي و تتحسب عليها من قهرها ، انفتح باب العمليات و طلع الدكتور بعد مرور اربع ساعات الكل نسى دانه وكلامها وقربو للدكتور
الدكتور ابتسم : الحمدلله العمليه تمت بنجاح و لينا وطلال بخير نقلناهم الإفاقه اذا صحو بننقل طلال لغرفه خاصه لينا لازم تقعد ثلاث أيام بالعنايه لحتى نعرف جسمها تقبل الكليه او لا
حصه بكت وهالمره بكاء فرحه حضنتها شيخه وهي تبكي معاها و تمتم بالحمدلله
ليان من الفرحه لفت وضمت زياد بكل قوتها : سمعت وش قال الدكتور لينا بخير يا زياد
زياد ابتسم ما يدري فرح انها حضنته ولا فرح عشان سلامة لينا وطلال ضمها بحب وهمس لها : الحمدلله على سلامتهم الاثنين ..
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐
من اقوى القنوات المتخصصة في العملات الرقمية 🔥😍👇
/channel/+c4TSgeeGWB00OGQ0
~~
|23K 💄تعليم مكياج للبنات💄💄
-
|14K 🍊مطبخ منال العالم🍊
-
|13K 😂نكت دون توقف😂
-
|11K 🌕علم النفس وتطوير الذات🌕
-
|10K همسه عِشـہۣۙ❥ـٌِق💜❥
-
ۦ
🎉🎉
|07K تطوير الذات
-
|07K 💡متع ذهنگ💡
-
|06K كل يوم قصة
-
|05K ٌخوَاطِر إسِـــُلُامٌيَةَِ َ ❀ِ
-
|05K 😂اضحك وانسى الهم😂
-
ۦ
🎉🎉
|05K غرائب من العالم
-
|05K معلومات وغرائب
-
|04K معلومات صحية
-
|04K |14k انتي اجمل
-
|04K صــــور 🤹🏻♀️مـتــحــركـــة🏄🏻♀️
-
ۦ
🎉🎉
|05K 😍قصص وروايات عالمية 😍
-
|05K مشاعل
-
|04K ملخصات + معلومات طبية 💊
-
|04K هل تعلم
-
|05K 😍 دمــوع الـعاآشقـين~💕
-
ۦ
🎉🎉
|03K تنمية بشرية 📚
-
|03K خواطر راااائعة
-
|03K محترفين الهكر
-
|03K خواﻂﮍ مـƒřô๓ـہن القلب📩
-
|02K صدقه جاريه 💭
-
ۦ
🎉🎉
|02K ڪـلمات ميـن القـ💔ـلـب
-
|03K نكت
-
|02K يومـ.قصص💔 واقعية.ـيـات
-
|02K خـ🌸ـربـشـات💓أنـ💗ـثـئ
-
|02K غرائب وعجائب
-
ۦ
🎉🎉
|02K 🌷هـمـس☺️الـحــب🌷
-
|02K هـمـس✨ الـحــ❣ــب
-
|02K 💭برودكاست |نكت💭
-
|03K خواطر وعبارات
-
|01K عــن🌎السـيـاحــــة❣️والهجرة
-
ۦ
🎉🎉
|01K إقتباسات إنجلش✨
-
|01K مــيــــمM❤️
-
|01K أضحك وانسى همومك
-
|01K الرشاقة 💃والجمال
-
|02K تـــٰـــٰـــٰــرَف pic 📷
-
ۦ
🎉🎉
|04K design أدِۆآت تصميَم
-
|02K جمالك سيدتي
-
|02K طريقة صنع بخور وعطور
-
|02K 🌸منوعات همس الحروف🌸
-
|02K صدفة❤️ عشقتك
-
ۦ
🎉🎉
|02K اشهى😋 الوصفات لمطبخك🍲
-
|02K بـعـض💓الاحـلام🌸حـيـاة️
-
|03K 😍😻 صور وحالات تجنن 😻😍
-
|04K اٰنٰہٰٖتٰہٰٖ رٰوٰحٰہٰٖيٰہٰٖ ،💗
-
|02K ﴿ٳحسٰـآإأسء مَ يفهمـوٰنهۂ “̯ ֆء.
-
ۦ
🎉🎉
|03K الرقية الشرعية من الكتاب والسنة
-
|03K تطبيقات وتعليم الهكر
-
|03K 🎹💭💖 ʟ̤ɾʟɺ ٱﻧــٺ
-
|03K ::شعر::واااحه::الاصدقاء::➢✵★
-
|03K منبر الخطباء والدعاة
-
ۦ
🎉🎉
|03K دﯡلــــــﺔ الحپ✨😻
-
|05K 💇🏻♀قروب خاص بنات 🌸
-
|04K لاتنسى ذكر اللّـه
-
|05K 😻🌈 تصاميم روعه تجنن 😍🎨
-
|04K خواطر و حالات ღ
-
ۦ
🎉🎉
|05K 🔥😻عـالـم التكنـولـوجيـ📵ـا☠🔥
-
|06K 😂🔥نـكـت سـاخنة للكـبار🙈🔥
-
|06K ❤ٲلـمـتعـة بالحـيـاة❤️
-
|05K ﴿- لـ صديقتـي💗 ̮ֆ℡
-
|05K ✺┆قــصـص واقـعـيـة❧
-
ۦ
🎉🎉
|07K طنش وعيش
-
|07K ❣القرآن الكريم وعلومة❣️
-
|11K 💕متعـة الحـ♡ــديث 💞
-
|10K 🌞همسة صباح🌞
-
|13K مُـ‘ـُمُـ‘ـُآ رآقُ لُـ‘❤️ـُيُُ
-
ۦ
🎉🎉
|13K خواطر أحمد الشقيري😊❤
-
|16K 💯💯نشر روابط مجموعات واتساب💯💯
-
|19K ✒اقوال وحكم عظيمة✒
-
|26K جميع قنوات التيلجيرام الرسمية
-
|46K ❤️📝 روايات وقصص مميزة 📝❤️
-
⚙
By☛ للإشتراك في القائمة 📥
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 225 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
عند سحاب ؛
قبل ساعه من حادثة الانتحار ..
صحت من نومها وكالعاده تتألم من وجع العمليه لانها نامت بطريقه غلط غمضت عيونها و دموعها نزلت لا إرادياً رفعت بلوزتها وكشرت وهي تشوف الجرح صار لونه احمر ومبين انه التهب ،
تأففت بضيق وقامت بصعوبه من فوق سريرها مشت بخطوات هاديه وناظرت نفسها بالمرايه ،
مرت خمس دقايق كانت لحظه صمت وتأمل لسحاب رفعت يدها وهي تمرر اصابعها على وجهها وشعرها حست انها كبرت عشرين سنه !
هالاتها صارت كبيره وغامقه بشرتها باهته شفايفها جافه ومتشققه شعرها منفوش ولا تتذكر متى اخر مره مشطته حاولت انها تبتسم لعلى ملامحها تتغير لكن صار العكس وبدت تبكي بطريقه هستيريه وكل شوي صوتها يرتفع وشهقاتها تعلو ،
قربت اكثر ولصقت وجهها بالمرايه رفعت كفوف يدها وخبطت المرايه بقوه وتكلمت بصوت موجوع صوت مكسور: ليش ! ليش ياربي يصير فيني كل هذا ! ليش يارب ! انا والله حبيت سلطان من كل قلبي صح مشيت بالبدايه بطريق ما يرضيك ولا يرضى اهلى ولا يرضى مبادئي بس ما استاهل يصير فيني كل هذا، تعبت والله تعبت
رفعت كفها وخبطت المرايه بكل قوتها مره ومرتين وانكسرت بالمره الثالثه ، فزت بخوف وقت شافت الزجاج تناثر بالأرض ناظرت فيه وسرحت بقطعه صغيره انحنت لها و اخذتها وفي بالها الف قصه وحكايه !
مشت للحمام فتحت المويه للبانيو ودخلت بملاسها نامت والمويه بدت تغطي جسمها رفعت قطعة الزجاج وهي تناظر فيها وبطرفها الحاد بدقه رفعت يدها الثانيه وحطت الزجاجه على وريدها ما ترددت ولا للحظه ولا فكرت بالاخره ولا فكرت بمصيرها بنار جهنم مررتها بقوه لين الدم طفش بقوه وطاحت الزجاجه من يدها وحست كل جسمها طاح ،
ناظرت السقف وعيونها مفتحه ع الآخر هاللحظة ادركت فعل مصيبتها حاولت انها تصرخ ما قدرت حاولت ترفع نفسها ولا قدرت المويه بدت تغطي وجهها
عيونها مفتحه للاخر شفايفها بدت تزرق وضغطها نزل جدا ، سيدي حياتها مّر قدام عيونها وكل شي عاشته تذكرته بثواني ،
اغمضت عيونها لا ارادياً وبدت تستسلم لضعف جسدها وضعف إيمانها بالله عزوجل !
هاللحظة ذياب فتح الباب وحس اطرافه بردت من بشاعه المنظر يلي قدامه
ملاذ شهقت بصوت وناظرت ذياب : انتحرت!
ذياب تقدم بسرعه رفعها من البانيو وكل جسمه يرجف خبط وجهها بقوه : سحاب سحاب
ملاذ رفعت يدها وشافت الجرح ضغطت عليه بقوه بيدها واليد الثانيه سحبت شماغ ذياب و ربطت الجرح قاست لها النبض
و ذياب ناظرها وتكلم بصوت راجف : قولي عايشه قولي ما ماتت؟
ملاذ هزت راسها: في نبض في نبض بس ضعيف جدا لازم ناخذها الحين المستشفى ما نقدر ننتظر الإسعاف يمكن تموت ..
وقفت وكملت كلامها : البس العبايه بسرعه و اجي معاك ..
دخلت غرفه سحاب وفتحت الدرج وسحبت اول عبايه لبستها و ذياب حط يد عند رجل و اليد الثانيه بظهرها و قف وملاذ فتحت له الباب و نزل الدرج بسرعه و ملاذ تجري وراه
الكل وقف بخوف وكل واحد يسال وش فيها سحاب ؟ وش صاير ؟
ذياب تكلم بصوت جهوري قدام الكل : سحاب انتحرت..
طلع من البيت بسرعه ملاذ فتحت له باب السياره ركب وسط وسحاب بحضنه ملاذ طلعت و شغلت السياره حست بصداع قوي وهي تشوف الدركسون مسكت راسها
ذياب انتبه لها حط سحاب بهدوء و نزل بسرعه فتح الباب وسحب ملاذ و نزلها : خليك انتِ جنبها ما عندي القوه أخسركم الثنتين بنفس اليوم
ملاذ هزت راسها و طلعت بسرعه و رفعت راس سحاب لحضنها و رجعت تقيس نبضها ثاني مره ،
ذياب مشي بأقصى سرعه كان يتخطى كل السيارات ياي قدامه ويقطع اكثر من أشارة ويدعي من كل قلبه انه اخته تعيش ما تموت منتحره ونهايتها نار جهنم
وصلو المستشفى ونزل ذياب رمى المفتاح للامن وشال سحاب لحضنه و دخل وهو يجري للطوارئ ويحس الأرض انعوجت تحت اقدامه طاح ع ركبه وصرخ بصوت : ساااعدوني
كل يلي بالطوارئ طلعو رفعو سحاب لناقله و دخلوها احدى الغرف
ملاذ تكلمت بصوت مسموع : قطعت شريانها باليد اليسرى ، نبضها جداً ضعيف تحتاج غرفه عمليات جهزوها بسرعه ..
طلعت من الغرفه و شافت ذياب بنفس الوضعيه ضاق صدرها و تقدمت له بسرعه و مدت يدها و رفعته من الأرض مسحت ع جبينه و صبت له مويه : ذياب حبيبي تكفى كون قوي شوي
ذياب اخذ نفس و مسح ع وجهه : وينها ؟ عايشه ؟
ملاذ : شوية إجراءات والحين بتدخل العمليات ، تطمن عايشه
ذياب شد ع يد ملاذ : ادخلي معاها ، تكفين ملاذ سحاب لا تموت ، سحاب صغيره حرام تموت بهالطريقه !
.
#يـــــتـــــــبــــــــــع...
🚫 يسعدنا مشاركة الرواية ولكن لا نسمح بحذف توقيع القناة 🚫
https://t.me/joinchat/AAAAAD1p6TqBBTyITQumpA
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 223 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
الكل كان قاعد ع السفره وهالشي افتقدوه من ثلاثه اشهر و اكثر من يوم ملاذ سوت الحادث ذياب ما قعد مع اهله ابدا ، اول ما جلس ع الكرسي وشافهم كلهم متجمعين حس بمشاعر دفئ الاهل
عبدالناصر كانت الابتسامه شاقه وجهه: يا حيّا الله بنتي ملاذ نورتي البيت
ملاذ ابتسمت : الله يحيّيك يا عمي ، البيت منور فيكم
شيخه : تصدقين من سويتي الحادث ذياب ما قعد معنا على سفره
نواف : هي يا يمه جت ع السفر ما كنا نشوفه حتى ما عرفت انه عنده اسنان الا يوم صحت ملاذ
كلهم ضحكو لكن ملاذ حست بمشاعر حب كبيره تجاه ذياب وبنفس الوقت حزنت عليه انه تعذب كثير بغيابها لفت عليه و اكتفت بنظرات مليانه حب و غرام
دانه حست انها مطنشه منهم وقررت انه تتقرب من ملاذ دام ما تعرفها : ملاذ رجعتي لدوامك ؟
ملاذ : لا ، هالفتره قلت برتاح أساسا كل ما يصير شي و أحاول أتذكر احس بصداع و اتعب اكثر
آلاء: ايه صح لاحقه ع الشغل
ملاذ حطت كاسة العصير : وين سحاب ؟
شيخه اختفت ابتسامتها : سحاب تعبانه ، والله ما ادري شفيها البنت داخله باكتئاب ما بعد الولاده
ذياب : طيب ما تطلع من غرفتها ابدا؟
طلال : لا ، ولا تبي احد يدخل عندها
عبدالناصر بضيقة صدر : اتركوها بحالها يلي عاشته ماهو سهل ولا يتخطى بيوم ويومين .
__
بعد مرور ساعتين ؛
كانو الحريم قاعدين لحالهم بالصاله والرجال بالمجلس ملاذ حست بصداع شديد استأذنت منهم و طلعت جناحها دخلته وهو مثل ماهو ما تغير شي وقفت عند الشباك وهي تناظر الحديقه والمسبح ابتسمت من جمال الورد اخذت جوالها و راسلت رساله لذياب
" انا بجناحنا احتاجك حبيبي"
ذياب كان قاعد مع ابوه و اخوانه اول ما وصله اشعار وفتحه فز قلبه وحسه انه ملاذ فيها شي وقف بسرعه و طلع جناحهم بسرعه فتح الباب وشافها واقفه عند الشباك قرب لها وحضنها من الخلف وباس كتفها : انتِ بخير ؟
ملاذ لفت فيه وحضنته : ايه ي روحي بس حاسه بصداع قعدت معاهم وسولفو عن أشياء كثيره ولا قدرت أتذكر احس تعبت
ذياب : اذا تبينا نرجع بيتنا مشينا الحين
ملاذ : لالا ، بس قلت بنام شوي و ابيك تكون معاي ،ادري كنت قاعد معاهم بس
ذياب قاطعها : ابرك الساعات يلي اكونها معاك ، عاد لو احضنك وش يصير بقلبي .. مسك يدها ومشي لسرير نام وحط راسها ع صدره
ملاذ تعلقت فيه وحست بالأمان رغم الضوضاء يلي تعيشها براسها وهي تحاول تتذكر الا انه لمن تحط راسها بحضنه وتشمّ ريحته تنسى كل شي وتحس انها تنتمي لذياب
ذياب باس راسها بحب : والله ما ارتاح الا بقُربك .
.
دانه
جلست جنب طلال بطرف السرير : طلال حبيبي
طلال نزل الجوال : نعم
دانه : وش هذي نعم ! وين هلا بحبيبتي وهلا بروحي
طلال : تبين شي يا دانه ؟
دانه دمعت عيونها : طلال شفيك صاير كذا جاف معاي ، ترا انا دانه يلي تحبها
طلال : مافيني شي بس تعبان
دانه : لا انت مو تعبان اشوفك مع اهلك تضحك وتسولف واذا جيت عندي قلبت وجهك صاير شي ؟
طلال تافف وجلس : دانه قلت لك مافيني شي وبعدين قلت اتركك بحالك لانك حامل وتحتاجين الراحه
دانه : ماشاءالله هذا مفهوم الراحه عندك ؟ انك تتركني؟
طلال مسك يدها لمن شاف دموعها : دانه الفتره الماضيه ما كانت سهله لنا كلنا ، شي طبيعي انه ببعد عنك
دانه : طيب شرايك نسافر ونغير جو ؟ تدري نحنا ما سوينا شهر عسل ودخلنا ع المشاكل والهواش
طلال : ما اقدر انا توني بعد عمليه وغير كذا الشغل متراكم ، خليها لبعدين
دانه حست بغصه من كلامه ونفوره منها همست : انت تحبني يا طلال او لا ؟ ترا تغيرت ما عاد انت طلال يلي اعرفك وحبيتك وحبيتني ؟
طلال انصدم من سؤالها ولا قدر يجاوبها ويلي يعرفه انه ما عاد يحس باللهفه والاعجاب تجاهها لكن ما يكرها!
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 221 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
ملاذ ابتسمت بخجل : الظاهر انا مو بس فاقده جزء من ذاكرتي انا حتى ما أتذكر ل أي مرحله من الحب وصلنا
ذياب هز راسه : اممم ، طيب شي حلو انك ما تتذكرين ، وبنعيش الحين مرحله حب ثانيه و احلى من الأولى ، لكن انا وياكي تعدينا مرحلة الحب وصلنا للعشق والهيام حتى أتوقع تعديناهم و وصلنا لمرحله انه ما اقدر أعيش بدونك
رجف قلبها بطريقه جنونيه وكانها اول مره تسمع هالكلام
ذياب مسك يدها وجلسها فوق الكنبه وبدا ياكلها وملاذ بس سرحانه فيه وتسال نفسها كيف ذياب صار كذا ! صح عاشت معاه أيام حلوه لكن مو لهالدرجه
ذياب : قولي لي وش تفكرين ؟
ملاذ رفعت كتوفها: ولا شي ، ما ادري يعني احس انىِ توني اعرفك كويس وقاعده أعيش هالمشاعر وكانها اول مره ، مو قادره أتذكر شي أساسا مافي شي يخطر ببالي
ذياب حس بخوف : ملاذ لا تتعبين نفسك بالتفكير وش قالك الدكتور !
ملاذ تنهدت : ادري ادري ، خلص ما عاد بفكر بشي
ذياب : يلا كولي كويس عشان ترجعي تسمني شوي
ملاذ نزلت راسها تناظر جسمها : صح نحفت مرا بس لايق علىِ
ذياب : انتِ كل شي يلوق عليك سبحان من خلقك با اكمل صوره
ملاذ ضحكت : شوي شوي على قلبي أخاف ادخل بغيبوبه مره ثانيه بسبب غزلك
ذياب باس يدها : بسم الله عليك ، انا ما صدقت انه صحيتي
ملاذ ابتسمت وقربت وباست خده : رغم كل شي صار الا انه مبسوطه ما ادري ليه بس يلي اعرفه ارتاح بوجوك معاي يا ذياب ، لا تتركني .
.
لينا كانت قاعده بالصاله وتفطر سمعت صوت الجرس وتفاجئت مين يلي بيجي هالوقت فتحت العامله الباب و دخلت ليان وهي تسحب شنطتها
لينا ابتسمت اول ماشافتها : يا هلا والله
ليان تقدمت وحضنتها بقوه وبكت ، لينا خافت وابعدتها عنها : ليان ليش تبكين خير وش صاير ؟
ليان وهي تمسح دموعها سكتت وهي تشوف وجهه لينا كل حبوب ونست هي ليش تبكي : لينا وش فيه وجهك ليه كذا احمر ؟
لينا ضاق صدرها : ما ادري حتى جسمي كله كذا ويحكني مررا واذا حكيت يصير كانه حرق
ليان جلست وهي مصدومه : ليه طيب ؟ ما رحتي للدكتور لا يكون من كليه طلال
لينا ضحكت : لا مو من كلية طلال وش دخلها، بس الدكتور قال يمكن الادويه الكثير يلي اخذتها وعطاني كريمات وصابون وان شاء الله ينفع
ليان : غريبه والله
لينا اختفت ابتسامتها : شكلي متشوهه ؟
ليان بلعت ريقها : مو متشوهه بس حتى لون بشرتك مايل على وردي ، ماعليه ي روحي مع الكريمات بيروح لاتنسي انه مريتي بفتره صعبه والحمدلله يلي انتِ بخير
لينا : الحمدلله ، الا وش جابك الحين وجايبه شنطتك غريبه بتنامين
ليان تذكرت زياد ودمعت عيونها
لينا خافت عليها : وش فيك يا ليان وش صاير بينك انتِ و زياد ؟
ليان تنهدت بضيق و حكت لها كل شي صار ختمت كلامها وهي تمسح دموعها : ما كنت ادري انه الغيره توجع القلب هالكثر
لينا ضاق صدرها وتذكرت دانه ويلي حارق قلبها يوم درت انها حامل حست انه قلبها بينفطر من الوجع ولا هي قادره تتخطى كل ما تقول نست طلال يرجع يصير شي ويحرق قلبها اكثر دمعت عيونها بدون لا تحس وحست جملة ليان حرقت روحها اكثر
ليان خافت من دموع لينا : لينا ليش تبكين ؟
لينا : ما ادري كذا احس موجوعه
ليان : بسم الله عليك وش صاير لك ؟
لينا : قاعده افكر من يوم دانه دخلت حياتي ما لقيت الراحه قلت بطلق وارتاح بالعكس تطلقت وزدت سوء كل شوي اطلع بمرض حتى صحتي تدهورت مو بس نفسيتي
ليان : ما فهمت تلمحين لشي ؟
لينا ناظرتها : شاكه بشي بس والله ماني قادره حتى انطق الكلمه احسها كبيره ويمكن اظلم دانه
ليان : يمكن ساحرتك ؟
لينا هزت راسها : ايه ، و امس امي تقول بتوديني لشيخ كنت رافضه بس اليوم وقت شفت وجهي بالمرايه قررت اروح !
ليان : ايه روحي ليش لا، أصلا انا للحين مصدومه انه طلال تزوج نسيتي كيف كان يحبك وللحين يحبك اكبر دليل يوم درى انك تعبانه تبرع لك
.
عند ذياب و ملاذ ؛
كانو قاعدين بحديقة الفيلا فارشين فرشه بالأرض و قاعدين عليها ملاذ سوت قهوه و ذياب طلب الحلا و طبعا كل سواليفهم عن الماضي ،
رن جوال ذياب و كانت شيخه تطمنت عليهم و عزمتهم اليوم الثاني ، ذياب سكر منها و ناظر ملاذ : هذي امي تقول بكرا نروح عندهم شرايك ؟
ملاذ : ايه عادي نروح
ذياب ابتسم وهو سرحان فيها
ملاذ : شفيك كذا تناظرني ؟
ذياب ضحك : عاد مشتاق لك والله ، وش اسوي ما اصدق انك قاعده قدامي
ملاذ شدت ع يده : ذياب ترا انا بخير لا تخاف علىِ
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 219 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
ليان صحت من النوم اول ما فتحت عيونها لفت ع الشباك و انصدمت انه صار ليل ولا تدري كم نامت حاولت تتذكر وش صار وتذكرت وقت نامت وهي بحضن زياد لفت يمينها تدور عليه مالقيته جلست و هي تتذكر وقت قالها احبك ابتسمت وحست قلبها فراشات ، لكن اختفت ابتسامتها و هي تتذكر وقت قال ل اسيل " وش يبكيك " نبرة صوته وهو يسالها خلت النار تشتعل بصدرها
غمضت عيونها وهي تحاول انه ما تفكر بالشي يلي صار وتفكر فقط بزياد ،
قامت بسرعه وقفت قدام المرايه رفعت شعرها وطلعت من الغرفه حست بوجع ببطنها من شدة الجوع نزلت الدرج وانصدمت وهي تشوف زياد متمدد ع الكنبه نادت عليه : زياد ليش قاعد هنا؟
زياد اول ما شافها جلس و ابتسم : لياني تعالي جنبي ، ترا جايب لك برجر
ليان ابتسمت : عاد والله ميته جوع .. جلست جنبه وفتحت الكيس ناظرت زياد : انت ما نمت؟
زياد : لا والله طلعت
ليان : وين رحت ؟
زياد مسح ع وجهه : رحت قابلت الشخص يلي هدد اسيل بصورها
ليان اختفت ابتسامتها وحطت البرجر ع الطاوله بقوه : يعني انت كنت تكذب علىِ ؟ وش دخلك فيها لتكون زوجتك و انا ما ادري ؟
زياد : ليان اهدي شوي
ليان بحده : لا والله شايف انك على صح ؟
زياد : ايه انا على صح
ليان خبطت الطاوله بقوه : زياااد
زياد مسك يدها وشد عليها بقوه : ليان اهدي شوي انتِ مو بزر لازم تكوني مُتفهمه وتسمعي الكلام ل اخر شي
ليان : انت راح تجنني يا زياد قسما بالله رح اجنن منك ، راسيني على بر انت تبي مين انا ولا اسيل ؟
زياد زفر أنفاسه بضيق : وتسأليني هالسؤال وانا قلت لك احبك وش تبين اكثر يا ليان ؟
ليان دمعت عيونها : طيب ليش تروح تقابل الرجال؟
زياد : اكيد ما راح اترك اسيل بهالموقف ماهي قادره تكلم ابوها و اخوانها لانه ردة فعلهم رح تكون عنيفه و انا ساعدتها ، قابلت الرجال وخليته يعرف انه وراها رجال
ليان ابتسمت بسخريه : عفواً، وراها زياد بس يلي للحين ما قدر يتخطاها حتى وهو يحب زوجته هذا اذا كان فعلاً يحبها مو يلعب عليها ويكمل لعبة انتقامه
زياد غمض عيونه لانه مو قادر يقنعها : ليان بليز افهمي الموضوع بطريقه عقلانيه لا تفهميه بقلبك
ليان مسحت دموعها بقوه : طيب خلص
زياد : وشو يلي خلص
ليان وهي تسلك له: فهمته بعقلانيه
زياد مسك وجهها من دقنها ولفها عليه : حتى و انتِ تبكين طالعه حلوه و اجمل بعد .
.
صباح اليوم الثاني؛
سحاب كل الوقت قاعده بغرفتها و رافضه انها تقابل أي احد محد قدر يقنعها انه ترجع ولدها او تتعايش مع الواقع ،
وضعها جداً مُزري صايره هشّه وكل وقتها وهي تبكي طول الوقت نايمه على سريرها ومهمله نفسها ويلي يشوفها ما يصدق انه هذي سحاب ، التعب يلي بجسمها وقلبها عكس ع ملامح وجهها وعيونها صارت تحكي مدى وجعها
كل ليله وكل ثانيه تفكر بولدها لكن عندها قناعه تامه انه ما تبيه دام ابوه سلطان ،
حبها الكبير لسلطان والآمان يلي كانت تحس فيه معاه لدرجة تحدت أهلها وتركت جامعتها كان نتيجته خذلان كبير وصدمه ما قدرت انها تتجاوزها رغم وجود اهلها معاها وكل الناس يلي تحبهم بس ما قدرت تتجاوز الماضي ولا قدرت تنسى ابدا ..
صحت من النوم من شدة وجع بطنها نامت بطريقة غلط و عورت جرح العمليه حاولت انها تجلس رغم انها تحس روحها بتطلع ،
جلست بصعوبه وبدت دموعها تنزل وكل ثانيه يزيد بكائها ..
آلاء دخلت الغرفه عشان تطمن عليها و انصدمت وهي تشوفها تبكي تقدمت لها بسرعه : سحاب فيك شي ؟
سحاب ناظرتها : آلاء ابغى اموت ابغى ارتاح
الاء خافت لكن بينت العكس وضمتها بهدؤ وهي تطبطب ع ظهرها : بسم الله عليك ليش تقولين هالكلام ترا يا سحاب هذا اختبار من ربي يختبر فيه صبرك
سحاب : مو قادره أعيش حياتي ولا قادره اوقفها ولا احد يقدر يساعدني انا تعبت و احس خلص مافي داعي أعيش ليش أعيش أساسا وش بسوي بهالدنيا اذا سلطان كرهته و انا كنت اموت فيه قولي لي أعيش ليش !!
آلاء كانت مصدومه من كلام سحاب وحست انها دخلت بمرحلة الاكتئاب : سحاب ادري يلي عشتيه ماهو سهل ..
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 217 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
رن جوال اسيل وشافت اسم زياد و ابتسمت من بين دموعها و ردت بسرعه : زياد
زياد: اسيل اعطيني رقم الرجال بتفاهم معاه بسرعه وراسليه ع أساس انك بتقابلينه و خلي يرسلك اللوكيشن بسرعه و ارسلي لي إياه
اسيل بخوف : زياد مستحيل انا أخاف يسوي لك شي
زياد : تطمني ما يقدر يسوي شي انا رجال و ادبر نفسي ، بسرعه اسيل ارسلي الرقم وسوي كل شي قلت لك عليه لا توصل الصور لجوال ابوكي ويقطع راسك عن جسدك
اسيل رجف قلبها وهمست بخوف : ط طيب زياد ، بس امانه انتبه لنفسك
زياد سكر بدون لا يقولها أي شي رجع راسه لخلف الكنبه و زفر أنفاسه بضيق ، ما هان عليه اليوم يشوف اسيل بهالحاله وبنفس الوقت ما هان عليه انه حط ليان بهالموقف ..
لكن يلي تاكد منه اليوم انه قلبه مال لليان وحبها بدون لا يدري تعلق فيها وتفاصيلها الصغيره ، حتى هبالها وجنانها يلي جننته صار يحبه ويعتبرها مزايا فيها ، ابتسم وهو يتذكر ضحكتها وسواليفها وجمالها الناعم والهادي وجاذبية عيونها يلي وقت يشوفهم ينسى كل شي حتى نفسه .
.
لينا صحت من النوم على كابوس جدا مُخيف جلست بسرعه لين حست بوجع العمليه حاولت انها تتنفس بس ما قدرت غمضت عيونها وحطت يدها ع قلبها تداري نبضاته السريعه ،
مسحت العرق من جبينها وحست بصداع يشق راسها نصفين حست انه وجهها يحرقها وكل جسمها يحرقها ما تدري هو من كثر الادويه!
اخذت الجوال وشافت اتصالات كثيره من الاء خافت و اتصلت عليها بسرعه ثواني وجاها الرد : هلا ليونه
لينا : هلا حبيبتي خير في شي متصله عشر مرات
الاء ضحكت : ايه عندي اخبار حلوه وسارّه ، ملاذ صحت يا لينا
لينا شهقت وابتسمت : تمزحين
الاء : لا والله هذا نحنا قاعدين عندها ، تدرين وش المشكله انه ملاذ مو حاسه انه غابت علينا ثلاثه شهور كانت نايمه ومروقه
لينا ضحكت : عطيني اسمع صوتها اشتقت لها
آلاء مدت الجوال ل ملاذ : لينا تبي تكلمك
ملاذ ابتسمت و اخذت الجوال : لينا
لينا اول ما سمعت صوت ملاذ حست انها رجعت لورا من الذكريات : ملاذ ي روحي الحمدلله ع سلامتك
ملاذ : الله يسلمك يارب
لينا : والله ودي اجي الحين و اشوفك بس تعبانه ما اقدر اجي اذا طلعتي للبيت بجيك ان شاء الله
ملاذ : لا عادي ي روحي ان شاء الله بطلع بكرا من المستشفى
لينا : الحمدلله ، انتبهي لصحتك
ملاذ : طيب ما قلتي لي شفيك تعبانه ؟
لينا اخذت نفس : سويت عمليه زراعه كليه
ملاذ فتحت عيونها بصدمه : تتكلمين جد ؟
لينا : ايه والله ويلي تبرع لي طلال
ملاذ حست بصداع : انا الظاهر فاتتني احداث كثيره والله ، الا كيف حالك الحين ؟
لينا : الحمدلله كويسه مافيني شي بس مكان العمليه يلي يعور للحين
ملاذ : خلص اذا طلعت بشوفك
لينا ابتسمت : ان شاء الله، يلا فمان الله
ملاذ سكرت وناظرتهم : ليش ما قلتو لي لينا سوت عمليه ؟ وبعدين سحاب ليش تطلقت وكيف ؟ وش صار بهالثلاثه الأشهر ؟
الاء حبت تلطف الجو شوي : والله يا ملاذ صارت أشياء كثيره شرايك تسحبين على ذياب وتجين عندي البيت و انا احكي لك من الالف للياء و وعد مني ما انقص عليكي أي حدث
ملاذ ضحكت : اذا على كذا انا موافقه
كان واقف عند الباب و سمع اخر حديث لهم تنحنح ولفو عليه
الاء : مشكله جيت بالوقت الغلط
ذياب : انا احكي لك كل شي وش تبي ب الاء
آلاء : والله يا ذياب انت عشت بهالمستشفى ما كنت تدري عننا بشي كيف بتحكي لملاذ وش صار ؟
ملاذ ناظرت ذياب و ابتسمت و عرفت من كلامّ آلاء انه ما تركها ابدا
ذياب تقدم لملاذ : ما عليه انا احكي لها و اذا نقصت معلوماتي بدق عليك و استشيرك
آلاء: بوقتها ما بقولك شي
شيخه ابتسمت وهي تشوفهم يسولفو و يضحكو وحست انه الاء بدت ترجع للحياه بعد الاكتئاب يلي دخلته
هاللحظة سكتو كلهم وقت سَعد بكي ولفو للعربيه بنفس اللحظه ،
منيره قامت وشالته لحضنها وهي تهديه
آلاء: وين حليبه و انااسوي له ؟
منيره اشرت ع الشنطه : هنا كل اغراضه
آلاء اخذت الشنطه وبدت تسوي له
شيخه حست بشي يخنقها تكلمت : اعطيني إياه بشوفه
منيره استغربت من نبرة صوتها ومدته لها ..
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 215 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
ذياب شابك أصابعه ب أصابعه ورفع كفها وباسها وهو مو مصدق انها صاحيه وتسولف معاه
ملاذ : ذياب انا ليش سويت هالحادث اقصد كيف ومتى وش صار ؟
ذياب بهتت ملامحه و ارتبك : مو اليوم نتكلم عن الحادث انا ما صدقت انه صحيتي و سمعت صوتك
ملاذ اخذت نفس : تمام بس بكرا تحكي لي
ذياب ضحك : وش فرقت يعني ، لكن ابشري يلي تبينه يصير
ملاذ حطت راسها بحضنه : احس راسي يعورني بنام
ذياب : ما شبعتي نوم ؟ صار لك ثلاثه شهور نايمه ؟
ملاذ ضحكت : لا والله ماكنت حاسه بشي ولا ادري بشي
ذياب باس راسها وضمها اكثر لصدره رجع راسه لخلف السرير وابتسم نزل عيونه وناظرها بدت تغفي همس : الله لا يحرمني منك.
.
عند ليان و زياد ؛
زياد فتح باب البيت بالريموت فتح امان السياره و ليان نزلت بسرعه و سكرت الباب بكل قوتها
زياد انقهر من حركتها طفى السياره و لحقها كانت تجري بالدرج وهو يجري وراها ويناديها بصوت عالي لكن ليان مطنشته وقفت بتسكر الغرفه لكن بسرعه حط كفه ع الباب و دخل بقوه تكلم بصراخ : وش هالسخافه بزر والله انك بزر
ليان ناظرته بعصبيه : والله انك ما تستحي اطلع من الغرفه بسرعه
زياد قرب لكن ليان أبعدت عنه قرب بسرعه ومسكها ليان حاولت تنفك منه بس ماقدرت شدها لحضنه رغم محاولات افلات ليان تعثرت حركتهم من كثر ما تحركت ليان وهو يشدها بقوه وطاحو ع السرير الاثنين ،
صرخت بصوت : اتركني زياد بسرعه ما ابي اشوف وجهك
زياد سد فمها بقوه وتكلم بحده : احبك يا الهبلا..
قال هالكلمه من قلبه وعن حب صح الوقت ما كان مناسب لكن قالها هاللحظه عشان يسكتها ويهديها
ارتخت بين يدينه وسرحت بعيونه و دمعت عيونها بقهر شالت كفه من فمها وهمست بصوت باكي : تحبني ! ع بالك بصدقك بعد يلي شفته بعيوني ؟ انت تبي تلعب علىِ اخذتني انتقام و فزت ومع ذلك مو راضي تتركني بحالي
زياد مسح ع شعرها : والله العظيم انتي فاهمه غلط ، اسيل في احد مهددها بصورها وطالب مية الف وهي مو قادره تطلب أهلها طلبتني انا
ليان دفته بقوه و جلست وهي ترجع شعرها ورا اذنها : و انت طق فيك عرق الفزعه أساسا ما صدقت على الله انك تسولف معها و تشوفها وحلا لكم الجو وبديتو بكلام الحب
زياد جلس جنبها و تنهد : سمعتي مني اقولها كلام حب ؟ طبعا لا لكن دماغك هو يلي سمع وكذب الكذبه وصدقها بعد
ليان ناظرته بقهر : زياد اتركني لحالي مالي خلق اسمع صوتك
زياد مسك يدها بلُطف : لياني لو ابي اسيل كان تزوجتها زمان و كان وافقت على كل شروطها وكان فرشت لها الأرض ورد انا ما يصعب علىِ شي ، انا تزوجتك عناداً فيك لكن والله مانويت الاذيه لك ، صح حطيت ببالي بجرحك مثل ما جرحتيني..
ليان قاطعته : ابشرك جرحتني و اكثر بعد انا جرحتك وما كان بينا شي و انت جرحتني و انا احبك يا زياد، جرحك اكبر يا زياد
زياد قرب لها وحاوط خصرها وحط جبينه ع جبينها : دامك تحبيني و انا احبك يمدينا نبدا من جديد !
رجف قلبها لانها التمست من صوته نبرة الحب رغم خوفها منه الا انها حطت راسها ع صدره ونزلت دموعها رفعت يدها وحضنته ،
ابتسم زياد و رفع يدينه وحضنها بقوه : لا تغارين والله انه كلهم بعيوني عدم من بعدك.
.
ذياب اتصل اول شي على منيرة وبشرها انه ملاذ صحت وبعدها اتصل على امه و الخبر انتشر بكل العائله ،
ذياب كان واقف عند الشباك ابتسم وهو يتذكر عيونها وصوتها تنهد وهمس : الحمدلله
لف عليها وكانت نايمه بسلام لكن هالمره غير كانت نايمه ع جنب و رافعه رجولها لبطنها وحااضنه نفسها بيدينها ،
قرب لها وباس جبينها فزت وقت باسها و ابتسمت من ابتسامته العذّبه : ذياب
ذياب توسعت ابتسامته : جعل ما غيرك يقول ذياب لأول مره احب اسمي هالكثر
ضحكت بصوت : نحنا وصلنا لهالمرحله من الحب؟ لانه بصراحه ما أتذكر انك رومنسي هالكثر
ذياب رفع حاجبه : اوه فاتك الكثير و الكثير ، ابشرك انه انا مو بس احبك انا مُغرم فيك جداً تدرين انه صوتك يآثر على دقات قلبي فما بالك بعيونك
ملاذ حست بخجل من كلامه لانها ما تتذكر الأشهر الاخيره من حياتهم كيف كانت
ذياب رفع يدها وباسها : تدرين ودي بس أتأملك و اسرح فيك وبكل ثانيه أقول الحمدلله انك زوجتي .
انفتح الباب بدون لا يندق وقفت وهي تتامل بنتها دمعت عيونها وهمست بصوت باكي : ملاذ ..
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 213 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
ليان : احشمي نفسك و احترمي نفسك عشان الناس تحترمك
غرام : خلص يكفي عيب عليكم ، زياد كلام ليان صح؟
زياد بحده : طبعا لا
ليان كانت بتتكلم لكن قاطعها وتكلم بدالها : ليان بزر ومع ذلك احبها هي وبس وهي فهمت كل شي غلط ومن غيرتها سوت سيناريو ببالها
ليان ناظرته بصدمه قرب لها وفسخ شماغه وفتحه وغطي شعرها و اكتافها وشالها لحضنه بقوه ومشي بسرعه
ليان كانت ترافس برجولها وتصيح ولا اهتم لها لانه لو تركها شوي ممكن تسوي مصيبه حطها بالسياره وقفل وطلع ومشي با اقصى سرعه .
.
عند ذياب ؛
كان نايم وكل الادويه فوق الكومدينه كلها مهديات أعصاب وحبوب صداع ومنوم ،
مرت عليه ثلاثه اشهر جداً صعبه وسيئه ومؤلمه لروحه صار ما ينام الا على منومات ولا يهدآ راسه الا بمسكن وضعه صار جدا مُزري ، صار ما ياكل ولا يهتم لصحته و و زنه نزل كثير وكل من شافه يساله ليش هالكثر نحفان
الشيب يلي براسه كثرت من الهم يلي فيه ويلي يشوفه يحزن عليه لانه ملامحه صارت مُرهقه وتعبانه بشكل ملحوظ جداً ..
صحي من النوم وهو يحس راسه مفلوق نصين من الصداع يلي فيه ولا يدري كم الساعه ولا كم من الوقت مر وهو نايم مسح ع وجهه بقوه وجلس وهو يرجع شعره للخلف رنّ جواله و رد : هلا يمه
شيخه : ذياب ي روحي كيف حالك ؟
ذياب : الحمدلله
شيخه : صار لي أسبوع ما شفتك ليش يا يمه ما تمرنا ولا تسال حتى عن حالنا ؟
ذياب : والله يا يمه ماني متحمل خِفة ملابسي احس انىِ تعبان وبديت اموت
شيخه تكلمت بحده : لا تقول هالكلام و اذكر الله ترا ملاذ ماهي نهاية الدنيا ، يكفيني سحاب يلي صار لها ما ابي ابكي على احد فيكم عاد والله ارحموني
ذياب : يمه متصله تهاوشيني ؟ اذا متصله تهاوشيني خلص خلصتي ممكن اسكر الحين ؟
شيخه نزلت دموعها : ذياب مُرني ابي اشوفك والله انىِ اشتقت لك يا يمه
ذياب : حاضر من عيوني
شيخه : فمان الله ..
سكرت منه وهي تمسح دموعها ما تدري على مين تبكي كل واحد من عيالها حاله اسوء من ثاني ..
عند ذياب قام و تروش بمويه بارده ثلج لانه يحس داخله نار لبس ثوبه و تعطر و اخذ جواله و طلع وكالعاده اول وجهه توجها هي ملاذ دخل المستشفى كان يمشي بخطوات ثقيله ناظر الممر وهو حافظ كل شي فيه حتى ادق التفاصيل من كثر مايمشي فيه دخل الغرفه و ابتسم اول ما شافها كانت نايمه ولا حاسه بالعالم الخارجي ابدا لكن هالمره غير كانت عايشه بعالم ثاني عالم خاص فيها هي !
ذياب سحب الكرسي وجلس جنبها مسك يدها وباسها بشغف وحب همس بعيون تلمع حب وشوق : طولتي يا ملاذ والله طولتي ، ثلاثه شهور و انتي نايمه يكفي ارحميني انا تعبت احس خلص ما عاد اقدر اتحمل اكثر احس انىِ عايش بس عشان اتألم ،
زفر أنفاسه بضيق وهو يحس بوجع بروحه وكالعاده اخذ المصحف و بدا يقرا بصوته الهادي وكل الغرفه امتلت بأيات الله سكينه وطمأنينه تبعث الدفئ والآمان بالقلوب
وتذكرنا برحمة الله عزوجل للإنسان
.
ملاذ كانت تحس انها تمشي بطريق جديد ما تعرف هي وين طريق طويل جداً وكل ما قربت وتقول هذي النهايه الطريق يطول اكثر من المره يلي قبلها من كثر تعبها طاحت للأرض و نامت بدون لاتحس ،
بدت تسمع أصوات كثيره و متداخله ببعضها تحاول تحدد مصدر الصوت ولا قدرت تحاول تفتح عيونها ولا هي قادره حاسه راسها ثقيل من ثقله ماهي قادره تتحرك ولا تتحرر من الظلام يلي هي فيه ،
حاولت اكثر من مره تأخذ نفس ولا قدرت وفي اخر محاوله لها اخذت نفس عميق وحست الحياه والنور ردت لها !
ذياب سكر المصحف وحطه ع الطاولة لفت انتباهه صدرها يلي يطع و ينزل من قوة نبض قلبها،
فز قلبه من الخوف و قف وفتح الباب ونادي بصوت عالي : كلمو الدكتور بسرعه يجي .. رجع لملاذ و مسك يدها ومسح ع راسها بحب : ملاذي ملاذي ، تحسين بشي ؟
حس بمويه بااارده انكبت ع صدره وهو يشوف رمش عينها يتحرك
غمض عينه وفتحها لاكثر من مره وهو يبي يستوعب انه هالشي واقع مو حلم حس اطرافه ثلجت من الصدمه
دخل الدكتور ومعاه ممرضتين ذياب ناظره بفرحه وهو يحاول انه يتنفس : رمش عينها يا دكتور .. اخذ نفس عميق و ضحك : حركت رمش عينها
الدكتور وقف قدامها فحصها وبدا يناديها ل اكثر من مره ابتسم وهو يشوف انه تحرك رمش عينها بكل مره يناديها
ذياب شد ع يدها : ملاذ ملاذ تسمعيني يا ملاذ تكفين فتحي عيونك ..
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
🍄🍃🍄🍃🍄
🍃🍄🍃🍄
🍄🍃🍄
🍃🍄
🍄 211 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🍄🍃
عند مرام ؛
كانت قاعده وترتب غرفتها سمعت صوت الجرس توقعت أمها لكن طلعت دانه تضايقت وفتحت لها الباب استقبلتها وهي مبتسمه : يا اهلا و سهلا ، غريبه ما قلتي انك جايه صاير شي ؟
دانه وهي تفسخ عبايتها : وين امي؟
مرام : طلعت تجيب أغراض تلقيها بعد شوي داخله ، الا شفيك دانه كذا متوتره ومعصبه ؟ صاير شي بينك وبين طلال ؟
دانه اخذت نفس : تخيلي طلال طلع يحب لينا للحين
مرام حست بفرحه بقلبها : هو قال ؟
دانه : لا ما قال بس عيونه فضحته سواليفه عنها ، وتخيلي قبل كم يوم اتصلت تهاوشه ليش تبرع لها يقول اعتبري هذا اعتذار لاني جرحتك
مرام ردت : تراه صادق ليه منقهره ؟
دانه ناظرتها بنظرات استغراب : مع مين انتِ؟ بصف مين واقفه ؟
مرام : ماني واقفه مع احد انا واقفه مع الحق
دانه : اجل اوقفي معاي لانه الحق معاي مو معاها يلي تحاول الحين تتقرب من طلال بحركاتها المايعه
مرام ضحكت : دانه من جد الحمل مأثر عليك، نسيتي يوم انك تقربتي من طلال وكان متزوج نسيتي كل شي سويتيه بس عشان تتزوجيه وتزوجتيه وهدمتي بيته وفرقتي شملهم وجيتي انتِ بنيتي بيتك وحطي ببالك دام بيتك انبنى على رُكام غيرك رح يكون هش وبأي لحظة ينهدم
دانه تنرفزت من كلامها : مرام لو ما تسكتي بعرف كيف اسكتك !
مرام : مالي خلق اسولف معاكي انا مشغوله هالفتره عندي مشروع التخرج ولا ابي اضيع وقتي بسواليف بايخه وتافهه لكن تذكري انه هالزواج ما رح يكمل دام انبنى على مصلحه وعلى دموع لينا .. تركتها و طلعت لانها فعلا ماتبي تتناقش معها اكثر لكن حاطه في بالها انها بس تتخرج رح تكلم طلال بكل شي !
ام دانه اول ما دخلت البيت ولقت دانه بالصاله رحبت وهلّت فيها ، ناظرت دانه : شفيك قالبه وجهك شصاير ؟ وين مرام تسوي لنا قهوه ولا شاي
دانه : لحظه لا تناديها من شوي كنا بنتهاوش لانها قاعده تسمعني كلام وكانها ضدي وبصف لينا
ام دانه : هذي مرام ما تعرفينها ما ترتاح الا وترمي كلام كل يلي بقلبها ع لسانها
دانه بهمس : أخاف درت بسالفه السحر !
ام دانه بنفس همسها : لا ابدا و ابشرك الحين راجعه من عند ام فهره وعطيتها كل الفلوس يلي جبتيها اصبري بس شوي وبتشوفي لينا وش بيصير فيها
دانه ابتسمت بخبث : وطلال يا يمه كيف بخليه يكرها؟
ام دانه تنهدت : صعب ناذيه لا تنسي انه أبو ولدك وغير كذا الظاهر زوجك ما ينسى اذكاره
دانه فتحت الشنطه وطلعت عشرين الف : خذيهم يمه
ام دانه اول ما شافت الفلوس ابتسمت : لي انا ؟
دانه : ايه يمه وبعطيك اكثر بعد انتِ بس اصبري !
.
في بيت اهل زياد ؛
كانو قاعدين ع طاولة الغداء و يضحكو ويسولفو لكن ليان كانت بعالم ثاني ولا منتبهه لسواليفهم كل تفكيرها اسيل ليش تتجرأ تتصل ع زياد !
أم زياد انتبهت ع ليان : ليان ليش ما تاكلين ما عجبك الاكل ؟
ليان : لا خالتي والله لذيذ بس اليوم معدتي تعورني مو قادره اكل
غرام "اخت زياد " : عاد ليان سويت لك حلا يلي تحبينه بس يجون خالاتي وبناتهم بناكله مع القهوه
ليان : بتجي خالتي ام اسيل ؟
تفاجئو ليش حددتها هي بالذات لكن ام زياد ردت بوجه مبتسم : ايه ان شاء الله
زياد وقف : الحمدلله شبعت ، بطلع اقيّل شوي لين يجون الحريم بعدها بطلع .
بعد ساعتين ؛
ليان اضطرت انها تطلع الغرفه عشان تبدأ تجهز نفسها أساسا بداو يوصلو الحريم ، مدت يدها لمقبض الباب وهي متردده لكن مافي غير هالحل عشان تجهز نفسها بسرعه فتحت بسرعه و تفاجئت انه زياد صاحي و ع الجوال،
زياد ما انتبه لها وكان مصدوم من رساله اسيل يلي تطلبه مبلغ قدرُه مية الف وكل يلي يدور في باله وش تبي بهالمبلغ ؟ ولو شي مهم كان طلبت ابوها والا اخوانها ليش انا بالذات ؟
ليان طلعت لها جينز ماسك ع جسمها و بلوزه شوية واسعة دخلت الحمام و لبست بسرعه ،
طلعت وهي كل شوي تسرق له نظرات ويلي قاهرها انه ما انتبه لها ابدا ولا درى بوجودها من كثر ماهو شارد ،
وقفت قدام التسريحه و طيحت العطر للأرض وهي متقصده بس عشان يُلف لها
زياد فز ع الصوت وانصدم انها موجوده : ليان ! متى جيتي ؟
ليان انقهرت منه اكثر ناظرته بالمرايه : من زمان لكن الظاهر في احد شاغل بالك
زياد فهم عليها و وقف وتقدم لها : لياني بفهمك كل شي
ليان عكس الضوضاء يلي داخلها : انا ما سالتك عشان تفهمني ولا ابي افهم شي
زياد مسح ع وجهه : طيب مثل ما تبين ، وبعدين لكل حادثٍ حديث انا بطلع اذا تبين أي شي كلميني
ليان ما اهتمت لكلامه و اخذت روجها وبدت تسوي .
🍄📚 @storykaligi 🍄📚🖋
🍃🍄
🍄🍃🍄
🍃🍄🍃🍄
🍄🍃🍄🍃🍄
👆🏻
🌺🍃🌸🍃🌼
بارتات يوم الجمعة..
4 / 10 / 2024
#الـــــــبـــــارتــــات.. ..
من 196 وحتى 210
نتمنى لكم قراءة ممتعة ...
🌺🍃🌸🍃🌼
💐🍃💐🍃💐
🍃💐🍃💐
💐🍃💐
🍃💐
💐 209 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 💐🍃
لينا وهي تبكي : ليش ! ليش الا طلال يلي يتبرع لي الشخص يلي ما ابيه يعرف بمرضي بالاخير هو يلي يتبرع لي !
ليان : لينا حبيبتي اذكري الله ، ترا طلال ولد خالتك
لينا : ليش ما كلمتوني ليش ساكتين للحين ؟
ليان : وضعك الصحي كان مو مُستقر و انا قررت اكلمك خلص لازم تعرفين ، بس تكفين لينا اهدي شوي
لينا : ما ابيه يتبرع لي ما ابي أكون ممنونه له كل عمري
ليان : ما كلم احد الا ذياب و نواف حتى خالتي شيخه ما درت الا وهو بالعمليات
لينا : على باله بحن له والا برجع احبه بعد يلي سواه فيني ..
اخذت جوالها و اتصلت فيه
طلال كان بالصاله وياكل و شيخه و دانه جنبه وكل وحده تهتم فيه
رن جواله اول ما شاف اسمها ابتسم لا إرادياً
دانه لمحت اسمها بشاشه الجوال وحست بضيق : رد عليها يمكن درت وتبي تشكرك ع الشي يلي سويته على انها ما تستاهل بس تظل ام عيالك
شيخه بحده : دانه خليك بعيده عن هالموضوع
طلال رد : الو
لينا بعصبيه : مين سمح لك تتبرع لي ؟ ع بالك كنت برضى انك تعطيني قطعه من جسمك انا ما ابي شي منك يا طلال
طلال قام و طلع من الصاله و دانه انقهرت وقامت و لحقته للمجلس
طلال مسح ع وجهه: لينا اهدي شوي الظاهر انك عرفتي الحين بالسالفه
لينا : انت ما تستحي يا طلال ! انت قليل حيّا
طلال : اوف هذا بدل ما تقولين شكرا تغلطين عليا!
لينا : ع بالك بكون ممنونه لك ! لا والله ابدا انت جرحتني جرح لو تعطيني حتى قلبك ما رح انسى المشاعر يلي عيشتني إياها يوم قلت لي اليوم ملكتي يا لينا
طلال غمض عيونه بقهر وهاللحظه حس فعلاً انه جرح لينا ولا يدري ليش خطى هالخطوه تكلم بنبره هاديه : لينا انا والله ما ابي شي من هالدنيا الا انك تكوني بخير ومرتاحه ، لا تردين لي هالجميل انا ما اعتبره جميل لكن اعتبريه اعتذار على كل شي عشتيه بسببي
لينا زاد بُكائها : لو تعطيني قلبك ما رح تشفي لي جروح قلبي يا طلال .. سكرت على وجهه و رمّت الجوال وبكت بصوت
ليان خافت لو يصير شي ل لينا ضمتها : لينا يا روحي اهدي صحتك الحين اهم من طلال لا تزعلين نفسك يلي صار صار
لينا مسحت دموعها وتكلمت وهي تشاهق : ليش سوا فيني كذا ؟ انا كل ما أحاول اتخطى طلال هو يرجع لي ويتقرب اكثر انا مالقيت أي تبرير ل افعاله ؟ انا تعبت أوقات افكر اسافر من جِده و اترك له هالمدينه بكبرها ما ابي اشوفه ابدا كل ما اشوفه تتغير أشياء كثيره والحين هو يتبرع لي ! من بين كل العالم طلال طليقي هو يتبرع لي !
ليان : ي روحي خُذيها من الجانب الثاني انه ولد خالتك و أبو عيالك
لينا اخذت نفس وتحس كل شي بجسمها اوجعها مع هالنفس همست وعيونها تدمع : والله كثير على قلبي والحين يا كُبرها على قلبي.
.
سحاب ؛
كانت متمدده ع السرير وتناظر لسماء والغيوم من شباك غرفتها الكبير لأول مره تحس انه داخلها فاضي ماهي قادره توصف المها ولا قادره تعيش مع هالالم حاسه بشي غريب وبنفس الوقت كانها مو حاسه بشي أوقات تبكي و أوقات تسرح كثير و تفكر ، يلي يشوفها يتسائل عن الوجع يلي تعيشه وعن مشاعرها لانه عيونها الذابله وهالاتها تحكي مدى وجعها ، عاشت أشياء اكبر من عمرها وتحملت وجع ما يتحمله أي انسان
هي ع بالها انه لو تركت ولدها الحين افضل من انه تتركه بعدين ع الأقل الوجع اخف ، لكن ما تدري انه ولدها بس يكبر ما رح يسامحها ولا يعذرها ابدا مهما كانت أسبابها ،
خافت من المستقبل ونست انه ربي ما ينسى الظالم وينصف للمظلوم ..
انفتح باب غرفتها و دخلت شيخه شافتها سرحانه مثل العاده والاكل مثل ماهو فوق الطاوله ما اكلت حتى لُقمه !
قربت لها و جلست جنبها ومسحت ع ظهرها بحنيه : سحاب يلا قومي كُلي ع الأقل اشربي العصير
سحاب بلعت غصتها و ناظرت أمها : ماني جيعانه ولا لي نفس للاكل
شيخه : يلي تسويه بنفسك غلط والله غلط
سحاب : اكبر غلط انه قبلت بسلطان يكون زوجي
شيخه : خلص سلطان صفحه و انطوت من حياتك
سحاب نزلت دموعها : صح انطوت وصح انتهى سلطان لكن الجروح يلي داخلي كيف بنساها ؟
رفعت قميصها وكشفت عن جرح عمليتها وتكلمت بصوت راجف : هذا جرح لا يمكن ينتسى انا جبت ولد من سلطان ، كل ما رح اناظر نفسي رح أتذكر سلطان و رح أتذكر ولدي يلي ما ادري وش اسمه حتى !
شيخه دمعت عيونها : سَعد اسمه سَعد يا سحاب ..
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐
💐🍃💐🍃💐
🍃💐🍃💐
💐🍃💐
🍃💐
💐 207 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 💐🍃
آلاء دخلت العنايه وكانت دافيه جدا وقفت قدام سرير لينا و كانت صاحيه باست جبينها بحب : الحمدلله ع سلامتك يا روحي
لينا ناظرتها بتعب وهمست : الله يسلمك
آلاء: الحمدلله يا لينا يلي سويتي العملية احس انىِ فرحانه انك بتتحسنين يارب عقبال نفرح بقومة ملاذ
لينا ابتسمت بتعب : عيالي وينهم ؟
آلاء: بالبيت لا تخافين عليهم و انا الحين راجعه البيت وبنام معاهم لا تشيلين همهم
لينا مسكت اطراف أصابع الاء وشدت عليهم ومن قوة المسكن غمضت عينها وبدت تنام
آلاء مسحت ع شعرها وباست خدها بلُطف و طلعت من العنايه وقفت وهي تفكر انه لها قرابة شهر ماشافت ملاذ طلعت و التقت ب ليان كانت داخله العنايه ومعاها زياد
ليان وقفت : شفتي لينا ؟
آلاء: ايه ، الحمدلله هي بخير والحين نايمه
ليان : نامت ! كنت ابي اشوفها صاحيه
آلاء: يا عمري عليها نامت من تعبها ، انا بروح لعند ملاذ تجين معاي
زياد خاف انها تشوف ذياب مسك يد ليان بسرعه : لا هي بتقعد هنا تنتظر لينا تصحى
ليان لفت عليه ب استغراب : لا بروح اشوف ملاذ
زياد : لا مره ثانيه وبعدين مو قلتي بتروحين عند سحاب
آلاء تذكرت سحاب وضاق صدرها : ايه روحي عند سحاب ترا سحاب نفسيتها جدا تعبانه ، يلا عن اذنك تركتهم و مشت
ليان تنهدت : الله لا يوفقك يا سلطان
زياد : لا تدعين على الخلق ، يلا مشينا
ليان : الحين بفهم ليش ما خليتني اروح اشوف ملاذ
زياد : وحده نايمه ما تحس فيك وش تبين فيها ؟
ليان رفعت حاجبها : الحين هذا تفكيرك؟
زياد : ايه
ليان شكت انه يفكر غير هالشي لكن طردت هالافكار من راسها لفو يمين والتقو مع ذياب يلي كان داخل الغرفه عند سحاب اول ما شافهم تقدم وسلم على زياد
ذياب لف ع ليان : جيتي بالوقت المناسب يا ليان عاد سحاب تعبانه محد قدر لها أتوقع انتِ بتقدرين لها
ليان رفعت كتوفها: ما ادري هالموقف صعب يا ذياب انها تترك ولدها
ذياب : ادري ، حتى وضعها الصحي سيء ، سحاب جدا تعبانه
ليان دمعت عيونها من زعلها ع سحاب : طيب ذياب عشان نفسيتها ليش ما نخليها تراجع عند دكتور نفسي
ذياب : حتى انا فكرت نفس الشي بس مو الحين خلي صحتها تتحسن شوي وتطلع للبيت ونشوف عقبها وش بيصير
زياد ما كان منتبه للكلام كثر ماهو منتبه لمخارج حروفها وكيف نطقت اسم ذياب ، حس بغمامه سودا على عيونه من كثر القهر شد ع يده بقوه لدرجة حس عروقه بتنفجر تركهم ومشي خاف من انه يرتكب جريمه .
.
عند ذياب ؛
طلع فوق سيارته سند راسه ع الدركسون وتنهد تنهيده حس روحه بتطلع رفع راسه ومسح ع وجهه وهو يناظر لقدام ما يدري من وين يلقاها،
حس انه وصل لمرحله صار بس يتنفس للعيش ماهو قادر يعيش اكثر شوقه لملاذ هد حيله وهد روحه وهد قوته وكل شي فيه ، والحين وقت شاف سحاب منهاره وتطلقت وتركت ولدها حس انه بدا يتلاشى ما يدري كيف رح يقاوم اكثر ويكمل باقي حياته !
همس بهدوء وبصوت مخنوق : متى بتصحين يا ملاذ وتنقذيني من الغرق صح ادري انه لو صحيتي بنفترق لكن ع الأقل اقدر اسمع صوتك و الملم شتاتي بحضنك حتى لو ما تبيني !
مرت نص ساعه وهو يشوف صورها بالجوال وذكرياتهم الحلوه ابتسم بحزن وهو يشوف صورها بدار الايتام وتذكر ولد سحاب انه شافه بس بالحضانه سكر جواله وشغل سيارته وتوجه لمحل أطفال من الفرحه شرا كل شي لولد سحاب ما نقص عليه شي كانه ولده حط الأغراض بالسياره وهو مبتسم كانت الابتسامه كانها تخدش قلبه لانه يدري انه هالفرحه كلها مو لولده لولد اخته ،
مشي لبيت سلطان وقف السياره برا ونزل كل الأغراض عند الباب و دق الجرس
منيرة شافته من كاميرا الجرس وتفاجأت وش يبي ذياب نادت بصوت عالي لسلطان و طلعت و فتحت الباب وانصدمت من كثر الاكياس رفعت راسها لذياب : حياك الله تفضل
ذياب دخل وباس راسها و دخل كل الاكياس للبيت
منيرة : وش هذا يا ذياب ؟
ذياب ناظر سَعد فوق الكنبه نايم و ابتسم وقرب عليه شاله لحضنه وحس قلبه رجف بطريقه جنونيه لولا ضلوعه كان طاح قلبه باس جبينه بُلطف وحس بشي يخنقه تمنى لو ربي يرزقه بس بطفل واحد ويحس بشعور الأبوه معاه عض شفته السفليه وحاول انه يتماسك ويصير اقوى جلس و مازال الطفل بحضنه ناظر منيره و ابتسم : وش اسمه هالوجه الحسن ؟
منيره ابتسمت: سلطان سماه سَعد
ذياب توسعت ابتسامته : والله انك وجه السَعد ..
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐
💐🍃💐🍃💐
🍃💐🍃💐
💐🍃💐
🍃💐
💐 204 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 💐🍃
الابتسامه كانت شاقه وجه الاء من الفرحه نواف ضمها من كتوفها ومسح دمعتها : لا تبكين يا روحي
دانه كانت تناظرهم بكرهه لدرجة الخبث وكل تفكيرها كيف تدمرهم كلهم من قوة الصداع حست بغمامه سودا ع عيونها وفقدت توازنها و طاحت للأرض مغمي عليها !
.
بعد مرور ساعه ؛
الاء كانت جالسه فوق الكرسي ومنتظره دانه تصحى حست بتعب لانها طولت وقفت عشان تطلع لكن تحركت دانه وفتحت عيونها الاء لفت عليها وتقدمت لها : دانه انتِ بخير ؟
دانه ناظرت السقف وحاولت تستوعب هي وين نذكرت كل شي صار وجلست بسرعه لكن شهقت وهي ترفع يدها
آلاء: شوي شوي يدك فيها المغذيه
دانه : وين طلال ؟ شفتوه؟
آلاء: ما ادري من وقت طحتي و انا جنبك
دانه خزتها بنظرات و آلاء تنهدت : وش هالنظرات ؟
دانه : انتِ ورا كل شي صار صح ؟ كنتي تعرفين انه طلال بيتبرع ل لينا ويمكن انتِ اقنعتيه بعد !
آلاء: من شوي اتهمتي لينا و أهلها الحين انا ، اسمعيني دانه تعرفيني ما اكذب ابدا ولا أخاف منك لو انا السبب كان قلت لك لكن والله ما درينا الا وطلال بالعمليات ما كلم احد تدرين ليه ؟ لانه عارف الكل رح يرفض و اولهم لينا، لينا بس تصحى بتقوم الدنيا رح تتمنى انها ماتت ولا طلال تبرع لها
دانه هدت شوي وسرحت وهي تفكر همست : وين جوالي بكلم امي !
اندق الباب و دخلت الممرضه : دانه كيف حالك ؟
دانه : تمام ، شيلي هذا من يدي ابي اطلع الحين
الممرضه وهي تشيل الفراشه : لازم تأخذين فيتاميناتك ب انتظام تدرين اول شهور الحمل متعبه و مرهقه جدا
دانه ناظرت الاء بصدمه و رجعت ناظرت الممرضه : حامل ؟
الممرضه وهي تناظرها : ايه حامل وبالاسبوع السادس ما كنتي تدرين ؟
دانه ابتسمت بفرحه : لا ، الحمدلله يارب
الاء انصدمت لكن بينت العكس : مبروك الله يتمم لك على خير
دانه : امين ياارب، الله يرزقني ولد مُعافى ماهو معاق
آلاء رفعت حاجبها من قوه صدمتها وهاللحظة تاكدت من خُبث دانه ابتسمت : امين يارب لكن يا حرام ولدك بيكون امه مُعاقه دماغياً ، ع العموم انا طالعه بروح عند سحاب اذا بتجين تعالي لكن احشمي لسانك
دانه وقفت وهي تعدل شيلتها : اكيد جايه
الاء مشت بسرعه وهي تحس نار بصدرها من كلام دانه همست بقلبها
" حسبي الله ونعم الوكيل فيك يا دانه "
.
سحاب صحت من ربع ساعه وهي حاسه الم بجسمها مو طبيعي الكل كان موجود معاها وكلهم فرحانين لها الا هي كانت حزينه جدا
سحاب : يمه تعبانه احس بطني تعور مررا مو قادره اتحرك ابدا
آلاء: ان شاء الله كم يوم وتخفين وتصيرين احسن
عبدالناصر : أقول وين حفيدي الا وش سميتيه يا سحاب ؟
سحاب غمضت عيونها وكانها تجمع قوتها : ابوه يلي يسميه انا مالي دخل فيه !
كلهم ناظرو فيها بصدمه وهي كملت : شفيكم ؟
انفتح الباب و دخلت الممرضه وهي تسحب سرير البيبي و سلطان وقف قدام الباب لكن محد انتبه له
الممرضه : مدام انت لازم رضاعه بيبي
سحاب كل خليه بجسمها رجفت ودقات قلبها صارت تضرب بالعلالي وتحس انه كل الناس تسمع نبض قلبها
شيخه شالت الولد لحضنها وسمّت بالرحمن مدته لسحاب
سحاب فتحت عيونها بصدمه وكانها كانت عايشه بحلم والحين واقع ناظرت أمها و رجعت ناظرت الكل كانت تناظرهم وكآنها مفزوعه
ذياب : لا تخافي يلا سحاب
سحاب هزت راسها بالنفي : لا لا لا
ارتفع صوتها : قلت لكم ما ابيه ما ابيه ما تفهمون!
عبدالناصر تكلم بحده : سحاب هذا ولدك ماله دخل بسلطان تعوذي من ابليس و خذيه
سحاب صارت تتنفس بصعوبه ودموعها تنزل : ما ابيه والله ما ابيه انا ما ابيه خليه يربي مع ابوه .. غطت ع وجهها وبدت تبكي وتصارخ : خذوه خذوه ما ابي اشوفه ابدا ما ابيه
سلطان دخل وتكلم بصوت جهوري : عطوني ولدي
لفو عليه وسحاب ناظرته بقوه : خذ ولدك وطلقني الحين يا سلطان يلا اوفي بوعدك
ذياب بحده : سحاب الدنيا مو سايبه تراه طفل مو لعبه و انتِ مو بزر تفهمين والالا هذا ولدك ولك حق عليه انك ترضعيه وتحميه تفهمين والالا
سحاب : لا تتدخلو و انا ما ابيه خلص ما ابيه وهذا اتفاق بيني وبين سلطان اذا ولدت يأخذ ولده ويطلقني
شيخه حطت الولد بسريره وناظرتهم ب استحقار : كيف بتعرفو تكملو حياتكم انتو الاثنين ؟ اذا كبر وسألكم ليش ؟ وش بتقولو له ؟
سحاب مسحت دموعها بقوه : عادي قولو له امك تركتك يوم ولادتك لانه ابوك هددها بيحرمها منك وهي ما تبي تشوفك ولا ترضعك عشان لا تتعلق فيك تركتك وهي ما تعرفك ارحم من انها تتركك وهي تعرف ريحتك وضحكتك .
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐
💐🍃💐🍃💐
🍃💐🍃💐
💐🍃💐
🍃💐
💐 202 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 💐🍃
سحاب : في الم ما اقدر اتحمله مررا تعبانه
الممرضه : عطيتك مسكن قوي شوي و يبدا مفعوله
آلاء فزت ع أصواتهم اول ما ناظرت الشباك وشافت الضوء فز قلبها و تذكرت لينا ناظرت ساعتها وكانت سته ونص وقفت وتقدمت لسحاب : سحابي الحمدلله ع السلامه
سحاب : الله يسلمك
شيخه ناطرت الممرضه : وين الولد ؟
الممرضه : بالحضانه لازم يجلس 24 ساعه بعدها يطلع
آلاء: طيب متى بتجيبوه عشان سحاب ترضعه
الممرضه: خلال ساعه او ساعتين
سحاب ناطرت الاء وهي تعبانه : مين قال انىِ ابيه اعطوه سلطان ما ابيه .. غمضت عيونها من شده التعب و غفت بدون لا تحس من المسكن
شيخه تنهدت بتعب و الممرضه طلعت من الغرفه
آلاء غطت ع راسها بالشيله : خالتي انا بطلع و ارجع الا بسالك وين دانه و نواف ؟
شيخه : نواف من وقت صلاة الفجر وهو مع ذياب و دانه رجعت البيت قالت انها تعبانه قلت لها ارجعي البيت مين يبيك اساساً
آلاء ضحكت : و انتِ صادقه ..
سرحت وهي تفكر و انتبهت عليها شيخه : آلاء فيك شي ؟
آلاء جلست فوق الكنبه : خالتي بقولك شي صراحه دام نحنا بالمستشفى احس ما يتخبى
شيخه نغزها قلبها : خير وش في اذا في خبر يعور القلب ما ابي اسمعه يكفيني سحاب ما ادري وش بسوي معاها بس تصحى
آلاء اخذت نفس : لينا بعد ساعتين بتدخل العمليه
شيخه شهقت : عمليه ايش ؟
آلاء: زراعه كلى
شيخه فتحت عيونها بصدمه : زراعه كلى ! كيف ومتى صار هالشي أساسا لينا مو تعبانه وش صاير ؟
آلاء: هذا يلي صار هي لها فتره تعبانه تعبت كثير وتحملت كثير وترا ما رضت تسوي العمليه الا بعد إصرار من الدكتور لانه حالتها ساءت جداً وما عاد نفع معها الغسيل ، هي خبت هالشي عن الكل وخصوصاً طلال ماتبيه يعرف بمرضها بس امس طلال سمعني و انا اكلمها وعرف بكل السالفه
شيخه بدت دموعها تنزل همست: لا حول ولا قوة الابالله .
.
ليان كانت جالسه فوق كنبتها وسرحانه بالشباك غمضت عيونها و نزلت دموعها وتذكرت وقت اعترفت ل زياد بحبها وهو كيف رد عليها ، اخذت نفس وحست انها تتنفس نار همست بقلبها : معقوله يا ليان حبيتي زياد والا معجبه فيه مثل ما اعجبتي ب ذياب معقوله هذي مشاعر حقيقيه والا مؤقته !
حست راسها بينفجر من كثر الأفكار رن جوالها وتفاجأت انه الاء تتصل عليها ردت : الو
آلاء: مبروك صرتي خاله
ليان فزت من الكنبه وشهقت : سحاب ولدت ؟
آلاء: ايه وجابت ولد
ليان : ياااروحي انا ، أي مستشفى الحين بجي ؟
آلاء: مستشفى *
ليان : كويس عشان بزور ملاذ كمان
آلاء بهدؤ : ليان لا تتاخري لانه بعد لينا دخلت العمليات
ليان رجف قلبها: عمليات ؟
آلاء حكت لها السالفه كلها ليان سكرت منها وهي تبكي طلعت من غرفتها و دخلت غرفه زياد بدون لا تدق الباب كان واقف ويلبس لف بخوف ناحيه الباب : خير شفيك داخله كذا وتبكين ؟
ليان : زياد خذني الحين المستشفى لينا بالعمليات و انا ما ادري تخيل اختي تسوي زراعه كليه و انا ما ادري
زياد انصدم و قرب لها ومسح دموعها : هش هش اهدي شوي فهميني وش صار بين ليلة وضحاها ؟
ليان زادت دموعها وضمت زياد بقوه وكل مالها تبكي وتضمه اقوى
زياد كان حاضنها ويمسح ع ظهرها بحنيه باس راسها وهمس : يلا روحي اتجهزي عشان نطلع المستشفى
ليان أبعدت عنه ومسحت دموعها ناظرته و ابتسمت : تدري سحاب ولدت وجابت ولد
زياد ابتسم وقرص خدها : مبروك وصرتي خاله جديده
ليان هزت راسها : ايه ، بروح البس عبايتي
زياد : بنتظرك تحت بالسياره لا تتاخرين .
__
عند قسم العمليات ؛
حصه وفايز طول الوقت يقرّون قرآن وبالهم مع بنتهم يلي ما يدرون وش مصيرها!
شيخه : الا أقول وين طلال ؟
حصه : احسن ما نبيه
نواف حك دقنه : أتوقع خلص لازم تعرفون
فايز : وش يلي لازم نعرفه ؟
نواف : ترا طلال هو يلي داخل بالعمليات مع لينا طلال هوالمتبرع
الكل ناظره بصدمه ليان وقفت وسمعت الكلام ناظرت أمها : مالقيتو الا طلال انا اختها واقرب لها من طلال
زياد : اهدي شوي مو وقت هالكلام
ليان تركت يده بقوه وتقدمت ل أمها : ليش اخترتو طلال؟
شيخه من صدمتها ما قدرت تقول شي : وش تقول انت وش تخربط وش يلي طلال بالعمليات !
ليان ناظرتها : يعني ما تدرين ؟
آلاء: يلي اعرفه شخص ثاني بيتبرع ،أساسا لينا وافقت عليه ؟
نواف : لينا ما تدري ، لكن هو اصّر انه هو يلي يتبرع لها
فايز هاللحظه كبر بعينه طلال لكن ما قدر ينسى كيف طلق لينا و تخلى عنها بسهوله همس : ما ادري وش أقول ، لكن لينا وش بتسوي لو درت انه طلال !
رن جوال الاء وناظرتهم : هذي دانه وش اقولها ؟
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐