44140
📚 روايات وقصص مميزة لمقترحاتكم تواصلوا معنا 💌 @RQM_bot قنواتنا أرشيف القناة @archiveRQM مستندات رواياتpdf @storykaligi_1 روايتنا الحالية ..🍃🌸👨💻👩 #حب_أحيا_قلب_الذياب
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 177 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌸🍃
لينا تذكرت طلال وغمضت عيونها و شدت ع يدها بقوه وكانها تشد ع قلبها من كثر ما اشتاقت له لكن بنفس الوقت تحس بكرهه تجاهه
حصه : لينا شفيك؟
لينا اخذت نفس عميق: ع أساس لو قلت له لا ما رح يتزوج ع الأقل يا يمه يتزوج و انا ادري مو بالسر ، لكن تدري وش الغريب أوقات اشتاق له و احس انه احبه ولمن اشوفه احس بكرهه مادري كيف اوصف لك مشاعري يا يمه بس ادعي انه بالي يرتاح.
.
زياد وقف قدام المستشفى وليان ناظرته بهدوء : بتنزل؟
زياد ابتسم بسخريه : طبعاً، معليش بس ما اوثق فيك تنزلين لحالك
ليان غمضت عيونها بقهر وحست كلامه استفزها جدا وجرحها ضحكت بصوت : دايما مشاعرنا نفس بعض ..
فتحت الباب و نزلت و زياد لحقها بسرعه وهو معصب مسك يدها وشد عليها بقوه
ليان ناظرته : يدي بتكسر اصابعي يا مجنون
زياد ضغط زر المصعد ومتجاهلها ، ليان حاولت تفك يدها بس ما قدرت دخلت المصعد وناظرته بحده : زياد و ربي تعور يدي ، شفيك خايف اروح منك !
ارتخت يدينه وناظرها بطرف عينه : مفكره نفسك كنز و انا ما ادري ؟
ليان رفعت حاجبها و ابتسمت : طبعا كنز ومستحيل تلقى بنت مثلي
ابتسم : لقيت احلى لكن ما لقيت بجُرائتك
ليان انقهرت لكن بينت العكس و ضحكت
زياد : غطي شعرك كويس ما فهمت يعني يلي قدام جائز يعني تطلعينه !
ليان : تغار !
زياد : لا ما اغار ، لكن احشمي نفسك افضل يوم القيامه محد بينفعك ولمن راسك ينحرق بالنار ما ينفع الندم وقتها
ليان وهي تعدل شيلتها : اعوذ بالله اسكت بس ، وبعدين الحمدلله الجنه والنار مو بيدك
انفتح المصعد و طلعو الاثنين و توجهو لقسم العنايه ، ليان حست قلبها رجف ما تدري ليش توترت و خافت مسكت اطراف أصابع زياد و شدت عليهم ، زياد رجف قلبه من لمستها الغير متوقعه ناظرها وهمست له : مدري ليه خفت كل الناس يلي هنا بغيبوبه
كتم ضحكته ع شكلها و هاللحظه ذياب دخل قسم العنايه ليان لفت عليه و ارتخت يدينها من أصابع زياد وسرحت ب ذياب وبملامحه الذابله ولأول مره تشوفه بهالحال فعلا كسر قلبها من شكله يلي يشوفه يقول مرت عليه أيام وشهور من الحزن
زياد ناظر يدها يلي ارتخت عن أصابعه وقت شافت ذياب وحس بنار اشتعلت وسط صدره لكن صحى من سرحانه وقت ذياب تكلم : اهلا زياد
زياد قرب له و سلم عليه : كيف حالك ؟
ذياب هز راسه : كويس
زياد ضاق صدره على حال ذياب رفع يده و ربت ع كتفه : ان شاء الله تصحى ، لا تنسى هذا اختبار لصبرك
ذياب تنهد : ما ابي ربي يختبر صبري بزوجتي لانه ما عندي صبر ، احس الوقت واقف والليالي طويله ومُره
زياد : لا تقول هالكلام ، ادعي لها ترا الدعاء يغير الاقدار ،ليان جت تزور زوجتك وما بتطول بس تطمن عليها
ذياب هز راسه : غرفه رقم خمسه .
.
في نفس المستشفى وقسم العيادات وفي اكبر عياده واهم بروفسور كان جالس وهو لابس نظارته ويقرا الأوراق وكل شي حوله ،
فسخ نظارته و اخذ نفس وشابك أصابعه : كل يلي مكتوب هنا يقول انه الطفل متشوهه خُلقياً
الاء غمضت عيونها ونزلت دموعها : كنت متأمله اسمع غير هالكلام
الدكتور : آلاء هذي الحقيقه
نواف اخذ نفس والدنيا ضايقه فيه : دكتور وش تنصحنا نحنا والله ضايقه فينا الدنيا
الدكتور : الإجهاض
آلاء ناظرت فيه وحست هالكلمه خنقتها : لا ، ما راح انزل ولدي ابدا لا تطلبون هالشي مني
نواف : الاء هذا الصح
آلاء قاطعته : مستحيل
الدكتور : بسبب تشوه الجنين رح تولدين قيصري لانه خطر على حياتك تولدين طبيعي
آلاء مسحت دموعها ب اصابعها المرتجفه : عادي اولد قيصري ، بس دكتور هل فعلا بيموت؟
الدكتور: علمياً بسبب تشوه الدماغ ايه يموت لكن ما اقدر اقولك انه طفلك بيموت لانه هالشي بيد الله ، خذي وقتك بالتفكير ومحد راح يجبرك بالإجهاض انتِ أم وانتِ يلي تقررين هالشي
آلاء هزت راسها و وقفت : شكرا دكتور ..
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 175 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌸🍃
بعد مرور أسبوع؛
هالاسبوع كان من أصعب الأيام يلي مرت على كل ابطالنا كانت هاديه جداً لكن قلوبهم كانت مُشتعله نار و الأرق أستوطن أرواحهم ،
كل واحد عايش بهمه ولا احد يقدر يواسي الشخص الثاني لانه هو نفسه يبي من يواسيه ..
عند سحاب ؛
نزلت الدرج وهي تتلفت حواليها دخلت للمطبخ فتحت الثلاجه صبت لها حليب وسوت لها توست بالجبنه ، طلعت من المطبخ و شافت منيره جالسه بالصاله جلست قدامها و ابتسمت: كيف حالك يا خالتي ؟
منيره تنهدت بتعب : الحمدلله
سحاب : من شوي اتصلت ع ذياب و كان عند ملاذ
منيره نزلت دموعها : احس روحي عالقه في بلعومي ياليتها تطلع و ارتاح
سحاب امتلت عيونها بالدموع : ان شاءالله تقوم بالسلامه
منيره هزت راسها : ما ابي شي من هالدنيا الا انه بنتي تقوم واسمع صوتها و اشوف ضحكتها ، كل ما اروح المستشفى و اشوفها نايمه ولا حاسه بشي ينكسر قلبي عليها و أقول ليش صار لها كل هذا !
سحاب : هذا قدرها يا خالتي ، في كل شر يوجد خير يمكن الحين ما ندري وش هو الخير لكن بعدين بندري .. وقفت وكملت كلامها : انا بروح اصحي سلطان
منيره ناظرتها : سلطان ! ليش نايم للحين ؟
سحاب : ايه خالتي امس رجع يمكن الفجر
منيره : وليش ما يطلع يدور على وظيفه ؟
سحاب ما صدقت منيره فتحت السالفه : حاولت فيه يا خالتي بس يقول مو وقته و بصراحه تعبت معاه كل ما قوله تصير هوشه بينا انتِ كلميه يمكن يسمع منك قولي له ما بقى شي ويجي ولدك عاد كيف بيعيشنا
منيره : يصير خير ، انتِ روحي صحيه وسوي له فطور
سحاب طلعت وهي متضايقه من حالها دخلت غرفتها وقربت لسلطان : سلطان خلص يكفي نوم بيأذن العصر
سلطان تغطى اكثر و تجاهل صوتها
سحاب زفرت أنفاسها بضيق وهزت كتفه : سلطان يكفي عاد قوم كمل اليوم و انت نايم
سلطان فتح عيونه وناظرها بملل : سحاب وش عندك؟
سحاب : يا كثر ما عندي ، ويلا قوم صلي الظهر اذن العصر و انت ولا صليت الظهر ترا يلي تسويه غلط
سلطان جلس وهو يتأفف بملل : حتى النوم تحاسبيني فيه !
سحاب : لا ما احاسبك يا روحي بس صلاتك أولى من النوم وبعدين ما يصير يلي انت تسويه لك كم يوم ما تشوف امك ولا تقعد معها وانت تدري انه وضعها صعب هالفتره
سلطان ضاق صدره وهو يتذكر وضعهم : وانتِ صادقه ، جهزي لي فطور والحين بصلي و انزل .
.
آلاء كل الليل ماقدرت تنام لانه اليوم موعدها عند بروفسور وهذا اخر دكتور تزوره !
مر عليها أسبوع كان صعب جدا كل يوم تزور دكتور وتسمع نفس الكلام واخر جمله يختموها " لك القرار تجهضينه او لا لكن الأفضل هو الإجهاض!"
لبست عبايتها و طلعت من جناحها نزلت الدرج و شافت طلال و دانه و هم داخلين البيت وصوت ضحكتهم مالي المكان ناظرتهم
دانه اختفت ابتسامتها وقررت انه تتقرب من الاء تكلمت : رايحه المستشفى ؟
الاء هزت راسها : ايه
طلال حزن عليها وابتسم : ان شاء الله تسمعين اخبار طيبه
الاء تنهدت : على انه الامل مفقود لكن ان شاءالله، عن اذنكم .. تركتهم وطلعت
دانه : مسكينه صايره حزينه كل الوقت
طلال : ايه والله ، تغيرت كثير
دانه : يلا حبيبي خلينا نطلع فوق .
__
بالسياره؛
نواف كان ينتظر الاء وسرحان حس راسه رح ينفجر من كثر التفكير هالاسبوع كان سنه بالنسبه له ،
كل الوقت يفكر بكلام ذياب يلي قاله لملاذ وكل ثانيه يسال نفسه : اخوي ذياب عقيم !
ماعنده الجرأه ولا القوه انه يسال ذياب حس بوجع بقلبه على اخوه انه عقيم وانه زوجته بغيبوبه وعلى الاء يلي تحمل طفلهم المشوه ،
حس انه كل هذا كثير على قلبه زفر أنفاسه بضيق وعدل جلسته وقت شاف الاء طلعت من البيت دخلت السياره بهدوء عكس عادتها يلي كل ما تطلع تبدا تسلم وتضحك وتسولف
نواف لف لها ومسك يدها : ابتسمي والله انه ابتسامتك كفيله انها ترمم باقي يومي
الاء ابتسمت بضيق : و انا مين يرمم قلبي يلي انكسر
نواف : لو بيدي ما خليتك تذوقين الحزن، لكن ربي يختبر صبرنا وقوة ايمانا
الاء مسحت دموعها : خايفه ، خايفه اسمع نفس الكلام يلي اسمعه كل مره يا نواف
نواف بضيق : ترا انا مو افضل منك ولا اقوى منك لكن نحنا الاثنين مع بعض نقدر نتجاوز كل شي ونتخطى الألم والحزن
الاء شدت ع يده : تكفى نواف مهما كان كلام الدكتور لا توافق على اجهاضه لو ربي كتب له الموت ترا بيموت وهو ببطني ولو كتب له انه يجي ع الدنيا رح يجي رغم كل شي
نواف مسح ع وجهه بضيق : ما ادري شقولك لكن ممكن حياتك انتِ تكون بخطر !
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 173 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌸🍃
فتحت عيونها و تركزت عينها بعيونه حست انها ما تشوف شي غير طلال و لا تسمع صوت غير طلال همست : طلال
طلال ابتسم وهو يسمعها تناديه بصوتها من زمان ما سمع اسمه من صوتها مخارج حروفها مختلفه عن الكل ،حس بدوخه ومسك راسه و قربت له دانه ومسكته من ذراعه : حبيبي ،ارتاح انت لسه متبرع بدمك لازم ترتاح
لينا بلعت غصتها وحست روحها ترتجف من بشاعه المنظر الشخص يلي كانت تتباهى فيه بقلبها وقدام خلق الله خذلها وكسرها و تخلى عنها و صار في بديل لها ،
دموعها فضحت مشاعرها ،وعيونها تناظر مسكة دانه لطلال حست حرارة العالم عالقه في قلبها، هاللحظه شفقت على نفسها استوعبت انه طلال هو سبب حُزنها و كسرة قلبها ،
همست وعيونها متعلقه فيه : مبروك
آلاء قربت لهم و مسكت يد لينا : تعالي يا روحي
لينا ما صدقت انه تلقى الاء حضنتها لكن شدت عليها بقوه وبكت بصمت قلبها هو يلي كان يصارخ مو حنجرتها
آلاء حست فيها وشدت عليها وهمست لها : والله ما يستاهل دموعك
لينا اخذت نفس : كيف هنت عليه ! كيف قدر كيف ؟
آلاء بعدتها شوي : لا تبكين والله ما يستاهل دمعه
لينا مسحت دموعها و اخذت نفس : ملاذ كيفها ؟
آلاء تنهدت : مدري محد طمنا حتى سلوى يلي دخلت ع أساس تجيب لنا خبر عنها وتطمنا اختفت معاهم بعد ، بس الممرضه تقول فتحو راسها عاد مدري كيف وليش
لينا : بسم الله عليها ، الله يحفظها و يقومها بالسلامه .. تقدمت بهدوء ومسكت كتف منيره يلي كانت تبكي وحالتها حاله : ان شالله تقوم بالسلامه
ذياب تافف بصوت والكل ناظره : مو كانهم تاخرو بزياده صار لي ثلاث ساعات واقف ولا احد طلع وطمنا
نواف : اهدا شوي ما تدري وش صاير معاهم
ذياب بعصبيه : والله لو ما يطلع احد بقلب المستشفى كله زودوها والله
عبدالناصر مسك ذياب وشد عليه : الصبر يا ذياب ، اهدا شوي
ذياب : اشلون اهدا ولا احد طمني على زوجتي
عبدالناصر : الغايب عذره معه ، تعال اقعد و ادعي لها.
.
بعد مرور ساعتين ؛
كانت هالساعتين من أطول و اثقل الساعات يلي مرت بحياة ذياب و حياة الكل ، محد طلع و طمنهم ولو بكلمه وحده
ذياب حس انه شوي وينفجر و داخله نار يبي أي احد يطلع و يقوله أي شي و يطمن قلبه ..
اخيراً فتح الباب و طلع الدكتور حَمد و وراه سلوى
ذياب تقدم بسرعه : دكتور حَمد طمني ملاذ كيفها!
منيره وقفت وظهرها منحني وتحس رجولها ما تشيلها : بنتي وينها ؟ سلوى قولي لي وين ملاذ طمنو قلبي على بنتي
الدكتور حَمد : أولا الحمدلله ع سلامتها العمليه تمت بخير
تنفسو كلهم براحه وهم يتمتمو الحمدلله
ذياب ناظر وجه سلوى يلي كله دموع و حس قلبه رجف ناظر ل حَمد : ملاذ وينها ليش ما طلعتوها ؟
الدكتور حَمد اخذ نفس : الحادث ما كان سهل أبد ونجت من الموت برحمة من ربي صار عندها كسر برجلها اليُمنى و جبرناها وصار عندها نزيف حاد بالدماغ اثر الضربه يلي تلقتها براسها فتحنا راسها و وقفنا النزيف و اثناء العمليه توقف قلبها مرتين لكن الحمدلله رجع النبض ، لكن يأسفني انه اقولكم هالخبر ملاذ دخلت بغيبوبه
لحظة صمت للكل ، الاء بصدمه وخوف : متى بتصحى؟
الدكتورحَمد : ما ادري يمكن أسبوع ويمكن شهر و يمكن سنه !
ذياب حس كل شي حوله توقف صار يشوف كل شي اثنين وصوت حَمد يتكرر بمسامعه حاول يأخذ نفس بس ما قدر قرب خطوه ومسك حَمد من تيشرت العمليات وهزه بقوه : ملاذ وينها ؟ الحين تصحوها تفهمون والالا
نواف سحب ذياب : اهدا ي ذياب
منيرة طاحت با ارضها وصوت بُكائها كان مالي المكان ، هدى و اروى جلسو جنبها و ما كانو افضل منها انهارو فعلا وكأن جبل انهد فوق قلوبهم
سلطان مسح ع وجهه وناظر امه و خواته بالأرض ويبكو مسح دمعته واخذ نفس وانحني للأرض وجلس ع ركبه و رفع امه وضمها وبكي معاها ..
ذياب غمض عيونه بقوه وفتحهم و رجع غمض وفتحهم يبي يستوعب يلي صار حاول يأخذ نفس لكن ماقدر حس داخله اشتعل نار صار يتنفس بسرعه و قلبه ينبض بجنون ، حط يده ع رقبته وكانه يحرر نفسه من الاختناق
طلال مسكه من ذراعه لكن دفه بكل قوته ولف عنهم ومشي لكن فجأة حس الأرض اعوجت تحت اقدامه وضغطه نزل وحس بغثيان شديد وقف عند الزباله و استفرغ كل يلي ببطنه خبط راسه بالجدار بقوه وهمس بفحيح : بسببي انا بسببي انا
نواف مسكه بقوه : ذياب اذكر الله ، هذا قدر
ذياب رجع خطوتين لورا و عيونه كانها جمّر حاول يأخذ نفس بس ما قدر
نواف بخوف : تنفس تنفس ..
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 171 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌸🍃
ليان فزت بخوف و جلست مسحت دموعها برقه و رجعت شعرها ورا اذنها : وش تبي مني !
زياد : خلص لا تبكين
ليان اخذت نفس : خلص انت الفايز كسرت قلبي وشتت مشاعري و كرهتني بنفسي الحين طلقني
ناظرها بصدمه : اطلقك ؟
ليان : ايه طلقني و روح تزوج اسيل ليش تعذب قلبك وتعذب قلبها تزوجو
زياد انصدم من تفكيرها : ع بالك الباب يلي اطقه مره ارجع اطقه مره ثانيه ؟
ناظرت فيه : يعني ما رح تتزوجها ؟
زياد ابتسم : لا طبعا ، مو ع أساس تكرهيني ليه تغارين ؟
ليان : لا ما اغار ، بس امس طريقة كلامها لي ما عجبتني وكانت ترمي كلام عاد انا مو مجبوره اتحملها
زياد : لسه من شوي تبكين رجعتي للصياح !
ليان : خلص زياد اتركني بحالي ودام عندك غرفه لا تدخل غرفتي ابدا
زياد : اممم عاد افكر انقل لغرفتك ونعيش مثل أي زوجين بالحياه
ليان توترت : ليش ؟
زياد كتم ضحكته : وشو يلي ليش مو انتي زوجتي شي طبيعي ننام بنفس الغرفه ونفس السرير
ليان : طبعا لا ولا ولا، ترا انا انسانه ما انسى الأذى ابدا وكلامك يلي قلته داخل لازم تعتذر
زياد ضحك بصوت : اعتذر !
ناظرها و ابتسم بخبث وهو يقرب وجهه وباسها : موافق اعتذر بس بطريقه تناسبني شرايك تقبلينه والا لا؟
ليان رجف اقصى عرق بقلبها و دفته : قليل ادب
زياد ابتسم : وشو يلي قليل ادب ترا ما سويت شي والله ، هو انتِ شفتي شي ؟ وبعدين انتِ يلي لازم تعتذرين مو انا
ناظرت فيه بسخريه : انا اعتذر ؟ والله لو تموت ما اعتذر اساسا ما غلطت ابدا قلت لك لا تحاسبني ع الماضي لانك مالك دخل بالماضي ، وخلص ما ابي منك أي اعتذار اطلع و اتركني لحالي
زياد : طيب بقولك شي حلو
ليان قاطعته : ما ابي اسمع شي لانه انت ماتجيب الا الهمّ والغمّ
زياد وقف ومشي : طيب تمام ، كنت بقولك نطلع مطعم بوسط البحر وناكل سمك وشرمب بس عاد بكيفك
ليان فزت من فوق السرير : جوعانه
ضحك ولف لها : عندك عشر دقايق تجهزي فيهم
ليان حطت يدها ع خصرها : اوك ، بس مو معناه طلعت المطعم معاك يعني نسيت يلي قلته بس يلي يغرق بالبحر يتمسك بالأفعى
زياد طلع منها واختفت ابتسامته وهو يتذكر جملتها الأخيرة وحس فعلاً انه ليان غرقت لكن مو بالبحر فيه هو ، ويلي خوفه اكثر مشاعره ونبضات قلبه هاللحظه!
.
بالمستشفى ؛
ذياب وصل ونزل من السياره مثل المجنون رمي المفتاح للموظف عشان يُصفها بالكراج ،
دخل المستشفى وهو يجري بين الممرات ضايع مايدري وين الله حطه وقف عند الرسبشن وهو يلهث : ملاذ ال * جابوها شوي بالاسعاف وكلمتوني انه نقلتوها ع العمليات وينها ؟
الموظفه : العمليات بالدور الرابعه اطلع واسال هناك
ذياب مشي وقف عند المصعد وهو زحمه لف يمين و طلع درج وصار يطلع الدرجه درجتين و ثلاث و قف بالدور الرابع اخذ نفس ومسح العرق من جبينه ومشي ولقى موظفه : ملاذ ال* وينها طمنوني عنها وش صار لها، ترا هي دكتوره بهالمستشفى
الممرضه بحزن : دخلت العمليات من شوي وحالتها جدا سيئه للأسف!
ذياب غمض عيونه وحس ضغطه نزل رجع خطوتين لورا وتعثرت اقدامه و طاح ،
الممرضه قربت بسرعه ومسكت يده ورفعته من الأرض وجلسته ع الكرسي : ارتاح الظاهر ضغطك نزل
ذياب قاطعها : سلوى وينها ؟ الدكتوره سلوى وينها هي بالمسشتفى كلموها تجي بسرعه
الممرضه هزت راسها : ترا شفتها يبدا بعد نص ساعه، بتلاقيها هنا بالعمليات
ذياب غمض عيونه ونزل راسه وحضن وجهه بكفوفه وهو يحس أنفاسه حاره للدرجة تحرق وجهه من حرارتها رفع راسه و اخذ نفس عميق وهمس بهدوء : ملاذ يا ملاذ وش سويتي فيني ؟ تعاقبيني ؟ والله اموت بدونك اموت !
هاللحظة وصلو اهله وسمع صوتهم بالممر لكن تجاهل هالاصوات دام مافيهم صوت ملاذ
نواف مسك كتف ذياب : طمنا عنها ؟
عبدالناصر : خير وش صار لها وش قالو لك كيف حالها ؟
ذياب رفع وجهه وناظرهم لكن عيونه الحمرا كانت تحكي الوجع والقهر والحزن يلي هو فيه
آلاء : كنت اكلمها وكانت تبكي فجاه صرخت بكل صوتها بعدها سمعت صوت الحادث والناس..
كلمة تبكي شعلت نار بقلب الذياب غمض عيونه و وقف مشي من جنبهم لف وحط جبينه ع الجدار ما يبيهم يشوفو دموعه وقهره بلع ريقه ولأول مره يحس انه يبتلع جمّر ، كل تفكيره بهاللحظه انه بس تطلع ملاذ من العمليات يقولها الحقيقه وهي يلي تقرر تكمل معاه او لا !
وصلو اهل ملاذ كلهم أمها وخواتها و سلطان و سحاب ..
منيره كانت تمشي بالممر وتبكي وصوت بُكاها واصل للكل : ذياااب بنتي وش صار لها ؟
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 169 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌸🍃
ناظر كلهم مكان ماتناظر و انصدمو انه طلال سواها و تزوج وجابها للبيت !
تقدم لهم والابتسامه شاقه وجهه : السلام عليكم امس انا و دانه تزوجنا واليوم جينا وبنعيش هنا بالبيت ، هذا البيت بيتي و انا ولدكم وهذي زوجتي و ام عيالي ، رجاءً ما ابي أي مشاكل
شيخه ناظرت عبدالناصر بصدمه وعبدالناصر جلس ع الكنبه ضربتين بنفس اللحظه ما قدر يتحمل
آلاء ناظرت دانه بكرهه و رجعت ناظرتهم و نزلت دموعها : خلونا نروح المستشفى بسرعه و لازم نبلغ أهلها
شيخه : ذياب يدري ؟
طلال : خير وش صاير؟
نواف تجاهله وناظر امه : ايه يدري ، يلا تجهزو بسرعه عشان نطلع
طلال بحده : قاعد أتكلم وش صاير ؟
شيخه : حسبيا الله عليك سويتها يا طلال ، لكن مو وقتكم الحين ملاذ سوت حادث
دانه شدت ع يد طلال : ونحنا بنجي معاكم المستشفى
طلال ناظرها بصدمه : مو ضروري نقعد ننتظرهم هنا
دانه : لا حبيبي نحنا عائله
آلاء حست انها بتستفرغ من اشكالهم ومن ضغطها يلي نزل من قوة الصدمات اكتفت بس بنطراتها يلي وجهتها لهم وطلعت بسرعه لغرفتها عشان تلبس العبايه ..
شيخه حطت يدها ع راسها وهي تبكي نادت العامله وقالت لها تجيب عبايتها
عبدالناصر: لا حول ولا قوة الا بالله وش صار بحياتنا!
شيخه ناظرت دانه يلي واقفه قدام طلال : ما شفنا المشاكل الا يوم دخلتي حياتنا
دانه انقهرت و ناظرت طلال بنظرات حزن طلال شد ع يدها بقوه وسحبها وجلس فوق الكنبه وجلسها جنبه ناظر امه : يمه ماله داعي هالكلام ، وبعدين هذي اقدار
شيخه : ولك عين تتكلم أصلا…
عبدالناصر قاطعهم بحده : مو وقت نقاش الحين و أقول شيخه اتصلي على سحاب والا ام سلطان وبلغيها افضل من المشاكل يل مالها داعي الحين
شيخه اخذت جوالها و اتصلت ثواني وجاها الرد : هلا شيخه
شيخه : أقول سحاب وينكم ؟ دريتو باللي صار
حصه استغربت : شيخه شفيك ترا انا حصه مو سحاب وبعدين وش صاير ؟
شيخه حطت يدها ع راسها : لا حول ولاقوة الا بالله دقيت عليك بالغلط ولا ما عاد فيني عقل اليوم ثلاث مصايب مره وحده !
سحاب صحت من نومها غيرت ملابسها وبدت ترتب غرفتها ،
سلطان كان قاعد ع الجوال ناظرها وسرح فيها سحاب لفت عليه و ابتسمت : شفيك كذا تناظرني !
سلطان فتح يدينه : تعالي بضُمك
سحاب ضحكت بخجل وقربت له وحضنها بقوه
شهقت بصوت : أي عورت بطني
سلطان بعد عنها وهو يضحك : والله بطنك صايره كبيره مره وتضايقني
سحاب : سلطان حبيبي بقولك شي بس لا تفهمني غلط
سلطان وهو يلعب ب اصابعها : قولي يا عيوني
سحاب : متى بتدور على وظيفه ؟
سلطان ضاق خلقه من السالفه : ليه انا مقصر معاك بشي ؟
سحاب : لا بس لا تنسى انا الحين بولد ويبي لك مبلغ الولاده وتجهيزات البيبي و لا تنسى حفله الاستقبال كل هذا يبي له فلوس و انت من وين بتجيبها
سلطان مسح ع وجهه : يصير خير تنحل ان شاء الله، وبعدين ملاذ عطتني مبلغ يكفي الولاده والتجهيزات
سحاب تضايقت من تفكيره : بس ملاذ مو مجبوره تصرف علينا وعلى ولدنا
سلطان : سحابي سكري هالسالفه
سحاب ناظرت الأرض بحزن وهزت راسها : طيب يلي تبيه ، بس قولي متى نطلع نشتري أغراض للبيبي ترا ما شرينا شي للحين
سلطان : طيب نطلع بعدين ونشتري بس الأساسيات مافي داعي نكثر
سحاب كانت بترد لكن منيرة دقت الباب بقوه و دخلت عليهم وهي تبكي وتمتم باسم ملاذ
سحاب وقفت ومسكت بطنها من الاسفل : خالتي وش صاير ليش تبكين؟
سلطان فز بسرعه و وقف : يمه شفيها ملاذ ؟
منيره وهي تشاهق : يقولون سوت حادث وهي بالمستشفى
سحاب ناظرت سلطان بصدمه وسلطان ناظرها بنفس النظرات لكن فزو ع صراخ منيره : خلونا نروح المستشفى بسرعه
سلطان هز راسه : طيب طيب الحين اغير ملابسي و انتو اجهزو بسرعه
منيره طلعت وهي تبكي وما تدري وين الله حطها كل تفكيرها ب ملاذ
سحاب بسرعه اخذت عبايتها و لبستها وسلطان غير ملابسه و طلع وسحاب معاه و منيره كانت منتظرتهم بالحوش وتبكي وطول الوقت تدعي انه ربي يحفظ بنتها .
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 167 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌸🍃
28 حرف هاللحظه تعجز عن وصف مشاعر ملاذ ، كانت فوق بين السحاب فجأه حست نفسها بقاع الأرض
ناظرت فيه وميلت رأسها وكآنها سمعت شي غلط تبي تتأكد لانه مستحيل ذياب يطلب الطلاق !
ذياب سحب يده من بين كفوفها وهمس : اعتذر لك لكن هذأ ألأفضل لنا الاثنين
ملاذ : نطلق ! تتكلم جد والا تمزح والا مسوي مقلب !
ذياب وقف : لا تصعبيها يا ملاذ خلينا نطلق بدون أي مشاكل
ملاذ وقفت بعصبيه و رفست الطاوله يلي جنبها برجلها و طاحت الشمعه وكوب القهوه : بكل بساطه تقولها !
ذياب فتح كل زراير ثوبه وهو يحس انه في شي يخنقه : ايه ملاذ
ملاذ ضحكت : للمره الأخيره اسالك ، تبينا نتطلق ؟
ذياب رد وهو موجوع اكثر منها وحس انه حفر قبره بيده : ايه ملاذ نتطلق
لفت عنه ومسحت ع وجهها وكانها تحاول تقوى رغم انكسارها وخذلانها لفت عليه بعصبيه تقدمت الخطوه يلي تفصلهم : كنت أقول انك نادر مالك شبيه اثاريني انا النادره و الواجده عليك ، قلبي لو عطيته لشخص غيرك كان ما نام الليل من حرصه ..
كملت وهي تشاهق وتحس روحها تطلع : تدري وش يلي يوجع انه اخترتك من بين الكل وحبيتك واستثنيتك وبنيت معك احلامي وتجاوزت عن زلاتك وتجاهلك وغيابك الطويل و أقول عادي يا ملاذ هذا حبيبك هذا وليف روحك حتى هاللحظة احبك و اشتاق لك ، كنت اصغر عقلي و اكبر قلبي معاك اعتذر لك و انت الغلطان لكن كنت أقول عادي هذا حبيبك يا ملاذ
ذياب غمض عيونه بقوه وقرب لها خطوه لكن ملاذ أبعدت ثلاث خطوات و رفعت كف يدها : لا تقرب لا تلمسني انا قلت لك بداية زواجنا لو عطيتك ظهري ما راح ارجع لك ابدا
ذياب : والله العظيم انه حاولت حاولت بس ما قدرت ، صدقيني طلاقي منك عشان مصلحتك
ملاذ قاطعته بصراخ : أي مصلحه يا ذياب أي مصلحه ؟
ذياب سرح فيها وكانه يحاول يحفظ ملامحها عشان لا ينسيها ابدا : ويلي رفع وبسط سبع سماوات انه احبك
ضحكت بسخريه : لا تقول احبك وانت كذاب و بس كنت تتسلى فيني .. نزلت دموعها اكثر و همست : تذكرت الحين ثاني يوم زواجنا يوم قالت لي طليقتك بيجي يوم و يطلقك طلع كلامها صدق وعلى حق انت فعلا كنت تتسلى فيني و الحين طفشت وتبي تغير !
ذياب قاطعها و مسك يدها بقوه : لا والله ما تسليت فيك ولا خدعتك ومشاعري لك كانت كلها حقيقه وكلامي كان نابع من حب
ملاذ نفلت يده بقوه : انت عيب عليك تتكلم عن الحب انت وين والحب وين ، اجل العله طلعت مو بس با اخوك حتى فيك انت تدري الحمدلله يلي ما صار بينا طفل يربطني فيك اكثر
ذياب رص ع اسنانه بقهر و ملاذ كملت : تدري انك كسرت قلبي وخذلتني لكن ما كسرت ملاذ ، ورقة طلاقي توصلني باقرب وقت و وجهي هذا حتى باحلامك ما رح تشوفه ..
دخلت غرفة الملابس اخذت عبايتها و طلعت بسرعه بدون لا تلف عليه ولا تشوف له ولا حتى و دعته كانت تبكي وتحس روحها رح تطلع نزلت الدرج بسرعه وتعثرت اقدامها ب اخر درجتين لكن وقفت ومشت وطلعت من البيت وتعثرت اقدامها للمره الثانيه بالحوش وبكت اكثر و وقفت وكانت تمشي وتحس الأرض معوجه تحت اقدامها ،
طلعت سيارتها و خبطت الدركسون بكل قوتها وسندت راسها عليه وهي تبكي : كلب حيوان حقير
شغلت سيارتها و مشت با اقصى سرعه وهي ما تدري وين تروح فتحت شيلتها عشان تتنفس حاسه بشي يخنقها اكثر حتى تفكير ماهي قادره تفكر باي شي غير ذياب ، رن جوالها وكانت الاء تجاهلت اتصالها ورنت مره و مرتين و ثلاث ملاذ شكت في شي و ردت بهدؤ : الو
الاء تكلمت بوصوت باكي : ملاذ
ملاذ : شفيك تبكي
آلاء: انتِ شفيك تبكين ؟
ملاذ كانت جدا مسرعه جت بتدخل اللفه و طلعت سياره بوجهها وصرخت بكل صوتها مسكت فرامل بقوه وانقلبت السياره على جنب
آلاء صرخت بكل صوتها :ملاااااذ
ملاذ هالعشر الثواني مر ببالها سيدي حياتها ،
لحظة هدوء مافي الا صوت الزجاج المتكسر يلي يطيح ع راسها و جسدها وصوت قطرات الدم يلي تنزل من كل مكان بجسمها و ريحة حريق السياره بدت تفوح والدخان بدأ يطلع
حاولت تفتح عيونها لكن ماقدرت حاولت تتكلم ماقدرت همست بقلبها ذياب ،
في أصوات حواليها كثيره ضوضاء أصوات متداخله ببعضها صوت ناس و صوت سيارة اسعاف لكن ماهي قادره تتحرك تحس راسها انشق نصين وباب السياره ضغط ع جسدها النحيل ما قدرت ترفع يدها حست انها انكسرت ولا قدرت حتى تحرك رجولها الباب ضغط عليها ،
حست انه روحها قاعده تطلع وتنفسها بدا يضيق اكثر فتحت فمها وطلع دم كحت لكن ماقدرت تكح اكثر من الضغط يلي فيها اخذت نفس وكان اخر نفس لها، غمضت عيونها وبدا الظلام يستوطنها لين غابت عن الوعي والحياه بأكملها !
احسبك سيفي اذا ضقت اناديك
واثر البلا سيفي هو اللي طعني.
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
من اقوى القنوات المتخصصة في العملات الرقمية 🔥😍👇
/channel/+c4TSgeeGWB00OGQ0
~~
|23K 💄تعليم مكياج للبنات💄💄
-
|14K 🍊مطبخ منال العالم🍊
-
|13K 😂نكت دون توقف😂
-
|11K 🌕علم النفس وتطوير الذات🌕
-
|10K همسه عِشـہۣۙ❥ـٌِق💜❥
-
ۦ
🎉🎉
|07K تطوير الذات
-
|07K 💡متع ذهنگ💡
-
|06K كل يوم قصة
-
|05K ٌخوَاطِر إسِـــُلُامٌيَةَِ َ ❀ِ
-
|05K 😂اضحك وانسى الهم😂
-
ۦ
🎉🎉
|05K غرائب من العالم
-
|05K معلومات وغرائب
-
|04K معلومات صحية
-
|04K |14k انتي اجمل
-
|04K صــــور 🤹🏻♀️مـتــحــركـــة🏄🏻♀️
-
ۦ
🎉🎉
|05K 😍قصص وروايات عالمية 😍
-
|04K مشاعل
-
|04K ملخصات + معلومات طبية 💊
-
|04K هل تعلم
-
|05K 😍 دمــوع الـعاآشقـين~💕
-
ۦ
🎉🎉
|03K تنمية بشرية 📚
-
|03K خواطر راااائعة
-
|03K محترفين الهكر
-
|03K خواﻂﮍ مـƒřô๓ـہن القلب📩
-
|02K صدقه جاريه 💭
-
ۦ
🎉🎉
|02K ڪـلمات ميـن القـ💔ـلـب
-
|03K نكت
-
|02K يومـ.قصص💔 واقعية.ـيـات
-
|02K خـ🌸ـربـشـات💓أنـ💗ـثـئ
-
|02K غرائب وعجائب
-
ۦ
🎉🎉
|02K 🌷هـمـس☺️الـحــب🌷
-
|02K هـمـس✨ الـحــ❣ــب
-
|02K 💭برودكاست |نكت💭
-
|03K خواطر وعبارات
-
|01K عــن🌎السـيـاحــــة❣️والهجرة
-
ۦ
🎉🎉
|01K إقتباسات إنجلش✨
-
|01K مــيــــمM❤️
-
|01K أضحك وانسى همومك
-
|01K الرشاقة 💃والجمال
-
|02K تـــٰـــٰـــٰــرَف pic 📷
-
ۦ
🎉🎉
|04K design أدِۆآت تصميَم
-
|02K جمالك سيدتي
-
|02K طريقة صنع بخور وعطور
-
|02K 🌸منوعات همس الحروف🌸
-
|02K صدفة❤️ عشقتك
-
ۦ
🎉🎉
|02K اشهى😋 الوصفات لمطبخك🍲
-
|02K بـعـض💓الاحـلام🌸حـيـاة️
-
|03K 😍😻 صور وحالات تجنن 😻😍
-
|04K اٰنٰہٰٖتٰہٰٖ رٰوٰحٰہٰٖيٰہٰٖ ،💗
-
|03K ﴿ٳحسٰـآإأسء مَ يفهمـوٰنهۂ “̯ ֆء.
-
ۦ
🎉🎉
|03K الرقية الشرعية من الكتاب والسنة
-
|03K تطبيقات وتعليم الهكر
-
|03K 🎹💭💖 ʟ̤ɾʟɺ ٱﻧــٺ
-
|03K ::شعر::واااحه::الاصدقاء::➢✵★
-
|03K منبر الخطباء والدعاة
-
ۦ
🎉🎉
|03K دﯡلــــــﺔ الحپ✨😻
-
|05K 💇🏻♀قروب خاص بنات 🌸
-
|04K لاتنسى ذكر اللّـه
-
|05K 😻🌈 تصاميم روعه تجنن 😍🎨
-
|04K خواطر و حالات ღ
-
ۦ
🎉🎉
|05K 🔥😻عـالـم التكنـولـوجيـ📵ـا☠🔥
-
|06K 😂🔥نـكـت سـاخنة للكـبار🙈🔥
-
|06K ❤ٲلـمـتعـة بالحـيـاة❤️
-
|05K ﴿- لـ صديقتـي💗 ̮ֆ℡
-
|05K ✺┆قــصـص واقـعـيـة❧
-
ۦ
🎉🎉
|07K طنش وعيش
-
|07K ❣القرآن الكريم وعلومة❣️
-
|11K 💕متعـة الحـ♡ــديث 💞
-
|10K 🌞همسة صباح🌞
-
|13K مُـ‘ـُمُـ‘ـُآ رآقُ لُـ‘❤️ـُيُُ
-
ۦ
🎉🎉
|13K خواطر أحمد الشقيري😊❤
-
|16K 💯💯نشر روابط مجموعات واتساب💯💯
-
|19K ✒اقوال وحكم عظيمة✒
-
|26K جميع قنوات التيلجيرام الرسمية
-
|46K ❤️📝 روايات وقصص مميزة 📝❤️
-
⚙
By☛ للإشتراك في القائمة 📥
👆🏻
🌺🍃🌸🍃🌼
بارتات يوم الثلاثاء..
1 / 10 / 2024
#الـــــــبـــــارتــــات.. ..
من 151 وحتى 165
نتمنى لكم قراءة ممتعة ...
🌺🍃🌸🍃🌼
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 164 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
ملاذ وقفت سيارتها بالحوش و دخلت البيت وكّل الأنوآر طافيه ، طلعت لجناحها فتحت الباب فسخت عبايتها و بدلت ملابسها و دخلت غرفة النوم شافته معطيها ظهره و نايم
حست بمشاعر غريبه ما قدرت تحدد بالضبط وش هي لانه ذياب من قبل لا يحبها كان ما ينام الا اذا تطمن انها رجعت البيت الحين كيف قدر ينام وهي برا البيت حتى اتصال ما اتصل ولا تطمن عليها !
قربت لسرير وهي تطرد هالافكار من بالها وتدور له اقرب عذر انه ممكن نام من كثر الشغل و التعب ،
دخلت تحت اللحاف و ضمته برقه ابتسمت وهي تشمّ ريحته يلي تحس انه روحها تزهر من ريحته الحلوه طبعت بوسه ع ظهره وهمست : احبك يا ذيابي
ذياب كان صاحي أساسا ما قدر ينام وهي برا البيت ، ولا تطمن عليها عشان يعود نفسه ع غيابها ، غمض عيونه بقوه وهو يحس بنار بصدره وحاس بالعجز الكبير ، الانسانه يلي يحبها ويموت فيها ماهو قادر يكمل معاها ولا قادر يصارحها بالعُقم حاس نفسه انه كل ماله يغرق اكثر و اكثر همس : تعبان يا ملاذ خليني انام
ملاذ انصدمت انه صاحي أبعدت عنه شوي : صاحي
لف لها ومسح ع وجهه : يعني شبه صاحي كنت غفيت ، تبين شي ؟
ملاذ هاللحظة حست قلبها يعورها كل مالها تنصدم اكثر ب ذياب وكل مره تقول لا يا ملاذ اعذريه يمكن تعبان بسبب ضغط الشغل
ذياب اوجعه قلبه قبل لا يوجع قلبها لكن مجبور يتصرف معها هالتصرفات يبيها تكرهه او تبعد عنه ما يبيها تتعلق فيه اكثر ، لف عنها وغمض عيونه رفع يده لقلبه وهو يضغط عليه بقوه تمنى هاللحظة انه يشق صدره ويتخلص من وجع قلبه
ملاذ كانت سرحانه بالمكان و مصدومه ماهي قادره تستوعب انه هذا ذياب ،
قامت من فوق السرير و طلعت للصاله فتحت البلكونه و اخذت نفس عميق حطت يدها ع رقبتها وهي حاسه بشي يخنقها غمضت عيونها على امل انها تبكي و ترتاح بس ما قدرت تبكي ولا نزلت دمعه منها ،
جلست بالأرض و سندت راسها ع الجدار وكل حياتها مع ذياب تنعاد قدامها حاولت انها تتذكر وش صار لحتى ذياب تغير لكن مالقت أي جواب
ويلي قهرها اكثر انه بالصباح اعتذرت له وحضنته والغلط منه هو بس عشان تحبه وماتبي زعل بينهم ابدا،والحين حضنته وهي متلهفه لشوفته و لصوته بس بالمقابل صدها و اوجع قلبها وكسر مشاعرها المُتلهفه!
.
عند ليان ؛
كانت جالسه جنب غرام اخت زياد والكل كان موجود كانت هاديه جدا وتحاول انها تكون رايقه رغم انها مو طايقه أي شي بعد كلام زياد ،
طول الجلسه وهي تفكر بكلامه وعينها ع اسيل وكل يلي يدور بتفكيرها ليش تركها وهي جميله جدا وش صار بينهم !
هاللحظه تذكرت مواقفها هي وملاذ وكانه الزمان ينعاد لكن الأدوار اختلفت !
غرام وهي تصب ل ليان قهوه : ليان انتِ بخير ؟
ليان ابتسمت : ايه
غرام : تصدقي ليان توقعتك انتِ و زياد تسافرو سويسرا شهر العسل لانه زياد من زمان وهو يقول شهر العسل بقضيه بسويسرا
اسيل ابتسمت : هذاك زمان ، الحين الأشخاص تغيرت
غرام خزتها بنظراتها لكن اسيل ابتسمت وهي تحس بنار بصدرها : شفيك ما قلت الا الصدق
ليان حطت فنجانها وهي تحس داخلها يرجف من بشاعه مشاعرها ابتسمت ابتسامه رايقه وناظرت اسيل بهدوء وقررت انها توقفها عند حدها من بدايتها : ما احب التلميحات البايخه اذا في شي قوليه بدون لف و دوران
اسيل حطت رجل ع رجل وهي ترجع شعرها للخلف: ما بيني وبينك شي ليش بلف و ادور
ليان بنفس الابتسامه : اجل كوني صريحه والتلميحات البايخه ما احبها لانه اعرف الحقيقه كلها
غرام وهي تناظر بنات خالاتها : شرايكم نطلع الحوش الجو حلو ، الا جد ليان بسالك زياد متى بيجيك؟
ليان : يعني ع ال 11 ليه ؟
غرام : افكر نطلع مطعم شرايك
ليان : خليها مره ثانيه بكرا عندي دوام جامعه بدري ما بقدر اتاخر بالسهر
البنات وقفو : اجل خلونا نطلع الحوش
ليان وقفت و اخذت جوالها وطلعت مع غرام والبنات للحوش ، جلسو بالجلسات الخارجيه والعامله سوت لهم شاي
رن جوال ليان و كان زياد انتفض قلبها ناظرت اسيل و نزلت عيونها بسرعه و ردت بهدوء : الو
زياد وقف السياره قدام البيت : انا برا اطلعي
ليان : طيب حبيبي الحين بلبس عبايتي و اطلع
اسيل دمعت عيونها من كلمة حبيبي والكل لاحظ عليها لكن عذروها !
ليان لبست عبايتها و سلمت عليهم و طلعت وهي ما صدقت متى تطلع من عندهم فتحت باب السياره وسكرته بقوه
زياد : شوي شوي ع الباب ، وبعدين وش هذي حبيبي!
ليان ناظرته بحقد : دامك تحبها وهي تحبك ليش ما تزوجتها ! ليش ظلمتني معاك يا زياد ؟ ليش اخذتني من بيت اهلي و تزوجتني ؟ عشان تنتقم والا عشان تقهر حبيبتك ؟
زياد رد ببرود : مو وقت هالكلام، راسي يوجعني ما ابي اسولف بأي موضوع.
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 162 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
آلاء تربعت : اسمعني بقول كل شي و انت فكر بكلامي كويس ، طلال و لينا تزوجو عن حب وكلنا كنا عايشين مع بعض ونشوف حب طلال ل لينا فجأة بيوم وليلة قال بيتزوج نقول رجال وعينه زايغه وسواها و تزوج طيب التغيير يلي صار فجأه معاملته السيئه تجاه لينا رغم انه أوقات تحس انه يحبها و يموت فيها لكن أوقات يكون ماهو طبيعي ، لينا يا عمي اكثر من مره تشوف ثعبان ونسمع صراخها ولمن ندخل الغرفه نشوفها ب اصعب حاله وبالحقيقه مافي ولا ثعبان ، من كم يوم جت وكانت تتقهوي معانا هنا طبيعي وتضحك و تسولف بس طلعنا جناحها مدري شصار لها صارت تصارخ ولمن شفتها انا وملاذ كانت مثل المجنونه وتضرب رجولها وتمتم بكلام ماهو مفهوم مثل وخر عني لا تأذيني ولا هي قادر تتحرك وبعدها اُغمى عليها كالعاده كل هذا يدل انه لينا فيها سحر
عبدالناصر فتح عيونه من قوة الكلمة : سحر !
آلاء: مافي غير هذا الشي ترا لينا انسانه عاقله وهاديه ما راح تتوهم ولا هي مريضه ولا فيها أي مشاكل
عبدالناصر تنهد ومسح ع وجهه بضيق : والله انا شكيت انه في شي بس سحر احسها كبيره مين رح يسحر لها وش يبي منها بالظبط
آلاء: مافي غيرها دانه
عبدالناصر : لا لا ما توصل لهالمواصيل ولا نظلم البنت ، هذا اتهام كبير
آلاء: صدقني يا عمي مافي الا هي لانها تبي تتزوج طلال وتجي مكان لينا
عبدالناصر : وكيف بنعرف اذا مسحوره او لا ؟
آلاء: هنا المشكله انا ما ادري ، بس صدقني رح اعمل كل جهدي عشان هالموضوع .
.
عند ليان ؛
كانت جالسه بالصاله ومشغله التلفزيون وتتابع فيلم كوميدي وبيدها بطاطس وتاكل وهي تضحك ،
طلع الدرج وسمع صوت ضحكتها يلي اول مره يسمعها وقف وهو يشوفها تاكل بطاطس ولابسه بيجامتها وشعرها مفتوح لكن مبعثر ماهو ممشط
ليان شافته فزت بخوف وعدلت جلستها : اهلين زياد
زياد جلس جنبها وحط الكيس ع الطاوله : ماشاءالله مروقه اليوم وش المناسبه ؟
ليان : بتحاسبني على الضحكه يعني ؟
زياد سند ظهره: طبعا احاسبك على كل شي
ليان : ترا ميته جوع وش جبت لي غدا ؟
زياد وهو يطلع جواله من جيبه: رز و دجاج
ليان كشرت : كمان رز و دجاج ! لك شهر تاكلني رز و دجاج و انت ماشاءالله اليوم منزل ستوري و رايح مطعم بوسط البحر و مروق وتاكل سمك و انا تاكلني رز و دجاج
زياد رفع حاجبه : أولا قولي الحمدلله هذي نعمه ثانياً حرام اخسر عليك 22 ريال و احسها كثيره بعد
ليان حطت يدها ع خصرها : لا بالله كثيره ! كان جبت لي فلافل ع الأقل ارخص ومنه تغيير شوي لانه بصراحه احس بطني بتنبت فيه شجرة الأرز
زياد ضحك بصوت و ليان ضحكت لضحكته : ترا أتكلم جد
زياد : تدرين انه سواليفك كثيره و توجع الراس انا بدخل انام شوي و بعد المغرب بنروح بيت اهلي
ليان ردت بسرعه : لا ماني رايحه
زياد : انتِ تنفذي يلي أقوله ما تقولين لا
ليان انقهرت من رده : انا ما اعرفهم وش بقعد اسوي معاهم مافي سواليف
زياد : عادي اخترعي سواليف
ليان : لا بالله وش اخترع اقولهم ولدكم حابسني بالبيت وخانقني وماخذني عناد
زياد : مالي خلق سواليف معك راسي يوجعني اصحى و انتِ جاهزه عاد اكشخي هناك بنشوف خالاتي وبناتهم ماهي حلوه يقولو زوجة زياد مبهذله
ناظرت فيه وهي مكشره من كلامة : والله عاد ما يهموني لا خالاتك ولا بناتهم وانا حلوه بدون لا اخذ رايهم
زياد وهو يمشي لغرفته : اكشخي مثل ما قلت لك وبعدين بتعرفي ليه !
ليان تأففت وفتحت الكيس وبدت تاكل وهي فعلا معصبه ومتنرفزه منه ومن أسلوبه و كلامه ، اخذت نفس وهمست : معقوله كل حياتي بقضيها حزن وحسره !
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 160 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
مسكها من كتفها بقوه وهو يثبتها و انصدم من رجفتها وقشعريره جسمها
ليان مسحت دموعها بقوه : يلا ابدأ شفيك ؟ليش ما تقرب انا جاهزه خُذ مني يلي تبيه المهم ريحني منك تعبت والله تعبت
ناظرها وسرح بكل ملامح وجهها كانت جميله وناعمه رغم دموعها الماليه خدها ، حاوط خصرها وسحبها لحضنه وضمها وهو يمسح ع ظهرها: هش ليان اهدي شوي
ليان رغم انها عارفه انها بحضن الشخص الغلط ويلي هو سبب بكل شي صار لها الا انه رفعت يدينها لظهره وضمته بكل قوتها و همست بين شهقاتها : ما شفته والله ما شفته ، ولا ابي اشوفه أساسا
رغم ضيقة صدره وكل شي صار الا انه ابتسم وهمس لها : نامي و ارتاحي هالليله ، يا كثر الليالي الجايه .
.
صباح اليوم الثاني ؛
كانت واقفه بالمطبخ و تجهز صينيه القهوه والحلا رتبت كل شي و سوت بخور و بدت تبخر البيت ،
ذياب دخل و ابتسم من ريحة العود دخل الصاله و شافها جالسها ولابسه فستان نود ولا انتبهت لوجوده تكلم : لو ادري انه هالجمال كله ب انتظاري كان رجعت من زمان
ملاذ لفت و ابتسمت وقفت و استقبلته وهي تفتح يدينها وتحضنه : اشتقت لك
ذياب توسعت ابتسامته وضمها بقوه : ارحميني والله ارحميني
ضحكت بصوت وسرح بضحكتها يلي كانها آلة عزف ع قلبه : حتى ضحكتك غير و ربي غير
ملاذ مسكت يده ومشته لعند الكنبه وجلس وجلست فوق رجوله بدلع باست خده : ليه طولت ؟
ذياب رفع كف يدها وباس باطنها : تأخر الاجتماع و تاخرت ، الا قولي لي مروقه اليوم ومسويه قهوه وطالبه حلا
ملاذ : قلت اروق مع حبيبي شوي و نسولف سواليف حلوه
ذياب : هاتي وش عندك من سواليف حلوه ؟
ملاذ اخذت نفس : اليوم رحت عند دكتوره نسائيه وسويت كل التحاليل وسونار وكل شي يعني عشان الحمل وطلع عندي كل شي بيرفكت وسالتها عن تأخر الحمل قالت تبينا نروح الاثنين ونعمل خطه للحمل
اختفت ابتسامته و حس بشي يخنقه ما خاف من أي شي الا انه يخسرها ويعيش باقي حياته بدونها
ملاذ شدت ع يده : ذياب حبيبي بكرا نروح اخذت موعد الساعه 7 الليل
ذياب فتح زراير ثوبه ورفع ملاذ من حضنه للكنبه و اخذ نفس بصعوبه : مو بدري ع الحمل ؟
انصدمت منّ سؤاله وناظرته : بدري !
ذياب : ايه بدري انا ما افكر بالأطفال الحين ابداً
ملاذ انصدمت اكثر : ذياب انا عمري 36 و انت 39 ، يعني مو صغار لحتى نأجل فكرة الحمل
ذياب رفع يده لجبينه بضيق وتوتر : ملاذ سكري على هالسالفه مو وقتها ابدا
ملاذ بحده : ذياب حط عينك بعيني
ناظرها وحس انه ضاع وغرق بملامحها العذّبه ، ارتفعت نبضات قلبه وهو يناظرها ويفكر انه بيوم بيصحى ويكون وحيد
ملاذ : انت تبي عيال مني والالا ؟ تبيني أكون ام اولادك؟
ذياب بلع ريقه وكانه يبلع جمّره أحرقت روحه من سؤالها
ملاذ كرّرت سوالها : تبي عيال والالا ؟
ذياب : اكيد ابي ، بس مو الحين يا ملاذ خليها مره ثانيه نروح مو وقت هالموضوع الحين سكريه ولا عاد تفتحيه
ملاذ حست بشي يخنقها كانت متحمسه ومتوقعه انه بيفرح انها تفكر بالحمل لكن انصدمت برفضه ويلي صدمها اكثر تأجيله للموضوع ، رفعت يدها ومسحت دمعتها بطرف اصبعها وهي تحس انها انخذلت من الانسان يلي تحبه .
.
بعد مرور ثلاثة أيام ؛
كانت هالايام هاديه جدا جدا كل واحد منشغل بنفسه و بهمه ولا احد شاف احد ..
سلطان وقف السياره بالحوش وناظر سحاب وهو مبتسم : يلا ننزل
نزلت و دخلت هي و سلطان و كان ب استقبالهم منيره يلي استقبلتهم بفرحه
سلطان باس راس امه : كيفك يمه طمنيني عنك ؟
منيره : الحمدلله
سحاب سلمت عليها : كيفك خالتي
منيره : الحمدلله يا بنتي ..
دخلو الصاله و جلست منيره وجلس جنبها سلطان وسحاب بالكنبه الثانيه
منيره : طمنوني كيف كانت العُمره؟
سحاب : مررا حلوه ارتحنا كثير بمكه
منيره : الحمدلله ، ايه صح اليوم البنات بيجون
سحاب ابتسمت : أي ساعه ؟
منيره : يمكن ع المغرب لانه ملاذ تخلص دوامها الساعه 4
سحاب وقفت : اجل انا بطلع ارتاح و انام شوي
سلطان ابتسم لها : ايه ي عمري ارتاحي و نامي امس ما نمتي بالليل كويس
منيره حست بغيره لكن غيرت الموضوع بسرعه : سلطان يمه وش عاد صار ع الشغل ؟
سلطان: أي شغل يمه !
منيره : وشو يلي أي شغل ، ما دورت على شغل ؟
سلطان حك جبينه : اهااا والله مادورت
منيره بحده : وليش ما تدور ؟
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 158 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
بعد صلاة المغرب؛
الكل كان قاعد بالصاله مبسوطين بسواليفهم الحلوه يلي ما تخلو من الضحك ..
سحاب لفت ع ليان : شخبارك مع زياد ؟
ليان بهتت ملامحها : عادي
سحاب : وشو يلي عادي صار شي بينكم ؟
ليان ابتسمت بسخرية: اكيد لا
سحاب : طيب كيف الحياه معاه ؟
ليان : لا تساليني عن شي قسما بالله حياتي ماهي حياه، مو وقت هالكلام ما ابي احد يسمع شي
سحاب : الله يعلم وش مهببه عند زياد
ليان : اتركيني من زياد وقولي لي خلص بترجعين عند سلطان ؟
سحاب ابتسمت : ايه بعدين برجع ، عاد صح خايفه ومتردده بس نحنا بينا طفل لازم نتحمل كل شي يصير.
ملاذ ناظرت آلاء وهي تحط فنجانها : آلاء عرفتي جنس البيبي؟
آلاء: لا ، الأسبوع الجاي عندي موعد و اكيد راح يبين
سحاب : عاد سوي حفله معرفة جنس البيبي
آلاء: لا مالي خلق لها احلى شي اسمع الخبر من الدكتوره ومعاي نواف
لينا ضحكت : ما عرفتك والله ، عاد انتِ تحبين الحفلات
ملاذ : وهي صادقه احس حفله مالها داعي
حصه ناظرت لينا : يمه لينا مو قلتي بتجمعين باقي اغراضك يلا اطلعي الحين عشان تخلّصين بسرعه
لينا : ايه كويس ذكرتيني .. وقفت وناظرت الاء: الوشه عادي تعطيني شنطك لانه اغراضي كثيره وما تكفي الشنط يلي عندي
آلاء وقفت : ايه يلا الحين اعطيك ، وبساعدك بالاغراض
ملاذ وقفت : و انا بعد
لينا ابتسمت و طلعت وهم طلعو معاها ، فتحت الجناح و شغلت النور غمضت بقوه وهي تحاول ما تتذكر شي بهالجناح اخذت نفس وهي تحس بشي يخنقها شدت ع يدها بقوه ومازالت مغمضه عيونها ،
ملاذ مسكت يدها : لينا انتِ بخير ؟
لينا فتحت عيونها وناظرت ملاذ بهدوء ، ملاذ انصدمت من عيونها الحمراء و وجهها يلي عرق بسرعه رغم انه الجو لطيف : لينا شفيك ؟ انتِ بخير ؟
لينا هزت راسها : ايه ايه ، خلينا نجمع كل شي بسرعه مدري احس بضيق مو طبيعي
آلاء دخلت وهي تسحب شنطتين : جيت ، بدخلهم غرفة الملابس يلا تعالو
لينا : طيب انتو ادخلو وانا بجمع اغراضي يلي بالتسريحه
ملاذ دخلت هي و آلاء حطو الشنط فوق الكنبه و بدأو يطلعو ملابسها المتبقيه .
لينا وقفت قدام المرايه اخذت نفس وهي تحس دقات قلبها تنبض بقوه و تحس بحراره من اسفل قدمها فزت بخوف وقت حست بشي يمشي ع رجولها رفعت تنورتها ومافي شي همست بهدوء : خذي نفس يا لينا و خلصي كل شي بسرعه ..
لفت نظرها عطر طلال يلي هديته إياه اخذته و فتحته وشمت ريحته وغمضت عيونها وهي تحس هالريحه اخذتها لعالم ثاني ، قشعر كل جسمها و طاح العطر من يدها وهي تشوف نفس الثعبان فوق سريرها ويمشي ب اتجاهها صرخت بكل صوتها و ملاذ دخلت وهي تجري : لينا شفيك ؟
لينا كانت مفتحه عيونها ع الآخر وكل جسمها يرجف ناظرت تحت عند رجولها وهي تشوفه يبدا يطلع ساقها هزت راسها بالنفي حاولت انها تتحرك من مكانها بس ما قدرت حست رجولها كانها لصقت بالأرض ، رفعت يدها وهي تخبط وجهها : لا لا لا لا
ملاذ ناظرت آلاء بصدمه و تقدمت للينا ومسكتها من كفوفها وتكلمت بصراخ : لينا شفيك؟
لينا دفتها و رفعت تنورتها وهي تشوفه يمشي ع فخذها صرخت بكل صوتها وبدت تخبط جسمها بطريقه جنونيه وكانه عقلها سُلب منها
آلاء رجف جسمها بخوف وطلعت من الجناح وصرخت بكل صوتها: احد يساعدنا
طلال كان هاللحظه راجع و سمع صوت آلاء طلع الدرج بسرعه و آلاء بوجهه : وش صاير ؟
شيخه طلعت من جناحها هي و حصه و سحاب و ليان طلعو من الصاله و التقو كلهم بالصاله العلويه
آلاء وهي ترجف : لينا مدري شفيها
طلال فز قلبه من اسمها و دخل بسرعه بدون لا يهتم ل اشكالهم يلي بدون حجاب وقف وهو يشوف لينا مكانها وتبكي وتصارخ وتخبط كل جسمها وتنفض تنورتها بكل قوه و تمتم : لا تاذيني وخر عني ..
قرب لها بسرعه ومسكها من يدينها بقوه : لينا شفيك
لينا رفعت عيونها ل طلال وكل جسمها يرجف همست بصوت متقطع : ط ط طل طلال
طلال ما قدر يشوفها وهي بهالحاله وجهها يعرق وتبكي وتصارخ ويداتها ثلج وكل جسمها يرجف سحبها لحضنه وضمها بكل قوته ، لينا اول ما حضنها طلال حست روحها تطلع من صدرها غمضت عيونها بهدوء و اغمى عليها، طلال حس بثقلها ع جسمه جلس ع الأرض وحط راسها ع فخذه ومسح ع جبينها
حصه جلست وهي تسحب لينا من حضنه وتبكي بخوف : لينا بسم الله عليك وش صار لك يا يمه
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 156 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
ذياب وقف السياره بالحوش وناظرها بكانت ساكته كل الطريق ، مسك يدها وباسها بشغف : ملاذي
ملاذ : يلا ننزل
ذياب شد ع يدها : لحظه ، ليه ساكته كذا ؟
ملاذ : افكر وش ممكن يصير
ذياب : ما رح يصير الا كل الخير انتِ زوجتي وانا ما ارضى ل أي شخص يتجاوز حدوده معاك ترا والله يلي يزعلك يأذي قلبي يا ملاذ
ملاذ ابتسمت و ذياب ابتسم ل ابتسامتها : تدرين وش احلى شي ؟ نهاية كل نقاش اشوف ابتسامتك الحلوه يلي من كثر ماهي عذّبه ترويني
توسعت ابتسامتها و شدت ع يده تعبير عن مشاعرها همست : لازم الاقي كلمه غير احبك لانه احبك صارت ما تكفي عن مشاعري تجاهك
ذياب غمز لها : نرجع البيت
ملاذ كشرت : بعد كل هذا نرجع ، يلا انزل ..
نزل ذياب و نزلت معاه وهم يضحكون دخلو البيت و رغم توترها الا انها كانت مبتسمه و مرتاحه لانه ذياب جنبها ،
توجهو لصاله الطعام وقفو وهم مبتسمين : السلام عليكم
ذياب : اووف تغديتو ولا تنتظروني
الكل لف وتوسعت ابتسامتهم بحب و فرحه
شيخه وقفت وضمت ذياب : ي هلا بروحي
ذياب باس راسها : هلا يمه
شيخه ناظرت ملاذ وللحظه حست بالذنب ، ملاذ مدت يدها و ابتسمت : كيف حالك يا خالتي؟
شيخه سلمت عليها و ضمتها : بخير بوجودكم
عبدالناصر : حياكم الله ، نورت البيت بوجودك ي بنتي ملاذ
ملاذ سحبت كرسي و جلست : البيت منور فيكم
سحاب بفرحه : احلى سبرايز والله عاد اشتقنا لكم
ملاذ : طمنيني عنك شخبارك ؟
سحاب : الحمدلله كويسه
آلاء: فرحتنا بجيتك مثل نزول المطر
الابتسامه شقت وجه ملاذ : صدقيني وجودي ماهو مُبهج مثل وجودك
سحاب : لا عاد وش هالغزل يا السلايف
ملاذ : بسم الله لا ننصاب بالعين
آلاء ضحكت : احلى سلايف وطبعا ما ننسى لينوش القلب
طلال ناظرها : بتجي دانه وتنسيها
آلاء ابتسمت بسخريه : معك حق تقدر تجيب عشر حريم مكان لينا لكن محد بيكون بقدرها ولااحد بينسينا لينا وما يجي مكانها الا الرخيص
ذياب حب يغير الموضوع قبل لا طلال يقلب على آلاء: قولو لنا شخباركم ؟
ملاذ : ايه والله اشتقنا لكم
عبدالناصر ابتسم بفرحه ما توقع ملاذ تجي بعد يلي صار لكن وجودها اليوم زرع الحب تجاهها وصارت كبيره بعيونه مثل ذياب
سحاب : كلنا بخير و اشتقنا لكم كثير .
.
لينا نزلت الصاله و جلست جنب أمها : يمه مين كنتي تكلمي ؟
حصه : هذي شيخه عزمتنا اليوم قلت لها ما اقدر بكرا هي تجينا و خلص
لينا : ليش وش عندك يا يمه ؟
حصه : ماعندي شي بس ما ابي اتركك لحالك
لينا : ليش عزمتك انتِ لحالك و انا لا؟
حصه : لا عزمتنا كلنا حتى بتكلم ليان
لينا ناظرت أمها ب استغراب اكثر : يمه طيب نروح ليش لا
حصه بتردد: يعني عادي تروحين هذاك البيت ؟ و طلال اذا شفتيه ؟
لينا تضايقت لكن بينت العكس : عادي يمه ما فيها شي انا بروح بيت خالتي وبعدين باقي لي أغراض كثيره ما جبتها بجيبها اليوم
حصه : اجل يلا قومي اجهزي
لينا قامت و طلعت غرفتها غيرت ملابسها وصلحت شعرها وحطت ميكاب خفيف ولبست عبايتها و نزلت وهي تشوف أمها تلبس شيلتها : جاهزه يمه ؟
حصه بتوتر : خايفه اروح وتشوفين طلال وتصير هوشه
لينا ببرود : ليش تصير هوشه انا وياه تطلقنا خلص ما بينا كلام وبعدين نحنا بنقعد قعدة حريم .
___
بعد نص ساعه ؛
الآء كانت بالمطبخ تقطع الحلا و جنبها ملاذ تسوي القهوه : ببخر البيت احس لازم بخور مع ريحه القهوه
الاء: تتوقعين لينا بتجي؟
ملاذ : ما ادري ، بس ترا هذا بيت خالتها يعني عادي انه تجي
الآء : ملاذ بقولك شي بس ابيك تفكرين كويس
ملاذ : خير وش في !
آلاء: لمن سافرتي انتِ و ذياب لينا صار معها شي بس نحنا ما كلمنا احد لانه خالتي قالت ما نتكلم حتى طلال ما يدري
ملاذ : وش في تكلمي
آلاء: لينا شافت ثعبان بغرفتها وصرخت وقومت الدنيا وجبنا عمال و قلبو الغرفه كلها حتى السرير غيرو مكانه و لا شافو شي و المره الثانيه نفس الشي صار معها وتتخيل أشياء وتقول انها تسمع أصوات بس بالحقيقه مافي شي ويغمى عليها بعد ما تشوف هالاشياء
ملاذ بصدمه : من جدك ؟ يعني هي تشوف ولا تتخيل؟
آلاء: لو ما شفتها بعيوني كنت بقول تتخيل، لمن دخلت اول مره غرفتها كانت تعرق وترجف ومنهاره فعلاً والخوف مسيطر عليها
ملاذ : بسم الله ، جتني قشعريره اسكتي ي آلاء
آلاء: انا شاكه بشي بس مدري …
نواف دق باب المطبخ وقطع نقاشهم وملاذ رفعت شيلتها بسرعه
آلاء: تبي شي ي حبيبي؟
نواف : قولي لسحاب سلطان بالمجلس ينتظرها و ابوي هو يلي قالها تدخل ، ملاذ اذا ما عليك أمر دخلي القهوه .
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 154 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
ذياب : ايه متعمد اجل بالغلط ، هو غلط و اخذ عقابه وبعدين جايه تحاسبيني ؟ سكرنا ع الموضوع زمان ليش تفتحينه الحين !
ملاذ وقفت : ع العموم تعبانه تصبح على خير
ذياب وقف ومسك يدها : ملاذ
ملاذ ارتخت من نبرة صوته الهاديه لفت عليه : نعم ذياب
ذياب ابتسم من هدؤ ملامحها وجمال عيونها : اشتقت لك
هالكلمة احيّت نبض قلبها كلمه وحده غيرت مشاعرها وحولتها من غضب لحب حتى نبضها استقر،
ذياب قرب لها اكثر وحاوط خصرها بتملُك وباس خدها : أسبوع كامل ما اشوفك الا كم ساعه بس ، أسبوع كامل ما نمت بحضنك يرضيك ؟
ملاذ رفعت يدها لوجهه : لا ما يرضيني بس
قاطعها : فيني شوق لو اوزعه ع الكره الارضيه بيفيض
ملاذ ابتسمت بخجل : ما يحتاج توزعه ع الكره الأرضيه انت بس اعطيني إياه وصدقني ما رح يكفيني
ذياب رجع شعرها وراء اذنها وهو يناظرها ب اعجاب حط اصبعه ع عُنقها
ملاذ رفعت يدينها وتعلقت برقبته : شرايك نطلع ونتمشى شوي ع البحر
ذياب كشر: اقولك مشتاق بموت من الشوق تقولي نطلع البحر ؟
ملاذ ضحكت بصوت : والله تحمل كبريائك أسبوع يا ذياب ما تدري عني بشي
ذياب : مين قال ما ادري عنك ! ترا انتِ عايشه بقلبي و اعرف عنك كل شي
ملاذ رفعت حاجبها : تزعلني كثير لكن تقدر تراضيني ولاني احبك اغفر خطاياك
ذياب ابتسم : تدرين انه انا ازعل الدنيا كلها و اراضيك ، ويحق لك تدلعين على الذياب دامك مآخذه قلبه
ملاذ اخذت نفس وحطت راسها ع صدره وضمته بقوه : بداخلي عتاب كثير يا ذياب ، لكن م ابي اعاتبك ولا أقول شي غير ضُمني لحضنك
ذياب ابتسم بحزن وهو يضمها بقوه باس راسها وهو يمسح ع ظهرها : والله ان الدنيا راضتني فيك يوم تبتسمين لي تجبرين كل كسوري
.
يوم الجمعه ؛
سحاب
صحت من نومها وهي نشيطه توضت وصلت الضُحى و قرأت سورة الكهف ، قامت وغيرت ملابسها لبست قميص باللون الأبيض طوله لحد الكعب و واسع عشان بطنها رفعت شعرها و سوت كريم و روج اخذت عطرها و رشت منه ابتسمت وهي تشمّ ريحته غمضت عيونها و اخذت نفس عميق حست اليوم براحه بصدرها و نامت الليل كله بسلام ،
اخذت جوالها و هاللحظة وصلتها رساله من سلطان رجف قلبها و فتحت الرساله
" ما نبهك قلبك انىِ مشتاق لك ، اقسم بالله انىِ تعبان بغيابك ما ودك ترجعين و تضمين قلبي و تهدين شوقه لك !"
قفلت جوالها بقوه و دمعت عيونها لكن اخذت نفس و حاولت تتخلص من مشاعرها طلعت من الغرفه و نزلت المطبخ كانت أمها و آلاء يجهزو الفطور : صباح الخير
آلاء : يا صباح الورد و الياسمين والفل
سحاب : مروقه اليوم ع الآخر!
آلاء: الحمدلله يارب أخاف تصكيني عين
شيخه : اكيد بتكوني مروقه دام صحيتي على وجه نواف
آلاء: انا افكر بس لمن اجيب عيال و يكبرون بشوفهم هم السبب بسعادة حريمهم مثل ما انتِ تشوفي عيالك عُمله نادره
سحاب ضحكت : قلب الأم غير
آلاء: ما شفت ام تمدح عيالها كثر خالتي
شيخه : والله عيالي مافي منهم بكل الدنيا
آلاء : للامانه نواف ينحط ع الجرح يبرى لكن عاد مو يعني انه اليوم صحيت مروقه عشان شفت وجهه
نواف كان داخل المطبخ و سمعها : لكن انا اليوم صحيت مروق لانه اول ما فتحت عيوني شفت وجهك يلي يجيب العافيه
ابتسمت بخجل و حمرت خدودها
سحاب ضحكت بصوت : عاد احرجتها بزياده
شيخه كشرت : أقول نواف شيل الشاي معاك احسن من الغزل
نواف اخذ الخياره من الصحن و أكل آلاء: بالعافيه ي روحي
آلاء بخجل : شفيك اليوم مروق بزياده !
نواف قرص خدها : من رقة جمالك
شيخه : يلي ما تستحون عندكم جناح وش كبره وجاي تتغزل فيها قدامي هذا الناقص
نواف ضحك وباس خد آلاء و مشي من جنبها و باس خد شيخه : احبك يا يمه .. باس الخد الثاني و كمل : انتِ حبي الأول بحياتي
شيخه ابتسمت بحب : الله يرضى عليك يا يمه
سحاب : وانا مالي حتى بوسه !
نواف ابتسم ومال لها وباسها همس : قلبك ما حن لسلطان ؟ كم مرا جاء و رديتيه من عند الباب !
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 152 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
ملاذ كانت قاعده مع أمها و خواتها ومبسوطه بالسواليف معهم صح انه أمها زعلانه من ذياب لكن ما فتحت معها السالفه للحين لانه لو انفتحت بيتعكر الجو ..
سلطان نزل من الدرج و يده مرفوعه و مجبسه و شافهم متجمعين مع بعض و يسولفو
ملاذ اول ما شافته وقفت بسرعه وضميته بقوه : سلطان كيف حالك ؟
سلطان : تمام
ملاذ حست انه ثقيل معها جلست ع الكنبه وهي تشوفه كيف يسلم على خواتها بحب
منيرة : يمه جيعان تبي تاكل شي ؟
سلطان : لا يمه ما ابي شي
ملاذ اخذت نفس : سلطان
سلطان رفع عيونه لها : نعم ، وبعدين انتِ راضيه عن يلي سواه زوجك ؟
منيره : جعل يده للكسر ان شاء الله
ملاذ ناظرتها بصدمه و منيره كملت : لا تناظريني هالنظرات كسر يد اخوك ولا رف له جفن يرضيك بسواياه ؟
هدى : يمه ذياب ما كسرها الا لانه مقهور ع سحاب
أروى: فيها وجه نظر
ملاذ : اول شي ماني راضيه لكن بسالك انت راضي انك تمد يدك ع زوجتك و حامل بعد؟ بسألك بس وين راح الحب ؟ مو انت يلي كنت مثل المجنون تبي سحاب و تقنعني بالطالعه والنازله اتزوج ذياب و ش صار لحبك اختفى والا مات والا ما كان حب أساسا ؟ فهمني بس !
منيرة بحده : خلص ملاذ اتركي اخوك بحاله ما تشوفينه تعبان
ملاذ : يمه سلطان غلطان ولازم يرجع سحاب و يراضيها
منيره : راح لها وتكلم مع ابوها وسحاب رفضت حتى تشوفه وش تبيه يسوي اكثر
أروى: يروح مره و مرتين و ثلاث هذي زوجته
سلطان : بس خلص انتي و ياها
ملاذ : لا يا حبيبي مو خلص ما بدينا أصلا
منيرة : ملاذ ترا اخوك تعبان وغير كذا طلع من شغله لا تضغطين عليه اكثر خليه براحته وسحاب مردها بترجع بيتها لا تنسين انها حامل
ملاذ : يمه خلص كافي تشوفين سلطان ولد تراه رجال لا تدلعينه ولا تلمعين له اخطائه ولدك غلطان غلط كبير مثل ما انتي زعلانه على يده المكسوره سحاب عندها ام و زعلانه انه انضربت كف
سلطان : ملاذ لو جايه تعطين نصايح اطلعي من البيت
ملاذ : ماني طالعه وهذا البيت بيتي قبل لا يكون بيتك و انا اختك الكبيره من حقك تحترمني ، انا اكبر منك يا سلطان وترا الدنيا مخطرتني اكثر منك انا ابي مصلحتك ابيك تعيش بسلام مع زوجتك و ولدك يلي جاي بعد شهرين ، روح لعند سحاب و راضيها و اطلبها تسامحك سوي أي شي يقنعها ترا سحاب تحبك
سلطان مسح ع وجهه بضيق : والله ما عندي قيمة هديه اشتري لها
ملاذ : لا يضيق صدرك بسبب الفلوس و انا موجوده بحولك الحين
سلطان : ما ابي منك هذا الناقص
ملاذ : ترا لو تلف الدنيا كلها ما رح تلاقي قلب حنون مثل الأخت .
.
زياد؛
دخل الغرفه وكانت بارده ثلج و ظلام ، كانت نايمه فوق السرير و متغطيه كلها طالع منها بس شعرها تفاجأ انه نايمه هالوقت لانه بدري غير ملابسه ولبس بيجامته و سحب اللحاف ونام جنبها ،
ليان كانت صاحيه ما قدرت تنام ولا تغمض عينها بلعت ريقها بتوتر و زادت نبضات قلبها وقت حست بوجوده،
زياد غمض عيونه بقوه وفرك جبينه وهو يفكر فيها بدموعها وبرجفتها وبتوترها للحظه شك انه في شي بينها و بين ذياب لف عليها وناظر شعرها المنثور على ظهرها ما قدر يتحمل اكثر حاوط خصرها بقوه و نيمها ع ظهرها و بثانيه صار فوقها
ليان شهقت وناظرت فيه و رجفت شفايفها : زياد شفيك ؟
زياد ابتسم : اسئله كثيره لكن بختصرها بسؤال و ابي الجواب ب نعم او لا
ليان بهدؤ : وشو ؟
زياد : تحبين ذياب ؟
مررت عيونها بنظرات عيونه ولأول مره تركز فيه هالكثر حست سؤاله الجمها ولا قدرت تنطق حرف واحد خافت تقول ايه وتقوم القيامه وخافت تقول لا و يكذبها
زياد رص ع اسنانه وتأكدت شكوكه : ذياب ! ما لقيتي الا ذياب ؟ ذياب يا ليان ؟
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 176 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌸🍃
عند ليان ؛
خلصت تقطع السلطه و طفت النار ع الرز و غسلت الصحون يلي بالمجلى تاففت بضجر : اخخ بس كل شوي يطلع لي صحن او كاسه ..
طلعت من المطبخ وانصدمت وهي تشوف زياد متمدد فوق الكنبه بالصاله : متى جيت ؟
زياد : الوحده تستقبل زوجها بكلام حلو مش متى جيت؟
ليان جلست قدامه وابتسمت بتصنع : زيادي متى جيت ي روحي
فز قلبه من كلامها و رغم انه يدري انها تتمسخر لكن مشاعره هاللحظه هاضت ناظرها : جيت من شوي الا شفيك تتأففين
ليان توسعت عيونها لكن سوت نفسها مستغربه : مين انا ؟
زياد : لا انا ! مين في بالبيت غيرنا نحنا الاثنين ؟
ليان : الجن
زياد : اعوذ بالله من الشيطان الرجيم وش جاب سالفتهم الحين ؟
ليان ضحكت بصوت : تخاف منهم يا زياد
زياد : والله ما عندك سالفه ، المهم ريحه اكل وش طابخه ؟
ليان : سويت رز و دجاج بالفرن بتاكول اصابعك من اللذاذه
زياد : مرره واثقه من نفسك
ليان : ترا قاعده اتعلم والا انا مو شغاله عندك
زياد : يا كثر ما سمعت هالكلمه منك
ليان : اسمعني عندي طلبين ولا تقول لا
زياد : نعم وش عندك ؟
ليان بهدؤ : ابي اروح بيتنا اشتقت لهم وابي انام كمان
زياد : تروحين اوك تنامي نو
ليان حطت يدها ع خصرها : وليش ان شاء الله لا ع أساس ما تنام الا بحضني عشا… سكتت و استوعبت كلمتها ارتخت ملامحها و رفعت كتوفها : ليش لا؟
زياد : عشان انام بحضنك
ليان توترت من هدوئه : لا تتمسخر
زياد : لا ما اتمسخر والله أتكلم جد يقولو الواحد يتزوج ويرتاح وانا تزوجت وعشت أيام شقى ما عشتها بحياتي
ليان : حتى انا والله عشت أيام ما اتمناها لعدوي
زياد انقهر منها لكن بين العكس : حلو والله
ليان : بليز زياد وافق اليوم انام ببيت اهلي والله مليت من هالبيت
زياد : افكر لليل ، وش طلبك الثاني ؟
ليان اخذت نفس : ابي اروح المستشفى ازور ملاذ زوجة ذياب ولا مره زرتها
ناظرها بحده وقت سمع اسم ذياب وحس انها تبي تشوف ذياب مو ملاذ رد بحده : لا
ليان غمضت عيونها : ادري وش تفكر لكن كل تفكيرك غلط ، و اذا تبي تعال معاي و انتظرني برا العنايه .
.
عند لينا ؛
خلصت تقرأ قرآن حطت مصحفها فوق الكومدينه و اخذت جوالها تراسل الاء تطمن عليها ، تنهدت بضيق وحزن عليها : ان شاء الله تسمعين اخبار طيبه يا الوشه ..
قامت من فوق السرير و طلعت من غرفتها و شافت عبدالله ولدها يلعب سوني لفت انتباهها وجهه الأحمر قربت عليه وحطت يدها ع جبينه : حرارتك مرتفعه يا عبودي ليش ما تكلمني
عبدالله ناظرها وعيونه ناعسه من كثر التعب : راسي يعورني يا ماما
لينا قامت و طفت السوني و شالت عبدالله لحضنها ونزلت الدرج وهي تبوس خده بحب وخوف : صاير ثقيل و بطل ما عاد اقدر اشيلك
عبدالله ضحك : انا البطل الخارق
لينا حطيته فوق الرخام : ايه انت بطلي الخارق و حبيبي .. فتحت الثلاجه و طلعت علاج خافض حراره شربته ومسحت ع راسه وهي تسمي عليه
عبدالله : ماما متى نروح عند بابا انا اشتقت له
لينا بهتت ملامحها : تبي تروح بيت جدو عبدالناصر ؟
عبدالله : ايه ، و ابي العب كمان مع عمو ذياب سوني المره الأولى قالي بيلعب معاي
لينا تذكرت ملاذ وضاق صدرها اكثر : طيب بخليك تروح عندهم بس مو اليوم عشان حرارتك مرتفعه بس يمكن ما تشوف عمو ذياب لانه تعبان هالفتره
حصه دخلت المطبخ اول ما شافتهم ابتسمت : لينا
لينا نزلت ولدها من فوق الرخام : يلا روح العب
حصه : ليان اتصلت وقالت انها جايه
لينا ابتسمت : و اخيراً عاد اشتقت لها والله من زمان عنها
حصه سحبت لها كرسي : و انا اشتقت لها ، قالت بتروح عند ملاذ تبي تطمن عليها
لينا سحبت كرسي و جلست مقابل أمها : والله مسكينه ملاذ ومسكين ذياب من بعد ما دخلت بغيبوبه و حالته تكسر الخاطر والاء الثانيه الله يعينها
حصه : المصايب ما تركت احد فيكم ، الا بسالك يا لينا من زمان بسالك لكن قلت اخليها ترتاح شوي
لينا : خير يمه ؟
حصه : ليش سمحتي ل طلال يتزوج ليش لمن سالك قلتي له عادي ما منعتيه ؟
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 174 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌸🍃
ذياب طاح ع ركبه و اكمام ثوبه مشمّره وكل زراير ثوبه مفتوحه ، فتح فمه يحاول يتنفس بس ماقدر ابدا حس انه الدنيا كلها حُشرت ببلعومه نزلت دموعه على خده ومازال فاتح فمه لكن ماقدر يتنفس
نواف جلس وثبت ذياب من كتوفه: ذياب ذياب اهدا اهدا خذ نفس
طلال جلس وشاف وجه ذياب بدا يزرق خاف عليه و ناظر الكل وصوت حاد : احد يساعدنا
سلوى تقدمت بسرعه وجلست : ذياب ذياب
ذياب كان يناظرهم ويشاهق كانه يحتضر للموت لكن مو قادر يصرخ ولا يتكلم عيونه مفتحه ع الاخر وفمه مفتوح لكن مو قادر يقول أي شي ولا قادر يتنفس
سلوى : ذياب خذ نفس ذياب الاكسجين بدا ينقص .. نادت بصوت عالي : جيبو نقاله بسرعه
ذياب شهق بصوت وصرخ بكل صوته : ملااااااااذ
حس حباله الصوتيه تقطعت وعروق قلبه تمزقت وطاح للأرض مُغمي عليه.
__
بعد مرور ساعه ؛
كان نايم ع السرير والمغذي بيده وجهاز الاكسجين ع وجهه
سلوى وهي تناظر اهله : للأسف صار عنده انهيار عصبي حاد ، لازم يضل تحت المراقبه كم يوم لحتى يرجع نبضه طبيعي
ذياب فتح عيونه وناظر السقف وحاول يسترجع وش صار تذكر ملاذ و جلس بسرعه وشال الأكسجين و رماه للارض : وينها ؟ وين ملاذ ؟
عبدالناصر : اهدا يا ولدي تعرضت ل انهيار عصبي
ذياب كان يتنفس بصعوبه ويحس بشي ع صدره : ابي اشوفها .. وقف بسرعه لكن اختل توازنه وطاح للأرض لكن يدين اخوانه احتضنته قبل الأرض وسندوه على احضانهم و رجعوه للسرير
ذياب بحده : ملاذ وينها ؟ صحت صح ؟
شيخه وهي تبكي : يا يمه هذا قدر الله
ذياب بصراخ : لا لا لا ، ملاذ مو بغيبوبه لا تكذبون خذوني لها ابي اشوفها الحين
شيخه انكسر قلبها وهي تشوف ذياب بهالحاله
طلال : ارتاح شوي ذيا..
ذياب قاطعه : ابي اشوفها الحين خذوني لها الحين ، شفيكم تناظروني ابي اشوفها بسرعه
نواف ضغط الزر و جت الممرضه بسرعه : جيبي كرسي للمريض
هزت براسها و طلعت بسرعه و رجعت وهي تمشي الكرسي ،
ذياب وقف و اخوانه ساندوه من كل جهه وجلس ع الكرسي همس بخوف و قلبه رجف و داهمه صداع قوي : بسرعه ودوني ل ملاذ !
نواف كان يمشي و ذياب قدامه فوق الكرسي هاللحظه انكسر قلبه وهو يشوف ذياب لأول مره بهالشكل وهالانهيار ما توقع انه يحب ملاذ هالكثر ..
ذياب كان فوق الكرسي وهو حاس بانهيار بداخله حس كل شي تحول ل رماد وقفو عند باب العنايه وحس الدم بجسمه توقف ،
خايف يدخل ويطلع كلامهم صدق ويشوف ملاذ نايمه ما تسمعه ولا تحس فيه ، لف راسه وناظر نواف يلي واقف وراه وهمس : خايف
نواف انكسر قلبه وحس بغصه غمض عيونه بقوه مايبي دموعه تنزل وهو يشوف اخوه الكبير مكسور وخايف ربت ع كتفه و ابتسم : ربي يختبر صبرك ، ارضي بقضائه وقدره
ذياب هز راسه و الممرضه ضغطت الزر و دخل العنايه حاول انه يوقف من الكرسي قشعر كل جسمه وهو يشوفها نايمه والاجهزه عليها و رجلها مجبسه و راسها كلها مربوط بشاش ابيض،
قرب لها وحس بشي يخنقه مسك يدها و رفعها وباسها بقوه : ملاذ يا روحي اصحي ، لا تعاقبيني وتنامي والله العظيم لأول مره بحياتي انكسر و أخاف والله انك نقطة ضعفي ، كذبي كلام الأطباء و فتحي عيونك وخلينا نكمل حياتنا ونحنا يد بيد وعد مني ما اتركك ابدا وبقولك انا عقيم والقرار لك لو بتتركيني
سند راسه ع يدها وشمّ ريحتها و ابتسم وحس انه ريحتها هيضت احاسيسه لكن بنفس الوقت كانت لهيب بقلبه رفع راسه وابتسم وهو يلمس وجهها : تدرين ما قد حبيت احد بالدنيا مثلك والله انه وجهك وجه الخير .. اخذ نفس بصعوبه وحس بحراره بجسمه ونزلت دموعه : ملاذ افتحي عيونك ، اصحي ياروح وقلب الذياب
ناظرها وهي ولا تحركت كانت مثل الميته قدامه حط راسه ع صدرها و امطرت عيونه بالدموع،
بكي البكاء يلي ما بكاه من يوم ولد ، حتى يوم عرف انه عقيم نزلت دموع القهر لكن مابكي بصوت، لكن هاللحظه وبمجرد انه خسر ملاذ خسر الانسانه الوحيده يلي حبها شهق بصوت وحس روحه تطلع و
بكي الم وحسره وبكي بكاء السنين و قهر الايام بكي لفقدانه ل ملاذ و بكي انه عقيم ،
كان مثل الطفل بحضنها و يبكي وكل دمعه كانت تنزل من عينه كان يحس بوجع والم همس من بين شهقاته : انا ولا شي بدونك ، انتِ يلي احيّيتي قلب الذياب يلي قتلته الأيام والسنين والعَقم لا تتركينه و تخلينه وهو يلي حبك وقلبه ما كان فيه مكان سليم لحب احد .
ايطول الهجر وابقى دون لقاك !
هذا حال الذياب وملاذ .
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 172 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌸🍃
ذياب مسح عيونه و رفع راسه وناظر منيره وهي باصعب حاله قرب لها ومسكها من كتوفها : ما ادري وياليت انا يلي بالعمليات ولا هي
سلطان : طيب ما قالو شي محد طلع وطمنكم؟
ذياب هز راسه بالنفي وشاف سلوى وهي تتقدم لهم بخطوات سريعه ولابسه لبس العمليات ،
قربت لهم بصدمه : قالو لي ملاذ سوت حادث وش صار ؟
منيرة تمسكت فيها بشده : تكفين سلوى ادخلي و طمني قلبي على بنتي و روحي تكفين
سلوى هزت راسها و مشت وقفت ع صوت ذياب : آمانه عليكم لا تاذوها ، طمني قلبي عليها ولو بكلمه لا تتاخرين
سلوى هزت راسها و ضغطت الزر و دخلت قسم العمليات عقمت يدها وتوجهت ل احدى الغُرف يلي فيها ملاذ وقفت بصدمه عند باب الغرفه وهي تشوف ازعاج و حوسه و اكثر من دكتور جراحه و ممرضين فوق العدد المطلوب قربت بهدوء وشافتها نايمه و اجهزه كثيره عليها و اكثر من دكتور واقف عند راسها فتحت عيونها بصدمه وهي تشوف راسها نزلت عيونها للأرض وشافت كل شعرها طايح بالأرض و راسها محلوق ع الصفر و مفتوح من النص،
حست بغمامه سودا و طاحت للأرض وهمست : هذي ملاذ ؟
الممرضه رفعتها بسرعه : دكتورة سلوى انت بخير ؟
سلوى مسحت ع وجهها و قامت وقربت و دموعها ع خدها : وش صاير ؟
الدكتور يلي كان واقف ناظرها : سلوى ترا محتاجين دم المريضه للحين تنزف وكملنا الدم يلي ببنك المستشفى كلمي أهلها بسرعه محتاجين اكثر من متبرع المريضه فقدت اكثر من نص دمها
سلوى كانت تناظر لدكتور حَمد يلي جالس ع الكرسي وفاتح راسها ومندمج جدا ولا سمعت الدكتور الواقف وش يقول
دكتور التخدير تكلم بصوت عالي : ضغطها ماهو راضي يستقر ونبضات قلبها جدا ضعيفه
سلوى كانت واقفه و تناظر فيهم تسمع أصوات كثير ومختلطه وضوضاء بشكل كبير ولا قدرت تتحرك ما قدرت تخطي خطوه وتشوف راس ملاذ وهو مفتوح ولا قادره ترجع خطوه للخلف ،
صحت من سرحانها وقت اعلن الجهاز عن توقف قلب ملاذ !
ناظرت فيهم بدهشه وهي تشوف دكتور التخدير يحاول ينعش قلبها بيده والدكتور الثاني يعطيها ادويه بالوريد والدكتور الثالث تكلم بصوت عالي وهو يناظر الممرضه : محتاجين دم بسرعه كلمي أهلها
الدكتور وهو ينعش قلبها : للمره الثانيه يتوقف قلبها احتمال كبير نفقدها !
سلوى صحت من سرحانها وقربت بسرعه : لا لا ملاذ
الدكتور حَمد همس : ملاذ انتِ قويه لازم تعيشين
الدكتور زفر أنفاسه براحه وهو يناظر قلبها رجع ينبض ..
___
برا العمليات
طلعت الممرضه والكل قرب لها والكل يسال عن ملاذ لكن تجاهلت كل الاسئله : محتاجين دم كثير المريضه فقدت اكثر من نص دمها واخذنا كل الدم يلي موجود ببنك المستشفى ، فصيله دمها A+ محتاجين ل اكثر من شخص وبسرعه
ذياب خبط الجدار بقوه : ما اقدر اتبرع لها
سلطان بخوف : انا انا بتبرع وخذو كل دمي لها
نواف تقدم : انا تناسب زُمرة دمها
هدى وهي تمسح دموعها : انا بعد تناسب
طلال بهدوء : و انا بعد
آلاء: و انا بعد بتبرع لها
شيخه : لا ي بنتي انتي حامل
آلاء: هذي ملاذ يا خالتي
الممرضه : لا ما نقدر دامك حامل ثلاثه يكفو .. ناظرتهم وكملت : تعالو بسرعه معاي
طلعت ممرضه ثانيه و ذياب قرب لها بسرعه : احد يطمنا على ملاذ
منيره بتوسل وبكاء : احد يطمني على بنتي والله روحي بتطلع
اروى مسكتها : يمه اهدي شوي
ذياب بحده : محد طلع وطمنا على ملاذ
الممرضه : هي الحين بالعمليه
عبدالناصر : عمليه ايش وش صار لها ؟
الممرضه : ما عندي تفاصيل كافيه لكن فتحو راسها عشان يوقفو النزيف يلي بالدماغ!
__
لينا و أمها وصلو المستشفى و طلعو لقسم العمليات وقفو وهم يشوفو الكل
لينا حست بقشعريره من الخوف يلي سيطر عليها وهي تشوف الكل وملاذ داخل بالعمليات ما تدري ليش خطر ببالها انه ممكن يوم من الأيام تكون بمكان ملاذ
حصه تقدمت لهم وهي تسال عن ملاذ
لينا ناظرت طلال و جنبه دانه و انصدمت وهي تشوف دانه موجوده يعني تزوجها معقوله تزوجها!
حست روحها راح تطلع من مكانها ما تدري ليش هاللحظه تمنت هي تكون جنب طلال بدل دانه داهمتها مشاعر كثيره عجزت انها تفهمها !
طلال رغم انه لا المكان ولا الزمان مناسب سرح فيها وكانه العالم توقف حواليه ،
عيونها و دمعتها لي بللت شفتها اخذته لعالم ثاني حس انه اشتاق لها كثير اشتاق لحضنها ولريحتها قرب لها بهدوء وهو متجاهل الكل : لينا
لينا غمضت عيونها بقوه ما تدري ليش حست قلبها ينبض بجنون لدرجة تحس انه الكل سامع صوت نبضات قلبها
ناداها للمره الثانيه : لينا ..
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 170 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌸🍃
ليان كل الليل ما قدرت تنام تفكر ب زياد و اسيل صح انها ما تحبه لكن فكرة انه يكون شخص ثالث بحياتهم شي صعب تتقبله ،
طلعت من غرفتها و دخلت غرفة زياد بدون لا تدق الباب استغربت انه نايم لهالوقت سحبت اللحاف منه : زياااد قوم
زياد لف عليها بخوف : في واحدة تصحي زوجها بهالطريقه؟
ليان حطت يدها ع خصرها : ما ادري كيف انك رجل اعمال وتارك كل اشغالك
زياد مسح ت وجهه : ماقدرت انام امس الليل ، وبعدين وش تبين مني الحين؟
ليان تنرفزت منه لانه امس لمن وصلو البيت طلبت يتناقشو لكن رفض وقالها نعسان ، رفعت حاجبها : ما عرفت تنام وانت قلت لي نعسان خير وش يلي شاغل بالك؟
زياد ابتسم : قلبي والله شاغل بالي
ناظرت فيه وهو ضحك وغمز لها : افكر فيها كل الليل ما قدرت انام
غمضت عيونها بقهر من كلامه و ابتسمت : دام تحبها ليش ما تزوجتها ؟
زياد : ما صار نصيب
ليان بفضول تعرف السالفه : لا من جد اسألك ليش ما تزوجت اسيل دامك تحبها وهي تحبك ؟
زياد تنهد بضيق : ابوها طلب مني ادرسها ب المانيا و انا ما اقدر اترك اشغالي و اسافر المانيا وعقدها با أشياء كثيره ولمن قلت لها تكلمه و تقنعه رفضت و بصراحه ما احب احد يفرض أوامر علىِ و فسخنا الخطبه وكل واحد راح بطريقه
ليان : كيف قدرت تتزوجني و انت تحبها كيف قدرت تجرحها وكيف قلبك طاوعك انا كنت احس روحي تطلع
ناظرها بحده و جلس وسحبها لجنبه و جلسها : كيف تتكلمين مع زوجك بهالكلام ؟ ما تستحين على وجهك!
ليان رفعت عيونها وتعلقت بعيونه رفعت اكتافها : انت قلت يل تحس فيه أتوقع يحق لي أقول يلي احس فيه
زياد شد ع يده : انا رجال و اشيل عيبي بس انت
قاطعته بعصبيه : ما يطلع مني العيب فاهم والالا ، انا يا زياد قلت لك وقت المِلكه انه رافضه لكن انت عاندت و تزوجتني وش تبيني اسوي لك اجبرتني على هالزواج و ابوي وافق و اصرّ انه أوافق و يوم كلمت امي واعترفت لها بمشاعري وكل شي وقفت ضدي بحجه انه خايفه علىِ محد فيكم حس فيني ، يمكن انت الوحيد يلي تحس فيني لانه مريت بتجربه تشبه تجربتني لكن انا كنت من طرف واحد و انت طرفين وهذا الفرق يلي بيني و بينك يا زياد.
زياد ناظرها و انصدم من جُرئتها مسك يدها بقوه وهو يحس الغيره ذابحته : انتِ مجنونه والا وشو ؟ما تستحين على وجهك ؟
ليان دمعت عيونها: اترك يدي زياد ترا تعورني
زياد ابتسم بسخريه : اعورك ؟ ليان انتِ الظاهر مو متربيه عشان تقولي هالكلام قدام زوجك ما تستحين ع وجهك يا بنت الناس؟ ما قد شفت انسانه بهالوقاحه
ليان وقفت بعصبيه : الحين انا صرت قليله ادب ؟ ترا انا اشرف منك وافضل منك انا صارحتك من البدايه وكنت ابيك تطلقني لكن انت عاندتني يا زياد وخذيتني تحدي و بعدها بشهر تقولي اكشخي بتشوفي حبيبتي ! انت شنو بالضبط ! خذيتني بس عشان تحرّها والا عشان تتسلى فيني والا عشان توريني انك لو تبي شي تنفذه ؟ ترا انا انسانه عندي قلب و مشاعر و احس .. اخذت نفس و نزلت دموعها : انت مالك حق تحاسبني ع الماضي ولا مشاعر الماضي ، لانه هالشي يخصني انا فقط انت ما كنت موجود بالماضي يعني مالك حق
زياد مسح ع وجهه بضيق : بس انا زوجك
ليان هزت راسها : ايه زوجي ، وحاسبني الحين على مشاعري مو مشاعر الماضي ، انا تخلصت من كل شي ولا ابي شي من الماضي ، صح انا اكرهك ولا ابيك لكن هالشي بيني و بينك يا زياد ما أقوله للناس ، وترا لو تحب اسيل للحين تزوجها و ريحني منك ع الأقل انت عيش حياتك مع الانسانه يلي تحبها وهي تحبك ، وعلى فكره امس اسيل حاولت ترمي علىِ كلام عاد ما ادري اذا انت على تواصل معها او لا لكن بقولك دام انا زوجتك تحترمني ولا تحطني بمواقف بايخه مع اسيل ..
تركته و طلعت من الغرفه وهي تحس روحها بتطلع من جسمها جرت لغرفتها و ارتمت بسريرها وبكت ، بكت بكاء السنين يلي راحت ويلي راح تجي كانت حاسه جبال الأرض ع قلبها من ضيقة الصدر يلي فيها،
زياد بعد كلامها حس بضيق بصدره هو صح تزوجها عشان يعاندها ويثبت لها انه مشى كلامه ، لكن يلي ما حسب له حساب هو مشاعرها و قلبها وفعلا هو ماله دخل بماضيها ولا يحق له يحاسبها لانه ما كان موجود ،
اخذ نفس عميق و قام لغرفة ليان دخل وكانت نايمه ع سريرها وتبكي ، قرب لها وفع يده لشعرها ومررها بهدوء : لينو ..
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 168 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌸🍃
قبل الحادث بساعه ؛
آلاء طلعت من عند الدكتوره وهي فعلا منهاره دخلت السياره وغطت وجهها بكفوف يدها وتبكي بصوت ،
نواف اخذ نفس والدنيا ضايقه فيه ما يدري يواسي نفسه ولا يواسي الاء ، شغل السياره ومشي للبيت وهو يفكر وش مصير ولده !
طول الطريق مافي الا صوت الاء وشهقاتها يلي تعور القلب
نواف وقف بالحوش : يلا ننزل
آلاء نزلت و دخلت الصاله وشافت شيخه و عبدالناصر ناظرتهم وانصدمو من وجهها الأحمر والدموع يلي ع خدها
شيخه وقفت بخوف : عسى ماشر وش صاير ؟
آلاء تقدمت وجلست بالكنبه و نواف جلس جنبها
عبدالناصر : شفيكم ساكتين ؟
نواف : كنا عند الدكتوره وبلغتنا انه ولدنا مُعاق وعنده تشوه والاء لازم تنزل الولد لانه حتى اذا ولدته بيموت بعد الولاده بسبب التشوه
عبدالناصر : لا حول ولا قوة الا بالله
آلاء : بس انا ما راح انزل الولد
شيخه : روحو عند دكتوره ثانيه يمكن لها راي مختلف
نواف : للآسف يا يمه دخلنا عند دكتوره ثانيه و رايها نفس الأولى
آلاء وقفت : انا تعبانه برتاح ..
تركتهم وطلعت غرفتها فسخت عبايتها وجلست فوق الكنبه وكل تفكيرها بطفلها يلي ببطنها
دخل نواف وجلس بطرف السرير قدامها : آلاء حبيبتي لازم نفكر صح وبمصلحة الولد انتِ لازم تنزلينه
آلاء ناظرت فيه بصدمه : مستحيل تفهم ، ما رح اتخلى عن ولدي خليه يولد ويموت ارحم من انه انا اقتله بيدي وانهي حياته
نواف اخذ نفس : آلاء يا عمري ما سمعتي وش
قاطعته بحده : هالطفل طفلي وببطني انا ويتغذي مني انا ، مستحيل اتخلى عنه ، بتصل على ملاذ اكيد تعرف أطباء كثير وشاطرين محد غيرها بيساعدني يمكن نلقى حل للموضوع ..
اخذت جوالها من شنطتها و اتصلت عليها لكن ما ردت اتصلت مرتين وثلاث و اربع و اخر مره ردت ابتسمت الاء بفرحه وكانها بتلقى العلاج بهاللحظه مسحت دموعها : ملاذ ، ليش تبكين
فجأه سمعت صرخة ملاذ وصوت السياره وهي تتقلب وصوت قزاز يتكسر صرخت بصوت و وقفت من الخوف : ملاااذ
نواف : وش في ؟
آلاء وهي تسمع صوت ناس وضوضاء لكن صوت ملاذ ما سمعته رجف قلبها بخوف وناظرت نواف : الظاهر سوت حادث ، اتصل على ذياب بسرعه.
.
عند ذياب ؛
كان جالس بالأرض وسرحان ضايع ومهموم ومكسور لأول مره بحياته يحس بالفقد هاللحظه ندم انه تزوج ملاذ لانه تعلق فيها وحبها وهي حبته بعد عاش معها اجمل أيام عمره ماتوقع ولا حلم انه ممكن يجي يوم ويعيش قصة حب جميله لهالدرجه حس انه رجع مُراهق بسبب هالحب ، رفع يده لقلبه و تنهد تنهيده طويله وهو حاس انه روحه طلعت تمنى لو يقدر يشق صدر ويطلع قلبه ويرميه ولا يعيش هالوجع ،
اخذ سيجاره حطها بفمه و ولعها مزّها بشغف و نفث دخانها بشراسه وهو يتذكر ملاذ وش بتسوي وكيف بتتجاوز هالصدمه وكيف هو بيقدر يكمل حياته من بعدها !
رن جواله وكان نواف تجاهل اتصاله لكن اتصل اكثر من مره وبكل البرامج اتصل عليه حس انه في شي كبير ليش يتصل عليه من كل البرامج رد : خير نواف ، ترا تعبان في شي مهم !
نواف : وينك انت ؟
ذياب : بالبيت
نواف : ملاذ طلعت من شوي بالسياره ؟
فز قلبه وحس انه في شي : ليه وش صاير ؟ تكلم ملاذ فيها شي ؟
نواف بخوف : والله يا اخوي ما أدري الاء اتصلت عليها وفجأه سمعت صرختها وصوت حادث سياره وناس و ازعاج و اسعاف لكن ما ندري بشي
ذياب من قوه الصدمه حس بدوخه وقف وتمسّك بالطاوله مجرد فكرة انه خسر ملاذ حس انه بيموت تكلم بتلعثم : م م متا متاكد
نواف : ايه ، اسمع انا بجي الحين يمكن نلاقي شي بالطريق و انت اطلع و دور او اتصل عليها يمكن يرد احد ، الاء من اول تتصل مافي شي
ذياب ناظر جواله وفي رقم يتصل عليه : نواف خليك ع الخط ..
رد بسرعه : الو ، ايه انا ، حادث ! أي مستشفى جاي جاي
نواف كان ع الخط وسمع كل شي
ذياب سكر بدون لا يرد حتى على نواف طلع من البيت وكان مثل المجنون ركب سيارته ومشي بأقصى سرعه كان جسمه يرجف من الخوف صرخ بصوت وهو يخبط ع الدركسون : ملااااذ وش سويتي فيني!
نواف ناظر آلاء: خلينا ننزل نبلغهم
آلاء هزت راسها و نزلت هي نواف بسرعه
شيخه ناظرتهم وهم يجرو بالدرج : خير وش صاير ؟
آلاء: ملاذ سوت حادث و نقلوها لمستشفى ال *
شيخه وعبدالناصر وقفو بصدمه وقلوبهم تنبض بقوه من قوة الخبر
شيخه كانت بترد لكن ناظرت للباب بصدمه وهي تشوف طلال يدخل وماسك يد دانه !
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 166 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌸🍃
بعد مرور يومين؛
آلاء كانت واقفه قدام المرايه وتناظر بطنها وتمرر يدها بلُطف ابتسمت بحب وهمست : اليوم بعرف انت وشو بنت والا ولد بالحالتين رح انبسط كثير
نواف وقف وراها وضمها : ترا اغار
ضحكت بدلع : كيف تغار وانت القلب كله لك
نواف باس خدها : والله انتِ قلبي ، يلا نطلع عشان لا نتاخر ع الموعد
آلاء لبست عبايتها و شيلتها و نزلت الدرج هي و ياه مالقو احد بالصاله طلعو من البيت و توجهو للمستشفى وكل الطريق يتوقعو وش جنس البيبي ولو طلع بنت وش بيسموها ولو طلع ولد نواف قرر يسميه ذياب ..
بعد مرور ساعه الاء نامت فوق السرير وكشفت عن بطنها ، الدكتوره حطت لها جل و ابتسمت من ابتسامة الاء و نواف : الظاهر متحمسين زياده ؟
نواف : ايه والله ، عاد هالمره بنعرف وش جنسه
الدكتوره بدت تمشي الايكو ع بطنها وتركز بالشاشه يلي قدامها مرت دقايق وهي بنفس التركيز والانتباه ناظرت الاء بهدوء : متى اخر مره زرتي دكتور ؟
آلاء خافت من نظرتها : من شهر بالضبط
نواف : دكتوره في شي ؟
الدكتوره ما زالت ساكته وتناظر بالجهاز
آلاء خافت و توترت : دكتوره بالله عليك قولي وش في صاير شي بالبيبي ؟وبعدين ولد ولا بنت
الدكتوره ناظرت نواف و توتر من نظراتها رجعت ناظرت آلاء : عندك ولد ، لكن للأسف عنده تشوه خُلقي وفي رجل أطول من رجل بعشره سانتي
آلاء حست كل خلايا جسمها توقفت ودقات قلبها تسارعت بطريقه جنونيه جلست وناظرت نواف و رجعت ناظرت الدكتوره بنفس نظرات الخوف : كيف يعني ؟ مافي علاج ما في طريقه أي شي بالطب عشان يتغير كل شي ؟
نواف مسك يد الاء وشد عليها : دكتوره معليش فهمينا وش السبب و كيف نبدا بطريقة العلاج ؟
الدكتوره : للأسف مافي علاج ولا حل ولدكم مُعاق ، قدامك خيارين يا آلاء تكملي حملك وع الاغلب تسعين بالمية ولدك بيموت بعد الولاده عشان تشوه الدماغ، الحل الثاني انك تنزلينه!
آلاء نزلت دموعها وشدت ع بطنها وهزت راسها بالنفي : لا لا ، ما راح انزله لو على موتي !
.
ملاذ ؛
بعد ما اخذت لها شاور و غيرت ملابسها جلست فوق الكنبه اخذت دفترها عشان تكتب فيه
هالفترة يلي قضتها كانت اصعب أيام حياتها بيوم وليلة انقلب حالها ناظرت للحوش من شباكها الكبير و ابتسمت بحزن وهي تشوف جمال الزرع يلي نبت همست بهدؤ : انشراح المنزل لا يعني انشراح ساكنيه ، والله داخلي صاير ظلام
هاللحظة دخل عليها ذياب وحالته ماكان افضل منها كل خطوه كان يتقدمها يتمنى يرحع للخلف لانه هالمره قُربه لها ماهو الا وصل للبُعد لانه قرر قرار وما راح يرجع بعد هالقرار ابدا ،
جلس جنبها وناظرها بكل مشاعر الحب ملاذ ناظرته نفس النظرات همست بهدوء : ليش وجهك كذا تعبان ؟
ذياب : باين على وجهي ؟
ملاذ : لا بس قلبي حس ونظرات عيونك تقول أشياء كثيره
ذياب : تدرين انه انا احبك
ملاذ ابتسمت لانه من زمان ما سمعتها وحست انه هالكلمه روت روحها : وانت تدري انه انا احبك ، لكن يلي انا ما اعرف ولا قدرت اعرفه هو تصرفاتك الغريبه وبعدك عني رغم انك تبيني قريبه منك ، احبك يا ذياب لكن عجزت افهمك
ذياب تنهد : تدرين انك الانسانه الوحيده يلي اشتاق لها و ابيها و انتِ الوجهه يلي اتجه لها بدون خوف ولا تردد ، انتِ الشي الصح بحياتي
ملاذ مسكت يدينه بكفوف يدينها وشدت عليه بقوه : ذياب انا وياك نحب بعض ومو أي حب ، حبينا بعض وفهمنا بعض و تقبلنا بعض و ساندنا بعض ونبي نجاح بعض وسعاده بعض ، بس
ذياب قاطعها : بس مو دايما الحياه تكون معنا أوقات تكون ضدنا و تجرحنا من مكان يوجع ، انا يا ملاذ حبيتك ويشهد الله انه حبيتك من كل قلبي عشت معاكِ أيام كنت أقول مستحيل اعيشها انتِ عيشتيني مشاعر محد قدر يعيشني إياها انتِ الوحيده يلي خليتي قلب الذياب يرجف و قلب الذياب ما حب الا ملاذ وما عشق الا صوتها و ملامحها
ملاذ دمعت عيونها من مشاعرها الجياشه ابتسمت بحب وهي ترفع كفوف يدينه وتبوسهم ، ذياب كمل وهو يحس داخله نار لكن مافي غير هالحل : حبيتك وانا قلبي مافيه مكان سليم ل أي شخص بالدنيا ومع ذلك حبيتك ، انتِ الأولى والأخيره بقلبي و تحرم علىِ بنات آدم من بعدك ، لكن وصلنا لطريق جدا جدا صعب ، انا اعتذر منك .. اخذ نفس بصعوبه وتكلم بنبرة اوطئ : لازم نطلق يا ملاذ !
🌸📚 @storykaligi 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸
متابعينا الكرام
صباح الخيرات
البارتات الذي تنزل مو قليلة هي بمعدل بارتين من بارتات الكاتبة
يعني يومياً انسخ ٣٠ بارت واضغطهم في ١٥ بارت
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 165 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
اليوم الثاني؛
عند ملاذ
كانت متمدده فوق السرير وتناظر للشباك و سرحانه بالسماء والغيوم الجميله نزلت دمعه ع خدها و نزلت دمعه ثانيه و ثالثه لين صارت تبكي بدون لا تحس ،
دخل الغرفه وشافها نايمه قرب لها و جلس بطرف السرير و انصدم من دموعها ، مسح دموعها بطرف أصابعه الدافيه وهمس : وش يبكيك ؟
ردت بدون لا تناظره وعيونها معلقه بالغيوم : اشتقت ل أبوي !
غمض عيونه بقوه وكانها زرعت خنجر بوسط صدره لانه يدري ما قالت هالكلمه الا من ضعفها وحزنها
ملاذ مسحت دموعها و اخذت نفس : اشتقت له و احتاج له كثير ، هذي اول مره احتاج له هالكثر احس ودي اسولف معاه و احكي له وش يصير معاي
ابتسم بحزن وهو يلعب ب اطراف خصل شعرها : وش بتسولفين له ؟
ابتسمت من بين دموعها : بقوله بنتك ضايعه ما تدري هي تمشي بطريق صح والا غلط ، بقوله لأول مره بحياتي احس انه طاقتي استنزفت ع الأخير ، باللحظه يلي قلت انه استقريت تبعثرت
شهقت وكملت : كل مره اتبعثر ارجع الملم نفسي و اصير اقوى بس هالمره مشاعري هي يلي تبعثرت مين يرجعها ومين يرجع الأمان لقلبي و الاستقرار لروحي !
مسح ع وجهه بضيق وهو فعلاً ماهو عارف وش يقول لكن قلبه كان ب أسوأ حاله وكان حزين اكثر منها
ملاذ انقهرت من سكوته لانها مثل كل مره تتأمل فيه ويخيب ضنها وقفت و طلعت لصاله الجناح و قام بعدها بسرعه وقفت بتسوي لها قهوه من قوة الصداع اخذت الكاسه وطاحت للأرض من رجفة يدينها وانتثر زجاجها بكل مكان ،
جلست وبدت تجمع قطع الزجاج و ذياب قرب بسرعه و مسك معصم يدها : وقفي ، يدك بتنجرح بنادي للعامله وهي تشيل
شدت ع الزجاج بيدها وحست انه كفها انجرح ناظرت فيه وهمست بفحيح : اترك يدي .. غمضت عيونها بقوه وكانها تتهرب من الواقع رصت ع اسنانها لين حست فكها بيطيح رمت قطعة الزجاج وشهقت بصوت وبدت تبكي بطريقة يُدمى لها القلب
كتمت بداخلها لكن اكثر من كذا ما قدرت ابدا ما قدرت تتحمل او تبين انها بخير وهي من داخل تعبانه
ذياب ناظرها بصدمه وهو مستغرب من طريقة بُكائها دايما متعود عليها قويه بس يلي صدمه كيف صارت ضعيفه وهشه أي شي يبكيها وهي يلي كانت ما تنزل دمعه من عينها
ملاذ سندت ظهرها ع رُكن الكافي وهي تبكي رفعت خصل شعرها يلي طايحه قدام عيونها و اخذت نفس عميق وهي تحاول تهدي من نفسها
ذياب جلس جنبها و سند ظهره ع رُكن الكافي مسح ع وجهه بضيق وقلة حيله وقرر هاللحظه انه يعترف !
ملاذ تكلمت بدون لا تناظره : ممكن تتركني لحالي !
ذياب بلع ريقه : بقولك شي
ملاذ قاطعته : اطلع ذياب ، هالمره انا ما ابيك تعبانه و روحي تعبانه ما ابي اسولف ولا ابي اشوف أي مخلوق قدامي
ذياب كان بيقولها لكن حس بشي يخنقه اكثر ولا قدر ينطق الكلمه تمنى لو يصير شي مثل المعجزه ويتغير حاله وتتغير كل التحاليل و تتغير ارآء الأطباء و يسمع منهم انه سليم ، وقف وابتسم بحزن وهو يمشي نزل الدرج و طلع سيارته و طلع من البيت بكبره ما يدري وين رايح بس يمشي بالشوارع
هاللحظه تذكر النجاح يلي وصل له وسمعته الكبيره بين الناس والمجتمع وبكل مكان ، تذكر انه كثير ناس قالو له يتمنو حياته و نجاحه واعماله وفلوسه
همس : اعطيكم كل حياتي بس ابي الولد و ملاذ!
——
دانه؛
كانت بغرفتها وتجمع باقي اغراضها و جنبها اختها مرام يلي سرحانه بجوالها : اووف مرام قومي ساعديني
مرام : مو على أساس ما تبين تاخذين شي وبتشترين كل شي براندات وهالملابس بتأخذيها للجمعيه
دانه ابتسمت : ايه خلص وش ابي بملابسي القديمه ، تصدقي مرام طلال بياخذني شهر عسل وبنروح ميامي مو مصدقه احس انىِ بحلم والله
مرام ببرود : سعادتك هذي بنيتيها على تعاسة غيرك انتِ راضيه فيها ؟
دانه كشرت بوجهها : لا ابدا ، هذا نصيبي وجاني تبيني ارده ؟
مرام : متاكده نصيب ؟
دانه ارتبكت من ملامح مرام وحبت تغير السالفه ضحكت : تبين ازوجك اخوه نواف ونعيش انا وياكِ بالقصر ؟
مرام ناظرتها بصدمها و دانه ضحكت : امزح امزح
مرام : مدري شقولك والله
دانه : تمنى لي السعاده لا تقولين شي وقومي سوي لنا قهوه لانه هذي اخر ليلة بنامها معاكِ
مرام قامت و دخلت المطبخ وهي ماهي عارفه وش تقول والا وش تسوي من يوم سمعت أمها و دانه بموضوع السحر ماهي قادره تكمل حياتها ولا في دليل واضح !
.
#يـــــتـــــــبــــــــــع...
🚫 يسعدنا مشاركة الرواية ولكن لا نسمح بحذف توقيع القناة 🚫
https://t.me/joinchat/AAAAAD1p6TqBBTyITQumpA
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 163 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
ملاذ وصلت بيت أهلها وكانو خواتها واصلين قبلها استقبلتها أمها بكل حب وحنان دخلت للمجلس و فسخت عبايتها و جلست : اخخ يا ربي والله حيلي منهد من العمليات اليوم اشتغلت كثير
اروى: عاد والله اشتقت لك يا ملاذ من زمان عنك
هدى : خلص ذياب ماخذ عقلها
ملاذ ابتسمت بحزن من طاريه : لا والله بس انشغلت بالشغل و تأثيث البيت
هدى : وصلو العاملات والالا ؟
ملاذ : ايه وصلو من يومين
منيرة : وكيف تشوفين شغلهم كويس ؟
ملاذ : والله يا يمه البيت نظيف وكل شي جديد يعني للحين مابين كيف شغلهم
سحاب دخلت وبيدها صينيه الحلا : حيّا ب ملاذ
ملاذ وقفت وسلمت عليها : ي روحي شخبارك ؟
سحاب ابتسمت لها : تمام كويسه
هدى : سحاب أي شهر صرتي ؟
سحاب : هذا الثامن
اروى: قربت الولاده
ملاذ : أتوقع انا اكثر وحده متحمسه للبيبي
سحاب ضحكت : كلنا منتظرينه
منيره : تقومين بالسلامه يارب
هدى : جهزتي والا لسه
سحاب ارتخت ملامحها : تصدقي ما شريت حتى شُرابه
ملاذ : لازم تبدين تجهزين
هدى : عقبال عندك يا ملاذ
منيره وهي تحط فنجانها : ايه والله خاطري اشوف حفيدي من بنتي ملاذ
ملاذ اختفت ابتسامتها وقت تذكرت ذياب وحست بضيق : ان شاءالله
سحاب : عاد احس لو تحملين ذياب رح ينبسط كثير
ملاذ ابتسمت بحزن : راح يكون أب رائع
سحاب : ايه والله صح انه عصبي و بعيد شوي علينا الا انه قلبه حنون و اطيب واحد من اخواني
اروى: عاد سحاب الحين بتمدح اخوها و انا بمدح اختي ترا والله ذياب لو يلف العالم ما يلقى مثل ملاذ
سحاب ضحكت : لا انتِ ما مدحتيها انتِ قلتي الصدق
ملاذ : خلص بس استحيت كذا ..
مر من الوقت ساعه و ساعتين و ثلاث و اربع و هم يسولفو ويضحكو ما خلو سالفه الا وتكلمو فيها ،
ملاذ اخذت جوالها على امل تلقى اتصال او حتى رساله من ذياب لكن خابت امالها ولا لقت أي اشعار منه ، سرحت وهي تفكر بضيق ليش متغير هالكثر وهو يلي كان يسال عنها كل ساعه و يطمن عليها حتى وهي بدوامها حتى وهو بعز انشغاله يتصل عليها ، الحين حتى رساله ما يرسلها و اذا رجع البيت يرجع بوقت متأخر وصارت تشوفه بس دقايق ويمكن ساعه باليوم مش اكثر !
.
عند ليان ؛
كانت واقفه عند التسريحه وهي تناظر نفسها لابسه فستان اسود ماسك ع جسمها وطوله لمنتصف ساقها فتحت شعرها و انتثر ع ظهرها حطت ميكب ناعم وبرز ملامحها اكثر ،
جلست بطرف السرير و رفعت رجلها عشان تلبس خلخالها
زياد طلع من الحمام وهو ينشف شعره وقف وسرح فيها بهدوء شعرها كان مغطي نعومة يدينها وجمال خصرها وساقها يلي مادته فوق السرير ثار فيه الاعجاب ،
غمض عيونه بقوه عشان يقوي من نفسه ما يبي يضعف قدام جمالها ولا يتنازل لها ،
رفعت راسها و وقفت وهي تعدل فستانها وترجع شعرها للخلف : انا جاهزه
سرح فيها اكثر وبجمال خصرها وجسمها بلع ريقه و ابتسم : مو المطلوب !
ليان تجاهلته و اخذت عطرها و رشت منه ، وقف وراها : صح مو المطلوب لكن يمشي الحال
رفعت عيونها للمرايه : صدقني انك انبهرت فيني بس ما تبي تقول
ضحك بصوت لدرجة استفزت من ضحكته الساخره، أبعدت شوي عشان تمشي لكن مسكها حنى راسه لها وحط دقنه ع كتفها و رفع يدينه وحاوط خصرها بتملُك: عجيب امرك عندك ثقه رغم سواد عمايلك
ليان ابتسمت : ما سويت شي انا كنت صريحه معاك من البدايه ، لو تفكر صح الغلط منك انت
همس لها : و انا بعد صريح معك ، وبصارحك الحين بشي جدا مهم
تركزت عيونها بعيونه و قلبها انتفض من كلامه وتنتظر وش بيقول
كمل وهو يبتسم على جنب : بتشوفين خطيبتي السابقه هي بنت خالتي اسمها اسيل ، لكن هي ما زالت تحبني و تموت فيني
فتحت عيونها بصدمه من بشاعه يلي سمعته صح انها تكرهه وتتمنى يطلقها لكن هالشي جرح مشاعرها
زياد طبع بوسه بنحرها : خليك ريلاكس وهاديه ، لو قالت أي شي لا تردين و انتبهي تغلطين عليها ما ابيها تزعل ابد
لفت عليه و رفعت يدينها لصدره بتدفه بقوه لكن بيد وحده مسك كفوف يدها واليد الثانيه مازال محاوط خصرها : هش هش اهدي ، وش مزعلك؟
ليان دمعت عيونها : كل يوم اكرهك اكثر
زياد : مشاعرنا متبادله وهذا شي حلو ، بس قولي لي ليش هالدموع ؟ لايكون بديتي تغاري !
ليان : اغار على ايش بالضبط ، انا ما اشوفك عشان اغار عليك ول..
زياد ابعد عنها شوي وهمس بفحيح : في شي ما تعرفينه عني لو عصبت انسى حتى امي و ابوي.
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 161 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
سلطان تنهد : يمه لا تضيقين علىِ بموضوع الوظيفه
منيره : اضيق عليك ؟ قولي كيف بتصرف على نفسك و زوجتك ؟
سلطان : من الموجود و ملاذ المره الأولى حولت لي عشرين الف تكفي فتره
منيره ضاق صدرها من كلامه : اخ ي راسي وش أقول بس ، اسمعني سلطان من بكرا تصحى الصباح بدري و تطلع تدور على وظيفه فاهم والالا
سلطان هز راسه : ان شاء الله، انا بطلع تبين شي ؟
منيره بحده : لا
سلطان تركها و طلع غرفته اول ما دخل توسعت ابتسامته وهو يشوفها : لو تدرين شكثر احبك
سحاب ابستمت وغمضت عيونها : يا حلو الوقت معك ويا مُره بدونك.
.
عند ملاذ
كانت واقف قدام الفرن ومنتظره الشاي يغلي وسرحانه بالشباك وتحس راسها بينفجر من كثرة الأسئله والأفكار يلي براسها لكن مع هذا كله كانت تحس بفراغ كبير وكنها تناظر للصحراء فاضيه ما فيها شي، شهقت وقت غليّ الشاي و وسخ الفرن طفت النار وتأففت بضيق
رجف قلبها وقت شمّت ريحة عطره و عرفت انه وراها اخذت نفس ولفت اول ما شافته ابتسمت من ملامح وجهه الجذابه
ذياب ابتسم رغم ضيقة الصدر يلي فيه حس انه مشتاق لها من امس الصباح ما شافها ابدا ولمن رجع الليل كانت نايمه : صباح الخير
ملاذ : ي صباح النور
ذياب : ليش صاحيه بدري ؟ متى دوامك ؟
ملاذ : صليت الفجر وقريت قران لين شروق الشمس وبعدها ما قدرت انام قلت بسوي فطور نفطر سوا
ذياب ناظر ساعته : عندي شغل ضروري
ملاذ بهتت ملامحها : ترا الساعه سته ونص وش الشغل يلي الحين ؟
ذياب وهو يبي يتهرب منها لانه يضعف قدامها : عندي اجتماع مهم الساعه 8 ولازم اطلع الحين
ملاذ هزت راسها : طيب براحتك ، بس بقولك بطلع من الدوام لبيت اهلي
ذياب : تمام ، تآمرين على شي ؟
ملاذ هزت راسها ب لا و هو لف و طلع من المطبخ ، حست روحها طلعت مع طلعته توقعت منه يحضنها مثل كل صباح لكن صار له ثلاث أيام جدا بارد معها وما تشوفه الا كم ساعه فقط لحقته لمدخل الڤيلا : ذياب
ذياب لف لها و ابتسم بحب مهما حاول يخبي مشاعره عيونه تفضحه : لبيه ي روح ذياب
امتلت عيونها بالدموع وجرت وهي تفتح يدينها وضمته بكل قوتها لانها مشتاقه له مشتاقه لحضنه ولريحته مشتاقه للحنان والآمان يلي تحس فيه وقت تحط راسها بصدره
ذياب رفع يدينه وضمها رغم صدمته توقعها ممكن تصايح وتقوله ليش مُتغير لكن صار العكس رغم انه الغلطان الا انها كسرت هالحاجز وحضنته
همست بهدوء وهي بحضنه : انا آسفه
غمض عيونه بقوه وحس نفسه جدا صغير قدامها من هالكلمة لانه الغلط منه هو
ملاذ رفعت راسها وناظرته ودمعتها على خدها ، ذياب مسح دموعها بطرف أصابعه وباس خدها بلُطف : على ايش تعتذرين ؟
ملاذ رفعت كتوفها : ما ادري بس احسك زعلان وبعيد عني
ذياب اخذ نفس و ابتسم وضمها مره ثانيه : انا ازعل من الدنيا كلها لكن انتِ لو أيش ما تسوين وتقولين ما ازعل منك يا عيوني.
.
آلاء كانت متمدده فوق الكنب بالصاله وكل شي صار ل لينا ينعاد ببالها تاففت بضيق وصرخت وهي تخبط راسها : بس بس تفكير
عبدالناصر كان داخل الصاله و ناظرها ب استغراب : مين تكلمين ي بنتي ؟
آلاء فزت و جلست : هلا عمي
عبدالناصر تقدم لها : شفيك من تكلمين ؟
آلاء تنهدت : اكلم عقلي يا عمي والله تعبت من التفكير
عبدالناصر : خير وش في ؟
آلاء اخذت نفس : عمي اقعد بقولك شي بس لا تقول الاء مجنونه ابيك تفكر معاي صح
عبدالناصر قعد وكل ماله يزيد استغراب: خير وش صاير يا الاء تكلمي
آلاء: بس توعدني سر بينا ؟
عبدالناصر :الله يستر ، الظاهر مسويه مصيبه قولي لي وش مسويه ؟
آلاء: لا والله ماني مسويه شي ، عاد بصراحه هالمره محد صاحي مثلي ، اسمع يا عمي الموضوع يخص لينا و طلال
عبدالناصر : لينا فيها شي ؟
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 159 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
ملاذ دخلت ولبست عبايه من حق لينا و اخذت شيله و طلعت وجلست جنب حصه وهي تشوف نبضها : دقات قلبها تنبض بقوه
ليان جلست جنب أمها وهي تمسك يد لينا وناظرت طلال بحقد : اطلع وش تسوي هنا؟
شيخه بخوف : وش صاير ؟
سحاب : من جد وش صار كذا فجأه تصارخون ؟
آلاء رفعت كتوفها : ما ادري فجأه سمعناها تصارخ وطلعت وشفت طلال بوجهي .
.
بعد مرور نص ساعه ؛
كانو واقفين كلهم عند راسها وهي نايمه فوق السرير وحصه فوق راسها وتقرا عليها ، فتحت عيونها بهدوء وهي تشوفهم كلهم حولها
ليان ابتسمت : لينو قلبي انتِ بخير ؟
حصه دمعت عيونها : لينا يا يمه انتِ بخير ؟
لينا ناظرتهم وهي تحاول تفكر وش صار لها فزت بخوف و جلست بسرعه وهي تشوف نفسها فوق السرير وتناظر كل شي حولها
ملاذ مسكت يدها : لينا اهدي
لينا : وش صار ؟
آلاء لفت ع ملاذ واثنينهم مصدومين
حصه : يمه حبيبتي وش صار لك ليش كنتي تصارخين ؟
ملاذ : احنا دخلنا غرفه الملابس نجمع اغراضك و طلعنا ع صوتك وانتِ تصارخي و تخبطي رجولك
لينا غمضت عيونها بقوه وتذكرت الثعبان فزت بسرعه و قامت من فوق السرير و جرت للصاله ، ناظرو بعض كلهم بصدمه
حصه وقفت لكن مسكتها ملاذ : خالتي اتركيها مع طلال شوي
حصه : أي طلال هذا طليقها
آلاء بتوسل : صدقيني يلي صار اليوم ماهو قليل ل لينا اتركيها شوي معاه
ملاذ : خمس دقايق فقط ، قادره تغير أشياء كثيره
لينا وقفت بالصاله وهي ماسكه راسها وتحاول تقنع نفسها انه حلم او وهم فزت وقت سمعت صوته يناديها لفت وشافت طلال
طلال كان واقف وبعيد عنها : لينا انتِ بخير ؟
لينا تذكرت انه حضنته وحست بالقرف من قُربه لها
طلال قرب خطوه : لينا وش صاير لك ؟
لينا رفعت كفها : لا تقرب طلال
طلال : ما كنتي بخير ابدا !
لينا اخذت نفس : كل شي صار بسببك انت ، لو تعرف شكثر اكرهك و اكره قُربك و اكره اشوفك
طلال انصدم من كلامها و ابتسم بسخريه : كل شي تغير حتى ريحة عطرك تغيرت حتى نظرات عيونك تغيرت
لينا : تدري انك غلطة عمري ، أساسا لمن افكر فيك أقول كيف تحملتك كل هالسنين
طلال قرب لها وتكلم بحده : مو معناه طلقتك تجحدي الماضي يا لينا ، يلي بيني وبينك ما تمحيه السنين وحبنا ما كان عادي لكن شاء القدر و انفصلنا
لينا حست كلامه جاء ع قلبها مثل السهم دمعت عيونها وهي فعلا تحس مشاعرها بالدقيقه تتغير الف مره ، بثانيه تحبه و ثانيه تكرهه وثانيه تتمنى حضنه وثانيه تتقرف من وجوده ..
تركته من دون لا تقول أي كلمه و دخلت الجناح وناظرتهم كلهم وهم جالسين ع السرير منتظرين لها : يمه شرايك نمشي احس تعبانه ودي انام ، و اغراضي خلو العامله هي ترتب كل شي ما ابي ادخل هالجناح ثاني مره .
.
زياد كان منسدح فوق السرير و سرحان بالسقف وكل تفكيره ب ليان متضايق لانه جرح عُنقها و اذاها غمض عيونه بقوه وهو يمسج جبينه بقوه ناظر الساعه وكانت عشره وقف عشان بيروح يجيبها لكن انصدم وقت الباب انفتح و دخلت ،
ليان رفعت عيونها و انصدمت من وجوده بغرفتها بلعت ريقها بخوف و همست : زياد
زياد ناظرها ب استغراب : مين رجعك ؟
ليان نزلت شيلتها و فسخت عبايتها : مشيت مع امي وصلتني هي
زياد : متأكده؟ وليش ما كلمتيني اجي اخذك؟
ليان تنرفزت من كلمة متأكده: ليش عندك شك فيني ؟
ابتسم بسخريه : ما عندي ثقه أساسا
ليان ببرود : مو ضروري توثق فيني مين انت أساسا
زياد بهدوء مخيف : شفتيه !
رجف قلبها من الخوف وناظرته وكرر سؤاله للمره الثانيه: شفتيه ؟
ليان ابتسمت: دام ما تثق فيني ولا مهتم ولا سائل عني ليش تسألني اذا شفت ذياب او لا ؟ يفرق معك؟
زياد ضحك : وحده مثلك ماينوثق فيها .. كمل وهو ياشر عليها وكانه متقرف منها : أساسا انا وش منتظر منك !
ليان انقهرت : ايه شفته ، احكي لك عن مشاعري وقت شفته ؟
حس الشياطين تجمعت براسه سحبها من يدها وثبتها ع الجدار بقوه تكلم بنبره حاده : دام بكل الأحوال رخيصه ، خليك رخيصه معاي اكثر ترا دافع مهر وتكلفه زواج فوق 300 الف وبالاخير مقابل جدار
ليان دمعت عيونها وانجرحت من قوة كلامه
زياد ابتسم ومد يده وفتح اول زرار من قميصها : شرايك نسوي اتفاق و…
ليان قاطعته وقت دفته وصرخت بوجهه : وش تبي تبيني اصير زوجتك ! ابشر ي زياد ..
فتحت كل زراير قميصها و رميته للأرض و قربت عليه بقوه وهي تبكي وتصارخ بوجهه : يلا خُذ يلي تبيه و ريحني منك ، لكن لا تنسى انك انت يلي فرضت نفسك على وحده ما تبيك ..
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 157 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
عند ليان ؛
مرت عشر أيام ولا شافت زياد يرجع من دوامه وينام بالجناح الثاني تسمع بس صوته وقت يدخل ،
هالعشر الأيام ارهقتها كثير وتغيرت ملامحها و تعبت من كل شي حولها حتى الاكل ما صارت تاكل الا أشياء خفيفه ،
اتصلت عليها سحاب و عزمتها وقالت لها الكل موجود ترددت انها تكلم زياد لكن قوت من نفسها و طلعت من جناحها و نزلت و سمعت صوت بالمطبخ دخلت و وقفت مكانها وهي تناظره يقشر التفاحه،
حس بوجودها من ريحة عطرها لف لها بسرعه وانصدم من ملامح وجهها يلي انطفت و ذبلت
ليان : زياد
زياد : وش تبين ؟
ليان: عادي اروح بيت خالتي شيخه ، اتصلو وعزموني والكل موجود
زياد ببرود : لا
ليان بتوسل : بليز زياد امي ولينا هناك ، انا من شهر ما شفت سحاب حتى لينا يلي تطلقت ماشفتها ولا وقفت معها بليز خلني اروح لهم
زياد بحده : رايحه عشان تشوفين ذياب ؟
ليان دمعت عيونها : حرام عليك صار لي شهر ما شفت احد ولا طلعت من البيت الا للجامعه ومن الجامعه للبيت والسواق مراقبني كل الوقت تعبت والله تعبت
زياد قرب لها و ليان خافت و رجعت لوراء وخبط ظهرها بالجدار
زياد وهو يناظر السكينه بيده ويناظر عيونها ابتسم بخبث وحط السكينه ع نحرها
ليان شهقت بصوت : ليش بتقتلني ؟
زياد ببرود : رايحه عند مين بالضبط ؟
ليان غمضت عيونها وهي تبكي تكلمت وشفايفها ترجف : والله العظيم ما ابي اشوفه انا بس اشتقت ل اهلي و امي و سحاب ولينا
زياد ضغط ع السكينه اكثر وليان فتحت عيونها بصدمه وشهقت بألم وقت حست رقبتها انجرحت ،
زياد رجع خطوتين لورا وحط السكينه ع الطاوله : هالجرح الصغير عشان تتذكرين انك زوجتي
ليان صدمتها كانت اكبر من الجرح رفعت اصبعها و ناظرت الدم لفت ع زياد و بقهر صرخت بوجهه : تبي تقتلني ؟
زياد رفع حاجب : مو الحين ، ويلا بسرعه عندك ربع ساعه تجهزين فيها عشان اوصلك بيت خالتك
ليان كان ودها تصارخ اكثر وتضربه لكن هدت وقت قالها بوصلك طلعت من المطبخ بسرعه ودخلت جناحها وقفت قدام المرايه وهي تناظر الجرح حطت عليه لصقت جروح و همست : طيب يا زياد والله ما افوتها لك !
.
ملاذ دخلت المجلس و حطت القهوه فوق الطاوله ناظرت سلطان و ابتسمت وهي تسلم عليه : اهلا وسهلا
ذياب اول ما شاف سحاب ابتسم وهو يطمنها : اهلا سحاب تعالي
سحاب وقفت عند باب المجلس وهي خايفه تدخل خايفه تتقدم خطوه و تندم عليها
عبدالناصر تكلم بصوت جهوري : تعالي يبه مافي احد غريب احنا و زوجك
ملاذ ما حبت انها تجلس ولا تبي تتدخل : عن اذنكم .. تركتهم و دخلت
سحاب جلست جنب ابوها وهي تفرك يدينها من كثر التوتر
عبدالناصر : سحاب انا تكلمت مع سلطان و انا موافق انك ترجعين له ، اقعدي معاه و اتفقو مع بعض ولازم تعرفو انه الزواج مو للعب ترا ولدكم جاي بالطريق فكرو فيه
ذياب وقف و عبدالناصر وقف معاه و طلعو من المجلس
سحاب اخذت نفس وناظرت سلطان كسر خاطرها وهو رافع يده و مجبسه بسبب الكسر
سلطان قام من مكانه و جلس قدامها ع رُكبه مسك كف يدها و حط راسه بحضنها
سحاب بلعت ريقها وحست انه اول مره سطان يمسكها نزلت دموعها و حطت يدها ع شعره وهي تلعب فيه
سلطان رفع راسه وناظرنها بحب : ادري انىِ غلطان بس والله ما اعيدها اعتذر منك يا سحاب ، وترا ذياب كسر اليد يلي انمدت عليك ارجعي معاي و خلينا ننسى الماضي ونربي ولدنا مع بعض انتِ تحبيني و انا احبك سامحيني يا سحاب
سحاب رفعت يدها وهي تمسح دموعها : ليش وصلنا لهالمرحله ؟ ليش يا سلطان ؟ ترا انا وقفت قدام اهلي وقلت لهم احب سلطان و ابيه تخليني ارجع لهم و انا مضروبه منك ! ما هقيتها منك والله !
سلطان شد ع يدها و بتوسل : سحاب تكفين سامحيني و انسي الماضي و نبدا من جديد
سحاب : أخاف اجي و اندم !
سلطان رد بسرعه : لا والله ما تندمين ، انتِ عند حبيبك عند سلطان يلي يموت فيك
سحاب التمست من نظرة عيونه الحب والندم وهاللحظه حاسه انها بمتاهه ودها ترجع لانها اشتاقت له لكن خايفه ترجع وتنعاد ايامهم السودا
سلطان وقف وجلس جنبها و مسح دموعها بحب : سحابتي ترا والله اشتقت لك كثير ، شرايك بكرا نروح مكه انتِ ترتاحي شوي و انا ارتاح ، نحنا الاثنين محتاجين لمكه
سحاب سرحت فيه وبملامحه للحظه تحس انه ما صار شي وانه هذا سلطان يلي كانت تطلع من المدرسه عشانه
سلطان : وش قلتي ؟
سحاب رفعت يدها وضمته بقوه وبكت بصوت سلطان ابتسم وعرف انها رضت عليه رفع يدينه وهو يضمها بقوه لصدره باس نحرها بشغف : ليت الدنيا كلها حلوه مثل عيونك ،لو ما املك مو هالدنيا الا نتِ اكتفيت .
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 155 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
بحديقة الفيلا ؛
ملاذ كانت فوق المرجيحه و تتمرجح وهي منسجمه بالهدوء والهواء و صوت المويه من النافوره ،
ذياب رجع من صلاة الجمعة وقف وهو يشوفها مغمضه عيونها و خصل من شعرها تتطاير ابتسم وهو يشوفها تُضم يداتها وكانها بردت من نسمات الهواء البارده قرب لها و جلس جنبها وضمها لصدره ،
ملاذ شهقت وفتحت عيونها لكن اول ما حطت راسها بصدره ابتسمت : متى رجعت يا روحي؟
ذياب : الحين
ملاذ : كنت افكر رحت تتغدى ببيت اهلك ما قلت لي بترجع بعد الصلاه
ذياب تردد : رجعت عشان آخذك و نروح سوا!
ملاذ رفعت راسها من صدره : مو من جدك ؟
ذياب : من جدي والله
ملاذ ابتسمت بسخريه : تبيني ادخل بيت اهلك و خالتي قدامي قالت لك طلقها ، ع بالك ما عندي كرامه عشان تخليني ادخل هالبيت مره ثانيه ؟
ذياب : ملاذ صار لك ثلاث أسابيع ما رحتي وكل جمعه اروح لحالي و أبوي يسأل عنك ويقول ليش ما تجيبها ، تدرين يوم الجمعة يوم عائلي و نحب نتغدا كلنا سوا ع نفس الطاوله
ملاذ : روح انت انا ما اقدر
ذياب : عشان خاطري ، تعالي معاي ماهي حلوه ادخل بدونك والله
ملاذ قاطعته : انا يلي اقولك مالي خاطر وقيمه عندك عشان تطلب مني ادخل بيت اهلك ؟
ذياب : والله العظيم انك الانسانه الوحيده يلي ابي لها الخير والسعاده اكثر من نفسي ولا يمكن اسوي شي يقلل من قيمتك و احترامك ، ولو على موتي ما ادخلك مكان يقلل من مكانتك ، لكن امي وقت غلطت كان بوقت غضب وزعلانه على بنتها
ملاذ : ذياب افهمني تكفى
ذياب مسك كفها : تكفين ملاذ افهميني والله ماهي حلوه كل جمعه اروح لحالي وترا الكل يسال عنك حتى الجمعه الماضيه امي سألت عنك ، كلام امي امسحيه بوجهي ترا الكل يحبك وانتِ حطيتي بينك وبين الكل حدود محد يتعداها والكل يحبك و يحترمك
ملاذ ناظرته وهي ما تدري وش تقول
ذياب ابتسم لها : ها وش قلتي ؟ تجين ؟
ملاذ : لو ما جيت بتزعل وتاخذ بخاطرك مني ؟
ذياب : لو جيتي بكون مبسوط اكثر
ملاذ رفعت كتوفها و ابتسمت : كل شي تطلبه مني في موازيني يهون ، انتظرني ربع ساعه و أكون جاهزه
ذياب ابتسم بفرحه وقرب لها لها وباسها : قسماً بالله انىِ اتباهى فيك قدام خلق الله كلهم .
.
صالة الطعام ؛
كانو قاعدين وياكلو عكس الجُمع الماضيه يلي كان وقت الغداء يضُج من سواليفهم و ضحكهم ،
شيخه تنهدت بحزن : وين جمعتنا حق زمان ؟ مكان لينا خالي و ذياب غيابه يكسر ظهري عاد كل جمعه كان يجي لحاله بس هالجمعه ما جاء
عبدالناصر : لو تفكرين شوي انتِ السبب بغيابه هو و زوجته
شيخه : ليش وش سويت انا انقهرت على بنتي و من حقي ادافع عنها
عبدالناصر : تدافعين عنها تخربين بيت ولدك احنا ما صدقنا نشوف ذياب مُستقر و مرتاح وانتِ تعرفين انه اول مره ذياب يحب و يتعلق بزوجته و استقر معاها حتى تغير كثير
شيخه : وش الفايده الظاهر ما تجيب عيال
نواف : يمه وش يلي ما تجيب عيال مالهم سنه متزوجين و دام ذياب مرتاح خلص حنا مالنا علاقه فيهم
شيخه : وش اسوي ابي اشوف عياله ابي هالبيت كله احفاد ، حسبي الله عليك يا طلال يلي طلقت لينا وصرت اشوف احفادي مرتين بالاسبوع
طلال : ولا يهمك كم يوم و اتزوج دانه وبنجي نعيش بهالبيت و ان شاء الله تحمل وتجيب لك احفاد يملون البيت
عبدالناصر بصدمه : بتتزوج بهالسرعه ؟
طلال : ايه يبه خلص وش عاد باقي بنتزوج و اجيبها نعيش هنا
شيخه : موب صاحي ، اسمع طلال دانه ما تدوس بيتي فاهم والالا
طلال : يمه دانه زوجتي و بجيبها نعيش هنا وقررت الزواج عائلي وبسويه يوم الأربعاء بفندق تبون تجون حياكم الله
سحاب : وين راح حبك للينا ؟ بهالسرعه تخطيتها ؟ عاد والله لو دانه تسوا كان مشيناها ونقول انهبل بجمالها بس لا خلق ولا اخلاق
طلال بحده : سحاب مالك شغل ، ياليت تنشغلين بنفسك وترجعين لزوجك
عبدالناصر : اختك لا تتدخل فيها تفهم والالا و دور لك بيت يضُفك انت و دانه
نواف : مانبي غُرباء بهالبيت ، وبعدين لينا محد يجي مكانها
طلال رفع حاجب : حلو والله تدافع عنها بصفتك محامي !
نواف : لا مو محامي لكن انا ما انسى العيش والملح ولينا بنت خالتنا قبل لا تكون زوجتك
شيخه : لا حول ولا قوة الابالله ، حالنا انقلب بعد ماكنت أقول نحنا افضل عائله .
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 153 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
كل عرق بجسم ليان كان يرجف بقوه هزت راسها بالنفي : لا لا مافي شي والله مافي شي يا ذياب..
غمضت عيونها بقوه وهي تحس انه حفرت قبرها لمن غلطت ب اسمه ، فتحت عيونها وهي تناظر عيونه عن قُرب همست بصوت راجف : زياد
زياد حس الأرض فوق قلبه من قوة الثقل يلي حاسس فيه زفر أنفاسه الحاره بوجهه وحط يده ع رقبتها
ليان فتحت عيونها وفمها و تكلمت بصوت متقطع : ل ل لا ت ت تق تقتلن تقتلني
زياد : وش في بينك وبين ذياب ؟ اقسم بالله ل اذبحك ، انتِ حقيره و رخيصه
ليان استسلمت لموتها و غمضت عيونها و دموعها تنزل بهدوء لكن داخلها كان يقاوم الموت
زياد حس ع نفسه لمن شاف وجهها بدا يزرق شال يده و قام من فوقها ، ليان اخذت نفس عميق و جلست وهي تكح بصوت ناظرت فيه يلي كان يناظرها ب احتقار
زياد غمض عيونه ولف عنها : بسرعه احكي لي وش صاير ؟
اعتلت نبرة صوته : بسرعه احكي
ليان اخذت نفس : والله العظيم مافي شي ، كنت احبه او يمكن اعجاب بس محد يدري حتى هو مايدري ، زياد تكفى لا تتهور لا تظلمني اكثر حرام عليك والله حرام
زياد لف لها وبصق بوجهها : ما ابي اسمع صوتك تفهمين .. وقف و طلع من الجناح وتركها وهي منهاره حتى هو وضعه ما كان افضل منها نزل الصاله و تمدد فوق الكنبه تنهد بصوت مسموع وهو يمسح ع وجهه : اخ يا ربي وش صار فيني زوجتي يلي اخترتها و كنت معجب بكل شي فيها طلعت تحب غيري!
.
سحاب كانت نايمه فوق سريرها وكل تفكيرها ب سلطان حست انها مو قادرة تطلعه من بالها ابدا ، غمضت عيونها و هي تستسلم لدموعها ابتسمت من بحزن وقت حست برفسات ولدها فتحت عيونها و حطت يدها ع بطنها وهمست : يقولون الولد يحس ب امه و اذا حزينه يتأثر عليها ، ترا انا مو حزينه انا بس انخذلت من ابوك ترا هو يحبني و انا بعد احبه بس ما قدرنا نعيش مع بعض و لا قدرنا نفهم بعض علاقتنا و حبنا حلو بس من بعيد ،
مسحت دموعها و قامت من فوق سريرها توضت و فرشت سجادتها حست انها محتاجه تكون قريبه ل ربي اكثر .
__
عند آلاء ؛
كل الوقت سرحانه و تفكر ب لينا من وقت عرفت بمرضها وهي تحس انها مُقيده ماهي عارفه وش تسوي ولا هي عارفه كيف تفكر ولا عارفه كيف تساعد لينا وتكون معاها فترة علاجها اخذت نفس عميق لكن كشرت وقت سمعت نواف يشخر لفت عليه وحطت يدها تحت المخده وهزت راسه عشان يسكت ابتسمت و كتمت ضحكتها وقت لف للجهه الثانيه ،
حطت يدها ع بطنها وقت حست برفسه صغيره ابتسمت و نادت بصوت عالي : نواف نواف
نواف : هممم
آلاء: قوم بسرعه لو تعرف وش صار ؟
نواف فتح عيونه : وش في ي آلاء ؟
الاء ابتسمت : اول مره احس برفسه ببطني البيبي تحرك
نواف جلس : صحيتيني عشان هالشي ؟
آلاء: ترا هذي للحظة مهمه اول رفسه لطفلنا
نواف حط راسه ع المخده : طيب يا لحظة مهمه نامي
آلاء كشرت : تتوقع رفسه ولا غازات
نواف شال اللحاف من فوقه بسرعه وجلس مره ثانيه : آلاء
آلاء ضحكت بصوت ع شكله : والله رفسه ، نواف شعور يهبل انه في داخلك روح وتحس فيك
نواف ضحك عليها : يلا ننام
آلاء: اخخخ بس انا وش افكر و انت كل تفكيرك بالنوم
نواف : والله يا آلاء انىِ صبوووووور عليك
آلاء: صدقني مو كثري ، ويلا بسرعه بوس بطني عشان البوسه توصل لطفلنا ،عندي إحساس انها بنت وبتكون حلوه مثلي
نواف اخذ نفس و سحبها لحضنه ونيمها جنبه : بس تجي بنتي ابوسها الحين خليني ابوس هالوجه الجميل يلي من رقته احس قلبي يتحول رماد
آلاء: صراحه فهمت انه انت تتغزل فيني بس كمان غزل غير مفهوم بس يلا بمشيها لك لانك صاحي من النوم
نواف : ممكن تسكتي عشان ننام
آلاء ابتسمت وحطت راسها ع صدره : دامي حطيت راسي فمكانه الحين بنام
نواف ضمها اكثر و باس راسها : والله انه من ابهى حظوظي انك لي .
.
ملاذ ؛
رجعت من بيت أهلها وهي تحس بصداع دخلت الجناح و شافت ذياب ع المكتب وقدامه الابتوب و يشتغل فيه
رفع عيونه لها وحط كوب القهوه بعد ما ارتشف منه : السلام لله ، وينك يا دكتورة ملاذ للحين ؟
ملاذ فسخت عبايتها : والله كنت ببيت اهلي
ذياب رفع حاجبه : وليش ما عطيتيني خبر انك رايحه؟
ملاذ تقدمت له : ليش انت تعبت نفسك و سألت عني ولا مشغول وتفكر بمصيبه ثانيه تسويها ولا كبرياء الذياب ما يسمح له
ذياب تكتف : اوف لهالدرجة اسوي مصايب وش سويت ؟
ملاذ : انك تكسر يد سلطان
ذياب قاطعها : ستوب لا تدخلين
ملاذ تنرفزت منه : ذياب انت كسرتها متعمد ومسوي نفسك ريلاكس..
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 151 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌺🍃
بعد خمس أيام؛
بالمستشفى ؛
ملاذ كانت قاعده ع مكتبها و حاسه راسها راح ينفجر من كثر الأفكار يلي مداهمه راسها ،
اندق الباب و دخلت سلوى اول ما شافتها ملاذ ابتسمت : جيتي بالوقت المناسب عاد والله كنت افكر بس اخلص دوامي اطلع انا وياكي
سلوى ابتسمت و جلست فوق الكرسي قدامها : الظاهر في سواليف اثاره هاتي وش عندك ؟
ملاذ اخذت نفس : احس راسي بينفجر و ابيك تساعديني شوي بالتفكير ، بعطيك السالفه بالمختصر سلطان ضرب سحاب بوجهها و سحاب طلبت الطلاق و خالتي قالت ل ذياب يطلقني لكن وقف بوجيههم كلهم وقالهم انه يحبني ومستحيل يطلقني ، و ذياب كسر يد سلطان و امي مقومه الدنيا و سلطان راح لعند سحاب وحاول يرجعها لكن عمي رفض وقاله خليها كم يوم لين تهدا نفوسكم عاد من كلام عمي احس رافض فكرة الطلاق لكن خالتي مُصره ع الطلاق و امي قالبه ع ذياب ، و طبعا الأستاذ ذياب صاير رسمي جدا معاي و انا بصراحه مالي خلق حتى اكلمه و صرت اداوم ساعات اكثر عشان بس لا اقابله ، صراحه مدري شسوي تعبت من الكل والله
سلوى : اوف كل هذا صاير ؟
ملاذ : ايه و لا ادري وش اسوي ، عاد امي اليوم عازمتني كنت متردده اروح لكن بروح عشانها ما ابيها تزعل
سلوى : سلطان و سحاب احس تسرعو بالزواج وبصراحه ما ادري وش أقول ، لكن انتِ و ذياب شي مختلف مالكم علاقه و يلي سواه ذياب أي رجال يخاف على اخته بيسوي نفس الشي ، لكن ام ذياب حلها بسيط جدا جيبي لها حفيد و صدقيني بتعاملك افضل معامله ، ترا أمهات أيام زمان ما يفكرون مثلنا وبعدين اكثر من مره قلتي لي انها تسالك ليش ما حملتي وترا ذياب ولدها البكر وتتمنى تشوف عياله
ملاذ مسحت ع وجهها : ترا انا ما اسوي أي مانع حمل بس ما ادري ليش للحين ما صار حمل كل شهر اسوي تست والنتيجة سلبيه و ذياب اذا فتحت معاه سالفه الحمل يسكرها ويقول مو وقته
سلوى : وشو يلي مو وقته ملاذ انتِ عمرك 36 و ذياب عمره 40 انتو مو صغار عشان تاجلون الحمل كم سنه
ملاذ : ادري ادري لكن وش اسوي ؟
سلوى : راجعي عند دكتورة نساء و ابدأي بخطه الحمل
ملاذ وهي تفكر : و انتِ صادقه بكرا بحجز لي موعد
سلوى : ليه بكرا ؟ الحين دوري عن اقرب حجز ، خيرُ البر عاجله.
.
ليان كانت جالسه و ع الجوال حست انها طفشانه كل الوقت قاعده لحالها ، حتى زياد من امس العصر ما شافته تنهدت و نزلو دموعها وهي تفكر وش ممكن يصير ب ايامها الجايه !
انفتح باب الغرفه و فزت بخوف : زياد
زياد دخل ولا ناظرها حط جواله و بوكه ع التسريحه و دخل الحمام يأخذ له شاور
رن جواله ولفت ليان لمكانه لكن تجاهلت الرنين و رجعت ع جوالها رن جواله اكثر من مره و قامت اخذت الجوال و رجف قلبها وهي تشوف اسم ذياب بلعت ريقها و مسحت دمعتها فزت بخوف وقت انسحب الجوال من يدها رفعت عيونها و ناظرت زياد بهدوء لوهله تخيلته ذياب كان واقف وهو لابس روب الحمام وبعض من خصل شعره المبلوله نازله ع جبينه همست بخوف : بس كنت اشوف مين
زياد استغرب من رجفتها و من دموعها طنشها ولف و رد : هلا والله ذياب .. ايه ايه بالبيت .. طيب شرايك انت تجي .. بالله عليك تعال ترا ما عندي شي .. حياك الله
ليان : هذا ذياب ولد خالتي ؟
زياد ببرود وهو يطلع له ملابس : ايه ، جاي الحين جهزي القهوه والشاي
ليان شدت ع يدها : وش يبي ؟
زياد لف لها : بينا شغل اكيد بيجي ، يلا انزلي بسرعه جهزي القهوة و الشاي و بخري المجلس
ليان طلعت من الجناح ونزلت بسرعه للمطبخ سندت جسمها ع الثلاجه و اخذت نفس عميق وهي تهدي من توترها و خوفها و رجفة قلبها همست بقلبها " اصحي يا ليان انتِ متزوجة " نزلت دموعها و زاد حقدها ع زياد اكثر !
بعد نص ساعه ؛
كانت واقفه وسمعت صوته وقت القي السلام لفت عن الباب وهي تحاول تأخذ نفس حطت يدها ع قلبها وهي تحاول تداري نبضه يلي نبض بطريقه جنونيه وقت سمع صوته ، سماع صوته هيضت احاسيس قلبها بدون رضاها
وقف وراها وهو مصدوم من شكلها و دموعها و رجفة يدينها : وين القهوه والشاي ؟
مسحت دمعتها ع بالها ما انتبه لها لكن هو واقف من وقت حطت يدها ع قلبها : هذي القهوه وهذا الشاي
زياد : ليش الشاي اثنين واحد يكفي
ليان ردت بسرعه : هالشاي بالنعناع والقرنفل لانه ذياب مايشربه الا بالنعناع والقرنفل ويحبه مغلي ع النار .. سكتت شوي وحست انها تورطت اكثر
زياد ناظرها نظرات خلتها تشك بنفسها اكثر اخذ الصينيه و انتبه لرجفة يدها الزايده و صدرها يلي يطلع و ينزل من قوة نبض قلبها !
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺