6878
امتدادي من السيده شريفه بنت الحسن ع
سيدي وإلهي
إن جئتك بأيدي خالية الوفاض، وبصحيفة سوداء بأعمالي، وقد خفت موازيني، وضاق وسعي، وأمرت بي إلى النار.
فأني أرجو منك شيئاً واحداً، أن لا تذهب بعقلي، ولا تشّل لساني، كي أنادي:
يا صاحب الزمان.
فأني على يقين أنه لن يتركني، وأنك لا ترفض له شفاعة في آبق مثلي.
قصيده لسان حال مولاتي زينب عليها السلام
❧✥═══❢❢✺✺❢❢═══✥❧
روحي بحيره بعدكم
ماشيه الشام اختكم
روحي بحيره وسبيه
وانه العقيله الهاشميهَ
شلون ترضه بهلمسيه
عل هزل زينب تمركم
✍️شاعره زهراء ام حسين الزيداويه
❀※✿❥༻🌐༺✿❥※❀
زينب اتنادي حزينه
عكب عينك ياولينه
وليه يالوالي انولينه
ألخيل هجمت او ردتكم
✍️شاعره ام زهراء الزيداويه
❀※✿❥༻🌐༺✿❥※❀
خويه عباس وگفيلى
محيره وذايب دليلى .
من الهضم مانمت ليلى
علترايب من شفتكم
✍️شاعره ام البنين
❀※✿❥༻🌐༺✿❥※❀
خويه ياعباس انادي
گوم يامهجت. افادي
شوف وبحالي شسادي
رايحه وگـلبي. عـدكم
✍ سهـام المالكي
❀※✿❥༻🌐༺✿❥※❀
النار شعلوها بخيمكم
ماشيه ظل گلبي يمكم
والشمر حادي لضعنكم
ميسره راحت حرمكم
✍ الحاجه ام احمد الحچامي بغداد
❀※✿❥༻🌐༺✿❥※❀
تمت بحمد الله تعالى
#💢القصـیـده مشـــ🤝ـتــرکـه مع الــشــاعــ🤝ـرات💢
❌لانجيز حذف اسماء الشاعرات ❌
والله ولي التوفيق
/channel/ssrgk
فزاعيه للسبي
✭----✺✺----✭
زينب خذوها ميسره
بس العليل ويـــــاها
✭----✺✺----✭
وينك يسبع الگنطـره
زينب وحيده امرمره
ابين الغـــرب محيره
وتهل دمع عينـــــاها
✭----✺✺----✭
تجري الدمـع وتنادي
وينك يـــروح الهـادي
ماتدري بيه شسـادي
عيني العدوا بچاها
✭----✺✺----✭
جاوين اهل المرجله
تلحگ تشوف العايله
مسبيه تمشي بالفله
وعله الهزل مشاهــا
✭----✺✺----✭
مشاها ما بين الكفر
وينـك ياعباس الگمر
يهظمها تقبـل الشـمر
وسفه النذل ضرباها
✭----✺✺----✭
ضربـاها ياحيف النذل
صعدها وسفه عالهـزل
جم طفله وياها وطفل
تبجي بهظم خلاهــــا
✭----✺✺----✭
تــــمت بعون الله تعالى
بقــــ✍🏻لم خـادمة العقيله زينب عليها السلام
*الشـــاعره مريـم الحجـيمي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
http://t.me/youoo25
قصيده لسبي عيال الامام الحسين عليه السلام
*قصائد محرم
🖊📙
زينب ياعلي الليله سبيه
تنادي ياهلي أشهل الرزيه
يامصعب هالمصاب
بكلبي جمر لهاب
زينب ياعلي الليله سبيه
*❈●••┈❁*❈┈❁●••┈❁
*❈●••┈❁*❈┈❁●••┈❁
ضلت حايره والدمع بالعين
وخوتها على الغبره مطاعين
بتك ياعلي اسبوها الملاعين
مهظومه مشت ماعدهه امعين
تنادي وين الحباب
كلهم عنهه غياب
زينب ياعلي الليله سبيه
✍سهام المالكي
*❈●••┈❁*❈┈❁●••┈❁
*❈●••┈❁*❈┈❁●••┈❁
زينب يا علي الليله بمآسي
عليهه هالدهر يالوالي قاسي
مصايب كربله اتهد الرواسي
بصوت الحزن ندبت يعباسي
كوم أنهض أليه
يا راعي الحميه
زينب يا علي الليله سبيه
✍أزهار جبار الجياشي
*❈●••┈❁*❈┈❁●••┈❁
*❈●••┈❁*❈┈❁●••┈❁
وينك ياعلي ياداحي الباب
محزونه العقيله وودت أعتاب
اخوتها مطرحه نامت بالتراب
كلبها من المصايب صارعطاب
تون وتريد اهلها
واطشر شملها
زينب ياعلي الليله سبيه
✍️أم نور الزهراء الزينبيه
*❈●••┈❁*❈┈❁●••┈❁
*❈●••┈❁*❈┈❁●••┈❁
زينب نادتك ياعلي احظرها
عكب عباس احتارت بمرها
تصعد. ناكه هزله وي شمرها
ومثل نار الخيم يلهب جمرها
جمر يلهب الدلال
جفنها الدمع همال
زينب ياعلي الليله سبيه
..✍🏻خادمة الزهراء ليلى زغيب
*❈●••┈❁*❈┈❁●••┈❁
*❈●••┈❁*❈┈❁●••┈❁
تنادي ومحد الها يسمع الصوت
وتمشي عالجمر والكلب مفتوت
يمروها غصب عل جثث وتفوت
شافت لاجفن لانعش تابوت
صرعه فوك التراب
غريبه بين الاجناب
زينب ياعلي الليله سبيه
. ✍🏻الخادمه الذليله ام حسن
*❈●••┈❁*❈┈❁●••┈❁
*❈●••┈❁*❈┈❁●••┈❁
مصايب كربله ذوبن كلبهه
عمن يعيونها وتيهت دربهه
نام حسين اليسمع عتبهه
وسفه الشامت لزينب يسبهه
نامو عالوطيه
اهلهه الهاشميه
زينب ياعلي الليله سبيه
.✍🏻 ام عباس ابسكيني
*❈●••┈❁*❈┈❁●••┈❁
*❈●••┈❁*❈┈❁●••┈❁
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
┈•┈┈★•$ ✿ $••★┈┈•
/channel/ssrgk
قصيده. الليلة الوحشه
خويه يعباس اني العقيله
وحشه عليه اخلافك الليله
✿────↻.✿↺────✿
خويه يعباس وينك يضرغام
عيالك يوالي ضلت بلا خيام
بحيره وتناديك افزع لليتام
بالهيمه باتت بعدك العيله
✿────↻.✿↺────✿
جلجل عليهه ياخويـه الليل
وحالهه عليكم إيذوب الدليل
سگنه تگلي جا ويـنه الكفيل
خايفه يخويه المدمع تسيله
✿────↻✿↺────✿
خايفه يخويه اطفالك يعباس
تولوهه بعدك هالگوم الرجاس
رحمه مابيهم لاذرت احساس
وصارت عليه احمولي ثجيله
✿────↻✿↺────✿
للحومه أجيتك اوتهمل العين
اگوم واطيحن بين المطاعين
ولطـم عـالراس بثنين اليدين
روحي من الهموم خويه نحيله
✿────↻✿↺────✿
من كثر الهموم مالومه الروح
دمعي عليكم يالوالي مسفوح
ليلي ونهاري مـابطـل النوح
ياذيني الفراگ ومابيه حيله
✿────↻✿↺────✿
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
قصيده عن لسان مولاتي زينب تخاطب الحسين عليه السلام
🖊️🖊️🖊️
دگلي ياكتر خالي من الجروح
دمك عل ترب يالوالي ايفوح
....................................
دگلي ياكتر خالي من الصواب
سابح بــالدموم اوذاري الـتراب
ماظل شرف عند الگوم وانساب
((( ايذبحونه // المثلك حيف ))))
....................................
ذبحوك العده وحرگوها الخيام
اجيتك والگـلب يحسين محتام
شفت جسمك اموذر يبن الاكرام
((( اموذرينه //جسمك يوالي)))
......................................
جسمك ياحسافه ادوسه الخيول
على صدرك شفتها خويه اتـجول
ماهابو حـــرمتـك يبن الفحــــول
((( داسوها // بالحافر جثتك)))
..................................
بحوافر خيلهم داسوها يحسين
وگطعو خنصرك خـويه الملاعين
على اعيالك بقيت اديــر بالعيـن
(((سلبوها // يحسين اعيالك)))
....................................
دير العين ليهم وانت محتـار
وتشوف الگوم وجت بالخيم نار
ويخويه گلوبنه روعـوها لاشرار
((( الخياله/ نومه على لگاع)))
....................................
تمت بعون الله تعالى
بـ✍ــاقـ✍ــلام خـادمـات أهل البيت ع
✍️ الشاعره زهراء الزيداويه
✍الشاعره سهام علي المالكي
✍الشاعره مريــــم الحجيمي
لااجيز حذف اسماء الشاعرات
نسالكم الدعاء
بتعجيل الفرج لصاحب الزمان (( ع))
/channel/ssrgk
https://youtu.be/rFPJU__hyXQ?si=8fGdhJCTua6AXnJ5
Читать полностью…
#قصيده لسان حال مولاتي زينب عليها السلام تشكي لبيها أمير المؤمنين عليه السلام
الوزن شيعتي
🖊📒
بـويه وينك ماتجينه تشـوفنه شلون انولينه
الخيمه حرگوها الاعادي وستر ماخلوا علينه
بالعجل ٲحضر يبونه
شوفهم هل سلبونه
أطفالي فرت بالبراري أتصيح الحگ ياولينه
☆☆☆☆☆☆☆☆☆☆☆☆☆☆☆
بويه وينك ماتجيني وحدي بالهيمه وانادي
راح كفال المحـامل وضل عله الغبره بالوادي
أجفوفه منه أمگطعيهه واصرخ واندب يهادي
رحت للحومه واصيحن گلبي مالوم او يدادي
أخلاف عباس انولينه
عالت. العـــدوان. بينه
هجمت الخيل او ولونه أخلاف حماي الضعينه
☆☆☆☆☆☆☆☆☆☆☆☆☆☆☆
هجمت الخيل وسبونه وروعو يابويه حالي
تسلبت حته خيمنه أخـلاف ابواليمه الـوالي
شفت هالعدوان بويه تسحگ اوتضرب اطفالي
رحت للكــافل وانادي ومنشده مـن عندي بالي
اطفالي خويه روعوها
بحافر الخيل سحگوها
ومن بعد ذاك خدرنه اويه الغرب بويه مشينه
☆☆☆☆☆☆☆☆☆☆☆☆☆☆☆
من خذوني بويه اسيره والغرب تحدي الضعون
أوياي أطفال أوحــرم من الــضرب يتلـوعون
ألمن أشكي الحال ألمن من العده لـمايرحمون
وگلبي من الهـم تفـطر سكـته وتجـري. العيون
تحيرت واجمع بالايتام
وامشي غصبا بويه للشام
من دخلنه المجلس يزيد بالحبال أمقيدينه
☆☆☆☆☆☆☆☆☆☆☆☆☆☆☆
بمجلس الضالم گعدنه وحـيف تتفرج النـاس
بويه ياريتك تجيني اتـعدت اعلـيه الارجـاس
ايزيد يابويه قهرني بسوطه من يضرب الراس
بهظم من شفته اونيني ابصدري مخنوگه النفاس
براسه بويه يـفجعوني
ابجـي ابهظمي خلوني
بحسره وادموع او ونين نادتك بويه اسكينه
☆☆☆☆☆☆☆☆☆☆☆☆☆☆☆
بالشمس خلوها تگعد الحرم يابويـه بخرابه
بويه يالوالي ونامن امگيدات أعـله الترابه
وحالت الطفله رقيه جرح گلبي ابسهم صابه
گـعــدت او بالليل تصرخ تنـده اتنادي. يـبابه
لمن سمعوا بواجيها
خلـو الراس ابأديها
للنحر صدت رقيه ماتت اعليه الحنينه
☆☆☆☆☆☆☆☆☆☆☆☆☆☆☆
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام علي المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
جديد 🔥🔥
فزاعيه جنوبيه للامام الحسين عليه السلام رباط هوسه
🖊️🖊️📙
وسفه اعله السبط داسته الخياله
وما واحـــد فزع من الترب شاله
ೋೋ════
مــــــا واحد فزع لبن الميامين
من حر الشمس ايشيل لحسين
جا وين الهواشم عنه جا وين
اشيلونه // جاوين الساده
ೋೋ════
خلــها تحـظـره السـاده تشيله
تشوف اشلون رضوها مفاصيله
من كثر العطش ونـانتـــه اثگيله
اعله عياله // ميت وعيونه
ೋೋ════
على عياله يـــون وحيـله نحلان
الارض حزنت عليه وكل الاكوان
ويــن اليـوم عـنــه اشبول عدنان
بثاراته // كون يطلبون
ೋೋ════
وين ابن الحسن ياخذ ابثاراته
ويطلب ثــــار دمه اوثار عماته
محزون الامام اوتجري دمعاته
لهابه // النار ابصدره
ೋೋ════
نار ابصدره للمظلوم دوايـــــه
وعالعباس عمه صاحب الـرايـه
ظل مطروح ويلي على مسنايه
ايعليها // رايات الحق
ೋೋ════
تــــمت بقــــ✍️لم خادمات أهل البيت عليهم السلام
*✍️الشاعره سهام علي المالكي*
*✍️الشاعره ام علــي الحلـــفي*
لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))
/channel/ssrgk
قصيده ليوم العاشر من محرم
🏴🏴🏴🏴
اليوم زينب ودعت واليها
وظلت أدموع الحزن تجريها
🏴🏴🏴🏴🏴
ودعت سبط الرسول أوتنتحب
أدموم تجري أعيونها وجمره الگلب
أتگله أخذنه أوياك خويه للحرب
حسين خويه عيلتك رد ليها
*أم طاهــ✍️ــر نجف*
🏴🏴🏴🏴
تگله رد بيها يخويه عيلتك
تدري بالطف يبو سكينه ذبحتك
وتنضرب بالسوط ترضه اخيتك
باختك انته مدلله تدريها
*الحجيه ام علي*
🏴🏴🏴🏴
تگلة خوية خل اشمك بالنحر
وصيت امي هاي يابعد العمر
شلون بيه منين اجيبنه الصبر
وتدري بختك هل العده تسبيها
*ام بهــ✍️ــاء الكربلائية*
🏴🏴🏴🏴
تگله خوية خلي اخبرك بالجره
ونار گلبي يابو أليمة مسعره
امي وصتني الزهرة الطاهره
اوصيتي يمه زينب تنفذيها
*ام مهــ✍️ـيمن الكعبي*
🏴🏴🏴🏴
حسين خـويه لا تخلي العايله
بعد عينك يالولي اتشوف البله
وانته تــــــدري بيها هيه امدلله
بـعـدك ايـظــــل الشمر يـولـيـها
*سهــ✍️ــام علي المالكي*
🏴🏴🏴🏴
حسين خويه انه انطيك المهر
والله ياخيي انكسر مني الظهر
تنذبح عطشان. وبشمس الظهر
وبعد عباس الشمر يحديها
*ام عـــــــ✍️ــلي البيضانيه*
🏴🏴🏴🏴
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
/channel/ssrgk
تقرا القصيده في اليله الحادي عشر
على طور الحاج باسم لا قضاء ولاقدر
المستهل*
-----------
شلون لو طر الصبح
وكبالي راس المنذبح
بليلة الحادي عشر وبين ضلام
لا خيم عدنه يخويه اتحامي الايتام
┈•┈┈★•$ ✿ $••★┈┈•
خويه اخاف من الصبح لو طر عليه
عيلتك مرعوبه خويه تلوذ بيه
بلارحم لا مستحه يجتفون أديه
كلي خويه شنو صبري بهلرزيه
صعبه يوليني شمر
ويجرني بحبال الاسر
شلون ترضاها على أختك تمشي للشام
بليلة الحادي عشر وبين ضلام
- ✍🏻 الخادمه الذليله
┈•┈┈★•$ ✿ $••★┈┈•
يلفي هذا الليل بالهم والمصايب
ونته ياكافل ظعنه اليوم غايب
عكب عينك من رحت شفت العجايب
ابد ماترحم دليلي هالنوايب
امشيت خويه ميسره
باليتامة امرمره
. ياعيون ابغيبتك يالكافل اتنام
بليلة الحادي عشر وبين ضلام
.✍🏻مريم العبوديه اسيرة الاحزان 💔
┈•┈┈★•$ ✿ $••★┈┈•
الشمر يا خويه باجر يحدي بينه
ابسوطه يضربنه وحبل شد بأدينه
تدري من خلص ذبح هجموا علينه
الخيم حركوها خويه وأنسبينه
حرم تصرخ والصغار
خويه من شبوا النار
والعبي احتركت أثر حرك الخيام
بليلة الحادي عشر وبين ضلام
✍أزهار جبار الجياشي
┈•┈┈★•$ ✿ $••★┈┈•
ابلا رحم حركوا يخويه اخيامنه
ابسوطه يضربنه الشمر ماهابنه
وتدري ضمدنه الجرح بالامنه
زلزل اجبال الرواسي امصابنه
بالدرب نبجي وننوح
بدمع غطينه الجروح
مااظن اجروحنه يالوالي تلتام
بليلة الحادي عشر وبين ظلام
✍️ام زهراء الزيداويه البصراويه
┈•┈┈★•$ ✿ $••★┈┈•
ليلة الحادي عشر ياريت موجود
اتشوف حالي يالولي ياراعي الجود
العده تحرك بالخيم وطك الزنود
بس عليل وياي بحبال مشدود
ياجرح بعدك يطيب
خويه لو عني تغيب
أشوف من بعدك تراني هموم والام
بليلة الحادي عشر وبين ضلام
✍سهام المالكي
┈$•┈┈┈•$✿$••┈┈┈•
شلون بينه خويه بدروب اليسر
تحديني عدوانك ويوليني الشمر
وانه مااحمل هظم تالي العمر
شلون موقف تدري ياخويه عسر
نار كلبي اموجره
روحي تدري امرمره
وروسكم تنظرهه عيني خويه كدام
اليلة الحادي عشر وبين ظلام
✍️ام كرار الزينبيه
┈$•┈┈┈•$✿$••┈┈┈•
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
خادمة السيده رقيه بنت الحسين ع
امتدادي من السيده شريفه بنت الحسن ع
/channel/ssrgk
فزاعيه للوداع
▣——●•✿✿•●––▣
شلون اوداع يازينب
أبن امج تودعينه
▣——●•✿✿•●––▣
هايه اخــر لليله اوياه
ابو اليمه صعب فرگاه
اتودعينه ويهل عينـاه
عليكم يچـلب اونينـه
▣——●•✿✿•●––▣
يجر اعليكم الحسرات
وعيونه تصب دمعـات
ايودع ويلي البنيــــات
وناده وينهه اسكينــــه
▣——●•✿✿•●––▣
سكينه تودع الوالي
تگله منهوا يبرالـــي
ذايب بويه دلالـــــي
فراگك والله ياذينه
▣——●•✿✿•●––▣
باجر راسك اعالرمـــاح
ويصير الفزع وصيـــاح
كلها صيح ابوجن طاح
صابــوا ويــلي اجبينه
▣——●•✿✿•●––▣
اتسيل ادماء عالتربان
وگلبي بالحرم حيران
اضلن حايره بصبيـان
اصيحن وينه والينـه
▣——●•✿✿•●––▣
نايم ويلي عالغبــــره
جسمه بي الف طبره
وانه بگلبي العبـــــره
راسه العده مصوبينه
▣——●•✿✿•●––▣
تمت بعون الله تعالى
بـ✍ــاقـ✍ــلام خـادمـات أهل البيت ع
*الشاعره سهــــــ✍️ــــام المالكي*
*الشاعره مريــــــ✍️ـــم الحجيمي*
لااجيز حذف اسماء الشاعرات
نسالكم الدعاء
بتعجيل الفرج لصاحب الزمان (( ع))
/channel/ssrgk
لطميه للقاسم ابن الحسن ( ع)
كأني بالسان حال والدتهُ رمله (ع)
تمنيت العرس يكمل
وبيك افرح واتامل
اعيشن يابدر سعدي
وشيلنهم ولــد ولدي
تمنيت العرس يكمل
:::""""""::::"""":::"""":::""""
يثمره من الحسن ورده
اريدن تعبي اتـــــــرده
گلبي غيــرك اشعنــــده
دخيلك حلمــي لتهـــده
يجاسم يمه يمكــــــمل
:::""""""::::"""":::"""":::""""
يجاسم يانضر عينـــي
اصيحن يبني حاچيني
لتـروح وتـــخليـــــــني
اغيابك تدري ياذيـنــي
وگلبي يمه مــايحمــل
:::""""""::::"""":::"""":::""""
گلـبي يــالـولـد متعـوب
بسهام الـــدهر مصيوب
ياجـاسم الــروح اتلوب
على فگدك تون وتذوب
ييمه والـــــــدمع يهمل
:::""""""::::"""":::"""":::""""
يبني وسلوتي بدنيـاي
ياروحي ونضر عينـاي
تمنيتك تـظـل ويـــاي
ولا ترحل يبعد احشاي
يبـن الحسـن يـمعـدل
:::""""""::::"""":::"""":::""""
يبن الحسن يـالـغالــي
عليك نفطر دلالـــي
دمعي بغيبتك هالـــي
ولجلك منشده بـالـي
ابد وجهك فـلا ينمل
:::""""""::::"""":::"""":::""""
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
بسم الله الرحمن الرحيم
وبه نستعين
ولا يحلوا الذكر إلا بالصلاة على محمد وآل محمد الطيبين الطاهرين
اللهم صل على محمد وآل محمد وعجل فرجهم وفرجنا بهم
المقدمه:
إلى جميع الموالين والمحبين وخدام اهل البيت عليهم السلام...أقدم بين أيديكم بحثي المصغر والبسيط هذا وادعوا الله لي ولكم بالتوفيق
عنوان البحث( الجانب الآخر لحياة أبا الفضل العباس عليه السلام ) وهذا الجانب هو زوجته واولاده وفيه بعض الحقائق المرتبطه بجانبه الأول والذي يخص كيف ولد وكيف ربته أمه أم البنين(ع) على أن يكون خادم لأبناء مولاتنا الزهراء( ع) وعن شجاعته وبطولاته وغيرته وكيف اصبح كفيل لأخته الحوراء زينب(ع) وإلى يوم كربلاء وما قام به من تضحية وفداء حتى نال الشهاده وشرح كيفية قتله مع الاختلاف بأقوال المؤرخين والآراء والروايات والبحوث ولكن كل هذا لا ينفي وجود زوجته واولاده...
ما رأيته وأنا ابحث بهذا الموظوع آلمني كثيراً لسببين الأول: بأن زوجته كانت موجوده في واقعة الطف مع بنات الرساله الفاطميات. والسبب الثاني أن للعباس(ع) اولاداً استشهدوا في كربلاء...وقد يكون الكثير منا لا يعرف هذا لأننا لم نسمع به في المجالس في شهر محرم من قبل خطبائنا وشيوخ المنابر وخصوصاً في يوم العباس(ع)وسأذكره لكم بأختصار إن شاء الله
على بركة الله ابدأ
1:من هي زوجة العباس(ع)..هي السيدةُ الجليله لُبابة بنت عبيد الله بن العباس بن عبد المطلب وكانت من سيدات عصرها وافضلهن نسباً وعفه وتنتمي إلى البيت الهاشمي اي انها هاشميه والزوجه الوحيده للعباس(ع) وكان لها دوراً في كربلاء وقفت مع زوجها موقفاً شجاعاً وساندته وبقت معه وهو يرفع لواء الثوره الحسينيه راية الايمان والعزةِ والفداء..واستمرت تقارع السلطه وقاسمت مولاتنا زينب(ع) المصائب والآلام وشاركت بنات الرساله برحلة السبي المؤلمه من كربلاء الى الشام وثم العوده الى المدينه وقضت سنتين بعد استشهاد العباس(ع) وكان لها عويل وبكاء خاص بين النساء فكانت تبكي ليلها ونهارها حتى اشتد عليها المرض وماتت سلام الله عليها وكان عمرها الشريف ٢٥ سنه وفي روايه اخرى ٢٨ سنه فكانت وفاتها سنة(٦٣هج) ولم يذكر اليوم والشهر روحي لها الفداء ويعتقد انها دفنت في المدينه المنوره مع نساء الحسين عليه السلام...
2:من هم أبناء العباس(ع):.هنا تضاربت واختلفت الآراء والاحاديث والابحاث والروايات وحتى المؤرخين عن عدد ابنائه وكأنه صعبٌ مستصعب فيا للعجب وكل العجب فهل يعقل ان لا يعرف عن العباس(ع) هذا الجانب وهو ولد وترعرع ونشأ وكبر في بيت الوحي والنبوه مع الأئمه المعصومين فلماذا كل هذه الاختلافات في عدد ابنائه سؤال يطرح نفسه...المهم بعض العلماء والنسابين وبعض المؤرخين يقولون ولد واحد وهو(عبيد الله) وآخر يقول اسمه ( القاسم) بينما تذكر مصادر اخرى هم ( الفضل وعبيد الله)ويذكر البعض (خمسة اولاد وبنت)وهم(الفضل وعبيد الله والحسن والقاسم ومحمد)ولم يذكروا اسم البنت...ولكن استوقفني أمر عندما بحثت في روايات الإمام زين العابدين(ع) التي ذكرت اسم زوجة العباس(ع)وابنائه.ذكرت بعض هذه الروايات اسم زوجته كما نوهنا عنه وله خمسة اولاد وبنت وهم( الفضل وعبيد الله والمحسن والقاسم ومحمد وصفيه)ويذكر إن القاسم استشهد في كربلاء
اما ما ذكره ابو اسحاق في نور العِين ص ٢٠...إن بعد نداء الحسين(ع)عندما ظل وحيدا بعد شهادة اخيه العباس(ع)خرج اليه غلامان من الخيمه احدهما محمد والثاني اخوه القاسم اولاد العباس وهما يقولان لبيك يا مولانا فقال كفى قتل والدكما فقالا لا والله يا عماه بل انفسنا لك الفداء فأذن لهما بالبراز فقاتلا حتى استشهدا..تمت
اعزائي هدفي من هذا البحث لا أريد أن اكون باحثه بل من اجل ان يتسلط الضوء على شخصيات بطوليه وبارزه في واقعة الطف تخص مولانا ابا الفضل العباس عليه السلام..وايظا هذا حالي عندما اكتب قصائدي لا اكتبها اعتباطا وبدون علم ومعرفه... وسنأتي للاسباب التي دفعتني للبحث في هذا الموظوع...
1:السبب الأول وهو من قبل فتره ما يقارب الشهر وأنا يدور في فكري وتفكيري ليلاً ونهاراً مولاتي لُبابةَ(ع) وخصوصاً عندما آوي الى فراشي لأنام بحيث وصلت لمرحله اتكلم بقلبي وروحي معها باستحياء وخجل لانني مقصره كثيراً بحقها واعتذر منها برجاء وتوسل ودموع فآليت على نفسي أن ابحث وأنشأ بحثي المصغر هذا لا لشئ بل من اجل أن يكون رسالة اعتذار لها وطلبت منها ان تدعمني وتسندي وتلهمني لخدمتها فلم تقصر مولاتي فلها الشكر بعد الله أذ توفقت بكتابة قصائد لها وسأنشرها لكم إن شاء الله...
2:.السبب الثاني وهو عباره عن سؤال بعد ما بحثت واطلعت على الابحاث والروايات اثبتت كلها وجود مولاتنا لبابة في كربلاء مع بعض ابنائها بغض النظر كان واحد ام اكثر فهذا لا ينفي وجودهم
التكمله 👇
لطميه تقره بعدة اطوار للرضيع (ع)( يادم الطفل)
يادم الطفـل ماطـاح عالگــاع
من جف والده وانرفع ابساع
ــــــــــــــــــــــــــــــــــــ
ذبحوه الطفل ودمومه تجره
ما نـــزلت ابـد عالگاع قـطره
ايعين الله ابوه اشلون صبره
ولفگد الرضيع انحنت لضلاع
ــــــــــــــــــــــــــــــــــــ
على فگد الطفل الابو حزنان
صابوه بسهم ومات عطشان
ضلمه اصبحت اعليه الاكوان
للمفطوم هــذا الگلب مـــرتاع
ــــــــــــــــــــــــــــــــــــ
عبد الله بنبـل وسهام مفطوم
صابوه بحقد ياوسفه هالگـوم
گلب أمه حزين وينزف ادموم
هل ضاگت عليها كـل الوساع
ــــــــــــــــــــــــــــــــــــ
مصايب ضيگـن بيـها الوسيعه
يايوم الطفـل أعظـم فـجـيعه
مــن دم منحره هدومه نجيعه
منه أيست وكـــل الامل ضاع
ــــــــــــــــــــــــــــــــــــ
ضاع الامل منه وحارت الروح
وبين احضانها عبدالله مذبوح
تگله اگـعد ييمه فــدوه لتروح
يـهـد اجـبـال ايا يـــوم الوداع
ــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
# فزاعيه للسبي
زينب من مشت للشام
راسي مـــشه ويــــاها
انه الي كــــفلت زينب
ابو الــــكلفات المجرب
صدكوني اذا اغضب
برمـــشه افني اعداها
🔹🔹🔹🔹🔹
وينه الگال مــڰيوده
ﭼلمته اعليها مردوده
الكافل ڰطعو زنوده
ولكن راســـه يبراها
🔹🔹🔹🔹🔹
وكلمن ڰال وحــدها
وحته حرس ماعدها
بعد فنــــــه يرددها
مهيوبه يزود ولياها
🔹🔹🔹🔹🔹
مهيوبه مشت للشام
وياها الحرم والأيتام
ذلت عرش هالضلام
من اجه ايزيد حاﭼاها
🔹🔹🔹🔹🔹
جبل شامخ فلا تنهز
وكفت وكفه بيهه العز
وخلت الطاغيه يعجز
اختنه وبيهه نتباها
🔹🔹🔹🔹🔹
لبوة حيدره هايه
شجاعه بيها الكفايه
ضلت زينب حمايه
وتحامي ابيتاماها
🔹🔹🔹🔹🔹
تــــمت بقــــ✍🏻لم خادمات أهل البيت عليهم السلام
✍🏻الشـــاعره زهـــــراء الحــــــربـــــي
حســـــينيه الهــــوى
✍🏻الشــاعره سهام المـــالكـــي
لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿
/channel/ssrgk
https://vt.tiktok.com/ZSByVYUKS/
Читать полностью…
قصيدة كأني بالسان حال مولاتي زينب عليها السلام تخاطب امها فاطمه عليها السلام
(وزن فائزي )
🖊️📙
حضريني يايمه صحت زهره الزجيه
ظليت وحــــدي بالغرب محـد اليــه
❥❥❀━┅┄✿➻┈┉━❀❥❃❥❃
ظليت حرمه محيره محد بگـالي
ولياني كلها مذبحه ضلوا اگبالــي
وعليهم ادموعي دمــه يايمه هالي
حرمــه ونادي ياهلي لحگوا عليه
❥❥❀━┅┄✿➻┈┉━❀❥❃❥❃
عدوان مابيهم رحم حرگوا اخيامــي
امشي ييمه اعله الجمر ولچدم دامـي
الخيل هچمت عالحرم روعت ايتامي
وكافل ضعنه مــادره اشصار بيــــــه
❥❥❀━┅┄✿➻┈┉━❀❥❃❥❃
اتعنيت يم المشرعه مصوب لگـيتــه
ابلا جفوف ابلا نفس مــــــا عاتبيته
شفت الجسم صاير وصل دمعي هليته
وراسه انجسم نصين وجثته رميـــه
❥❥❀━┅┄✿➻┈┉━❀❥❃❥❃
هاي انــي بين الاجنبي وبغرب ديـره
أمشي وحريم الي غدت للشام أسيره
بس العليل ومحنته كلـــــــش چبيره
صد لأخوته وكــــــل هله بالغاضريه
❥❥❀━┅┄✿➻┈┉━❀❥❃❥❃
مطروح ضل اعل الترب ويلي ابو اليمه
والكون اظلم يا خلك مــــــن سال دمــه
مجــــروح جسمه والـهوا يـمه ويلجمه
عفته على الغبره بقه دمومه جـــــــريه
❥❥❀━┅┄✿➻┈┉━❀❥❃❥❃
خواني ظلو على الثرى مـــا ودعتهــم
أركضت وعثر بلولد والــــــروح يمهــم
طول الدرب ابجي وون يذبحني ونهم
مانمت طول اليل انه ذيـــــــــج المسيه
❥❥❀━┅┄✿➻┈┉━❀❥❃❥❃
تــــمت بعون الله تعالى
بقــــ✍🏻لم خـادمة االسيده رقيه عليها السلام
*الشـــاعره سهام علي المالكي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
اللهم صل على محمد وال محمد
قصيده كأني بالسان حال مولاتي زينب عليها السلام تخاطب ابيها امير المؤمنين عليه السلام
ـ❁❂❁❂❁❂❁
بويه ياعلي ٠٠٠ ما تنهض إلي
بيه مادريت ٠٠٠ للشام نسبيت
❥❥ـــــــــــــ❁❂❁❂❁❂❁ـــــــــــــ❥
اعثر بالجدم ٠٠ ٠ والحيل انهدم
بهضمي مادره ٠٠٠ سبع الگنطره
الدگالي الصدر ٠٠٠ كفال الخدر
نايم بالخلي ٠ ٠٠ بويه ياعلي
❥❥ـــــــــــــ❁❂❁❂❁❂❁ـــــــــــــ❥
مشيت اعالهزل ٠٠٠ ودموعي تهل
وصدن عالرمح ٠٠٠ أوكلبي ينجرح
ونادي يخوتي ٠٠٠ يعزي وهيبتي
ردوني الهلي. ٠٠٠ بويه ياعلي
❥❥ـــــــــــــ❁❂❁❂❁❂❁ـــــــــــــ❥
ردني للوطن ٠٠٠. تعبني الزمن
من جور العده ٠٠٠ والضيم السده
محمنيه الضهر ٠٠٠ موتني القهر
وكلبي مبتلي ٠٠٠ ٠ بويه ياعلي
❥❥ـــــــــــــ❁❂❁❂❁❂❁ـــــــــــــ❥
يحدوني الغرب ٠٠٠ اطفالي تنضرب
بسياط الزجر ٠٠٠. و باامر الشمر
ماعندك علم ٠٠٠. شبعوني شتم
وشتمو كافلي ٠٠٠ بويه ياعلي
❥❥ـــــــــــــ❁❂❁❂❁❂❁ـــــــــــــ❥
ناموا عالترب......وعيوني تصب
تـولتني الكفر .....مـنبعد الـخـدر
حـركوا الخــيم......ماضـلي زلـم
ترضاها انولي .......بـويه ياعلي
❥❥ـــــــــــــ❁❂❁❂❁❂❁ـــــــــــــ❥
بحـبل شدوني ....ولارحــموني
شاهد حالتي .....وعظم أمصبتي
تمـشي بالسبي..... . بت طه النبي
ودموعي اتهلي .....بويه ياعلي
❥❥ـــــــــــــ❁❂❁❂❁❂❁ـــــــــــــ❥
تمت بعون الله تعالى
بـ✍ــاقـ✍ــلام خـادمـات أهل البيت ع
الشاعرة سهام المالكي
والشاعرة زهراء الحربي
والملا ام زينب الواسطي
نسألكم الدعاء
بتعجيل الفرج لصاحب الزمان((عج))
غير مبري الذمه من يحذف أسماء الشاعرات وينسب الكلام له
/channel/ssrgk
قصيده الليلة الوحشه كأني بلسان حال مولاتي زينب عليها السلام
🖊️📙
وحشه هالليله يـحـيدر ياعلي
زينب اتنادي يبويه افـزع الي
❥✿•┈┈┈• • °{} • •┈┈┈•✿❥
نادت الحره ودمعهه اعله الخدود
گوم يابويه علي وشوف الحيود
حسين اشوفه عالثره وهمي يــزود
وافگدت عباس عزي اوكافلي
❥✿•┈┈┈• • °{} • •┈┈┈•✿❥
راح اخوي الگال امشي بشيمتي
نام على المشرعه وزود محنتي
خلاف عينه العده سلبوا خيمتي
راح ابو الغيره وعليه دمعي ايهلي
❥✿•┈┈┈• • °{} • •┈┈┈•✿❥
حيلي يابويه علي اليوم انهدم
من وگع اعله النهر شيال العلم
جفوفه مگطوعه ولاجف السلم
معلعله روحي على امصاب الولي
❥✿•┈┈┈• • °{} • •┈┈┈•✿❥
معلعله روحي ومحتاره ابعليل
بلاحمه ضليت والمدمع يسيل
اطفال ضاعوا مني وجلجل الليل
مادروا ابـحالي اشصايـر هلي
❥✿•┈┈┈• • °{} • •┈┈┈•✿❥
الخوه عافوني ابغربه امحيره
المن أشكي الحال وضيمي الجره
والشمر للشام اخـذني أميسره
والقهر للـــروح ساليهه ســـلي
❥✿•┈┈┈• • °{} • •┈┈┈•✿❥
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام علي المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
جديد 🔥
قصيده للخوان
بصلاة الليل زينب گعدت اتنوح
على الوليـان ونها إيطلع الروح
شافت چــم رزيه
بت حامي الحميه
على الوليان ونها إيطلع الروح
""":::""""""::::"""":::"""":::""""
تشوف احسين عالغبره مگطع
تــون وتنتحب والـعيـن تـدمع
ومتخلي الشماته الونـهـا تسمع
وگلبها من الهظم والهم تصـدع
گلبها اعليه خلصان
منها الحيل عدمان
على الوليان ونها إيطلع الروح
""":::""""""::::"""":::"""":::""""
شافت بالطفوف شگد عجايب
وحملت بت علي هـم ونوايب
اوما يمها اهـــــل كـلـها غرايب
وتحشم اخـوانها والگلب ذايب
على الغبره مطاعين
احـتارت بالنساويـن
على الوليان ونها إيطلع الروح
""":::""""""::::"""":::"""":::""""
گعدت بـــت علي ابتـــالي الليل
اصلي من جلوس وحيلها انحيل
مصاب احسين منها هدم الحيـل
نـــــــــاداها علي ودمعاته اتسيل
عمه انتــي كفيله
صرتي على العيله
على الوليان ونها ايطلع الروح
""":::""""""::::"""":::"""":::""""
عمه انتـــــي الكفيله بالنساوين
غصب بـاجر يمشوها الملاعين
بحبال العده ايشدوها الايدين
وعلى الغبره تعوف الگمر وحسين
وعگب الگمر عباس
يسبوها هالارجاس
على الوليان ونها إيطلع الروح
""":::""""""::::"""":::"""":::""""
يمشوها الحــرم مسبيه للشام
بخرابه وعالترب العيله اتنــام
ومــن الخوف تتراجف الايتـام
تبچي عالاهــل والگلب محتـام
سكنت بالخرايب
وبديــرت غرايب
على الوليان ونها إيطلع الروح
""":::""""""::::"""":::"""":::""""
تمت بعون الله تعالى
بـ✍ــاقـ✍ــلام خـادمـات أهل البيت ع
*الشاعره سهــ✍️ــام علي المالكي*
*الشاعره مريــــــ✍️ـــم الحجيمي*
لااجيز حذف اسماء الشاعرات
نسالكم الدعاء
بتعجيل الفرج لصاحب الزمان (( ع))
/channel/ssrgk
https://vt.tiktok.com/ZSBUd3B9r/
Читать полностью…
"أتيناك
نرجُوك حُسن الختام
إلهي..
لسنا على ما يُرام
على بابِ عفوك
نَحن اليتامى 💔🥹
وأنتَ اَلسَّلامُ ومنكَ السلام." واليك يعود السلام
لطميةلمصرع الأمام الحسين ( ع ) على طور ناذر سنيني
🖊️📙
يمه لحگيني ذبحوا احسيني
يــــــــزهـــــــــزاء
الگوم فجعوني بلوعه خلوني
يــــــــزهـــــــــزاء
✦•┈┈•✦ ⇞❁⇞ ✦•┈┈✦
طاح ابو اليمه ييمه اعله الوطيه
حسين ظل اعله الثره ادمومه جريه
اليوم فجعوني بمصابه يا زجيه
وبهظم. ناديت ياحامي الحميه
جثته سحگوها
اعياله روعوها
يــــــــزهـــــــــزاء
حيل اذوني
بلوعه خلوني
يــــــــزهـــــــــزاء
✦•┈┈•✦ ⇞❁⇞ ✦•┈┈✦
گبال عيني حسين مذبوح شفته
وابحوافر خيلهم داسوها جثته
رحت للكافل ملهـوفه ونـدهته
لگيته يمه امگطع ويجهر ابوتنه
اجفوفه گطعوها
وعينه صابوها
يــــــــزهـــــــــزاء
العده هظموني
بلوعه خلوني
يــــــــزهـــــــــزاء
✦•┈┈•✦ ⇞❁⇞ ✦•┈┈✦
خويه العدوان حرگوهه الخيام
وروعوهه يالولي حته الايتام
خويه والدلال صــوبوه بسهام
بحيـرتي ظليت والدنيه ظلام
لحك اعلينه
گوم حامينه
يــــــــزهـــــــــزاء
ولا يرحمـوني
بلوعه خلوني
يــــــــزهـــــــــزاء
✦•┈┈•✦ ⇞❁⇞ ✦•┈┈✦
ياكفيلي انهضنه وشوف حالي
حرم ظلينه يخـويه بغير والي
كل اخوتي امذبحه يلولي اگبالي
والشمر يزمخ عليه بصوت عالي
ودمعي هليته
راسي لطميته
يــــــــزهـــــــــزاء
بسهم صابوني
بلوعه خلوني
يــــــــزهـــــــــزاء
✦•┈┈•✦ ⇞❁⇞ ✦•┈┈✦
خويه وبنوك الهزل مجتوفه ادينه
الواطي والـداني يتفرج علينه
وتدري بسياط العده يخويه انولينه
والعليل اعله الابو ادموم عينه
مايرحمونه
الگوم أذونه
يــــــــزهـــــــــزاء
خويه شتموني
بلوعه خلوني
يــــــــزهـــــــــزاء
✦•┈┈•✦ ⇞❁⇞ ✦•┈┈✦
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام المـــالكــي
القصيده من ديوان مجالس الأتقياء في مأتم كربلاء الجزء الاول
لااجيز حذف الاسم
نسالكم الدعاء بتعجيل الفرج لصاحب الزمان ((عج ))
/channel/ssrgk
قصيدة الليلة الوداع
وزن الموشح كامل
✏️🥺
حان يم الخدر هالليله الـــــوداع
باجر مطاعين حلوين الطــــــباع
*~❁ـــــــــــــــ⇣ ৡـــــــــــــــ❁ ~*
الوداع الليله ودموعج تســـــــيل
توادعي يم عون لايخلص اللـــيل
يختي زينب يبقى وياج العلـــيل
وباجر اتشوفين عالغبره السباع
*~❁ـــــــــــــــ⇣ ৡـــــــــــــــ❁ ~*
باجر اتشوفين خــويه النايبات
وبلا خيم اعيالي يازينب تبــات
وتبقين محتاره يخـويه بالبـنات
تكثر اعليج يبت عــودي الاوجاع
*~❁ـــــــــــــــ⇣ ৡـــــــــــــــ❁ ~*
يزود خويه اعليج الهم والمصاب
اخلافي اتشوفين اهموم وعذاب
اتنام اطفالي يخويه اعله التراب
والحرم اتصير من بعدي ضياع
*~❁ـــــــــــــــ⇣ ৡـــــــــــــــ❁ ~*
الحـــرم اتضيع بأرض الطـــفوف
بعد ابو فاضل المگطوع الچفوف
من العده لوعــــات اطفالي تشـوف
الگلب مـــن الهظم خويه مرتاع
*~❁ـــــــــــــــ⇣ ৡـــــــــــــــ❁ ~*
ايروعون أطفالي باجر والخدور
وسفه والعدوان عالخــــدر تـدور
وكلهه نومه اعله الترب تبقه البدور
وبأخوج احسين تتهشم اضلاع
*~❁ـــــــــــــــ⇣ ৡـــــــــــــــ❁ ~*
*تــــمت بقــــ✍️لم خادمات أهل البيت عليهم السلام*
*الشاعره مـــريــــ✍️ــــــم الحجيمي*
*الشاعره ســـــهـــ✍️ــــــام المالكي*
لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))
http://t.me/youoo25
اللهم صل على محمد وال محمد
وزن نصاري👇🏻
اوداع الاخو يكلف ولجرح طال
وانه اودع اخوتي لذاري الرمال
▣========▣◈▣========▣
اهموم الدنيه هالصارت جثيره
وبدهري طحت والحيره حيره
تودع الناس واحد مو عشيره
وانه اظل ابدمع ومشي اسيره
مثل دمهم يسح دمع الجفن سال
اوداع الاخو يكلف والجرح طال
✍🏻الشاعره مريم العبوديه اسبرة الاحزان💔
▣========▣◈▣========▣
اودع احباب کلبي وتهمل العين
وگلبي. ياخلك مجسوم نصين
الصبر للروح اجيبه يخوتي امنين
غصب عني عفتهم ويلي الابطال
اوداع إلاخو يكلف والجرح طال
. ✍🏼ام زهراء الزيداويه البصراويه
▣========▣◈▣========▣
عليكم يخوتي ظل دمعي سجاب
اودعكم وكلبي امحمل اعتاب
عفتكم عالرمل نومه يالاحباب
تدرون الجرح يخواني ماطاب
رحت وي العده وانتم بياحال
اوداع الاخو يكلف والجرح طال
✍️الشاعره مريم الحجيمي
▣========▣◈▣========▣
على الناگه اون ولدمع هليت
وداع الله يا هلنه الوحدي ظليت
عفت الگلب يمكم وانه امشيت
اريد الموت وياكم تمنيت
ادفنت وياك حلمي وكل الامال
اوداع الاخو يكلف والجرح طال
.✍🏻الشاعره خادمة الزهراء ليلى زغيب
▣========▣◈▣========▣
رحت وي العده غصبن عليه
عگـب عباس مشوني سبيـه
وبحبال اليسر مشدوده اديه
احشم يخوتي والدمعه جربه
حالي من بعدكم يفطر الدلال
وداع الاخو يكلف ولجرح طال
✍ خادمة السيده رقيه ع الشاعره سهام المالكي
▣========▣◈▣========▣
بعد عينك يخويه انهدم حيلي
جروح البالقلب تصرخ اويلي
عيوني امساهره وما نمت ليلي
اون ونت حزن يادمعه سيلي
يا حزن العليه ايهدم الجبال
اوداع الاخو يكلف ولجرح طال
✍أزهار جبار الجياشي
▣========▣◈▣========
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
/channel/ssrgk
فزاعيه للقاسم (ع)
على طور حجت وي نحر ابنها
او ما يرد ليها ٠٠٠ رمله راح ابنها
ـــــــــــــــــــــــــــــــــــ
جـاسم راح مـنـهـا وظـلت اتنـوح
على امصابه تون والدمع مسفوح
تگـله اشلون يبني عنـــي اتــروح
وانته سلوتي اومهجت الــــروح
( اوما يرد ليها ٠٠٠ رمله راح ابنها )
ـــــــــــــــــــــــــــــــــــ
يـاسلـوة حيـاتي ونـور العـيون
تره افـراگك ييمه اعليه ميهـون
اشلون اتعوفني يولـيدي اشلون
وربـعـك يـالـولـد عنك يسألــون
( اگعد اوحاجيهم ٠٠٠ ربعك هل الاجت )
ـــــــــــــــــــــــــــــــــــ
اگعد يـالـولد مـو گلبي خلـصان
تعـال اشوف عمك يبـني حيران
ظل وحده غريب اومــاله عوان
اوكـلها امـذبحــه اگبـالــه الشبان
( ومذبحه اگباله ٠٠٠ انصاره وخوته )
ـــــــــــــــــــــــــــــــــــ
شـبان وعـلــى الـغـبــره مذابيـــح
وظل يلچم جرحهم ويلـي الريـح
وعلى امصابهــم هــالگـلب اجــريح
وين يهل المراجل گمت انه اصيح
( ياهو اليحاميها ٠٠٠ هالعيله انسبت )
ـــــــــــــــــــــــــــــــــــ
حـرم ظلت غريبه ابلايه حــمـاي
ومحـتـاره ييـمـه عـمتــك بــهـاي
بـعـد عـين الكفلها فاگده الــــراي
تصيح اگعد يعزي او نور عينــاي
( والدمعه تجريها ٠٠٠ من دم يالولد )
ـــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
من ديوان مجالس الأتقياء في مأتم كربلاء الجزء الاول
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
السؤال:يا ترى ما السبب الذي جعل على عدم ذكرهم في المجالس الحسينية في شهر محرم وخصوصا في يوم العباس(ع)..تعجبت كثيرا وتألمت لهذا الأمر أذ لم نسمع بهذا لا من ارباب المقاتل ولا شيوخ المنابر الذين يتحدثون عن واقعة كربلاء لا يذكرون زوجة العباس(ع) عندما يذكرون اسماء الحرم المخدرات مثل(رمله والرباب وليلى وسكينه ورقيه سلام الله عليهن واخريات...
ونسمع عن القاسم ابن الحسن(ع) وعن اولاد مسلم(ع) وعن علي الأكبر(ع)وعن الانصار تفصيل عن وهب وام وهب وعن الحر الرياحي وعن عابس(رضوان الله عليهم)..ولم نسمع عن ابناء او ابن حامل اللواء البطل الظرغام الذي ضرب لنا اروع الأمثال بالاخوةِ والوفاء والتضحيات والفداء وحتى لم يذكروا في رثاء..
٣:.أما السبب الثالث والأخير هو عباره عن مطلبان
المطلب الأول:اطلب من كل المراجع وبالخصوص من سماحة السيد علي الحسيني السيستاني(دام ظله)ومن كل الجهات المعنيه بهذه الامور أن تخصص وتجعل يوم معين لوفاة سيدتنا لُبابةَ زوجة العباس(ع)ليكون يوم حزن وعزاء حالها حال باقي الوفيات لنساء آل البيت عليهم السلام...وليكن هذا المطلب مطلبنا جميعاً واتمنى أن يصل هذا الجهات المعنيه
المطلب الثاني:اطلب من خدمة اهل البيت(ع)فضلا وليس أمرا الشعراء والشاعرات ان يرثوا هاتين الشخصتين زوجة وابن العباس (ع)فنحن جميعا مقصرون بحقهم
المطلب الثالث والأخير:اطلب من الرواديد والملالي النساء أن يذكروهم بمجالسهم في محرم وخصوصا في يوم العباس(ع) لأن لهم الحق علينا جميعاً
اعزائي خدمة ومحبين ابا الفضل العباس عليه السلام خدمةً للعباس وزوجته وابنائه واعتذاراً منا جميعا لتقصيرنا في حقهم عمموا هذا البحث او المنشور او الرساله او الطرح سموه ما شئتم وسجلوا موقفاً مشرفاً مع مولاتنا لُبابةَ عليها السلام وجزائكم من الله ومنها كل خير إن شاء الله
هذا والله ولي التوفيق
وفقنا الله وإياكم بهذه الخدمه المباركه ببركات مولاتنا الزهراء عليها السلام
خادمة مولاتي لُبابةَ عليها السلام وخادمتكم الأصغر شأن والاقل قدر ما بين الخدم وبكل فخر
صاحبة هذا البحث البسيط الذي عملت عليه لأيام وليالي بمجهودي الشخصي دون طلب العون من احد ولم يساعدني احد
الشاعرة أزهار جبار الجياشي
نسألكم الدعاء
بالتوفيق والقبول
ولفاتحه لروح والدي
غير مبري الذمه من يحذف اسمي وينسب بحثي هذا اليه خصيمه الله ورسوله ومولاي أبا الفضل العباس عليه السلام
/channel/azhar979
فزاعيه لعبد الله الرضيع (ع)
مذبوح الطفل هاليوم
وامه تنوح حزنانه
ـــــــــــــــــــــــــــــــ
أمـه تنوح وتنادي
يمه اعليك شسادي
يبني ومهجت افادي
لفگدك عيني عميانه
ــــــــــــــــــــــــــــــ
عميانه عليك العين
گلبي منجسم نصين
وفاجعني ييمه البين
روحي يبني خلصانه
ـــــــــــــــــــــــــــــــــــ
روحي يبني مهدومه
الفگدك بقت مالومـه
جرحي ينزف ادمومه
وليلي كــله سهرانـه
ــــــــــــــــــــــــــــــــ
سهرانه وون لـيلي
يومك ذوب ادليلي
بعدك منهدم حيلي
انوح وحيل تعبانه
ــــــــــــــــــــــــــــــــ
تعبانه واريد اربــاي
انوح اعليك يارجواي
گوم اگعد يلب حشاي
عليك الروح لهفانه
ــــــــــــــــــــــــــــــ
لهفانه وصيح بصوت
وگلبي يالولد مفتوت
اونن ونتي بسكوت
اويومك يــــمه اذانه
ــــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
نعي لعبدلله الرضيع (ع)
اووووف يمه الولد يمه
عبدالله يمه ليش غافي
يوليدي من النوم كافي
نورك عليه اليوم طافي
ـــــــ
نورك طفه ومغمض العين
محزوز يايمه الوريدين
وگلبي عليك انجسم نصين
ـــــــــــــ
ابجي ييمه وفاجده الراي
درن يعبد لله ثـداياي
يالمنذبح ماضايگ الماي
ـــــــ
عبدالله يمه ماي العيون
عليك الگلب يالولد محزون
حرموني منك لمايرحمون
ـــــ
حرموني من وليدي اليوم
وبنبله ويلي صابته الگوم
ضلن ييمه بـــس الهدوم
ـــــــ
بس الهدوم ومهد خالي
اگعد ييمه وشوف حالي
بعدك صفت ضلمه الليالي
ــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk