6878
امتدادي من السيده شريفه بنت الحسن ع
اللهم صل على محمد وال محمد
وزن نصاري👇🏻
اوداع الاخو يكلف ولجرح طال
وانه اودع اخوتي لذاري الرمال
▣========▣◈▣========▣
اهموم الدنيه هالصارت جثيره
وبدهري طحت والحيره حيره
تودع الناس واحد مو عشيره
وانه اظل ابدمع ومشي اسيره
مثل دمهم يسح دمع الجفن سال
اوداع الاخو يكلف والجرح طال
✍🏻الشاعره مريم العبوديه اسبرة الاحزان💔
▣========▣◈▣========▣
اودع احباب کلبي وتهمل العين
وگلبي. ياخلك مجسوم نصين
الصبر للروح اجيبه يخوتي امنين
غصب عني عفتهم ويلي الابطال
اوداع إلاخو يكلف والجرح طال
. ✍🏼ام زهراء الزيداويه البصراويه
▣========▣◈▣========▣
عليكم يخوتي ظل دمعي سجاب
اودعكم وكلبي امحمل اعتاب
عفتكم عالرمل نومه يالاحباب
تدرون الجرح يخواني ماطاب
رحت وي العده وانتم بياحال
اوداع الاخو يكلف والجرح طال
✍️الشاعره مريم الحجيمي
▣========▣◈▣========▣
على الناگه اون ولدمع هليت
وداع الله يا هلنه الوحدي ظليت
عفت الگلب يمكم وانه امشيت
اريد الموت وياكم تمنيت
ادفنت وياك حلمي وكل الامال
اوداع الاخو يكلف والجرح طال
.✍🏻الشاعره خادمة الزهراء ليلى زغيب
▣========▣◈▣========▣
رحت وي العده غصبن عليه
عگـب عباس مشوني سبيـه
وبحبال اليسر مشدوده اديه
احشم يخوتي والدمعه جربه
حالي من بعدكم يفطر الدلال
وداع الاخو يكلف ولجرح طال
✍ خادمة السيده رقيه ع الشاعره سهام المالكي
▣========▣◈▣========▣
بعد عينك يخويه انهدم حيلي
جروح البالقلب تصرخ اويلي
عيوني امساهره وما نمت ليلي
اون ونت حزن يادمعه سيلي
يا حزن العليه ايهدم الجبال
اوداع الاخو يكلف ولجرح طال
✍أزهار جبار الجياشي
▣========▣◈▣========
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
/channel/ssrgk
فزاعيه للقاسم (ع)
على طور حجت وي نحر ابنها
او ما يرد ليها ٠٠٠ رمله راح ابنها
ـــــــــــــــــــــــــــــــــــ
جـاسم راح مـنـهـا وظـلت اتنـوح
على امصابه تون والدمع مسفوح
تگـله اشلون يبني عنـــي اتــروح
وانته سلوتي اومهجت الــــروح
( اوما يرد ليها ٠٠٠ رمله راح ابنها )
ـــــــــــــــــــــــــــــــــــ
يـاسلـوة حيـاتي ونـور العـيون
تره افـراگك ييمه اعليه ميهـون
اشلون اتعوفني يولـيدي اشلون
وربـعـك يـالـولـد عنك يسألــون
( اگعد اوحاجيهم ٠٠٠ ربعك هل الاجت )
ـــــــــــــــــــــــــــــــــــ
اگعد يـالـولد مـو گلبي خلـصان
تعـال اشوف عمك يبـني حيران
ظل وحده غريب اومــاله عوان
اوكـلها امـذبحــه اگبـالــه الشبان
( ومذبحه اگباله ٠٠٠ انصاره وخوته )
ـــــــــــــــــــــــــــــــــــ
شـبان وعـلــى الـغـبــره مذابيـــح
وظل يلچم جرحهم ويلـي الريـح
وعلى امصابهــم هــالگـلب اجــريح
وين يهل المراجل گمت انه اصيح
( ياهو اليحاميها ٠٠٠ هالعيله انسبت )
ـــــــــــــــــــــــــــــــــــ
حـرم ظلت غريبه ابلايه حــمـاي
ومحـتـاره ييـمـه عـمتــك بــهـاي
بـعـد عـين الكفلها فاگده الــــراي
تصيح اگعد يعزي او نور عينــاي
( والدمعه تجريها ٠٠٠ من دم يالولد )
ـــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
من ديوان مجالس الأتقياء في مأتم كربلاء الجزء الاول
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
السؤال:يا ترى ما السبب الذي جعل على عدم ذكرهم في المجالس الحسينية في شهر محرم وخصوصا في يوم العباس(ع)..تعجبت كثيرا وتألمت لهذا الأمر أذ لم نسمع بهذا لا من ارباب المقاتل ولا شيوخ المنابر الذين يتحدثون عن واقعة كربلاء لا يذكرون زوجة العباس(ع) عندما يذكرون اسماء الحرم المخدرات مثل(رمله والرباب وليلى وسكينه ورقيه سلام الله عليهن واخريات...
ونسمع عن القاسم ابن الحسن(ع) وعن اولاد مسلم(ع) وعن علي الأكبر(ع)وعن الانصار تفصيل عن وهب وام وهب وعن الحر الرياحي وعن عابس(رضوان الله عليهم)..ولم نسمع عن ابناء او ابن حامل اللواء البطل الظرغام الذي ضرب لنا اروع الأمثال بالاخوةِ والوفاء والتضحيات والفداء وحتى لم يذكروا في رثاء..
٣:.أما السبب الثالث والأخير هو عباره عن مطلبان
المطلب الأول:اطلب من كل المراجع وبالخصوص من سماحة السيد علي الحسيني السيستاني(دام ظله)ومن كل الجهات المعنيه بهذه الامور أن تخصص وتجعل يوم معين لوفاة سيدتنا لُبابةَ زوجة العباس(ع)ليكون يوم حزن وعزاء حالها حال باقي الوفيات لنساء آل البيت عليهم السلام...وليكن هذا المطلب مطلبنا جميعاً واتمنى أن يصل هذا الجهات المعنيه
المطلب الثاني:اطلب من خدمة اهل البيت(ع)فضلا وليس أمرا الشعراء والشاعرات ان يرثوا هاتين الشخصتين زوجة وابن العباس (ع)فنحن جميعا مقصرون بحقهم
المطلب الثالث والأخير:اطلب من الرواديد والملالي النساء أن يذكروهم بمجالسهم في محرم وخصوصا في يوم العباس(ع) لأن لهم الحق علينا جميعاً
اعزائي خدمة ومحبين ابا الفضل العباس عليه السلام خدمةً للعباس وزوجته وابنائه واعتذاراً منا جميعا لتقصيرنا في حقهم عمموا هذا البحث او المنشور او الرساله او الطرح سموه ما شئتم وسجلوا موقفاً مشرفاً مع مولاتنا لُبابةَ عليها السلام وجزائكم من الله ومنها كل خير إن شاء الله
هذا والله ولي التوفيق
وفقنا الله وإياكم بهذه الخدمه المباركه ببركات مولاتنا الزهراء عليها السلام
خادمة مولاتي لُبابةَ عليها السلام وخادمتكم الأصغر شأن والاقل قدر ما بين الخدم وبكل فخر
صاحبة هذا البحث البسيط الذي عملت عليه لأيام وليالي بمجهودي الشخصي دون طلب العون من احد ولم يساعدني احد
الشاعرة أزهار جبار الجياشي
نسألكم الدعاء
بالتوفيق والقبول
ولفاتحه لروح والدي
غير مبري الذمه من يحذف اسمي وينسب بحثي هذا اليه خصيمه الله ورسوله ومولاي أبا الفضل العباس عليه السلام
/channel/azhar979
فزاعيه لعبد الله الرضيع (ع)
مذبوح الطفل هاليوم
وامه تنوح حزنانه
ـــــــــــــــــــــــــــــــ
أمـه تنوح وتنادي
يمه اعليك شسادي
يبني ومهجت افادي
لفگدك عيني عميانه
ــــــــــــــــــــــــــــــ
عميانه عليك العين
گلبي منجسم نصين
وفاجعني ييمه البين
روحي يبني خلصانه
ـــــــــــــــــــــــــــــــــــ
روحي يبني مهدومه
الفگدك بقت مالومـه
جرحي ينزف ادمومه
وليلي كــله سهرانـه
ــــــــــــــــــــــــــــــــ
سهرانه وون لـيلي
يومك ذوب ادليلي
بعدك منهدم حيلي
انوح وحيل تعبانه
ــــــــــــــــــــــــــــــــ
تعبانه واريد اربــاي
انوح اعليك يارجواي
گوم اگعد يلب حشاي
عليك الروح لهفانه
ــــــــــــــــــــــــــــــ
لهفانه وصيح بصوت
وگلبي يالولد مفتوت
اونن ونتي بسكوت
اويومك يــــمه اذانه
ــــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
نعي لعبدلله الرضيع (ع)
اووووف يمه الولد يمه
عبدالله يمه ليش غافي
يوليدي من النوم كافي
نورك عليه اليوم طافي
ـــــــ
نورك طفه ومغمض العين
محزوز يايمه الوريدين
وگلبي عليك انجسم نصين
ـــــــــــــ
ابجي ييمه وفاجده الراي
درن يعبد لله ثـداياي
يالمنذبح ماضايگ الماي
ـــــــ
عبدالله يمه ماي العيون
عليك الگلب يالولد محزون
حرموني منك لمايرحمون
ـــــ
حرموني من وليدي اليوم
وبنبله ويلي صابته الگوم
ضلن ييمه بـــس الهدوم
ـــــــ
بس الهدوم ومهد خالي
اگعد ييمه وشوف حالي
بعدك صفت ضلمه الليالي
ــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
*قصيده العبدالله الرضيع (ع ).لسان حال امه*
مصيوب الولد جابو الي بدمه
جابـه للخيم مذبوح ابو اليمه
•┈❅::::::::- 《》-:::::::: ❅┈•
• • ✭ • •
جابه للخيم ياويلي مذبوح
من نحره اشوف الدمه مسفوح
عليه ايون دليلي ليوم مجروح
الدنيا لفگده صارت مضلمه
•┈❅::::::::- 《》-:::::::: ❅┈•
• • ✭ • •
شلون تنام عيني وبني ماهوه
مـر فرگاك يمه يالجنت سلوه
ودونك العمر عبدالله مايسوه
عمـتك تـبجي عليك مألمه
•┈❅::::::::- 《》-:::::::: ❅┈•
• • ✭ • •
زغير هالولد ياويلي ذبــحوا
وابسهم الغـدر العده صــابوا
عطشان الولد من لماي حرموا
شابجه العشره عليه ولاطمه
•┈❅::::::::- 《》-:::::::: ❅┈•
• • ✭ • •
انوح عليك يمه اصيح يبني
يومك. يلولد عبدالله شيبني
سهرانه ليلي وما بطل ونــي
بگلبي يعبد الله نيران الضمه
•┈❅::::::::- 《》-:::::::: ❅┈•
• • ✭ • •
اگعــد يلولــد يـامـاي عيـناي
عالفراگك ييمه نشده كل راي
الك درن يعبدلله ثدايـــــــاي
اجيـت المهـدك ييــمه هايمه
•┈❅::::::::- 《》-:::::::: ❅┈•
• • ✭ • •
اذاني امصابك يالزغـيرون
وعدوانك ييمه ما يرحمون
شلون انساك يوليدي اشلون
ريت گبل يومك اعيوني لعمه
•┈❅::::::::- 《》-:::::::: ❅┈•
• • ✭ • •
◐❁💔❁◐••
تمت بعون الله تعالى
بـ✍ــاقـ✍ــلام خـادمـات أهل البيت ع
✍الشاعره حوراء الكناني
✍والشاعره سهام المالكي
لااجيز حذف اسماء الشاعرات
نسالكم الدعاء
بتعجيل الفرج لصاحب الزمان (( ع))
/channel/ssrgk
لطميه ثقيله لعبد الله الرضيع (ع) (اسمع ونها)
اسمع ونها ٠٠ اسمع ونها
عبدالله امك اسمع ونها
ــــــــــــــــــــــــــــــــــــ
تناديك اگـعـدلي يعيوني
بيك الاعادي فجعونـــي
مهظومه أنحب خلونـــي
وبروحي سهامك صابنها
اسمع ونها ٠٠ اسمع ونها
عبدالله امك اسمع ونهـا
ــــــــــــــــــــــــــــــــــــ
اگـعــد الأمــك نـاغـيها
شوف شصاير بعدك بيها
ومصابك حيل امــأذيهـا
ودمعات الحزن اعمنها
اسمع ونها ٠٠ اسمع ونها
عبدالله امك اسمع ونها
ــــــــــــــــــــــــــــــــــــ
ظلت حزنانه من بعدك
تبچي ومگابلته المهـدك
ومشتاگه الشمت خدك
جروحك يصغير جرحنها
اسمع ونها ٠٠ اسمع ونهـا
عبدالله امك اسمع ونهــا
ــــــــــــــــــــــــــــــــــــ
منك حرموها يامظلوم
وتشكي للواحد القيّوم
من فعل السوته الگوم
وبهم وبحسـره خلـــنها
اسمع ونها ٠٠ اسمع ونها
عبدالله امك اسمع ونها
ــــــــــــــــــــــــــــــــــــ
رادتـك بس تبقــه وياهـا
وتشاركها ابـهــــم دنياها
تمسح دمعـات ابعيناهـا
والحمل انته اتشيله عنها
اسمع ونها ٠٠ اسمع ونها
عبدالله امك اسمع ونها
ــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
من ديوان مجالس الأتقياء في مأتم كربلاء الجزء الثالث
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
فزاعيه المسلم أبن عقيل (ع)
مسلم سلم اعله احسين
ساعـــات الـــــوداعيــه
ـــــــــــــــــــــــــــــــــــ
من عالي سطح سلم
گلبه اعله الولي امألم
ويــدري بيه ما يسلم
وغداره بنـي ميـــــه
ــــــــــــــــــــــــــــــــ
غــداره وسف هالگوم
خانت مسلم الجيدوم
وجرو بالحـبل هاليـوم
وظــلـت جثته مرميه
ــــــــــــــــــــــــــــــــــ
ظلت عالارض جـثته
ابحاله مــــا درت بته
تبجي اعليه رايتــــه
دموع العين مجـريه
ــــــــــــــــــــــــــــــــــ
لفراگـــه تهـــــل العـــين
تسئل عنه عمها احسين
تگله والــــــــدي جاوين
مشتــــاگه المحاجـــيه
ــــــــــــــــــــــــــــــــــ
روحي الوجه مشتاگه
وناره بگلبي حراگـــه
يمته اويــــاه نتلاگـــه
ونگعد كلنه ابفيـــــــه
ــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
لطميه العلي الأكبر ( ع)( لو يالولد ناسيني)
وصيت بيه من رحت
لـــو يالـولـــد ناسيني
ــــــــــــــــــــــــــــــــــ
هداني فگدك يالولد
بسهام صابالي الجبد
ماعيش يالاكبر بعد
اعليك الدمع عاميني
ــــــــــــــــــــــــــــــــــــ
اعليك عيني مــاغفت
وهمـوم بغيابك شـفت
ياريت وي موتك متت
يوليدي ياضـي عينــي
ــــــــــــــــــــــــــــــــــــ
يولـيدي افراگك صعب
اشلون اصبــر هالگلب
وعليك دمعاتـي تصـب
وحيـل البعـد ياذينـــي
ــــــــــــــــــــــــــــــــــــ
ياذيني فگـدك يالـولي
بعدك يالاكبر منهو الي
ياهـو اليشيله محملـي
اگعد الـــي وحاجيني
ــــــــــــــــــــــــــــــــــــ
اگعدلي يبعد رويحتي
ياعلـي انتـه سلـوتــــي
خـلافـك ظلمه دنيتــي
وشلون اگضي اسنيني
ــــــــــــــــــــــــــــــــــــ
أگضي العمـر امرمــره
ما انسه يايمـه الجـره
نارك ابروحي امسعره
ومـا ابطـله اونينـــــي
ــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
من ديوان مجالس الأتقياء في مأتم كربلاء الجزء الثالث
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
لطميه العلي الاكبر ( ع)
ياشبيه المصطفى خـــير البشر
وسفه جسمك ياعلي صاير وذر
✰───✰◐►()◄◐✰───✰
وسفه جسمك ياعلي اعله الترب
وعالارض ادماك يالاكبر تصــــب
على ابوك اليوم هل موقف صعب
اعينه الله اشلـون دلاله صبــــر
✰───✰◐►()◄◐✰───✰
الله اعينه مـــــن شاف السهم
ومحني ياويلي جابـــك للخيم
وعلى مصابك حيله اليوم أنهدم
وبدليــله يستعــــر ضل الجمر
✰───✰◐►()◄◐✰───✰
جمـرة الدلال مـــا تبـــــرد بعد
اعليك يالاكبـــــر ممرود الچبد
صابك الملعون ياحيف ابحقـد
او عمتك ام عون ضلت بالقهر
✰───✰◐►()◄◐✰───✰
عمتك ام عون تبچـــي امألـــمـه
شابجه العشره وعلى الخد لاطمه
تنادي والدمعات تهمل من دمـــــه
ياعلي يـــــومك كاسرلي الضـهر
✰───✰◐►()◄◐✰───✰
جرح يومك ياعلي لا ما يطـيب
ابقه دوم ابهظم والالام ونحيب
شلون وجهك عني يالاكبر يغيب
حاربـــانـي بيـــك يـــايمه الدهر
✰───✰◐►()◄◐✰───✰
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
فزاعيه مزدوجه بهوسات للعليله ( ع)
عليله والمرض يابويه هداني
بسهام الهجر والدهر صاباني
""":::""""""::::"""":::"""":::""""
عليله والهجر ايهدم الـــروح
ويخلي الدمع يلوالي مسفوح
ويترك بالگلب اهموم وجروح
يالغالي غيابك غير الوانـــــي
( مهظومه // الروح اعليكم )
""":::""""""::::"""":::"""":::""""
مهظوم الگلب يوم المشيتـو
بحالي اشصار يهلي مادريتو
اوياكم حيلي يعزازي خذيتو
وفوگ افراگم هالــدهر اذاني
( تدروني // مااحمل فرگه)
""":::""""""::::"""":::"""":::""""
تدروني عليله ومحمل اغياب
لجيتكم تحن روحي يالطياب
تبقه امناطره عيني على الباب
حيلي منهدم او زايده حزاني
(حزنانه // ظليت بدارك)
""":::""""""::::"""":::"""":::""""
مهظومه وون ظليت بالدار
منك مالفت يالغايب اخــبار
بيه مادريت اشصار مـا صار
فراگك هدماني وذبل اغصاني
(ومشتاگه // الوجهك بويه)
""":::""""""::::"""":::"""":::""""
عنت شوفتك بـــــويه عليه
يمته مـن السفر ترجع اليــه
وترد اوياك اسكينه ورقيــه
وبايدك تنشف دمعة اجفاني
( تشفيها //العله ابجيتك)
""":::""""""::::"""":::"""":::""""
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
فزاعيه مزدوجه بهوسات للقاسم ابن الحسن (ع)
زيدي النوح يارمله والــونين
ابنج صابته اسيوف الملاعين
""":::""""""::::"""":::"""":::""""
جاسم طاح يـارمله على الغبره
وخيول الاعـادي هشمت صدره
عليه حسين عمه منحني ضهره
شال ابنج يرمله وغمضت العين
(( امطبر جسمه // وبلگوه ايشيله ))
""":::""""""::::"""":::"""":::""""
جـــــــابه ومدده مابين الحباب
ون اعليه ودمع العين سجاب
عمه حسين ينده ڰــومو يطياب
امغمض العين ومسبل اليـديـن
(( خلاه بالخيمه //وون اعليه ))
""":::""""""::::"""":::"""":::""""
لفتله عَمِـتَه والعــيـن هـمـــالــه
گلي يبو اليمه جاسم اشحالــه
امدد شافته ومگطع اوصـالـــه
بعمد راسه تهشم منجسم نصين
(( هد حيلي // امصاب القاسم))
""":::""""""::::"""":::"""":::""""
علــيه التمـــــن ابــلهفـــه الفواطم
شافنه ابدمـــه امـغســل ونايـــــم
ابهظم صاحن وا ويلي على القاسم
عمت عين المنيه التاخذ الحلـــوين
(( من اخضابه // عريس اتحنه))
""":::""""""::::"""":::"""":::""""
من خضابه تحـنه جاسم اليــوم
ظل اعله الارض سابح بالـــدموم
ومتغيره يـوسفه ذيج الرســـوم
(( وسفه اعليه // المات امحسر ))
""":::""""""::::"""":::"""":::""""
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
https://youtu.be/wB3xLcrGhaY?si=2TsNuq4tRtFYQx80
Читать полностью…
#قصيدة للقاسم عليه السلام
ودعتك وروحـي طلعت
جسام وياك....جسام وياك
لاتضن ياريــع الڱلب
لحظات انساك...لحضات انساك
✿┈┈◉┅🖤┅◉┈┈✿
ودعتك وگلبي نزف من دم ياغــالي
رايح يفرحة ناضري ومحد بڰــالي
اعتب عليك ومن يرد يمه سوالي
حته حمام لدوح هم حن اعله حالي
بهدوة الليل انه اندبك
ارجع لي ارجاك... ارجع لي ارجاك
لاتضن ياريــع الڱلب
لحظات انساك...لحظات انساك
✿┈┈◉┅🖤┅◉┈┈✿
وشلون انسه الي سكن روحي وحـياتي
والـﭼـان للـعيـوني نـظـرها و ٲمنيــــاتي
مـاانسه شخصك يـالولـد والله لمماتي
عـالـبـال ٲَصَـورك بـقـن غـيـرن صفاتي
بداعتي يمه احلفك
ما ٲَحَمل اجفاك .... ماٲَحَمل اجفاك
لاتضن ياريع الگلب
لحظات انساك .... لحظات انساك
✿┈┈◉┅🖤┅◉┈┈✿
حلـفتك ابداعتي ارجـــــــع لي ييــمه
الفراڱ اذاني وعشت كل يوم هظمه
دنـياي من بعدك يجاسم والله ظـــلمه
وانــــه متعـــــوده الصبح نحرك اشمه
من وَادعيتك دَمعت
عيني اعله فرڰاك ...عيني اعله فرڰاك
لا تضن يا ريع الگلب
لحظات انساك....لحضات انساك
✿┈┈◉┅🖤┅◉┈┈✿
مـن يـوم هـجرك ساهرت مانـمت لـحظات
مفــــجوع ڰلبي و مـااصدڰ بالــــولد مات
حســــره يضل ذاك العرس طفوا الشمعات
من دم وريــــدك حنتك يالـــف وســـفات
بدال العرس بجنازتك
فجعوني اعداك... فجعوني اعداك
لا تضن يا ريع الگلب
لحظات انساك....لحضات انساك
✿┈┈◉┅🖤┅◉┈┈✿
يالرحت عنـــي يألوليد وعفت عرسك
دعيت الرده يوسف ليعقوب يحــرسك
بيك الڰلب يبتشر من يسمـــعه لحسك
ماحسبت جاسم ييمـــه اجفان البسـك
حاربني يايمه الزمن
ومن أيدي اخذاك ٠٠٠ من ايدي أخذاك
لاتضن ياريع الكلب
لحضات أنساك ٠٠٠ لحضات أنساك
✿┈┈◉┅🖤┅◉┈┈✿
تــــمت بقــــ✍🏻لم خادمات أهل البيت عليهم السلام
✍🏻الشـاعره زهـــراء الحـــربـــي
✍🏻الشـاعـره والـمـلـه مــهــا الـخـيكـانــي
✍🏻الشـــاعره تبـــارك العــفراوي
✍🏻الشاعره والمـلا ام زينب الواسطي💔
✍🏻الشاعره سهام المالكي
لا أجيز من يحذف اسم الشاعرات أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿
/channel/ssrgk
لطمية الصينية القاسم أبن الحسن ( ع)
🖊️📙
هاي صينيتك يعريس الطفوف
نشيله اعالروس بالمجلس نطوف
•┈❅::::::::- 《💧》-:::::::: ❅┈•
الك ياجسام اشعلنه الشموع
ونبجي لمصابك ونهل الدموع
ويه كل شمعه يجاسم من تموع
وبالدمه أتحنت هليله الجفوف
•┈❅::::::::- 《💧》-:::::::: ❅┈•
الليله ياجسام بسمك هالعـزاء
ونـذكر امصابك الصار بكربلاء
ياشباب المثلك اتحـنه بدماء
انصبت يا مظلوم بطعن السيوف
•┈❅::::::::- 《💧》-:::::::: ❅┈•
امصوب العريس عمه جابـــه
وأمه مفجوعه وتشد بصوابــه
تصيـح نـــارك يالولــد لهابــــه
ريت عميانه ولاجرحك اشوف
•┈❅::::::::- 《💧》-:::::::: ❅┈•
آه ياشبل الحسن يايــومــه
حيف صارت زفتـه بالحــومه
بالثـره متغيره ويلي رســومه
اوف عالمدلول وشتنفع الاوف
•┈❅::::::::- 《💧》-:::::::: ❅┈•
محزونه يمدللي اعليك الشباب
الليله مهضومه وتبجي عالمصاب
آه يبني من طحت فوگ التراب
وبقه عمك وحده مابين الالوف
•┈❅::::::::- 《💧》-:::::::: ❅┈•
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
فزاعيه للوداع
▣——●•✿✿•●––▣
شلون اوداع يازينب
أبن امج تودعينه
▣——●•✿✿•●––▣
هايه اخــر لليله اوياه
ابو اليمه صعب فرگاه
اتودعينه ويهل عينـاه
عليكم يچـلب اونينـه
▣——●•✿✿•●––▣
يجر اعليكم الحسرات
وعيونه تصب دمعـات
ايودع ويلي البنيــــات
وناده وينهه اسكينــــه
▣——●•✿✿•●––▣
سكينه تودع الوالي
تگله منهوا يبرالـــي
ذايب بويه دلالـــــي
فراگك والله ياذينه
▣——●•✿✿•●––▣
باجر راسك اعالرمـــاح
ويصير الفزع وصيـــاح
كلها صيح ابوجن طاح
صابــوا ويــلي اجبينه
▣——●•✿✿•●––▣
اتسيل ادماء عالتربان
وگلبي بالحرم حيران
اضلن حايره بصبيـان
اصيحن وينه والينـه
▣——●•✿✿•●––▣
نايم ويلي عالغبــــره
جسمه بي الف طبره
وانه بگلبي العبـــــره
راسه العده مصوبينه
▣——●•✿✿•●––▣
تمت بعون الله تعالى
بـ✍ــاقـ✍ــلام خـادمـات أهل البيت ع
*الشاعره سهــــــ✍️ــــام المالكي*
*الشاعره مريــــــ✍️ـــم الحجيمي*
لااجيز حذف اسماء الشاعرات
نسالكم الدعاء
بتعجيل الفرج لصاحب الزمان (( ع))
/channel/ssrgk
لطميه للقاسم ابن الحسن ( ع)
كأني بالسان حال والدتهُ رمله (ع)
تمنيت العرس يكمل
وبيك افرح واتامل
اعيشن يابدر سعدي
وشيلنهم ولــد ولدي
تمنيت العرس يكمل
:::""""""::::"""":::"""":::""""
يثمره من الحسن ورده
اريدن تعبي اتـــــــرده
گلبي غيــرك اشعنــــده
دخيلك حلمــي لتهـــده
يجاسم يمه يمكــــــمل
:::""""""::::"""":::"""":::""""
يجاسم يانضر عينـــي
اصيحن يبني حاچيني
لتـروح وتـــخليـــــــني
اغيابك تدري ياذيـنــي
وگلبي يمه مــايحمــل
:::""""""::::"""":::"""":::""""
گلـبي يــالـولـد متعـوب
بسهام الـــدهر مصيوب
ياجـاسم الــروح اتلوب
على فگدك تون وتذوب
ييمه والـــــــدمع يهمل
:::""""""::::"""":::"""":::""""
يبني وسلوتي بدنيـاي
ياروحي ونضر عينـاي
تمنيتك تـظـل ويـــاي
ولا ترحل يبعد احشاي
يبـن الحسـن يـمعـدل
:::""""""::::"""":::"""":::""""
يبن الحسن يـالـغالــي
عليك نفطر دلالـــي
دمعي بغيبتك هالـــي
ولجلك منشده بـالـي
ابد وجهك فـلا ينمل
:::""""""::::"""":::"""":::""""
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
بسم الله الرحمن الرحيم
وبه نستعين
ولا يحلوا الذكر إلا بالصلاة على محمد وآل محمد الطيبين الطاهرين
اللهم صل على محمد وآل محمد وعجل فرجهم وفرجنا بهم
المقدمه:
إلى جميع الموالين والمحبين وخدام اهل البيت عليهم السلام...أقدم بين أيديكم بحثي المصغر والبسيط هذا وادعوا الله لي ولكم بالتوفيق
عنوان البحث( الجانب الآخر لحياة أبا الفضل العباس عليه السلام ) وهذا الجانب هو زوجته واولاده وفيه بعض الحقائق المرتبطه بجانبه الأول والذي يخص كيف ولد وكيف ربته أمه أم البنين(ع) على أن يكون خادم لأبناء مولاتنا الزهراء( ع) وعن شجاعته وبطولاته وغيرته وكيف اصبح كفيل لأخته الحوراء زينب(ع) وإلى يوم كربلاء وما قام به من تضحية وفداء حتى نال الشهاده وشرح كيفية قتله مع الاختلاف بأقوال المؤرخين والآراء والروايات والبحوث ولكن كل هذا لا ينفي وجود زوجته واولاده...
ما رأيته وأنا ابحث بهذا الموظوع آلمني كثيراً لسببين الأول: بأن زوجته كانت موجوده في واقعة الطف مع بنات الرساله الفاطميات. والسبب الثاني أن للعباس(ع) اولاداً استشهدوا في كربلاء...وقد يكون الكثير منا لا يعرف هذا لأننا لم نسمع به في المجالس في شهر محرم من قبل خطبائنا وشيوخ المنابر وخصوصاً في يوم العباس(ع)وسأذكره لكم بأختصار إن شاء الله
على بركة الله ابدأ
1:من هي زوجة العباس(ع)..هي السيدةُ الجليله لُبابة بنت عبيد الله بن العباس بن عبد المطلب وكانت من سيدات عصرها وافضلهن نسباً وعفه وتنتمي إلى البيت الهاشمي اي انها هاشميه والزوجه الوحيده للعباس(ع) وكان لها دوراً في كربلاء وقفت مع زوجها موقفاً شجاعاً وساندته وبقت معه وهو يرفع لواء الثوره الحسينيه راية الايمان والعزةِ والفداء..واستمرت تقارع السلطه وقاسمت مولاتنا زينب(ع) المصائب والآلام وشاركت بنات الرساله برحلة السبي المؤلمه من كربلاء الى الشام وثم العوده الى المدينه وقضت سنتين بعد استشهاد العباس(ع) وكان لها عويل وبكاء خاص بين النساء فكانت تبكي ليلها ونهارها حتى اشتد عليها المرض وماتت سلام الله عليها وكان عمرها الشريف ٢٥ سنه وفي روايه اخرى ٢٨ سنه فكانت وفاتها سنة(٦٣هج) ولم يذكر اليوم والشهر روحي لها الفداء ويعتقد انها دفنت في المدينه المنوره مع نساء الحسين عليه السلام...
2:من هم أبناء العباس(ع):.هنا تضاربت واختلفت الآراء والاحاديث والابحاث والروايات وحتى المؤرخين عن عدد ابنائه وكأنه صعبٌ مستصعب فيا للعجب وكل العجب فهل يعقل ان لا يعرف عن العباس(ع) هذا الجانب وهو ولد وترعرع ونشأ وكبر في بيت الوحي والنبوه مع الأئمه المعصومين فلماذا كل هذه الاختلافات في عدد ابنائه سؤال يطرح نفسه...المهم بعض العلماء والنسابين وبعض المؤرخين يقولون ولد واحد وهو(عبيد الله) وآخر يقول اسمه ( القاسم) بينما تذكر مصادر اخرى هم ( الفضل وعبيد الله)ويذكر البعض (خمسة اولاد وبنت)وهم(الفضل وعبيد الله والحسن والقاسم ومحمد)ولم يذكروا اسم البنت...ولكن استوقفني أمر عندما بحثت في روايات الإمام زين العابدين(ع) التي ذكرت اسم زوجة العباس(ع)وابنائه.ذكرت بعض هذه الروايات اسم زوجته كما نوهنا عنه وله خمسة اولاد وبنت وهم( الفضل وعبيد الله والمحسن والقاسم ومحمد وصفيه)ويذكر إن القاسم استشهد في كربلاء
اما ما ذكره ابو اسحاق في نور العِين ص ٢٠...إن بعد نداء الحسين(ع)عندما ظل وحيدا بعد شهادة اخيه العباس(ع)خرج اليه غلامان من الخيمه احدهما محمد والثاني اخوه القاسم اولاد العباس وهما يقولان لبيك يا مولانا فقال كفى قتل والدكما فقالا لا والله يا عماه بل انفسنا لك الفداء فأذن لهما بالبراز فقاتلا حتى استشهدا..تمت
اعزائي هدفي من هذا البحث لا أريد أن اكون باحثه بل من اجل ان يتسلط الضوء على شخصيات بطوليه وبارزه في واقعة الطف تخص مولانا ابا الفضل العباس عليه السلام..وايظا هذا حالي عندما اكتب قصائدي لا اكتبها اعتباطا وبدون علم ومعرفه... وسنأتي للاسباب التي دفعتني للبحث في هذا الموظوع...
1:السبب الأول وهو من قبل فتره ما يقارب الشهر وأنا يدور في فكري وتفكيري ليلاً ونهاراً مولاتي لُبابةَ(ع) وخصوصاً عندما آوي الى فراشي لأنام بحيث وصلت لمرحله اتكلم بقلبي وروحي معها باستحياء وخجل لانني مقصره كثيراً بحقها واعتذر منها برجاء وتوسل ودموع فآليت على نفسي أن ابحث وأنشأ بحثي المصغر هذا لا لشئ بل من اجل أن يكون رسالة اعتذار لها وطلبت منها ان تدعمني وتسندي وتلهمني لخدمتها فلم تقصر مولاتي فلها الشكر بعد الله أذ توفقت بكتابة قصائد لها وسأنشرها لكم إن شاء الله...
2:.السبب الثاني وهو عباره عن سؤال بعد ما بحثت واطلعت على الابحاث والروايات اثبتت كلها وجود مولاتنا لبابة في كربلاء مع بعض ابنائها بغض النظر كان واحد ام اكثر فهذا لا ينفي وجودهم
التكمله 👇
لطميه تقره بعدة اطوار للرضيع (ع)( يادم الطفل)
يادم الطفـل ماطـاح عالگــاع
من جف والده وانرفع ابساع
ــــــــــــــــــــــــــــــــــــ
ذبحوه الطفل ودمومه تجره
ما نـــزلت ابـد عالگاع قـطره
ايعين الله ابوه اشلون صبره
ولفگد الرضيع انحنت لضلاع
ــــــــــــــــــــــــــــــــــــ
على فگد الطفل الابو حزنان
صابوه بسهم ومات عطشان
ضلمه اصبحت اعليه الاكوان
للمفطوم هــذا الگلب مـــرتاع
ــــــــــــــــــــــــــــــــــــ
عبد الله بنبـل وسهام مفطوم
صابوه بحقد ياوسفه هالگـوم
گلب أمه حزين وينزف ادموم
هل ضاگت عليها كـل الوساع
ــــــــــــــــــــــــــــــــــــ
مصايب ضيگـن بيـها الوسيعه
يايوم الطفـل أعظـم فـجـيعه
مــن دم منحره هدومه نجيعه
منه أيست وكـــل الامل ضاع
ــــــــــــــــــــــــــــــــــــ
ضاع الامل منه وحارت الروح
وبين احضانها عبدالله مذبوح
تگله اگـعد ييمه فــدوه لتروح
يـهـد اجـبـال ايا يـــوم الوداع
ــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
اللهم صل على محمد وال محمد
قصيده العبد الله الرضيع
دارمي
عبدالله شنهي الراي حاجيني هسه
من تنساني وتروح جا انــي شنسه
┈•┈┈┈•$ ◉ ✿ ◉$••┈┈┈•
ويايه عايش دوم وبعيني رسمك
نابت ابلب احشاي يوليدي سهمك
مـــو عادتك جاليش ماتسمع امك
وجرحك يبعد الروح بگليبي احسه
.✍🏻مريم العبوديه اسيرة الاحزان💔
┈•┈┈┈•$ ◉ ✿ ◉$••┈┈┈•
يالرحت عن العين عايش بروحي
فگدك ملاني احزان كثر اجروحي
بعدك أجر حسرات ما بطل نوحي
الوجهك أنه اشتاگيت وتمنه ألمسه
✍أزهار جبار الجياشي
┈•┈┈┈•$ ◉ ✿ ◉$••┈┈┈•
لوجهك انه شتاگيت ولدورة العين
يامحله وجهك ذاك وبسمة الشفتين
گلبي تفرفح ليك وشتعل نارين
اذكر امناغه الليل نخلصه ونسه
خــادمــة الزهـــراءالمــله ام احمد✍🏻
┈•┈┈┈•$ ◉ ✿ ◉$••┈┈┈•
لشوفتك انه اشتاك يا بعد حيلي
اگـــعد ييمه ارجاك ذايب دليلي
ساهرت طول الليل مانمت ليلي
ون الدليل عليك وناته خنسه
✍سهام المالكي
┈•┈┈┈•$ ◉ ✿ ◉$••┈┈┈
يايمه تدري وياك حاربني دهري
سيف الغدر موبيك صاير بنحري
عبدالله لا لتروح يابعد عمري
صوتك يبعد الروح باذاني همسه
. ✍🏻✨ام علي الأماره
┈•┈┈┈•$ ◉ ✿ ◉$••┈┈┈•
عگبك يبعد الروح دهري ولاني
كل العمر ظليت يوليدي اعاني
فگدك يبعد احشاي يمه عماني
حزني ودمع عيناي بجفوني احبسه
✨✍🏻 ام زهراء الزيداويه البصراويه
┈•┈┈┈•$ ◉ ✿ ◉$••┈┈┈•
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
خادمة السيده رقيه بنت الحسين ع
امتدادي من السيده شريفه بنت الحسن ع
/channel/ssrgk
▪️ *قصيدة لعبد الله الرضيع (عليه السلام)*
*بوزن الحدي*
يــوليدي يالچنك بــــدر
إعليك صدري ضل يـدر
انه الربـاب ام الرضيع.. تاليها كل تعــبي يضيع
اوليدي مذبوح وصريع..هالمنظر يوجع وفضيع
اسقــوه بسهم النقيع.. آعـليه يوجعني الصــدر
✍🏻خادمة محمد وال محمد
〰️▪️〰️▪️〰️▪️〰️▪️〰️▪️
اعله الولد صدري یحن..منه صبح خالي الحضن
ذبحوه وشفت انه المحن..وعیوني اعلیه هالعمن
بولیدي خایني الزمــن.. وشبعني بفــراگه كـــدر
✍🏻 رحمه الله تحسین
〰️▪️〰️▪️〰️▪️〰️▪️〰️▪️
عبد الله يوليدي اصيح.. گلبي مالوم وجريح
شفـــتك يـايمه ذبيح... وبمنحرك يلجم الريح
دمــك يمـدلل يسيـح... جابـوك يبنـي للخـدر
✍️ سهام المالكي
〰️▪️〰️▪️〰️▪️〰️▪️〰️▪️
صابوا رضيعي بالسهم... جرحه ما ضن ينلحم
عدوان ما عدهم رحم... ذبحوه گبل ما ينفـطم
وينك يعـــباس الشهم... دم الطفـل رايح هــدر
أم علي ✍️دمعة لقاء
〰️▪️〰️▪️〰️▪️〰️▪️〰️▪️
فاركت وليدي سلوتي... عبد الله الطفل مهجـتي
الغالي هذا وعزوتي ٠٠٠ على ابني تجري دمعــتي
واني شكبرها هظمتي ... بسهم العدو ابني نغدر
✍🏻 تبـارك فاطميه الهوى
〰️▪️〰️▪️〰️▪️〰️▪️〰️▪️
لرباب ضلت تنتضر... تبجي وكلبهه منكســر
جابــه ابــوه ومنقهر... ويكول ذبحـــوه الكفر
ياربي انطينه لصـبر... عبــد الله دمــه انهدر
✍🏻خادمه الزهراء ام منتظر
〰️▪️〰️▪️〰️▪️〰️▪️〰️▪️
تـــمـ بعون الله تعالى ـــت
باقـــ✍ـــلام خادمات اهل
البيت (عليهم السلام)
*رابطه (عزيزة الزهره (ع)*
لانجيز حذف الاسماء الشاعرات ❌
غيـر مبري الذمه كل من يتلاعب
بالقصيده أو ينسبها إليه
ونسألكم الدعاء 🤲
/channel/ssrgk
لطميه لعبد الله الرضيع ( ع)
ــــــــــــــــــــــ
ابتالي الليل ٠٠ ابتالي الليل
افـزن يالولد يمـه
ـــــــــــــــــــــــــــــــــــــــــــــــــــــــــــــــ
افزن يالولد يبنــي ٠ اويتراوالي اعيونــك
انادي يمـه عبدالله ٠ مااگدر آنه ابدونـــك
شنهوا ذنب الجنيته ٠ من درتي ايفطمونك
دمعي ايهيل / دمعي ايهيل
وزايد بالگلب همه
ـــــــــــــــــــــــــــــــــــــــــــــــــــــــــــــــ
دليلي تنزف اجروحه ٠ ييمه وزايده اهمومه
اگضي ليلي بالونـات ٠ عليك الروح مهدومه
اصيحن يبني يامدلول ٠ دمعتي دمه مسچومه
شلون انسه / شلون انسه
وجهك اللحد ضمه
ـــــــــــــــــــــــــــــــــــــــــــــــــــــــــــــــ
گعدتك يبني منساها ٠ كـــل لحضه اذكـــرنك
اجي للمهد ملهوفــه ٠ وريدن يمه ارضعـنك
ماحسبت مني اتروح ٠ ويحرموني لعده منك
ينور العين / ينور العين
بعدك دنيتي ظلمه
ــــــــــــــــــــــــــــــــــــــــــــــــــــــــــــــ
صار اظلم عليه الدار ٠ من يوم الـرحت عنـي
نارك ماطفـت تسعر ٠ صارت جمره اتوجرني
غدر بيه الدهر يـمه ٠ وخذاك ابغــدر منــي
أخذ الحيل / أخذ الحيل
يبني فراگك أشعضمه
ـــــــــــــــــــــــــــــــــــــــــــــــــــــــــــــــ
فراگك ماتحمله الروح ٠ ويومك حيل اذاني
يوليدي صعب فگـدك ٠ مهظومه يمه خلاني
ردت موتي گبل موتك ٠ وانته اتصير دفاني
اون بهداي / اون بهداي
ونادي بحرگه يايمه
ـــــــــــــــــــــــــــــــــــــــــــــــــــــــــــــــ
✍️ الشاعرة سهام المالكي
من ديوان مجالس الاتقياء في مأتم كربلاء الجزء الثاني
لا اجيز حذف الاسم
/channel/ssrgk
هوسات العلي الاكبر ( ع)
......
ردتــك ياعلـي يبني انـتـه الـــــي تباريني
ماحسبت وكت الشيب يوليدي تجافيني
وحيده ابقى انه مـن دونك يمه لاتخليني
((تباريني // ردتك يايمه))
ــــــــــــــــــــــــــــــــــــــــ
گـلت تــكـبـــر يبعد العين وفـرح انه بعرسك
وتــجـــازي تعب لسنين يا لب الگلب ردتـــك
ماحـسبت هيج تروح منيتك سكته ماخذتك
((وتنساني // وشلون تروح))
ــــــــــــــــــــــــــــــــــــــــ
شلــــون تروح من ايدي يبني ويانظر عيني
تدرين امعلمه انه اعليك علـي يلولد تدريني
اخلافك مــــــاريــد الروح آيـــلولد وسنيني
((تدريني // مااحمل فرگه))
ــــــــــــــــــــــــــــــــــــــــ
فـــــراگــك مااحملنه وظل عليك حزنانه
ابجي وماتنام لعين طــول الليل سهرانه
تون الروح وتريدك يبني شكثر عطشانه
((اعليك تون// ضلت روحي))
ــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
من ديوان مجالس الأتقياء في مأتم كربلاء الجزء الاول
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
مجلس مقتصر العلي الاكبر عليه السلام
بسم الله الرحمن الرحيم
🖌📙
انا لله وإنا إليه راجعون
قال في عدة الخطيب: لما رجع علي الأكبر من الميدان وقد أثخن بالجراح جاء إلى أبيه الحسين (ع) فقال له الحسين ( ع) ولدي علي هل
ذهبت إلى أمك؟ قال: لا يا أبه قال: أدركها قبل أن تموت فأنها مغمى عليها في الخيمه فأسرع علي الأكبر نحو أمه فلما وصل إليها نزل عندها أخذ رأسها ووضعه في حجره ونضحها بدموع عينه فتساقطت قطرات من دموعه على خد أمه فأفاقت قائلة: من هذا ؟ ولدي علي قال: بلى أماه فداك ولدك فقالت : مرحبآ بك يا نور عيني يا ثمرة فؤادي
أقول:
هذه مرة نظرت ليلى إلى ولدها ومرة أخرى نظرت إليه وهوا مقطع بالسيوف إربآ إربآ فنادت: وا ولداه وا علياه
ــــــــــــــــــــــــــــــــــــــــــــ
◾ابيات نعي
بسيوف ويلي مگطعـينه
بالحومه جسمه اموذرينه
يفت الگلب ابني ونـــينه
فت گلبي يالاكبر ونينك
لحسين ابوك ادير عينك
الحگني بويه بعجل وينك
اسمعنك تنادي الحگوني
بالخيل يابويه اسحگوني
بسيوف الاعادي وذروني
وذرتني سيوف العده اليوم
صابتني بغدر برماحها الگوم
ظلت عالارض اتسيل لدموم
◾نعي فراق
اه يبني / مصابك يالاكبر صوباني
اه يبني / يومك يغالي عذبانــــي
اه يبني / دمعي بفگدك عمـــــاني
زاد همي / من رحت عني يالأكبــر
زاد همي / وگلبي يابويه تفطـــــر
زاد همي / النار ابرويحتي تسعـــر
عفتني وحدي / اشلون ياوليدي ونمت
عفتني وحدي / وبروحتك عيني عمت
عفتني وحدي / والعدو بيه شــــمت
ــــــــــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
لطميه العلي الاكبر (ع)(اليوم منك أيست)
ياعلي الاكبر يماي عيونـي
ليش منك يالولد حرموني
الــيوم مـنـك أيست
ريت وي موتك متت
ياعلي الاكبر يماي اعيوني
ــــــــــــــــــــــــــــــــــــ
اليوم حرموني العده من شوفتك
ريـــــت يبني رحـــت ويه روحتك
ولا اشـــوفنها السهام الــــصابتك
بحسره يايمه صحت
ريت وي موتك متت
ياعلي الاكبر يماي عيوني
ــــــــــــــــــــــــــــــــــــ
بحسره انـوح اعليك يبني ياعلي
بعد عينك يالولد منـهـو الـــــي
بطيحتك هل طاح يمه محملي
ضيم من بعدك شفت
ريت وي موتك متت
ياعلي الاكبر يماي عيوني
ــــــــــــــــــــــــــــــــــــ
شفت من بعدك ييمه النايبه
اعليك هاي الروح ظلت ذايبه
والنوايب بالگلب هل صايبه
اوياك يالغالــي ردت
ريت وي موتك متت
ياعلي الاكبر يماي عيوني
ــــــــــــــــــــــــــــــــــــ
اتمنى كون اوياك موتتنه سوه
ولا اعيش ولا اشـم عذب الهوه
گلبي بجمر الحزن يمه انچوه
مـنــي يوليدي رحت
ريت وي موتك متت
ياعلي الاكبر يماي عيوني
ــــــــــــــــــــــــــــــــــــــــ
رحت مني وگلبي يوليدي انشلع
ودمعي علوجنات يـــايمه انطبع
حين راسك علرمح يبني انرفع
حيـل يمه اتکـدرت
ريـت وي موتك متت
ياعلي الاكبر يماي عيوني
ــــــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
من ديوان مجالس الأتقياء في مأتم كربلاء الجزء الثالث
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
قصيده لفقد اولاد ام البنين عليه السلام🕸🍃
وين الساعدتني ولطمت وياي
ظيعت الولد ونطفت عيناي
❥━─➸➽❥❂❥─➸➽❥❂
وين الساعدتني اليوم بالونه
انه ام البنين ودمعي اهلنه
عله اولادي الحزن لا لا مفلنه
يانار الكلب مستعره بحشاي
وين الساعدتني ولطمت وياي
. ✍🏻الشاعره مريم العبوديه اسيرة الاحزان💔
❥━─➸➽❥❂❥─➸➽❥❂
وين الساعدتني اونت لحالي
انا اخلاف الولد ضيعت امالي
فكدت اربع ولد والونه تحلالي
عينيني يشيعيه اعله بلواي
ضيعت الولدونطفت عيناي
✍️الشاعره ام علي الأماره
❥━─➸➽❥❂❥─➸➽❥❂
ابجي اعله الولد ولدهر حاربني
اصيحن آ يغالي ابلوعتي اووني
يا ريت الذبحهـم كـون ذابحنـي
لاعباس لاعون الأجه عناي
ضيعت الولد وانطفت عيناي
✍العلويه امامه ام علي
❥━─➸➽❥❂❥─➸➽❥❂
وعليهم بكت تهمل دمه عيني
راحو من اديه وضاعت اسنيني
وغياب الولد جن سهم يجويني
وكل يوم اليمر ايزيد مبجاي
ضيعت الولد ونطفت عيناي
✍️خادمه الزهراء حوراء الكناني
❥━─➸➽❥❂❥─➸➽❥❂
تشب نار الظنه بالكلب لهابـه
اون عليه اظل بدمعه سجابه
تون الروح مني الفگد الهيابه
عليهم ياخلگ مشدوهة الراي
وين الساعدتني ولطمت وياي
✍ الشاعره سهام المالكي
❥━─➸➽❥❂❥─➸➽❥❂
بالي منشده ودموعي دوم اتسيل
انوح من الهظم ولكلب دوم عليل
اونن طول عمري مساهره لليل
ابجي من المصايب ظيم دنياي
وين الساعدتني ولطمت وياي
✍️ الشاعره مريم الحجيمي
❥━─➸➽❥❂❥─➸➽❥❂
تمت بعون الله تعالى
بـ✍ــاقـ✍ــلام خـادمـات
كروب جبل الصبر زينب ع..
👈بأشراف ومتابعة
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
http://t.me/youoo25
# قصيده لسان حال حميده بت مسلم إبن عقيل ع
(وزن موشح)
🖌📙
طفله عد مسلم حزينه اتنادي
أبوي ياعمي عليــه اشسادي
"":::""""""::::"""":::"""":::""""
شصار ياعمي عالبوي وشجره
اشوفها العيله تنــوح مكدره
چنه ڱلبي اليــــوم بعلمـه دره
اعليه ڱلي شصار ذاب افادي
"":::""""""::::"""":::"""":::""""
ذاب يـــاعمي الڱلب لفراڰه
أني روحي لشوفــته مشتاڱه
من السفر يمته يجي ونتلاڱه
گـلي ياعمـي شــــگال الحادي
"":::""""""::::"""":::"""":::""""
يڰله بالكوفه تـــــولوه العده
مادرينه بحاله اشصار وسده
أبوﭾ ضل اوحيد محد سنده
راح ابوﭾ الجان اليه اسنادي
"":::""""""::::"""":::"""":::""""
وحـــده ويدير النظر بعيونه
ماضل اله انصـــار ويعينونه
يعمي أهل كوفانها ايغدرونه
جهزوها جيوشهـــم بالوادي
"":::""""""::::"""":::"""":::""""
كـــــافي ياعمي تصبين الدمع
مايهون اعليه اشوفن هالوضع
ترف ڰلبج مااريـــــده ينصدع
وأنه احسبچ واحد من اولادي
"":::""""""::::"""":::"""":::""""
ياحميده صرت أنه والدﭾ
لاتضـنين بڱيتي الوحـدﭾ
عمج العباس هم أيساندﭾ
لون تحتاجيني بويه نادي
"":::""""""::::"""":::"""":::""""
تمت بعون الله تعالئ
باٲقـــلام خادمـات اهــل البيـــت عليهم السلام
✍🏻الشــاعره ســهام المــالكي
✍🏻الشــاعره زهـراء الحربي
ومن الله التوفيق
غير مبري الـذمه من يغيــر او يحذف اسماء الشاعرات وينسب القصيده لنفسه❌
خادمة السيده رقيه بنت الحسين ع
امتدادي من السيده شريفه بنت الحسن ع
/channel/ssrgk
*🚩اشملوني بدعواتكم في كل مجالسكم ولطمكم وبكائكم وحزنكم في مجالس الحسين (عليه السلام) من حاديها وحتّى وحشتها* ..
*🏴قلدتكم كل زفرة ودمعة وصرخة وخدمة باسم الحسين* ..
*نسالكم الدعاء في مجالس الحسين عليه السلام*
*🚩عظم الله اجوركم🖤
خادمتكم الشاعرة سهام علي المالكي
لطميه ثقيله للقاسم (ع){راح منج الولد}
من ديوان مجالس الأتقياء في مأتم كربلاء الجزء الثالث
📙🖌
راح مـــنــچ الــولــد يـم الولد
وحيده ضليتي وماعندچ سند
أيسي منه مايجي
وسـتـعـدي للبجي
راح مـــنــچ الــولــد يم الولد
ــــــــــــــــــــــــــــــــــــــــ
أيسي مــنه بـعــــد راح مدللچ
من بعد عينه وحيده منهو لچ
شلون تگضين العمر بعده سألچ
يعيـنـچ الله لفرگته
بعد راحت ضحكته
راح مـــنــچ الــولــد يم الولد
ــــــــــــــــــــــــــــــــــــــــ
شلون بعد الولد تگضين العمر
وانتي دلالـچ عليه يلهب جمر
اعيونه الحلوات نامــن بالگبر
يهل لمصابه الدمع
عليه گلبچ منصدع
راح مـــنــچ الــولــد يم الولد
ــــــــــــــــــــــــــــــــــــــــ
نـار دلالـچ عليه ظـلـت تشب
عليچ يافگد الولد كلش صعب
ودمـعة العينين لمـصابه تصب
صـارت بدم حنته
بدمع طفو شمعته
راح مـــنــچ الــولــد يم الولد
ــــــــــــــــــــــــــــــــــــــــ
غاب نـوره ونطفه الليله الشمع
اعليه هذا الگلب يبقى منصـدع
على اغيابه ينحني ويلي الضلع
حيلچ اعليه ينهدم
گوه اتشيلي الجدم
راح مـنچ الـولد يــــم الـــولد
ــــــــــــــــــــــــــــــــــــــــ
آه يايـوم الــولد مـا ينـــحـمـل
راح كل شي اوياه ما ظلچ امل
شال ضخرچ بعد شيلم الشمل
راح مـــــنچ يـااسف
صدره بالخيل نخسف
راح منـــچ الولد يم الولد
ـــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk