خادمة السيده رقيه بنت الامام الحسين ( ع) الشاعرة سهام المالكي

20 February 2021 10:04

#عقيلة_بني_هاشم
قصيدة جديده بعنوان (غربة زينب ) قصيده بحر طويل

يطارش للغري اتحرك... ونادي حيدر بهمه
خبره زينبه بالشام... وگلبه حاذر تلجمه
❥━──➸➽❥❂❥━──➸
يطارش بالعجل اوصل وخلي حيدره يحضر
وحيده زينبه بالشام ابونين يفسر المرمر
لفاها البين المحتم تعال بساع ياحيدر
احضرهه يداحي الباب
موتهه فگد الأحباب
شافت ويلي جم مصاب
واحدهم يهد الحيل مغسل ويلي بدمه

.✍🏻الشاعره خادمة الزهراء ليلى زغيب
❥━──➸➽❥❂❥━──➸
كله زينب اتحشمك تحظر بالعجل ليها
مر الكربله وياك وفزع كل غواليها
ابلحدهه اتريد الوليان توسدهه وتواريها
عليهم شابحه العيون
ظلت تنتظر يلفون
تمنت همه اليشيعون
ابدفنهه كل اهلها تريد فوك الكبر ملتمه

. ✍🏻الشاعره أزهار جبار الجياشي
❥━──➸➽❥❂❥━──➸➽
وينك ياعلي ابهليوم تنظر حالة الحره
نار اخيامها البلطف بقت للدوم متوجره
ابگلبها ماطفت للموت ظلت تلهب الجمره
ريتك ياوليهه اتشوف
ليها اشورثت لطفوف
ألام ويتامى وخوف
ماشافت فرح للموت گلبها بس حزن سهمه
. ✍🏻ام زهراء الزيداويه البصراويه
❥━──➸➽❥❂❥━──➸
تحظر بالعجل هاليوم كلبي من البعد مجروح
بلكي من تشوف العين خواني تهد النوح
عليهم ظل جرح كلبي ينزف ولدمع مسفوح
وبفزعه الي يلفون
عليهم دم تهل العيون
وكلبي من الهظم محزون
اتذكر احباب الروح وكلبي ينعه ابهمه

. ✍🏻الشاعره رماد الخيام
❥━──➸➽❥❂❥━──➸
وبليل اهدعش صاحت الحك ياعلي لينه
حرم ضلينه ماكو ارجال وعدونه يزمخ اعلينه
نريد بهل وكت تحظر تجي لينه وتحامينه

الحرم تبجي اعله ولياها
يتامه الدهر خلاها
وتالي وين منواها
وزينب حارت بعيله كلهه تصيح ياعمه

✍🏻الشاعره ام علي الأماره
❥━──➸➽❥❂❥━──➸
خلوهه العده زينب ويلي اعله الضحايه اتفوت
تودعهم على الناگه ومن عدهه الگلب مفتوت
على افراگ الغوالي اتون تجري ادموعهه بسكوت
تهل ادموع عبرات
عله راعي الكلافات
تنازع تجر ونات
غريبه بلاهل ضلت اوتنادي زهره يايمه

.✍🏻 خادمة السيده رقيه ع الشاعره سهام المالكي
❥━──➸➽❥❂❥━──➸➽
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

16 February 2021 20:51

# قصيده ألامام الهادي عليه السلام

🖊️📔
وزن الموشح التام
مجزوء الشيعتي
من بحر الرمل



ياعلي الهادي الك وني وحنيني
تهمل دموعي دمه لفرگاك عيني

✧►◄❖••◐❁💔❁◐••❖►◄✧
ياعلي الهادي ينبـراس المــناقب
ويلي قاسيت الظلم من النواصب
شفت من العـده مولاي العجايب
اليوم انوح اعليك أوكاثر. ونيني

✧►◄❖••◐❁💔❁◐••❖►◄✧
وسفه يالهادي العده بزنزانه خلوك
بني العباس ابحقد ياويلي ضلموك
اوتالي ابسم الغدر ياحيف. سموك
ضلمه بغيابك صفت كلهه سنيني

✧►◄❖••◐❁💔❁◐••❖►◄✧
صرت بغيابك حزينه ودمعي مسفوح
والله فگدك سيدي أمعذب الـروح
ترك ابگلبي الم. وهـموم وجروح
جمر فگدك يالولي بروحي يجويني

✧►◄❖••◐❁💔❁◐••❖►◄✧
ابقه الك طول العمـر يالغالي انعاك
اون يالهادي بهظم من يمـر ذكراك
اذكر اعليك الجره من جور اعداك
يومك يابو العسكري والله ياذيني

✧►◄❖••◐❁💔❁◐••❖►◄✧
يومك يابو العسكري اعظم رزيه
بفگدك اليوم افجعوا گلب الزجيه
اتنادي عينوني وتصب الدمعه جريه
گضـوا أبـسم وقتــل. كلهم بنيني
✧►◄❖••◐❁💔❁◐••❖►◄✧
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

14 February 2021 12:30

اللهم عجل لوليكـ الفرج...🤲🏻

يالغبت عن النواظر طولت ساعة ظهورك
ننتظر يالمهدي وينك ننتظر يلفينه نورك
................✾✾................
...............✾✾................
الغيبه طالت يابو صالح والعجب ثارات عندك
يمته تكـصد للـبريه ويكمـل بساعتــها وعـدك
طالت اهواي الاعادي ونته. غايب لسه بعدك

الدنيه ممليه مظالم يابو صالح هسه دورك
يالغبت عن النواظر طولت ساعت ظهورك

. ✍الشاعره مريم العبوديه اسيرة الاحزان 💔
................✾✾................
...............✾✾................
طَوَل علينه ظهورك واحنه يا سيدي ظعنه
وإنتَ بس إنتَ الوسيله البيهه يتغير وظعنه
أجروحنه التندب تريدك إدركنه يا مولاي صحنه

الدنيا صارت بحر لُجِي احظر وخل يضوي نورك
يالغبت عن النواظر طولت ساعة ظهورك

. ✍الشاعره أزهار جبار الجياشي
................✾✾................
...............✾✾................
طالت الغيبه علينه وكثر مولانه الظلم
بلا ذنب مهدور دمنه وعشنه بالام وهظم
يمته تظهر ياولينه ابجيتك انشد العزم

وبدرك اينور سمانه ونعتني ابلهفة ونزورك
يالغبت عن النواظر طولت ساعة ظهورك

. ✍الشاعره ام زهراء الزيداويه البصراويه
................✾✾................
...............✾✾................
ابعدت عنـه يغايب أبحـسره. خليـت الگلوب
كثرت اعلينه النوايب ورواحنه بالهم تذوب
يمته يامولاي تظهر تنجي كل هاي الشعوب

والله ملينه الضلم نرتاح انريد بحضورك
يالغبت عن النواظر طولت ساعة ظهورك

✍خادمة السيده رقيه ع الشاعره سهام المالكي
................✾✾................
...............✾✾................
يمته تظهر يابو صالح كلي يمته الظهور
كلوب هالشيعه حزينه تنتظر يطلع النور
عليك ضلع امك الزهره سيدي وذيج نحور

الفرج يمته يمهدي عدت اسنين وشهورك
يالغبت عن النواظر طولت ساعة ظهورك

✍الشاعره مريم الحجيمي
................✾✾................
...............✾✾................
طولت يلمهدي تدري غيبتك صارت بطيه
عليك ضلع امك يغالي نندب احنه بكل
عشيه
طالت اسنينك ييوسف عشنه باهات ورزيه
ندري بجروحك مآسي ونعرف احنه هم شعورك

يلغبت عن النواظر طولت ساعة ظهورك

.✍الشاعره خادمة الزهراء ليلى زغيب
................✾✾................
...............✾✾................
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

13 February 2021 15:08

انا لله وانا اليه راجعون

تلقينا ببالغ الأسى والحزن خبر موت الرادود الحسيني
ملا مهدي الكليباوي ربي يرحمه برحمته الواسعه ويتغمد روحه الجنه ان شالله
ان شالله يكون شفيعهه الحسين ع
😭😭😭😭😭😭

خادمة السيده رقيه بنت الامام الحسين ( ع) الشاعرة سهام المالكي

11 February 2021 22:26

*⚫زِيّارةُ سَيّد مُحمّد سَبعُ الدِّجِيلُ بنُ الإِمامُ عليٌ الهَاديّ(عَليهُما السّلَامُ)⚫*

السَّلامُ عَليْكَ أيُّهَا العَبْدُ الصَالِحُ , وَالوَليُّ النـَّاصِحُ ,السَّلامُ عَليْكَ أيُّهَا السَّـيِّدُ الزَّكِيُّ,السَّلامُ عَليْكَ أيُّهَا الطـَّاهِرُ الوَفِيُّ ,السَّلامُ عَليْكَ أيُّهَا التـَّـقِيُّ النـَّـقِيُّ السَّلامُ عَليْكَ أيُّهَا الرَّضِيُّ المَرْضِيُّ ,السَّلامُ عَليْكَ أيُّهَا العَالِمُ الجَلِيلُ وَالمُهذَّبُ النـَّبيلُ,السَّلامُ عَليْكَ أيُّهَا البَدْرُ الواضِحُ , وَالنـَّجْمُ اللائِحُ ,السَّلامُ عَليْكَ يَا بْنَ السَّادَةِ الأَنـْجَابِ , وَالحُجَج ِالمَيَامِينَ الأَطـْيابِ , السَّلامُ عَليْكَ يا مَنْ أعْطاهُ اللهُ الدَّلائِلَ الواضِحاتِ, وَالكـَرامَاتِ البَاهِراتِ, وَالمُعْجِزاتِ المَشْهُوراتِ السَّلامُ عَليْكَ يا مَنْ عِنْدَهُ تـُسـْتَجابُ الدَّعَواتِ, السَّلامُ عَليْكَ يا مَنْ فـَضائِلـُهُ مَعْرُوفـَةٌ عِنـْدَ أهْل ِ القـُرَى وَالأعْرابِ, السَّلامُ عَليْكَ يا مَنْ مَناقِبُهُ مَلأتِ الآفاق ِ,السَّلامُ عَليْكَ أيَّهَا المُهابُ عِنـْدَ أهْل ِالقـُرَى وَالأطـْنابِ ,السَّلامُ عَليْكَ أيُّهَا الحَافِظُ لِلجـِيرَان ِ وَالقامِعُ عَنـْهُمْ شَرَّ العُدْوان ِ, وَالكاشِفُ عَنـْهُمْ مُلِمَّاتِ الأشْجــان ِ وَالأحْزان ِ السّــَلامُ عَليْكَ يا مَنْ شَرَّفهُ اللهُ بـِالكـَراماتِ البَاهِراتِ ذاتِ البَيَان ,وَالبَراهِين ِ المُدَمِّرَةِ ِللسَّارقِينَ وَالحَالِفينَ بـِكَ بَاطِلاً وَكـَذِباً ,عَجَّلَ اللهُ لـَهُمْ بالإنـْتِقامِ السَّلامُ عَليْكَ يَا مَوْلايَ يَا أبَا جَعْفـَر ٍمُحَمَّدِ بن ِ عَلِي ٍالهَادِي السَّلامُ عَليْكَ يَا بْنَ الإمَام ِ, السَّلامُ عَليْكَ يَا أخَا الإمام ِ, السَّلامُ عَليْكَ يَا عَمَّ الإمَام ِ,الآخِذِ بالثَّأر ِ, المَهْدِي صَاحِبَ الزَّمان ِ, السَّلامُ عَليكَ أيُّـهَا الضَّـامِنُ لِلوافِدِينَ عَليْـهِ وَالقاصِدِينَ إلـَيْهِ, وَالزَّائِـرينَ لَـهُ, يَـا مَوْلايَ ,أتَيْتـُكَ وافِداً,قاصِداً,زائِراً,فـَاقـْضِي حَاجَتِي ,وَأجـِرْنِي ,فـَأنا ضَيْفـُكَ وَجارُكَ ,أنـَا قاصِدٌ إلـَيْكَ ,وَوافِدٌ عَليْكَ ,فـَلا تَرُدَّنِي خَائِباً خَاسِراً أنـَا وَليٌّ لِمَنْ والاكَ ,وَعَدُوٌ لِمَنْ عاداكَ, يا مَوْلايَ ,فازَ وَلِيُّكَ ,وَضَلَّ مُفـارقـُكَ ,وَنَجَـى مُصَدِّقـُكَ ,وَخَـابَ وَخَسِـرَ مُكـَذِّبُـكَ ,وَالمُتـَخَـلـِّفُ عَنـــــْكَ إشْهَدْ لِي بـِهذِهِ الشَّهادَةِ عِنـْدَكَ ,لِأَكونَ مِنَ الفَائِزينَ, ِبمَعْرفـَتِكَ وَطاعَتِكَ ,وَتَصْدِيقِكَ ,وَمَحَبَّتِكَ ,وَإتـِّباعِكَ ,وَالسَّلامُ عَليْكَ وَرَحْمَةُ اللهِ وَبَرَكاتـُه .

🏴 *مَأْجُـــــوْرِيْـن*🏴
*أَسأَلُكُم الدُعاءَ وَ الزِيّارة لِي وَ لِوَالديّي🤲🏻*

خادمة السيده رقيه بنت الامام الحسين ( ع) الشاعرة سهام المالكي

08 February 2021 17:42

💔🌱 تتابع خطاك في المسير وقلبي أسير
أسير عشقك والشوق إليك

💔🌱 دلني على سبيل تقربني إليك
ساعدني فقد ضاقت بي الدنيا بما رحبت

💔🌱وصار الكون في عيني صغير
مولاي إرحم غربتي وذلي وألمي وحرقتي


💔🌱 ها أنا ذا أنتظرك وسأنتظر وسأبقى واقفة على بابك لا أمل الصبر
ولو مل الصبر مني بإنتظار الإجابة.

خادمة السيده رقيه بنت الامام الحسين ( ع) الشاعرة سهام المالكي

08 February 2021 17:30

قصيده لوفاة لسيده زينب ع✨

عله زينب نون ولعين نعميها
ماتت بالحزن مايمها اهاليها
*◈•┈┈•◄✾▪︎ ●▪︎✾►•┈┈•◈*
ونينه بحزن لخت البطل عباس
زينب هاي لتنشد عليها الناس
جزعت من صبرها زمرت الارجاس

هيبه ام الخدر لويمر طاريها
عله زينب نون ولعين نعميها

. ✍🏻الشاعره مريم العبوديه اسيرة الاحزان💔
*◈•┈┈•◄✾▪︎ ●▪︎✾►•┈┈•◈*
وحيده بالغرب كربت منيتها
سالت بالهظم عالوجنه دمعتها
تمنت بالمنازع تحظر أخوتها

بس يا حيف ما واحد حظر ليها
عله زينب نون ولعين نعميها

✍أزهار جبار الجياشي
*◈•┈┈•◄✾▪︎ ●▪︎✾►•┈┈•◈*
اخت حسين وامها فاطمه الزهره
خلت بلكلب حسره باثر حسره
الها اليوم دمع عيونه يجره

شال بليل اضلم راح حاديها
عله زينب نون ولعين نعميها

المله ولشاعره ام نادين المحمداويه
*◈•┈┈•◄✾▪︎ ●▪︎✾►•┈┈•◈*
اظلم ليلهه ميته بغرب ديره
وين حسين عنهه وين ابو الغيره
نعشها خل يشيله ضلت بحيره

يجيهه بساع يحضرها واليها
عله زينب نون ولعين نعميها

✍🏻الشاعره مريم الحجيمي
*◈•┈┈•◄✾▪︎ ●▪︎✾►•┈┈•◈*
هّـاي أّم الخدر وأم المصايب
زينب ولمصابج كلبي ذايب
اون عليج ودمع العين ساجب

ولخوان محد دره بيها
عله زينب نون ولعين نعميها

. ✍🏻الشاعره رماد الخيام
*◈•┈┈•◄✾▪︎ ●▪︎✾►•┈┈•◈*
وكت الموت رادت يمهه الخوان
يشيلون لنعشهه اخوتها الاحنان
رادت من اهلها حسين دفان

ماتت بالغرب مانشدو اعليها
عله زينب نون ولعين نعميها

✍🏻الشاعره ام علي الأماره
*◈•┈┈•◄✾▪︎ ●▪︎✾►•┈┈•◈*
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔


نسألكم الدعاء
بتعجيل الفرج لصاحب الزمان (( ع))






┈•┈┈★•$ ✿ $••★┈┈•

/channel/dtyruFteRqejkvuccdsqiopkm

خادمة السيده رقيه بنت الامام الحسين ( ع) الشاعرة سهام المالكي

03 February 2021 09:56

مولد السیده فاطمه الزهراء. ع
((الوزن شبگها))
ــــــــــــــــــــــــــــــــــــ
هلت الزهــره الزچیه
نـــورت کل الـبــریه
🎀🎀🎀🎀🎀
انولدت الیوم الشفاعه
والفـرح لـوح شــراعـه
حبـها للرحـمان طــاعه
تحفة الباري الــنـبــیه

✍ام ضیغم المحنا
🎀🎀🎀🎀🎀

تحفه من الله هـداها
للـنـبي الـمختار طاها
بالعلم ربنه اصطفاها
نـورهـا شـعشع عليه

ام سـ✍️ـجـاد العسكري

🎀🎀🎀🎀🎀

نورت شمعت املنه
زهره يانبع المحنه
هـاي تفاحة الجنه
فاطمه اجمل هديه

✍️العلويه امامه ام علي

🎀🎀🎀🎀🎀

من نبـع كوثر اصلها
شافعه وكلنه اباملها
ياهلا ابجيتج نگلها
فاطـمه هیـه الابیـه

✍ #علویـه ام فاضـل

🎀🎀🎀🎀🎀

انورت دار الرساله
بمولد الزهره جلاله
بلفرح صوتي تعاله
بيها يامحله المسيه

✍️ سهام المالكي

🎀🎀🎀🎀🎀

بـيـها فرحان الموالي
ينشدلها ابصوت عالي
الـسهـر هـسـه حلالي
والورد جـبته ابأديه

ام سـ✍️ـجـاد العسكري

🎀🎀🎀🎀🎀

رابط دموع العقيله
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ 19 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

02 February 2021 09:49

قصيده لولاد مسلم ابن عقيل عليه السلام

وزن نص بحر الطويل
🖊️

اسالك يانهر جيتك
يالمسيب. تعـنيتك


جيتك والدمع بالعين
يالمسيب.اولادي وين
مهضومه وجر. أونين

بگلب مجروح ناديتك

★-----------------------------★
★-----------------------------★

انادي والگلب نصين
ضاعولي اطفال اثنين
ادور. والتفت صوبين

وين . اولادي. سأليتك

★-----------------------------★
★-----------------------------★

اصيح ابروح. محتامه
ودگ بيدي على الهامه
الليل. امجلجل. ضلامه

يطـاهر تذكر اوصيتك

★-----------------------------★
★-----------------------------★

مني الدمعه مذروفه
اخيـك يبني. لتـعوفه
جفك. خلــه. بجفوفه

أخيك .بيدك انطـيتك

★-----------------------------★
★-----------------------------★
ونينـي يفـجع الـدلال
فراگك. يلـولي جــتال
خلاني معذبه. الـحال

رد يالولد. ندهيتك

★-----------------------------★
★-----------------------------★

خلافك بالهظم ظليت
تدري بروحتك سليت
ياوليدي وعمود البيت
تــرد. انــه. تمـنيتك

★-----------------------------★
★-----------------------------★

تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

29 January 2021 17:14

تجليبه لمولاتنا ام البنين ع

انـه ام الـبنـيـن الـكل يـعـرفـوني
لجل حسين وشل ناضر اعيوني

〰️〰️⚜️✍🏻⚜️〰️〰️

فـگـد حـسـيـن طفالي النضر بالعين
خـلصت الـعـمر بـعـده اجـر اونـيـن
عساني لاعشت يمه وخذاني البين

ابموتك يا عزيز الروح فجعوني

ام سـ✍️ـجـاد العسكري

〰️〰️⚜️✍🏻⚜️〰️〰️

انطفت عینی ییمه ابروحت اولادی
اوفرگاهم تشب النار بفادی
ما تسمع ییمه امکم اتنادی

چنت اتمنه وکت الموت تلفونی

✍️المیرزا ام لیلی الخاقانی

〰️〰️⚜️✍🏻⚜️〰️〰️

نطفت عيني ييمه بروحت ابنيني
بس كونك ترد سالملي يحسيني
اشوفنك. عدل يمه يضي. عيني

ابساعات المنيه لا تخلوني

✍️زهره الكنلني

〰️〰️⚜️✍🏻⚜️〰️〰️

خلصت العمر واهمل دمع لعيون
ولا واحد حضرني ویه اليشيعون
وابو اليمه يغمض عيني الي بلهون

لاعباس اجه ولاهمه مرونی

✍️ام زهراء الفاطميه

〰️〰️⚜️✍🏻⚜️〰️〰️

أون اعليك یمه ليلي ونهاري
مهضومه ودمع عینی دمه جاري
على فرگاک تسعر بلگلب ناري

بحسرات وهظم يايمه خلوني

✍️ خادمة السيده رقيه ع
سهام المالكي

〰️〰️⚜️✍🏻⚜️〰️〰️

خلصت العمر حسره تجر حسره
وتسعر بلحشا الکم بگت جمره
عینی اتهل دمعها من الدمه حمره

طولتو المغيب وشو نسیتونی

✍️ام عدنان السیاحی

〰️〰️⚜️✍🏻⚜️〰️〰️

انه ام البنين الحره معروفه
ام الضحه لجل حسين بچفوفه
عینی اعله الدرب والدمعه مذروفه

من اولادی وسفه خابت اظنوني

✍️ام عباس الكردي

〰️〰️⚜️✍🏻⚜️〰️〰️

رابط دموع العقيله
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ 15 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

28 January 2021 19:46

#فزاعيه جنوبيه للسيده رقيه عليها السلام
🖊️


كلف يومج رقيه يرهن الحيل

ريت نروح كلنه وياج ونشيل

✦✦•━•━••━•✦🍫✦•━•━•━•✦✦

كلف يومج رقيه وحيل ياذينه

يعمـه أشلون ترحين. وتخلينه

وجمرات الهظم ياعمـه تجوينه

((عمه أعليج ضل ملجوم الدليل))

✦✦•━•━••━•✦🍫✦•━•━•━•✦✦

يافگـدج. رقيه أيذوب. الــروح

مهضــوم الگلب.لمصابج أينوح

نعوفــج.بالغـرب أشلـون ونروح

((محتاره يعمه أوهمي أثجيل))

✦✦•━•━••━•✦🍫✦•━•━•━•✦✦

رقيه لشوفتج ياعمه محتامـه

مالومـه عليـج أوليلي مـانـامــه

صوبني الزمـــان اليوم بسهامــه

((ماخله ولي الحملي أيشيل))

✦✦•━•━••━•✦🍫✦•━•━•━•✦✦

صرت بعد الولي ياعمه ابحيره

بحالي مادره عـباس ابو الغيره

مشيت ميسره من ديره الديره

((أون الفراگهم لوجلجل الليل))

✦✦•━•━••━•✦🍫✦•━•━•━•✦✦

أون لفــراگهم والدمع. يـجري

خلاني الدهر محنيه ضـهري

أونار أغيابهم. بـحشاي. تســري

(( أبهمي مادرو وهم المداليل))

✦✦•━•━••━•✦🍫✦•━•━•━•✦✦

تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))

/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

26 January 2021 19:49

#أم_البنين
قصيده بعنوان (دمعة احساس) بذكرى وفاة ام البنين
قصيده بحر طويل

ام الاربعه هاليوم كرب ليها الاجل ياناس
تتلفت يمين شمال وتهمل دمعه عالعباس
●┉❈❥ًً❀•••••••●•••••••❀❥❈┉••●

هاي ام البنين الراح من عدهه عزيز الروح
بالحسره تون يحسين بسيوف الغدر مذبوح
البقيع وتربه ظل شاهد عليمن هالبجي والنوح

فارگهه العزيز حسين
گلبهه منجسم نصين
دمع ودموم تهل العين
السباهه حسين ومصابه وبسمه تشهگ الانفاس

.✍🏻الشاعره خادمة الزهراء ليلى زغيب
●┉❈❥ًً❀•••••••●•••••••❀❥❈┉••●

ظلت تندب المذبوح ودموع العين سجابه
ما همني فكد الاولاد فجعني احسين ومصابه
جمر فكده بثنايا الروح تشب نيران لهابه

إله ضحيت ببنيني
رته سالم أيجيني
يكر ابشوفته عيني
يعوضني فكد البدور يِشَيع أجنازتي عالراس

✍أزهار جبار الجياشي
●┉❈❥ًً❀•••••••●•••••••❀❥❈┉••●

ذبلانه العيون اليوم.. لام عباس راعي الزود
هاي الربت الشجعان. وبيهم كل عزم مشدود
الليلة تغمض العينين تنادين وين راعي الجود

مهظومه ودمعة سال
رادت يحضر الكفال
عل متنة النعش ينشال
يوسد امة ابو الغيرة.. راعي العزم والاحساس

✍الشاعره رماد الخيام
●┉❈❥ًً❀•••••••●•••••••❀❥❈┉••●

كل اولادي هذا اليوم اتمنى يحضروني
وابوجود البطل عباس واخوانه يشيعوني
ادري غصبن اعليهم ولدي وحدي عافوني

بيهم تعبي ابد ماراح
راحوا وانه كلبي ارتاح
لاخوهم قدمو الارواح
ضحى ابروحه ابو فاضل ولا خلى الخدر ينجاس

. ✍🏻الشاعره أم زهراء الزيداويه البصراويه
●┉❈❥ًً❀•••••••●•••••••❀❥❈┉••●

تريد اولادها يحضرون لجنازه يشيلوها
ولدها مالفو ليها غربه الي يشيعوها
ماتدري العزيزه اليوم. بنيها مايحضروها

لاجل حسين ضحتهم
ماكو مثل غيرتهم
طيب ووفه غذتهم
هيه منبع الطيبه وبيهم زرعت النوماس

✍🏻الشاعره ام كرار الزينبيه
●┉❈❥ًً❀•••••••●•••••••❀❥❈┉••●

نعشي اعله المتن ينشال والگبري يوصلوني
ردت عباس واخوانه.. همه الي يدفنوني
وعليه الفاتحه يقرون وكل جمعه يزورنـي

يحضروني الولد ياريت
يشيعون امهم اتمنيت
الفگدهم دم دمع هليت
يا وسفه الدهر خوان. ولاهم ولية الارجاس

✍️ خادمة السيده رقيه ع الشاعره سهام المالكي
●┉❈❥ًً❀•••••••●•••••••❀❥❈┉••●

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

26 January 2021 09:04

اللهم صل على محمد وال محمد

وزن نصاري.
قصيده لسفرة ام البنين ع....
...............🍃.................
.......................

• سفره انذرنه الج يابت الاحياد•
•اجينه المجلسج ونطلب مراد•
نعم بت الميامين•
كل حاضر تفرحين•
•عليج اقسم يحره ببو السجاد•
❥✿•┈┈┈• • ★{★ • •┈┈┈•✿❥

حضرنه سفرتج وتهمل العين
تجبرين الخواطر يام البنين
مهظومين مولاتي المحبين
عليج بنحر الحسين
كل حاضر تفرحين
بيج اطوف روحي والعشكَ زاد


. ✍🏻الشاعره مريم العبوديه اسيرة الاحزان💔
❥✿•┈┈┈• • ★{★ • •┈┈┈•✿❥

سفره امجربه تقضي الحاجات
متعنين الج يم الكلافات
مهظومين مولاتي ومريضات
تجري دمعة العين
كل حاظر تفرحين
احلفنج اجيت بجاه الاولاد

. ✍🏻.. الشاعره ام علي الاماره
❥✿•┈┈┈• • ★{★ • •┈┈┈•✿❥

أجيت السفرتج والقلب ذايب
اجيت امحمله اهموم ومصايب
من هذا الوكت شفت العجايب
بكل شِده تحظرين
كل حاضر تفرحين
حلي شدتي بيه اللالم زاد

. ✍🏻.. أزهار جبار الجياشي
❥✿•┈┈┈• • ★{★ • •┈┈┈•✿❥

يمولاتي أجيتج أشكي الحال
نخيتج والدمع من الهظم سال
مريضه أو حالتي أتفطر الدلال
كريمه وماتردين
كل حاضر تفرحين
تعبني المرض والـدوه مافاد

. ✍🏻.. الشاعره سهام المالكي
❥✿•┈┈┈• • ★{★ • •┈┈┈•✿❥

ماخاب الندب بسمج يحره
اجينه السفرتج نلطم ونقره
عدنه هموم يامولاتي نظره
صحنه يام البنين
كل حاير تجبرين
جيت اتوسلج ابجاه الاسياد

.✍🏻.. الشاعره. رماد الخيام
❥✿•┈┈┈• • ★{★ • •┈┈┈•✿❥

عقدنه مجلس بخالص النیه
اجیت اشکيلچ اهموم العلیه
طلبنه امراد منچ هالمسيه
بروحي زاد الونين
نظره منج الحين
بجاه الظل طريح بارض الوهاد

. ✍🏻.. الشاعره ام یحیی العبودیه
❥✿•┈┈┈• • ★{★ • •┈┈┈•✿❥


تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

24 January 2021 14:53

⬛ *مقدمه مجلس..* ⬛

*لمولاتي أم البنين عليها السلام


مقدمه الستهلاليه

صل الله عليك يا سيدي و يا مولاي يا رسول الله و على آلِك المظلومين ..
صل الله عليك و على بضعتك الطاهره المظلومه فاطمه الزهراء عليها السلام


" لا حول ولا قوة ألا بالله العلي العظيم
وسيعلم الذين ظلموا آل محمدٍ أيَ منقلبٍ ينقلبون و العاقبةُ للمتقين
✍*


انا لله وانا اليه راجعون الف لاحول ولاقوه اله بالله العلي العظيم ياشيعه ياموالين روي عن بشر ابن حذلم انه قال
لما قربنا من المدينه نزل علي بن الحسين (ع) وضرب رحله وقرب فسطاطه وأنزل نسائه وقال: يا بشر رحم الله أباك لقد كان شاعرا فهل تقدر على شيء منه؟ فقلت: بلى يا ابن رسول الله إني لشاعر فقال (ع): ادخل المدينة وانع أبا عبد الله، قال بشر: فركبت فرسي وركضت حتى دخلت المدينة، فلما بلغت مسجد النبي (ص) رفعت صوتي بالبكاء، فأنشأت أقول:

يا أهل يثرب لا مُقامَ لكم بها
قُتل  الحسينُ فأدمعي مدرارُ
الجسمُ  منه بكربلاء مضرَّجٌ
والرأسُ منه على القناة يُدارُ

: ثم قلت: هذا علي بن الحسين (ع) مع عماته وأخواته، قد حلوا بساحتكم، ونزلوا بفنائكم، وأنا رسوله إليكم، وأعرِّفكم مكانه، قال: فما بقيت في المدينة مخدرة ولا محجبة، إلا برزن من خدروهن ضاربات خدودهن، يدعون بالويل والثبور، فلم أر باكيا أكثر من ذلك اليوم، ولا يوما أمر على المسلمين منه.

ومن جملة من خرج من المخدرات ام البدور السواطع المفجوعه بااربع بدور من ابطال كربله زوجة أمير المؤمنين (ع) أم البنين، خرجت وعلى كتفها طفل العباس (ع) حتى دنت من بشر، فأخذت تسأله عن الحسين، وهو يجيبها عن أولادها الأربعة، وهو يقول لها: عظم الله لك الأجر بولدك جعفر، فقالت أخبرني عن ولدي الحسين، قال: عظم الله لك الأجر بولدك عبد الله، وهي تقول: أخبرني عن ولدي الحسين، قال: عظم الله لك الأجر بولدك عثمان، وقالت يا بني أخبرني عن ولدي الحسين، قال: عظم الله لك الأجر بولدك أبي الفضل العباس، فلما سمعت بذكر أبي الفضل العباس وضعت يدها على قلبها ثم قالت: يا ابن حذلم لقد قطعت نياط قلبي أخبرتني بقتل أولادي الأربعة ولكن يا ابن حذلم إعلم إن أولادي وجميع من تحت السماء فداء لأبي عبد الله الحسين، يا ابن حذلم أخبرني عن الحسين.
عند ذلك قال: يا أم البنين عظم الله لك الأجر بالحسين فلقد خلفناه بأرض كربلاء جثة بلا راس فصاحت وا ولداااه وا حسيناااه

مجرد
اويلي لــون سمعت ابن حذلم
تڰل لعيونها صبۑ الــدمع دم
حبيب الروح فارڱته المشيم

تكله يا بــشر ڰلـبي ڰطعته
لاتڰـــلي ائيس من رجـعته
شلون اتحمل وليدي فرڰته

ضـحيت لجله اربعه ابنين
بس كون سالم يرد احسين
وبشوفته يكحل لي العين

أوف يمه يالولي يمــه

وهنآ كأني با أم البنين تخاطب الحسين عليه السلام


نعي كرناوي

تانيتك ترد يحسين للدار
وافرح يالولي يمه أبجيتك
هالغيبه تطول يبني مااريد
تدري بيه مااحمل فركتك

فديت الولد الك ياماي عيناي
وسالم ترد بـس انــته ردتك
گلبي أخلافك يضل. مـجروح
وتضل بـالروح مستعره جمرتك

ابوذيه

رجع حادي الضعن وحسين. مارد
عگــبه العمر. ياهــــالناس. مـــارد
فراڰك يبو السجاد للگلب. مــــارد
ونبني اعليك آنه صبح ومسيه
😭😭😭😭😭😭😭😭

تــــمت بعون الله تعالى
بقــــ✍🏻لم خـادمات اهل البيت عليهم السلام
الشـــاعره سهام المـــالكــي
والشاعره زهراء الحربي
لاأنجيز حذف الأسماء
نسالكم الدعاء بتعجيل الفرج لصاحب الزمان ((عج ))
/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

23 January 2021 19:24

# قصيده بحق ام البنين عليها السلام
تقرا بطور ثلاث دگات وباطوار اخرى

🖊📔

أم البنين إتريد. وكــت المنيه
يحضرهه العباس وحسين اخيه

◐◐◐◐◐◐◐◐◐◐◐◐◐◐◐◐◐◐◐
بااخــر الأنفاس رادت يحضــرون
أحسين والعباس أيغمضون العيون
ونعش الحنينه أمهم همه اليشيلون
اعله الدرب هل. ضلت العــين ربيه

◐◐◐◐◐◐◐◐◐◐◐◐◐◐◐◐◐◐◐
اتمنت الولاد يحضــروهه الليله
أتريد النعش بيده الكافل يشــيله
اعليهه يون وينوح والمدمع يسيله
مـحد اجه ليـهه من أهــل الحمــيه

◐◐◐◐◐◐◐◐◐◐◐◐◐◐◐◐◐◐◐
تبجي على الوليان الراحو ضحايه
وسفه الدهر خوان بهـــل الحــمايه
ونامو على التربان بحضان المنايه
ويالوعة المــظلوم. اعظـــم. رزيــه
◐◐◐◐◐◐◐◐◐◐◐◐◐◐◐◐◐◐◐

يالوعة المظلوم أتــذَوب ألدلِيـل
اتون عل امصابه ومصاب ألكفيل
فجعوهه العدوان وهدموا ألحيل
وضل الولي ياحيف اعــله الوطيه
◐◐◐◐◐◐◐◐◐◐◐◐◐◐◐◐◐◐◐

صاب السهم عيناه راعي الكفاله
وبكربله أخلافه أمحيره اعياله
تون وتنوح اعليه من تذكر دلاله
زينب بعده اتروح للطاغي هديه

◐◐◐◐◐◐◐◐◐◐◐◐◐◐◐◐◐◐◐
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام المـــالكــي
لا أجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

18 February 2021 16:43

- الليلة هي الرَغائِب
ليلة تُرفع فيها الايادي نَحوَ السماء ،
مُحْملة بـ ثقلٍ من هُموم الدُّنيا وغبار الذنوب،
تُبصـر نَحو السماء ،
والأجفان مُڪتظة بـ الدموع الحارقة
أجواف أرواحِنا تصرُخ ، رُّحماك اللهم رُحماك 🕊"
- لا تنسونا من نقاء دعواتڪم💗"

خادمة السيده رقيه بنت الامام الحسين ( ع) الشاعرة سهام المالكي

16 February 2021 05:41

​❀•┈┈•💔•┈┈•❀​
​┊　┊　☟
​┊　☟ 🥀
☟ 🥀
​🥀

هاي اصوات الشيعة تنادي
مظلوم ومسموم الهـــادي

مأجورين يا شيعة الهادي

....💔💔...💔💔.......
💔........💔........💔...
💔.....................💔...
...💔...............💔......
........💔.....💔...........
.............💔...............
​❀•┈┈•💔•┈┈•❀​
​┊　┊　☟
​┊　☟ 🥀
☟ 🥀
​🥀

💔هي عينيَ ناحت وفؤادي
يتقطّعُ لمصابِ الهادي
قد أنّى الصخرُ لبلواهُ
جمرةُ أحزانـي تنعاهُ

⚫️ عظّم الله أجورنا وأجوركم بذكرى شهادة إمامنا الهادي عليه السلام
في الثالث من شهر رجب

....💔💔...💔💔.......
💔........💔........💔...
💔.....................💔...
...💔...............💔......
........💔.....💔...........
.............💔...............
​❀•┈┈•💔•┈┈•❀​
​┊　┊　☟
​┊　☟ 🥀
☟ 🥀
​🥀


آنه الزهره و أبويه النبي الهادي
و حـزنـي يا خلگ ما يوم هادي
و تـجـدد حين سمّوا علي الهادي
إنلچم ضلعي و ذكرت اشصار بيّه

مـا أنـصـف ويّاي الدّهر مره
و لا طـاري الفرح عالروح مره
ذبـح ولـدي و سقاه اسموم مره
و عـلـي الهادي مصابه شعل بيه

عظّم الله اجورنا وأجوركم

....💔💔...💔💔.......
💔........💔........💔...
💔.....................💔...
...💔...............💔....

خادمة السيده رقيه بنت الامام الحسين ( ع) الشاعرة سهام المالكي

14 February 2021 06:28

اللهم صل على محمد وال محمد

خادمة السيده رقيه بنت الامام الحسين ( ع) الشاعرة سهام المالكي

12 February 2021 12:08

قصيده للسيده زينب عليها السلام

وزِّنِ أّلَبِنِدِ


ابديره اجنبيه ماتت يلسبيه

علي السجاد يمها يبجي ابفكد ابيه

¤========¤☆¤========¤
ونيتي يعمه ردتي ابو اليمه

يجيب اوياه امه تغسلج الزجيه


✍️ أم علي الصالحي
¤========¤☆¤========¤

بگت املاك تنـعه،،،،،تــهل الیوم دمـعه
حضرتهه البضعه،،،وحضر حامی الحمیه

✍️ أم،مهدی امجدم

¤========¤☆¤========¤

بالغربه تموتين رادت يحضرحسين
عليه دير بالعين. والونه خفيه

✍️أم هاجر الشريفي

¤========¤☆¤========¤
اريدنه يجيني ؛؛؛؛؛ويسكن لي انيني
زايدله حنيني ::::يا هظم العليه

✍️أم مصطفى ناصريه
¤========¤☆¤========¤

ياعمه تندبين. مضهومه وتونين
لاخوانج تريدين . والدمعه جريه

✍️ سهام المالكي
¤========¤☆¤========¤
والفركه عمتني ،، سنين وماشفتني،،
تحضرها دفنتي وعالج بالمنيه

ب✍️ام علي المالكي

¤========¤☆¤=====
تمت القصيده بعون الله تعالى بأقلام شاعرات رابطة ساقي عطاشى كربلاء
بأشراف هادي المغيطي والعلويه ام رقيه الموسوي
/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

09 February 2021 21:58

نعي لمولاتي أم البنين (عليها السلام) لطلب قضاء الحوائج وشفاء المرضى
🖊️🖊️
✦•━•━••━•🍫•━•━•━•✦

تعنيتچ ابحاجتي يم البنين
نخيتچ وادري لا ماتقصرين
والكل عليل انتي تشافين

✦•━•━••━•🍫•━•━•━•✦

مهظوم الگلب الليله ننعناچ
يم عباس وبحسرات ننخاچ
بالشدات واتحضرين ردناچ

✦•━•━••━•🍫•━•━•━•✦

ردنه وگفتــچ يم الكــلافات
نحلفچ بالگضه فوگ المسنات
واخيته الباتت ابنص الخرابات

✦•━•━••━•🍫•━•━•━•✦

عليچ ابزينب الظلت غريبـه
وام الحسن الزهره النجيبه
نريد الشفه من ايدچ الطِيبه

✦•━•━••━•🍫•━•━•━•✦

علينه اهموم يم عباس كثره
ننخاچ ودمع مولاتي يجره
الحوائج تنگضي بيدچ يحره

✦•━•━••━•🍫•━•━•━•✦

اي يم الوفه والطيب معروفه
وبالحاجات ام عباس موصوفه
ماتردين الاجالچ خاليه اچفوفه

✦•━•━••━•🍫•━•━•━•✦

كلمن يگصـدچ ما تردينـه
مگضيه الحاجه وتبشرينه
ملهـوفين مـدينـه اديـنـه

✦•━•━••━•✦🍫✦•━•━•━•✦

مدينه ادينه نريد عونه
وكل ضيج انتم تحلونه
والطايح ابشده تعينونه

✦•━•━••━•✦🍫✦•━•━•━•✦
تــــمت بقــــ✍🏻لم خادمات أهل البيت عليهم السلام
✍🏻الشـــاعره ام علي الحلفي
✍🏻الشــاعره سهـام المـالكـي
لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))
/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

08 February 2021 17:31

قصيده لمولاتي زينب عليها السلام
بحر الطويل *

يطارش كربله وياك... من توصل لخوي احسين
خبره زينب بحيره...لوحدها وتدير العين
❥━──➸➽❥❂❥━──➸➽
اوصل كبر اخوي حسين. كله بعجل يلفيني
وياه الكفل خدري. ويجي ابرايته ايغطيني
يحمل جوده بمتونه. ومنه الماي يرويني
وريد اجفوف ابو فاضل هنه يغمضن عيني
وبكبري ينزلوني النشامه إخوِتِي الطيبين
.✍🏻الشاعره ازهار جبار الجياشي
❥━──➸➽❥❂❥━──➸➽
وصيه احملها بالآلام يم حسين خليها
كله زينب بهاليوم الأجل هالطايف اعليها
من لوعة مصاب الطف ياحيل اليظل بيها
خرابه ومعوله الاحزان صدى الاهات ينعيها
الدمع ينزل مثل ناعور وبيه الجمره من صوبين

. ✍🏻الشاعره مريم العبوديه اسيرة الاحزان 💔
❥━──➸➽❥❂❥━──➸➽
گلهم زينب بهل يوم رادت وگفت الاخوان
عذبها الدهر يا حيف وتحالف مع العدوان
وهسه النعش بالغربه وبعازة گمر عدنان
يشيل جنازتي بيده راعي الخيل والجيمان
وينصب جادري ويقره عليه الفاتحه وياسين (يس)

.✍🏻الشاعره خادمة الزهراء ليلى زغيب
❥━──➸➽❥❂❥━──➸➽
بحزان والم هاليوم تجي اخوانها وتنعه
تحضرها النشامه بساع عالخد تجري الدمعه
هاي ام الحزن زينب امهه فاطمه البضعه
كضت كل عمرها اهات وذابت وبمثل شمعه
تموت بحسرت الدلال زينب دولباها البين

✍🏻الشاعره مريم الحجيمي
❥━──➸➽❥❂❥━──➸➽
دمعي ادموم يتجاره يطارش خبر الوليان
گلبي ماطفت ناره من كثر الهظم خلصان
بروحي مكسره العبره ونادي ولدمع نهران
ريت الساعه يلفوني حسيني ولكمر عدنان

يحفرون الحد هاليوم ويوسدوني بدمع وونين

.✍🏻 خادمة السيده رقيه ع الشاعره سهام المالكي
❥━──➸➽❥❂❥━──➸➽
حزينه وفاكدة اخواني يهل دمعي على خدي
اريدنهم يحظروني وبديهم ينحفر لحدي
مطروح النعش ظليت لاخواني لا ولدي
يطارش روح كللهم انازع منمرد جبدي

ردتهم لو لفاني لموت همه ايغمضون العين
. ✍🏻الشاعرة ام یحیی العبودية
❥━──➸➽❥❂❥━──➸➽
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔

نسألكم الدعاء
بتعجيل الفرج لصاحب الزمان (( ع))

┈•┈┈★•$ ✿ $••★┈┈•
/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

05 February 2021 07:46

‏
*💚ابدأ صباحـــــك 🌤بدعــــــاء الفـــــــرج ..💚*

*فـــــأن في ذلك فرجكـــــــم✨*


*✨ دعاء 💚 الفرج✨*

*✨💚 آلَلَهّـمً کْنِ لَوٌلَيکْ آلَحًجّـةّ آبًنِ آلَحًسِـنِ صّـلَوٌآتٌـکْ عٌلَيهّ وٌعٌلَﮯ آبًآئهّ فُـي هّـذِهّ آلَسِـآعٌةّ وٌ فُـي کْلَ سِـآعٌةّ وٌلَيآ وٌحًآفُـظُآ وٌقُآئدٍآ وٌنِآصّـرآ وٌدٍلَيلَآ وٌعٌينِآ حًتٌـﮯ تٌـسِـکْنِهّ أرضًـکْ طِوٌعٌآ وٌتٌـمًتٌـعٌهّ فُـيهّـآ طِوٌيلَآ بًرحًمًتٌـکْ يآ أرحًمً آلَرآحًمًينِ✨💚*

*✋🏻 آلَسِـلَآمً عٌلَﮯ بًقُيةّ آلَلَه*

*آلَمًهّـدٍي*

*✋🏻 آلَسِـلَآمً عٌلَيکْ يآ حًجّـةّ الله✨*

خادمة السيده رقيه بنت الامام الحسين ( ع) الشاعرة سهام المالكي

02 February 2021 20:00

نرفع اسمى ايات التهاني والتبريكات لمقام مولانا صاحب العصر والزمان (عجل الله تعالى فرجه الشريف) ولمراجعنا العظام والى جميع المؤمنين والمؤمنات بذكرى مولد سيدة نساء العالمين من الاولين والاخرين فاطمة الزهراء (عليها السلام) رزقنا الله تعالى في الدنيا زيارتها وفي الاخرة شفاعتها انه سميع مجيب… وكل عام وأنتم بخير🌹🌹🌹🌺🌺🌺🎂🎂🎊🎊🎊 .

خادمة السيده رقيه بنت الامام الحسين ( ع) الشاعرة سهام المالكي

31 January 2021 09:45

# قصيده بحق السيده رقيه عليها السلام


*خويه لو تنشد رقيه وينهه*
*ماتت وبل الشام أمخلينهه*
❥✿•┈┈┈• • ★{★ • •┈┈┈•✿❥

خويه من شافت رقيه النحر
ونت أعليه الگلب منهه نفطر
بويه نادت ولدمع كت المطر
بعد عينك ظلمه كل سنينهه

خويه لو تنشد رقيه وينــهه
❥✿•┈┈┈• • ★{★ • •┈┈┈•✿❥

طفله فجعوهه أبراسك يالولي
وبالخرابه. والدمع منهه يهلـي
تبجــي. أبعبـره وتنادي ردلي
عليك ماهود يخويه ونــينهه

خويه لو تنشد رقيه. ويـنــهه
❥✿•┈┈┈• • ★{★ • •┈┈┈•✿❥

ونت بليل الحزن ذك الطــويل
عله نحرك دمعت العين وتسيل
من شفته هدمت مني الحيل
ماتت الطفله. ودمعهه بعــينهه

خويه لو تنشد رقيه وينــهه
❥✿•┈┈┈• • ★{★ • •┈┈┈•✿❥

خويه أدفنهه بغرب ولهم سره
يامصاب أحمل أنه من الجـره
بعد عينك خويه حيره محيره
وروحي بسهام العده أمصوبينهه

خويه لو تنشد رقيه وينــهه
❥✿•┈┈┈• • ★{★ • •┈┈┈•✿❥

ظل علي السجاد معلول ويون
ينادي ياعمه. نحل مني المتـن
يوم شفت رقيه غمضت الجفن
دنيــه دارت بــيه أموازينـهه

خويه لو تنشد رقيه وينــهه
❥✿•┈┈┈• • ★{★ • •┈┈┈•✿❥

تــــمت بعون الله تعالى
بقــــ✍🏻لم خـادمة السيده رقيه عليها السلام
✍🏻الشـــاعره سهام المـــالكــي
نسالكم الدعاء بتعجيل الفرج لصاحب الزمان ( عج )
/channel/ssrgk

خادمة السيده رقيه بنت الامام الحسين ( ع) الشاعرة سهام المالكي

29 January 2021 04:49

حبيبي يا أبا صالح ...

💌سأرسل شوقي نحوك.. يقبل قدميك..
يسلم على سجداتك.. ويصغي لترتيل دعواتك .. ويراااك. ويسرق من قدسك راحة ...
ثم يعود يزرعها في حنيني. فيغفو فرحا" ...
ويعود شوقي إلى مقلتي حاملا" عشقا" من عشقك ..
فأخبئه بقلبي وأنتظر تلك الصرخة التي تهز عرش السماوات واﻷرض ...

سيدي ذابت القلوب💔 .. وعميت العيون😭 ... لشوق اللقاء . يا ابن الاتقياء

#اللهمّ_عجل_لوليك_الفرج ..

#أسعد_الله_صباحكم_بنور_مهدينا☘

خادمة السيده رقيه بنت الامام الحسين ( ع) الشاعرة سهام المالكي

28 January 2021 15:18

‏┈┉┅━❁┋🖤🖤┋❁━┅┉┈
​
┊┊
┊❁
❁

ليلة الجمعه ..
إشمَلوا أرواحَنا بـ طُهر دعائكم ،
لعلكم إلى الله أقربَ ..🌷🕊

‏┈┉┅━❁┋🖤🖤┋❁━┅┉┈

خادمة السيده رقيه بنت الامام الحسين ( ع) الشاعرة سهام المالكي

26 January 2021 14:47

قناة الحجيه ام علي البصره احزان العترة الطاهرة
قناة خادمة ال البيت الحجيه ام علي البصره
لانجيز حذف اسم الحجيه ام علي من قصائدها غير مبرء للذمه
/channel/ahzan2018

نعي ل ام البنين عليها السلام
=========

يوم المنيه الروح حنت

لذيج الشباب وعيني صبت

ماجنها امكم يمه ربت
.............😭

ربيتكم للعازه للموت

وجتافكم يرفع التابوت

ثاري الولد للضيج منعوت

............😭

حلات النعش وبجتف عباس

يزتني للكبر ويدك على الراس

خاب اضنوني هنا يهلناس

...........😭

رتك ييمه بيوم عازه

علجتافك اتشيل الجنازه

دهري على موتك توازه

..............😭

رتك انه لنعشي تشيلون

منكب وطالع بس العيون

يافركة الويلاد متهون

............😭

يمه تراني مهدمه الحيل

ويكثر ونيني تالي الليل

مكسورة كلب ودموعي اتسيل

............😭

عمري كضه عثره على عثره

من يومها ساعة الطبره

كلبي انكسر ياهو اليجبره

.............😭

عيني على درب اليمرون

بلجن الي غياب يلفون

خلص ييمه ماي العيون

............😭

يمه راح العمر والحيل مهدوم

ومابيه اشيلن ذني الهدوم

كلبي عليكم يمه مالوم

.............😭

جمدوب يمه لدربك انطُر

تراني وداعتك للظيم مكدر

وروحي تره وداعت الخيّر

=========
خادمة ال البيت الحجيه ام علي البصره

خادمة السيده رقيه بنت الامام الحسين ( ع) الشاعرة سهام المالكي

26 January 2021 04:35

*🚩زِّيــآرةّ آم آلَبــنــيــن{عليهاالسلام}🚩*

*أَشهَدُ أَن لا إلهَ إلا الله وَحدَهُ لاشَرِيكَ لَهُ، وَأَشهَدُ أنَّ مُحَمَّدَاً عَبدُهُ وَرَسُولُهُ، السَّلامُ عَلَيكَ يَا رَسُولَ الله، السَّلامُ عَلَيكَ يَا أَمِيرَ الُمؤمِنين، السَّلامُ عَلَيكِ يَا فَاطِمَةَ الزَّهرَاءِ سَيِّدَةِ نِسَاءِ العَالَمِين، السَّلامُ عَلَى الحَسَنِ وَالحُسَينِ سَيِّدي شَبَابِ أَهلِ الجَنَّة، السَّلامُ عَلَيكِ يَازَوجَةَ وَصِيِّ رَسَولِ الله، السَّلامُ عَلَيكِ يَا عَزِيزَةَ الزَّهرَاءِ عَلَيهَا السَّلام، السَّلامُ عَلَيكِ يَا أُمَّ البُدُورِ السَّوَاطِع فَاطِمَةَ بِنت حزَام الكلابيّة، المُلَقَّبةُ بِأُمّ البَنِين وَبَاب الحَوَائِج، أُشهِدُ اللهَ وَرَسُولهُ أَنَّكِ جَاهَدتِ في سَبِيلِ اللهِ، إِذ ضَحّيتِ بِأَولَادَكِ دُونَ الحُسَين بنَ بِنتِ رَسُولِ الله، وَعَبَدتِ اللهَ مُخلِصَةً لَهُ الدِّين بِولائكِ لِلأَئِمَّةِ المَعصُومِين عَلَيهمُ السَّلام، وَصَبَرتِ عَلَى تِلكَ الرَزيَّةِ العَظِيمَةِ، وَاحتَسَبتِ ذَلِكَ عِندَ الله رَبّ العَالَمين، وَآزَرتِ الإمَامَ عَليَّاً في المِحَنِ وَالشَّدَائِدِ وَالمَصَائِب، وَكُنتِ في قِمَّةِ الطَّاعَةِ وَالوَفَاء، وَأنَّكِ أَحسَنتِ الكَفَالَة وَأَدَّيتِ الأَمَانَة الكُبرى في حِفظِ وَديعَتَي الزَّهرَاء البَتُول الحَسَنِ وَالحُسَينِ وَبَالَغتِ وَآثَرتِ وَرَعَيتِ حُجَجَ اللهِ المَيَامِين، وَرَغبتِ في صِلَةِ أَبنَاء رَسُولِ رَبِّ العَالَمين، عَارِفَةً بِحَقِّهِم، مُؤمِنَةً بِصِدقِهِم، مُشفِقَةً عَلَيهِم، مُؤثِرَةً هَوَاهُم وَحُبَّهُم عَلَى أَولَادكِ السُّعَدَاء، فَسَلامُ اللهِ عَلَيكِ يَا سَيِّدَتي يَا أُمَّ البَنِين مَا دَجَى الَّليلُ وَغَسَق، وَأَضَاءَ النَّهَارُ وَأَشرَق، وَسَقَاكِ الله مِن رَحِيقٍ مَختُومٍ، يَومَ لايَنفَعُ مَالٌ وَلابَنُون، فَصِرتِ قدوَةً لِلمُؤمِنَاتِ الصَّالِحَاتِ، لأَنَّكِ كَرِيمَة الخَلائِق، عَالِمَةً مُعَلَّمَةً، نَقيَّةً زَكِيَّةً، فَرَضِيَ اللهُ عَنكِ وَأَرضَاكِ، وَلَقَد أَعطَاكِ اللهُ مِن الكَرَامَات البَاهِرَات، حَتَّى أَصبَحتِ بِطَاعَتكِ لله وَلِوَصيِّ الأَوصِيَاء وَحُبّك لِسَيِّدَة النِّسَاء الزَّهرَاءِ، وَفِدَائكِ أَولادكِ الأَربَعَة لِسَيِّدِ الشُّهَدَاء بَابَاً لِلحَوَائِج، فاشفَعِي لِي عِندَ الله بِغُفرَانِ ذُنُوبِي وَكَشفِ ضُرِّي وَقَضَاءِ حَوَائِجِي، فَإنَّ لَكِ عِندَ اللهِ شَأنَاً وَجَاهَاً مَحمُودَاً، وَالسَّلامُ عَلَى أَولَادكِ الشُّهَدَاء، العَبَّاس قَمَرُ بَنِي هَاشِم وبَاب الحَوَائِج، وَعَبد الله وَعُثمَان وَجَعفَر، الَّذِينَ استُشهِدُوا في نُصرَةِ الحُسَينِ بِكَربَلاء، وَالسَّلامُ عَلَى ابنَتكِ الدُّرَّة الزَّاهِرَة الطَّاهِرَة الرَّضيَّة خَدِيجَة، فَجَزَاكِ اللهُ وَجزَاهُم الله جَنَّاتٍ تَجرِي مِن تَحتِهَا الأَنهَارُ خَالِدِينَ فيهَا،*
*اللهُمَّ صَلِّ عَلَى مُحَمَّدٍ وَآلِ مُحَمَّدٍ.*

ادخيلج ياام البنين 🚩

خادمة السيده رقيه بنت الامام الحسين ( ع) الشاعرة سهام المالكي

24 January 2021 04:05

*أين تمضي في ليالي البرد والليل قرينك..؟ سيِّدي، في أيّ أرضٍ يا تُرى؟ في أيّ حال؟ دافئٌ؟ أم لامس البرد جبينك؟*

*#ياصاحب_الزمان #يا مهدي*

خادمة السيده رقيه بنت الامام الحسين ( ع) الشاعرة سهام المالكي

22 January 2021 23:21

📔أللهم.عجل الوليك الفرج
#فزاعيه ورباط هوسه للسيده شريفه عليه السلام
✏

شريفه روحي ونخيهه // وللحله تعنيهه

هاي أم الكرم هايه
للحاجات گضايه
انخيهه وعگدي الرايه

الحاجه العدج // تگضيهه

▪▪▪▪▪▪▪

لوعندج جثيره اجروح
بس انخي شريفه اتروح
متخلي الحمل مطروح

وهمومج يمهه / اشكيهه

▪▪▪▪▪▪▪

المرضى الحايره بيهه
على العلويه. دخليهه
والهه الحاله اشكيهه

العله الصعبه // تشافيهه

▪▪▪▪▪▪▪

الراح بخالص النيه
ونخاها الماله ذريه
وتگر عينه العلويه

وسرت گلبه/ المضلومه

▪▪▪▪▪▪▪

التعنه والگلب ملهوف
وندبهه والدمع مذروف
رجع وبرايته انشوف

يتشكر منهه // المهيوبه

▪▪▪▪▪▪▪

تمت والحمد لله
✍ خادمة السيده رقيه عليها السلام الشاعره سهام المالكي
❌غير مبري الذمه من يحذف الإسم ❌
نسألكم الدعاء لي والوالدي

/channel/ssrgk